Møtebok - Formannskapet - 21.08 - Gloppen

Gloppen kommune

Møtebok

Utval Formannskapet Møtestad Formannskapssalen Dato 21.08.2019 Tid Kl. 09:30 - 15:15

Følgjande medlemar møtte Frå Leidulf Gloppestad SP Magni Aa Berge SP Bernt Reed (p) SP Svein-Ottar Sandal KRF Venke Kollbotn KRF Arnfinn Jørgen Brekke KRF Arnar Hans Kvernevik AP Gunnvor Sunde SD Bjarte Gangeskar V Andre som møtte Beate Kornberg, rådgjevar i sak 90/19 Jan Kåre Fure, rådmann Knut Roger Berge Nesdal, næringssjef i sak 71/19 Remi Lone Nilsen, økonomisjef i sakene 72-79/19 Ingvill Hestenes, dagleg leiar i Gloppen næringsorganisasjon (GN), i sak 71/19 Roger Aa Djupvik, påtroppande dagleg leiar i GN, i sak 71/19

Ugilde Sak Følgjande varamedl. møtte

Merknad

Gunnvor Sunde 086/19 Ingen Heimelen for inhabilitet er § 6, 1e i forvaltningslova.

Svein-Ottar Sandal 091/19 Ingen Heimelen for inhabilitet er § 6, 1e i forvaltningslova.

Møteleiar: Leidulf Gloppestad Underskrift:

Leidulf Gloppestad

Side 2

Sakliste Sak nr. Sakstittel 070/19 Godkjenning av møtebok, innkalling og sakliste

071/19 Referat og orienteringssaker

072/19 Rapport for 1. halvår 2019

073/19 Renovering og ombygging av Åsavegen 133 (dagsenteret) - sluttrapport og sluttfinansiering

074/19 Brannen på heradshuset - sluttrapport og sluttfinansiering

075/19 NTU-Bygget - sluttrapport og sluttfinansiering

076/19 Sluttrapport for utbygginga av breiband til Myklebustdalen og store delar av Breim

077/19 Sluttrapport for utbygginga av breiband til Byrkjelo sør og Hope (inkludert Straume, Aa og Holme)

078/19 Sluttrapport for utbygginga av breiband til Bukta og Sørstranda

079/19 Status for restutbygging av breiband i Gloppen

080/19 Brannstasjonane i Gloppen - ei orientering om pålegg frå Arbeidstilsynet

081/19 Gang- og sykkelveg Sandane-Fitje - korleis arbeide vidare med saka?

082/19 Oppretting av ekstra mellombelse barnehageplassar våren 2020

083/19 Drøfting av ulike entreprisemodellar - ei orienteringssak

084/19 Endringar i delegeringsreglementet etter 1. halvår 2018

085/19 Garasjen i Hyen - vidare arbeid

086/19 Endra selskapsavtale for Nordfjord Miljøverk IKS

087/19 Samarbeidsavtale SEKOM-sekretariatet

088/19 Felles skatteoppkrevjar for Gloppen og Stad kommunar

089/19 Språkbruksplan for Gloppen kommune

090/19 Planstrategi 2016-2020 - evaluering av planarbeid i perioden og nye planbehov

091/19 Nordfjordbrua AS - konvertering av planutgifter til aksjekapital

092/19 Ei orientering om ny kommunelov - rådmann eller kommunedirektør?

093/19 Politisk organisering for valperioden 2019-2023

Side 3

Gloppen kommune

Arkiv: FE-033

JournalpostID: 19/9343

Saksbehandlar: Jan Kåre Fure

Saksnr. Utval Møtedato

070/19 Formannskapet 21.08.2019

Godkjenning av møtebok, innkalling og sakliste Vedlegg i saka: 12.06.2019 Protokoll - Formannskapet - 12.06.2019

Ordføraren si tilråding:

1. Formannskapet godkjenner møteboka frå sitt møte den 12. juni 2019 2. Formannskapet godkjenner innkallinga og saklista til møtet den 21. august 2019.

Møteboka frå siste møtet blir lagt fram til godkjenning.

Samstundes ber ordføraren om godkjenning av innkallinga og saklista til dette møtet. Formannskapet 21.08.2019 Behandling Det blir eit ekstramøte i formannskapet i samband med kommunestyremøtet den 28. august. Det kom merknader om at sak 73/19 er lagt fram som ikkje offentleg og at vedlegget i sak 83/19 ikkje har vore tilgjengeleg. Begge deler er ein teknisk feil, som no er retta opp.

FOR- 070/19 Vedtak 1. Formannskapet godkjenner møteboka frå sitt møte den 12. juni 2019 2. Formannskapet godkjenner innkallinga og saklista til møtet den 21. august 2019. Vedtaket var samrøystes.

Side 4

Gloppen kommune

Arkiv: FE-033





Referat og orienteringssaker

Rådmannen legg ikkje fram tilråding i saka.

Referatsaker Tittel Avsendar/mottakar Visitasrapport frå bispevisitas i Gloppen 8. - 12. mai 2019 Biskopen i Bjørgvin Protokoll frå generalforsamling i Sogn og Fjordane Energi 20.juni 2019

Sogn og Fjordane Energi AS

Protokoll frå generalforsamlinga 30. juni 2019 Nordfjordbrua AS Referat frå generalforsamling 2019 Atle Støyva Slutthandsaming av kommunedelplanen Satens vegvesen region vest Uttreden av samarbeid med SEKOM-sekretariat Eid kommune Møtebok frå Nordfjordrådet sitt møte i Vågsøy 17. juni 2019

Nordfjordrådet

Handsaming av saka om Trivselshagen IKS i fylkesutvalet Styreleiar i Trivselshagen IKS Orienteringssaker: Næringsvennleg kommune - v/leiar i GN Ingvill Hestenes. Flaumen i Hyen 30. juli Presentasjon av ny økonomisjef - blir gjort i saka om halvårsrapporten. Trivselshagen IKS - kort frå eigarmøte med fylkeskommunen den 15. august i år. E39-møte på Byrkjelo 29. august i år.

Ordet fritt...

Formannskapet 21.08.2019 Behandling Leiar i Gloppen næringsorganisasjon (GN), Ingvill Hestenes, snakka om næringsvennleg kommune og samarbeid mellom næringslivet og kommunen. Næringsvennleg kommune er eit analyse- og utviklingstilbod som hjelper kommunen å kartlegge kor godt eigne tenester og service overfor næringslivet fungerer, kva som er dei viktigste forbedringspunkta og kva tiltak som best kan gjere kommunen til ein betre samarbeidspartnar for

Side 5

næringslivet. Med på orienteringa var også nytilsett dagleg leiar i GN, Roger Aa Djupvik og næringssjef Knut Roger Nesdal. Under ordet fritt... Gunnvor Sunde tok opp spørsmålet om næringssjefen bør sitje i rådmannen si leiargruppe og om stillingane som kultursjef og næringssjef bør slåast saman. Svein-Ottar Sandal tok opp spørsmålet om sommarjobb til ungdomar, som det er vanskeleg å få både i kommunen og i det private. Kommunen og næringslivet bør i fellesskap sjå på korleis vi kan bli betre på dette. Rådmannen orienterte kort om kvifor saka om å opprette ein miljøpris ikkje var lagt fram på møtet. Saka vil bli teken opp som ein del av arbeidet med klima- og miljøplanen. FOR- 071/19 Vedtak Det vart ikkje gjort vedtak i saka.

Side 6

Gloppen kommune

Arkiv: FE-212





Kommunestyret

Rapport for 1. halvår 2019 Vedlegg i saka: 14.08.2019 Rapport 1. halvår

Rådmannen si tilråding Kommunestyret tar rapporten for 1. halvår 2019 til orientering.

Saksutgreiing Bakgrunn for saka Rådmannen legg no fram rapporten for 1. halvår. Rapporten er ikkje ein fullgod halvårsrapport, hovudsakleg av to årsaker: 1 Det er for knapp tid midt i august månad å lage ein god nok rapport og 2 Den nye økonomisjefen har berre vore i arbeid hos oss i 14 dagar. Om rapporten Halvårsrapporten er endra ein god del frå fjorårets rapport, og vil bli endra ytterlegare til neste år. For framtida vil halvårsrapporten vere grunnlaget for neste års budsjettarbeid. Det er han ikkje no. Som rekneskapane har vist siste åra, er det vesentlege avvik mellom budsjett- og rekneskapstala. Sjølv om sluttresultatet – med unnatak av 2018 – jamt over har vore akseptabelt, må vi «få slutt på» desse avvika, i alle fall for alt som ikkje er uforutsett. Rådmannen vil legge mykje arbeid i dette framover. Avvika mellom budsjettet og faktisk drift er så pass store at det ikkje råd å gjere alle budsjettendringane som må til for å rette opp budsjettet. Det må vente til 2020-budsjettet. Samla sett er den økonomiske situasjonen vesentleg betre enn på same tid i fjor, og viss vi styrer andre halvår like bra, vil vi greie å oppfylle målsettingane om overskot på drifta. Rapporten innheld ikkje nokon omtale av investeringsrekneskapen, som vart gjennomgått i budsjettrevisjonen før sommarferien. Sjukefråværet er framleis lavt samla sett, men det er aukande. Rådmannen kan ikkje svare på om auken er tilfeldig eller om den er arbeidsrelatert. Det skal vi prøve å finne ut av. --- Rapportering framover

Side 7

Rådmannen vil endre rutinane for rapportering. Vi vil halde fram med kort å orientere utvala om drifta på kvart utvalsmøte. Kommunestyret vil få rapporten for 1. kvartal på juni-møtet, og halvårsrapporten på september-møtet. Denen rapporten vil som sagt vere grunnlaget for neste års budsjettarbeid. Det blir ingen rapport for 3. kvartal/tertial, m.a. fordi denne vil kome så seint at det ikkje gjev noko meining når rekneskapen er like om hjørnet. Rekneskapen skal vere ferdig til 22. februar. Vi må legge om rutinane vesentleg for å greie å halde denne fristen. Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 072/19 Vedtak Rådmannen si tilråding vart samrøystes innstilt.

Side 8

Gloppen kommune

Arkiv: FE-614





Renovering og ombygging av Åsavegen 133 (dagsenteret) - sluttrapport og sluttfinansiering

Rådmannen si tilråding Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre.

Saksutgreiing Kort om prosjektet Dette prosjektet har vore ombygging av ein del av gamle «Nordfjordheimen». Bygget har ikkje vore fornya sidan det vart sett opp på slutten av 1970-talet. I dag blir bygget brukt til dagtilbod i psykisk helse, musikkterapi, grupper på kveldstid, møte i lag og organisasjonar m.m. Bygget var ikkje tilpassa dagens drift og var overmoden for ei oppgradering. Prosjektet kom første gongen inn på 2016-budsjettet med ei startløyving på 1,5 mill. Endeleg kostnadsoverslag vart i 2018-budsjettet sett til 12,5 mill. medrekna moms. I prosjektet har vi lagt til rette for samdrift med Solsikka (avlastningsbustader for barn) som ligg i vestre del av bygget, og i tillegg har vi bygt fire små utleigebustader for å utnytte bygningsmassen så godt som råd. Nye boder er laga til i eit frittståande bygg mot sør. Dette er einaste tilleggsarealet som er etablert. Gjennomføring av prosjektet Prosjektet vart lyst ut som generalentreprise der vi som byggherre utarbeidde teikningar og funksjonsomtalar for alle fag. Re-Bygg AS fekk byggeoppdraget og hadde med seg lokale firma for dei tekniske faga. Ved ei så stor ombygging måtte alle tekniske installasjonane skiftast og der måtte inn nytt sprinkleranlegg for heile bygget, inkludert Solsikka. I tillegg vart det betydeleg rivingsarbeid innvendig for å oppfylle krava til innemiljø (lyd, lys og luft), brann, tettheit og universell utforming. Vi fekk også pålegg om å skifte hovud-eltavla i bygget. Det var sett av om lag eitt år byggetid. Bygget framstår i dag som eit moderne og framtidsretta bygg med lyse trivelege lokale som er godt eigna til den drifta Gloppen kommune vil ha i bygget. I tillegg vil dei fire små praktiske leilegheitene gje oss inntekter framover. Byggearbeidet vart utført som planlagt og prosjektet sto ferdig 1. november 2018. Økonomiske oversikt

År Kostnad Finansiering

Momskomp. Tilskot Lån

Budsjett Rekn.skp. Budsjett Rekn.skp. Budsjett Rekn.skp. Budsjett Rekn.skp.

Side 9

2016 360 449 0 90 360 359

2017 1.506 1.489 301 297 1.205 1.203

2018 9.744 11.083 1.949 2.201 1.500 0 6.295 8.882

2019 0 102 0 18 3.471 0 0

Sum 11.610 13.132 2.250 2.606 1.500 3.471 7.860 10.444

Beløp i 1.000 kroner. Oppsummert blir kostnaden og førebels finansiering slik:

Sum utgift 13.132.977,97

Finansiering

- Momskompensasjon 2.606.014,10

- Tilskot 3.471.000,00

- Lån 10.443.496,30 16.520.510,40

Overfinansiering 3.387.532,43

Overfinansieringa skuldast sjølvsagt at statstilskotet ikkje vart utbetalt før i 2019, og at utgiftene fram til då var finansierte. Korrigert for overfinansieringa, blir låneopptaket til prosjektet til slutt kr 7.055.963,87. Rekneskapsmessig blir overfinansieringa førebels avsett til ubunde investeringsfond, og brukt til å redusere lånebehovet til andre prosjekt. Avvik Vi ser av oversikta at sum budsjetterte midlar er 11.610.000, medan kostnadsoverslaget i 2018-budsjettet sa 12,5 mill. Ved rekneskapsavslutning kvart år blir ubrukte lånemidlar på prosjekt som ikkje er avslutta ført over til neste år. Ved avslutninga av 2017-rekneskapen har vi ikkje hatt nok ubrukte lånemidlar til overføring på dette prosjektet. Det er forklaringa på differansen mellom 11.610.000 og 12.500.000. Med utgangspunkt i kostnadsoverslaget frå 2018-budsjettet har prosjektet ei samla overskriding på 632.978,-. Overskridinga er dekka med vesentleg større statstilskot enn rekna med, slik at nettokostnaden for kommunen til slutt vart vel 800.000 mindre enn rekna med. Beløpet kjem fram slik:

Budsjettert låneopptak 7.860.000,00

Faktisk låneopptak (etter korrigering) 7.055.963,87

Differanse 804.036,13

Budsjettendring Prosjektet kan ikkje framstå med overskot i rekneskapen. Overfinansieringa må derfor utgiftsførast på prosjektet som ei avsetning til ubunde investeringsfond. Desse budsjettendringane må gjerast på 2019-budsjettet:

Art Ansvar Teneste Prosjekt Endring Merknad

32310 8000 23400 23452 +85.000 Auka utgift

34290 8000 23400 23452 +20.000 Moms

35480 8000 23400 23452 +3.385.000 Avsetting til fond

37000 8000 23400 23452 -3.470.000 Tilskot frå Husbanken

37290 8000 84100 84150 -20.000 Momskomp.

Prosjektleiar si oppsummering Byggeprosjektet er gjennomført som planlagt, og godt innanfor nettokostnaden som vart lagt til grunn då prosjektet vart starta opp. Rådmannen si vurdering

Side 10

Rådmannen har ingen spesielle merknader til sluttrapporten. Taloversikta kan virke litt forvirrande, er forhåpentlegvis råd å forstå. I ettertid ser rådmannen at det ikkje vart gjort anna oppstartingsvedtak av kommunestyret enn budsjettvedtaka, seinast i samband med 2018-budsjettet. Ei eiga oppstartssak skulle sjølvsagt ha vore lagt fram. Husbanken har ikkje heile tida vore innstilt på å støtte prosjektet heilhjarta, men vi har ikkje gjeve oss, og fekk til slutt Husbanken med på heile prosjektet. Det gav oss nesten 2 mill. meir i tilskot enn rekna med. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen si saksutgreiing og godkjenner sluttrapporten på prosjekt 23452 – renovering/ombygging av Åsavegen 133 (dagsenter) med ei samla utgift på kr 13.132.977,97 fordelt på rekneskapsåra 2016-2019. Samla kostnad blir finansiert slik: - Momskompensasjon kr 2.606.014,10 - Tilskot frå Husbanken kr 3.471.000,00 - Lån kr 7.055.963,87. Budsjettet for 2019 blir endra som vist i rådmannen si samsframstilling. Prosjekt 23452 – renovering/ombygging av Åsavegen 133 (dagsenter) er dermed avslutta.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 073/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre. Vedtaket var samrøystes.

Side 11

Gloppen kommune

Arkiv: FA-M70, HIST-16/985


Saksbehandlar: Kjell Petter Solhaug



Brannen på heradshuset - sluttrapport og sluttfinansiering

Kort samandrag av saka Dette er ein sluttrapport om istandsettinga av Gloppen heradshus etter brannen 11. august i 2016. Sluttrekneskapen viser at heile prosjektet kosta til saman nesten 50,7 mill. inkl. moms. Av dette er forsikringsdelen på nesten 25,6 mill. inkl. moms, ført på drifta i 2016-2018 og beløpet er dekka av forsikringa. Kommunen sin kostnad på 25,1 mill inkl. moms er ført som investering i perioden 2017-2019. Fråtrekt momskompensasjonen blir kommunen sin nettokostnad 20,3 mill.


Saksutgreiing Kort om prosjektet Natt til 11. august 2016 vart vestre delen av heradshuset totalskada av brann. Istandsettinga av bygget har vore omfattande og tidkrevjande. Det tok nokså nøyaktig to år før huset kunne takast i bruk igjen. Kommunestyret behandla i sak 18/17 ei sak om kostnader knytt til oppgradering av heradshuset etter brannen. Vedtaket i denne saka var følgjande:

1. Kommunestyret godkjenner planane for ny kommunestyresal i heradshuset 2. Kommunestyret godkjenner at det blir gjennomført ei oppussing av heile heradshuset, som

også omfattar dei delane av bygget som ikkje blei skadd av brannen. Kostnaden og finansieringa av dette blir lagt inn i revidert 2017-budsjett og økonomiplanen fram til 2021.

3. Kommunestyret ber om at det vert teke ei ny vurdering på bruk av vassboren varme i heradshuset, gjerne i samarbeid med andre aktørar i Sandane sentrum.

4. Kommunestyret ber formannskapet setje ned ei nemd som ser på kunstnerisk utsmykking av heradshuset i etterkant av ombygginga. Vedtaket var samrøystes.

I budsjettet for 2018 står det at dei samla kostnadene for istandsetting av heradshuset er om lag 27,8 mill. inkl mva, med ei fordeling på 40/60 mellom Protector (forsikringsselskapet) og Gloppen kommune. Andelen til kommunen blir då 16,7 mill. inkl. mva, tilsvarande 13,4 mill. eks. mva. Beløpet som vart lagt til grunn i 2018-budsjettet var mangelfult. Kostnaden på 27,8 mill. var istandsetting av sjølve heradshuset, inkl. bygningsmessige oppgraderingar som kommunen sjølv hadde valt. Andre kostnader var ikkje med i dette talet sidan omfanget av heile prosjektet ikkje var avklara på dette tidspunktet.

Side 12

Gjennomføring av prosjektet Tala som er utheva i teksten nedanfor blir nytta i samandraget for å få fram det totale kostnadsbildet. Sjølve anbodsrunden knytt til alt av bygningsmessige arbeid på heradshuset blei lagt opp på ein slik måte at det skulle gje det lokale næringslivet høve til å kunne delta. Kommunen nytta ekstern hjelp til utarbeiding av anbodsgrunnlag og nye planløysingar, inkludert interiør, og kostnaden på dette arbeidet var på kr 1.358.702,- eks. mva. Anboda som blei utarbeidde omfatta istandsetting av heile heradshuset, både det som var skada i brannen, det som skulle rehabiliterast og det som forsikringsselskapet skulle dekke. Arbeidet blei delt i seks ulike anbod, og etter ei evaluering blei arbeidet fordelt på tre ulike firma. Samla anbodssum var på 21.256.486 eks. mva. Som ein del av evalueringsarbeidet blei det gjort ei fordeling av anbodssummen på litt over 21,2 mill. eks mva. mellom Gloppen kommune og forsikringsselskapet. Kostnader til byggjeleiing (kr 310.000 [50/50]) og risiko (kr 450.000 [100% til Protector]) blei også fordelt. Den totale fordelinga blei då på 9.939.303 (43,9%) til Protector og 11.922.183 (56,1%) til Gloppen kommune, eks. mva. Til vår del av kostnaden la vi på 6 % usikkerheit og (715.331) og halvparten av byggeleiinga (155.000). Kommunen sin del vart då totalt 12.792.514. Under arbeidet med istandsetting av heradshuset kom det til følgjande endringar:

Sak Kostnad Kommentar

Bygningsmessige endringar 1.166.137 Endra omfang av dører, dørautomatikk, lås, endring av innerdører/glassfelt, (totalt 55 stk. endringar)

Endringar elektro 1.371.409 Adgangskontroll, AV-utstyr i kommunestyresal, endra brannalarmanlegg, suppleringsarbeid etter tilbakeflytting, (totalt 16 stk endringar)

Diverse 61.066 Heiskontroll, folie på glassveggar på kontor, straum

Sum 2.598.612

Rådmannen legg ikkje skjul på at det har vore eit utfordrande prosjekt å holde tunga beint i munnen på, sidan det parallelt med istandsettingsarbeidet også har gått føre seg eit forsikringsoppgjer. Det kan nemnast at berre sjølve forsikringsoppgjeret har omfatta ni ulike delområde, som skulle handterast i tillegg til byggearbeidet. Dei ulike delområda er opplista under. Den viser også differansen mellom krav frå kommunen og utbetaling frå forsikringsselskapet.

