Olive 20th January 2013

Pu Zoramchhana kan then ta Bangalore Khawtlângin Chhiat Kan Tawk

Bangalore 13th January 2013: Pu Zoramchhana (63) chu a Zawngtah lo electric in a man hlauh mai a. A hmunah hian a boral nghal a ni. Hetih hun lai hian a chenpui a tu leh fa te hi an awm lo a, Krismas chawlh hmanga Mizoram lama an zin an lo haw mek lai a ni.

Pu Chhana hi hemi zing hian an thenawm hnai ami Tv. Joseph nen Banaswadi kawngpui sira Zawngtah chu lo turin zingah an chhuak a. An awmna atang hian ke pawha kal phak mai a ni. Zawngtah kung hi lian tak a ni a, a rah pawh a tui viau a ni awm e. A bulah hian electric hrui a in zam phei a, chumi chung maiah chuan Zawngtah rah chu a awm a, lei atanga 10 ft vel a sang a kungah chuan lawn chhoin chuta tang chuan a kawihsapir thir pipe a siam (tun hma chuan thing a hmang thin a ni awm e) 6 ft vela sei hmanga a han hawlh chuan electric hrui chu a tauh ta a ni. Hemi hun hi zing dar 7:40am vel a ni a, hetia electric in a man hian a boral nghal deuh mai niin a hriat. Police leh Electric Department lamten a tul ang an tih zawh chuan hemi hmun atang hian Dr. Ambedkar Medical College & Hospital ah a ruang chu lak a niin post-mortem ani a. A chhungte lo thlen hnu chawhnu dar 5 velah damdawiin atanga la chhuakin an In lamah tlaivar pui a ni. Bangalore Mizo thalai mi 95 vel zet an tlaivar a ni. Hemi ni hi Pathianni a ni a, a lawina kohhran Bangalore Mizo Kohhran leh BMCF te chuan inkhawm an cancel ve ve ani.

A tuk Thawhtanni chawhnu dar 3pm ah chuan In lama vuina hun hman a ni a. Bialtu Pastor in thlahna programme a kaihruai a, thlamuanna thuchah sawina a neih bakah Rev. LH Rawsea’n mitthi chhungte tana tawngtai hun a hmang bawk. In lam programme a zawh chuan a phumna tur thlanmual Indian Christian Cemetery, Hosur Road lam panpui a ni a, chumi hmunah chuan vuina hun Bialtu Pastor Vanlalnunmawia Zawngte in a hman zawh chuan phum a ni ta a ni. BMA dana a lo neih angin, member boral Bangalore hmuna phum tur chu kuang man a tum sak thin a, chute ang chuan Pu Chhana kuang pawh hi BMA in a tum ani.

Pu Zoramchhana hian a nupui Pi Seni chu kum 2011 khan a sun tawh a, a ni pawh hemi thlanmualah hian phum a ni a. Fapa 2 leh fanu 1 an nei a. A fapa upa ber Tv. Lalrothara Tlau chu Gujarat lamah Bank Officer hna a thawk a, a upa ber dawttu Pu Lalromawia te chhungkua nen tuna an chennaah hian an khawsa a, tin an fa naupang ber pawh a pasal leh fapa 2 nen an thenawm chiahah hian an khawsa bawk a ni. Pu Chhana hi pa inngaitlawm leh thil phal tak a ni a, Pathian rawngbawlna lama thahnem ngai tak niin, Kohhran tan pawha mi tangkai tak ani. Thalai leh nu leh pa ten kan ngaiin kan ui tak meuh meuh a ni.

INKHAWM PROGRAMME

Vawiin Inkhawm, 3:00pm PATHIAN BIAK INKHAWM Hruaitu: Pastor Tantu: Nl. C. Lalmawipuii Thuhriltu: Tv. HMS Dawngliana

January 27, 2013; 3:00pm SUNDAY SCHOOL Hruaitu: Superintendent Tantu: Nl. Lalchhuanmawii Rawngbawlna Report: Upa Dr. Lalruanga, President, The Gideon’s International in India, North East States

Kumin 2013 hian Kohhran Committee chuan thla khata Pathianni hnuhnung ber chu Sunday School neih hun atan a ruahman leh a. Puitling Sunday School zir tur chu Sam Bu II & III (42-89), Rev. Dr. R. Lalbiakmawia ziah a ni dawn a, a zir a man hla hle dawn ani. Kohhran Committee chuan kumina Sunday school hunah chuan pawlah insiam tawh lo a zirho turin ruahmanna a siam a ni. NCCI Sunday Vawiin hi National Council of Churches in India Sunday a ni a. He ni hi India ram pumah hman niin Bangalore-ah pawh St. Mark’s Cathedral, MG Road ah zing lam inkhawmnaah hman a ni. Kumina thupui hman chu ‘God of Life; lead us to justice and peace’ tih a ni.

