Click here to load reader
Upload
siti-hadiarti
View
1.802
Download
25
Embed Size (px)
Citation preview
PEMBAWA ACARA : LUTFIA FITRI INSANI
THOLA’AL BADRU ALAINA, MINSANI YATIL WAHDA, WAJABAS SYUKRU
ALAINA, MADA’AL LILLAHIDA.
AYYUHAL MAB’US SYUFINA,JI’TAMIL AMRIL MUHTOOOOO.
PANGALUNGAN MANGLETawis panampian tatamu, tanda kameumeut, kadeudeuh, tawis asih ti kakasih, tanda tresna kanyaah, mangga geura kalungkeun eta mangle tawis pangrungrum hate perseka kabersihan manah (mangle di kalungkeun).Haturan wilujeng sumping kacalon panganten pameget.Tutut gunung keong reuma, sumangga geura gek calik.
Assalamua’laikum Wr. Wb.
Bapak-bapak, Ibu-ibu para wargi sadayana anu sami llinggih, hormateun simkuring.
Sakumaha ka uninga ku sadayana, Alhamdulillah calon panganten pameget miwah rombongan
parantos sumping ngaleut ngengkeuy ngabandaleut,ngembat-ngembat nyatang pinang.
Bismilah, purwa wiwitan ieu pamuka carita minangka pamuka acara.
Babasan padika pagawean lamun nangtung ka jungjunan, sing lulus bantun jeung tumbu buah
seureuhna.Neda panyaksen acara bade dikawitan.
Langse panyana hate ayeuna urang singraikeun, gesan mapak balebat di Beulah wetan,
rek balayar tarik jangkar mapak jalan nu ngembat taya simpangan, namung memeh kebat nya
lumampah, ranggeuyan acara urang sebatan.
Nu ka hiji bubuka, eusina: maos ayat suci al-qur’an
Nu ka dua seren bakal panganten ditema ku panampian.
Nu ka tilu akad nikah disusul ku hormat sungkem.
Nu ka opat piwuruk awuran sepuh.
Nu ka lima manjatkeun du’a, minangka pamungkas acara.
PANGANTEUR BUBUKA
Nyukcruk jalur sunah rosul, pedah aya mapag anu diseja, nu dipilar maksad hasil, tong petot
urang tawakal, lumrah dimana-mana keur sakumna umat islam dimana rek milampah hade, sok
ngaoskeun basmallah. Sumangga urang rampak sasarengan ngaoskeun ayat basmallah ;
Bismillahirohmanirrohim
1. NGAOSKEUN AYAT SUCI AL-QUR’AN
Bisi leumpang pareng sabab meun balayar pareng katambias rampang reumpeung poekeun jalan
sorangan,sangkan maneh jadi caang, guligah ku ka tentreman kalayan maksad ibadah, sumangga
urg samisami dangukeun aosan ayat suci al-quran anu bade di aoskeun ku : Milda Utari.
2. SEREN BAKAL PANGANTEN DITEMA KU PANAMPIAN
MASRAHKEUN PANGANTEN PAMEGET
Assalamualaikum wr. Wb.
Bapa sohibul bet sakalih !
Para tamu undangan anu ku simkuring dihormat, oge hadirin walhadirot anu mulya.
Satutasna maca hamdalah ka dzat alloh Azzawajala anu jembar kurniana, ditema ku maca
solawat sareng salam ka rosullulloh saw anu jadi kakasihna kitu deui kakulawargina sareng ka
sohabatna tug dugi ka urang sadayana.
Anu tipayun dihaturkeun,sewu nuhun laksana bingah reh na simkuring dipaparin waktos kanggo
biantara ngadugikeun pamaksadan, padahal saleresna tos ka sudi ku pribumi, kateguh ku nu
ngariung, namung da bongan parantos ilahar ditatar sunda, ieu mah etang etang ngawartosan
bulu tuur.
Hadirin anu mulya,
Jelas yen islam teh masihan bongbolongan, masihan jalan kanggo ngahontal citacita, alias
sapagodos sareng fitrah manusa. Anu janten jeujeur biantara nyaeta ngajajapkeun calon
panganten pameget anu lengoh ngaligincing, paripaos heunteu bungkus kosong kosong acan, ari
tutungkusan mah aya mung heunteu ditembrakkeun, isin ceunah nu dibungkusna teh koneng
sasolor sareng muncang sadampa, eta khususon lil muksinin.
Para sepuh miwah hadirin sadaya!
