Upload
others
View
15
Download
0
Embed Size (px)
Citation preview
2
Respublikanın ümumtəhsil məktəblərinin
10-cu sinifləri üçün “Gənclərin çağırışaqədərki hazırlığı”
dərsliyi
Müəlliflər: Həbib Ocaqov
Rövşən Qasımov
Bakı: Təhsil, 2014.
Dərslik ilə bağlı TQDK-ya daxil olmuş və açıq
müzakirələrdə bildirilmiş qeydlər, iradlar və təkliflər
əsasında hazırlanmış
YEKUN RƏY
3
Yekun rəy aşağıdakı meyarlar əsasında formalaşmışdır:
1. Məzmunun işlənməsi baxımından
2. Dil və yazı üslubu baxımından
3. Dizayn və bədii tərtibat baxımından
4. Tapşırıqların elmi-metodiki uyğunluğu baxımından
1. Məzmunun işlənməsi baxımından
Respublikanın ümumtəhsil məktəblərində qüvvədə olan tədris proqramı əsasında
hazırlanmış dərslik “Mündəricat”, “Giriş”, 7 fəsil (“Dövləti müdafiənin əsasları”,
“Azərbaycan Respublikası Silahlı Qüvvələrinin Nizamnamələri”, “Sıra təlimi”,
“Taktiki hazırlıq”, “Silahlar və atəş hazırlığı”, “Hərbi topoqrafiya”,
“Təhlükəsizlik və fövqəladə hallarda insanların mühafizəsi”)və fənn proqramından
ibarətdir. Dərslikdəki materiallar 44 mövzu üzrə 176 səhifəni əhatə etmiş, fənn üzrə
bilik və bacarıqların mənimsənilməsinə və formalaşdırılmasına yönəlmişdir.
Azərbaycan Respublikası Təhsil Nazirliyinin təsdiq etdiyi tədris planına əsasən,
fənnin tədrisinə həftədə 2 saat olmaqla, 68 saat vaxt ayrılmışdır.
Qeyd etmək lazımdır ki, dərsliyin 2011-ci il nəşrinin Tələbə Qəbulu üzrə Dövlət
Komissiyası tərəfindən aparılmış elmi-metodiki monitorinqi nəticəsində hazırlanmış
yekun rəydə göstərilən irad və təkliflərin xeyli hissəsi bu nəşrdə nəzərə alınmışdır.
Lakin bəzi iradlar nəzərə alınmamış, dəyişikliklər zamanı isə yeni səhvlərə yol
verilmişdir. Bunlar aşağıdakılardır:
Dərsliyin ilk səhifəsində hansı Nizamnamələrə istinad edilməsi yazılmamışdır.
Səhifə 8. 1-ci abzasda “Orduda bir çox xoşagəlməz hadisələr aradan qaldırıldı”
cümləsinin redaktə edilməsi məqsədəuyğundur.
Səhifə 11-15. 2-ci paraqrafda “Azərbaycan Silahlı Qüvvələrin qoşun növləri”
mövzusu verilmiş, lakin mövzuya aid olan “Sülhməramlı qoşunlar, Dövlətin silahlı
təşkilatı və Silahlı Qüvvələrin vəzifələri, təyinatı” haqqında məlumat verilməyib.
Səhifə 14. 2-ci abzasda Sərhəd Qoşunları Milli Təhlükəsizlik Nazirliyinin tərkib
hissəsi kimi verilmişdir. Lakin Sərhəd qoşunları 31 iyul 2002-ci ildən sərbəst güc
strukturu kimi fəaliyyət göstərir.
Səhifə 14-16. Milli Qvardiya haqqında məlumat hər iki səhifədə göstərilmişdir.
4
Səhifə 26. 4-cü paraqrafda “Azərbaycan Respublikası Silahlı Qüvvələrin
Nizamnamələri haqqında anlayış” mövzusu verilmiş, amma Sıra Nizamnaməsinin
təsdiq edilmə tarixi göstərilməmişdir.1
Səhifə 43-44. Sonuncu abzasdan “Komandirlərə (rəislərə) və özündən böyüklərə
müraciət” yarımbaşlığına qədər olan abzaslar, ümumiyyətlə, mövzuya aid deyil. Belə ki,
paraqrafın adı “Əmr və sərəncamların verilmə qaydası və onların icrası” olduğu halda,
sözügedən abzaslarda DXN, maddə 38-45 maddələrini əhatə edən hərbi nəzakət və
hərbi qulluqçuların davranışları haqqında qaydalardan bəhs olunur.
