saHHtek

Jekk int fl-istess sitwazzjoni,irrakkonta l-istorja tiegħek għax tgħinek tirbaħ il-beżgħat li jista’ jkollok

Maternità... servizzi tas-saħħa mill-bidu tal-ħajja

Is-servizz tal-Parent Craft kien esperjenza mill-aqwa għalina. Ingħatajna pariri prattiċi dwar it-tqala u t-trobbija tat-tfal matul is-sessjonijiet kollha li attendejna. L-istaff tal-Parent Craft jagħtuk is-saħħa biex tkompli għaddejja! Il-fatt li s-sessjonijiet isiru wkoll nhar ta’ Ħadd jgħinu lil dawk il-ġenituri li jaħdmu sabiex ikunu jistgħu jattendu flimkien. Kif jgħidu, il-ħaddiema ma jagħmlux dan ix-xogħol għall-flus imma għax hija l-vokazzjoni tagħhom! Ser nibqa’ rikonoxxenti lejhom għal ħajti kollha għax jagħtu lill-ġenituri pariri mill-aqwa u għajnuna meta persuna tkun fil-bżonn!

Tania Craus, omm ta’ tlett itfal

2

20 eżami mediku differenti għat-tfal fl-iskejjel

It-testijiet li saru fuq it-tifel tiegħi kienu ta’ benefiċċju kbir. Dan għaliex jagħti serħan il-moħħ lilna l-ġenituri li t-tfal tagħna qed jiżviluppaw tajjeb, u f’każ ta’ bżonn, jingħataw l-appoġġ meħtieġ sabiex il-problema tiġi indirizzata mill-ewwel. It-tim mediku tagħni wkoll għajnuna fuq it-tip ta’ ikel li jien għandi nagħti lit-tifel. Jiena ma kontx naf li dawn it-testijiet kienu jeżistu u li huma parti mis-servizzi tas-saħħa.

Jessica Zammit, omm

Fl-iskejjel isiru testijiet lil kull tifel u tifla. Dawn it-testijiet jikkonsistu fi proċessi fiżiċi, bħal ngħidu aħna s-smiegħ, il-piż, it-tul u n-nutrizzjon kif ukoll proċessi tal-iżvilupp tat-tfal li kollha huma differenti minn xulxin. Dawn it-testijiet huma ta’ importanza kbira. Fil-fatt, żewġt itfal mill-klassi tiegħi ġew identifikati bi problema permezz ta’ dan l-assessjar.

Mary Dominique Fava, għalliema

3

...nisa qed jiġu mistiedna

għall-eżami tal-kanċer tas-sider

Ilni naħdem hawn minn Ottubru tal-2009, meta ċ-Ċentru Nazzjonali tal-Breast Screening fetaħ il-bibien tiegħu għan-nisa li twieldu bejn l-1950 u l-1959. Jiena qed ikolli kuntatt ma’ eluf ta’ nisa li qed jaċċettaw l-istedina tagħna, u billi jagħmlu hekk, inaqqsu r-riskju li jmutu minn kanċer fis-sider. Sa issa sibna 75 mara b’kanċer fil-bidu tiegħu. Jiena kburija li qed nagħmel parti minn dan is-servizz. Ir-rispons mill-klijenti hu pożittiv ferm għaliex huma jħossuhom milqugħa u għax qed nipprovdu servizz tajjeb.

Carrie Grixti, Lead Screening Co-ordinator, National Breast Screening Programme

Breast Screening Centre ġdid...

4

Ċentru tal-Onkoloġija għal persuni li jkollhom il-kanċer...minn 27 sodda fl-Isptar Boffa se jiżdiedu għal 94 sodda

Kien xokk kbir għalija meta qaluli li għandi kanċer

fis-sider. Ma stajt nemmen b’xejn! Jiena kelli 29 sena

u ma kien hemm ebda każijiet simili fil-famlija tiegħi.

Ġibt quddiem għajnejja ż-żewġt itfal li rrid ngħix

għalihom! Kemm il-ħaddiema ta’ Mater Dei kif ukoll

dawk tal-Isptar Boffa għandhom qalb tad-deheb u

kienu ta’ għajnuna kbira. Salvawli ħajti. Inqishom

bħala t-tieni familja tiegħi. Jekk inti qiegħda fl-

istess sitwazzjoni, irrakkonta l-istorja tiegħek għax

tgħinek tirbaħ il-beżgħat li jista’ jkollok. Ibqa’ dejjem

għaddejja u ġġieled għaliha!

