KOHHRAN MAMAWH - Mi Nghet K. Remruatfela

Fak hla phuahtuin, “Kan Kohhran ho lungphum, chu a Lal Krista Isua” a lo tih angin Kohhran hi Krista thisena din, Thlarau Thianghlim hriak hnawih a ni a. Kohhranho tih ṭawngkam hrim hrim hi zirmiten an sawi dan chuan, thlan anga kal khawm (eddah) a kawk a. A kohva koh khawm a kawk leh a. Mahni duh thua kal khawm mai a kawk lo an ti. Tichuan, kohhran tih hian Krista sipai ni tura koh khawm a kawk deuh ber awm e.

Kohhran hi heti khawpa pawimawh a nih avang hian keini Pathian malsawmna changtute hian kan zahin kan dah pawimawh hi a ngai em em a ni. Kan ramina kan ngaihsual ṭhin pakhat pawi em em chu Camping hi nghehna aia phur harhna min petu tur atan kan ngai lek lek ṭhin hi a ni a, a pawi em em a ni. Kohhran hian a mamawh ber chu kohhran hlimlai chauha langsar taka phur ṭhinte ni lovin, Krista leh kohhran tana mi nghet, ‘Krista lungpui nghetah ka ding, hmun dang zawng chu tiaudup a ni” ti ngam rawngbawltute an ni a. Kohhran a ro lai ber leh a hlim lai ber pawha danglam ngai lo, kohhranin hun harsa tak a tawh lai pawh a, kohhran tana nghet leh rinawm tlat, inkhawm tur pawh an awm mang loh laia inkhawm ṭawk ṭawk ṭhin, “Hrehawm mah se i ta ka ni Lalpa, I tan nung turin min pui la; Ka hun zawng I tana hman ka duh, I tan chauh min ti thianghlim ang che” ti ngam rawngbawltu hi Lalpan a zawng tak meuh meuh a ni.

Kan hriat theuh angin he Bangalore Mizo Kohhran pawh hi harsatna hrang hrang paltlanga lo dingchho a ni a. Hma a sawnin a ṭhang duang hle mai. Bangalore-a Mizo awmte leh Zoram tan malsawmna thlentu pawimawh tak a la ni zel ang tih kan beisei a ni. Kohhran do zawng leh a sawichhe zawng a awm lovin a ti chak zawngin kan thawk tur a ni. Chutiang taka kohhran chuan rawng a bawl theih nan mi nghet a mamawh a ni.

Uar takin hei hi ka sawi duh a ni. Kohhran leh Krista hi thil inzawm leh inbelhbawm tlat a nih vangin Kohhran – Pathian Khawpui, mitthi khaw kulh kawngkhar pawhin a ngam loh tura kan tel ve hi malsawmna ropui tak a ni. Lalpa leh a kohhran tan hian rinawmin nghet tlat ila, martar a ṭul pawha martar ngam, “Leilehnaah kut ka nghat tawh a, hnunglam hawi thei ka ni tawh lo” ti ngam kohhran mi kan siam zel theihnan kan fianrial ṭawngṭainaah i thlen tak meuh meuh ṭhin ang u. Chutiang mi nghet chu kohhran hian a mamawh tak zet a ni. ‘Thih thlengin rinawmin lo awm rawh. Tichuan, nunna Lallukhum ka pe ang che’ ti-a min tiamtu kha kan Pathian biak ngei hi a ni si a.

