Opplysningshefte barnehageåret 2017/2018

Modalen Barnehage

I dette heftet har me samla ein del praktiske opplysningar

• Dette for å gje dykk nødvendig informasjon om barnehagen sin praktiske kvardag • Gjera det daglege samarbeidet tettare

• Personaloversikt dette barnehageåret • Informasjon • Litt om alle avdelingane • Årshjul • Vekeplanoversikt • Skule/ Barnehageruta • Rettleiing i høve sjukdommar • Vedtektene for Modalen barnehage • Brukarbetaling

Oversikt over personalet

Barn i barnehagen 2011/2012

Grete Urdal

styrar 100%

Gro Henny Mo

ped.leiar 100%

Mona Beate Einestrand

Pedagog 80%

Kari Mo

Fagarbeidar 60%

Marita Farestveit

Fagarbeider 100%

Marianne Stamnes

fagarbeider 100%

Gørild Tollefsen Aas

Ped.leiar 100%

Astrid Lavik

assistent 60%

Mariann Stien

assistent 60%

Line Eide Vik

Ped.leiar 100%

Alexander S Langeland

Lærling 100%

Anne Margrethe Eikefet

Kjøkken 27 %

I år er det 27 born i barnehagen. Barnehagen er delt i tre avdelingar, 0-2 år, 3-4 år og 5-6 år. I feriar samarbeider me med SFO om dei har påmelde born.

Foreldrerepresentant er Charlotte Boge Tlf 95723067

Dei vaksne på Oddane Gul: Gro Henny Ped.leiar Mona Pedagog Marianne Fagarbeider

Barna på Oddane Gul:

Heidi Nesheim Lisa Mo Viljar V Feirud Jonas Aas Nese Emilie Farestveit Fatima Abdeen Belal Linnea Brønstad Rahaf Abdullaha Michelle Aas Sander Sjøholm Britt Norunn S Nepstad Sjur N Nese Milian Lodden

Dei vaksne på Storfjellet: Line Ped. leiar Mariann Fagarbeider Astrid Assistent Kari

Barn på Storfjellet: Alf Håkon Eidsheim Thorin Ryan Witt Kasper Nesheim Olea H Yndestad Knut Johannes Høvik Josefine Brønstad Elias Børve Helland

Dei vaksne på Oddane Blå: Gørild Ped.leiar Marita Pedagog Alexander Lærling Barna på Oddane Blå: Rashid Abdeen Befal Signe Nesheim Alianah Helland Linnea H Hetlevik Jonas B. Brekkhus Cecilie Brønstad Mantas Arnesen Sjur Nese Milian T. Lodden

INFORMASJON Opningstid

Barnehagen opnar kl. 07.00 og stengjer kl. 16.30.

Tilvenning Å byrja i barnehagen for fyrste gang, eller å skifte barnehage kan innebera mykje nytt for barnet ditt. Me ynskjer at barna skal få ein roleg og god start på barnehagetida si og kjenne seg trygg saman med oss.

Før oppstart får de eit velkomstbrev med litt informasjon om barnehagen. Tilvenningstida varierer frå barn til barn, men det er sett av 3 dagar som me ynskjer at de foreldre nyttar saman med barnet i barnehagen. Når de kjem fyrste dagen vert barnet teken i mot av den vaksne som skal vera den de kan kontakte om de lurar på noko. Alle barna har eigen plass både i grov og i fingarderoben med sitt namn og bilete på. I korga/hylla/skuffa deira er det plass til å legga byteklede. De bør kontrollere innhaldet jamnleg og passe på at barna har klede tilpassa årstida. I starten er det viktig at barnet veit når det skal heim, dette for å få oversyn over dagen. Tidsbegrep er vanskelig for barn, men beskjed frå dykk kan gjere det enklare for oss å knyta tida til daglege gjeremål på avdelinga. Er det andre enn dei som til vanleg hentar barnet, er det viktig at me får beskjed om på førehand. Me kjem ikkje til å senda barnet heim med ukjende personar utan å kontakte foreldra fyrst. Dette treng me at de som foreldre hugsar på:

• Skal barnet ha fri ein dag, er sjuk, kjem litt seint i barnehagen, ynskjer me at de gjev melding om dette. Fint om de gjev beskjed før kl 9.30. Telefonnr. er 56599060 og til Grete 95048031

• Me er ute kvar dag, så borna må ha gode klede tilpassa vær og årstid.

• Alle barna har ei skuffa til byteklede. Her er det viktig at de ser etter med jamne mellomrom og etterfyller ved behov.

• Når de hentar barna er det fint om de oppfordrar til litt rydding før de går. Barnet ryddar likt antall leiker som dei er år.

• Det er viktig for tryggleiken til barna, at dei som kjem inn i barnehagen passar på å lukke att porten etter seg. Dette gjeld både når ein går inn og ut av porten.

• Vil de som føresette ta bilete på ulike arrangement i barnehagetida må de sjølve innhente løyve av føresette og personalet for å ta bilete av dei.

• Me vil at invitasjonar til bursdagar vert formidla privat og ikkje i barnehagen, då dette kan opplevast som vondt for dei barna som ikkje vert invitert.

• Me ber om at de viser omsyn til personalet si arbeidstid. Om de hentar forseint vil me be dykk skrive under på ein lapp som stadfestar hentetidspunktet og de vil verta belasta på neste foreldrebetaling. Dersom de stadig hentar for seint tek styrar opp dette med dei det gjeld.

