Upload
progdotnet
View
112
Download
13
Embed Size (px)
DESCRIPTION
AGDER LAGMANRETT Avsagt: 04.03.2013 Saksnr.: 12-092858AST-ALAG
Citation preview
AGDER LAGMANRETT
Avsagt: 04.03.2013
Saksnr.: 12-092858AST-ALAG
Dommere: Lagmann Reidun Wallevik Lagdommer Jan Morten Olsen Lagdommer Øistein Langbakk
Meddommere: Lagersjef Trond Viggo Mora Helsesekretær Rikke Cecilie Espevalen Lektor Aud-Mari
Langegard Arbeidssøkende Harald Rygh
Tiltalt Tiltalte Advokat Thomas Randby Påtalemyndighet Vestfold og Telemark
statsadvokatembeter Politiinspektør Kjetil Baustad Egelie
- 2 - Feil! Ukjent dokumentegenskapsnavn.
Etter vedtak av Riksadvokaten vart tiltalte, fødd xx.xx 1974, den 23. juni 2011 av Vestfold og Telemark
statsadvokatembete sett under tiltale ved Tønsberg tingrett for brot på:
"Straffeloven § 228 første og annet ledd jf § 232 For under særdeles skjerpende omstendigheter å ha
medvirket til å øve vold mot en annen person og legemsfornærmelsen har hatt døden til følge. Ved
avgjørelsen av om det foreligger særdeles skjerpende omstendigheter skal det særlig legges vekt på at
overtredelsen er begått mot en forsvarsløs person og at den er skjedd uprovosert.
Grunnlag: Høsten 2004 og frem til onsdag 2. februar 2005 ble Christoffer Gjerstad Kihle, født 18.
september 1996, flere ganger utsatt for vold av tiltaltes ektemann, stefar, på bopel i Industriveien 9 i
Kodal. Gutten ble innlagt på sykehus i tidsrommet 17. til 19. januar 2005, bl.a. med skader i ansiktet.
Med utgangspunkt i nye skader på barnet 1. februar s.å. ble det samme dag avholdt en
bekymringssamtale med guttens mor, tiltalte, ved Kodal barneskole i regi av rektor. På bakgrunn av
observerte skader over tid, nevnte sykehusinnleggelse og bekymringssamtalen, forstod tiltalte senest 1.
februar 2005 at Christoffer ble utsatt for vold av stefar. Hun foretok seg intet for å forhindre videre
volsdutøvelse mot sønnen, f.eks. ved å føre tilsyn med barnet eller varsle barnevernet, eventuelt
politiet. Gjennom sin passivitet medvirket tiltalte til stefars voldshandlinger mot Christoffer Gjerstad
Kihle om ettermiddagen/kvelden tirsdag 1. februar 2005 og/eller det påfølgende døgn, hvor gutten
gjennom slag og/eller støt mot hardt underlag bl.a. fikk et 17 cm langt skallebrudd og
hjerneoppsvulming med knusingsskader i høyre tinningslapp. Christoffer Gjerstad Kihle døde om
kvelden 2. februar s.å. av de påførte hodeskadene."
Tønsberg tingrett sa den 23. april 2012 dom med slik domsslutning:
"1. Tiltalte, født xx.xx.1974, dømmes for overtredelse av straffeloven § 228 første og annet ledd, jf §
232, til fengsel i 2 - to - år og 6 - seks - måneder, hvorav 120 - etthundreogtjue - dager gjøres ubetinget
og resten gjøres betinget med en prøvetid på 2 - to - år med hjemmel i straffeloven § 52 følgende.
2. Tiltalte dømmes til innen 2 - to - uker fra dommens forkynnelse å betale erstatning til biologiske far
med kr 250.000,- - kronertohundreogfemtitusen -.
3. Tiltalte dømmes in solidum med stefar slik idømt i Agder lagmannsretts dom av 30. april 2009 til innen
- to - uker fra dommens forkynnelse å betale oppreisningserstatning til biologiske far med kr 75.000.- -
kronersyttifemtusen -.
4. Saksomkostninger idømmes ikke."
Tiltalte har anka dommen for så vidt gjeld saksbehandlinga, bevisvurderinga under skuldspørsmålet,
samt straffutmålinga og erstatningsspørsmålet. Anken over saksbehandlinga vart nekta fremja ved
lagmannsrettens vedtak av 10. juli 2012, medan skuldanken vart vist ankeforhandling.
- 3 - Feil! Ukjent dokumentegenskapsnavn.
Ankeforhandling vart halden i Tønsberg 4., 5., 6., 7., 8, 11., 12., 13., 14., 15. og 18. februar 2013.
Påtalemakta sette fram same tiltale for lagmannsretten som for tingretten.
Tiltalte møtte og forklarde seg. Ho sa seg ikkje skuldig etter tiltalen. I tillegg til den rettsoppnemnde
sakkunnige, dr. Jens A. Grøgaard, vart det høyrt i alt 39 vitne, der 5 var sakkunnige vitne.
Dokumentasjonen går fram av rettsboka.
Forsvarar motsette seg framlegging av dommane frå Tønsberg tingrett og Agder lagmannsrett der
stefar, stefar til avdøde, vart dømd for lekamsskading med døden til følgje. Lagmannsretten tok ikkje
kravet om bevisavskjering til følgje, grunngjevinga går fram av rettsboka.
Aktor har lagt ned følgjande påstand:
"1. Tiltalte, født xx.xx.1974 dømmes for overtredelse av – straffeloven § 228 første og annet ledd
annet straffalternativ jf § 232 til fengsel i 2 – to – år og 6 – seks – måneder, hvorav 120 dager gjøres
betinget."
Bistandsadvokaten har lagt ned følgjande påstand:
"Tiltalte dømmes til innen 2 uker fra dommens forkynnelse å betale erstatning til biologiske far fastsatt
etter rettens skjønn begrenset oppad til kroner 350.000.
Tiltalte dømmes in solidium med stefar slik idømt i Agder lagmannsretts dom av 30. april 2009 til innen 2
uker fra dommens forkynnelse å betale oppreisningserstatning til biologiske far med kroner 75.000."
Bistandsadvokaten har grunngjeve erstatningskrava med dei påkjenningane sonen sin død har medført
for biologiske far.
Forsvararen har gjort gjeldande at tiltalte ikkje forstod at ektemannen utsette sonen for vald, og at det
derfor ikkje oppstod nokon handleplikt, subsidiært at tiltalte si unnlating av å føreta seg noko, ikkje
inneber noko straffbar medverking. Det er lagt ned påstand om at tiltalte vert frifunnen, subsidiært vert
sett på på mildaste måte.
Lagmannsretten vil innleiingsvis nemna at denne saka er spesiell på fleire måtar, først og fremst ved at
eit barn vert påført vald av nær pårørande i slik grad at det døyr. For det andre, som ein direkte
konsekvens av det første; saka har fått uvanleg omfattande mediaomtale. For det tredje, det har gått
svært lang tid frå skadepåføringa til retteføring, dette gjeld også for hovudgjerningsmannen, men i
særleg grad for tiltalte i vår sak.
- 4 - Feil! Ukjent dokumentegenskapsnavn.
Mediaomtalen har, som konsekvens av dei mange rundane i påtalesystemet og rettssystemet, halde
fram over svært langt tid.
Svært mange born vert diverre utsette for mishandling/vald av nære pårørande, men det er heldigvis
yttarst sjeldan at valden fører til døden. Det at det enda så frykteleg tragisk i denne saka, kan mogelegvis
stengja noko for tanken når det gjeld vurderinga av kva som var den faktiske situasjonen før den svært
grove valdsutøvinga fann stad. Lagmannsretten vil derfor allereie no få nemna at basert på den faktiske
situasjonen slik den framstod for tiltalte den 1. februar 2005, og med dei beviskrava som gjeld i
strafferetten, vert tiltalte ikkje å døma for medverking til dødsfølgja.
For å kunna danna seg eit bilete av situasjonen slik den framstod på dåverande tidspunkt, det vil seia i
tida før dei fatale hendingane 1. og 2. februar 2005, finn lagmannsretten det føremålstenleg å gje ei kort
samanfatning av det som har kome fram om Christoffer og familiesituasjonen hans gjennom rapportar,
referat frå møte etc. frå skule, SFO og helseapparatet.
Christoffer starta på skulen hausten 2002, og 21. oktober same året melde læraren frå til rektor om
bekymring med omsyn til m.a. " impulskontroll ", " lite selvkontroll ", " usikker på om han oppfatter
korrigering" "melder seg ut/fraværende selv v/øyenkontakt" "dårlig hørsel" "en til en
forklaring/beskjed" . Skulen følgde opp dette med undersøking av høyrsel, såkalla FBH-prøve, og
dåverande Pedagogisk-psykologisk teneste, PPT, vart førespurd om samarbeid, der grunnen vart gjeven
å vera " bekymring vedrørende motorikk, mangel på konsentrasjon, samspill med andre samt uro i
klasserommet."
Samarbeidet med PP-tenesta starta opp i februar 2003, og i brev av 20. februar 2003 vart det tilrådd
spesialundervisning med fem timar pedagog og fem timar assistent pr. veke. Tilrådinga var grunngjeven
med konsentrasjonsproblem og/eller evna til å halda på med ei oppgåve over lengre tid. Også
temperamentet hans, og låg frustrasjonsterskel, vart sett på som bekymringsfullt. Det er m.a. uttalt
følgjande:
"Det vil derfor være svært viktig at skolen greier å tilpasse undervisningen slik at Christoffer slipper å
komme i en situasjon hvor all oppmerksomhet fra lærerne blir negativ oppmerksomhet. Det er også
viktig at han får porsjonert ut lærestoffet i biter han vil greie å forholde seg til. Dette kan gjøre at han
slipper å oppleve skolegangen som et eneste langt og frustrerende nederlag."
Den 29. april 2003 vart det gjort vedtak om fem pedagogtimar og 7 assistenttimar pr. veke.
I skulen sin halvårsrapport av 15. desember 2003 går det fram følgjande: "Dagens situasjon . Christoffer
trenger struktur og forutsigbarhet. Han fungerer best når det er kjente
- 5 - Feil! Ukjent dokumentegenskapsnavn.
personer rundt ham. Vi ser at ting ofte skjærer seg når det må settes inn vikarer på ham. Hverdagen
synes å fungere litt bedre når han har sin egen dagsplan med bilder av seg selv. Dette gir ham klarere
oversikt over dagen. Dette har ingen innvirkning på hvordan han reagerer når han blir sint, men på hvor
ofte han blir sint. Når han blir sint har han ingen sperre på utagering. Han skader medelever og
ødelegger ting når han blir sint. Dette skjer flere ganger i uka. Vi må være i nærheten av ham hele tiden
for å skjerme. Christoffer er en gutt som er labil og uforutsigbar. Vi har mer bemanning på ham enn det
han har enkeltvedtak på. Vi bruker klassens delingstimer for å klare å takle ham i hverdagen. I realiteten
ser vi at Christoffer trenger en voksen hele tiden. Han kan klare å jobbe i klasserommet i korte økter 10-
15 minutter, men både i lek og arbeid må det være en voksen der som kan hjelpe ham å hente seg inn.
Medelever er også mer i lek med ham dersom det er en voksen kan gripe inn hvis noe skjer. Det skjer
ting veldig fort. Han er rask og sterk, og medelever klarer ikke å skjerme seg. Til tross for mye konflikter
og problemer er Christoffer en gutt som er lett å like. Han er i gode perioder blid og fornøyd, og det
virker som han trives på skolen."
Den 14. januar 2004 er det møte i ei ansvarsgruppe rundt Christoffer, der representantar frå skulen,
SFO, BUPA samt mor til Christoffer, dvs tiltalte i vår sak, var til stades. Frå referatet går det fram m.a.
følgjande:
"Vi informerte om hvordan vi opplever hverdagen på skole og sfo. Han er impulsiv, brå, ukonsentrert,
slenger og sparker ting rundt, må stoppes fysisk. Ting skjer fort, vi må være en voksen på ham hele
tiden. Ting skjer også på skoleveien, bussen. Mor ser på ulike løsninger sammen med Bupa." Av
epikrise av 11. mars 2004 frå Psykiatrien i Vestfold HF går det fram at Christoffer har fått diagnosen
ADHD, dvs. " Hyperkinetiske forstyrrelser F 90.0. Forstyrrelse av aktivitet og oppmerksomhet."
I tillegg til åtferdsterapeutisk opplegg heime og på skulen, vart det i mai 2004 starta opp behandling
med Ritalintablettar, seinare også i form av Concerta, eit ritalinpreparat med lengre verknadstid.
I følgje tiltalte vart Christoffer noko rolegare etter oppstarten av behandlinga, men han vakna ofte opp
om nettene på grunn av uro. I samarbeid mellom tiltalte og dr. Sussmann på BUPA, vart det prøvd ut
både Melatonin og Imovane for å betra søvnproblema. Søvnvanskane var uttalte, og dr. Sussmann sa i si
forklaring for lagmannsretten at ho aldri hadde skrive ut så mykje sovemedisin til eit barn med ADHD
før. I journalnotat skrive av dr. Sussmann den 20. desember 2004 står følgjande:
"Planlagt medikamentoppfølging. Christoffer og mor møter ikke til timen i dag. Jeg får etterhvert tak i
henne i telefonen og hun forteller at Christoffer har blitt syk.
