Газеталöн номерыс лöсьöтöм Пермскöй крайись народдэзлöн национальнöй йитöттэз зорöтöм понда целевöй Программалöн рамкаэзын.

январь 9 лун 2015год №1(223)

КОМИ-ПЕРМЯККЕЗЛÖН ОКРУЖНÖЙ ГАЗЕТА

Газеталöн медодзза номер петiс светö февраль 19 лунö 2010 годö.

Виль храмын Кудымкарскöй Свято-Никольскöй кафедральнöй соборись отец Сергий чулöтö медодз Литургия мöдöдз листбок

вылын

ВÖР КОЛАСЫН ЕНЛÖН ГОРТ

Виль 2015 годöн Тiянöс да Рождествоöн!ажöтö – «Кама кытшын» газеталöн талуння номер вились пырис уна керкуэзö, кöдна меститчöмась Коми-Пермяцкöй округ пасьта. Почта пыр подписка донсялöм шогья кольöм годö мийö эг вермö «Кама кытшын» газета вылö подпискасö керны бесплатнöйö. Гижлiм ни, что тiян керкуöдз газета

вайöмсö финансируйтö Перемскöй крайись губернатор администрация пытшкись политикалöн департамент. Сы шогья, что подпискалöн дон лэбис видзчисьтöг, По-чта миянлiсь деньгасö корис уна, кöда эз вöв планируйтöм. Газеталöн петöмыс эз сувтчыв. Сiйö новйöтiсö машинаэзöн магазиннэзö, курьеррез, мымдакö вöлi и почта пыр. Öнi жö Перемскöй край кöсйö сетны деньга, мед вились газетаыс локтiс тiян керкуöдз. ЫДЖЫТ СПАСИБО И МУÖДЗ КОПЫР НIЯ МОРТТЭЗЛÖ, КИН КЕРÖ АЧЫС ПОДПИСКАСÖ ЧУЖАН КЫВ ВЫЛЫН ГАЗЕТА ВЫЛÖ. Сьöлöмсянь благодаритам и пырся авторрезöс. Ны коласын, Вера Петровна Ме-лехина, Светлана Леонидовна Попова, Нина Николаевна Томская, Октябрина Павловна Кучева, Аркадий Васильевич Мошегов, Василий Григорьевич Кольчу-рин, Раиса Васильевна Костарева, Лидия Субботина, Нина Плотникова, Пар-маись школаэзын велöтiссез, миян том лыддьöтiссез да мöдiккез. Корам и одзлань лоны миянкöт.

Дона миян лыддьöтiссез!

ВÖР КОЛАСЫН ЕНЛÖН ГОРТ

КАМА кытшынE-mail: kytshyn@mail.ru

Виль 2015 годöн Тiянöс да Рождествоöн!Дона миян лыддьöтiссез!

Г

Рождествоöн тiянöс, дона коми отир!

Кама кытшынянварь 9 лун 2015

№1 (223)2

http://www.subbotin-permyak.com

/

Щукаыс миян вöлöма

ВÖР КОЛАСЫН ЕНЛÖН ГОРТ

1940 годдэзся шоччисян парк (Кудымкар)

Мунö причащеннё

Оланiсь

Югыт, шоныт, сöстöм храм, кыдз чочком дудi, бордалö Синтомова деревня

Кудымкарскöй педучилище кончитöм бöрын ме уджалi велöтiсьöн Гайнскöй районiсь Булатовскöй семилетньöй школаын. Öнi Бу-латовка посёлокыс важын ни абу. А сiя кадö, 1953 годö, сiя вöлi Булатовскöй леспромхознöй шöрöн (центрöн). Олi ме пöрисьжык сой да зять ордын.

Кыдз видзсьö тöдвылын, октябрь даскыкöт лунö вöлi суббота. Зятьö, Григорий Ивано-вич, шуö: «Аркадий Васильевич, ветлам-ко рытнас чериавны. Ежели тэ шуда, то пустöй вещмешöкöн ог бертö».

