The New Testament in Nkonya, a language of Ghana, Africa ... · PDF filesúná mʋ okudetↄ, bláa mʋ ↄbɛ́ɛ, “Yosef, *Dawid mʋ na, ... Támɛ brɛ́á bowie ɩnʋ á, olonu

Mat

1

Yesu Anáin Ɩlɩntↄ (Luka 3:23‑38)

1 1 Yesu Kristo, Owíe *Dawid mʋ na, *Abraham mʋ na ámʋ ɩlɩntↄ nɩ.

2 Abraham lↄkwɩɩ Isak. Isak lↄkwɩɩ Yakob. Yakob lↄkwɩɩ Yuda mʋa mʋ apio yinhɛ a. 3 Yuda lↄkwɩɩ Peres mʋa Sera. Amʋ yín gyí Tamar. Peres lↄkwɩɩ Hesron. Hesron lↄkwɩɩ Ram. 4 Ram lↄkwɩɩ Aminadab. Aminadab lↄkwɩɩ Nahson. Nahson lↄkwɩɩ Salmon. 5 Salmon lↄkwɩɩ Boas. Boas mʋ yin gyí Rahab. Boas lↄkwɩɩ Obed. Obed mʋ yin gyí Rut. Obed lↄkwɩɩ Yisai. 6 Yisai lↄkwɩɩ Owíe Dawid.

Owíe Dawid lↄkwɩɩ Salomo. Salomo mʋ yin gyí ↄtsɩ ↄkʋá tɛkɩ ogyi Uria mʋ ka. 7 Salomo lↄkwɩɩ Rehabeam. Rehabeam lↄkwɩɩ Abia. Abia lↄkwɩɩ Asa. 8 Asa lↄkwɩɩ Yehosafat. Yehosafat lↄkwɩɩ Yoram. Yoram lↄkwɩɩ Usia. 9 Usia lↄkwɩɩ Yotam. Yotam lↄkwɩɩ Ahas. Ahas lↄkwɩɩ Hiskia. 10 Hiskia lↄkwɩɩ Manase. Manase lↄkwɩɩ Amon. Amon lↄkwɩɩ Yosia. 11 Yosia lↄkwɩɩ Yekonia mʋa mʋ apio yinhɛ. Mʋ brɛsʋ bɛkɩtá Israelfↄ, hɩɛ amʋ bɛɛ bʋyétsiá *Babilon ↄmátↄ nɩ.

12 Amʋ Babilon yↄtↄ á, Yekonia lↄkwɩɩ Sealtiel. Sealtiel lↄkwɩɩ Serubabel. 13 Serubabel lↄkwɩɩ Abihud. Abihud lↄkwɩɩ Eliakim. Eliakim lↄkwɩɩ Asor. 14 Asor lↄkwɩɩ Sadok. Sadok lↄkwɩɩ Akim. Akim lↄkwɩɩ Elihud. 15 Elihud lↄkwɩɩ Eleasar.

Asʋn Wankláán ÁnɩMateoLↄwanlɩn

a 1:2 Apio yinhɛ ánfɩ gyí Israel abusuan dúanyↄ ámʋ anáin nɩ.

The New Testament in Nkonya, 1st ed. © 2009, Wycliffe Bible Translators, Inc.

2

Eleasar lↄkwɩɩ Matan. Matan lↄkwɩɩ Yakob. 16 Yakob lↄkwɩɩ *Yosef, Yosef létsiá *Maria. Maria lↄkwɩɩ Yesu. Yesu gyí *Kristo, (ↄhá ámʋʋ Bulu ladá mʋ ofúli amʋ) nɩ.

17 Mʋ sʋ tsú Abrahamsʋ bↄtʋ Owíe Dawidsʋ bʋgyi anáin ɩlɩntↄ dúana. Tsú Dawidsʋ bↄtʋ brɛá bↄyↄ Babilon ↄmátↄ ɛ bʋgyi anáin ɩlɩntↄ dúana. Asa tsú amʋ Babilon yↄtↄ bↄtʋ Kristo, (ↄhá ámʋʋ Bulu ladá mʋ ofúli amʋ) kwɩɩsʋ ɛ bʋgyi anáin ɩlɩntↄ dúana.

Yesu Kristo Kwɩɩ (Luka 2:1‑7)

18 Ɔkpa ánfɩsʋ Yesu Kristo kwɩɩ lↄtsʋn nɩ. Bↄpʋ *Maria há *Yosef bɛɛ otsía. Támɛ asa bétsiá, abʋfia ↄtsɩ mʋa oyin á, bowun ánɩ Maria dɛ ↄmɛ *Ɔŋɛ Wankɩhɛ túmitↄ. 19 Mʋ kulu Yosef a, mʋ asʋn da ↄkpa, támɛ omekle ánɩ ↄbↄwa mʋ pɛlɩtↄ. Mʋ sʋ ↄlↄbwɛ agywɩɩn ánɩ obékiná mʋ ŋáintↄ. 20 Támɛ brɛá ↄdɛ mʋ agywɩɩn bwɛ á, kɩ, *Bulu‑ↄbↄpʋ ↄkʋ lɛlɛ ɩwɩ ↄwan súná mʋ okudetↄ, bláa mʋ ↄbɛɛ, “Yosef, *Dawid mʋ na, mánya pɛlɩ ánɩ fɛkpa fʋ ká Maria ba fʋ wá, tsúfɛ ↄmɛ ámʋʋ ↄdɛ ámʋ itsú Ɔŋɛ Wankɩhɛ túmitↄ. 21 Ɔbↄkwɩɩ obiyímbi, bɛdɩnká mʋ dá Yesu. (Mʋ asɩ gyí, ‘Ɔlɛpʋ.’) Tsúfɛ mʋ ↄbɛlɛ mʋ ahá tsú amʋ lakpantↄ nɩ.”

22 Ɩnɩ lɛha Bulu asʋn ámʋʋ ↄlɛblɩ tsʋn mʋ ↄnↄsʋ ↄtↄɩpʋsʋ ámʋ ɩlɛba mʋtↄ. 23 Ɔbɛɛ, “Kɩ, obitebí ánɩ ↄmↄkʋyↄ oyin wá kɩ obénya ↄmɛ. Ɔbↄkwɩɩ obiyímbi, bɛdɩnká mʋ dá Imanuel.” (Mʋ asɩ gyí, “Bulu bʋ anɩ wá.”)

24 Brɛá Yosef létsinkí á, olegyi asʋn ámʋʋ Bulu‑ↄbↄpʋ amʋ lɛbláa mʋ amʋsʋ. Oletsiá Maria, kpáɩn mʋ. 25 Támɛ ↄmↄpʋ ɩbɩ da Maria, kpɛfʋn brɛá ↄlↄkwɩɩ mʋ bi yínhɛ gyankpapʋ, ↄlɛdɩnká mʋ dá Yesu.

Anyansapʋ Akʋ Bá

2 1 Brɛá Owíe *Herode dɛ iwíe gyí Yudea ↄmátↄ bↄkwɩɩ Yesu wúlu kʋá bʋtɛtɩ mʋ Betlehem, ɩbʋ Yudea ↄmátↄ

ɩnʋ. Mʋ ↄma a, anyansapʋ akʋá bʋtowun atↄ ntsrakpabitↄ botsu owí ↄdalɩkpa ↄmá kʋtↄ ba Yerusalem wúlutↄ. 2 Bɛfɩtɛ

Mateo 1 , 2


3

Mat

bɛɛ, “Nkʋnʋ bakwɩɩ *Yudafↄ owíe amʋ? Anɩlówun mʋ osúna ánɩ igyi ↄtsrakpabi owí ↄdalɩkpa ɩnʋ. Mʋ sʋ abá bosúm mʋ.”

3 Owíe Herode lónu asʋn ánfɩ á, opúni letsií mʋa Yerusalemfↄ fɛɛ. 4 Mʋ sʋ ↄlɛtɩ Yudafↄ Bulu *igyí ahapʋ dɛhɛn pʋ Mose *mbla asunápʋ fɛɛ fía, fɩtɛ amʋ ↄtɩnɛá bↄkwɩɩ

*Kristo, (ↄhá ámʋʋ Bulu ladá mʋ ofúli amʋ).5 Bɛbláa mʋ bɛɛ “Betlehem wúluá ɩbʋ Yudea ↄmátↄ. Alɩ

Bulu *ↄnↄsʋ ↄtↄɩpʋ ↄkʋ lↄwanlɩn tswɩ nɩ. 6 Ɔbɛɛ,‘Fʋ Betlehem, Yudea wúlu,

Mateo 2

Anyansapʋ lówun mʋ osúna ánɩ igyi ↄtsrakpabi owí ↄdalɩkpa ɩnʋ. Mʋ sʋ bɛbá bosúm mʋ. (Mateo 2:2)


4

fʋmegyí wúlu túkúrííbi ↄkpagyíↄkpasʋ Yudea awúlu yilé ámʋtↄ.

Tsúfɛ ↄmásʋ ogyípʋ ↄkʋ ↄbɛdalɩ tsu fʋtↄá,ↄbɛkpa Bulu ahá Israelfↄ.’ ”

7 Mʋ sʋ Owíe Herode lɛtɩ anyansapʋ amʋ nkʋlɛ, fɩtɛ amʋ brɛá bowun osúna ↄtsrakpabi amʋ, bɛbláa mʋ. 8 Mʋʋ ↄlↄwa amʋ Betlehem ↄbɛɛ, bʋyódunká kebi ámʋ wankláán. Nɩ bowun mʋ a, bʋyínki bɛbláa mʋ, mɛnɩ mʋ ɛ móyósum mʋ.

9 Olenya bláa amʋ tá alɩ bɛnatɩ. Ɔtsrakpabi amʋʋ bowun owí ↄdalɩkpa amʋ, lɛkpa amʋ alɩɩ yɛlɩɩ ↄtɩnɛá kebi ámʋ bʋ. 10 Brɛá bowun ↄtsrakpabi amʋ a, ansɩ lɛhɩɛ gyi amʋ. 11 Bowie wóyítↄ ɩnʋ á, bowun kebi ámʋ mʋa mʋ yin *Maria, bɛda akpawunu súm kebi ámʋ. Bɛsankɩ amʋ akentebi, bekie mʋ sika pɛpɛ, ↄhɩɛn pʋ *ohuam.

12 Mʋ ↄma a, Bulu lↄwa mbla há amʋ okudetↄ ↄbɛɛ, bʋmáyinkí yↄtsʋn Herode wá. Mʋ sʋ bↄtsʋn ↄkpa bámbásʋ yↄ amʋ wúlutↄ.

Yesu Mʋa Mʋ Akwɩɩpʋ Egyipte Ɔmátↄ Yↄ13 Brɛá anyansapʋ amʋ bɛnatɩ á, *Bulu‑ↄbↄpʋ lɛlɛ ɩwɩ

ↄwan súná *Yosef okudetↄ, bláa mʋ ↄbɛɛ, “Kʋsʋ, afʋkpa kebi ámʋ mʋa mʋ yin srɩ ya Egyipte ↄmátↄ. Mlɩtsia ɩnʋ yↄfʋn brɛá nɛbláa fʋ mbɛɛ mlɩyínki ba, tsúfɛ Owíe Herode obódunká kebi ámʋ, mↄ mʋ.”

14 Mʋ sʋ Yosef lↄkʋsʋ onyé‑onyé ámʋ, kpá Maria mʋa kebi ámʋ srɩ ya Egyipte ↄmátↄ. 15 Betsiá ɩnʋ yↄfʋn brɛá Herode lówu. Ɩnɩ lɛha Bulu asʋn ánɩ ↄlɛblɩ tsʋn mʋ ↄnↄsʋ ↄtↄɩpʋ ↄkʋsʋ lɛba mʋtↄ. Ɔbɛɛ, “Nɛtɩ mɩ bí ámʋ tsú Egyipte ↄmátↄ.”

Betlehemfↄ Abí Mↄ16 Brɛá Owíe *Herode lówun ánɩ anyansapʋ amʋ bamlɛ

mʋ a, ↄblↄ lɛhɩɛ kɩtá mʋ. Ɔlↄwa mʋ ɩsá akↄpʋ ↄbɛɛ, bʋyↄ Betlehem wúlutↄ pʋ mʋ nkudasɩ, abʋyↄmↄ abi yinhɛ ánɩ bahↄ tsú nfinyↄ ba ayasɩ fɛɛ. Tsúfɛ anyansapʋ amʋ bɛbláa mʋ bɛɛ, begyankpá wun ↄtsrakpabi amʋ nfinyↄ nɩ.

Mateo 2


5

Mat

17 Ɩnɩ lɛha Bulu asʋn ánɩ ↄlɛblɩ tsʋn mʋ ↄnↄsʋ ↄtↄɩpʋ *Yeremiasʋ lɛba mʋtↄ. 18 Ɔbɛɛ,

“Bonu isú mʋa olú kʋá ɩmɛká tin Rama wúlutↄ.Rahel dɛ mʋ abí sú. Omotsulá ánɩ bʋkpáta mʋ,

tsúfɛ bʋtráa bʋma ɩnʋ.”

Yesu Mʋa Mʋ Akwɩɩpʋ Yinkí Tsú Egyipte19 Owíe Herode lowu ↄma a, Bulu‑ↄbↄpʋ lɛlɛ ɩwɩ ↄwan

súná Yosef okudetↄ Egyipte ɩnʋ, bláa mʋ ↄbɛɛ, 20 “Kʋsʋ, afʋkpa kebi ámʋ mʋa mʋ yin, amlɩyinki yↄ *Israel ↄmátↄ. Tsúfɛ ahá ámʋʋ bodunká ánɩ bↄmↄ kebi ámʋ, bawú.” 21 Mʋ sʋ Yosef lↄkʋsʋ kpá kebi ámʋ mʋa mʋ yin, beyinkí yↄ Israel ↄmátↄ.

22 Támɛ brɛá bowie ɩnʋ á, olonu ánɩ Arkelao latsíá mʋ sɩ *Herode obíásʋ, ↄdɛ Yudea ↄmásʋ gyí. Mʋ sʋ olenya ifú ánɩ ↄbↄpʋ kebi ámʋ ya ɩnʋ. Bulu lɛlawá mbla há mʋ okudetↄ ↄbɛɛ, ↄpʋʋ mʋ ya Galilea ↄmátↄ. 23 Mʋ sʋ bↄyↄ yétsiá Nasaret wúlutↄ. Ɩnɩ lɛha Bulu asʋn ámʋʋ ↄlɛblɩ tsʋn mʋ ↄnↄsʋ atↄɩpʋsʋ ↄbɛɛ, “Bɛtɩ mʋ Nasaretyin” amʋ ɩlɛba mʋtↄ nɩ.

Asú Ɔbↄpʋ Yohane Bulu Asʋn Ɔkanda (Marko 1:1‑8; Luka 3:1‑18; Yohane 1:19‑28)

3 1 Brɛ kʋtↄ á, Asú Ɔbↄpʋ Yohane lɛba ↄdɛ Bulu asʋn ↄkan da Yudea *dimbísʋ. 2 Ɔbɛɛ, “Mlɩdamli klʋntↄ,

amlɩsi lakpan bwɛ, tsúfɛ *Bulu iwíegyí lawíé wóyí tá.” 3 Yohane ɩwɩ asʋn *Bulu ↄnↄsʋ ↄtↄɩpʋ *Yesaia lↄwanlɩn ↄbɛɛ,

“Ɔkʋ dɛkplʋn dimbísʋ ↄbɛɛ,‘Mlɩla anɩ Wíe ↄkpa.Mlɩtswii ɩkpa ha mʋ’ ” amʋ nɩ.

4 Yohane lↄwa *kpↄsↄ‑imi atadɩɛ, ↄlↄpʋ ↄwʋlʋ‑kpákpá ↄfɛ klɩ mʋsʋ. Atsantsankʋ pʋ ↄkwɛn otegyi. 5 Ahá botsu Yerusalem wúlutↄ, Yudea ↄmátↄ pʋ Yordan bʋnkpa ↄnↄ awúlu fɛɛsʋ ba bonu mʋ asʋn blɩhɛ. 6 Bɛlɛ amʋ lakpan blɩ, ↄlↄbↄ amʋ *asú Yordan ntsutso.

Mateo 2 , 3


6

7 Támɛ brɛá *Farisifↄ pʋ *Sadukifↄ tsↄtsↄↄtsↄ bɛba bɛɛ, ↄbↄↄ amʋ asú á, ↄlɛfɩtɛ amʋ ↄbɛɛ, “Abɛ abí‑aná, ntↄ gyá mlɩ, mlɩsrɩ Bulu ɩsʋbɩtɩ ámʋʋ ɩbá ámʋ? 8 Mʋmʋ mlɩswie abíá ibósuná ánɩ lɛlɛ mlɩladámlí klʋntↄ. 9 Mlɩmákɩ mlɩaa, mlɩ náin gyí *Abraham. Mʋ sʋ Bulu mɛɛbɩtɩ mlɩ ɩsʋ. Ndɛ mlɩ bláa mbɛɛ, Bulu ↄbɛtalɩ há abwi ánfɩ ɩbɛdamlí Abraham abí‑aná. 10 Séi á, Bulu lapʋ ɛfɛ yi nyí‑atsitsitↄ. Oyígyíoyí ánɩ imoswie abi wankláán á, bókun mʋ dá, wá mʋ fɛɛ ogyá. 11 Mɩ mʋ á, ntsu ndɛpʋbↄ mlɩ asú pʋsúná ánɩ mlɩladámlí klʋntↄ. Támɛ ↄkʋá ↄdʋn mɩ bʋ ↄma ↄbá. Mmↄfʋn ánɩ nↄsʋrá mʋ ntʋkʋta kʋráá. Mʋ ↄbↄpʋ *Ɔŋɛ Wankɩhɛ pʋ ogyá bↄ mlɩ asú nɩ. 12 Ɔdɛ mʋ ɩlɩn, ↄbↄpʋfúní ntɛtɛ lɛ ayó ámʋtↄ. Ɔbɛkpa ayó ámʋ wá mʋ odudutↄ. Támɛ ↄbɛfɛɩ ofuníkpá ɩnʋ wankláán, kpá ntɛtɛ amʋ wá ogyá ánɩ ɩtamaduntↄ.”

Yesu Asúbↄ (Marko 1:9‑11; Luka 3:21‑22)

13 Yesu lótsu Galilea ↄmátↄ ba Yordan ntsu ↄnↄ Yohane wá ↄbɛɛ, ↄbↄ mʋ asú. 14 Tɛkɩ Yohane mótsulá ánɩ ↄbↄbↄ mʋ asú. Ɩnɩ sʋ ↄlɛbláa Yesu ↄbɛɛ, “Mɩ ilehián ánɩ fↄbↄ asú. Nkálɩ ígyi sʋ faba fɛɛ mɩ ↄbↄↄ fʋ asú?”

15 Yesu lɛbláa mʋ ↄbɛɛ, “Séi á, ha atsu mʋ alɩ asa, tsúfɛ ilehián ánɩ abↄbwɛ tógyítↄá ɩda ↄkpa Bulu ansɩtↄ.”

Mʋ sʋ Yohane lótsulá. 16 Brɛá ↄlↄbↄ Yesu asú tá, Yesu lɛdalɩ ntsu ámʋtↄ alɩ nwʋlʋtáa lefinkí, olowun Bulu Ɔŋɛ dɛkplɩ fɛ abrↄdʋma, ilobogyonká mʋsʋ. 17 Ɩnʋ ↄmɛ kʋ lotsu ↄsʋsʋ ↄbɛɛ, “Ɔnɩ gyí mɩ Bíá ntↄdwɛ mʋ, mɩ ansɩ tɛhɩɛ gyi mʋ ɩwɩ nɩ.”

Yesu Ɩsↄkɩ (Marko 1:12‑13; Luka 4:1‑13)

4 1 Ɩnʋnʋ *Ɔŋɛ Wankɩhɛ amʋ lɛkpa Yesu ya *dimbísʋ, mɛnɩ Ɔbʋnsám ↄbↄsↄ mʋ kɩ. 2 Oletsiá ɩnʋ *klɩ ↄnↄ nkɛ

adʋana (40), onyé adʋana (40). Mʋ sʋ akʋn lɛhɩɛ kɩtá mʋ. 3 Ɩnʋ Ɔbʋnsám lↄsↄ mʋ kɩ, bláa mʋ ↄbɛɛ, “Nɩ Bulu mʋ Bi fʋgyi á, mʋmʋ ha abwi ánfɩ ɩdamli bwɛ bodobodo.”

Mateo 3 , 4


7

Mat

4 Yesu lɛlɛ mʋ ↄnↄ ↄbɛɛ, “Bↄwanlɩn wá Bulu asʋn ámʋtↄ bɛɛ, ‘Megyí atogyihɛ wʋlɛ nyankpʋsa obégyi tsiá nkpa, támɛ ↄpʋʋ Bulu asʋn blɩhɛ ɛ tsia nkpa.’ ”

5 Ɔbʋnsám lɛkpa mʋ ya Yerusalem, wúlu wankɩhɛ amʋtↄ, ↄlↄpʋ mʋ yɛlɩɩ *Bulu ↄtswɛkpa obu ámʋ ↄtántra. 6 Ɩnʋ ↄlɛbláa Yesu ↄbɛɛ, “Nɩ Bulu mʋ Bi fʋgyi lɛlɛ á, tu kpayi. Tsúfɛ bↄwanlɩn wá Bulu asʋn ámʋtↄ bɛɛ,

‘Bulu ↄbɛha mʋ abↄpʋ bɛkpatá fʋ ɩbɩtↄ,mɛnɩ fʋ yabi mɛɛda ibwi kʋkʋsʋ.’ ”

7 Yesu lɛlɛ mʋ ↄnↄ ↄbɛɛ, “Bɛtrá wanlɩn bɛɛ, ‘Mákapʋ fʋ Wíe Bulu kɩ.’ ”

8 Mʋ ↄma a, Ɔbʋnsám lↄpʋ mʋ ya ɩbʋ fʋáhɛ kʋsʋ, olosuná mʋ ↄyɩtↄ iwíe ogyíkpá fɛɛ, pʋ mʋ numnyam. 9 Mʋʋ ↄlɛbláa mʋ ↄbɛɛ, “Nɩ fɛda akpawunu súm mɩ á, nↄpʋ ɩnɩ fɛɛ há fʋ.”

10 Yesu lɛbláa mʋ ↄbɛɛ, “Ɔbʋnsám, natɩ tɛɩ mɩsʋ! Tsúfɛ bↄwanlɩn wá Bulu asʋn ámʋtↄ bɛɛ, ‘Da akpawunu ha fʋ Wíe Bulu. Mʋ nkʋlɛ fʋ súm.’ ”

11 Ɩnʋ Ɔbʋnsám lɛnatɩ mʋ wá, *Bulu‑abↄpʋ bɛba bɛkɩ mʋsʋ.

Yesu Gyumagyihɛ Asɩtsuá Galilea Ɔmátↄ (Marko 1:14‑15; Luka 4:14‑15)

12 Mʋ ↄma a, Yesu lónu ánɩ bakɩtá Yohane tswɩ obu, oleyinkí ba Galilea ↄsʋlʋsʋ. 13 Olotu tsú Nasaret wúlutↄ yↄ Kapernaum, wúluá ɩbʋ mantáa Galilea ↄpʋ ↄnↄ, Sebulon mʋa Naftali ↄsʋlʋsʋ. 14 Mʋ ɩnʋ yↄ lɛha asʋn ámʋʋ Bulu

*ↄnↄsʋ ↄtↄɩpʋ *Yesaia lɛblɩ ámʋ ɩlɛba mʋtↄ. Ɔbɛɛ, 15 “Sebulon pʋ Naftali

ↄsʋlʋʋá ɩda Yordan bʋnkpa ↄnↄ, mantáa Galilea ↄpʋ.

Galilea ↄmátↄ ↄmá bámbásʋfↄ bʋtsie. 16 Ahá ánfɩ bʋtsie oklúntↄ ánfɩ

bawun wankɩ kpↄnkpↄↄnkpↄntɩ kʋ.Bʋtsie ↄsʋlʋʋá lowu dɛ iwíe gyí mʋsʋ.

Wankɩ kʋ lawánkɩ wʋlɩ amʋsʋ.”17 Tsú ɩnʋ Yesu léfi asɩ ↄdɛ Bulu asʋn ↄkan da, blɩ ↄbɛɛ,

“Mlɩdamli klʋntↄ, *Bulu iwíegyí lawíé wóyí tá.”

Mateo 4


8

b 4:25 Dekapoli asɩ gyí awúlu dú.

Akasɩpʋ Abaná Lɛ (Marko 1:16‑20; Luka 5:1‑11)

18 Ɛkɛ ↄkʋá Yesu ná Galilea ↄpʋ ↄnↄ á, olowun apíó abanyↄ akʋ. Simon ánɩ bʋtɛtɩ mʋ Petro mʋa mʋ gyama Andrea, bʋdɛ asawu tswɩɩ, tsúfɛ aye alɛpʋ bʋgyi. 19 Mʋʋ ↄlɛbláa amʋ ↄbɛɛ, “Mlɩba bobuo mɩ. Nↄbwɛ mlɩ anyánkpʋsa alɛpʋ.” 20 Ɩnʋnʋ besi amʋ asawu aná tswɩ, kplá buo mʋ.

21 Ɔlɛnatɩ yↄ nkpá kpalobí, olowun apíó abanyↄ akʋ ɛ, Yakobo mʋa mʋ gyama Yohane. Amʋa amʋ sɩ Sebedeo bʋbʋ ↄklʋntↄ, bʋdɛ amʋ asawu bɩɩn, Yesu lɛtɩ amʋ. 22 Ɩnʋnʋ amʋ ɛ bɛnatɩ sí amʋ sɩ mʋa ↄklʋn amʋ bobuo mʋ.

Yesu Atósuná, Mʋ Asʋn Ɔkanda Pʋ Ɩlↄtsa (Luka 6:17‑19)

23 Yesu léki Galilea ↄmátↄ fɛɛ, súná atↄ Yudafↄ *ofíakpa. Ɔlɛda Bulu iwíegyí ámʋ ɩwɩ *asʋn wankláán ↄkan. Ɔlɛtsa ↄŋɛtↄ mʋa awútↄ ɩlↄ kugyíkʋ. 24 Ɩnɩ sʋ mʋ ɩwɩ asʋn lɛklɛɩ yↄ Siria ↄmátↄ fɛɛ. Bↄpʋ alↄpʋ tsúa ntɩnɛ‑ntɩnɛ ba mʋ. Ɔlɛtsa ɩlↄ kugyíkʋ, ahá ánɩ bʋdɛ ɩwɩↄsɩn wúun, amʋá *ↄŋɛ laláhɛ dɛ amʋ háan, amʋá ɩlↄ dɩdahɛ bʋ amʋsʋ pʋ abubúpʋ aná fɛɛ. 25 Mʋ sʋ ↄdↄm kpↄnkpↄↄnkpↄntɩ bobuo mʋ. Ahá ánɩ botsú Galilea ↄmátↄ pʋ Dekapoli b awúlu amʋsʋ, Yerusalem wúlutↄ, Yudea ↄmátↄ pʋ Yordan ntsu ↄbɩn ↄsʋlʋsʋ fɛɛ.

Ɩbʋsʋ Atosunáhɛ

5 1 Brɛá Yesu lówun ↄdↄm amʋ a, ↄlↄdʋ yↄ ɩbʋ kʋsʋ yétsiá asɩ, mʋ *akasɩpʋ amʋ bɛba mʋ wá. 2 Ɩnʋ olosuná amʋ

atↄ ↄbɛɛ,

Oyúla Asʋn (Luka 6:20‑23)

3 “Bulu layúlá ahá ánɩ amʋ ansɩ mɛdɩn tↄtↄsʋ dʋn mʋ Bulu,

Mateo 4 , 5


9

Mat

tsúfɛ amʋbʋ mʋ *iwíegyí ámʋ nɩ. 4 Bulu layúlá awɩrɛhↄ agyípʋ,

tsúfɛ obólwií amʋ klʋn. 5 Bulu layúlá ɩwɩasɩ abápʋ,

tsúfɛ amʋ obégyi ↄsʋlʋʋ amʋ nɩ. 6 Bulu layúlá ahá ánɩ mʋ apɛbwɛ akʋn mʋa ↄmɛwʋlɩ

dɛ amʋ,tsúfɛ ↄbɛha amʋ bↄmwɛ.

7 Bulu layúlá nwɛ awúnpʋ,tsúfɛ obówun amʋ nwɛ.

8 Bulu layúlá ahá ánɩ amʋ klʋntↄ lↄwankɩ,tsúfɛ amʋ obówun mʋ nɩ.

9 Bulu layúlá ahá nsɩnɛ alapʋ,tsúfɛ ↄbɛtɩ amʋ ↄbɛɛ mʋ abí.

10 Bulu layúlá ahá ánɩ bʋdɩn amʋsʋ mʋ apɛbwɛ sʋ,tsúfɛ amʋbʋ mʋ *iwíegyí amʋ nɩ.

11 “Bulu layúlá mlɩ, nɩ bʋdɛ mlɩ sia, bʋdɩn mlɩsʋ, bʋdɛ afunu wa dɩnká mlɩsʋ. 12 Ansɩ igyí mlɩ, ɩwɩ ɩsankɩ mlɩ, tsúfɛ mlɩ ɩkↄká tsↄ ↄsʋsʋ. Alɩ bↄbwɛ Bulu ↄnↄsʋ atↄɩpʋ agyankpapʋ amʋ nɩ.

Nfↄlɩ Mʋa Wankɩ (Marko 9:50; Luka 14:34‑35)

13 “Mlɩgyí ↄyɩtↄ nfↄlɩ nɩ. Nɩ nfↄlɩ ɩtá ↄdwɛ á, ntↄ bɛlapʋwá mʋ ↄdwɛ? Ɩtráa ma alɛ há tↄtↄↄtↄ bwɛ. Tsɛɩ bʋtɛtsɛɩ mʋ tsítsá, ahá bʋtɛtsátsa mʋsʋ tsʋn.

14 “Mlɩgyí ↄyɩtↄ wankɩ ɛ nɩ. Wúluá ɩdɩn bʋsʋ tamaŋáín. 15 Bʋtamanywɛ ↄkandɩɛ, pʋ ↄlↄ bun mʋsʋ. Ɔfʋákpá bʋtↄpʋbían, mɛnɩ ɩbↄwankɩ há ahá ánɩ bʋtsie wóyí ámʋtↄ fɛɛ. 16 Mʋ sʋ mlɩha mlɩ bwɛhɛ ɩwankɩ alɩ, mɛnɩ ahá bówun mlɩ bwɛhɛ wankláán ámʋ, fówun bɛkanfʋ mlɩ Sɩ ámʋʋ ↄbʋ ↄsʋsʋ ámʋ.

Mose Mbla Ɩwɩ Atosunáhɛ 17 “Mlɩmákɩ mlɩaa, nɛba Mose Mbla ntɛɛ Bulu ↄnↄsʋ atↄɩpʋ

amʋ atosunáhɛtↄ ↄkakpá. Mmɛba mʋtↄ ↄkakpá, mboún nɛbá

Mateo 5


10

c 5:22 Raka asɩ gyí “Ɔbwɩ!”

bↄbwɛ mʋ ɩfʋn. 18 Ɔnↄkwalɩ ndɛ mlɩ bláa, ↄsʋ mʋa asɩ bↄmↄ ↄnↄ, támɛ itoduáhɛ ntɛɛ asʋnbi kʋlɛ kʋráá ɩmɛɛdalɩ Mbla ámʋtↄ, yↄfʋn brɛá mʋtↄ asʋn fɛɛ laba mʋtↄ. 19 Ɔhagyíↄha ánɩ omobu mbla ámʋtↄ túkúrííbi kʋ, olosuná mʋ aba ɛ ↄbɛɛ bʋmábu mʋ á, bɛtɩ mʋ kebi túkúrííbi ↄsʋsʋ iwíe ogyíkpá ɩnʋ. Támɛ ↄhá ánɩ olegyi mbla ámʋ fɛɛsʋ, súná mʋ aba ánɩ bʋgyíi mʋsʋ á, bɛtɩ mʋ ↄha yilé ↄsʋsʋ iwíe ogyíkpá ɩnʋ. 20 Mʋ sʋ ndɛ mlɩ bláa mbɛɛ, nɩ mlɩmↄbwɛ Bulu apɛ dʋn Mose *mbla asunápʋ pʋ *Farisifↄ ámʋ a, mlɩmóowie *Bulu iwíegyí amʋtↄ ɛkɛkɛɛkɛ.

Ɔblↄ Ɩwɩ Atosunáhɛ (Luka 12:57‑59)

21 “Mlɩlanú ánɩ bɛbláa mlɩ anáin atɩtɩfↄ ámʋ bɛɛ, ‘Mámↄ ↄha. Ɔhagyíↄha ánɩ ↄmↄ ↄha a, Bulu obégyi mʋ asʋn, há mʋ ɩpↄn.’ 22 Támɛ mɩ mʋ ndɛ mlɩ bláa mbɛɛ, ↄhagyíↄha ánɩ olenya ↄblↄ wa mʋ ba á, Bulu obégyi mʋ asʋn. Ɔhá ánɩ olesia mʋ ba ↄbɛɛ, ‘Ɔhakpan!’ á, obégyi ɩpↄn *Yudafↄ asʋn agyípʋ ansɩtↄ. Ɔhagyíↄha ánɩ ↄlɛbláa mʋ ba ɛ ↄbɛɛ, ‘Raka!’ c a, obégyi ɩpↄn yↄ ɩsʋbɩtɩ ogyá ánɩ ɩtamaduntↄ. 23 Ɩnɩ sʋ nɩ fotsu atↄ hahɛ fↄyↄ afↄdɩɛ ↄbↄkpá, fɛkaɩn ánɩ fapʋ asʋn laláhɛ kʋ gyi fʋ bá á, 24 si fʋ atↄ amʋ yaɩ *afↄdɩɛ‑asubwisʋ ɩnʋ. Yↄ fʋa mʋnyↄ amlɩla mlɩ nsɩnɛ, asa afʋba bↄbↄ afↄdɩɛ ámʋ ha Bulu.

25 “Nɩ ↄkʋ ↄsáma fʋ á, wa ↄsa ha abʋyobwií ɩpa ha mʋ asa asʋn ámʋ ogyíkɛ ɩfʋn, mɛnɩ fʋ onyabá ámʋ ↄmɛɛha asʋn agyípʋ bʋmↄↄpʋ fʋ ha obu adɩpʋsʋ ↄkɩpʋ, ↄwa fʋ obu. 26 Mbláa fʋ ↄnↄkwalɩ, nkɛtɩ faká ɩkↄ ámʋ fɛɛ tá asa fɛdalɩ ɩnʋ.

Otsiába Ɔmadalɩ Ɩwɩ Atosunáhɛ 27 “Mlɩlanú ánɩ bɛbláa mlɩ bɛɛ, ‘Mákle ↄkʋ tsiába.’ 28 Támɛ

mɩ mʋ ndɛ mlɩ bláa mbɛɛ, oyingyíoyin ánɩ olowun ↄtsɩ, ↄlↄbwɛ mʋ klé ɩwɩ agywɩɩn á, alatↄ mbʋa dodo mʋ klʋntↄ.

Mateo 5


11

Mat

29 Mʋ sʋ nɩ fʋ gyↄpɩ nsíbi tɛhá fʋtↄbwɛ lakpan á, loti mʋ lɛ, tswɩ tsalɩfwɩ. Ɩbʋ alɛá fʋ ɩwɩ ↄtɩnɛkʋ má ɩnʋ, dʋn ánɩ bↄtswɩ fʋ nyankpʋsa‑oyí ámʋ fɛɛ wá ɩsʋbɩtɩ ogyá ánɩ ɩtamaduntↄ. 30 Mʋ sʋ nɩ fʋ gyↄpɩ ɩbɩ tɛhá fʋtↄbwɛ lakpan á, ka mʋ tswɩ tsalɩfwɩ. Ɩbʋ alɛá fʋma ɩbɩ kʋlɛ, dʋn ánɩ bↄtswɩ fʋ nyankpʋsa‑oyí ámʋ fɛɛ wá ɩsʋbɩtɩ ogyá ánɩ ɩtamaduntↄ.

Ɔkákiná Ɩwɩ Atosunáhɛ (Mateo 19:9; Marko 10:11‑12; Luka 16:18)

31 “Bɛtrá bláa mlɩ bɛɛ, ‘Ɔhagyíↄha ánɩ obékiná ↄká á, ↄwánlɩn ↄkákiná ↄwʋlʋ ha mʋ asa.’ 32 Támɛ mɩ mʋ ndɛ mlɩ bláa mbɛɛ, nɩ oyin okíná mʋ ka ánɩ ↄmↄkʋdálɩ mʋ ↄma a, mʋláhá sʋ ↄtsɩ ámʋ ↄbɛdalɩ mʋ ↄma. Oyingyíoyin ánɩ otsía ↄtsɩ ánfɩ mʋ kulu lakíná mʋ anfɩ ɛ latↄ mbʋa.

Ntamka Ɩwɩ Atosunáhɛ 33 “Mlɩlɛtrá nu ánɩ bɛbláa mlɩ anáin atɩtɩfↄ ámʋ bɛɛ,

‘Máka ntam kpaalɩ. Mboún bwɛ dɩnka ntam amʋʋ fɛka há Bulu ámʋsʋ.’ 34 Támɛ mɩ mʋ ndɛ mlɩ bláa mbɛɛ, máka tↄtↄↄtↄ kʋráá. Mápʋ ↄsʋsʋ ká ntam, tsúfɛ Bulu owíe obíá igyi. 35 Mápʋ ↄsʋlʋʋ ká ntam. Bulu ayabi oyíkpa igyi. Mápʋ Yerusalem wúlu ká ntam. Awíetↄ Owíe wúlu kpↄnkpↄntɩ nɩ. 36 Mlɩmápʋ mlɩ nwun ká ntam, tsúfɛ mlɩmɛɛtalɩ bwɛ imi kʋlɛ futútú ntɛɛ bíbi. 37 Mboún fʋ ‘Iin!’ ɩbwɛɛ ‘Iin!’ Fʋ ‘Ó‑o!’ ɛ ɩbwɛ ‘Ó‑o!’ Kugyíkʋá fɛtrá blɩ tsɩa mʋtↄ itsú Ɔbʋnsám wá.

Lalahɛ Ɩkↄka Ɩwɩ Atosunáhɛ (Luka 6:29‑30)

38 “Mlɩlanú ánɩ bɛblɩ bɛɛ, ‘Ɔha obwíé mʋ ba nsíbi a, bʋbwíe mʋ ɛ mʋ klɛ ka ɩkↄ. Ɔha otsíí mʋ ba iyín ɛ á, bʋtsíi mʋ klɛ ka ɩkↄ.’ 39 Támɛ mɩ mʋ ndɛ mlɩ bláa mbɛɛ, mlɩmákplá ↄha laláhɛ. Mboún nɩ ↄha ↄdá fʋ ɩsʋtↄ á, damli nyↄↄsɩ ɛ ha mʋ ↄdáa. 40 Nɩ ↄha dékléá ↄbɛsamáa fʋ, hↄ fʋ atadɩɛ á, pʋ fʋ tati ɛ ha mʋ. 41 Ɔhá ánɩ ↄdʋn fʋ ↄhɩɛ fʋ ↄbɛɛ, fʋsʋra mʋ atↄ máɩlɩ kʋlɛ ha mʋ a, sʋra mʋ máɩlɩ anyↄ. 42 Ɔha ↄkʋlɩ fʋ atↄ á, ha mʋ. Nɩ ↄkʋ ɛ ↄbɛɛ fʋpáan mʋ tↄkʋ á, mákiná.

Mateo 5


12

Alupʋdwɛ Ɩwɩ Atosunáhɛ (Luka 6:27‑28, 32‑36)

43 “Mlɩlónuá bɛblɩ bɛɛ, ‘Dwɛ fʋ bá, afʋlu fʋ olupʋ.’ 44‑45 Támɛ mɩ mʋ ndɛ mlɩ bláa mbɛɛ, mlɩdwɛ mlɩ alupʋ. Mlɩbↄ mpáɩ ha ahá ánɩ bʋdɩn mlɩsʋ, mɛnɩ mlↄbwɛ mlɩ Sɩ ámʋʋ ↄbʋ ↄsʋsʋ ámʋ abí. Tsúfɛ mʋtɛhá owí tɛlɩn, ↄtɛhá nyankpʋ ɛ itotswie wʋlɩ aha wankláán pʋ aha laláhɛ fɛɛsʋ. 46 Nɩ fʋ adwɛpʋ nkʋlɛ fʋtↄdwɛ á, ɩpán mↄmʋ fénya?

