Oppad na die kruisngnelspruitsuid.co.za/Docs/Bybelstudieboek.pdf · Deur die verloop van die volgende paar weke gaan ons saam met Jesus, die dissipels en die skare reis, om na Sy

Oppad na die kruis

Dr. Jean Strydom

Oppad na die Kruis 2013 Page 1

Inhoudsopgawe

1. Inleiding

Oppad na die Kruis

2. ‘n Blinde man ontmoet ‘n Geneesheer – Luk 18:35-43

3. ‘n Klein mannetjie ontmoet ‘n groot God – Luk 19:1-10

4. ‘n Skare ontmoet ‘n Koning – Luk 19:28-44

5. Die leiers ontmoet ‘n Ware Leier – Luk 22:66-23:12

Aan die voet van die Kruis

6. ‘n Aantal vroue hoor die Waarheid – Luk 23:26-31

7. ‘n Paar mense ontmoet ‘n Redder – Luk. 23:44-49

Anderkant die Kruis

8. ‘n Leë kruis - ‘n leë graf – ‘n Koning – Luk. 24:1-12

Alle regte voorbehou. Geen gedeelte van hierdie boek mag gereproduseer word op enige

manier, meganies of elektronies, insluitende Cd- of bandopnames en fotokopiëring, sonder die

skriftelike toestemming van die outeur nie, behalwe redelike aanhalings vir navorsing- en

resensiedoeleindes.


Inleiding

In Lukas 18:35-19:27 lees ons van Jesus se doen en late terwyl Hy in die

Jerigo omgewing, oppad na Jerusalem was (19:28) waar hy gekruisig sou

word. Hier volg ŉ kort uiteensetting van Jesus se laaste paar dae voor sy

kruisiging.

Sondag (Luk. 19:28-44)

Maandag (Luk. 19:45-48)

Dinsdag en Woensdag (Luk. 20:1-22:6)

Donderdag (Ingesluit Donderdag nag en vroeg Vrydag Luk. 22:7-71)

Vrydag (Luk. 23)

Saterdag (Geen gebeure in Lukas opgeteken. Kyk wel na Matt. 27:62-66)

Sondag (Luk. 24:1-49)

40 dae later (Luk. 24:50-53)

Deur die verloop van die volgende paar weke gaan ons saam met Jesus,

die dissipels en die skare reis, om na Sy woorde en dade te kyk. Deur sy

doen en late gedurende hierdie besonderse tyd fyn te bestudeer, kan ons

dalk net weer opnuut iets by hierdie formidabele man leer, en sal ons

lewens nie anders kan, as om ook onherroeplik deur Sy werke hier op

aarde verander te word nie...

My gebed is dat jy saam met ons op hierdie reis sal gaan en die reeks op

jou eie, of in jou Bybelstudie of kleingroep sal behandel. My wens is dat jy

hierdie bittersoet reis na die Kruis uiters leersaam sal vind, Jesus op ŉ

nuwe en vars manier sal leer ken, en dat jy opnuut vervul sal word met die

volheid en krag van God.

Dr. Jean Strydom


1 ŉ Blinde man ontmoet ŉ Geneesheer

(Lukas 18:31-34)

“Any discussion of how pain and suffering fit into God's scheme ultimately leads

back to the cross.”

Philip Yancey

it is Jesus se laaste week op aarde, en ons vind hom waar Hy en

sy dissipels oppad is na Jerusalem. Daar rus ŉ sware las op

hierdie man se skouers. Ja, Jesus weet wat op Hom wag - die

kruis...Terwyl hulle oppad is, gaan hulle by die stad Jerigo aan. Dit is

gewoonlik die laaste plek waar pelgrimsreisigers oornag, voordat hulle die

laaste skof na Jerusalem aanpak. Jesus het intussen sonder dat dit die

bedoeling was, ŉ skare mense wat hom oral gevolg het, bymekaar

gemaak.

Langs die pad, kom hulle op ŉ man af wat nie kon sien nie. Natuurlik was

bedelary die enigste manier vir hierdie man, om ‘n geringe inkomste te

genereer. Blindheid was in daardie dae ‘n baie algemene verskynsel. In ‘n

stad soos Jaffa was sowat 500 mense uit ‘n populasie van 5 000 blind.

Daar is gewoonlik gesê dat die mense in die stad of blind was of net een

funksionele oog gehad het. Daar was toe nog geen behandeling of

genesing vir blindheid nie. Ons lees in Lev. 19:14 dat daar van God se volk

verwag word om na blinde mense om te sien, maar was daar ten spyte van

hierdie opdrag steeds ‘n geweldige religieuse stigma ten opsigte van

blindheid. Dit het direk verband gehou met die persepsie dat die persoon

juis met blindheid gestraf is, omdat hy of dalk sy ouers gesondig het.

D


Dit is ongelooflik om die diepte van hierdie man se geloof te aanskou. Daar

waar hy tot dusver dalk wanhopig langs die pad gesit het, besef hy

meteens dat hierdie man, hierdie Jesus van Nasaret, sy enigste hoop is.

Daarom het hy ten spyte wat ander mense sou sê of dink, besluit om Jesus

te roep. Hy het met alles in hom geroep, geroep asof dit sy laaste kans is.

Dit moes sekerlik die wanhoop en desperaatheid in hierdie man se stem

gewees het, wat Jesus met eens tot stilstand gedwing het. Op Sy bevel

moes die mense hierdie blinde bedelaar opslag na Hom bring.

Hoe wonderbaar is dit dat Jesus, die Seun van God gaan stilstaan by

iemand in nood, ongeag van die moeilike tyd wat binnekort vir Hom sou

voorlê. Hy skuif sy eie belange, sy eie bekommernisse opsy, sodat die

koninkryk van God kan vergroot en God opnuut verheerlik kan word.

