Upload
others
View
1
Download
0
Embed Size (px)
Citation preview
Kartleggingsprøve i engelsk for 3. trinn – Veiledning til lærere Side 1 av 21
Kartleggingsprøve i engelsk
3. trinn
Rettleiing til lærarar
Nynorsk januar 2016
Kartleggingsprøve i engelsk for 3. trinn – Veiledning til lærere Side 2 av 21
INNHALD
1 OM PRØVA ................................................................................................................................ 3
1.1 Bekymringsgrense ............................................................................................................ 4
DEL 2 OM KARTLEGGINGSPRØVA I ENGELSK .......................................................................... 6
2.1 Kva måler kartleggingsprøva i engelsk for 3. årstrinn? ................................................. 6
2.2 Forstå enkle instruksjonar gitt på engelsk ...................................................................... 7
2.3 Forstå nokre engelske ord, uttrykk og setningsmønster ............................................... 8
2.4 Skrive nokre godt kjende engelske ord ........................................................................... 8
2.5 Sjå samanhengen mellom skriftleg og munnleg form ................................................... 8
DEL 3 KORLEIS BRUKE RESULTATA SOM GRUNNLAG FOR VIDARE LÆRING ........................ 9
3.1 Fire prinsipp for undervegsvurdering .............................................................................. 9
3.1.1 Elevane skal forstå kva dei skal lære, og kva som er forventa av dei ................... 9
3.1.2 Gi tilbakemeldingar og råd om vegen vidare ........................................................... 9
3.1.3 Involver elevane ........................................................................................................ 9
DEL 4 SLIK GJENNOMFØRER DU ............................................................................................. 10
4.1 Før prøva ......................................................................................................................... 10
4.2 Under gjennomføringa .................................................................................................... 11
DEL 5 ETTER PRØVA .................................................................................................................. 13
5.1 Her finn du resultata ...................................................................................................... 13
5.2 Generelle råd om korleis prøveresultata kan tolkast ................................................... 13
5. 3 Elevar under bekymringsgrensa på lytteprøva ............................................................ 14
5.4 Elevar under bekymringsgrensa på leseprøva ............................................................. 15
5.5 Oppfølging av resultata i lærarteamet .......................................................................... 18
DEL 6 SKOLELEIAREN SITT ANSVAR ........................................................................................ 19
DEL 7 TIPS TIL INFORMASJON OG AKTUELLE RESSURSAR ................................................... 20
Kartleggingsprøve i engelsk for 3. trinn – Veiledning til lærere Side 3 av 21
1 OM PRØVA Rettleiinga er for deg som har elevar som skal gjennomføre kartleggingsprøve i engelsk på
3. trinn. Ho inneheld råd og informasjon om kva som bør gjerast før, under og etter at
prøva er gjennomført. Den siste delen handlar om korleis resultata kan brukast til vidare
oppfølging av elevar som skårar under ei bekymringsgrense. Du kan lese meir om prøva på
Utdanningsdirektoratets nettsider (http://www.udir.no/Vurdering/Kartlegging-gs/).
OM KARTLEGGINGSPRØVER
Kva er formålet med prøva?
Kartleggingsprøver skal avdekkje om det er elevar som ikkje har tileigna seg nødvendige
ferdigheiter i begynnaropplæringa. Resultata frå prøva skal hjelpe lærarane og skoleleiinga
med å finne elevar som ligg under ei bekymringsgrense, og som treng ekstra oppfølging.
Informasjonen frå prøva må ein sjå i samanheng med annan informasjon om eleven som
skolen har tilgang til. Dersom prøveresultata til ein elev viser at eleven har manglande
omgrepsforståing og/eller ferdigheiter, kan det vere behov for vidare kartlegging før eleven
får ekstra oppfølging.
Kva måler kartleggingsprøver?
Kartleggingsprøver undersøkjer om det er enkeltelevar som treng ekstra oppfølging og
tilrettelegging i opplæringa. Prøva består av mange lette oppgåver og gir derfor lite
informasjon om dei elevane som får til alle eller nesten alle oppgåvene. Det einaste vi kan
seie om dei elevane som får til mykje eller alt på prøva, er at dei har eit godt nok grunnlag for
vidare læring, men vi veit lite om kor mykje dei eigentleg kan. På denne måten skil
kartleggingsprøver seg frå nasjonale prøver, som også inneheld vanskelege oppgåver og gir
informasjon om elevar på alle nivåa.
Må alle elevar ta prøva?
Dersom skolen har bestemt at dei skal gjennomføre frivillige kartleggingsprøver, er prøva
obligatorisk for alle elevane på det aktuelle trinnet. Elevar som er sjuke på prøvedagen, eller
som har anna fråvær, skal få moglegheit til å ta prøva på eit anna tidspunkt. Informasjon om
fritak er omtalt nærmare i Retningslinjer og rettleiing for skoleeigar og skoleleiar.
Kan elevar få tilrettelegging?
Skolen har ansvaret for at elevar som treng særskild tilrettelegging, også kan gjennomføre
kartleggingsprøva. Tilrettelegging kan for eksempel vere gjennomføring i lita gruppe,
gjennomføring åleine eller med fleire innlagde pausar. Skolen kan ikkje lage eigne ordningar
som kan påverke elevresultata, som for eksempel bruk av hjelpemiddel eller utvida tid for
prøva. Skoleleiaren må vurdere den enkelte elevs behov for spesiell tilrettelegging.
Kven har ansvaret for gjennomføringa av kartleggingsprøver?
Skoleleiaren har det overordna ansvaret for å leggje til rette for at alle elevar deltek på
gjennomføringa.
Kartleggingsprøve i engelsk for 3. trinn – Veiledning til lærere Side 4 av 21
1.1 Bekymringsgrense Formålet med kartleggingsprøva er å finne elevar som treng ekstra oppfølging når det gjeld
å utvikle ferdigheitene i engelsk. Bekymringsgrensa blir rekna ut ved å samanlikne
resultata frå eit representativt utval av elevar ved første gjennomføring av prøva. Grensa
blir bestemt ved at dei svakaste 20 prosentane av elevane på landsbasis har like mange
eller færre poeng enn bekymringsgrensa. Bekymringsgrensene er publiserte på udir.no.
