Disenyong EtnikoIsa sa mga kakaibang disenyo na makikita sa kasalukuyan sa mga

produkto at bagay sa paligid ay tinatawag na disenyong etniko. Ito ay larawan na bunga ng imahinasyon at pagkamalikhain ng bawat pangkat etniko sa Pilipinas. Kadalasan, ang bagay ay hango sa kalikasan at ipinahayag sa pamamagitan ng anyo, linya at hugis.

Katutubong SiningAng Pilipinas ay binubuo ng maraming tribong-etniko tulad ng Ifugao,

Bontoc, Tboli, Bagobo, Marano, Yakan at iba pang pankat na may sari-sariling kultura na pinagyayaman. Ang kanilang mga talino at kahusayan ay nakikita sa mga disenyo na kanilang inilalagay o iniaangkop sa mga gamit at kasangkapan. Ang mga ito ay tinatawag na katutubong sining.

Ang mga katutubong sining (folk art) na maituturing na pamana ng lahi ay maipagmamalaki ng ating bansa. Ito ay tumutukoy sa sining na

nilikha ng mga malilikhaing pangkat ng Pilipino na nagtataglay ng kakaibang kagandahan at disenyo na hanggang sa kasalukuyan ay lumalaganap pa rin. Ang ilan sa mga ito ay Bulul ng Ifugao, nililok na kahoy ng Paetenos at Okkir ng Maranao.

Sinaunag Bagay

Ang mga antigo (antique) ay mga bagay ng sinaunang sining. Ito ay mga bagay tulad ng mga santo o imahen, banga at palayok, kagamitang pang-armas, kagamitang pang-musika at mga lumang aparador na nilipasan na ng mahabang panahon subalit nagtataglay ng kakaibang tibay at disenyo. Ang mga antigong bagay ay mahalaga sapagkat ito ay nagbibigay ng mga impormasyon tungkol sa pamumuhay ng mga sinaunang Pilipino at ang kanilang kagalingan sa paglikha ng sining. Ito ay dapat pahalagahan

sapagkat makatutulong ito sa paglinang ng ating pambansang pagkakakilanlan at pagkakaisa.

plantsa

Panulat

BAKYA RADYO