Hierdie blinde man se geloof was groot. Hy het nie sy sig gehad om hom

van Jesus se grootheid te oortuig nie. Nee, al wat hy kon doen was glo. Dit

kan ons ook sien in die feit dat hy Jesus aanspreek as “Seun van Dawid” -

sy Messiaanse naam, wat die Verlosser beteken. Dis asof hy in geloof

reeds na die Verlosser, die Een wat hom uit sy blindheid sou verlos,

uitroep.

In vers 41 vra Jesus vir hom “Wat wil jy hê moet ek vir jou doen?” Sou

Jesus (wat wel kon sien) dan nie reeds geweet het nie? Was dit nie van

selfsprekend nie? Hy het geweet, maar wou steeds hê dat die blinde man

sy behoefte in woorde uitspreek. Het jy dit dalk al ook in jou eie lewe

ervaar? God ken jou hart, en hy jou gedagtes. Hy weet wat jy nodig het en

wat jy so bitter graag wil hê. Maar tog wil Hy ook soms die behoeftes van

ons harte, uit ons eie monde hoor. Hy wil hê dat ons in ons gebede ons

afhanklikheid aan Hom verklaar, en hardop erken dat Hy die Almagtige

Vader - die Seun van Dawid is. Die alombekende spreekwoord lui wat die

hart van vol is loop die mond van oor. So wanneer God die Heer en


meester van jou lewe en jou hart is, en jy dit sonder huiwering kan bely,

behoort die nederige gebaar vir jou ook heel natuurlik plaas te vind. In die

geval van die blinde man, het Jesus dadelik sy behoefte aangespreek en is

hy oombliklik van sy gestremdheid genees. Dit gebeur nie noodwendig

altyd so nie. Soms leer die Here ons nie net ‘n les in afhanklikheid en

nederigheid nie, maar ook ‘n harde les in geduld. Neem vandag die besluit

om opnuut jou behoeftes en bekommernisse in jou gebede aan die Here

bekend te maak. Erken dat Hy die Koning van alle konings is, die Skepper

van die hemel en die aarde, maar allerbelangrikste erken dat jy Hom in alle

omstandighede nodig het en nie sonder Sy liefde en genade kan bestaan

nie.

Die resultaat van hierdie daad wat Jesus verrig het, is net nog een van die

vele wonderwerke wat Hy hier op aarde verrig het, maar die kern van die

gebeurtenis is dat hierdie man sonder om vir een oomblik te twyfel, in

Jesus se bestaan geglo het. Hy het nie nodig gehad om eers, te sien is glo

nie! Maar die eintlike betekenis van hierdie daad is nie net ‘n blinde man

wat weer kon sien nie, maar dat die goedheid en grootheid van God

opnuut weer in ons, en in die mense wat hierdie gebeurtenis aanskou het,

se gedagtes ingeprent is.

Notas:


Besprekingsvrae

Wat in die teksgedeelte staan vir jou uit of spreek jou aan?

Beskryf die verskille en ooreenkomste wat by die verskillende

Evangelies aangetref word, in verband met hierdie gebeurtenis (Matt.

20:29-34; Mark. 10:46-52; Luk. 18:35-43)

Dink jy wonderwerke soos hierdie vind steeds vandag plaas?

Tot wie word die gebed om ontferming in die Ou Testament gerig?

(Ps. 6:2; 9:14; 41:5)

Hoe weet ons dat die Messias uit die geslag van Dawid sou kom?

(Jes. 11:1; Eseg. 34:23)

Dink jy dit het ‘n verskil gemaak deurdat die blinde man hierdie titel

“Seun van Dawid” gebruik het?

Waarom het hierdie blinde geglo dat Jesus hom kon help? (Jes. 35:5;

42:18)

Wat beteken die titel “Messias” vir jou?

Hoekom dink jy het die ander die blinde man probeer stilmaak?

Dink jy ons maak vandag ook mense stil wat na Jesus “uitroep”?

Wat sê dit vir jou dat hierdie man aangehou het ten spyte van dit wat

die mense rondom hom gesê het?

Somtyds bevind ons onsself ook in moeilike omstandighede. Kan jy

ook soos Jesus verby jou omstandighede kyk en die nood van ander

raaksien?

Indien nie, wat kan ons doen om dit wel reg te kry? (Kol 2:5-11)

Hoekom dink jy het Jesus steeds die vraag aan hierdie man gevra?

Lees Heb. 4:14-16 en gesels daaroor.

Hoekom dink jy sê Jesus “Jou geloof het jou gered”?

Bespreek die stelling: “Indien jy nie genees word nie, is daar fout met

jou geloof”


2 ‘n Klein mannetjie ontmoet ‘n groot

God (Luk. 19:1-10)

“Only those who are truly aware of their sin can truly cherish grace.”

C.J. Mahaney

aar was seer sekerlike al mense met wie jy te doen gekry het, vir

wie jy nie baie ooghare gehad het nie! Mense wat jou reeds

vanuit die staanspoor, die harnas in gejaag het! Nou ja, in hierdie

verhaal kry ons met so ‘n man te doen. Sy naam was Saggeus. Hy was die

hooftollenaar, en dus ‘n baie ryk asook ‘n invloedryke man. Saggeus was

geensins geliefd onder die Jode nie, en het hy om die rede waarskynlik ook

nie baie vriende gehad nie. Sy bestaan en sy wêreld het dus hoofsaaklik

rondom sy besittings gedraai. Hy was werksaam vir die Romeinse regering

en hy het nie net uit sy pad gegaan om te sorg dat elkeen hulle belasting

betaal nie, maar ook sommer in die proses ŉ ekstra geldjie vir sy eie sak

ingevorder.

