Upload
dallon
View
49
Download
4
Embed Size (px)
DESCRIPTION
Kataga ng Buhay. Agosto 2009. “Inibig niya ang kanyang mga tagasunod na nasa sanlibutan,at inibig niya sila hanggang sa wakas.” (Jn 13, 1). Alam mo kung anong bahagi ito sa Ebanghelyo?. - PowerPoint PPT Presentation
Citation preview
KatagKataga a ngng
Buhay Buhay Agosto 2009Agosto 2009
“Inibig niya ang kanyang mga tagasunodna nasa sanlibutan,at
inibig niya sila hanggang sa wakas.” (Jn 13, 1)
Alam mo kung anong bahagi ito sa Ebanghelyo?
Nakasulat ito sa aklat ni San Juan
tungkol sa Huling Hapunan,
nang maghuhugas na si Jesus ng paa
ng Kanyang mga alagad at
naghahanda na Siya sa Oras ng
Paghihirap.
Noong mga huling sandali na inilaan ni Jesus para sa Kanyang mga tagasunod,
ganap Niyang ipinahayag sa
kanila ang Kanyang
pinakamataas na antas ng pag-ibig.
“Inibig niya ang kanyang mga tagasunodna nasa sanlibutan,at
inibig niya sila hanggang sa wakas.” (Jn 13, 1)
Ibig sabihin ng mga salitang “hanggang sa wakas” ay hanggang sa katapusan ng Kanyang buhay, hanggang sa Kanyang
huling hininga. Ngunit ibig sabihin din nito ay kaganapan, na ang pag-ibig Niya para sa kanila ay ganap, lubos, matindi at may
pinakamataas na antas.
Ang mga alagad ni Jesus ay mananatili sa mundo samantalang Siya ay aakyat sa
Kanyang kaluwalhatian. Mararamdaman nilang sila’y nag-iisa at maraming
pagsubok na haharapin. Dahil dito, nais tiyakin ni Jesus ang Kanyang pag-ibig
para sa kanila.
“Inibig niya ang kanyang mga tagasunodna nasa sanlibutan,at
inibig niya sila hanggang sa wakas.” (Jn 13, 1)
Hindi mo ba nakikita sa
katagang ito ang buong
buhay ni Jesus, ang Kanyang
paraan ng pagmamahal? Naghugas Siya
ng paa ng Kanyang mga alagad. Ang
Kanyang pag-ibig ang
nagtulak sa Kanya sa ganitong
mababang paglilingkod
na noong panahong iyon
ay nakalaan lang para sa mga alipin.
Sa kabila ng Kanyang mga di-pangkaraniwang pananalita,
milagro at iba pang ginawang mga bagay, naghahanda
ngayon si Jesus sa trahedya ng Kalbaryo, kung saan
ilalaan Niya ang Kanyang buhay para sa “kanyang mga tagasunod” at para sa lahat.
Alam Niya ang kanilang malaking
pangangailangan, ang mahigpit
na pangangailangan na makalaya sa kasalanan. Ibig sabihin nito ay makalaya sa
kamatayan, at makapasok muli sa kaharian ng
langit. Siya lamang ang
makakapagbigay ng kapayapaan at kaligayahan ng buhay na
walang hanggan.
Kaya’t inihandog ni Jesus ang sarili
hanggang kamatayan.
Napasigaw Siya nang maramdaman Niyang pinabayaan Siya ng Ama, ngunit
nasambit Niya sa katapusan,
“Naganap na.” Natapos na ang
lahat.
“Inibig niya ang kanyang mga tagasunodna nasa sanlibutan,at
inibig niya sila hanggang sa wakas.” (Jn 13, 1)
Sa mga salitang ito, makikita natin ang matibay na pag-ibig ng Diyos at ang maingat na pagmamahal ng isang
kapatid. Tayong mga Kristiyano, dahil nasa atin si Kristo, ay maaari ring
magmahal nang ganito.
Hindi ko sinasabing tularan si Jesus na mamatay din para sa iba tulad nang ginawa
Niya nang dumating ang sandaling iyon. Hindi ko rin ibinibigay na huwaran si Padre
Kolbe na nag-alay ng kanyang buhay para sa kapwa bilanggo. O kaya ay tulad ni Padre Damien na nahawa sa ketong ng kanyang
mga kasamahan at namatay para sa kanila, kasama nila.