- 6 - Feil! Ukjent dokumentegenskapsnavn.
Når jeg spør om bruken av Imovane, så har heller ikke en forhøyet dose gitt noen effekt og de har
avsluttet medisineringen etter 5 dager. Status mht. søvn er dermed uendret/muligens litt spontan
forbedret. Virkningen av Ritalin opplever mor som betydelig dårligere i det siste. Skolen "ser fortsatt noe
på konsentrasjonen" som hun sier, hjemme er han veldig urolig igjen. Mor spør om de kan forhøye
dosen. Jeg går med på å gi 1 ½ tbl. til 1. dose, resten vil jeg helst ikke endre på nå. Det er tross alt
førjulstid med lite struktur, mye uro og dermed er det vanskelig å si om ikke dette må tas i betraktning
framfor en dårligere medisinvirkning. De innkalles til en ny time etter nyttår."
Timen det vart innkalla til, var 3. februar 2005, noko som vert kome attende til nedanfor.
Christoffer heldt fram med Ritalinpreparat fram til 20. januar 2005.
Lagmannsretten har elles eit inntrykk av at Christoffer sitt sinne og utagering var sterkare uttalt på
skulen og SFO enn heime, noko som samsvarar med det skulen har sagt, jf. ovanfor, at " han fungerer
best når det er kjente personer rundt ham ." Tiltalte har likevel ikkje lagt skjul på at Christoffer kunne
vera vanskeleg å handtera, ho har forklart at han ein gong kasta eit askebeger på henne, og at ho måtte
halda han fast til han roa seg når han fekk sinneanfall. I samtale med BUPA under utgreiinga av
Christoffer med tanke på ADHD, uttalte ho at Christoffer var sterk, og at ho hadde problem med å halda
han fast for å roa han.
Både besteforeldre, onkelen, biologisk far, representantar frå skule og SFO, arbeidskollegaer av mor,
samt husverten, skildrar Christoffer som ein aktiv, blid og glad gut, som var lett å verta glad i. Det kan
synast som han hadde god tillit både til andre omkring seg, og seg sjølv. Det heiter såleis i
halvårsrapporten frå skulen våren 2004: "Christoffer blir veldig stolt når han klarer ting, men har ikke
dårlig selvtillit. (Han mener selv han snart leser så bra at han kan slutte på skolen)" og seinare i same
rapport: " Han er en blid og fornøyd gutt med stor selvtillit på de fleste områder ."
Alle i næraste familie uttalar at Christoffer var veldig glad i å vera ute, og at han deltok i mange
utandørsaktivitetar så lenge han budde på garden til besteforeldra, fram til tiltalte, Christoffer og
stefaren flytta til sentrum av bygda 1. september 2004.
Alt i alt dannar det seg bilete av Christoffer som ein aktiv, blid og nøgd gut, men, noko som samsvarar
med ADHD-diagnosen; plaga av stor indre og ytre uro, låg frustrasjonsterskel og manglande
sinnekontroll. Dette inneber at Christoffer var eit barn med særskilte omsorgsbehov, dvs. kravde meir av
omsorgspersonane rundt seg enn andre born utan slike plager.
Tiltalte er fødd xx.xx 1974, og etter å ha budd nokre år saman med far til Christoffer, gifta dei to seg i
1997. Dei budde i ein sidebygning på garden til tiltalte sine foreldre fram til 1999 då dei skilde seg, og
biologiske far flytta ut. Tiltalte og Christoffer heldt fram med å bu på garden.
- 7 - Feil! Ukjent dokumentegenskapsnavn.
Tiltalte er av familie, kollegaer, tidlegare venninne, husvert, samt ein lærar på vidaregåande skule,
skildra som blid og pliktoppfyllande. Av tidlegare kollegaer er ho omtala som litt enkel og av den
tidlegare læraren som litt naiv. Ho arbeidde i mange år på Sparbutikken i heimbygda, og skjøtta alle
oppgåvene her. Sjefen hennar har forklart for lagmannsretten at tiltalte, til dømes då dei skulle byrja
med "Post i butikk", måtte ha litt meir forklaring og opplæring enn andre, men at ho klarde det fint.
Tiltalte har sjølv forklart, t.d. i høve til si eiga mor, at ho ofte gav seg for "husfredens skyld" . Vidare har
ho forklart at noverande ektemann meinte ho var for ettergjevande overfor Christoffer. Også mor til
tiltalte har forklart at tiltalte aldri var i noko opposisjon til foreldra, og at dei hadde eit nært og godt
forhold.
I samband med fylkesnemndvedtaket av 24. februar 2012, som omhandla omsorgsovertaking av dei to
borna tiltalte har med noverande ektemann, vart det i august 2008 føreteke ein såkalla WAIS-test av
tiltalte. Resultatet viser at fullskala IQ plasserer henne i nedre normalområdet, dvs på 85 %, men der det
er signifikant skilnad mellom tiltalte sin verbale IQ og hennar utførings IQ. Resultatet viser at spesielt
den såkalla "Arbeidsminneindeksen" fell innanfor svært lågt normalområde. Frå rapporten vert henta
følgjande:
"Sammenlignet med hennes jevnaldrende, kommer tiltalte sannsynligvis til å oppleve betydelige
problemer med å memorere ny informasjon og holde informasjonen i korttidsminne lenge nok til å
bearbeide denne informasjonen til å utføre en bestemt oppgave. (…) Vanskelighetene med
arbeidsminnet sannsynliggjør at det å behandle kompleks informasjon vil være mer tidkrevende for
tiltalte, bruke hennes mentale energi raskere i forhold til andre voksne i hennes alder, og kanskje føre til
hyppigere feil på en rekke innlæringsoppgaver. tiltalte, med et arbeidsminne som fungerer på et svært
lavt nivå, vil trolig finne det svært vanskelig å behandle sansestimulering og fordele kognitive ressurser
til de stimuli, samt for å hente tidligere lært materiale fra langtidsminne for å kombinere dette med den
nylig presenterte informasjon. Sistnevnte er nødvendig for refleksjon, både i form av refleksjon over her
og nå, og i forhold til å sammenligne med tidligere situasjoner, tanker eller minner. (….) Dette betyr at
tiltalte sannsynlig finner det svært vanskelig å analysere "her og nå" informasjon, fordi det mest
sannsynlig har foregått et skifte i oppmerksomheten før den nødvendige informasjonen er hentet og
bearbeidet fullt".
I si oppsummering uttalar psykolog Anthony Lauri m.a.: " Tiltalte har opplevd en høy grad av stress over
lang tid. Det er derfor ikke overraskende at hennes arbeidsminne fungerer på et lavt nivå, fordi
arbeidsminne er en av de kognitive subsystemene vi har som er veldig sårbare for stress, og som lett kan
bli overbelastet."
- 8 - Feil! Ukjent dokumentegenskapsnavn.
I sakkunnig rapport av 6. desember 2010 utarbeidd av psykolog Gro Vatne Brean i samband med
omsorgsovertakinga er det utført m.a. filmopptak av mor og borna (kvar for seg) og vurdert med Care
Index-kriteriar. Psykologen har uttalt at desse viser eit kontrollerande og ikkje-responderande mønster,
og at ho får ein " skåre i høyrisikogruppen. Det vil si at hun viser en manglende empati, men allikevel
gjør noen forsøk, som enten blir utilstrekkelige eller mislykkede responser på barnet."
Tiltalte sin ektemann, og Christoffers stefar, vert av tiltalte skildra som flinkare til å setja grenser, av
svigerforeldra som streng, av tidlegare arbeidskollega av tiltalte som kontrollerande, og av bror til tiltalte
som falsk og manipulerande.
Begge foreldra til tiltalte har hatt ein stor rolle i Christoffer sitt liv, og har openbert vore gode
støttespelarar for både han og tiltalte. Mor til tiltalte framstår som ein engasjert og svært kraftfull
person.
Konstellasjonen som etter dette teiknar seg mellom tiltalte og ektemannen kan synast som om
personlegdomstrekka deira har gjensidig forsterka kvarandre, og at det såleis ikkje var så underleg at ho
overlet mykje av oppsedinga og oppfølginga av sonen sin til ektemannen.
Tiltalte har såleis forklart at det var ektemannen som stod opp om nettene når Christoffer vakna opp att
etter innsoving og var uroleg og "romsterte" på rommet sitt. Det vart innført strenge rutinar for
Christoffer etter at han kom heim frå SFO; det var to timar saman med dei vaksne, to timar på rommet
sitt, og så leggetid kl. 20.00. Tiltalte har forklart at faste rutinar og konsekvent framferd frå dei vaksne si
side, var noko dei var tilrådde frå BUPA si side, og såg ikkje at det kunne vera noko å seia på det
systemet dei hadde innført. Ektemannen har sjølv forklart at han mista arbeidet sitt på grunn av all
oppfølginga av Christoffer.
Tidlegare hadde Christoffer, då han budde på garden til besteforeldra, vore mykje ute om
ettermiddagane/kveldane, og leggetida var gjerne ikkje før kl. 21.00. Det er også opplyst at han sov
betre om nettene i den tida.
Både representantar frå BUPA, skule og SFO har forklart at tiltalte sin ektemann, etter at han flytta i lag
med tiltalte, var med på alle møte, og at det var han som førde ordet. Tiltalte vart opplevd som stille og
taus. Tiltalte sin kollega på Sparbutikken har også forklart at ektemannen svært ofte ringde til tiltalte på
arbeid, at han kom innom og slo seg ned på pauserommet, at han var kontrollerande og snakka stygt til
tiltalte, samt at han var svært involvert i, og oppteken av, medisineringa av Christoffer.
Tiltalte sin familie har vore samstemte på at tiltalte endra seg etter at ho kom saman med ektemannen,
det vil seia at ho vart mindre sjølvstendig, og avhengig av ektemannen.
- 9 - Feil! Ukjent dokumentegenskapsnavn.
Utviklinga frå januar 2004. Tiltalte og ektemannen møtte kvarandre i januar 2004, då hadde tiltalte vore
åleine om omsorga for Christoffer sidan skilsmålet frå far til Christoffer i 1999, men som nemnt med
bistand av foreldra. Biologiske far hadde samvær med sonen fram til april 2004. Tiltalte og stefar gifta
seg i desember 2004.
Tiltalte og ektemannen flytta saman på vårparten 2004, og budde første tida på garden til foreldra til
tiltalte. Det kom forholdsvis raskt til konfliktar mellom ektemannen til tiltalte og mor hennar, og familien
flytta inn i leigd bustad i Kodal sentrum 1. september 2004. Christoffer var då i gang med
Ritalinbehandling, og søvnproblema var uttalte. I oktober/november 2004 fekk Christoffer ein skade i
andletet om natta. Ektemannen har i si politiforklaring uttalt at dette hadde skjedd ein kveld etter at
Christoffer hadde lagt seg. Han og tiltalte hadde vakna av bråk, og han hadde gått inn på rommet til
Christoffer, der guten sat forslått og blødande. Han sa han trudde Christoffer hadde snubla i mørket.
Tiltalte har i si politiforklaring sagt at Christoffer hadde slått seg i ei skapdør i løpet av natta og derfor
blødde naseblod. Ho sa at det var ektemannen som hadde oppdaga dette, og at han hadde sagt at han
var livredd for at Christoffer skulle skada seg og at han ein dag skulle finna han død i løpet av natta.
Kontaktlæraren til Christoffer har forklart at Christoffer som forklaring på eit blått auge ho hadde
oppdaga på han, truleg den same skaden, hadde sagt at han hadde " kræsja" med eit skap i søvne.
Mor til tiltalte har opplyst at ho denne hausten merka at Christoffer byrja å få ein del blåmerke, mellom
anna hadde ho oppdaga eit stort blåmerke bak på venstre leggen. På spørsmål om korleis han hadde fått
det, sa han at han ikkje visste. Også assistenten hans på skulen, og som delvis også var saman med
Christoffer på SFO, har forklart at ho byrja merka seg blåmerke på guten.
Den 16. januar 2005 merka tiltalte og stefaren at Christoffer hadde ufrivillige rørsler med hovudet, dvs
at hovudet "rulla rundt" utan at han klarde halda det i ro, og tunga gjekk ut og inn heile tida. Måndagen
17. januar var Christoffer som vanleg på skulen. Assistenten til Christoffer, Heidi Gjerstad, har forklart at
ho denne morgonen hadde kjent nokre kular i hovudet til Christoffer, og at han hadde eit ca. 10 cm langt
skrubbmerke nedover ryggen. Tiltalte arbeidde frå kl 14.00 til 20.00 denne dagen, og ved 18.00 tida
fekk ho ein telefon frå ektemannen som i følgje kollegaen Hilde Bakke, var hysterisk og sa at Christoffer
hadde skada seg. Då tiltalte kom heim, drog dei til legevakta, og vart vist til innlegging der det for
innleggingsdiagnose er nedteikna: " ADHD. Tics? Kramper ?"
