Upload
olivenewsletter
View
227
Download
1
Embed Size (px)
Citation preview
7/29/2019 Olive 27 January 2013
http://slidepdf.com/reader/full/olive-27-january-2013 1/4
Rinna leh Khawvel Hmasawnna - Rev. LH Rawsea
Mihringte hnena Pathianin finna leh hmasawn theihna a dah hi tu nge chhui
chhuak seng ang? Mihring finna rilzia leh thukzia hi khawvelin rei tak a hriat
phak loh hnuah kum zabi 17na lai vel khan a hai chhuak tan a. Chu hun chu
“Enlightenment Period” tih a ni ta nghe nge. Hetih hun laia thiamna leh finna
puak darh chuan science leh technology lamah harhna ropui tak, rei tak daih
tur chu a paw chhuak a. He harhna thlarau hnarkaitute kha an hmingthang em
em a, khawvelin pumin a hria ni. Isaac Newton, Galileo, Copernicus, Einsteinte an ni, an hming a chul mawlh lo ve.
Kan sawi uar duh deuh phei chuan kan tunlai khawvel chen mekna hi “post
scientific age’ emaw “post enlightenment age” emaw pawh kan ti hial tawh
ang chu. Scientific khawvel, enlightenment khawvel an tih piahlam rama
cheng kan ni. A ropui e! Nimahsela, khawvel changkanna hi Kristiante tan
chona ropui tak a tling. Science thiamna hmanga hmuhchhuah “atom” siam
chhuah kha thil hmuh chhuah ropui ber kan ti mai thei; mahse Atom Bomb
hmanga Hiroshima leh Nagasaki khawpui chhutchhiat aia rapthlak zawk
kum zabi sawmhnihna chhungin thil dang a thleng lo. Kha thil thleng khan
khawvel finna leh thiamna hian nawmsakna leh hahchawlhna min pek vek lohzia a tarlang, khawvelin a hria, a theihnghilh leh tawh ngai dawn lo.
Thluak finna ringawt hian nun a siam tha hauh lo. Lehkha thiam tam vang
ngawtin dikna tundin a ni chuang kher lo. Lehkha thiam kan ngah tawlh
tawlh a, eiruk thiam an tam mai zawng a ni dawn a nih awm hi! Tichuan
eng nge kan tih tak ang le? Finna leh hmasawnna hi Bible zirtirna eng
atanga thlit fim a ngai a. Mihring tana tha lo, nunhona atan pawh hrisel lo
chu kan paihchhuah a ngai. Finna bul chu Lalpa a nihzia kan hriat thar hi
tih makmawh a ni.
Thuthlung Hlui bu hi Hebrai mite chanchin ziakna a ni. An chanchin ziak meuhva neih nachang an hre tlat mai hian thil tam tak a entir. Thiamna leh
zirna an hnualsuat lohzia a entir phawt a. Zirna an dah pawimawhzia a lo
lang leh a, an inzirtir thin tih pawh min ngaihtuah chhuah tir bawk. Hebrai
mite hi Pathian mite an ni a, Pathian rorelna hnuaia leng an ni. Heti taka
zirna leh finna an ngaisang hian an sakhuain chungte chu a keng tel tih a
chiang khawp mai. An lehkhabu hmingthang Torah te, Talmud te, Mishna
te hi han belchiang ila, nun inzirtirna thu thain a khat a ni ber. Heng
inzirtirna zawng zawng hi an rinna huangchhunga leng lo emaw, an
rinnnain a ken tel loh pakhat mah a awm lo.
Mahni theuh inbih ila. Pathian ngaihsakna leh tihna tel hauh lova thiamnaleh finna lipui ka liluh a nih chuan thiamna kebai, mahni tan thlamuanna
rama min paw kai zo lo tur buaipui emaw lek ka ni ang. Rinna leh khawvel
hmasawnna kalkawptir thiam a tul hle.