Səhifə 49-53. “Sıralar və onların idarə edilməsi” paraqrafında sıranın elementi
sayılan açıq sıralar haqqında məlumat verilməmişdir.
Səhifə 53. 4-cü abzasda verilmiş xəbərdarlıq siqnalları və icra komandası haqqında
məlumat mövzuya uyğun deyil.
Səhifə 53. Komandaların icra etmə qaydası əvvəlki səhifədə verildiyi halda, 14-cü
paraqrafda mahiyyət etibarilə təkrar verilmişdir.
Səhifə 69. 1-ci abzasda (20-ci paraqraf) “Zirehli transportyorlu manqanın heyəti”
haqqında məlumat verilməsinə baxmayaraq, 41-ci şəkildə sadəcə “ZTR-90” təsvir
edilmişdir. ZTR-li manqanın heyətinin döyüş və səfər düzülüşü haqqında heç bir
məlumat yoxdur.
Səhifə 70. 1-ci abzasda “ZTR-də böyük kalibrli Vladimirov pulemyotu və
Kalaşnikov pulemyotu quraşdırılmışdır” cümləsi yazılsa da, 41-ci şəkildə “ZTR-90”
təsvir edilmişdir. Yazılmış məlumat “ZTR-70”-in modifikasiyasına uyğundur.
Səhifə 76. “Kütləvi qırğın silahlarından mühafizə” yarımbaşlığının 3-cü abzası
mövzuya uyğun deyil.
Səhifə 88. “Hərəkətdən hücuma keçərkən əsgərin davranışı və manqanın döyüş
nizamında öz yerini tutması” yarımbaşlığında hərəkətdən hücuma keçən əsgərin
davranışı haqqında məlumat yoxdur.
Səhifə 92. 27-ci paraqrafın “Düşmən nüvə silahı işlədərkən və atəş hazırlığına
başlayarkən müdafiə olunmaq qaydası” yarımbaşlığı XI sinif “Gənclərin çağırışaqədərki
hazırlığı” dərsliyində yer almış “Düşmən nüvə silahı işlədərkən və atəş hazırlığına
başlayarkən müdafiə olunmaq qaydası”(Bakı: Təhsil, 2011; səh.45-50) paraqrafında
təkrar verilmişdir.
1“Azərbaycan Respublikası Silahlı Qüvvələrin Sıra Nizamnaməsi 27 may 1992-ci
il, 144 saylı qanunu ilə təsdiq edilib”. (Bakı, Hərbi nəşriyyat-1995-ci il).
5
Səhifə 168-171. Məlumatların müəyyən qismi 27-ci paraqrafın “Xəbərdarlıq
siqnalları ilə davranış” yarımbaşlığı ilə eyniyyət təşkil etdiyinə görə burada təkrar
verilməsinə ehtiyac yoxdur.
2. Dil və yazı üslubu baxımından
Dərslikdəki materiallar, əsasən, konkret, lakonik yazılmış, sadə və başadüşüləndir.
Burada xeyli sayda termin, hərbi texnika və silahların adlarından istifadə edilmişdir.
Bəzi hallarda verilənlərin izahı çətinlik törədir. Ümumiyyətlə, hərbi texnikaların taktiki-
texniki göstəricilərinin rus dilindən Azərbaycan dilinə tərcümə edilməsi çox vacib
məsələdir. Buna görə də dərslikdə bir çox terminlərin dəyişdirilməsi məqsədə uyğun
hesab olunur. Bunlar aşağıdakılardır:
Səhifə 11. “Azərbaycan Silahlı Qüvvələrinin qoşun növləri” mövzusunda,
“Motoatıcı qoşunlar – düşmənin havadakı və yerdəki hədəflərini avtomat və
pulemyotlardan, artilleriyadan, operativ-taktiki və taktiki raketlərdən, tanklardan,
piyadanın döyüş maşınlarından, zirehli maşınlardan, zenit raketlərindən istifadə etməklə
məhv etmək qabiliyyətinə malikdir”. “Quru qoşunların ehtiyatda olan zabitlərinin
hazırlanması, Moskva Hərbi nəşriyyat-1989-cu il, V.F.Sotnikov”, səhifə 10-da və
(ru.wikipediya.orq.) “Мотострелковые войска” səhifəsində göstərilir ki, “Motoatıcı
qoşunlar – quruda müstəqil və ya başqa qoşun növləri ilə birgə tam miqyaslı döyüş
əməliyyatlarının keçirilməsi qabiliyyətinə malikdir”.