Пуксим пыжйö. Ме кутчиси веслоэз бердö, Григорий Иванович пуксис корма вылö руль сайö. Иньдöтчим старицаö. Кыйим килограмм куим-нёль гöгöр не нач поснит чери. Григо-рий Иванович добычанас не-доволен. Чапким мерёжасö старица пондöтчанö дугаöн. Зятьö ботайтыштiс. Уйыштiм мерёжа пондöтчанö. И вдруг сiя пондiс ветлыны öтмöдöрö. Пондiм кыскыны. Казялiм щукалiсь ыджыт юр. Но чериыс шлёпнитчис ваас бöр. Миянöс бура вадыштiс ва воттезöн. Жалейтам,

что вель ыджыт добычаным пышшис. Зятьö шуö, что щукаыс вöлi вит килограмм гöгöр, а ме горöтчи, что кыкьямыс мымда. Зятьö ыш ловзисьöмöн меным висьталiс, что ме неудачливöй чуриалiсь. Нем он кер. Мыйлö лоны, сiйö он орддьы.

Гусьöник да невнаöн зятьö мерёжасö лэбталö пыжас, а ме чериоккесö сэтiсь кы-скала. Сетьыс вöлi кыкдас вит метра кузя. Кольччис кыскыны метра сизим – кыкьямыс. И вдруг мерёжаыслöн конецыс пондiс ветлыны öтмöдöрö. Ми чожжык сэтчин, эг пондö черисö мерёжасис кыскавны.

И вот конецсяняс куим метра ылынаын кыским ыджыт щукаöс. Лыддим, что кöр сiя первуись миян дынiсь мезмис, то быд вын повзьöмувьяс веськыта уйыштiс да сэтöн и самасис мерёжаас. Сылö жö жабраэзас руыс

шедiс, кольмöтiс.Кöр ме сiйö нöбöтi гортö, юрыс

öшалiс морос вылам, а бöжыс вартiс кокгумаэз кузя. Кузянас вöлi

1м 26см , а сьöкытанас 11,8 кг. Еныс щукасö козьналiс

миянлö. Сiйöн сiя эз вермы миян дынiсь пышшыны. Сiя

миян вöлöма.

Аркадий Мошегов.

Мортлöн олан мукöдпыр овлö гардчöм да сьöкыт. Кажитчö, пыр кежö лякасьö зубытыс, и кыдз сыкöт овны. И сэк тöдвылö усьö вичку – Енлöн горт. Татöн мöдiк мир, мöдiк олан. И вы-ныс, кöдö мырддьö лёк кадыс, сiдзжö татöн. Мыйсянь? Бы-дыс, кин кошшö кокнитсö вич-куын, натьтö, аскöттяс сетö этö юалöмсö, но ответыс…, поди, оз и ков. Просто ловзьö лов. И сэк вöлись вежöртан – мый пон-да сетöм шогыс, и мый понда тэ локтiн эта мирö.

Е.Утробина.

Не быдыс вермö оссьыны ыджыт вичкуын. Чайта, вот эттшöм храм, кöда неважын оссис Синтомова деревняын (Кудымкарскöй район, Верх-Иньвенскöй поселеннё), и сетöма сы понда, мед öшöм мортлö веськöтны татöн лов.

Пыр кыскис челядь гортöСинтомова деревня. Одзза кадö этö

вöлi ыджыт уна олiссеза оланiн. Но ка-

дыс керис ассис удж. Басöк, гора де-ревнясянь, кытöн вöлi и лавка, и челядь сад, и клуб, кольччисö дзир кынымкö ло-вья керку, а сiдзжö «сунасьöны синтöм» разсьöм оланiннэз. Синтомовалöн олiссез лэбзисö страна пасьта, кин, поди, шедiс и граница сайö. Öтiккезлöн горт кольччис дзир тöдвылын, а мöдiккез важын ни лыддьöны асланыс гортöн мöдiк места. Кинлö мый, а Любовь Ва-сильевна Четина, Украинаын овтöн, челядь горт йылiсь вунöтны эз вермы. Кöть и аймам дынiсь лэбзис томöн, но быд год сойезкöт вовлiс Пармаö аслас Синтомова деревняö. Пенсия вылын ни, а сьöлöм, кыдз и пыр, кыскис челядь гортö. Öтпыр локтöм бöрын сьöлöмын ёткыштiс: кольчча.