Barn som nyttar buss til og frå barnehagen: Skulebussen kjøyrer innom barnehagen når den er på veg frå Øvre Helland til skulen. Dersom foreldra ynskjer at barnet skal nytta buss til og frå barnehagen, må dette avtalast spesielt med barnehagen. Dette for at me må vite kor mange som skal hentast og leverast på bussen. Barnehagen er ikkje ansvarleg for barna i den tida dei er på bussen. Me gjer merksam på at den daglege kontakten mellom foreldre og barnehage ofte vert mindre når barnet tek buss.

Frukost Frå januar 2011 har me starta med fleksibel frukost i barnehagen. Frukosten varer frå 08.00 til 09.00 I dette tidsrommet kan barna som skal ete frukost i barnehagen, sjølv velgje kva tid dei vil ete. Me vaksne minner dei etterkvart på at dei skal ete frukost. Det sit ein vaksen med frukostbordet og hjelper til. Barna får sjølv velgje kva dei vil ha på skiva. Barna har ikkje faste plassar ved frukostborde

Me ser at på denne måten vert det mindre brot i leiken og ungane får tid og anledning til å evt avslutte leiken før dei set seg til frukosten.

Måndag: Graut Tysdag: Kokte egg til lunsjen Onsdag: Fiskepålegg Tordag: Utedag/turdag Fredag: Gryn

Lunsj Mellom 11.30-12.00. Når det er lunsj varierer me mellom smørjemåltid, graut og gryn. Kvar måndag er det graut og me vekslar mellom ris, havre og semulegrynsgraut. Ein gong i månaden er det varmt måltid som avdelingane vekslar på å lage til. Hjelparen på Oddane dekkar bordet ute på fellesrommet. Me startar måltidet med ein bordsong som hjelparen får velje. Barna smør sin eigen mat, men dei vaksne hjelper til der det trengs. Når barna er ferdig med å ete, set dei fat, kopp og kniv på tralla. Og takkar for maten.

Frukt Me gjev barna tilbod om frukt etter lunsj eller ettermiddagsskivene. Dei får frukt av ulikt slag. Me har epler, appelsiner, pærer, ananas, meloner, druer, bananer og plommer som me bytar på. Innimellom har me gulrøtter og kålrot også. Nons Ca kl 14.30 er det nons. Då får dei borna som ynskjer det tilbod om ei skive. Etter anbefaling frå Helsedirektoratet (Bra mat i barnehagen-råd, tips og oppskrifter, 2008) er dette maten me serverer i barnehagen: Drikke: lettmjølk - havremjølk-vatn Pålegg: det vil variera litt kva påleggsortar barna kan velgje mellom. Anbefalingar frå Helsedirektoratet er at barna til dagleg bør ha 3- 5 påleggssortar å velgja mellom. Dette er noko av det me byr på: Leverpostei - fårepølse - skinke - servelat - salami - baconost - skinkeost - brunost - kvitost - makrell i tomat - prim - kaviar - agurk - tomat - paprika - Etter at nokre i personalet har vore på kurs i ”Fiskesprell” er det komme sterke ynskjer om å

tilby meir fisk og fiskemåltid. Me introduserer nye fiskepålegg med jamne mellomrom.

Planleggingsdagar Barnehagen har 5 planleggingsdagar i barnehageåret. I 2015/2016 vert det fylgjande dagar: 2017: 14.og 15. august, 10.november 2018: 2.februar og 18.mai Bak i heftet ligg skuleruta- her er planleggingsdagane merkt av med ein sirkel.

Desse dagane er barnehagen stengt og personalet nyttar dagane til å planleggja barnehageåret, sikre kvalitet, evaluere og vurdere arbeidet vårt.

Månadsplan

I starten på kvar månad sender pedagogisk leiar på kvar avdeling ut månadsplan. Denne inneheldt oversikt over ulike aktivitetar og bursdagsfeiringar. Bak på planen er det referat frå månaden før. Her kan de lese kva avdelinga har gjort på, turar dei har vore på, spesielle hendingar, temaarbeid og andre glimt frå kvardagen. Utforminga på planen er laga for å ivareta dei 7 fagområda som Stortinget har fastsett ved lov at barnehagane skal planleggje innhaldet sitt etter. Denne måten hjelper oss å systematisera innhaldet og bevisstgjere oss i arbeidet - slik at me er sikre på at me har det innhaldet lova krev. Planen vil gje ei meir detaljert oversikt over kva borna opplever i barnehagen, plassert under dei ulike intelligensane. Samstundes vil me nedst på planen ha ei vekeoversikt der me skriv inn faste hendingar, nye hendingar for månaden - samt fødselsdagar og anna de treng vite. Bak på månadsplanen vil det verte som før, referat frå sist månad.

Mange intelligensar (MI) Eit arbeidsverktøy me nyttar for å sikre oss at me gjennomfører det rammeplanen seier me skal gjera (sjå årsplanen for barnehagen). Bading Dette barnehageåret vert det berre bading for førskuleborna. Ein gong i månaden reiser førskuleborna i Bryggjeslottet for å bade i bassenget. Der får barna kose seg og ha det moro. Bassenget gjev gode moglegheiter for vasstilvenning og grovmotorisk trening. Og det er god øving i å klare seg sjølv i garderoben. Det er alltid vaksne med som har livredningskurs. Bursdagsfeiring Denne dagen står bursdagsbarnet i sentrum. Me heng opp flagg ute. Me heng opp ballong på utedøra der det står kven som har bursdag og kor mange år dei vert. Dei har markering i samlingsstunda, med kappe, krone og barnet velje ei gåve frå eit skrin. På lunsjbordet vert det pynta med flagg og borna får servert nybakte rundstykker. Barna får tilbod om syltetøy på rundstykkene. Video eller bilete Me sender ut eit løyveskjema til føresette der me spør om lov til å ta og vise fram bilete av borna deira i ulike situasjonar. Askeladden- er ei språkscreening som me gjennomfører på born der me ynskjer å sjå nærare på språkutviklinga. Teieplikt/ Politiattest Alle i personalet har teieplikt ovanfor arbeidet i barnehagen. Dette