Nghet takin i ding ang, Beramno thisena inbualin;

Lalber sipaite kan ni, a thu min tiam ang zelin, Lallukhum ropui kan hlawh ang a. AMEN

INKHAWM PROGRAMME

Vawiin Inkhawm; 3:00pm PATHIAN BIAK INKHAWM Hruaitu: Pastor Vanlalnunmawia Zawngte Ṭantu: Tv. Lalhruaikima Thuhriltu: Pu Levis K. Lalsiamliana Special No.: Mary Jones Hostel

October 26, 2014; 3:00pm SUNDAY SCHOOL Hruaitu: Superintendent Ṭantu: Pu Zoramthanga Zirlai khaikhawmtu: Rev. Zosanglura Pakhuangte Special No: Kristu Jayanti College Mizo zirlaite ---------------------------------------- CHAWLHKAR INKHAWM October 22, 2014 (Nilaini) A hmun: Tv. C. Zothanmawia In, Shantinagar Hruaitu: Rev. K.M. Vanlalpeka -------------------------------------

PATHIAN RAM IP

Pathianni leh 26th October khi kan thlatin thawhlawm ip lakkhawm hunk ha a lo nil eh ta a. Thawhlawm thawh zawng zawngten kan lo hre thar leh dawn nia. Tin hemi ni inkhawm banah Finance committee ten chhiar tur a ni bawk ang. --------------------------------------- Vawiin inkhawm bana thingpui in zawhah Kohhran Zaipawlin hla zir tur a ni. Dar 4:45pm ah ṭan tum ila, kan lutkhawm nghal vat dawn nia.

October

Thupui:

‘Kohhran Pathian

Khawpui’

Volume IV Issue No. 42 OLIVE 19th October 2014 1

Inkhawmna Hmun:

JRC Hall United Theological College

63 Miller’s Road, Benson Town.

Inkhawm Hun:

Pathianni tlai dar 3:00pm

Hmangaihna chu thil

tihin lantir rawh

Vawi khat chu Mary Martin, zaithiam tak mai hi South Pacific-a hun a hman dawn ṭepin lehkha ziak hi an rawn pe a, chu chu Oscar Hammerstein-a’n a thih dawn ṭepa a ziah a ni a. “Duhtak Mary, Dar hi i tih rik hma chuan dar a ni lova, hla hi i sak hma chuan hla a ni lo. I thinlunga hmangaihna pawh hi awm reng tura dah a ni lova. Hmangaihna hi i pek chhuah hma chuan hmangaihna a ni thei lo.”

Mary chu he thuziak hian a hneh hle mai a, tihtak zetin chu hun pawh chu a hmang a. A hun hmang zo chu mi tam takin an rawn lawmpui a, “Mary tun ang reng reng khan i la ti ṭha ngai lo, i zai kha ni danga i zai a ang lo, thiltihtheihna a nei a ni,” an rawn ti a. Mary chuan mittui tla chungin Hammerstein-a lehkha ziak chu an hriatah chuan a chhiar a. “Zanin khan ka hmangaihna ka pe chhuak a ni!” tiin.

Mi rethei ber pawh hian a thinlungah hmangaihna a neih phawt chuan mi dang hnenah pek chhuah tur an nei a. Hmangaihna hi kawng chi hrang hrangin a lantir theih a, nuih te, kuah te, lawmthu sawi te leh mi an mamawh huna an hnena awm te.

Hmangaihna tel lovin thil i pe thei a ni mai thei, thil engemaw pe chhuak tel lo chuan i hmangaih thei lo vang.

He miah hian hmangaihna eng nge a nih kan hria, amah chuan kan tan a nunna a pek tak avangin; keini pawhin unaute tan kan nunna kan pe ve tur a ni (I Joh.3:16)

Kohler Hruaina Eng Quiz October 14, 2014 zan khan Kohler Hruaina Eng Quiz chu Zosaphluia Hall, Mission Veng-ah ṭan a ni ta. Quiz tiṭha lawmmanah hian pakhatnain Rs. 1,00,000/-, pahnihnain Rs.70,000/- leh pathumnain Rs. 50,000/- an dawng ang.

