Upload
diocesan-vocation-centre
View
231
Download
2
Embed Size (px)
DESCRIPTION
Rivista ghal min qed ifittex is-sejha ta' Alla, u jrid jaghmel xi haga dwarha A resource for those seeking God's plan in their life, and who wish to do something about it
Citation preview
E Spark 55 Marzu 2013
Ir-Randan:
min jistudjah, isibu stupend,
min jersaq lejh, isibu profond,
min jesperimentah, isibu uman,
min jgħixu, isibu divin.
E Spark 55 MARZU 2013 Aħna ma nisimgħux kollox....
Żewġt iħbieb kienu mexjin f'belt kollha storbju. Ħwienet, traffiku, nies jgħaġġlu. Geġwiġija sħiħa!
F'daqqa waħda wieħed minnhom dar fuq sieħbu u qallu: "Isma' dak il-pitirross x'jgħanni!" Sieħbu ħares lejh iċċassat. "U ħallina minnek" qallu. "Jien ma qed nisma' xejn! Pitirross x'qed jagħmel ġo belt? Dawk f'xi
siġra fil-kampanja ssibhom!" L-ieħor għamillu sinjal biex jiskot u beda jħares l'hawn u l'hemm fil-qrib. Ra fejn kienu qed iwaqqgħu dar kbira qadima biex jibnu appartamenti flokha. Did-dar kellha ġnien, u f'nofs il-ġnien kien hemm siġra li minnha kien qed jgħanni l-pitirross. "Kif irnexxielek tisimgħu b'dan l-istorbju kollu?" Sieħbu wieġeb: "Tinsiex li jien ornitologu... ittrenjajt lili nnifsi biex nisma' l-leħen tan-natura kull fejn inkun".
Komplew mexjin fis-skiet. Ftit wara, l-ornitologu tefa' munita taż-2 Ewro mal-art fuq il-bankina. Kemm ili ngħidlek ħafna nies bdew ifittxu fl-art b'għajnejhom.
"Qed tara?" qal lil sieħbu. "Aħna ma
nisimgħux kollox, imma biss dak li rridu
aħna!"
E Spark 55 MARZU 2013 Qisu Alla jistenna minna li nkunu dejjem bit-tbissima fuq wiċċna...
Ġieli ninnota kemm bħala nsara narawha nuqqas ta'
rispett din li nuru lil Alla dak li tassew inkunu qed inħossu. Qisu Alla jistenna minna li nkunu dejjem
bit-tbissima fuq wiċċna... Ngħaddu minn xhiex ngħaddu, dejjem irridu nibqgħu nitbissmu. Għalhekk meta nkunu
qed inħossuna rrabjati għal Alla ma nurux miegħu din ir-rabja. U bħalma jiġri dejjem, meta nżommu din
ir-rabja maqfula ġo fina, din tibqa' f'qalbna u toħnoq u tħammeġ ir-relazzjoni tagħna ma' Alla.
"Mhux sinjal ta' rispett li tgerger ma' Alla minħabba t-
tbatija li tkun għaddej minnha!"
Hekk bdew jgħidu l-ħbieb ta' Ġob lil dan il-bniedem li tilef
kullma kellu: ġidu, uliedu, daru, saħħtu stess... Kemm se
jiflaħ jissapporti Ġob? Juri lil Alla kemm hu dispjaċut –
imma mingħajr ma jitlef il-fidi u t-tama f'Alla. Imma
mbagħad jaslu fuq ix-xena l-ħbieb ta' Ġob u jippruvaw
jikkonvinċuh li żgur għamel xi ħaġa ħażina ... forsi nesa ...
imma Alla ma jinsiex ... u dak li kien għaddej minnu kien xi
tip ta' kastig li kien ħaqqu. S'intendi Ġob jiċħad dan kollu u
jkompli jesprimi d-dwejjaq tiegħu quddiem Alla.
E Spark 55 MARZU 2013 "Imbagħad isseħħ ħaġa tassew meraviljuża.