gjeld opplysningar kring barn og vaksne. Både fast personale, vikarar, studentar/elevar vert. TRAS -Kartleggjingsmetode me brukar i barnehagen for å kartleggje språket. Det vert tatt TRAS frå 2- års alderen. Dei utrulige åra (DUÅ) Dei fleste av dei tilsette i bhg har delteke på eit 45 timars kurs med PPT, der det har vore fokus på barn med åtferdsvanskar. Me ser positiv effekt av at flest mogeleg har deltatt på dette kurset slik at me alle jobbar ut frå det same grunnlaget. Essensen i DUÅ er å sjå heile barnet, og ha fokus på positiv tilnærming, tilbakemelding og omdirigering. Samstundes gjev det verkty for korrigering av negativ åtferd og at i de tilfeller sikrar at me vaksne har ein felles plan på tiltaka. Hovudmålet er å setje fokus på det som er positivt, den åtferda me ynskjer å ha, i staden for å fremme den negative åtferda. (sjå årsplanen for meir informasjon) Feriekartlegging For å få eit oversyn over kor mange barn som kjem i skulen sine feriar, heng me opp kartlegging på avdelingane. Ynskjer de å melde frå over e-post er dette greitt. Me kartlegg haustferie, juleferie, vinterferie, påskeferie og sommarferievekene. Det er berre sommarferien som er bindande påmelding, og me har svarfrist i midten av april. Barna skal ha minst 4 veker ferie i året, der 3 av vekene skal avviklast samanhengande i skulen sin sommarferie. Me kartlegg for å sjå på moglegheita for personalet til å avvikla ferie og avspasering.

Forsikring Modalen kommune har teikna gjort kjende med teieplikta . Nytilsette og vikarar må også legge fram politiattest barnehagen.Borna er og dekka av forsikringa på utflukter i regi av barnehagen forsikring gjennom forsikringsmeglar Willis i KLP. Barnehagebarna er samt i heile opphaldstida dei er i forsikra til og frå direkte veg til barnehagen,

Permen Gjennom barnehagetida vert det samla mellom anna bilete, teikningar og forteljingar i barnet sin perm. Dette er ein del av dokumentasjonsarbeidet til barnehagen. I permen vil me prøva å synleggjera arbeidet med MI(mange intelligensar). Denne skal me nytta på foreldresamtalar og visa for dykk foreldre ei heilskapleg side av borna. Når barna sluttar i barnehagen får dei permen med seg heim.

Barnehagen sine tradisjonar/ aktivitetar Basar- har me i oktober i samband med solidaritetsaksjonen Forut. Borna får kjennskap til og er med å samle inn pengar til born i andre land. Me avsluttar aksjonen med ein basar der foreldre, syskjen og besteforeldre er velkomne. Barnehagen lagar litt gevinstar sjølv, og elles nyttar me godvilje hjå lokale bedrifter og andre interesserte til å bidra med gevinstar. Me brukar og å ha ei salgsbod med produkt frå Forut-aksjonen. Inntekta går til Forut. Luciafeiring – me bakar Lussekattar og inviterar pensjaonistane inn i barnehagen. Dei eldste har Luciaopptog. Julefest- me går ut i skogen for å finne nissen. Ein tradisjon me har for å lage litt spenning og julastemning i adventstida. Nissen deler ut kvar sin godtepose til barna, og me syng litt julesongar. Etterpå går me inn att i barnehagen og et graut til lunsj. Me har og tradisjon for å få inn spelemann som spela opp til dans for oss. Her kan barna kle seg fint om dei vil. Solfest- sola kjem att til Helland 29 januar, det er ikkje alltid sol den dagen, derfor feirar me denne dagen spontant første dagen sola skin. Det markerer me med solbollar og gul saft. Me pyntar gjerne i barnehagen med sjølvlaga sol og solbileter. Karneval – har me i februar. Alle får anledning til å kle seg ut og bli ein annan for ein dag. Her vert det sett fokus på det einskilde barnet isamlingsstund, der ein og ein får kome fram og vise kva dei har kledd seg ut som. Me har samlingsstund og snakkar om kva me har kledd oss ut som, litt dans og leikar ”slå katta ut av sekken”. Denne dagen et me fastelavensbollar til lunsj.

Påskefrukost – me inviterer me foreldre/ søsken/ besteforeldre til å kome i barnehagen å ete frukost saman med oss. Dette er ein fin måte å oppretthalde godt foreldresamarbeid på. Barna synes det er stor stas å få besøk i barnehagen av nokon heimanfrå. I forkant er barna gjerne med å førebu frukosten, til dømes bakar rundstykke og lage pynt. Sommarfest i juni - er den årlege markeringa for slutten av eit barnehageår. Me inviterer foreldre, syskjen og besteforeldre til å delta. Me har litt underholdning frå barnehageborna og felles måltid. I forkant av dette arrangementet er barna med å øve på underhaldning. Det vert gjort ekstra stas på dei eldste barna som skal byrje på skulen under festen. Dei får utlevert barnehagepermane sine og diplom. Det er foreldra til 6-åringane som ryddar opp att etter sommarfesten. Overnatting for dei eldste – har me i barnehagen same dag som sommarfesten for å gi ei ekstra oppleving og godt samhald. Dette har vorte ein tradisjon i barnehagen vår, og denne opplevinga hugsar barna lenge. Dagsrytmen:

07.00 Barnehagen opnar 08.30 Avdelingane deler seg 08.00-09.00 Fleksibel frukost 09.00-11 Frileik ute,inne/grupper 11.00-11.30 Samling 11.30 Lunsj 12.15-13 Roleg leik 13-14 Frileik ute,inne/grupper 14-16.30 Leik ute, Fellestid, grupper 16.30 Barnehagen stengjer

Oddane Gul og Oddane Blå Oddane Gul er ei avdeling for born mellom 5-6 år. Oddane Blå er ei avdeling for born mellom 2-4 år. Morgon Det er viktig for barn og vaksne å få ein god start på dagen. Me ynskjer dei velkomne og helsar god morgon. Me aktiviserer borna når dei kjem, enten med spel, ei bok eller noko som borna ynskjer sjølve. Me er i lag med den andre avdelinga fram til ca 8.30, og dei som kjem før dette vert fylgt inn på fellesrommet/kjøkkenet av foreldra. Samlingsstund Me pleier å ha ei samling om dagen. Den markerar me med ein somg. I samlinga har me god morgon- song og namneopprop. Me snakkar og om dag og dato. Innhaldet i samlinga varierer mellom song, lesing, samtale, dele kunnskap, dele informasjon, me kan ha ulike aktivitetar, drama og eksperiment og me fortel litt om kva me skal gjere denne dagen. Kvilestund Etter lunsj prøver me å ha ei roleg stund på avdeling. Me har tøying og massasje etter det. Me har rolige bordaktivitetar som perle, teikne, modellkitt osv. Ettermiddag Etter kvile, deler me borna i grupper eller har frileik. Ein vaksen på kvar gruppe har

ansvar for aktivitet utifrå tema me held på med. Når aktivitetane er over, går me ut. Fruktmåltidet tek me ute eller inne. Borna leikar ute til dei vert henta. Borna har frileik i denne tida eller me vaksne aktiviserer dei som ynskjer det. Rundt kl 14.30 har me nons, der borna får tilbod om skiver. Utedag Me varierer kvar me går, områder som me brukar er m.a: skogen vår, ferdavegen, området rundt barnehagen, Eikeskogen, Trollskogen og Hellandsdalen. Gjennom desse utedagane får borna i tillegg til nye opplevingar, frisk luft, glede og kunnskap om naturen og trening i å bevege seg i variert terreng. Det som er viktig for å kunne gjennomføre desse dagane, er at borna har gode og tette klede på seg! Me et lunsj ute på utedagen, stundom lagar me varm mat ute. Hjelpar- funksjonen Kvar dag er det eit born som får vere hjelpar. Den får hjelpe den vaksne med små oppdrag. Hjelparen får også vere med ein av dei vaksne på avdelinga og dekke på bordet. Han/ho får også ringe med bjølla som markerer at det enten er tid for samling eller at me skal gå og vaske hendene før lunsjen. Kven som får vere hjelpar rullerer etter namnelista. Det å vere hjelpar er med på å sette fokus på kvart enkelt born,

samstundes som oppgåvene er nokolunde dei same frå dag til dag slik at det er ein trygg situasjon for barnet.

Storfjellet

Storfjellet er ei avdeling for barn mellom 1-3 år. Det er viktig for barn og vaksne å få ein god start på dagen. Me ynskjer barna velkomen og helsar god morgon. Me er felles frå kl. 07.00 til ca. kl. 08.30. Foreldra fyljer barna inn på kjøkkenet om det ikkje er vaksne på avdelinga. Me aktiviserer barna når dei kjem, anten med eit spel, ei bok eller noko som barna ynskjer sjølv. Etter ca. 08.30 deler me oss på dei ulike avdelingane og byrjar aktivitetar der. Kvile: Dei yngste som treng det får ein kvil i vogna og andre slappar av inne på avdelinga. Dei som treng å sova får eiga seng eller dei søv i vogna si. Utfor Storfjellet er det ein overbygd terrasse der me set vognene borna skal sova i. Der står dei i ly for været. Me har sengklede. Borna kan ha med seg smokk, kosedyr, flaske og liknande. Etter kvart som borna vaknar, byter me bleie, et frukt og kler på dei uteklede og let dei få leika seg i lag med dei andre borna. I kvile-perioden vert pausane til personalet avvikla. Borna har moglegheit til å sove inne på kalde vinterdagar. Personalet i samråd med foreldra vurderer dette når det er mellom -5 og -10. Er det kaldare enn -10 søv alle små inne. Samlingsstund: Me har ei samling på Storfjellet iløpet av dagen . Dei vaksne skiftar på å leie samlingsstunda. Me startar

med god morgonsong, namneopprop og dagssong. Me trekkjer namnelappar eller bilete av barna opp av ein pose for så å hengje desse opp. Etterpå tel me kor mange som har kome. Me syng/les eller pratar og så fortel me litt om kva me skal gjere denne dagen. Me brukar og desse samlingane til leik, dramatisering, samtale, song, les bøker og har om månadens tema. Ettermiddag: Etter fruktmåltidet leikar borna ute til dei vert henta. Borna har frileik i denne tida eller me vaksne aktiviserer dei som ynskjer det. Rundt kl 14.30 har me nons, der borna får tilbod om skiver. Om det grunna ver vert behov for å gå innatt på ettermiddag, samlast alle på ei avdeling. Når foreldre /føresette kjem og hentar, takkar me for i dag og ynskjer dei vel heim. Utedag: Ein gong i veka er det utedag. Me varierer kvar me går, men me brukar nærområdet rundt barnehagen. Gjennom desse utedagane får barna i tillegg til nye opplevingar, frisk luft, glede over naturen og trening i å bevege seg i variert terreng. Det som er viktig for å kunne gjennomføre desse dagane, er at barna har gode og tette klede på seg. Det varierer om me et lunsjen vår inne eller ute denne dagen.