Det heiter vidare i innkomstjournalen skriven av dr. Ulf Ljungblad: "Sosialt/miljø: Går i 3. klasse, har
assistent. Aggressiv og ofte voldelig adferd.
- 10 - Feil! Ukjent dokumentegenskapsnavn.
Tidligere helse: Fikk diagnosen ADHD for ett år siden. Medisinerer med Ritalin. I perioder oppe mye på
nettene.
Aktuelt: For seks uker siden ved et tilfelle lurte man på om han hadde slått hodet i et garderobeskap, og
man lurte på om han skadet seg selv. Fra 16.01 følt seg svimmel på skolen. Ufrivillige bevegelser av
hodet samt tunge. I tillegg kl. 18.00 den 17.01 hørte far et brak fra Christoffers rom. Fant han sittende
på gulvet, glad og på vei opp igjen. Blødde bra fra munnen, hadde slått seg på ve side av ansiktet. Far tok
ham innpå badet, og skulle hjelpe ham å vaske seg. Var litt urolig, mistet på ny balansen og datt over
tørkestativet. Man har i dag lurt på om det har forsvunnet 100 stk. Ritalin tabletter.
(….) STATUS PRESENS (17.01.05 kl. 23.00) Generell beskrivelse: Kommer sammen med mor og mors
samboer. Samarbeider godt ved u.s. Adekvate svar. (…..) Hud: Har en hudavskraping og en hevelse
midt på pannen samt til ve på pannen. Kontusjonsskade ve kinn. Rødme i ve sclere. Blåveis rundet ve
øye. Litt tørket blod i munnvikene. Ører: Normale trommehinner, ingen væske i hørselsganger. Nese:
U.a. Munn og svelg: Ferskt bitt langt inn ve kinn som ser til å ha blødd. Ingen bitt på tungen. Lunger:
U.a. Hjerte: Regelmessig aksjon. Rene toner. Ingen bilyder. Buk: Myk og uøm, intet å palpere.
Nevrologi: God kontakt. Sitter stille, samarbeider ved u.s. Hele tiden myke vridende rytmiske bevegelser
i hode/nakke, tungen går inn og ut av munnen. Når Christoffer blir nervøs blir det mer av dette, stanser
av og til opp, men kommer så sakte i gang igjen. Virker ikke som han kan stoppe. God kraft i armer og
ben. Pupillene reagerer direkte og indirekte normalt på lys. Like store. Cranialnerver u.a. Dype
senereflekser i armer og patella bilateralt lik, ganske svake. Ve achillessenerefleks lett clonus med 4-5
napp. Hø side svak achillessenerefleks, ingen clonus. Nedadvent Babinski bilateralt. Grassès test normal,
Romberg normal. Normal tå og hælgang. Normal gange. Normal sensibilitet testet grovt armer og ben.
Resymè av sykehistorie og funn ved innkomst, dr. Ulf Ljungblad: 8 ½ år gammels gutt med ADHD som
medisineres med Ritalin. Nå to dager med ufrivillige choreoatetotiske bevegelser i nakke/hode samt
tungen, Mulige atoniske krampeanfall både for seks uker siden samt i dag ved to tilfeller. Innlegges til
observasjon. Har slått hodet, men har ikke vært besvimt. Ingen kvalme, oppkast eller trøtthet, ingen
tegn til commotio. Ingen tegn til overdosering Ritalin, ringt og diskutert med Giftinformasjonssentralen.
Bestiller EEG i morgen."
Den 18. januar gjekk dr. Martin Handeland legevisitt, og skreiv følgjande i journalen:
- 11 - Feil! Ukjent dokumentegenskapsnavn.
"Ved dagens u.s. er han våken orientert. Virker sliten. Har konstante, nærmest choreatetotiske
bevegelser i hodet og tunge. Har dilaterte pupiller som responderer normalt og symmetrisk på lys. Har
hematon særlig rundt ve øye og langs arcus Zygomaticus, men også et lite hematon på laterlalsiden av
hø øye. Forteller at han opplever at "hodet går rundt inni". Er ikke svimmel eller med hodepine i dag.
Han bruker Ritalin 10 mg x 4, hvilket han har gjort i de siste seks måneder. Har også forsøkt Concerta,
men dette hadde ikke effekt hos ham.
Har ikke tidligere hatt anfall eller anfallslignende fenomener. Hans aggresjonsutbrudd har ut fra
beskrivelsen ikke vært av en karakter som skulle tilsi anfall.
Vurdering: Det er mye som tyder på medikamentell bivirkning av Ritalin. Velger derfor å nulle ut
medikamentet i fra i dag. Beslutter videre å rekvirere CT hode/hjerne og ansiktskjelett, både for å
utelukke intrakranielle blødninger/andre prosesser, og for å se etter skjelettskader i ansiktet. Han skal
også ta EEG. Håper å få oppsummert situasjonen etter ett døgns observasjon i avdelingen. Oppholdet vil
inkludere barnenevrologisk tilsyn i ettermiddag."
Den 19. januar 2005 vart Christoffer skriven ut frå sjukehuset, CT av hjerne og ansiktskjelett viste
normale funn. Frå dr. Ljungblads utskrivingsnotat vert sitert følgjande:
"Forløp og behandling: Observeres inneliggende 2 døgn. Seponert Ritalin den 18.01., starter opp 19.01.
med halv dose 5 mg x 4. Dette pga mistanke om overdosering Ritalin med tics som bivirkninger. De
ufrivillige bevegelsene av hodet blir betydelig bedre etter 1 døgn uten Ritalin, men fortsatt litt ufrivillig
bevegelse i tungen som føres inn og ut av munnen. Mor har også notert at Christoffer er mer
ukonsentrert etter seponeringen. Det observeres ingen mistenkte krampeepisode under innleggelsen.
EEG normalt.
Vurdering: Bedømmes som tics utløst av Ritalin. Ritalin seponeres under 1 døgn. Siden fortsettes det i
halv dose jfr. tidligere. Fortsatt en mulighet at Christoffer har hatt krampeanfall som vi ikke kan påvise
på EEG. Da vi mistenker overdosering Ritalin, gjøres ingen videre oppfølgning av dette i denne omgang,
men tar selvfølgelig i mot Christoffer på en ny henv, hvis mistenkte krampeanfall kommer tilbake.
Medikamenter ved utreise: Tabletter Ritalin 5 mg x 4. Videre oppfølgning/avtaler: Avslutter
kontroller her på barnesenteret. Ringer og diskuterer pasienten med dr. Birgitt Susman på BUPA som
følger Christoffer og holder medisineringen med Ritalin. Hun kaller inn familien til en ny time om et par
uker."
På spørsmål både frå mor, besteforeldra og onkelen om kva som hadde skjedd då han skada seg, svara
Christoffer at han ikkje hugsa.
- 12 - Feil! Ukjent dokumentegenskapsnavn.
Det går ikkje fram av journalen om legane såg ryggen til Christoffer utan klede, jf. assistenten sin uttale
om at Christoffer hadde eit 10 cm langt skrubbsår der.
Både tiltalte og Christoffer si mormor har forklart at Christoffer hadde verka fortumla på sjukehuset den
18. januar, og dei hadde merka seg at han ville setja ein tallerken med ei brødskive inn i tv-apparatet i
staden for å gå på kjøkkenet med den.
Den 20. januar har dr. Sussmann notert følgjande i sin journal:
"Telefonat med mor Hun forteller at de etter utskrivingen har gitt Christoffer 1 dose til, men avsluttet
medisineringen deretter. Mor sier at gutten virker rolig, men sliten. Vi snakker noe om at Ritalin kan
trigge både en underliggende epilepsi og tics, jeg sier meg derfor enig i seponeringen. Den planlagte
medikamentkontrolltimen den 03.02.05 omgjør vi til et informasjonsmøte om Strattera som jeg
introduserer for mor som et alternativ. Trygdekontoret søkes om godkjenning." Dagen etter
utskrivinga, det vil seia torsdag 20. januar, vart Christoffer likevel sendt på skulen, og både SFO- og
skulepersonell reagerte på korleis han såg ut. Det venstre auga vart omtalt som gjenklistra, han var
hoven og blå på heile venstre sida av ansiktet. Han var stille og sliten, og assistenten sa at dei både
torsdagen og fredagen såg mest på tv, idet han ikkje kunne følgja vanleg undervisning. Han var for
dårleg til å vera på SFO desse dagane og vart send heim.
Vitnet Heidi Gjerstad, assistenten til Christoffer, har vore svært klar på at ho den dagen Christoffer kom
på skulen etter sjukehusinnlegginga, i samtale med kontaktlærar og rektor på skulen, meinte at skadane
på Christoffer var så uttalte at dette måtte meldast til barnevernet. Dei øvrige skal ha gjeve uttrykk for
at dei tok det for gitt at sjukehuset hadde gjeve beskjed til barnevernet. Gjerstad skal ha bede rektor
spesielt om å ta kontakt med sjukehuset for å forvissa seg om at dette vart gjort. Slik kontakt vart ikkje
teken.
Gjerstad hadde, i kraft av å vera Christoffer sin assistent, å gjera med Christoffer omtrent kvar skuledag,
enten i timane eller også på SFO. Allereie hausten 2004 byrja ho å undra seg over sår og merke på
Christoffer, og ho forklarte for lagmannsretten at ho før jul 2004 lufta bekymringa si for dei andre på
skulen.
Tiltalte har forklart at Christoffer dei siste to vekene i januar var unormalt stille og rolig, "han var ikke
seg selv", "ikke så mye futt som vanlig".
Den siste helga før han døde, var Christoffer hos besteforeldra frå torsdagen til søndag kveld. Også
besteforeldra og onkelen merka seg at Christoffer var sliten og stille. Dei gjekk ein liten tur på ski.
- 13 - Feil! Ukjent dokumentegenskapsnavn.
Då han skulle hentast av tiltalte og stefaren sundagskvelden, slo han seg vrang og ville absolutt ikkje
vera med heim att. Han reiv av seg jakka, gøymde seg, sprang rundt stovebordet osv. Det løyste seg med
at besteforeldra sa at han kunne koma opp att på garden til dei tysdag ettermiddag/kveld.
Onkelen har forklart at han denne helga var saman med Christoffer på garden, og at han hadde spurt
kva som hadde skjedd når han hadde fått slike skadar. Christoffer hadde sett vekk og sagt at han ikkje
hugsa.
Både dette vitnet, samt tiltalte sjølv, besteforeldra og assistenten, Heidi Gjerstad, har forklart at
Christoffer endra seg påtakeleg når det gjaldt reaksjonane på blåmerke og skrubbsår. Medan han
tidlegare, som dei fleste born, kom for å få trøyst og forklarde i detalj korleis han hadde slått seg, han
vart endåtil omtala som litt " pysete " og " redd for blod" , endra han seg i løpet av hausten/vinteren
2004 slik at han ikkje ville snakka om småskadar og sår. På spørsmål om korleis han hadde fått
sår/blåmerke, svara han "vet ikke", "husker ikke".
I si vitneforklaring for lagmannsretten sa dr. Ljungblad at Christoffer kunne ha mellombels mista minnet
ved å ha besvimt i samband med skadane han pådrog seg den 17. januar. På spørsmål om korleis dette
rimer med at han i journalen har skrive at Christoffer ikkje hadde "besvimt", og "ingen tegn til
commotio", dvs. hjernerystelse, uttalte Ljungblad at medvitstapet kunne hatt samanheng med
krampeanfall i form av såkalla atoniske anfall, det vil seia brått tap av muskelkraft, slik at ein sig
kraftlaust ned.
Sjølv om ein ikkje tek denne hendinga med i dei tilfella der Christoffer sine svar på spørsmål om skadar
og sår framstår som merkelege, står det fast at Christoffer slutta å fortelja korleis merke og sår hadde
oppstått, enten ved å vera taus, eller svara "vet ikke", "husker ikke". Mormora har også forklart at han
på spørsmål om slike ting skulle ha sagt, "jeg tenker du skjønner det sjøl".
Heidi Gjerstad har forklart at ho måndagen 31. januar oppdaga ein kul i hovudet til Christoffer og eit lite
raudt sår i hovudbotnen.
Om ettermiddag/kveld måndag 31. januar ringte tiltalte til foreldra sine og avlyste avtalen om at
Christoffer skulle koma til dei tysdag ettermiddag/kveld idet han i staden skulle vera med stefaren og
samla noko som lagmannsretten oppfatta som tømmerkapp.
Tiltalte har forklart at om morgonen tysdag 1. februar viste Christoffer tiltalte eit sår på høgre skuldra si.