January

Thupui:

‘Damchhung Ni Chhiar’

Volume III Issue No. 2 OLIVE 20th January 2013 1

Inkhawmna Hmun:

JRC Hall United Theological College

Miller’s Road, Benson Town.

Inkhawm Hun:

Pathianni tlai dar 3:00pm

Pathian Rawngbawltu

Minister tih hi engtihna nge tih

inzawt ta chawt ila, mi tam zawk chuan

lal, thiltithei, hotu, etc. tihnaah kan

ngai ngei ang. Nimahsela a awmze dik

takah chuan midangte chhiahhlawh,

rawngbawlsak tu, puitu tihna a ni a,

thuneitu lam aiin thupek zawmtu lam a

kawk mah zawk. Pathian rawngbawlna

hi ministry tih a ni a, chuvangin

rawngbawltu chu thuneitu ni lovin,

midangte tana thawk, midangte tana

inpe a nih a ngai a, Pathian rawng a

bawlna tur chu a kohhran mipuite ah a

ni dawn a ni.

Mizote kan vannei em em a, a

hnam pumin Kristiana chhiar theih kan

ni a, tunlaiah mi ṭhenkhat Kristian ni

lova inchhal awm ta zauh zauh mah

sela a hnam ang chuan Kristian hnam

kan la inti ngam a, kan nun dan erawh

a Kristian chiah em tih erawh a inzawh

theih a ni. Chutianga Kristiana inchhal

awmkhawm zingah chuan

rawngbawltute an langsar lo thei lova,

rawngbawlna hna chu hna zahawm a

lo ni ta a ni.

Hei avang tak hian rawngbawltu

nihna hi theihnghilh theih a ni tlat

mai. Midangte tana inhmang a,

miten an thawh peih loh pawha ti

hram hram a, a rawng kan bawlsak

Lalpa thlir chunga midangte tan

thawktur kan ni tih hriat a ngai a.

Hamṭhatna leh fakhlawhna hi

Pathian rawngbawlnain a tum a ni

lova, midangte tana inpekna,

midangte hnuaia kun tura

inphahhniamna hi rawngbawlna a ni

a, rawngbawl tura min chhawrtu

Pathian duhdan leh Lal Isuan entawn

tura a rawn chhawpchhuah pawh a

ni reng a ni.

2013 KOHHRAN HMEICHHE HRUAITUTE

Chairman : Pi Lalmuankimi Vice Chairman : Pi Zothankimi Secretary : Pi Zorinpuii (Damteii) Asst. Secretary : Pi Janet Hmar Treasurer : Pi Laldinpuii Finance Secretary : Pi Donee Hmingthansangi Committee Members: Pi Carolyn Laltanpuii, Pi Lily Malsawmdawngliani, Dr. Hrangthanchhungi, Pi S. Lalawmpuii, Pi Lalduhsaki, Pi Rosy Malsawmthangi, Pi Melody Mukherjee, Pi Mahriati Chawngthu, Pi Lalhlimpuii, Pi Lalhmachhuani (Seni), Pi Julie Malsawmi, Pi H. Lalhmachhuani, Pi Vanlalchhuangi, Pi R. Lalchhanhimi, Pi Lalfakzuali, Pi Zomuanpuii, Pi Zoramliani, Pi Nuteii (Siama Nu) Kohhran Aiawhte: Rev. K. Muana, Prof. Lalrinawmi Ralte

2013 KRISTIAN ṬHALAI PAWL HRUAITUTE

Leader : Tv. Lalramdinpuia Khiangte Asst. Leader : Tv. K. Remruatfela Secretary : Tv. JC Rochangliana Asst. Secretary : Tv. Lalremruata Treasurer : Nl. B. Lalthakimi Finance Secretary : Nl. C. Lalmawipuii Committee Members: Tv. Samuel Khawlhring, Nl. Zodinpuii, Tv. C. Lalrindika, Tv. Lalchhandama, Nl. Lalbiaknungi, Tv. Lalzarzova, Nl. Saithanpuii Zote, Nl. Lalhmachhuani, Tv. Jerome H. Lalrinfela, Nl. Christie Lalrindiki, Tv. Lalhriatkima, Nl. Vanlalchhanhimi Kohhran Aiawhte: Tv. HMS Dawngliana, Dr. Hrangthanchhungi -----------------------------------------------------------------------------------

Rev. KM Vanlalpeka leh Rev. Zosanglura Pakhuangte te chuan United Theological College ah M.Th entrance pein exam leh interview te an nei a, an duh subject (Pastoral Counselling leh Missiology) an zir thei dawn niin kan hria a, kan lawmpui hle. ----------------------------------------------------------------------------------- A nì maw!? %% Thuthlung Hlui hun lai khan Aigupta mite dam chen (life expectancy) kha kum 30 chauh a ni.

