Газеталöн номерыс лöсьöтöм Пермскöй крайись народдэзлöн национальнöй йитöттэз зорöтöм понда целевöй Программалöн рамкаэзын.

январь 15 лун 2015год №2(224)

КОМИ-ПЕРМЯККЕЗЛÖН ОКРУЖНÖЙ ГАЗЕТА

Газеталöн медодзза номер петiс светö февраль 19 лунö 2010 годö.

Генерал-майор Виктор Кошелев локтiс видзöтны, кыдз уджалö полициялöн состав, а öтлаын и пантасьны

Кöч увтырлöн отиркöт. куимöт листбок вылын

мöдöдз листбок вылын

нёльöт листбок вылын

КÖЧ ПОСАДЫН ПАНТАСЬÖМ

куимöт листбок вылын

Коми-Пермяцкöй окру-гын уна олiссез кывлiсö ним «Отопокова» нето «Öтöпка». Эта нимöн шусьö Кочёвскöй райо-нын неыджыт деревня.

Но мый пасйö (висьталö) «Отопкова» ним? Эта йылiсь гижö аслас статьяын «К исто-рии коми-пермяцкого собствен-ного имени «Отопково» Н.А. Мальцева, Пермскöй научнöй центрись научнöй сотрудник.

Статьяыс Надежда Александровналöн петiс 2014 год помын 92-öт выпуска «Вестник Челябинского госу-дарственного университета» нима научнöй журналын.

Материалнас туйö тöдсасьны и ЧелГу сайт вылын: www.csu.ru «Вестник Челябин-ского университета», выпуск 92, 2014 год, № 2

Н. Ромашина.

Январь дасвитöт лунö тырис бы 110 год (1905) Григорий Андрее-вич Нечаевлö. Этö вöлi тöдчана учёнöй – линг-вист, олiс Кудымкарскöй районын Отева поса-

дын.

Январь дассизимöт лунö 70 (сизимдас) год вотöдз (1945) советскöй солдаттэз освободитiсö немецко-фашистскöй за-

хватчиккезсянь Польшалiсь сто-лица Варшава.

Январь даскыкъямысöт

лунö тырас 60 (квать-дас) год живописецлö

Татьяна Петровна Баяндиналö.

Лöсьöтiс Т.Л.Тупицына, П.И.Субботин-Пермяк нима «Коми-Пермяцкöй краеведческöй музей» библиотечнöй отделöн веськöтлiсь

ТАЛУННЯ ЛУНÖ ЧУЖИСÖ:

– Александр Грибоедов (1795 г.), гижись, дипломат– Софья Ковалёвская (1850 г.), математик– Осип Мандельштам (1891 г.), поэт– Максим Дунаевский (1945 г.), композитор– Светлана Сорокина (1957), телеведущöй

КÖЧ ПОСАДЫН ПАНТАСЬÖМ

КАМА кытшын

КÖВДÖМОК

E-mail: kytshyn@mail.ru

ÖТİ-МÖДİ ЯНВАРСКÖЙ

ВЕЖАЛУННЭЗ ЙЫЛİСЬ

Кытшöм вежöртас

«Отопкова» нимлöн?

2015 ГОД ВЫЛÖ КОМИ-ПЕРМЯЦКÖЙ ОКРУГЫН ТÖДЧАНА ДАТАЭЗЛÖН КАЛЕНДАРЬ.

Январь.

«ГОРТ МЕНАМ ОЙВЫВСЯ»

НЕБÖГ ВЫЛÖ ШЫАСЬÖММЕЗ Кöзаок Маруська

Отир понда бур козин

Кама кытшынянварь 15 лун 2015

№2 (224)2

«ГОРТ МЕНАМ ОЙВЫВСЯ» НЕБÖГ ВЫЛÖ ШЫАСЬÖММЕЗ

Абу, натьтö, быдсöн Му вылын сэтшöм морт, кöдалöн бы эз вöв горт, пельöс, кытчö бы эз корсьы лов, кöдасянь эз вись бы сьöлöм. Мортлöн юрвем тырöм сiя кадöн, кöр керис медодзза оськöв, сiя местаöн, кöр панталiс медод-зза радейтöм, мыйöн век кежö йитöм тöдчытöм йиöн гортся гöгкöт. И эта чужанiнiсь, ай