Det kan vere svært ulikt kva for utfordringar elevar som ligg under bekymringsgrensa har.
Derfor må ein sjå resultata til den enkelte eleven i samanheng med annan informasjon om
eleven for å kunne ta avgjerder om vidare arbeid. Foreldra til elevar som treng ekstra
oppfølging, skal informerast om resultata frå prøva og få råd om vegen vidare slik at dei
kan støtte opp om eige barns utvikling av ferdigheiter i engelsk.
Dei aller fleste elevane som blir identifiserte av karteggingsprøva, kan følgjast opp innafor
ramma av tilpassa opplæring. Det vil likevel vere nokre få elevar som bør utgreiast vidare
med tanke på behov for spesialundervisning.
Bekymringsgrensa er ikkje ei absolutt grense. Enkelte elevar som skårar like over
bekymringsgrensa, vil også trenge ekstra oppfølging. I tillegg kan læraren oppleve at ein
elev skårar under eller like ved bekymringsgrensa, samtidig som tidlegare observasjonar
av eleven tyder på noko anna. Det er viktig å støtte seg til annan informasjon ein har om
elevane i den vidare oppfølginga.
Elevane under bekymringsgrensa utgjer ca. 20 % av elevane på landsbasis.
Desse elevane kan trenge ekstra oppfølging for å klare seg vidare i skoleløpet.
Elevane over bekymringsgrensa utgjer ca. 80 % av elevane på landsbasis. Prøva fortel ikkje mykje om desse elevane, fordi ho er laga spesielt for å finne elevane under grensa. NB! Det kan òg vere grunn til å følgje med på elevane rett over bekymringsgrensa.
Bekymringsgrensa
Kartleggingsprøve i engelsk for 3. trinn – Veiledning til lærere Side 5 av 21
Hugs:
Formålet med prøva er å finne ut om det er enkeltelevar som treng ekstra oppfølging.
Elevar under bekymringsgrensa skal følgjast opp vidare.
Du må informere foreldra om resultata på kartleggingsprøva dersom det viser seg at
eleven er under bekymringsgrensa og dermed treng ekstra oppfølging.
Også enkelte elevar som skårer like over bekymringsgrensa, kan trenge vidare
oppfølging.
Resultata til ein elev må ein sjå i samanheng med annan informasjon om eleven.
Kartleggingsprøve i engelsk for 3. trinn – Veiledning til lærere Side 6 av 21
DEL 2 OM KARTLEGGINGSPRØVA I ENGELSK
2.1 Kva måler kartleggingsprøva i engelsk for 3. årstrinn? Alle oppgåvene i denne kartleggingsprøva knyter seg til kompetansemåla i engelsk
kommunikasjon, hovudsakleg for 2. årstrinn, men også med tanke på 4. årstrinn (KL -
06/revidert 2013).
2.1.1 Kva seier læreplanen om engelsk?
Læreplanens kompetansemål for 2. årstrinn seier følgjande:
Muntlig kommunikasjon
lytte etter og bruke engelske språklyder gjennom praktisk-estetiske uttrykksmåter
lytte til og forstå enkle instruksjoner på engelsk
lytte til og forstå ord og uttrykk i engelskspråklige rim, regler, sanger, eventyr og
fortellinger
forstå og bruke noen engelske ord, uttrykk og setningsmønstre knyttet til nære
omgivelser og egne interesser
hilse, stille og svare på enkle spørsmål og bruke noen høflighetsuttrykk
delta i enkle innøvde dialoger og spontane samtaler knyttet til nære omgivelser og
egne opplevelser
bruke tall i samtale om nære omgivelser og egne opplevelser.
Skriftlig kommunikasjon
kjenne igjen sammenhengen mellom noen engelske språklyder og stavemønstre
eksperimentere med å lese og skrive engelske ord, uttrykk og enkle setninger
knyttet til nære omgivelser og egne interesser.
Læreplanens kompetansemål for slutten av 4. årstrinn inkluderer:
Muntlig kommunikasjon
lytte til og forstå betydningen av ord og uttrykk ut fra sammenhengen de er brukt i
forstå og bruke engelske ord, uttrykk og setningsmønstre knyttet til egne behov og
følelser, dagligliv, fritid og interesser
Skriftlig kommunikasjon:
forstå sammenhengen mellom engelske språklyder og bokstaver og trekke lyder
sammen til ord
forstå betydningen av ord og uttrykk ut fra sammenhengen de er brukt i
lese, forstå og skrive engelske ord og uttrykk knyttet til egne behov og følelser,
dagligliv, fritid og interesser
Elevar på 3. trinn som gjennomfører kartleggingsprøva i engelsk, er på veg mot desse
måla, og derfor har dette sammenheng med kva ein kan forvente av eleven.
Kartleggingsprøve i engelsk for 3. trinn – Veiledning til lærere Side 7 av 21
2.1.2 Denne prøva er utvikla for å kartleggje i kva grad elevane har nådd følgjande mål: forstå enkle instruksjonar gitt på engelsk
forstå nokre engelske ord, uttrykk og setningsmønster knytte til nære omgivnader
og eigne interesser, ev. med hjelp av samanhengen dei er brukte i
skrive nokre godt kjende engelske ord
kjenne att samanhengen mellom skriftleg og munnleg form for nokre svært vanlege
engelske ord
2.2 Forstå enkle instruksjonar gitt på engelsk Denne delen av prøva måler elevens evne til å forstå, både munnleg og skriftleg, enkle
instruksjonar som for eksempel:
listen
click on the ….
count
write
put the …. on the …..
read the text
Desse uttrykka er grunnleggjande både for enkel bruk av IKT og for klasseromsaktivitetar
elles i engelskopplæringa.
I tillegg inneheld prøva ein del standardinstruksjonar, som ikkje er ein del av det som blir
målt. Du må gå gjennom eksempeloppgåvene med elevane og forsikre deg om at elevane
forstår kva dei skal gjere for å løyse oppgåvene. Følgjande standardinstruksjonar er med i
prøva:
Lytting:
Listen
Click item. Look at the picture. Now listen and click on the correct item or person.
Click picture. Look at the pictures. Now listen and click on the correct picture.
Click and drag. Look at the pictures. Now listen and click and drag.