Отсалiсö и тöдсаэз, и тöдтöммез

И эд локтiс бöр да эшö и бытшöм идеяöн: строитны храм. Шуöны: «Кинлöн вöрд (мечта) вына, сiя перыта пырö оланö». Любовь Васильевна не миллионер, кин бы вермис просто сiдз кутчыны и строитны. Колiс öктыны день-га и неетша. Шогмис. Рам сьöлöма морт-

тэз адззисисö сэк жö, кыдз только инька юöртiс аслас желаннё йылiсь. И тöдсаэз, и тöдтöммез отсалiсö – кин мыйöн вер-мис: сетiсö деньга, транспорт, кытöн строитiсö асьныс. Уна Ен пöввез сетöм Украинаись священник, отец Иоанн. Сэт-чин жö öктöм деньга витдас тысяча руб гöгöр. Любовь Васильевна ошкис татiсь отсасиссезöс: Анатолий Полуяновöс, Олег Кольчуринöс, Иван Симановöс, Мария Головинаöс, Нина Харинаöс, Анатолий Гусельниковöс, Анатолий Карабатовöс да уна мöдiккезöс.

Кин бы йитсьö ЕнкöтЮгыт, шоныт, сöстöм храм, кыдз чоч-

ком дудi, бордалö Синтомова деревня. Енлöн горт не öддьöн ыджыт, но ыджыт-жыкыс оз и ков. Татчö пондасö вовлы-ны нiя морттэз, кин бы йитсьö Еныскöт öткöн. Поди, уналöн эттшöм храмын лолыс оссяс кокнитжыка, паськытжыка. Кыдз висьталiс Кудымкарскöй Свято-Никольскöй кафедральнöй соборись отец Сергий Пийтер, службаэз татöн лоасö, но не быд неделяö, кыдз овлöны ыджыт вичкуэзын, а дзир тöдчана церковнöй вежалуннэзö, нето кöр

корасö олiссез. Вермисö бы и тшöкажык, но священниккез оз тырмö, быдыслö колö уна ветлöтны округ пасьта.

Лов сьылiс

Сэк, кöр чулалiс Синтомоваись хра-мын медодзза Литургия, отир локтöмась уна. И челядь, и ыджыттэз, и пöриссез сулалiсö быдсöн кадсö, а этö куим час-ся унажык. Виль храмын вöлi гажа. Лов сьылiс öтлаын сьылiссезкöт. Орсöтчисö öтамöд коласын веж масiссезлöн уна биоккез. Стенаэз вывсянь нёджжасисö святöйезлöн чужöммез, дзик радуйтчисö öтлаын отиркöт Синтомова деревняын тöдчана событиелö, кöдалöн выныс не дзир Верх-Иньвенскöй поселеннёын, но и район пасьта. Эд храммез оссьöны не тшöка, и не сiдз перыта, кыдз шогмис татöн дзирыт вира, небыт сьöлöма Лю-бовь Васильевна Четиналöн вына вöрд (мечта) отсöтöн. 0

ФОТОГРАФИЯЭЗ ПЫР КОМИ-ПЕРМЯЦКÖЙ ОКРУГЛÖН ОДЗЗА ОЛАНİСЬ

Дона миян лыддьöтiссез! Корам участвуйтны виль конкурсын, кöда козьналöм Коми-

Пермяцкöй округлöн öкмысдас (90) годся юбилейлö. Ыстö нето вайö Редакцияö фотографияэз, кöдна висьтасьöны Пармалöн одзза олан йылiсь. Миянöс интересуйтöны Коми-Пермяцкöй

округлöн тöдчана событиеэз, ыджыт колхоззэзын удж. Сiдзжö ко-рам вайны фотографияэз торья предприятиеэз йылiсь, кöдна öнi озö ни уджалö, но уналöн кольччисö тöдвылын. Колö обязательно

гижны (пырö конкурслöн условиеö) мый нето кин йылiсь висьтасьö фотографияыс. Конкурс кыссьö февраль конецöдз. Кадыс не сiдз и уна, сiйöн тэрмасьö участвуйтны «Кама кытшын» газеталöн

виль конкурсын.