Maaaring sa buong buhay mo ay hindi hihilingin sa iyo na mag-alay ng buhay para sa kapwa. Ngunit ang tiyak na hinihingi sa iyo ng Diyos ay mahalin mo sila “hanggang
sa wakas,” hanggang masambit mo, “Naganap na.”
Ito ang ginawa ng isang batang Italyana na si Lisa. Nakita niya na lubhang malungkot
ang kanyang kaklase at kaibigang si Georgina. Sinikap niyang aluin siya ngunit walang nangyari. Kaya’t inalam niya kung
bakit ganoon kalungkot ang kanyang kaibigan.
Nalaman niyang namatay ang ama ni Georgina, at iniwan siya ng nanay sa kanyang lola at
sumama sa ibang lalaki. Nang malaman ni Lisa ang trahedyang ito, nagpasya siyang kumilos.
Kahit bata pa si Lisa ay tinanong niya si Georgina kung maaari niyang makausap ang
kanyang ina. Ngunit nakiusap muna si Georgina na samahan siya sa puntod ng kanyang ama.
Buong pag-ibig niyang sinamahan siya. At narinig niya ang pag-iyak at pagsusumamo ni
Georgina sa ama na isama na rin siya sa kabilang buhay.
Parang nadudurog ang puso ni Lisa. Sa
malapit ay may isang maliit at sirang
simbahan kaya’t pumasok sila doon. Naroon pa rin ang
isang maliit na tabernakolo at isang krus. Sinabi ni Lisa, “Tingnan mo, lahat ng bagay sa mundo ay masisira, ngunit mananatili ang krus at ang Eukaristiya.” Pinahid ni Georgina ang kanyang luha at nagsabi, “Tama ka!”
At buong pagmamahal na inakay ni Lisa si
Georgina patungo sa kanyang ina.
Pagdating nila doon ay buong tapang na
nagsalita si Lisa, “Alam ko pong hindi ko ito
tungkulin, ngunit nais kong sabihin sa inyo na iniwan n’yo ang inyong anak at nawalan siya
ng pag-ibig ng isang ina na higit niyang
kinakailangan ngayon. Nais ko pong sabihin sa
inyo na hinding-hindi kayo matatahimik
hangga’t hindi nagsisisi at hindi ninyo
kinukuhang muli ang inyong anak para
manirahang kasama niya.”
Kinabukasan ay nagkita sila at sinikap muli ni Lisa na aluin si
Georgina. Ngunit may bagong
pangyayari ng araw na iyon:
isang kotse ang sumundo kay
Georgina pagkatapos ng
klase, nanay niya ang
nagmamaneho. Mula noon ay
laging sinusundo si Georgina dahil
kasama na niya sa bahay ang
kanyang ina at pinutol na rin niya
ang ugnayan sa lalaking
kinakasama.
Kung titingnan natin ang
maliit ngunit dakilang bagay na ginawa ni
Lisa, masasabi natin,
“Naganap na.” Ginawa
niyang mabuti ang lahat
“hanggang sa wakas”, at
nagtagumpay siya.
Isipin natin. Ilang beses tayong nagsimulang
tumulong sa kapwa ngunit pagkatapos ay itinigil natin at
nagbigay ng maraming dahilan upang patahimikan ang ating kalooban? Ilang beses tayong
masigasig na nagsimula
pagkatapos ay hindi nagpatuloy dahil sa mga pagsubok na palagay natin ay
higit sa ating kakayahan? Ang aral na ibinibigay sa atin
ni Jesus ay:
“Inibig niya ang kanyang mga tagasunodna nasa sanlibutan,at
inibig niya sila hanggang sa wakas.” (Jn 13, 1)
Umibig hanggang sa katapusan. At
kung isang araw ay tunay na
hihilingin ng Diyos ang
ating buhay, hindi tayo
mag-aatubili. Matutulad
tayo sa mga martir na umaawit habang
humaharap sa
kamatayan.
Ang gantimpala ay ang pinakadakilang
kaluwalhatian, dahil sinabi ni Jesus,
“Walang pag-ibig na hihigit pa sa pag-ibig ng isang taong nag-aalay ng kanyang
buhay para sa kanyang mga kaibigan.”
“Inibig niya ang kanyang mga tagasunodna nasa sanlibutan, at
inibig niya sila hanggang sa wakas.” Jn 13, 1)
Sinulat ni Chiara Lubich