Dan id-djalogu bejn Ġob u sħabu jkompli għaddej – anzi, jirrepeti ruħu bla ma jinbidel xejn – għal 30 kapitlu sħaħ. F'din il-parti tal- Ktieb ta' Ġob, Alla ma jidħol imkien. Qisu sieket ... ma jgħid xejn!
Imbagħad isseħħ ħaġa tassew meraviljuża. Alla jinterrompi d-djalogu bejn Ġob u sħabu u jfakkar lil Ġob li huwa Hu, Alla, l-awtur tal-
għeġubijiet tal-ħolqien u tal-glorja li naraw madwarna.
Alla jistaqsi lil Ġob: "Qatt kemm ilek fid-dinja kkmandajt is-sebħ, jew urejt liż-żerniq postu?"
E Spark 55 MARZU 2013 "Fuqek jien b'widnejja smajt; imma issa b'għajnejja rajtek”
Il-leħen ta' Alla jġib lil Ġob f'sensih. U b'umiltà kbira, Ġob iwieġeb lil Alla: "X'nista' nwieġeb jien li ma niswiex
karfa? Ikolli nqiegħed idi fuq ħalqi! Darba tkellimt u ma nerġax; darbtejn, u ma nissuktax."
Wara li rnexxielu jeħles mir-rabja li kellu "kontra"
Alla, Ġob mill-ġdid jerġa' jisma' lil Alla jkellmu. Iva,
avolja t-tbatijiet tiegħu baqgħu hemm bħal qabel, issa Ġob iħalli lil Alla jmissu, u mbagħad iħoss lil Alla
miegħu bħal qatt qabel.
Tant li lil Alla jgħidlu:
"Fuqek jien b'widnejja smajt; imma issa b'għajnejja
rajtek." U l-Mulej bierek il-ħajja l-ġdida ta' Ġob aktar minn dik ta' qabel.
E Spark 55 MARZU 2013 It-tbatijiet u d-dwejjaq li ngħaddu minnhom fil-ħajja jistgħu jkunu okkażjoni biex
induqu l-ħbiberija ma' Alla....
Imqar fit-tbatijiet tiegħu, Ġob jiltaqa' ma' Alla.
Imma l-ewwel irid jgħaddi milll-fażi tat-tgergir
u jesprimi d-diżappunt tiegħu lil Alla. Bħal Ġob
anke aħna rridu nfakkru lilna nfusna li t-
tbatijiet u d-dwejjaq li ngħaddu minnhom fil-
ħajja jistgħu jkunu okkażjoni biex induqu l-
ħbiberija ma' Alla b'mod tassew ġdid.
Alla jħobbna. Din hi l-verità assoluta. Imma
aħna nirribellaw u ninsew li l-imħabba ta' Alla
tasal għandna taħt form differenti – xi wħud
aktar pjaċevoli minn oħrajn. Xi kultant naħsbu
li l-imħabba tifisser li jiġrulna biss affarijiet
sbieħ. Esperjenzi li jinkwetawna jew
iweġġgħuna m'għandniex xi rriduhom! Imma
dawn jiġru lil kulħadd. Flok naċċettaw dan
bħala fatt, nippruvaw inwaħħlu f'Alla. Forsi
naħsbu li jkun insiena jew li mhux qed jimxi
sew magħna. Fi kliem ieħor – bħal Ġob –
inkunu qed ngħidu lil Alla li aħna nifhmu aktar
minnu! Li aħna nafu l-aħjar x'inhu li jgħodd
għalina.
Imma minkejja r-rabja tagħna, Alla jfakkarna li Hu dejjem qiegħed f'kontroll. Anke jekk qed inbatu ħafna, jew qed infittxu bla ma
nsibu xejn, Alla għandu pjan għalina. Irid jagħmel ħajjitna sabiħa daqs is-smewwiet u jiemna kotrana daqs il-kwiekeb tas-sema.