Simkuring percanten pihak pribumi ka calon panganten pameget the tos teu bireuk deui, parantos
apal, parantos kenal pisan, henteu kedah dijentrekeun deui aranjeuna terang yen calon mantuna
the jajaka anu luar biasa. Luar na biasa, mun diciwit sok karasa nyeri mun dikeuret sok raheut
mun titajong sok jontowor. Kitu deui lebet na ge biasa, mun ay aka keuheul sok baeud, mun rek
mere kaleked sok jengkel mun nyemah hayang gek sor mun sare hayang dug cle biasa tea bae
lumrah, malih sawaktos-waktos sok disimbut kakeudul, disolendang hoream, dipasieup ku igeng
taligeuh, malah teu kapalang dandananana the ditambih ku balangah jeung lalawora
Bapa shohibul bet sakalih miwah para tamu uleman
Leres ieu calon panganten pameget the dijurung ku laku ku sepuh, diiring ku kadang wargi,
dijajap ku baraya, sareng tatangga, biasanamah nu jajap the naktak mundak nyuhun nanggung
rebo ku cacandakan. Ari ieu matak isin, ngaleut ngeungkeuy bari teu nanggeuy, ngabrul batur
bari teu manggul, malih dijalan simkuring ngaharewos ka panganten “ jang (ceuk simkuring)
sakira lengoh mah mending ulin ka kebon binatang lalajo monyet lantaran datang ka calon
mitoha ge ka era-era.” Sang calon ngawaler “ mang mending datang tandang sacara satria, margi
kahiji janji parantos paheut, kadua alhamdulilah anu aya mah dibantun, kayaning iwung jeung
nangka tambah beunyeur tapieuneun, parentul irung paregpeg mata, teu weudeu euyeub ku
beuteng eusianeun. Nyanggakeun deui bae ka urang dieu bongan simkuring teu mekel.
Sanes teu isin nyanggakeun, sanes kirang ka kogel mung rumaos heureut pakeun pungsat bahan,
nyanggakeun sabrang da cabe mah pimanaeun, nyanggakeun nu diwadahan wadah namah
kadieukeun, wadah namah kenging nambut bade di wangsulkeun deui.
Bapa shohibul bet sakalih!
Simkuring moal seueur teuing ngalantur kumargi parantos teu kiat nyorodod tuur, katambih
waktos na nyeredkeun batur, urang ringkeuskeun bae “nyanggakeun calon panganten pameget
miwah ruruban na anu sakitu buktosna, mugi ditampi kalayan aya dina kamaslahatan, amiin oge
ngiring ngaduakeun mugia dina ngolah rumah tangga naengke sing lulus banglus, kacai jadi
salewi kadarat jadi salebak, geus sakali sok menta deui mun telat sok loba adat.
Rumah tangga pun anak sareng tuang putra sing lir ibarat rakit anu raket henteu rukat roket,
hanas enjing pageto aya anu rukat reket, tong digeureuwahkeun, da biasa eta mah.
PANAMPIAN TI PIHAK ISTRI
Para tamu rombongan miwah para tamu uleman anu sami hadir!
Bawiraos payus tur luyu upami langkung tipayun nyembah puji ka gusti anu maha suci anu
parantos ngersakeun ka urang sadaya ruing mungpulung di ieu haflah, sarehna kahiji ; para tamu
diperjalanan salamet kanu dituju tiasa cunduk. Kadua pribumi salamet tina nyeri beuheung
sosonggeteun reureuh tina lengo deui lengo deui. Ditema ku maca solawat sareng salam ka
kanjeng rosulullah saw, anu parantos ngebrehkeun syareat nikah ka kabeh manusa anu banget
butuh, sakantenan ka kulawargi sareng ka sohabatna malih parat dugi ka urang sadayana amin.
Mugi ieu ririungan dijantenkeun salah sawios riungan anu dijuuhan ku rohmat sareng maghiroh
alloh robbul izzati, atuh dina bubarna engke sami-sami kenging apingan sareng jaringan anjeuna.
Amiin.
Kasumpingan para wargi mugi dilebetkeun kana idkholus surur, anu aya dina deretan ibadah anu
ditampi ku alloh swt. Amin.
Salajengna neda dihapunten ti sadayana pihak, boh ti pihak tamu anu sumping aleut-aleutan, boh
tamu anus umping na nungtutan, boh ti pihak baraya atanapi tatangga ti palih kulon sareng ti
palih wetan, kitu deui ti para pejabat anu bersangkutan, boh tingkat desa atanapi tingkat
kacamatan, teu hilap deui ti para wargi anu parantos nyumbangkeun tanagana sareng emutan anu
ti kamari malih timangkukna mung sakadar kabagean cape bari teu kabagean sate, katambih
aranjeuna mah katempuhan beberes engke.