Rowena Enriquez, pazjenta tal-kanċer, omm

5

224,281 eżami tar-radjoloġija fis-sena fosthom CT Scans, MRI u ultrasounds...

...bdew jittieħdu X-Rays diġitali fiċ-Ċentru tas-Saħħa tal-Mosta wkoll

Seba’ snin ilu sabuli tumur f’moħħi. Wara li għamilt operazzjoni, jiena qed nagħmel MRI kull sena u għalhekk nista’ ngħid li qiegħed taħt osservazzjoni regolari. Il-ħaddiema li jaħdmu f’dan id-dipartiment huma ta’ għajnuna kbira u għandhom jiġu mfaħħra. Jiena persuna kuraġġuża u indipendenti li ma niġi demoralizzat mill-ebda problema ta’ saħħa. Madanakollu, huwa dejjem tajjeb li tirċievi assistenza mill-aqwa mill-ħaddiema tal-Isptar Mater Dei. Grazzi.

Saviour Borg, pazjent

6

L-għajnuna li rċevejna mir-Renal Unit kienet xi ħaġa ta’ barra minn hawn! Titlef ’l ibnek hi traġedja personali pero’ l-ħaddiema għamlu mill-aħjar li setgħu biex itaffulna d-dieqa f’dak il-mument daqshekk diffiċli. L-unika ħaġa li stajna nagħmlu hi li nagħtu l-organi tat-tifel tagħna lil dawk in-nies li kien għad fadlilhom tama ta’ ħajja. Aħna nħossuna kuntenti meta naħsbu li t-tifel tagħna għadu qed jgħix permezz ta’ dawn in-nies.

Lawrence u Francesca Dalli,il-familja donatriċi

224,281 eżami tar-radjoloġija fis-sena fosthom CT Scans, MRI u ultrasounds...

Jien għamilt użu mis-servizzi tar-Renal Unit għal seba’ snin bit-terapija ddum madwar erba’ siegħat kull darba, b’servizz uman, f’ambjent mill-aqwa u apparat mediku kull fejn iddawwar wiċċek. Jien nibqa’ grat għal ħajti kollha għall-għajnuna li rċevejt mingħand il-Familja Dalli li tawni l-kilwa, lejn binhom u lejn il-ħaddiema tal-Isptar Mater Dei għax dawn in-nies jagħtu qalbhom għall-pazjenti!

George Bezzina

Inkomplu nsalvaw il-ħajja...b’kull mezz possibbli

George Bezzina Francesca Saveria Dalli

Lawrence Dalli

7

Jiena kelli aċċident ikrah ħafna bil-karozza li affettwali serjament ’il saqajja. Kien is-servizz tajjeb tal-ħaddiema ta’ Mater Dei li ħeġġiġni biex nemmen li kont ser nerġa’ nibda nimxi mill-ġdid. Fil-fatt, erġajt bdejt nimxi bla għajnuna ta’ xejn wara biss disa’ xhur mill-aċċident li kelli! Kien grazzi għas-servizz tad-deheb li rċevejt biex dan kollu seħħ!

Roderick Mangion

Salvati minn ħalq il-mewt fl-emerġenza

8

Kura Intensiva (ITU)...attenzjoni individwali

24 siegħa kuljum

Xhar l-ITU u ħames xhur fi swali oħra fl-isptar wara inċident bil-karozza kienet esperjenza li bidlitli ħajti. Jiena ngħatajt ħafna demm matul l-għaxar operazzjonijiet li għamilt. Il-ħaddiema għinuni erbgħa u għoxrin siegħa kuljum f’kull sala li kont. Huma dawn in-nies li tawni l-kuraġġ, is-saħħa u d-determinazzjoni sabiex nibqa’ iffukat ħalli nirbaħ din is-sitwazzjoni u llum erġajt qed ngħix b’mod normali. Irrealizzajt ukoll li l-kura tiswa ħafna flus, ħin u dedikazzjoni.

Joe Mercieca

9

41,795 operazzjoni fl-2010...9,000 fis-sena aktar milli kienu jsiru fl-Isptar San Luqa

Il-familja tiegħi kellha numru ta’ każijiet relatati ma’ problemi tal-qalb matul is-snin. Fil-fatt, jiena kelli nagħmel operazzjoni kbira li rnexxiet bil-kbir. Qabel din l-operazzjoni jiena kien ikolli beżgħat fuq x’kien se jkun ir-riżultat tal-operazzjoni. Però l-ħaddiema għinuni wkoll mil-lat psikoloġiku sabiex nirbaħ dawk il-mumenti daqshekk diffiċli. Illum jiena nħossni kburi bija nnifsi u rikonoxxenti ħafna għal min ħa ħsiebi l-isptar!