TIDSAVGRENSA INNHALD/AKTIVITETSPLAN VÅR OG HAUST 2017/2018

August September Oktober November Desember Januar Satsingsområde: Språk Tema: Tilvenning - nye barn som begynner får tid til å bli kjent -barn og vaksne blir kjent på sin avdeling

Satsingsområde: Språk Tema: Brannvern og mobbeveka

Satsingsområde: Språk Tema: Forut-aksjon Forut-aksjon/ Barn frå andre land - Basar, forut aksjon - Skulebesøk

Satsingsområde: Språk Tema: - Farsdagskort - Adventførebuingar - Bake julekaker

Satsingsområde: Språk Tema: Jul og juleførebuing -adventsamling -lage julegåver -juleevangeliet -julebord -Luciafeiring -Luciabesøk. Inviterer dei eldre inn i barnehagen. julesongar

Satsingsområde: Språk Tema: - Solfest, første dag sola skin

Februar Mars April Mai Juni Juli Satsingsområde: Språk Tema: Karneval - fastelaven - morsdag

Satsingsområde: Språk Tema: Vinterleikar

Satsingsområde: Språk Tema: Påske

Satsingsområde: Språk Tema: - 17.mai

Satsingsområde: Språk Modalesdagane Tema: Sommarfest og natursti -førskuleveka -bhg tur?

Satsingsområde: Språk Tema: Friluftsliv - utflukter -leik i klatrejungelen

Sjukdom Barn som er sjuke skal vera heime av omsyn til barnet sjølv og dei andre barna. Barn som ikkje kan vera ute p.g.a sjukdom, bør vera heima. Dersom barnet treng medisin i barnehagen, kan de spørja personalet om de kan gje barnet dette. Foreldre fyller ut eit skriv om korleis medisinen skal gjevast. (sjå vedlegg om barn og sjukdommar)

Rettleiing om når born skal haldast heime frå barnehagen

Målet med å halda sjuke born heime frå barnehagen er:

1. Av omsyn til barnet sin fysiske/psykiske trivsel.

2. Å hindre overføring av smittsamme sjukdommar.

I samråd med folkehelsa har me føljande anbefalingar:

BARNET SIN ALLMENNTILSTAND.

Vurdering av barnet sin allmenntilstand vil alltid basere seg på foreldra og personalet sitt skjønn. Som hovudregel bør barn med feber eller akutte diarétilstander haldast heime. Alle bleiebarn med diarétilstander bør ha minst ein symptom fri dag heime før

dei kjem tilbake i barnehagen. Ved tvil om bornas allmenntilstand kontakt lege.

FØREBYGGJANDE TILTAK.

Spreiing av smittsame sjukdommar kan best førebyggjast ved gode rutinar for handvask for born og tilsette, spesielt etter toalettbesøk, bleieskift og før handtering av mat. Regelmessig reingjering av fellesleikar og forsvarleg behandling av blodsøl er og viktige førebyggjande tiltak.

VANLEGE SJUKDOMMAR.

Generelt om luftvegsinfeksjonar: Barn kan gå i barnehagen sjølv om dei er under behandling med antibiotika. Det er foreldra / føresette sitt ansvar å sjå til at det vert gjeve medisin til barnet/borna.

Forkjøling/Influensa:

Allmenntilstanden avgjer, ingen spesielle forholdsreglar.

Bronkitt/Lungebetennelse:

Allmenntilstanden avgjer, ingen spesielle forholdsreglar.

Halsbetennelse:

Ved vanleg halsbetennelse ingen restriksjonar, allmenntilstanden avgjer. Ved halsbetennelsar som skuldast streptokokkar, kan barnet gå i barnehagen dagen etter at behandlinga er starta.

Urinvegsinfeksjon:

Allmenntilstanden avgjer, ingen spesielle forholdsreglar.

Augekatarr:

Med dagens kunnskap er det ikkje av smittevernhensyn grunnlag for å anbefale at barnehagebarn ved mild til moderat augekatarr skal haldas heime. Berre ved kraftig augekatarr med rikelig pussdanning bør barnet av smittevernhensyn haldast heime inntil pussdannelsen har avtatt. Ved kraftig augekatarr vil det vanligvis være behov for legekontakt, og barnets allmenntilstand vil også i stor grad styre behovet for å være heime frå barnehagen. Det må være opp til barnets føresatte å avgjere om et barn som har symptom på konjunktivitt skal undersøkes av lege. Dersom behandling vert igangsett kan barnet gå i barnehage dagen etter.

UTSLETT- SJUKDOMMAR.

Meslingar:

Ved mistanke om meslingsjukdom på eit barn melder barnehagepersonalet ifrå til foreldra, foreldra tek kontakt med lege som stiller diagnose og set i verk nødvendig behandling og andre tiltak ved behov. Barn med sikker diagnose kan gå i barnehagen 1 veke etter utbrot av utslett. Andre uvaksinerte barn ned til 9 mndrs alder i barnehagen bør vaksinerast. Dersom alle barn er MMR – vaksinert avgjer allmenntilstanden.