Dette såret og denne hendinga står sentralt i lagmannsrettens bevisvurdering. Såret er skildra i
obduksjonsrapporten til dr. Rognum og dr. Vege slik:
"Rett under skulderbuen på utsiden av høyre overarm er det et område med blålig misfarging som måler
3,8 x 3,2 cm. Området er omgitt av en 0,5 cm bred rødlig
- 14 - Feil! Ukjent dokumentegenskapsnavn.
ring og inne i denne ringen er det parallelle hudrisp med innbyrdes avstand 3 – 4 mm." Det er ikkje
tvilsamt at tiltalte såg dette såret, ho har vidare forklart i politiavhøyr at såret var oppdaga av stefaren
om natta til denne tysdagen. Han hadde høyrt at det "var noe inne på rommet".
Heller ikkje om dette ville Christoffer fortelja kva som hadde hendt.
På SFO før skuletid denne dagen, viste Christoffer såret til personalet.
Det er lagt fram følgjande rapport datert 1. februar 2005 utarbeidd av dåverande dagleg leiar på SFO,
Anita Håøy Andersen, som også forklarte seg for lagmannsretten:
"Bekymringer vedr. G.34. Det er etter flytting (ny bolig) notert følgende: - Flere morgener fortalt at han
har slått seg på skap ved seng. Tydelige blå merker, hevelser i form av kul i hodet og/eller kinn. Tirsdag
18.01 – Frokost. Stefar ringer meg. Forteller at G 34 er lagt inn på sjukehus har slått seg veldig, blod
oppover vegg, legen snakker om Tiggs – selvskading? Han ligger på overvåking. Mor er der. Tydelig at
han (Stefar) er utenfor da det er lite sammenheng i det han forteller. Vet ikke hvordan det har skjedd.
Sier at G 34 lo høyt og helt hysterisk, noe han pleier når han har skadet seg tidligere også. Han gjør det
ofte, det er helt sykt.
- G. 34 fraværende tirsdag 18.01 og onsdag 19.01. Torsdag er han tilbake på frokost. Veldig redusert og
ugjenkjennelig i ansikt. Ikke tilstede på SFO ettermiddag. DS Fredag. - Mandag i full plass i skole og SFO. -
Tirsdag 25.1. frokost (forteller til meg)- I går kom jeg for sent hjem, for Heidi hadde glemt meg. Stefar
var på vei for å hente meg, men gikk inn igjen. (Heidi; han ville ikke hjem, holdt på med å overtale ham
fra kl. 16.00- tom Liv U prøvde, da de pleier å gå samtidig, noe som har vært stas) - Ikke SFO torsdag 27.1
og fredag 28.1 da han skulle til mormor- gledet seg veldig. - Veldig opptatt av havregrøt om morg. Jeg
spør: Hva spiser du de andre dagene når ikke jeg er her? Da spiser jeg ikke. Spiser du hjemme? Nei. -
Tirsdag 1.02.05- Kommer som vanlig på fro. Men er ikke så støyende som han pleier, husker jeg tenkte
at nå har han lært å komme pent inn. Ser på at jeg lager grøt til ham (til vanlig litt irritert på meg hvis
ikke grøten står klar) Ved matbordet forteller han meg at han har slått seg i natt. Viser meg skulder.
Omkrets på 3 cm er huden vekk, rundt er det" skrubb" og rødt, som et brannsår. Har slått meg i hodet
også, - bloduttredelse litt inn for "vike" og kul lengre frem i panna. - Ber han forklare hvordan han har
fått dette. Skjedde det i natt? Usikker – drar på skuldre - Skjedde det før du la deg? – jeg vet ikke –
husker ikke - Har du slått deg ute? Ikke noe svar
- 15 - Feil! Ukjent dokumentegenskapsnavn.
- Har noen vært slem/stygg mot deg? Jeg husker ikke – vet ikke - En voksen? Ser bare ut i lufta –svarer
ikke - Hva sa mamma når hun så dette? Huff da. Jeg sier han må/det er lov til å fortelle dette til voksen,
det være seg mamma, Heidi, Synnøve eller evnt. meg. Vi er her for å hjelpe ham. Etter frokost følger
meg som en skygge. Sier han har vondt, at han ikke kan skrive i dag, men jeg kan jo lese.
Meldt fra til rektor, Synnøve. Det innkalles til møte umiddelbar med mor."
Heidi Gjerstad har forklart seg om same morgonen, og på spørsmål om kva som hadde skjedd skal han
ha sagt at han " ikke husker ", " når han skulle sove ". På spørsmål om det var nokon til stades då han
skada seg, skal han ha svart:
"Kim våknet med et smell ", at mora " bare sov, og ville ikke våkne " og at " Kim var sint på mora om
morgenen".
På spørsmål om kva mora hadde sagt då han viste henne såret, sa Christoffer at ho hadde sagt: "Uffa
meg".
Det vart som nemnt straks teke kontakt med kontaktlærar og rektor, og kontaktlæraren ringde til tiltalte
og bad henne koma til skulen same dag. Dei bad henne koma åleine, utan at stefaren var med. Møtet
vart fastsett til kl. 13.15, og skulen vart gjort kjent med at tiltalte skulle på arbeid kl. 1400.
I møtet der kontaktlæraren Synnøve Aashildrød Myrvang og SFO-leiaren Anita Håøy Andersen var til
stades, konfronterte desse tiltalte med bekymringa si og spurde tiltalte om hennar oppfatning av
skadane.
Synnøve Aashildrød Myrvang har skrive referat frå dette møtet der det heiter:
"Da Christoffer kom på SFO denne morgenen hadde han sår på overarm og hode. Vi innkalte til møte
med mor samme dag pga vår bekymring over skader.
Mor, Anita og Synnøve hadde en løs samtale der vi skolen/SFO redegjorde for vår bekymring og spurte
mor om hennes oppfatning av skadene. Alle disse skadene har oppstått mens han var alene, og det er
derfor ingen som med sikkerhet kan fortelle hva som har skjedd. Ch. husker ikke noe. Husker han ikke
kva som er skjedd, eller vil han ikke huske? Hvor hardt kan vi presse på? Mor undersøker med BUPA om
det er mulig å få psykiatri hjelp. Spør også om det er mulig at vi/skolen kan ringe og få
hjelp/opplysninger. Har time hos BUPA allerede påfølgende torsdag. Det kommer fram i samtalen at
skole/SFO og hjem får høre forskjellige versjoner av saker. Det blir viktig at vi voksne gir klar informasjon
til hverandre. Viktig at vi får informasjon når ting er skjedd hjemme.
Mor gir oss tilbakemelding etter møte på BUPA torsdag 3/2-05."
- 16 - Feil! Ukjent dokumentegenskapsnavn.
Synnøve Aashildrød Myrvang har i si forklaring for lagmannsretten uttalt at dette referatet var ein "snill
versjon" av det som var kommunisert på møtet, noko som også stemmer med tiltalte si forklaring idet
ho uttalar at ho følte at skulen retta mistanke mot henne og stefaren for at dei utøvde vald mot
Christoffer.
Tiltalte gjekk på arbeid etter møtet med skulen/SFO, og stod ut vakta si til kl. 20.00, ho var truleg heime
ca. 20.30. Ho har forklart at då ho kom heim, var Christoffer lagd, og ho snakka ikkje med han.
Dagen etter, den 2. februar 2005, var Christoffer svimmel, kvalm og kasta opp. Tiltalte bestemte seg
derfor for å vera heime med han. Han var dårleg heile dagen, og tiltalte har forklart at han måtte støtta
seg mot veggen når han skulle gå på badet. Då ektemannen kom frå arbeid, åt dei middag, som
Christoffer kasta opp igjen. Om ettermiddagen var ektemannen til tiltalte ein tur til foreldra sine, og då
han kom heim, gjekk tiltalte ut ein tur, sidan ho hadde vore inne med Christoffer heile dagen. Ho har
forklart at ektemannen kom heim i sjutida, og at ho var attende frå turen litt over åtte. Ektemannen
hadde ringt fleire gonger medan ho var borte, og sagt at alt gjekk greitt, alt var normalt. Ho sjekka
Christoffer etter ho kom heim, og skal ha sagt at han måtte prøva å sova. Ho har også forklart at dersom
Christoffer ikkje vart betre, måtte dei ta han med på sjukehuset. Vidare har ho forklart at det vart sett
inn ei bøtte til Christoffer på rommet hans, slik at han kunne kasta opp i denne, samt ein rull tørkepapir.
Omkring kl. 21.00 såg dei til Christoffer, som då låg med ansiktet inn mot veggen, med dyna over seg,
heilt roleg. Ho har forklart at ho forstod at det var noko " alvorlig gæernt ". I avhøyr den 4. februar 2005
har ho forklart at ektemannen kasta noko papir på golvet, og at han hadde sagt at Christoffer hadde
noko papir i munn og nase. Ho ringde AMK-sentralen, medan ektemannen starta gjenoppliving.
Lydloggen frå denne samtalen er lagt fram for lagmannsretten, og det går fram av denne at tiltalte står i
eit anna rom enn der ektemannen prøver å gjenoppliva Christoffer. Lagmannsretten kjem attende til
denne lydloggen nedanfor.
Ambulanse kom til staden litt over kl. 21.00 og ambulansepersonellet heldt fram med freistnadene på å
redda Christoffer, men utan å lukkast. Freistnadene vart gjevne opp ca. kl. 21.50.
Tiltalte og ektemannen vart med til sjukehuset, og det er lagt fram tidsnære forklaringar frå dei som var i
kontakt med ekteparet denne kvelden/natta. Då det kom på tale med obduksjon, motsette ektemannen
til tiltalte seg dette, med å seia noko slikt som " du vil da vel ikke at noen skal skjære i gutten din ".
Tiltalte heldt likevel fast ved at ho ynskte obduksjon.
Obduksjonsrapport og forklaring frå dei sakkunnige:
- 17 - Feil! Ukjent dokumentegenskapsnavn.
Av den rettsmedisinske undersøkinga datert 1. mars 2005 utført av dr. Torleiv Ole Rognum og dr. Åshild
Vege, inkludert nevropatologisk undersøking utført av dr. Kari Skullerud, vert sitert følgjande:
"1. Av tegn til vold er det påvist utbredte områder med blåmerker av varierende alder i ansiktet, på
armene, skuldrene, høyre flanke, høyre hofte samt på begge lår og legger. Det er hudavskrap i venstre
tinning, på høyre side av panne/tinning, på begge skuldrer, på innsiden av venstre overarm, på venstre
side av lenderyggen samt fortil på knær og på venstre legg.
Det er blodansamling i hodets bedekninger i pannen samt i begge tinninger. Det er et 17 cm langt
skallebrudd som forløper fra venstre tinningregion og ned i venstre midtre skallegrop samt i issebenet,
bakover til bakhoderegionen.
Nevropatologisk undersøkelse viser en moderat oppsvulmet hjerne med ferske knusningsskader i høyre
tinninglapp. Skadene vurderes til å ha oppstått fra timer til ett døgn før dødens inntreden. Skadene kan
ha medført umiddelbar bevisstløshet. I hjernen ble det også påvist små misdannelser, og så vel disse
som de ferske knusningskadene kan medføre epilepsi. (Se for øvrig egen besvarelse fra professor Kari
Skullerud.) Det er en flateformet blodansamling i venstre øyes bindehinne, utad for regnbuehinnen.
Mikroskopisk undersøkelse av øynene viser imidlertid ikke tegn til netthinneblødninger.
Det er små blodansamlinger i strupehodets slimhinne. Dessuten er det blodansamling i
bukspyttkjertelens hale, i bindevevsbåndet fortil på leveren samt rundt høyre nyre.
2. Uover de beskrevne misdannelsene i hjernen er det ikke påvist sykelige forandringer av betydning
for dødens inntreden."
Punkt 3 omhandlar prøvar som ikkje viser noko av spesiell interesse her.
"4. Det er ikke påvist noen helt entydig dødsårsak. Det er påvist en alvorlig hodeskade. Denne kan ha
oppstått som følge av stump vold, enten ved slag med, eller ved fall mot stump gjenstand. Det synes lite
trolig at hodeskaden skal være utløst av et epileptisk anfall med kramper. Det er heller ingen
opplysninger i sykehistorien om at Christoffer skal ha hatt slike krampeanfall tidligere.
Skaden i venstre tinning er relativt fersk. Mønsteret i hudavskrapene kan være forenlig med støt/trykk
mot veggen i barneværelset, idet mønsteret ligner mønsteret i tapetet. Mange av blåmerkene i ansiktet
og på kroppen kan være flere dager gamle, og skyldes gjentatte episoder med stump vold.
Nevropatolog, professor Skullerud, anser ikke at knusningsskadene i hjernen i seg selv har vært
dødelige. Det kan derfor ikke helt utelukkes at døden kan skyldes kvelning slik som antydet i
politirapporten. Det er
- 18 - Feil! Ukjent dokumentegenskapsnavn.
imidlertid lite trolig at den papirbiten vi ble forevist ved obduksjonen og som veide 4 g og består av løst
tørkerullpapir kan ha medført kvelning ved at Christoffer skal ha dyttet den inn i nese/munnhule.