Lukas is die enigste skrywer wat hierdie verhaal opteken het. Hy was veral

daarop ingestel om te wys hoe Jesus uitgereik het na die randfiguur

mense, die verstotelinge, die blindes en die mense soos Saggeus wat deur

die samelewing eenkant toe gestoot is. Aan die einde van Hoofstuk 18

(ons vorige studie) het ons gesien hoe Jesus sy belangrike reis na

Jerusalem vir ŉ rukkie kort knip, om eers aandag te gee aan die blinde,

arm bedelaar. Aan die begin van hoofstuk 19 maak Jesus weer so,

wanneer hy aan een van die mees gehate manne van die omgewing,

erkenning gee. Hierdie gebeurtenis weerspieël opnuut weer iets van God

D


se karakter. Lukas is ook die een wat skryf oor die verlore skaap, die

verlore muntstuk en die verlore seun. Hy wil deur sy skrywe juis die

gedagte aan die leser tuisbring dat Jesus - “die Seun van die mens gekom

het om te soek en te red, die wat verlore is”.

Alhoewel Saggeus in wêreldse terme baie ryk en uiters suksesvol was,

was daar steeds ŉ gemis, ’n tekort, ŉ leemte in sy lewe. Die vraag is

hoekom wou hy van alle mense, so graag vir Jesus sien? Oor die antwoord

op hierdie vraag kan ons baie bespiegel. Het hy dalk so ŉ intense behoefte

na aanvaarding gehad of was hy bloot net nuuskierig? Dalk het hy iewers

te hore gekom dat hierdie Jesus van Nasaret juis na randfiguur mense

soos hy uitgereik het?

Saggeus was nie ŉ baie lang man nie, en al wat hy kon doen om vir Jesus

oor die skouers van hierdie skare mense te kon sien, was om in ŉ die

boom te klim. Dalk was hy skaam en wou hy nie hê die mense wat hom

ken, moet weet hoe graag hy ook hierdie man te siene wou kry nie?

Kan jy jouself Saggeus se verbasing indink toe Jesus onder die boom tot

stilstand kom en meteens na hom opkyk! Hy het heelwaarskynlik gedink hy

sal doodstil ongesiens daar bly sit, terwyl Jesus en al die mense onder

hom verbystap. Nee, Jesus het ŉ ander plan met Saggeus en met die

skare wat heeltyd saam met hom gestap het, gehad. Toe Jesus opkyk

beveel hy Saggeus om onmiddellik uit die boom te klim, sodat Hy vandag

in sy huis kon tuisgaan. Kan jy jou die verbasing van Saggeus en die

mense rondom hom, indink? Hoe kan Jesus na sy huis wil gaan? Hy is dan

een van die mees gehate en verstote mense! Dalk het Jesus Saggeus met

ŉ sagter en meer genaakbare stemtoon aangespreek, nie met die haat en

afkeur wat hy gewoond was nie. Is dit dalk hoekom Saggeus dadelik op

Jesus se bevel gereageer het, en gehoorsaam uit die boom geklim het? Dit

is die enigste keer waarvan ons lees, waar Jesus self besluit het om by ŉ


spesifieke persoon tuis te gaan. Die wonder van hierdie verhaal is dat

Jesus, hierdie sondaarman op sy naam geken het. En is dit net weereens

ŉ bewys dat Jesus nie net met vooraanstaande, belangrike en

voorbeeldige mense bemoeienis maak nie. Nee, Hy weet ook van elke

verlore skapie wat nie deel van Sy kudde is nie. Net so ken Hy ook elkeen

van ons op ons naam en het Hy ook die behoefte om persoonlik by ons

omstandighede betrokke te raak. Roep Jesus jou ook vandag om vanuit

jou skuilplek te voorskyn te kom? Wil Hy dalk ook vandag in jou lewe

betrokke raak?

Dis wonderlik om die verandering wat Saggeus in Jesus se

teenwoordigheid ondergaan het, te kon sien. Hy word iemand met ope

arms wat gee, eerder as iemand met toe hande wat net vir homself wil hou.

Hy word ‘n mens wat aan ander uitdeel, eerder as iemand wat net vir sy

eie gewin bymekaarmaak. Hy is selfs bereid om meer te gee as wat

volgens voorskrifte van hom verwag word. Jesus se uitreikende en

onvoorwaardelike liefde was in hierdie opsig weereens transformerend,

soos ons ook verskeie ander kere gesien het. Hierdie was een van

verskeie voorbeelde waar God se liefde vir die mens deur die lewe van

Jesus, gestalte gekry het. En sien ons dat hierdie einste liefde ŉ paar dae

later aan ŉ kruishout ŉ werklikheid word, nie net vir Saggeus nie maar ook

vir my en jou en vir die hele mensdom. Vandag vra Jesus ook vir ons om

Hom die geleentheid te gee om by ons tuis te gaan. Hoekom? Sodat ons

lewens ook hierdie hemelse verandering kan ondergaan. Sodat ons ook

die liefde en genade van God kan leer ken, en sodat ander ook die

uitreikende en onvoorwaardelike liefde van Jesus, in ons eie lewens kan

raaksien

Notas


Besprekingsvrae


Hoe tree jy werklik op teenoor mense vir wie jy nie baie ooghare het

nie? Verskil jou optrede van ander mense rondom jou?

Hoe dink jy is ons veronderstel om teenoor mense op te tree van wie

ons nie baie hou nie?

Hoe het Jesus teenoor sulke mense opgetree? Dink aan voorbeelde.

Hoekom dink jy wou Saggeus so graag vir Jesus sien?

Dink jy Saggeus was tevrede met sy lewe?

Wat sê die feit dat Saggeus in ‘n boom geklim het vir jou van hom en

Jesus?

Wat van Jesus se gedrag staan vir jou uit in die verhaal?