Laurence Borg

10

Qed isiru diversi interventi u operazzjonijiet ġodda

fosthom tal-qalb u tas-smigħ

L-iktar ħaġa li tinteressani fil-professjoni tiegħi hi li nkun qed nagħmel differenza fil-ħajjiet tal-persuni b’mod tanġibbli. L-għajnuna li jiena nagħti lill-pazjenti tgħinhom jgħixu ħajja aħjar u aktar b’saħħitha. Dan hu xogħol iebes, kemm fuq livell fiżiku u kif ukoll fuq livell mentali, pero’ jagħtini ħafna sodisfazzjon.

Lorna Attard Cassar, Theatre Nurse

11

Aktar minn 54,500 persuna jużaw l-iskema tal-Ispiżerija tal-Għażla Tiegħek minn 113-il spiżerija

L-Ispiżerija tal-Għażla Tiegħek hija skema li bidlet il-ħajja tiegħi kif ukoll dik ta’ ommi. Ġeneralment jiena mmur niġbor il-mediċina li jkollha bżonn ommi u issa nista’ nagħmel dan fl-ispiżerija qrib tiegħi fil-lokalità tiegħi stess! Din l-iskema solviet l-inkonvenjenzi tal-passat, neħħiet l-iskariġġ u ġabet magħha benefiċċji oħrajn bħal ngħidu aħna għajnuna aktar personalizzata u li nista’ noqgħod aktar ma’ ommi!

Marthese Psaila

12

Dipartiment tar-Radjoloġija ġdid f’Għawdex...

pazjenti Għawdxin jinqdew aħjar

f’Għawdex stess

L-iskema l-iSpiżerija tal-Għażla Tiegħek

mifruxa ma’ Għawdex kollu

Jiena kont sodisfatta ħafna bis-servizz li ngħatajt ġewwa d-dipartiment tar-Radjoloġija ġdid ġewwa l-Isptar Ġenerali ta’ Għawdex li fetaħ din is-sena. Bl-apparat ġdid li hemm ġewwa dan id-dipartiment jiena stajt nagħmel testijiet f’Għawdex stess meta qabel kien ikolli mmur għalihom f’Malta. Minbarra nuqqas ta’ traġitt għal Malta s-servizz f’Għawdex fisser ukoll li jien ingħatajt servizz professjonali mill-aqwa u mingħajr dewmien.

Maria Assunta Azzopardi

13

Żewġ Ċentri ġodda ta’ Matul il-Jum fiż-Żejtun u f’Raħal Ġdid...

Jien ilni naħdem fl-Isptar Mount Carmel għal dawn l-aħħar erba’ snin. Ir-rwol tiegħi hu li ngħin lill-pazjenti sabiex jintegraw aktar fil-komunità. Għaldaqstant, din il-ħidma ser twassal fi tnaqqis ta’ nies li jkunu f’dan l-Isptar. Għalkemm it-tagħrif rigward is-saħħa mentali żdied, il-ħaddiema xorta għadhom jiltaqgħu ma’ numru ta’ xkiel minħabba stigma. Il-problemi ta’ saħħa li jien l-aktar naħdem magħhom huma: skiżofrenija, bipolar, dipressjoni u disturbi tal-ansjetà. Bis-servizzi li qed nagħtu aktar persuni qed jgħixu fil-komunità flok l-isptar.

Angie Pace, Social Worker - Team Leader, Outreach Community Team

...klinika ġdida fl-Imtarfa

għal persuni bi problemi

ta’ saħħa mentali

14

Infetħu l-ewwel żewġ night shelters

għall-anzjani, fil-Mellieħa u ż-Żejtun

L-ewwel faċilità għall-anzjani bid-dimenzja - 144 sodda ġdida f’San Vinċenz de Paul

Jiena ilni ngħix f’San Vinċenz de Paul, sena u erba’ xhur. L-attivitajiet tiegħi matul il-ġurnata jvarjaw: ġieli ngħin fil-kċina, nara t-televiżjoni, nitkellem ma’ sħabi tal-kamra u nilgħab bil-ballun. F’San Vinċenz de Paul, jiena nħossni moħħi mistrieħ għax naf li kull meta ser ikolli bżonn għajnuna u kura medika, din ser insibha fi ftit sekondi.