INKHAWM PROGRAMME
Vawiin Inkhawm, 3:00pm
SUNDAY SCHOOLHruaitu: Pu Lalrokhuma Pachuau Tantu: Nl. Lalchhuanmawii
Zirtirtu: Dr. Hrangthanchhungi
Rawngbawlna Report:Upa Dr. Lalruanga, President,
The Gideon’s International
in India, North East States
FEBRUARY THLAThupui: Thianghlimna
Meeting Chairman:Tv. HMS Dawngliana
February 3, 2013; 3:00pmPATHIAN BIAK INKHAWM
Hruaitu: Pastor
Tantu: Pi LalhlimpuiiThuhriltu: Prof. Lalrinawmi Ralte
Solo: Tv. Bethel Lalchawimawia
February 10, 2013; 3:00pmPATHIAN BIAK INKHAWM
Hruaitu: Pastor
Tantu: Pi C. LaldinpuiiThuhriltu: Rev. K. Muana
Sp.No: Dr. AIT Mizo Zirlaite
February 17, 2013; 3:00pmPATHIAN BIAK INKHAWM
Hruaitu: Pastor
Tantu: Pi VanlalchhuangiThuhriltu: Rev. Lalrokhuma Hmar
February 24, 2013; 3:00pmSUNDAY SCHOOL
Hruaitu: Superintendent
Tantu: Pi ZothankimiZirtirtu tur chu Sunday Schoolcommittee lamin an ruat ang.
January
Thupui:
‘Damchhung Ni
Chhiar’
Volume III Issue No. 3 OLIVE 27
th
January 2013 1
Inkhawmna Hmun:
JRC Hall United Theological College
Miller’s Road, Benson Town.
Inkhawm Hun:
Pathianni tlai dar 3:00pm
7/29/2019 Olive 27 January 2013
http://slidepdf.com/reader/full/olive-27-january-2013 2/4
Pathian Lawmna zawn
Mihring hi a huhova khawsa
kan ni a. Kristiante ngat phei hi chu
inkawmkhawm leh Pathian biaa
kalkhawm thin kan ni. He nun hi
ringtute nunah chuan a pawimawhin
a tangkai em em a. Ringtu hmasate
phei kha chuan an thil neih tam tak
kha an intawm a, Pathian fak leh
chawimawiin, A rawngbawlin an
awm thin a ni. Hun a lo kal zela
rawngbawl turin fehchhuah a lo
ngai ta a, chumi hunah chuan awm
khawm reng loin Pathianin hna
thawh a duh ang zela A hna thawk
turin mimal tinte chungah
mawhphurhna a siam a ni. Hemi
nun kawngah hian kanrawngbawlsaka duh zawng kan hriat
a ngai em em a ni.
Ringtu chu a rinawmin, a dikin a
huaisen tur a ni a. Chu chuan a
nunah chhelna te a siam a ni. Hei hi
Tirhkoh Paula pawhin ringtute
chunga a beisei lian tak pawh a ni
thei ang. Pathian lawmna duh a,
Pathian lawmna tur zawng mi chuan
mihringte lawmna a zawng lo, anlawm zawng nih pawh a tum lo a,
mihringte tihlawm a tum hek lo.
Pathian duh zawng ang zelin a kal a
ni. Pathian lawmnaah chuan
mihring chuan lawmna a hmu veklo
mai thei, chu tak chu kan rinna kan
enfiahna kawng tur pawh a ni.
Pathianin remruatna a neih leh
mihringin remruatna a neih hi
khaikhin chi pawh a nilo a,
hriatthiam phak pawh a nilo thin.Kristian chuan Pathian lawmna a
zawng tur a ni a, mihring lawmna a
zawng tur a ni lo.
KRISTIAN ṬHALAI PAWL## Kohhran zaipawl Conductor tur ruat: Kum 2013 chhunga
Kohhran zaipawl Conductor atan Tv. HMS Dawngliana kan ruata, Asst.
Conductor turin Tv. Zothanmawia ruat ani bawk.
## KTP Committee hun chungchang: KTP committee hi thla khata
Inrinni vawi thumna tlai dar 4pm apiangah neih thin tura ruahman a ni.
## KTP member inziah thar chungchang: KTP member hi kumtin
inziah thar a ngai thin a. Kuminah pawh KTP a inziak lut turte tan
Biakin kawtah hming ziahna bu dah leh ni mai se, chutah chuan hming,
awmna veng/college leh phone number te ziah leh ni se tih a ni.
Kohhran Zaipawl rawngbawlna a pawimawh hle a. Kuminah pawh
hian Pathianin a rawngbawlna atana hma chhawp min siam sak leh ngei
anga, chuvangin rawngbawlna atana mi inpe te chu Kohhran zaipawl ah
hian tel ngei turin kan in sawm e. Zaipawl member ah hian tel bik tura
inthlan emaw in ruat bik emaw a awm lo a, kum bithliah bik pawh a
awm hek lo. Pathian faka rawngbawlnaa tel duh chu tupawh KohhranZaipawl ah hian tel theih ani. Hla zir hun te erawh ruat thin a ni a, tul tak
tak ni mahila, ngai pawimawha tel hram zel erawh kan tum a tha hle ang.