Səhifə 12. 1-ci abzasda “Artilleriya qoşunları operativ-taktiki və taktiki
məqsədli reaktiv artilleriya, minaatan və digər hərbi texnika ilə təchiz
olunmuşdur” verilmişdir. Burada, “Artilleriya qoşunları operativ-taktiki və taktiki
raket kompleksləri; reaktiv yaylım atəşi sistemləri; özüyeriyən və daşınan artilleriya
sistemləri; Tank əleyhinə idarəedilən raket kompleksləri ilə təchiz olunmuşdur”
yazılması məqsədəuyğundur.
Yenə həmin səhifədə 2-ci abzasda “Müasir Hava Hücumundan müdafiə
qoşunları texniki cəhətdən mürəkkəb hərbi avadanlıqlarla təmin olunmuşdur”
cümləsində “avadanlıqlar” sözünün əvəzinə “texnikalarla” yazılması
məqsədəuyğundur.
Səhifə 21. 1-ci abzasda “İstiqlal ordeni” haqqında məlumatda “Azərbaycan
dövləti və xalqı qarşısında xüsusi böyük xidmətlərinə görə” əvəzinə “Azərbaycan
dövləti və xalqı qarşısında xüsusilə görkəmli xidmətlərinə görə” yazılması
6
məqsədəuyğundur (Azərbaycan Respublikası Prezidentinin İşlər İdarəsinin Prezident
Kitabxanası. “Orden və medallar”, “Döş nişanları və Fəxri adlar” səh. 23).
Səhifə 22. 1-ci abzasda yazılır ki, Azərbaycan Respublikasının “Azərbaycan
Bayrağı” ordeni vətəndaşlara “Hərbi elminin və hərbi sənayenin inkişafında xüsusi
xidmətlərinə görə” verilir. “Azərbaycan Respublikasının “Azərbaycan Bayrağı”
ordeninin Statusu”, Azərbaycan Respublikasının 1993-cü il 6 dekabr tarixli 756 saylı
Qanununa əsasən isə “Hərb elminin və hərbi texnikanın inkişafında xüsusi xidmətlərinə
görə” verilir və burada da bu şəkildə dəyişdirilməsi tövsiyə olunur.
Səhifə 22. 1-ci abzas, 5-ci sətirdə “dövlət sərhədinin toxunulmazlığını
qoruyarkən sərhəd qarovulunun döyüş əməliyyatlarına bacarıqla rəhbərliyinə
görə” əvəzinə “Azərbaycan Respublikası dövlət sərhədinin toxunulmazlığını
qoruyarkən sərhəd qarovulunun döyüş əməliyyatlarına bacarıqla rəhbərliyinə görə”
yazılmalıdır (Azərbaycan Respublikası Prezidentinin İşlər İdarəsinin Prezident
Kitabxanası. “Orden və medallar”, “Döş nişanları və Fəxri adlar” səh. 23).
Səhifə 22. 1-ci abzas, 10-cu sətirdən sonra “Azərbaycan Respublikası dövlət
sərhədinin mühafizəsində qüsursuz xidmətə görə” ifadəsinin əlavə edilməsi
məqsədəuyğundur.
Səhifə 33. 2-ci abzasda “yaşayış yeri və ya olduğu yer üzrə uçotda” cümləsində
“uçotda” sözünün “qeydiyyatda” ilə əvəz edilməsi məqsədəuyğundur.
Səhifə35. 2-ci abzasda “hərbi komissarlığa” ifadəsinin əvəzinə “səfərbərlik və
hərbi xidmətə çağırış şöbəsinə” yazılması məqsədəuyğundur.
Səhifə 39. 4-cü abzasda “hərb və ya xüsusi hazırlığından” ifadəsinin “hərbi və
ya xüsusi hazırlığından” kimi verilməsi düzgündür.
