Upload
others
View
1
Download
0
Embed Size (px)
Citation preview
ndis.gov.au
Tulong para sa iyong anakMaagang Pagkabata Maagang Pamamagitan
Help for your childEarly Childhood Early Intervention
Isinalin sa Filipino mula sa Easy English Translated from Easy English into Filipino
2 ndis.gov.au
Mahihirap na mga salita
Ang aklat na ito ay may ilang mahihirap na
mga salita.
Sa unang beses na sumulat kami ng mahirap
na salita
● ang salita ay kulay asul
● isusulat namin ang kahulugan ng mahirap
na salita.
Makakakuha ka ng tulong sa aklat na ito
Maaari kang magpatulong sa iba
● na basahin ang aklat na ito
● na alamin kung tungkol saan ang aklat na ito
● na humanap ng higit pang impormasyon.
3 ndis.gov.au
Tungkol sa aklat na ito
Ang aklat na ito ay tungkol
● sa National Disability Insurance Scheme (Pambansang Sistema ng Seguro para sa May Kapansanan) o NDIS.
at
● Early Childhood Early Intervention (Maagang Pagkabata Maagang Pamamagitan) o ECEI.
Ang NDIS ay tumutulong sa mga tao na mas
bata sa 65 anyos na may permanente at
mabigat na kapansanan upang makakuha ng
mga suporta at mga serbisyong kailangan nila.
Ang 'permanente' ay nangangahulugan na ang
kapansanan ay hindi mawawala.
Ang 'mabigat' ay nangangahulugan na
naaapektuhan ng kapansanan kung paano
nabubuhay sa araw-araw ang mga taong ito.
Ang Early Childhood Early Intervention o
ECEI ay tumutulong sa mga batang may
kapansanan o pagkaantala sa pag-unlad mula 0 hanggang 6 na taong gulang.
4 ndis.gov.au
Ang 'pagkaantala sa pag-unlad' ay
nangangahulugan na nahihirapan ang bata na
gawin ang pang-araw-araw na mga bagay na
ginagawa ng ibang bata na kasinggulang niya.
Halimbawa, magbihis nang mag-isa.
Ang aklat na ito ay magsasabi sa iyo kung paano
humanap ng Early Childhood Partner (Partner sa
Maagang Pagkabata) na tutulong sa iyong anak.
Ang Early Childhood Partner ay nakikipagtulungan
sa NDIS upang tulungan ang mga bata at mga
pamilya na makakuha ng mga suporta at mga
serbisyo.
5 ndis.gov.au
Makakakuha ka ng tulong para sa iyong anak
Mahalagang matulungan mo ang iyong anak
nang maaga sa kanyang buhay.
Kung kukuha ka ng maagang suporta para sa
iyong anak, magiging napakabuti ng tsansa
niyang magkaroon ng mabuting buhay.
Matutulungan ka ng NDIS na makakuha ng
maagang suporta para sa iyong anak.
Ang mga bata ay makakakuha ng mga
suportang serbisyo mula sa Early Childhood
Partner ng NDIS.
Matutulungan ka ng Early Childhood Partner upang
● malaman kung anong mga suporta ang
kailangan ng iyong anak
● kumuha ng impormasyon upang makagawa
ng tamang mga pasya para sa iyong anak.
6 ndis.gov.au
Maaaring nag-aalala ka tungkol sa iyong anak.
Maaaring nag-aalala ka kung paano siya
● naglalaro
● nakikipag-usap sa ibang bata
● magsasabi sa iyo kung ano ang kailangan at
gusto niya.
Kung nag-aalala ka tungkol sa iyong anak, dapat
mong kausapin ang isang Early Childhood Partner.
7 ndis.gov.au
Paano kakausapin ang iyong Early Childhood Partner
Maaari mong tawagan ang isang Early
Childhood Partner.
Maaari kang kumuha ng form ng pagsangguni
mula sa aming website.
www.ndis.gov.au
Ang 'form ng pagsangguni' ay isang liham
na magbabahagi sa amin tungkol sa iyong
anak upang makuha niya ang suporta at mga
serbisyong kailangan niya.
Ang doktor o ibang manggagawang
pangkalusugan ay makakatulong sa iyo sa
pagsagot ng form ng pagsangguni.
8 ndis.gov.au
Kapag nakipagkita ka sa isang Early
Childhood Partner
● kakausapin ka niya upang maunawaan ang
pangangailangan ng iyong anak
● babasahin ang impormasyon at mga ulat tungkol
sa iyong anak
● bibigyan ka ng impormasyon upang matulungan
ka at ang iyong anak
● kakausapin ka tungkol sa iba't ibang mga
suporta na makukuha mo
● gagawa ng plano tungkol sa susunod na
mangyayari.
9 ndis.gov.au
Ang iyong Early Childhood Partner
Ang iyong Early Childhood Partner ay
Maaari mo siyang tawagan sa
Ang kaniyang website ay
10 ndis.gov.au
Karagdagang impormasyon
Pumunta sa aming website
www.ndis.gov.au
Tumawag 1800 800 110 Lunes hanggang Biyernes
Para sa mga taong nangangailangan
ng tulong sa Ingles
Telephone Interpreting Service
(Serbisyo sa Pagsasalin sa Telepono)
131 450
Mga taong kailangan ng tulong
sa pananalita o pandinig
TTY
Tumawag 1800 555 677
National Relay Service
www.communications.gov.au/accesshub/nrs
© Scope (Aust) Ltd. Maaari mong gamitin ang dokumentong ito para
sa iyong pansarili at hindi pangkomersyal na layunin lamang. Hindi mo
maaaring gamitin ang dokumento para sa iba pang layunin, at hindi dapat
kopyahin, paramihin, gawing dihital, ibahagi, iangkop o baguhin ang
dokumento o anumang bahagi nito (o pahintulutan ang sinuman na gawin
ito) nang walang naunang pahintulot ng Scope (Aust) Ltd.
Isinulat ng Communication and Inclusion Resource Centre ng Scope ang
Bersyon na Easy English (Madaling Ingles) noong Agosto, 2019.
Upang kontakin ang Scope, tumawag sa 1300 472 673 o bumisita sa
www.scopeaust.org.au.
Upang makita ang orihinal, kontakin ang National Disability Insurance
Agency (Pambansang Ahensya ng Seguro para sa May Kapansanan).
Numero ng Produkto DA0415 Agosto, 2019.
The Picture Communication Symbols ©1981–2019 ngTobii Dynavox.
Lahat ng Karapatan ay Reserbado sa Buong Mundo. Ginamit nang
may pahintulot.
Ang Boardmaker® ay tatak-pangkalakal ng Tobii Dynavox.