E Spark 55 MARZU 2013
Mhux faċli għalina nintebħu bil-pjan li Alla għandu għalina, speċjalment f'mumenti ta' dlam. Imma fil-ħin u l-waqt opportun, Alla se jurina li Hu għadu hemm u li qed jieħu ħsiebna. Kwalità essenzjali biex nimxu ma' Alla
hi s-sempliċità. Lil Alla aħna ma nistgħux nifhmuh. Imma dan ma jfissirx li Alla hu bla sens! Is-sejħa tagħna
hi li ngħixu ma' Alla, mhux li nifhmu lil Alla! Irridu ngħixu bħalu u nkunu nixbħuh kemm nistgħu. F'Ġesù naraw b'mod ċar ħafna kif inkunu nixbħu lil Alla.
Ġesù jpoġġi quddiemna affarijiet sempliċi ħafna. Sempliċi ma jfissirx li huma faċli. Bħal Ġob aħna nistgħu nikkumplikaw l-affarijiet bla bżonn u nimblukkaw lil Alla minn ħajjitna. Xi affarijiet li qalilna Ġesù, biex
niffriskaw il-memorja...
Kwalità essenzjali biex nimxu ma' Alla hi s-sempliċità
"Ejjew għandi, intom ilkoll li tinsabu
mħabbtin u mtaqqlin, u
jiena nserraħkom..."
(Mattew 11, 28)
"Morru! Araw,
qiegħed
nibgħatkom..." (Luqa 10, 3)
"Itolbu lil Sid il-
Ħsad..."
(Luqa 10, 2)
"Il-madmad tiegħi
ħelu u t-toqll tiegħi
ħafif..."
(Mattew 11, 30)
"Min jisma' lilkom
ikun jisma'
lili..." (Luqa 10, 16)
"Fid-dar fejn tidħlu,
għidu: Is-sliem lil din id-dar"
(Luqa 10, 5)
"Kulu dak li jqegħdulkom
quddiemkom"
(Luqa 10, 8)
"Lin-nies għidulhom:
Is-Saltna ta' Alla
waslitilkom"
(Luqa 10, 9)
Toqogħdux idduru
minn familja għal
oħra"
(Luqa 10, 7)
"Fejjqu l-morda li jkun
hemm"
(Luqa 10, 9)
Aħna d-dixxipli ta' Ġesù.
Mexjin fuq il-passi tiegħu. Meta d-dixxiplu jkun jixbaħ lil Imgħallem tiegħu, ikun qed
jogħġob lil Alla. Bl-eżempju tagħna nillidjaw oħrajn biex bħalna jsibu posthom fis-
Saltna ta' Alla u b'hekk tinbidel id-dinja li ngħixu fiha u ssir post aktar skont il-qalb
ta' Alla.
E Spark 55 MARZU 2013 Jeħtieġ biss ħaġa waħda
Dawn huma affarijiet li
kulħadd jista' jagħmilhom. Jeħtieġ biss ħaġa waħda: Li jiena nkun ħadt deċiżjoni li
se ngħix għal Ġesù biss. Il-ħajja Nisranija (il-ħajja fi Kristu) mhix triq li minnha
jista' jgħaddi biss min hu bravu jew perfett. Niftakru fil-kliem li qalet Marija lill-
qaddejja waqt it-Tieġ f'Kana: "Agħmlu kull ma jgħidilkom hu" (Ġwanni 2, 5).
E-Spark hija newsletter elettronika maħruga
miċ-Ċentru tal-Vokazzjonijiet tas-Seminarju,
tal-Virtu,Rabat . Tel: 21450354
www.vokazzjoni.com
Contact
Fr Michael and share your comments, suggestions,
ideas or problems
email: [email protected]
Vocational Centre
Archbishop’s Seminary
Tal-Virtu, Rabat
Tel : 21450354 /79964557.
E Spark 54 FRAR 2013
Prayer for Vocations
Holy God,
during this Year of Faith,
With gratitude in our hearts,
we praise you for your love and your fidelity.
You have shown us the way to holiness
through Mary and Jesus
and many faithful witnesses.
You continue to call men and women
to dedicate their lives through the vows of
poverty, chastity, and obedience.
Give them courage to respond generously
to your call with “Here I am, send me!”
Blessed by your Spirit,
may we always proclaim your love
with our lives. Amen.