Synod Social Front @ Synod Social Front chuan kan rama kutdawh an awm lohna turin hmalakna a kalpui mek a. Kohhran tinah kutdawh survey form a thawnchhuak mek a. Hemi aṭang hian hmalak zel dan tur an ngaihtuah ang. @ Synod Social Front chuan krismas leh kumthar dawna thuamhnaw leh bungraw man to uchuak ṭhin tihreh dan kawng zawngin hma a la mek a, krismas leh kumthar dawna thuamhnaw leh bungraw man ti to uchuak ṭhin tihreh a nih theih nan dawrkaite leh mipuite hnenah ngenna a siam.

Presbyterian Pastor Nupuite Intawhkhawm October 16, 2014 (Ningani) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor nupui Intawhkhawm vawi 36-na neih a ni a, pastor nupui mi 120 vel an tel thei a ni. Speaker atan Rev. Vanlalbela an hmang a, thupuiah ‘Bang lovin ṭawngṭai rawh u’ tih an hmang.

Ramthar @ Kumin January - September (2014) Chhunga Calcutta Mission Field a Baptisma chang zat chu mi 452 an tling tawh. September thla chhungin mi 75 laiin Baptisma an chang thar a ni. Pathianin a ram a zauh zel a ni.

PYF Youth Camp Kolasib Diakkawn Kohhranah Presbyterian Youth Fellowship (PYF) programme Youth Camp 2014 chu neih mek a ni a. Presbyterian Church of India chhunga unit hrang hrang ten palai an tir ang a, zanin hian an ṭiak ang.

P.C. Girls’ School Day vawi 111-na hmang Oct. 15, 2014 (Nilaini) khan P.C. Girls' School chuan School Chapel-ah School Day Vawi 111-na lawmna hun an hmang. School Day lawmnaah hian zirtirtu leh zirlai naupangten items chi hrang hrang hmangin hun an hmang a ni. P.C. Girls' School hi Zosap Missionary ten kum 1903-a an din kha a ni a, tunah hian kum 111-na an hmang mek a ni. Kum 2014 hian zirlai 453 leh thawktu 37 an nei mek a ni. He school hian lehkha thiamna mai bakah music te, Pathian thu leh kut themthiamna thil tam tak an zirlaite an chhawm chhuahtir thin a, hei hi an danglamna leh an hlutna a ni. -------------------------------------------------------------------------------------------

Vawiin Olive chanchinbu hi a chhuah vawi 150-na a ni.

Vawiin Bangalore khaw dinhmun: Maximum 24°C, Minimum 19°C

Volume IV Issue No. 42 OLIVE 19th October 2014 2

Editor: Rev. V.L. Krosschhuanmawia

Phone: 96329 17285 Joint Editors: R. Lalremruata

Lalruatdika Deborah Lalrempuii HMS Dawngliana

Circulation Managers: Lalchhandama Thangkhuma

C. Lalhruaizela

Email: olivenewsletter@gmail.com

Chhiar leh download duh tan:

www.scribd.com/Olivenewsletter/documents

Olive Variety

KOHHRAN CHHUNGKUA

NPSS-in Wonder la-ah outing nei Pu Lalrokhuma Pachuau ṭhahnem ngaihna avangin Naupang Sunday School chuan nimin October 18, 2014 (Inrinni)-ah khan Wonderla-ah outing an nei. Mi 70 emaw lai an kal thei a, hun hlimawm tak an hmang a, dar 7:00pm rik hma deuhin an haw leh.

Pathianni hmasa Inkhawm report October 12, 2014 (Pathianni) khan mi 6 Danzawhkim Thar lawmluh an ni a, Baptisma pakhat chantir a ni a, Lalpa Zanriah Sakramen kilho a ni bawk. Heti ang hun, serh leh sang pathum lai a ruala hman theih hi kan vawikhat hmanna a ni awm e. Mi 340 vel lai kan inkhawm thei a, a lawmawm hle.