гортiсь, деревняись, ас гöгöр ыбись да вöрись мийö гумла-лам медсöстöмсö, меддонасö, лолыштам медшоныт русö. Этасянь пондöтчö миян учöтик история. Эттшöм жö исто-рияись горша кавскис быд-са содззезöн сöдз вежöр, кöда вайöтiс коми-пермяцкöй гижисьöс, Василий Козловöс, козьнавны отирлö ассис небöг «Горт менам ойвывся». Нач не баситöм вевтöса небöг оз öддьöн корсьы киö, оз усь син вылö медодз, но …нимыс ачыс шуö «ойвывся…», кöда вежöртасö пыртöм быдöс: и мукыра (кымöра, гажтöм) лун, и лымöн вевттьöм керкуэз да пуэз, и весöттöм керку гöгöр туй. Но сёжö «ойвывся» русö

лолыштан дзир небöг пыт-шкись, лыддьöтöм бöрсянь вежöртан, мымда сэтöн öдыс! Быд лыддьöтiсьыс, кöда вид-зис киас этö небöгсö, кöда синöн мунiс сы пыр, кöда вежöрнас локтiс кывбуррезöдз, вермас висьтавны: небöгыс колана. Кыдзкö ас моз гижи-сьыс осьтiс ассис чужанiн, ассямаöсь лоисö гижöттэз. Шоныт руöн койыштö небöгыс, кöть кывбуррез «ойвывсяöсь». Сьöлöмсянь гижисьыс пуктöм лов аслас чужанiн дынö, вильмоз, вöвлытöма осьтöм быдöнным понда тöдса горт. Донаöн лоö гижись понда кöдзыт зэра ар, туриэзлöн говк, мичöтöм пелысьпу (рябина) и нельки туй вылын нятьöсь

лым. А кытшöм кыввезöн гижö ыбшар сьылöтiкö! Деревня-ын олiсь отирлö тöдса карти-наэз мыччассьöны вöвлытöм визьöн. Оз туй кольны бокö и кывбуррез мам кыв йылiсь, кöдна йиджöны сьлöмöдз. Медбура сьöлöм вöрзьöтö небöгись «Ойыс бöрын пыр югдывлö» раздел, кöть сулалö сiя уна торрезiсь: «Кор жö менö, чужанiнöй», «Сьылö му весьтын сöдз любитöм», «Кывбурсö кылö лов», «Бас-няэз», «Горттöмöсь», «Тоску души поймут», «Гроздь ряби-ны на белом снегу», «Басни», «Вуджöтöммез», «Сьыланкыв-вез». Невна гажтöмвевьяöсь петöмöсь мукöд кывбуррес, но гижöмöсь сьöлöмсянь. Гижи-

сьыс веритö, что локтас и сылöн асыв, и шондi югöрыс паськöтас пемытсö, кояс öтмöдöрö лёк кыввез. Бергöтчас сы-лань шуд! Но миянлö шудсö гижисьыс козьналiс ни. Козьналiс вуджöтöм сьы-ланкыввез, вуджöтöм кыв-буррез, басняэз, поэма! Сьöкыт адззыны сэтшöм кыввез, медбы донсьöтны этö небöгсö, сувтöтны вы-лын местаö, почётнöй местаö. Некöр ог верит, что миян коми-пермяцкöй литература да кыв куласö, кöр эмöсь сэтшöм ги-жиссез.

А.И. Теплоухова, Больше-Кочинскöй шöрöт школаись

коми-пермяцкöй кыв да литера-тура сьöртi велöтiсь.

Талуння зэв перыт (виртуознöй) оланын, неколана да юр бöбöтана юöррез коласын лов кошшö мыйкö сьöлöмви донаö да бурмöтанаö. Мый эта вермас лоны? Ёртлöн дзар, аймамлöн пурт кодь лэчыт кыв, колана басни, чöлан ми-нутаэз… Да уна мый эшö! А мортлö, кöда чужис да быдмис аслас му вы-лын – небыт, басöк да рамыник мам-кыв. Нельки нёль строчка лыддьöтöм бöрсянь долытыс тыртö пытшк, топ «виа блин».