Click word. Listen. Click on the correct word.
Lesing:
Read the text. Click on the correct item/person.
Read the text. Click on the correct picture.
Read the text. Click and drag.
Find the word that goes with the picture. Drag it to the picture.
Look at the picture. Click on the correct text.
Find the word that goes with the picture. Write it in the box.
Kartleggingsprøve i engelsk for 3. trinn – Veiledning til lærere Side 8 av 21
2.3 Forstå nokre engelske ord, uttrykk og setningsmønster Prøva måler hovudsakleg elevane sine ferdigheiter i å kjenne att og forstå kjende og
daglegdagse ord og uttrykk, munnleg eller skriftleg. Dette er det første trinnet i utviklinga
av lese- og lytteferdigheiter på eit framandspråk.
Prøveoppgåvene inneheld eit utval ord/uttrykk som er knytte til nære omgivnader og eigne
interesser for barn i denne alderen og på dette nivået. Oppgåvene er biletbaserte, slik at
det riktige svaret vanlegvis er avhengig av å kunne kjenne att ord/uttrykk som passar til
biletet. Bileta fungerer også som eit middel til å setje ord/uttrykk inn i ein samanheng. I
nokre oppgåver er orda presenterte enkeltvis, mens i andre er dei i svært enkle setningar
og svært korte dialogar. Her er det nødvendig å kunne skape samband mellom fleire
ord/frasar i teksten (f.eks. Carol is hungry. She needs something to eat. Give her the
apple).
2.4 Skrive nokre godt kjende engelske ord Prøva måler evna til å kopiere ord riktig. I engelsk er det ikkje alltid lett å sjå samanhengen
mellom staving og uttale, sjølv i svært vanlege ord. Det er ikkje venta at elevane kan stave
heilt riktig på eiga hand. Men som eit første skritt mot å stave riktig er det nødvendig å
kunne kjenne att kva for bokstavar som dannar eit ord, og kopiere ordet riktig.
2.5 Sjå samanhengen mellom skriftleg og munnleg form For å kunne lese eit ord er det nødvendig å kjenne att samanhengen mellom uttale og
skriftleg form av ordet. Denne samanhengen er ikkje alltid opplagt i det engelske språket.
Prøva måler om eleven er kjend med både munnleg og skriftleg form av fleire svært
vanlege engelske ord (f.eks. cake og I).
2.5.1 Prøvas innhold og struktur Oppgåvene i kartleggingsprøva i engelsk kan delast i to hovuddelar – lytting og lesing, og
vidare i følgjande oppgåvetypar/format:
Lytting
Click item in picture (forstå ord/uttrykk),
Click and drag (forstå korte setningar)
Click picture (forstå ord/uttrykk/korte setningar)
Click word (kjenne att samanhengen mellom skriftleg og munnleg form)
Click picture (forstå korte dialogar),
Lesing
Click item in picture (forstå ord/uttrykk)
Click and drag numbers (forstå korte setningar/talord)
Click picture (forstå korte setningar)
Click text (forstå korte setningar)
Write word (identifisere og kopiere ord)
Click and drag words (forstå enkeltord)
Kartleggingsprøve i engelsk for 3. trinn – Veiledning til lærere Side 9 av 21
DEL 3 KORLEIS BRUKE RESULTATA SOM GRUNNLAG FOR
VIDARE LÆRING
Prøveresultata er ein del av undervegsvurderinga og den tilpassa opplæringa som elevane
har krav på. Det er særleg fire prinsipp som er viktige i arbeidet med god
undervegsvurdering. Desse prinsippa er òg sentrale i arbeidet med prøver. Prinsippa er
omtalte i forskrift til opplæringslova, kapittel 3.
3.1 Fire prinsipp for undervegsvurdering
Elevane sine føresetnader for å lære blir styrkte dersom elevane:
1. forstår kva dei skal lære, og kva som er forventa av dei
2. får tilbakemeldingar som fortel dei om kvaliteten på arbeidet eller prestasjonen
3. får råd om korleis dei kan forbetre seg
4. er involverte i eige læringsarbeid ved blant anna å vurdere eige arbeid og eiga
utvikling
Sentrale poeng som elevane – saman med læraren - må tenkje gjennom:
Kva for mål skal eg oppnå, kvar er eg i høve til desse måla, og korleis skal eg komme meg
dit?
3.1.1 Elevane skal forstå kva dei skal lære, og kva som er forventa av dei
Når du jobbar med prøver og vurdering, er det viktig at elevane veit kvifor dei blir vurderte,
og kva som er forventa av dei. Elevane må vite kvifor det er viktig å arbeide med engelsk.
Snakk derfor med elevane om kva som er formålet med prøva, og kva prøva måler.
3.1.2 Gi tilbakemeldingar og råd om vegen vidare
Faglege tilbakemeldingar er ein sentral del av vurderings- og oppfølgingsarbeidet. Dei skal
gi informasjon om kvar eleven står, og innehalde råd og rettleiing om korleis elevane kan
forbetre seg. Resultata og informasjon frå prøva kan gi deg eit bilete av kva elevane
meistrar, og kva dei må arbeide vidare med.
3.1.3 Involver elevane
Du bør involvere elevane når du gjennomgår prøva. Det å stille elevane spørsmål om kva
dei trur dei har fått til, og kva dei bør øve meir på, kan medverke til at dei reflekterer over
eiga meistring. Elevane sine eigenvurderingar viser kva dei oppfattar som vanskeleg, og
kva dei må arbeide meir med. Eigenvurdering kan òg bidra til at elevane får eit meir bevisst
forhold til eigne engelskferdigheiter.
KORLEIS SJÅ DEI FIRE PRINSIPPA FOR UNDERVEGSVURDERING I SAMANHENG MED
PRØVEGJENNOMFØRINGA?
Korleis skal eg førebu elevane på formålet med prøva?
Korleis skal eg bruke resultata for å kunne gi fagleg relevante tilbakemeldingar som
fremjar vidare læring?
Korleis skal eg involvere elevane i det vidare arbeidet med resultata?
Korleis kan elevane vere med og vurdere sitt eige arbeid?
