Upload
angely-bandola
View
68
Download
3
Embed Size (px)
DESCRIPTION
:)
Citation preview
Proyekto
sa
Fil 2
Ipinasa
nina:
Jhoy Elannie Y. Bonutan
Jesse Mar P. Caro
Jico-Jee P. Diabakid
Lloyd Anthony S. Olarte
Dexter M. Zaspa
Abril 23, 2013
Disiplina: Earth Science/Biology
Kapag Pumula ang Tubig
1.)Buod
Ang Red Tide ay isang pandaigdigang suliranin na pwedeng bumagabag
sa mga tao sa isang iglap lamang. Ang terminong ito ay nagaganap sa ilang
lugar sa karagatan o tubig-alat. Bukod sa kulay-pula, pwede rin itong maging
kulay-kape o kulay-dilaw. Ang Red tide ay sanhi ng ilang uri ng dinoflagellates.
Ang dinoflagellate ay isang selulang lumot na may mga nakausling tulad-buhok
na tinatawag na flagellum (gamit sa paglangoy). Mayroong 2,000 na uri ng
dinoflagellates at karamihan sa mga ito ay nagtataglay ng mapaminsalang lason
na maaaring maging sanhi ng pagkamatay ng mga lamang-dagat na isa sa mga
pangunahing pagkain nating mga tao. Ilan sa mga nagpapalubha ng epidemyang
ito ay ang duming natatapon o itinatapon natin sa karagatan at mga natural na
phenomena na sanhi ng kalikasan. Sa ngayon, hindi natin ito kayang lunasan
ngunit maaari natin itong maagapan sa pamamagitan ng pagiging responsable
sa pag-aalaga ng ating inang kalikasan.
2.)Kongklusyon
Ang Red Tide ay hindi isang ordinaryong suliranin na pwedeng
ipagwalang-bahala nalang. Ito ay parang isang sakit ng dagat na kung hindi
maaagapan ay magdudulot sa mga tao ng pagkalason na pwedeng mauwi sa
kamatayan. Magiging dahilan rin ito ng paghina o pagkawala ng kabuhayan ng
mga mangingisda. Kaya, ang bawat tao ay dapat mamulat na sa pangyayaring
ito. Dapat iwasan na ng mga tao at ng ilang malalaking industriya na magtapon
ng mga dumi na maaaring mapunta sa katubigan. At, ang suliraning ito ay dapat
pagtuunan ng pansin ng gobyerno.
3.)Damdamin- Matapos naming basahin ang teksto ay nakaramdam kami ng
matinding pakabahala. Hindi lang para sa amin kundi pati na rin sa ibang tao.
Lalo’t lalo na sa mga taong sa tabing-dagat nakatira at pangingisda ang
pangunahing ikinabubuhay.
Tono- Seryoso, dahil kalmado ngunit walang pag-aalinlangang ipinahiwatig ng
manunulat sa mga mambabasa ang isang impormasyong nakasalalay ang
kaligtasan ng sangkatauhan.
Pananaw- Unang panauhan (natin)
4.)Hulwaran at Organisasyon
Depinisyon- Binigyang-kahulugan ng manunulat ang mga
terminong Red Tide, dinoflagellate, flagellum, atbp.
Problema at Solusyon- Itinalakay sa teksto ang suliranin na tungkol
sa Red Tide at kung paano ito malalapatan ng sapat na lunas.
Sanhi at Bunga- Itinalakay sa teksto ang mga kadahilanan ng
pagusbong ng Red Tide at ang mga epekto nito.
Pag-iisa-isa o Enumerasyon- Gumamit ng simpleng pag-iisa-isa
ang manunulat sa teksto kung saan itinalakay niya ang mga
sintomas ng pagkalason sa Red Tide.