5. Basert på opplysninger i politirapport og obduksjonsfunn er dødsdato satt til 02.02.05 om kvelden."
Dr. Rognum og dr. Vege vart bedne om å gjeva ein tilleggsuttale basert på konkrete spørsmål knytt til
alderen på blåmerka og hudavskrapa på Christoffer sin kropp, om skadane kunne vera sjølvpåførte eller
påført under freistnadene på gjenoppliving, vurdering av skadane ved innlegging på sjukehuset 17. - 19.
januar opp mot forklaringa som vart gjeven til helsepersonell frå tiltalte og stefar, og endeleg om det
kunne seiast noko nærare om dødsårsaka dersom kvelning vart sett på som lite sannsynleg eller tenkjast
fråverande.
Tilleggsuttalen er datert 1. februar 2008 og av svara går det fram at blåmerka på hovud, kropp, armar og
bein har ein alder som varierer frå nokre timar til 2-3 veker. Dei ferskaste er i venstre tinning og det
eldste er i huda rundt venstre auge og har nådd å verta gulgrønt av farge. Hudavskrapa er sagt å variera
i alder frå nokre timar (inst på venstre skulder) til nokre dagar (skrap i venstre panne/tinning, på innsida
av venstre overarm, på utsida av høgre skulder/overarm samt på venstre side av lenderyggen og fortil
på begge kne). Som svar på spørsmålet om sjølvskading, vert det uttalt at verken blåmerka eller
hudavskrapa er typiske for sjølvpåført skade, mellom anna fordi skadane var på stader av kroppen som
er lite tilgjengelege for ein sjølv.
Når det gjeld kva kraft som må til for at desse skadane skal kunna oppstå, er uttalt:
"Mange av hudavskrapene skyldes gnidning/slag/fall mot stump eller halvskarp gjenstand. Det er
vanskelig å objektivere styrken på kraften, men skadene på knærne kan skyldes vanlige fall. Da de andre
skadene har et til dels meget spesielt utseende (for eksempel den ringformede skaden på høyre skulder)
er det vanskelig å vurdere kraften når man ikke kjenner mekanismen for skadepåføring."
For vurderinga av skadane den 17. januar, oppfattar ikkje lagmannsretten rapporten som heilt eintydig
på dette punktet, men både dr. Rognum og dr. Vege støttar i forklaringane sine for lagmannsretten dr.
Grøgaard i at skadane, og ikkje minst allmentilstanden til Christoffer i dei to vekene etterpå, tyder på
skadar som ikkje var heilt ut foreinlege med det som vart forklart av stefaren på sjukehuset.
Når det gjeld svaret på spørsmålet om dødårsaka, er dette formulert slik:
"Sammenholdt med den alvorlige hodeskaden og papiret i munn, svelg og nese – er så vel epileptisk
anfall som død på grunn av hjerterytmeforstyrrelse mindre
- 19 - Feil! Ukjent dokumentegenskapsnavn.
sannsynlig enn at døden skyldes en kombinasjon av hodeskaden og hindret åndedrett på grunn av
sammenrullet tørkerullpapir i munn, svelg og nese."
Dr. Rognum og dr. Vege har også gjeve tilleggsuttale den 21. mars 2012 med omsyn til tidspunktet for
hovudskaden. Det er uttalt følgjande:
"På bakgrunn av omstendighetene ved dødsfallet og nevropatolog Kari Skulleruds vurdering, er det
derfor mulig at Christoffer allerede hadde den alvorlige hodeskaden om morgenen 02.02.2005.
Svimmelhet, oppkast og balanseproblemer kan være symptomer på en slik skade. Skadens utseende,
vurdert med det blotte øye og de mikroskopiske undersøkelsene som nevropatolog Kari Skullerud har
foretatt, gjør det rimelig å anta at den påviste hodeskaden har inntruffet fra timer til ett døgn før døden
inntrådte.
En utvendig besiktigelse og en nøye mikroskopisk undersøkelse ligger altså til grunn for denne
slutningen. Det er ikke mulig å tidfeste skaden nærmere." Dr. Rognum, dr. Vege, og dr. Skullerud har
alle gjeve forklaring for lagmannsretten, og det er ingen endringar med omsyn til dei vurderingane som
er gjort greie for her.
Dr. Jens A. Grøgaard, spesialist i barnemedisin, har som nemnt vore rettsoppnemnd sakkunnig, og har i
rapporten sin, og i forklaringa si for lagmannsretten, funne det sannsynleg at skadane Christoffer hadde
ved innlegginga på sjukehuset 17. - 19. januar også innebar hjernerystelse, og at skadane ved det høvet
har hatt innverknad på Christoffer sin motstandskraft mot nye skader. Han grunngjev dette først og
fremst med det som er gjort greie for av omgjevnadene når det gjeld Christoffer sin allmentilstand dei
siste 14 dagane har levde.
Noko nærare om den nøyaktige dødsårsaka enn det dr. Rognum, dr. Vege og dr. Skullerud har
konkludert med, jf. ovanfor, er det ikkje mogeleg å koma, og lagmannsretten legg dette til grunn.
På bakgrunn av at skadetidspunktet av dei sakkunnige vert sett til frå nokre timar (dr. Skullerud sa i si
forklaring at det også kunne vera ned til ein time) til eit døger, vert det lagt til grunn at hovudskaden
vart påført Christoffer sein ettermiddag/kveld den 1. februar 2005. Ved denne vurderinga er også teke
omsyn til at det for tiltalte gunstigaste faktum skal leggjast til grunn.
Rettskraftig dom mot ektemannen til tiltalte. Agder lagmannsrett sa 30. april 2009 dom mot tiltalte sin
ektemann, der han vart funnen skuldig i å ha påført Christoffer hovudskaden med døden til følgje.
I ei straffesak mot ein annan tiltalt har ein tidlegare straffedom ingen rettskraftverknad verken til gunst
eller skade, jf. Johs. Andenæs; Norsk straffeprosess, Samlet utgave ved
- 20 - Feil! Ukjent dokumentegenskapsnavn.
Tor-Geir Myhrer, fjerde utgåve side 450 følgjande. At straffedommen ikkje har positiv rettskraftverknad,
inneber ikkje at den ikkje har noko å seia i den seinare saka, jf. side 459, den tidlegare dommen må
kunna leggjast fram som bevis i saka. Til vanleg vil nok domstolen i den nye saka gå ut frå at den
tidlegare dommen er riktig, med mindre det er kome fram vesentlege nye bevis eller argument.
I vår sak har det vore meir omfattande bevisførsel både når det gjeld vitnebevis og dokumentbevis enn i
straffesaka mot ektemannen. stefar har nytta seg av høvet til å nekta å forklara seg for lagmannsretten,
men politiforklaringa hans er lesen opp av aktor under ankeforhandlinga med stefar samtykke, der han
nekta for å ha noko med Christoffers skadar å gjera.
Det som er kome fram under bevisvurderinga, endrar ikkje på konklusjonen om at det var stefar som
med forsett mishandla Christoffer slik at han døde. Det er ikkje tvilsamt at Christoffer vart skada i
heimen, den alvorlege hovudskaden måtte i følgje dr. Skullerud si forklaring under ankeforhandlinga ha
medført medvitsløyse. Det er utelukka at Christoffer skulle ha falle på veg heim eller i akebakken el.l. og
påført seg slik skade. Det same gjeld sjølvskading eller eventuelle krampeanfall. Dr. Rognum forklarar at
det må både fart og kraft til for ein slik skade, (½ mv²). Dr. Skullerud synleggjer krafta og farten som må
til ved å visa til at ein kan få ein slik skade dersom ein fell på hovudet ned ei lang steintrapp, eller fell frå
minst andre etasje ned i asfalten.
Også tiltalte i vår sak held fast ved at ho meiner ektemannen er uskuldig, ho seier ho verken har sett
eller høyrt noko.
Forsvararen hennar har likevel, på bakgrunn av bevissituasjonen, lagt til grunn at det var ektemannen til
tiltalte som utførte valden som førte til hovudskaden på Christoffer.
Det som lagmannsretten i denne omgangen ser noko annleis på enn det lagmannsretten gjorde i saka
mot stefar, er tidspunktet for når den grove valden vart påført. I den saka forklarte eit vitne som var
nabo i tomannsbustaden, at ho hadde høyrt eit dunk i veggen om kvelden den 2. februar. Dette vart
vurdert å støtta opp under dei sakkunnige sin teori om at guten sitt hovud med stor kraft hadde treft
veggen i barnerommet, jf. eit mønsteravtrykk i hovudet til Christoffer som hadde likskapar med tapetet
på veggen. I vår sak er den omtalte naboen ikkje ført som vitne, og det er reist noko tvil om mønsteret i
hovudet til Christoffer faktisk stammar frå dette tapetet eller frå noko anna.
Slik bevisføringa har vore for lagmannsretten i denne saka, legg lagmannsretten til grunn at skaden vart
påført sein ettermiddag/kveld den 1. februar, noko som også for tiltalte i vår sak er det gunstigaste
faktum, jf. ovanfor.
- 21 - Feil! Ukjent dokumentegenskapsnavn.
Spørsmålet for lagmannsretten er om tiltalte seinast etter møtet med skulen den 1. februar 2005 var
klar over, eller i det minste heldt det for meir sannsynleg enn ikkje, at Christoffer vart utsett for vald av
stefaren, og at dette ville halda fram.
Når det gjeld bevisvurderinga under skuldspørsmålet, har lagmannsretten lagt til grunn at ein kvar
forstandig og fornuftig tvil skal koma tiltalte til gode.
Det er som nemnt lagt avgjerande vekt på kva som skjedde om morgonen den 1. februar 2005.
Det er på det reine at Christoffer denne morgonen viste mora si såret på høgre skulder som er omtala
ovanfor. Dette såret er
" et område med blålig misfarging som måler 3,8 x 3,2 cm. Området er omgitt av en 0,5 cm bred rødlig
ring og inne i denne ringen er det parallelle hudrisp med innbyrdes avstand 3 – 4 mm."
Dei sakkunnige har også uttalt dette om såret:
" (…). Da de andre skadene har et til dels meget spesielt utseende (for eksempel den ringformede
skaden på høyre skulder)er det vanskelig å vurdere kraften når man ikke kjenner mekanismen for
skadepåføring."
Bilete av såret som ein del av obduksjonsrapporten er vist fram for retten, og det er ikkje tvilsamt for
lagmannsretten at tiltalte, då Christoffer viste henne dette såret, i det minste heldt det for meir
sannsynleg enn ikkje, at dette var ein påført skade. Ektemannen hennar sa også ved same høvet at
Christoffer hadde fått dette såret om natta.
På dette tidspunktet visste ho såleis at det var eit merkeleg sår på sonen sin høgre skulder, ho visste at
såret hadde kome i løpet av natta, og ho visste at ektemannen hadde vore inne hos Christoffer. Vidare
har ho sjølv sagt at ho denne natta hadde høyrt "bråk/støy" frå Christoffer sitt rom mellom kl. 02.00 og
03.00 etter at ektemannen hadde gått inn til Christoffer. Dette går fram av politiforklaringa av 6. februar
2005 til SFO - leiaren Anita Håøy Andersen. Tiltalte har også forklart for lagmannsretten at soverommet
deira og soverommet til Christoffer låg vis av vis kvarandre og med dørene opne.
Det er ikkje klart for lagmannsretten om ho hadde spurt Christoffer om kva som hadde hendt, han
hadde i alle fall ikkje sagt noko, medan han på SFO på spørsmål om kva mora hadde sagt, svara at mora
hadde sagt "huff da" eller "uffa meg".
I tillegg til den kunnskapen tiltalte hadde om morgonen 1. februar, kjem tidlegare hendingar og
observasjonar omkring Christoffer og skadar. Dette bakteppet av hendingar og observasjonar har tiltalte
sjølv forklart seg om i politiavhøyr den 4. februar 2005, og 18.
- 22 - Feil! Ukjent dokumentegenskapsnavn.
februar 2005, det har såleis vore framme i medvitet hennar kort tid etter Christoffer døde, og
lagmannsretten held det for utelukka at ikkje dette bakteppet også var ein del av vurderingsgrunnlaget
hennar den morgonen Christoffer viste henne eit stygt og merkeleg sår på skuldra.
For det første visste tiltalte om skaden Christoffer hadde fått i ansiktet sitt om natta ein gong i
oktober/november hausten før, og ho visste at det var ektemannen som oppdaga den skaden. Ho visste
at det var ektemannen som var inne hos Christoffer når han vakna om nettene. Vidare visste ho at
Christoffer hadde skada seg stygt to veker før, også då var ektemannen åleine med sonen. Det er også
kome fram av andre forklaringar at tiltalte var klar over at Christoffer hadde hatt mange blåmerke. T.d.
har mor til tiltalte forklart at tiltalte, då mora hadde ytra seg om blåmerke på Christoffer, hadde sagt at
han " datt så fært ". Av forklaringa frå dei to som var med på møtet den 1. februar, går det fram at
tiltalte også undra seg over dei mange blåmerka og småsåra, og lurte på om han skada seg sjølv.