%% China rama western hming lar ber pathum chu: Jesus Christ, Richard Nixon leh Elvis Presley a ni.

%% New York khawpuia ram nei zau ber chu Catholic Kohhran a ni a, Columbia University in a dawt!


Editor: HMS Dawngliana

Joint Editor: Rev. Laldingluaia

Circulation Managers: Lalchhandama Suzanne Sangi

Email: [email protected]

Olive Variety

TUALCHHUNG CHANCHIN

&& Inrinni 12th January chawhnu dar 3 khan Pastor Quarters ah Kohhran committee neih a ni.

&& Pathianni 13th January 2013 khan Pu Zoramchhana boral avangin Pathian Biak inkhawm kan nei lo a, khawhar in lamah lenkhawm a ni.

&& 7th January zing khan Tv. Lalhriatkima pawh a zirna thil tul avangin Aizawl lamah a haw chho. Tun thla tawp hian lo chhuk leh hman a tum. Nikum lama KTP Leader Tv. Hriata hian Mizote zinga suicide lo hluar chho mek chu a zir a ni.

&& Nl. Lalrempuii, kan Pastor fanu pawh Mizoram University a M.A. History a exam zo chawlh hmangin 8th January khan a lo chhuk a. Thla thar February thla chanve vel thleng a la cham ang.

&& Nl. Ruth, Mount Carmel College a zir chuan Sunday School (Puitling leh Naupang) zirlaibu engemaw zat a rawn hawn.

&& 6th January inkhawm ban khan KTP leh Kohhran Hmeichhia hruaitute chuan kum 2013 chhunga committee member turte an ruat.

&& Rev. LH Rawsea chu karleh ah hian a thesis buaipui turin Philadelphia ah a kal dawn a, a nupui Pi Julie leh Matthew te nufa pawh Aizawlah ni 18 khan an haw chho ta.

&& Kumin Good Friday leh Easter Sunday Programme: Good Friday ah Pastorin Lalpa Zanriah Sacrament a theh dawn a. Easter Sunday ah chuan Rev. Malsawmzoliana, Serampore College-a Assistant Professor hna thawk chunga Ph.D (Communications) bei mek, tihdam rawngbawlna lama Pathian mi hman tak chu rawih tum a ni. Tin, Easter Sunday ah hian ruai theh leh tura ruahman a ni bawk. Kohhran hoten tawngtainaah kan lo hre theuh dawn nia. --------------------------------------------------------------- OLIVE Crossword No.35 [A chhanna chu Olive Issue chhuak lehah kan tarlang ang]

1 2

3 4

5 6

7 8

9

10 11

12

13

14

Across 3. Isua zirtir langsar ber 5. Paula zirtirtu 7. Solomona ziah Thufingte ni lo zawk 10. Israelte hruaichhuaktu 12. Tualthat hmasaber tu 13. Isua chanchina khaw lar tak 14. Bangalore pa airline service tunlaia tal buai tak Down 1. Tunlai khawvel ngainat avanga Paula kalsantu 2. Mizorama district pakhat 4. Bishop lawina biak in, MG Road-ah pawh a awm 5. Philistia mi lian 6. Bible-a Africa ram lang zing tak 8. Zirtirte zInga mi India rama lokal nia hriat 9. Brazilian footballer Kristian tha tak 11. Juda te leh Seventh Day te ni serh

------------------------------------------------------------------- OLIVE Crossword No.35 chhanna next issue ah aw.


NITIN LALPA NEN ( Bible chang tarlan hi nitina i chhiar zel chuan kum khat chhung in Bible i chhiar chhuak ngei bawk dawn a ni.)