Nau hualna neih a ni dawn October 19, 2014 (Pathianni)-ah nau hualna neih a ni dawn a. Nausen, Naupang Sunday School (NPSS) lama la kal lo, la hual loh chu NPSS lamah inkhawmpui tur a ni. --------------------------------------------------------------------- Pathianni (October 12) Inkhawm zat: 340

Kohhran Zaipawl-in Shooting nei Kohhran Zaipawl chuan vawiin (October 19, 2014 (Pathianni)) chawhma khan music video shooting tluang takin an nei thei.

KṬP Sports Kan Branch KṬP chuan hun rei tawh tak aṭanga an lo ruahman tawh angin October 24, 2014 (Zirtawpni) khian UTC-ah KṬP Sport hlimawm tak an nei dawn a. Memberte kal vek tur a ni e. Programme kimchang chu hetiang hi a ni ang.

THUPUI – It’s NOT my life

Zirtawpni (24 th October 2014) Chawhma dar 9:00am A hmun – UTC Basketball court/Parking ground Hruaitu – Leader, KṬP Bangalore Branch Hunserh – Rev. VL Krosschhuanmawia Hawnna – Rev. Lalawmpuia Hauhnar (KTP Sports hawngtu hian kekawr bul hak ngei tur a ni) Group Infiamna/Inelna turte: Group inchhiarna, Sack race, Three-legged Race, Bible Race, Spoon Race, Kawikah, Musical Chair, Tui thunkhah, Inhlamthuisiak, Football, Basketball, Volleyball, Invawmchhuah, Kohhran committee vs. KTP OB

Chawhnu hun: Dar 2:00pm. A hmun – T-3 Hall Hruaitu – Assistant Leader, KṬP Bangalore Branch Thusawi Tawi – Bialtu Pastor Group Infiamna/Inelna: Extempore-skit, Group Zaipawl, Elocution (Thupui – It’s NOT my life). Group tin atangin special item neih tur a ni (solo ni lo) Praise & Worship

*Hemi ni hian chawchhun tui tak eiho tur a awm anga. Breakfast ei hman lo tan pawh breakfast lei tur tui tak a awm bawk ang.

KṬP Group pathuam – Isaia, Ezekiela, Jeremia te list hi tarchhuah a ni a. Facebook lama Kohhran groupah leh events ah te tarlan a ni. Kan lo ngaihtuah theuh dawn nia. Group a lang lo palh te kan lo awm mai thei a, siamrem zel a ni ang.

Volume IV Issue No. 42 OLIVE 19th October 2014 3

NITIN LALPA NEN (Bible chang tarlan hi nitina i chhiar zel chuan kum khat

chhungin Bible i chhiar chhuak ngei bawk dawn a ni.)

October 19 Pathianni

Jer. 33:1–34:22 1 Tim. 4:1–16

Ps. 89:1–13 Prov. 25:23–24

October 20 Thawhṭanni

Jer. 35:1–36:32 1 Tim. 5:1–25

Ps. 89:14–37 Prov. 25:25–27

October 21 Thawhlehni

Jer. 37:1–38:28 1 Tim. 6:1–21

Ps. 89:38–52 Prov. 25:28

October 22 Nilaini

Jer. 39:1–41:18 2 Tim. 1:1–18

Ps. 90:1–91:16 Prov. 26:1–2

October 23 Ningani

Jer. 42:1–44:23 2 Tim. 2:1–21

Ps. 92:1–93 Prov. 26:3–5

October 24 Zirtawpni

Jer. 44:24–47:7 2 Tim. 2:22–3:17

Ps. 94:1–23 Prov. 26:6–8

October 25 Inrinni

Jer. 48:1–49:22 2 Tim. 4:1–22

Ps. 95:1–96:13 Prov. 26:9–12

October 26 Pathianni

Jer. 49:23–50:46 Tit. 1:1–16

Ps. 97:1–98:9 Prov. 26:13–16

K.Ṭ.P Thil Tumte:

Isua Krista leh Amah anna kawnga Ṭhalaite hruai.

Kohhran kutke ni tura Ṭhalaite buatsaih.