*Lampóo ahↄpʋ kʋráá bʋtↄbwɛ alɩ. 47 Nɩ fʋ anyawíe nkʋlɛ fʋtↄwá ↄnↄ á, ntↄ fakʋkʋ bwɛ dʋbɩ? Alɩ kɛn ↄmátↄfↄ bʋtↄbwɛ nɩ. 48 Ɩnɩ sʋ mlɩfʋn fɛ alɩá mlɩ Sɩ ámʋʋ ↄbʋ ↄsʋsʋ ámʋ lↄfʋn.

Yilébwɛ Ɩwɩ Atosunáhɛ

6 1 “Mlɩkɩ wankláán ánɩ mlɩmↄↄbwɛ mlɩ yilé ahá ansɩtↄ. Nɩ mlↄbwɛ mʋ alɩ á, mlɩméenya ɩkↄká mlɩ Sɩá ↄbʋ

ↄsʋsʋ wá.2 “Mʋ sʋ nɩ fↄbwɛ yilé há ohiáni á, máda mʋ ↄkan fɛ

alɩá apinabwɛbí abwɛpʋ bʋtↄbwɛ Yudafↄ *ofíakpa pʋ dɩnsʋ, mɛnɩ ahá bɛkanfʋ amʋ. Ɔnↄkwalɩ ndɛ mlɩ bláa mbɛɛ, Bulu laká amʋ ɩkↄ dodo. 3 Támɛ nɩ fↄbwɛ yilé há ohiáni á, máha fʋ bɩna ↄbɩ tↄá gyↄpɩ labwɛ. Bwɛ mʋ ŋáintↄ, 4 mɛnɩ fʋ Sɩ oklúntↄ atↄ owúnpʋ amʋ ↄbɛka fʋ ɩkↄ.

Mpáɩbↄ Ɩwɩ Atosunáhɛ (Luka 11:2‑4)

5 “Nɩ mlↄbↄ mpáɩ á, mlɩmábwɛ fɛ apinabwɛbí abwɛpʋ. Amʋ tekle Yudafↄ ofíakpa pʋ dɩnsʋ lɩɩ bↄ mpáɩ, mɛnɩ ahá bówun amʋ. Ɔnↄkwalɩ ndɛ mlɩ bláa mbɛɛ, Bulu laká amʋ ɩkↄ dodo. 6 Támɛ nɩ fↄbↄ mpáɩ á, bítíwíé fʋ obutótↄ, afʋfin obu wa ɩwɩ, bↄ mpáɩ ha fʋ Sɩ ŋáintↄ. Fʋ Sɩ ŋáintↄ atↄ owúnpʋ amʋ ↄbɛka fʋ ɩkↄ.

7 “Nɩ mlɩdɛ mpáɩ bↄ á, mlɩmátsiá plá mʋtↄ há mʋ ɩwa swɩ fɛ ↄmátↄfↄ. Bʋtosúsu bɛɛ, nɩ bↄbↄ mʋ ɩwá swɩ asa Bulu obónu mʋ há amʋ. 8 Mlɩmábwɛ fɛ amʋ, tsúfɛ mlɩ Sɩ Bulu yín tↄá ɩdɛ mlɩ hián asa mlɩdɛ mʋ kʋlɩ. 9 Mʋ sʋ mlɩbↄ mpáɩ mlɩaa,

Mateo 5 , 6


13

Mat

d 6:13 Ɩnɩ bʋ nwʋlʋ dada amʋ akʋtↄ: Tsúfɛ fʋbʋ iwíegyí, túmi pʋ ɩwɩwankɩ brɛ fɛɛtↄ. Amen.

‘Anɩ Sɩá fʋbʋ ↄsʋsʋ.Ahá bʋbúu fʋ dá.

10 Ba begyi iwíe.Ahá bʋbwɛɛ fʋ apɛ ↄsʋlʋsʋ, fɛ alɩá bʋtↄbwɛ mʋ ↄsʋsʋ.

11 Ha anɩ atogyihɛá ɩbↄfʋn anɩ ndɛ. 12 Si anɩ lakpan kie anɩ,

fɛ alɩá anɩtesíkíé ahá ánɩ bʋtↄpʋ ɩlá gyi anɩ. 13 Mákpa anɩ wá ɩsↄkɩtↄ, mboún lɛ anɩ tsu

Ɔbʋnsám ɩbɩtↄ.’ d14 “Tsúfɛ nɩ mlesí ahá lakpan kíé amʋ á, mlɩ Sɩ ámʋʋ ↄbʋ

ↄsʋsʋ ámʋ ɛ obési mlɩ klɛ kíé mlɩ. 15 Támɛ nɩ mlɩmésikíé ahá a, mlɩ Sɩ ámʋ ɛ oméesikíé mlɩ.

Ɔnↄklɩ Ɩwɩ Atosunáhɛ 16 “Nɩ mlɩdɛ *ↄnↄ klɩ á, mlɩmábwɛ mlɩ ɩwɩ bʋmbláán fɛ alɩá

akʋ bʋtepina bwɛ. Alɩá ahá bówun ánɩ bʋdɛ ↄnↄ klɩ sʋ bʋtↄbwɛ ɩwɩ alɩ. Ɔnↄkwalɩ ndɛ mlɩ bláa mbɛɛ, Bulu laká amʋ ɩkↄ dodo. 17 Mboún nɩ mlɩdɛ *ↄnↄ klɩ á, mlɩbie ntsu, amlɩfunya nwun, 18 mɛnɩ ahá bʋmóowun ánɩ mlɩdɛ ↄnↄ klɩ. Támɛ mlɩ Sɩ oklúntↄ atↄ owúnpʋ amʋ mʋ obówun mlɩ, ká mlɩ ɩkↄ.

Atonyahɛ Pʋyáɩ Ɔsʋsʋ (Luka 12:33‑34)

19 “Mlɩmákle atↄ yáɩ ↄsʋlʋʋ anfɩsʋ. Ɔtɩnɛ ánfɩ atɛplɛ bʋtↄwɩ atↄ, ɩkʋ aná tↄwɩ nkanʋ yíntá, awikplu ɛ bʋtobwíé wíé obuto wí atↄ ánfɩ. 20 Mboún mlɩkle atↄ yáɩ ↄsʋsʋ. Ɩnʋ mʋ á, atɛplɛ bʋtamawɩ atↄ, ɩtamawɩ nkanʋ, awikplu ɛ bʋtamabwíé wíé obuto wí atↄ. 21 Tsúfɛ ↄtɩnɛá fʋ siadɩɛ bʋ a, ɩnʋ fʋ agywɩɩn tetsíá.

Nyankpʋsa‑oyí Ɔkandɩɛ (Luka 11:34‑36)

22 “Ansíbi igyi ↄkandɩɛ há nyankpʋsa‑oyí. Nɩ fʋ ansíbi bʋ alɛ á, fʋ nyankpʋsa‑oyí ámʋ fɛɛ bↄwankɩ. 23 Támɛ nɩ

Mateo 6


14

fʋ ansíbi ma alɛ a, fʋ nyankpʋsa‑oyí ámʋ fɛɛ ɩbʋ oklúntↄ. Nɩ ↄkandɩɛ ámʋʋ ɩbʋ fʋtↄ ámʋ idun a, mʋmʋ fawíé oklún kpↄnkpↄↄnkpↄntɩtↄ.

Bulu Mʋa Atonyahɛ Ɩwɩ Atosunáhɛ (Luka 16:13; 12:22‑31)

24 “Ɔhaa mɛɛtalɩ súm awie anyↄ. Ɔbↄdwɛ ↄkʋlɛ, lú ↄkʋlɛ. Ntɛɛ obóbu ↄkʋlɛ, omóobu ↄkʋlɛ. Fʋmɛɛtalɩ súm Bulu, súm kↄba.

25 “Mʋ sʋ ndɛ mlɩ bláa mbɛɛ, mlɩmáhan ɩwɩ tↄá mlégyi, tↄá mlónu tsiá nkpa pʋ tↄá mlɛdɩdá sʋ. Mbɛɛ, nkpa medéhián dʋn atogyihɛ? Ntɛɛ ↄyʋlʋʋ medéhián dʋn atↄ dɩdáhɛ? 26 Mlɩkɩ mbubwi, bʋtamadú, bʋtamasɩɛtɩ wá ɩdantↄ, támɛ mlɩ Sɩá ↄbʋ ↄsʋsʋ tɛhá amʋ atogyihɛ. Mlɩmá labi dʋn amʋ? 27 Mlɩtↄ ma ↄbɛtalɩ han ɩwɩ pʋ brɛ kpalobí tsɩa mʋ nkɛtↄ?

28 “Ntogyi sʋ mlɩdɛ ɩwɩ háan mlɩ atↄ dɩdáhɛ sʋ? Mlɩkɩ alɩá pututↄ‑oyí ntswɩtswɩ tɛdan. Ɩtamayↄ agyʋmá ntɛɛ lʋ atati. 29 Támɛ ndɛ mlɩ bláa mbɛɛ, Owíe *Salomo, mʋ inya fɛɛtↄ a, ↄmɛtalɩ hɩhɩɛ ɩwɩ, wá akɩlɛ fɛ oyí ntswɩtswɩ anfɩtↄ kʋkʋ. 30 Nɩ Bulu dɛ ɩfá ánɩ ndɛ ɩlɩɩ, ↄkɛ ɩlawú, bawá mʋ ogyá tati dɩdá á, ntogyi sʋ ↄmɛɛtalɩ dɩdá mlɩ atati dʋn mʋ? Mlɩ hógyi mↄtsↄ!

31 “Mʋ sʋ mlɩmáhan ɩwɩ fɩtɛ mlɩaa, ‘Ntↄ abégyi?’ ntɛɛ ‘Ntↄ abónu?’ ntɛɛ ‘Ntↄ abɛdɩdá?’ 32 Ɩnɩ aná ↄmátↄfↄ bʋtɛsrɩ gya nɩ. Mlɩ Sɩ ámʋʋ ↄbʋ ↄsʋsʋ ámʋ yin ánɩ ɩnɩ fɛɛ dɛ mlɩ hián. 33 Ɩtↄá mlɩgyánkpa dunka gyí, Bulu iwíegyí pʋ mʋ yilébwɛ, fówun Bulu ↄbↄpʋ ɩnɩ fɛɛ tsɩa mʋtↄ há mlɩ. 34 Mlɩmásusúu ↄkɛ ɩwɩ. Ɔkɛtↄ asʋn igyi ↄkɛ klɛ. Ekekegyíɛkɛtↄ asʋn wunhɛ ɩtsↄ há ɛkɛ ámʋ.

Ɩlálɛ (Luka 6:37‑38, 41‑42)

7 1 “Mlɩmálɛ ahá ɩlá, mɛnɩ Bulu ↄmɛɛlɛ mlɩ ɩlá. 2 Tsúfɛ alɩ ámʋʋ mlɩdɛ ahá ɩlá lɛ ámʋ a, alɩ Bulu ↄbɛlɛ mlɩ ɩlá nɩ.

Ɩtↄá fↄpʋsúsu ha fʋ bá á, mʋ kɛn Bulu ↄbↄpʋsúsu ha fʋ ɛ nɩ. 3 Ntogyi sʋ fʋdɛ ipí túkúrííbi wun fʋ bá nsíbisʋ, támɛ

Mateo 6 , 7


15

Mat

fʋmɛdɛ ogyakpatín ánɩ ɩdɩn fʋ klɛsʋ mʋ wun? 4 Ntɛɛ ntogyi sʋ fʋdɛ fʋ bá bláa fɛɛ, ‘Ha mɩ andɩnkɩ ipí fʋ nsíbisʋ?’ brɛá ogyakpatín dɩn fʋ klɛsʋ? 5 Apinabwɛbí ↄbwɛpʋ! Gyankpa dɩnkɩ ogyakpatín ámʋ fʋ nsíbisʋ, mɛnɩ fówun atↄ wankláán, tálɩ dɩnkɩ ipí ámʋ fʋ bá klɛsʋ.

6 “Mlɩmápʋ Bulu atↄ wankɩhɛ há ahá ánɩ bʋgyi fɛ akɩaɩ, Bulu asʋn tamawá amʋ ogyá. Bénya ↄblↄ dámlí dun mlɩ. Alɩ kɛn mlɩmápʋ mlɩ abutó wʋlɩhɛ há ahá ánɩ bʋgyi fɛ mprákuo nɩ. Tsúfɛ bɛtsatsáa mʋsʋ, tsɩá mʋ wá ↄdɩbatↄ.

Atↄkʋlɩ Tsú Bulu Wá (Luka 11:9‑13)

7 “Mlɩkʋlɩ Bulu, ↄbɛha mlɩ. Mlɩdunka, mlówun. Mlɩda mʋ klʋnsʋ, obéfinkí mʋ há mlɩ. 8 Tsúfɛ ↄhá ánɩ ↄtↄkʋlɩ atↄ tenyá. Ɔhá ánɩ otodúnká atↄ towun. Ɔhá ánɩ ↄtɛdá klʋnsʋ bʋtefínkí há. 9 Ma bʋʋ mlɩtↄá mʋ bi ↄkʋlɩ mʋ bodobodo a, obótsu ibwi wá mʋ ɩbɩtↄ? 10 Ntɛɛ nɩ ↄkʋlɩ mʋ iye a, ↄbɛkɩtá ɩwↄ wá mʋ ɩbɩtↄ? 11 Mlɩ lakpan abwɛpʋ kʋráá mlɩyin alɩá bʋtↄpʋ atↄ wankláán há mlɩ abí. Ntogyi sʋ mlɩ Sɩ ámʋʋ ↄbʋ ↄsʋsʋ ámʋ mʋ mↄↄpʋ atↄ wankláán há ahá ánɩ bʋdɛ mʋ kʋlɩ.

12 “Bwɛ ha ahá alɩá fʋdeklé fɛɛ bʋbwɛɛ ha fʋ. Ɩnɩ Mose Mbla pʋ Bulu ↄnↄsʋ atↄɩpʋ amʋ atosunáhɛ dɛblɩ nɩ.

Ɔkpa Kplanhɛ Mʋa Tɛɩhɛ (Luka 13:24)

13‑14 “Mlɩtsʋn ↄkpa kplanhɛ amʋsʋ, mlↄyↄ nkpa ánɩ ɩtamatátↄ. Ahá kpalobí pɛ tɛbɩ mʋ. Támɛ nɩ mlↄtsʋn tɛɩhɛ ámʋʋ ɩbʋ atsʋnlɛ amʋsʋ á, mlↄyↄ ↄhɩkpá. Ahá tsↄtsↄↄtsↄ tↄtsʋn mʋsʋ.

Oyí Pʋ Mʋ Abi Swiehɛ (Luka 6:43‑44)

15 “Mlɩkɩ wankláán ahá ánɩ bʋtↄwá afunu bɛɛ, Bulu ↄnↄsʋ atↄɩpʋ bʋgyisʋ. Bʋtepina bwɛ ɩwɩ fɛ akúfa ba mlɩ wá, támɛ nkpatakuá bʋbʋ ɩyɩn bʋgyi. 16 Amʋ bwɛhɛ mlↄpʋbɩ amʋ. Bʋtamakpↄtɩ kankaba okplóto oyísʋ, bʋtamakpↄtɩ tsↄkpʋn ɛ

Mateo 7


16

tʋnkpa ɩflasʋ. 17 Oyi wankláán toswíé abi wankláán. Oyi laláhɛ ɛ toswíé abi laláhɛ. 18 Oyi wankláán mɛɛtalɩ swíé abi laláhɛ. Alɩ kɛn oyi laláhɛ ɛ mɛɛtalɩ swíé abi wankláán nɩ. 19 Oyíá ɩtamaswíé abi wankláán á, kún bʋtokun mʋ dá, wá mʋ ogyá. 20 Mʋ alɩ sʋ á, ↄnↄsʋ atↄɩpʋ afunupʋ anfɩ bwɛhɛ mlↄpʋbɩ amʋ.

Bulu Iwíegyí Ámʋtↄ Awiepʋ (Luka 13:25‑27)

21 “Megyí ↄhagyíↄha ánɩ ↄtɛtɩ mɩ ↄbɛɛ, ‘Mɩ Wíé, mɩ Wíé’ obówie Bulu iwíegyí ámʋtↄ. Mboún ↄhá ánɩ ↄtↄbwɛ mɩ Sɩ ámʋʋ ↄbʋ ↄsʋsʋ ámʋ apɛ ↄbↄyↄ ɩnʋ. 22 Bulu asʋn ogyíkɛ amʋ a, ahá tsↄtsↄↄtsↄ bɛfɩtɛ mɩ bɛɛ, ‘Mɩ Wíé, megyí fʋ dátↄ anɩlɛblɩ Bulu ↄnↄ asʋn, gya *ↄŋɛ laláhɛ lɛ ahátↄ, bwɛ ofúla ɛ nɩ?’ 23 Ɩnʋ nɛlɛ bláa amʋ mbɛɛ, ‘Mmeyín mlɩ ↄkpagyíↄkpasʋ. Mlɩnatɩ tɛɩ mɩsʋ, mlɩ lakpan abwɛpʋ!’

Bʋtásʋ pʋ Osublútↄ Obuyíi (Luka 6:47‑49)

24 “Mʋ sʋ ↄhagyíↄha ánɩ olonu mɩ asʋn blɩhɛ anfɩ, olegyi mʋsʋ á, ogyi fɛ ↄtɩansɩpʋ ↄkʋá oleyi mʋ obu dɩnká bʋtásʋ. 25 Nyankpʋ lótswíe, ntsu lↄbʋlá wa mʋ, atsufú lↄtsʋn wʋlɩ mʋsʋ, támɛ imobwie. Tsúfɛ oleyi mʋ dɩnká bʋtásʋ.

26 “Támɛ ↄhagyíↄha ánɩ olonu mɩ asʋn blɩhɛ anfɩ, omegyi mʋsʋ á, ogyi fɛ ↄha mimláhɛ ánɩ oleyi mʋ obu osublútↄ. 27 Nyankpʋ lótswíe, ntsu lↄbʋlá wá mʋ, atsufú ɛ lↄtsʋn wʋlɩ mʋsʋ. Obu ámʋ lobwie, ɩlɛda asɩ gbloo!”

Túmiá Yesu Bʋ28 Brɛá Yesu lɛblɩ asʋn ánfɩ tá á, mʋ atosunáhɛ lɛha

ↄnↄ lobwie ↄdↄm amʋ. 29 Tsúfɛ olosuná amʋ atↄ túmisʋ. Omosuná mʋ fɛ Mose *mbla asunápʋ amʋ.

Ɩlↄ Pɛpɛ Ɔlↄpʋ Ɔkʋ Tsa (Marko 1:40‑45; Luka 5:12‑16)

8 1 Brɛá Yesu lɛ kplɩ tsú ɩbʋ ámʋsʋ á, ↄdↄm kpↄnkpↄↄnkpↄntɩ bobuo mʋ. 2 Ɩnʋ á, *ɩlↄ pɛpɛ ↄlↄpʋ ↄkʋ

Mateo 7 , 8


17

Mat

lɛba bɛda akpawunu mʋ ayabitↄ, kókóli mʋ ↄbɛɛ, “Owíé! Nɩ fótsulá á, fɛtalɩ há mɩ ɩwɩ bɛplɩ.”

3 Mʋʋ Yesu lɛtɩnkɩ ɩbɩ da mʋ, bláa mʋ ↄbɛɛ, “Natsúlá, fʋ ɩwɩ ɩplɩɩ!” Ɩnʋnʋ mʋ ɩwɩ lɛplɩ. 4 Mʋʋ Yesu lɛda mʋ ↄlá ↄbɛɛ, “Mábla ↄhaa asʋn ánfɩ. Natɩ laa afʋpʋ fʋ ɩwɩ yosuná Bulu igyí ↄhapʋ, afʋha mʋ ɩwɩgyʋrátↄ amʋʋ Mose mbla losuná tsú ɩlↄ pɛpɛtsa ɩwɩ ámʋ. Igyi adánsɩɛ suna ahá ánɩ fʋ ɩwɩ laplɩɩ.”

Romafↄ Ɩsá Akↄpʋ Ɔhandɛ Osúmpʋ Ɔkʋ Ɩlↄ Tsa (Luka 7:1‑10)

5 Yesu lówie Kapernaum wúlutↄ. Romafↄ ɩsá akↄpʋ ↄhandɛ ↄkʋ lɛba mʋ wá, bóbwií ɩpa há mʋ ↄbɛɛ, 6 “Owíé, mɩ osúmpʋ dɛlↄ. Alasin tsukʋlɛ, ↄda wóyítↄ ↄdɛ ɩwɩↄsɩn wúun dʋbɩ.”

7 Mʋʋ Yesu lɛbláa mʋ ↄbɛɛ, “Nɛba bɛtsa mʋ ɩlↄ.”8‑9 Támɛ ↄhandɛ amʋ lɛbláa mʋ ↄbɛɛ, “Owíé, mmↄfʋn ánɩ

fɛba mɩ wóyítↄ. Fʋ mʋ blɩ asʋankʋ, ɩwɩ bↄwa mɩ osúmpʋ amʋ ↄnlɩn. Tsúfɛ mɩ ɛ mbʋ ahandɛ akʋ asɩ, ɩsá akↄpʋ akʋ ɛ bʋbʋ mɩ asɩ. Nɛlɛ ↄnↄ mbɛɛ amʋtↄ ↄkʋ ↄnátɩ á, ↄtɛnátɩ. Nɩ mbɛɛ ↄbá ɛ á, ↄtɛba. Tógyítↄá nɛbláa mɩ osúmpʋ mbɛɛ ↄbwɛɛ á, ↄtↄbwɛ.”

10 Brɛá Yesu lónu asʋn ánfɩ á, ↄnↄ lobwie mʋ, ↄlɛdamlí bláa ahá ámʋʋ bʋbuo mʋ amʋ, ↄbɛɛ, “Ɔnↄkwalɩ ndɛ mlɩ bláa, mmↄkʋwun ↄhá ánɩ ↄbʋ hógyi kpↄnkpↄntɩ ánfɩ odu Israelfↄtↄ kʋráá kɩ!” 11 Ndɛ mlɩ bláa mbɛɛ, “Ahá tsↄtsↄↄtsↄ bótsu owí ↄdalɩkpa pʋ owí ↄkplɩwíékpá ba, betsiá atↄ ogyíkpá Bulu iwíegyí ámʋtↄ, amʋa anɩ anáin *Abraham, *Isak pʋ *Yakob aná bↄwa ɩbɩ gyi atↄ. 12 Támɛ bɛlɛ Israelfↄ ámʋʋ tɛkɩ bʋgyi Bulu iwíegyí ámʋtↄ atsiápʋ amʋ lɛ ɩnʋ, tswɩ amʋ wá oklúntↄ. Ɩnʋ isú mʋa kpisíi bʋ nɩ.” 13 Mʋʋ ↄlɛlabláa ɩsá akↄpʋ ↄhandɛ amʋ ↄbɛɛ, “Natɩ, ɩbá mʋtↄ ha fʋ fʋ hógyi ↄnↄ.”

Alɩ brɛ ámʋtↄ pɛpɛɛpɛ osúmpʋ amʋ ɩwɩ lↄwa mʋ ↄnlɩn.

Alↄpʋ Tsↄtsↄↄtsↄ Tsa (Marko 1:29‑34; Luka 4:38‑41)

14 Yesu lↄyↄ Petro wóyítↄ. Ɔlↄyↄ á, owísó lakɩtá Petro mʋ sia tsɩhɛ, ↄda. 15 Mʋʋ ↄlɛyɛkɩtá ↄtsɩ ámʋ ɩbɩ. Ɩnʋnʋ owísó amʋ lↄkʋsʋ mʋsʋ, ↄlↄbwɛ Yesu afↄↄtↄ.

Mateo 8


18

16 Mʋ ntʋpwɛsʋ á, bↄpʋ ahá tsↄtsↄↄtsↄá *ↄŋɛ laláhɛ dɛ amʋ háan ba Yesu. Ɔlↄtↄɩ gya ↄŋɛ laláhɛ amʋ, tsá alↄpʋ amʋ fɛɛ. 17 Ɩnɩ lɛha asʋn ámʋʋ *Bulu ↄnↄsʋ ↄtↄɩpʋ *Yesaia lɛblɩ ámʋ lɛba mʋtↄ. Ɔbɛɛ, “Mʋlɛtsa anɩ ɩlↄ, tsú ipian kʋsʋ anɩsʋ.”

Ahá Ánɩ Bɛɛ Bↄbwɛ Yesu Abúopʋ (Luka 9:57‑62)

18 Yesu lówun ánɩ ↄdↄm babomlí mʋ, ↄlɛbláa mʋ *akasɩpʋ amʋ ↄbɛɛ, “Mlɩha afa Galilea ↄpʋ yↄ mʋ ↄbɩn.” 19 Ɩnʋ Mose mbla osunápʋ ↄkʋ lɛbá mʋ wá, bɛbláa mʋ ↄbɛɛ, “Osunápʋ, nóbuo fʋ yↄ ↄtɩnɛgyíↄtɩnɛá fↄyↄ.”

20 Yesu lɛbláa mʋ ↄbɛɛ, “Awɩá bʋbʋ mbↄ, mbubwi ɛ bʋbʋ asia, támɛ mɩ, Nyankpʋsa‑Mʋ‑Bi ánfɩ mʋ mma ↄtɩnɛá nↄpʋ mɩ nwun tswɩ.”

21 Ahá ámʋʋ bʋbuo mʋ amʋtↄ ↄkʋ lɛbláa mʋ ↄbɛɛ, “Owíé, ha mɩ anyopulá mɩ sɩ asa ambobuo fʋ.”

22 Támɛ Yesu lɛbláa mʋ ↄbɛɛ, “Bobuo mɩ, afʋsi awupʋ abʋpula amʋ afúli.”

Atsufú Asɩbá (Marko 4:35‑41; Luka 8:22‑25)

23 Yesu lówie ↄklʋntↄ, mʋ akasɩpʋ amʋ ɛ bowie buo mʋ. 24 Brɛá bↄyↄ á, afú kpↄnkpↄↄnkpↄntɩ kʋ lↄwa tsʋʋn bɩ. Mʋ sʋ ntsu dɛda wíé ↄklʋn amʋtↄ, ideklé ɩmɛ, támɛ Yesu mʋ da ↄdɛdɩdɩ. 25 Akasɩpʋ amʋ betsinkí mʋ, bláa mʋ bɛɛ, “Anɩ Wíe lɛ anɩ. Anɩdɛ ntsu wie!”

26 Mʋʋ ↄlɛfɩtɛ amʋ ↄbɛɛ, “Ntogyi sʋ mlɩdɛ ifú nya alɩ? Mlɩ hógyi mↄtsↄ!” Ɩnʋ ↄlↄkʋsʋ lɛ ↄnↄ wa afú mʋa ntsu ámʋ, ɩnʋ fɛɛ lↄlʋá.

27 Ifú lɛhɩɛ kɩtá amʋ, bɛfɩtɛ aba bɛɛ, “Nyankpʋsa ↄmↄmʋ nɩ, afú mʋa ntsu kʋráá tonú mʋ ↄmɛ alɩ?”

Ɔŋɛ Laláhɛ Gyáa Lɛ Agbedépʋ Abanyↄtↄ (Marko 5:1‑20; Luka 8:26‑39)

28 Brɛá Yesu lówie Galilea ↄpʋ ↄbɩn, Gadarafↄ ↄsʋlʋsʋ á, ayin abanyↄ akʋá ↄŋɛ laláhɛ bʋ amʋtↄ bɛdalɩ tsu afúli

Mateo 8


19

Mat

e 9:1 Mʋ wúlu gyí Kapernaum. Kɩ 4:13.

opulákpá befia mʋ. Amʋ ɩyɩn sʋ ↄhaa tamatálɩ tsʋn ↄkpa ámʋsʋ. 29 Ɩnʋnʋ bↄkplʋn fɩtɛ Yesu bɛɛ, “Bulu mʋ Bi, amansʋ igyi? Fɛbá bɛpɩtɩ anɩ atↄ asa Bulu ɩsʋbɩtɩbɩ ɩfʋn?”

30 Mprákuo tsↄtsↄↄtsↄ akʋ bʋdegyí ɩnʋ fʋn. 31 Mʋ sʋ ↄŋɛ laláhɛ amʋ bokokóli Yesu bɛɛ, “Nɩ fégya anɩ lɛ ahá ánfɩtↄ á, ha ayowie mprákuo ánfɩtↄ.”

32 Yesu lɛbláa amʋ ↄbɛɛ, “Mlɩyↄ.” Ɩnʋnʋ bɛdalɩ ayin ámʋtↄ yówie mprákuo ámʋtↄ. Amʋ fɛɛ bɛsrɩ kplɩ okúku kʋ wíé ↄpʋ amʋtↄ, wúwu.

33 Mprákuo ámʋ akpapʋ bɛsrɩ yↄ wúlutↄ, yɛbláa ahá tógyítↄá ɩlaba ahá ámʋʋ tɛkɩ ↄŋɛ laláhɛ bʋ amʋtↄ ámʋsʋ. 34 Mʋ sʋ wúlu amʋtↄ ahá fɛɛ bɛdalɩ ba Yesu wá. Brɛá bowun mʋ a, bokokóli mʋ bɛɛ, ↄdálɩ amʋ ↄsʋlʋsʋ.

Tsukʋlɛ Osínpʋ Tsa (Marko 2:1‑12; Luka 5:17‑26)

9 1 Mʋ sʋ Yesu léyinkí wíé ↄklʋntↄ, fá ↄpʋ amʋ yↄ wúlu amʋʋ otsie mʋtↄ ámʋsʋ e. 2 Ɩnʋ á, akʋ bↄsʋrá tsukʋlɛ

osínpʋ akpasʋ ba mʋ. Brɛá Yesu lówun ánɩ bahↄ mʋ gyi a, ↄlɛbláa tsukʋlɛ osínpʋ amʋ ↄbɛɛ, “Mɩ bí, klʋn ɩdɩ fʋ asɩ. Nasí fʋ lakpan kíé fʋ.”

3 Ɩnʋ Mose *mbla asunápʋ akʋá bʋtsie ɩnʋ, bɛblɩ wá nwuntↄ bɛɛ, “Oyin ánfɩ labↄ mbusuo.”

4 Yesu lɛbɩ amʋ agywɩɩn. Mʋ sʋ ↄlɛfɩtɛ amʋ ↄbɛɛ, “Ntogyi sʋ mlɩdɛ ɩnɩ odu gywɩɩn? 5 Mↄmʋ bↄwa ablɩlɛ dʋn? ‘Nasí fʋ lakpan kíé fʋ.’ ntɛɛ ‘Kʋsʋ tsu fʋ akpa afʋnatɩ?’ 6 Támɛ ndekléá mlɩbɩɩ ánɩ mɩ, Nyankpʋsa‑Mʋ‑Bi ánfɩ mbʋ túmi ↄyɩ ánfɩtↄ sí ahá lakpan kíé amʋ.” Ɩnʋ ↄlɛbláa tsukʋlɛ osínpʋ amʋ ↄbɛɛ, “Ndɛ fʋ bláa mbɛɛ, kʋsʋ. Tsu fʋ akpa afʋnatɩ yↄ wóyítↄ!”

7 Ɩnʋ ↄlↄkʋsʋ nátɩ yↄ wóyítↄ. 8 Ɩnɩ lↄwa amʋ fɛɛ wánwan, bɛkanfʋ Bulu ánɩ alapʋ túmiá igyi alɩ há anyánkpʋsa.

Mateo 8 , 9


20

Mateo Tɩ (Marko 2:13‑17; Luka 5:27‑32)

9 Brɛá Yesu lↄpʋ ↄyↄ á, olowun *lampóo ↄhↄpʋ ↄkʋá bʋtɛtɩ mʋ Mateo tsie lampóo ↄhↄkpa. Mʋʋ ↄlɛbláa mʋ ↄbɛɛ, “Bobuo mɩ.”

Ɩnʋnʋ Mateo lↄkʋsʋ buo mʋ.10 Mateo lɛtɩ Yesu mʋa mʋ akasɩpʋ atↄ ogyíkpá mʋ wóyítↄ.

Lampóo ahↄpʋ pʋ lakpan abwɛpʋ tsↄtsↄↄtsↄ bɛba atↄ ámʋ ogyíkpá. 11 *Farisifↄ ámʋ benya wun amʋ alɩ, bɛfɩtɛ mʋ akasɩpʋ amʋ bɛɛ, “Ntogyi sʋ mlɩ osunápʋ mʋa ahá ánfɩ odu bʋtↄwá ɩbɩ gyi atↄ?”

12 Yesu lónu asʋn ánfɩ, ↄlɛbláa amʋ ↄbɛɛ, “Alↄpʋ léhián ɩlↄ ↄtsapʋ, megyí ahá ánɩ ɩwɩ bʋ amʋ ↄnlɩn. 13 Mlɩyↄ amlɩyɛfɩtɛ Bulu asʋn ánfɩ bↄwanlɩn tswɩ anfɩ asɩ. Bɛɛ, ‘Nwewúun ntekle, megyí igyíha.’ Mmɛba aha wankláán ↄtɩkpá, lakpan abwɛpʋ ↄtɩkpá nɛba.”

Ɔnↄklɩ Ɩwɩ Asʋn Fɩtɛhɛ (Marko 2:18‑22; Luka 5:33‑39)

14 Ɛkɛ ↄkʋ Asú Ɔbↄpʋ Yohane akasɩpʋ bɛba Yesu wá bɛfɩtɛ mʋ bɛɛ, “Ntogyi sʋ anɩa Farisifↄ *anɩtɛklɩ ↄnↄ, támɛ fʋ akasɩpʋ mʋ bʋtamaklɩ ↄnↄ?”

15 Yesu lɛlɛ mʋ ↄnↄ ↄbɛɛ, “Ɔtsɩ ↄkpaɩnpʋ anyawíeá bʋbʋ mʋ wá bégyi awɩrɛhↄ? Ɛkɛkɛɛkɛ! Támɛ ɛkɛ kʋ bɛba ánɩ bɛkpa ↄká otsiápʋ amʋ nátɩ sí amʋ. Alɩ nkɛ ámʋtↄ bɛklɩ ↄnↄ nɩ.”

16 “Ɔhaa tamapʋ tati pↄpwɛ tan tati dada. Tsúfɛ tati pↄpwɛ amʋ bɛkpɩkpɩɩ tsií dáda amʋ kʋ lɛ, há ↄtánkpa ɩnʋ bɛlatɛɩ tsɩa. 17 Alɩ kɛn bʋtamapʋ nta pↄpwɛ wá ↄwʋlʋ‑kpákpá kɛntɛ wuhɛtↄ nɩ. Nta pↄpwɛ amʋ ibófu fá kɛntɛ amʋ, tsítsá, ibéyintá kɛntɛ amʋ ɛ. Ɩnɩ sʋ ↄwʋlʋ‑kpákpá kɛntɛ pↄpwɛtↄ bʋtↄpʋ nta pↄpwɛ wá, mɛnɩ mʋ anyↄ ámʋ fɛɛ bétsiá.”

Ɔhandɛ Ɔkʋ Mʋ Bi Mʋa Ɔtsɩ Ɔkʋ Ɩlↄ Tsa (Marko 5:21‑43; Luka 8:40‑56)

18 Brɛá Yesu dɛtↄɩ á, Yudafↄ *ofíakpa ↄhandɛ ↄkʋ lɛba bɛda akpawunu mʋ ayabitↄ, kókóli mʋ ↄbɛɛ, “Mɩ bí tsɩhɛ

Mateo 9


21

Mat

lawú sésééséi, támɛ ba afʋbↄpʋ ɩbɩ dɩnka mʋsʋ onya nkpa.”

19 Mʋ sʋ Yesu lↄkʋsʋ, mʋa mʋ akasɩpʋ bobuo ↄhandɛ amʋ.20 Ɔtsɩ ↄkʋá obugya dɛ mʋ wʋlɩ nfí dúanyↄ nɩ lↄtsʋn yↄ

Yesu ↄma, pʋ ɩbɩ da mʋ tati osiebí. 21 Tsúfɛ ↄlɛblɩ wá mʋ nwuntↄ ↄbɛɛ, “Nɩ nↄpʋ ɩbɩ da mʋ tati kpán á, ɩlↄ bési mɩ.”

22 Yesu lɛdamlí kɩ mʋ, bláa mʋ ↄbɛɛ, “Mɩ bí, klʋn ɩdɩ fʋ asɩ. Fʋ hógyi latsá fʋ ɩlↄ.” Ɩnʋnʋ ↄtsɩ ámʋ ɩwɩ lↄwa mʋ ↄnlɩn.

23 Brɛá olowie ↄhandɛ amʋ wóyítↄ a, olowun ɩkpɛ afʋlɩpʋ, nú awɩrɛhↄ agyípʋ amʋ okitikíti. 24 Olegya amʋ ↄbɛɛ,

“Mlɩdalɩ nfɩ! Otsibi amʋ mↄkʋwú, dɩdɩ ↄdɛ.” Ahá ámʋ bↄmↄsɩ mʋ. 25 Brɛá amʋ fɛɛ bɛdalɩ ba wunsɩnɛsʋ a, Yesu lébitíwíé obu ámʋʋ otsibi amʋ da mʋtↄ ámʋtↄ yɛkɩtá mʋ ɩbɩ, ↄlↄkʋsʋ. 26 Asʋn ánfɩ lɛklɛɩ wá ↄmá ámʋtↄ fɛɛ.

Ansibi Abwiepʋ Ɩlↄ Tsa27 Yesu lɛdalɩ ↄyↄ á, ansibi abwiepʋ abanyↄ akʋ bobuo

mʋ, bʋdɛ okitikíti sʋrá kpólí mʋ bɛɛ, “Owíe *Dawid mʋ na, wun anɩ nwɛ!”

28 Brɛá olowie wóyítↄ a, ansibi abwiepʋ ámʋ bɛba mʋ wá. Yesu lɛfɩtɛ amʋ ↄbɛɛ, “Mlɩlahogyi mlɩaa, nɛtalɩ há mlɩ ansíbi bóbwií?”

Bɛlɛ mʋ ↄnↄ bɛɛ, “Anɩ Wíé, Ee!”29 Mʋʋ ↄlↄpʋ ɩbɩ dada amʋ ansíbi, bláa amʋ ↄbɛɛ, “Ɩbá

mʋtↄ ha mlɩ, mlɩ hógyi ↄnↄ.” 30 Ɩnʋ bↄwa atↄ wun bɩ. Yesu lɛda amʋ ↄlá ↄbɛɛ, bʋmábláa ↄhaa.

31 Támɛ brɛá bɛdalɩ bↄyↄ á, bɛda mʋ ↄkan ↄmá ámʋ fɛɛtↄ.

Omúmu Ɩlↄ Tsa32 Benya nátɩ alɩ, bↄpʋ oyin ↄkʋá *ↄŋɛ laláhɛ bʋ mʋtↄ,

sʋ alatↄ omúmu ba Yesu. 33 Olenya gya ↄŋɛ laláhɛ amʋ lɛ oyin ámʋtↄ alɩ, ↄlↄwa tↄɩ bɩ. Ahá ámʋ fɛɛ bowun, sʋ ↄnↄ lobwie amʋ. Mʋ sʋ bɛblɩ bɛɛ, “Anɩmↄkʋwun ɩnɩ odu Israelfↄtↄ kɩ!”

34 Farisifↄ ámʋ bɛblɩ bɛɛ, “Ɔŋɛ laláhɛ owíe túmi ↄdɛpʋgya ↄŋɛ laláhɛ lɛ ahátↄ.”

Mateo 9


22

Ahá Nwewúun35 Yesu léki awúlu pʋ nkuda fɛɛ asɩ, súná atↄ Yudafↄ

ofíakpa. Ɔlɛda Bulu iwíegyí ámʋ ɩwɩ *asʋn wankláán ↄkan. Ɔlɛtsa ɩlↄ kugyíkʋ fɛɛ. 36 Brɛá olowun ↄdↄm amʋ a, amʋ asʋn lↄwa mʋ nwɛ. Bʋgyi fɛ akúfa ánɩ bʋma ↄkpapʋ, tsúfɛ asʋn dɛ amʋ háan, bʋma tↄtↄ bwɛtↄ. 37 Mʋ sʋ ↄlɛbláa mʋ akasɩpʋ ↄbɛɛ, “Atↄ kpↄtɩhɛ amʋ ɩtsↄ, támɛ mʋ akpↄtɩpʋ bʋmↄtsↄ. 38 Mʋ sʋ mlɩkokoli ndↄ mʋ wie, ↄwa atↄ akpↄtɩpʋ tsↄtsↄ abʋba bↄkpↄtɩ atↄ ámʋ.”