Para hadirin sadayana!
Ari daya ikhtiar numutkeun kamampuan mah tos diketrukkeun, hoyong nyugemakeun para tamu,
namung dalah dikumaha, da buktosna mung sakadar sakieu.kumargi kitu sakalideui mugi para
wargi kersa meberkeun lautan hapunteun. Sim kurin gmung tiasa namprak ngadu’a mugi-mugi
kasaean para wargi, hartana, tanaga sareng emutanna digentosan ku Allah nu Maha Rohman
sareng Maga Rohim. Jazaa-Kumulloh ahsanal Jazaa.
Para Hadirin sadayana!
Sim kuring darma sambung lemek pribumi, darma ngawartoskeun harewos sohibul walimah.
Harewos anu kadua, ieu mah peryogi diikklankeun kalalyan jelas nyaeta “nampi,” kana naon-
naon anu parantos disanggakeun ku parentawiswan sesepuh rombongan, boh calon
silaturahmina, boh calon panganten pamegetna.
Ngarupikeun hiji kayakinan kanggo sim kuring yen callon mantu tegesna tuang putra teh salah
sahiji jajaka anu sae kasepuh, hormat kasasama, buktosna dina ngalaksanakeun pamaksadan teh
dijurung ku sepuh, dijajap ku baraya sareng tatangga, malah guru-guruna.
Para wargi sadayana
Sateuacan biantara the sim kuring naros heula ka calon istrina kumahha bade di tampi wae?
Walerna the atuh sumuhun ditampi pisan. Kumaha lamun panganten pamegetna calancang
celenceng teu aya nu jajap?” “ahh sawios” walerna the. Lajeng ka sim kuring ngaharewos
“kanggo abdi mah kajeun jeunjing sisi rawa asal ka ciapus jalana, kajeun teu jinjing teu bawa
asal di bungkus kucalana”.
Para hadirin anu sami linggih
Munasabah upami nikah kalebet kan akategori ibadah anu paling ni’mat geura titenan sateuacan
angkat, salametan heula, baraya, tatangga, sobat pada ngadu’akeun, ucapana rupi-rupi “selamat
menempuh hidup baru”,semoga bahagia”,”wilujeung berbulan madu” jeung sajabina.
Para hadirin sadaya
Bilih teubih teuing ngalantur,katambih waktosna nyeredkeun batur hayu urang pungkas wae ieu
catur ku du’a anu ma’tsur
Wassalamualaikum wr. Wb
3. AKAD NIKAH
Baarokallaahu laka wabaroka alaika wajama’a baina kuma fikhoir
Alhamdulillahi rabbil ‘aalamiin hamdan yuwafii ni’amahu wayukaafi’u maziidah, yaa rabbanaa
lakal hamd, kama yambaghi lijalaali wajhikalkal kariim wa’adhiimi sulthonik,allahuma sholi
‘alaa sayyidina Muhammad wa’alaa alihi wa ashhabihi ajma’iin.allaahumma allif baina junjunan
dwi putra bin ira sudrajat wa RESCA SORAYA FAUZIAH bin dian permadi.kama allafia baina
nabiyuka adam wa hawa, wa kama allafta baina rosulikal kariim Muhammad saw wa khodijah
al-mukaromah
Allahumma yaaloh, satukanlah hayi kedua mempelai ini sebagaimana engkau telah menyatukan
antara hati nabimu adam dan hawa serta antara rosulmu yang mulia Muhammad SAW dan siti
khodijah.
Allohumma yaalloh, berkahilah kiranya kedua mempelai ini, dengan kehidupan yang penuh
dengan kebahagiaan didunia dan di akhirat.
Allohumma yaallah, anigerahilah kedua mempelai ini dengan keturunan yang shaleh, yang
berbakti kepadamu, dan taat kepada orang tuanya serta berguna bagi agama, bangsa, dan Negara
Allahumma ya allah, rahmatilah kami semua yang hadir disini dengan kehidupan yang bahagia
sejak di dunia sampai di akhirat dan hindarkanlah kami dari siksa neraka.
Robbana hab lanaa min azwaajinaa wa dzurriyatinaa qurrota a’yun wah’alnaa lil muttaqiina
imaama.