Forsikringsoppgjer Krav frå GK

Avtalt Diff. Kommentar

Skadebegrensning/første-innsats

4.585.323 Dette blei styrt heilt og fult av Protector og dette beløpet ha aldri vore omtvista

Bygg 9.644.275 9.939.303 Sjå kommentar over

Krav knytt til berging av arkivverdige dokument

906.938 825.000 81.938

Krav knytt til timeforbruk eigne tilsette

532.850 400.000 132.850 Tapt arbeidsforteneste ved mykje flytting og flyttehjelp

Krav knytt til datautstyr 679.656 679.656 0 Kjøp av nytt for det som blei skada

Krav knytt til inventar m.m. på heradshuset

639.000 639.000 0 Skada inventar og kunstverk

Fortsatt drift* 3.515.115 2.873.880 641.235 Kostnad ved å vere utanfor heradshuset.

Side 13

Forsikringsselskapet dekte 19 av 22 mnd.

Datarom 559.000 518.000 41.000 Bygging av nytt datarom på heradshuset, sidan det også styrte datatrafikken utanfor huset og måtte erstattast umiddelbart.

Tilbakeflytting 170.000 170.000 0 Flytting frå Søreide til heradshuset

Sum 20.630.162 897.023

Den totale utbetalinga frå Protector var på 20.630.162 minus eigenandelen på 50.000, altså vart utbetalinga kr 20.566.593,-. Differansen i kollonnen til høgre på kr 897.023 måtte dekkast av Gloppen kommune og inngår i det totale kostnadsbildet. Oppsummering. I tabellen under er det gjort ei samanstilling av dei tala som er gått gjennom ovanfor:

Tekst Kostnad

Kostnad til arkitekt, interiørarkitekt og rådgjevarar 1.358.702

Kostnadsfordeling etter anbodsrunde 12.792.514

Endringar gjennom byggeperioden 2.598.612

Kostnader som ikkje blei dekt av forsikringsselskapet 897.023

Nytt inventar på heile heradshuset 2.176.069

Ekstra lønn før på prosjekt 285.660

Sum 20.108.580

I tillegg kjem til saman 191.329,71 i kostnader på diverse småpostar, slik at samla kommunal kostnad blir 20.299.909,71. Dette er 6.639.909,71 over det budsjetterte. Økonomisk oversikt For investeringsdelen av prosjektet, som altså er kommunen sin del, ser rekneskapstala slik ut:


Momskomp. Fond Lån Sum

Budsjett Rekn.skp Budsjett Rekn.skp Budsjett Rekn.skp Budsjett Rekn.skap Budsjett Rekn.skp

2017 3.125 5.440 -625 -1.037 0 0 -2.500 -4.403 -3.125 -5.440

2018 13.575 19.368 -2.715 -3.760 0 0 -10.860 -15.609 -13.575 -19.368

2019 375 328 -75 -39 -300 -288 0 0 -375 -328

Sum 17.075 25.136 -3.415 -4.836 -300 -288 -13.360 -20.012 -17.075. -25.136

Beløp i 1.000 kroner. Oppsummert blir kostnaden og finansieringa slik:

Sum utgift 25.135.726,61

Finansiering:


- Bruk av ubunde inv.fond 288.379,36

- Bruk av lån 20.011.530,35 25.135.726,61

Balanse 0

Samla sett for heile istandsettinga, blir oversikta slik:

Utgift ført som drift 25.556.481,40

Utgift ført som investering 25.135.726,61

Sum utgifter 50.692.208,01

Side 14

Finansiering:


- Refusjon forsikring 20.566.593,00

- Bruk av ubunde inv.fond 288.379,36

- Bruk av lån 20.011.530,35 50.692.208,01

Balanse 0

Det er rekneskapsforskriftene som gjer at prosjektet må delast mellom drift og investering. Vi har brukt prosjektnr 13002 – brann på heradshuset på driftsdelen og prosjekt 13056 – oppgradering av heradshuset etter brann på investeringsdelen. To prosjektrekneskap har sjølvsagt ikkje gjort styringa av eit frå før av komplisert prosjekt, lettare. Avvik Samanlikna med tala som vart lagt til grunn i 2018-budsjettet er avvika vesentlege. Hovudforklaringa på dette er i første rekke at rådmannen ikkje tok nødvendige atterhald for manglane ved tala i budsjettet. Budsjettendring Det er ikkje nødvendig med budsjettendringar i 2019 som følgje av denne saka. Prosjektleiar si oppsummering Sett i ettertid på det samla beløpet, andelen til Protector og Gloppen kommune, har dette vore eit prosjekt rett over 40 mill. Sjølv om det var eit stort ønskje, både internt i organisasjonen og eksternt, om å få flytte «heim igjen» raskt, var det nødvendig å skunde seg langsamt for at alt skulle bli gjort rettast mogeleg. Grunnlaget måtte utarbeidast, nødvendige politiske avklaringar måtte takast, anbodsrunde og gjennomføring. Rådmannen si vurdering Dette prosjektet var det naturlegvis ingen som hadde sett føre seg skulle kome, og når brannen var eit faktum var det liten tvil i at dette ville bli eit omfattande arbeid som vi måtte ta tak i. Rådmannen vil takke dei tilsette på heradshuset for den positive innstillinga og haldninga som har vore vist under heile prosessen. Sjølv om vi måtte «røme» frå arbeidsplassane, var tenestetilbodet til innbyggjarane i Gloppen oppe og gjekk på måndagen, og det er imponerande når brannen var natt til torsdag. Rådmannen er trygg i at det var ei rett beslutning å pusse opp heile heradshuset, ikkje berre den delen som blei skada i brannen. Heradshuset framstår no innvendig som eit moderne kontorbygg, med mykje lys og tidsriktige fargar og interiør. Det som ikkje er så lett å sjå, er at på det elektriske anlegget er det gjort ei utskifting f.o.m. hovudtavla i kjellaren. Vidare er løysinga knytt til oppvarming endra frå elektrisk til ei vassboren løysing med ei luft til vatn varmepumpe. Ventilasjonsanlegget på huset har fått meir en dobla kapasiteten. Samanlikna med tala som vart lagde fram i 2018-budsjettet, har prosjektet ei overskriding på litt over 6,6 mill. Ved gjennomføring av arbeidet er det kome til endringar på ca. 2,5 mill., noko som utgjer ca. 20 %. Nokre av desse endringane er av kategorien uforutsett, medan andre er tilleggsbestillingar og ting som vi ikkje hadde fanga opp i anbodsdokumenta. Dei andre kostnadene på ca. 4,0 mill, som er knytte til forsikringsoppgjeret og nytt inventar på heile heradshuset, er kostnader som var ukjende på oppstartstidspunktet. Rådmannen burde sjølvsagt ha vore tydeleg på dette og teke atterhald ved oppstarten av prosjektet. Når dette er sagt, vil rådmannen likevel seie at det er gjort mykje godt arbeid i prosjektet, ikkje minst overfor forsikringsselskapet. Til slutt vart fordelinga mellom selsskapet og kommunen 50,3/49,7 – ikkje 40/60 som vi tidlegare la til grunn.

Side 15

Når no kunsten også er kome tilbake i gangane på heradshuset, er arbeidet med istandsetting av heradshuset endeleg ferdig og resultatet er blitt slik som alle kan sjå. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen si saksutgreiing og godkjenner sluttrapporten på prosjekta 13002 (forsikringsdelen i driftsrekneskapen) og 13056 (kommunen sin del i investeringsrekneskapen, med ei samla utgift på kr 50.692.208,01. Kostnaden blir finansiert slik: - Momskompensasjon kr 9.825.705,30 - Refusjon frå forsikringsselskapet kr 20.566.593,00 - Bruk av ubunde investeringsfond kr 288.379,36 - Lån kr 20.011.530,35. Prosjekt 13002 – brann på heradshuset og prosjekt 13056 – oppgradering av heradshuset etter brann er dermed avslutta.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 074/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre. Vedtaket var samrøystes.

Side 16

Gloppen kommune

Arkiv: FE-614, HIST-16/1408





NTU-Bygget - sluttrapport og sluttfinansiering


Saksutgreiing Kort om prosjektet Kommunestyret fatta følgjande vedtak i sak 42/18:

1. Kommunestyret viser til rådmannen si saksutgreiing og godkjenner at Gloppen kommune byggjer det såkalla NTU-bygget på Faleideflata innanfor ein totalkostnad på 32,9 mill, pluss moms.

2. Kommunestyret vedtek å ta opp inntil 32,9 mill i lån til prosjektet. Rådmannen får fullmakt til å ta opp lånet.

3. Rådmannen får fullmakt til å gjere nødvendige budsjettendringar på 2018-budsjettet. 4. Kommunestyret godkjenner for sin del vedlagde utviklingsavtale mellom kommunen og

Strukturplast AS.

Vedtaket var samrøystes. Bygging av NTU-bygget er no avslutta og Strukturplast AS tok bygget i bruk 1. april 2019. Gjennomføring av prosjektet Utviklingsavtalen som blei godkjent i sak 42/18 gav føringar på korleis sjølve byggeprosessen skulle gjennomførast, med kommunen som byggherre. Strukturplast AS har vore halden fortløpande orientert og teken med på dei avklaringane som var nødvendig undervegs. Bygginga blei gjennomført som ein totalentreprise med Opal Entreprenør AS som totalentreprenør. Samspelet mellom dei involverte partane gjennom byggeprosessen har fungert godt, og det ferdige resultatet ser tilforlateleg ut med tanke på at det er eit stort industribygg. Ved starten av prosjektet var det inkludert ein post for uventa kostnader på 2 %, tilsvarande kr 644.474,-. Når prosjektet no er avslutta blei kostnadene til endringar på kr 871.110,-, ein auke på kr 226.636,-. Byggeprosjektet er gjennomført i samsvar med tilbodsgrunnlaget som låg til grunn for konkuransen. I byggetida er det kome til totalt 27 endringar til ein samla kostnad på 871.110,-. Dei aller fleste av desse endringar er tilleggsbestillingar som Gloppen kommune og Strukturplast AS har bestilt. Så er det nokre endringar som viste seg naturleg å gjennomføre etter kvart som bygginga skreid fram. Eit døme på dette er meir asfaltering mellom nytt og gamalt bygg for å ta opp høgdeforskjell, til ein kostnad på kr. 150.000,-. Strukturplast AS og Gloppen kommune er einige i dei endringane som er gjennomførte, og

Side 17

kostnadsauken inngår i dei totale kostnadene i prosjektet, som igjen er grunnlaget for utrekning av årleg leige til Strukturplast AS. Basert på dei føringane som låg til grunn i utviklingsavtalen skal Strukturplast AS dekkje alle kostnadane til Gloppen kommune, også dei auka kostnadene til endringar. Leigeavtalen med Strukturplast AS vart godkjent på kommunestyremøtet den 19. juni i år. Økonomisk oversikt


Fond Lån Sum

Budsjett* Rekn.skp Budsjett Rekn.skp Budsjett Rekn.skp Budsjett Rekn.skp

2017 0 45 0 0 0 -45 0 -45

2018 17.900 18.346 0 0 -17.900 -18.346 -17.900 -18.346

2019 15.000 14.734 0 -225 -15.000 -14.510 -15.000 -14.734

Sum 32.900 33.125 -225 -32.900 -32.900 -32.900 -33.125

Beløp i 1.000 kroner. * Budsjett-talet for 2018 er korrigert i samsvar med revidert 2019-budsjett, der det er lagt til grunn at 2019-løyvinga er 15 mill. av totalløyvinga på 32,9 mill. Det er teke opp eit eige lån til NTU-bygget på 32,9 mill. Sluttrekneskapen viser ein totalkostnad på 33.124.268,73, altså ei overskriding på kr 224.646,73. I samband med sluttfinansieringa tilrår rådmannen at dette beløpet blir dekka av ubunde investeringsfond, slik at vi ikkje brukar av andre lån til prosjektet. Då blir sluttfinansieringa slik:

Sum utgift 33.124.646,73

Finansiering:

Bruk av lån 32.900.000,00

Bruk av ubunde inv.fond 224.646,73 33.124.646,73

Balanse 0

Rekneskapen er ført på prosjekt 32570 – NTU-bygget. Avvik Det er ei samla overskriding på prosjektet på om lag 225.000. Dette er forklart under kapitlet om gjnnomføring av prosjektet. Budsjettendring Det bør gjerast ei mindre budsjettendring i 2019 i samsvar med det som er sagt ovanfor om bruk av ubunde investeringsfond kontra auka bruk av lån, slik:

Art Ansvar Teneste Prosjekt Beløp Merknad

32331 8000 32500 32570 -265.000 Redusert utgift

39100 8000 32500 32570 +490.000 Redusert låneopptak

39480 8000 32500 32570 -225.000 Bruk av fondet

Prosjektleiar si oppsummering Dette har vore eit greitt prosjekt, som har gått etter planen. Samspelet mellom dei involverte partane gjennom byggeprosessen har fungert godt heile vegen, og det ferdige resultatet er veldig bra. Vi har fått eit stort og fint og godt tenleg industribygg. Rådmannen si vurdering Rådmannen har ikkje noko legge til. Den vesle overskridinga som er på prosjektet vil bli dekka inn i husleiga på bygget. Leigeavtalen mellom Gloppen kommune og Strukturplast AS blei som sagt godkjent av kommunestyret den 19. juni i år, i sak 31/19. Kommunen sin innsats i dette prosjektet vil forhåpentlegvis gje oss fleire arbeidsplassar og

Side 18

innbyggarar, og vi er med på ei spennande industrisatsing. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen si saksutgreiing og godkjenner sluttrapporten på prosjekt 32570 - NTU-bygget med ein samla kostnad på kr 33.124.646,73 fordelt på rekneskapsåra 2017-2019. Samla kostnad blir finansiert slik: - Bruk av lån kr 32.900.000,00 - Bruk av ubunde investeringsfond kr 224.646,73. Budsjettet for 2019 blir endra som vist i rådmannen si saksframstilling. Prosjekt 32570 – NTU-bygget er dermed avslutta.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 075/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre. Vedtaket var samrøystes.

Side 19

Gloppen kommune

Arkiv: FA-N64, HIST-14/1551


Saksbehandlar: Geir Liavåg Strand



Sluttrapport for utbygginga av breiband til Myklebustdalen og store delar av Breim Vedlegg i saka: 07.02.2019 Flyer Myklebustdalen Breim


Saksutgreiing Kort om prosjektet Breibandutbygginga i Myklebustdalen og store delar av Breim er eit spleiselag mellom innbyggjarane, staten (gjennom Nasjonal Kommunikasjonsmyndighet - NKOM), Sogn og Fjordane fylkeskommune og Gloppen kommune. Etter ei open anbodskonkurranse vart utbyggingskontrakta tildelt Enivest. Kontrakta hadde ei økonomisk ramme på 3.345.000 kr og utbygginga skulle vere ferdig i desember 2017. Kommunestyret vedtok 17.06.2016 å løyve midlar til prosjektet. I tillegg stilte kommunen garanti for utbyggar for brukarbetaling. Løyvinga og eventuell garanti skulle dekkast av disposisjonsfondet. Gjennomføring av prosjektet Prosjektet tok lenger tid enn planlagt og vart først ferdigstilt i desember 2018. Utbygginga er fullført innanfor den avtalte økonomiske ramma. Det er tilrettelagt for at 693 husstandar får fiberdekning og per 01.01.2019 har 311 husstandar kopla seg på fiberen. Talet på husstandar som tar i bruk fiberen aukar. Dei nye brukarane betalar utvida eigendel til kommunen. Økonomiske konsekvensar for kommunen Kommunestyret vedtok å løyve inntil 756.050 til breibandutbygging i Myklebustdalen og store delar av Breim. I tillegg stilte kommunen garanti for utbyggar for inntil 2.065.000 kr i brukarbetaling. Løyvinga og eventuell garanti skulle dekkast av disposisjonsfondet. Etter at dette vedtaket vart gjort, søkte og fekk kommunen meir statlege midlar til prosjektet og kommunestyret vedtok 19.12.2016 (i sak 107/16) å omdisponere 100.000 kr av desse midlane til breibandprosjektet i Byrkjelo sør og Hope slik at tilskotet vart redusert til 656.050 kr. Summerte utgifter og inntekter 2016-2019 på prosjektet (prosjektnr 28503):

Kjøp frå andre 836.250

Mva 836.251

Overf til andre 2.508.750

Side 20

Sum utgifter 4.181.251

Refusjon frå stat 497.165

Mva-refusjon 836.251

Brukarbetaling 1.808.000

Sum inntekter 3.141.416

Nettoutgift så langt 1.039.835

Nettoutgift for kommunen per i dag er altså 1.039.835 kr, der 656.050 kr er tilskot og 383.785 kr er utløysing av garanti. Dersom fleire på Breim koplar seg på nettet, vil garantisummen bli redusert. Ei kort oppsummering frå prosjektleiar Økonomisk har prosjektet halde seg innanfor rammene på utgiftssida. Inntektene er noko mindre enn budsjettert. Kommunen har garantert for utvida eigenbetaling. I kommunestyrevedtaket er den kommunale garantien sett til maksimalt 2.065.000 kr. Eg ser no at dette talet er for lågt då eg i saksutgreiinga har utegløymt innbyggjane i Myklebustdalen i garanti-reknestykket. Maksimal garanti skulle vore sett til 2.191.785 kr. Eg vil med dette orsake dette overfor kommunestyret. Brukarbetalinga så langt er på 1.808.000 kr og dersom vi skulle ha utløyst garantien i dag, ville denne vore på 383.785 kr. Kommunen vil halde fram med å krevje inn utvida eigenbetaling for dei som tar fiberen i bruk, så det endelege garantiansvaret vil bli mindre. Prosjektet vert no sperra for nye utgifter, men vil vere ope for nye innbetalingar. Prosjektet vart eitt år forseinka med dei ulempene det fekk for innbyggjarane og utbyggjar. Rådmannen si vurdering Rådmannen er glad for at prosjektet no er ferdigstilt og meiner at dei som bur på Breim no har fått ei god og framtidsretta løysing. Hovuddelen av kostnadane er det brukarane sjølve som har dekka, med bidrag frå staten og kommunen. Prosjektet har sikra at det er ført fiber fram til alle eigedomar, sjølv om ikkje alle har tatt løysinga i bruk. Dette har kommunen betalt for og rådmannen vil difor tilrå at dei som koplar seg på framover også skal betale kommunal eigendel. Rådmannen tilrår difor at prosjektet vert lukka på utgiftssida, men at det framleis er ope på inntektssida. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen si saksutgreiing og godkjenner sluttrapporten for prosjekt 28503 - Breiband til Myklebustdalen og store delar av Breim, med ein totalkostnad på kr 4.181.251. Prosjekt 28503 blir avslutta på utgiftssida.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 076/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre.

Side 21

Vedtaket var samrøystes.

Side 22

Gloppen kommune






Sluttrapport for utbygginga av breiband til Byrkjelo sør og Hope (inkludert Straume, Aa og Holme) Vedlegg i saka: 26.06.2019 Flyer - Hyen, Hope, Aa, Holme, Byrkjelo Sør


Saksutgreiing Kort om prosjektet Breibandutbygginga i Byrkjelo Sør og Hope (inkludert Straume, Aa og Holme) er eit spleiselag mellom innbyggjarane, staten (gjennom Nasjonal Kommunikasjonsmyndighet - NKOM), Sogn og Fjordane fylkeskommune og Gloppen kommune. Etter ei open anbodskonkurranse vart utbyggingskontrakta tildelt Enivest. Kontrakta hadde ei økonomisk ramme på 2.954.900 kr og utbygginga skulle vere ferdig i desember 2018. Kommunestyret vedtok 19.12.2016 å løyve midlar til prosjektet. I tillegg stilte kommunen garanti for utbyggar for brukarbetaling. Løyvinga og eventuell garanti skulle dekkast av disposisjonsfondet. Gjennomføring av prosjektet Prosjektet vart ferdigstilt i desember 2018 i samsvar med kontrakta. Utbygginga er fullført innanfor den avtalte økonomiske ramma. Det er tilrettelagt for at 173 husstandar får fiberdekning og per 01.05.2019 har 87 husstandar kopla seg på fiberen. Talet på husstandar som tar i bruk fiberen aukar. Dei nye brukarane betalar utvide eigendel til kommunen. Økonomiske konsekvensar for kommunen Kommunestyret vedtok å løyve inntil 994.900 til breibandutbygging i Byrkjelo sør og Hope. I tillegg stilte kommunen garanti for utbyggar for inntil 497.000 kr i brukarbetaling. Løyvinga og eventuell garanti skulle dekkast av disposisjonsfondet. Summerte utgifter og inntekter 2016-2019 på prosjektet (prosjektnr 28504):

Mva 738.725



Refusjon frå stat 1.463.724


Brukarbetaling 324.000


Side 23

Nettoutgift så langt 1.167.176

Nettoutgift for kommunen per i dag er altså 1.167.176 kr, der 994.900 kr er tilskot og 172.276 kr er utløysing av garanti. Dersom fleire i området koplar seg på nettet, vil garantisummen bli redusert. Ei kort oppsummering frå prosjektleiar Økonomisk har prosjektet halde seg innanfor rammene på utgiftssida. Inntektene er noko mindre enn budsjettert. Brukarbetalinga så langt er på 324.000 kr og dersom vi skulle ha utløyst garantien i dag, ville denne vore på 172.276 kr. Kommunen vil halde fram med å krevje inn utvida eigenbetaling ei tid framover så det endelege garantiansvaret vil bli mindre. Prosjektet vert no sperra for nye utgifter, men vil vere ope for nye innbetalingar. Rådmannen si vurdering Rådmannen er glad for at prosjektet no er ferdigstilt og meiner at dei som bur i Byrkjelo sør og Hope, Straume, Aa og Holme no har fått ei god og framtidsretta løysing. Hovuddelen av kostnadane er det staten, fylkeskommunen og kommunen som har dekka, med bidrag frå brukarane. Prosjektet har sikra at det er ført fiber fram til alle eigedomar, sjølv om ikkje alle har tatt løysinga i bruk. Dette har kommunen betalt for og rådmannen vil difor tilrå at dei som koplar seg på framover også skal betale kommunal eigendel. Rådmannen tilrår difor at prosjektet vert lukka på utgiftssida, men at det framleis er ope på inntektssida. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen sai saksutgreiing og godkjenner sluttrapporten for prosjekt 28504 -Breiband til Byrkjelo sør og Hope, med ein totalkostnad på kr 3.693.625. Prosjekt 28504 blir avslutta på utgiftssida.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 077/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre. Vedtaket var samrøystes.