Akasɩpʋ Amʋ Adá (Marko 3:13‑19; Luka 6:12‑16, 9:1‑6)

10 1 Yesu lɛtɩ mʋ *akasɩpʋ dúanyↄ ámʋ, ↄlɛha amʋ túmi ánɩ bʋgyíi ↄŋɛ laláhɛsʋ. Bʋgyáa amʋ lɛ ahátↄ, abʋtsa

ɩlↄ mʋa ɩwɩↄsɩn kugyíkʋ. 2 *Sumbí ayↄpʋ dúanyↄ ámʋ adá nɩ: Ogyankpapʋ gyí Simon ánɩ bʋtɛtɩ mʋ Petro mʋa mʋ pio Andrea. Yakobo mʋa mʋ pio Yohane ánɩ bʋgyi Sebedeo abí; 3 Filipo, Bartolomeo, Toma, *lampóo ↄhↄpʋ Mateo, Alfeo mʋ bi Yakobo, Tadeo, 4 Simon ánɩ ogyi ɩwɩsʋtsiá adunkápʋ ↄpasuatↄ ↄha pʋ Yuda Iskariot ánɩ ↄlɛlɛ Yesu há.

Akasɩpʋ Dúanyↄ Ámʋ Sumbíwa (Marko 6:7‑13; Luka 9:1‑6)

5 Ɔlↄwa *sumbí ayↄpʋ dúanyↄ ámʋ sɩsɩ, wá mbla há amʋ ↄbɛɛ, “Mlɩmáyↄ ahá ánɩ bʋmegyí *Yudafↄ ↄsʋlʋʋ pʋ *Samariafↄ awúlu kʋkʋsʋ. 6 Mboún mlɩyↄ Israelfↄ wá. Bʋgyi fɛ akúfa ánɩ bafwɩ. 7 Nɩ mlↄyↄ á, mlɩda asʋn ámʋ ↄkan mlɩaa, ‘Bulu iwíegyí amʋ lawíé wóyí tá.’ 8 Mlɩtsa ɩlↄ, amlɩtsinki afúli. Mlɩtsa *ɩlↄ pɛpɛ alↄpʋ, amlɩgya ↄŋɛ laláhɛ lɛ ahátↄ. Mlɩmáhↄ amʋ tↄtↄ. Mlɩbwɛ mʋ pʋkie amʋ, fɛ alɩá napʋkíé mlɩ. 9 Mlɩmátsu sika kʋkʋʋkʋ wá mlɩ akɛntɛtↄ. 10 Mlɩmátsu akpankogyo ánɩ mlↄpʋ atↄ wá mʋtↄ há ↄkpa ámʋ tu. Mlɩmátsu atadɩɛ nyↄↄsɩ, ntʋkʋta pʋ oyi yiáhɛ. Tsúfɛ agyʋmá ↄyↄpʋ bʋtɛhá atogyihɛ.

11 “Nɩ mlↄyↄswɩɩ wúlu kugyíkʋsʋ á, mlɩdunka ↄha wankláán, amlɩswɩɩ mʋ wá. Mlɩtsia ɩnʋ kpɛfʋn ɛkɛá mlɛnatɩ.

Mateo 9 , 10


23

Mat

12‑13 Nɩ mlowíé wóyítↄ ɩnʋ á, mlɩha amʋ itsiá mlɩaa, ‘Bulu ↄhá mlɩ iwilwii.’ Nɩ wóyí ámʋtↄfↄ bↄhↄ mlɩ á, mlɩ oyúla amʋ isín amʋsʋ. Támɛ nɩ bʋmↄhↄ mlɩ á, mʋmʋ mlɩ oyúla amʋ ɩsánki ba mlɩsʋ. 14 Nɩ bʋmↄhↄ mlɩ, ntɛɛ nú mlɩ asʋn á, mlɩdalɩ wóyí ntɛɛ wúlu amʋtↄ, amlɩkpakpa mlɩ ayabitↄ‑ɩsɩ wʋlɩ ɩnʋ. 15 Ɔnↄkwalɩ ndɛ mlɩ bláa mbɛɛ, Bulu ↄbɛbɩtɩ amʋ ɩsʋ dʋn Sodom mʋa Gomorafↄ mʋ asʋn ogyíkɛ amʋ.”

Ɩwɩↄsɩn Ánɩ Ɩbɛba Sumbí Ayↄpʋ Ámʋsʋ (Marko 13:9‑13; Luka 21:12‑17)

16 Ɔlɛtrá bláa amʋ ↄbɛɛ, “Mlɩbɩ ánɩ ndɛ mlɩ wa fɛ akúfa ánɩ bↄyↄ nkpatakutↄ. Mlɩfwifwi ansɩ fɛ awↄ, amlɩha mlɩ ɩwɩ ɩtɩn fɛ abrↄdʋma. 17 Mlɩkɩ mlɩ ɩwɩ wankláán anyánkpʋsasʋ. Tsúfɛ bɛkɩtá mlɩ ya asʋn ogyíkpá, nwɛn mlɩ atↄ amʋ *ofíakpa. 18 Mɩ sʋ bɛkpa mlɩ ya ↄmásʋ agyípʋ pʋ awíe ansɩtↄ, mɛnɩ mlégyi mɩ ɩwɩ adánsɩɛ súná amʋa ↄmátↄfↄ. 19 Nɩ bɛkɩtá mlɩ ya a, mlɩmágywɩɩn asʋn ánɩ mlɛblɩ pʋ alɩá mlɛlɛ mʋ ↄnↄ. Bↄpʋ asʋn ánɩ mlɛblɩ brɛ ámʋtↄ wá mlɩ ↄnↄ. 20 Tsúfɛ megyí mlɩ ↄbↄtↄɩ. Mlɩ Sɩ Ɔŋɛ ámʋ ↄbↄtↄɩ tsʋn mlɩsʋ.

21 “Apíó bɛlɛ amʋ apíó há lowu. Abí asɩ bɛlɛ amʋ abí há. Abí ɛ bↄkʋsʋ lɩɩ amʋ akwɩɩpʋsʋ, há bↄmↄ amʋ. 22 Mɩ sʋ ahá fɛɛ bólu mlɩ, támɛ nɩ mlɛtalɩ wá klʋn lɩɩ kínkíínkín yↄfʋn mʋ ↄnↄmↄ á, Bulu ↄbↄhↄ mlɩ nkpa. 23 Nɩ bʋdɩn mlɩsʋ wúlu kʋtↄ á, mlɩsrɩ yↄ wúlu bámbátↄ. Ɔnↄkwalɩ ndɛ mlɩ bláa. Mlɩméeki Israel awúlu amʋ fɛɛsʋ tá asa mɩ, Nyankpʋsa‑Mʋ‑Bi ánfɩ néyinkí ba.

24 “Okasɩpʋ tamadʋn mʋ osunápʋ. Osúmpʋ ɛ tamadʋn mʋ wie. 25 Ɩbↄwa alɛ nɩ ↄkasɩpʋ ↄbↄbwɛ fɛ mʋ osunápʋ, osúmpʋ ɛ ↄbↄbwɛ fɛ mʋ wie. Nɩ batálɩ bʋdɛ wóyí mʋ wie amʋ tɩ bɛɛ, ‘Ɔbʋnsám’ ntɛɛ ‘*Beelsebul’ a, mʋmʋ ɩda laláhɛ mↄmʋ bʋmↄↄpʋtɩ mʋ wóyítↄ atsiápʋ mʋ?

Ɔhá Ánɩ Abénya Ifú (Luka 12:2‑7)

26 “Támɛ mlɩmánya ifú. Tↄtↄ má ɩnʋá babun atↄ mʋsʋ ánɩ bʋmóobwií mʋsʋ. Tógyítↄ ɛ ma ɩnʋá ileŋaín ánɩ ɩmɛɛlɩn

Mateo 10


24

ↄwan. 27 Nɩ nɛlɛ atↄ súná mlɩ onyé á, mlɩkplʋn blɩ mʋ ↄpa. Mlɩda asʋn ánɩ nɛbláa mlɩ nklobítↄ ɛ ↄkan. 28 Mlɩmánya nyankpʋsa ifú. Ɔbɛtalɩ mↄ mlɩ ↄyʋlʋʋ, támɛ ↄmɛɛtalɩ mↄ mlɩ ↄkláa. Mboún ↄhá ánɩ mlɩnyá ifú gyí Bulu. Mʋ ↄbɛtalɩ yíntá ↄyʋlʋʋ mʋa ↄkláa amʋ fɛɛ ɩsʋbɩtɩ ogyá ánɩ ɩtamaduntↄ. 29 Megyí káplɛ bʋtɛfɛ akénsire anyↄ kɛkɛ? Támɛ amʋtↄ ↄkʋkʋ tamakpádá ↄsʋlʋtↄ ánɩ mlɩ Sɩ ámʋ méyín mʋ ɩwɩ. 30 Tsúfɛ Bulu yin mlɩ nwunsʋ‑imi kʋráá klátↄ. 31 Mʋ sʋ mlɩmánya ifú, tsúfɛ mlɩbʋ ibíá dʋn akénsire tsↄtsↄↄtsↄ.”

Adánsɩɛgyí Pʋ Asʋnkiná (Luka 12:8‑9)

32 “Nɩ ↄkʋ lɛtalɩ gyi mɩ ɩwɩ adánsɩɛ ahátↄ á, mɩ ɛ négyi mʋ ɩwɩ adánsɩɛ súná mɩ Sɩ ↄsʋsʋ. 33 Támɛ nɩ ↄkʋ lékiná mɩ ahátↄ á, mɩ ɛ nékiná mʋ mɩ Sɩ ansɩtↄ ↄsʋsʋ.

Ipian Yesu Lↄpʋba, Megyí Iwilwii (Luka 12:51‑53; 14:26‑27)

34 “Ɩmábwɛ mlɩ fɛ iwilwii nↄpʋba ↄsʋlʋʋ anfɩsʋ. Megyí iwilwii, mboún ↄdayí ɩya anyↄ nↄpʋba. 35 Tsúfɛ abi yinhɛ mʋa amʋ asɩ nsɩnɛ béyintá. Abi tsɩhɛ mʋa amʋ ayín ɛ nsɩnɛ béyintá. Osia tsɩhɛ mʋa mʋ sia tsɩhɛnyↄ ɛ nsɩnɛ béyintá. 36 Ɔha alupʋ bótsu mʋ wóyítↄ.

37 “Ɔhá ánɩ ↄtↄdwɛ mʋ sɩ ntɛɛ mʋ yin dʋn mɩ mↄfʋn ánɩ ↄbↄbwɛ mɩ ↄkasɩpʋ. Ɔhá ánɩ ↄtↄdwɛ mʋ bi tsɩhɛ, ntɛɛ mʋ bi yínhɛ dʋn mɩ ɛ mↄfʋn ánɩ ↄbↄbwɛ mɩ ↄkasɩpʋ. 38 Ɔhá ánɩ omotsu mʋ *oyikpalíhɛ bobuo mɩ ɛ mↄfʋn ánɩ ↄbↄbwɛ mɩ ↄkasɩpʋ. 39 Nɩ ↄkʋ lɛprɩ mʋ nkpa á, ↄbↄhʋlɩɩ mʋ. Nɩ ↄkʋ ɛ lↄhʋlɩɩ mʋ nkpa mɩ sʋ á, obénya mʋ.

Yilébwɛ Ɩwɩ Ɩkↄká (Marko 9:41)

40 “Ɔhá ánɩ ↄlↄhↄ mlɩ lahↄ mɩ. Nɩ ↄkʋ lↄhↄ mɩ ɛ á, alahↄ mɩ Sɩ ámʋʋ ↄlↄwa mɩ ámʋ. 41 Nɩ fↄhↄ *Bulu ↄnↄsʋ ↄtↄɩpʋ ↄfↄↄ á, Bulu ↄnↄsʋ ↄtↄɩpʋ oyúla fénya. Ɔhá ánɩ ↄlↄhↄ yilé ↄbwɛpʋ ɛ ↄfↄↄ obénya yilé ↄbwɛpʋ oyúla. 42 Ɔnↄkwalɩ ndɛ mlɩ bláa.

Mateo 10


25

Mat

Ɔhagyíↄha ánɩ ↄlɛha mɩ *akasɩpʋtↄ ↄkʋsʋ kʋráá ntsu‑owebi ↄbↄ olonu a, ↄmↄↄhʋlɩɩ mʋ ɩpán.”

Yesu Mʋa Asú Ɔbↄpʋ Yohane (Luka 7:18‑35)

11 1 Brɛá Yesu lↄpʋ agyʋmá ánfɩ wá mʋ akasɩpʋ dúanyↄ ámʋ ɩbɩtↄ tá á, ↄlↄyↄ yéki Galilea awúlusʋ, súná ahá

atↄ, dá asʋn ámʋ ɛ ↄkan.2‑3 Asú Ɔbↄpʋ Yohane da obu, olonu *Kristo bwɛhɛ. Mʋ sʋ

ↄlↄwa mʋ akasɩpʋ abanyↄ sɩsɩ Yesu ↄbɛɛ, bʋyɛfɩtɛ mʋ bɛɛ, “Fʋgyí ↄhá ámʋʋ ↄbɛba amʋ nɩ, ntɛɛ akɩɩ ↄha bambá ↄkpa?”

4 Yesu lɛbláa amʋ ↄbɛɛ, “Mlɩyinki yɛbláa Yohane asʋn ánɩ mlɩlabonu pʋ atↄá mlɩlabowun. 5 Mlɩlabowun ánɩ ansibi abwiepʋ bʋdɛ atↄ wun, abↄ bʋna. *Ɩlↄ pɛpɛ alↄpʋ ɩwɩ dɛplɩɩ. Ɩsʋ atínpʋ bʋdɛ asʋn nu. Afúli bʋdetsinkí, ahiánfↄ ɛ bʋdɛ

*asʋn wankláán ámʋ nu. 6 Bulu obóyulá ↄhá ánɩ mɩ bwɛhɛ mↄkʋsʋ lɩɩ mʋsʋ.”

7 Brɛá Yohane akasɩpʋ ámʋ beyinkí bↄyↄ á, Yesu lↄwa tↄɩ tsú Yohane ɩwɩ súná ↄdↄm amʋ bɩ. Ɔbɛɛ, “Brɛá mlɩlɛdalɩ yↄ *dimbísʋ ɩnʋ á, ntↄ ↄkɩkpa mlɩlↄyↄ? Fɩtáa ánɩ afú dɛ mʋ tsʋʋn lóó? Ɛkɛkɛɛkɛ! 8 Nɩ megyí mʋ á, ntↄ kóún ↄkɩkpa mlɩlↄyↄ? Ɔhá ánɩ ↄdɩdɩ ntsrim? Ɛkɛkɛɛkɛ! Awíe wóyí atati ámʋ odu adɩdápʋ bʋtetsíá. 9 Mlɩbla mɩ! Bulu ↄnↄsʋ ↄtↄɩpʋ mlɩlɛdalɩ yɛkɩ? Ee, Yohane nɩ. Ɔdʋn Bulu ↄnↄsʋ ↄtↄɩpʋ. 10 Mʋ ɩwɩ asʋn Bulu lɛblɩ bↄwanlɩn mʋ tswɩ bɛɛ, ‘Kɩ, ndɛ obí wa gya fʋ nkpá. Mʋ ↄbɛla ↄkpa há fʋ nɩ.’ 11 Ɔnↄkwalɩ ndɛ mlɩ bláa mbɛɛ, ↄhagyíↄha ánɩ ↄha tsɩhɛ lakɛn kwɩɩ mↄfʋn Asú Ɔbↄpʋ Yohane, támɛ mʋ ɛ ↄmↄfʋn Bulu iwíegyí ámʋtↄ ↄkʋsʋ kʋráá. 12 Tsú Yohane brɛsʋ bↄtʋ ndɛ á, ahá bʋdɛ Bulu iwíegyí ámʋ prɩɩ ↄwʋnlɩnsʋ. Awʋnlɩnpʋ bʋdɛ mʋ prɩɩ. 13 Tsúfɛ Bulu ↄnↄsʋ atↄɩpʋ amʋ pʋ Mose Mbla ámʋ bↄfʋn Yohanesʋ fɛɛ bↄtↄɩ tsú Bulu iwíegyí ámʋ ɩwɩ. 14 Nɩ mlↄhↄ asʋn ámʋ gyi a, mʋmʋ mlɛbɩ ánɩ mʋgyí *Elia. Mʋ ↄbɛba nɩ. 15 Ɔhá ánɩ ↄbʋ asʋ onúu.

16 “Séi ánfɩ á, amɛndɩ nↄpʋ ndɛmba‑abí ánfɩ kápʋ? Bʋgyi fɛ nyebíá bʋtsie dɩnsʋ bʋdɛ aba kpolí, 17 blɩ bɛɛ, ‘Anɩlapléí

Mateo 10 , 11


26

ansigyísʋ, mlɩmɛtsa. Mʋ sʋ anɩlalá wá awɩrɛhↄ ɩlʋ, támɛ mlɩmósu.’ 18 Mlɩgyí fɛ nyebí ánfɩ, tsúfɛ Yohane lɛba á, oletsiá klɩ ↄnↄ, omonu ntá, támɛ mlɩaa, ‘Ɔŋɛ laláhɛ bʋ mʋtↄ!’ 19 Támɛ mɩ, Nyankpʋsa‑Mʋ‑Bi ánfɩ mʋ naba ndɛ atↄ gyí, ndɛ ntá núu. Mʋ ɛ mlɩaa, ‘Mlɩkɩ opotsuapʋ pʋ nta ↄbʋpʋ, lakpan abwɛpʋ pʋ *lampóo ahↄpʋ onyawíe.’ Támɛ Bulu ↄha tsiátↄ tɛlɛ mʋ nyánsa ↄwan.”

Ahá Ánɩ Bʋmɛdamlí Klʋntↄ Asʋngyí (Luka 10:13‑15)

20 Yesu lↄpʋ ↄblↄ tↄɩ tsú awúlu akʋ ɩwɩ. Awúlu amʋá ↄlↄbwɛ ofúla akpↄnkpↄntɩ mʋtↄ, támɛ bʋmɛdamlí klʋntↄ ámʋ. 21 Ɔbɛɛ, “Korasinfↄ, mlɩgyↄwɩ. Betsaidafↄ, mlɩgyↄwɩ nɩ. Nɩ Tiro pʋ Sidon awúlu laláhɛ amʋtↄ nↄbwɛ ofúla akpↄnkpↄntɩ ánfɩ nↄbwɛ mlɩtↄ á, tɛkɩ bɛdamlí klʋntↄ dodoodo. Tɛkɩ bʋda akpekpetↄ, bakpá nsúó wá nwuntↄ pʋsúná ánɩ badámlí klʋntↄ. 22 Mlɩbɩ ánɩ Bulu ↄbɛbɩtɩ mlɩ ɩsʋ mʋ asʋn ogyíkɛ dʋn Tiro mʋa Sidonfↄ. 23 Mlɩ Kapernaumfↄ, mlɩdéklé mlɩaa mlótsu ɩwɩ fʋá alɩɩ yↄwↄ ↄsʋsʋ? Ɛkɛkɛɛkɛ! Bulu ↄbɛba mlɩ asɩ yówie afúlitↄ. Tsúfɛ nɩ Sodom wúlutↄ nↄbwɛ ofúla akpↄnkpↄntɩ ánfɩ odu á, tɛkɩ wúlu amʋ ɩtráa bʋ ɩnʋ bↄtʋ ndɛ. 24 Mlɩkaɩn ánɩ Bulu obówun Sodomfↄ nwɛ asʋn ogyíkɛ amʋ dʋn mlɩ.”

Mlɩbɛda Ɔkpʋnʋ Mɩ Wá (Luka 10:21‑22)

25 Alɩ brɛ ámʋtↄ á, Yesu lↄbↄ mpáɩ blɩ ↄbɛɛ, “Mɩ Sɩ, ↄsʋ mʋa asɩ Owíé! Nɛdá fʋ ɩpán ánɩ falɛ tↄá fↄpʋŋáín anyansapʋ pʋ asʋn abɩpʋ ↄwan súná ahá ánɩ bʋmeyín ↄlala, bʋgyi fɛ nyebí. 26 Ee, Mɩ Sɩ! Alɩ fʋdeklé fɛɛ ɩbá mʋtↄ nɩ.”

27 “Mɩ Sɩ lↄpʋ tógyítↄ wá mɩ ɩbɩtↄ. Ɔhaa méyín Obí ámʋ, nkɛtɩ Ɔsɩ ámʋ nkʋlɛ. Ɔhaa méyín Ɔsɩ ámʋ ɛ, nkɛtɩ Obí ámʋ pʋ ↄhá ánɩ Obí ámʋ latsúlá ánɩ ↄbɛlɛ mʋ súná mʋ.”

28 “Mlɩba mɩ wá, mlɩ ahá ánɩ ɩlapíán mlɩ, mlɩ atↄ sʋráhɛ dɛ mlɩ dʋʋn. Nɛha mlɛda ↄkpʋnʋ. 29 Mlɩba ɩwɩasɩ ha mɩ, amlɩsuan mɩ, tsúfɛ nɛba ɩwɩasɩ, nolwií, mɛnɩ mlénya iwilwii.

Mateo 11


27

Mat

30 Tsúfɛ mɩ wá tsiá bʋ atsiálɛ. Mɩ atↄ sʋráhɛ ɛ mↄↄdʋn mlɩ sʋrá.”

Ɔkpʋnʋ Ɔdakɛ Mʋ Wie (Marko 2:23‑28; Luka 6:1‑5)

12 1 Yesu mʋa mʋ akasɩpʋ bↄtsʋn ayó ndↄ kʋtↄ *ↄkpʋnʋ ↄdakɛ. Akʋn dɛ akasɩpʋ amʋ, sʋ bↄpʋsáa ayó ámʋ

kʋ wɩ. 2 Farisifↄ akʋ bowun amʋ, bɛbláa Yesu bɛɛ, “Kɩ, fʋ akasɩpʋ amʋ bʋdɛ tↄá mbla mɛha ↄkpa bwɛ ↄkpʋnʋ ↄdakɛ!”

3 Yesu lɛfɩtɛ amʋ ↄbɛɛ, “Mlɩmↄkʋkla nu tↄá Owíe *Dawid lↄbwɛ brɛá akʋn dɛ mʋa mʋ abúopʋ kɩ? 4 Olebitíwíé Bulu osúmkpa yótsu bodobodoá bapʋhá Bulu igyí ba, mʋa mʋ abúopʋ amʋ begyi. Bulu igyí ahapʋ nkʋlɛ bɛha ↄkpa, bʋtegyi alɩ bodobodo amʋ. 5 Mlɩlakla Mose Mbla, nú ánɩ Bulu igyí ahapʋ ámʋ bʋtↄyↄ agyʋmá *Bulu ↄtswɛkpa ɩnʋ ↄkpʋnʋ ↄdakɛ, támɛ bʋtamahá amʋ ɩpↄn. 6 Ndɛ mlɩ bláa mbɛɛ, ↄhá ánɩ ↄdʋn Bulu ↄtswɛkpa amʋ bʋʋ nfɩ á. 7 Bulu asʋn lɛblɩ ↄbɛɛ, ‘Nwewúun ntekle, megyí igyíha.’ Nɩ mlɩyin mʋ asɩ á, tɛkɩ mlɩmɛɛha ahá ánfɩ amʋ asʋn da ↄkpa ánfɩ ɩpↄn. 8 Tsúfɛ mɩ, Nyankpʋsa‑Mʋ‑Bi ánfɩ gyí ↄkpʋnʋ ↄdakɛ mʋ wie nɩ.”

Ɩlↄtsa Ɔkpʋnʋ Ɔdakɛ (Marko 3:1‑6; Luka 6:6‑11)

9 Yesu lɛnatɩ ɩnʋ, ↄlↄyↄ Yudafↄ ofíakpa. 10 Olowun oyin ↄkʋá mʋ ɩbɩ kʋlɛ lawú ɩnʋ. Farisifↄ ámʋ bʋdɛ Yesu tɛɛ. Mʋ sʋ bɛfɩtɛ mʋ bɛɛ, “Mbla lɛha ↄkpa ánɩ bʋtsáa ɩlↄ *ↄkpʋnʋ ↄdakɛ?”

11 Mʋʋ Yesu lɛfɩtɛ amʋ ↄbɛɛ, “Nɩ mlɩtↄ ↄkʋ bʋ kufa, alakpádá wíé ibúntↄ ↄkpʋnʋ ↄdakɛ á, ↄmɛɛlɛ mʋ? 12 Yɛɛ nyankpʋsa bʋ labi dʋn kufa a? Mʋ sʋ mbla lɛha ↄkpa ánɩ ↄha ↄbↄbwɛ yilé ↄkpʋnʋ ↄdakɛ.” 13 Mʋʋ ↄlɛbláa oyin ámʋʋ mʋ ɩbɩ lawú ámʋ ↄbɛɛ, “Tɩnkɩ fʋ ɩbɩ amʋ.”

Olenya tɩnkɩ mʋ alɩ pɛ, ↄŋɛ lowie mʋtↄ fɛ nyↄↄsɩ amʋ. 14 Támɛ mʋ ó á, Farisifↄ ámʋ bɛdalɩ yɛkɩtá agywɩɩn alɩá bↄbwɛ bↄmↄ Yesu.

Mateo 11 , 12


28

Osúmbi Ánɩ Bulu Lɛlɛ15 Yesu lɛbɩ amʋ agywɩɩn. Mʋ sʋ ↄlɛnatɩ ɩnʋ. Ɔdↄm bobuo

mʋ, ↄlɛtsa amʋtↄ alↄpʋ fɛɛ ɩlↄ. 16 Mʋʋ ↄlɛda amʋ ↄlá ↄbɛɛ, bʋmáha ahá abʋbɩ mʋ. 17 Ɩnɩ lɛha asʋn ámʋʋ Bulu ↄnↄsʋ ↄtↄɩpʋ *Yesaia lɛblɩ yáɩ ámʋ lɛba mʋtↄ nɩ. 18 Ɔbɛɛ,

“Kɩ, mɩ osúmpʋá nalɛ nɩ.Ntↄdwɛ mʋ, mɩ ansɩ tegyi mʋ ɩwɩ.

Nↄpʋ mɩ Ɔŋɛ Wankɩhɛ wá mʋtↄ.Ɔbɛbláa ↄmátↄfↄ ↄbɛɛ, ‘négyi amʋ asʋn

ↄnↄkwalɩsʋ.’ 19 Oméegyi nwɛɛn, ↄmↄↄkplʋn.

Ɔhaa móonu mʋ ↄnↄ brↄnʋsʋ. 20 Obénya klʋn há ahá ánɩ amʋ hógyi ↄnↄ ma ↄnlɩn,

bábwɛ fɛ oyíá ɩlatá bia tá.Ɔbↄwa awɩtↄlɛ há ahá ánɩ bʋma ↄwʋnlɩn,

bábwɛ fɛ ↄkandɩɛá nfↄ latá mʋtↄ,yↄfʋn brɛá bɛbɩ ánɩ ntegyi asʋn ↄnↄkwalɩsʋ.

21 Ahá ánɩ bʋmegyí Yudafↄ bↄpʋ ansɩ dɩnká mʋsʋ.”

Yesu Mʋa Beelsebul (Marko 3:20‑30; Luka 11:14‑23)

22 Ɩnʋ bↄpʋ oyin ↄkʋ ba Yesu, ↄŋɛ laláhɛ bʋ mʋtↄ. Mʋ sʋ ɩlɛha mʋ ansíbi lobwie; álatↄ omúmu ɛ. Yesu lɛtsa mʋ ɩlↄ, ↄdɛ atↄ wúun, ↄdɛtↄɩ ɛ. 23 Ɔnↄ lobwie ahá ámʋ fɛɛ, bɛfɩtɛ bɛɛ, “Megyí Dawid mʋ na ámʋ nɩ?”

24 Támɛ Farisifↄ ámʋ bonu asʋn ánfɩ á, bɛblɩ bɛɛ, “Ɔŋɛ laláhɛ owíe *Beelsebul túmi ↄdɛpʋgya ↄŋɛ laláhɛ lɛ ahátↄ.”

25 Yesu lɛbɩ amʋ agywɩɩn. Mʋ sʋ ↄlɛbláa amʋ ↄbɛɛ, “Iwíe ogyíkpá ánɩ ɩlaye anyↄ, bʋdɛ aba kↄ bɛdɩda. Alɩ kɛn wúlu ntɛɛ wóyí oduá mʋtↄ atsiápʋ bʋdɛ aba kↄ ɛ itobwíé nɩ. 26 Mʋ sʋ nɩ Ɔbʋnsám dɛ mʋ ɩwɩ gyáa a, mʋ iwíegyí bɛdɩda. 27 Nɩ Beelsebul túmi ndɛpʋgya ↄŋɛ laláhɛ lɛ ahátↄ á, mʋmʋ ma túmi mlɩ abí ɛ bʋdɛpʋgya ↄŋɛ laláhɛ lɛ ahátↄ? Mlɩ abí ámʋ onutó obégyi mlɩ asʋn. 28 Támɛ ɩnɩá Bulu Ɔŋɛ ndɛpʋgya ↄŋɛ laláhɛ sʋ á, mlɩbɩ ánɩ Bulu iwíegyí ámʋ laba mlɩ wá dodo.”

Mateo 12


29

Mat

29 Ɔhaa mɛɛtalɩ wíé ↄwʋnlɩnpʋ wóyítↄ yↄkʋlá mʋ atↄ, nkɛtɩ alagyankpá kɩklɩ mʋ tswɩ, asa ↄbɛtalɩ kʋlá mʋ atↄ fɛɛ.

30 Ɔhá ánɩ omobuo mɩ dɛ mɩ lu. Ɔhá ánɩ ↄmɛdɛ mɩ tsa akpa ahá ba Bulu ɛ dɛ amʋ gyáa tɛɩa mɩ. 31 Ɩnɩ sʋ ndɛ mlɩ bláa mbɛɛ, Bulu obési ahá lakpan pʋ abususʋ kugyíkʋ kíé amʋ. Támɛ nɩ ↄkʋ ↄblɩ *Ɔŋɛ Wankɩhɛ amʋ ɩwɩ abususʋ a, Bulu méesikíé mʋ ɛkɛkɛɛkɛ. 32 Nɩ ↄkʋ lɛblɩ mɩ, Nyankpʋsa‑Mʋ‑Bi ánfɩ ɛ ɩwɩ asʋn laláhɛ a, Bulu ↄbɛtalɩ sikíé mʋ. Támɛ nɩ ↄkʋ lɛblɩ Ɔŋɛ Wankɩhɛ amʋ ɩwɩ asʋn laláhɛ mʋ á, Bulu méesikíé ↄhá ámʋ ndɛ ↄyɩ kɛhɛ, ntɛɛ brɛ ámʋʋ ɩbá ámʋtↄ.

Tsiátↄ Itsú Ɩklʋntↄ (Luka 6:43‑45)

33 Oyí abí bʋtↄpʋbɩ mʋ. Oyi wankláán toswíé abi wankláán. Oyi laláhɛ ɛ toswíé abi laláhɛ. 34 Mlɩ awↄ abí‑aná! Nkálɩ mlɩ aha laláhɛ mlɛtalɩ blɩ asʋn wankláán? Tsúfɛ tↄá ɩdʋn ↄha klʋn a, mʋtɛdálɩ tsu mʋ ↄnↄ. 35 Ɔha wankláán tɛblɩ asʋn wankláán tsú mʋ klʋntↄ, ↄha laláhɛ ɛ tɛblɩ asʋn laláhɛ tsú mʋ klʋntↄ.

36 Ndɛ mlɩ bláa mbɛɛ, ↄhagyíↄha ↄbɛlɛ asʋn laláhɛ kugyíkʋá ↄlɛblɩ ↄnↄ Bulu asʋn ogyíkɛ amʋ. 37 Tsúfɛ ↄha asʋn blɩhɛ Bulu ↄbↄpʋhá mʋ asʋ ntɛɛ ɩpↄn.

Bodunká Ofúla (Marko 8:11‑12; Luka 11:29‑32)

38 Mʋʋ Farisifↄ pʋ Mose mbla asunápʋ amʋ akʋ bɛbláa Yesu bɛɛ, “Osunápʋ, anɩdéklé anɩaa fʋbwɛɛ osúna kʋ suna anɩ.”

39 Ɔlɛbláa amʋ ↄbɛɛ “Mlɩ ndɛmba‑abí laláhɛ ánɩ mlɩladálɩ Bulu ↄma. Mlɩdɛ osúna dunká amlɩwun, támɛ mlɩmóowun kʋkʋʋkʋ dʋn Bulu ↄnↄsʋ ↄtↄɩpʋ *Yona osúna amʋ. 40 Alɩ ámʋʋ Yona létsiá bonsu ɩwɩtↄ nkɛnsá, ↄpa mʋa onyé ámʋ a, alɩ mɩ, Nyankpʋsa‑Mʋ‑Bi ánfɩ ɛ nétsiá ↄsʋlʋʋ ↄtↄtↄ nkɛnsá, ↄpa mʋa onyé nɩ. 41 Niniwefↄ ɛ bↄkʋsʋ Bulu asʋn ogyíkɛ amʋ, há mlɩ ndɛmba‑abí ánfɩ ɩpↄn. Tsúfɛ brɛá Yona lɛda

Mateo 12


30

f 12:47 Mʋtↄ yée 47 ɩma nwʋlʋ dada amʋ akʋtↄ.

Bulu asʋn ↄkan súná amʋ á, bɛdamlí klʋntↄ ba Bulu wá. Mlɩkɩ, ↄhá ánɩ ↄdʋn Yona onutó lɩɩ nfɩ á. 42 Seba owíe tsɩhɛ ↄbↄkʋsʋ lɩɩ Bulu asʋn ogyíkɛ, há mlɩ ndɛmba‑abí ánfɩ ɩpↄn. Tsúfɛ olotsu ↄsaasɩ ↄmá ɩkʋtↄ kéín gya ↄkpa ba, bonu *Salomo nyánsa atosunáhɛ. Mlɩkɩ, ↄhá ánɩ ↄdʋn Salomo lɩɩ nfɩ á.”

Ɔŋɛ Laláhɛ Yinkí Ba Ɔhatↄ (Luka 11:24‑26)

43 “Nɩ ↄŋɛ laláhɛ ɩdálɩ ↄhatↄ á, iteyéki *dimbísʋ dúnká ↄkpʋnʋ ↄdakpá, támɛ ɩtamanyá. 44 Ɩnʋ ɩtɛblɩ ánɩ ibéyinkí yↄ mʋ wóyí dadatↄ. Nɩ ɩsánkí yↄ á, itowun ánɩ bafɛɩ mʋtↄ, lá mʋtↄ wankláán, ɩda kpan. 45 Iteyínkí yɛkpa mʋ aba asienↄ ánɩ bʋtↄbwɛ lalahɛ dʋn mʋ, bʋtɛba betsiá ɩnʋ. Ɩnʋ ↄhá ámʋ tsiátↄ teyíntá dʋn alɩá igyi yáɩ. Alɩ ɩbɛba ha mlɩ ndɛmba‑abí laláhɛ anfɩ nɩ.”

Yesu Abusuanfↄ Onutó (Marko 3:31‑35; Luka 8:19‑21)

46 Brɛá Yesu trá ↄdɛ ahá ámʋ asʋn bláa a, mʋ yin mʋa mʋ apíó bɛba bɛlɩɩ kpankpá, bʋdedunká ánɩ bɛbláa mʋ asʋn. 47 Ahá ámʋtↄ ↄkʋ lɛbláa Yesu ↄbɛɛ, “Kɩ, fʋ yín mʋa fʋ apíó bʋlɩɩ kpankpá. Bʋdɛ fʋ dunká, abʋbla fʋ asʋn.” f

48 Mʋʋ Yesu lɛfɩtɛ mʋ ↄbɛɛ, “Amɛndɩ gyí mɩ yín mʋa mɩ apíó?” 49 Ɩnʋ ↄlɛtɩnkɩ ɩbɩ sɩsɩ mʋ akasɩpʋ amʋ, blɩ ↄbɛɛ,

“Mlɩkɩ, mɩ yín mʋa mɩ apíó gyí ahá ánfɩ á. 50 Ɔhagyíↄha ánɩ ↄtↄbwɛ mɩ Sɩ ámʋʋ ↄbʋ ↄsʋsʋ ámʋ apɛ á, mʋgyí mɩ yín mʋa mɩ píó nɩ.”

Atↄ‑abí Owunyápʋ Ɩwɩ Yébi (Marko 4:1‑9; Luka 8:4‑8)

13 1 Ɛkɛ ámʋ kɛn á, Yesu lɛdalɩ tsu wóyítↄ yétsiá ↄpʋ ↄnↄ. 2 Ɔdↄm kpↄnkpↄↄnkpↄntɩ bɛba befia bomlí mʋ.

Mateo 12 , 13


31

Mat

Mʋ sʋ ↄlↄdʋ wíé ↄklʋntↄ, yétsiá ↄpʋ amʋsʋ, ahá ámʋ ɛ bʋlɩɩ ↄpʋ ↄnↄ ɩnʋ. 3 Ɩnʋ olosuná amʋ atↄ tsↄtsↄↄtsↄ ayébitↄ ↄbɛɛ,

“Ɔdↄtↄpʋ ↄkʋ lↄyↄ atↄ‑abí owunyákpa. 4 Brɛá ↄdɛ mʋ wunyáa a, ɩkʋ lↄwʋlɩ ↄkpatↄ, mbubwi bɛba bↄtswɛtswɛɛ mʋ fɛɛ. 5 Ɩkʋ ɛ lↄwʋlɩ abʋtásʋ, ↄtɩnɛá ɩsɩ kpalobí dɩn. Mʋ sʋ ɩlↄwa ↄsa kwɛ, 6 támɛ brɛá owí lɛlɩn a, ɩlↄtↄ mʋ mↄ, tsúfɛ mʋ nlín mↄyↄ ↄtↄtↄ. 7 Abí ámʋ kʋ lobun awutↄ, awu ámʋ lↄbʋlá kɩtá mʋ. Mʋ sʋ ɩmɛdan. 8 Támɛ abí ámʋ kʋ ɛ lobun ↄsʋlʋʋ wankláánsʋ, ɩlↄkwɛ, dan, swie abí. Ɩkʋ lafa (100), ɩkʋ aduesie (60), ɩkʋ ɛ adʋasa (30).”

9 Yesu lↄmↄ mʋ asʋn ↄnↄ ↄbɛɛ, “Ɔha ánɩ ↄbʋ asʋ onúu!”

Tↄá Sʋá Yesu Lↄtↄɩ Ayébisʋ (Marko 4:10‑12; Luka 8:9‑10)

10 Mʋ akasɩpʋ amʋ bɛba bɛfɩtɛ mʋ bɛɛ, “Ntogyi sʋ fʋdɛ amʋ asʋn bláa ayébisʋ?”

11 Mʋʋ ↄlɛlɛ mʋ ↄnↄ ↄbɛɛ, “Mlɩ mʋ á, Bulu lahá mlɩ ↄkpa ↄbɛɛ, mlɩbɩɩ mʋ *iwíegyí ámʋ ɩwɩ asʋn ŋaínhɛ, támɛ ↄmɛha amʋ mʋ alɩ. 12 Tsúfɛ ↄhá ánɩ odekléá obónu mɩ atosunáhɛ amʋ asɩ á, Bulu ↄbↄpʋ ɩkʋ tsɩa mʋtↄ há mʋ, mɛnɩ ↄbɛtra bɩ tsɩa mʋtↄ. Támɛ ↄhá ánɩ omedékléá obónu mʋ asɩ á, Bulu ↄbↄswɩɩ mʋ kpalobí ámʋʋ alabɩ ámʋ kʋráá. 13 Tↄá sʋá ndɛ amʋ asʋn bláa ayébisʋ gyí, bʋdɛ mʋ nu, támɛ bʋmɛdɛ mʋ asɩ nu. Bʋdɛ mʋ wúun, támɛ bʋmɛdɛ mʋ bɩ. 14 Ahá ánfɩ sʋ Bulu ↄnↄsʋ ↄtↄɩpʋ *Yesaia asʋn ánɩ ↄlɛblɩ tswɩɩ laba mʋtↄ nɩ. Ɔbɛɛ,

‘Bónu lánú, támɛ bʋmóonu mʋ asɩ.Bɛkɩ lákɩ, támɛ bʋmóowun mʋ.