Rabbana aatina fid dunyaa khasanah, wa fil akhirati khasanah waqinaa adzzabannar,
Alhamdulillahi robbil aalmiin.
Bapak/wali : Bapak Resca+ Penghulu
Neng, Bapak atos ngahapunteun sadaya kalepatan Eneng sareng deui bapak ngawidian
pernikahan sareng cep Junjunan. INsya allah sakedap deui pernikahan anjeun bade bapak
laksanakeun. Bapak Do’akeun mugia pernikahan anjeun the pinuh ku barokah jeung kadamaian
sarta meunang rido Allah SWT, Aamin Yaa Allah Ya Robbal “alamin
Kasiapan Kadua Mempelai :
Penghulu :
Naros ka masing-masing suami/calon istri sacara bergilir
Cep Junjunan, Anjeun tulus ikhlas, teu aya paksaan mikabogoh Neng Resca sareng siap kangge
ditikahkeun sacara Islam?
Junjunan Dwi Putra :
“Muhun, abdi tulus ikhlas teu aya paksaan mikabogoh kang Junjunan jeung siap ditikahkeun
sacara Islam.”
Neng Resca Anjeun tulus ikhlas, teu aya paksaan mikabogoh Cep Junjunan sareng siap kangge
ditikahkeun sacara Islam?
Resca Soraya Fauziah
“Muhun, abdi tulus ikhlas teu aya paksaan mikabogoh kang Junjunan jeung siap ditikahkeun
sacara Islam.”
Penghulu
“Alhamdulillah, ku disaksikeun tokoh tokoh masyarakat, alim ulama, para saksi sarta hadirin
sekalian, kadua calon mampelai atos siap nikah kukasadaran nyalira sareng ikhlas tanpa aya
paksaan, kusabab kitu dugi oge urang sadaya kana acara anu paling penting dina kahirupan
kadua calon nyaeta ijab qabul.
Nyuhunkeun widi ka pun Rama:
Bapa, tikahkeun abdi ka a junjunan kalayan aya dina karidhoan bapa.
Neng, bapa tikahkeun anjeun ka cep junjunan kalayan aya dina karidoan bapa.
Ijab-Qobul Nikah
Wali/ sepuh panganten (bari pacepeng-cepeng panangan sareng panganten pameget) :
BISMILLAHIR RAHMAANIR RAHIIM. JUNJUNAN DWI PUTRA KAULA TIKAHKEUN
ANJEUN KA ANAK TEGES KAULA, NENG RESCA SORAYA FAUZIAH KU
MASKAWIN SAPERANGKAT ALAT SHOLAT SARENG ARTOS RP. 100.000.000,00
KONTAN
Panganten Pameget :
TARIMA ABDI NIKAH KA NENG RESCA SORAYA FAUZIYAH BINTI DIAN PERMADI
KU MASKAWIN SAPERANGKAT ALAT SOLAT SARENG ARTOS RP. 100.000.000,00
KONTAN
Doa (ku Ustadz/penghulu)
BaarokalLaahu Lakuma bi Barookatil Faatihah,
A’UDZU BILLAHI MINASSYAITHONIR ROJIIM, BISMILLAHIR RAHMAANIR RAHIIM,
ALHAMDULILLAHI ROBBIL ‘AALAMIIN, ARRAHMAANIR RAHIIM,
MAALIKI YAUMIDDIIN, IYYAKA NA’BUDU WA IYYAKA NASTA’IIN,
IHDINASSHIRAATAL MUSTAQIIM, SHIRAATHAL LADZIINA AN’AMTA ‘ALAIHIM,
GHOIRIL MAGHDHUUBI ‘ALAIHIM, WALADDHOOLLIIN. .AMIEN.
ALHAMDULILLAHI RABBIL ‘AALAMIIN, HAMDAN YUWAFII NI’AMAHU
WAYUKAAFI’U MAZIIDAH, YAA RABBANAA LAKAL HAMDU, KAMA YAMBAGHI
LIJALAALI WAJHIKALKAL KARIIM WA’ADHIIMI SULTHONIK, ALLAHUMMA
SHOLLI ‘ALAA SAYYIDINAA MUHAMMAD WA’ALAA ALIHI WA ASHHAABIHI
AJMA’IIN. ALLAHUMMA ALLIF BAINA …………… BIN ………………… WA
…………………… BINTI …………………… KAMA ALLAFTA BAINA NABIYUKA
ADAM WA HAWA, WA KAMA ALLAFTA BAINA ROSUULIKAL KARIIM
MUHAMMAD S.A.W WA KHODIJAH AL- MUKARROMAH
Allahumma, Yaa Allaah, satukanlah hati kedua mempelai ini sebagaimana Engkau telah
menyatukan antara hati NabiMu Adam dan Hawa serta antara RasulMu yang mulia Muhammad
SAW dan Siti Khodijah.