Литургия коста Любовь Васильевна Четина öзтö масiссез

Кама кытшынянварь 9 лун 2015

№1 (223)3

ФОТОГРАФИЯЭЗ ПЫР КОСИНСКÖЙ РАЙОН. Коми-пермяцкöй паськöмын велöтiссез

Быдкодь думаэз кольччöны Ти-мофей Павлович Фадеев повесть «Ыд-жыт ваэз коста» лыддьöтöм бöрын.

Повестьын медшöр темаöн лоö радейтöм. Радейтöм – этö сэтшöм невежöртана öнöдз и ученöй, и простöй морт понда состояннё, кöда видзö сэтшöм вын, что тойыштö отирöс быд-кодь поступоккез вылö. Мукöдпыр керöм торсö радейтiсь оз и вермы вежöртöтны, натьтö, сы йылiсь и мöдiс миянлö казьмöтны гижись.

Медшöр геройез − Аня да Паша, пантасьöны гожумöн Павел ордын, кöр нывка локтö зонка дынö могöн.

«Чужисö да быдмисö нiя öтiк дерев-няын. Учöтсянь велöтчисö öтiк школаын, дзир не öтiк классын. Зонкаыс кык годöн вöлi пöрисьжык и сiйöн кык классöн мунiс одзлань. Эта нылö эз мешайт тöдны öтамöдсö учöтсянь, кыдз быд челядёк тöдö ас деревняись не только ас годся, но и томжык, и пöрисьжык не-вна челядьöс. Но тöдсасисö нiя вöлись сэк, кöр зонка бертiс служба вывсянь да

пондiс уджавны гортын».Аня велöтчö карын. Павел армия

бöрсянь бертö гортö, кутчисьö уджавны шофёрöн.

Пантасьöм вуджö радейтöмö томмез коласын. Но этö локтöм радейтöмсö быд геройыс аслас оланын вежöртö асмоз-нас. Павеллöн, кыдз пöрисьжыклöн, эта лоö быдöс серьёзнöйöн, пыдынжыкöн. Сія быдöс вылö готов, медбы Анялö вöлі бур: сувтöтö сы понда оланiн, отсасьö нылö керку гöгöр, вайöтö-нöбöтö кар-сянь. Аня жö керис сійö быдöс орсöмöн: эз донт Павеллiсь поступоккез, сія юрын видзис только сiйö, что зонка пыр лоас бокас и некöр, некытшöм причи-на увья оз коль Аняöс. Но сэтшöмыс эз пет. Павел гöтрасьö, чужтö семья да быдтö челядьöс, и оз думайт мунны ны дынiсь. Аня кольччö дзир öтнас городскöй к в а р т и р а ы н , кöда дöнзис сылö Павел-сянь кыдз козин – кöркöся сетöм лоторейнöй би-леттэзсянь. Па-вел мунiкас ни висталö: «Тэ жö сэкся мунöмöн ме сьöлöмын быдöс шом-пöимö пöртін, а шом-пöимсис мöдöтпырись радейтöмыс оз зорамлы».

Лоö ассямаöн да интереснöйöн сія, мыля жö гижись сетöм повестьлö сэтшöм ним – «Ыджыт ваэз коста». Эд Т.П.Фадеев мыччалiс

томмез коласын радейтöм! Кыдз жö вермис йитсьы-ны эта пым сьöлöммезлöн ёткöпалöмыс ыджыт ваэзкöт? Мый жö вермас висьтавны эта нимыс лыддьöтісьлö? Да нем сэтшöмсö, кытчöдз он лыддьöт да он бöрйись.

Ыджыт ваэз лыддьöтісь одзын петöны сэк, кöр Лолог ю дорö локтöны Павел да Аня. Эстöн гижись кужöмöн мыччалöм вöр-валісь состо-яннё: «… вöлі öтвывса ыджыт, сьöкыт да сьöд ва, кöда, дзик ловья, быгыльтіс муніс син одзöт быдсöн этöн полöтана вывтырнас да кышöтіс кыдз

ылісянь сибöтчис ураган-тöв…».

Мукöдыс бы висьталіс: «Нем сэтöн сэтшöмыс абу. Ва кыдз ва. Пыр сэтшöмыс овлö тулыснас ыджыт ваэз коста».