15 Tsúfɛ amʋ agywɩɩn lawú.Batílá asʋ, bun ansíbi ɛ.

Ɩnɩ sʋ bʋmóonu, bʋmóowun ɛ.Nɩ megyí alɩ á, tɛkɩ bówun atↄ,

bónu asʋn, amʋ agywɩɩn bóbwií,bɛdamlí ba mɩ wá, nɛtsa amʋ ɩlↄ.’

16 “Támɛ mlɩ mʋ á, Bulu layúlá mlɩ. Mlɛtalɩ pʋ ansíbi wun atↄ, pʋ asʋ nú asʋn. 17 Ɔnↄkwalɩ ndɛ mlɩ bláa. Bulu ↄnↄsʋ

Mateo 13


32

atↄɩpʋ pʋ yilé abwɛpʋ tsↄtsↄↄtsↄ bekleá bↄpʋ amʋ ansíbi wun atↄ ánfɩ, abʋpʋ amʋ asʋ nu asʋn ánfɩ mlɩdénu, támɛ bʋmenya mʋ alɩ.

Atↄ‑abí Owunyápʋ Yébi Amʋ Asɩ (Marko 4:13‑20; Luka 8:11‑15)

18 “Mlɩnu atↄ‑abí owunyápʋ yébi amʋ asɩ ngya. 19 Ahá ánɩ bonú Bulu iwíegyí ɩwɩ asʋn ámʋ, támɛ bʋmonu mʋ asɩ á, bʋgyi fɛ abí ámʋʋ ilobun ↄkpatↄ ámʋ. Ɔbʋnsám tɛba bɛlɛ asʋn ámʋʋ bodu wá amʋ klʋntↄ ámʋ nátɩ. 20 Abí ámʋʋ ɩlↄwʋlɩ abʋtásʋ amʋ gyí ahá ámʋʋ bonú asʋn ámʋ pɛ, bahↄ mʋ ansigyísʋ, 21 támɛ ɩnɩá bʋma nlín sʋ á, ɩtamatsíá amʋtↄ yↄ. Mʋ sʋ nɩ bʋdɩn amʋsʋ ntɛɛ ɩwɩↄsɩn kʋ ɩtʋ amʋ asʋn ámʋ sʋ á, ɩnʋnʋ bʋtɛdɩda. 22 Abí ámʋʋ ɩlↄwʋlɩ awutↄ ámʋ gyí ahá ámʋʋ bonú asʋn ámʋ a, bahↄ mʋ, támɛ ↄyɩ ánfɩtↄ atↄ hiánhɛ ɩwɩ gywɩɩn pʋ mʋtↄ atonyahɛ ɩwɩ ↄnsɩpɛ tegyi Bulu asʋn ámʋsʋ. Ɩnɩ sʋ bʋtamaswíé abí. 23 Abí ámʋʋ ɩlↄwʋlɩ ↄsʋlʋʋ wankláánsʋ amʋ gyí ahá ámʋʋ bʋtonú asʋn ámʋ, nú mʋ asɩ. Ɩnɩ sʋ ɩtɛhá bʋtↄbwɛ yilé fɛ alɩá atↄ‑abí ámʋ loswie, ɩkʋ lafa (100), ɩkʋ aduesie (60), ɩkʋ ɛ adʋasa (30) ámʋ.”

Atↄ‑abí Wankláán Pʋ Ɩfa Laláhɛ Ɩwɩ Yébi24 Yesu lɛtrá ha ahá ámʋ yébi kʋ ↄbɛɛ, “Bulu iwíegyí

ámʋ igyi fɛ ↄdↄtↄpʋ ↄkʋá oloyódu ayó wankláán mʋ ndↄtↄ. 25 Támɛ onyé, brɛá ahá bɛdɩ á, mʋ olupʋ lóyódu ɩfa laláhɛ ánɩ ɩlɛlɩan ayó ámʋ wá mʋtↄ, ↄlɛnatɩ. 26 Brɛá ayó ámʋ lɛdan, ɩdɛkwɩɩ á, ɩfá ámʋ ɛ lɛlɩn ↄwan mʋtↄ. 27 Ɔdↄtↄpʋ amʋ apafↄ botsu ndↄ ámʋtↄ ba bɛfɩtɛ mʋ bɛɛ, ‘Anɩ wíé, megyí ayó fodu wá fʋ ndↄ ámʋtↄ? Nkʋnʋ ɩfa laláhɛ ɛ itsú mʋtↄ?’ 28 Mʋʋ ↄlɛbláa amʋ ↄbɛɛ, ‘Mɩ olupʋ bwɛhɛ nɩ.’ Ɩnʋ bɛbláa mʋ bɛɛ, ‘Nɩ fótsulá á, ha ayetsitsíi mʋ lɛ ayó ámʋtↄ.’ 29 Ɔlɛbláa amʋ ↄbɛɛ, ‘Ó‑o! Mlɩha mʋ itsia. Nɩ mlɩdɛ mʋ tsií á, mlétsií mɩ ayó ámʋ ɛ kʋ tsítsá. 30 Mlɩsi mʋ fɛɛ ɩlɩɩ yↄfʋn mʋ tɩnbɩ. Nɩ ɩfʋn a, nɛbláa mʋ atɩnpʋ mbɛɛ, bʋgyánkpa saɩn ɩfa laláhɛ amʋ, abʋklɩ mʋ tswɩ ha mʋ ogyá wa, asa abʋtɩn ayó ámʋ yↄwa mɩ odudutↄ.’ ”

Mateo 13


33

Mat

Takyí‑akpin Ibí Yébi (Marko 4:30‑32; Luka 13:18‑19)

31 Yesu lɛtrá ha amʋ yébi ↄbɛɛ, “Bulu iwíegyí ámʋ igyi fɛ takyí‑akpin ibí, oyin ↄkʋ lódu wá mʋ ndↄtↄ. 32 Mʋgyí túkúrííbi nyí‑abí fɛɛtↄ nɩ, támɛ nɩ ɩdan a, ɩtↄbwɛ ɩfá fʋáhɛ dʋn ɩfá kugyíkʋ. Mʋ abámbi tekpíkpli, mbubwi bʋtogyónká mʋsʋ.”

Bodobodotu‑afá Yébi (Luka 13:20‑21)

33 Yesu lɛtrá ha amʋ yébi kʋ ↄbɛɛ, “Bulu iwíegyí ámʋ igyi fɛ bodobodotu‑afá ánɩ ↄtsɩ ↄkʋ lↄpʋtsɩá bodobodo nfúó kɛntɛ kʋlɛ, ɩlɛha mʋ lotu.”

Yesu Lↄtↄɩ Ayébisʋ (Marko 4:33‑34)

34 Ayébi anfɩ odu tsↄtsↄↄtsↄ oletsiá pʋbláa ↄdↄm amʋ asʋn nɩ. Ɔmɛbláa amʋ asʋn kʋkʋá imegyí ayébi ↄlↄpʋtↄɩ. 35 Ɩnɩ lɛha asʋn ámʋʋ Bulu ↄnↄsʋ ↄtↄɩpʋ ↄkʋ lɛblɩ yáɩ ámʋ lɛba mʋtↄ. Ɔbɛɛ,

“Nↄtↄɩ ayébisʋpʋlɛ asʋn ánɩ Bulu lↄpʋŋáín tsú ↄyɩ asɩtsuábɩ ↄwan.”

Ɩfa Laláhɛ Yébi Amʋ Asɩ36 Yesu lɛnatɩ ↄdↄm amʋ wá ba wóyítↄ. Mʋʋ mʋ akasɩpʋ

amʋ bↄyↄ mʋ wá yɛbláa mʋ bɛɛ, “Lɛ ndↄ ámʋtↄ ɩfa laláhɛ ɩwɩ yébi amʋ asɩ suna anɩ.”

37 Mʋʋ Yesu lɛlɛ mʋ ↄnↄ ↄbɛɛ, “Mɩ, Nyankpʋsa‑Mʋ‑Bi ánfɩ gyí atↄ‑abí wankláán odupʋ ámʋ nɩ. 38 Ndↄ ámʋ gyí ↄyɩ ánfɩ. Atↄ‑abí wankláán ámʋ gyí Bulu iwíegyí ámʋtↄ abí. Ɩfa laláhɛ amʋ gyí Ɔbʋnsám abí. 39 Olupʋ ámʋʋ olodu ɩfa laláhɛ abí ámʋ gyí Ɔbʋnsám. Atↄtɩnbɩ amʋ gyí ↄyɩ ↄnↄmↄkɛ. Atↄ atɩnpʋ amʋ ɛ gyí Bulu‑abↄpʋ.

40 “Alɩ ámʋʋ bɛsaɩn ɩfa laláhɛ amʋ, wá mʋ ogyá ámʋ a, alɩ kɛn ɩbɛba ha aha laláhɛ ↄyɩ ↄnↄmↄkɛ ámʋ nɩ. 41 Mɩ,

Mateo 13


34

Nyankpʋsa‑Mʋ‑Bi ánfɩ nↄwa mɩ abↄpʋ bɛkpa tógyítↄá ɩtɛhá ↄha tↄbwɛ lakpan pʋ lalahɛ abwɛpʋ fɛɛ lɛ mɩ iwíegyí amʋtↄ. 42 Bↄtswɩ amʋ fɛɛ wá ogyá kpↄnkpↄntɩtↄ. Ɩnʋ isú mʋa kpisíi bʋ nɩ. 43 Támɛ yilé abwɛpʋ mʋ bↄwankɩ fɛ owí amʋ Sɩ Bulu iwíe ogyíkpá ɩnʋ. Ɔhá ánɩ ↄbʋ asʋ onúu.”

Siadɩɛ Mɛntɩhɛ Ɩwɩ Yébi44 Yesu lɛtrá ha amʋ yébi kʋ ɛ ↄbɛɛ, “Bulu iwíegyí ámʋ igyi fɛ

siadɩɛ kʋá bopulá ↄsʋlʋʋ kʋsʋ. Oyin ↄkʋ lɛyɛmɛntɩ mʋ, láŋáín mʋ. Mʋ ɩwɩ ansigyí sʋ á, ↄlɛyɛfɛ mʋ atↄ fɛɛ pʋbↄhↄ ↄsʋlʋʋ amʋ.”

Abutó Wʋlɩhɛ Ɩwɩ Yébi45 Bulu iwíegyí ámʋ ɩtráa gyi fɛ ibíá ogyípʋ ↄkʋá ↄna ↄdɛ

abutó wʋlɩhɛ dunká ↄhↄ. 46 Brɛá olowun butóbi wʋlɩhɛ kʋlɛ pɛá ɩhɩɛ bʋ ibíá á, ↄlɛfɛ mʋ atↄ fɛɛ pʋyↄhↄ butóbi amʋ.

Asawu Ɩwɩ Yébi47 Bulu iwíegyí ámʋ lɛla igyi fɛ asawu ánɩ bↄtswɩ wa

ↄpʋtↄ lɛ aye ↄtsan‑ↄtsan. 48 Brɛá aye lↄbʋlá mʋ á, aye alɛpʋ ámʋ bɛbɩtɩa mʋ ba ↄpʋ ↄnↄ. Betsiá asɩ, tↄsɩ gyíhɛ amʋ wá blanwɛtↄ, tswɩ mʋá bʋtamagyi tsítsá. 49 Alɩ ɩbɛba ↄyɩ ↄnↄmↄkɛ ámʋ nɩ. Bulu‑abↄpʋ bɛba bↄtↄsɩ aha laláhɛ lɛ aha wankláántↄ. 50 Fówun batswɩ aha laláhɛ amʋ wá ogyá kpↄnkpↄntɩtↄ. Ɩnʋ isú mʋa kpisíi bʋ nɩ.

Atonyahɛ Pↄpwɛ Mʋa Dáda51 Yesu lɛfɩtɛ mʋ akasɩpʋ ↄbɛɛ, “Mlɩlanú mʋ fɛɛ asɩ?”Bɛɛ, “Ee, anɩlanú mʋ asɩ.”52 Mʋʋ ↄlɛbláa amʋ ↄbɛɛ, “Mʋmʋ mbla osunápʋ oduá

alakásɩ Bulu iwíegyí ámʋ ɩwɩ asʋn ɛ bɩ á, ogyi fɛ wóyí mʋ wie oduá ↄtɛlɛ atↄ pↄpwɛ mʋa dáda fɛɛ tsú mʋ atↄ ↄyaɩkpá.”

Bʋmↄhↄ Yesu Mʋ Wúlutↄ (Marko 6:1‑6; Luka 4:16‑30)

53 Yesu lénya mↄ mʋ ayébi amʋ ↄnↄ alɩ, ↄlɛnatɩ ɩnʋ. 54 Oleyinkí yↄ mʋ onutó wúlutↄ Nasaret, oloyósuná atↄ

Mateo 13


35

Mat

Yudafↄ ofíakpa. Mʋ atosunáhɛ lɛha ↄnↄ lobwie ahá ámʋ fɛɛ. Mʋ sʋ bɛfɩtɛ aba bɛɛ, “Nkʋnʋ olenya nyánsa mʋa ofúlabwɛ túmi ánfɩ ɛ tsú? 55 Megyí atↄ osrépʋ mʋ bi ámʋ nɩ? Megyí mʋ yin gyí *Maria, mʋ apio yinhɛ gyí Yakobo mʋa *Yosef pʋ Simon mʋa Yuda? 56 Yɛɛ anɩa mʋ apio tsɩhɛ tsie nfɩ á? Mʋʋ nkʋnʋ olenya ɩnɩ fɛɛ tsú?” 57 Ɩnɩ sʋ mʋ asʋn lↄkʋsʋ lɩɩ amʋsʋ.

Yesu lɛbláa amʋ ↄbɛɛ, “Ahá bʋtobú Bulu ↄnↄsʋ ↄtↄɩpʋ ↄtɩnɛgyíↄtɩnɛ, támɛ mʋ onutó wúlutↄfↄ pʋ mʋ wóyítↄ ahá mʋ bʋtamabú mʋ.” 58 Ɩnɩá bʋmↄhↄ mʋ gyi sʋ á, ofúla kpalobí kʋ pɛ ↄlↄbwɛ ɩnʋ.

Asú Ɔbↄpʋ Yohane Lowu (Marko 6:14‑29; Luka 9:7‑9)

14 1 Galilea ↄmásʋ ogyípʋ *Herode lónu Yesu ɩwɩ asʋn alɩ brɛ ámʋtↄ. 2 Mʋʋ ↄlɛbláa mʋ asúmpʋ ↄbɛɛ, “Asú

Ɔbↄpʋ Yohane amʋ nɩ. Mʋlákʋsʋ tsú afúlitↄ. Mʋ sʋ ↄdɛ ofúla anfɩ odu bwɛ nɩ.”

3‑4 Brɛ kʋtↄ á, Yohane létsiá bláa Owíe Herode ↄbɛɛ, mbla mɛha ↄkpa ánɩ otsía mʋ pio Filipo mʋ ka Herodia. Ɩnɩ sʋ Herode lɛha bɛkɩtá Yohane, wá mʋ ɩkan, pʋ mʋ wá obu. 5 Ɔlↄbwɛ agywɩɩn ánɩ ↄbↄmↄ Yohane, támɛ olenya ahá ámʋ ifú, tsúfɛ bʋtobú Yohane ánɩ Bulu ↄnↄsʋ ↄtↄɩpʋ ogyi.

6 Támɛ ɛkɛ ↄkʋá Owíe Herode dɛ mʋ ↄkwɩɩkɛ gyí a, mʋ ka Herodia mʋ bi tsɩhɛ lóbowie ↄbʋntↄ tsa Herode mʋa mʋ ahandɛ ansɩtↄ. Mʋ ɩtsáa amʋ lↄwa owíe amʋ ansigyí. 7 Mʋ sʋ ↄlɛka ntam ↄbɛɛ, ↄbɛha mʋ tógyítↄá odeklé.

8 Otsibi amʋ mʋ yin lɛha mʋ ↄlɛbláa Herode ↄbɛɛ, “Ndekléá fʋpʋ Asú Ɔbↄpʋ Yohane nwun dɩnka ɩlɩnsʋ ha mɩ sésééséi.”

9 Asʋn ánfɩ lɛhɩɛ han Herode, támɛ mʋ ntam amʋʋ ↄlɛka, pʋ ahá ámʋʋ bʋbʋ ɩnʋ ámʋ sʋ á, ↄlɛha mʋ ahá ↄtɩnpʋ ↄkpa ↄbɛɛ, ↄbwɛɛ tↄá otsibi amʋ lafɩtɛ ha mʋ. 10 Ahá ↄtɩnpʋ amʋ lɛyɛtɩn Yohane nwun obu ↄdɩkpá ɩnʋ. 11 Mʋʋ ↄlↄpʋ nwun ámʋ dɩnká ɩlɩnsʋ ba otsibi amʋ, mʋ ɛ ↄlↄpʋya mʋ yin Herodia. 12 Asú Ɔbↄpʋ Yohane akasɩpʋ bɛba botsu mʋ satin yópulá. Mʋ ↄma a, bↄyↄ yɛbláa Yesu asʋn ánɩ ɩlaba.

Mateo 13 , 14


36

Ahá Mpɩm‑nu Atogyihɛ Ha (Marko 6:30‑44; Luka 9:10‑17; Yohane 6:1‑14)

13 Yesu lénya nú asʋn ámʋ alɩ, olowie ↄklʋntↄ, fá ntsu yétsiá ↄtɩnɛkʋ mʋ nkʋlɛ. Támɛ ↄdↄm ámʋ bɛbɩ ↄtɩnɛá ↄyↄ. Mʋ sʋ bɛnatɩ ayabitↄ tsú amʋ awúlusʋ gya mʋ nkpá. 14 Brɛá ↄlɛkplɩ dalɩ ↄklʋn amʋtↄ, wun ↄdↄm kpↄnkpↄↄnkpↄntɩ á, amʋ asʋn lↄwa mʋ nwɛ. Mʋ sʋ ↄlɛtsa amʋtↄ alↄpʋ.

15 Owí lↄpↄn a, akasɩpʋ amʋ bɛba mʋ wá bɛbláa mʋ bɛɛ, “Dimbísʋ nfɩ gyí, owí ɛ dɛta. Mʋ sʋ ha amʋ abʋyↄ awúluá ɩbʋ bomlí nfɩ asɩ yↄhↄ tↄkʋ gyi.”

16 Támɛ Yesu lɛlɛ mʋ ↄnↄ ↄbɛɛ, “Imehián ánɩ bↄyↄ. Mlɩdunka tↄkʋ ha amʋ abʋgyi.”

17 Mʋ akasɩpʋ amʋ bɛbláa mʋ bɛɛ, “Tↄá anɩbʋ fɛɛ gyí bodobodo apin anu pʋ ntsutso iye bwáhɛ anyↄ pɛ.”

18 Yesu lɛbláa amʋ ↄbɛɛ, “Mlɩtsu ba mɩ.” 19 Mʋʋ ↄlɛha ahá ámʋ betsiatsía ɩfa bↄbwɛ amʋsʋ. Ɩnʋ olotsu bodobodo anu pʋ ntsutso iye bwáhɛ anyↄ ámʋ. Ɩnʋ olotsu ansɩ fʋá kɩ ↄsʋsʋ, ↄlɛda Bulu ɩpán. Mʋʋ olebiabía bodobodo amʋtↄ há akasɩpʋ amʋ, amʋ ɛ beye mʋ ha ahá ámʋ fɛɛ. 20 Amʋ fɛɛ begyi mwɛ sian. Akasɩpʋ amʋ bↄtↄsɩ síanhɛ amʋ. Ɩlↄbʋlá alakpá dúanyↄ. 21 Ayin ánɩ begyi atↄ ámʋ nkʋlɛ bʋgyi fɛ mpɩm‑nu (5,000). Bʋmɛkla atsɩ mʋa nyebí mʋ.

Ɔpʋsʋ Natɩ (Marko 6:45‑52; Yohane 6:15‑21)

22 Mʋʋ Yesu lɛha akasɩpʋ amʋ ↄbɛɛ, bʋwíe ↄklʋntↄ, abʋgyankpa fa ↄpʋ amʋ yↄ mʋ ↄbɩn. Mʋ mʋ olesin ↄma sí ahá ámʋ ↄkpa. 23 Brɛá olesi amʋ ↄkpa tá á, ↄlↄdʋ yↄ bʋsʋ yↄbↄ mpáɩ. Mʋ nkʋlɛ oletsiá ɩnʋ yↄfʋn owi tahɛ. 24 Alɩ brɛ ámʋtↄ á, ↄklʋn amʋ lawíé ntsu nsɩnɛ. Ilefia afú kpↄnkpↄntɩ kʋ, ↄpʋ amʋ lↄwa dabɩ.

25 Bakɛ‑bakɛ a, Yesu lɛnatɩ ntsu ámʋsʋ ayabitↄ buo amʋ. 26 Brɛá bowun mʋ, ↄna ↄpʋ amʋsʋ á, benya ifú sʋrá okitikíti, blɩ bɛɛ, “Fúli ogyi.”

Mateo 14


37

Mat

27 Támɛ ↄlↄwa ↄsa bláa amʋ ↄbɛɛ, “Mlɩwa klʋn. Mɩ nɩ. Mlɩmánya ifú.”

28 Petro lɛbláa Yesu ↄbɛɛ, “Mɩ Wíé, nɩ fʋ nɩ mʋ á, ha mɩ ɛ annatɩ ↄpʋ amʋsʋ bↄtʋ fʋ.”

29 Yesu lɛbláa mʋ ↄbɛɛ, “Natɩ ba.” Petro lɛdalɩ ↄklʋn amʋtↄ ↄna ↄpʋ amʋsʋ ↄyↄ Yesu wá. 30 Támɛ brɛá olowun alɩá afú ámʋ ↄnↄ bʋ ↄnlɩn á, ifú lowie mʋ ayetↄ. Mʋ sʋ ↄlↄwa mɛ bɩ. Mʋʋ ↄlↄkplʋn kpolí Yesu ↄbɛɛ, “Mɩ Wíé, hↄ mɩ!”

31 Ɩnʋnʋ Yesu lɛtɩnkɩ ɩbɩ kɩtá mʋ, bláa mʋ ↄbɛɛ, “Fʋ hógyi mↄtsↄ. Ntogyi sʋ fʋdɛ nwɛɛn gyí?”

32 Benya dʋ wíé ↄklʋn amʋtↄ alɩ, afú ámʋ lɛka itin. 33 Ɩnʋ ahá ámʋʋ bʋbʋ ↄklʋn amʋtↄ ámʋ bɛda akpawunu Yesu ayabitↄ, blɩ bɛɛ, “Lɛlɛ, Bulu mʋ Bi fʋgyi.”

Genesaretfↄ Alↄpʋ Tsa (Marko 6:53‑56)

34 Yesu mʋa amʋnyↄ bɛfa ↄpʋ amʋ yési Genesaret otsubúnↄ. 35 Brɛá ɩnʋfↄ bɛbɩ ánɩ mʋ nɩ á, bↄwa abí ya amʋ awúlu fɛɛsʋ, há amʋ bↄpʋ alↄpʋ fɛɛ ba mʋ. 36 Bokokóli Yesu bɛɛ, ↄhá alↄpʋ amʋ abʋpʋ ɩbɩ da mʋ atadɩɛ ↄdanʋ kpán. Amʋá bↄpʋ ɩbɩ da mʋ fɛɛ benya ɩlↄtsá.

Atɩtɩfↄ Amándɩɛ (Marko 7:1‑13)

15 1 Mʋ ↄma a, Farisifↄ pʋ Mose mbla asunápʋ akʋ botsu Yerusalem ba Yesu wá, bɛfɩtɛ mʋ bɛɛ, 2 “Ntogyi sʋ fʋ

akasɩpʋ amʋ bʋtamagyi anɩ anáin amándɩɛsʋ. Bʋtamafwɩ ɩbɩ amándɩɛ ↄkpasʋ asa bʋtegyi atↄ?”

3 Yesu lɛlɛ mʋ ↄnↄ ↄbɛɛ, “Ntogyi sʋ mlɩ ɛ mlɩ anáin amándɩɛ sʋ mlɩmɛdɛ Bulu mbla ámʋsʋ gyí? 4 Mose lↄwanlɩn wá Bulu mbla ámʋtↄ ↄbɛɛ, ‘Bu fʋ sɩ mʋa fʋ yín,’ ↄlɛtrá wanlɩn ↄbɛɛ, ‘Nɩ ↄkʋ lɛblɩ asʋkpan tsú mʋ sɩ ntɛɛ mʋ yin ɩwɩ á, bʋmↄↄ mʋ?’ 5‑6 Támɛ mlɩ mʋ mlɩaa, ↄha ↄbɛtalɩ bláa mʋ sɩ ntɛɛ mʋ yin ↄbɛɛ, ‘Tↄá tɛkɩ nↄpʋhá fʋ á, napʋhá Bulu. Imehián ánɩ nɛtrá kɩ fʋ.’ Mlɩ anáin amándɩɛ sʋ mlɩtráa

Mateo 14 , 15


38

mlɩmɛdɛ Bulu mblasʋ gyí. 7 Apinabwɛbí abwɛpʋ! Ɔnↄkwalɩ Bulu ↄnↄsʋ ↄtↄɩpʋ Yesaia lɛblɩ tsú mlɩ ɩwɩ tswɩ ↄbɛɛ, 8 ‘Ahá ánfɩ bʋdɛpʋ amʋ ↄnↄ bú mɩ,

támɛ amʋ klʋn bʋ ɩfↄ mɩ wá. 9 Kpaalɩ bʋdɛ mɩ sum,

tsúfɛ basí Bulu mbla tswɩ, yↄ bʋdɛ anyánkpʋsa mbla suná.’ ”

Tↄá Ɩtↄkpↄɩ Ɔha Bulu Ansɩtↄ (Marko 7:14‑23)

10 Yesu lɛtrá tɩ ↄdↄm amʋ ba mʋ ɩwɩ wá, ↄlɛbláa amʋ ↄbɛɛ, “Mlɩyaa asʋ, mɛnɩ mlónu ɩnɩ asɩ. 11 Megyí tↄá ↄha tegyi tↄkpↄɩ mʋ Bulu ansɩtↄ, mboún mʋá ɩtɛdálɩ tsu mʋ ↄnↄ tↄkpↄɩ mʋ.”

12 Ɩnʋ mʋ akasɩpʋ amʋ bɛba mʋ wá bɛfɩtɛ mʋ bɛɛ, “Fʋyin ánɩ fʋ asʋn blɩhɛ anfɩ lawↄ Farisifↄ ámʋ?”

13 Yesu lɛlɛ mʋ ↄnↄ ↄbɛɛ, “Bópulí oyígyíoyí ánɩ megyí mɩ Sɩ ámʋʋ ↄbʋ ↄsʋsʋ ámʋ lóswíe tsitsá. 14 Mlɩsi Farisifↄ ámʋ asʋn. Ansibi abwiepʋ bʋgyi, bʋdɛ ansibi abwiepʋ kpa. Nɩ nsibi obwiepʋ dɛ nsibi obwiepʋ kpa á, ↄbↄtↄ amʋ abanyↄ bʋtɛkpá wíé.”

15 Mʋʋ Petro lɛbláa mʋ ↄbɛɛ, “Lɛ yébi amʋ asɩ suna anɩ.”16 Yesu lɛfɩtɛ amʋ ↄbɛɛ, “Mʋ sʋ mlɩ ɛ mlɩtamanú asʋn asɩ?

17 Mlɩméyín ánɩ tↄá iwíé ↄha ↄnↄ á, mʋ iputↄ itowíé, ↄtɛyɛlɛ mʋ wá ↄkpʋntↄ? 18 Asʋngyíasʋn ánɩ ɩtɛdálɩ tsu ↄha ↄnↄ á, mʋ klʋntↄ ɩtɛdálɩ tsu. Mʋtↄkpↄɩ mʋ Bulu ansɩtↄ nɩ. 19 Tsúfɛ ↄha klʋntↄ ágywɩɩn laláhɛ tɛdálɩ tsu. Mʋtɛhá ↄtↄmↄ ↄha, ↄtↄtↄ mbʋa, ↄtↄwá atsɩ mʋa ayin asʋn, otowí atↄ, ↄtↄwá afunu, otetsii ↄha. 20 Ɩnɩ aná tↄkpↄɩ ↄha, támɛ nɩ ↄha mↄfwɩ ɩbɩ amándɩɛ ↄkpasʋ asa olegyi atↄ á, ɩtamakpↄɩ mʋ Bulu ansɩtↄ.”

Ɔtsɩ Ɔkʋá Omegyí Yudayin Hógyi (Marko 7:24‑30)

21 Yesu lɛnatɩ ɩnʋ yↄ Tiro mʋa Sidon nsáɩntↄ. 22 *Kanaanyintse ↄkʋá otsie ɩnʋ lɛba Yesu wá. Ɔdɛ okitikíti sʋrá, olokokóli Yesu ↄbɛɛ, “Dawid mʋ na, wun mɩ nwɛ! Ɔŋɛ laláhɛ bʋ mɩ bí tsɩhɛtↄ. Ɩdɛ mʋ háan dʋbɩ.”

Mateo 15


39

Mat

23 Támɛ Yesu mɛkpla mʋ. Ɩnʋ mʋ akasɩpʋ amʋ bobwií ɩpa há mʋ bɛɛ “Ha ↄtsɩ ámʋ ↄnatɩ, tsúfɛ obuo anɩ ↄdɛ okitikíti sʋrá dʋbɩ.”

24 Yesu lɛbláa ↄtsɩ ámʋ ↄbɛɛ, “Israel akúfa fwɩhɛ pɛ wá Bulu lↄwa mɩ.”

25 Támɛ ↄtsɩ ámʋ lɛda akpawunu mʋ ayabitↄ, bláa mʋ ↄbɛɛ, “Mɩ Wíé, gyi mɩ bʋalɛ.”

26 Yesu lɛbláa mʋ ↄbɛɛ, “Ɩma alɛá fↄswɩɩ nyebí atogyihɛ pʋhá akɩaɩ.”

27 Ɔtsɩ ámʋ lɛlɛ mʋ ↄnↄ ↄbɛɛ, “Owíé, ɩbʋ mʋtↄ alɩ, támɛ akɩaɩ ɛ bʋtegyi atogyihɛ mpupubi ánɩ ɩtɛkpákpa bun amʋ wíe ↄpʋnʋasɩ.”

28 Mʋʋ Yesu lɛbláa mʋ ↄbɛɛ, “Ɔtsɩ, fʋ hógyi lomoní. Ɩbá mʋtↄ ha fʋ alɩá fʋdeklé.” Ɩnʋnʋ ɩwɩ lↄwa mʋ bi ámʋ ↄnlɩn.

Ahá Tsↄtsↄↄtsↄ Ɩlↄ Tsa29 Tsú ɩnʋ á, Yesu lↄtsʋn Galilea ↄpʋ ↄnↄ, dʋ yétsiá okúku

kʋsʋ. 30 Ahá tsↄtsↄↄtsↄ bↄpʋ abubúpʋ, ansibi abwiepʋ, abↄ, amúmu pʋ ɩlↄ bámbá alↄpʋ bobun Yesu ayabiasɩ, ↄlɛtsa amʋ fɛɛ. 31 Ahá ámʋ ↄnↄ lobwie amʋ brɛá bowun amúmu bʋdɛtↄɩ, abubúpʋ ɩwɩ lawá amʋ ↄnlɩn, abↄ bʋna, ansibi abwiepʋ ɛ bʋdɛ atↄ wúun, bɛkanfʋ *Israel Bulu ámʋ.

Ahá Mpɩm‑na Atogyihɛ Ha (Marko 8:1‑10)

32 Yesu lɛtɩ mʋ akasɩpʋ, bláa amʋ ↄbɛɛ, “Ahá ánfɩ asʋn dɛ mɩ nwɛ wa. Ndɛ ɛkɛ sáásɩ ↄpá bʋbuo mɩ, bʋtráa bʋma tↄtↄá bégyi. Nɩ nɛhá amʋ bↄpʋ akʋn nátɩ á, ansɩtↄ béyebi amʋ ↄkpatↄ.”

33 Mʋ akasɩpʋ amʋ bɛfɩtɛ mʋ bɛɛ, “Nkʋnʋ abénya atogyihɛ há ↄdↄm anfɩ *dimbí ánfɩsʋ?”

34 Yesu lɛfɩtɛ amʋ ↄbɛɛ, “Bodobodo afɩnɩ mlɩbʋ?”Bɛlɛ mʋ ↄnↄ bɛɛ, “Asienↄ pʋ aye pútúpútú kpalobí kʋ.”35 Yesu lɛha ↄdↄm amʋ betsiá asɩ. 36 Mʋʋ olotsu bodobodo

asienↄ pʋ aye amʋ, dá Bulu ɩpán, olebiabía mʋtↄ há akasɩpʋ amʋ, beye ha amʋ. 37 Amʋ fɛɛ begyi mwɛ. Bↄtↄsɩ síanhɛ amʋ

Mateo 15


40

g 16:2‑3 Mʋtↄ yée 2 mʋa 3 ɩma nwʋlʋ dada amʋ akʋtↄ.

bʋlá alakpá yílé asienↄ. 38 Ayin ánɩ begyi atↄ ámʋ nkʋlɛ bʋgyi mpɩm‑na (4,000). Bʋmɛkla atsɩ mʋa nyebí.

39 Ɩnʋ Yesu lési ahá ámʋ ↄkpa, olowie ↄklʋntↄ fá ↄpʋ yↄ Magadanfↄ ↄsʋlʋsʋ.

Farisifↄ Bodunká Ofúla (Marko 8:11‑13; Luka 12:54‑56)

16 1 Ɛkɛ ↄkʋ *Farisifↄ pʋ *Sadukifↄ akʋ bɛba Yesu ↄsↄkɩkpa. Mʋ sʋ bɛbláa mʋ bɛɛ, ↄbwɛɛ osúna pʋsuna

amʋ ánɩ lɛlɛ otsú Bulu wá. 2 Yesu lɛbláa amʋ ↄbɛɛ, “Nɩ owí ɩpↄn, nsaɩntↄ ɩpɛ á, mlɩtɛblɩ mlɩaa, ‘Ɔkɛ nsaɩntↄ bɛdɩ.’ 3 Nɩ nyankpʋ obílá tuun nyankɩ a, mlɩtɛblɩ mlɩaa, ‘Ndɛ nyankpʋ obótswie tsʋn afú.’ Mlɩtɛtálɩ kɩ nsaɩntↄ, bɩ tↄá ɩbɛba. Ntogyi sʋ mlɩmɛtálɩ nú tↄá mlɩdéwúun séi ánfɩ mʋ asɩ. g 4 Mlɩ ndɛmba‑abí laláhɛ ánɩ mlɩladálɩ Bulu ↄma, mlɩdɛ osúna dunká amlɩwun, támɛ mlɩmóowun kʋkʋʋkʋ dʋn Bulu ↄnↄsʋ ↄtↄɩpʋ Yona osúna amʋ odu.”

Ɩnɩ sʋ ↄlɛnatɩ sí amʋ.

Farisifↄ Pʋ Sadukifↄ Bodobodotu‑afá (Marko 8:14‑21)

5 Yesu akasɩpʋ amʋ bʋmɛkaɩn tsú bodobodo kɩtá asa bɛfa ↄpʋ amʋ yↄ ↄbɩn. 6 Yesu lɛda amʋ ↄlá ↄbɛɛ, “Mlɩkɩ wankláán Farisifↄ pʋ Sadukifↄ Bodobodotu‑afásʋ.”

7 Akasɩpʋ amʋ bɛfɩtɛ aba bɛɛ, “Bodobodo amʋʋ anɩmɛdɛ ámʋ sʋ ↄdɛ asʋn ánfɩ blɩ lóó?”

8 Yesu lónu asʋn ánɩ bʋdɛblɩ. Mʋʋ ↄlɛbláa amʋ ↄbɛɛ, “Óo, mlɩ hógyi mↄtsↄ. Ntogyi sʋ mlɩdɛblɩ mlɩaa bodobodo ámʋʋ mlɩmɛdɛ ámʋ sʋ? 9 Ɩmↄkʋwánkɩ mlɩ kɩ? Mlɩlatan bodobodo apin anu ámʋʋ nɛha ahá mpɩm‑nu (5,000) begyi amʋsʋ? Alakpá afɩnɩ lésían mlɩlↄtↄsɩ? 10 Ntɛɛ mlɩlatan bodobodo apin asienↄ ámʋʋ nɛha ahá mpɩm‑na (4,000) begyi amʋsʋ? Alakpá afɩnɩ lésián mlɩlↄtↄsɩ?” 11 Ntogyi sʋ ɩmↄkʋwánkɩ mlɩ ánɩ megyí bodobodo ɩwɩ asʋn ndɛblɩ? Bláa

Mateo 15 , 16


41

Mat

ndɛ mlɩ bláa mbɛɛ, “Mlɩkɩ wankláán Farisifↄ pʋ Sadukifↄ Bodobodotu‑afásʋ.”

12 Ɩnʋ asa ɩlↄwankɩ amʋ ánɩ megyí Bodobodotu‑afásʋ ↄdɛ, mboún amʋ atosunáhɛ.

Ɔhá Ánɩ Yesu Gyí (Marko 8:27‑30; Luka 9:18‑21)

13 Brɛá Yesu lówie Kaesarea Filipi nsáɩntↄ á, ↄlɛfɩtɛ mʋ akasɩpʋ ↄbɛɛ, “Ma ahá bɛɛ mɩ, Nyankpʋsa‑Mʋ‑Bi ánfɩ ngyi?”

14 Bɛlɛ mʋ ↄnↄ bɛɛ, “Akʋ bɛɛ, fʋgyí Asú Ɔbↄpʋ Yohane. Akʋ bɛɛ, Bulu Ɔnↄsʋ Ɔtↄɩpʋ *Elia. Akʋ ɛ bɛɛ, *Yeremia ntɛɛ Bulu ↄnↄsʋ ↄtↄɩpʋ bambá ↄkʋ.”

15 Mʋʋ ↄlɛfɩtɛ amʋ ↄbɛɛ, “Mlɩ ɛ mɛ? Mlɩa mɩgyí ma?”16 Simon Petro lɛlɛ mʋ ↄnↄ ↄbɛɛ, “Fʋgyí Kristo, (ↄhá ámʋʋ

Bulu ladá mʋ ofúli amʋ) nɩ. Bulu Ɔkɩankpapʋ amʋ mʋ Bi.”17 Ɩnʋ Yesu lɛbláa mʋ ↄbɛɛ, “Bulu layúlá fʋ Simon, Yona

mʋ bi, tsúfɛ megyí nyankpʋsa ↄkʋkʋ lɛlɛ ↄnↄkwalɩ anfɩ ↄwan súná fʋ. Mɩ Sɩ ámʋʋ ↄbʋ ↄsʋsʋ ámʋ nɩ. 18 Ɩnɩ sʋ mɩ ɛ ndɛ fʋ bláa mbɛɛ, fʋ dá gyí Petro. Mʋ asɩ gyí, ‘Bʋtá.’ Bʋtá ánfɩsʋ néyi mɩ ↄpasua dɩnká nɩ. Lowu túmi mɛɛtalɩ gyí mʋsʋ ɛkɛkɛɛkɛ. 19 Nↄpʋ Bulu iwíegyí ámʋ asáafɩ wá fʋ ɩbɩtↄ. Asʋngyíasʋn ánɩ fékiná ↄsʋlʋʋ anfɩsʋ á, Bulu ɛ obékiná mʋ ↄsʋsʋ. Mʋá fótsulá á, Bulu ɛ obótsulá mʋsʋ ↄsʋsʋ.”

20 Ɩnʋ ↄlɛda amʋ ↄlá kpákpáákpá ↄbɛɛ, bʋmábláa ↄhaa ánɩ mʋgyí Kristo amʋ.