Kartleggingsprøve i engelsk for 3. trinn – Veiledning til lærere Side 10 av 21
DEL 4 SLIK GJENNOMFØRER DU
4.1 Før prøva Elevane gjennomfører først lytteprøva, deretter leseprøva. Det kan vere lurt med ein pause
mellom lytteprøva og leseprøva, og dei to delane kan gjerne gjennomførast på to ulike
dagar (hugs å hente ut nytt dagspassord på dag to).
4.1.1 Informasjon til foreldra
Det er viktig at foreldra får informasjon om prøva i forkant av gjennomføringa.
Utdanningsdirektoratet har laga informasjon til foreldra som er publisert på nettsidene til
Utdanningsdirektoratet. Dette bør leggjast ut på skolens heimeside eller læringsplattform.
Informasjonen er omsett til samisk (nord-, sør- og lulesamisk) og engelsk. Dette kan lastast
ned frå Utdanningsdirektoratets nettside og blir publisert i god tid før gjennomføringa av
kartleggingsprøva i engelsk.
4.1.2 Informasjon til elevane
Elevane skal få informasjon om kartleggingsprøva samtidig som foreldra får sin
informasjon. Det er viktig at du gir deg god tid til å forklare kva ei kartleggingsprøve er,
kvifor dei skal vere med på dette, og kva som reint praktisk skal skje og når. I forkant av
prøvegjennomføringa førebur du elevane på prøvesituasjonen ved å gå gjennom
eksempeloppgåvene saman med dei. Elevane må vere fortrulege med alle formata og alle
standardinstruksjonane til oppgåvene. Dette inkluderer ord/uttrykk som: click, read, write,
listen, look at. Du finn eksempeloppgåvene her: http://www.udir.no/Vurdering/Kartlegging-
gs/#Engelsk
Det er viktig at elevane er klare over at du som lærar ikkje har lov til å hjelpe dei med
oppgåvene undervegs i prøva.
4.1.3 Sjekkliste før gjennomføringa
Eg har
sett av god tid til gjennomføringa av prøva
på førehand sett meg inn i innhaldet i denne rettleiinga, spesielt med tanke på
instruksjon til gjennomføring av lyttedelen av prøva – punkt 4.2.2
sytt for at elevane har gått gjennom eksempeloppgåvene
sjekka at elevane har hovudtelefonar
sytt for at foreldra har fått informasjon om prøva og er informerte om
gjennomføringa og planane mine for vidare oppfølging
snakka med elevane om at resultata frå prøva skal vere til hjelp for læraren for å gi
eleven best mogleg opplæring
sett av tid i etterkant til å vurdere og følgje opp resultatet for den enkelte eleven
Kartleggingsprøve i engelsk for 3. trinn – Veiledning til lærere Side 11 av 21
4.2 Under gjennomføringa Prøva skal gjennomførast i prøvegjennomføringssystemet (PGS). Informasjon om den
tekniske gjennomføringa står i brukarrettleiinga for PAS/PGS som du finn på
Utdanningsdirektoratets nettsider.
Begge delprøvene skal gjennomførast på tid.
Dersom ein lèt elevane få bruke så lang tid som dei sjølve meiner dei treng for å løyse
oppgåva korrekt, vil ikkje risikoelevane fangast opp. Tidsrammene må derfor følgjast nøye.
Elevar som blir ferdige før tida, kan velje å levere prøva. Det er lurt å be elevane rekke opp
handa dersom dei ønskjer å levere før tida. Da har læraren moglegheit til å kontrollere at
alle oppgåvene er besvarte før elevane klikkar på Lever-prøve-knappen.
Elevane bør sitje slik at dei ikkje ser prøvene til kvarandre under gjennomføringa.
Du bør oppmuntre elevane til å arbeide godt med prøva.
Du bør be elevane sjå igjennom det dei har gjort på leseprøva før innlevering.
Du bør gi støtte og tryggleik til elevane som gjennomfører prøva.
4.2.1 Elevane si pålogging
Elevane skal logge seg på den elektroniske prøva i engelsk på https://pgsc.udir.no
Pålogginga føreset at brukarnamn og passord som elevane skal bruke for å
gjennomføre dei elektroniske prøvene, allereie er henta frå PAS.
Elevane treng eit dagspassord. Korleis dei får dette, er forklart nærmare i
brukarrettleiinga for PAS/PGS.
4.2.2 Instruksjon til gjennomføring av lyttedelen Rett før elevane startar prøva, må du gå gjennom informasjonen nedanfor. Vi tilrår at du
har sett deg godt inn i teksten på førehand, slik at instruksjonen blir gitt så presis som
mogleg (utan at han nødvendigvis blir lesen opp).
- Etter at du har logga deg inn, kjem du til ei side der du skal gjennomføre ein «lydsjekk». Det er viktig at du har høyrt lyden før du startar prøva. Dersom du ikkje er heilt sikker på at du har lyd, må du rekke opp handa slik at du får hjelp av meg (læraren).
- I lytteprøva skal du spele av lyden på ei oppgåve ved å klikke på den blå knappen der det står "Listen". Oppgåvelyden blir spelt to gonger, og deretter skal du svare på oppgåva. Du kan også svare på oppgåva mens lyden blir spelt, og deretter gå vidare.
- Du svarer ved å klikke på ein gjenstand i eit bilete eller velje eit av svaralternativa. Når du har svart på oppgåva, klikkar du på Neste-knappen for å gå vidare til neste oppgåve.
Prøvetida for lytteprøva er 15 minutt.
Prøvetida for leseprøva er 30 minutt.
Kartleggingsprøve i engelsk for 3. trinn – Veiledning til lærere Side 12 av 21
- Mellom dei ulike oppgåveformata i lytteprøva blir det lese opp nokre standardinstruksjonar som informerer om kva du skal gjere i dei neste oppgåvene. Når du har høyrt instruksjonen, klikkar du på Neste-knappen for å svare på dei tilhøyrande oppgavene.
- Når tida er ute, seier eg (læraren) at du må levere prøva. Det gjer du ved å klikke på Lever-prøve-knappen. Dersom du blir ferdig før tida, rekker du opp handa, slik at eg (læraren) kan komme bort til deg og sjekke at du har svart på alle oppgåvene.