Но повесть л ы д д ь ö т і к ö миян одзö петö мöдік серпас, кöда т ш ö к т а с миянöс думай-

тыштны: «…ас-лас повзьöмувья

Аня кыліс, кыдз кöдзöтіс сылісь

вывтырсö. А öткöста сыкöт кодзалöм гыркыс пондіс лэбтісьны вы-влань. Повзьöмыс увья жö синваэзöн тырöм синнэзöн ва вылас видзöтöмсянь

сія казяліс, кыдз пондö дикмыны-бергöтчыны юр, а горшö пыкöтасьöм кöдзыт гырксянь эз понды тырмыны ру, мед бытшöма ловзисьны».

Эна кык описаннёыс öтамöд ко-ласын йитсьöны этöн умöль, сьöлöм вöрзьöтана, горзöтан состояннёнас. Кыдз вöр-ваыс, сідз и медшöр герой – Аня – мыччалöмöсь мöдіккезöн, нежели повесть пондöтчикö: «… пырис акань кодь басöк чужöма, лöсьытик вывтыра да нельки моросвевья ни сэк кежö Аня».

Эта природнöй явленнёыс, кöдакöт пантасис Аня, и «вежис» нывкасö. Сы бöрын позьö казявны, кыдз вежсьö, бергöтчö, дзугсьö Анялöн судьба, сылöн планнэз, кöднö бöр бергöтны оз туй. Сылöн оланыс пондöтчö вачкисьны сія жö описаннёлö, кöдöн вöлі мыччалöм Лолог ю.

Ва лоис преградаöн медшöр геройез понда. Кöть и Павел вуджöтіс Аняöс мöд берег вылö, но Анялöн полöтан состоян-нё кольччис. Петö я сія, что этö öгралан биоксö том сьöлöммезісь кусöтöны ыд-жыт ваэз?

Надежда ТРУБИНОВА.

«ЫДЖЫТ ВАЭЗ КОСТА»Эссе Тимофей Павлович Фадеев повесть сьöртi

«Любитi ме, любитöм тэныт сеті,Любитöмыс эз на кус быдсöн.Но ась тэнö оз ни вöрзьöт эта,Сьöлöмтö тэнчит оз жугыльт немöн.Любитöм вöлі, но эз вöв надежда,Пыр полöм вöлі, да вежöкті дзик.Любитöм вöлі сьöлöмсянь да нежнöй,Любитас тэнö ась öні мöдік».

А.С. Пушкин (вуджöтіс М.П. Лихачёв

«Уна ныввез, мича ныввез чукöртчисö…»

«Кама кытшын» (В окружении Камы)-Коми-Пермяцкöй округлöн газета.Учредитель и лэдзись - Коньшина Елена Ивановна. Телефон - 4-43-13,

адрес: Кудымкарскöй район, Дёмина деревня, ул. Мира, 5.Регистрация йылiсь свидетельство – ПИ №ТУ 59 – 0412 сетöм Пермскöй крайöт массовöй

коммуникацияэзлöн да информационнöй технологияэзлöн связьлöн сфераын надзор сьöртiФедеральнöй службалöн Управленнёöн. Газеталöн индекс: 53324

Редакциялöн адрес: 619000, г. Кудымкар, ул. Пермяцкая, 47.

Газеталöн номер кырымпасалöм 08.01.2015 г.Печатьö кырымпаслöн кад: 12.00. график сьöртi 12:00, 08.01.2015 г.

факт сьöртi 12-00, 08.01.2015 г.

Газета петö öтпырись неделя вылын.Редакциялöн да гижиссезлöн мненнёыс не пыр

вермас вачкисьны.Публикацияэз понда, кöдна понда вештöм сьöм,

ответственность водö нылöн гижиссез вылö.Главнöй редактор Елена Коньшина.

Печатайтöм: ООО «Печатник»,Верещагино карын,

Октябрьская нима улица, 61.Газета ыжданас: кык печ. лист.Заказ №297 Тираж 2000 экз.Газеталöн дон - куим (3) руб.

4

Öктiс да коми-пермяцкöй кыв вылын лöсьöтiс Аркадий Мошегов, Шерья посад.