Wat leer ons uit die feit dat Jesus gekies het om by Saggeus tuis te

gaan?

Hoekom het die skare beswaar gemaak teen Jesus se optrede?

Wat sê dit vir jou van hulle ingesteldheid?

Sal mense vandag noodwendig anders optree?

Hoe is ons veronderstel om op te tree?

Dink jy die skare was gekant teen die feit dat Jesus genade

betoon aan ‘n “slegte” mens?

Verskil ons van die skare?

Hoe is Saggeus se lewe geraak deur Jesus se ontmoeting?

Die feit dat Saggeus restitusie wil doen, wat sê dit van:

Saggeus?

Jesus?

Is dit nodig dat ons vandag nog restitusie doen?


3 ‘n Skare ontmoet ‘n Koning

(Luk. 19:28-44)

“Until you see the cross as that which is done _by_ you, you will never appreciate

that it is done _for_ you.”

John Scott

et net nog ‘n paar dae oor voor Jesus se kruisiging, vind ons

hom en sy dissipels, saam met die skare mense sowat 3

kilometer vanaf Jerusalem. Die mense begin al hoe meer

opgewonde raak oor Jesus, die Messias, die een wat hulle gaan verlos uit

die wurggreep van die Romeine. Min weet hulle dat hierdie verlossing

waarop hulle so naarstiglik hoop, glad nie die tipe oppervlakkige redding is

wat hulle in gedagte het nie. Jesus se triomfantlike intog in Jerusalem, was

‘n baie slim plan van Sy kant af. In die eerste plek trek Jesus se rit op die

donkie heelwat aandag en ontketen dit ‘n geweldige reaksie by die

toeskouers. Dis juis hierdie reaksie wat veroorsaak dat die Joodse leiers

ernstig aan ‘n plan sou dink om Jesus dood te maak. In die tweede plek,

veroorsaak hierdie geweldige opwinding onder die skare, dat die leiers

besluit om hulle bose planne te bespoedig. Eintlik manipuleer Jesus hierdie

Joodse leiers op ‘n baie slim manier, om juis hulle tydskedule by syne aan

te pas. Hy weet dat die kruisiging die Vrydag moet plaasvind, sodat die

opstanding op die Sondag kon geskied. In die derde plek, vervul Jesus die

profesie van Sagaria 9:9 (Kyk ook Matt. 21:4-5). In die laaste plek kom die

werklike betekenis van die term “Messias” dan ook na vore, en kom die

skare dalk vir die eerste keer agter wat werklik aan die gebeur is. Glad nie

wat hulle verwag het nie. Dit kom ons agter uit sy woorde in Lukas 19:42.

M


In hierdie gedeelte sien ons dat daar ‘n duidelike verskil is tussen die plan

wat God met Jesus gehad het en die plan wat die skare met hom gehad

het. En dis juis om die rede wat hulle lofsange so vinnig in “kruisig Hom,

kruisig Hom” kon verander. Dis met hierdie wete, dat ons nie anders kan

as om te dink aan die gedeelte in Efesiërs 6:12 waar Paulus skryf, dat ons

stryd nie teen vlees en bloed is nie (skare teen die romeinse regering),

maar teen elke mag en gesag, teen elke gees wat heers in hierdie sondige

wêreld, teen elke bose gees in die lug. Dis gebeur ook in ons lewens

vandag. Ons kan so maklik vasgevang word in wêreldse verwagtinge en

ideologieë, dat ons baie keer God se perspektief op sake verloor. Soms

dryf ons onbewustelik al verder van God af weg, dat ons voeling verloor

met die plan wat Hy ook vir ons eie lewens het. Dit is juis dan wanneer ons

eie planne en verwagtinge die stem van ons Hemelse Vader stil praat. Dis

presies wat hier gebeur het. Mense se eie selfsugtige behoeftes het God

se alwyse plan oorskadu, maar Jesus se woorde in vers 42 spreek

boekdele. Vrede vir Jerusalem en die skare (en ook ons), lê nie in die feit

dat Hy die aardse koning of Messias/Verlosser word nie, maar dat daar

vrede op geestelike vlak in elkeen se hart en verhouding met God kom.

Genadiglik het Hy dit aan die kruishout as Verlosser en Prins van Vrede

kom gee. Die resultaat skryf Paulus in Romeine 5:1 “...Daarom is daar nou

vrede tussen ons en God deur ons Here Jesus Christus”. Kom ons leef

opnuut weer naby aan ons Hemelse Vader. Kom ons vra weer Sy wil in al

ons doen en late. Kom ons trap versigtig en luister aandagtig, sodat ons

nie dieselfde fout as die Jode van ouds maak, en God se plan met ons

lewe op ‘n verkeerde manier vertolk nie...

Notas


Besprekingsvrae

Watter gedeelte in die teksvers staan vir jou uit of spreek jou aan?

Hoe laat dit jou voel wanneer jy lees van Jesus se presiese opdrag

aan die dissipels in verband met die donkie? Hy kon dus “vooruit

sien”?

Laat die feit dat Jesus in staat is om vooruit te sien, jou vandag

anders lewe?

Toe Jesus die dissipels die opdrag gegee het om die donkie te gaan

kry, is nog ‘n profesie vervul. Lees Sagaria 9:9 en gesels daaroor.

Wat sê Markus 11:2 in verband met hierdie donkie?

Watter besondere karaktertrek van die koning word ook in hierdie

gedeelte beklemtoon?

Is jy ook so gehoorsaam soos die dissipels wanneer dit by God se

opdragte kom, al verstaan jy nie altyd wat alles aan die gebeur is nie?

Hoe gehoorsaam is jy aan die opdragte wat ons in die Bybel vind of

gee jy net gehoor aan die wat jy dink jou nie te veel sal verontrief nie?