Giovanna Spiteri

15

188 voluntier jgħinu lill-pazjenti u lill-qraba tagħhom fl-Isptar Mater Dei

Bħala voluntiera tal-VolServ, jiena nista’ ngħid kemm xogħolna hu apprezzat kemm mill-pazjenti kif ukoll mill-ħaddiema tal-isptar. Fil-fatt, wieħed mill-pazjenti ma riedx jemmen li aħna voluntiera u beda jgħidilna ‘l-anġli ta’ Mater Dei’. Jiena nħajjar lil kulħadd sabiex jagħti l-għajnuna li jista’ jagħti fl-isptar. Intom ser tieħdu lura ħafna aktar milli se tkunu qed tagħtu!

Marlene Abela

16

Fl-Emerġenza jidħlu medja

ta’ 300 persuna kuljum...

70 persuna jiddaħħlu bl-ambulanza

Jiena minn dejjem ridt insib xogħol li jagħtini l-opportunità biex ngħin lill-persuni fil-bżonn. Huwa ta’ sodisfazzjon li tkun taf li int qed tikkontribwixxi sabiex jiġu salvati ħajjiet prezzjużi. Barra minn hekk, dejjem inkompli nsegwi l-persuni li jiena mmur għalihom bl-ambulanza għax inqis il-pazjenti li niltaqa’ magħhom kuljum bħala l-ħbieb ġodda tiegħi. Xogħli xi kultant jista’ jkun ta’ periklu pero’ xorta waħda ma nimmaġinanix nagħmel ebda xogħol ieħor!

Charles Pullicino, xufier ta’ Ambulanza

17

Mill-vokazzjoni u t-taħriġ professjonali għas-servizz tal-poplu

Hija ta’ sodisfazzjon għalina li l-pazjenti jafdaw fina għax dan ifisser li jkun qed jirnexxielna ngħinuhom!

Ruth Grech, Pharmacy Technician

B’sodisfazzjon nara n-nies jirkupraw wara li jkunu fi stat ta’ saħħa ħażin ħafna. Huma dawn l-emozzjonijiet li jgħinuk tapprezza aktar kemm hu siewi xogħolna.

Joseph Grech, Nursing Aide

Fl-isptar ikun hemm nies li jkunu għaddejjin minn mumenti koroh f’ħajjithom u allura huwa importanti li nuruhom li aħna jimpurtana minn dak li qed jiġrilhom f’ħajjithom!

Nazju Muscat, Foreman

Aħna niltaqgħu ma’ nies ġodda bi bżonnijiet differenti b’mod kontinwu u nagħtu l-aħjar li nistgħu.

Josephine Sammut, Uffiċjal Eżekuttiv

Huwa dejjem ta’ emozzjoni meta niltaqa’ ma’ dawk it-trabi li jkunu kibru li jiena nkun għint biex jitwieldu.

Astrid Zarb, Midwifery Officer

F’Mater Dei, aħna noffru servizz professjonali u kburin meta naraw li dan ix-xogħol li qed isir hu apprezzat u jissarraf f’saħħa aħjar.

Natalie Muscat, Manager Employee Service

Aħna nisimgħu u nieħdu ħsieb il-pazjenti tagħna wkoll għaliex huma jkollhom bżonn ukoll attenzjoni li mhix biss kura medika min-naħa tagħna.

Maria Theresa Seychell, Nursing Officer

Ix-xogħol tiegħi hu li niżgura s-saħħa u s-sigurtà tal-ħaddiema kollha ta’ Mater Dei. Nieħu ħsieb il-ħaddiema li jieħdu ħsieb il-pazjenti.Dieter Ebejer, Senior Inspector, Saħħa u Sigurtà

Bħala professjonisti, aħna ngħinu u nagħtu appoġġ lil kull min jiġi quddiemna b’kull mezz possibbli. Niżguraw li nkunu altruwisti sabiex nipproteġu l-interessi tagħhom.

Dr Rita Micallef, Manager Speech Language PathologyGħandna jiġu pazjenti li jkunu b’uġiegħ kbir

meta jidħlu filwaqt li diġà jkun qed iħossuhom aħjar meta joħorġu mill-klinika. Tista’ tara li qed tgħin sabiex tagħmel differenza fil-ħajja tal-pazjenti mal-ewwel!Dr. Nicholas Busuttil Dougall, Dental Surgeon