6+

Сказка-быль

Вера Мелехина, Кöч посад

Зять тёщалö:– Мама, давайте панталам этö Виль годсö

öтлаын, всё-даки мöд годыс Тiян, Змеялöн год..– Конечно, зонок, а то кöр жö öксямö öтлаö

Виль годсö пантавны, год куим бöртi…– А мый миян куим год бöртi?– Баранлöн год!!!

***Аптекаын.– Нылiньöй, сетö меным литр медицинскöй

спирт.– А рецепт тiян эм?– Ох, вöли бы рецептыс, ме бы сiйö ачым кери.

***– Бабушка, тэ ачыт локтiн?– Ачым, нучок, ачым.– А мамö висьталiс, что тэнö чёрттэз вайöтiсö.

***– Тэ мыля сэтшöм лöз?– Да вот, бумеранг адззи…– Да чапкы тэ сiйö!– На, ачыт чапкы!

***

ыдз челядь видзчисьöны виль годлiсь локтöм – оз ков, натьтö, некинлö висьтавлыны. Меным тшöка усявлö

тöдвылö, кыдз сiя чулавлiс миян се-мьяын, кöр мийö, челядьыс, вöлiм эшö учöтöсь. Аймам рытнас мунасö клубö, а мийö, вит челядёк, гортö кольччамö. Ны коласiсь ме вöлi шöрöт, и мылякö менö пасьтöтлiсö «Дед Морозöн». Пасьтавлiсö вылам ыджытжык сойезлiсь пальто, кöда вöлi меным кок увтöдз. Юр вылö кышöтлiсö кузь пеллеза шапка, вата-ись керлiсö тош, киö сетлiсö кузь бедь. А мед пальтоись полаэс эз каттиссьö коккез бердö и мед Дед Морозыс эз усь, сiйö сувтöтлiсö лабич вылö.

Дед Мороз сулалö лабич вы-лын и быдыс сьöрсьöн-бöрсьöн сылö висьтасьöны вильгодся кыв-буррез нето сьылöны, мый пон-да заробитöны гöснеч. Сэтчö колö содтыны, что кöзичаыс туйö Дед Морозлöн вöлi ыджыт сумка, кытчö пуктывлiсö профсоюзнöй кулёккез, кöднö сiя кадö сетавлiсö колхозiсь профсоюзлöн организа-

циясянь и айлö, и мамöлö öтiк кулёкöн быд челядёк вылö. Вот и быдöс вежалун. Быдöнлö гажа и бур.

Кад чулалö, вежсьö олан. Öнi челядь гижöны Дед Морозлö пись-моэз, лэдзöны нiйö почтовöй ящикö или пуктöны öтöрись öшынок вылö. А ойнас сiя вовлас, босьтас письмосö, лыддьöтас и ваяс сэтшöмö козинсö, кытшöм вöлi корöм.

Челядь öнi адззöны телевизорöт быдкодь ылöтан басöк дона чачаторсö, и нылö тожö сэтшöмсö колö. Но кыдз висьтавны, что аймам быд торсö оз вермö небны.Вот и велöтан нiйö, мед эз корö письмоас дона торресö, а то Дед Морозыс ка-зялас, кытшöм

ашнöйöсь челядьыс. А сiя сэтшöм челядьсö оз радейт. Лöгасяс и нем оз вай. А кö корасö мыйкö донтöмыникö да неыджытö, то уж сiдз и тöд, ваяс.

Серёжа эз куж эшö ачыс гижны, сiйöн Маша гижис пись-моас и сы корöм йылiсь. Сэсся письмосö петкöтiсö öтöрö. А асывнас лöсьöтчим мунны челядь садö. Кыдз только петiм посöдзö, нiя сэтöн жö

видзöтiсö ящикö… Письмо сё эшö куйлiс сэтчин! Машалöн пильтыртчис öмыс, синнэзын мыччисисö синваэз. Ме тэрмасьмöн пондi баитны: мыся, тöн Дед Морозыс мöдiклаöт ветлöтiс, а талун уж татчö локтас, и босьтас письмосö.