Səhifə 43. 1-ci abzasda “Tutduğu vəzifəsinə və hərbi rütbəsinə görə bir hərbi
qulluqçu başqasına görə və yaxud tabe edəndir” cümləsinin “Tutduğu vəzifəsinə və
hərbi rütbəsinə görə bir hərbi qulluqçu bir-birinə münasibətdə və yaxud tabe olandır”
kimi verilməsi düzgün olar (Azərbaycan Respublikasının Daxili Xidmət
Nizamnaməsində (DXN maddə 9, səhifə 9, Bakı-2013)).
2-ci abzasda “Tabelikdə olanlar rəislərə danışıqsız tabe olmalıdırlar”
cümləsinin “Tabelikdə olanlar rəislərinə sözsüz tabe olmağa borcludurlar” kimi
verilməsi məqsədəuyğundur (Azərbaycan Respublikasının Daxili Xidmət
Nizamnaməsində (DXN maddə 9, səhifə 9, Bakı-2013)).
4-cü abzasda “Tabeliyinə görə ən yaxın rəis bilavasitə rəis adlanır” cümləsinin
“Tabelikdə olana ən yaxın rəis bilavasitə rəis adlanır” kimi verilməsi
7
məqsədəuyğundur (Azərbaycan Respublikasının Daxili Xidmət Nizamnaməsində (DXN
maddə 10, səhifə 9, Bakı-2013)).
6-ci abzasda “Hərbi rütbəsi böyük olanlar rütbəcə kiçik olanları məzəmmət
etmək ixtiyarına malik olub, onlardan hərbi intizama, ictimai qayda-qanuna,
geyim formasının səliqəsinə, həmçinin davranış qaydalarına riayət etmələrini tələb
edə bilər” cümləsinin “Hərbi rütbəsi böyük olanlar hərbi rütbəsi kiçik olanlara irad
tutmaq hüququna malik olub, onlardan hərbi intizama, ictimai qayda-qanuna, geyim
forması geyinmə, həmçinin davranış və salamlaşma qaydalarına riayət etmələrini tələb
etmək hüququna malikdir” kimi verilməsi düzgün olar (Azərbaycan Respublikasının
Daxili Xidmət Nizamnaməsində (DXN maddə 12, səhifə 10, abzas 3, Bakı-2013)).
Səhifə 46. 3-cü abzasın 1-ci bəndində “Azərbaycan Respublikasının
Konstitusiyasına və qanunlarına ciddi əməl etsin, hərbi andın, hərbi
nizamnamələrin tələblərini, komandirlərin(rəislərin) əmr və sərəncamlarını dəqiq
və vaxtında yerinə yetirsin” əvəzinə “Azərbaycan Respublikasının Konstitusiyasına və
qanunlarına ciddi riayət etsin, Hərbi Andın və hərbi Nizamnamələrin tələblərini dəqiq
yerinə yetirməyə, komandirlərin(rəislərin) əmr və sərəncamlarına sözsüz tabe olmağa”
kimi olmalıdır (Azərbaycan Respublikası İntizam Nizamnaməsində (İN maddə 3,
səh.182, I fəsil,Bakı-2013)).
3-cü abzasın 2-ci bəndində “Hərbi xidmətin bütün çətinlik və
məhrumiyyətlərinə mətinliklə tab gətirsin, borcunu yerinə yetirərkən öz canını və
hətta həyatını belə əsirgəməsin” əvəzinə “Hərbi xidmətin bütün çətinlik və
məhrumiyyətlərinə mətinliklə tab gətirməyə, hərbi borcunu yerinə yetirərkən öz qanını
və hətta həyatını belə əsirgəməməyə” yazılmalıdır (Azərbaycan Respublikası İntizam
Nizamnaməsində (İN maddə 3, səh.182, I fəsil, Bakı-2013)).
3-cü abzasın 4-cü bəndində “namuslu və dürüst olsun, hərbi işi vicdanla
öyrənsin, ona tapşırılan silahı, döyüş texnikasını və digər texnikanı, hərbi və xalq
əmlakını hər vasitə ilə qorusun” əvəzinə “namuslu və doğruçu olmağa, hərbi işi
vicdanla öyrənməyə, ona tapşırılan silahı, döyüş texnikasını və digər texnikanı, hərbi və
xalq əmlakını hər vasitə ilə qorumağa” olması məqsədəuyğundur (Azərbaycan
Respublikası İntizam Nizamnaməsində (İN maddə 3, səh.182, I fəsil,Bakı-2013)).