January 13 (Pathianni)

Genesis 36:1-19 1 Chronicles 1:35-37

Genesis 36:20-30 1 Chronicles 1:38-42

Genesis 36:31-43 1 Chronicles 1:43-2:2

January 14 (Thawhṭanni)

Genesis 37:1-38:30 1 Chronicles 2:3-6

1 Chronicles 2:8 Genesis 39:1-23

January 15 (Thawhlehni)

Genesis 40:1-23 Genesis 35:28-29

Genesis 41:1-57

January 16 (Nilaini)

Genesis 42:1-45:15

January 17 (Ningani)

Genesis 45:16-47:27

January 18 (Zirtawpni)

Genesis 47:28-50:26

January 19 (Inrinni)

Job 1:1-4:21


Job 5:1-7:21

January 21 (Thawhtanni)

Job 8:1-11:20

January 22 (Thawhlehni)

Job 12:1-14:22

January 23 (Nilaini)

Job 15:1-18:21

January 24 (Ningani)

Job 19:1-21:34

January 25 (Zirtawpni)

Job 22:1-25:6

January 26 (Inrinni)

Job 26:1-29:25


Job 30:1-31:40

Olive Huan Vengtu

Nikhat chu nupa tuak khat hi an rawn lang

ve teh tlat a. Zawhna zawt tur hmel pawh

an pu lo va, complaint siam tum an nih hmel ber a.

Lunghnur zetin, lungkham leh enghelh nei takin huan

kawngkhar chu an rawn nam hawng a, Huan Vengtu chuan

an ni chu a lo hmu thuai a, “E khai, in va hmanhmawh vel ve

aw. Enge ni ta? Duh leh mamawhte in neih zawngin han

sawi teh u, kan ngaihtuah tur lah ni,” a lo ti a. Anni chuan,

“En teh, saw lai ral maiah sawn chhungkaw pangngai ang

taka lang hi an awm a. An vanduaia siamin an naute sawn

zan ṭah a vei teh tlat mai a, a ṭapbelh ngang mai a! ṭapbelh

satliah mai pawh hi a ni lo, a huaibak a, a inleng a, a ṭah lah

hian eng thu thu emaw ni hi a chham ang berh berh a. Heti

ngawt hi zawngin kan tuar dai zo lo a ni e, a chhungte pawh

sawn an ning ve ṭhin ngawtin kan ring a nia.” an ti a. Huan

Vengtu chuan, “E, nau ṭah belh leh huaibakte hi an sual

vang a ni lo ve. Chaw ṭha leh hnutetui khamkhawp hmu lo

te an ni duh a, an khamkhawp pawha mutmu tuah meuh lo

ṭhin te an ni duh asin, ṭhenkhat phei chu duattu leh

hmangaihtu pawh nei lo, chuangtlai ngawih ngawiha inngai

nun khawhar takte an ni ṭhin asin,” a han ti a. Chu mite

nupa chu an harh chhuak nghal zawk a! An nu chuan, “Ti

teh, pa-a, chaw ṭha leh hnutetui ngaihtuahsak ila, i va kan

thuai teh ang,” tiin a nghawk ru zeuh va, chu nau kan tur

chuan an chhuak dun ta ral ral a.

--------------------------------------------------------

----------------------------------------------------------------- ��☺☺☺☺ Olivet Smile ☺☺☺☺�� Pastor nena inkawmna: ‘Ram zau tak nei la engzat nge Pathian hnenah i pek ang?’ ‘A zahve ka pe ang’ ‘Cheng nuai khat nei la engzatnge i pek ang?’ ‘Sawma pakhat’ ‘A nih leh vawk talh ta la, engzatnge i pek ang?’ ‘E khai, Pastor a fair lo, kar lehah vawk kan talh dawn tih i hria a ni ngei ngei ang!’

Naupang Pual

---------------------------------------------------------------

English Premier League (Top 10): (as on 20th January 2013, 8:00am) Position Club Played GD Point

1 Manchester United 22 27 55 2 Manchester City 23 26 51 3 Chelsea 22 24 42 4 Tottenham 22 12 40 5 Everton 22 9 37 6 Arsenal 21 16 34 7 Liverpool 23 12 34 8 WBA 23 1 34 9 Swansea 23 7 33

10 Stoke City 23 -5 29

Zanina inkhel tur thenkhatte: English Premier League 06:55pm – Chelsea vs. Arsenal ESPN 09:25pm – Tottenham vs. Man. United ESPN Italian Serie A (Thawhtan zing) 01:10am – AS Roma vs. Inter Milan ESPN Liga BBVA (Thawhtan zing) 01:25am – Valencia CF vs. Real Madrid CF Star

Tunkar chhoah inkhel a awm nual a, kar tawpah erawh inkhel en tur a awm dawn lo a ni.


Olive Newsletter 20th

January 2013

INFIAMNA Oli’tOoN

Documents

Olive 20th January 2013