Mitoni pápakán isi minawácikáténaw, kita kinawénimitoyak. Ékospík óma mána ká mánawiyak kitótéminánik éko anikik kícisánánik é minawácikátáyak óma ká isi kísikák. Máka wina, anohc ká askíwak ta wícitáyak éká ta pisci ásowihitoyak anima ákosiwin COVID-19, ókik Manitobans piko pakaaan kita isi minawácikátécik, kita mino ayácik éko kawisk kita kinawénimitocik. Náspic anima kisténitákon kita pimitisayikátéki mino ayáwin wanasowéwina éko kita tápitawi ayáyan kíkik, kita minawácikátémacik anikik piko ká wícéyámacik. Ká méskwaciy itótamék kayásk oci isicikéwina éko éká náspic ká wítapimáyékok kotakak ininiwak éká kíkiwák ká ayácik, ékota anima kika wícitánaw kita mino ayáyak óta Manitoba. Kiséwátotawik kakinaw ininiwak éko mína kína óma káwí ati isi kísikák-éká kita pisci ásowihitowék anima ákosiwin COVID-19. Itápi safeathomemb.ca – kakwéskikémona oci, ké itótaman éko kiskénitamowina tánisi kékí isi kawisk nákaciyacik kícisának óma káwí ati Makoséwi kisikáwiyépak – Ité ké miskaman kékwána kita mino otamihikoyan, tápiskóc anihi ká mino nókotácik Makoséwi kísikáwi métawéwina éko mína éká kékwán kita tipayaman kitakí itótaman kékwána Kákítwán itápi óta anohc ká pipok kita kiskénitaman kékwána tékoki ékosi kita isi nócitániwaki éko kékwána kotaka mína ékota ati ániskó masinahikátéki.
