Mga uri o anyo ng tala "filipino 11"

Mga Uri o

Anyo ng Tala

Direktang Sipi- Ginagamit ito kung isang bahagi lamang ng akda ang nais sipiin. Dapat lamang isipin na hindi naman maganda kung sobrang haba ang direktang sisipiin. Baka kasi lumabas na ang halos buong papel ay nagmula sa ideya ng iba. Sa paggamit ng direktang sipi, kinakailangang lagyan ng panipi (“ ”) ang bawat nakuhang tala.

Buod ng Tala- Ginagamit ito kung ang nais lamang gamitin ay ang pinakamahalagang ideya ng isang tala, tinatawag din itong synopsis. Layunin ng buod na mabigyan ng pangkalahatang ideyaang mambabasa.

Presi- Mula ito sa salitang Prances na precis na ang ibig sabihin ay pruned or cut down. Presi ang tawag kapag kung ang gagamitin ay ang buod ng isang tala. Maaaring gamitin ng mananaliksik ang mga susing salita o key words ng orihinal na manunulat.

Sipi ng Sipi- Maaaring gamitin ang sinipi mula sa isang mahabang sipi. Ang ganitong uri ay ginagamitan din ng panipi.

Hawig o Paraphrase- Isa itong hustong paglalahad ng mga ideya gamit ang higit na payak na salita ng mananaliksik.

Salin/Sariling Salin- Sa mga pagkakataong ang tala ay nasa wikang banyaga, ginagamitan ito ng pagsasalin. Ito ay paglilipat ng ideya mula sa isang wika tungo sa iba pang wika.

Bibliyograpiya

Bahagi ng isang pananaliksik o aklat ang bibliyograpiya o talasanggunian. Ito ay pagpapakita ng talaan ng mga aklat, dyornal, pahayagan, magasin, di nakalimbag na batis katulad ng pelikula, programang pantelebisyon, dokumentaryo, at maging ang mga social media networking site na pinagsanggunian o pinagkuhanan ng impormasyon.

Kahalagahan ng

pagbuo ng

Balangkas

Higit na nabibigyang diin ang paksa- Ang paksa ang pinakasentro ng sulatin kaya naman makatutulong ang pagbuo ng balangkas upang matiyak na ang lahat ng impormasyon isasama sa sulatin ay sesentro o tutugon sa paksa.

Nakapagpapadali sa proseso ng pagsulat- Dahil nakaplano na ang bawat bahagi ng sulatin ay magiging madali para sa manunulat ang mag-pokus sa bawat bahagi ng kanyang balangkas.

Nakatutukoy ng mahihinang argumento- Sa pagbuo ng balangkas, agad natutukoy ng manunulat kung alin-alin ang argumento ang mahihina dahil halos wala siyang mailagay na detalyadong susuporta rito.

Nakatutulong maiwasan ang writer’s block- Mahirap magsimulang magsulat kung ang isang malinis na papel o cursor na kumikindat-kindat sa malinis na monitor lang ang kaharap para sa isang malaking proyektong tulad ng sulating pananaliksik.