Viktig info til læraren:
Dersom ein elev klikkar på Neste-knappen utan å spele av lyden eller svare på oppgåva,
kan eleven komme tilbake til svarlause oppgåver ved å klikke på Lever-prøveknappen. Da
får eleven spørmål om han/ho vil gå tilbake til svarlause oppgåver, eller levere prøva. Ved
å velje å gå tilbake til svarlause oppgåver, kjem eleven automatisk til den første av dei
svarlause oppgåvene. Ved så å klikke på Neste-knappen går prøva vidare til den neste av
dei svarlause oppgåvene.
Elevane kan ikkje gå tilbake til oppgåver som det er svart på.
Elevane kan ikkje spele av lyden på nytt på oppgåver der dei har allereie har spelt lyd
(klikka på Listen-knappen), sjølv om oppgåva ikkje er svart på, eller heile lydfila ikkje vart
avspelt førre gongen dei var inne på oppgåva. Det er derfor viktig at du ber elevane om å
vente med å klikke på Neste-knappen til lyden er avspelt, og dei er heilt sikre på at dei vil
gå vidare til neste oppgåve.
Læraren seier frå når det er gått 15 minutt, og ber da alle om å avslutte lytteprøva, sjølv
dei som ikkje er ferdige. Elevane må da klikke på Lever-prøveknappen. Det kan med fordel
leggjast inn ein pause før alle samla begynner på leseprøva (andre del).
Kartleggingsprøve i engelsk for 3. trinn – Veiledning til lærere Side 13 av 21
DEL 5 ETTER PRØVA
I denne delen får du nokre råd om korleis du tolkar prøveresultata, og korleis du kan hjelpe
elevar som har prøveresultat som viser at dei er under bekymringsgrensa i ein eller begge
prøvedelane. Poengsummen i kvar delprøve gir ein indikasjon på elevens ferdigheiter i
lytting og lesing. I kvar delprøve blir fleire enkeltferdigheiter testa. Sidan ordforrådet eller
vokabularet speler ei så stor rolle i elevane sin overordna prestasjon i engelsk på dette
nivået, er det ein eigen del om korleis du kan utvikle og utvide vokabularet deira.
5.1 Her finn du resultata Du finner resultata til elevane i PAS (prøveadministrasjonssystemet) dagen etter
gjennomføringa. Resultata ligg tilgjengelege i menyen på venstre side.
5.2 Generelle råd om korleis prøveresultata kan tolkast Prøva er laga for å avdekkje kva for elevar som er under det nivået det er forventa at dei
skal vere på ut frå læreplanen i engelsk lytting og/eller lesing. Prøva seier lite om elevar
som er over dette nivået, sidan alle oppgåvene er relativt lette og ikkje utfordrar sterke
elevar. Du må bruke eiga dømmekraft og eigen kunnskap om elevane dine for å tolke
resultata. Av og til kan ein svak elev få fleire poeng ved å gjette, noko som kan gi ein
kunstig høg poengsum, og du bør da gå gjennom delar av prøva med eleven for å sjekke
om ho/han faktisk klarer å svare på oppgåvene. Det må likevel understrekast at kvalifisert
gjetting kan skje i lytting eller lesing, og dette kan tyde på underliggjande kunnskapar eller
ferdigheiter.
Ein låg poengsum på anten den eine eller den andre delprøva kan komme av andre
årsaker enn manglande lytte- eller leseferdigheiter. Du bør sjå gjennom prøva med eleven,
og først forsikre deg om at ho/han forstod korleis ho/han skulle løyse dei ulike oppgåvene.
Dei fleste elevane på dette nivået har tilstrekkelege digitale ferdigheiter til å ta prøva.
Likevel bør du ikkje ta desse ferdigheitene for gitt. I lytteprøva er det også mogleg at eleven
ikkje høyrde lyden godt nok. Dersom noko av dette kan vere grunnen til ein låg poengsum,
bør du gjennomgå oppgåvene med eleven på nytt med nødvendig støtte. Det er likevel
mogleg at årsaka til ein låg poengsum ikkje kjem av noko av det som er nemnt her, men at
eleven manglar dei grunnleggjande ferdigheitene som skal til i engelsk lytting eller lesing
for å få eit godt resultat.
Vi må også sjå nærmare på samanhengen mellom prøveresultata frå dei to delprøvene.
Munnleg språk er grunnleggjande på dette nivået. Ein elev vil normalt forstå den munnlege
forma av eit ord først, og klarer berre å lese eller forstå ord dei allereie kjenner i munnleg
form. Dette betyr at ein elev som skårar lågt på lytteprøva, normalt ikkje vil gjere det bra på
leseprøva. Ein låg poengsum på lytteprøva tyder normalt på eit lite vokabular. Dersom ein
elev er over bekymringsgrensa på lytteprøva, men under på leseprøva, har ho/han
sannsynlegvis problem med å lese på engelsk, snarere enn med vokabularet. Denne
eleven har kanskje også lesevanskar på morsmålet, og da må du gripe fatt i dette
problemet spesielt. Dersom lesevanskane berre gjeld for engelsk, kan problemet liggje i
det å sjå samanhengen mellom engelsk staving og lydsystemet.
Det er viktig at du går gjennom sjølve prøva med dei elevane som skårar på eller under
bekymringsgrensa. I dei to neste punkta (5.3 og 5.4) får du informasjon om korleis du kan
Kartleggingsprøve i engelsk for 3. trinn – Veiledning til lærere Side 14 av 21
identifisere særskilde problem hos elevane, og korleis du kan tilretteleggje undervisninga
for desse elevane.
5. 3 Elevar under bekymringsgrensa på lytteprøva Denne delen omhandlar dei ulike aspekta ved lytting som blir testa i prøva, det vil seie å
forstå enkle instruksjonar gitt på engelsk
forstå nokre engelske ord, uttrykk og setningsmønster knytte til nære
omgivnader og eigne interesser
kjenne att samanhengen mellom skriftleg og munnleg form for nokre svært
vanlege engelske ord
5.3.1 Forstå munnlege instruksjonar gitt på engelsk
I alle oppgåvene i prøva må elevane følgje instruksjonane. Dei er munnlege, for eksempel
click on the dog eller put them (football boots) on his feet. Elevane bør kunne forstå
instruksjonar, særleg når dei får hjelp av leietrådar som er gitt av konteksten og i biletet.