Allahumma, Yaa Allaah, berkahilah kiranya kedua mempelai ini, dengan kehidupan yang penuh
dengan kebahagiaan di dunia dan di akherah.
Allahumma Yaa Allaah, anugerahilah kedua mempelai ini dengan keturunan yang saleh saleh,
yang berbakti kepadamu, dan taat kepada kedua orang tuanya serta berguna bagi
Agama, Bangsa dan Negara.
Allahumma, Yaa Allah, rahmatilah kami semua yang hadir disini dengan kehidupan yang
bahagia sejak di dunia sampai di akherat dan hindarkanlah kami dari siksa neraka. Robbanaa hab
lanaa min azwaajinaa wa dzurriyyatinaa qurrota a’yun waj’alnaa lil muttaqiina imaama. Rabbana
aatina fid dunyaa khasanah, wa fil akhirati khasanah waqinaa adzabannar, alhamdulillahi robbil
aalamiin.
Penghulu:
Para hadirin sadayana , dengan ku disaksian ku parqa saksi sareng para hadirin sadaya,
alhamdulillah upacara pernikahan searing ijab qobul atos rengse dilaksanakeun kalawan lancer
sacara agama islam . Ku kituna , saatos rengsena ijab qobul eta, Cep junjunan sareng Neng Resca
atos sah janten suami istri menurut agama islam.
Mudah-mudahan kahirupan kadua panganten ieu diberkahi cucuran rakhmat ti Allah SWT,
sareng bagja di dunia dan di akherat. Amiin.
YAAA ROBBIGHFIR MUSTHOFAA, BALLIGH MAQOOSHIDANAA, WAGHFIRLANAA
MAA MADHOO, YA WAASI’AL KAROMIII. (4x)
PENYERAHAN SIMBOLIS SESERAHAN
Salajengna simbolisasi seren sumeren mangga ka panganten pameget kanggo ngadugikeunna
di tampi ku panganten pameget.
(*cacandakan sanesna tiasa diantaykeun)
SUNGKEM
ka dulur-dulur anu sami rawuh, baraya anu sami lenggah, sim kuring sateu acan ngiring
jabung kumalaku, lumampah cumarita seja wakca balaka, wireh sim kuring sanes pujangga anu
ahli ngareka basa, kumargi kitu paralun maklum anu kasuhun, hampura anu diteda, boh bilih
dina ngadadar ieu acara kirang nyorang kana kakedahannana.
Bismillah…
mangga ka pasang panganten, geura lumampah nyaketan pangkonan ibu rama.
Prak, mangga ujang- nyai. Kasep-Geulis, geura nyaluuh kana lahunan indung.
Samemeh hidep duaan bareng penta kanu jadi indung, pek haturanan heula tawis rasa
tumarima ngalangkungan basa kaanjeunna. Kalayan dimimitian ku keretegna manah.
Uningakeun kanu janteun ibu, kieu unina :”Mamah dina dangeut ieu kalayan sareatna disakseni
ku kadang wargi nu hadir didieu hakekatna disakseni ku Allah SWT langkung tipayun abdi seja
ngahaturkeun rebu nuhunn laksa ketik kabingahan kana kasaean anu parantos dipaparinkeun ka
abdi.
Kasawang ku abdi kasusah mamah, nalika bureuyeungan, senggah gulung gasahan.
Patuangan nyelekit beuki narikan. Celekit Dina parindikan, jeletot dina bobokong, renyang-
renying teu betah cicing. Dina waktu mamah ngalahirkeun abdi, mamah bajuang dina tungtung
hirup tanaga mamah, engapan mamah, kesang mamah, cai soca mamahh, getih mamah
nyurugcug maseuhan bumi pikeun melaan anu jadi anak.
Mamah mugia dina danget ieu, wanci kiwari abdi ngesto tina lelembutan abdi anu pang jero-
jerona, tina mamaras manah anu sadasar-dasarna abdi neda hampura tina samudaya dosa
perdosa. Tinangtos dosa abdi anu jadi putra moal kaetang seueurna. Abdi yakin sanajan
sakumaha benduna, mamah lautan hampura jembar manah tiasa ngahapunten ka abdi”.