Василий Васильевич Козловöс Еныс абу обидитöм: козьналöм сылö талант – кужöмöн да бытшöма мыч-чавны да зорöтны чужан кыв. Быд кывбурын, висьтын ми кылам и ад-ззам гижисьлiсь веськыт да быдкодь рöма шы.

«Горт менам ойвывся» небöг аркмöтö вына думаэз да чувство-эз, кöдна лыддьöтiсьлöн пукалöны кытöнкö пыдына, но нiя эмöсь. И гижисьлöн дзирыт да лайкыт кы-лыс саймöтö, вашöтö синнэз вылiсь пемытсö, вежöртöтö, что миян Пар-ма-муся басöкжыкыс абу некытöн: сюыс миян моз оз гыась некытöн, кыдзок козьналö радейтöмлiсь öд дзир миян дынын, лымыс горзö да тöждiсьö миян ыббез да видззез вы-

лын, а öзимчачаыс енöжись усис дзир миян му вылö.

Василий Васильевич öддьöн ыд-жыт вынöн радейтö ас горт местаэз. Лыддьöтiсь, кöда пыдына видзöтö быд кывлöн вежöртас вылö, медбы не öштыны сылiсь дон, дыр пондас вид-зны тöдвылын да öмидз рöма говкöн нуöтны одзлань образзэз, кылöммез да тöждöммез.

Ыждöтö донсö небöглiсь и сiя, что гижись пыртöм быдкодь отирлiсь вуджöтöммез. Ми неöткодьöсь, но öтамöдöс вермам богатсьöтны и дзарöн, и моггезöн, и вежöртассэзöн, и мывкыддэзöн, и чайтöммезöн.

Павкöтчам чунь йылöн отирлöн культура дынö – ловнымлöн борддэс шевкйисьны пондасö паськытжы-ка и кыссьыны вывлань. Этö сiдзжö позьö казявны Василий Васильевич кывбуррезiсь.

Гижисьлöн кылыс ассяма: и сьöлöм шурöтас, и юрвем весöтас, и думаэз волькöтас, и чужöм мичöтас, и горш пакмöтас, и пельпон зэгöтас, и емöн парскыштас, и сöннэз зэлöтас, и синнэз чикралас, и вывтыр косялас.

А эттшöм кылыс вермас лоны ыд-жыт Гижисьлöн.

Л.И. Селина, Е.А. Семушева, Архангельскöй шöрöт школаись

велöтiссез.

«Горт менам ойвывся…» – В.В. Козловлöн кватьöт небöг. Эта и вежöртана: эд авторыслöн быдöс оланыс йитöм поэзиякöт:

«…шогмö кувбур сьöлöм шогись,синваись и гажись порой…»Гижö В. Козлов сы йылiсь, мый сiйö

тöждöтö, мый вöрзьöтö сылiсь лов. Мед-перво, этö аслас учöт Родина дынö радейтöм («Парма – менам дона пельöсок» кывбур):

«Менам эм эта мирын пельöс, Кытчö лэбзьö пыр узикам лов».Адззöма бур кыввез авторыс вöр-ва

йылiсь, кöда вöлi сы гöгöр учöт кадсянь, кöда пыр «гажöтiс сьöлöм шöр».

Кыдз быд поэтлö, В. Козловлö, «сьылö му весьтын сöдз любитöм…». Эта негора сьыланкылыс öзтö поэтыс сьöлöмын «радейтан би», уськöтö сы тöдвылö важся любитöмыслiсь басöксö да бытшöмсö.

Гижö авторыс сы йылiсь, мый сэтшöмыс оланас Бурыс да Шудыс, Лöгыс да Умöльыс. Сы сьöлöмын эм Вера да Надея:

«Сiдз и ола – надейтча, что шудöс ме адзза,

Одз ли, сёрöн ли, кыдз шуас овнытö Еныс».