Side 24

Gloppen kommune






Sluttrapport for utbygginga av breiband til Bukta og Sørstranda Vedlegg i saka: 27.06.2019 Flyer for breibandsutbygginga i Bukta og på Sørstranda


Saksutgreiing Kort om prosjektet Breibandutbygginga i Bukta og på Sørstranda er eit spleiselag mellom innbyggjarane, og Gloppen kommune. Etter ei open anbodskonkurranse vart utbyggingskontrakta tildelt Enivest. Kontrakta hadde ei økonomisk ramme på 1.683.000 kr og utbygginga skulle vere ferdig i oktober 2018. Kommunestyret vedtok 14.11.2016 å løyve midlar til prosjektet. I tillegg stilte kommunen garanti for utbyggar for brukarbetaling. Løyvinga og eventuell garanti skulle dekkast av disposisjonsfondet. Dersom innbetalingane frå innbyggjarane vert større enn kommunen sine utgifter, skal overskytande midlar overførast til utviklingslaget. Gjennomføring av prosjektet Prosjektet tok litt lenger tid enn planlagt og vart ferdigstilt i april 2019. Utbygginga er fullført innanfor den avtalte økonomiske ramma. Det er tilrettelagt for at 371 husstandar får fiberdekning og per 01.05.2019 har 239 husstandar kopla seg på fiberen. Økonomiske konsekvensar for kommunen Kommunestyret vedtok å løyve inntil 399.000 til breibandutbygging i Bukta og på Sørstranda. I tillegg stilte kommunen garanti for utbyggar for inntil 1.284.000 kr i brukarbetaling. Løyvinga og eventuell garanti skulle dekkast av disposisjonsfondet. Summerte utgifter og inntekter 2017-2019 på prosjektet (prosjektnr 28505):

Mva 420.750




Brukarbetaling 1.422.000


Nettoutgift så langt 261.000

Side 25

Nettoutgift for kommunen per i dag er altså 261.000 kr. Ei kort oppsummering frå prosjektleiar Økonomisk har prosjektet halde seg innanfor rammene på utgiftssida. Då svært mange av dei som bur i Bukta og på Sørstranda har tatt løysinga i bruk, er inntektene noko høgare enn rekna med. Per i dag er kommunen sine nettoutgifter 261.000 kr. Brukarbetalinga så langt er på 1.422.000 kr og nettoutgift for kommune ville vore på 261.000 kr om vi avslutta prosjektet no. Kommunen vil halde fram med å krevje inn utvida eigenbetaling ei tid framover så den endelege kommunale utgiftene vil bli mindre. Prosjektet vert no sperra for nye utgifter, men vil vere ope for nye innbetalingar. Prosjektet vart to-tre månader forseinka med dei ulempene det fekk for innbyggjarane og utbyggjar. Rådmannen si vurdering Rådmannen er glad for at prosjektet no er ferdigstilt og meiner at dei som bur i Bukta og på Sørstranda no har fått ei god og framtidsretta løysing. Hovuddelen av kostnadane er det brukarane sjølve som har dekka, med bidrag kommunen. Prosjektet har sikra at det er ført fiber fram til alle eigedomar, sjølv om ikkje alle har tatt løysinga i bruk. Dette har kommunen betalt for og rådmannen vil difor tilrå at dei som koplar seg på framover også skal betale kommunal eigendel. Rådmannen tilrår difor at prosjektet vert lukka på utgiftssida, men at det framleis er ope på inntektssida. --- Saka blir i første omgang lagt fram for formannskapet til orientering sidan kontrollutvalet ikkje har kome med uttale i saka. Når denne ligg føre, vil rådmannen legge fram saka på nytt med slik tilråding: «Kommunestyret viser til rådmannen si saksutgreiing godkjenner sluttrapporten for prosjektet 28505 -Breiband til Bukta og Sørstranda, med ein totalkostnad på kr 2.103.750. Prosjekt 28505 blir avslutta på utgiftsida.» Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 078/19 Vedtak Formannskapet tar saka til orientering, og vil kome med innstilling til kommunestyret når kontrollutvalet sin uttale ligg føre. Vedtaket var samrøystes.

Side 26

Gloppen kommune

Arkiv: FA-N64





Kommunestyret

Status for restutbygging av breiband i Gloppen

Rådmannen si tilråding Kommunestyret tar statusrapporten for restutbygging av breiband i Gloppen til orientering.

Saksutgreiing Bakgrunn for saka Kommunestyret vedtok på møtet 25.04.2018 (sak 25/18) å løyve 1.018.988 kr i tilskot til breibandutbygging i dei områda i kommunen som ikkje har breiband. I kontrakten med utbyggjar skal prosjektet vere fullført innan 01.02.2020. Fakta i saka Prosjektet har bra framdrift, men status per august er at delar av prosjektet vert noko forseinka. Den reviderte framdriftsplanen til utbyggjar ser slik ut: Austredalen: 15.10.19 – 31.12.19 Vestredalen: 01.11.19 – 01.02.20 Nordstranda: 01.11.19 – 30.04.20 Breimsvatnet: 01.02.20 – 31.03.20 Resten*: 01.03.20 – 31.05.20 *omfattar Hestenesøyra, Osmundnes/Kleppenes, Skjerdalen, Devik og Eide. Økonomiske konsekvensar for kommunen Prosjektet har ei økonomisk ramme på 11.030.000 kr (eks mva) og er finansiert gjennom - 6.694.800 kr i statleg tilskot frå Norsk Kommunikasjonsmyndighet (NKOM) - 1.286.212 kr i tilskot frå Sogn og Fjordane fylkeskommune - 1.018.988 kr i kommunalt tilskot - 2.030.000 kr i brukarbetaling (5.000 kr per abonnent). Status per august 2019 er at kommunen har betalt utbyggjar 8.272.500 kr (eks mva) og har fått utbetalt tilskot frå stat/fylke på tilsaman 5.945.759 kr. Det er betalt 2.068.125 i mva som vi har fått refundert. Resten av utgiftene, tilsaman 2.326.741 kr, er finansiert med med midlar frå disposisjons-fondet. Rådmannen si vurdering Dette er eit stort og omfattande prosjekt og det siste i ei rekke med breibandprosjekt i kommunen. Prosjektet sikrar fibertilgang til (nesten) alle innbyggjarane i kommunen. Vi vert ein av dei aller første kommunane i fylket med 100 % fiberdekning. Rådmannen slår fast at prosjektet ser ut til å bli litt forseinka, men utbyggjar melder at dei har kontroll på framdrifta. Erfaringar med tidlegare utbyggingar er at fiberen kjem på plass sjølv om nokre av prosjekta har tatt noko lenger tid enn

Side 27

planlagt. Eg er difor ikkje redd for at prosjektet ikkje vert fullført og ser fram til at kommunen får 100 % fibertilgang i mai 2020. Kommunestyret får sluttrapporten for prosjektet til politisk behandling etter at prosjektet er fullført. Rådmannen vil så lage ei sak til kommunestyret som summerer opp det arbeidet som er gjort – og dei prosjekta som er gjennomførte – for å sikre breibanddekning til innbyggjarane i kommunen. Formannskapet 21.08.2019 Behandling Økonomisjef Remi Nilsen var til stades under behandling av saka. FOR- 079/19 Vedtak Rådmannen si tilråding vart samrøystes innstilt.

Side 28

Gloppen kommune





054/19 MULTEK-utvalet 15.08.2019


Kommunestyret

Brannstasjonane i Gloppen - ei orientering om pålegg frå Arbeidstilsynet Vedlegg i saka: 01.03.2017 Tilsyn - Gloppen brann og redning 01.08.2019 Tilsyn - vedtak om tvangsmulkt

Rådmannen si tilråding Kommunestyret tek saka om varsel om pålegg frå Arbeidstilsynet til orientering og er innforstått med at dette prosjektet må innarbeidast i neste økonomiplan for å unngå å kome i ein situasjon med tvangsmulkt.

Saksutgreiing Bakgrunn for saka Denne saka er ei orientering om tilsyn og pålegg frå Arbeidstilsynet knytt til dei tre brannstasjonane til Gloppen kommune og kort om staus for dei ulike stasjonane. Fakta i saka Tilsynet med Gloppen brann og redning (GBR) og dei tre brannstasjonane til Gloppen kommune går tilbake til 2016. På oppmoding har kommune ved fleire høve (06.06.2016 og 10.11.2016) sendt over dokumentasjon til Arbeidstilsynet. Kommunen fekk den 22.02.2017 oversendt ein tilsynsrapport frå Arbeidstilsynet, kor dei presiserer at rapporten er basert på den dokumentasjon og opplysningar dei har motteke frå kommunen og at dei berre har vurdert forhold relatert til eksponering for støv, gass og brannrøyk. Tilsynsrapporten frå Arbeidstilsynet ligg ved. GBR har sidan dette jobba systematisk i lag med verneombod og bedriftshelsetenesta (Kystbedriftenes helsetjeneste) for å oppfylle dei pålegga som blei gitt frå Arbeidstilsynet. Mange av pålegga er avslutta og blir ikkje omtala i denne saka. Det mest omfattande pålegget, som også gjeld alle tre brannstasjonane, er forholdet knytt til å redusere faren for at brannmannskapet blir eksponerte for helseskadeleg støv, gass og brannrøyk. Følgjande er henta frå tilsynsrapporten frå Arbeidstilsynet: Pålegg – Kjemisk helsefare – tiltak for å redusere risiko:

1. når og hvilke type personlig verneutstyr skal brukes under og ved etterslukking av ulike typer innsats/oppdrag og øvelser, herunder hvilke typer filtermasker eller friskluftsmasker som skal brukes til de ulike oppdragene.

2. hvordan verneutstyret skal renholdes, oppbevares, vedlikeholdes og når for eksempel filter skal skiftes ut.

3. bruk av og skifte av arbeidstøy og sko, samt oppbevaring og transport av forurenset arbeidstøy.

Side 29

4. personlig hygiene for å redusere eksponering ved pauser under innsats og etter innsats og/eller øvelser.

5. håndtering for å redusere eksponering og renhold av utstyr som for eksempel brannslanger, pusteapparat, utrykningskjøretøy, feieutstyr m.m., hvordan sikre at kjøretøy har «ren sone».

Pålegg – Kjemisk helsefare – plan med tiltak for å hindre/redusere kjemisk eksponering. 1. Hvilke ventilasjon som vil bli planlagt og installert, herunder mekanisk ventilasjon og avsug

ved forurensede prosesser for å hindre eksponering.

Dei fyrste fristane som Gloppen kommune fekk knytt til nemnde pålegg var sette til 15.08.2017 og 01.03.2018. Kommunen har ved fleire høve søkt om utsetjing av fristane og i brev frå Arbeidstilsynet den 29.08.2018, fekk kommunen utsett fristen til 01.06.2020. I budsjettprosessen hausten 2018 blei bygginga av brannstasjonen utsett i investeringsplanen slik at ei ferdigstilling skulle passe med innflyttinga til politiet, som er rekna til 4. kvartal 2021. For å prøve å få endane til å møtast: pålegget frå Arbeidstilsynet og vedteken investeringsplan, blei det gjennomført eit møte og synfaring med Arbeidstilsynet den 13. mai 2019. Bakgrunnen for dette var at Arbeidstilsynet ikkje tidlegare har gjennomført noko fysisk tilsyn, berre tilsyn basert på oversendt dokumentasjon. Kortversjonen av tilsynsrapporten er at fristen blei utsett til 1. oktober 2020 og at kommunen har fått vedtak om tvangsmulkt på kr 10.000 pr. virkedag (måndag til laurdag). Arbeidstilsynet meiner at Gloppen kommune hadde utsett problemet lenge nok. Vedtaket om tvangsmulkt ligg ved. Økonomiske konsekvensar for kommunen I økonomiplanen er det lagt til grunn at kommunen sin del av «blålysbygget» vil kosten om lag 27 millionar. Utleigedelen (til politiet) kjem i tillegg med om lag 16 millionar. Ingen av beløp er baserte på anna enn erfaringstal og statistikk. Kva bygget vil koste, veit vi når tilboda er komne inn. Rådmannen si vurdering Pålegget frå Arbeidstilsynet omfattar som nemnt alle brannstasjonane til Gloppen kommune, og rådmannen si vurdering er knytt til lokalisering av og talet på brannstasjonar. Organisering av brannstasjonane i kommunen Gloppen kommune har i dag brannstasjonar på Byrkjelo, Hyen og Sandane. Rådmannen ser det som naturleg og nødvendig i denne situasjonen å sjå på om det framleis er eit absolutt behov for å oppretthalde tre brannstasjonar i kommunen. Direktoratet for samfunnssikkerhet og beredskap (DSB) fekk i oktober 2012 i oppdrag å leie ei arbeidsgruppe som skulle sjå på brann- og redningsvesenets organisering og ressursar. Arbeidsgruppa leverte sin rapport i desember 2013, og denne er omtala som brannstudie. Det var ikkje nokon eintydig konklusjon i rapporten på korleis det skulle vere råd å etablere større brannvesen, men brannstudiet stod fast på at dagens tal brannstasjonar skulle bestå. Ei lokal justering innanfor gjeldane forskrifter vil vere råd å få til. Kommunen sitt beredskapsarbeid er heimla i sivilbeskyttelsesloven, brann- og eksplosjonsvernloven med tilhøyrande forskrifter. Forskrift om organisering og dimensjonering av brannvesen har i § 4-8 eit krav om at innsatstida ikkje skal overstige 10 minutt til sjukehus/sjukeheim m.m. Bufellesskapa som er etablerte på Byrkjelo og Reed, er hovudgrunnen til at brannsjefen vurderer det som nødvendig med ein eigen brannstasjon

Side 30

på Byrkjelo. Andre argument er nærleiken til industri med mange tilsette og fare for gassutslepp. På Byrkjelo er Tine Meieriet lokalisert, og dei nyttar m.a. ammoniakk i sin produksjon. Nemnde forskrift set også eit krav om at innsatstid til tettstadar (Byrkjelo) ikkje bør vere over 20 minutt og 30 minutt til annan busetnad. Denne innsatstida vil ikkje vere råd å oppnå, dersom det skal rykkast ut frå Sandane. Slik brannsjefen vurderer gjeldane krav i forskrifta, må det etablerast ei vaktordning med 4 mann på vakt, dersom stasjonen på Byrkjelo ikkje skal vidareførast. Dette vi auke driftskostnadene for kommunen betydeleg samanlikna med dagens, og blir ikkje tilrådd. Rådmannen ser det som naturleg at brannstasjonen i Hyen blir verande utan nokon ytterlegare vurderingar enn dei som er gjort ovanfor, med nærleiken til Løkjatunet, avstandane i Hyen og faren for stengde vegar m.m. --- Sidan 2016 har rådmannen jobba med eit nytt blålysbygg på Sandane, som minimum skal vere ei samlokalisering mellom politiet og GBR. Den delen av dette bygget som blir ny brannstasjon, vil då fungere som hovudbrannstasjon for GBR, og drifta av dei to andre stasjonane vil vere avhengige av at det blir bygd ein ny hovudbrannstasjon. Det er problemstillangane knytt til vaske av kle og utstyr som skal løysast på hovudbrannstasjonen for Hyen og Breim. I tillegg vil det bli ein betre plass/moglegheit for øving m.m. knytt til ny hovudbrannstasjon. Rein og urein sone må løysast lokalt på kvar enkelt stasjon. Under er det ein kort status på dei ulike stasjonane, og kva som må gjerast: Sandane Vi har fått kr 100.000 i skjønsmidlar frå Fylkesmannen Vestland knytt til eit prosjekt for å sjå på samlokalisering av nødetatane og Røde kors. Prosjektet er starta opp og er forventa ferdigstilt i september, og vil danne grunnlag for kor omfattande blålysbygget skal bli. Konklusjonane vil bli presentert i ei eiga sak. Det ligg enno ikkje føre ein signert avtale med politiet, men kommunen har motteke akseptbrev på vår føreslåtte løysing, og at dei ønskjer å inngå ei leigekontrakt med Gloppen kommune. Utkastet til leigeavtale følgde med tilbodsdokumenta frå politiet, men det står igjen å få på plass alle vedlegga til avtalen (mange detaljar) før denne kan signerast. Rådmannen reknar med at dette er klart i løpet av september. I år. Skissene til den nye brannstasjonen er komne så langt at dei vil bli presenterte og gått gjennom på eit møte med Arbeidstilsynet den 21. august. Med oss på laget har Gloppen kommune Stein Halvorsen Arkitekter frå Oslo, som har lang erfaring med denne type bygg. Vidare framdrift er å avklare det totale omfanget av prosjektet, ferdigstille teikningsgrunnlag og klargjere konkurransedokument for ein totalentreprise fram til midten av november. Kalkulasjonstid hjå entreprenørane vil vere i november/desember, med evaluering og innstilling i januar 2020. Realistisk byggestart for brannstasjonen vil vere i midten av februar, med ferdigstilling i løpet av september 2020. Prosjektet legg opp til ein byggestart, men med to ulike ferdigstillingstidspunkt, slik at lokala til politiet blir ferdigstilt i løpet av 1. kvartal 2021. Ut ifrå dagens signal vil då lokala til politiet stå utan leigeinntekt i ca. eit halvt år. Rådmannen vurderer det som fordyrande å gjennomføre utbygginga i to ulike byggjesteg. Dette vil vi få svar på i gjennomføring av konkuransen. Spørsmål knytt til lokalisering av ny brannstasjon er behandla av MULTEK-utvalet i sak 14/17 og i formannskapet i sak 063/16. Spørsmål knytt til ombygging av eksisterande brannstasjon er behandla

Side 31

av kommunestyret i sak 43/18. Rådmannen ser på spørsmåla om lokalisering og nybygg kontra opprusting av eksisterande brannsatasjon som endeleg avklara i desse sakene. Byrkjelo Her leiger kommunen areal av Centrum bensin og Bygg AS. Vi er i samtale med huseigar om kva krav som vil kome på denne stasjonen, og vi vil her som fyrste prioritet jobbe mot at huseigar byggjer ut det som vil vere kravet, og så blir kostnaden teke inn i husleiga. Det blei gjennomført eit møte med huseigar og kommunen den 16. juli i år, og huseigar er positivt innstilt til å bygge ut det vi treng. Husleiga blir så justert i forhold til dette. Det er i dag tilgang til ekstra areal på Byrkjelo både til garderobar og til ev. meir utstyr. Hyen Eigedomstilhøva i Hyen er litt samansette. Stasjonen er lokalisert på Straume ved Hopsvatnet, og består av to parsellar. Kommunen eig gbnr 28/56 og leiger resten av gbnr 28/1. Bilparken i Hyen er totalt tre bilar. Det er eit stort behov for å få skifte ut dei to eldste med ein fyrsteinnsatsbil. Arkitekt har eit forslag til korleis utfordringane knytt til rein/urein sone skal løysast, og dette vil også bli diskutert på møtet med Arbeidstilsynet den 21. august. Nye garderobar og ny og høgare bil vil utløyse eit behov for tilbygg. Dette må kome på gbnr. 28/1, og kommunen er i samtale med grunneigar om dette. Eit alternativ i Hyen er at det blir gjort ei opprydding av eigedomstilhøva slik at kommunen blir leigetakar på alt areal som er nødvendig, slik som på Byrkjelo. Rådmannen si oppsummering Gloppen kommune har, som mange andre kommunar i Noreg, brannstasjonar som ikkje tilfredstiller gjeldane krav frå Arbeidstilsynet. Til liks med brannsjefen meiner rådmannen at det ikkje vil vere forsvarleg, verken av beredskapsomsyn eller økonomisk, å endra dagens brannstasjonsstruktur. Geografien er som den er, og kravet til innsatstid må vi respektere. Vi må likevel legge til grunn at bygging av nytt blålysbygg på Sandane vil føre til endringar i drift og organisering av brannvesenet vårt – utan at stasjonar av den grunn blir lagde ned. Vi har utfordringar som må løysast på alle dei tre stasjonane, men rådmannen legg til grunn at med den framdrifta som er skissert over, vil kommunen unngå å kome i ein situasjon der varselet om tvangsmulkt blir gjennomført. Kva som skal skje med den gamle brannstasjonen på Sandane, er så langt ikkje gjennomtenkt. Vi må sjølvsagt også finne ut av dette. Rådmannen kjem ikkje til å tilrå at stasjonen blir ståande som ein garasje eller eit lager «midt i smørauget». Så mykje må vere klart… Framskundinga av investeringane på brann kan sjølvsagt få konsekvensar for andre investeringar. Det må vi kome tilbake til i økonomiplanen. MULTEK-utvalet 15.08.2019 Behandling KULT- 054/19 Vedtak MULTEK-utvalet er samd i tilrådinga. Vedtaket var samrøystes.