Kohhran hnathawh tihpuitlin.

Krista chanchinṭha puan darh.

Olive Huan Vengtu

Tlai lam a ni a, huan vengtu chu a

huanah chuan a leng kual vel a. Chutih

lai chuan mite chu a hnenah an lo kal khawm a,

“Huan vengtu, Kohhran ropuina thuruk min hrilh

thei em? an ti a. Huan vengtu chuan, “Thei e, ka

huan aṭang hian pakhat ka han hrilh ang che u.

Huanah hian thing lian pui pui leh ngheh hmel tak

tak te, a ṭhen chu chutiang rinchhana zam chi te, te

reuh tê tê te, mawi taka par chi leh par ngai rêng

rêng lo, mahse hnah hring reng te, rah lianpui pui

nei leh te reuh tê tê nei te, thil chi tinreng an awm

khawm a ni. An zavai hian huan neitu hian a duh em

em a, thil chi hrang hrang intibuai miah si lo va an

awmkhawm avang chuan pakhat mah hi paih bo a

phal lo va, a duat em em vek a. Tuman an tih chhiat

loh nan a venghim tlat bawk a ni,” a ti a. “Chutiang

huan ropuina venhim zel chu a ṭul a nih chu,” ti

chung zelin mite chu an ṭin ta a.

---------------------------------------------------------------------------

----------------------------------------------------- A nì maw!?

%% Bible-ah hian mahni intihlum (suicide) pasarih a lang. %% 1631-a Bible chhut sual palhah chuan “I uire tur a ni” a inti a, ‘lo’ tih an lo hmaih hlauh mai. Kum 2004-a kan Kristian Hlabu hman lai hi an chhut hmasak ber khan Lalpa Tawngtaina an tisual chiang khawp bawk a, ‘Sual tura thlemnaah min hruai lut ang che’ a inti mauh mai bawk!

����☺☺☺☺ Olivet Smile ☺☺☺☺���� Naupang pakhat hi inneih inkhawmah a vawi khat kalna a ni a, a pa hnenah chuan zawhna a zawt a: Naupang: Engvangin nge hmeichhia sawn kawr var a hak? Pa: A damchhunga a hlim ber ni a nih avangin. Naupang: Nih leh engvanginge mipa sawn kawr dum a hak leh si!? ----------------------------------------------------------------

Mikhual thenkhat in lawmtu an neih laiin

thenkhat erawh an mal viau thei!

English Premier League Point Table (Top 10): (as on 19th October 2014, 8:00am)

Position Club Played GD Point 1 Chelsea 8 15 22 2 Manchester City 8 10 17 3 Southampton 8 14 16 4 West Ham 8 4 13 5 Manchester United 7 3 11 6 Arsenal 8 2 11 7 Swansea 7 2 11 8 Totenham 8 -1 11 9 Hull City 8 0 10

10 Liverpool 7 0 19 Zanina inkhel turte 06:00pm – QPR vs. Liverpool Star4 08:30pm – Stoke vs. Swansea Star4 12:30am – West Brom vs. Man United Star4 Nizana Southampton leh Sunderland inkhel chuan record an siam. Southampton chu 8-0 in an chak a, hei hi Premier League kum 93 chhunga la inhneh nasa ber record a ni.

Volume IV Issue No. 42 OLIVE 19th October 2014 4

Olive Newsletter 19th

October 2014

I Ngaihtuah Ngai Em?

Tunlaiin Bangalore ah

leh India ram

hmundangah Northeast

lam miten harsatna an

tawh leh kut thlak hial

an tawn hriattur a awm

zauh zauh mai.

Kan incheidan leh kan

khawsak dan te hi kan

fimkhur deuh a, kan

awmna hnam te mit

tikham lo zawng deuha

khawsak te hi kan tihtur

leh ngaih pawimawh tur

a ni ngei ani.

Oli’t ☺☺☺☺oN

INFIAMNA