January ni 25 (Zirtawpni) atang khan Mizoram lamah chuan Pastor
Bial hrang hrangah Bial KTP te inkhawmpui neih a ni. Zanin hian
inkhawmpui te hi an tiak dawn a ni.
Volume III Issue No. 3 OLIVE 27th
January 2013 2
Editor:HMS Dawngliana
Joint Editor:Rev. Laldingluaia
Circulation Managers:Lalchhandama
Suzanne SangiEmail: [email protected]
Olive Variety
LAWMTHU SAWINA
Kan pa duh tak Pu Zoramchhana’n Dt.13.01.2013 a natlawkna awm
lova accident avanga chatuan ram min pan san ta kha kan chhungkaw
tan chuan hrilhhai thlakin lungngaih thlak hle mah se keini’n kan sun
tluk zeta min sunpuitu Bangalore Mizo Kohhran hnenah lawmthu sawi
sen loh kan ba a. Amah in duhsakna hnuhnung kawng tinrenga in
lantir dan te kha mawi kan ti.
In tawngkam leh tawngtaina thlamuan thlak tak tak kan dawn zozai te
kha Pathian khawngaihna avanga ti in ni tih kan hria a, Pathian leh in
chungah lawmthu kan sawi ni se.
Sum leh tha, ui leh ren miah lova in sen zozai te kha kan rul let seng
dawn lo che u. He lawmthu sawina hi tling lo hle mah se a rulhna
angin min lo pawm sak ula.
Bangalore Mizo Kohhran tena Pathianni inkhawm, kar khata
inkhawmna hun awm chhun, kan pa in ngainatna tihlan nana in han
thulh te kha ropui kan tih rual rualin phu lo kan inti a, lawmthu kansawi tak meuh meuh a ni.
Min hmangaihna avangin Kohhran hote chungah lawmthu kan sawi a,
Pathianin in rawngbawlna mai bakah kawng tam takah mal a sawm
ang che u tih kan ring a, kan beisei bawk a, kan tawngtaina ber a ni.
In khawngaihna dawngtu,
Zoramchhana fate,
Kamanahalli, Bangalore.
7/29/2019 Olive 27 January 2013
http://slidepdf.com/reader/full/olive-27-january-2013 3/4
TUALCHHUNG CHANCHIN
&& Tv. Lalhriatkima, a zirna thil avanga Mizoram
haw pawh Ningani (24th
January) zan khan
Bangalore a lo thleng leh ta.
&& Rev. LH Rawsea chu pawh January 24, 2013zing lam dar 8 khan thla li vel cham turin
Philadelphia, USA lam a pan ta. Pu Rawsea hi
Lutheran Theological Seminary at Philadelphia
(LTSP)-a Exchange Programme atan UTC atang
hian thlan a ni a. USA-ah hian Spring Semester
(February-May 2013) chhung a zuk awm dawn ani.
&& Tukin zing khan Nl. Lalruatpuii chu a
hnathawhna hmun sawn turin US lam a pan bawk.
Ani hi Infosys Limited, Rockefeller Center,
Manhattan, New York ah Legal Counsel hna a zuk
thawk dawn a ni.
&& Tv. Lalzarzova, KTP committee member nilai
mek pawh a hna chhunzawm turin naktuk
Thawhtanni zing hian Dubai lam a pan dawn bawk.
Good Friday (March 29) leh Easter Sunday(March 31) chu rawngbawltu ruaia hun hman turin
Kohhran committee chuan ruahmanna a siam.
Serampore College-a Assistant Professor hna thawk
chunga Ph.D (Communications) bei mek, tihdam
rawngbawlna lama Pathian mi hman tak Rev.
Malsawmzoliana chu rawih tura biak fel tawh a ni.
Tin, Easter Sunday pawh ruai theh leh tura ruahman
a ni bawk. Kohhran hoten tawngtainaah kan lo hre
theuh dawn nia.