Side 32

Formannskapet 21.08.2019 Behandling FOR- 080/19 Vedtak Rådmannen si tilråding vart samrøystes innstilt.

Side 33

Gloppen kommune

Arkiv: FA-Q21





Gang- og sykkelveg Sandane-Fitje - korleis arbeide vidare med saka?

Rådmannen si tilråding Rådmannen legg ikkje fram tilråding i saka.

Saksutgreiing Bakgrunn for saka Den manglande gang- og sykkelvegen langs fv 615 frå Sandane til Fitje har vore tema mange gonger i formannskapet, seinast på møtet den 12. juni i år. Ordføraren svara då på eit spørsmål frå Svein-Ottar Sandal om kva kommunen kan gjere for «å få gjennomført bygging av denne vegen i nær framtid». Eit av spørsmåla som har kome opp er kommunal forskottering av prosjektet. Fakta i saka I gå- og sykkelstrategien i den fylkeskommunale transportplanen for 2018-2021 står gang- og sykkelveg langs fv 615 mellom Sandane og Fitje står på 2. plass på lista over dei fem viktigaste strekningane i fylket. Prosjektet står øvst på «marginallista for prioritering av ikkje oppstarta prosjekt» i den same planen når det gjeld gang- og sykkelvegar. Midlar til planlegging av strekninga er sett av i 2019, og i den regionale transportplanen er prosjektet kostnadsrekna til ein stad mellom 80 og 120 mill. kroner. Gloppen kommune har ikkje fått noko formelt varsel om at planarbeidet er starta opp. Vi vil derfor ikkje ha noko godkjent plan før tidlegast i 2020. Fylkeskommunen sine reglar for forskottering på fylkesveg ser slik ut: a) Det kan gjevast løyve til forskottering av investeringsprosjekt under føresetnader av at: · prosjektet er prioritert i handlingsprogram for fylkesvegnettet. · det ligg føre godkjent reguleringsplan for prosjektet b) Det kan gjevast løyve til forskottering av planleggingsmidlar under føresetnad av at prosjektet er prioritert i planleggingsprogrammet c) Forskotterar skal vere ansvarlig for å forskottere midlar utan opphald etter rekvisisjon frå fylkeskommunen slik at føresett framdrift i prosjektet kan haldast. d) Forskotteringa skal omfatte heile prosjektkostnaden inkludert : · plan og prosjekteringskostnader · prisstigning · eventuell anna kostnadsauke i byggeperioden på inntil 10 pst. av samla prosjektkostnad. e) Forskotteringssummen skal refunderast utan kompensasjon for prisstigning og renter på eventuelle lån.

Side 34

f) Refusjon av forskottet skal skje når prosjektet kjem i løyvingsposisjon i det vedtekne handlingsprogrammet. Ved ein ev. større reduksjon i det samla framtidige handlingsrommet for fylkesveginvesteringar kan refusjonstidspunktet skyvast ut i tid i inntil 2 år. g) Det skal til ein kvar tid vurderast om omfanget av forskotteringar er rimeleg i høve til dei samla rammene til fylkesveginvesteringar og i høve til at omfanget ikkje skal legge urimeleg press på kapasiteten til planlegging og på anleggsbransjen. Gang- og sykkelvegen mellom Sandane og Fitje oppfyller ikkje punkt a) i retningslinjene. Punkt b) er ikkje aktuelt sidan fylkeskommunen sjølv ha sett av midlar til planlegging. Rådmannen er kjend med at Stryn kommune ønskjer å forskottere gang- og sykkelveg langs fv 60 mellom Loen og Solvik, og at fylkeskommunen ikkje er avvisande til dette sjølv om heller ikkje denne strekninga oppfyller vilkåra i pkt a). Prosjektet mellom Loen og Solvik ligg bak Sandane-Fitje i dei fylkeskommunale planane. Så vidt rådmannen kjenner til, er spørsmålet om forskottering i Stryn ikkje avklara. Økonomiske konsekvensar for kommunen Kostnaden med bygging av gang og sykkelveg mellom Sandane (Vonheim) og Fitje er førebels rekna til ein stad mellom 80 og 120 mill. kroner. Etter bokstav e) i dei fylkeskommunale retningslinjene for forskottering vil fylkeskommunen ikkje betale renter eller kompensere for prisauke ved forskottering. I praksis vil kostnaden med ei kommunal forskottering av anlegget vere årlege renter på lånet som må takast opp. Seier vi at lånesummen er 120 mill. vil åreleg kostnad med dagens rentenivå (2,5 % p.a.) kome på om lag 3 mill. Dette er pengar kommunen må skaffe over den ordinære drifta. Rådmannen si vurdering Gang- og sykkelvegen mellom Sandane og Fitje er svært viktig å få bygt. Det er ingen usemje om dette. Rådmannen kan likevel ikkje tilrå at Gloppen kommune tar på seg noko forskotteringsansvar til prosjektet. Det har vi kort og godt ikkje råd til. Rådmannen refererte innleiingsvis til eit spørsmål Svein-Ottar Sandal har stilt i saka: «Kva strategi har Gloppen kommune for å få gjennomført bygging av denne vegen i nær framtid?» Det bør vi ta ein nærare diskusjon om. Rådmannen legg saka fram til drøfting utan nokon tilråding – men eg frårår som sagt noko forskottering. Formannskapet 21.08.2019 Behandling Ordføraren, framlegg frå Leidulf Gloppestad, Senterpartiet Gloppen kommune vil arbeide aktivt for at arbeid med gang og sykkelveg Sandane - Fitje vert starta opp. Vegen har stor trafikk og er ei av hovudinnfartsårene til Sandane. Gloppen kommune vil i arbeidet med realisering av denne vegen også sjå på moglegheiter for å få framskunda dette prosjektet, i eit spleiselag med andre aktørar. Realisering av gang og sykkelvegar i kommunen er eit av dei viktigaste grep ein kan gjera for trygge skule og arbeidsvegar og for å stimulere til meir gåande og syklande i kommunen. Avklare grunnlaget for forskottering, framlegg frå Svein-Ottar Sandal, Kristeleg Folkeparti Tillegg til framlegget frå ordføraren: Formannskapet ber rådmannen avklare med vegeigar fylkeskommunen om Gloppen kommune er i

Side 35

posisjon til eventuelt å forskottere heilt eller delvis gang og sykkelveg Sandane- Fitje.

Rådmannen gjorde merksam på at ei kommunal forskottering med bruk av lån vil påverke "minste lovlege avdrag" i kommunerekneskapen - sjølv om vi ikkje betalar avdraga. Kostnaden for kommunen vil då bli betydleg høgare enn det som går fram av saksutgreiinga. ---- Framlegga frå ordføraren og Svein-Ottar Sandal vart samrøystes vedtekne. FOR- 081/19 Vedtak Gloppen kommune vil arbeide aktivt for at arbeidet med gang- og sykkelveg Sandane - Fitje vert starta opp. Vegen har stor trafikk og er ei av hovudinnfartsårene til Sandane. Gloppen kommune vil i arbeidet med realisering av denne vegen også sjå på moglegheiter for å få framskunda dette prosjektet, i eit spleiselag med andre aktørar. Realisering av gang- og sykkelvegar i kommunen er eit av dei viktigaste grep ein kan gjera for trygge skule- og arbeidsvegar og for å stimulere til meir gåande og syklande i kommunen. Formannskapet ber rådmannen avklare med vegeigar fylkeskommunen om Gloppen kommune er i posisjon til eventuelt å forskottere heilt eller delvis gang- og sykkelveg Sandane - Fitje. Vedtaket var samrøystes.

Side 36

Gloppen kommune

Arkiv:


Saksbehandlar: Per Arne Strand



Kommunestyret

Oppretting av ekstra mellombelse barnehageplassar våren 2020

Rådmannen si tilråding Kommunestyret godkjenner at det blir etablert 12 mellombelse småbarnsplassar for våren 2020 og fram til nytt barnehageår, og opnar for at kostnaden med dette kan dekkast av disposisjonsfondet. Konkrete budsjettal vert lagt fram før budsjett 2020 er vedteke.

Saksutgreiing Bakgrunn for saka Gloppen har ikkje ledige småbarnsplassar rundt Gloppefjorden komande barnehageår. Vi har ein ledig plass i Breim. Hyen har vi plass før vi må justere bemanning. For å nå ei uttrykt politisk målsetjing om å tilby barneahageplassar utover lovkravet i barnehageloven, må vi opne opp fleire plassar. Fakta i saka Status pr. august 2019 er at vi har 12 småbarn (+/- 1 års alder) som ynskjer barnehageplass frå nyttår 2020. Litt nærmare er det eitt barn frå november 2019, 8 barn i januar og eitt barn i februar og to i mars 2020. 5 av barna har søkt i Breim, resten rundt Gloppefjorden. Vi har sendt brev til dei aktuelle foreldrene med melding om at vi vil svare i løpet av september på om dei får barnehageplass. Det handlar om at foreldre får eit så tidleg svar som mogeleg for å kunne planlegge sin kvardag, og at vi har tid til å få organisert eit barnehagetilbod om dette vert vedteke. Dette er søknader om barnehageplass til barn som etter barnehageloven ikkje har krav på plass. Anten fordi barna er fødde i desember 2018 eller seinare, eller at søknaden er komen inn etter kommunen sitt hovudopptak. Grunnen til at vi trur det berre vil vere behov for ekstra mellombelse plassar våren 2010 er tal nyfødde i 2019, samt aldersfordeling på dei barna som alt er i barnehagen, der mange går frå småbarnsavdeling til storbarnsavdeling. Status på forventa fødslar i 2019 er 57 barn, så langt vi veit pr. august. Det vil likevel vere umogeleg å vite status for barnehageopptaket for 20/21 før i mars 2020. Det er ikkje pr dags dato laga noko konkret plan for korleis vi skal organisere behovet. Det som er naturleg er å utvide plasstalet i Breim med 3 plassar på eine avdelinga i tilegg ta i bruk den plassen som alt er ledig. Det vil krevje ei ekstra stilling som fagarbeider/assistent. For Gloppefjorden er det naturlege å opprette ei småbarnsavdeling med 9 plassar. Det vil krevje lokalitetar, tilsette, utstyr og driftsmidlar. Det har så langt berre vore gjort nokre tankar om korleis dette kan gjerast og organiserast.

Side 37

Økonomiske konsekvensar for kommunen Sidan det er ikkje er klart korleis dei ekstra plassane skal organiserast, vert det vanskeleg å gje ein eksakt sum for kostnaden. Å drive ei kommunal avdeling i 7 mnd. vil koste 1,050 mill. basert på rekneskap. I tilegg vil kostnaden med lokale og utstyr kome. Skal vi kjøpe plassane med dei private vil det koste 1,4 mill med dagens satsar for ei avdeling, føresett at eksisisterande lokalitetar kan nyttast. Det betyr at kostnaden vil ligge ein plass mellom 1,3-1,5 mill for dei 9 ekstra plassane rundt Gloppefjorden. For å auke opp plassane i Breim vil det koste om lag 0,3 mill for dei 7 mnd. Samla sett er vi då oppe i 1,6-1,8 mill i totalkostnad. Til frådrag kjem foreldrebetalinga på om lag 200.000 for perioden. Rådmannen kan ikkje seie no om vi greier å finansiere dette på 2020-budsjettet. Eit positivt vedtak må derfor opne for å bruke av dosposisjonsfondet. Ein endeleg budsjettsum for kostnad vil vere klar før budsjettet for 2020 vert vedteke. Rådmannen si vurdering Rådmannen si vurdering er at behovet for småbarnsplassar er stort. Med utgangspunkt i den politiske målsettinga om å vere ein tilflyttarkommune, er det vanskeleg å seie nei til å opprette plassane. Økonomisk sett burde vi seie nei fordi vi nokså sikkert ikkje klarer å dekke ekstrakostanden innanfor ordinært budsjettramme. Spørsmålet er om vi har råd til å seie nei. For å vere attraktiv for småbarnsforeldre og tilflytting er barnehageplassar kanskje den viktigaste faktoren ved sidan av jobb og ein plass å bu. Det er viktig at vi får avklara raskt om vi skal opprette plassar til dei som har søkt per i dag. Det har med planlegging i forhold til jobb etter permisjon og andre løysingar som foreldre måtte finne om det ikkje vert barnehageplassar tilgjengeleg. Det er og viktig å få ei rask avklaring for å kunne planlegge og kunne ha på plass plassane frå 01.01.2020. Det må tilsetjast personale og lokalitetar må lagast til både ute og inne. Det er ikkje lagt fram konkrete løysingar på korleis vi skal løyse dette. Rådmannen vil legge vekt på at vi skal prøve å finne ei så rimeleg løysing som mogeleg, men det må like fullt vere tilfredstillande for dei barna som skal bruke plassane. Som ein del av arbeidet med eit eventuelt positivt vedtak må vi sondere fleire ulike løysingar, både hjå dei private og i kommunal regi. Vi må sjå på ulike måtar å løyse behovet for lokalitetar for plassane i Gloppefjordområdet. Rådmannen går difor inn for å etablere 12 mellombelse småbarnsplassar for vårhalvåret 2020. 3 ekstra plassar i Breim barnehage og 9 plassar rundt Gloppefjorden. Formannskapet 21.08.2019 Behandling Bernt Reed, som også er leiar i oppvekstutvalet, meinte saka først burde ha vore behandla i oppvekstutvalet. Framlegg frå Arnar Kvernevik (Ap) og Svein-Ottar Sandal (Krf): Kommunestyret godkjenner at det blir etablert 12 mellombelse småbarnsplassar for våren 2020 og fram til nytt barnehageår. Kostnaden med dette skal innarbeidast i 2020-budsjettet. Framlegget vart vedteke mot to røyster. FOR- 082/19 Vedtak

Side 38

Framlegget frå Arnar Kvernevik og Svein-Ottar Sandal vart innstilt mot to røyster.

Side 39

Gloppen kommune

Arkiv: FA-L40





Kommunestyret

Drøfting av ulike entreprisemodellar - ei orienteringssak Vedlegg i saka: 15.08.2019 Notat om ulike entreprisemodellar

Rådmannen si tilråding Kommunestyret tek saka til orientering.

Saksutgreiing Bakgrunn for saka I budsjettvedtaket for 2019 bad kommunestyret om å få framlagt ei sak før sommaren 2019 om organisering og val av entreprise i høve med anbodsinnhenting og bygging av større bygg og anlegg. Teknisk sjef har laga eit notat som omtalar dei mest brukte entreprisemodellane som blir nytta i Norge. Notatet ligg ved. Notatet er omfattande, og konkluderer slik:

Det finst ikkje eit fasitsvar på kva som er den rette entreprisemodellen. Eit utbyggingsprosjekt handlar å handtere risiko og denne risikoen er knytt til prosjekteringsunderlag, framdrift, økonomi, grensesnitt og koordinering av ulike faggrupper/leverandørar. Ofte kan den lønne seg at vi betalar for å få denne risikoen over på andre, som er mykje betre rusta og har erfaring med denne type arbeid.

Dei siste større utbyggingsprosjekta i Gloppen kommune har hatt følgjande entrepriseformer og kven som styrte prosjektet (kontraktsverdi eks. mva. mot utførande entreprenør(ar), kun byggekostnaden, er oppgjeve): Gloppen ungdomsskule: (eige regi - teknisk sjef) Kontraktsverdi ca. 63 mill. Variant av totalentreprise, men med mykje meir prosjektering utført av byggherren for å få avklart risiko/løysingar ved ombygging. Dette var nødvendig då det ikkje kom inn nokon tilbod ved utlysing av ei meir tradisjonell totalentreprise med teikningar og funksjonsbeskriving. Dagsenteret: (eigen regi - leiar eigedomsavd.) Kontraktsverdi ca. 11 mill. Generalentreprise, styrt av Gloppen kommune. Gjennoppbygging av Heradshuet: (eigen regi - eigen prosjektleiar i kommunen) Kontraktsverdi ca. 21 mill., 6 stk. totalentreprise. Prosjektet blei delt opp i ei totalentreprise pr. fag, for å prøve å få flest mogeleg lokale entreprenørar på bana. Renseanlegget på Byrkjelo: (eigen regi - eigen prosjektleiar i kommunen)

Side 40

Kontraktsverdi ca. 27 mill. Tre stk. delte entreprisar styrt av Gloppen kommune. Idrettsbygget i Hyen: (eigen regi - leiar eigedomsavd.) Kontraktsverdi ca. 26 mill. Generalentreprise styrt av Gloppen kommune. NTU-Bygget: (eigen regi - teknisk sjef) Kontraktsverdi ca. 33 mill. Totalentreprise med funksjonsbeskriving, teikningar og godkjent rammesøknad. Utviding av omsorgssenteret: (Innleigd hjelp til oppfølging) Kontraktsverdi ca. 65 mill. Totalentreprise med ein detaljert funksjonsbeskriving, utan teikningar. --- Dess større prosjektet er, til meir naturleg er det for ein liten byggherreorganisasjonar som Gloppen kommune å velje ein eller anna form for totalentreprise. Eit naturleg skilje vil vere om byggherren skal engasjere arkitekt slik at det blir utarbeidd eit forslag til plan- og fasadeutforming (NTU-bygget), eller om dette skal overlatast til totalentreprenøren (omssorgsbygget). Ved ein totalentreprise, kontra ein utføringsentreprise, vil totalentreprenøren legge eit påslag på alle dei faga som han har under seg. For eit stort prosjekt, vil dette kunne utgjere litt pengar. På den andre sida er det totalentreprenøren som har ansvaret for framskaffing av prosjekteringsunderlag til alle fag, koordinering mellom fag/leverandørar, grensesnittsavklaringar, risiko og økonomi. Dvs. at det er totalentreprenøren som ha ansvaret dersom det blir utført prosjekteringsfeil, og det er som regel dei utførande faga som har mengdeansvaret. Ved ei form for utføringsentreprise er det byggherren som har ansvaret for alt av prosjektering, mengdekontroll, koordineringsansvar, avklaring av grensesnitt og framdrift. Ofte skal mengdene avreknast etter faktisk utført, slik at det vil også vere ein jobb å følgje dette opp gjennom målebrev når sjølve byggearbeidet er avslutta. Formannskapet 21.08.2019 Behandling FOR- 083/19 Vedtak Rådmannen si tilråding vart samrøystes innstilt.

Side 41

Gloppen kommune






Kommunestyret

Endringar i delegeringsreglementet etter 1. halvår 2018

Kort samandrag av saka Kommunestyret vedtok 26. september 2018 siste endringane i kommunen sitt delegeringsreglement. Denne saka er ei ajourføring av reglementet etter lovendringar som er gjort gjeldande etter 2. halvår 2018 og fram til i dag.

Rådmannen si tilråding Kommunestyret viser til rådmannen si saksutgreiing og godkjenner endringane i delegeringsreglement som følgje av lovendringar som er iverksette frå 2. halvår 2018 til og med juli 2019. Kommunestyret tar til orientering dei vidaredelegeringane rådmannen har gjort.

Saksutgreiing Bakgrunn for saka Kommunestyret vedtok den 18. desember 2017 delegeringsreglementet for Gloppen kommune. Reglementet er lagt inn og blir presentert i Kommuneforlaget sitt program for delegering (KF Delegering). Dette fungerer slik at vi får melding frå forlaget om lovendringar som gjer det aktuelt/nødvendig å endre delegeringsreglementet. Slike meldingar kjem med jamne mellomrom. Rådmannen legg ikkje opp til å lage ei politisk sak kvar gong Stortinget gjer lovendringar som kan påvirke vårt reglement for delegering, men samlar i staden desse opp. No er det eit år sidan siste endringar i reglementet. Dette er ei sak om aktuelle endringar i delegeringreglementet som følgje av nye lover og sentrale forskrifter som er iverksette f.o.m. 2. halvår 2018 t.o.m. juli 2019. Ny kommunelov vil i all hovudsak blir iverksett f.o.m. konstituerande kommunestyremøte etter valet i år. For Gloppen sitt vedkomande vil dette seie at mesteparten av lova vil gjelde frå 25. september 2019. Den nye lova er lagt inn i KF Delegering, men rådmannen kjem ikkje med framlegg om delegering etter den nye lova no. Eg avventar vedtaket om politisk modell for neste valperiode og kommunestyret sitt syn på om rådmannen framleis skal vere rådmann… Endringar i reglementet etter lovendringar og nye/endra forskrifter Forureiningsforskrifta Nytt kap 18A om kommunal beredskap mot akutt forureining er kome til. Dei aktuelle paragrafane er:

· § 18A-3 Krav til kommunal beredskap – lagt til rådmannen, med vidaredelegering til teknisk sjef

· § 18A-4 Utabeiding av miljørisikoanalyse – lagt til rådmannen, med vidaredelegering til

Side 42

leiar for kommunal teknikk · § 18A-5 Utabreidinga av beredskapsanalyse – lagt til rådmannen, med vidaredelegering til

leiar for kommunal teknikk · § 18A-7 Krav om interkommunalt samarbeid – vi samarbeider gjennom IUA Nordfjord · § 18A-10 Samordning av beredskap – lagt til rådmannen, med vidaredelegering til brann-

og beredskapssjefen.