Yesu Ɩwɩↄsɩn Pʋ Mʋ Lowu Ɩwɩ Asʋn Blɩ (Marko 8:31–9:1; Luka 9:22‑27)

21 Tsú brɛ ámʋsʋ á, Yesu léfi asɩ ↄdɛ asʋntↄ lɛ súná amʋ ↄbɛɛ, “Ilehián ánɩ mↄyↄ Yerusalem yówun ɩwɩↄsɩn tsↄtsↄↄtsↄ Yudafↄ ahandɛ, Bulu *igyí ahapʋ dɛhɛn pʋ Mose mbla asunápʋ ɩbɩtↄ. Bↄmↄ mʋ, támɛ Bulu ↄbɛlakʋsʋa mʋ ɛkɛ sáásɩ tsú afúlitↄ.”

22 Mʋ sʋ Petro lɛtɩ mʋ ya ɩtsɛtↄ, yɛka mʋ itin ↄbɛɛ, “Mɩ Wíé, Bulu ogyáa mʋ tɛɩ ya fʋ ɩwɩ. Ɩnɩ mába fʋsʋ ɛkɛkɛɛkɛ.”

Mateo 16


42

23 Ɩnʋ ↄlɛdamlí bláa Petro ↄbɛɛ, “*Satan, natɩ tɛɩ mɩsʋ! Fʋdɛ mɩ ↄkpa tíin. Megyí tↄá Bulu dɛgywɩɩn fʋdɛgywɩɩn, anyánkpʋsa klɛ fʋdɛgywɩɩn.”

24 Mʋʋ ↄlɛbláa mʋ akasɩpʋ amʋ ↄbɛɛ, “Nɩ ↄkʋ dékléá obóbuo mɩ á, osíi tↄá otekle bwɛ, otsu mʋ *oyikpalíhɛ bobuo mɩ. 25 Tsúfɛ nɩ ↄkʋ lɛprɩ mʋ nkpa á, ɩbↄhʋlɩɩ mʋ. Támɛ nɩ ↄkʋ lési mʋ nkpa há mɩ sʋ á, ↄbɛlanyá nkpa ánɩ ɩtamatá. 26 Nɩ ↄkʋ onyá ↄyɩtↄ atↄ fɛɛ, támɛ ↄhʋlɩ mʋ ↄkláa a, labi mↄmʋ ɩlↄwa há mʋ? Ntɛɛ ntↄ ↄha ↄbɛtalɩ pʋtsɛ mʋ nkpa? 27 Tsúfɛ mɩ, Nyankpʋsa‑Mʋ‑Bi ánfɩ nɛba mɩ Sɩ numnyamtↄ, mɩa mʋ abↄpʋ. Ɩnʋ nɛka ↄhagyíↄha ɩkↄ alɩá mʋ tsiátↄ gyi nɩ. 28 Ɔnↄkwalɩ ndɛ mlɩ bláa. Akʋ bʋbʋ mlɩtↄ nfɩ ánɩ bʋmóowu, yↄfʋn brɛá bawun ánɩ mɩ, Nyankpʋsa‑Mʋ‑Bi ánfɩ nɛbá mɩ iwíe ogyíkpá.”

Yesu Ɩwɩtsɛɛ (Marko 9:2‑13; Luka 9:28‑36)

17 1 Nkensíé ↄma a, Yesu lɛkpa Petro mʋa Yakobo pʋ mʋ pio Yohane, bↄdʋ yↄ ɩbʋ kʋsʋ. 2 Amʋ ansɩtↄ ɩnʋ á,

Yesu ɩwɩ lɛtsɛ. Mʋ ansɩtↄ lↄwankɩ fɛ owí, mʋ atadɩɛ ɛ lɛdamlí fútútúútú. 3 Ɩnʋnʋ mʋ akasɩpʋ abasá ámʋ bowun ánɩ Mose mʋa *Elia bɛlɛ ɩwɩ ↄwan, amʋa Yesu bʋdɛtↄɩ. 4 Mʋʋ Petro lɛbláa Yesu ↄbɛɛ, “Mɩ Wíé, ɩbʋ alɛá abétsiá nfɩ. Nɩ fótsulá á, ha ada abú asa. Fʋ klɛ kʋlɛ, Mose klɛ kʋlɛ, Elia ɛ klɛ kʋlɛ.”

5 Brɛá ↄdɛ asʋn ánfɩ blɩ á, agyinde wánkɩhɛ kʋ lobobun amʋsʋ. Ɩnʋ ↄmɛ kʋ lɛdalɩ tsu agyinde ámʋtↄ ↄbɛɛ, “Ɔnɩ gyí mɩ Bí ↄdwɛpʋá olegyi mɩ ansɩ nɩ. Mlɩnu mʋ ↄmɛ.”

6 Ifú lɛhɩɛ kɩtá amʋ brɛá bonu asʋn ánfɩ. Mʋ sʋ bↄwa ↄsa mlí bun ↄsʋlʋtↄ. 7 Mʋʋ Yesu lɛba bↄpʋ ɩbɩ dada amʋ, bláa amʋ ↄbɛɛ, “Mlɩkʋsʋ, mlɩmánya ifú.” 8 Ɩnʋ bↄwa ansɩ kɩ a, bʋmɛtrá wun ↄhaa dʋn Yesu nkʋlɛ.

9 Brɛá bʋdɛ ɩbʋ ámʋ kplɩ á, Yesu lɛda amʋ ↄlá ↄbɛɛ, bʋmábláa ↄhaa tↄá bayówun, yↄfʋn ɛkɛá Bulu ↄbↄkʋsʋa Nyankpʋsa‑Mʋ‑Bi ámʋ tsú afúlitↄ.

10 Mʋ akasɩpʋ amʋ bɛfɩtɛ mʋ bɛɛ, “Ntogyi sʋ Mose mbla asunápʋ amʋ bɛɛ, ilehián ánɩ Elia obéyinkí bá asa Kristo amʋ ↄbɛba?”

Mateo 16 , 17


43

Mat

h 17:21 Mʋtↄ yée 21 bʋ nwʋlʋ dada amʋ akʋtↄ: Támɛ ɩnɩ odu mʋ á, nkɛtɩ mpáɩ mʋa ↄnↄklɩ pɛ mlɛtalɩ pʋgya mʋ.

11 Ɔlɛlɛ mʋ ↄnↄ ↄbɛɛ, “Ɔnↄkwalɩ igyi. Elia obégyankpá bá bɛla tógyítↄ yáɩ wankláán. 12 Ndɛ mlɩ bláa mbɛɛ, Elia layínkí bá dodoodo, támɛ ↄhaa mɛbɩ mʋ. Bↄwa mʋ amʋmʋyↄ. Alɩ kɛn mɩ, Nyankpʋsa‑Mʋ‑Bi ánfɩ ɛ nówun ɩwɩↄsɩn amʋ ɩbɩtↄ nɩ.”

13 Ɩnʋ á, ɩlↄwankɩ akasɩpʋ amʋ ánɩ Asú Ɔbↄpʋ Yohane ɩwɩ asʋn ↄdɛblɩ.

Ɩlↄ Dɩdahɛ Ɔlↄpʋ Tsa (Marko 9:14‑29; Luka 9:37‑43a)

14 Brɛá beyinkí kplɩ bowie ↄdↄm amʋ wá á, oyin ↄkʋ lɛba bɛda akpawunu Yesu ayabitↄ, bláa mʋ ↄbɛɛ, 15 “Mɩ Wíé, wun mɩ bí ánfɩ nwɛ, tsúfɛ ɩlↄ dɩdahɛ dɛ mʋ háan. Otetsíá dɩda wíé ntsu mʋa ogyátↄ. 16 Nↄpʋ mʋ ba fʋ akasɩpʋ amʋ, támɛ bʋmɛtalɩ tsá mʋ ɩlↄ.”

17 Yesu lɛlɛ mʋ ↄnↄ ↄbɛɛ, “Ndɛmba‑abíá mlɩmá hógyi, mlɩ tsiátↄ ma alɛ. Alɩ nétsiá mlɩ wá yↄ ekekegyíɛkɛ nɩ? Nnyá klʋn ha mlɩ yↄfʋn ↄmɛnkɛ? Mlɩkpa kebi ámʋ ba mɩ!” 18 Ɩnʋ ↄlↄkplʋn gya ↄŋɛ laláhɛ amʋ. Ɩlɛdalɩ kebi ámʋtↄ, ɩwɩ lↄwa mʋ ↄnlɩn.

19 Mʋ ↄma a, akasɩpʋ amʋ bɛfɩtɛ Yesu ɩtsɛtↄ bɛɛ, “Ntogyi sʋ anɩ mʋ anɩmɛtalɩ gya ↄŋɛ laláhɛ amʋ dálɩ kebi ámʋtↄ?”

20‑21 Mʋʋ ↄlɛbláa amʋ ↄbɛɛ, “Mlɩ hógyi mↄtsↄ kʋráá. Mbláa mlɩ ↄnↄkwalɩ. Nɩ mlɩ hógyi lomoní fɛ takyí‑akpin ibí á, tɛkɩ mlɛtalɩ bláa ɩbʋ ánfɩ mlɩaa ipúli. Lɛlɛ ibópulí, tↄtↄↄtↄ mↄↄdʋn mlɩ bwɛ.” h

Yesu Lowu Ɩwɩ Asʋn Blɩ Otse Nyↄↄsɩ (Marko 9:30‑32; Luka 9:43b‑45)

22‑23 Brɛá akasɩpʋ amʋ fɛɛ bɛba befia Galilea ↄmátↄ á, Yesu lɛbláa amʋ ↄbɛɛ, “Bɛlɛ mɩ, Nyankpʋsa‑Mʋ‑Bi ánfɩ há adʋn bↄmↄ mɩ, támɛ Bulu ↄbↄkʋsʋa mɩ ɛkɛ sáásɩ.”

Asʋn ánfɩ lɛhɩɛ han akasɩpʋ amʋ.

Mateo 17


44

Bulu Ɔtswɛkpa Ofí Ɩkↄka24 Yesu mʋa mʋ akasɩpʋ bɛba Kapernaum wúlutↄ. Ɩnʋ

*Bulu ↄtswɛkpa ofíkↄ ahↄpʋ akʋ bɛba bɛfɩtɛ Petro bɛɛ, “Fʋ wíe tɛká Bulu ↄtswɛkpa ofí ɩkↄ?”

25 Petro lɛbláa amʋ ↄbɛɛ, “Ɔtɛká.”Brɛá Petro lↄyↄ wóyítↄ a, Yesu légyankpá fɩtɛ mʋ ↄbɛɛ,

“Simon, nkálɩ gyí fʋ agywɩɩn? Amɛndɩ tɛká dútɛ mʋa lampóo há awíe? Afↄↄ ntɛɛ wúlu awíe?”

26 Petro lɛbláa mʋ ↄbɛɛ, “Afↄↄ tɛká.”Mʋʋ Yesu lɛbláa mʋ ↄbɛɛ, “Yɛɛ mʋmʋ wúlu awíe bagyi

ɩwɩ nɩ? 27 Támɛ mmedéklé mbɛɛ, abↄkʋsʋ lɩɩ amʋsʋ sʋ á, tsu ↄdadʋwa afʋyↄ ↄpʋ ↄnↄ yↄtswɩ. Kɩ klɛmɛtɩ gyankpapʋ ánɩ fɛlɛ ↄnↄtↄ. Fénya kↄba ánɩ ɩbↄfʋn anɩ abanyↄ ofíkↄ ámʋ ka. Lɛ mʋ, afʋyɛka ha amʋ.”

Ma Ɔbↄbwɛ Ɔhandɛ? (Marko 9:33‑37; Luka 9:46‑48)

18 1 Bɛba Kapernaum wúlutↄ, akasɩpʋ amʋ bɛba Yesu wá bɛfɩtɛ mʋ bɛɛ, “Ma gyí ↄhandɛ Bulu iwíegyí ámʋtↄ?”

2 Yesu lɛtɩ kebi ↄkʋ bɛlɩɩ amʋ ansɩtↄ, 3 ↄlɛblɩ ↄbɛɛ, “Ɔnↄkwalɩ ndɛ mlɩ bláa. Nɩ mlɩmɛtsɛ, bwɛ ɩwɩ fɛ nyebí á, mlɩmóowie Bulu iwíegyí ámʋtↄ. 4 Ɔhagyíↄha ánɩ ↄlɛba ɩwɩasɩ fɛ kebi ánfɩ á, mʋgyí ↄhandɛ Bulu iwíegyí ámʋtↄ nɩ. 5 Ɔhagyíↄha ánɩ ↄlↄhↄ kebiá ogyi alɩ mɩ dátↄ lahↄ mɩ.

Ɔha Kpa Wá Lakpantↄ (Marko 9:42‑48; Luka 17:1‑2)

6 “Nɩ ↄkʋ lɛha ahá ánfɩ bʋmↄkʋdan mɩsʋ hógyitↄ ánfɩtↄ ↄkʋ lↄbwɛ lakpan á, nɩ bɛda nfúókwɛbʋ síán mʋ ↄmɛtↄ, tswɩ mʋ wá ↄpʋ okluklúkpá, mↄ mʋ pó á, ɩbʋ alɛ dʋn. 7 Ɔyɩtↄ atsiápʋ bʋgyↄwɩ nɩ. Tsúfɛ ɩtↄá ɩtɛhá ↄha tↄbwɛ lakpan bʋ ɩnʋ. Ɩbɛba alɩ, támɛ ↄhá ánɩ ɩna mʋsʋ mʋ ba lↄbwɛ lakpan ↄgyↄwɩ nɩ.

8 “Mʋ sʋ nɩ fʋ ɩbɩ ntɛɛ fʋ yabi tɛhá fʋtɛdɩda hógyitↄ á, ka mʋ lɛ, afʋtswɩ mʋ tsalɩfwɩ. Ɩbʋ alɛá fↄpʋ ɩbɩ kʋlɛ ntɛɛ yabi kʋlɛ nyá nkpa ánɩ ɩtamatá, dʋn ánɩ fↄpʋ ɩbɩ anyↄ ntɛɛ ayabi

Mateo 17 , 18


45

Mat

i 18:11 Mʋtↄ yée 11 bʋ nwʋlʋ dada amʋ akʋtↄ: Tsúfɛ mɩ, Nyankpʋsa‑Mʋ‑Bi ánfɩ nɛba ánɩ nↄhↄ ahá ámʋʋ bafwɩ ámʋ nkpa.

anyↄ wíé ogyá ánɩ ɩtamaduntↄ. 9 Nɩ fʋ nsíbi tɛhá fʋtↄbwɛ lakpan á, loti mʋ lɛ, afʋtswɩ mʋ tsalɩfwɩ. Ɩbʋ alɛá fↄpʋ nsibi kʋlɛ nyá nkpa ánɩ ɩtamatá, dʋn ánɩ fↄpʋ ansibi anyↄ wíé ɩsʋbɩtɩ ogyá ánɩ ɩtamaduntↄ.

Kufa Fwɩhɛ (Luka 15:3‑7)

10‑11 “Mlɩkɩ wankláán ánɩ mlɩmɛɛkɩ nyebí pútúpútú ánfɩtↄ ↄkʋkʋ ansɩtↄ kótíkótí. Ndɛ mlɩ bláa mbɛɛ, bʋbʋ Bulu‑abↄpʋ ánɩ bʋtↄkↄsɩ pʋ amʋ asʋn ya mɩ Sɩ ↄsʋsʋ. i

12 “Mlɩyↄ asʋn ánfɩtↄ amlɩkɩ. Nɩ ↄkʋ bʋ akúfa lafakʋlɛ (100), amʋtↄ ↄkʋlɛ ↄfwɩ á, ntↄ ↄhá ámʋ tↄbwɛ? Megyí si otesí adukwebá‑kwebá (99) atráhɛ amʋ lɩɩ okúku amʋsʋ, yódunká ↄkʋlɛ pɛ ámʋʋ alafwɩ ámʋ? 13 Ɔnↄkwalɩ ndɛ mlɩ bláa. Nɩ owun mʋ a, mʋ ansɩ bégyi mʋ ɩwɩ dʋn adukwebá‑kwebá atráhɛ amʋʋ bʋmↄfwɩ ámʋ. 14 Alɩ kɛn mlɩ Sɩ ámʋʋ ↄbʋ ↄsʋsʋ ámʋ médékle ↄbɛɛ, nyebí pútúpútú ánfɩtↄ ↄkʋkʋ ɛ ↄfwɩ nɩ.

Nɩ Fʋ Bá Ɔpʋ Ɩlá Gyi Fʋ15 “Nɩ fʋ bá ohógyipʋ ↄpʋ ɩlá gyi fʋ á, yↄ mʋ wá, mlɩ

abanyↄ pɛ amlɩblɩ mʋ. Nɩ olonu ɩwɩasɩ á, falányá opíó. 16 Támɛ nɩ omonu ɩwɩasɩ á, kpa ↄbakʋlɛ ntɛɛ abanyↄ manta ɩwɩsʋ amlɩyↄ mʋ wá, mɛnɩ bégyi asʋngyíasʋn ánɩ mlɛblɩ ɩwɩ adánsɩɛ fɛ alɩá Bulu asʋn lɛblɩ. 17 Nɩ omonu amʋ asʋn ɛ á, pʋ asʋn ámʋ ya mlɩ ↄpasuafↄ. Támɛ nɩ omonu amʋ asʋn ɛ á, mʋmʋ bu mʋ ↄmátↄyín ntɛɛ lampóo ↄhↄpʋ.

Asʋnkiná Pʋ Mʋsʋ Tsulá18 “Ɔnↄkwalɩ ndɛ mlɩ bláa. Asʋngyíasʋn ánɩ mlékiná

ↄsʋlʋʋ anfɩsʋ á, Bulu obékiná mʋ ↄsʋsʋ. Mʋá mlótsulá á, Bulu obótsulá mʋsʋ ↄsʋsʋ.

Mateo 18


46

19 “Ntráa ndɛblɩ mbɛɛ, nɩ mlɩ abanyↄ mlↄbwɛ agywɩɩn kʋlɛ ↄsʋlʋʋ anfɩsʋ kʋlɩ tↄkʋ á, mɩ Sɩ ámʋʋ ↄbʋ ↄsʋsʋ ámʋ ↄbↄbwɛ mʋ há mlɩ. 20 Tsúfɛ ↄtɩnɛgyíↄtɩnɛ ánɩ ahá abanyↄ‑abasá befia mɩ dátↄ á, mbʋ amʋ wá.”

Osúmpʋ Owuntↄlɩnpʋ Ɩwɩ Yébi21 Mʋʋ Petro lɛba bɛfɩtɛ Yesu ↄbɛɛ, “Mɩ Wíé, tsefɩnɩ nsíkie

mɩ bá nɩ ↄpʋ ɩlá gyi mɩ? Tse sienↄ lóó?”22 Yesu lɛbláa mʋ ↄbɛɛ, “Ó‑o, megyí tse sienↄ fésikíé mʋ,

tsé aduesienↄ (70) aku asienↄ. 23 Ɩnɩ sʋ Bulu iwíegyí ámʋ igyi fɛ asʋn ánfɩ. Owíe ↄkʋ lↄbwɛ agywɩɩn ánɩ mʋa mʋ asúmpʋ bóbu akúnta. 24 Brɛá olefi mʋ asɩ á, mʋ asúmpʋ bɛkpa amʋtↄ ↄkʋá ↄdɛ mʋ ɩkↄ mpɩm‑mpɩmtↄ ba mʋ. 25 Támɛ osúmpʋ amʋ má tↄtↄá ↄbↄpʋká ɩkↄ ámʋ sʋ á, owíe amʋ lɛha ↄbɛɛ bʋfɛɛ mʋa mʋ ka, mʋ abí pʋ mʋ atↄ fɛɛ pʋkɩtá ɩkↄ ámʋtↄ. 26 Ɩnʋ á, osúmpʋ amʋ lↄkʋsʋ dá akpawunu owíe amʋ ayabitↄ, bwíí ɩpa há mʋ ↄbɛɛ, ‘Mɩ Wíé, nya klʋn ha mɩ. Ɩbwɛ nɛka fʋ ɩkↄ ámʋ fɛɛ.’ 27 Mʋ asʋn lↄwa mʋ wie amʋ nwɛ. Mʋ sʋ olesi ɩkↄ ámʋ fɛɛ kíé mʋ, há mʋ ↄlɛnatɩ.

28 “Támɛ brɛá osúmpʋ amʋ lɛdalɩ ɩnʋ á, ↄlↄyↄtʋ mʋ osúmba ↄkʋá ↄdɛ mʋ ɩkↄ kpalobí kʋ. Ɔlɛkɩtá mʋ ba ámʋ ↄmɛtↄ

kínkíínkín, bláa mʋ ↄbɛɛ, ‘Pʋ mɩ kↄba ha mɩ!’ 29 Mʋ osúmba amʋ ɛ lɛda akpawunu bwíí ɩpa há mʋ, bláa mʋ ↄbɛɛ, ‘Nya klʋn ha mɩ. Ɩbwɛ nɛka fʋ kↄ.’ 30 Támɛ osúmpʋ anfɩ mʋ mótsulá. Ɔlɛha ánɩ bʋpʋʋ mʋ yↄwa obu yↄfʋn ɛkɛá ↄbɛka mʋ ɩkↄ ámʋ. 31 Mʋ asúmba bowun tↄá alapʋgyi mʋ ba ámʋ a, ilowie amʋ ɩwɩtↄ. Mʋ sʋ bↄyↄ yɛbláa amʋ wíe asʋn ámʋ fɛɛ. 32 Mʋʋ amʋ wíe amʋ lɛha bɛtɩ osúmpʋ amʋ ba, ↄlɛbláa mʋ ↄbɛɛ, ‘Osúmpʋ

Mateo 18

Ɔlɛkɩtá mʋ ba ámʋ ↄmɛtↄ kínkíínkín, bláa mʋ ↄbɛɛ,

‘Pʋ mɩ kↄba ha mɩ!’ (Mateo 18:29)


47

Mat

owuntↄlɩnpʋ, fʋ ɩpabwií sʋ nesi ɩkↄ tsↄtsↄↄtsↄ ámʋʋ fʋdɛ mɩ ámʋ fɛɛ kíé fʋ. 33 Ɩma alɛá fʋ mʋ fówun fʋ bá ámʋ nwɛ fɛ alɩá nowun fʋ nwɛ?’ 34 Ɔblↄ lɛkɩtá owíe amʋ. Mʋ sʋ ↄlɛha ↄbɛɛ, bʋwáa mʋ obu, abʋpɩtɩ mʋ atↄ yↄfʋn ɛkɛá ↄbɛka ɩkↄ ámʋ fɛɛ.

35 “Alɩ mɩ Sɩ ámʋʋ ↄbʋ ↄsʋsʋ ámʋ ↄbↄbwɛ mlɩtↄ okugyíↄkʋá omesi mʋ ba lakpan kíé mʋ tsú mʋ klʋntↄ nɩ.”

Ɔkákiná Ɩwɩ Atosunáhɛ (Marko 10:1‑12)

19 1 Brɛá Yesu lↄtↄɩ tá á, ↄlɛnatɩ Galilea ↄmátↄ yↄ Yudea ↄmátↄ Yordan ntsu ámʋ ↄbɩn. 2 Ɔdↄm

kpↄnkpↄↄnkpↄntɩ bobuo mʋ, ↄlɛtsa amʋ ɩlↄ ɩnʋ.3 Farisifↄ akʋ bɛba mʋ wá bↄsↄ mʋ kɩ, fɩtɛ mʋ bɛɛ, “Anɩ

Mbla lɛha ↄkpa ánɩ oyin ↄbɛtalɩ kíná mʋ ka ↄkpagyíↄkpasʋ?”4 Yesu lɛbláa amʋ ↄbɛɛ, “Mlɩmↄkʋkla Bulu asʋn ámʋ kɩ ánɩ

brɛ ámʋʋ Bulu léfi ↄyɩ asɩ á, ↄtsɩ mʋa oyin ↄlↄbwɛ? 5 Bulu lɛblɩ ↄbɛɛ, ‘Ɩnɩ sʋ oyin obótu sí mʋ sɩ mʋa mʋ yin yɛmantá mʋ kasʋ, amʋ abanyↄ bↄbwɛ ↄyʋlʋʋ kʋlɛ nɩ.’ 6 Mʋ sʋ ndɛ mlɩ bláa mbɛɛ, bʋtráa bʋmegyí abanyↄ, támɛ babwɛ ↄbakʋlɛ. Ahá ánɩ Bulu labwɛ amʋ ɩkʋlɛ a, ↄhaa mámaɩn amʋ abasʋ.”

7 Farisifↄ ámʋ bɛfɩtɛ mʋ bɛɛ, “Ntogyi sʋ Mose lↄwa mbla ↄbɛɛ, oyin ↄbɛtalɩ wánlɩn ↄkákiná ↄwʋlʋ pʋkíná mʋ ka?”

8 Yesu lɛbláa amʋ ↄbɛɛ, “Mlɩ klʋntↄ odwin sʋ Mose lɛha mlɩ ↄkpa ↄbɛɛ, mlɩkína mlɩ aká, tɛkɩ megyí alɩ Bulu lↄbwɛ mʋ brɛá olefi ↄyɩ ámʋ asɩ nɩ. 9 Támɛ ndɛ mlɩ bláa mbɛɛ, nɩ oyin okíná mʋ ka láyétsiá ↄtsɩ bámbá á, alatↄ mbʋa. Ɔkpa oduásʋá oyin ↄbɛtalɩ kíná mʋ ka pɛ gyí aladálɩ mʋ ↄma.”

10 Mʋʋ mʋ akasɩpʋ amʋ bɛblɩ bɛɛ, “Nɩ alɩ okúlu mʋa ↄká abatsiátↄ asʋn igyi nɩ mʋ á, mʋmʋ ɩma alɛá oyin mʋa ↄtsɩ bétsiá aba pó.”

11 Yesu lɛbláa amʋ ↄbɛɛ, “Megyí ahá fɛɛ ↄbɛtalɩ hↄ atosunáhɛ anfɩ. Nkɛtɩ ahá ánɩ Bulu lↄpʋhá amʋ pɛ. 12 Tsúfɛ ɩna ↄkpa tsↄtsↄↄtsↄsʋ ayin akʋ bʋtamatsía aká. Ayin ámʋ akʋ á, alɩ bↄkwɩɩ amʋ nɩ. Akʋ ɛ anyánkpʋsa láflo amʋ. Akʋ ɛ basin kpankʋ Bulu iwíegyí ámʋ sʋ. Ɔhá ánɩ ↄbɛtalɩ á, ↄhↄↄ mɩ atosunáhɛ anfɩ.”

Mateo 18 , 19


48

Nyebí Yulá (Marko 10:13‑16; Luka 18:15‑17)

13 Aha akʋ bɛkpa nyebí ba Yesu bɛɛ, ↄpʋʋ ɩbɩ dɩnka amʋsʋ, ↄkʋlɩ Bulu oyúla ha amʋ. Támɛ akasɩpʋ amʋ bↄwa ɩyɩn wá amʋ. 14 Mʋʋ Yesu lɛbláa akasɩpʋ amʋ ↄbɛɛ, “Mlɩha nyebí ámʋ ↄkpa abʋba mɩ wá. Mlɩmátin amʋ ↄkpa, tsúfɛ ahá ánfɩ odu bʋ Bulu iwíegyí ámʋ nɩ.”

15 Mʋʋ ↄlↄpʋ ɩbɩ dɩndɩnka amʋsʋ, ↄlɛnatɩ ɩnʋ á.

Atonyahɛ Ɩwɩ Atosunáhɛ (Marko 10:17‑31; Luka 18:18‑30)

16 Ɛkɛ ↄkʋ oyin ↄkʋ lɛba Yesu wá bɛfɩtɛ mʋ ↄbɛɛ, “Osunápʋ, yilé mↄmʋ nↄbwɛ asa nénya nkpa ánɩ ɩtamatá?”

17 Yesu lɛfɩtɛ mʋ ↄbɛɛ, “Ntogyi sʋ fʋdɛ mɩ yilé ɩwɩ asʋn fɩtɛ? Ɔbakʋlɛ pɛ gyí ↄha yilé. Mʋgyí Bulu. Támɛ nɩ fʋdekléá fʋnyáa nkpa ánɩ ɩtamatá á, mʋmʋ gyi Bulu mbla asʋn ámʋsʋ.”

18 Oyin ámʋ lɛlafɩtɛ mʋ ↄbɛɛ, “Mʋtↄ mↄmʋ?”Yesu lɛbláa mʋ ↄbɛɛ, “Mámↄ ↄha, mátↄ mbʋa, máwi atↄ,

máka asʋn dɩnká fʋ básʋ. 19 Bu fʋ sɩ mʋa fʋ yín, afʋdwɛ fʋ bá fɛ fʋ ɩwɩ.”

20 Ɔyasubi ámʋ lɛbláa Yesu ↄbɛɛ, “Ntegyi mʋ fɛɛsʋ. Ntↄ ɛ ntráa bwɛ?”

21 Yesu lɛbláa mʋ ↄbɛɛ, “Nɩ fʋdekléá fↄfʋn mʋ á, yɛfɛ fʋ ɩwɩsʋ atↄ fɛɛ, afʋye kↄba amʋ ha ahiánfↄ, mɛnɩ fénya siadɩɛ ↄsʋsʋ. Fↄbwɛ mʋ tá á, ba afʋbobuo mɩ.”

22 Brɛá ↄyasubi ámʋ lónu asʋn ánfɩ á, ɩlɛhɩɛ han mʋ, ↄlɛnatɩ díín, tsúfɛ ↄhɩɛ ↄbʋ atↄ.

23 Mʋʋ Yesu lɛbláa mʋ akasɩpʋ ↄbɛɛ, “Ɔnↄkwalɩ ndɛ mlɩ bláa mbɛɛ, ɩbɛhɩɛ wá ↄnlɩn asa ɩwɩ onyapʋ obówie Bulu iwíegyí ámʋtↄ. 24 Ntráa ndɛ mlɩ bláa mbɛɛ, ɩlↄpↄn ha *kpↄsↄ ánɩ ↄbↄtsʋn ↄbɩn‑atↄ ↄbↄtↄ, dʋn ánɩ ɩwɩ onyapʋ obówie Bulu iwíegyí ámʋtↄ.”

25 Akasɩpʋ amʋ bonu asʋn ánfɩ á, ↄnↄ lobwie amʋ. Ɩnɩ sʋ bɛfɩtɛ bɛɛ, “Mʋmʋ ma mɛɛ Bulu ↄbↄhↄ nkpa?”

Mateo 19


49

Mat

26 Ɩnʋ Yesu lɛlɩɩ kɩ amʋ alɩɩ. Mʋʋ ↄlɛbláa amʋ ↄbɛɛ, “Anyánkpʋsatↄ mʋ á, ↄhaa mɛɛtalɩ bwɛ ɩnɩ, támɛ Bulu mʋ tɛtálɩ bwɛ tógyítↄ.”

27 Mʋʋ Petro lɛfɩtɛ mʋ ↄbɛɛ, “Ɩnɩá anɩlasí tógyítↄ tswɩ bobuo fʋ á, ntↄ abénya tsú fʋ búotↄ?”

28 Yesu lɛbláa amʋ ↄbɛɛ, “Ɔnↄkwalɩ ndɛ mlɩ bláa. Brɛá Bulu ↄbwɛ ↄyɩ pↄpwɛ amʋ, mɩ, Nyankpʋsa‑Mʋ‑Bi ánfɩ netsíá mɩ numnyam owíe obíá ámʋsʋ á, mlɩ ahá ánfɩ mlɩbuo mɩ ánfɩ ɛ mlétsiá awíe mbíá dúanyↄsʋ, gyi *Israel abusuan dúanyↄ ámʋ asʋn. 29 Ɔhagyíↄha ánɩ alanátɩ sí mʋ wóyí, mʋ apíó, mʋ sɩ mʋa mʋ yin, mʋ abí ntɛɛ ↄsʋlʋʋ mɩ sʋ á, Bulu ↄbɛla há mʋ mʋ tsé dú tsé lafa, trá lahá mʋ nkpa ánɩ ɩtamatá. 30 Támɛ agyankpapʋ akʋ bɛba bemlí amapʋ, amapʋ amʋ akʋ ɛ bébemlí agyankpapʋ.”

Ndↄtↄ Agyʋmá Ayↄpʋ Ɩwɩ Yébi

20 1 Yesu lɛtrá bláa amʋ ↄbɛɛ, “Mʋ sʋ Bulu iwíegyí ámʋ igyi fɛ asʋn ánfɩ. Ɔdↄtↄpʋ ↄkʋ létsiá. Ɛkɛ

ↄkʋ ↄlↄkʋsʋ nyankɩ‑nyankɩ ↄyↄ ɩpa agyípʋ odunkákpá, abʋyↄyↄ agyʋmá mʋ ndↄtↄ. 2 Mʋa amʋnyↄ begyi bíá ánɩ ↄbɛka amʋ alɩá bʋtↄhↄ ɛkɛwʋlɛ, ↄlↄpʋ amʋ sɩsɩ agyʋmá ámʋ ↄyↄkpá. 3 Dokwebátↄ a, ↄlɛdalɩ yↄ dɩnsʋ, oloyówun akʋ ɛ bʋlɩɩ, bʋmɛdɛ tↄtↄ bwɛ. 4 Olotsu amʋ ɛ ↄbɛɛ bʋyↄyↄ agyʋmá mʋ ndↄtↄ ha mʋ. Ɩbwɛ ↄbɛka amʋ tↄá ɩbʋ alɛ. Mʋ sʋ bↄyↄ. 5 Dódúanyↄ pʋ dↄsatↄ ɛ á, ↄlɛtrá pʋ akʋ sɩsɩ ndↄ ámʋtↄ. 6 Ntʋpwɛ donutↄ, brɛá ↄlɛdalɩ a, ↄlɛtrá wun akʋá bʋlɩɩ kpaalɩ. Mʋʋ ↄlɛfɩtɛ amʋ ↄbɛɛ, ‘Ntogyi sʋ ndɛ fɛɛ mlɩlɩɩ nfɩ, mlɩmɛdɛ tↄtↄ bwɛ?’ 7 Bɛbláa mʋ bɛɛ, ‘Ɔhaa mↄkʋbↄ anɩ ɩpa.’ Mʋʋ ↄlɛbláa amʋ ↄbɛɛ, ‘Mʋmʋ mlɩ ɛ mlɩbↄtsʋn yↄyↄ agyʋmá mɩ ndↄtↄ.’

8 “Brɛá owí lↄpↄn a, ↄdↄtↄpʋ amʋ lɛtɩ mʋ agyʋmásʋ ↄkɩpʋ bláa mʋ ↄbɛɛ, ↄtɩɩ ɩpa agyípʋ ámʋ fɛɛ, ↄkáa amʋ akↄ. Ɔkáa amʋ tsu amapʋ amʋsʋ alɩɩ bↄtʋ agyankpapʋ amʋ. 9 Brɛá ɩpa agyípʋ amʋ bɛba a, agyʋmásʋ ↄkɩpʋ amʋ lɛka ahá ámʋʋ bↄyↄ donutↄ ámʋ alɩá bʋtↄhↄ ɛkɛwʋlɛ. 10 Brɛá ɩlↄtʋ agyankpapʋ amʋ a, bʋkɩ bɛɛ bénya dʋn alɩ, támɛ alɩ kɛn

Mateo 19 , 20


50

ↄlɛka amʋ ɛ nɩ. 11 Mʋ sʋ ↄlɛka amʋ akↄ tá á, agyankpapʋ amʋ bↄwa tↄtↄɩ ↄdↄtↄpʋ amʋsʋ bɩ. 12 Bɛblɩ bɛɛ, ‘Amapʋ anfɩ mʋ á, dↄnhwɩrɩ kʋlɛ pɛ bↄyↄ agyʋmá. Anɩ mʋ anɩlalɩɩ owí kpankpli ánfɩsʋ yↄ agyʋmá, támɛ faká anɩa amʋnyↄ fɛɛ akↄ kʋlɛ.’

13 “Ɔdↄtↄpʋ amʋ lɛbláa amʋtↄ ↄkʋlɛ ↄbɛɛ, ‘Agya, yɛɛ mmↄkʋtafá fʋ o! Megyí ɩtↄ ámʋʋ mɩa fʋnyↄ anɩlɛblɩ ámʋ napʋhá fʋ á? 14 Pʋ fʋ atↄ natɩ. Mɩdéklé mbɛɛ, nɛha amapʋ amʋ alɩá naká fʋ. 15 Mma ↄkpa ánɩ nↄpʋ mɩ kↄba bwɛ tↄá ndeklé? Ntɛɛ mɩ awɩtↄlɛwa dɛ fʋ ɩwɩtↄ wie?’

16 “Alɩ amapʋ bↄbwɛ agyankpapʋ, agyankpapʋ ɛ bↄbwɛ amapʋ nɩ.”

Yesu Lowu Ɩwɩ Asʋn Blɩ Otse Saasɩ (Marko 10:32‑34; Luka 18:31‑34)

17 Brɛá Yesu ↄyↄ Yerusalem a, ↄlɛkpa akasɩpʋ dúanyↄ ámʋ ya ɩtsɛtↄ bláa amʋ ↄbɛɛ, 18 “Mlɩnu! Ayↄ Yerusalem. Ɩnʋ á, bɛlɛ mɩ, Nyankpʋsa‑Mʋ‑Bi ánfɩ há Bulu *igyí ahapʋ dɛhɛn pʋ Mose mbla asunápʋ. Bɛha mɩ lowu ɩpↄn. 19 Bↄpʋ mɩ wá ahá ánɩ bʋmegyí Yudafↄ ɩbɩtↄ bↄbwɛ mɩ ahinlá, bↄnwɛn mɩ mplɩ, dá mɩ mántá *oyikpalíhɛsʋ. Támɛ Bulu ↄbɛlakʋsʋa mɩ ɛkɛ sáásɩ tsú afúlitↄ.”

Abí Oyín Ɔkʋ Atↄ Kʋlɩhɛ (Marko 10:35‑45)

20 Mʋʋ Sebedeo mʋ ka lɛkpa mʋ abi anyↄ bɛba, ↄlɛda akpawunu Yesu ayabitↄ, kʋlɩ mʋ ↄbɛɛ, ↄbwɛɛ tↄkʋ ha mʋ.

21 Yesu lɛfɩtɛ mʋ ↄbɛɛ, “Ntↄ fʋdeklé?”Ɔtsɩ ámʋ lɛbláa mʋ ↄbɛɛ, “Ha mɩ abi anyↄ ánfɩtↄ ↄkʋlɛ

otsia fʋ gyↄpɩsʋ, ↄkʋlɛ ɛ otsia fʋ bɩnasʋ brɛá fʋdɛ *iwíe gyí.”22 Yesu lɛbláa amʋ ↄbɛɛ, “Mlɩméyín tↄá mlɩdɛkʋlɩ.” Ɔlɛfɩtɛ

Yohane mʋa Yakobo ↄbɛɛ, “Mlɛtalɩ wun ɩwɩↄsɩn ámʋʋ nɛbá bowun amʋ?”

Bɛbláa mʋ bɛɛ, “Ee, abɛtalɩ.”23 Mʋʋ ↄlɛbláa amʋ ↄbɛɛ, “Mlówun ɩwɩↄsɩn ámʋ mʋ,

támɛ mma túmi ánɩ nɛlɛ ahá ánɩ bétsiá mɩ gyↄpɩsʋ ntɛɛ mɩ

Mateo 20


51

Mat

j 21:1 Nfↄ‑nyíbʋ igyi obubwí kʋá ɩbʋ mantáa Yerusalem, bʋtɛtɩ mʋ Olifbʋ.

bɩnasʋ. Otsiákpá ɩnʋ ɩda gyo ahá ámʋʋ mɩ Sɩ Bulu lalá ɩnʋ yáɩ há ámʋ.”

24 Brɛá akasɩpʋ dú atráhɛ amʋ bonu asʋn ánfɩ á, Yakobo mʋa Yohane ɩwɩ lↄwa amʋ ↄblↄ. 25 Mʋʋ Yesu lɛtɩ amʋ, bláa amʋ ↄbɛɛ, “Mlɩyin ánɩ ↄmátↄfↄsʋ agyípʋ bʋtɛhɩɛ amʋ ahá, amʋ ahandɛ ɛ bʋtenyá túmi amʋsʋ. 26 Támɛ mlɩtↄ mʋ á, ɩmába alɩ. Ɔhagyíↄha ánɩ odekléá ↄbↄbwɛ mlɩtↄ ↄhandɛ a, ↄbwɛɛ mʋ ɩwɩ osúmpʋ ha mʋ aba atráhɛ. 27 Ɔhá ánɩ odekléá ↄbↄbwɛ mlɩ nkpá ogyápʋ ↄbwɛɛ mlɩ ↄkpábi. 28 Alɩ kɛn mɩ, Nyankpʋsa‑Mʋ‑Bi ánfɩ ɛ mmɛba mbɛɛ, bʋsúm mɩ nɩ. Ahá osúmkpá nɛba, ampʋ mɩ nkpa hↄ ahá tsↄtsↄↄtsↄ nkpa.”