Сылöн «лов радуйтчö и тöждiсьö, и весь оз ов некöр». А шуда овны сетöма

не быдыслö. Мукöдпыр кытшöмкö умöль кыв, керöм, грек жугдöны олансö. Эта йылiсь – поэмаын «Горттöмöсь».

Авторыс олö отир коласын. Сiя тöждö и сы понда, мый керсьö миян оланын, миян отирчукöрын, кытшöм шог юасьöммез сулалöны быд морт одзын: кытшöм веськöтлiссезöс сiя бöрйö, вермö я дорйыны асьсö. Эта йылiсь – басняэз.

Василий Васильевич, кыдз морт творческöй, лолын бичирокöн, олö не дзир поэзияöн. Сiя кужö и радейтö сьывны. Сборникын мийö адззам быдлö тöдсаöсь роч сьыланкыввез, вуджöтöмöсь коми-пермяцкöй кыв вылö. Эстöн жö и роч поэттэзлöн С. Есенинлöн да М. Лермонтовлöн кывбуррез, кöдна лоисö сьыланкыввезöн.

Небöгö пыртöмöсь и мöдiк вуджöтöммез, кöднö Василий Коз-лов керöм не дзир финно-угорскöй авторрезлiсь, а и башкирскöй да ингушскöй поэзияись.

Позьö висьтавны, мый эта небöгыс мыччалö олансö быд ладорсянь. Коми-пермяцкöй лыддьöтiсь бурмöтас сьöлöмсö мам кылöн. Босьтас кö киас небöгсö роч морт – и сiя адззас ас понда мыйкö коланаö да лов веськöтланаö роч кыв вылын.

П.И. Яркова, Белоевскöй центральнöй

поселенческöй библиотекаöн веськöтлiсь.

Василий Васильевич Козлов – ассяма кывбуррез гижись, кöдö тöдöны ни быдöс Коми-Пермяцкöй округ пасьта.

Василий Васильевичлöн 2013 воö петіс виль чукöр – «Горт менам ойвывся», кытчö пырисö кывбуррез, басняэз, по-эма, роч кыв вылын кывбуррез да роч кыв вылö вуджöтöм про-изведеннёэз.

Чукöрын эм кывбур-посвя-щеннё, кöда шусьö «Поэтлö», а посвятитöм сiя Василий Ва-сильевич Климовлö, гора нима коми-пермяцкöй гижисьлö.

Лирическöй герой ошкö Ва-силий Васильевичлісь твор-чество, сылісь гижны кужöм, сылісь сямсö, аттьöалö сы кывбуррез понда. Ошкö сöстöм коми кыв понда. Лыддьöтісь отир тöдöны, мый и быль Василий Васильевич Климовлöн произведеннёэз донаöсь бытшöм, сöстöм коми-пермяцкöй кылöн. Эттшöм дон дынö жö кыссьö и Василий Ва-сильевич Козлов. Позьö кокни-та казявны, мый сы кывбурре-зын сідзжö коми-пермяцкöй кыв «ыбшарöн кылö». Да и не весь эд, натьтö, öт гижисьыслöн и мöдыслöн нимныс да айним-

ныс öткодьöсь.Кывбуррез пыр лыддьöтісь

одзö петö думайтісь лирическöй герой, сія юасьö олан йылісь, морт йылісь, чужанін йылісь, поэтлöн дон йылісь, мам кыв дон йылісь, радейтöм колöм йылісь. Мукöдпыр сія адззö очакыввез (ответтэз), мукöдпыр – оз, мыйсянь ловлö бöра колö кошшисьны.

«Енöж от увтын», «енöж рöмöдз синö сидзö», «мам кыв», «шуд кай лэбзис», «ловлöн кынмис шоныт борд», «юи шонді», «кыввезісь кытш öтамöдлö козьналам», «чочком юссез йöктöны балет», «моро-

сам кай оліс» и мöдік бытшöм выраженнёэз висьталöны, мый лыддьöтісь одзын – кужись поэтлöн кывбур чукöр.

Чукöрö гижись пыртöм роч кыв вылын чужöм кывбуррез да роч кыв вылö вуджöтöм произведеннёэз, мый сетас паськытжыка тöдсасьны сы творчествоöн.