Сiдз шысеттöг и мунiм челядь садöдз. А рытöн сэтчин челядь пон-да чулöтсис вильгодся вежалунся гажöтчöм. Быдöс челядёк орсiсö, сьылiсö, гажöтчисö öтлаын Дед Морозкöт да сы внучаткакöт. Öтiк Серёжалö мыйкö, тыдалö, эз гленит-чы. Гортö мунiкö ни ме сылiсь юала:

– Мый инö, Серёжа, сэтшöм гажтöм? Мыйкö не тэ сьöртi ли мый ли вöлi вежалун костаас? Видзöт, Дед Морозыс и козинсö тэныт сетiс, и гöснечсö быдса кулёк.

Серёжа шысеттöг öшöтiс юрсö, а сыбöрын горöтчис:

– Дед Мороз эз гленитчы... Да сiя и не Дед Мороз вöлi, а кытшöмö инька.

Ме бöра пондi висьтавлыны, что Дед Мороз быдлаö оз вермы ештыны ачыс, и сылöн эмöсь отсасиссез. Вот талун и вöлi вежалунся гажöтчöм вы-лас сэтшöм отсасись.

Серёжаöс эз шогмы ылöтны, сiя сё сiдз жö сулалiс аслас вылын:

– А инька-Дед Морозыс меным оз гленитчы!

Сiдз и локтiм горт дынöдз, и ме видзöтыштi ящикö – письмоыс сэт-чин эз вöв. Кöр висьталi эта йылiсь челядьлö, нiя радсянь пондiсö чеччавны, шовкöтны киэзöн и горöтлiсö: «Босьтöм! Босьтöм!» А кöр лöньсьыштiсö, Маша юалiс:

– А мый, Дед Морозыс разь и лунöн ветлöтö?

Ме бöра сэтöн жö пондöтчи вись-тавлыны, мый медодз юрам пырис:

–А эдö разь талун павжун костас казялö, кытшöм пурга-падера вöлi öтöрас? Вот сэк, натьтö, и ветлöтiс.

Кыдзкö челядьöс позис лöньсьöтны. Нiя пырисö керкуö и пондiсö видзчисьны вильгодся ойсö да Дед Морозлiсь козиннэсö. Но кыдз бы эз старайтчö видзсьыны, мед адззывны, кыдз вовлас сiя, сёжö онныс нырыштiс. А кöр одз асыв-нас саймисö, то козиннэс куйлiсö ни вильгодся мöдöтöм кöзок увтын: бы-

лись, мый корисö, сiя и эм. И нельки аймамныслö вайöм!

Маша бöра юасьö:– Кысь инö Дед Морозыс тöдiс,

мый тiянлö вайны козинсö. Эд тiйö эдö гижлö сылö письмосö.

– Дак керкуас баитiм, а сiя öшын увтöт мунiс да кылiс, – адззи мый висьтавны. Сыбöрын комсянь кыла, кыдз Серёжа висьтасьö Машалö:

– Ме эд кылi, кыдз Дед Моро-зыс ойнас вовлiс. Бöрсяням сэтшöм кöдзытöн вайöтыштiс! Мöдi чеччыны, но нёджжаси-нёджжаси и некинöс эг казяв – пемыт вöлi. Сiя, натьтö, чожаöн пуктыштiс козиннэсö да бöр мунiс.

– А мый инö. Эта мымда керкуэзö ойбытöн колö ештыны пыравны! – согласитчис Маша. Сэсся пондiс баитны сы йылiсь, кыт Дед Морозыс вермис пыравны керкуö. Ольпасьын куйлiкö Серёжа видзöтiс вевдöрö и вдруг горöтiс:

–Ме тöда, кыт! Потолокöт! – И мыччалiс чунёкнас потолокись кытшöмкö сьöд кырöлок вылö: – Ад-ззан осьтаоксö?.. Тöн сiя эз вöв. Мöдiк осьтаоккес вöлiсö, а сiя эз. Вот сэт и пыравлiс.

Маша мыйкö мöдiс горöтчыны паныт, нёджжасьыштiс потолокас, но сэсся сёжö согласитчöмöн шуис:

–Но. Эз вöв.Челядь котöртiсö ме дынö радöн

пондiсö ошшасьны козиннэзöн да висьтасьны, что öнi тöдöны ни, кытi пыравлö керкуö Дед Мороз.