Ansibi Abwiepʋ Abanyↄ Ɩlↄ Tsa (Marko 10:46‑52; Luka 18:35‑43)

29 Brɛá Yesu mʋa mʋ akasɩpʋ bʋdɛdalɩ Yeriko wúlutↄ bↄyↄ á, ↄdↄm kpↄnkpↄↄnkpↄntɩ bobuo amʋ. 30 Ansibi abwiepʋ abanyↄ akʋ bʋtsie ↄkpa ámʋtↄ, bonu ánɩ Yesu dɛtsʋʋn. Ɩnʋ bↄkplʋn blɩ bɛɛ, “Anɩ Wíe, *Dawid mʋ na, wun anɩ nwɛ.”

31 Ɔdↄm amʋ bↄkplʋn wa amʋ bɛɛ bʋkpá ↄnↄ bun. Támɛ bɛlakplʋn dʋn alɩ bɛɛ, “Anɩ Wíe, Dawid mʋ na, wun anɩ nwɛ!”

32 Mʋʋ Yesu lési lɩɩ, tɩ amʋ, ↄlɛfɩtɛ amʋ ↄbɛɛ, “Ntↄ mlɩdéklé mlɩaa, mbwɛɛ ha mlɩ?”

33 Bɛbláa mʋ bɛɛ, “Anɩ Wíe, ha anɩ awun atↄ.”34 Ɩnʋ amʋ asʋn lↄwa Yesu nwɛ, ↄlↄpʋ mʋ ɩbɩ dada amʋ

ansíbi. Ɩnʋnʋ bowun atↄ, bɛkplá buo mʋ.

Bↄhↄ Yesu Fɛ Owíe Yerusalem (Marko 11:1‑11; Luka 19:28‑40; Yohane 12:12‑19)

21 1‑2 Brɛá Yesu mʋa mʋ akasɩpʋ bɛbɛɛn Yerusalem wúlu, bɛta Betfage wúlu ánɩ ɩbʋ Nfↄ‑nyíbʋ j ámʋ asɩ

wie tá á, ↄlↄwa mʋ akasɩpʋ abanyↄ gyankpá. Ɔlɛbláa amʋ ↄbɛɛ, “Mlɩyↄ wúlu anfɩ ɩda mlɩ ansɩtↄ ánfɩsʋ. Nɩ mlowíé

Mateo 20 , 21


52

wúlu amʋ ↄnↄ á, mlówun afrímú tsɩhɛ ↄkʋá ↄda ↄfɛtↄ, mʋ bi lɩɩ mʋ wá. Mlɩsankɩ mʋ, amlɩkpa amʋ ba mɩ. 3 Nɩ ↄkʋ ↄfɩtɛ mlɩ asʋankʋ á, mlɩbla mʋ mlɩaa, ‘Anɩ Wíe dɛ amʋ hián.’ Ɩnʋnʋ ↄbɛha mlↄpʋ amʋ ba mɩ.”

4 Ɩnɩ lɛha Bulu asʋn ámʋʋ ↄlɛblɩ tsʋn mʋ ↄnↄsʋ ↄtↄɩpʋsʋ ámʋ lɛba mʋtↄ. Ɔbɛɛ, 5 “Mlɩbla *Sionfↄ mlɩaa,

Mlɩkɩ, mlɩ Wíe ↄbá mlɩ wá.Ololwií, ↄdɩn afrímúsʋ.

Ɔdɩn afrímú ibí yínhɛsʋ ↄbá.”6 Yesu akasɩpʋ abanyↄ ámʋ bↄyↄbwɛ alɩ ámʋʋ Yesu

lɛbláa amʋ ámʋ. 7 Bɛkpa afrímú mʋa mʋ bi ámʋ ba, bɛyaɩ amʋ atati dɩnká amʋsʋ, ↄlↄdʋ bian mʋsʋ. 8 Ɔdↄm kpↄnkpↄↄnkpↄntɩ bɛyaɩ amʋ atati tswɩ ↄkpatↄ, akʋ ɛ bebiabía afɩtáa bunbun ↄkpa ámʋtↄ. 9 Ɔdↄm amʋʋ bʋgya Yesu nkpá mʋa ↄma amʋ bↄsʋrá okitikíti bɛɛ, “*Hosiána há Dawid mʋ na ámʋ! Bulu oyúla owíe anfɩ ↄbá mʋ dátↄ ánfɩ! Hosiána bʋ ↄsʋsʋʋsʋ!”

10 Brɛá Yesu lówie Yerusalem a, wúlu amʋtↄ fɛɛ lɛda kpokiti, bʋdɛfɩtɛ bɛɛ, “Ma gyí ↄhá ánfɩ?”

11 Ɔdↄm amʋʋ bʋbuo mʋ amʋ bɛlɛ mʋ ↄnↄ bɛɛ, “Ɔnɩ gyí Yesu, Bulu ↄnↄsʋ ↄtↄɩpʋ amʋʋ otsú Nasaret wúluá ɩbʋ Galilea ↄmátↄ ámʋ nɩ.”

Yesu Bulu Ɔtswɛkpa Yↄ (Marko 11:15‑19; Luka 19:45‑48; Yohane 2:13‑22)

12 Mʋʋ Yesu lↄyↄ *Bulu ↄtswɛkpa wunsɩnɛsʋ ɩnʋ, yégya atↄ afɛpʋ pʋ atↄ ahↄpʋ fɛɛ dalɩ. Olowuwúta kↄba atsɛpʋ mpʋnʋ dá, súnsúnki abrↄdʋma afɛpʋ ɛ mbíá dá. 13 Ɔlɛbláa amʋ ↄbɛɛ,

“Bↄwanlɩn wá Bulu asʋn ámʋtↄ bɛɛ, ‘Bɛtɩ mɩ ↄtswɛkpa bɛɛ, mpáɩ ↄbↄkpá.’ Támɛ mlɩlapʋ ɩnʋ mlí awikplu ↄŋaínkpá.”

14 Ansibi abwiepʋ pʋ abubúpʋ akʋ bɛba mʋ wá Bulu ↄtswɛkpa wunsɩnɛsʋ ɩnʋ, ↄlɛtsa amʋ ɩlↄ. 15 Brɛá Bulu *igyí ahapʋ dɛhɛn pʋ Mose mbla asunápʋ amʋ bowun ofúla ánɩ Yesu dɛbwɛ, pʋ alɩá nyebí bʋdɛkplʋn Bulu ↄtswɛkpa wunsɩnɛsʋ ɩnʋ bɛɛ, “Hosiána há Dawid mʋ na ámʋ!” a, ↄblↄ

Mateo 21


53

Mat

lɛkɩtá amʋ. 16 Mʋ sʋ bɛfɩtɛ Yesu bɛɛ, “Fʋmedénu asʋn ánɩ nyebí ánfɩ bʋdɛblɩ?”

Yesu lɛlɛ mʋ ↄnↄ ↄbɛɛ, “Ndenu. Mlɩmↄkʋkla asʋn ánɩ Bulu asʋn wanlɩnhɛ amʋ lɛblɩ? Ɔbɛɛ, ‘Fasúná nyebí pʋ amʋá bʋmↄkʋtɩn nyↄpʋ alɩá bʋkánfʋ fʋ.’ ”

17 Yesu lɛdalɩ wúlu amʋtↄ sí amʋ yↄ Betania. Ɩnʋ ↄlɛdɩ ɛkɛ ámʋ nɩ.

Pↄntↄ Oyí Lwɩɩ (Marko 11:12‑14, 20‑24)

18 Ɔyɩ kɛhɛ nyankɩ, brɛá Yesu léyinkí ↄbá Yerusalem a, akʋn dɛ mʋ. 19 Mʋ sʋ brɛá olowun pↄntↄ kʋá ɩlɩɩ mantáa ↄkpa á, ↄlɛbaɩ yↄ mʋ asɩ. Ɔlↄyↄ á, omowun abí kʋkʋ mʋtↄ, afɩtáa sↄↄn bʋ mʋsʋ. Ɩnʋ ↄlɛbláa pↄntↄ ámʋ ↄbɛɛ, “Tsú ndɛ fʋmɛɛtrá swie abí ɛkɛkɛɛkɛ!” Ɩnʋnʋ oyí ámʋ lówu.

20 Mʋ akasɩpʋ amʋ bowun alɩá oyí ámʋ labwɛ á, ↄnↄ lobwie amʋ. Mʋ sʋ bɛfɩtɛ bɛɛ “Ntogyi sʋ oyí ánfɩ lawú ↄtsáwʋlɛ pɛ alɩ?”

21 Yesu lɛbláa amʋ ↄbɛɛ, “Ɔnↄkwalɩ ndɛ mlɩ bláa. Nɩ mlↄhↄ Bulu gyi, mlɩmégyi nwɛɛn a, mlɛtalɩ bwɛ ɩtↄ ánfɩ nabwɛ oyí ánfɩ pʋ mʋá ɩdʋn mʋ. Mlɛtalɩ bláa ɩbʋ ánfɩ mlɩaa, ‘Puli yowie ↄpʋtↄ.’ Ibópulí yↄ. 22 Nɩ mlↄhↄ Bulu gyi, mlↄkʋlɩ mʋ tógyítↄ á, mlɩ ɩbɩ bɛda mʋ.”

Yesu Túmi Ɩwɩ Asʋn Fɩtɛhɛ (Marko 11:27‑33; Luka 20:1‑8)

23 Yesu léyinkí bowie Bulu ↄtswɛkpa wunsɩnɛsʋ ɩnʋ. Brɛá ↄdɛ atↄ suná á, Bulu igyi ahapʋ dɛhɛn pʋ Yudafↄ ahandɛ amʋ bɛba mʋ wá. Bɛfɩtɛ mʋ bɛɛ, “Ma lɛha fʋ ↄkpa, fʋdɛ ntobí ánfɩ bwɛ? Ma lɛha fʋ túmi?”

24 Yesu lɛlɛ mʋ ↄnↄ ↄbɛɛ, “Mɩ ɛ nfɩtɛ mlɩ asʋn kua kʋlɛ. Nɩ mlɛlɛ mʋ ↄnↄ á, nɛbláa mlɩ túmi oduá ndɛpʋbwɛ ntobí ánfɩ. 25 Bulu wá Asú Ɔbↄpʋ Yohane lénya túmi pʋbↄ ahá

*asú, ntɛɛ nyankpʋsa?”Amʋ wʋlɛwʋlɛ bↄyↄ asʋn ánfɩtↄ bɛɛ, “Nɩ ablɩ anɩaa itsú

Bulu wá á, ↄbɛfɩtɛ anɩ ↄbɛɛ, mʋ ntogyi sʋ anɩmↄhↄ mʋ gyi?

Mateo 21


54

26 Ntɛɛ ablɩɩ anɩaa, anyánkpʋsa wá itsú.” Támɛ bʋdɛ tↄá ahá tsↄtsↄↄtsↄ ámʋ bↄbwɛ amʋ ifú nya. Tsúfɛ amʋ fɛɛ bohogyi ánɩ Bulu ↄnↄsʋ ↄtↄɩpʋ Yohane gyí. 27 Mʋ sʋ bɛlɛ mʋ ↄnↄ bɛɛ,

“Ohwée! Anɩméyín ↄtɩnɛá olenya mʋ túmi tsú.”Mʋʋ Yesu ɛ lɛbláa amʋ ↄbɛɛ, “Mʋmʋ mɩ ɛ mmɛɛbláa mlɩ

túmi oduá ndɛpʋbwɛ ntobí ánfɩ.”

Oyin Ɔkʋ Abi Anyↄ Ɩwɩ Yébi28 “Mlɩyↄ asʋn ánfɩtↄ amlɩkɩ. Oyin ↄkʋ mʋa mʋ abi anyↄ

betsiá. Ɛkɛ ↄkʋ ↄlↄyↄ yɛbláa ↄdɛhɛn ↄbɛɛ, ‘Mɩ bí, ndɛ yↄyↄ agyʋmá mɩ ndↄtↄ ha mɩ.’ 29 Ɔlɛbláa mʋ sɩ ↄbɛɛ, ‘Mmↄↄyↄ.’ Mʋ ↄma a, ↄlɛlatsɛ mʋ agywɩɩn, yↄ ndↄ ámʋtↄ. 30 Amʋ sɩ lɛnatɩ yↄ ↄkʋsʋ amʋ ɛ wá yɛbláa mʋ alɩ kɛn. Ɔkʋsʋ amʋ lótsulá ↄbɛɛ, ‘Mɩ sɩ, nↄyↄ.’ Támɛ ↄmↄyↄ.” 31 Ɩnʋ Yesu lɛfɩtɛ ahá ámʋ ↄbɛɛ, “Abi anyↄ ámʋtↄ ↄmↄmʋ lↄbwɛ dɩnká mʋ sɩ asʋnsʋ?”

Yudafↄ igyí ahapʋ dɛhɛn pʋ Yudafↄ ahandɛ amʋ bɛbláa mʋ bɛɛ, “Ɔdɛhɛn amʋ.”

Mʋʋ Yesu lɛbláa amʋ ↄbɛɛ, “Ɔnↄkwalɩ ndɛ mlɩ bláa. Lampóo ahↄpʋ pʋ obu‑ↄnↄ atsiápʋ bówie Bulu iwíegyí ámʋtↄ sí mlɩ. 32 Tsúfɛ Asú Ɔbↄpʋ Yohane lóbosuná mlɩ tsiátↄ oduá ɩda ↄkpa Bulu ansɩtↄ, támɛ mlɩmↄhↄ mʋ gyi. Lampóo ahↄpʋ pʋ obu‑ↄnↄ atsiápʋ bↄhↄ mʋ gyi. Ɔma mlɩlówun ánɩ amʋ kʋráá batsɛ a, mlɩmɛtsɛ mlɩ agywɩɩn hↄ mʋ gyi.

Apafↄ Laláhɛ Akʋ (Marko 12:1‑12; Luka 20:9‑19)

33 “Mlɩnu yébi ɩkʋ ɛ. Ɔdↄtↄpʋ ↄkʋ lↄdↄ *wáɩn ndↄ. Olegyi ɩban bómlí mʋ. Olokwi wáɩn amʋ onyimɛkpá. Ɔlↄpwɛ obu fʋáhɛ kʋ há ndↄ ámʋ agyópʋ. Mʋʋ ↄlↄpʋ ndↄ ámʋ wá apafↄ ɩbɩtↄ, olotu ↄkpa yↄ ↄmá ɩkʋtↄ. 34 Brɛá wáɩn‑abí amʋ kpↄtɩbɩ lↄfʋn a, ↄlↄwa mʋ asúmpʋ apafↄ ámʋ wá ↄbɛɛ, bʋyↄhↄ mʋ ogyíkpá ba mʋ. 35 Támɛ apafↄ ámʋ bɛkɩtá amʋ, dá ↄkʋlɛ, mↄ ↄkʋlɛ, dá ↄkʋlɛ ɛ abwi. 36 Ndↄ mʋ wie amʋ lɛtrá wa mʋ asúmpʋ bámbá ánɩ bʋtsↄ dʋn agyankpapʋ amʋ. Apafↄ ámʋ bↄbwɛ amʋ ɛ alɩ kɛn. 37 Mʋ tráhɛ kʋráá á, ↄlɛblɩ ↄbɛɛ, ‘Oo, bóbu mɩ bí kwɩɩhɛ mʋ.’ Mʋ sʋ ↄlↄwa mʋ ɛ. 38 Támɛ brɛá

Mateo 21


55

Mat

apafↄ ámʋ bowun mʋ bi ámʋ sɩsɩ á, bɛbláa aba bɛɛ, ‘Ɔnɩ obégyi mʋ sɩ atↄ nɩ. Mlɩha amↄ mʋ, mɛnɩ ndↄ ámʋ ibémlí anɩ klɛ.’ 39 Mʋ sʋ bɛkɩtá mʋ, bɩtɩa mʋ dálɩ ndↄ ámʋtↄ yↄmↄ mʋ.”

40 “Nɩ ndↄ mʋ wie ↄbá á, ntↄ mlɩlahogyi mlɩaa, ↄbↄbwɛ apafↄ ánfɩ?”

41 Yudafↄ igyi ahapʋ dɛhɛn pʋ Yudafↄ ahandɛ amʋ bɛlɛ mʋ ↄnↄ bɛɛ, “Ɔbɛha aha laláhɛ anfɩ bówu lowu sɩnsɩn, ↄbɛlapʋ ndↄ ámʋ wá apafↄ bámbá ɩbɩtↄ. Amʋá bétsiá pʋ mʋ atↄ‑abí ba mʋ mʋ kpↄtɩbɩ.”

42 Mʋʋ Yesu lɛfɩtɛ amʋ ↄbɛɛ, “Ntɛɛ mlɩmↄkʋkla Bulu asʋn wanlɩnhɛ amʋ kɩ? Bↄwanlɩn bɛɛ,

‘Ibwi ámʋʋ obu ayípʋ bekiná ámʋlébemlí okonkísʋbwi nɩ.

Bulu lↄbwɛ mʋ alɩ.Ɩbʋ wánwan.’

43 “Mʋ sʋ ndɛ mlɩ bláa mbɛɛ, Bulu ↄbↄhↄ mʋ *iwíegyí ámʋ lɛ mlɩ ɩbɩtↄ pʋhá ↄmá ánɩ bↄbwɛ tↄá otekle.

44 “Ɩnɩ sʋ ↄhá ánɩ ↄlɛdɩda ibwi ámʋsʋ obébiabía blúblúblúblú. Nɩ ibwi ámʋ isúnkí dá ↄkʋsʋ ɛ á, ɩbↄkwɛ mʋ

Mateo 21

Wáɩn Ndↄ nɩ. (Mateo 21:33)


56

k 21:44 Mʋtↄ yée 44 ɩma nwʋlʋ dada amʋ akʋtↄ.

fɩkↄfɩkↄfɩkↄ fɛ nfúó. k” 45 Brɛá Bulu igyi ahapʋ dɛhɛn pʋ Farisifↄ ámʋ bonu Yesu ayébi anfɩ á, ɩlↄwankɩ amʋ ánɩ amʋ ↄdɛ. 46 Tɛkɩ bekleá bɛkɩtá mʋ, támɛ benya ifú, tsúfɛ ↄdↄm amʋ bʋtobú Yesu ánɩ Bulu ↄnↄsʋ ↄtↄɩpʋ ogyi.

Ɔtsɩkpaɩn Ɩwɩ Yébi (Luka 14:15‑24)

22 1‑2 Yesu lɛtrá bláa Yudafↄ igyi ahapʋ pʋ Yudafↄ ahandɛ amʋ asʋn yébitↄ ↄbɛɛ, “Bulu iwíegyí ámʋ

igyi fɛ asʋn ánfɩ. Owíe ↄkʋ dɛ ↄtsɩ kpaɩn há mʋ bi, 3 ↄlɛtɩ ahá ↄbɛɛ, bʋbá nkɛ ámʋ asɩ. Brɛá owíe ámʋ lↄbwɛ tá á, ↄlↄwa mʋ asúmpʋ ↄbɛɛ, bʋyɛtɩ ahá ámʋ abʋba, támɛ bekiná bá. 4 Mʋ sʋ ↄlɛlawá mʋ asúmpʋ bámbá ↄbɛɛ, ‘Mlɩtra yɛbláa ahá ámʋ mlɩaa, nabwɛ tógyítↄ tá. Bamↄ mɩ nnantswie akpↄnkpↄntɩ ámʋ pʋ amʋá bawá nfↄ, nɩná atↄ ámʋ fɛɛ tá. Mʋ sʋ bʋbá ↄtsɩ ↄkpaɩnkpá ɩnʋ.’ 5 Támɛ ahá ámʋʋ bɛyɛtɩ ámʋ bʋmɛkplá amʋ. Bɛnatɩ sí amʋ yↄ amʋ agyʋmásʋ. Akʋ bɛnatɩ yↄ amʋ ndↄtↄ. Akʋ ɛ bɛnatɩ yↄ amʋ ibíá ogyíkpá. 6 Amʋ atráhɛ bɛkɩtá asúmpʋ amʋ, dá amʋ, mↄ amʋ. 7 Brɛá owíe amʋ lónu asʋn ánfɩ á, ↄblↄ lɛhɩɛ kɩtá mʋ. Mʋ sʋ ↄlↄwa mʋ ɩsá akↄpʋ, bↄyↄmↄ ahá ámʋʋ bↄmↄ mʋ asúmpʋ amʋ, wá amʋ wúlu ogyá. 8 Mʋʋ ↄlɛbláa mʋ asúmpʋ bámbá ↄbɛɛ, ‘Banɩná ↄtsɩkpaɩn atogyihɛ amʋ tá, támɛ ahá ámʋʋ nɛtɩ ámʋ bʋmↄfʋn ha mɩ wóyítↄ ba. 9 Mʋ sʋ mlɩwie awúlutↄ, amlɩtɩ ↄhagyíↄha ánɩ mlówun, ↄba ↄtsɩ ↄkpaɩnkpá ɩnʋ.’ 10 Ɩnʋ asúmpʋ amʋ bowie awúlutↄ. Bɛtɩ ↄhagyíↄha ánɩ bowun, aha wankláán pʋ aha laláhɛ fɛɛ. Mʋ sʋ ahá bↄbʋlá ↄtsɩ ↄkpaɩnkpá ɩnʋ dɛdɛɛdɛ.

11 “Támɛ brɛá owíe amʋ lɛbɛkɩ ahá ámʋʋ batɩ ámʋ a, olowun oyin ↄkʋá ↄmↄwa ↄtsɩkpaɩn nkɛtↄ atadɩɛ. 12 Mʋʋ ↄlɛfɩtɛ mʋ ↄbɛɛ, ‘Agya, nkálɩ ɩlↄbwɛ fʋmↄwa ↄtsɩkpaɩn nkɛtↄ atadɩɛ asa fɛba nfɩ?’ Oyin ámʋ mɛtalɩ lɛ mʋ ↄnↄ. 13 Mʋʋ owíe amʋ lɛlabláa mʋ asúmpʋ ↄbɛɛ, ‘Mlɩklɩ mʋ ayabi pʋ mʋ ɩbɩ, amlɩtswɩ mʋ wa oklún amʋtↄ. Ɩnʋ isú mʋa kpisíi bʋ nɩ.’ ”

Mateo 21 , 22


57

Mat

14 Yesu lↄmↄ mʋ asʋn ↄnↄ ↄbɛɛ, “Bulu tɛtɩ ahá tsↄtsↄↄtsↄ, támɛ ahá kpalobí pɛ ↄtɛlɛ.”

Lampóoka (Marko 12:13‑17; Luka 20:20‑26)

15 Farisifↄ ámʋ bↄyↄbwɛ ↄnↄ‑ↄkʋlɛ ánɩ bɛtɛtɛɛ Yesu ↄnↄtↄ asʋn nú, abʋnya mʋ akɩtálɛ. 16 Mʋ sʋ bↄwa amʋ akasɩpʋ pʋ Owíe *Herode ahá Yesu wá bɛɛ bʋyɛfɩtɛ mʋ bɛɛ, “Osunápʋ, anɩyin ánɩ ↄnↄkwalɩpʋ fʋgyi, fʋtosúná Bulu asʋn ámʋ ɛ ↄnↄkwalɩsʋ. Fʋtamahá ↄhaa ↄtsɛ fʋ agywɩɩn, tsúfɛ fʋtamakɩ ↄhaa ansɩtↄ. 17 Mʋ sʋ anɩdɛ fʋ fɩtɛ anu. Anɩ mbla lɛha ↄkpa ánɩ akáa lampóo ha Roma owíe dɛhɛn Kaesare, ntɛɛ anɩmáka?”

18 Támɛ Yesu lówun amʋ agywɩɩn laláhɛ amʋ. Mʋ sʋ ↄlɛfɩtɛ amʋ ↄbɛɛ, “Apinabwɛbí abwɛpʋ, ntogyi sʋ mlɩdɛ mɩ sↄↄ kɩ? 19 Mlɩtsu kↄba amʋʋ bʋtↄpʋká lampóo amʋ ɩkʋ ba mɩ ankɩ.”

Bↄpʋba mʋ, 20 ↄlɛfɩtɛ amʋ ↄbɛɛ, “Ma nwun pʋ mʋ dá dɩn mʋsʋ?”

21 Bɛlɛ mʋ ↄnↄ bɛɛ, “Kaesare.”

Mʋʋ ↄlɛbláa amʋ ↄbɛɛ, “Mʋmʋ mlɩpʋ tↄá igyi Kaesare klɛ ha Kaesare, amlɩpʋ mʋá igyi Bulu klɛ ɛ ha Bulu.”

22 Yesu mbuaɩ ánfɩ lóbwie amʋ ↄnↄ. Mʋ sʋ bɛnatɩ.

Kʋsʋ Tsú Afúlitↄ Ɩwɩ Asʋn Fɩtɛhɛ (Marko 12:18‑27; Luka 20:27‑40)

23 Ɛkɛ ámʋ kɛn á, *Sadukifↄ akʋ bɛba Yesu wá. Bʋgyi ↄpasua kʋá bʋtɛblɩ bɛɛ, kʋsʋ tsú afúlitↄ má ɩnʋ. Bɛfɩtɛ mʋ bɛɛ, 24 “Osunápʋ, Mose lↄwanlɩn tswɩ anɩ ↄbɛɛ, ‘Nɩ ↄkʋ mʋa mʋ ka bʋmↄkwɩɩ asa olowu sí mʋ ka ámʋ a, mʋ pio otsú mʋ ka ámʋ tsia, fɛkɩ ↄkwɩɩ ha owupʋ ámʋ.’ 25 Oyin ↄkʋlɛ abí abasíénↄ akʋ betsiá. Amʋtↄ ogyankpapʋ létsiá

Mateo 22

Lampóoka kɔba nɩ. (Mateo 22:19)


58

ↄká, támɛ ↄmↄkwɩɩ asa olowu. Mʋ pio lótsu ↄsʋrapʋka amʋ tsía, 26 támɛ mʋ ɛ ↄmↄkwɩɩ. Ɔsaasɩ lótsu ↄtsɩ ámʋ tsía. Mʋ ɛ ↄmↄkwɩɩ. Alɩɩ yↄtʋ osienↄsɩ amʋ. 27 Ɔma‑ↄma a, ↄsʋrapʋ mʋ ɛ lóbowu. 28 Afúli ↄkʋsʋkɛ a, amʋtↄ ↄmↄmʋ ↄbↄbwɛ mʋ kulu? Tsúfɛ amʋ abasíénↄ ámʋ fɛɛ betsiá mʋ.”

29 Mʋʋ Yesu lɛlɛ mʋ ↄnↄ ↄbɛɛ, “Megyí mlɩ ológyi. Mlɩméyín Bulu asʋn wanlɩnhɛ amʋ ntɛɛ Bulu túmi. 30 Nɩ afúli bↄkʋsʋ á, bↄbwɛ fɛ Bulu‑abↄpʋ. Bʋméetsiá aká mʋa akúlu. 31 Mlɩmↄkʋkla asʋn ánɩ Bulu onutó lɛbláa mlɩ tsú afúlikʋsʋ ɩwɩ? 32 Bulu asʋn wanlɩnhɛ lɛblɩ ↄbɛɛ, ‘Mɩgyí mlɩ anáin *Abraham mʋa *Isak pʋ *Yakob Bulu ámʋ nɩ.’ Ɩnɩ sʋ megyí awupʋ Bulu ógyi, akɩankpapʋ Bulu ógyi.”

33 Brɛá ↄdↄm amʋ bonu asʋn ánfɩ á, mʋ atosunáhɛ anfɩ lɛha ↄnↄ lobwie amʋ.

Bulu Mbla Ámʋtↄ Mʋá Ɩdʋn (Marko 12:28‑34; Luka 10:25‑28)

34 Brɛá Farisifↄ bowun ánɩ Yesu lalɛ Sadukifↄ ámʋ asʋn ↄnↄ, asʋn lawú wá amʋ ↄnↄ á, bɛkpa aba ya Yesu wá. 35 Amʋtↄ ↄkʋlɛá ogyi mbla osunápʋ lɛfɩtɛ Yesu asʋn, ↄpʋsↄ mʋ kɩ. 36 Ɔlɛfɩtɛ Yesu ↄbɛɛ, “Osunápʋ, Bulu mbla ámʋtↄ mↄmʋ dʋn?”

37 Yesu lɛbláa mʋ ↄbɛɛ, “ ‘Pʋ fʋ klʋn, fʋ ↄkláa pʋ fʋ agywɩɩn fɛɛ dwɛ fʋ Wíe Bulu.’ 38 Ɩnɩ gyí mbla ámʋtↄ gyankpapʋ ánɩ ɩdʋn mʋ fɛɛ nɩ. 39 Nyↄↄsɩ ɛ igyi fɛ mʋ. ‘Dwɛ fʋ bá fɛ fʋ ɩwɩ.’ 40 Mose Mbla pʋ Bulu ↄnↄsʋ atↄɩpʋ amʋ atosunáhɛ fɛɛ ɩlɩɩ mbla anyↄ ánfɩsʋ.”

Ma Gyí Kristo Amʋ? (Marko 12:35‑37; Luka 20:41‑44)

41 Ɩnɩá Farisifↄ ámʋ bebefia sí bʋlɩɩ sʋ á, Yesu lɛfɩtɛ amʋ ↄbɛɛ, 42 “Nkálɩ mlɩdɛ Kristo, (ↄhá ámʋʋ Bulu ladá mʋ ofúli amʋ) ɩwɩ gywɩɩn? Ma mʋ na nɩ?”

Bɛbláa mʋ bɛɛ, “Owíe Dawid mʋ na nɩ.”43 Ɔlɛlafɩtɛ amʋ ↄbɛɛ, “Mʋ ntogyi sʋ Ɔŋɛ Wankɩhɛ lɛha

Owíe Dawid lɛtɩ mʋ ↄbɛɛ ‘Mɩ Wíé?’ Tsúfɛ Owíe Dawid lɛblɩ ↄbɛɛ,

Mateo 22


59

Mat

44 ‘Anɩ Wíe Bulu lɛbláa mɩ Wíe ↄbɛɛ,Tsia mɩ gyↄpɩsʋ nfɩyↄfʋn brɛá nɛha fɛtsatsáa fʋ alupʋsʋ?’

45 Nɩ Owíe Dawid onutó lɛtɩ ↄhá ánfɩ Bulu ladá ofúli anfɩ ↄbɛɛ, mʋ wie a, nkálɩ sʋ ↄtráa ogyi mʋ na?”

46 Amʋtↄ ↄkʋkʋ mɛtalɩ lɛ mʋ ↄnↄ. Tsú ɛkɛ ámʋ a, ↄhaa mɛtrá wa klʋn fɩtɛ mʋ asʋansʋ.

Mose Mbla Asunápʋ Pʋ Farisifↄ Tsiátↄ (Marko 12:38‑39; Luka 11:43, 46; 20:45‑46)

23 1 Asʋn ánfɩ ↄma a, Yesu lɛbláa ↄdↄm amʋ pʋ mʋ akasɩpʋ amʋ ↄbɛɛ, 2 “Mose mbla Farisifↄ pʋ Mbla

asunápʋ amʋ bʋdesuná. 3 Mʋ sʋ mlɩgyi amʋ asʋn blɩhɛ fɛɛsʋ, támɛ mlɩmátsiá amʋ atsiábi. Tsúfɛ bʋtamagyi amʋ onutó asʋn blɩhɛsʋ. 4 Bʋtↄpʋ atↄ dwindwín sʋrá ahá, támɛ amʋ onutó bʋtamapʋ osrebi ↄkʋlɛ kʋráá tsá amʋ tsu. 5 Bʋtↄbwɛ amʋ tógyítↄ ahá ansɩsʋ. Bʋtↄwánlɩn Bulu asʋn dɩnká tati tɛɩhɛsʋ, pʋklɩ amʋ ↄsʋkpɩ pʋ amʋ bɩna ɩbasʋ. Bʋtↄlʋ nfɛ tɩntɩɩntɩn síánsían amʋ atadɩɛ ↄnↄ. 6 Bʋtekle otsiákpá yilé tsiá nkɛ ogyíkpá pʋ Yudafↄ Ofíakpa. 7 Bɛdálɩ yↄ dɩnsʋ á, bʋtekle bɛɛ ahá bʋtɩɩ amʋ bɛɛ, ‘Asunápʋ,’ abʋbun ha amʋ itsiá. 8 Mlɩ fɛɛ á, apíó mlɩgyí. Mʋ sʋ mlɩmáha abʋtɩ mlɩtↄ ↄhaa osunápʋ. Ɔbakʋlɛ pɛ gyí mlɩ osunápʋ. 9 Alɩ kɛn mlɩmátɩ ↄhaa mlɩ sɩ ↄsʋlʋʋ anfɩsʋ nɩ. Tsúfɛ Ɔsɩ ↄkʋlɛ pɛ mlɩbʋ, ↄbʋ ↄsʋsʋ. 10 Tráhɛtráhɛ a, mlɩtↄ ↄhaa máha abʋtɩ mʋ nkpá ogyápʋ. Tsúfɛ nkpá ogyápʋ ↄkʋlɛ pɛ mlɩbʋ. Mʋgyí Kristo, (ↄhá ámʋʋ Bulu ladá mʋ ofúli amʋ). 11 Mlɩtↄ ↄhandɛ ↄbwɛɛ mlɩ osúmpʋ. 12 Tsúfɛ

Mateo 22 , 23

Farisiyin nɩ. (Mateo 23:5)


60

l 23:14 Mʋtↄ yée 14 bʋ nwʋlʋ dada amʋ akʋtↄ: Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Mlɩtɛlɩɩ ahátↄ bↄ mpáɩ tɩntɩɩntɩn, támɛ mlɩtↄswɩɩ asʋrapʋ amʋ wóyí pʋ amʋ atↄ fɛɛ ɛ. Ɩnɩ sʋ Bulu ↄbɛbɩtɩ mlɩ ɩsʋ dʋn aha tráhɛ.

fʋá fotsu ɩwɩ á, Bulu ↄbɛba fʋ asɩ. Fʋá fɛba ɩwɩasɩ ɛ á, Bulu obótsu fʋ fʋá.

Apinabwɛbí Abwɛpʋ (Marko 12:40; Luka 11:39‑42, 44, 52; 20:47)

13‑14 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Mlɩlatin Bulu iwíegyí ámʋ ↄkpa wá ahá. Mlɩ onutó mlɩmédékléá mlówie ɩnʋ, mlɩdɛ ahá ánɩ bʋdɛ mbↄdɩ bↄ bɛɛ bówie ɩnʋ ɛ ↄkpa tíin. l

15 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Tsúfɛ mlɩtɛfá ɩlɩn fá ↄpʋ, dʋ ɩbʋ kplɩ ɩbʋ há ↄha tɛdámlí klʋntↄ. Támɛ nɩ ↄdámlí klʋntↄ tá á, mlɩtɛlábwɛ mʋ otemlí ɩsʋbɩtɩ ogyá ánɩ ɩtamaduntↄ ↄyↄpʋ dʋn mlɩ onutó.

16 “Ansibi abwiepʋ ánɩ mlɩdɛ ahá kpa, mlɩgyↄwɩ nɩ. Mlɩtɛblɩ mlɩaa, ‘Nɩ ↄkʋ ↄká Bulu ↄtswɛkpa obu ámʋ ntam a, imehián ánɩ obégyi mʋsʋ. Támɛ nɩ ↄká sika pɛpɛ atↄá ɩbʋ ↄtswɛkpa obuto ɩnʋ mʋ ntam a, ilehián ánɩ obégyi mʋsʋ.’ 17 Ansibi abwiepʋ! Aha mimláhɛ! Mʋtↄ mↄmʋ bʋ labi dʋn? Sika pɛpɛ atↄ ámʋ lóó, ntɛɛ Bulu ↄtswɛkpa obu ámʋʋ ɩlahá sika ámʋ lamlí Bulu klɛ amʋ? 18 Mlɩtɛtráa blɩ mlɩaa, ‘Nɩ ↄkʋ ↄká *afↄdɩɛ‑asubwi ntam a, imehián ánɩ obégyi mʋsʋ. Támɛ nɩ ↄká afↄdɩɛ‑abↄtↄ ámʋ ntam mʋ á, ilehián ánɩ obégyi mʋsʋ.’ 19 Ansibi abwiepʋ! Mʋtↄ mↄmʋ bʋ labi dʋn? Afↄdɩɛ‑abↄtↄ ámʋ ntɛɛ afↄdɩɛ‑asubwi ámʋʋ ɩlahá mʋ ɩlamlí Bulu klɛ amʋ? 20 Nɩ fɛká afↄdɩɛ‑asubwi amʋ ntam a, faká ibwi ámʋ pʋ atↄá ɩdɩn mʋsʋ fɛɛ ntam. 21 Nɩ fɛká Bulu ↄtswɛkpa amʋ ntam a, faká Bulu mʋa mʋ otsiákpá ntam. 22 Nɩ fɛká ↄsʋsʋ ntam a, faká Bulu mʋa mʋ owíe obíá ntam.

23 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Mlɩteye mlɩ ↄtsʋtsʋ pʋ kpántánkplámá

Mateo 23


61

Mat

aná fɛɛtↄ idú, pʋ *idúsɩ há Bulu. Támɛ mlɩmɛdɛ Bulu mbla amʋʋ ɩhɩɛ dehián, igyi asʋngyí ↄnↄkwalɩsʋ, aba nwewúun pʋ ↄnↄkwalɩwa ámʋsʋ gyi. Mʋdéhián nɩ, támɛ mlɩmákiná iyétↄ dúsɩ amʋ ɛ ha. 24 Ansibi abwiepʋ ánɩ mlɩdɛ ahá kpa, mlɩgyↄwɩ nɩ. Mlɩtↄtsrↄ mbépi lɛ oputsútↄ, támɛ mlɩtɛmɛ mbéwun.

25 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Tsúfɛ mlɩtↄfwɩ mlɩ nwɛ pʋ mlɩ nlɛpɛ ↄma wankláán, támɛ atↄá mlɩlapʋ owi mʋa ↄnsɩpɛ swɩɩ ahá sↄↄn bʋ mʋtↄ. 26 Farisifↄ ansibi abwiepʋ, mlɩgyankpa fwɩ nwɛ mʋa nlɛpɛ ámʋtↄ, mʋ ↄma ɛ bɛtɩn.

27 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Mlɩlabwɛ fɛ ntsán ánɩ bakpá mʋ afá futútúútú, mʋ ɩwɩ lawá akɩlɛ. Támɛ mʋtↄ mʋ á, afúli awú pʋ atↄ plↄhɛ sↄↄn bↄ mʋ. 28 Alɩ kɛn mlɩgyí nɩ. Ahá bʋtɛkɩ mlɩ ánɩ mlɩgyí yilé abwɛpʋ. Támɛ mlɩ klʋntↄ mʋ á, apinabwɛbíbwɛ mʋa lalahɛbwɛ sↄↄn bↄ mʋ.