Василий Васильевич гижö эшö и басняэз, кöдна сы кипод увтiсь петöмась баснялöн за-кон гижöм сьöрті, а эта жанрыс коми-пермяцкöй литератураö не öддьöн паськыта пыртöм. Колö содтыны, мый и поэмаэз коми-пермяцкöй литератураын

не öддьöн уна, а лирическöй поэма «Горттöмöсь» содтас колана пай поэмаэз списокö. Сьылісь отир понда бур козинöн лоасö вуджöтöм коми-пермяцкöй кыв вылö быд мортлö тöдсаöсь роч сьылан-кыввез.

Т. Меркушева, Н.Мальцева, С.Зубцова да мöд.,

Перем ладорись коми-пермяк кыв да культура

радейтiссезлöн «Югöр» нима чукöрын Правленнёись членнэз.

«Менам эм эта мирын пельöс, кытчö лэбзьö пыр узикам лов»

Пыдына видзö быд кывлiсь вежöртас

Койыштö шоныт руöн

Кама кытшынянварь 15 лун 2015

№2 (224)3

КÖЧ ПОСАДЫН ПАНТАСЬÖМ

Важ Виль год порйöтöны не только коми-пермяккез, но и быдсöн Россия пасьта, сiдзжö Украинаын, Бе-ларусьын, Казахстанын (40% гöгöр населеннё), Грузияын,Македонияын, Сербияын да Черного-рияын, Швейцарияын немецкöй кыв вылын баитiссез. Причинаэс нiя жö: нето местнöй вичкуэз сё эшö олöны юлианскöй кален-дарь сьöртi (важ стиль сьöртi), нето Важ Виль годсö порйöтöмыс – этö кöркöсянь аркмöм да зорамöм традиция, кöда шогмис сысянь, что «важ стиль вылiсь» виль вылö годдэз лыддьöмлiсь вуджöмсö народ эз примит.

Лада Созонова.

Öтласа народнöй обычайезöн да традицияэзöн Важ Виль год порйöтöмын лоö сiя, что январь 13-сянь 14-öй ойö панталöны Святитель Василий Великийлiсь лун. Эта рытö лöсьöтлiсö порсь яйись сёян, сiдз кыдз Васи-лий Великöй лыддиссьö порсь вöдитiссезлöн покровительöн. Быдсöн семьяöн öксьывлiсö пызан сайö, мед уна да дыр сёйны-юны.

Коми-пермяккез асмозна-ныс донтöны да порйöтöны Василей рытсö. Вежалуныс нылöн сорлассьöм-гардчöм и языческöй верованнёэзiсь элементтэзöн, и провослави-еись действиеэзöн. Да и быд деревняын олiссезлöн чулалöм кад коста чужисö ассяма эле-менттэз, кöдна паськöтiсö да богатсьöтiсö рыт чулöтöмлiсь гажсö да донсö. Конечно, медтöдчанаыс Василей рытö – ритуальнöй ужин, кöдö Пар-маын олiссез шуöны «юркок вильöтан рыт».

Юркок – этö порсь нето баля юррез да коккез, кöднö

пöжöны горын рыт кежас. Кыскöны гор-

сис енöжын (небо-ын) медодзза кöдзыв (звезда) мыччисикö.

Яйсö торйöтöны лыэз бердiсь, вайöны пызан вылö, а пуöм яя шыдсö мымдакö кольöны студень

вылö, кöда лоас готов ашынас сёйöм понда. Эта сёяныс, тыдалö, кольччöм Шондi-Енлö важ языческöй жерт-

воприношеннё обрядiсь торöн. А кин сёйис

жертвеннöй ужинсö, ловнас роднитчö ен-

божествокöт да вермö надейтчыны сы покро-вительство вылö му

вылын уджын да пода вöдитöмын.

Кöр быдöс сёйсяс, лыэс-шеггес вильöтсясö, сэк нiйö петкöтöны пода гидö, чукöрокöн дзебöны ыбöс дынсянь весь-кыт пельöсö да шувлöны: «Кы-ным шег – кык сыным дзель, куим сыным – дзут. Кыдз эна шеггес öтлаын, сiдз и подаыс

пыр öтлаын лоас».(Вежалун-нэз йылiсь материал босьтöм гижись Василий Климовсянь юасьöм пыр да сы книгаэзiсь.)