Når det gjeld skadane den 17. januar, har Agder lagmannsrett i saka mot ektemannen lagt til grunn at
desse skadane skuldast " gjentatt mishandling " frå stefaren si side. Lagmannsretten har ikkje grunnlag i
bevisføringa i denne saka til å uttala seg noko nærare om dette, men for tiltalte sin del ville i alle høve
ein mistanke frå hennar side langt på veg verta svekka ved at sjukehuset ikkje reagerte på skadane. Dei
stilte ingen spørsmål ved forklaringa frå stefaren om korleis skadane hadde oppstått, men dr. Ljungblad
har både i sann tid og no, støtta ein teori om krampeanfall i form av atonisk anfall som årsak til skadane.
Av avgjerande vekt for lagmannsretten er det tiltalte sjølv har forklart om det ho hadde observert og
reagert på at – at Christoffer ikkje lenger fortalde kva som hadde skjedd når han hadde blåmerke og
småsår. Også etter skadane den 17. januar, sa han at han "ikke husker " kva som hadde skjedd.
I tillegg til dette var tiltalte klar over at Christoffer hadde aggresjonsutbrot og sinnerier, og at han fysisk
måtte haldast fast for å roast. Ho var såleis klar over at det måtte ein viss grad av makt til for å handtera
Christoffer i visse situasjonar, og ho visste at ektemannen i stor grad tok hand om dette.
Lagmannsretten er såleis ikkje i tvil om at tiltalte denne morgonen heldt det for meir sannsynleg enn
ikkje at ektemannen utsette Christoffer for vald.
Same føremiddag vart ho over telefon kalla inn til møte med skulen same dag. Ho fekk beskjed om å
møta åleine, utan ektemannen, som elles alltid var med, og som også normalt førte ordet. På møtet vart
ho konfrontert med det same såret ho sjølv hadde sett, samt sår "på hode ". Skulen og SFO konfronterte
henne også med at dei hadde observert fleire skadar, jf. referatet; " Alle disse skadene har oppstått
mens han var alene" .
- 23 - Feil! Ukjent dokumentegenskapsnavn.
Ho har sjølv forklart at ho følte at skulen og SFO retta mistanke mot henne og ektemannen for å påføra
Christoffer skadar. Det ho sjølv same morgon heldt for overvegande sannsynleg, nemleg at ektemannen
påførte sonen skadar, vart såleis stadfest og forsterka ved skulen og SFO si hasteinnkalling, at ho skulle
møta åleine, at dei var bekymra, og at dei retta mistanken mot heimen.
Lagmannsretten finn det såleis bevist utover einkvar rimeleg og forstandig tvil at tiltalte seinast etter
møtet på skulen den 1. februar 2005 kl. 13.15 forstod, eller i det minste heldt det for meir sannsynleg
enn ikkje, at ektemannen utsette sonen hennar for vald.
Lagmannsretten finn det vidare bevist utover ein kvar rimeleg og forstandig tvil at ho også i det minste
heldt det for meir sannsynleg enn ikkje, at valdsutøvinga ville halda fram dersom denne ikkje på ein eller
annan måte vart hindra.
Avgjerande for lagmannsretten på dette punktet er den kunnskapen ho på dette tidspunktet hadde om
Christoffer sine mange skadar, at skadane hadde vorte fleire og meir alvorlege i seinare tid, sjølv om ein
held skadane den 17. januar utanfor, at Christoffer var utagerande og hadde sinnerier, at han måtte
haldast fast for å roast, at det skjedde skadar om nettene, og at det var ektemannen som var inne hos
Christoffer om nettene. Endeleg vert lagt til grunn at ho ikkje hadde gjort eller sagt noko som kunne få
ektemannen til å halda opp med valdsutøvinga. Ho har ikkje på noko tidspunkt i avhøyr eller for retten i
fire rettssaker ytra noko i den retning, og har heller aldri sagt at ho nokon gong gjekk inn til Christoffer
om nettene, verken åleine eller når ektemannen var der. Lagmannsretten held det også for lite
sannsynleg at tiltalte ikkje ved fleire høve enn den siste natta hadde høyrt lydar eller gråt frå Christoffers
rom når ektemannen var der inne med guten.
Personlege føresetnader: Forsvarar har med styrke gjort gjeldande at tiltalte ikkje hadde kognitive
ressursar til å forstå og reflektera slik som andre ville gjera i liknande situasjon, og vist til WAIS-testen
som gjort greie for av psykolog Laurie. Testen, utført i 2008, viser at tiltalte har eit alminneleg evnenivå
på 85 %, altså i nedre normalområde. Det er særleg i den såkalla arbeidsminneindeksen at tiltalte fell
innanfor eit svært lågt normalområde. Arbeidsminneindeksen har i følgje Laurie noko å seia for
behandlinga av kompleks informasjon. Det er i denne saka ikkje tale om at den tiltalte ikkje skulle vera
strafferettsleg tilrekneleg, jf. straffelova § 44, men som det heiter i Andenæs, Alminnelig strafferett ,
femte utgåve side 307:
"Det kan tilføyes at selv om det ikke foreligger grunnlag for å frita for straff etter § 44, kan
gjerningsmannens intellektuelle utvikling få betydning ved avgjørelsen av
- 24 - Feil! Ukjent dokumentegenskapsnavn.
om vedkommende har handlet med den skyld (forsett eller uaktsomhet) som straffebudet krever. En
person har f.eks kjøpt tyvegods på gaten til spottpris og blir av den grunn tiltalt for heleri. Situasjonen
kan være slik at dommeren uten videre vil avvise en påstand om god tro hvis tiltale er normalt begavet,
mens han ikke tør forkaste påstanden hvis det er en smått begavet person av den naive og godtroende
type han har for seg. Og tilsvarende: I situasjoner hvor en ville ha konstatert uaktsomhet hos den
normale, vil kanskje den smått begavede bli frifunnet fordi han ikke har hatt forutsetninger for å
oppfatte situasjonen". Det er likevel ikkje slik at resultatet av ein intelligenstest åleine er avgjerande for
vurderinga av dei personlege føresetnadene for strafferettsleg skuld. Andenæs seier til dømes om
rettstilstanden før lovendringa i 1997 der grensa for det strafferettsleg tilreknelege låg på ein IQ på ca.
50:
"Men dette ble ikke slavisk lagt til grunn. Det ble gjerne understreket at personlighet og evnen til å
fungere sosialt er vel så viktig som resultatet av intelligenstest."
I Rt-2003-553 er også spørsmålet om personlege føresetnar kommentert, der det heiter:
"Konkret er spørsmålet om domfelte burde ha forstått at det var tale om penger som var et resultat av
straffbare handlinger. Jeg antar at det ved vurderingen av om det i et slikt tilfelle er begått straffbart
uaktsomt heleri, bør tas hensyn til personlige forutsetninger. Således vil både erfaring og mental
utrustning kunne få betydning ved bedømmelsen av spørsmålet om den uvitende ektefelle eller
samboer har utvist straffbar uaktsomhet i et slikt tilfelle."
Lagmannsretten har ved vurderinga av tiltalte sitt forsett teke omsyn til vitneprovet frå psykolog Laurie
og testen han gjennomførde i 2008, men finn det bevist utover ein kvar rimeleg og forstandig tvil at
tiltalte hadde evner og erfaringsgrunnlag til å forstå situasjonen den 1. februar 2005, og kva den
innebar for Christoffer, også i framtida. Ved denne vurderinga frå lagmannsrettens side er det lagt vekt
på at tiltalte, slik ho framstod for alle som har forklart seg om henne, ikkje merka seg ut som ei som ikkje
kunne setja saman og forstå vanlege samanhengar, samt daglegdagse problem av ulik art. Rett nok har
læraren frå vidaregåande skule uttalt at tiltalte kunne verka noko naiv, og kollegaene hennar på
Sparbutikken; at ho var litt enkel. Sjefen hennar sa at ho trong litt lengre tid på å læra seg "Post i butikk"
enn andre, men ho utførte både denne oppgåva og alle andre oppgåver i butikken. Når det spesielt gjeld
omsorgsoppgåvene overfor Christoffer og elles stell i huset, er det ingen som har ytra noko som skulle
tyda på svake ressursar. Tvert imot har både foreldra, onkelen og andre som var i kontakt med henne på
den tida, forklart at ho var ein særs god omsorgsperson for Christoffer.
Dr. Sussmann, som hadde med tiltalte å gjera i samband med medisineringa av Christoffer for ADHD,
har t.d. uttalt at ho meinte Christoffer var svært godt ivareteken av mor. I
- 25 - Feil! Ukjent dokumentegenskapsnavn.
journalnotat av 7. august 2003 i samband med utgreiinga med omsyn til ADHD, har klinisk sosionom
Dagny Tøndevold m.a. skrive:
"På spørsmål fra meg om belastningsfaktorer i Christoffers oppvekstmiljø, forteller mor at han har
mistet 3 oldeforeldre i løpet av dette året. Christoffer var svært knyttet til den ene av oldeforeldrene og
kunne gi uttrykk for dette ved å gråte og være lei seg. Mor tok ham med i begravelsen og beskriver
situasjonen rundt dette. Jeg gir mor tilbakemelding at jeg oppfatter at hun har hatt nyanserte tanker om
hva Christoffer skulle involveres i og ivaretatt ham på en god måte i denne situasjonen."
Dette viser at tiltalte både observerte, reflekterte og handla på ein god og omsorgsfull måte.
Når det gjeld situasjonen slik den framstod for tiltalte den 1. februar 2005, vert igjen peika på at ho sjølv
i avhøyr den 4. februar og 18. februar 2005, forklarte seg om faktum slik det er gjort greie for ovanfor,
det vil seia det "bakteppet" som var til stades i hennar eige medvit i det aktuelle tidsrommet.
At tiltalte ikkje mangla evne til å setja saman bitar av kunnskap og reflektera over dei, samt dra
konklusjonar, viser etter lagmannsrettens syn også det som ein av politibetjentane har forklart om at då
han og ein kollega skulle på åstadsgransking kort tid etter Christoffer døde, ville tiltalte ta dei med ut i
terrenget for å visa dei ein snarveg som Christoffer tok når han skulle heim frå skulen, og der det kunne
vera glatt å gå, samt steinar til å slå seg på. Vitnet oppfatta dette slik at ho ville få fram alternative
synspunkt på korleis Christoffer hadde fått den alvorlege skaden, noko som etter lagmannsrettens syn
tyder på normal evne til resonnement.
At tiltalte også i dag nektar for at ektemannen kan ha skada Christoffer på nokon måte, trass det
overtydande bevisbiletet, samt hennar eigen forsvarar sitt standpunkt, er lagmannsretten overtydd om
er eit medvite val, og ikkje eit resultat av svake mentale ressursar slik som forsvarar har halde fram.
Ei anna sak er at tiltalte, med sin mogelegvis noko ettergjevande natur, i møte med ein meir dominant
natur, har innordna seg og overlate det meste til ektemannen. Lagmannsretten har eksempelvis merka
seg at då ho var i telefonkontakt med AMK etter å ha funne Christoffer livlaus i senga, ikkje gjekk inn på
rommet der ektemannen prøvde gjenoppliving, sjølv om vedkomande på alarmsentralen fleire gonger
bad henne gå inn og hjelpa. Ho svara fleire gonger at ektemannen ville halda på åleine. AMK seier t.d. på
eit visst tidspunkt: " Sitter du og holder i røret? Klarer du å hjelpe mannen din? ML: Han vil gjøre det
selv. AMK: Han vil gjøre det selv? ML: Han vil bare forsette".
Denne innordninga er likevel ikkje noko som har noko å seia for dei personlege føresetnadene hennar i
samband med vurderinga av forsettet.
- 26 - Feil! Ukjent dokumentegenskapsnavn.
Lagmannsretten finn det på denne bakgrunn bevist utover ein kvar rimeleg og forstandig tvil at tiltalte,
også teke omsyn til hennar mentale evner, seinast etter møtet på skulen den 1. februar 2005 i det
minste heldt det for meir sannsynleg enn ikkje at ektemaken påførte Christoffer vald, og at dette ville
halda fram dersom det ikkje vart hindra på ein eller annan måte.
Medverking i form av passivitet Spørsmålet er så om tiltalte ved ikkje å gjera noko, har halde seg passiv,
skal sjåast på som å ha medverka til straffbar handling, dvs. brot på straffelova § 228 første og andre
ledd, jf. § 232. Som nemnt innleiingsvis, vil lagmannsretten igjen presisera at det ikkje ligg føre
haldepunkt for at tiltalte " kunne ha innsett muligheten " av dødsfølgja, jf. straffelova § 43. Drøftinga av
medverkingsansvaret er derfor avgrensa til å gjelda passivitet i høve til lekamskrenking med skade eller
monaleg smerte til følgje, jf. straffelova § 228 første og andre ledd første straffalternativ, jf. § 43, og
utført mot forsvarslaus person, jf. § 232.
Det som låg føre av skadar og blåmerke fram til dette tidspunktet, unnateke hendinga den 17. januar,
som sjukehuset ikkje hadde reagert på, og som dermed hadde svekka ein eventuell mistanke, var ikkje
av ein slik karakter at tiltalte kunne innsett det mogelege i at Christoffer ville verta påført dødeleg vald.