3-cü abzasın 5-ci bəndində “komandirlərə(rəislərə) tabe olmaqla bərabər,
intizam qaydalarına əməl etsin” əvəzinə “komandirlərə(rəislərə) və böyüklərə hörmət
etməyə, əsgəri nəzakət və salamvermə qaydalarına əməl etməyə” yazılmalıdır
8
(Azərbaycan Respublikası İntizam Nizamnaməsində (İN maddə 3, səh.182, I fəsil,Bakı-
2013)).
3-cü abzasın 6-cı bəndində “hərbi hissədən kənarda özünü ləyaqətli və namuslu
aparsın, özü və başqaları tərəfindən ictimai asayiş qaydalarının pozulmasına yol
verməsin, vətəndaşların şərəf və ləyaqətlərinin qorunmasına hərtərəfli səy
göstərsin” əvəzinə “hərbi hissədən kənarda özünü ləyaqətli və namuslu aparmağa,
ictimai asayişin özü və başqaları tərəfindən pozulmasına yol verməməyə, vətəndaşların
şərəf və ləyaqətlərinin qorunmasına hərtərəfli səy göstərməyə məcbur edir” yazılması
düzgün olar (Azərbaycan Respublikası İntizam Nizamnaməsində (İN maddə 3, səh.182,
I fəsil, Bakı-2013)).
Səhifə 47. 2-ci və 3-cü abzaslarda “rəğbətləndirilməlidir” sözünün yerinə
“həvəsləndirilməlidir” sözü yazılmalıdır (İntizam Nizamnaməsi, maddə 1, Bakı-2013).
5-ci abzasda “hərbi qulluqçunu hissənin “Döyüş Bayrağı” yanında çəkilmiş
fotoşəkli ilə mükafatlandırmaq” əvəzinə “hərbi qulluqçunu hissənin açılmış “Döyüş
Bayrağı” yanında çəkilmiş fotoşəkli ilə mükafatlandırmaq” yazılmalıdır.
Həmin abzasda “öz vəzifəsinə tam uyğun olmaması barədə xəbərdarlıq etmək,
aşağı vəzifəyə keçirmək, hərbi rütbəsini bir pillə aşağı salmaq” əvəzinə “öz
vəzifəsinə tam uyğun olmaması barədə xəbərdarlıq, aşağı vəzifəyə keçirmə, hərbi
rütbəsini bir pillə aşağı salma” olmalıdır (Azərbaycan Respublikası SQ-ninİntizam
Nizamnaməsində (İN, səh.195, maddə 49, II fəsil, Bakı-2013)).
Səhifə 48. 1-ci abzasda “əlaçı döş nişanından məhrum etmə, aşağı vəzifəyə
keçirmək, çavuş hərbi rütbələrini bir pillə aşağı salmaq, çavuş hərbi rütbəsindən
məhrum etmək” əvəzinə “əlaçı döş nişanından məhrumetmə, aşağı vəzifəyə keçirmə,
çavuş hərbi rütbələrini bir pillə aşağı salma, çavuş hərbi rütbəsindən məhrumetmək”
olmalıdır (Azərbaycan Respublikası SQ-nin İntizam Nizamnaməsində
(İN,səh.195,maddə 49, II fəsil, Bakı-2013)).
2-ci, 3-cü və 4-cü abzaslarda “əsgəri dustaqxanada(təcridxanada)”ifadəsinin
yerinə “hauptvaxt” sözünün verilməsi məqsədəuyğundur (İntizam Nizamnaməsi, Bakı-
2013).
Səhifə 51. 5-ci abzasda “Dörd nəfər və daha az adam bir cərgədə düzülür”
cümləsi səhifə 52-nin 8-ci abzasında təkrarən yazılmışdır.
Səhifə 56. 4-cü abzasda “Barmaqlar yarıbükülmüş vəziyyətdə, qollar şalvarın
yan tikişinə paralel olmaqla irəli çiyin səviyyəsinə qədər və geriyə arxaya qədər
yellənir” cümləsinin “Barmaqlar yarıbükülmüş vəziyyətdə, ovucun içi yerə baxaraq
9
qollar şalvarın yan tikişinə paralel olmaqla irəli çiyin səviyyəsinə qədər və geriyə
arxaya qədər yellənir” kimi verilməsi düzgün olar.
