Upload
mariquit-m-lopez
View
259
Download
5
Embed Size (px)
DESCRIPTION
filipino
Citation preview
SINALIKSIK NI EUGENENE SPENCER C. LOPEZ GR.8-C.V. ESS FILIPINO 8
Si Gemiliano Pineda ay isang Pilipinong manunulat at dating pangulo ng Filipino
Academy of Movie Arts and Sciences, o FAMAS.
Unang nakilala si Pineda bilang isang manunulat sa mga sanaysay at komiks. Ang
kanyang mga gawa ay nailathala sa mga magasin tulad ng Ilang-ilang at Liwayway.
Ang kanyang mga sanaysay ay itinipon sa dalawang libro: Mga Sanaysay (1956), at
Laging May Bituin (1971).
Noong 1950 unang nailathala sa Liwayway ang komiks na“Tulisang Pugot,” na
kanyang isinulat at iginuhit naman ni Alfredo Alcala. Tungkol ito sa isang tulisang
walang ulo na naghasik ng lagim sa bayan ng Santo Tomas, noong panahon ng
Kastila. Dahil sa kasikatan nito, ginawan ito ng pelikula noong 1953.
Nang lumaon, nagkaroon ito ng “crossover” na serye sa “Kerubin” ni Clodualdo
del Mundo na pinamagatang “Nagkita si Kerubin at si Tulisang Pugot” noong
1954 sa Hiwaga Komiks. Ginawan din ito ng pelikula sa taong iyon.
Naging bahagi din si Pineda sa paggawa ng propaganda para sa dating Pangulong
Ferdinand Marcos bilang manunulat sa komiks na “Dangal at Bayan (Kasaysayan
ni Ferdinand Marcos)” sa Liwayway noong Hulyo 12, 1965.
Kasama rin siya sa pagsusulat ng kwento sa mga pelikula gaya ng "Hiyasmin"
(1953), "Aawitan Kita" (1959), at "Siyam na Langit" (1962).
Noong 1960s, bilang pangulo, ay naisalba niya ang tuluyang pagkasira ng
reputasyon ng FAMAS. Nagsimula ang gulo sa FAMAS dahil dadalawang studio
lamang ang nanalo ng parangal sa FAMAS noong 1959: ang Sampaguita Pictures
at LVN Productions. Dahil dito, nagreklamo ang ibang mga malalaking studio, at
nagkaroon ng mga akusasyon na may bentahan ng boto. Para matigil ang gulo,
tinanggal ni Pineda ang Board of Regents ng FAMAS at nag-imbita pa ng mga
hurado mula sa hanay ng mga kritiko ng pelikula.
Laging May Bituin
Isang tala o malaking bituin ang nagsabog ng liwanag na naging
patnubay ng tatlong Haring Mago buhat sa Silangan upang matunton
ang sabsabang sinilangan ng sanggol na magiging “Hari ng mga Hari.”
Sa paglalakbay sa disyerto, ang mga Arabe o Israelita ay
tumitingala tuwina sa mga bituin upang di sila maligaw ng landas sa
patutunguhan.
Sa gitna ng karimlan, kung ang buwan ay sakmal ng mga ulap,
waring ang mga bituin ang tanging nagbibigay-liwanag at sa gayo’y
pumapawi sa karimlang nakaambang maghari sa kalooban ng tao.
Ngunit may mga gabi ring maging ang mga bituin ay ayaw pakita o
ikinukubli ng mga ulap. Gayunman, hindi nawawala ang ating panalig
na ang mga bituin ay naroon pa rin – sa likod ng mga ulap.
Mga Sanggunian
Sulyap sa mga lathalaing Tagalog noong 1946 - Roberto Anonuevo,
Alimbukad.com
Gemiliano Pineda Filmography - IMDB.com
Gemiliano Pineda Bibliography - OpenLibrary.org
FAMAS History
Dangal at Bayan (Kasaysayan ni Ferdinand Marcos) ni Gemiliano Pineda - Unang
Labas.com
Ilang halaw mula sa “Laging May Bituin ni Gemiliano Pineda” - Panitikan ng
Pilipinas, GoogleBooks