Heller ikkje andre omstende i saka er eigna til å peika på ein slik fatal utgang.
Det er på det reine at tiltalte drog direkte frå møtet på skulen til arbeid på Sparbutikken, der ho skulle
ha vakt frå kl. 14.00 til 20.00. Ho tok ikkje kontakt med Christoffer då ho var på skulen. Han var på SFO
som vanleg, og gjekk deretter heim.
Tiltalte har forklart at ho hadde orientert ektemannen om møtet med skulen/SFO utan at ho kan seia
om dette var før eller etter møtet. Ho uttalar i alle fall at han hadde sagt at han ikkje hadde gjort noko,
og så seier ho ;" men det visste jeg fra før også ". Vidare har ho på spørsmål sagt at " han ble like
forferdet som meg ".
Ho har likevel ikkje på noko tidspunkt uttalt, verken i avhøyr eller for retten, noko i retning av at ho til
ektemannen denne dagen hadde gjeve uttrykk for at eventuell lekamskrenking mot Christoffer ikkje
måtte førekoma.
Medverkingsansvaret Omfanget av medverkingsansvaret vert å vurdera ut frå tolking av den aktuelle
regelen, her straffelova § 228 første og andre ledd, og dei nærare omstenda i saka. Normalt vert det i
norsk rett kravt ei aktiv tilskunding til den straffbare handlinga av fysisk eller psykisk karakter. Rein
passivitet er normalt ikkje nok til å straffast for medverking, sjølv om det ligg føre ei spesiell plikt til å
hindra den straffbare handlinga. Andenæs , Alminnelig strafferett, 5. utgave ved Matningsdal og Rieber-
Mohn seier om dette side 329:
- 27 - Feil! Ukjent dokumentegenskapsnavn.
"Selv om en person har en spesiell plikt til å hindre den straffbare handling, vil en ren passivitet som
regel ikke kunne straffes som medvirkning. Om nattevakten forsømmer å gripe inn overfor tyver som
han hører romsterer i kjelleren, kan han ikke straffes for medvirkning til tyveri, men derimot for
utroskap (§ 275). For den som har en slik særlig plikt til å gripe inn, kan det ikke kreves en positiv
tilskyndelse som vilkår for medvirkningsansvar; det må være nok til å gjøre ham ansvarlig at han overfor
den skyldige gir uttrykk for at han ikke har noe imot handlingen. Gårdsgutten spør f.eks husbonden om
han ikke skal hugge litt inn på naboens eiendom, og husbonden svarer "gjerne for meg". Og en må gå litt
videre. Allerede en ren unnlatelse fra den overordnedes side av å gripe inn kan av den underordnede
oppfattes som et samtykke, og er den overordnede klar over dette, må det betraktes som psykisk
medvirkning. Således f.eks. om en overordnet politimann under et forhør ikke griper inn overfor sin
underordnede som mishandler den avhørte for å få sannheten frem. (jfr. Rt. 1947 s. 69, drøftelse s. 73)
Et stilltiende eller uttrykkelig samtykke fra den som har en særlig plikt til å hindre den straffbare
handling, betyr at en av de normale hindringer for forbrytelse er ryddet bort, og kan derfor ikke
betraktes på samme måte som et tilsvarende samtykke fra en utenforstående."
Den særlege tilknytinga mellom foreldre og mindreårige born, dvs omsorgsplikta, tilseier at det ligg føre
ei større plikt for foreldra til å hindra straffbare handlingar mot borna enn for andre utanforståande.
Andenæs seier i si bok Straffbar unnlatelse, i § 24 at for å kunna likestilla passivitet ved uekte
unnlatingsdelikt med aktiv handling, " må der foreligge en særlig forbindelse mellom den unnlatende og
den interessekrenkelse straffebudet retter seg mot."
Erling Johannes Husabø, har i " Straffansvarets periferi" når det gjeld dette temaet, etter å ha vist til den
oppheva regelen om medansvaret for personar som står "under deres Myndighet", uttalt følgjande:
"I lys av dagens oppfatning av forholdet mellom foreldre og barn, er eit slikt strafferettsleg medansvar
for manglande "tilsnakking" av ein kriminell ungdom, også mindre naturleg enn tidlegare.
Problemstillinga vert ei anna der barnet er offer for kriminalitet. Foreldra si omsorgsplikt overfor barnet
står minst like sterkt som før. Difor stemmer det etter mitt syn godt med den allmenne rettskjensla når
Andenæs meiner at foreldre vil ha ei plikt il å hindra at barnet blir drept av den andre av foreldra (også
utanfor det særtilfellet som § 241 regulerer). Andenæs vil rett nok berre straffa for medverking til drap i
slike tilfelle dersom det ligg føre eit konkludent samtykke frå den passive ektefellen. Gjer det ikkje det,
vil han nøya seg med ei utvidande tolking av §§ 242 og 243. Men eit slikt vilkår for medverkingsansvar
synest å springa ut av hans meir generelle forståing av at passiv medverking utgjer ei form for psykisk
medverking (jf. punkt 2 framanfor). Reelt sett er det etter mitt syn liten grunn til å unnlata å ileggja
medverkingsansvar fordi det t d ikkje har vore tid eller rom for nokon kommunikasjon mellom partane.
Ein rusa mann har t d fått eit slikt ukontrollert raseriutbrot at kona berre kan avverja ei ugjerning mot
barnet ved å få barnet ut av huset."
- 28 - Feil! Ukjent dokumentegenskapsnavn.
Slik lagmannsretten oppfattar Husabø sine synspunkt på det passive medverkingsansvaret, skil dette seg
frå Andenæs sitt synspunkt ved at Husabø vil konstatera straffbar medverking, i slike tilfelle som nemnt,
også der hovudgjerningsmannen er utan kunnskap om den andre si haldning til brotsverket og
situasjonen. I Andenæs sitt krav om at det må liggja føre konkludent åtferd, ligg det eit krav om at denne
passiviteten er tilgjengeleg som kunnskap for gjerningsmannen.
Matningsdal har i sin artikkel i " Medvirkning til straffbare handlinger " i Jussens Venner 2008 side 357
m.a. uttalt følgjande:
"Ansvar for passiv medvirkning forutsetter ikke at den aktive handlingen, som medvirkeren bebreides
for å ha unnlatt, ville ha forhindret at den straffbare handlingen ble utført. Det er tilstrekkelig at den
fysisk eller psykisk ville ha motvirket hovedgjerningen. Men for å unngå at ansvaret blir for omfattende,
må den passive ha en særlig tilknytning til det aktuelle saksforholdet. Vedkommende må på et eller
annet grunnlag ha en særlig plikt til å forhindre overtredelse. Ved denne vurderingen er det viktig å ta
utgangspunkt i at passivitet som hovedregel ikke er tilstrekkelig."
Han går så inn på den særlege tilknytinga som ligg føre mellom ein overordna og ein underordna, og
seier:
"Det kan imidlertid neppe oppstilles et absolutt vilkår om at den overordnedes opptreden kan regnes
som et konkludent samtykke, men det vil føre for langt å gå inn på hvilke reservasjoner som må gjøres".
Han viser i sin fotnote til denne setninga til Husabø si bok side 192-193, og kan truleg takast til inntekt
for denne sine synspunkt på kva krav som må stillast for å konkludera med straffbar medverking i form
av passivitet.
Lagmannsretten finn det på dette punktet føremålstenleg å presisera at når det gjeld omsorgsplikta
overfor born som ein har i sin varetekt, vil det nødvendigvis vera ein glidande overgang frå hendelege
uhell som ingen kan lastast for, til manglande tilsyn, til omsorgssvikt og endeleg til dei tilfella der
passiviteten må reknast som medverking til straffbare handlingar. Kvar grensa går mellom omsorgssvikt
og straffbar medverking, må derfor avgjerast etter ei konkret vurdering av straffebodet og dei faktiske
forholda i det enkelte tilfelle.
Når det gjeld dei nærare omstenda i denne saka, viser lagmannsretten igjen til situasjonen om
morgonen 1. februar 2005. Ektemannen til tiltalte visste på det tidspunktet at tiltalte hadde sett det
stygge og merkelege såret på skuldra til Christoffer, han hadde sjølv fortalt
- 29 - Feil! Ukjent dokumentegenskapsnavn.
henne om det, og han visste også at tiltalte hadde høyrt bråk då han var inne på rommet til Christoffer
den natta. Lagmannsretten finn det derfor tvillaust at han på dette tidspunktet forstod at tiltalte i det
minste heldt det for overvegande sannsynleg at det var han som hadde påført Christoffer skaden.
Reaksjonen hennar i form av " Huff da " eller " Uffa meg " til Christoffer, gav ektemannen eit signal om
at dette var ikkje mykje å bry seg om. Den nøyaktige ordlyden er ikkje avgjerande, heller ikkje kva
tonefall som vart nytta, det vesentlege er at Christoffer, ved å sitera mora sin reaksjon på denne måten,
overfor SFO- personalet ville signalisera at mora ikkje hadde teke skaden hans på det alvor han hadde
ynskt. Han hadde då også til same personalet gjeve uttrykk for at han hadde så vondt i den armen at han
ikkje kunne skriva, jf. ovanfor. Denne reaksjonen frå tiltalte si side var ektemannen klar over denne
morgonen, han hadde såleis ei oppfatning av korleis ho stilte seg til situasjonen med omsyn til skade på
Christoffer.
Ektemaken fekk heller ingen andre reaksjonar frå tiltalte denne morgonen, og denne passiviteten er
etter lagmannsrettens syn å sjå på som konkludent åtferd, dvs psykisk medverking i tråd med
ovannemnde sitat frå Andenæs, side 329. Tiltalte var mor til offeret, dvs ein nærare "myndighetsperson"
overfor guten enn stefaren, og når ikkje ho reagerte på det ho heldt for overvegande sannsynleg hadde
skjedd, og heldt det for overvegande sannsynleg ville skje igjen, låg det føre ein situasjon der "en av de
normale hindringer for forbrytelse er ryddet bort".
Konkludent samtykke er elles ikkje uvanleg å leggja til grunn ved psykisk medverking, sjå eksempelvis Rt-
2002-1717 der ei kvinne vart domfelt for overlagt medverking til drap. Domfelte hadde på oppmoding
frå to andre fått tak i to pistolar på den illegale marknaden, og overlevert desse sjølv om ho rekna det "
som en realistisk mulighet at pistolene skulle benyttes til drap ": Kort tid etter overleveringa rekna ho
det som overvegande sannsynleg at drapsplanane var alvorleg meint, og at dei ville verta gjennomførde
med dei overleverte pistolane. Høgsterett uttalar så:
"Når hun likevel med denne kunnskap, og etter overlegg, ikke gjorde noe for å ta tilbake pistolene eller
på annen måte motvirke at de ble benyttet, har hun ved sin unnlatelse gjort seg skyldig i overlagt
medvirkning til forsettlig drap."
Møtet på skulen Når så tiltalte på møtet med skulen og SFO fekk stadfest og styrkt oppfatninga si av kva
som hadde skjedd og mest sannsynleg ville skje igjen, oppstod det etter lagmannsrettens syn ei
handleplikt for å motverka, eventuelt hindra nye overgrep. Den særlege handleplikta oppstod som følgje
av tiltalte si særlege stilling som den næraste omsorgspersonen for Christoffer. Denne handleplikta er
etter lagmannsrettens syn eit kjernepunkt i Husabø si framstilling om det straffbare
medverkingsansvaret i form av passivitet, og lagmannsretten er samd med Husabø når han seier:
- 30 - Feil! Ukjent dokumentegenskapsnavn.
"Omsorgsansvaret veg så tungt at foreldre bør ha plikt til å avverja alle typar alvorlege
integritetskrenkingar mot barnet".
Tiltalte føretok seg ingenting etter dette møtet.
Lagmannsretten finn det ikkje rimeleg å krevja at tiltalte skulle ha teke kontakt med barnevern eller
politi, det må minnast om at tiltalte var, og er framleis, svært knytt til ektemaken, og det er eit stort steg
å melda sin eigen ektefelle, som ein bur i lag med, og ynskjer å bu i lag med, til styresmaktene for
mishandling av barnet sitt.
Det som handleplikta for ein omsorgsperson likevel omfattar, er å søkja å hindra eller motverka vidare
valdsutøving. Dette hadde tiltalte høve til. For det fyrste var det aller mest naturlege med ein gong å ta
kontakt med Christoffer sjølv, som var til stades på same skulen som ho var på møte. Ho hadde dernest
to val som ikkje var drastiske på noko vis, det eine var å ta fri frå arbeidet sitt denne dagen, slik at ho var
heime med guten når ektemaken kom heim, og såleis skjerma han, eller ho kunne halda fast ved den
opphavlege avtalen med foreldra sine om at Christoffer kunne koma til dei denne ettermiddagen og
kvelden. Ho hadde ved det siste alternativet kunna fått summa seg, teke opp problematikken med
ektemannen, og ikkje minst dagen etter, på det planlagde møtet med BUPA den 3. februar, saman med
ektemaken lagt problema fram for fagfolket der, slik at situasjonen kunne vore handtert i samhandling
med profesjonelle hjelparar.