Bulu Ɩsʋbɩtɩ (Luka 11:47‑51)

29‑30 “Mlɩ Farisifↄ pʋ Mose mbla asunápʋ, apinabwɛbí abwɛpʋ, mlɩgyↄwɩ nɩ. Tsúfɛ mlɩtↄpwɛ Bulu ↄnↄsʋ atↄɩpʋ pʋ yilé abwɛpʋ ámʋʋ betsiá ámʋ ntsán, lá mʋ ɩwɩ wankláán, blɩ mlɩaa, ‘Nɩ anɩlétsiá anɩ anáin brɛsʋ asa bↄmↄ Bulu ↄnↄsʋ atↄɩpʋ anfɩ á, tɛkɩ anɩmↄwa ɩbɩ mʋtↄ.’ 31 Mlɩ asʋn blɩhɛ anfɩ désuná ánɩ mlɩgyí Bulu ↄnↄsʋ atↄɩpʋ amↄpʋ ámʋ abí‑aná nɩ. 32 Mlɩwuna yↄ mʋsʋ, amlɩmↄ mlɩ anáin bwɛhɛ ámʋ ↄnↄ. 33 Awↄ, abɛ abí‑aná! Mlɛtalɩ srɩ sí ɩpↄn ámʋʋ Bulu ↄbɛha mlɩ, kpá mlɩ wá ɩsʋbɩtɩ ogyá ámʋʋ ɩtamaduntↄ ámʋ? 34 Mʋ sʋ ndɛ Bulu ↄnↄsʋ atↄɩpʋ, anyansapʋ pʋ Mose mbla asunápʋ wa sɩsɩ mlɩ. Támɛ mlↄmↄ akʋ, dá amʋtↄ akʋ mántá oyikpalíhɛsʋ. Mlↄnwɛn amʋtↄ akʋ mplɩ mlɩ ofíakpa, dɩnká akʋsʋ tsú awúlusʋ yↄ awúlusʋ. 35 Ɩnɩ sʋ yilé abwɛpʋ ámʋʋ mlɩa mlɩ anáin mlɩlamↄ tsú *Habelsʋ bↄfʋn Sakaria, ogyi Barakia mʋ bi ámʋʋ mlɩlↄmↄ Bulu ↄtswɛkpa obu mʋa *afↄdɩɛ‑asubwi amʋ nsɩnɛ ámʋ fɛɛ obugya bɛba mlɩsʋ.

Mateo 23


62

36 Ɔnↄkwalɩ ndɛ mlɩ bláa. Ɩnɩ aná fɛɛ sʋ Bulu ɩsʋbɩtɩ bɛba mlɩ ndɛmba‑abí ánfɩsʋ nɩ.

Yerusalemfↄ Ɩwɩ Ɔdwɛ (Luka 13:34‑35)

37 “Óo Yerusalemfↄ, Yerusalemfↄ! Mlɩtↄmↄ Bulu ↄnↄsʋ atↄɩpʋ, dá abí ánɩ Bulu lawá sɩsɩ mlɩ abwi mↄ nɩ. Ntekleá nóbun mlɩ abísʋ brégyíbrɛ, fɛ alɩá batɛ tobun mʋ abísʋ, támɛ mlɩtamahá mɩ ↄkpa. 38 Mlɩkɩ, Bulu obési mlɩ ↄtswɛkpa tswɩ mlɩ, ɩbɛdɩ kpan. 39 Tsúfɛ ndɛ mlɩ bláa mbɛɛ, mlɩmɛɛtrá wun mɩ ɛkɛkɛɛkɛ, yↄfʋn ɛkɛá mlɛblɩ mlɩaa, ‘Bulu oyúla ↄhá ámʋʋ ↄbá mʋ ɩdátↄ.’ ámʋ.”

Bulu Ɔtswɛkpa Amʋ Bwie (Marko 13:1‑2; Luka 21:5‑6)

24 1 Brɛá Yesu lɛdalɩ Bulu ↄtswɛkpa ɩnʋ ↄyↄ á, mʋ akasɩpʋ amʋ bɛnatɩ yↄtʋ mʋ, súná mʋ ↄtswɛkpa

ɩnʋ mbu ámʋ. 2 Mʋʋ ↄlɛbláa amʋ ↄbɛɛ, “Mlɩlawun mbu akpↄnkpↄↄnkpↄntɩ ánfɩ fɛɛ? Ɔnↄkwalɩ ndɛ mlɩ bláa. Bóbwie mʋ fɛɛ bun. Ibwi kʋlɛ kʋráá méesian dɩnká mʋ básʋ.”

Ɩwɩↄsɩn Mʋa Ɩkplán (Marko 13:3‑13; Luka 21:7‑19)

3 Brɛá Yesu tsie Nfↄ‑nyíbʋ ámʋsʋ, ↄdɛ Bulu ↄtswɛkpa amʋ kɩɩ a, mʋ akasɩpʋ amʋ nkʋlɛ bɛfɩtɛ mʋ bɛɛ, “Bla anɩ, brɛ mↄmʋtↄ ɩnɩ fɛɛ bɛba? Osúna mↄmʋ ɛ ↄbɛba, ibósuná ánɩ fʋ bábɩ pʋ ↄyɩ ↄnↄmↄkɛ lafʋn?”

4 Ɩnʋ Yesu lɛlɛ mʋ ↄnↄ ↄbɛɛ, “Mlɩkɩ wankláán, mɛnɩ ↄhaa mɛɛmlɛ mlɩ. 5 Tsúfɛ ahá tsↄtsↄↄtsↄ bↄpʋ mɩ dá ba bɛɛ, amʋgyí Kristo, (ↄhá ámʋʋ Bulu ladá mʋ ofúli amʋ) nɩ. Bɛmlɛ ahá tsↄtsↄↄtsↄ bↄfwɩ ↄkpa. 6 Nɩ mlonúá ɩsá ladá mantáa mlɩ ntɛɛ ↄtɩnɛkʋ á, opúni mátsií mlɩ. Tsúfɛ lehián ánɩ ɩnɩ aná fɛɛ bɛba, támɛ imedésuná ánɩ ↄyɩ ↄnↄmↄkɛ ámʋ lafʋn. 7 Tsúfɛ ↄmá bↄkↄ aba. Awíe bↄkʋsʋ lɩɩ abasʋ. Akʋn bɛba, ↄsʋlʋʋ bɛkpɩnkɩ ntɩnɛ‑ntɩnɛ. 8 Ɩnɩ fɛɛ igyi fɛ ɩwɩↄsɩn ánɩ ↄtsɩ towun brɛá ɩkwɩɩ dɛ mʋ dwiín.

Mateo 23 , 24


63

Mat

9 “Alɩ brɛ ámʋtↄ á, mɩ sʋ ↄmá‑ↄmá bólu mlɩ. Bɛdɩnká mlɩsʋ, pʋ mlɩ há bↄwa mlɩ amʋmʋyↄ, mↄ mlɩ. 10 Mlɩtↄ ahá tsↄtsↄↄtsↄ bɛdɩda hógyitↄ. Bólu aba, lɛ aba há. 11 Afunu awapʋ bɛblɩ bɛɛ, Bulu ↄnↄsʋ atↄɩpʋ bʋgyi tsↄtsↄↄtsↄ bɛba bɛmlɛ ahá tsↄtsↄↄtsↄ, há amʋ bↄfwɩ ↄkpa. 12 Lalahɛbwɛ bómoní. Mʋ sʋ ahá tsↄtsↄↄtsↄ bʋmɛɛtrá dwɛ aba. 13 Támɛ ↄhá ánɩ ↄlɛtalɩ lɩɩ kínkíínkín yↄfʋn ↄyɩ ↄnↄmↄkɛ á, Bulu ↄbↄhↄ mʋ nkpa. 14 Mʋ óó á, ahá bɛda Bulu iwíegyí ámʋ ɩwɩ asʋn wankláán ánfɩ ↄkan ↄyɩtↄ fɛɛ, mɛnɩ ahá fɛɛ bónu mʋ, asa ↄyɩ ɩbↄmↄ ↄnↄ.

Ɩwɩↄsɩn Wúunbɩ (Marko 13:14‑23; Luka 21:20‑24)

15 “Nɩ mlowun akisítↄá itobwíé ↄmá, ɩda Ɔwankɩkpá ɩnʋ, ɩdɛ Bulu ↄtswɛkpa ɩnʋ kpↄɩ, fɛ alɩá Bulu ↄnↄsʋ ↄtↄɩpʋ Daniel lɛblɩ tswɩ a,—Aklápʋ, mlɩnu mʋ asɩ!— 16 mʋmʋ ahá ánɩ bʋbʋ Yudea ↄmátↄ bʋsrɩɩ yↄ abʋsʋ. 17 Ɔhá ánɩ ↄdɩn obusʋ mákplɩ ↄbɛɛ, moyótsu tↄtↄ obuto. 18 Ɔhá ánɩ ↄbʋ ndↄtↄ ɛ ↄmáyinkí ba wóyítↄ botsu mʋ tati. 19 Amenyapʋ pʋ abí‑ayín ánɩ bʋpia abi bↄbwɛ alɩ brɛ ámʋtↄ, bʋgyↄwɩ nɩ. 20 Mlɩkokoli Bulu mlɩaa, mlɩ ↄsrɩkɛ amʋ ɩmábwɛ nyankpʋ mʋa atsalɩbɩ ntɛɛ *ↄkpʋnʋ ↄdakɛ. 21 Tsúfɛ tsú ↄyɩ asɩtsuábɩ a, asʋn wunhɛ ánɩ ɩbɛba alɩ brɛ ámʋtↄ odu kʋkʋ mↄkʋba kɩ. Mʋ odu kʋkʋ ɛ mɛɛtrá ba ɛkɛkɛɛkɛ. 22 Nɩ Bulu mɛdɩnkɩ nkɛ ámʋsʋ á, tɛkɩ ↄhaa méesian ↄyɩtↄ. Támɛ ahá ámʋʋ alalɛ pʋbwɛ mʋ klɛ amʋ sʋ aladɩnkɩ nkɛ ámʋsʋ.

23 “Alɩ brɛ ámʋtↄ á, nɩ ↄkʋ lɛbláa fʋ ↄbɛɛ, ‘Kɩ, Kristo, (ↄhá ámʋʋ Bulu ladá mʋ ofúli amʋ) bʋ nfɩ ntɛɛ nána’ á, máhogyi. 24 Tsúfɛ ahá ánɩ bɛɛ amʋgyí Kristo amʋ pʋ ahá ánɩ bↄwa afunu bɛɛ, Bulu ↄnↄsʋ atↄɩpʋ bʋgyi tsↄtsↄↄtsↄ bɛba ↄyɩtↄ. Bↄbwɛ ofúla pʋ osúna akpↄnkpↄntɩ pʋmlɛ ahá. Nɩ bɛtalɩ kʋráá á, bɛmlɛ ahá ámʋʋ Bulu lalɛ ámʋ ɛ. 25 Mlɩnu, ndɛ mlɩ ↄlá da yáɩ asa ɩba.

26 “Nɩ ↄkʋ ↄbláa mlɩ ↄbɛɛ, ‘Kɩ, Kristo amʋ laba ↄbʋ dimbísʋ’ a, mlɩmádalɩ yɛkɩ. Alɩ kɛn nɩ bɛblɩ bɛɛ, ‘Ɔbʋ obutótↄ’ ɛ mlɩmáhogyi nɩ. 27 Tsúfɛ mɩ, Nyankpʋsa‑Mʋ‑Bi

Mateo 24


64

ánfɩ ↄbákɛ ɩbↄbwɛ fɛ alɩ ámʋʋ nyankpʋ tↄfwɩ ɩbɩ, bʋtowun mʋ tsú owí ↄdalɩkpa yɛdalɩ owí ↄkplɩwíékpá amʋ.

28 “Ɔtɩnɛá ɩtↄ wuhɛ da a, ɩnʋ alása bʋtefia.

Nyankpʋsa‑Mʋ‑Bi Ámʋ Ɩbábɩ (Marko 13:24‑27; Luka 21:25‑28)

29 “Ɩwɩↄsɩn wúun amʋ ↄma a, owí ↄbɛta, ↄtsra ɛ ↄmɛɛtrá fɛɩ. Ntsrakpabi bɛkpa tsú ↄsʋsʋ bɛda. Nwʋlʋtáa mʋa mʋtↄ atↄ fɛɛ bɛkpɩnkɩ. 30 Mʋ ↄma a, mlówun mɩ, Nyankpʋsa‑Mʋ‑Bi ánfɩ ɩbá ɩwɩ osúna ↄsʋsʋ. Ɔyɩtↄ ahá fɛɛ bósu. Ɔhagyíↄha obówun ánɩ mɩ, Nyankpʋsa‑Mʋ‑Bi ánfɩ napʋ túmi mʋa numnyam kpↄnkpↄntɩ mbʋ nwʋlʋtáatↄ tsú ↄsʋsʋ nɛbá. 31 Ɩnʋ á, ↄkpɛ kʋ ɩbɛlɩn kʋklʋkʋʋ, Bulu ↄbↄwa mʋ abↄpʋ bɛyɛkpa mʋ ahá ámʋʋ alalɛ ámʋ tsú ↄyɩ afʋnka ana ámʋ fɛɛsʋ.

Ɔyɩ Ɔnↄmↄ Ɩwɩ Osúna (Marko 13:28‑31; Luka 21:29‑33)

32 “Mlɩpʋkɩ pↄntↄ oyí. Nɩ mʋ abámbi dɛpↄɩ, ɩdɛ atɛ pↄpwɛ lɛ á, mlɩtɛbɩ ánɩ awikpan brɛ lafʋn. 33 Alɩ kɛn, nɩ mlowun ánɩ ntobí ánfɩ fɛɛ ɩdɛ mʋtↄ bá a, mlɛbɩ ánɩ mɩ, Nyankpʋsa‑Mʋ‑Bi ánfɩ ɩbábɩ lafʋn ta nɩ. Nawíé wóyí ámʋ ↄnↄ tá. 34 Ɔnↄkwalɩ ndɛ mlɩ bláa mbɛɛ, ndɛmba‑abí ánfɩ fɛɛ bʋmóowu tá asa ɩnɩ fɛɛ bɛba mʋtↄ. 35 Ɔsʋ mʋa asɩ fɛɛ bↄtsʋn, támɛ mɩ asʋn blɩhɛ mↄↄtsʋn ɛkɛkɛɛkɛ.

Nyankpʋsa‑Mʋ‑Bi Ámʋ Ɔbákɛ (Marko 13:32‑37; Luka 17:26‑30, 34‑36)

36 “Ɔhaa méyín ɛkɛ ntɛɛ brɛá ntobí ánfɩ fɛɛ ɩbɛba. Bulu‑abↄpʋ bʋmeyín. Bulu mʋ Bi ámʋ ɛ méyín, nkɛtɩ anɩ Sɩ ámʋʋ ↄbʋ ↄsʋsʋ ámʋ nkʋlɛ pɛ yin. 37 Alɩ ámʋʋ ilegyi *Noa brɛsʋ amʋ a, alɩ ibégyi mɩ, Nyankpʋsa‑Mʋ‑Bi ánfɩ ɛ ɩbábɩ nɩ. 38 Tsúfɛ asa ntsubʋlábɩ amʋ lↄfʋn a, ahá betsiá bʋdɛ atↄ gyí, bʋdɛ ntá núu, bʋdɛ aká tsiá, bʋdɛ atsɩ kɩtá há akúlu alɩɩ yↄfʋn ɛkɛá Noa lówie mʋ dáka kpↄnkpↄↄnkpↄntɩ ámʋtↄ. 39 Ɔhaa mɛbɩ tↄá ɩdɛ mʋsʋ yↄ, kpɛfʋn brɛá ntsu ámʋ lↄbʋlá

Mateo 24


65

Mat

sʋrá amʋ fɛɛ nátɩ. Alɩ kɛn bʋmɛɛbɩ mɩ, Nyankpʋsa‑Mʋ‑Bi ánfɩ ɩbábɩ nɩ. 40 Alɩ brɛ ámʋtↄ á, nɩ ayin abanyↄ bʋlɩɩ ndↄ kʋlɛtↄ bʋdɛ agyʋmá yↄ á, Bulu obótsu ↄkʋlɛ sí ↄkʋlɛ. 41 Nɩ atsɩ abanyↄ bʋdɛ nfúó kwɛ á, Bulu obótsu ↄkʋlɛ sí ↄkʋlɛ.

42 “Mlɩdɩnka ansɩ ɩwɩsʋ, tsúfɛ mlɩméyín ɛkɛá mlɩ Wíe ↄbɛba. 43 Támɛ mlɩnu asʋn ánfɩ. Nɩ wóyí mʋ wie yin onyé brɛá owikplu ↄbɛba mʋ wóyítↄ a, tɛkɩ ologyo mʋ wóyí, owikplu móbwie wíé, wí mʋ atↄ. 44 Mʋ sʋ mlɩ ɛ mlɩgyo, tsúfɛ mɩ, Nyankpʋsa‑Mʋ‑Bi ánfɩ nɛba brɛá mlɩ ansɩ mɛdɩn mɩsʋ.

Osúmpʋ Wankláán Pʋ Ɔlaláhɛ (Luka 12:41‑48)

45 “Ma mɛɛ gyí osúmpʋá ↄlɛtɩn ansɩ, ↄbʋ ↄnↄkwalɩ? Mʋ ɩbɩtↄ mʋ wie tↄpʋ mʋ aba atráhɛ wá, ↄbɛɛ ↄhá amʋ atogyihɛ dɩnka brɛsʋ. 46 Ansɩ bégyi osúmpʋ amʋ, nɩ mʋ wie amʋ ↄbá bowun ánɩ lɛlɛ ↄdɛ mʋ bwɛ. 47 Ɔnↄkwalɩ ndɛ mlɩ bláa. Mʋ wie amʋ ↄbↄpʋ mʋ atↄ fɛɛ wá mʋ ɩbɩtↄ. 48 Támɛ nɩ osúmpʋ laláhɛ ogyi, ↄlɛblɩ wá nwuntↄ ↄbɛɛ, ‘Mɩ wíe mɛɛba séi.’ 49 Ɩnɩ sʋ olefi asɩ ↄdɛ mʋ aba asúmpʋ da, mʋa ntá abʋpʋ bʋdɛ atↄ gyí si amʋ, bʋdɛ ntá núu bʋ á, 50 mʋ wie amʋ ↄbɛba bófwie mʋtↄ ɛkɛá ↄmɛdɩn ansɩ. 51 Mʋ wie amʋ ↄbɛhɩɛ tɩtɩ mʋtↄ, trá bɩtɩ mʋa apinabwɛbífↄ ámʋ asʋ kɛkɛɛ. Ɩnʋ isú mʋa kpisíi bʋ nɩ.

Mbitebí Dú Akʋ Ɩwɩ Yébi

25 1 “Bulu iwíegyí ámʋ ɩbↄbwɛ fɛ mbitebí dú akʋá botsu amʋ nkandɩɛ dálɩ beyéfia ↄká pↄpwɛ otsiápʋ

ↄkʋ. 2 Amʋtↄ abanú bemimláa, abanú ɛ bɛtɩn ansɩ. 3 Aha mimláhɛ amʋ botsu amʋ nkandɩɛ, támɛ bʋmotsu nfↄ kʋkʋ kɩtá. 4 Támɛ atɩansɩpʋ amʋ botsu nfↄ wá atↄtↄ kɩtá. 5 Ɔká otsiápʋ amʋ mↄkↄsɩ ba. Mʋ sʋ mbitebí ámʋ fɛɛ bↄgyↄsɩ, tsʋn mʋtↄ dɩdɩ.

6 “Ɔyɩ‑nsɩnɛ á, ↄkʋ lↄsʋrá okitikíti ↄbɛɛ, ‘Anɩ pɩ, ↄká otsiápʋ amʋ ↄbá o! Mlɩdalɩ yefia mʋ!’ 7 Ɩnʋ mbitebí ámʋ fɛɛ bↄkʋsʋ nywɛ amʋ nkandɩɛ. 8 Aha mimláhɛ amʋ bɛbláa atɩansɩpʋ amʋ bɛɛ, ‘Anɩ nkandɩɛ dedúun. Mʋ sʋ mlɩha anɩ

Mateo 24 , 25


66

nfↄ kpalobí awa anɩ klɛtↄ.’ 9 Mʋʋ atɩansɩpʋ amʋ bɛbláa amʋ bɛɛ, ‘Ó‑o, ɩmↄtsↄ. Ɩmↄↄfʋn anɩa mlɩnyↄ. Mlɩyↄ afɛpʋ wá, amlɩyↄhↄ mlɩ klɛ.’ 10 Brɛá aha mimláhɛ amʋ bↄpʋ ↄkpa bↄyↄ á, ↄká otsiápʋ amʋ lɛba. Amʋ ámʋʋ bɛda ɩwɩsʋ ámʋ bobuo ↄká otsiápʋ amʋ wíé ↄká otsiákpá ɩnʋ, oyin ámʋ asúmpʋ befin obu ámʋ.

11 “Mʋ ↄma a, mbitebí atráhɛ amʋ ɛ bɛba bɛlɩɩ klʋn ↄma, blɩ bɛɛ, ‘Anɩ sɩ, finki ha anɩ awie.’ 12 Támɛ ↄká otsiápʋ amʋ lɛbláa amʋ ↄbɛɛ, ‘Ɔnↄkwalɩ ndɛ mlɩ bláa, mmeyín mlɩ ↄkpagyíↄkpasʋ.’ ”

13 Yesu lↄmↄ mʋ ↄnↄ ↄbɛɛ, “Ɩnɩ sʋ mlɩda ɩwɩsʋ, tsúfɛ mɩ, Nyankpʋsa‑Mʋ‑Bi ánfɩ nɛba brɛá mlɩ ansɩ mɛdɩn mɩsʋ.

Asúmpʋ Abasá Ɩwɩ Yébi (Luka 19:11‑27)

14 “Nyankpʋsa‑Mʋ‑Bi ámʋ ɩbábɩ bↄbwɛ fɛ ↄkʋá ↄdɛ ↄkpa tu, ↄlɛtɩ mʋ asúmpʋ, ye mʋ atↄ há amʋ ↄbɛɛ, bʋkɩɩ mʋsʋ yaɩ mʋ. 15 Ɔlↄpʋ sika pɛpɛ akɛntɛ anu há ↄkʋlɛ, pʋ akɛntɛ anyↄ

Mateo 25

Mbitebí ámʋ fɛɛ bↄkʋsʋ nywɛ amʋ nkandɩɛ. (Mateo 25:7)


67

Mat

há onyↄↄsɩ, ↄlↄpʋ kɛntɛ kʋlɛ ɛ há ↄsaasɩ. Ɔlɛha okugyíↄkʋ mʋ ↄwʋnlɩn ↄnↄ asa ↄlɛnatɩ. 16 Osúmpʋ ámʋʋ olenya akɛntɛ anu ámʋ lↄwa ↄsa pʋ kↄba amʋ fi ibíágyí asɩ. Mʋ sʋ ɩmↄwa ↄpá kʋkʋ, olenya akɛntɛ anu dɩnká mʋsʋ. 17 Onyↄↄsɩ amʋ ɛ lɛdamlí ɩbɩ mʋ sika pɛpɛ akɛntɛ anyↄ ámʋsʋ alɩ kɛn. Mʋ sʋ olenya akɛntɛ anyↄ dɩnká mʋsʋ. 18 Támɛ ↄsaasɩ amʋʋ olenya kɛntɛ kʋlɛ amʋ mʋ lóyókwi ↄbↄ, pʋ mʋ wie sika pɛpɛ amʋ ŋáín mʋtↄ.

19 “Ɩlↄwa ↄpá asa amʋ wíe amʋ lótsu mʋ ↄkpa ámʋ ba, ↄlɛtɩ amʋ ↄbɛɛ, mʋa amʋnyↄ bóbu akúnta. 20 Osúmpʋ ámʋʋ olenya sika pɛpɛ akɛntɛ anu ámʋ lótsu mʋa mʋsʋ ↄdɩnka akɛntɛ anu ámʋ ba mʋ wie, bɛbláa mʋ ↄbɛɛ, ‘Mɩ wíé, fɛha mɩ sika pɛpɛ akɛntɛ anu. Mɩ ɛ nanyá akɛntɛ anu dɩnká mʋsʋ. Mʋ nɩ.’ 21 Mʋ wie amʋ lɛda mʋ ɩpán, blɩ ↄbɛɛ, ‘Fabwɛ atↄ. Osúmpʋ wankláán fʋgyi. Ɩnɩá fawá ↄnↄkwalɩ atↄ túkúrííbi ánfɩtↄ sʋ á, nↄpʋ fʋ yáɩ mɩ atↄ tsↄtsↄↄtsↄ ↄnↄ. Ba afʋbetsiá mɩ wá, anya ansigyí.’

22 “Osúmpʋ onyↄↄsɩ amʋʋ olenya sika pɛpɛ akɛntɛ anyↄ ámʋ ɛ lɛbláa mʋ wie ↄbɛɛ, ‘Mɩ wíé, sika pɛpɛ akɛntɛ anyↄ fɛha mɩ. Mɩ ɛ nanyá anyↄ dɩnká mʋsʋ. Mʋ nɩ.’ 23 Mʋ wie amʋ lɛda mʋ ɩpán, blɩ ↄbɛɛ, ‘Fabwɛ atↄ. Osúmpʋ ↄnↄkwalɩpʋ fʋgyi. Ɩnɩá fawá ↄnↄkwalɩ atↄ túkúrííbi ánfɩtↄ sʋ á, nↄpʋ fʋ yáɩ mɩ atↄ tsↄtsↄↄtsↄ ↄnↄ. Ba afʋbetsiá mɩ wá, anya ansigyí.’

24 “Mʋʋ osúmpʋ amʋʋ olenya sika pɛpɛ kɛntɛ kʋlɛ amʋ ɛ lɛbɛbláa mʋ wie ↄbɛɛ, ‘Mɩ wíé, nyin ánɩ fʋ asʋn bʋ ↄnlɩn. Fʋtↄkpↄtɩ atↄ ↄtɩnɛá fʋmodu; fʋtɛkpá atↄ‑abí ↄtɩnɛá fʋmɛfɩtá. 25 Mʋ sʋ nenya ifú pʋ fʋ sika pɛpɛ amʋ ŋáín ↄbↄtↄ. Mʋ nɩ, hↄ fʋ atↄ.’

26 “Ɩnʋ mʋ wie amʋ lɛbláa mʋ ↄbɛɛ, ‘Osúmpʋ laláhɛ, ↄwʋlɩyↄpʋ fʋgyi. Fʋyin ánɩ ntↄkpↄtɩ atↄ ↄtɩnɛá mmodu, ntɛkpá atↄ‑abí ↄtɩnɛá mmɛfɩtá atↄ. 27 Ɩnɩá fʋyin mʋ alɩ á, tɛkɩ fↄpʋ yↄtswɩ sika ↄyaɩkpá. Ɩnɩá naba a, tɛkɩ nↄyↄhↄ mʋa mʋsʋ abí.’ 28 Mʋʋ oyin ámʋ lɛbláa mʋ asúmpʋ amʋ ↄbɛɛ, ‘Mlɩswɩɩ mʋ sika pɛpɛ kɛntɛ kʋlɛ amʋ ha ↄmʋamʋʋ alanyá akɛntɛ idú ámʋ. 29 Tsúfɛ ↄhá ánɩ ↄbʋ tsↄtsↄ á, bɛtrá pʋ ɩkʋ tsɩa mʋtↄ há mʋ, obénya tsↄtsↄↄtsↄ. Támɛ ↄhá ánɩ ↄma á,

Mateo 25


68

bↄswɩɩ mʋ kpalobíbiá ↄbʋ, 30 amlɩtswɩ osúmpʋ anfɩ ↄma labi ánfɩ wa oklúntↄ. Ɩnʋ isú mʋa kpisíi bʋ nɩ.’

Asʋngyí31 “Nɩ mɩ, Nyankpʋsa‑Mʋ‑Bi ánfɩ nɛbá mɩ iwíe ogyíkpá,

Bulu‑abↄpʋ fɛɛ bʋbuo mɩ á, nétsiá mɩ ↄsʋsʋ numnyam owíe obíásʋ. 32 Bɛkpa ↄyɩtↄ ahá fɛɛ befia mɩ ansɩtↄ. Ɩnʋ nↄtↄsɩ amʋtↄ, fɛ alɩá mbwɩ ↄkpapʋ tↄtↄsɩ akúfa lɛ akpalátↄ. 33 Fówun nahá akúfa amʋ balɩɩ mɩ gyↄpɩsʋ, akpaláa amʋ ɛ balɩɩ mɩ bɩnasʋ. 34 Ɩnʋ mɩ ánfɩ ngyi Owíe anfɩ nɛbláa ahá ámʋʋ bʋlɩɩ mɩ gyↄpɩsʋ ámʋ mbɛɛ, ‘Mlɩ ahá ánfɩ mɩ Sɩ layúlá ánfɩ mlɩba, amlɩbetsiá iwíegyí ámʋʋ ↄlɛlayáɩ há mlɩ tsú ↄyɩ asɩtsuábɩ ↄpá ámʋtↄ. 35 Tsúfɛ akʋn lɛkɩtá mɩ á, mlɩlɛha mɩ atↄ negyi. Ɔmɛwʋlɩ lɛkɩtá mɩ, mlɩlɛha mɩ ntsu nonu. Nↄbwɛ ↄfↄↄ, mlɩlↄhↄ mɩ ↄfↄↄ. 36 Nɛnatɩ yayá, mlɩlɛha mɩ tati nɛdɩdá. Nↄlↄ, mlɩlɛkɩ mɩ. Nɛdɩ obu, mlɩlɛbá bɛkɩ mɩ.’

37 “Ɩnʋ yilé abwɛpʋ ámʋ bɛfɩtɛ mɩ bɛɛ, ‘Anɩ Wíé, ↄmɛnkɛ anɩlówun ánɩ akʋn dɛ fʋ, anɩlɛha fʋ atↄ fegyi? Ɔmɛwʋlɩ dɛ fʋ, anɩlɛha fʋ ntsu fonu? 38 Fↄbwɛ ↄfↄↄ, anɩlↄhↄ fʋ ↄfↄↄ? Ɔmɛnkɛ fɛnatɩ yayá, anɩlɛha fʋ tati fɛdɩdá? 39 Ɔmɛnkɛ fↄlↄ, ntɛɛ fɛdɩ obu, anɩlɛbá bɛkɩ fʋ?’

40 “Ɩnʋ mɩ ánfɩ ngyi Owíe ánfɩ nɛbláa amʋ mbɛɛ, ‘Ɔnↄkwalɩ ndɛ mlɩ bláa. Tógyítↄá mlɩlↄbwɛ há mɩ apíó ánfɩ ahá bʋtamabú amʋ wá ahátↄ ánfɩtↄ ↄkʋ á, mɩ mlɩlↄbwɛ mʋ há á.’

41 “Ɩnʋ nɛbláa ahá ámʋʋ bʋlɩɩ mɩ bɩnasʋ ámʋ ɛ mbɛɛ, ‘Mlɩkpʋkpɛ tɛɩ nfɩ. Bulu lalwɩɩ mlɩ. Mlɩyↄ ogyá ámʋʋ ɩtamadun, Bulu lɛlayáɩ há Ɔbʋnsám mʋa mʋ abↄpʋ amʋtↄ. 42 Tsúfɛ akʋn lɛkɩtá mɩ, mlɩmɛha mɩ atogyihɛ. Ɔmɛwʋlɩ lɛkɩtá mɩ, mlɩmɛha mɩ ntsu annu. 43 Nↄbwɛ ↄfↄↄ, mlɩmↄhↄ mɩ ↄfↄↄ. Nɛnatɩ yayá, mlɩmɛha mɩ tati andɩda. Nↄlↄ, nɛdɩ obu; mlɩmɛkɩ mɩ.’

44 “Ɩnʋ amʋ ɛ bɛfɩtɛ mɩ bɛɛ, ‘Anɩ Wíé, ↄmɛnkɛ anɩlówun ánɩ akʋn dɛ fʋ, ↄmɛwʋlɩ dɛ fʋ, fʋgyi ↄfↄↄ, fʋna yayá, fʋdɛlↄ ntɛɛ fʋda obu; anɩmɛbɛkɩ fʋ?’ 45 Ɩnʋ mɩ ánfɩ ngyi Owíe anfɩ nɛbláa amʋ mbɛɛ, ‘Ɔnↄkwalɩ ndɛ mlɩ bláa. Alɩ ámʋʋ mlɩmↄbwɛ mʋ há mɩ apíó ánfɩ ahá bʋtamabú amʋ wá ahátↄ ánfɩtↄ ↄkʋ á, mɩ

Mateo 25


69

Mat

mlɩmↄbwɛ há á.’ 46 Bulu ↄbɛha amʋ bↄyↄ ɩwɩↄsɩn ánɩ ɩtamatátↄ, támɛ yilé abwɛpʋ ámʋ mʋ bénya nkpa ánɩ ɩtamatá.”

Bɛkɩklɩɩ Yesu Nwunsʋ (Marko 14:1‑2; Luka 22:1‑2; Yohane 11:45‑53)

26 1 Brɛá Yesu lósuná atↄ ánfɩ fɛɛ tá á, ↄlɛbláa mʋ akasɩpʋ amʋ ↄbɛɛ, 2 “Mlɩyin ánɩ ɩlasí nkenyↄ bégyi Israelfↄsʋ

*Katsʋn Nkɛ. Nkɛ ámʋtↄ á, ↄkʋ ↄbↄpʋ mɩ, Nyankpʋsa‑Mʋ‑Bi ánfɩ wá mɩ alupʋ ɩbɩtↄ, bɛda mɩ mántá *oyikpalíhɛsʋ.”

3‑4 Alɩ brɛ ámʋtↄ á, Yudafↄ Bulu igyí ahapʋ dɛhɛn pʋ amʋ ahandɛ befia igyí ↄhapʋ dɛhɛn Kaiafa wóyítↄ, kɩtá agywɩɩn ↄkpa ánɩ bↄtsʋn mʋsʋ kɩtá Yesu ŋáintↄ, mↄ mʋ. 5 Támɛ bɛblɩ bɛɛ bʋmↄↄbwɛ mʋ nkɛ ámʋtↄ, mɛnɩ kpokiti mɛɛda ↄmá ámʋtↄ.

Ofobí Fánfáánfán Pʋwʋlɩ Yesu (Marko 14:3‑9; Yohane 12:1‑8)

6 Brɛá Yesu bʋ Betania wúlutↄ, Simon ↄkʋá alalↄ *ɩlↄ pɛpɛ kɩ wóyítↄ ↄdɛ atↄ gyí a, 7 ↄtsɩ ↄkʋ lɛba mʋ wá. Ɔdɛ prɛntʋa wankláán kʋá ofobí fánfán ánɩ ɩbʋ bíá bↄ mʋ, ↄlɛtsɛɩ ofobí ámʋ wʋlɩ Yesu nwuntↄ. 8 Yesu akasɩpʋ amʋ benya ↄblↄ brɛá bowun ɩnɩ. Mʋ sʋ bɛfɩtɛ bɛɛ, “Ntogyi sʋ ↄtsɩ ánfɩ layíntá ofobí fánfán ánfɩ? 9 Abɛtalɩ fɛ mʋ ibíá kpékplé, pʋ kↄba amʋ há ahiánfↄ.”

10 Yesu lɛbɩ ánɩ ↄblↄ lakɩtá amʋ. Mʋ sʋ ↄlɛbláa amʋ ↄbɛɛ, “Ntogyi sʋ mlɩdɛ mʋ háan? Ɩtↄ yilé alabwɛ há mɩ. 11 Ahiánfↄ bétsiá mlɩtↄ ekekegyíɛkɛ, támɛ mɩ mʋ mméetsiá mlɩ wá yↄ. 12 Alatsɛɩ ofobí fánfán ánfɩ wʋlɩ mɩ, pʋlá mɩ ↄyʋlʋʋ yáɩ há mɩ opulákɛ. 13 Ɔnↄkwalɩ ndɛ mlɩ bláa. Ɔyɩtↄ ↄtɩnɛgyíↄtɩnɛá bɛda Bulu asʋn wankláán ámʋ ↄkan a, bɛblɩ tↄ ánfɩ ↄtsɩ ánfɩ labwɛ ánfɩ pʋkáɩn mʋsʋ.”

Yuda Iskariot Lótsulá Ánɩ Ɔbɛlɛ Yesu Há (Marko 14:10; Luka 22:3‑6)

14 Mʋ ↄma a, mʋ akasɩpʋ dúanyↄ ámʋtↄ ↄkʋá bʋtɛtɩ mʋ Yuda Iskariot lↄyↄ Bulu igyí ahapʋ dɛhɛn amʋ wá. 15 Ɔlɛyɛfɩtɛ amʋ ↄbɛɛ, “Nɩ nɛlɛ Yesu há mlɩ á, ntↄ mlɛha mɩ?” Mʋ sʋ

Mateo 25 , 26


70

bɛkla sika futútú adʋasa (30) wá mʋ ɩbɩtↄ. 16 Tsú brɛ ámʋtↄ ↄlↄwa ↄkpa dunká ánɩ ↄbↄtsʋn mʋsʋ lɛ Yesu há amʋ.

Katsʋn Atogyihɛ Gyí (Marko 14:12‑21; Luka 22:7‑14, 21‑23; Yohane 13:21‑30)

17 Israelfↄ *Bodobodo Mátúhɛ *Nkɛ ámʋtↄ ɛkɛ gyankpapʋ a, akasɩpʋ amʋ bɛba Yesu wá bɛfɩtɛ mʋ bɛɛ, “Anɩ Wíé, obu mↄmʋtↄ ayɛla ha fʋ, afʋgyi Israelfↄsʋ Katsʋn Nkɛ atogyihɛ amʋ?”

18 Yesu lɛbláa amʋ ↄbɛɛ, “Mlɩyↄ asímasi wá wúlutↄ, amlɩyɛbláa mʋ mlɩaa, ‘Osunápʋ amʋ ↄbɛɛ, mɩ brɛ lafʋn. Ɩnɩ sʋ mɩa mɩ akasɩpʋ abá begyi Israelfↄsʋ Katsʋn Nkɛ ámʋ fʋ wóyítↄ.’ ”

19 Mʋ sʋ akasɩpʋ amʋ bↄyↄbwɛ alɩ ámʋʋ Yesu lɛbláa amʋ ámʋ pɛpɛɛpɛ. Bɛla obu ámʋtↄ, bwɛ Katsʋn Nkɛtↄ atogyihɛ amʋ yáɩ ɩnʋ.

20 Brɛá nsaɩntↄ deklúun a, Yesu mʋa mʋ akasɩpʋ bɛba betsiá ↄpʋnʋ ámʋ asɩ. 21 Atↄ ámʋ ogyíkpá a, Yesu lɛbláa amʋ ↄbɛɛ, “Ɔnↄkwalɩ ndɛ mlɩ bláa, mlɩtↄ ↄkʋlɛ ↄbɛlɛ mɩ há.”

22 Asʋn ánfɩ lɛhɩɛ han akasɩpʋ amʋ. Mʋ sʋ befi asɩ bʋdɛ mʋ fɩtɛ kʋlɛkʋlɛ bɛɛ, “Mɩ Wíé, mɩ nɩ lóó?”

23 Yesu lɛbláa amʋ ↄbɛɛ, “Ɔhá ámʋʋ mɩa mʋnyↄ anɩdɛ ɩbɩ wa ↄlɛpɛ ↄkʋlɛtↄ ámʋ ↄbɛlɛ mɩ há. 24 Mɩ, Nyankpʋsa‑Mʋ‑Bi ánfɩ nówu fɛ alɩá bↄwanlɩn tswɩɩ, támɛ ↄhá ámʋʋ ↄbɛlɛ mɩ há ámʋ ↄgyↄwɩ nɩ. Nɩ bʋmetepí kwɩɩ mʋ kʋráá á, tɛkɩ ɩbʋ alɛ há mʋ.”

25 Yuda Iskariot amʋʋ ↄlɛlɛ mʋ há ámʋ ɛ lɛfɩtɛ mʋ ↄbɛɛ, “Osunápʋ, mɩ nɩ lóó?” Mʋʋ Yesu lɛbláa mʋ ↄbɛɛ, “Ee, fablɩ.”

Yesu Ntʋpwɛ Atogyihɛ Tráhɛ (Marko 14:22‑26; Luka 22:14‑20; 1 Korintofↄ 11:23‑25)

26 Brɛá bʋdɛ atↄ ámʋ gyí a, Yesu lɛlɛ bodobodo ipín, ↄlɛda Bulu ɩpán, bíábía mʋtↄ pʋhá mʋ akasɩpʋ amʋ, blɩ ↄbɛɛ,

“Mlɩhↄ amlɩgyi. Mɩ ↄyʋlʋʋ nɩ.”27 Ɩnʋ olotsu ntá‑ɛwɛ, ↄlɛda Bulu ɩpán, pʋhá amʋ ↄbɛɛ,

“Mlɩ fɛɛ mlɩhↄ amlɩnu. 28 Mɩ obugya nɩ. Mʋ Bulu dɛpʋsí

Mateo 26


71

Mat

m 26:28 Ntam pↄpwɛ bʋ nwʋlʋ dada amʋ akʋtↄ.

mʋ ntam m ánɩ alaká há ahásʋ nɩ. Bɛtsɛɩ mʋ wʋlɩ asɩ, mɛnɩ obési ahá tsↄtsↄↄtsↄ lakpan kíé amʋ. 29 Ndɛ mlɩ bláa mbɛɛ, mmɛɛtrá nu *wáɩn‑abí ntá ánfɩ alɩɩ yↄfʋn ɛkɛá mɩa mlɩnyↄ abɛlanu mʋ pↄpwɛ mɩ Sɩ *iwíegyí ámʋtↄ.”