Raude hundar:

Barn med sikker diagnose kan gå i barnehagen 1 veke etter utbrot av utslett. Dersom barnet er vaksinert er utslettsjukdommen ikkje raude hundar. Dersom alle barn er MMR – vaksinert avgjer allmenntilstanden.

Vasskoppar:

Kan gå i barnehagen når utslettet har byrja å tørke inn.

Skarlagensfeber:

Kan gå i barnehagen dagen etter at behandling er starta.

4.barnesjukdom:

Kan gå i barnehagen ved god allmenntilstand, uavhengig av utslett.

5.barnesjukdom:

Kan gå i barnehagen ved god allmenntilstand, uavhengig av utslett.

Hand- fot -munnsjuke:

Kan gå i barnehagen ved god allmenntilstand, uavhengig av utslett.

Skabb:

Kan gå i barnehagen dagen etter at behandling er starta.

TARMPARASITTAR/ SOPPINFEKSJONAR/ LUS.

Mark / orm - sjukdommar:

Kan gå i barnehagen dagen etter at behandling er starta.

Ringorm:

Kan gå i barnehagen dagen etter at behandling er starta.

Lus:

Kan gå i barnehagen dagen etter at behandling er starta. Andre barn bør undersøkast og evt behandlast.

SJUKDOMMAR SOM SMITTAR GJENNOM KONTAKT MED AVFØRING / FINGRE OG GJENNOM NÆRINGSMIDLAR.

Akutt Diaré / oppkast:

Symptom på diaré; Når eit barn har 4-6 tynne avføringar dagleg. Då skal barnet haldast heime frå barnehagen. Kan gå i barnehagen 48 timar etter siste utbrot ved oppkast og/eller diaré.

Omgangssjuke:

Omgangssjuken har et kort forløp, og ein er sjuk vanlegvis 1-3 døgn.. Symptoma er sjukdomsføling, kvalme, brekningar, magesmerter, muskelverk, diaré og feber. Gode handvaskrutinar. God hygiene på kjøkkenet.

Barn og vaksne som er sjuke bør vente 48 timer etter opphør av symptomar før de kommer tilbake til barnehagen.

ANDRE SMITTSAME SJUKDOMMAR.

Brannkoppar:

Kan gå i barnehagen dagen etter at behandling er starta.

Kikhoste:

Kan gå i barnehagen 5 dagar etter at behandlinga er starta. Kommunehelsetenesta avgjer om mangelfull vaksinerte og uvaksinerte barn i barnehagen skal vaksinerast, evt antibiotikabehandlast.

Kusma:

Barn med sikker diagnose kan gå i barnehagen 9 dagar etter første teikn til heving. Dersom alle barn er MMR – vaksinert avgjer allmenntilstanden.

VEDTEKTER FOR MODALEN BARNEHAGE

Vedteke i 16.02.2017.sak 009/2017

Gjeldane frå: 16.02.17

Innleiing I fylgje Lov om barnehager §7 skal barnehagen ha vedtekter fastsatt av eigar. Vedtektene skal innehalda bestemmelsar om barnehagen si drift, og gje opplysningar som er av betydning for foreldra/ dei føresette sitt forhold til barnehagen. §1 Eigartilhøve a) Modalen kommune står som eigar, og driv barnehagen b) Kommunestyret har det politiske ansvaret for barnehagedrifta og godkjenner vedtektene §2 Føremål Barnehagen si drift skal vera i samsvar med Lov om barnehager, og skal byggja på dei kristne grunnverdiane. Barnehagen skal være eit pedagogisk tilrettelagt tilbod der barn under opplæringspliktig alder får gode utviklingstilhøve. §3 Foreldremedverknad For å sikre samarbeid med heimen skal barnehagen etter lova ha eit Foreldreråd og eit Samarbeidsutval. Foreldreråd Alle foreldre/føresette er automatisk medlemmer av foreldrerådet, og kvart barn utgjer ei stemme. Foreldra skal få lagt fram for seg, og kan gje uttale i alle saker som verkar inn på tilhøva for barna, og tilhøva mellom foreldra og barnehagen. Samarbeidsutvalet Barnehagen skal ha eit samarbeidsutval, jfr. ”Lov om barnehagar” kap II §4. Foreldre og tilsette vel sine representantar til samarbeidsutvalet. Kommunestyret nemner opp representantar frå kommunen. I samarbeidsutvalet sit fylgjande: 1 representant oppnemnd av og frå foreldra 1 representant oppnemnd av og frå kommunestyret 1 representant frå dei tilsette Styrar er sekretær for samarbeidsutvalet og har uttale og forslagsrett. Alle medlemmene har personlege varamedlemmer. Utvalet skal vera eit rådgjevande, kontaktskapande og samordnande organ, og arbeida for å fremja kontakten mellom barnehagen og lokalsamfunnet. Representantar for foreldre/føresette, og for tilsette, vert valde for ett år om gongen. Styrar syt for at det vert vald samarbeidsutval, kallar inn til møte, og er sekretær. §4 Leike og opphaldsareal Normen for arealunytting er minimum: 6 m2 for barn under 3 år. 4,5 m2 for barn over 3 år. Uteleikeområdet ligg i tilknytting til barnehagen og skal tilsvare min. 6 gonger innearealet. §5 Personalet Personalet vert tilsett etter dei til ei kvar tid gjeldane retningslinjer/vilkår i Modalen kommune og krav til utdanning. Rådmannen kan gje dispensasjon frå utdanningskravet inntil 1 år om gongen, dersom det ikkje er søkjarar med godkjent utdanning. - dei som vert tilsett i barnehagen, skal leggja fram politiattest etter krav i Barnehagelova - tilsette i barnehagen har teieplikt etter reglane i Forvaltningslova - tilsette er likevel ikkje hindra av teieplikta ved opplysningsplikt til barneverntenesta.