Ny adopsjonslov Lova frå 1986 er oppheva og erstatta med ny lov frå 1. juli 2018. Etter §§ 9, 19 og 23 skal kommunen medverke i adopsjonssaker etter behov. Oppgåvene er lagde til rådmannen og vidaredelegert til oppvektsjefen. Barnehagelova Vi har fått nye reglar om - om pedagogisk bemanning (§ 17a) - krav om norskkompetanse for personar med utanlandsk yrkeskvalifikasjonar (§ 18b) - forbod med bruk av klesplagg som dekkjer ansiktet (§ 18c) - barn med behov for alternativ og supplerande kommunikasjon (§ 19) - sakkunnig vurdering (§ 19d) - innhenting av opplysningar frå Folkeregisteret (§ 22a). Fullmaktene er lagde til rådmannen og vidaredelegert til oppvekstsjefen, med unnatak av fullmakta etter § 19d om sakkunnig vurdering, som er vidaredelegert til leiar for PPT. Barnevernslova er endra i fleire paragrafar, men ingen av desse fører til endringar i delegeringsreglementet. Personopplysningslova har fått ny § 12a som opnar for at offentlege styresmakter kan utlevere personopplysningar til kvarandre i arbeidet mot arbeidslivskriminalitet. Oppgåva er lagt til rådmannen og vidaredelegert til organisasjonssjefen. Skattebetalingslova er endra i fleire paragrafar, men ingen av desse fører til endringar i delegeringsreglementet. Her må reglementet ajourførast når ny avtale om felles skatteoppkrevjar med Stad kommune trer i kraft frå 1. januar 2020. Eigarseksjoneringslova er endra i § 13, men endringa fører ikkje til endringar i delegeringsreglementet. Opplæringslova er endra fleire gonger, og har fått nokre nye paragrafar. Dei nye paragrafane er:

· § 9-7 forbod mot bruk av klesplagg som dekkjer ansiktet – utøving av myndet er lagt til rådmannen og vidaredelegert til oppvekstsjefen

· § 13-5 plikt til å samarbeide med barnehagen om overgang til skulen – plikta er lagt til rådmannen og vidaredelegert til rektor

· § 15-9 rett til å innhelte nødvendige opplysningar frå Folkeregisteret – retten er lagt til rådmannen og vidaredelegert til oppvekstsjefen.

I tilllegg er det gjort endringar i §§ 4-3 til 4-7 når det gjeld lærebedrifter. Dette er aktuelt når kommunen er lærebedrift, og det er vi.

Side 43

Oppgåvene og pliktene til kommunen som lærebedrift er delegerte til rådmannen, som har delegerte desse vidare til aktuelle einingsleiarar. Det er også gjort andre endringar i opplæringslova, men desse fører ikkje til endringar i delegeringsreglementet. Helsepersonallova Etter § 33 siste ledd skal det peikast ut ein person i helseinstitusjonar som har ansvaret for å varsle barnevernet når det kan vere grunn til dette. Her er gjort to delegeringar: Einingsleiar for Gloppen omsorgssenter har ansvaret for sine pasientar (gjeld først og fremst KAD-plassane) og einingsleiar for miljøarbeidartenesta har ansvaret for dei som bur på Solsikka barneavlastningsbustad. Introduksjonslova er endra fleire gonger og har fått tre nye paragrafar. Dette gjeld

· § 25a om personregister og plikt til å registrere opplysningar – lagt til rådmannen og vidaredelegert til NAV-leiar

· § 25b med pålegg omå utlevere personopplysningar – lagt til rådmannen og vidaredelegert til NAV-leiar

· § 27a om forbod med bruk av klesplass som dekkjer ansiktet. Myndet er lagt til rådmannen og delegert vidare til NAV-leiaren når det gjeld introduksjonsprogrammet og til rektor når det gjeld opplæringa.

Endringane i lova elles fører ikkje til endringar i delegeringsreglementet. Ny forskrift om forvaltning av hjortevilt Desse delegeringane lagde inn til MULTEK-utvalet:

· § 5 om fastsetting av opning av jakt · § 6 om fastsetting av minsteareal

Desse delegeringane er lagde inn til rådmannen, og vidaredelegert til utmarksforvaltaren: · § 7 om fråvik av minstearealet · § 11 om godkjenning og endring av vald · § 14 om godkjenning og endring av bestandsområde · § 16 om godkjenning og endring av bestandsplan · § 18 om fellingsløyve* · § 32 om rapportering · § 33 om bruk av Hjorteregistteret · § 34 om misleghald av rapporteringplikt · §37 om dispensasjon.

* gjeld både for vald med godkjende bestandsplanar og for vald utan godkjende bestandsplanar. Dagens praksis er at MULTEK-utvalet gjev fellingsløyve for vald som ikkje har godkjende planar. Ny lov om folkeregistrering fører til endringar av fleire lover når det gjeld innhenting av opplysningar frå Folkeregisteret. Dette gjeld:

· Barnehagelova – ny § 22a: Fullmakta er lagt til rådmannen og vidaredelegert til oppvekstsjefen

· Gravferdslova – § 23 er endra. Fullmakta er for kommunen sin del lagt til rådmannen og vidaredelegert til organisasjonssjefen

Side 44

· Opplæringslova – ny § 15-9: Fullmakta er lagt til rådmannen og vidaredelegert til oppvekstsjefen.

Også § 43 i sosialomsorgslova er endra, men dette fører ikkje til endringar i delegeringsreglementet. Sosialtenestelova er endra i fleire paragrafar, men ingen av desse fører til endringar i delegeringsreglementet. Sikkerheitslova frå 1998 er oppheva og erstatta med ny lov gjeldande frå 1. januar 2019. Alle kommunen sine oppgåver etter lova er lagde til rådmannen og delegert vidare til organisasjonssjefen (slik det også var gjort etter den «gamle» lova). Eldrerådslova Etter § 4 skal kommunen «skipa høveleg sekretariathjelp for rådet». I samsvar med gjeldande praksis er sektretariatoppgåvene lagde til rådmannen, som har delegert desse til servicetorget v/organisasjonssjefen. Lov om interkommunale selskap Kommunestyret peikar ut kommunen sine medlemmer til representantskapet i interkommunale selskap, og kjem samstundes med framlegg til kommunale styrekandidatar som formelt sett blir valde av representantskapet. Vi er i dag med i desse IKSa: - Nordfjord Miljøverk IKS - Nordfjord Havn IKS - Trivselshagen IKS. Når det gjeld styrekandidatar til Trivselshagen IKS, har det vore rådmannen som har kome med framlegg om desse. Dette er no lagt inn i delegeringsreglementet. Skogbrukslova Heimelen for å gje sentrale forskrifter etter §§ 15, 16 og 19, alle om skogfondet, er no lagde inn i delegeringsprogrammet. Kommunen sine oppgåver etter sentrale forskrifter er delegerte til rådmannen som har vidaredelegert desse til utmarksforvaltaren. Helsetilsynslova er ny frå 1. juli i år, og erstattar lova frå 1984. I den nye lova er alle som yter helse- og omsorgstenester pålagde å opprette internkontrollsysten (§ 5), varsle tilsynsmyndet om alvorlege hendingar (§ 6) og gje opplysningar til tilksynsmyndet (§ 7). Alle desse oppgåvene er lagde til rådmannen, som har vidaredelegert dei til helse- og omsorgssjefen. Helse- og omsorgstenestelova har fått ein ny § 12-3a om plikt til å varsle Statens helsetilsyn om alvorlege hendingar. Oppgåva er lagt til rådmannen, som har vidaredelegert denne til helse- og omsorgssjefen. Stadnamnlova har fått nye reglar om kunngjering og høyring (§ 8), gjenopning av namneesak (§ 10) og klage i stadnamnsaker (§ 12).

Side 45

Plikta til å kunngjere at ei namnesak er teken opp, er lagt til rådmannen, som har vidaredelegert oppgåva til kultursjefen. MULTEK-utvalet får fullmakt til å - uttale seg på kommunen sine vegner i stadnamnsaker der andre enn kommunen gjer vedtak (§ 8) - krevje gjenopning (§ 10) - klage på kommunen sine vegner (§ 12). Vegtrafikklova har fått ny regel i § 43b og behandling av personopplysningar. Rådmannen handterer desse, og har delegert oppgåva vidare til organisasjonssjefen. Andre endringar i reglementet Etter at einingsleiar for plan- og byggesak, som også har vore kommunen sin juridiske rådgjevar, gjekk med i halv stilling, har teknisk sjef sjølv fungert også som einingsleiar. Dette er no skrive inn i delegeringsreglementet, både under omtalen av teknisk sjef og av einingsleiar for plan- og byggesak. Stillinga som einingsleiar/juridisk rådgjevar står no ubesett. --- Rådmannen legg ikkje ved oppdatert delegeringsreglementet. Reglementet er tilgjengeleg på kommunen si heimeside (under ‘Snarvegar’). Økonomiske konsekvensar for kommunen Ingen. Rådmannen si vurdering Rådmannen har vidareført dei prinsippa som gjeldande delegeringsreglement byggjer på. Dei nye delegeringane inneber ikkje noko endring av «gjeldande rett». Formannskapet 21.08.2019 Behandling Delegering av fellingsløyve etter § 18 i forskrift om forvaltning av hjortevilt, framlegg frå Arnar Hans Kvernevik, Arbeidarpartiet Forslag fra Gloppen AP Som rådmannen si tilråding med unntak av at formannskapet ber rådmannen om å fremme forslaget om delegering av fellingsløyve etter §18 som eiga sak til MULTEK før videre handsaming i formannskapet og endeleg vedtak i kommunestyret.

Bjarte Gangeskar gjorde merknad på ein feil i saksutgreiinga når det gjeld helsepersonellova § 33. Det er feil å skrive "varsle", det rette skal vere "vidareformidle". --- Framlegget frå Arnar Kvernevik vart samrøystes vedteke. FOR- 084/19 Vedtak

Side 46

Rådmannen si tilråding vart samrøystes innstilt, med den endring at delegeringa etter § 18 i forskrift om forvaltning av hjortevilt går ut. Spørsmålet om delegering blir lagt fram som eiga sak.

Side 47

Gloppen kommune

Arkiv: FE-611, GBNR-28/8, HIST-16/674





Garasjen i Hyen - vidare arbeid

Rådmannen si tilråding Formannskapet ber rådmannen forhandle fram ein opsjonsavtale om sal gbnr 28/8 (tidlegare Firda Billag-eigedomen på Straumsholmen) med Hyen Investering AS. Avtalen skal ta utgangspunkt i tidlegare opsjonsavtale på eigedomen, og føremålet med avtalen skal vere å få bygt bustader på heile området mot elva som er regulert til bustadformål. Avtalen skal godkjennast av formannskapet, og vere inngått seinast ved årsskiftet 2019/2020. Viss ikkje, er formannskapet innforstått med at kommunen sel gbnr 28/8 til Gandhi Eigedom AS.

Saksutgreiing Bakgrunn for saka Saka omhandlar kva som skal skje med den gamle Firda Billag-garasjen i Hyen. Fakta i saka Gloppen kommune kjøpte eigedom gbnr. 28/8 i Hyen i juli 2016, der den tidlegare hadde vore nytta som garasje for Firda Billag. I perioden 23.06.2017 - 30.06.2019 har Andor Hovden v/Gandhi Eigedom AS (kjøpar) hatt ein opsjonsavtale knytt til eigedomen. I perioden på over to år, er opsjonsavtalen forlenga to gonger. Detaljane i opsjonsavtalen blir ikkje gjennomgått i denne saka, men ved utløpet av opsjonsperioden hadde ikkje kjøpar nytta sin rett til å kjøpe eigedomen. Kjøpar kunne etter avtalen utøve sin opsjonsrett i heile opsjonsperioden til å kjøpe, eller så hadde eit sal av 50 % av leilegheitene innanfor opsjonsperioden automatisk utløyst eit kjøp. Det har ikkje vore tilstrekkeleg med kjøparar som har vist si interesse, sjølv om det er frå Andor Hovden si side er presentert totalt tre ulike alternative utbyggingsforslag på tomta. Gloppen kommune mottok eit brev frå kjøpar den 1. juli 2019 der han ønskte å nytte seg av sin rett til å kjøpe eigedomen. Sidan dette brevet blei motteke etter utløpet av opsjonsavtalen, ønskjer rådmannen å få avklara vegen vidare. Sidan nyttår har Hyen Investering AS og Hyen utviklingslag kontakta Gloppen kommune og vist interesse for eigedomen. Etter eit styremøte og generalforsamling i Hyen Investering AS den 4. juli i år ønskjer Hyen Investering AS å inngå ein liknande opsjonsavtale om denne eigedomen, men med ein tilpassa ordlyd. Ein reforhandla opsjonsavtale er ikkje på plass endå. Rådmannen ønskjer i fyrste omgang ei avklaring om vegen vidare. Økonomiske konsekvensar for kommunen Dei totale utgiftene Gloppen kommune hadde ved kjøp av gbnr. 28/8 var kr 358.275,- inkl.

Side 48

omkostningar. Etter opsjonsavtalen som kommunen hadde med Andor Hovden, skulle han betale kr 300.000 for eigedomen og Gloppen kommune skulle dekke kostnadene til fjerning av asbesttaket, stipulert til kr 150.000,-. Med dei tala som er kjende i dag, vil det koste kommunen 208.275 kroner å gjennomføre ein liknade avtale som den med Andor Hovden kr (358.275 + 150.000 - 300.000). Rådmannen si vurdering Hyen Investering AS blei skipa i 1997 og har som primært føremål å bidra til næringsutvikling og vekst i Hyen. Selskapet har 68 aksjonærar, eit styre på fem personar og ein aksjekapital på ca. 500.000. I 2002 fekk Hyen Investering AS hand om 5 bustadtomter på Straumsholmen. Dei fekk utarbeidd ein reguleringsplan, utført opparbeiding av infrastruktur og formidla sal av tomtene. Hyen Investering er no blitt spurde om å gjere tilsvarande på eigedomen til Gloppen kommune (gbnr 28/8) og naboeigedomen. Dette har Hyen Investering AS sagt seg villige til, og dei ønskjer i fyrste omgang å inngå eit tettare samarbeid med AHAD AS for å utvikle attraktive tomter/bustader langs elva. Dette vil vere i samsvar med gjeldande reguleringsplan. Det har i lang tid blitt snakka om mangelen på bustader i Hyen. Rådmannen er derfor forundra over mangelen på etterspurnad i prosjektet til Andor Hovden/Gandhi Eigedom AS. Som sagt tidlegare i saka har Gandhi Eigedom AS jobba med denne tomta over ein lengre periode, og har på oppfordring frå potensielle kundar i Hyen endra på design og hus typar (totalt tre ulike konsept) utan at han har lukkast å få til eit tilfredsstillande sal. Kva som er årsaka til at kjøpekontraktane har uteblitt, vil ikkje rådmannen å spekulere i. Sjølv om Gandhi Eigedom AS ikkje har lukkast så langt med eigedomsutviklinga, ønskjer selskapet fortsatt å kjøpe eigedomen. Det er no nødvendig å få til eit samspel mellom tilbod og etterspurnad slik at dei som ønskjer å busetje seg i Hyen får gjort det. Utviklingslaget i Hyen, saman med Hyen Investering AS må vere dei rette aktørane for å få til eit slikt samspel. Rådmannen er derfor positiv til å inngå ein opsjonsavtale med Hyen Investering AS. Forhåpentlegvis vil dei greie å få fram eit tilbod som treffer marknaden i Hyen. Får vi til ei samla utbygging av området mot elva på Straumsholmen, blir dette eit stort bustadprosjekt til å vere i Hyen, som kommunen sjølvsagt må vere positive til. Formannskapet 21.08.2019 Behandling FOR- 085/19 Vedtak Formannskapet ber rådmannen forhandle fram ein opsjonsavtale om sal gbnr 28/8 (tidlegare Firda Billag-eigedomen på Straumsholmen) med Hyen Investering AS. Avtalen skal ta utgangspunkt i tidlegare opsjonsavtale på eigedomen, og føremålet med avtalen skal vere å få bygt bustader på heile området mot elva som er regulert til bustadformål. Avtalen skal godkjennast av formannskapet, og vere inngått seinast ved årsskiftet 2019/2020. Viss ikkje, er formannskapet innforstått med at kommunen sel gbnr 28/8 til Gandhi Eigedom AS. Vedtaket var samrøystes.

Side 49

Gloppen kommune





057/19 MULTEK-utvalet 15.08.2019


Kommunestyret

Endra selskapsavtale for Nordfjord Miljøverk IKS Vedlegg i saka: 25.07.2019 Ny selskapsavtale for NoMil 06.08.2019 Gjeldande selskapsavtale om NoMil

Rådmannen si tilråding Gloppen kommunestyre viser til rådmannen si saksutgreiing og godkjenner for sin del den nye selskapsavtalen for Nordfjord Miljøverk IKS slik denne går fram av vedlegg i saka. Avtalen gjeld frå 1. januar 2020, og er inngått mellom kommunane Bremanger, Gloppen, Kinn, Stad og Stryn.

Saksutgreiing Bakgrunn for saka Endringane i kommunestrukturen i Nordfjord får konsekvensar for Nordfjord Miljøverk IKS (NoMil). I dag er NoMil eit interkommunalt renovasjonsselskap med Bremanger, Eid, Gloppen, Hornindal, Selje, Stryn og Vågsøy kommunar som eigarar. Frå 1. januar 2020 skjer følgjande endringar i kommunestrukturen i Nordfjord: - Hornindal kommune bli slegen saman med Volda kommune - Eid og Selje kommunar blir slegne saman til Stad kommune - Vågsøy kommune slår seg saman med Flora kommune, og blir til Kinn kommune. Endringane gjer det nødvendig å endre selskapsavtalen om NoMil, og kommunane må gjere likelydande vedtak om avtalen. Fakta i saka Hornindal kommune har i brev av 18. desember 2018 meldt seg ut av NoMil og sagt opp sin del av selskapsavtalen. Fellesnemnda for nye Kinn kommune har i møte den 9. mai 2019 tilrådd at den nye kommunen blir medeigar i NoMil. I tillegg til dette, må selskapsavtalen oppdatertast også som følgje av samanslåinga mellom Eid og Selje kommunar til Stad kommune. Representantskapet i NoMil har i sak 4/19 – den 26. april – gjort slikt vedtak:

1. Representantskapet godkjenner framforhandla avtale mellom Kinn kommune og NoMil, og godkjenner at Kinn kommune går inn som medeigar i NoMil med dei plikter og rettar som

Side 50

avtalen, selskapsavtalen og standardforskrifta tilseier. 2. Representantskapet godkjenner ny prosentfordeling mellom eigarkommunane etter at

eigardelen frå Kinn kommune er teke inn. Dette medfører godkjenning av endring av selskapsavtalen §§ 2, 7 og 8.

3. Representantskapet legg til grunn at framforhandla avtale med Kinn kommune, ut frå framlagde økonomiske vurderingar, ikkje vil føre til auka renovasjonsgebyr i NoMil.

Avtalen som representantskapet refererer til – og som også er godkjent av fellenemnda for Kinn kommune – lyder slik: (…)

1. Kinn kommune går inn i NoMil på dei vilkår som tidlegare kommunar har. I dette ligg det at Kinn kommunestyre gjer vedtak om å tiltre NoMil sin standardforskrift som regulerer forholdet mellom kommunen og NoMil, og NoMil sin Selskapsavtale som regulerer dei selskapsmessige forhold mellom kommunen og NoMil

2. Kinn kommune får ved inntreden i NoMil ein eigardel på 41,04% basert på folketal pr. 01.01.2019. Kinn kommune skal samtidig ha oppnemnt ein representant til styret og 5 medlemer av representantskapet i NoMil på dei vilkår som går fram av § 8 i Selskapsavtalen.

3. Kinn kommune skal betale inn ein selskapskapital til NoMil som svarer til 27,29% av selskapet sin totale eigenkapital med fråtrekk for restverdi på bunde etterdriftsfond knytt til deponi «Ivahola» på det tidspunkt kommunen går inn i selskapet.

Verdi av tinginnskot/aktiva kan etter avtale mellom partane kome til frådrag ved innbetaling av selskapskapital. Kinn kommune betaler inn selskapskapital med akonto NOK 1,0 mill. den 01.01.2020, og endeleg avrekning når rekneskap til NoMil for driftsåret 2019 er revidert og godkjent.

4. NoMil vidarefører drifta av Vedvik gjenbruksstasjon i Vågsøy.

Kinn kommune står for utbygging av ny gjenbruksstasjon og omlastingsstasjon i Purkehola i Flora etter dagens standard til funksjonalitet/kapasitet og etter avtale med NoMil. Kommunen dekkjer kostnader grunna endra lovgjeving, offentlege pålegg eller andre føringar.

5. NoMil overtek den daglege drifta av ny gjenbruksstasjon og omlastingsstasjon, installasjonar og bygningar i Purkehola, og partane skal forhandle om eit årleg vederlag for bruken.