Die skare het Jesus beskou as die Messias, ‘n wêreldse verlosser wat

hul kom red uit die mag van die Romeinse onderdrukking. Kan jy dink

hoe ontnugter hulle was toe hulle besef dis nie wat Jesus kom doen

het nie? Het jy ook al so ‘n ontnugtering in jou lewe ervaar, toe jy

besef het dat jou plan vir jou lewe en die van God, nie dieselfde is nie?

Tot watter mate raak ons ook vandag verward met die rolle van die

Messias?

Wat het die uitsprei van die klere, volgens 2 Kon. 9:13 beteken?

In Lukas 19:38 vind ons ook ‘n aanhaling uit Ps. 118. Watter betekenis

het die woord Hossanna in Ps. 118:25-29?

Sê in jou eie woorde wat die skare uitgeroep het in hulle lofsang.


Die skare het van hulle klere en palmtakke in die pad voor Jesus

neergegooi omdat hulle Hom beskou het as die koning. Wat doen jy

vandag om Hom as koning te eer?

Die skare het Jesus doelbewus geprys as die Messias, dus het hulle

het spontane lof vir Jesus gehad. Maak jy ook tyd vir spontane lof aan

God? Begin en eindig jy jou dag in lof en aanbidding?

Hoekom dink jy is dit belangrik om God se naam groot te maak?


4 Die leiers ontmoet ‘n Ware Leier

(Luk. 22:66-23:12)

“Before we can begin to see the cross as something done for us, we have to see it

as something done by us.”

John R.W. Stott

esus se lyding het begin. Eers verskyn Hy voor die Joodse raad, wat

hom na Pilatus neem en dan word Hy weer na Herodus verwys.

Tydens elk van hierdie ontmoetings met die leiers het Jesus gewys

wat werklik in Hom steek. Hy het gewys wat dit beteken om ‘n Ware leier te

wees. Die Joodse Raad het natuurlik geleef met die verwagting van die

komende Messias, dit is immers in die geskrifte voorspel. Daarom dat hulle

vir Jesus vra of Hy die Christus, die Messias is wat hulle moes verwag.

Jesus besef maar alte goed dat dit nie saak maak wat Hy antwoord nie,

hulle het reeds besluit dat hy nie die Messias kan wees nie. Hy pas immers

nie binne hulle godsdienstige sisteem van die dag nie. Hierdie aardse

godsdienstige leiers wou nie erkenning gee aan die ware hemelse

godsdienstige Leier nie. Hulle was te vasgevang in hulle eie sisteem om

God waarlik raak te sien.

Aangesien die Joodse leiers geen politieke mag gehad het nie, het hulle

Jesus na Pilatus geneem. Pilatus kon egter geen fout vind met Jesus se

optrede nie en plaas die verantwoordelikheid oor na Herodus, ‘n ander

politieke leier. Nie een van die twee leiers het egter die moed gehad om

standpunt teen die Joodse raad en oproerige skare se aanhitsing, in te

neem nie. Hulle was dus niks meer as blote speelballe in die hand van die

oproerige skare nie. Glad nie die eerlike, sterk leiers wat mens sou verwag

J


hulle sou wees nie. Hulle kon nie standpunt inneem vir hulle ware en

eerlike oortuigings nie.

Nadat Jesus weer na Pilatus teruggestuur is, wou hy Jesus net laat gesel

en dan loslaat, maar dit was nie straf genoeg vir die oproerige skare en

Joodse raad nie. Hulle eis dat hy gekruisig word. Die lofsange van ‘n paar

dae gelede verander in veroordelende, kwetsende woorde: “Kruisig hom,

Kruisig hom”.

Die Joodse raad, Pilatus en Herodus het almal as leiers gefaal. Dalk het jy

ook al voor ‘n soortgelyke besluit in jou eie lewe te staan gekom. Dalk was

jou optrede iets waarop jy baie trots is, of iets waaroor jy tot vandag baie

skaam voel? Moes jy ook al vir jou geloof opstaan teen ŉ oproerige en

vyandige skare? Was jy ook al in die moeilike situasie waar jy moes kies

tussen dit wat jy weet reg is, en dit wat die meerderheid mense om jou

verwag jy moes sê of doen? Soms faal ons ook net soos Pilatus en

Herodes. Baie keer maak ons ook noodgedwonge verkeerde besluite

omdat ons onder druk van die meerderheid verkeer. Jesus kom leer ons

wat dit beteken om as ‘n ware Leier uit te staan. Deur Sy optrede kom wys

hy ons dat mens steeds die regte keuse kan maak, ten spyte van die

negatiewe druk wat die wêreld rondom ons uitoefen. Dis eers toe Hy aan

die kruishout hang dat die Romeinse soldaat werklik agterkom wie en wat

hierdie man was. Net so was daar sekerlik baie ander mense wat tot die

besef gekom het, toe die duisternis die aarde omsluit. Soms word daar van

ons as Christene verwag om moeilike besluite vir ons geloof te neem. Is jy

partykeer bang vir wat ander van jou sal dink, of is jy in alle opsigte bereid

om vir Jesus en dit waarvoor Hy staan te baklei?

Notas


Besprekingsvrae


Het die drie groepe, die Joodse raad, Pilatus en Herodus iets in

gemeen?

Dink jy hierdie mense sou anders opgetree het as hulle ware leiers

was? In watter opsig?

Wat is jou definisie van ‘n leier?

Watter eienskappe moet ‘n leier hê?

Met die eienskappe wat jy sopas genoem het in ag geneem, kon dit

dalk ‘n verskil gemaak het in hierdie mense se besluit en optrede?

Hoekom dink jy was die Joodse raad “blind” vir Jesus as die Messias?

Wat dink jy was hulle verwagting van die Messias?