Медодзза вильгодся асыввезö нiя дыр эшö адззавлiсö кöзок увтiсь быдкодь гöснечсö. Дед Мороз сё гöститöтiс нiйö. А кыдзкö öтiк асылö чеччöм бöрын Маша да Серёжа быдöс кошшисö-бергöтiсö кöзокыс увтiсь, но мылякö эз адззö нем. Локтiсö ме дынö да гажтöма норасисö: Дед Мо-розыс пö талун гöснечсö кöзокыс увтö абу пуктöм.

Ме кыдз верми бöра бурöтi нiйö, а думанам ачымöс видi вунöтчöм понда. Сыбöрын öтöрö петтöн, ыбöс дынас кори челядьöс дынам:

– Локтö жö татчö чожажык, – че-лядь котöрöн локтiсö ме дынö. Ме мыччалi нылö порог вылö: – Видзöтö, кытчö гöснечсö Дед Морозыс пуктöм. Тэрмасис, виднö, öддьöн, но абу жö вунöтöм тiян йылiсь, гленитчит, тыдалö, сылö.

Челядь бöра радмисö. И вдругСе-рёжа шуис:

–А вот Колька миян группаись висьтасис, что сы ордö Дед Морозыс оз вовлы… Мыйкö, виднö, эз гленит-чы сылö сiя. И ме тöда мыля: сiя бöб и радейтö тышкасьны.

Ме думайтi, что вильгодся вежа-луныс мукöд понда гажа, а мукöд пон-да – гажтöм сысянь, что сьöлöмбурсö оз вай. Но челядьлö эта йылiсь кытчöдз эг понды баитны, быдмасö и асьныс вежöртасö, кытшöм оланыс овлö неöткодь.

Сiдз Дед Мороз годiсь годö сё пыравлiс миянö да тэчлiс кöзок увтö козиннэз да гöснеч. Кöр Машалö тырис дас да öтiк год, а Серёжалö – öкмыс год, мийö, гыриссес, аскöттяным дивуйтчим: быль ли мый ли нiя сё эшö веритöны Дед Морозас? И öтiк Виль год панытö висьталім, что уна годдэз бöбöтлiм нiйö. Что письмосö Дед Морозыслö öтöрись босьтлiмö мийö и сы сьöртi асьным неблiм козиннэсö, а сыбöрын тэчлімö нiйö кöзок увтö.

Челядь кывзiсö, сэсся öтамöд вылö видзöтыштiсö, и Маша горöтчис:

– А мийö огö веритö тiянлö!Ме думайтi, что челядьыс мыйкö

озö вежöртö, что ме, натьтö, кыдзкö не сiдз нылö баита. Сiйöн эшö öтпыр, кыдз верми, пондi торйöн öддьöн старайтчöмöн быдöс йылicь баит-ны, мед нiя бытшöма вежöртiсö. Нiя кывзiсö, но сэтöн Серёжа öддьöн ни лöня шуис:

– Мам, мийö огö веритö тэныт, сэтшöмыс некыдз эз вермы лоны, тэ бы эн куж сiдз керны.

Ме нем йылiсь ог кватитчы и думайта: пондöтi кö баснисö, дак помöдззас ни колö вайöтны. И эшö öтпыр понді баитны. Но сэтöн челядь пондiсö серавны и висьталiсö, что важын ни быдöс йылiсь тöдiсö, но эз мöдö дзугны орсансö. Эд этаын вöлi и серöмсорöн ылöтан, и надея, и бурыс, кöдна йылiсь позис бы уськöтлыны тöдвылö кузь олан сьöрна. Дзир сыбöрын Серёжа гусьöна юалiс:

– И мый, сэсся козиннэсö Виль го-дыс кежö миянлö одö и пондö небны?

– Мыля жö ог пондö? Пондам. Но ме думайтi тiйö абу ни учöтöсь и бöбöтлыны одзлань тiянöс вöлi бы небасöк, – шуи сiдз. А ачым тожö жалейтi, что орсаныс дзугсис. Эд сэтшöм бур орсансö да орсiссесö эшö кошшыны колö.

(Босьтöм «Вильгодся лымчиррез» книгаись, 2013 год).

январь 9 лун 2015 №1 (223)

Кама кытшын

К

АНЕКДОТТЭЗ

Вильгодся орсан

ПУКСЬЫ ДА ВАКСЬЫ

К Ö В Д Ö М О К