1

Kalaallit Nunaanni nappaammik kræftimik akiuiniarfik Kræftens bekæmpelse i Grønland

Ukiumoortumik nalunaarut 2010

Årsberetning 2010

2 IMARISAI – INDHOLD

AALLAQQAASIUT / Forord

SIULERSUISUT / Bestyrelse

SIULERSUISUT ATAATSIMIINERI / Bestyrelsesmøder

SIULERSUISUT ATAATSIMIINNERINI OQALUUSERISAT AALAJANGIUSSALLU / Indhold og beslutninger på besty- relsesmøder

ATAATSIMEERSUARNEQ / Landsmøde

DK-MI KRÆFTENS BEKÆMPELSE-P ATAATSIMIINNE- RANI PEQATAANEQ / Deltagelse på Kræftens Bekæm- Pelses landsmøde i DK

SIULERSUISUT ATAATSIMIINNERINI OQALUUSERISAT AALAJANGIKKALLU / Indhold og beslutninger på besty- relsesmøder

NUNA TAMAKKERLUGU KATERSUINIARNEQ / Lands- indsamling

IMMIKKOORTORTAQARFIIT / Lokalforeninger

TAPIISSUTIT LEGATIT / Legater KALAALLIT PEQQISSARTUT ILLUANNIK SULEQA- TEQARNEQ /Samarbejde med det grønlandske Patienthjem

QUPPERSAKKANIK SAQQUMMERSITSINEQ / Udgivelse af nye pjecer KATTUFFIUP ANINGAASAQARNERA / Landsforeni- ngens økonomi SULINIAQATIGIIFFINNIK ALLANIKSULEQATEQARNEQ Samarbejde med andre frivillige organisationer

NAGGASIUT / Afsluttende ord

AALLAQQAASIUT

Neriuffiit Kattuffianni siulersuisut aalajangiuppaat ukiumut 2010-mut nalunaa-

rusiap ukiut siuliini nalunaarusianiit allaanerusumik ilusilerneqassasoq.

Anguniarneqarpoq atuaruminarnerunissaa paasissutissallu allaaserineqartut

ajornannginnerusumik misissorneqarsinnaanngornissaat pisariaqartitsineq naa-

pertorlugu. Immikkoortortaqarfiit saniatigut nalunaarusiap avammut kik-

kunnilluunniit ajornannginnerusumik pissarsiarineqarsinnaanera aamma angu-

niarneqarpoq ukiummi ingerlanerani inuit ataasiakkaat, suliffeqarfiit, pisorta-

tigullu suliffeqarfiit, napparsimaveqarfiillu attavigiuaratsigit taakkungunnga

aamma Neriuffiit Kattuffianni suliniarnerup qanoq ingerlanera taamatut nittar-

saanneruniarparput. Taamatut ilusiliineq neriuppugut tamanit pissarsiffiulluas-

sasoq.

SIULERSUISUT

Ukioq 2010 aallartippoq ima siulersuisut inissisimallutik:

Siulittaasoq Johanne Olsen, Nuuk, Siulittaasup tullia Marius Olsen, Sisimiut

Aningaaserisoq Sara J. Brandt, Aasiaat,

Siulersuisuni ilaasortat pingasut: Gerda Lennert, Sisimiut , Peter Lorentzen,

Paamiut aammalu Malene Lyberth, Narsaq

Sinniisussatut inissisimavoq Theo Kruse, Narsaq

3 Peqatigiiffinni siunnersortitut inissisimapput:

Avannaani – Sisimiuniit Avannamut: Allaffimmiit isumagineqarpoq

Kujataani – Maniitsumiit Kujammut – Tunumilu: Peter Lorentzen, Paamiut

Oqaloqatiginnittartuni siunnersortitut inissisimavoq:

Nuna tamakkerlugu: Gerda Lennert, Sisimiut.

6.-7.maj 2010 ataatsimeersuareernerup kingorna siulersuisut ima inissipput :

Siulittaasoq Johanne Olsen, Nuuk, Siulittaasup tullia Marius Olsen, Sisimiut

Aningaaserisoq Kristine Sandgreen, Aasiaat,

Siulersuisuni ilaasortat pingasut: Sara J. Brandt, Aasiaat,

Sofie Mathiassen ,Sisimiut aammalu Rasmine Hansen, Qaqortoq

Sinniisussatut inissipput Theo Kruse, Narsaq aamma Pavia Andreassen,

Nanortalik

Saamerlerniit: Sofie Mathiassen, Johanne Olsen, Marius Olsen, Theo Kruse,

Kristine Sandgreen, Rasmine Hansen, Pavia Andreassen, Sara J. Brandt

Peqatigiiffinni siunnersortitut inissipput:

Avannaani – Sisimiuniit Avannamut: Sofie Mathiassen , Sisimiut

Kujataani – Maniitsumiit Kujammut – Tunumilu: Rasmine Hansen, Qaqortoq

Oqaloqatiginnittartuni siunnersortitut inissippoq:

Nuna tamakkerlugu: Sara J. Brandt, Aasiaat

SIULERSUISUT ATAATSIMIINNERI

Ukiup 2010- aallartinneraniit 6.-7. maj ataatsimeersuarnissap tungaanut siuler-

suisut oqarasuaatikkut ataatsimiipput arfinileriarlutik imminnullu naapillutik

Nuummi ataatsimiipput ataasiarlutik.

6.-7. maj 2010 ataatsimeersuarnermi siulersuisunngortut oqarasuaatikkut ataat-

simiipput arfinileriarlutik.

