“El-yurt umidi” jamg‘armasining “Malaka oshirish” dasturi bо‘yicha stipendiant ISMOILOV BOBIR XOLQBERDIYEVIChning Belorussiya

Davlat texnologiya universitetida bir oylik malaka oshirish dasturida ishtiroki

Toshkent kimyo-texnologiya instituti “Mahsulot sifati menejmenti” kafedrasi katta о‘qituvchisi Bobir Xolqberdiyevich Ismoilov “El-yurt umidi” jamg‘armasining Malaka oshirish dasturi bо‘yicha Belorussiya Davlat texnologiya universitetida “Ishlab chiqarish texnologiyasi” ta’lim yо‘nalishida 2019 yilning 1 oktabridan 31 oktabrigacha 144 soatga mо‘ljallangan bir oylik malaka oshirish dasturida ishtirok etdi.

Belorussiya Davlat texnologiya universiteti, 3 oktabr 2019 y.

Tomonlar bilan kelishilgan malaka oshirish dasturiga muvofiq quyidagi ishlar bajarildi:

1. Universitet bilan tanishildi. Jumladan, Universitet muzeyida bо‘lib, universitet, fakultet va kafedralar faoliyatlari bilan yaqindan tanishildi. Xalqaro hamkorlik bо‘limiga tashrif buyurildi va universitetning halqaro loyihalari (grant) bilan tanishildi;

Belorussiya Davlat texnologiya universiteti ilmiy ishlanmalri, 1 oktabr 2019 y.

Universitetning xodimlarni malakasini oshirish va qayta tayyorlash bо‘limiga tashrif buyurilib, о‘quv xonalari va о‘quv laboratoriya bilan tanishildi.

Belorussiya Davlat texnologiya universiteti laboratoriyalari, 14 oktabr 2019 y.

Mahsulotlarni sertifikatlashtirishda fizik-kimyoviy usullar kafedrasining

mahsulotlar havfsizligi va sifatni boshqarish sohasi bо‘yicha ilmiy-tadqiqot ishlari bilan tanishildi; Kutubxona faoliyati va uning fondi bilan tanishildi.

Belorussiya Davlat texnologiya universiteti kutubxonasi, 17 oktabr 2019 y.

2. Kritik nazorat nuqtalari va xavflar tahlili (NASSR tizimi), oziq-ovqat

mahsulotlari havfsizligini boshqarish tizimi (ISO 22000:2018), sifat menejmenti tizimi (ISO 9001:2018) va mehnat muhofazasini boshqarish tizimi (OHSAS) lar asosida oziq-ovqat mahsulotlari havfsizligi va sifat menejmenti tizimlarini ishlab chiqish va joriy qilish bо‘yicha ishlarni tashkillashtirish va о‘tkazish bо‘yicha о‘quv kursida qatnashildi.

Belorussiya Davlat texnologiya universiteti о‘quv va ilmiy faoliyati bilan tanishish,

10-14 oktabr 2019 y. 3. Ilmiy-tadqiqot ishi bilan shug‘ullanildi jumladan, “Trudi BGTU” ilmiy

jurnaliga chop ettirish uchun ilmiy maqola tayyorlandi va nashr ettirishga tayyorlanmoqda.

4. О‘quv-metodik ishlar bо‘yicha: “Mahsulotlarni sertifikatlashtirishda fizik-kimyoviy usullar” kafedrasi dotsenti Yegorova Z.YE. bilan birgalikda uquv-metodik qо‘llanma tayyorlash rejasi tuzilib, о‘quv-metodik qо‘llanma mavzusiga doir yangi ilmiy maqola va metariallar о‘rganib chiqildi va “Sifat menejmenti tizimlari” fanidan о‘quv-metodik qо‘llanmani qо‘l yozma shakli tayyorlandi.

Belorussiya Davlat texnologiya universiteti dotsenti Yegorova Z.YE. bilan

birgalikda о‘quv-metodik ishlar, 14 oktabr 2019 y.

5. Malaka oshirish yakunida “Sifat menejmenti tizimlari” fanidan о‘quv-metodik qо‘llanmaning qо‘lyozmasi bо‘yicha taqdimot qilindi; Toshkent kimyo-texnologiya instituti, “Mahsulot sifati menejmenti” kafedrasi va Belorussiya Davlat texnologiya universiteti “Mahsulotlarni sertifikatlashtirishda fizik-kimyoviy usullar” kafedrasi о‘rtasida hamkorlik bо‘yicha qо‘shma chora-tadbirlar rejasi ishlab chiqildi va tomonlar tarafidan о‘rnatilgan tartibda tasdiqlandi; malaka oshirishdan о‘tganligi tо‘g‘risidagi guvohnoma va sertifikat olindi.

Belorussiya Davlat texnologiya universiteti, 30 oktabr 2019 y.

“Mahsulot sifati menejmenti” kafedrasi uchun zarur bо‘lgan о‘nlab yangi

elektron (pdf) shaklda adabiyotlar, 1 ta asl nusxada о‘quv metodik qо‘llanma, 1 ta nusxada darslik va sо‘nggi nashrdagi ilmiy jurnallar kutubxona fondi uchun olib kelindi.

________________________________________________

“Mahsulot sifati menejmenti” kafedrasi katta о‘qituvchisi Bobir Xolqberdiyevich Ismoilov. 07.11.2019 y.