FEBRUARY THLA CHANVO CHANGTUTEKhuangpu: 1. Tv. Zothanmawia, Al Ameen College
2. Tv. Saitluangpuia, UVCE
Guitarist: 1. Tv. K.L Remtluaga
2. Tv. Jeromme H Lalrinfela, UVCE
Keyboardist: 1. Tv. Lalhruaikima, UVCE
2. Pu Levis K. Lalsiamliana
Hla hriltu: Pi S. Lalawmpuii
Ushers:
1. Nl. Christie Lalrindiki (Mt Carmel College) Convener
2. Nl. Lalhmingsangi (Mt Carmel College)
3. Nl. Ruthi (Mt Carmel College)
4. Nl. Hlutei (Mt Carmel College)
5. Tv. R Hmingthanzauva (UVCE)
6. Tv. HJ Lalromawia (UVCE)
7. Tv. Henry Rinsangzuala (UVCE)
8. Tv. Vanlalhlimpuia Pachuau (UVCE)
---------------------------------------------------------------OLIVE Crossword[Tun tum chu kan han awm leh phawt ange]
Kar hmasa ami No.35 chhanna:1 2
3 4
5 6
7 8
9
10 11
12
13
14
P
G
O
L
I
A
T
H
A
D
E
M
A
T
M
K
E
A
T
K
A
K
A
R
L
H
I
A
I
U
N
K
E
T
H
I
O
P
I
A
K
I
L
R
A
N
K
O
L
A
S
I
B
P
G
L
E
F
T
H
O
M
A
R
I
U
O
N
S
S
A
B
B
A
T
H
I
U
E
C
A
T
H
E
D
R
A
L
M
R
Starter Edition atangin Ultimate thleng a ni a, heng
zingah hian Ultimate hi kan hman lar pawl tak pawh ani
awm e. Tuna Windows 8 rawn chhuak ah hi chuan
version tam tak siam loin, hman theih atan pathum chauh
siam a ni ta a. Mipui tan chuan a awlsam phah viau mai.
Chung version pathumte chu – Windows 8, Windows 8
Pro leh Windows RT te an ni. ( Hengte hi a mal mal hian
remchang a awm leh hunah kan la rawn ziak leh dawn
nia – Ed.).
Windows 8 hi a hmasa version te ang lo deuhintouch screen hmang thei tura ruahman a ni a, chumi
avang chuan a screen ah hian user interface tha tak nei tur
dah a nit a a ni, hemi avang hian thui tak tak kal kual loin
short cut ang deuhin a kal theih phah a, a tha viau bawk,
chutih laiin thenkhat tan chuan hman a nuam lo viau thei
bawk. A screen ah mail lo thlen leh thlen loh te, music hla
ngaihthlak mek te, mimal ina hun kan duan ang chi
calendar ah a siam theih bawk a, tin heng lo pawh thil
tam tak a tih theih a ni. Windows 8 hi a thatlohna a awm
ve nual a, chutihlaiin a hmasa lam ami te aia a thatna lai
pawh a awm nual bawk.
Technology hmasawnnaa thil thar lo chhuak lo bawhnghal huam huam hi ram changkang zawka awm te chuan
an tih lo lam tak a ni a, mahni mamawh tawk leh thiam
dan ang zela ke pen thiam hi a tha zawk khawp mai.
Volume III Issue No. 3 OLIVE 27th
January 2013 3
NITIN LALPA NEN ( Bible chang tarlan hi nitina i chhiar zel chuan kum khat
chhung in Bible i chhiar chhuak ngei bawk dawn a ni.)
January 27 (Pathianni)
Job 30:1-31:40
January 28 (Thawhṭanni)
Job 32:1-34:37January 29 (Thawhlehni)
Job 35:1-37:24
January 30 (Nilaini)
Job 38:1-40:5
January 31 (Ningani)
Job 40:6-42:17
February
February 01 (Zirtawpni)
Exodus 1:1-2:25 1 Chronicles 6:1-3
Exodus 3:1-4:17
February 02 (Inrinni)
Exodus 4:18-7:13
February 03 (Pathianni)
Exodus 7:14-9:35
Windows 8Computer a tam takina
hna an thawhna ber
Microsoft Company ina
Operating system an siam
thar Windows 8
chungchang tlem tarlang
ila. Windows 7 ah khan
version hrang hrang
hman tur a awm a,
7/29/2019 Olive 27 January 2013
http://slidepdf.com/reader/full/olive-27-january-2013 4/4
Olive Huan Vengtu
Hun a lo kal zel a, hnathawktute chuan
hna an chhunzawm a, anmahni chanpual
ang zel thawkin hun an hmang a. Huana hnathawktute
chuan an thawh chhuah ang zelin lawmman an dawng
thin a ni tih pawh hre reng mahse mihring nunah
harsatna a lo thlen thin avangin zawmthawtna te, uluk
lohna te, ngaihsamna te, palzamna te, ei puar lutukna te
chuan a tu a te pawh nun mai chu a tibuai zauh zauh thin
a ni tih Huan vengtu chuan a ngaihtuah rauh rauh a. An
huana thlai leh pangpar awmte enkawl tur chuan uluk
thin viauin fimkhur thin viau mahse ven theihloh tam tak
a nei a ni tih pawh a hre chhuak fo thin. A thlai enkawlte
chu khawvela thlai tha ber ber chi an ni na a, tak lohna
leh dalna chuan a pawlh ang tih a hlauh em avangin a
enkawltu mumal lo kuta dah chu a duhloin a vengthawng
hle thin a ni. Chung zawng zawng chu a tawn tur a ni tihte a ngaihtuah a, a thahnem ngaih luat avangin a thil dik
hmuh leh hriat a sawi chhuah chak viau chang pawh mite
hriatpui loh chuan a tawng tam hle a ni. Chuvangin,
midangte hriatpui loh harsatna nun chu a tawng nasa hle
thin a ni. Amaherawhchu, chuti ang nun a neih leh a
insumtheihna chuan amah hruaitu, malsawmtu leh
vengtu Pathian a hriatna nun erawh a tichak sauh sauh
thung zawk ani tih a hmuchhuak uar uar fo thung a.