Du bør utvide vokabularet i klasserommet med instruksjonsord som listen, put, click, write
og read.
5.3.2 Forstå nokre engelske ord, uttrykk og setningsmønster
Alle oppgaveformata i lytteprøva inneheld ord, uttrykk og enkle setningar, inkludert
formatet med enkle dialogar mellom eit barn og ein vaksen. Elevane løyser oppgåvene
stort sett ved å kjenne att eitt eller to nøkkelord, anten eitt og eitt eller i lengre tekstar
(vanlegvis opptil to eller tre korte setningar). Du bør leggje merke til om eleven opplever
ulike grader av problem avhengig av om ordet blir sagt isolert, eller som ein del av ein
lengre tekst. Dersom dei kjenner att dei fleste enkeltorda, mens oppgåver med lengre
tekstar viser seg å vere vanskelege, bør du lese nokre nøkkelord høgt frå desse tekstane,
for å sjå om eleven kjenner dei att. Dersom problemet ser ut til å gjelde eit ord som er ein
del av ein dialog eller lengre tekst, bør du oppmuntre eleven til å utvikle strategiar for å
kjenne att nøkkelord i konteksten av setningar, og få meining ut av setninga ved hjelp av
tilgjengelege leietrådar. Dersom eleven nesten ikkje kjenner att ord, sjølv når dei blir sagt
som enkeltord, er problemet sannsynlegvis eit lite vokabular.
5.3.3 Kjenne att samanhengen mellom skriftleg og munnleg form
Ein av oppgåvetypane i lytteprøva er å knyte saman lytting og lesing. I denne oppgåvetypen
blir elevane presenterte for ei oversikt over svært vanlege ord i skriven form, deretter ord
som blir sagt høgt. Elevane må klikke på ordet dei høyrer. Desse orda blir ofte stava
uregelmessig, for eksempel you eller two, eller dei følgjer eit bestemt engelsk
stavemønster slik som i what, thing eller nose. Det er viktig at elevane klarer å kjenne att
slike ord eller mønster for å kunne lese og få meining ut av sjølv enkle engelske tekstar.
Ein elev som har problem med å kjenne att desse orda, blir kanskje for ofte bedt om å
lydere bokstavane ("smake på lydane"), noko som normalt ikkje fungerer på engelsk. Du
bør oppmuntre elevane til raskt å kjenne att ord dei høyrer i tale, eller oppmuntre dei til av
og til å lese høgt noko dei (eller nokon andre) har skrive.
NB. Med dette tilrår vi ikkje høgtlesing framfor dei andre i klassen, men det er ein strategi
som du kan bruke til å sjekke om elevane automatisk klarer å gjere denne viktige koplinga
mellom den skriftlege og munnlege forma av vanlege ord.
Kartleggingsprøve i engelsk for 3. trinn – Veiledning til lærere Side 15 av 21
5.4 Elevar under bekymringsgrensa på leseprøva Ein låg poengsum på leseprøva, spesielt dersom poengsummen på lytteprøva også er låg,
kan komme av dei same årsakene som låg poengsum på lytteprøva, det vil seie eit lite
utvikla vokabular, eller manglande evne til å kjenne att nøkkelord i "lengre" (2-3 setningar)
tekstar. Dersom dette er tilfellet, er råda ovanfor også relevante for lesing. Men ein låg
poengsum på leseprøva kan også komme av for liten kunnskap i å dekode engelsk.
Dersom poengsummen på leseprøva er monaleg lågare enn på lytteprøva, er dette
sannsynlegvis grunnen.
I denne delen er det nokre råd om korleis elevar med låg poengsum på leseprøva kan få
hjelp. Her er det lagt vekt på det som er viktig for lesing. Delferdigheiter som leseprøva
måler:
forstå enkle instruksjonar gitt på engelsk
forstå nokre engelske ord, uttrykk og setningsmønster knytte til nære
omgivnader og eigne interesser
skrive nokre ord
5.4.1 Forstå enkle instruksjonar gitt på engelsk
Som i lytteprøva er det mange standardinstruksjonar i leseprøva, og eleven må kunne
desse instruksjonane. Utan støtte frå ei "stemme" er elevane avhengige av å forstå
instruksjonane for å kunne utføre oppgåva, sjølv om dei får mykje hjelp frå konteksten. Dei
inneheld ord som read, look at, click og write og bør vere ein del av elevens vokabular på
dette nivået.
5.4.2 Forstå nokre engelske ord, uttrykk og setningsmønster
Som i lytteprøva kan oppgåvene i leseprøva vanlegvis løysast ved å kjenne att eitt eller
fleire nøkkelord eller uttrykk. Dersom konteksten for ein lengre tekst skaper problem for
elevar som elles har få problem med enkeltord, bør eleven få hjelp til å utvikle enkle
lesestrategiar for setningar. Det kan vere å sjå etter ord dei kjenner att, og å bruke
konteksten til å sjå meininga i teksten på førehand. Det hjelper også om dei kjenner
småord som gir samanheng i setningar, for eksempel with, on, the, this, is, are, he eller
you. Leseprøva skil seg frå lytteprøva ved at eleven kanskje ikkje kjenner att nøkkelord
fordi ho/han ikkje kan dekode dei. Du kan undersøkje dette ved å lese høgt dei orda som
eleven ikke klarte å lese og forstå, for å sjå om eleven forstår dei i munnleg form.
Oppgåveformatet i lytteprøva (omtalt ovanfor), som er laga for å teste om eleven kan kople
ord munnleg og skriftleg, gir også ein indikasjon på elevens ferdigheiter i å dekode
engelske ord.