NoMil dekkjer kostnadar til elektrisitet, telefoni, vekt og port, samt ordinært vedlikehald av installasjonar, bygningar og uteområde vurdert ut frå normal bruk/elde. Kinn kommune dekkjer kostnader til kommunale utgifter, eigedomskatt og forsikring, samt kostnader knytt til feil/manglar på bygningar og uteområde som ikkje skuldast ordinære drift.

6. Etter avtale med kommunen overdreg NoMil bilar og maskiner som selskapet finn nødvendig for si drift frå det tidspunkt kommunen går inn i NoMil.

7. Tilsette i den kommunale renovasjonsavdeling stasjonert i Purkehola, vert tilsett i selskapet frå det tidspunkt kommunen går inn i NoMil etter gjeldande vilkår/nærare avtale og i samsvar med Arbeidsmiljølova sitt kapittel 16, som regulerer arbeidstakar sine rettar ved verksemdsoverdraging.

NoMil vidarefører eksisterande pensjonsordningar i KLP for dei overførte arbeidstakarane. 8. Kinn kommune har ved inntreden i NoMil ikkje noko ansvar for dei økonomiske og miljømessige

plikter som NoMil har i høve tidlegare deponi Ivahola i Gloppen. Tilsvarande har ikkje NoMil noko ansvar for dei økonomiske og miljømessige plikter som Kinn kommune har i høve tidlegare deponi i Vedvik og Purkehola.

9. I arbeidet med å førebu og gjennomføre oppstart av renovasjonsordninga i Kinn kommune sine abonnentar busett i Flora, skal begge partar stille personell til disposisjon for oppdraget. I dette ligg det også at Kinn kommune skal førebu abonnementsgrunnlaget og delta i arbeidet med utdeling av renovasjonsdunkar og anna utstyr til abonnentane etter avtale med NoMil.

10. NoMil står for all fakturering av renovasjonsgebyr i Kinn kommune frå det tidspunkt kommunen går inn i NoMil.

11. NoMil har i samarbeid med kommunen ansvaret for å arbeide for aktiv informasjons-formidling til abonnentane busett i Flora i samband med den nye renovasjonsordninga.

Side 51

NoMil dekkjer sjølve kostnader for ordinær informasjonsformidling til abonnentane når overgangsperioden avgrensa til fyrste ordinære driftsår er over. Kinn kommune har sjølve ansvar for alminneleg veileining etter forvaltningslova.

12. Samarbeidsavtaler med attføringsverksemder i kommunen skal avtalast nærare mellom partane ut frå prinsipp om kostnadsdekking etter sjølvkost.

13. Avtale om renovasjonsordning for kommunale bygg og institusjonar må avklarast med omsyn til einerett og konkurransevriding.

14. Kinn kommune og NoMil skal utarbeide ny revidert føreskrift for hushaldningsrenovasjon i tråd med gjeldande regelverk og praksis.

Føreskrifta skal omfatte ordning for fritidsrenovasjon, rabattordningar og renovasjonsordning for abonnentar busett på øyane og på stadar som ikkje har godkjent tilkomstveg for ordinære renovasjonslastebilar.

Med dette som bakgrunn har representantskapet i NoMil tilrådd at §§ 2, 7 og 8 i selskapsavtalen blir endra. Det ligg sjølvsagt også i representantskapet si behandling ein aksept av Hornindal kommune si utmelding. Denne er handtert i samsvar med § 26 i selskapsavtalen. Det betyr m.a. at Hornindal kommune får utbetalt innskoten kapital på kr 45.000,-. § 2 Deltakarar Paragrafen må sjølvsagt endrast slik at denne blir i samsvar med dei nye deltakarane i selskapet: Hornindal kommune går ut. Stad kommune kjem inn i staden for Eid og Selje kommunar, og Kinn kommune erstattar Vågsøy kommmune og tar med seg Flora kommune inn i selskapet. § 7 Eigardelar og deltakaransvar Eigardelane følgjer folketalet. I gjeldande selskapsavtale er folketalet den 1. januar 2013 lagt til grunn. Samla folketal i samarbeidet var då 32.792. Folketalet i det nye samarbeidet blir 43.428 (tal frå 1. januar 2019). Dette gjev slike eigardelar og deltakaransvar

Kommune Eigardel/-ansvar i % Tidlegare eigardel/-ansvar

Bremanger 8,53 12,0

Gloppen 13,44 17,3

Kinn 41,04 Vågsøy hadde 18,7

Stad 20,49 Eid og Selje hadde 26,5

Stryn 16,50 21,7

100,00

Hornindal kommune har hatt ein eigardel/-ansvar på 3,8 %. § 8 Medlemmer i representantskapet Også her er folketalet utgangspunktet. I dag har alle eit medlem, pluss 1 ein eller to etter folketalet, slik: - 0-5.000 innbyggarar gjev ein ekstra - 5.000-7.500 innbyggarar gjev to ekstra. Etter ny avtale skal alle framleis ha eitt medlem, og i tillegg eitt ekstra for kvar 5.000 innbyggarar. Det gjev slik samansetting av representantskapet:

Kommune Medl. i representantskapet Tidlegare medlemstal

Bremanger 2 2

Gloppen 3 3

Kinn 5 Vågsøy hadde 3

Stad 3 Eid og Selje hadde 5

Stryn 3 3

Side 52

16

Talet på medlemmer i representantskapet blir det same som før. Hordnindal hadde to medlemmer. --- Den nye selskapsavtalen følgjer saka. Det gjer også sist oppdaterte versjon av dagens selskapsavtale. Økonomiske konsekvensar for kommunen Det følgjer av § 6 i selskapsavtalen at NoMil skal drivast utan overføringar frå kommunane. Det er også lagt til grunn at endringane som skjer når Flora gjennom Kinn kommune går inn i NoMil ikkje skal føre til auka renovasjonsgebyr for innbyggarane i kommunane. Rådmannen si vurdering Rådmannen har ingen merknader til endringane i selskapsavtalen, og tilrår at kommunestyret godkjenner den nye avtalen slik representantskapet i NoMil har bede om. MULTEK-utvalet 15.08.2019 Behandling KULT- 057/19 Vedtak MULTEK-utvalet er samd i tilrådinga. Vedtaket var samrøystes. Formannskapet 21.08.2019 Behandling Formannskapet vedtok samrøystes at Gunnvor Sunde - som er styremedlem i NoMil - er inhabil i saka. FOR- 086/19 Vedtak Rådmannen si tilråding vart samrøystes innstilt.

Side 53

Gloppen kommune






Kommunestyret

Samarbeidsavtale SEKOM-sekretariatet Vedlegg i saka: 04.07.2019 Samarbeidsavtale for SEKOM sekretariat tilrådd av styret 18.06.19

Rådmannen si tilråding 1. Gloppen kommunestyre godkjenner for sin del framlegget til ny samarbeidsavtale for SEKOM-sekretariat slik det ligg føre 2. Dersom Stad kommune vel å bli med i samarbeidet, får rådmannen fullmakt til å godkjenne nødvendige endringar i samarbeidsavtalen for Gloppen sin del.

Saksutgreiing Bakgrunn for saka Endringane i kommunestrukturen i Sogn og Fjordane medfører at samarbeidsavtalen og vedtektene for SEKOM-sekretariatet må endrast frå nyttår. Fakta i saka Forskrift om kontrollutval kapittel 8 seier at kontrollutvalet sine sekretariatsfunksjonar skal utførast av andre enn kommunen. Sidan lova vart endra har vi nytta SEKOM-sekretariatet til desse tenestene. SEKOM-sekretariatet vart etablert av 15 av kommunane i Sogn og Fjordane som eit samarbeid etter § 27 i kommunelova. Slike samarbeid er ikkje omfatta av lov om offentlege innkjøp. Ni kommunar går vidare i samarbeidet som vert oppretta som eit kommunalt oppgåvefellesskap etter kapittel 19 i ny kommunelov. Gloppen kommune har motteke tilbod frå Vestland fylkeskommune om å overta sekretariats-funksjonen frå SEKOM. Økonomiske konsekvensar for kommunen Kommunen sine årlege utgifter er på om lag 175.000 kr. Styret i SEKOM har ikkje gitt signal om at desse kostnadane aukar framover. Det betyr at ein ny samarbeidsavtale ikkje vil auke kommunen sine utgifter. Rådmannen si vurdering Gloppen kommune har gode erfaringar med dei tenestene som SEKOM-sekretariatet yt og rådmannen ser ikkje at det er behov for å la andre overta som sekretariat for kontrollutvalet. Rådmannen har lagt tilbodet frå Vestland fylkeskommune fram for kontrollutvalet. Kontrollutvalet ønskjer å halde fram samarbeidet i SEKOM og rådmannen er einig i deira vurderingar. Rådmannen vil dermed tilrå at kommunestyret vedtek den framlagte samarbeidsavtalen. Saka er ikkje behandla av kontrollutvalet i eit formelt møte, men utvalsleiaren har drøfta saka med

Side 54

dei andre medlemmene i utvalet, og skriv følgjande som svar på Hordaland fylkeskommune sitt tilbod om å yte sektretærtenester for kontrollutvalet i Gloppen: Eg, saman med alle medlemmene i Gloppen kontrollutval, tilrår at Gloppen kommune takkar nei til tilbodet. Samstundes rår vi til at vi held fram med å nytte Sekom som sekretariat for kontrollutvalet. Grunnen er at vi inneverande periode er særs godt nøgde med både service og kvalitet på tenestene Sekom har levert. I tillegg ser vi fram til samarbeidet med Vestland Revisjon KO som Gloppen kommune har slutta seg til og som kan tilby både bredde- og spisskompetanse på aktuelle område for forvaltningsrapportar og selskapskontroll. Saka er handtert på denne måten – utan å involvere SEKOM-sekretariatet – fordi tilbodet frå Hordaland sjølvsagt er ein direkte konkurrent til SEKOM. Det blir derfor feil å la SEKOM-serkretariatet utgreie saka for kontrollutvalet. --- Styret i SEKOM har ein dialog med Stad kommune om deira val av tilbydar av sekretariatstenester. Dersom Stad kommune vel å bli med i SEKOM-samarbeidet, ber rådmannen om fullmakt til å godkjenne nødvendige endringar i samarbeidsavtalen for Gloppen sin del. Eg ber om dette for å sleppe ei ny kommunestyrebehandling av avtalen viss den einaste endringa er at Stad kommune blir teken med i punkt 3. Formannskapet 21.08.2019 Behandling FOR- 087/19 Vedtak Rådmannen si tilråding vart samrøystes innstilt.

Side 55

Gloppen kommune






Kommunestyret

Felles skatteoppkrevjar for Gloppen og Stad kommunar Vedlegg i saka: 08.08.2019 Avtale om felles skatteoppkrevjar for Gloppen og Stad

Rådmannen si tilråding Kommunestyret i Gloppen godkjenner for sin del, i medhald av kommunelova § 20-2, framlagde avtale om felles skatteoppkrevjar og felles skatteoppkrevjarkontor for kommunane Gloppen og Stad gjeldande frå 01.01.2020.

Saksutgreiing Bakgrunn for saka Godkjenning av avtale om administrativt vertskommunesamarbeid om felles skatteoppkrevjar frå 01.01.2020 mellom kommunane Gloppen og Stad. Fakta i saka Gloppen kommune og Eid kommune har hatt felles skatteoppkrevjar og felles skatteoppkrevjarkontor sidan 01.01.2017. Felleskontoret har vore plassert på Nordfjordeid, med Eid kommune som vertskommune. Felleskontoret har hatt 3,7 årsverk, der 0,7 årsverk har hatt oppmøtestad på heradshuset på Sandane. Frå 01.01.2020 vil Eid kommune og Selje kommune slå seg saman til Stad kommune. Dette fører til at det må gjerast nye politiske vedtak om felles skatteoppkrevjar frå 01.01.2020. Ved å utvide felleskontoret til å gjelde for Gloppen og Stad, vil folketalet innafor samarbeidsområdet auke med om lag 3.500 innbyggjarar, ut frå at Selje kommune og grensejustering mot Vågsøy kommune kjem til. Gloppen og Stad vil til saman ha over 15.000 innbyggjarar.

Nytt felles skatteoppkrevjarkontor mellom Gloppen og Stad kommune vil ha 4,4 årsverk, der 0,7 årsverk framleis vil ha oppmøtestad på heradshuset på Sandane. Skatteoppkrevjarkontora har ansvar for kommunen sin skatterekneskap, innkrevjing av skatt på person, innkrevjing av skatt og arbeidsgjevaravgift på bedrifter og arbeidsgjevarkontroll mot bedrifter.

Side 56

Skatterekneskapen er heilt skilt frå kommunen sin ordinære rekneskap. Alt arbeidet innafor skatteoppkrevjarkontora er underlagt styring frå Skatteetaten, og arbeidet vert gjort gjennom felles nasjonal programvare underlagt Skatteetaten. Dette er ikkje kopla mot kommunane sine øvrige økonomisystem og programvare. Slik sett er skatteoppkrevjarfunksjonen ikkje kopla mot resten av den kommunale stabstenesta/tenesteytinga, og eignar seg godt for organisering i felleskontor for fleire kommunar. Krava til kunnskap innafor skatteområdet, og spesielt innafor arbeidsgjevarkontrollen, vert større og større. Vi ser at skatteoppkrevjarkontora hos dei mindre kommunane slit med å halde få tilsette oppdatert på heile breidda i regelverket. Administrativt vertskommunesamarbeid Samarbeidet om felles skatteoppkrevjar og felles skatteoppkrevjarkontor vil bli eit såkalla administrativt vertskommunesamarbeid. I vedlagde avtale er Stad kommune vertskommune og Gloppen kommune er samarbeidskommune. Dette er vidareføring av slik samarbeidet er organisert i dag. Vertskommunesamarbeidet er regulert i kommunelova. Felles skatteoppkrevjarkontor er ikkje eit eige rettssubjekt, men organisatorisk som ein del av vertskommunen. Avtalen mellom kommunane Gloppen og Stad er heimla i kommunelova § 20-2 om administrativt vertskommunesamarbeid, som gjev følgjande reglar for samarbeidet: En kommune (samarbeidskommune) kan avtale med en annen kommune (vertskommune) at vertskommunen skal utføre oppgaver og treffe vedtak i saker som ikke har prinsipiell betydning. Dette gjelder på tilsvarende måte mellom fylkeskommuner. Kommunestyret eller fylkestinget delegerer selv myndighet til å treffe vedtak som er nevnt i første ledd, ved å instruere kommunedirektøren i egen kommune eller fylkeskommune om å delegere myndigheten til kommunedirektøren i vertskommunen. Folkevalgte organer i vertskommunen har ikke instruksjons- eller omgjøringsmyndighet i saker der myndigheten er delegert etter andre ledd. En samarbeidskommune kan gi vertskommunen instruks om hvordan den delegerte myndigheten skal utøves i saker som bare gjelder samarbeidskommunen eller dens innbyggere. Hvis vertskommunen treffer vedtak etter delegert myndighet fra en samarbeidskommune, kan samarbeidskommunen omgjøre vedtaket etter reglene i forvaltningsloven § 35 første ledd. Namnet på samarbeidet blir Skatteoppkrevjaren i Gloppen og Stad, og kontoret skal vere lokalisert på Nordfjordeid som tidlegare. Skatteetaten har utarbeidd ein rettleiar som kommunane må følgje ved etablering av felles skatteoppkrevjar. Det skal vedtakast ei ny samarbeidsavtale mellom kommunane. Avtalen skal godkjennast av Skatteetaten. Det er dei siste åra etablert mange slike felles skatteoppkrevjarkontor rundt om i landet. Rådmannen nemner her at Gloppen og Eid har invitert Stryn kommune med i samarbeidet om felles skatteoppkrevjar, men så langt har vi ikkje fått noko tilbakemelding frå stryningane. Økonomiske konsekvensar for kommunen I dag er kostnadene med felles skatteoppkrevjar fordelt 50/50 mellom Gloppen og Eid. Etter den nye avtalen vil talet på arbeidsgjevarar vere mest utslagsgjevande for utgiftene, jfr. § 6 i avtalen. For Gloppen sitt vedkomande – med mange små arbeidsgjevarar – vil dette isolert sett føre til ein auke i

Side 57

utgiftene. Utrekningane viser at viss same fordelingsgrunnalg hadde vore brukt i 2019, ville våre utgifter vore om lag 155.000 kroner høgare. Førebels budsjettframlegg for 2020 viser ein samla auke i utgiftene til felles skatteoppkrevjar på om lag på om lag 465.000 frå 2019. Dette er altså etter at Selje er komen med i samarbeidet og det er gjort grensejusteringar for Bryggja, som blir ein del av Stad kommune. Gloppen sin del av denne auken er førebels utrekna til om lag 25.000 kroner. Dette er ikkje meir enn forventa lønn- og prisvekst. Rådmannen si vurdering Samarbeidet som Gloppen og Eid har hatt sidan 01.01.2017 har skapt eit sterkare fagleg miljø, og eit meir framtidsretta kontor til beste for innbyggjarar og bedrifter. Vi er også mindre sårbare ved ferieavvikling og eventuelt anna fråvær. Både dei tilsette ved felleskontoret og leiinga i begge kommunane er veldig fornøgd med samarbeidet slik det har vore sidan 01.01.2017. Det virkar også som innbyggjarane og bedriftene synest ordninga er god. Det skal årleg utarbeidast eit budsjett for det felles skatteoppkrevjarkontoret som skal leggast fram til godkjenning etter vanlege budsjettprosedyrar i begge kommunane. Budsjettet vert sett opp med alle utgifter og frådrag for gebyrinntekter. Nettoutgifta ved felleskontoret vert fordelt mellom samarbeidskommunane etter ein eigen nøkkel som inngår i avtalen. Rådmannen har ingen merknader til endringa i fordelingsnøkkelen. Den nye nøkkelen for delinga avspeglar kva skatteoppkrevjaren brukar tid og ressursar på. Det må vere ein rett måte å fordele utgiftene på. Oppseiingsfristen mellom partane er eitt år og samarbeidsordninga skal evaluerast årleg i møte ved utgongen av året. Vertskommunen har ansvar for at slike møte vert arrangert. Formannskapet 21.08.2019 Behandling FOR- 088/19 Vedtak Rådmannen si tilråding vart samrøystes innstilt.

Side 58

Gloppen kommune

Arkiv: FE-003





Kommunestyret

Språkbruksplan for Gloppen kommune Vedlegg i saka: 05.06.2019 Språkbruksplan for Gloppen kommune

Rådmannen si tilråding Kommunestyret vedtek språkbruksplanen for Gloppen slik den er lagt fram.

Saksutgreiing Bakgrunn for saka Gloppen kommune vart i 2018 med i KS si klarspråk-satsing. Gjennom dette arbeidet er vi oppmoda om å forankre denne satsinga politisk ved å vedta ein språkbruksplan for Gloppen kommune. Her er forslaget til språkbruksplan for kommunen. Fakta i saka Kommunen driv eit omfattande arbeid med å digitalisere kommunale tenester. Eit av delmåla er den digitale dialogen, ei satsinga på å informere på ein slik måte at innbyggjarane og næringslivet forstår innhaldet i det vi skriv. Gloppen kommune er med i KS si klarspråk-satsing og vi er medlem av nynorskkommunane LNK. Kommunen jobbar systematisk med å forenkle språket vi brukar i dialogen med innbyggjarar og næringsliv. Vi har fokus på språk innan oppvekst og i dei andre einingane i kommunen. Arbeidet har så langt i alle hovudsak vore forankra hjå rådmannen, meg eg ønkjer no å forankre dette språkarbeidet politisk. Økonomiske konsekvensar for kommunen Liten eller ingen konsekvens på kort sikt. På lang sikt er målet å redusere talet på oppklarande telefonar inn til servicetorget og dei andre einingane i kommunen mest mogeleg. Eit anna mål er å ta i bruk fleire digitale skjema for å forenkle saksgangen internt og dermed få ned dei administrative kostnadane. Rådmannen si vurdering Skal vi lukkast med digitalisering, må innhaldet i det vi skriv og dei digitale skjemaa kommunen lagar vere utforma slik at målgruppa forstår det som står der. Eg meiner det er viktig at denne satsinga på godt språk er forankra politisk og tilrår at kommunestyret vedtek språkbruksplanen for Gloppen slik den er lagt fram. Formannskapet 21.08.2019 Behandling FOR- 089/19 Vedtak

Side 59

Rådmannen si tilråding vart samrøystes innstilt.

Side 60

Gloppen kommune

Arkiv: FE-140


Saksbehandlar: Beate Kornberg



Kommunestyret

Planstrategi 2016-2020 - evaluering av planarbeid i perioden og nye planbehov Vedlegg i saka: 29.07.2019 Kommunal planstrategi 2016-2020 31.07.2019 Planstrategi 2016-2020 - gjennomført planarbeid i perioden

Rådmannen si tilråding Kommunestyret tek saka til orientering og stillar seg bak rådmannen si vurdering av kommunen si oppfølging av gjeldande planstrategi og nye planbehov i 2019/2020. Kommunestyret ber om at arbeidet med ny «Klima og miljøplan for Gloppen» vert starta opp i haust.