30 Benya wá ɩlʋ dá Bulu ɩpán tá alɩ, bɛnatɩ yↄ Nfↄ‑nyíbʋ ámʋsʋ.

Petro Ɔbↄswɩɩ Ɔbɛɛ Mʋmeyín Yesu (Marko 14:27‑31; Luka 22:31‑34; Yohane 13:36‑38)

31 Brɛá bowie Nfↄ‑nyíbʋ ámʋsʋ á, Yesu lɛbláa amʋ ↄbɛɛ “Mlɩ fɛɛ mléyinkí mɩ ↄma onyenɩ. Tsúfɛ bↄwanlɩn wá Bulu asʋn ámʋtↄ bɛɛ, ‘Nɛda akúfa ↄkpapʋ ámʋ lɛdá, mʋ akúfa bɛdasáɩn.’ ” 32 Mʋʋ ↄlɛtrá blɩ ↄbɛɛ, “Támɛ nɩ Bulu ↄkʋsʋa mɩ tsú afúlitↄ á, négya mlɩ nkpá yↄ Galilea ↄmátↄ. Ɩnʋ mlↄbↄtʋ mɩ nɩ.”

33 Petro lɛbláa mʋ ↄbɛɛ, “Nɩ amʋ fɛɛ beyinkí fʋ ↄma kʋráá á, mɩ mʋ mméeyinkí ɛkɛkɛɛkɛ.”

34 Yesu lɛbláa mʋ ↄbɛɛ, “Ɔnↄkwalɩ ndɛ fʋ bláa. Onyenɩ, asa batɛ ↄbɛlɛ ↄnↄ á, fↄswɩɩ pʋ ɩbɩ wá ogyá tse sa fɛɛ fʋmeyín mɩ.”

35 Ɩnʋ Petro lɛbláa mʋ ↄbɛɛ, “Nɩ lowu ígyi kʋráá á, mméekiná fʋ ɛkɛkɛɛkɛ.” Alɩ kɛn akasɩpʋ atráhɛ amʋ ɛ bɛblɩ nɩ.

Mpáɩbↄ Getsemane (Marko 14:32‑42; Luka 22:39‑46)

36 Yesu mʋa mʋ akasɩpʋ bↄyↄ ↄtɩnɛkʋá bʋtɛtɩ ɩnʋ Getsemane. Brɛá bowie ɩnʋ á, ↄlɛbláa amʋ ↄbɛɛ, “Mlɩtsia nfɩ, nↄyↄ nkpá yↄbↄ mpáɩ.” 37 Ɔlɛkpa Sebedeo abi anyↄ, bʋgyi Yakobo mʋa mʋ pio Yohane pʋ Petro ya. Ɩnʋ asʋn lɛhɩɛ han mʋ, mʋ ansɩ lɛpɛ. 38 Mʋʋ ↄlɛbláa amʋ ↄbɛɛ, “Asʋn ɩhɩɛ dɛ mɩ háan, ideklé ɩmↄ mɩ. Mlɩtsia nfɩ, mɩa mlɩnyↄ agyo.”

39 Ɩnʋ ↄlɛnatɩ yↄ nkpá kpalobí, ↄlɛda akpawunu pʋ ansɩtↄ bun ↄsʋlʋtↄ, kókóli Bulu ↄbɛɛ, “Mɩ Sɩ, nɩ ɩbↄwa alɛ á, ha

Mateo 26


72

n 26:39 Ntá‑ɛwɛ ánfɩ igyi ɩwɩↄsɩn ánɩ Yesu obówun.

ntá‑ɛwɛ ánfɩ n ɩtsʋn mɩsʋ. Támɛ megyí tↄá ndeklé, mboún mʋá fʋdeklé ɩbá mʋtↄ.”

40 Mʋʋ oleyinkí ba akasɩpʋ amʋ wá bowun ánɩ bʋdɛdɩdɩ. Ɩnɩ sʋ ↄlɛfɩtɛ Petro ↄbɛɛ, “Mʋ sʋ mlɩmɛtalɩ tsíá, mɩa mlɩnyↄ agyo dↄnhwɩrɩ kʋlɛ kpán? 41 Mlɩgyo amlɩkokoli Bulu, mɛnɩ mlɩmóowie ɩsↄkɩtↄ, tsúfɛ mlɩ ↄŋɛ deklé, támɛ nyankpʋsa‑oyí lↄpↄn.”

42 Yesu lɛtrá yókokóli Bulu ↄbɛɛ, “Mɩ Sɩ, nɩ ntá‑ɛwɛ ánfɩ mↄↄtsʋn mɩsʋ, ɩbwɛ alɩágyíalɩá nónu mʋ á, mʋmʋ tↄá fʋdeklé ɩbá mʋtↄ.” 43 Ɔlɛtrá yinkí ba bowun ánɩ akasɩpʋ amʋ bʋtráa bʋdɛdɩdɩ, tsúfɛ dɩdɩ dɛ amʋ bʋ.

44 Mʋ sʋ ↄlɛnatɩ sí amʋ, trá yókokóli Bulu otse saasɩ, blɩ asʋn ámʋ kɛn. 45 Oleyinkí ba akasɩpʋ amʋ wá, bɛfɩtɛ amʋ ↄbɛɛ, “Mlɩlatráa si mlɩda mlɩdɛ ↄkpʋnʋ da? Mlɩkɩ, brɛ ámʋ lafʋn ánɩ bↄpʋ mɩ, Nyankpʋsa‑Mʋ‑Bi ánfɩ wá lakpan abwɛpʋ ɩbɩtↄ. 46 Mlɩkʋsʋ ayↄ. Mlɩkɩ, ↄhá ámʋʋ ↄdɛ mɩ lɛ há ámʋ ná á.”

Yesu Kɩtá (Marko 14:43‑50; Luka 22:47‑53; Yohane 18:3‑12)

47 Yesu ↄnↄ mesi asa *akasɩpʋ dúanyↄ ámʋtↄ ↄkʋlɛá bʋtɛtɩ mʋ Yuda lóbowie ɩnʋ. Ɔdↄm kpↄnkpↄↄnkpↄntɩá bʋdɛ ndayí pʋ nkpotí bʋbuo mʋ. Bulu igyí ahapʋ dɛhɛn pʋ Yudafↄ ahandɛ amʋ lↄwa amʋ. 48 Yuda amʋʋ ↄbɛlɛ Yesu há ámʋ lɛbláa ↄdↄm amʋ yáɩ ↄbɛɛ, “Ɔhá ámʋʋ nɛlatá pútá ámʋ gyí ↄhá ámʋ nɩ. Mlɩkɩta mʋ.”

49 Ɩnɩ sʋ ↄlɛnatɩ laa yɛha Yesu itsiá ↄbɛɛ, “Osunápʋ, tsia nɩ!” Ɔlɛlatá mʋ pútá.

50 Mʋʋ Yesu lɛbláa mʋ ↄbɛɛ, “Agya, bwɛ tↄá ↄbwɛkpá fɛba.”

Ɩnʋ ahá ámʋ bɛnatɩ tʋ Yesu, kɩtá mʋ kínkíínkín. 51 Ɩnʋ Yesu akasɩpʋ amʋtↄ ↄkʋlɛ lↄtswɩ mʋ ↄdayí, kpá Bulu igyí ↄhapʋ dɛhɛn osúmbi ↄkʋ ɩsʋ lɛ. 52 Mʋʋ Yesu lɛbláa mʋ ↄbɛɛ, “Yinkia fʋ ↄdayí wa mʋ ↄflɛtↄ. Tsúfɛ ↄhá ánɩ ↄtɛnátɩ kɩtá ↄdayí á,

Mateo 26


73

Mat

o 26:65 Ilosuná ánɩ asʋn ámʋ lawíé mʋ ɩwɩtↄ dʋbɩ.

ↄdayí ↄnↄ otesin. 53 Fʋmeyín fɛɛ nɛtalɩ kókóli mɩ Sɩ ↄbɛha mʋ abↄpʋ tsↄtsↄↄtsↄ akú dúanyↄ bɛba bↄkↄ hↄ mɩ? 54 Támɛ nɩ ɩbá alɩ á, nkálɩ ɩbↄbwɛ asa Bulu asʋn wanlɩnhɛ amʋ ɩbɛba mʋtↄ?”

55 Ɩnʋ Yesu lɛfɩtɛ amʋ ↄbɛɛ, “Ogyo otswapʋ ngyi, sʋ mlɩlatsú nkpotí pʋ ndayí mlɛbá mɩ ↄkɩtákpá? Ntsie mlɩ wá Bulu ↄtswɛkpa ɩnʋ ekekegyíɛkɛ ndɛ mlɩ atↄ suná, mlɩmɛkɩtá mɩ ɛkɛkɛɛkɛ. 56 Támɛ ɩnɩ fɛɛ laba mʋtↄ, mɛnɩ Bulu ↄnↄsʋ atↄɩpʋ asʋn wanlɩnhɛ amʋ ɩbɛba mʋtↄ.”

Ɩnʋ akasɩpʋ amʋ fɛɛ bɛsrɩ sí mʋ.

Yudafↄ Ahandɛ Ansɩtↄ Lɩɩ (Marko 14:53‑65; Luka 22:54‑55, 63‑71;

Yohane 18:13‑14, 19‑24)57 Mʋʋ Yesu akɩtápʋ amʋ bɛkpa mʋ ya Bulu igyí ↄhapʋ

dɛhɛn Kaiafa. Ɩnʋ mʋa Mose mbla asunápʋ pʋ Yudafↄ ahandɛ amʋ befia nɩ. 58 Támɛ Petro lɛpɛtɩ obuo amʋ ↄma tsútsúútsú alɩɩ bowie igyí ↄhapʋ dɛhɛn wóyítↄ ɩnʋ. Oleyétsiá amʋ agyópʋ wá, mɛnɩ obówun alɩá asʋn ámʋ ɩbↄmↄ ↄnↄ. 59 Ɩnʋ Bulu igyí ↄhapʋ dɛhɛn amʋ mʋa Yudafↄ asʋn agyípʋ amʋ fɛɛ bodunká ahá ánɩ bɛka asʋn dɩnká Yesusʋ, mɛnɩ bɛlɩɩ mʋsʋ mↄ mʋ. 60 Afunupʋ tsↄtsↄↄtsↄ bɛdalɩ ba, támɛ amʋ fɛɛ ↄnↄ lↄtsʋn ↄtsan. Mʋ ↄma a, ahá abanyↄ bɛdalɩ bɛlɩɩ ahandɛ amʋ ansɩtↄ, 61 blɩ bɛɛ, “Oyin ánfɩ lɛblɩ ↄbɛɛ, ‘Nɛtalɩ bwíé Bulu ↄtswɛkpa amʋ, lápʋ nkɛnsá yi mʋ.’ ”

62 Mʋʋ Bulu igyí ↄhapʋ dɛhɛn amʋ lↄkʋsʋ lɩɩ fɩtɛ Yesu ↄbɛɛ, “Fʋma ↄnↄ lɛ? Fʋma asʋansʋ blɩ pʋlɛ fʋ ɩwɩ?” 63 Támɛ Yesu móbwií ↄnↄ. Bulu igyí ↄhapʋ dɛhɛn amʋ lɛlabláa Yesu ↄbɛɛ, “Nɛká Bulu Ɔkɩankpapʋ amʋ, nɩ fʋgyí Kristo, (ↄhá ámʋʋ Bulu ladá mʋ ofúli), ogyi Bulu mʋ Bi ámʋ a, bláa anɩ.”

64 Mʋʋ Yesu lɛbláa mʋ ↄbɛɛ, “Mʋ fablɩ á. Támɛ mlɩbɩ ánɩ tsú ndɛ pʋya a, mlówun mɩ, Nyankpʋsa‑Mʋ‑Bi ánfɩ ntsie Bulu Otúmípʋ gyↄpɩsʋ ánfɩ, ndɩn ↄsʋsʋ nwʋlʋtáasʋ nɛbá.”

65 Mʋʋ Bulu igyí ↄhapʋ dɛhɛn amʋ lɛkɩtá mʋ atadɩɛ bálɩ mʋ kɩaan, o blɩ ↄbɛɛ “Alabↄ mbusuo! Adánsɩɛ mↄmʋ anɩtráa

Mateo 26


74

anɩgyó? Yɛɛ mlɩlanú abususʋ ánɩ alablɩ. 66 Nkálɩ gyí mlɩ agywɩɩn?”

Bɛbláa mʋ bɛɛ, “Ilehián ánɩ obówu!”67 Ɩnʋ botutúu atsʋnↄ wʋlɩ mʋ ansɩtↄ, wↄwↄ mʋ atswɛ.

Akʋ ɛ bɛdadáa mʋ asʋtↄ, 68 fɩtɛ mʋ bɛɛ, “Bulu ↄnↄsʋ ↄtↄɩpʋ Kristo, ma ládá fʋ? Bla anɩ.”

Petro Lↄswɩɩ Ɔbɛɛ Mʋmeyín Yesu (Marko 14:66‑72; Luka 22:56‑62; Yohane 18:15‑18, 25‑27)69 Petro tsie wunsɩnɛsʋ ɩnʋ, otsibi ↄkʋ lↄbↄtʋ mʋ. Ɔlɛbláa

Petro ↄbɛɛ, “Fʋa Yesu Galileayin amʋ nyↄ ná.”70 Támɛ Petro lↄwa ↄnↄlɩ ahá ámʋ fɛɛ ansɩtↄ ↄbɛɛ, “Mmeyín

asʋn ánfɩ fʋdɛblɩ ánfɩ ɩwɩ kʋkʋʋkʋ.” 71 Mʋ ↄma wóyí ↄnↄ ɩnʋ ɛ á, otsibi ↄkʋ ɛ lɛbɩ Petro. Mʋ sʋ ↄlɛbláa ahá ánɩ bʋlɩɩ ɩnʋ ↄbɛɛ,

“Oyin ánfɩ mʋa Yesu Nasaretyin amʋnyↄ tɛnátɩ.”72 Ɩnʋ Petro lↄpʋ ↄnↄlɩ ká ntam, blɩ ↄbɛɛ, “Mmeyín mʋ.”73 Mʋ ↄma a, ahá ámʋʋ bʋlɩɩ ɩnʋ ámʋtↄ akʋ bɛba bɛbláa

Petro bɛɛ, “Lɛlɛ mʋ á, anɩyin ánɩ fʋa Yesunyↄ ná, tsúfɛ fʋ tↄɩtↄ dɛ anɩ suná alɩ.”

74 Ɩnʋ Petro lↄwa ntam kakáa bɩ ↄbɛɛ, “Nɛká tógyítↄ, mmeyín oyin ámʋʋ mlɩdɛ mʋ ɩwɩ asʋn blɩ ámʋ!”

Ɩnʋnʋ batɛ lↄbↄn. 75 Petro lɛkaɩn ánɩ Yesu lɛbláa mʋ ↄbɛɛ, “Fↄswɩɩ tse sa fɛɛ fʋmeyín mɩ asa batɛ ↄbɛlɛ ↄnↄ.” Ɩnʋ ↄlɛdalɩ hɩɛ yósu.

Yesu Kpa Ya Pilato (Marko 15:1; Luka 23:1‑2; Yohane 18:28‑32)

27 1 Ɔyɩ kɛhɛ nyankɩ‑nyankɩ a, Bulu igyí ahapʋ dɛhɛn pʋ Yudafↄ ahandɛ amʋ bɛkɩtá agywɩɩn bɛɛ, bↄmↄ

Yesu. 2 Mʋ sʋ bɛklɩɩ mʋ, pʋ mʋ yↄwa Pilato ɩbɩtↄ. Mʋgyí Roma ↄhandɛá ↄdɛ Yudea ↄmásʋ gyí nɩ.

Yuda Iskariot Ɩwɩ Sián (Gyumagyihɛ 1:18‑19)

3 Yuda amʋʋ ↄlɛlɛ Yesu há ámʋ lówun ánɩ bahá Yesu pↄn. Ɩlɛhan mʋ. Mʋ sʋ oleyinkía sika futútú adʋasa ámʋ

Mateo 26 , 27


75

Mat

ya Bulu igyí ↄhapʋ dɛhɛn pʋ Yudafↄ ahandɛ amʋ. 4 Ɔlɛbláa amʋ ↄbɛɛ, “Nalɛ ↄhá ánɩ ↄmↄkʋbwɛ lakpan kʋkʋ há. Mʋ sʋ nabwɛ lakpan.”

Mʋʋ bɛbláa mʋ bɛɛ, “Anɩméyín mʋ ɩwɩ kʋkʋ. Fʋ asʋn igyi.”

5 Mʋ sʋ Yuda lↄtswɩ sika futútú ámʋ sɩsɩ amʋ Bulu ↄtswɛkpa wunsɩnɛsʋ ɩnʋ, nátɩ yésián ɩwɩ.

6 Bulu igyí ahapʋ dɛhɛn amʋ bↄtↄsɩ kↄba amʋ, blɩ bɛɛ, “Anɩ mbla mɛha ↄkpa ánɩ apʋʋ kↄba anfɩ odu wa Bulu ↄtswɛkpa kↄbatↄ, tsúfɛ mʋ ɩwɩ mɛtɩn. Obugya kↄba igyi.” 7 Mʋ sʋ bↄbwɛ agywɩɩn, pʋ kↄba ámʋ yↄhↄ atↄ ↄpwɛpʋ ↄkʋ ↄsʋlʋʋ, pʋ ɩnʋ bwɛ afↄↄ ánɩ bʋbʋ Yerusalem opulákpá. 8 Ɩnɩ sʋ bↄtʋ ndɛ bʋtɛtɩ ɩnʋ bɛɛ, “Obugya ↄsʋlʋʋ.”

9‑10 Ɩnɩ lɛha Bulu asʋn ámʋʋ ↄlɛblɩ tsʋn mʋ ↄnↄsʋ ↄtↄɩpʋ *Yeremiasʋ ámʋ lɛba mʋtↄ. Ɔbɛɛ, “Botsu sika futútú adʋasa ámʋʋ Israelfↄ begyi mʋ ibíá, hↄ mʋ amʋ yↄhↄ atↄ ↄpwɛpʋ ↄkʋ ↄsʋlʋʋ fɛ alɩá Bulu lɛbláa mɩ.”

Yesu Lɩɩ Pilato Ansɩtↄ (Marko 15:2‑5; Luka 23:3‑5; Yohane 18:33‑38)

11 Yesu lɩɩ ↄmásʋ ↄkɩpʋ Pilato ansɩtↄ. Mʋʋ Pilato lɛfɩtɛ mʋ ↄbɛɛ, “Fʋgyí Yudafↄ owíe amʋ nɩ?”

Yesu lɛbláa mʋ ↄbɛɛ, “Ee, mʋ fablɩ á.” 12 Támɛ brɛá Bulu igyí ahapʋ dɛhɛn pʋ Yudafↄ ahandɛ amʋ bɛka asʋn dɩnká Yesusʋ á, ↄmɛlɛ kʋkʋ ↄnↄ.

13 Mʋʋ Pilato lɛfɩtɛ mʋ ↄbɛɛ, “Fʋmɛdɛ asʋn ánfɩ bakla dɩnká fʋsʋ ánfɩ nu?”

14 Támɛ Yesu métepí bwíí ↄnↄ. Mʋ sʋ ilobwie Roma ↄhandɛ amʋ ↄnↄ.

Yesu Lowu Ɩpↄn Ha (Marko 15:6‑15; Luka 23:13‑25; Yohane 18:39–19:16)

15 Ofífígyíofí, nɩ bʋdɛ Israelfↄsʋ *Katsʋn Nkɛ gyí a, Roma ↄhandɛ amʋ tesí obu ↄdɩpʋ ↄkʋlɛá ↄdↄm amʋ bʋdeklé há amʋ. 16 Alɩ brɛ ámʋtↄ á, obu ↄdɩpʋ ↄkʋá alahↄ dá, bʋtɛtɩ mʋ Baraba da obu. 17 Mʋ sʋ brɛá Yudafↄ ámʋ fɛɛ bebefia

Mateo 27


76

a, Pilato lɛfɩtɛ amʋ ↄbɛɛ, “Ma nsíi ha mlɩ? Baraba lóó, ntɛɛ Yesu, bʋtɛtɩ mʋ Kristo amʋ?” 18 Tsúfɛ Pilato yin ánɩ Yesu ɩwɩ olu sʋ Bulu igyí ahapʋ dɛhɛn pʋ Yudafↄ ahandɛ amʋ bakɩtá mʋ ba mʋ.

19 Brɛá Pilato tsie ↄdɛ Yesu asʋn ámʋ gyí a, mʋ ka lↄwa obí mʋ wá ↄbɛɛ, “Mábwɛ oyin ánfɩ mʋ asʋn da ↄkpa ánfɩ tↄtↄ. Tsúfɛ ígye onyé á, nokun okude wun mʋ, ifú lɛhɩɛ kɩtá mɩ.”

20 Támɛ Bulu igyí ahapʋ dɛhɛn pʋ Yudafↄ ahandɛ amʋ bɛha ↄdↄm amʋ ↄnↄ bɛɛ, bʋkókoli Pilato osi Baraba, abʋmↄ Yesu. 21 Mʋ sʋ Roma ↄhandɛ amʋ lɛlafɩtɛ ↄdↄm amʋ ↄbɛɛ, “Ahá abanyↄ ánfɩtↄ ↄmↄmʋ nsíi ha mlɩ?”

Botsu ↄnↄ bɛɛ, “Baraba!”22 Mʋʋ Pilato lɛtrá fɩtɛ amʋ ↄbɛɛ, “Ntↄ mbwɛɛ Yesu, bʋtɛtɩ

mʋ Kristo, (ↄhá ámʋʋ Bulu ladá mʋ ofúli amʋ)?”Amʋ fɛɛ bɛbláa mʋ bɛɛ, “Ha abʋda mʋ manta

oyikpalíhɛsʋ!”23 Pilato lɛfɩtɛ amʋ ↄbɛɛ, “Ntogyi sʋ! Tsitsa mↄmʋ alabwɛ?”Ɩnʋ bɛlakplʋn kʋklʋkʋʋ bɛɛ, “Ha abʋda mʋ manta

oyikpalíhɛsʋ!”24 Brɛá Pilato lówun ánɩ alabwɛ kásíán, kpokiti mboún

deklé ɩda ɩnʋ á, olotsu ntsu fwɩ ɩbɩ amʋ ansɩtↄ ɩnʋ, bláa amʋ ↄbɛɛ, “Mɩ ɩbɩ anyↄ ɩma oyin ánfɩ lowutↄ. Mlɩ asʋn igyi.”

25 Yudafↄ ámʋ fɛɛ bɛbláa mʋ bɛɛ, “Mʋ lowu ɩsʋbɩtɩ ɩbá anɩa anɩ abí‑anásʋ!”

26 Ɩnʋ Pilato lési Baraba há amʋ, ↄlɛha mʋ ɩsá akↄpʋ bɛpɩtɩ Yesu atↄ, ↄlↄpʋ mʋ wá amʋ ɩbɩtↄ ↄbɛɛ, bʋyɛda mʋ manta oyikpalíhɛsʋ.

Yesu Ahinlá Bwɛ (Marko 15:16‑20; Yohane 19:2‑3)

27 Ɩnʋ ↄmásʋ ogyípʋ amʋ ɩsá akↄpʋ bɛkpa Yesu ya mʋ wóyítↄ. Bɛtɩ amʋ aba ɩsá akↄpʋ atráhɛ amʋ fɛɛ, bɛda Yesu ↄbʋn. 28 Bↄwↄɩ Yesu atadɩɛ, pʋ ligá pɛpɛ kʋ wá mʋ. 29 Bↄlʋ obungyo‑awu, bwɛ mʋ owíepa bun mʋ nwun. Bↄpʋ oyí kʋ wá mʋ gyↄpɩ ɩbɩtↄ, fɛ akↄnfra. Bɛda akpawunu mʋ

Mateo 27


77

Mat

ansɩtↄ, bʋdɛ mʋ ahinlá bwɛ bɛɛ, “Yudafↄ Owíe, fʋ nkpasʋ ↄnlɩnsʋ!” 30 Botu atsʋnↄ wʋlɩ Yesu, swɩɩ mʋ oyí ámʋ pʋpɩtɩ mʋ nwuntↄ. 31 Bↄbwɛ mʋ ahinlá tá á, bↄwↄɩ amʋ ligá pɛpɛ amʋ, yínkía mʋ onutó atadɩɛ wá mʋ, bɛkpa mʋ dálɩ bↄyↄ abʋyɛda mʋ manta oyikpalíhɛsʋ.

Yesu Da Mántá Oyikpalíhɛsʋ (Marko 15:21‑32; Luka 23:26‑43; Yohane 19:17‑27)

32 Brɛá bↄyↄ á, befia Kireneyin ↄkʋá bʋtɛtɩ mʋ Simon. Ɩsá akↄpʋ ámʋ bɛka mʋ hɩɛ bɛɛ, ↄhↄↄ oyikpalíhɛ amʋ sʋra. 33 Boyówie ↄtɩnɛkʋá bʋtɛtɩ ɩnʋ Golgota. Mʋ asɩ gyí, “Nwun Okokobi Otsiákpá.” 34 Bↄpʋ afá kɩtákɩtá wá ntátↄ tin Yesu ↄnↄ bɛɛ onúu, támɛ brɛá ↄlɛda mʋ ↄnↄ á, olekiná nu.

35 Bɛda mʋ mántá oyikpalíhɛ amʋsʋ tá á, beye mʋ atadɩɛtↄ. Ɩnʋ bↄtswɩ abi pʋkɩ ↄhagyíↄha ogyíkpá. 36 Besi bʋtsie ɩnʋ, bʋdɛ mʋ ɩwɩ gyóo. 37 Mʋʋ bↄwanlɩn tↄá sʋá bʋdɛ mʋ da mántá oyikpalíhɛsʋ, dá mántá mʋ awunso bɛɛ, “Yesu, Yudafↄ owíe amʋ nɩ.” 38 Bɛda awikplu abanyↄ ɛ mántá nyikpalíhɛsʋ tsɩa mʋtↄ. Ɔkʋlɛ bʋ mʋ gyↄpɩsʋ, ↄkʋlɛ ɛ bʋ mʋ bɩnasʋ.

39 Ɩnʋ atsʋnpʋ bↄkpʋkpʋʋ nwuntↄ, blɩ Yesu ɩwɩ abususʋ bɛɛ, 40 “Yɛɛ fʋ fɛɛ fɛtalɩ bwíé Bulu ↄtswɛkpa amʋ, lápwɛ mʋ nkɛnsá owítↄ nɩ? Hↄ fʋ ɩwɩ! Nɩ lɛlɛ Bulu mʋ Bi fʋgyi á, kplɩ tsu oyí ámʋsʋ akɩ.”

41 Alɩ kɛn Bulu igyí ahapʋ dɛhɛn, Mose mbla asunápʋ pʋ Yudafↄ ahandɛ amʋ ɛ bↄbwɛ mʋ ahinlá nɩ. 42 Bɛblɩ bɛɛ,

“Ɔlↄhↄ ahá nkpa, támɛ ↄmɛtálɩ hↄ mʋ ɩwɩ. Nɩ mʋgyí Israelfↄ owíe amʋ a, ↄkplɩɩ tsu oyí ámʋsʋ, mɛnɩ abↄhↄ mʋ gyi. 43 Yɛɛ ↄbɛɛ Bulu mʋ Bi mʋgyi, mʋ ansɩ dɩn Bulusʋ. Bulu ↄlɛ mʋ séi, akɩ ánɩ otekle mʋ asʋn.”

44 Alɩ kɛn awikplu ámʋʋ bɛda mántá nyikpalíhɛsʋ mʋ wá ámʋ ɛ bↄbwɛ mʋ ahinlá nɩ.

Yesu Lowu (Marko 15:33‑41; Luka 23:44‑49; Yohane 19:28‑30)

45 Owí lɛta ↄsʋlʋʋ amʋsʋ fɛɛ, tsú dódúanyↄtↄ alɩɩ yↄfʋn ntʋpwɛ dↄsatↄ. Owí mɛtrá lɩn ɛ. 46 Dↄsa ámʋtↄ á, Yesu

Mateo 27


78

lↄkplʋn kʋklʋkʋʋ *Hebri ↄblɩtↄ ↄbɛɛ, “Eli, Eli, Lama Sabaktani?” Mʋ asɩ gyí, “Mɩ Bulu, mɩ Bulu, ntogyi sʋ fakpá mɩ ↄma?”

47 Brɛá ahá ámʋʋ bʋlɩɩ ɩnʋ ámʋtↄ akʋ bonu asʋn ánfɩ á, bɛblɩ bɛɛ, “Ɔdɛ *Elia kpolí.” 48 Ɩnʋ amʋtↄ ↄkʋ lɛsrɩ yótsu ↄsapↄ, pʋdá ntá ↄdáɩtↄ, pʋyi oyísʋ, tsú mʋ fʋá, pʋtin mʋ ↄnↄ ↄbɛɛ onúu.

49 Támɛ mʋ aba atráhɛ amʋ bɛbláa mʋ bɛɛ, “Si, alɩɩ kɩ bɛɛ Elia ↄbɛba bↄhↄ mʋ.”

50 Yesu lɛtrá kplʋn kʋklʋkʋʋ, ↄlɛlɛ ↄŋɛ.51 Ɩnʋ Bulu lɛbalɩ tati ámʋʋ bↄpʋká Bulu Ɔtswɛkpa obu

ámʋtↄ anyↄ, tsú awunso beyi asɩ kɩaan. Bulu lɛha ↄsʋlʋʋ lɛkpɩnkɩ, ↄlɛha abʋtá lɛmamáɩn. 52 Olefinfínki ntsán, aha wankɩhɛ tsↄtsↄↄtsↄ bↄkʋsʋ tsú afúlitↄ. 53 Yesu kʋsʋ tsú afúlitↄ ↄma a, aha wankɩhɛ anfɩ bakʋsʋ tsú afúlitↄ ánfɩ bↄyↄ Yerusalem wúlu wankɩhɛ amʋtↄ, yɛlɛ ɩwɩ ↄwan súná ahá tsↄtsↄↄtsↄ.

54 Brɛá ɩsá akↄpʋ ↄhandɛ pʋ ɩsá akↄpʋ ámʋʋ bʋdɛ Yesu ɩwɩ gyóo amʋ bowun ↄsʋlʋkpɩnkɩ ámʋ pʋ tↄá ɩdɛ mʋsʋ yↄ fɛɛ á, ifú lɛhɩɛ kɩtá amʋ, bɛblɩ bɛɛ, “Lɛlɛ, Bulu mʋ Bi óyin ánfɩ gyí.”

55 Atsɩ tsↄtsↄↄtsↄ bobuo Yesu, bʋdɛ mʋsʋ kɩɩ tsu Galilea ↄmátↄ. Amʋ ɛ besi lɩɩ tsútsúútsú, bʋdɛ mʋ kɩɩ sɩsɩ. 56 Amʋtↄ akʋ gyí, Magdalayintse *Maria mʋa *Maria ánɩ ↄlↄkwɩɩ Yakobo mʋa *Yosef pʋ Sebedeo mʋ ka ánɩ ogyi Yakobo mʋa Yohane aná oyín.

Yesu Pulá (Marko 15:42‑47; Luka 23:50‑56; Yohane 19:38‑42)

57‑58 Brɛá owí dɛpↄↄn a, Arimateayin ɩwɩ onyapʋ ↄkʋá bʋtɛtɩ mʋ Yosef, alamlí Yesu ↄkasɩpʋ lↄyↄ Pilato wá, yↄkʋlɩ mʋ ↄbɛɛ, osíi Yesu fúli amʋ ha mʋ. Pilato lɛha ánɩ bʋsíi fúli amʋ ha mʋ. 59 Mʋ sʋ Yosef lↄpʋ ↄhráda ánɩ ɩlɛtɩn wankláán kɩklɩ fúli amʋ ɩwɩ, 60 ↄlↄpʋ mʋ yↄwa ↄbↄ pↄpwɛ ánɩ aladá bʋtátↄ yáɩ há mʋ ɩwɩtↄ. Mʋʋ olemináa ibwi yíléyílé kʋ tin ↄbↄ ámʋ ↄnↄ, ↄlɛnatɩ. 61 Magdalayintse Maria mʋa Maria nyↄↄsɩ amʋ besi bʋtsie ɩnʋ fʋn bʋdɛ ntsán ámʋ kɩɩ sɩsɩ.

Mateo 27


79

Mat

Yesu Ntsán Gyo62 Yudafↄ ɩwɩsʋ ↄdakɛ ↄyɩ kɛhɛ, igyi *ↄkpʋnʋ ↄdakɛ á,

Bulu igyí ahapʋ dɛhɛn, Farisifↄ ámʋ fɛɛ pʋ Pilato befia. 63 Bɛbláa mʋ bɛɛ, “Owíe, anɩlakáɩn ánɩ brɛá ofunupʋ anfɩ tsie nkpa á, ↄlɛblɩ ↄbɛɛ, ‘Nkɛnsá ↄma a, Bulu ↄbɛlakʋsʋa mɩ tsú afúlitↄ.’ 64 Mʋ sʋ ha abʋyogyo mʋ ntsán ámʋ ↄnↄ wankláán, yↄfʋn ɛkɛ sáásɩ. Nɩ megyí alɩ á, mʋ akasɩpʋ amʋ bóyówi mʋ lɛ, bɛmlɛ ahá bɛɛ alakʋsʋ. Ɩbá alɩ á, akasɩpʋ amʋ ahámlɛ bↄdʋn mʋ klɛ.”

65 Pilato lɛbláa amʋ ↄbɛɛ, “Ɩsá akↄpʋ nɩ. Mlɩha amʋ abʋyogyo ɩnʋ wankláán alɩá mlɛtalɩ.”

66 Mʋ sʋ bɛyɛtan ↄbↄ ámʋ ↄnↄ wankláán, há agyópʋ bogyo mʋ asɩ.

Yesu Kʋsʋ Tsú Afúlitↄ (Marko 16:1‑10; Luka 24:1‑12; Yohane 20:1‑10)

28 1 Yudafↄ ↄkpʋnʋ ↄdakɛ ↄyɩ kɛhɛ, igyi Kwasieda bakɛ a, Magdalayintse *Maria mʋa *Maria nyↄↄsɩ amʋ

bↄkʋsʋ yↄ Yesu ntsán ámʋ ↄkɩkpa. 2 Ɩnʋnʋ á, ↄsʋlʋʋ lɛkpɩnkɩ kʋklʋkʋʋ, Bulu‑ↄbↄpʋ lɛkplɩ tsú ↄsʋsʋ bemináa ibwi yílé ámʋ lɛ ↄbↄ ámʋ ↄnↄ, tsíá mʋsʋ. 3 Mʋ ansɩtↄ lɛhɩɛ wankɩ, ɩdɛ ogyá kpa. Mʋ atadɩɛ ɛ lofulí futútúútú fɛ opuli‑mpútↄ. 4 Brɛá bowun mʋ a, ifú lɛhɩɛ kɩtá ɩnʋ agyópʋ amʋ, bɛkpɩnkɩ kpakpakpakpa, dɩda, lwíí fɛ afúli.

5 Bulu‑ↄbↄpʋ amʋ lɛbláa atsɩ ámʋ ↄbɛɛ, “Mlɩmánya ifú! Nawun ánɩ Yesu amʋʋ bɛda mántá oyikpalíhɛsʋ ámʋ mlɩdédunká. 6 Ɔma nfɩ. Bulu lakʋsʋa mʋ fɛ alɩá ↄlɛblɩ yáɩ. Mlɩbɛkɩ ↄtɩnɛ ámʋʋ bↄpʋ mʋ tswɩ amʋ. 7 Mlɩwa ↄsa yɛbláa mʋ akasɩpʋ amʋ mlɩaa, Bulu lakʋsʋa mʋ tsú afúlitↄ. Alagya mlɩ nkpá ↄyↄ Galilea ↄmátↄ. Ɩnʋ mlówun mʋ nɩ. Asʋn ánɩ mbʋ ha mlɩ nɩ.”

8 Ifú lɛkɩtá atsɩ ámʋ, támɛ bↄpʋ ansigyí tsíí ↄsrɩɩ tsú opulákpá ɩnʋ bↄyↄ yɛbláa akasɩpʋ amʋ tↄá bawun.

9 Ɩmↄwa ↄpá kʋkʋ Yesu léfía amʋ, há amʋ ɩtɛ. Ɩnʋ bɛda akpawunu kɩtá mʋ ayabi, súm mʋ. 10 Yesu lɛbláa amʋ ↄbɛɛ,

Mateo 27 , 28


80

“Mlɩmánya ifú. Mlɩyɛbláa mɩ apíó ámʋ mlɩaa, bʋyↄ Galilea ↄmátↄ. Ɩnʋ bówun mɩ nɩ.”

Ntsán Agyópʋ Amʋ Asʋn Klahɛ11 Brɛá atsɩ ámʋ bↄpʋ bↄyↄ á, ntsán agyópʋ amʋ akʋ ɛ

bↄyↄ wúlutↄ yɛbláa Bulu igyí ahapʋ dɛhɛn amʋ tↄá ɩlaba fɛɛ. 12 Ɩnɩ sʋ Bulu igyí ahapʋ dɛhɛn amʋ bɛtɩ Yudafↄ ahandɛ amʋ fɛɛ fía, kɩtá agywɩɩn. Bɛha ntsán agyópʋ amʋ kↄba tsↄtsↄↄtsↄ. 13 Bɛha amʋ ↄnↄ bɛɛ, “Mlɩblɩ mlɩaa, ‘Onyé, brɛá anɩdɛdɩdɩ á, Yesu akasɩpʋ amʋ bɛba bowi mʋ nátɩ.’

Mateo 28

“Ɔma nfɩ. Bulu lakʋsʋa mʋ fɛ alɩá ↄlɛblɩ yáɩ.” (Mateo 28:6)


81

Mat

14 Nɩ Roma ↄhandɛ onú á, anɩa mʋnyↄ abɛblɩ mʋ, mɛnɩ mlɩmóowie asʋntↄ.”

15 Mʋ sʋ ntsán agyópʋ amʋ botsulá hↄ kↄba amʋ, begyi dɩnká Bulu igyí ahapʋ dɛhɛn amʋ asʋn blɩhɛ anfɩsʋ. Ɔnↄ ánfɩ bɛha amʋ ánfɩ lobwie wá Yudafↄ ↄmá ámʋ fɛɛtↄ bↄfʋn ndɛ.

Yesu Ɩwɩↄwanlɛ Súná Mʋ Akasɩpʋ (Marko 16:14‑18; Luka 24:36‑49;

Yohane 20:19‑23; Gyumagyihɛ 1:6‑8)16 Akasɩpʋ dúↄkʋn ámʋ bɛnatɩ yↄ Galilea ↄmátↄ, ɩbʋ ámʋʋ

Yesu lósuná amʋ ↄbɛɛ bʋfía mʋ mʋsʋ ámʋsʋ. 17 Brɛá bowun mʋ a, bɛda akpawunu súm mʋ, támɛ ɩmↄwankɩ amʋtↄ akʋ ánɩ mʋ nɩ. 18 Mʋʋ Yesu lↄkpʋkpɛ ba amʋ wá, blɩ ↄbɛɛ, “Bulu lapʋ ↄsʋ mʋa asɩ túmi fɛɛ wá mɩ ɩbɩtↄ. 19 Mʋ sʋ mlɩyↄ ↄyɩtↄ fɛɛ, amlɩbwɛ ahá fɛɛ mɩ akasɩpʋ. Mlɩbↄ amʋ *asú Ɔsɩ, Obí pʋ Ɔŋɛ Wankɩhɛ dátↄ. 20 Mlɩsuna amʋ abʋgyi mbla ámʋʋ nↄwa há mlɩ ámʋ fɛɛsʋ. Mlɩbɩ ánɩ mbʋ mlɩ wá brégyíbrɛ, yↄfʋn ↄyɩ ↄnↄmↄ.”

Mateo 28


Documents

The New Testament in Nkonya, a language of Ghana, Africa ... · PDF filesúná mʋ okudetↄ, bláa mʋ ↄbɛ́ɛ, “Yosef, *Dawid mʋ na, ... Támɛ brɛ́á bowie ɩnʋ á, olonu