§6 Bemanning - Norma for pedagogisk bemanning er 1 førskulelærar pr. 14-18 barn over 3 år, og 1 førskulelærar pr. 7-9 barn under 3 år. - Ein vil arbeida for til kvar ei tid å ha to pedagogar på kvar avdeling. - Barn under 3 år tel for 2 plassar, barn over 3 år tel 1 plass. Barn som er fødde i perioden januar til og med juli tel som 3-åringar frå 1.januar det året dei fyller 3 år. Barn som er fødde i perioden august til og med desember tel som 3 åringar frå 1.august det året dei fyller 3 år. - Samla bemanningsnorm er 5 plassar pr. vaksen §7 Opptaksområde Barnehagen har Modalen kommune som opptaksområde. Barn som er busette og registrerte i Folkeregisteret i kommunen skal prioriterast ved opptak framfor barn i andre kommunar. §8 Opptak av barn - Søknad om opptak skal førast på fastlagt elektronisk skjema via kommunen sine nettsider. - Hovedopptaket er 1.mars, og gjeld frå nytt barnehageår. Barnehageåret fylgjer tidspunkt for skulestart kvar haust. Dersom ein har ledige plassar, tek ein opp nye søkjarar fortløpande i barnehageåret. - Søkjarar som har fått innvilga plass, og har teke i mot, beheld plassen til plassen vert sagt opp, eller fram til barnet tek til i grunnskulen. - Søkjarar frå andre kommunar som har fått innvilga plass beheld plassen så lenge finnansieringsavtale med bustadkommune er gjeldande. - Opptaket vert gjort administrativt. Dette gjeld også barn som vert teke opp i løpet av barnehageåret. Styrar set opp oversikt over søkjerane og lagar innstilling. - Dei som får tilbod om plass, må gje skriftleg melding innan 2 veker, om dei tek i mot plassen. Dersom barnehagen ikkje får slik tilbakemelding kan ein mista plassen. - Ynskjer ein å endra opphaldstilbodet sender ein skriftleg søknad om dette til styrar, med minimum 1 månads varsel. - Dersom det er ledig plass, kan styrar gje høve til kjøp av dagopphald for barn. Foreldra må avtale med styrar kvar gong dei ynskjer å kjøpe dag. Betaling for dette går fram av foreldrebetalingsatsane. - Oppseiing av plassen skal gjevast skriftleg til styrar. Oppseiinga gjeld frå den 1. i månaden etter at oppseiing er motteken. Oppseiingstida er 3 månader. - Ein kan søkje om barnehageplass frå barnet er 10 månader. Når særlege tilhøve gjer seg gjeldane, kan yngre barn gjevast opptak, etter vurdering av styrar. - Barn som skal byrja på skulen har plass i barnehagen fram til planleggingsdagane i august. Klageinstans for klage på opptak, er Modalen Formannskap. Klagefrist er 3 veker etter at ein har mottatt meldinga. Inntakskriterier: Dersom barnehagen ikkje kan gje plass til alle som søkjer skal desse gjevast prioritet i slik rekkefylje: 1. Funksjonshemma barn 2. Barn med spesielle behov, med tilråding frå offentleg instans 3. 5 åringane 4. Barn av åleineforeldre 5. Syskjen til dei som allereie har plass §9 Mattilbod - Måltid og frukt er ein del av barnehagetilbodet, og ikkje noko foreldre kan reservera seg frå. - I barnehagetilbodet inngår frukost, lunsj og frukt. Mattilbodet er basert på kostråd frå Nasjonalt råd for ernæring. - Har borna allergiar eller særskilte diettar, og av den grunn treng spesielle matvarer, må foreldra sjølve syte for dette. §10 Foreldrebetaling - Foreldrebetalinga vert fastsette av Modalen kommunestyre. Dette gjeld også reglar for syskjenmoderasjon og redusert foreldrebetaling for foreldre med låg betalingsevne. - Kommunen krev betaling for 11 månader, juli månad er betalingsfri. - Matpengar vert fastsett av kommunestyret. - Foreldre som ikkje hentar borna innan opphaldstida er slutt vert ilagt eit gebyr. Storleiken på gebyret vert regulert i samband med fastsetjing av foreldrebetalingsatsane, jfr. fyrste strekpunkt§10. §11 Ferie - Barna skal i løpet av året ha minst 4 veker ferie. - Minimum 3 veker skal avviklast samanhengande i skulen sin sommarferie.