Saksutgreiing Bakgrunn for saka «Planstrategi 2016-2020» vart vedteken i kommunestyret 26. september 2016. Planstrategien inneheld kommunen sine fem viktigaste satsingsområde for perioden og beskriv utfordringar, målbilete og strategiar for kvart område (kap. 3). Satsingsområda er baserte på konklusjonar frå ein planstrategiverkstad i april 2016, der einings- og sektorleiarane og kommunestyret drøfta ønska utvikling av kommunen. I tillegg tek strategien stilling til rullering av gjeldande kommuneplanen (både samfunnsdel og arealdel) og inneheld ei prioritert liste over planar kommunestyret ønskte å få utarbeidd i perioden. Det skal utarbeidast ein ny planstrategi for kommande kommunestyreperiode. Rådmannen meiner det er viktig og klokt å evaluere planarbeidet i inneverande periode før vi tek til på dette arbeidet. Planarbeid gjennomført i perioden: Vedlagt saka ligg ei oversikt over planar som kommunestyret vedtok å utarbeide i inneverande periode, tidsskjema for planlagt gjennomføring og reell gjennomføring. Som det fremgår av vedteken planstrategi, vart det i liten grad lagt inn konkrete planar i siste halvdel av perioden. Dette var eit medvete val for å sikre planressursar til å følgje opp arbeidet med kommuneplanen, og føringar i den. Som vedlagde oversikt viser, har vi i perioden utarbeidd og vedteke sju kommunedelplanar og sju tema- og strategiplanar, i tillegg til kommuneplanen sin samfunnsdel med handlingsprogram. Når det gjeld områdereguleringsplanar, har vi berre vedteke ein av fire planlagde, i tillegg til Straumsholmen som kom til i løpet av perioden. Dette skuldast mellom anna lange og tidkrevjande prosessar rundt sentrumsplanen for Sandane, utsetting av anna planarbeid (kommunedelplan for E-39 Byrkjelo Grodås), og liten plankapasitet på plan- og byggesak i fleire periodar. I tillegg kjem oppfølging av fem nye private reguleringsplanar og ein auka aktivitet rundt oppføring av nye bustader i store delar av

Side 61

kommunen. Det er gledeleg å registrere at mange ønskjer å flytte til kommunen vår og at fleire private utbyggarar ønskjer å vere med å ta ansvar for utvikling i Gloppen. Når det gjeld gjennomføringskraft, erfarer rådmannen at vi jamt over stipulerer for lite tid til planarbeidet, både prosessane, utgreiingar og til sjølve utarbeidinga av planane. Denne erfaringa er viktig å ta med inn i planlegginga av ein ny kommunestyreperiode. I ein kommune på vår storleik med avgrensa planressursar, der planleggarar og sakshandsamarar har fleire roller og oppgåver, er det viktig å sikre at vi også har ressursar til å følgje opp planane. Oppfølging av vedtekne satsingsområde: I planstrategi 2016 – 2020 vart det vedteke fem hovudsatsingsområde. Rådmannen opplever at både kommunen og lokalsamfunna i denne fireårsperioda har hatt fokus på oppfølging av desse, og at Gloppen på mange område er sett tydelegare på kartet. Når det gjeld det første satsingsområdet – Variert bustadutvikling – ser rådmannen at det sikkert er ulike meiningar om vi har lukkast med å følje opp måla våre og ta i bruk dei vedtekne strategiane. Vi kan i alle fall glede oss over at det dei siste ti åra har blitt oppført rundt 260 nye bueingar (både einebustadar og leiligheiter) i kommunen. Dei fleste av desse er komne i løpet av dei siste fem åra. Det har også vore ein auke i tal bustader lagt ut for sal. Vi har derimot ikkje ei god nok oversikt over bustader til leige, og har ikkje hatt tilstrekkelege ressursar til og fokus på å jobbe strategisk med å få tome hus i bruk og få realisert tidlegare privatregulerte tomter. Når det gjeld bustader til vanskelegstilte har kommunen, gjennom kjøp eller igangsetting av nye bustadprosjekt, skaffa 20 nye kommunale bueiningar/bustader med kommunal tildelingsrett, og fleire er under oppføring i regi av Fjellstad stiftelse. Dette er viktige bidrag for å kunne tilby bustader også til dei som av ulike grunner ikkje har høve til å kjøpe. Det er også gledeleg å sjå at fleire vel å bu i tettstadane våre eller sentrumsnært i gang- eller sykkelavstand til dei. Dette er i tråd med sentrale føringar, og vil vere eit viktig bidrag til at fleire av innbyggarane våre vil kunne velje aktiv transport i kvardagen. Dette igjen vil ha betydning for folkehelsa, vere eit av fleire bidrag for å redusere våre klimagassutslepp og sist, men ikkje minst påverke vår evne til å løyse framtidige tenestebehov med tilgjengelege ressursar. Også når det gjeld det andre satsingsområdet – Inkluderande lokalsamfunn – har det vore jobba mykje på fleire plan. Inkludering har sett eit tydeleg preg på samfunnsdelen vår. Når det gjeld inkludering av flyktningar og arbeidsinnvandrarar, har det vore jobba godt både innad i kommuneorganisasjonen og i samarbeid med andre instansar, næringsliv og frivillige lag og organisasjonar. Her kan vi nemne satsingar i oppvekstsektoren (i barnehage, skulane, PPT, barnevern og helsestasjon, og sist, men ikkje minst ved Gloppen opplæringssenter), ulike einingar i helse- og omsorg, NAV Gloppen og Firda vidaregåande skule. Firda vidaregåande skule mottok i 2017 Dronning Sonja sin Inkluderingspris og «Gloppen-modellen» har i denne perioden sett oss på kartet. Når det gjeld inkludering meir generelt, ligg hovudansvaret på oss som bur her, men det er ikkje tvil om at våre mange frivillige lag og organisasjonar og det vidstrakte dugnadsarbeidet som skjer ute i lokalsamfunnet vårt, er viktig reiskap til å bli betre kjent og kjenne tilhøyre. Inkludering har vore eit viktig tema for Møteplass for kulturlivet som vart etablert for å følgje opp viktige føringar i samfunnsdelen. Det tredje satsingsområdet – Næringsutvikling – er eit viktig område å ha fokus på. Dersom vi skal lukkast med å auke tilflyttinga og folketalet i kommunen, treng vi fleire arbeidsplassar og ein variert arbeidsmarknad. Her er kommunen først og fremst ein viktig tilretteleggar. Eit døme på dette er oppføringa av NTU-bygget i Mona der kommunen sto som byggherre. Vi ser vidare at fleire av bedriftene våre har hatt ein gledeleg vekst i tal nye arbeidsplassar, og bidrege positivt til viktig

Side 62

kompetansebygging og til ei meir berekraftig utvikling. Her kan vi nemne Brødrene Aa (som har teke imot fleire prisar dei siste åra), Strukturplast/Bano, Nomil og Tine Meieriet Byrkjelo. Vi må heller ikkje gløyme lokale bønder og lokalmatprodusentar som er med på å halde landbruksarealet vårt i aktiv drift. Gloppen næringsorganisasjon har over tid jobba for å få på plass ein ressurs til å leie og koordinere samarbeid og utvikling mellom dei ulike næringsaktørane, og har no lykkast i å få på plass ein til å gå inn i oppgåva. Rådmannen meiner det no må utarbeidast ein ny strategiplan for næring. Denne bør konkretisere kommunen og næringslivet si rolle og tydeleggjere korleis vi vil legge til rette for ei sterkare reiselivssatsing i kommunen vår. Det fjerde satsingsområdet – Attraktive tettstader/sentrumsutvikling – er kanskje det område det har vore jobba mest med i perioden både av administrasjonen og innbyggarar. Vi har gjennom heile perioden hatt fokus på utvikling av kommunesenteret Sandane. Først gjennom Nordconsult sin sentrumsanalyse 2014-2015 og deretter parallelloppdraget som vart gjennomført med to eksterne arkitektfirma ettervinteren 2017. I forkant og etterkant av desse prosessane har det vore arbeidd med ny områdereuleringsplan for Sandane. Heile vegen har det vore lagt opp til opne medverknadsprosesser der både næringslivet, innbyggarar og politikarar har delteke. Det har også vore gjennomført eigne prosessar inn imot barn og unge og ulike innvandrargrupper gjennom eit samarbeid med skulane våre. Engasjementet har vore stort! I 2018 vart det etablert eit landsbyråd, som i lag med handelsstanden og forskjellige lag og organisasjonar har planlagt landsbylaurdag som eit månadleg arrangement i Sandane sentrum frå 2019. Målet har vore å skape meir liv i sentrum, og bygge opp om posisjonen vår – «Ein rikare kvardag – mitt i verda». Vi har fått testa ut ein midlertidig leikeplass midt i sentrum og fått tettstadmidlar til å gjere den permanent. Vidare har vi fått eksterne midlar til gratis Wifi (trådlaust nett) på viktige møteplassar i tettstadane våre, sykkelstativ med takoverbygg og høve til lading ved Heradsplassen, elsyklar til utlån og fleire benkar og boder gjennom ulike tilskotsordningar. I inneverande kommunestyreperiode har dugnadsinnsats og innbyggarmedverknad vore teke til nye høgder. Her vil rådmannen særskilt nemne Trivselskogen og Myra i Sandane-området, opparbeiding av stisykkeltraséar i turområde aust for Valborgkleiva og i fleire område på Nordstranda, parken i sentrum av Reed, fleire flotte naturmøteplassar og turstiar rundt om i heile kommunen og ikkje minst dei mange festivalane våre. Mykje av dette har vi fått til ved hjelp av ulike tilskotsordningar, lokale utviklingslag og ildsjelar kombinert med ein stor dose dugnadsinnsats. Dette er viktige bidrag for å auke attraktiviteten og det lokale eigarskapet til kommunen vår. Parallellt med dette har det vore jobba med marknadsføring av ulike prosjekt på kommunen og fleire reiselivsbedrifter sine nettsider og Facebooksider. Her er vi heilt avhengig av eit samarbeid på tvers. Vi har i perioden kome eit stykke vidare med å formalisere eit samarbeid mellom kommunen og dei lokale utviklingslaga. For Sandane sentrum er situasjonen meir utfordrande: Vi har ikkje noko utviklingslag å halde oss til. Det er ikkje noko felles oppfatning av korleis kommunesentrumet skal utvikle seg, og rådmannen er usikker på om alle er samde i at ei god utvikling for kommunesenteret også er positivt for bygdene rundt. Dette leier naturleg inn på det siste satsingsområde – Aliansebygging og samspel – der strategiane rettar seg mot ulike område. I tillegg til formalisering av kommunen sitt samarbeid med lag og organisasjonar, har det i perioden vore jobba med å utvikle gode rutinar for samarbeid på tvers av tenestene internt i kommunen rundt felles utfordringar. Gjennom Nordfjordrådet har vi hatt fokus på å løfte regionen, mellom anna gjennom ei felles marknadsføring av reiselivet, utvikling av grøne næringar og eit tettare samarbeid mellom dei fire vidaregåande skulane i regionen. Det er vidare gjort forsøk på å utvikle ein fleirkjernestruktur i regionen Nordfjord, sidan det ikkje er ein klart definert tettstad i regionen. Dette har vist seg krevjande i ei periode der fleire av kommunane har

Side 63

hatt fokus på kommunesamanslåing. Slik rådmannen ser det, har også kommunane sitt arbeidet med kommunereforma i stor grad svekka Nordfjord som region. Gjennom arbeidet med samfunnsdelen vart det lagt opp til breie medverknadsprosessar med innbyggarar og lokalsamfunn, og dei har i stor grad gjennom desse fått vere med å sette sitt stempel på samfunnsdelen. Strategiane i planstrategien er, slik rådmannen vurderer det, med vidare som ei viktig plattform i samfunnsdelen, sjølv om dei her er innarbeidde i hovudpunkta «Rike og rause livsmiljø» og «Næring og arbeid». Når det gjeld det tredje hovudtema i samfunnsdelen – «Klima, miljø og beredskap», ser rådmannen at det er behov for å tydeleggjere utfordringane våre og kva for tiltak det er viktig å sette i gang for å ta vår del av reduserte klimagassutslepp og handtere klimaendringane. Dette fordi Norge skal bli eit lågutsleppssamfunn i 2050, og vi treng ein plan for å konkretisere kva som skal til for vår sin del for å kome dit. Rådmannen si vurdering av kommunen sitt planbehov i 2019/2020: Vedteken samfunnsdelen, i kapittel 4 – Vegen vidare – under punkt 4.2.1, legg opp til at det skal gjerast ei vurdering av kva for planar som treng rullering/revidering og kva for nye planar det er behov for, for å konkretisere og følje opp viktige føringar i samfunnsdelen. Rådmannen vurderer at det er viktig å kome i gang med ein ny «Klima- og miljøplan» i løpet av hausten, og ser eit klart behov for at klimaplanen vert rullert. Det må takast stilling til om den skal utarbeidast som ein kommunedelplan eller tema-/strategiplan. Vidare er næring og arbeid eitt av hovudsatsingsområda i vedteken samfunnsdel. Rådmannen ser at det er behov for å rullere «Strategisk næringsplan for Gloppen» der reiseliv og tettstadutvikling er inkludert, men kan ikkje sjå at kommunen har plankapasitet til dette i haust. Utover «Klima og miljøplan» og ferdigstilling av «Beredskapsplan for Gloppen», vil ferdigstilling av arealdelen ha høgast prioritet fram til ny planstrategi er utarbeidd og vedteken. Vurdering av behovet for dei andre planane som er nemnde i samfunnsdelen, må difor takast stilling til under utarbeidinga av ny planstrategi over nyttår. Formannskapet 21.08.2019 Behandling Rådgjevar Beate Kornberg var til stades under behandling av saka. FOR- 090/19 Vedtak Rådmannen si tilråding vart samrøystes innstilt.

Side 64

Gloppen kommune






Kommunestyret

Nordfjordbrua AS - konvertering av planutgifter til aksjekapital Vedlegg i saka: 12.08.2019 Nordfjordbrua AS - notat til Eid og Gloppen kommune - aksjekapitalforhøying

Rådmannen si tilråding 1. Gloppen kommunestyre godkjenner at Gloppen kommune fakturerer Nordfjordbrua for kr

273.000,- eks mva for utgifter kommunen har hatt knytt til kommunedelplan for brukryssing Anda-Lote. Inntekta blir sett av på kommunen sitt disposisjonsfond.

2. Kommunestyret godkjenner at Gloppen kommune betalar inn aksjekapital til Nordfjordbrua AS på kr 273.000,-. Innbetalinga blir finansiert frå kommunen sitt investeringsfond.

3. Budsjettet for 2019 blir endra som vist i rådmannen si saksutgreiing.

Saksutgreiing Saka blir lagt fram med tilnærma same saksutgreiing som til kommunestyret i Eid. Bakgrunn for saka I samband med gjennomføring av interkommunalt planarbeid for Nordfjordbrua, har Gloppen kommune og Eid kommune hatt utgifter knytt til dette. Det er no ynskjeleg at kommunane får kompensert for disse utgiftene ved å få tildelt aksjar i selskapet og dermed ein høgare eigardel i selskapet. Dette vil også vere ein styrke for selskapet. Fakta i saka Selskapet Nordfjordbrua AS blei stifta i desember 2007. Primæroppgåva til selskapet er å arbeide for ferjefri kryssing av Nordfjorden mellom Anda og Lote. Gloppen kommune og Eid kommune er dei største aksjonærane i selskapet med ein eigardel i overkant av 30% på kvar. Resterande eigarskap er fordelt på mange eigarar, der Sparebanken Sogn og Fjordane er den største av disse med ein eigardel på 5,7%. Deretter følgjer mange bedrifter og privatpersonar med eigardel frå 1,5% og nedover. Kommunane Gloppen og Eid har gjennomført eit interkommunalt plansamarbeid og fått på plass ein kommunedelplan med planprogram for ferjefri E39 Anda-Lote. Kommunane har dekt disse utgiftene over eigen driftsrekneskap. Arbeidet er utført av Asplan Viak AS, leia av personell frå kommunane. Arbeidet blei utført i perioden 2014-2017. Utgifta for dette arbeidet inkl eigen administrasjon er på kr 546.000,- eks mva, fordelt 50/50 på kvar kommune. I generalforsamlingsmøte for Nordfjordbrua AS den 30. juni 2019 blei det vedteke at selskapet ynskjer at kommunane sine utgifter knytt til den interkommunale kommunedelplanen vert omgjort til aksjekapital i selskapet. Dette kan gjerast ved at kommunane fakturerer Nordfjordbrua AS for kr 546.000,- eks mva. Samtidig sender Nordfjordbrua AS krav til kommunane om innbetaling av

Side 65

aksjekapital på same beløp. Kommunane får med dette finansiert innbetalinga av aksjekapital ved at Nordfjordbrua AS betalar kommunane for utgiftene knytt til kommunedelplanen. Rekneskapsmessig vert inntekta frå Nordfjordbrua AS sett av til kommunen sitt disposisjonsfond, sidan dette vert ei inntekt i kommunen sin driftsrekneskap. Innbetaling av aksjekapital kan finansierast frå kommunen sitt disposisjonsfond eller investeringsfond, sidan dette er ei utgift som skal førast i kommunen sin investeringsrekneskap. For Nordfjordbrua AS vil ikkje dette ha noko økonomisk konsekvens, anna enn at selskapet får styrka eigenkapitalen. Dette er positivt for selskapet ved at det utad kan ha verknad for seinare emisjonar og positivt overfor regionale og sentrale styresmakter ved at selskapet framstår som meir solid. I generalforsamlingsmøte den 30. juni i år blei det også vedteke at utgifter som kommunane har hatt gjennom tilskot til selskapet, skulle gjerast om til aksjekapital i selskapet. Dette er i ettertid vurdert som noko meir komplisert, og blir dermed ikkje teke med i denne omgang, jf eige notat frå Nordfjordbrua AS som ligg ved saka. Økonomiske konsekvensar for kommunen Som nemnt tidlegare i saksutgreiinga, vil ikkje omgjeringa av tidlegare utgifter til planarbeid til aksjekapital ha noko samla økonomisk konsekvens for kommunane. Inntekta frå Nordfjordbrua AS vil styrke kommunen sin driftsrekneskap med avsetning til disposisjonsfondet, medan innbetaling av tilsvarande beløp som aksjekapital til selskapet kan finansierast frå kommunen sitt investeringsfond. Føringane av avsettinga og bruk av fond blir gjort som ein del av rekneskapsavsluttinga for 2019. Inntekta frå omgjeringa og utgiftene til aksjekjøp er som sagt kr 273.000 på kvar av kommunane. Avrunda til næraste heile 5.000 kroner, må desse endringane gjerast i kommunebudsjettet for 2019: På driftsbudsjettet

Art Ansvar Teneste Beløp Merknad

15400 1000 33000 +275.000 Avsetting til dispfond

17700 1000 33000 -275.000 Refusjon av tidl. planutgifter

På investeringsbudsjettet

Art Ansvar Teneste Prosjekt Beløp Merknad

35290 8000 33000 32050 +275.000 Kjøp av aksjar

39480 8000 33000 32050 -275.000 Bruk av ubunde inv.fond

Teneste 33000 er samferdslebedrifter/transporttiltak og prosjekt 32050 er aksjekjøp. Rådmannen si vurdering Rådmannen har ingen merknader til realitetane i saka. Kommunane finansierte sjølve utgifta ved kommunedelplanen i åra 2014-2017, og har ikkje hatt noko forventning om at dette skulle dekkast av Nordfjordbrua AS. Når kommunane no kan få auka eigardel i selskapet utan å måtte finansiere det med nye midlar, så er det ei positiv sak for kommunane. Samtidig ser rådmannen at dette vil vere positivt for selskapet ved at det får ein styrka eigenkapital. Formannskapet 21.08.2019 Behandling Formannskapet vedtok samrøystes at Svein-Ottar Sandal - som er styremedlem i Nordfjordbrua AS - er inhabil i saka. FOR- 091/19 Vedtak

Side 66

Rådmannen si tilråding vart samrøystes innstilt.

Side 67

Gloppen kommune

Arkiv: FE-000, TI-&00





Kommunestyret

Ei orientering om ny kommunelov - rådmann eller kommunedirektør?

Rådmannen si tilråding Kommunestyret tar saka om ny kommunelov til orientering, og vedtar at administrasjonssjefen i Gloppen framleis skal vere rådmann.