18

F’idejn imħuħ ġodda b’qalb kbira

Jiena ngħatajt borża ta’ studju mill-Gvern sabiex intejjeb l-istudji tiegħi fuq livell ta’ Masters u qed nispeċjalizza fil-mard infettiv. Il-fatt li dawn il-boroż ta’ studju bdew jingħataw anke lil dawk l-istudenti li jkunu qed jistudjaw ma’ università barranija filwaqt li jibqgħu Malta kienet inizjattiva tajba ħafna. Din ser tħeġġeġ aktar nisa sabiex javvanzaw fl-istudji tagħhom. Dan għaliex issa jistgħu jibbilanċjaw bejn il-bżonnijiet tal-familja u dawk il-bżonnijiet li huma aktar ta’ natura akkademika. Dr Claudia Fsadni

Bħala membru tal-lecturing staff tal-Università ta’ Malta, nieħu gost nara l-istudenti tiegħi japplikaw b’mod prattiku dak li nkun għallimthom. Barra minhekk bħalissa jien qed nistudja aktar. Il-borża ta’ studju li jiena ngħatajt is-sena li għaddiet tatni l-opportunità sabiex navvanza u nidħol aktar fil-fond billi nirriċerka aktar fuq il-kura tal-kanċer. Susan Mercieca

Bil-boroż ta’ studju li ngħatajt qed nirnexxi f’waħda mix-xewqat tiegħi: dik li ntejjeb l-istudju tiegħi f’Rijabilitazzjoni Newroloġika. L-aktar li tinteressani fix-xogħol tiegħi hi li nara l-pazjenti jtejbu l-kundizzjoni tagħhom u permezz tal-Masters li qed nagħmel, jiena se nikseb aktar ħiliet sabiex nagħti servizz aħjar lil dawn il-pazjenti. Rosanne Scerri

Bħala student tal-Occupational Therapy diġà nista’ mmiss b’idejja kif persuni jintegraw lura fis-soċjetà. Fix-xogħol tal-Occupational Therapist tiltaqa’ ma’ nies ta’ kull eta’ (minn tfal sa anzjani) u minn kull sfera tal-ħajja. Shawn Abela (student tal-Occupational Therapy)

Jien dħalt fil-kors ta’ Medical Secretary bħala mature student għaliex ridt li nkabbar l-għarfien tiegħi billi nistudja l-parti teoretika sabiex inkun nista’ nagħti servizz aħjar minkejja li diġà kont qed naħdem bħala skrivan f’Mater Dei. Il-ħidma fil-qasam tas-saħħa hi differenti minn kull tip ta’ xogħol ieħor. Il-messaġġ tiegħi hu li ħadd ma għandu jaqta’ qalbu fil-ħajja! Franco Scicluna (student , MCAST)

19

Emerġenza / Ambulanza ................................................ 112

Ministeru għas-Saħħa, l-Anzjani u Kura fil-Komunità ................... 2122 4071

Segretarjat Parlamentari għall-Anzjani u Kura fil-Komunità ....... 2122 4071

Sptar Mater Dei - Customer Care .........................................................2545 4184

Sptar Mater Dei ........................................................................................2545 0000

Sptar ta’ Rijabilitazzjoni Karin Grech ..................................................2208 0000

Sptar Sir Paul Boffa ....................................................................................2122 4491

Sptar Monte Karmeli ..................................................................................2141 5183

Residenza San Vinċenz De Paul ............................................................2122 4461

Ċentri tas-Saħħa:

Birkirkara ......................................................................................................2149 4960

Bormla .......................................................................................................2167 3292/3

Ħal Qormi ....................................................................................................2148 4450

Il-Furjana ...................................................................................................2124 3314/5

Il-Gżira .......................................................................................................... 2133 7245

Il-Mosta ......................................................................................................... 2143 3256

Ir-Rabat .........................................................................................................2145 9082

Raħal Ġdid ................................................................................................2169 1314/5

Servizzi Għall-Anzjani ........................................................................25575101/2/3

Ċentri ta’ Matul il-Jum ............................................................................ 2278 8445

Dementia Helpline ....................................................................................2208 1826

Night Shelters ............................................................................................ 2557 5000

Direttorat Promozzjoni tas-Saħħa u Prevenzjoni tal-Mard ......... 2326 6000

Direttorat Saħħa Ambjentali ...................................................................2133 7333

Saħħa u Sigurta fuq il-Post tax-Xogħol ............................................... 2124 7677

Skema Spiżerija tal-Għażla Tiegħek - POYC .....................................2248 1800

Faculty Of Health Science (Università ta’ Malta) ............................. 2340 2340

Malta College of Arts, Science & Technology (MCAST) .................2398 7100

Numri bżonnjużi tat-telefown

Ministeru g˙as-Sa˙˙a,l-Anzjani u Kura fil-Komunità