Yenə həmin səhifədə 5-ci abzasda “qolları irəlidə” əvəzinə “qollarla irəlidə”
olmalıdır(Azərbaycan Respublikası SQ-nin Sıra Nizamnaməsində (SN,səh.384,maddə
33, II fəsil, Bakı-2013)).
Səhifə 56. 2-ci abzasda “Addımla MA\RŞ” əvəzinə “Addımla MARŞ”
yazılmalıdır.
Səhifə 58. 1-ci abzasda (15-ci paraqraf)“Yerişdə dönmələr” mövzusunda
“Yerində dönmə bu cür komandalar ilə yerinə yetirilir. “Sağa”, “Sola-Dön”,
“Geriyə-Marş”. İcra komandası ilə sağa dönmək üçün sağ ayağı yerə qoymaq, sol
ayaqla addım atmaq və sol ayağın pəncəsi üstə dönmək lazımdır. Eyni zamanda
dönərək sağ ayağı qabağa atmaq və yerişi yeni istiqamətdə davam etdirmək
lazımdır” cümləsinin “Yerişdə dönmə bu cür komandalar ilə yerinə yetirilir. “Sağa-
Dön”, “Sola-Dön”, “Geriyə-Marş”. İcra komandası ilə sağ ayağın yerə qoyulması ilə
eyni vaxtda verilir. Bu komanda ilə sol ayaqla bir addım atıb, sol ayağın pəncəsi
üstündə dönməklə eyni vaxtda sağ ayağı irəli çıxarıb, yeni istiqamətdə yeriməli” kimi
verilməsi məqsədəuyğundur (Azərbaycan Respublikası SQ-nin Sıra Nizamnaməsində
(SN,səh.386,maddə 40, II fəsil, Bakı-2013)).
Həmin abzasda “Sola dönmək üçün icra komandası verildikdə sol ayağı yerə
qoymaq, sağ ayaq ilə irəliyə addım atmaq və sağ ayağın pəncəsi üstə dönmək
lazımdır, eyni zamanda dönərək sol ayağı atmaq və eyni istiqamətdə yerişi davam
etdirmək lazımdır” əvəzinə “Sola dönmək üçün icra komandası sol ayağın yerə
qoyulması ilə eyni vaxtda verilir. Bu komanda ilə sağ ayaqla bir addım atıb, sağ ayağın
pəncəsi üstündə dönməklə eyni vaxtda sol ayağı qabağa çıxarıb, yeni istiqamətdə
yeriməli” olmalıdır (Azərbaycan Respublikası SQ-nin Sıra Nizamnaməsində (SN,
səh.386, maddə 40, II fəsil, Bakı-2013)).
2-ci abzasda “Geriyə-Marş icra komandası verildikdə sağ ayağı yerə qoymaq,
sol ayaq ilə bir addım atmaq(bir hesabı ilə), sağ ayağı yarım addım irəli, bir qədər
sola və iki ayağın pəncəsi üstə kəskin surətdə sol qol tərəfə çevirmək(2 hesabla),
yeni istiqamətdə sol ayağı ilə yerişi davam etdirmək (2 hesabla) lazımdır. Dönüş
zamanı qol ilə hərəkət addımın taktına uyğun edilir” əvəzinə “Geriyə dönmək üçün
icra komandası sağ ayağın yerə qoyulması ilə eyni vaxtda verilir. Bu komanda ilə bir
sayı ilə sol ayaqla bir addım da atıb iki sayı ilə sağ ayağı yarım addım qabağa və bir
qədər sola çıxarmalı və hər iki pəncə üstündə qolları yana sıxaraq sol tərəfə cəld
10
dönüb, üç sayı ilə sol ayaqla yerişi yeni istiqamətdə davam etdirməli. Dönmələr vaxtı
qolları addımın taktı ilə hərəkət etdirməli” olmalıdır (Azərbaycan Respublikası SQ-nin
Sıra Nizamnaməsi (SN, səh.386, maddə 40, II fəsil, Bakı-2013)).
Səhifə 68-69. 2-ci və 3-cü abzaslarda “qəlpələnən əl qumbaraları və tank
əleyhinə kumulyativ əl qumbaraları” ifadəsində “əl qumbaraları” sözü
təkrarlanmışdır. Bu cümləni “Qəlpələnən və tank əleyhinə kumulyativ əl qumbaraları”
cümləsi ilə əvəz etmək məqsədəuyğundur.