Январь 13 лун – быдöнлö тöдса кыкпöвса вежалун: Важ Виль год да Василей рыт (юр-кок вильöтан).

ÖТİ-МÖДİ ЯНВАРСКÖЙ ВЕЖАЛУННЭЗ ЙЫЛİСЬ

Январь 5 лунö Кöч посадö уджалан визитöн вовлiсö Пермскöй крайись полициялöн удж сьöртi Россияись МВД-лöн главнöй управленнёись на-чальник, генерал-майор Виктор Кошелев, сылöн заместитель Константин Строгий, кадррез сьöртi управленнёись началь-ник Андрей Голощапов, тыллöн начальник Михаил Рогожников да уголовнöй розыск сьöртi управленнёись начальник Па-вел Фадеев.

Вера Мелехина.

Сiйöн, что эттшöм гöссез миян посадö вовлöны не сэтшöм тшöка, посадiсь культура керкуын чулöтсис, позьö, натьтö, шуны, и торжественнöй, и гажöтана мероприятие. Ыджыт чиннэзкöт пантасьöм вылö локтiсö и по-лицияын уджалiссез коласiсь ветеран-нэз, и öння уджалiссез, и просто Кöч по-садын олiсь отир.

Пантасьöмсö пондöтiс Кöч увтырлöн юралiсь Алексей Пыстогов, а сыбöрын кыв сетiсö Виктор Васильевич Кошелевлö, кыдз медыджыт гöсьлö.

Сiя висьтасис, что локтiс видзöтны кыдз уджалö полициялöн состав, мый ны уд-жын да оланын сьöкытыс, да öтлаын и пантасьны Кöч увтырлöн отиркöт. Кöть Виктор Васильевич и ыджыт чина морт да локтiс уджалан могöн, но эз вунöт по-здравитны чукöртчöм отирöс вильгодся вежалуннэзöн.

Эта мероприятие увья клублöн сце-на вылын мыччалiсö ассиныс сьылан-йöктан сямнысö «Традициям славным

верны» нима крайись фестивальлöн лауреаттэз да дипломанттэз, Кудымкарскöй районiсь «Ростки Пар-мы» нима семейнöй ансамбль, ан-самбль «Асланым зон» (Свой парень), Константин Стерхов да Вера Нохрина, Руслан Меметов да мöдiк артисттэз. Колö висьтавны, что быд ансамбльлö да торья сьылiсьлö Виктор Василье-вич сетiс дона козиннэз, а семейнöй ансамблись медучöт участниклö,

Лёня Ермаковлö, козьналiс торья ко-зин. Видзöтiссез козьналiсö куимгодся артистлö гора аплодисменттэз.

Быд артистлöн, кöда выступитiс эта концерт вылын, эм пай, кин пырö

миянöс дорйиссезлöн (полициялöн) уджö; и учöт

ли, ыджыт ли сiя пайыс, некин оз понды лыддисьны,

быдыс вежöртö, что эта колана, сьöкыт уджын сiя лоö мортлö ыджыт содтöтöн сы оланын.

Кынымкö годöн одзжык эта сцена вы-лын крайись милицияын (сiя кадö эшö милиция) уджалiссез коласын чулавлiс ни невунöтчана концертнöй номерре-за мероприятие. А талуння концертыс эшö öтпыр мыччалiс, что полицияын уджалiссез не дзир миянöс дорйöны – нiя эшö и кужöны миянöс гажöтны да юкасьöны миянкöт асланыс талантöн.

Фотографияэз босьтöмась интернетiсь.

Ыджыт чиннэзкöт пантасьöм вылö локтiсö и полицияын уджалiссез коласiсь ветераннэз, и öння уджалiссез, и просто Кöч посадын олiсь отир.

1918 годö виль государство понда (бöртiжык сiя пондас шусьыны Советскöй Союз) вöлi примитöм виль григорианскöй календарь, кöда сьöртi мирыс олiс эшö 1582 годсянь.