Dink jou net vir ŉ oomblik daardie tyd in. Sou jy saam met die

oproerige skare geskreeu het?

Jesus sê in vers 70 “Dis is soos julle sê: Ek is”. Die woorde Ek is word

aan God toegeskryf (Eks 3:13-16). Bespreek die verband hier tussen

Jesus en God. Is hul dan een?

Voor die Sanhedrin en Pilatus was Jesus bereid om net een vraag te

beantwoord, nl. of Hy die Messias, die Seun van God is? Dit is dus

Jesus se keuse dat Hy veroordeel en gedood moet word as die

Christus (die Messias). Waarom dink jy is dit Jesus se wil dat dit juis

die rede moet wees waarom Hy gekruisig word?

Waarom kan ons sê dat Jesus met sy woorde: “Dit is soos u sê” voor

die raad en Pilatus beklemtoon dat Hy wel die Christus is?

Waarom dink jy moes ‘n aardse regter Jesus skuldig bevind? (Luk.

23:4)

Hoe sou jy Pilatus se gedrag beskryf? Wat sou jy in sy situasie

gedoen het? Stem jy saam met sy besluit? Het jy simpatie met Hom?


Hoe sou jy Herodus se gedrag beskryf? Stem jy saam met hom? Het

jy simpatie met Hom?

Wat dink jy het die skare gedryf van lofsange vir Jesus, na “kruisig

hom, kruisig hom”?

In die lig van Jesus as ons ware Leier, watter tipe leier is jy? Staan jy

op vir dit waarin jy glo? Is jy ‘n outokraat of demokraat?


5 ‘n Aantal vroue hoor die Waarheid

(Luk 23:26-31)

“We need never shout across the spaces to an absent God. He is nearer than our

own soul, closer than our most secret thoughts”

A.W. Tozer

ierdie gedeelte laat ŉ mens se gedagtes onomwonde teruggaan

na Jesus se woorde wat hy gespreek het, pas nadat die skare Sy

lof besing het en terwyl hy op die donkie Jerusalem binne gegaan

het. Daar midde in die skare se lofprysing, spreek Hy die volgende woorde:

“As jy vandag tog wou insien wat vir jou vrede nodig is! Maar nou is jy blind

daarvoor” (Luk. 19:42). Nou stap Jesus die Via Dola Rosa en Simon van

Sirene, is besig om Sy kruis te dra. Tot die dood toe moeg, gegesel en

bebloed, kyk Hy na die skare mense rondom Hom - sommige

veroordelend, ander huilend en party stomgeslaan...

In die loop, praat Jesus met die vroue rondom Hom. Hierdie was nie die

vroue wat Hom nougeset reeds vanaf Galilea se dae gevolg het nie. Nee,

hierdie was vreemde vroue van Jerusalem wat bloot aangeraak is deur die

man van wie hulle al so baie gehoor het. ŉ Goeie man wat nou

noodgedwonge die dood in die gesig staar. Vir Jesus wat tot die dood toe

moeg is en vir die volgende paar ure as’t ware deur hel gaan, weet Hy een

ding. Sy toekoms is verseker by God. Hy weet waarheen Hy oppad is.

Tensy hierdie vroue nie ook tot hierdie insig kom en die Waarheid ontdek

nie, is hulle toekoms nie op dieselfde plek as waar Jesus s’n is nie. Nie

hulle, of hulle kinders s’n nie. Tensy hierdie vroue van Jerusalem nie tot

dieselfde insig kom nie, sou dit beter wees indien hulle nooit kinders gehad

H

http://www.goodreads.com/author/show/1082290.A_W_Tozer


het nie. Die dag as God in sy volle oordeel kom, sal hulle besef dat dit te

laat is om die Waarheid te ontdek en aan te gryp. Dan sal hul vra dat die

berge eerder op hul moet val en die heuwels hulle moet bedek, as om voor

die aangesig van God te verskyn. As die oordeel na Jesus (die groen hout)

kom, hoeveel te meer sal die droë hout nie in die ewige vuur gegooi word

nie. Gewoonlik gooi ŉ mens eers die droë en nuttelose hout in die vuur. Dit

beklemtoon net opnuut die felheid van die oordeel.

Tydens Jesus se roete op weg na die kruis, spreek hierdie woorde wat hy

uiter, boekdele van Sy karakter. Steeds dink Hy nie aan Homself en wat vir

hom voorlê nie, maar aan die verlorenes. Net soos Hy aan die misdadiger

gedink het wat saam met Hom gekruisig is. Wat ŉ genadige God! Die

Weg, die Waarheid en die Lewe!

Wat doen ons? Stel jy ook ander se geestelike welbehae voor jou eie, of

word jy soms so vasgevang in jou eie nood dat jy bloot net op jou eie

welsyn fokus? Kom ons onthou hierdie daad van Jesus, en kom ons maak

ŉ punt daarvan om ten spyte van ons eie seer, ook die wanhoop van ander

raak te sien.

Notas


Besprekingsvrae


Stel jouself voor jy is in die skare wat saam met Jesus oppad is na

Golgota. Vir ‘n oomblik staan jy stil en kyk en luister na alles rondom

jou. Wat sien en hoor jy? Wat is jou ervaring?

Jesus het met sy triomftog in Jerusalem sy Goddelike taak nie versuim

nie, ook nie voor die Joodse raad en ander leiers nie en hier ook nie.

Hy is en bly die Messias, die Verlosser. Daarom dat Hy hier met die

vroue op ‘n spesifieke manier praat. Hoekom moet ons hierdie woorde

van Jesus ernstig opneem?

Dink jy ons is somtyds meer bekommerd oor ander se geestelike

toestand as oor ons eie?

Jesus sê dat die vroue moet oor hulself en hul kinders huil. Dit

beteken dat Jesus besef het dat daar nog ‘n generasie besig is om

verlore te gaan.