Chuti anga a inngaihtuah mek lai chuan hmana a huana
rawn tlan lut pahnih hi an rawn leng lut hlawl a, an ti ti
siam siam a. An hun tawn mak an tih thu te, anrawngbawltu hriat nundan mak an tih thu te an sawi niap
niap a. Pakhat chuan ‘mitinte hian mahni hi tha kan inti
vek mai si a, quality nei miah si lo a hre ber, lal ber nih
leh thuneih ber nih te hi an chak viau zel mai si a aw’ a ti
a. Huan vengtu chuan a han chhaih a ‘lal nih te chu in
chak ve lo em ni?’ a ti a. Pakhat chuan ‘keini chuan kan
chak lo a lawm’ ati a, an nui ho dar dar a.
--------------------------------------------------------
Naupang PualVawiin chu kan han awl ve phawt ange. Min lo hrethiam
dawn nia. Chhuak leh hunah ṭha deuh rawn tih kan tum
anga.
---------------------------------------------------------------
☺☺☺☺Olivet Smile
☺☺☺☺ ☺☺☺☺ Pastor chuan ‘inkhawm ban veleh hian Board
meeting a awm dawn ani’ tih a puang a.
Inkhawm ban beleh chuan Board member ho chu an
han thu hnufual a, an kalkhawm a. Chutih lai chuan
an zingah chuan mikhual a lo tel ve ta tlat mai a.
Mak an ti hle a.
Pastor chuan ‘Thianpa, hei hi Board meeting a ni tih
i hre lo em ni? I telna tur a nilo ang hei chu’ a va ti a.
Mikhualpa chuan ‘E chutia ni maw... Mahse vawiin
inkhawma thusawi kan ngaihthlak hnu khan, kei
pawh hengte ang tho a ngaithla tha peihlo kha ka nia,ka telve na tur emaw ka ti a lawm’ tiin a chhang a.
☺☺☺☺ Hla hriltu chuan ‘Lalpa chungnung ber kan fak hle a che’ a rawn ti. Khuangpu chuan a han la nghal
mai bawk a ‘♫♪ Lalpa chungnung ber…’
Engtinnge a sak zawm tak le?! Han sa chhin teh!
-------------------------------------------------------------------
English Premier League (Top 10): (as on 27
thJanuary 2013, 8:00am)
Position Club Played GD Point 1 Manchester United 23 27 56
2 Manchester City 23 26 51
3 Chelsea 23 25 45
4 Tottenham 23 12 41
5 Everton 23 9 38
6 Arsenal 23 19 37
7 Liverpool 23 12 34
8 WBA 23 1 34
9 Swansea 23 7 33
10 Stoke City 23 -5 29
Zanina FA Cup inkel tur:05:25pm – Brentford vs. Chelsea ESPN
09:30pm – Oldhum Athletics vs. Liverpool ESPN
29th
January (Thawhlehni) Zana EPL inkhel turte:01:10am – QPR vs. Manchester City ESPN
01:24am – Aston Villa vs. Newcastle United Star
30th
January (Nilaini) Zana EPL inkhel turte:
01:09am – Arsenal vs. Liverpool ESPN
01:24am – Man. United vs. Southampton Star
February 2 (Inrinni) zana inkhel turte:
06:10pm – QPR vs. Norwich City ESPN08:25pm – Newcastle United vs. Chelsea ESPN
10:55pm – Fulham vs. Manchester United ESPN
Volume III Issue No. 3 OLIVE 27th
January 2013 4
Olive Newsletter 27th
January 2013
INFIAMNA
Oli’tOoN