Православнöй вичку государстволiсь сэтшöм решеннёсö эз примит и одзлань порйöтiс быдöс

религиознöй вежалуннэсö важ юлианскöй календарь сьöртi, важ стиль сьöртi. Этасянь

и шогмисö арт öштан ситуацияэз: кык Рождество, кык Виль год. Колö

висьтавны, что юлианскöй да григорианскöй календаррез коласын разницаыс, лыддьыны кö

Иисус Христослöн чужан лунсянь (годсянь), быд

100 год коста содö öтiк лун вылö. И 2100 годся март 1 лунö эта разницаыс лоас 14 лун вылö (öнi кык календарь коласын разницаыс – 13

лун), и 2101 годсянь Рождество да Важ Виль год

пондасö порйöтсьыны öтiк лун вылö сёрöнжык.

Эшö öння кад диктуйтiс ассис правилоэз, да лоис сiдз, что январь 13 луныс утвердитöм, кыдз российскöй печатьлöн лун. И порйöтöны сiйö специалисттэзлöн профессионаллэзлöн ыджыт чукöр: нiя, кин уджалö печатнöй изданнёэзын да кин печатайтö газетаэз, журналлэз, книгаэз. А нiя неетша Россия пасьта (сто тысяча

гöгöр регистрируйтöм СМИ), да и миян округын адззисясö газетаэзлöн редакция-эз, издательскöй отдел да типографияэз (печатнöй салоннэз). И мед нылöн локтан

годö содö вын да öд удж понда, мед содöны изданнёэзлöн тиражжез, паськалö лыддьöтiссезлöн армия, ась видзчисьöны нiйö бур юöррез да сььöлöмви лоан пу-

бликацияэз. Мед зорамö печатнöй СМИ-ын уджалiссезлöн профессионализм!

«Кама кытшын» (В окружении Камы)-Коми-Пермяцкöй округлöн газета.Учредитель и лэдзись - Коньшина Елена Ивановна. Телефон - 4-43-13,

адрес: Кудымкарскöй район, Дёмина деревня, ул. Мира, 5.Регистрация йылiсь свидетельство – ПИ №ТУ 59 – 0412 сетöм Пермскöй крайöт массовöй

коммуникацияэзлöн да информационнöй технологияэзлöн связьлöн сфераын надзор сьöртiФедеральнöй службалöн Управленнёöн. Газеталöн индекс: 53324

Редакциялöн адрес: 619000, г. Кудымкар, ул. Пермяцкая, 47.

Газеталöн номер кырымпасалöм 14.01.2015 г.Печатьö кырымпаслöн кад: 12.00. график сьöртi 12:00, 14.01.2015 г.

факт сьöртi 12-00, 14.01.2015 г.

Газета петö öтпырись неделя вылын.Редакциялöн да гижиссезлöн мненнёыс не пыр

вермас вачкисьны.Публикацияэз понда, кöдна понда вештöм сьöм,

ответственность водö нылöн гижиссез вылö.Главнöй редактор Елена Коньшина.

Печатайтöм: ООО «Печатник»,Верещагино карын,

Октябрьская нима улица, 61.Газета ыжданас: кык печ. лист.Заказ №298 Тираж 2000 экз.

4

Леонид Григорьев

Öктiс да коми-пермяцкöй кыв вылын лöсьöтiс Аркадий Мошегов, Шерья посад.

6+

Дарья Кетова, 8 «б» класс, Белоевскöй школа Кудымкарскöй район

лiс-вöліс кöзаок Марусь-ка. Оліс сія öтнас учöтик керкуокын. Вöлі сія дыш, узьны радейтiс да сёйны.

А медбы сёйны, колö уджавны. Öтöрын сулаліс гожум. Чеч-

чис сія асылöн и видзöтö, пы-зан вылас сёйны нем. Петіс сія öтöрö и думайтö, кытчö жö мун-ны. Решитіс кöзаок мунны Оша-Миша дынö. Локтіс сы ордö, видзöтö, некин абу, а карчйöрын сёртни тыр быдмöм. Пырис Маруська жагöник карчйöрас, гусьöник летöвтіс кынымкö сёр-тни да пышшис гортас.

