E-Spark hija newsletter elettronika mahruga mic-Centru tal-Vokazzjonijiet tas-Seminarju,

tal-Virtu,Rabat . Tel: 21450354 - www.vokazzjoni.com

Dan kollu seta’ jseħħ

għax San Pawl sab

żewġ dispożizzjonijiet

fil-Maltin li forsi għalih

kienu sinjali, meta tqis

li s-soltu dejjem kien

isib inkwiet u

persekuzzjoni…

San Luqa – li kiteb l-Atti tal-Appostli – baqa’ jiftakru tajjeb dan l-episodju:

“In-nies tal-gżira ġiebu ruħhom magħna bi ħlewwa li ma bħalha. Laqgħuna tajjeb lilna lkoll” (Atti 28,2).

F’dawn in-nies telgħin mill-baħar imqalleb, il-Maltin raw nies fil-bżonn. U l-ġenerożità li wrew magħhom fetħitilhom qalbhom anki għal Alla.

Kienu nies kapaċi josservaw, u jidher li kellhom idea ċara ħafna ta’ dak li hu spiritwali. Dan narawh fil-mod kif interpretaw il-ġrajja tan-nawfraġju li kienet qed isseħħ quddiem għajnejhom...

• Ħabsin mgħassin bis-suldati magħhom, imma ħelsu mill-għarqa: interpretawha bħala possibiltà ta’ intervent ta’ Alla.

• Bniedem jingidem mill-lifgħa imma jibqa’ ħaj: donnu xi kastig, imma hemm ukoll il-ġustizzja li hi akbar minn dak li jidher minn barra.

• Il-fejqan li wettaq San Pawl fuq in-nies morda tal-gżira: għarfuh bħala sinjal tal-preżenza Divina

fosthom.

Din il-fidi sempliċi tan-nies, u dan is-sens tad-Divin, San Pawl ħadhom u użahom

biex wassal ir-Rivelazzjoni ta’ Ġesù. Jidher li l-predikazzjoni ta’ Pawlu ħalliet frott

kbir għaliex San Luqa jirrakkonta: “Urewna ġieħ kbir, u meta ġejna biex nitilqu,

għabbew fuq il-ġifen kull ma konna neħtieġu” (Atti 28,10). Dan juri li f’dawk il-ftit

xhur laħqet inbdiet komunità ta’ nies li jemmnu, l-ewwel komunità nisranija f’Malta.

Snin qabel, Ġesù kien diġa’ ħabbar:

“Ħtartkom biex tmorru tagħmlu l-

frott u l-frott tagħkom jibqa'” (Ġw

15,16). Ejjew inħallu din il-ġrajja

tispirana. Hemm bżonn nagħrfu l-

prezenza ta’ Alla f’kollox. Hemm

bżonn niftħu qalbna għal xulxin

għax il-ġenerożità tħallielna qalbna

lesta biex nilqgħu il-Kelma ta’ Alla.

E Spark 64 Frar 2014

Min jaf kemm tkun differenti ħajjitna, il-ħajja f’pajjiżna – u anke fid-

dinja – jekk il-ġrajja li nfakkru fl-10 ta’ Frar inħalluha tqanqal fina

stagħġib u ġġegħlna nistaqsu ċerta mistoqsijiet ... li nipprovaw

inweġbuhom fil-ħajja tagħna.