Hoe lyk die volgende generasie (die kinders van vandag) se

geloofslewe?

Wat doen jy om die fundamentele beginsels van die Christelike

geloof aan hulle oor te dra?

Gesels oor probleme en oplossings oor die algemene

geestelike toestand van ons en ons kinders.

Hoe voel jy oor die komende oordeelsdag?

Is jy gereed daarvoor?

Is die mense vir wie jy lief is gereed?

Hoe moet iemand wat die oordeelsdag enige tyd verwag, leef?

Waarom dink jy neem mense nie hierdie woorde ernstig op nie?

Wat kan ek en jy doen dat hulle dit wel ernstig kan opneem? (1 Tim

1:7, 10, 14; 1 Tess. 1:5)


Wat dink jy is nodig om die Evangelie ten spyte van die dood wat jy

dalk in die gesig kan staar te verkondig?

In hierdie gedeelte het ons ‘n profetiese spraak van Jesus oor die

toestand van die volk en die komende oordeel. Ons sien ook Sy

genade in die uitspraak dat Hy ten spyte van sy omstandighede

steeds die waarskuwing rig dat mense moet wakker word uit hul slaap.

Gesels oor die komende oordeel van God wat vir party ondraaglik sal

wees en die liefde van God wat Sy Seun vir almal gestuur het asook

die genade van God wat so groot is.


6 ‘n Paar mense ontmoet ‘n Redder

(Luk. 23:44-49)

“Christ did not die that God might love us, but He died because God loved us”

Charles Hodge

olgens die vertelling van Lukas was daar ‘n paar mense wat die

dag rondom die kruis saamgedrom het. Mense wat om verskeie

redes daar was, maar wat tog elkeen op ‘n besondere manier

aangeraak is deur hierdie man aan die kruis en die gebeure met sy

afsterwe. Daar was die wat die keuse gemaak het om deur die gebeure

van die dag geraak te word, en die wat toevallig geraak is.

Daar was onder andere ‘n Romeinse offisier wat bloot besig was met sy

daaglikse amptelike werk. Hulle moes diegene wat aan die kruis hang

oppas, sodat ander mense nie iets aan hulle kon doen nie. Hierdie offisiere

het ook ‘n wesenlike rol tydens die fisiese kruisiging gespeel. Die offisier,

was sekerlik soos meeste ander mense ook bewus van die gebeure

rondom Jesus en die beweringe wat rondom sy koningskap die rondte

gedoen het.

Daar was ook die oproerige skare wat bloot uit nuuskierigheid kom kyk het

hoe hulle bloeddorstige wense vervul word. Hulle het hulle waarskynlik

verlekker in die leed en lyding van die “Koning van die Jode”.

Jesus se vriende, waaronder die vroue wat Hom van Galilea af gevolg het,

het ook versigtig op ‘n afstand bly staan. Hulle was waarskynlik

stomgeslaan oor die gebeure wat so tragies “skeefgeloop” het.

Heelwaarskynlik was daar by hulle die vrees dat die owerhede ook iets

V


aan hulle sou doen, aangesien hulle hom openlik ondersteun het. Om op ‘n

afstand te bly, was dus die veiliger opsie vir hulle.

Al die verskillende groepe en mense wat rondom die kruis saamgedrom

het, het op hul eie manier ervaar dat Jesus die Redder is. Die onnatuurlike

gebeure tydens sy afsterwe, was heelwaarskynlik al wat nog nodig was

om diegene wat enigsins nog getwyfel het, tot oortuiging te dwing. Die

moment wat die hemele begin spreek, toe eers het van die omstanders

werklik geluister. Die offisier wat waarskynlik die naaste aan die kruis

gestaan het, Jesus se laaste woorde gehoor het en ook die duisternis

ervaar het, is die enigste een wat die woorde geuiter het: “Hierdie man was

werklik onskuldig”. Maar die offisier het ook God geprys. Die omstanders

wat die geharde Romeinse offisier se woorde aangehoor het, was diep

deur sy woorde geraak. Het God ook al jou hart op ‘n soortgelyke wyse

aangeraak? Het jy al die Here deur sekere gebeurtenisse in jou lewe

ervaar? As jy vandag nog twyfel oor die teenwoordigheid en krag van God

in jou lewe, staan jy dalk te ver van die kruis af?

Notas


Besprekingsvrae

Lees ook Matteus se weergawe van die verhaal (Matt. 27:45-56)


Hier by die kruis kom verskillende tekste in vervulling. Hoe is die

volgende vervul?

Ps. 69:22

Ps. 22:19

Ps. 109:25

Amos 8:9

In die Jerusalem se tempel was daar twee voorhangsels. Die eerste

skei die voorhof van die tempel en die tweede skei die heilige van die

allerheiligste. Hierdie deel van die tempel wat bekend gestaan het as

die allerheiligste, was simbolies van God se teenwoordigheid onder

die volk. Slegs die hoëpriester kon een maal per jaar daar ingaan, om

versoening vir die volk se sondes te vra. Lees eers Eks 26:31-35;

40:21. Lees dan Heb. 6:19; 9:3-14; 10:19-22. Wat is die boodskap en

simboliek van die tempel se voorhangsel wat geskeur het?

Hoe beïnvloed dit ook jou lewe vandag?

Plaas jouself vir ‘n oomblik aan die voet van die kruis en sien in jou

geestesoog hierdie dinge afspeel. Hoe laat dit jou voel?

Bespreek die mense wat hier onder genoem word se reaksie op die

gebeure rondom die kruis, en die moontlike impak wat dit op hul

lewens gehad het.

Die offisier

Die mense wat saamgedrom het bloot om die skouspel te

aanskou

Jesus se vriende

Dissipels

Die vroue wat Hom van Galilea af gevolg het.