Dekoding av ord hos personar som les flytande, skjer i stor grad automatisk, det vil seie at
dei kjenner att "heile ordet". Ein uerfaren eller usikker lesar må “smake på lydane” (lydere)
i enkelte ord, bokstav for bokstav, eller del for del. Mens norsk er eit svært lydrett språk, er
engelsk heilt annleis. Elevar som klarer å lydere norske ord dei er usikre på, vil mest
sannsynleg relativt raskt klare å dekode engelske ord som milk, bag eller egg, som lett kan
lyderast. Dei blir her nemnde som type 1-ord. Type 2-ord som like, baked, this, chin, snail,
walked, boy eller girl kan berre lyderast dersom eleven kjenner enkelte mønster for
koplinga mellom lyd og stavemåte. Type 3-ord som two, there, bread eller school kan ikkje
lyderast, og må derfor kjennast att automatisk. Dei fleste engelske orda, inkludert heilt
vanlege ord som elevane burde kjenne, kan ikkje så lett lyderast. Dette betyr at utan litt
Kartleggingsprøve i engelsk for 3. trinn – Veiledning til lærere Side 16 av 21
automatisk attkjenning av heile ord, eller i alle fall delar av ord, klarer ikkje eleven å lese
oppgåver med sjølv svært kjent vokabular.
Du bør undersøkje kva typar ord eleven har problem med å dekode. Dei fleste elevane
klarer å lese dei mest "opplagte" type 1-orda som dog og man, men kan ha problem med
visse grunnleggjande kombinasjonar av lyd og bokstavar som ch, th og ai i type 2-ord. Du
må gi elevane øvingar for å sikre at dei blir kjende med slike mønster. I type 3-ord som I,
you og the er det ikkje eit klart mønster, og kvart ord må kjennast att enkeltvis som eit heilt
ord. Dei fleste vanlege småorda tilhøyrer ofte denne typen.
Det er viktig at elevane ofte treffer på dei fleste vanlege orda både skriftleg og munnleg
samtidig, uavhengig av type. På denne måten vil orda gradvis kjennast att automatisk, og
elevane treng da berre å dekode ord som er vanskelegare eller mindre kjende.
5.4.3 Skrive nokre godt kjende engelske ord
Eit av oppgaveformata i leseprøva krev at elevane koplar ord med bilete, og at dei kopierer
desse orda korrekt. På dette nivået er det ikkje forventa at elevane skal kunne stave ei
rekkje engelske ord på eiga hand, men dei skal kunne leggje merke til kva for bokstavar
som utgjer enkle ord, og kunne kopiere dei. Desse ferdigheitene vil etter kvart vere til hjelp
i både lesing og skriving.
Dersom ein elev har problem med denne typen oppgåver, kan det komme av manglande
evne til å kjenne att og kopiere bokstavane i ordet. Det kan vere at denne eleven treng
spesialtilpassa hjelp. Det skjer likevel ofte at elevar ganske enkelt skriv slik dei "føler" at
ordet burde skrivast, kanskje påverka av stavemåtar frå morsmålet. Dersom dette er
tilfellet, bør eleven øve på å kopiere alle typar vanlege ord (sjå ovanfor). Det er spesielt
viktig at dei meistrar dei aller vanlegaste ordene som the, I eller with på eit tidleg stadium,
fordi måten elevane skriv dei på, fort kan bli ein vane.
5.4.4 Utvide vokabularet
I det føregåande er det understreka at vokabularet er sentralt for å nå kompetansemåla
som ligg til grunn for prøva. Vokabularet omfattar både enkeltord og faste uttrykk som
eleven treng å vite for å kunne kommunisere innanfor emne knytte til nære omgivnader og
eigne interesser.
Her skal vi illustere korleis vokabularet til elevane kan byggjast opp. Det er viktig å begynne
med enkle, nære ord som er interessante for ein elev. Sjå for deg ein elev som ikkje kan
sjølv dei vanlegaste orda og uttrykka. Du må forsikre deg om at eleven møter dei ofte, at
ho/han forstår kva dei betyr, og at ho/han både kan seie dei og kjenne dei att, for
eksempel frå bilete. Dersom eleven kan lese, kan du forsterke innlæringa, for eksempel
ved å setje merkelappar på ting i klasserommet. Du må likevel først finne ut kva som er
basisvokabularet. Rådet her er at sjølv på det mest grunnleggjande nivået, bør nye ord
innførast etter emne, og innanfor eit emne bør dei viktigaste eller mest meiningsfulle orda
identifiserast. Innafor emnet dyr bør du for eksempel introdusere cat og dog (eller guinea
pig, dersom eleven har ein heime). Kvar elev kan byggje opp sitt forråd av dyreord i sitt
eige tempo. På denne måten gjer vi det enklare for elevane å byggje assosiasjonar mellom
ord, lage skjema, og lære dei utenåt.
Innlæring av vokabular inneber å kunne betydninga av eit ord/uttrykk, vite korleis det
lyder/ser ut, kva for former det har, korleis det blir brukt, og kva for andre ord det ofte blir
Kartleggingsprøve i engelsk for 3. trinn – Veiledning til lærere Side 17 av 21
brukt saman med. Det inneber også å hugse det. Når du introduserer nye ord, bør du prøve
å hjelpe elevane til å forstå betydninga utan å omsetje. Dette kan du gjere ved hjelp av
bilete, gjenstandar, skodespel/miming og peiking. Jo større innsats elevane må gjere, jo
meir sannsynleg er det at dei begynner å lære ordet. Ideelt sett bør elevane høyre og seie
ordet, og sjå og skrive det. Du kan introdusere ulike former av ordet: a pig, the pig, two
pigs, the pig’s tail…, I like chocolate, John likes chocolate, uten å nemne
grammatikkforklaringar på dette nivået. Dette bør du introdusere saman med andre ord
som ordet ofte er knytt til, og du bør gjere det personleg, slik at det er knytt til elevane sine
eigne liv og interesser.
Elevane bør høyre/sjå orda i ein kontekst. Eit ord kan høyrast ganske annleis ut når det blir
uttalt på ein trykksvak eller rask måte i ei setning, og det mest naturlege er å møte ord i
ein kontekst. Elevane bør venjast til å forstå i grove trekk det dei høyrer for å kjenne att det
som er viktig. Dersom vi høyrer ei relativt uklar nyheitsmelding på radioen, får vi likevel
med oss hovudtrekka. Du kan oppmuntre elevane til å prøve å setje nye ord/uttrykk inn i
sin eigen samanheng. Du kan òg lage nokre setningar som er knytte til klassen og/eller
interessene til elevane.