Səhifə 73. 1-ci abzasda “piyada halda (ayaq xizəyində)” ifadəsinin “piyada
halda (xizəkdə)” kimi verilməsi məqsədəuyğundur.
Səhifə 94. V fəslin adının “Silahlar və Atıcılıq hazırlığı” əvəzinə “Silahlar və
Atəş hazırlığı” kimi yazılması məqsədəuyğundur.
Həmin səhifənin 1-ci və 3-cü abzaslarında “atıcılıq hazırlığı” sözünün yerinə
“atəş hazırlığı”, 2-ci abzasda isə “atıcılıq silahları” sözünün yerinə “atıcı silahlar”
yazılması məqsədəuyğundur.
Səhifə 95. 1-ci abzasda “Kalaşnikov avtomatı fərdi silahdır və düşmənin canlı
qüvvələrini” ifadəsinin əvəzinə “düşmənin canlı qüvvəsini” yazılması
məqsədəuyğundur.
Səhifə 96. 1-ci abzasa “Lülə eyni zamanda güllənin uçması üçün başlanğıc sürət
də verməlidir” cümləsinin artırılması məqsədəuyğundur.
Səhifə 99. 7-8-ci abzaslarda; səhifə 100-101, 1-ci abzaslarda verilən materiallar
şagirdlərin yaş səviyyəsinə uyğun deyil.
Səhifə 106. 1-ci abzasda “cibciyə” sözünü “cibə” ilə əvəz etmək
məqsədəuyğundur.
3. Dizayn və bədii tərtibat baxımından
Dərslikdə tədris vahidlərinin izahında çoxlu sayda şəkillərdən, sxemlərdən istifadə
olunması təqdirəlayiqdir. Bu halda materialların şagirdlər tərəfindən aydın şəkildə başa
düşülməsi asanlaşır. Bununla yanaşı, müəyyən qüsurlar da var. Bunlar aşağıdakılardır:
Səhifə 12. Şəkil 8-də adsız və modifikasiyasız qırıcı təyyarə təsvir edilmişdir.
Hərbi Hava Qüvvələrimizin arsenalında olan təyyarənin təsvir edilməsi daha
məqsədəuyğundur.
Yenə həmin səhifədə şəkil 9-da adsız və modifikasiyasız hərbi vertolyot təsvir
edilmişdir. Hərbi Hava Qüvvələrimizin arsenalında olan hərbi vertolyotun təsvir
11
edilməsi məqsədəuyğundur. Həmin səhifədə Zenit Raket Qoşunların arsenalında olan
S-300 “Favorit” tipli ZRK-nin (57 mm-lik zenit topu, 23 mm-lik zenit qurğusu) və
Radiotexnika qoşunların arsenalında olan müasir radiolokasiya stansiyaların
təsvirinin verilməsi tövsiyə olunur. Artilleriya qoşunları haqqında məlumat verilməklə
yanaşı, onların arsenalında olan müasir artilleriya 300 mm-lik “SMERÇ” tipli RYAS(122
mm-lik DM-21 “Qrad”, 152mm-lik DM “URAQAN”) sistemlərinin təsvirlərinin
verilməsi tövsiyə olunur.
Səhifə 14. “Azərbaycan Respublikası SQ-nin struktur sxemi”ndə ox işarələri
düzgün göstərilməmişdir (Düzgün variantı “İbtidai hərbi hazırlıq” I hissə, Bakı-2002-ci
il, səh.16)
Səhifə 55. Şəkil 33-də “Sıra addımı” təsvir edilmişdir. 1-ci təsvirdə “Sıra
addımı” düzgün göstərilmiş, 2-ci təsvir isə “Səfər addımı” olmasına baxmayaraq, bu
barədə heç bir məlumat verilməmişdir.
Səhifə 66. Şəkil 38-də “Döyüşdə tətbiq edilən əsas silah və döyüş texnikası
növlərinin şərti taktiki işarələr” yazılmışdır. Hal-hazırda Azərbaycan Silahlı
Qüvvələri NATO standartlarına uyğunlaşdırıldığına görə rus taktikasının şərti işarələri
ilə deyil, NATO taktikasının şərti işarələri ilə təsvir olunur. Bundan əlavə, şəkildə
“qırmızı rənglə işarələnir” yazılsa da, şərti işarələr qara rənglə göstərilmişdir.