Dink jy daar was van die mense wat eers op daardie tydstip besef het

dat Jesus waarlik die Messias is?

Wat veroorsaak dat ons partykeer “onaangeraak” gelaat word deur die

bekendheid van Jesus se kruisiging?

Wat behoort die werklike impak van die kruisiging daagliks op jou lewe

te wees?

Op watter aspekte van jou lewe het die kruis nog nie ‘n “blywende

merk” gelaat nie?


7 ‘n Leë Kruis – ‘n Leë Graf – ‘n Koning

(Luk. 24:1-12)

“If Jesus rose from the dead, then you have to accept all that he said; if he didn't

rise from the dead, then why worry about any of what he said? The issue on which

everything hangs is not whether or not you like his teaching but whether or not he

rose from the dead.”

Timothy Keller

OOP - dis wat aanbreek die Sondagoggend na die droewige en

wanhopige Vrydag en Saterdag. Die betrokke Sondag het die

doodsklokke nie net vir die dood self gelui nie maar ook vir die

krag en mag van die Bose. Jesus se opstanding kan daarom as die

belangrikste gebeurtenis in die geskiedenis van die wêreld gesien word.

Niks was na hierdie wonderbaarlike gebeurtenis ooit weer dieselfde nie.

Alles het verander!

Voor daardie Sondag was daar bitter min hoop en die dood was die finale

punt wat die einde van ons lewensverhaal aangekondig het. Na Jesus se

opstanding is die bordjies vir ewig verhang. Nou is daar vir ons baie HOOP

en slegs ŉ aardse dood in die vooruitsig. Jesus se opstanding het die deur

na ŉ Ewige lewe saam met Hom, vir ons oopgesluit! Nou is ons aardse

dood nie meer ons eindbestemming nie, maar bloot net ŉ laaste stasie op

die treinreis van ons lewe. Die wonder en die Krag wat teenwoordig was

tydens Jesus se opstanding, kan ook in ons harte gevind word vandag. Ja,

Jesus se opstandings-krag woon ook binne in jou en my (Ef. 1:19-20).

H

http://www.goodreads.com/author/show/847789.Timothy_Keller


In die verhaal wat Lukas dokumenteer, kom die vroue, wat destyds as

tweedeklas burgers gesien is, baie prominent na vore. Hierdie vroue wat

Jesus ondersteun het van Galilea se dae af, en heeltyd by die kruis

gestaan het, was ook nou weer vroeg die Sondagmôre oppad na sy graf

toe. Deur hierdie vroue op die voorgrond te plaas en die nuus eerste aan

hulle te breek, beleef ons iets van God se grootheid en die feit dat hy nooit

mense uitsonder of eenkant toe skuif, oor wie en wat hulle is nie. Die vroue

is deur Jesus se kruisdood, tot hul regmatige plek voor God herstel. In Sy

teenwoordigheid is niemand, maar niemand tweedeklas burgers nie.

Blaai jy verder deur die Bybel sal jy agterkom en waarskynlik saam met

Paulus getuig, dat indien daar nie ŉ opstanding is nie, ons hele Evangelie

platval en eintlik maar nutteloos is. Dis die wonder van die opstanding! Dat

ons met sekerheid kan weet dat Jesus leef en nie iewers soos byvoorbeeld

Lenin in staatsie lê nie. Christus is ŉ lewende God wat tans aktief

werksaam is om jou plek in gereedheid te bring, sodat jy jou ewige tuiste

kan gaan opneem.

Deur die opstanding het ek en jy die regmatige plek deur ons geloof in

Christus, die opgestane Heer verkry. Wat ŉ wonderlike vooruitsig is dit nie

vir ons nie! Wat ŉ ongelooflike mate van hoop bring dit nie vandag in

hierdie wanhopige wêreld nie! Die dood is verslaan, en al kan geen een

van ons dit vryspring nie, is dit geensins die einde van ons lewensreis nie.

Hoef ons dit eintlik glad nie te vrees nie, want Jesus het reeds die pad

gestap. Kom ons sê vandag vir Hom opnuut dankie dat Hy sy lewe vir ons

aan ŉ kruishout geoffer het, en kom ons dank God vir die feit dat hierdie

reis wat Jesus ondergaan het vir ons as Christene, ook ŉ Hemelse

eindbestemming moontlik maak...

Notas


Besprekingsvrae


Wat dink jy het deur die dissiples en die mense die naaste aan Jesus

se gedagtes gegaan die Saterdag?

Hoe het hulle die leë kruis beleef? (Luk. 23:56)

Hoe sou jy die leë kruis beleef het?

Wat sou die impak van die graf op jou geloofslewe wees as jy daardie

tyd geleef het?

Wat was die vroue se aanvanklike reaksie op die nuus dat die graf

leeg is?

Hoekom het Pertus eerste opgespring en na die graf toe gehardloop?

Wat sê die mans vir die vroue? Wat sê hierdie woorde vir jou? Is dit

belangrik dat die kerk en die wêreld hierdie woorde gereeld hoor en dit

onthou?

Het die feit dat Jesus opgestaan het uit die dood hulle geloofslewe

onmiddelik verander?

Wat moet die leë graf vir ons beteken?

Wat is die impak van die leë graf op jou lewe?

Hoe kan ons saam met Jesus en die Heilige Gees ‘n opstandingslewe

lei?

Wat beteken dit om ‘n opstandingslewe te lei?

Wat is die impak van Jesus se opstanding op:

Die dood?

Die duiwel?

Bespreek Kol. 2:15; 3:1-4

Documents

Oppad na die kruisngnelspruitsuid.co.za/Docs/Bybelstudieboek.pdf · Deur die verloop van die volgende paar weke gaan ons saam met Jesus, die dissipels en die skare reis, om na Sy