Styrar syt for bindane kartlegging av kor tid barna skal ha sommarferie innan 15.april. Om ikkje foreldra svarar innan fristen, vert borna sett opp med 3 veker ferie i juli. I skulen sin sommarferie kan barnehagen stengja dei vekene det er mindre enn 4 born. - Barnehagen er stengt i veke 29 §12 Dagleg opphaldstider og årleg opningstid - Barnehageåret startar opp samtidig med nytt skuleår, og barnehagedagane går fram av skule- og barnehageruta. - Opningstida er frå 7.00-16.30, mandag til fredag. - Ein kan velgje mellom 2 ulike tilbod: Fulltidstilbod med 5 dagar pr. veke Deltidstilbod med 3 dagar pr. veke - Barnehagen har 5 planleggingsdagar i løpet av eit barnehageår. Då er barnehagen stengt. Desse dagane går fram av skule- og barnehageruta. - I samband med skuleferie og høgtider vert det kartlagt kor mange barn som ikkje ynskjer å nytta plassen i det aktuelle tidsrommet. Dette vert gjort for å sjå moglegheita for å avvikla ferie og avspasering blant personalet. - Barnehagen stenger kl.12 onsdag før skjærtorsdag. - Barnehagen er stengt julafta og nyttårsafta. - Barnehagen og skulen har eit samarbeid i feriar. §13 Teieplikt Dei som handsammar saker i samband med barnehagen, har teieplikt i samsvar med Forvaltningslova og Lov om barnehage. §14 Internkontroll Barnehagen fylgjer kommunen sitt internkontrollsystem §15 Forsikringar og ansvar Modalen kommune ser det som svært viktig at alle barn har ei sikker ramme rundt opphaldet i barnehagen. Kommunen har difor teikna forsikring for den tida barnet oppheld seg der. Aktivitetar og tilbod i regi av barnehagen er dekt av forsikringa. Modalen kommune tek atterhald om folketrygda og forsikringsselskapa gjer sine eigne vurderingar av dekningsgraden i den enkelte forsikringssaka. Utfyllande reglar om dekninga finn ein både i folketrygdelova og forsikringsavtalen. §16 Iverksetjing og endringar i vedtektene Desse vedtektene vert gjort gjeldane frå 16.02.17 Endringer i vedtektene kan berre gjerast av Kommunestyret, etter uttale frå Samarbeidsutval

Barnehage Opphald Måltid og frukt

Full plass kr. 2.300,- kr. 300,- pr. md

Deltidsplass kr. 1.770,- kr. 182,- pr.md

Ekstraplass kr. 315,- pr. dag

For sein henting kr. 180,- pr.dag

Full plass: Inntil 9 timar pr. dag - mellom kl. 07.00 og 16.30 mandag til fredag.

Deltidsplass: Inntil 9 timar pr. dag x 3 dagar for veka

Måltid og frukt er ein del av barnehagetilbodet, og ikkje noko foreldra kan reservera seg frå.

Foreldra betaler for 11 månader. Juli er betalingsfri månad.

Dersom borna vert henta etter stengetid får barnehagen ekstra utgifter til personell. For sein henting medfører difor eit gebyr.

Ekstradagar vert nytta av born som har deltidsplass, eller born som oppheldt seg i kommunen men som ikkje ynskjer fast plass. Ved ledig kapasitet kan det gjevast tilbod til desse.

Modarasjonsordningar:

Syskjenmoderasjon til føresette som har fleire enn eitt barn i barnehagen:

30 % moderasjon for barn nr. 2

50 % moderasjon for barn nr. 3 og fleire

Inntektsgradert foreldrebetaling kan gjevast etter søknad til føresette med låg betalingsevne. Dersom foreldrebetalinga er høgare enn 6% av samla inntekt til familien eller hushaldninga, kan ein søkje om redusert pris. I 2017 vil dette gjelde for hushaldningar som har ei samla inntekt lågare enn kr 385 000,-. Hushaldninga si samla skattepliktige kapital- og personinntekt vert lagt til grunn for berekninga.

Gratis kjernetid for 3, 4- og 5-åringar: 3, 4- og 5-åringar, og barn med utsett skulestart , skal gjevast gratis kjernetid i 20 timar pr. veke når familien/hushaldninga si samla inntekt er mindre enn kr 417 000,-(inntektsgrense fastsett av Stortinget). Hushaldninga si samla skattepliktige kapital- og personinntekt vert lagt til grunn for berekninga.

Reglane om foreldrebetaling er heimla i Forskrift om foreldrebetaling i barnehager.

Søknadsskjema om redusert foreldrebetaling finn du på heimesida til kommunen.

Barnehage - redusert foreldrebetaling om du har låg inntekt Modalen kommune sine satsar for foreldrebetaling vert vedteke av Kommunestyret kvart år i samband med budsjetthandsaminga.

Har du låg inntekt? Det er innført to nasjonale moderasjonsordninger for familiar med låg inntekt:

Frå 01.mai 2015 er det innført ei nasjonal ordning for reduksjon i betalinga. Dersom foreldrebetalinga er høgare enn 6% av samla inntekt til familien eller hushaldninga, kan ein søkje om redusert pris. Med våre barnehagesatsar vil dette i 2015 gjelde for hushaldningar som har ei samla inntekt som er lågare enn kr 385 000,-.

Frå 1. august 2015 – Gratis kjernetid for 4- og 5-åringar. Dette gjeld for 4- og 5-åringar og barn med utsett skulestart og der familien/hushaldninga si samla inntekt er mindre enn kr 417 000,-.

Korleis er søknadsprosessen?

Familiar som ligg i inntektsområdet mellom kr. 385.000,- og kr. 417.000,- kan søkje om reduksjon i foreldrebetalinga/gratis kjernetid. Elektronisk søknadsskjema finn du på heimesida til kommunen på www.modalen.kommune.no Det må leggast ved likningsattest for 2016 eller, viss denne manglar, oversikt over inntekter for perioden januar – mai 2016. Vedtak om reduksjon etter denne ordninga gjeld for eitt barnehageår om gongen.

Foreldrebetalinga skal reknast ut frå husholdninga si samla skattepliktige kapital- og personinntekt.

Vedtak gjeld frå 1. august 2015 og for eitt barnehageår om gongen. Søknadsfrist 1.september. Innkomne søknader etter denne dato vert vurdert frå søknadstidspunktet.

Foreldre busette i andre kommunar må søkje betalingsreduksjon i kommunen der ein er busett.