Səhifə 69. Şəkil 40-da “Piyadanın döyüş maşını PDM-2”-nin təsviri ilə döyüş
xassələri, silahları haqqında məlumat bir-birini tamamlamır.
Səhifə 70. Şəkil 41-də “Hərbi zirehli maşın ZTR-90 “Berejok”-un təsviri ilə
döyüş xassələri haqqında məlumat üst-üstə düşmür.
Səhifə 107. Şəkil 73-də “Güllə” təsvir edilməsinə baxmayaraq, zirehdələn
yandırıcı güllənin adı yazılmış, lakin nümunəsi göstərilməmişdir.
Səhifə 172. Tablo 5-də “7,62 mm-lik patron”ların növləri təsvir edilmişdir. Adi
patron; İzburaxan patron(ucluğu yaşıl); Zirehdələn yandırıcı patron(ucluğu qırmızı)”.
Azərbaycan Respublikası Silahlı Qüvvələrinin “Atıcı silahların təşkili, qorunması və
saxlanması (Bakı-1995, Hərbi nəşriyyat)” təlimatında “Yandırıcı patron Qırmızı
ucluğlu və Zirehdeşən patronun isə ucluğlu Qara rənglə təsvir edilir. Zirehdeşən-
yandırıcı patron güllənin ucluğu qara rənglə və qırmızı kəmərciklə” kimi təsvir
edilmişdir.
12
4. Tapşırıqların elmi-metodiki uyğunluğu
Dərslikdə hər mövzu üzrə sual və tapşırıqlar verilmişdir. Bunların içərisində həm
faktoloji biliklərə əsaslanan, həm də öyrənilənlərin tətbiqini tələb edən tapşırıqlar var.
Bəzi mövzularda ev tapşırıqları da nəzərdə tutulmuşdur. Bununla yanaşı, müəyyən
qüsurlar da var ki, bunlar aşağıdakılardır:
Səhifə 10. 2-ci sualda “Sülhməramlı ordunun modernləşdirilməsi, ilk növbədə
nəyə xidmət edir?” verilsə də, mövzuda “Sülhməramlı qoşunlar ” haqqında heç bir
məlumata rast gəlinmir.
Səhifə 46. 4-cü sual –“Hərbi qulluqçuların davranış mədəniyyəti haqqında
danışın” mövzuya uyğun deyil.
Səhifə 46. 5-ci sual– “Komandirə(rəisə) müraciət edilməsi qaydaları necədir?”
mövzuya uyğun deyil.
Səhifə 56. 1-3-cü suallar “Yerində dönmələr.Yeriş” mövzusuna aid deyil,
sualların səhifə 53-də verilməsi məqsədəuyğundur.
Səhifə 102. 1-ci sualda “Kalaşnikov avtomatının təyinatı və döyüş
xüsusiyyətləri” əvəzinə “Kalaşnikov avtomatının təyinatı və döyüş xassələri”
yazılmalıdır.
Səhifə 171. 3-cü sualda “Mülki müdafiə sahəsində vətəndaşların nə kimi
vəzifələri var” verilmişdir. Lakin (44-cü paraqraf) mövzuda bu sualla bağlı heç bir
məlumata rast gəlinmir.
Nəticə
Dərslik gənclərin hərbi vətənpərvərlik tərbiyəsinin gücləndirilməsi, müasir texnika
və silahlara yiyələnməsini əsasən təmin edir. Materiallar əhatəli, anlaşılan dildə
yazılmışdır. Materialların izahında çoxlu sayda şəkillərdən, sxemlərdən istifadə
olunması şagirdlərin mənimsəmə prosesini asanlaşdırır. Dərslərin sonunda verilmiş sual
və tapşırıqlar isə öyrənilənlərin möhkəmləndirilməsi, tətbiq edilməsi baxımından
əhəmiyyət daşıyır.
Bununla yanaşı, proqramda verilmiş bəzi mövzular və onlara ayrılmış saatlar
olmasına baxmayaraq, dərslikdə onlar öz əksini tapmamışdır.
Dərsliyin daha mükəmməl və milli üslubda hazırlanması üçün yeni və müasir silah,
texnika, hərbi avadanlıqlar, Azərbaycan Respublikası Müdafiə-Sənaye Nazirliyinin
13
istehsal etdiyi milli atıcı silahlar, zirehli maşınlar, artilleriya sistemləri haqqında
məlumat hazırlamaq təklif edilir.