I staden gjorde ho som nemnt ingenting, ho snakka ikkje med Christoffer, ho drog på arbeid, let
Christoffer dra heim til stefaren etter SFO, og ho har forklart at Christoffer var lagd då ho kom heim ca
20.30 om kvelden. Ho snakka ikkje med han.
Som nemnt ovanfor har ho heller ikkje på noko tidspunkt ytra noko i retning av at ho hadde gjeve
ektemaken nokon kontrabeskjed etter møtet med skulen/SFO, og det må leggjast til grunn at ektemaken
hadde same oppfatning av haldninga hennar som ho hadde gjeve uttrykk for om morgonen, dvs. ved
konkludent åtferd som vist til ovanfor.
Men sjølv om ektemaken ikkje skulle ha noko grunnlag for å ha nokon oppfatning av tiltalte si haldning
til ektemaken si handtering av Christoffer etter at ho hadde hatt møtet på skulen, inneber tiltalte sin
passivitet samanhalde med den særlege handleplikta ho hadde i kraft av sitt omsorgsansvar, at det ligg
føre straffbar medverking.
Lagmannsretten er på denne bakgrunn komen til at tiltalte ved sin passivitet har medverka til
lekamskrenking med skade eller monaleg smerte til følgje, og mot forsvarslaus person, jf. straffelova §
228 første og andre ledd, første straffalternativ, jf. § 232. Lagmannsretten finn det såleis bevist ut over
ein kvar rimeleg og forstandig tvil at tiltalte kunne ha innsett det mogelege i at Christoffer ville verta
utsett for ny skade av liknande karakter som den
- 31 - Feil! Ukjent dokumentegenskapsnavn.
han hadde om morgonen den 1. februar, jf. straffelova § 43. Denne skaden var i alle tilfelle av ein slik
karakter at den innebar monaleg smerte.
Straffutmåling:
Lagmannsretten vil når det gjeld straffutmålinga peika på at psykisk medverking i form av passivitet i seg
sjølv ligg i yttergrensa av det straffbare. Lagmannsretten har ikkje funne rettspraksis som direkte kan
samanliknast med dei faktiske omstenda slik dei framstod i sann tid, dvs sett bort frå dødsfølgja.
Det generelle straffenivået for vald i nære relasjonar er omhandla i Prop. 97 L frå 2009- 2010 der det er
uttalt :
"Ofte er det barn som er offer for vold i nære relasjoner. Etter departementets oppfatning er det særlig
alvorlig at barn utsettes for denne type overgrep – både fordi mishandlingen begås av personer som i
utgangspunktet skal gi barnet den nødvendige trygghet og omsorg, og at de somatiske og psykiske
konsekvensene lettere kan bli mer omfattende og langvarig.
Departementet vil understreke at barn utvilsomt nyter det samme strafferettslige vern som voksne.
Barn skal blant annet ikke utsettes for fysiske eller psykiske integritetskrenkelser som ledd i
oppdragelsen, jf. Ot.prp.nr.22 (2008-2009) side 176 hvor det uttales:
"Etter departementets oppfatning er det som følge av opphevelsen av refselsesretten i 1972,
etterfølgende lovendringer, samt internasjonale forpliktelser om vern av barn, ingen tvil om at barn
nyter samme strafferettslige vern mot fysiske kroppskrenkelser som voksne. »
Departementet mener straffnivået for mishandling av barn er for lavt. Generelt bør straffen for
mishandling i nære relasjoner ligge noe over sammenlignbare voldslovbrudd. I sær gjelder dette hvor
mishandlingen skjer overfor barn. Sentralt for straffastsettelsen vil som ellers være hvor grov
mishandlingen er, mishandlingens varighet, den psykologiske bindingen mellom gjerningspersonen og
offeret og det at mishandlingen skjer i skjul, på et sted det bør være trygt (ofte i hjemmet), jf. Rt-2004-
844 (avsnitt 13) og HR-2010-00242-A (avsnitt 18). I avgjørelsen fra 2004 er det også vist til at frykten for
vold, og følelsen av å leve i et trusselregime, kan oppleves som langt verre enn de enkelte
voldshandlinger (avsnitt 13)".
Det som er omhandla i desse sitata frå proposisjonen gjeld brot på straffelova § 219, dvs. vald og
mishandling i nære relasjonar. For nivået for brot på straffelova § 228, slik tilfellet er i vår sak, er uttalt
følgjande:
"Straffen for overtredelse av §228 første ledd er bot eller fengsel inntil 6 måneder. Etter annet ledd kan
fengsel inntil 3 år anvendes dersom en legemsfornærmelse har til følge skade på legeme eller helbred
eller betydelig smerte. For det tilfellet at
- 32 - Feil! Ukjent dokumentegenskapsnavn.
legemsfornærmelsen har døden til følge, eller skaden er betydelig, kan fengsel inntil 5 år anvendes. I
tillegg heves den øvre strafferammen dersom legemsfornærmelsen er utført på en måte som beskrevet i
§232.
Straffastsettelsen ved overtredelse av §228 første ledd varierer både når det gjelder reaksjonsvalget og
utmålingen. Mye avhenger av de individuelle omstendigheter i den enkelte sak, ikke minst om
voldshandlingen var fremkalt av en forutgående provokasjon, om gjerningspersonen tidligere er straffet
for vold (§230), om handlingen var ekstraordinært farlig eller rå m.m. (§232) eller om vedkommende var
under 18 år på gjerningstiden (§55)."
Det heiter vidare:
"Det er øvrig ikke mulig å si noe sikkert om straffnivået for en typisk overtredelse av §228 annet ledd
første straffalternativ. I praksis varierer nivået fra 20-30 dagers ubetinget fengsel, jf. for eksempel Rt-
1993-371 , til 120 dagers ubetinget fengsel, avhengig av omstendighetene i den enkelte sak, derunder
om §230 og/eller §232 kommer til anvendelse, jf. Rt-1995-1128 . Lagmannsrettspraksis fra de senere
årene antyder imidlertid at straffnivået for de typiske overtredelsene av straffeloven §228 annet ledd er
fengsel i området 30 til 45 dager, jf. til illustrasjon LH-2006-157723 og LH-2007-61341 ."
Lagmannsretten legg dette til grunn ved vurderinga av det generelle straffenivået for brot på straffelova
§ 228 første og andre ledd, første straffalternativ, jf. § 232 på dåverande tidspunkt, dvs. brotsverk
utførde før straffskjerpinga som vart vedteke ved lov av 25. juni 2010.
Når det gjeld vald mot barn, skal nivået som nemnt liggja monaleg høgare enn for vald mot vaksne, og i
denne samanhengen vert vist vil RG-2007-977, og LB-2008-73002.
Vidare vert vist til Rt-2011-863 som gjaldt straffelova § 228 første ledd jf. § 232, samt for å ha forlatt
nokon i hjelpelaus tilstand, jf. straffelova § 242 andre og tredje ledd. Straffutmålinga vart sett til to og eit
halvt år, og viser at det å forlata nokon i hjelpelaus tilstand, skjerpar straffenivået monaleg. Tilfellet i den
saka har etter lagmannsrettens syn overføringsverdi til vår sak, dvs. overlating av verjelaust barn til ein
skadevaldar.
Straffutmåling for medverking vil normalt verta å fastsetja i samsvar med den rolla medverkaren har
hatt. I dette tilfellet var rolla å halda seg passiv, det vil seia ikkje ytra eller gjera noko for å motverka
handlinga.
Når det gjeld den konkrete straffutmålinga, skal nemnast at aktors påstand på to år og seks månader der
120 dagar vert gjevne utan vilkår, er lagt ned i samsvar med påstand om ansvar for dødsfølgje, noko
tiltalte er frifunnen for.
Av skjerpande omstende i vår sak er for det første at tiltalte var den næraste omsorgspersonen, at den
som var utsett for valden var eit forsvarsluast barn, at valden vart
- 33 - Feil! Ukjent dokumentegenskapsnavn.
utført i eigen heim, og av ein nær pårørande, dvs. stefar. Det vert også vist til at Christoffer om
morgonen den 1. februar, på sin måte, bad mora innstendig om hjelp ved å visa henne det stygge såret,
medan ho ikkje gjorde nokon ting for å hindra nye overgrep. Tvert i mot overlet ho, ved sin unnlating,
sonen sin i verjelaus tilstand til stefaren, jf. Rt- 2011-863 som vist til ovanfor. Lagmannsretten har også
merka seg at handlingsalternativa var enkle, tiltalte kunne teke guten med seg heim frå skulen etter
møtet, eller sendt han til besteforeldra, slik den opphavlege planen var.
Som utgangspunkt vil derfor lagmannsretten meina at straffa for tiltalte i vår sak bør liggja på om lag to
år.
Men saka har vorte svært gammal. Brotsverket skjedde 1. februar 2005, tiltale vart, etter at saka hadde
vorte innstilt på bortlegging fleire gonger, teken ut 23. juni 2011, og dom ligg føre i lagmannsretten i
dag, 4. mars 2013. Den lange tida for retteføring er å sjå på som ei grov krenking av kravet til "rettergang
innen rimelig tid" i EMK artikkel 6 nr. 1. For å kompensera for brotet på artikkel 6 nr. 1 må straffa
reduserast monaleg, jf. EMK artikkel 13. Dette er også i samsvar med langvarig norsk
straffutmålingstradisjon, jf. Rt-2005- 1210 og Rt- 2007-1326. I sistnemnde avgjerd hadde det gått sju og
eit halvt år frå dei straffbare handlingane og til dom i Høgsterett. Tidsrommet på nærare fem år frå A i
rett tid hadde anka lagmannsrettens dom til behandlinga i Høgsterett hadde si årsak i forhold som A
ikkje kunne lastast for, og Høgsterett karakteriserte denne lange saksbehandlingstida som "en grov
krenkelse" av EMK art 6 nr. 1 som tilsa ein monaleg reduksjon av straffa. Lagmannsrettens straff på
fengsel i tre år, vart av Høgsterett gjort om til to år, og der heile straffa vart gjeve på vilkår.
Lagmannsretten er endeleg samd med forsvarar og aktor i at den uvanleg langvarige og noko einsidige
omtalen saka har fått, har medført ei ekstrabelastning for tiltalte som vert å taka omsyn til ved
straffutmålinga.
Samla sett er lagmannsretten komen til at straffa vert å setja til fengsel i eitt år og seks månader, som alt
vert gjeven på vilkår.
Erstatningsspørsmålet
Bistandsadvokaten for biologisk far til Christoffer, har kravt erstatning for økonomisk tap avgrensa
oppover til kr. 350 000,- samt erstatning i form av oppreising med kr. 75 000,-, jf. skadeerstatningslova §
3-1 og § 3-5.
Begge erstatningskrava er grunngjevne med dei belastningane Christoffers død har medført for
biologiske far. Det skal her presiserast at hovudgjerningsmannen og medverkaren sitt erstatningsansvar
overfor den fornærma, i dette tilfellet den etterlatte, biologiske far, skal vurderast kvar for seg. Tiltalte i
vår sak er frikjend for dødsfølgja, og er strafferettsleg berre ansvarleg for lekamskrenking med
skadefølgje, straffelova § 228 første og andre ledd, første straffalternativ.
- 34 - Feil! Ukjent dokumentegenskapsnavn.
Reint faktisk vil det kunna seiast å vera årsakssamanheng mellom tiltalte si manglande handling for å
motverka eller hindra lekamskrenkinga og den fatale utgangen, jf. Nils Nygaard; "Skade og ansvar" , 6.
utgåve side 322 flg. Men som nemnt ovanfor, tiltalte kunne ikkje, slik situasjonen framstod den 1.
februar 2005, ha tenkt seg det mogelege i at lekamskrenkinga ville kunne medføra døden. Dødsfølgja var
derfor ikkje pårekneleg for henne, og lagmannsretten kan ikkje sjå at adekvanskravet i erstatningsretten
er oppfylt, verken etter skadeerstatningslova § 3-1 eller § 3-5, sjølv teke omsyn til det lågare beviskravet.
Grunnlaget for å ileggja erstatningsansvar er etter dette ikkje til stades, og tiltalte vert frifunnen for
erstatningskrava.
Dommen er samrøystes.
- 35 - Feil! Ukjent dokumentegenskapsnavn.
D o m s l u t n i n g:
1. Tiltalte, fødd xx.xx 1974, vert dømd for - eitt brot på straffelova § 228 første og andre ledd, første
straffalternativ, jf. § 232 til ei straff av fengsel i 1 –eitt- år og 6 –seks- månader, som heilt ut vert gjeven
på vilkår med ei prøvetid på 2 –to- år.
2. Tiltalte, fødd xx.xx 1974, vert frifunnen for erstatningskrava.
Reidun Wallevik Jan Morten Olsen Øistein Langbakk