Мöд лунас чеччис Маруська, видзöтö, бöра сёйны нем абу. Думайтіс, кин ордö öні мунны. Сія решитіс мунны кöч Косуля дынö. Локтіс сы ордö, видзöтö – некин абу, а телегаын куйліс уна морковь. И кöзаок гусяліс морковвесö.

Куимöт лунас кöзаок гусяліс петухлісь яблоккез. Нёльöт лу-нас гусяліс кабанлісь картошка.

Чеччис асылöн кöзаок довольнöй. Оні сылöн быдöс эм. Петіс öтöрö, а сэтчин сулалöны: Оша-Миша, кöч Косуля, петух да кабан. Быдöнныс лöгöсь. По-взис Маруська да пырис керку-ас, пöднасис. Бöртiжык кöзаыс осьтiс ыбöс, и корис дынас нiйö юны чай. Мунікас быдöнныс невнаöн колисö ассиныс карч. Оша-Миша колис ассис сёртни,

кöч Косуля морковкаэз, петух – яблоккез, кабан – картошка. Маруська кольччис довольнöй и мöдпырся эз мун гусясьны.

***Интеллигентнöй морт некöр оз висьтав: «Да туп-

кы ни öмтö!» Сiя вежливöя юалас: «А мыля Тi нем од сёйö?»

***Литература урок вылын.– Вовочка, мый тэ тöдан Чехов да Пушкин йылiсь?– Чехов – кар (город), Пушкин – тожö кар.– А кин жö сэк Толстой?– А Толстой – этö лев!

***– Господин фельдфебель! Обедыс тырмас дзир

джын ротаыслö.– Öддьöн бур, сiдзкö обедайтны пондам атака

бöрын.

***Сёрнитöны кык блондинка.– Тöдан, мыля компаслöн мöд ладорас эм учöтик зер-

кало? – Мыля, мыйлö?– Медбы адззыны, кин öшис.

***– Овлö: пуксин бы машинаö, включитiн музыка и

просто гöнитiн кытчö-нибудь. Но падмöтö сiя, что ма-шинаыс абу.

***– Дона Дедушка Мороз! Поди, эта годö козинсö сьöмöн

(деньгаöн) ваян?

***Дед Мороз – этö неправильно. Колö баитны –

Кöдзыт Пенсионер!

***Ёлка вылын Дед Мороз пуксьöтö аслас пидзöссэз

вылö учöтик нылочкаöс и юалö, кытшöм козин бы сылö колiс Виль год кежö. Нылочка дивуйтчöмöн да лöгсорöн шуö:

– Тэ мый, Дедушка, висьталан бы, что эн лыддьöт менчим эсэмэскаöс?

***– Ме ог вежöрт банкись уджалiссезöс. Мыля нiя

шариковöй ручкаэсö пыр кöрталöны? Если ми дове-ряйтам нылö ассиным сьöм (деньга), то нiя вермисö доверяйтны кöть бы ассиныс ручкаэзнысö!

Мича паськöмö мöдöтчам,Öтамöдлö ки нюжöтам,

Туп-и-тап горöнжык йöктам,Рытсö гажöна чулöтам.

Лым чироккез, рöма биэз, – Югьялö басöка кöзок,

Чукöртчам рытöн сы дын мийö,Висьтасям бытшöм кывбурок.

Виль годö олö тійö бура!Эд панталö сьöкыт шог,

Небыт няньöн, чöскыт сурöнЧулöтö гажöн локтöм год.

Бур олансö тэныт кöсъя,

Рöма, дзарыт1 Парма-горт, –Сьöд вöр шöрын кöркö шогмöм,

Вына, дона коми морт!

1 Дзарыт – югыт, свиттялан.

январь 15 лун 2015 №2 (224)

Кама кытшын

О

АНЕКДОТТЭЗ

Кöзаок Маруська

Важ Виль годöн!

ПУКСЬЫ ДА ВАКСЬЫ

К Ö В Д Ö М О К

Миян лыддьöтiссезлöн

кывбуррез