Deudeuh teuing kasep-geulis anak mamah
Saleresna kasedih mamah dina danget ieu lain kusabab kapusingna indung kanu jadi anak.
Keun sagala kasalahan anu geus di pilampah ku hidep dina waktu anu katukang tukang ku
mamah di hampura.
Naning anu ngalantarankeun mamah sedih danget ieu the nyaeta kabeuran hate indung kanu
jadi anak.asa kamari hidep ku mamah diseeh, di akod-akod waktu orok, di memenan waktu
budak.
Kiwari ti harita mangsa ngaliwat bari teu karasa. Geuning si kasep anu di hancleung –
hancleung ku mamah, si geulis anu di timbang-timbang waktu orok teu sangka geuning geus
sawawa, dewasa, manjing milampah rumah tangga. Nyukcruk galur sunnah rosul, mapai lacak
papagon agama. Hidep kiwari seja ngamimitian ngabaladan sagara rumah tangga. Geura bral
miang, beber layar tarik jangkar ku mamah didu’akeun mugia sing tinemu jeung kabagjaan dunia
katut aherat.
Mangga kasep, geulis geura ingkah tina lahunan mamah ngalih kana panggonan Bapa.
Ujang,nyai – kasesp, geullis. Sok paseurkeun panyawang hidep kana kanyaah nu jadi Bapa ka nu
jadi anak dina salila ngipayahan, nyumponan kabutuhan hirup nu jadi anak.
Bapa,
Rumaos abdi mindeng musingkeun ka Bapa, dina danget ieu clik putih jatining bersih,
clak herang jatining padang, ti luhur sausap rambut, tihanap sausap dampal , geutih sateteh bekan
sadami, kiwari abdi neda jembar hampura tinu jadi Bapa.
Bageur kasep, geulis. Malati lingsir na ati, ansana ligar ku mangsa. Hamo lingsir dina wanci,
moal ligar dina mangsa kiwari wanci tur mangsana Bapa dumareuda wakca balaka kahidep
duaan. Sabenerna, gunung karahayuan, pasir kaasih, sagara kanyaah Bapa kahidep teh memang
langka kakedal ku lisan, jarang karaba ku carita. Namung sanajan kitu, ngahunyudna kanyaah
Bapa ka hidep teh tinangtos langkng langkung kanyaah. Sabab, sagaka rupa anu diusahakeun ku
Bapa belaan ngadua-duakeun huap, ti sruk-sruk tidugdug belaan poho ka temah wadi, teu aya
lian nyaeta melaan nu jadi anak.
Cag, anaking geura tandang makalang, geura milampah babarengan kalalayan diwuwuh
ku du’a nu janten sepuh. Dihiad ku panghiap nu jadi Bapa. Montong melang, lengkahkeun
sampean bari ngucapkeun niat seja milampah tugas pangeran.
Mangga ujang, nyai, kasep, geulis geura ngalih kana pangkonan ibu mertua.
Baarokallohulaka wabaroka alaika wajama’a baina kuma pikhoir.
Mangga ujang, nyai, kasep, geulis geura ngalih kana pangkonan ibu mertua.
4. SAWER
Assalamualaikumna
Salam abdi sadayana
ka anu sumping ayeuna
dina ieu walimahna.
Ieu abdi kawakilan
ku ibu ramana pisan
maksad bade ngawurukan
kanu nembe di akadan.
Junjunan sareng neng resca
ayeuna tos ngahiji
maksad bade rumah tanggi
mugi aya rido gusti
Resca kedah ati ati
ayeuna gaduh salaki
poma kedah amis budi
ngawulaan ka salaki
kitu deui ka junjunan
ulah sok abring abringan
komo lamun lalajoan
tangtu alloh bendu pisan.
5. DU’A NIKAH
PANUTUP
Bapa-bapa, ibu-ibu miwah para wargi hormateun simkuring, rupina rundayan acara timunggaran
dugi ka akhir parantos rengse di pedar kalayan aya dina kalancaran , simkuring Lutfia Fitri Insani
bari samit mundur amit mungkur , hapunten anu kasuhun bilih aya basa nu teu luyu sareng undak
usukna, bilih luhur saur bahecarek, rumaos sanes ahlina, kanggo nutup ieu acara sumangga urang
pungkas kumaos hamdalah sasarengan. Alhamdulillahirrobilalamin.
Haturnuhun, wassalaualaikumwr.wb