Elevane bør også bli vande til å lytte inngåande til ei setning og forstå detaljar. Når du
introduserer eit nytt ord, er forklaringar som Shoes are things we wear on our feet, Gloves
are things we wear on our hands mykje betre enn berre å seie sko eller hanskar. Slikt
skaper assosiasjonar og byggjer skjema (clothes, body), og elevane må fokusere på heile
setninga. I tillegg “lærer” eleven grammatiske former passivt (fleirtals -s, are, vanleg
presens, our, osv.).
Det å kunne hugse nye ord/uttrykk er kanskje den viktigaste evna å utvikle. Det er ikke
gjort i éin operasjon å lære eit ord. Kvar gong eleven møter ordet, blir det danna nokre nye
samanhengar, eller ein eksisterande samanheng blir forsterka. Nation (1990) hevdar at
ein må møte på eit ord minst sju gonger i éin og same samanheng før ein “kjenner” det
godt nok til å hugse det. Læring går føre seg i ein spiral. Derfor er det svært viktig å møte
orda og bruke dei. Det er mange måtar å møte nye ord på – frå ulike passive måtar som å
setje merkelapp på ting i eit rom eller sjå på plansjar på veggen, til meir aktive måtar der
elevane speler spel. Dette kan for eksempel vere ordbingo (med bilete eller skriftlege ord)
eller I spy (der dei skal finne det rette kortet, peike på eller finne nokon som har noko på
seg). Det kan også vere ordtennis (Word tennis) der klassen er delt i to, og kvar halvdel
seier eit ord innanfor eit emne (f.eks. mat) kvar sin gang, heilt til den eine halvdelen ikkje
kjem på fleire ord.
Slike spelaktivitetar er godt eigna til å lære og forsterke vokabular. Du kan be elevar i ei
gruppe om å skrive ned så mange ting som mogleg av ein bestemt kategori på kort tid.
Bilete kan brukast både aktivt og passivt, for eksempel til å komme med ei utsegn som
kan vere av typen rett eller gale. Forteljingar utgjer flotte kontekstar for å høyre ord og kan
fungere som utgangspunkt for å lage spel som er baserte på nøkkelord i forteljinga. Kort
sagt bidreg alle aktivitetar som oppmuntrar elevane til å høyre, sjå, lese eller skrive
ord/uttrykk, til å byggje opp vokabularet til elevane.
Kartleggingsprøve i engelsk for 3. trinn – Veiledning til lærere Side 18 av 21
5.5 Oppfølging av resultata i lærarteamet Det er viktig at alle lærarane følgjer opp resultata frå kartleggingsprøva i fellesskap, og at
dei ser resultata i samanheng med undervisninga i engelsk på 2. og 4. trinn. Finst det
oppgåver som ingen eller berre nokre få elevar i klassen har fått til? Kva fortel det om
undervisninga? Skal vi planleggje tiltak for heile engelskundervisninga? For ei enkelt
elevgruppe? For enkeltelevar? Det bør vere eit mål å drøfte korleis lærarane kan arbeide i
fellesskap innafor faget, og kva dei bør arbeide meir med i dei ulike faga. Kan resultata på
engelskprøva drøftast i lys av kva dei enkelte elevane får til i andre fag, f.eks. norskfaget?
5.5.1 Fleire spørsmål til refleksjon og diskusjon
Er resultatet som forventa?
Ser vi mønster/tendensar i resultata for vår skole?
Har vi annan informasjon som stadfestar eller avkreftar resultata frå
kartleggingsprøva?
Viser resultata frå kartleggingsprøva at det er behov for ytterlegare kartlegging?
Kva for konsekvensar får resultata for skolens vidare praksis?
Kva kan vi gjere for å forbetre dei resultata vi ikkje er nøgde med?
Kartleggingsprøve i engelsk for 3. trinn – Veiledning til lærere Side 19 av 21
DEL 6 SKOLELEIAREN SITT ANSVAR Her er ei oversikt over kva skoleleiaren har ansvar for før, under og etter gjennomføringa.
For meir informasjon om oppgåver og ansvar for skoleleiaren sjå Retningslinjer og rettleiing
til skoleeigar og skoleleiar som er publiserte på www.udir.no.
FØR UNDER ETTER
Syte for at alle elevar på
trinnet er påmelde i PAS
Ha god kjennskap til
PAS/PGS og yte
brukarstøtte til lærarane
sine
Teste skolens
datamaskiner og
nettverk og ha eit
system for brukarstøtte
– sjå eigne punkt i
brukarrettleiinga til
PAS/PGS
Hjelpe lærarane med å
finne rettleiingsmateriell
i PAS
Vere tilgjengeleg for
lærarne når dei treng
hjelp og støtte til å
førebu gjennomføringa
Syte for at det er sett av
tid i timeplanen til
gjennomføringa
Hjelpe lærarane med å
finne dagspassordet i
PAS
Vere tilgjengeleg for
lærarane og yte hjelp og
støtte under
gjennomføringa
Syte for at elevane er
registrerte med riktig
status i PAS (delteke,
ikkje delteke, friteken).
Hjelpe lærarane med å
finne resultatrapportar i
PAS
Følgje opp resultata på
skolenivå i det lokale
forbetrings- og
utviklingsarbeidet
Leggje til rette for at alle
lærarane følgjer opp
elevar under
bekymringsgrensa i
samtale med elevar og
føresette
Kartleggingsprøve i engelsk for 3. trinn – Veiledning til lærere Side 20 av 21
DEL 7 TIPS TIL INFORMASJON OG AKTUELLE RESSURSER
7.1 Litteraturliste og andre ressurser
For læreren
Cameron, L. 2001. Teaching Languages to Young Learners. Cambridge University Press
Clay, M. M. 2000. Running Reading Records. Heinemann
Nation, P. 1990. Teaching and Learning Vocabulary. Heinle & Heinle
Fortellinger for elevane
Ahlberg, A. 2002. The Man who Wore all his Clothes. Walker Books Ltd.
Donaldson, J. and A. Scheffer. 1999. The Gruffalo. Macmillan
Rosen M. 1993. We’re Going on a Bear Hunt. Walker Books Ltd.
Lettlestserier
Damm’s Galaxy. Cappelen Damm
Penguin Young Readers. Pearson Longman.
Nettsider
British Council Kids
Schweigaards gate 15
Postboks 9359 Grønland
0135 OSLO
Telefon 23 30 12 00
utdanningsdirektoratet.no