Saksutgreiing Bakgrunn for saka Dette er ei kort orientering om den nye kommunelova som i all hovudsak blir gjeldande frå konstituerande kommunestyremøte. I tillegg til orienteringa, ber rådmannen kommunestyret ta stilling til om kommunen skal halde fram med å tittelere administrasjonssjefen som rådmann eller skifte til kommunedirektør, slik den nye lova invitere til. Ny lov, men få store endringar Overskrifta er rådmannen sitt syn. Det er heilt sikkert nokon som meiner at endringane er store. På fleire område regulerer lova no det som er og har vore fast praksis i kommunane. Det kommunale sjølvstyret blir lovfesta, og det blir klarare reglar for kva som er folkevalde organ. Den nye lova er redigert meir systematisk enn den gamle, og det er lagt vekt på klart og godt språk. Kommunal- og moderniseringsdepartementet har – saman med KS – gjennomført eit omfattande opplæringsprogram om ny lov. Du kan lese om dette, og høyre foredraga på KS si nettside. Ny kommunelov blir heilt sikkert også ein del av folkevaldeopplæringa etter valet. Kva er dei reelle endringane? Om folkevalde organ – kap. 5 i lova - Berre dei organa som er nemnde i lova kan opprettast - Lova definerer kven som er folkevalde. Om val til folkevalde organ – kap. 7 i lova - Ny regel om suspensjon av ordføraren Om rettar og plikter for folkevalde – kap. 8 i lova - Folkevalde som har vervet som sitt hovudarbeid, får no rett til sjukepengar, yrkesskadeerstatning og permisjonar Om administrasjonen – kap 13 i lova - ny kommunelov tilrår at «kommunedirektør» blir brukt som tittel på det som i dag er rådmann - kommunedirektøren har det løpande personalansvaret for alle tilsette (unnateke seg sjølv)

https://www.ks.no/fagomrader/demokrati-og-styring/kommuneloven/informasjon-om-ny-kommunelov/

Side 68

Om økonomiforvaltning – kap 14 i lova - kommunestyret skal vedta finansielle måltal for kommunen sin økonomi - økonomiplanen kan utgjere handlingsdelen i kommuneplanen - høyringsfristen på handlingsdelen er redusert frå minst 30 dagar til minst 14 dagar - frist for å avlegge årsrekneskapen er 22. februar - bindande reglar for utrekning og betaling av minsteavdrag Om interkommunalt samarbeid – kap 17-20 i lova - alternativa er no interkommunalt politisk råd og kommunalt oppgåvefelleskap i tillegg til dei vi kjenner frå før: vertskommunesamarbeid, IKS, AS, samvirkeføretak m.f. - ny lovheimel for interkommunalt politisk råd (t.d. Nordfjorrådet) - oppgåvefellesskap i staden for dagens § 27-samarbeid (t.d. kommunerevisjonen, IKT Nordfjord) - oppgåvefellesskap skal ha eit representantskap, som er folkevalde Om kontrollutvalet – kap. 23 i lova - utvalet skal ha minst fem medlemmer - leiar kan ikkje tilhøyre same parti eller gruppering som ordføraren - nye reglar om forvaltningsrevisjon og eigarskapskontroll Om eigarstyring – kap. 24 i lova - det blir no lovpålagt med eigarskapsmelding minst ein gong i kvar valperiode Om statleg tilsyn – kap. 30 i lova - kommunane får klagerett på vedtak etter statleg tilsyn. Nærare om Folkevalde organ Endringane verken avgrensar eller utvidar høvet til å organisere seg slik vi vil. Vi har dei same lovpålagde organa som før: kommunestyret, formannskapet, partsamasett utval, kontrollutval og råda. Elles kan vi opprette det som passar, men vi må sjølvsagt følgje reglane om dette i lova. Dei lovpålagde sakene til formannskapet er dei same som før. Administrasjonen Hovudendringa her er at rådmannen (kommunedirektøren) no får ansvaret for kommunen sine tilsette direkte i lova, ikkje etter fullmakt frå kommunestyret. Ansvaret omfattar tilsetting, oppseiing, suspensjon, avskil og «andre tenestlege reaksjonar», men ikkje saker som gjeld søksmål og anke ved oppseiing og avskil. Dette må i så fall delegerast. Ny kommunelov brukar tittelen kommunedirektør, der den gamle lova skreiv administrasjonssjef. «Rådmann» er tittelen som jamt over har vore brukt. Det er ikkje obligatorisk å byte ut rådmannen med kommunedirektøren. Det er ei sak kommunestyret må ta stilling til. Økonomiforvaltning Dei finansielle måltala må vi kome tilbake til når vi reviderer økonomireglementet, evnetuelt også i arbeidet med komande årsbudsjett og økonomiplan. Interkommunalt samarbeid Kommunane har fått ein 4-årsfrist på seg for å gjere om/tilpasse dagens samarbeid til dei nye reglane. Desse samarbeida må i alle fall endrast: Nordfjordrådet og IKT Nordfjord. Samarbeidet om Alarmsentralen, kommunerevisjonen og SEKOM-sekretariatet er alt endra i samsvar med ny kommunelov. Arkivsamarbeidet er også tilpassa den nye lova. Iverksetting

Side 69

Som skrive innleiingsvis blir den nye kommunelova i all hovudsak gjort gjeldande frå konstituerande kommunestyremøte. Så er det nokre unnatak: Rekneskapen for 2019 skal leggast fram etter «gamle» reglar. Økonomireglane gjeld elles frå 1. januar 2020. Reglane om internkontroll blir iverksette når internkontrollreglane i særlovene er oppheva. Kva tid dette skjer, er ikkje avklara. Rådmannen si vurdering Dette er hovudsakleg ei orienteringssak, som ikkje treng noko vurdering frå rådmannen si side. Rådmannen vi likevel seie noko om tittelen sin: Det er naturlegvis argumentet om ein kjønnsnøytral tittel som er bagrunnen for tilrådinga om å kalle rådmannen kommunedirektør. Lovutvalet ville gjere kommunedirektør obligatorisk slik at alle kommunar skulle få same tittel på leiarstillinga. Slik gjekk det ikkje. Det er opp til kvar kommune – og fylkeskommune – kva dei vil kalle stillinga. Vi kan då ikkje rekne med at «kommunedirektør» blir noko eintydig tittel i kommuane. Det er frå før av om lag tusen kommunedirektørar rundt om i landet, utan at noko av desse er «kommunedirektøren». Diskusjonen om stillingstittelen er ikkje ny. Også i forarbeidet til dagens lov vart det tilrådd ein obligatorisk tittel, nemleg administrasjonssjef. Heller ikkje dette vart noko av. Færre enn 10 kommunen brukar i dag tittelen administrasjonssjef. Alle fylkeskommunar, som er styrde etter formannskapsmodellen, brukar tittelen fylkesrådmann. Rådmann er ein godt innarbeid – og heilt eintydig tittel, med lang historie. Vi bør tenkje oss godt om før vi byter ut denne med det som i alle fall førebels er ein nokså forvirrande og innhaldslaus direktør-tittel. Einaste argumentet mot «rådmann» er at tittelen ikkje er kjønnsnøytral, slik heller ikkje fylkemann og formannskap er. Rådmannen meiner at rådmannen bør vere rådmann… Formannskapet 21.08.2019 Behandling Framlegg frå Arnar Kvernevik (Ap): Tittelen på administrasjonssjefen i Gloppen skal vere kommunedirektør. Framlegget vart vedteke mot to røyster. FOR- 092/19 Vedtak Rådmannen si tilråding vart innstilt med den endring at tittelen på administrasjonssjefen i Gloppen heretter skal vere kommunedirektør. Innstillinga vart gjort med sju røyster.

Side 70

Gloppen kommune

Arkiv: FA-C83, TI-&20





Kommunestyret

Politisk organisering for valperioden 2019-2023 Vedlegg i saka: 15.07.2019 Politisk organisering for valperioden 2019-2023

Kort samandrag av saka I denne saka skal den politiske modellen for valperioden 2019-2023 vedtakast. Rådmannen legg fram to alternative hovudutvalsmodellar, men kjem ikkje med tilråding i saka. Evalueringa av dagens politiske modell viser at noko må gjerast med arbeidsfordelinga i saker som gjeld arealbruk og –planlegging. Begge modellane som rådmannen skisserer legg opp til å samle desse saksområda i formannskapet.

Rådmannen si tilråding Rådmannen legg ikkje fram tilråding i saka.

Saksutgreiing Bakgrunn for saka Våren 2019 har vi hatt ein gjennomgang i hovudutvala og formannskapet om den politiske modellen for neste valperiode. Føremålet med gjennomgangen har vore å sjå på kva som har fundert godt med dagens modell, og kva som ikkje har gjort det. Noko framlegg til ny modell har ikkje vore lagt fram. Spørsmålet om den politiske organiseringa er sjølvsagt først og fremst ei sak for dei folkevalde. I samråd med ordføraren legg likevel rådmannen fram to alternative modellar slik at formannskapet og kommunestyret har noko «å gå utifrå». Fakta i saka Drøftingane i hovudutvala og formannskapet viser at det ikkje er noko stemning for å gå vekk frå hovudutvalsmodellen, og dette blir lagt til grunn for denne saka. Hovudspørsmålet er - slik rådmannen har oppfatta det – to eller tre hovudutval. Før dette blir nærare drøfta, er utgangspunktet for modellane: - eit formannskap på ni medlemmer - eit kontrollutval på fem medlemmer. Følgjande gjeld for val av kontrollutval: 1. minst ein av medlemmane skal sitje i kommunestyret 2. leiaren kan ikkje vere medlem av same parti eller gruppe som ordføraren 3. medlemmene kan ikkje i tillegg sitje i andre utval med avgjerdsrett enn kommunestyret 4. tilsette i kommunen kan ikkje veljast. I tillegg kan heller ikkje nokon veljast som har leiande stilling eller verv i selskap som kommunen har eigarinteresser i, eller i interkommunale politiske råd eller kommunale oppgåvefellesskap.

Side 71

Slik rådmannen har oppfatta drøftingane så langt, er det ikkje ønskje om å endre følgjande prinsipp frå dagens modell: - alle i kommunestyret skal ha minst eitt tilleggsverv - utvala skal settast saman av kommunestyremedlemmene - leiarane i hovudutvala skal sitje i formannskapet - kontrollutvalet sin leiar bør sitje i kommunestyret. I tillegg har rådmannen forstått det slik at - arbeidsgjevar sine representantar i administrasjonsutvalet skal sitje i formannskapet - dagens ordning med finansutval* går ut. * Finansutvalet er no formannskapet, pluss gruppeleiarane i dei partia som ikkje sit i formannskapet. Ein to-utvalsmodell, med ni medlemmer i hovudutvala, vil «bruke opp» 25 av dei 27 medlemmene i kommunestyret: - to utval på 9 medlemmer (18) - eit formannskap på 9 medlemmer, inkludert to utvalsleiarar (7) Eit tre-utvalsmodell med sju medlemmer i hovudutvala – som i dag – vil «bruke» alle dei 27 medlemmene: - tre utval på 7 medlemmer (21) - eit formannskap på 9 medlemmer, inkludert tre utvalsleiarar (6). For å oppfylle vilkåret om at ein frå kontrollutvalet skal sitje i kommunestyret, med dei avgrensingar som gjeld, må nokon i kommunestyret ha fleire roller. Kva bør gjerast noko med? Det går fram av drøftingane som har vore at noko må gjerast med arbeidsfordelinga mellom formannskapet og MULTEK-utvalet i areal- og plansaker. Utover dette er synspunkta som er skrivne ned frå drøftingane litt sprikande. Arbeidsfordelinga i plansaker mellom formannskapet og MULTEK-utvalet er kort oppsummert at formannskapet har ansvaret for kommuneplanarbeidet medan MULTEK-utvalet har ansvaret for arbeidet med reguleringsplanane - med unnatak av oppstartingsvedtaket for kommunalt reguleringsarbeid. Dette blir gjort formannskapet. Plansakene heng tett i hop med dei sakene som blir politisk behandla etter jordlova og konsesjonslova. Modellane rådmannen presenterer legg begge til grunn at desse saksaområda ligg til same utvalet. Andre endringar? Det har ikkje vore tema i evalueringa å opprette eit særskilt klageorgan i det som kan kallast «klientsaker». Rådmannen trur dette er føremålstenleg, sjølv om vi har formannskapet som generelt klageorgan. Vi har nokre få område som gjeld personsaker der Fylkesmannen ikkje er klageorgan. Det gjeld t.d. tildeling av kommunal bustad når dette ikkje er heimla i særlov, og tildeling av parkeringsløyve. I særlovgjevinga er det reglar om talet på medlemmer i eit folkevald organ som behandlar klientsaker. Utvalet skal ikkje ha fleire enn fem medlememer. Kommunestyret har vedteke å opprette eit kommunalt føretak (KF) for å handtere saker som gjeld næringsbygg og næringsareal. Vi er ikkje i mål med opprettinga av føretaket, men rådmannen legg til grunn at dette skjer i løpet av valperioden. Styret for det kommunale føretaket skal etter framlegget til vedtekter, ha 3 eller 5 medlemmer. Vi har ikkje teke stilling til om kommunestyret skal vere

Side 72

representert i føretaksstyret. Ny kommunelov legg alt løpande arbeidsgjevaransvar til rådmannen (kommunedirektøren). Som ein konsekvens av dette bør dagens ordning med folkevald representasjon i arbeidsmiljøutvalet opphøyre. Rådmannen legg fram ei eiga orienteringssak om ny kommunelov, der spørsmålet om kommunen skal vidareføre rådmannstittelen eller endre denne til kommunedirektør, blir drøfta. Ein modell med to hovudutval Modellen rådmannen skisserer legg til grunn: - Utval A – eit driftsutval - Utval B – eit samfunns- og utviklingsutval Namna på utvala kan vi kome tilbake til. Fordeling av medlemmene i kommunestyret - 9 i driftsutvalet - 9 i utviklingsutvalet - 9 i formannskapet, her inkludert leiarane i dei to hovudutvala - Ein som leiar i kontrollutvalet - Ein som leiar for KF-et. Fordeling av oppgåver Driftsutvalet - Sakene frå dagens oppvekstutval - Sakene frå dagens helse- og omsorgsutval Samfunns- og utviklingsutvalet - Sakene frå dagens MULTEK-utval, unnateke plansakene, jordlovssakene og konsesjonssakene - Næringssakene frå formannskapet - Sals- og skjenkesakene frå formannskapet Formannskapet - Plansakene, jordlovssakene og konsesjonssakene frå dagens MULTEK-utval - Elles som i dag, minus næringssakene og sals- og skjenkesakene Forutsetningar - Ved etablering KF-et må vi syte for gode rutinar for samarbeid mellom ordførar, leiar i samfunns- og utviklingsutvalet og leiar i KF-et i næringssaker - Alle tematiske planar som skal vedtakast i kommunestyret skal innom formannskapet som innstiller i saka. Ein modell med tre hovudutval Modellen rådmannen skisserer byggjer på dagens: - Eit oppvekstutval - Eit helse- og omsorgsutval - Eit endra MULTEK-utval (nytt namn bør vurderast) Fordeling av medlemmene i kommunestyret - 7 i oppvekstutvalet - 7 i helse- og omsorgsutvalet - 7 i MULTEK-utvalet - 9 i formannskapet, her inkludert leiarane i dei tre hovudutvala - Ein som leiar i kontrollutvalet

Side 73

Fordeling av oppgåver som i dag, med unnatak av plansakene, jordlovssakene og konsesjonssakene som blir flytta frå MULTEK-utvalet til formannskapet. Felles for begge modellane - Arbeidsgjevar sine medlemmer i administrasjonsutvalet kjem frå formannskapet - For å styrke formannskapet si rolle som plan- og økonomiutval, bør alle plansaker (tematiske planar) som skal til kommunestyret kome med innstilling frå formannskapet - Rådmannen peikar ut arbeidsgjevar sine medlemmer i arbeidsmiljøutvalet - Det blir oppretta eit særskilt klageorgan på tre personar i brukar- og klientsaker. Val av folkevalde til administrasjonsutvalet og det særskilde klageorganet kan t.d. gjerast slik at fire av formannskapet sit i administrasjonsutvalet og tre i klageorganet. Vi har så langt ikkje sagt noko om folkevald representasjon i råda i kommunen: eldrerådet, rådet for menneske med nedsett funskjonsevne og ungdomsrådet. I dag sit leiarane i helse- og omsorgsutvalet og MULTEK-utvalet i eldrerådet og varaordføraren i rådet for menneske med nedsett funksjonsevne. Noko fast ordning med representasjon i ungdomsrådet har vi ikkje hatt. Rådmannen kjem ikkje til å legge fram noko forslag om å endre i ordninga med råda. Eit framlegg om å slå saman eldrerådet og rådet for menneske med nedsett funksjonsevne – som det framleis er høve til å gjere – har tidlegare blitt drøfta og avvist. I alle fall frå eldrerådet si side har det blitt poengtert at rådet bør veljast på konstituerande kommunestyremøte. I så fall, bør det gjerast vedtak om den politiske representasjonen i råda no. Reglane om val av råda står no i kommunelova. Etter § 5-12 skal fleirtalet av medlemmene i eldrerådet ha fylt 60 år på valtidspunktet. Medlemmene i ungdomsrådet skal på valtidspunket ikkje ha fylt 19 år. Valreglane for ungdomsrådet gjer det truleg vanskeleg å velje nokon folkevalde inn i dette rådet. Økonomiske konsekvensar for kommunen Det har ikkje så mykje å seie økonomisk korleis den politiske modellen ser ut. Rådmannen si vurdering Rådmannen vil ikkje kome med tilråding i saka. Som sagt innleiingsvis presenterer eg to alternativ, som kan innstillast slik til kommunestyret: Alternativ 1 Kommunestyret vedtek å vidareføre ordninga med hovudutval i den folkevalde styringa av Gloppen kommune. For valperioden 2019-2023 gjeld følgjande modell: 1. Det blir oppretta to hovudutval, kvar med 9 medlemmer: - Eit driftsutval som i hovudsak tar over oppgåvene til dagens helse- og omsorgsutval og oppvekstutvalet - Eit samfunns- og utviklingsutval som i hovudsak tar over oppgåvene frå dagens MULTEK-utval, minus arealsakene, og nærings- og skjenkesakene frå formannskapet - Leiarane i hovudutvala skal sitje i formannskapet. 2. Formannskapet held fram med 9 medlemmer som kommunen sitt plan- og økonomiutval, og tar over plansakene, jordlovssakene og konsesjonssakene frå MULTEK-utvalet. Alle plansaker som skal

Side 74

godkjennast av kommunestyret skal leggast fram med innstilling frå formannskapet. Mellom formannskapet sine medlemmer blir valde arbeidsgjevar sine representantar i administrasjonsutvalet, som held fram med 7 medlemmer – fire frå arbeidsgjevar og tre frå dei tilsette. 3. Det blir oppretta eit særskilt klageorgan på tre medlemmer som skal behandle klager i personsaker på administrative vedtak, der Fylkesmannen ikkje er klageorgan. Medlemmene i klageorganet blir valde mellom formannskapet sine medlemmer. 4. Kontrollutvalet skal ha 5 medlemmer. Leiaren i utvalet skal sitje i kommunestyret. 5. Ordninga med folkevalde medlemmer frå arbeidsgjevar i arbeidsmiljøutvalet blir avslutta. Rådmannen peikar ut arbeidsgjevarmedlemmene. 6. Kommunestyret vedtek slik politisk representasjon i råda: - i eldrerådet: leiarane i driftsutvalet og i samfunns- og utviklingsutvalet - i rådet for menneske med nedsett funksjonsevne: varaordføraren. 7. Kommunestyret ber rådmannen legge fram forslag til namn på utvala i punkt 1 og framlegg til reglement, der utvala og formannskapet sine ansvars- og arbeidsområde bli endeleg fastsette. Rådmannen får fullmakt til å endre delegeringsreglementet og anna kommunal regelverk slik at desse bli i samsvar med ny politisk modell. Alternativ 2 Kommunestyret vedtek å vidareføre dagens ordning med tre hovudutval i den folkevalde styringa av Gloppen kommune, med desse endringane for valperioden 2019-2023: 1. Formannskapet tar over plansakene, jordlovssakene og konsesjonssakene frå dagens MULTEK-utval. Alle plansaker som skal godkjennast av kommunestyret skal leggast fram med innstilling frå formannskapet. Mellom formannskapet sine medlemmer blir valde arbeidsgjevar sine representantar i administrasjonsutvalet, som held fram med 7 medlemmer – fire frå arbeidsgjevar og tre frå dei tilsette. 2. Det blir oppretta eit særskilt klageorgan på tre medlemmer som skal behandle klager i personsaker på administrative vedtak, der Fylkesmannen ikkje er klageorgan. Medlemmene i klageorganet blir valde mellom formannskapet sine medlemmer. 3. Kontrollutvalet skal ha 5 medlemmer. Leiaren i utvalet skal sitje i kommunestyret. 4. Ordninga med folkevalde medlemmer frå arbeidsgjevar i arbeidsmiljøutvalet blir avslutta.

Side 75

Rådmannen peikar ut arbeidsgjevarmedlemmene. 5. Kommunestyret vedtek slik politisk representasjon i råda: - i eldrerådet: leiarane i helse- og omsorgsutvalet og i MULTEK-utvalet - i rådet for menneske med nedsett funksjonsevne: varaordføraren. 6. Kommunestyret ber rådmannen legge fram forslag endra til reglement, der utvala og formannskapet sine ansvars- og arbeidsområde bli endeleg fastsette, og der spørsmålet om namneendring på MULTEK-utvalet blir vurdert. Rådmannen får fullmakt til å endre delegeringsreglementet og anna kommunal regelverk slik at desse bli i samsvar med endra politisk modell. Formannskapet 21.08.2019 Behandling Politisk organisering 2019-2023, framlegg frå Arnar Hans Kvernevik, Arbeidarpartiet Fra Gloppen AP Alternativ 1 punkt 1: Driftsutvalet (helse, omsorg, oppvekst) tek over skjenkesakene frå formannskapet. Skjenkesaker bør ikkje vere eit næringspolitisk spørsmål. Samfunns- og utviklingsutvalet skal ha arealsakene som MULTEK har i dag. Alternativ 2 punkt 1: Stryke avsnitt 1, første setning. Eller stryke heile første avsnitt.

Framlegget frå Arnar Kvernevik vart ikkje røysta over. Prøverøysting om to eller tre utvalsmodell: - 5 røysta for treutvalsmodellen - 4 røysta for toutvalsmodellen. FOR- 093/19 Vedtak Det vart ikkje gjort vedtak i saka.

Documents

Møtebok - Formannskapet - 21.08 - Gloppen