ATAATSIMEERSUARNISSAP TUNGAASUT SIULERSUISUT ATAATSIMIINNERINI

OQALUUSERISAT AALAJANGIUSSALLU

Ukioq 2010-p aallartinneraniit 6.-7. Maj ataatsimeersuarnissap tungaanut siuler-

suisut ataatsimiittarnerminni pingaarnertut makkua oqaluuseraat aalajangiif-

figalugillu:

Immikkoortortaqarfiit aammalu Kattuffik Unnuk Kulturisiorfiusumi Janu-

arip 23-ni peqataanerat.

Siulersuisut imminnut naapillutik ataatsimiinnerminni makkua oqaluuseraat

aalajangiullugillu:

Sumi qaqugulu ataatsimeersuarnissaq – tassalu Nuummi majip arfernani

arfineq aappaanilu

Ukiorpassuarni Neriuffimmi oqaloqatiginnit-

tartuni siunnersorti Gerda Lennert, Sisimiu-

neersoq ataatsimeersuarnermi naggataarpoq.

Nammineq piumassuseq aallaavigalugu qasu-

suilluni Neriuffik sullittuarsimammagu immik-

kut qutsavigineqarpoq.

Aammattaaq siulersuisuni sulisimasut tunuartut

qutsavigineqarput.

4

Neriuffiit Kattuffianni siulersuisut sulinerisa aaqqissornerat – forret-

ningsorden

Malittarisassanik allannguinissamut ataatsimiititaliaq sisamanik inuttalik

naggammeersumik naapissasut 21-22. Marts

Kattuffimmi siulersuisuni ilaasortat ataatsimiigiarnerminni akissar-

siatigut annaasaqartannginnissaat akuersissutigineqarpoq

Illutaarniarnissamut aningaasanik superkontomut ikisinissaq akuerine-

qarpoq

Ukiumut suliassat immikkoortortaqarfinnut nassiussuunneqaqqinnissaat

Meeqqanut kontoliornissaq

2010-mut missingersuutit akuersissutigineqarput

Nuna tamakkerlugu katersuiniarnermi atortussat sanaartortinneqarnis-

saat isumaqatigiissutigineqarpoq.

Oqaloqatiginnittartunik pikkorissaanerit Kattuffimmiit ingerlanneqar-

talernissaat isumaqatigiissutigineqarpoq.

Nappaammik kræftimik nangillutik napparsimaleqqittut tapiissummik,

legatimik, qinnuteqarsinnaanngorput akuerineqarsinnaanngorlutillu.

Ataatsimeersuarnissap tungaanut oqarasuaatikkut ataatsimiinnerni makkua

oqaluuserineqarput isumaqatigiissutigineqarlutillu:

Ataatsimeersuarnissap piareersarnera pingaarnertut oqaluuserineqar-

tarpoq. Kikkut saqqummiisussatut qaaqquneqassanersut, ataatsimiif-

fissap qanoq ilusilerneqarnissaa, nutserinissaq qanoq aaqqinne-

qassanersoq, atortorissaarutit sorliit pisiarineqassanersut ( assiliivik –

qarasaasiamiit seqertissut - projektor), aqutsisussaq allallu ataatsi-

meersuarnissap pitsaanerpaamik ingerlanissaanut aaqqissuussassat

oqaluuserineqartarput.

I.C.C. allaffigineqarpoq 2010-p aasaanerani ataatsimeersuarnissaanut

Kattuffik peqataasussatut qaaqqusaanngimmat peqataarusunnermik

kissaateqarfigalugit. – Kingusinnerusukkut kissaatigineqartoq I.C.C.-mit

akuersaarneqarpoq siulittaasorlu tusarnaartutut qaaqquneqarluni peqa-

taavoq.

DK-mi Kræftens Bekæmpelsep ataatsimeersuarnissaanut qaaqqusis-

summut peqataasussatut aalajangiunneqarpoq siulittaasoq Johanne

Olsenip peqataanissaa.

ATAATSIMEERSUARNEQ Neriuffiit Kattuffiata malittarisassai naapertorlugit ukiut pingasukkaartumik Kattuffik ataatsimeersuartarmat ukioq 2010-mi ataatsimeersuarneq ingerlan-neqarpoq Nuummi 5-6-7. Maj Sømandshjemmemi.

Ataatsimeersuarnermi peqataasut immikkoortortaqarfinnit ukunannga agger-suupput: Nanortalik – Qaqortoq – Narsaq – Paamiut – Nuuk – Maniitsoq – Sisimiut – Kangaastsiaq - Aasiaat – Ilulissat – Uummannaq Qaaqqusatut Danmarkimi Kræftens Bekæmpelsemit peqataasoqarpoq Ataatsimeersuarnermi ilaatigut sammineqarput akuersissutigineqarlutillu Kattuf-fimmi malittarisassat allannguuteqarneri. Malittariasassat allannguuteqar-nissaannut siunnersuusiortussatut suleqatigiissitaliaq sisamanik inuttalik ukiut arlallit sulereerluni malittarisassanut allannguutissanik saqqummiussivoq. Saq-qummiussat isummerfigineqareerlutik allanngortilaarneqarlutillu akuersissutigi-neqarput.

5 Ataatsimeersuarnermi nutaatut misilinneqarpoq avataanit saqqummiisussanik qaaqqusaqarneq. Tamanna iluatsilluarpoq saqqummiisullu pissarsiffigineqar-luarlutik. Ukua saqqummiisinneqarput:

Peqqissutsimut Naalakkersuisoq Agathe Fontain. Naalakkersuiso-qarfimmiit nappaat kræfti pillugu suliniutit saqqummiunneqarput.

Paarisami siunnersorti Sofie Jessen Paarisap nappaammik kræftimik pitsaaliuinermi suliniutit pillugit saqqumiivoq

Dr. Ingridip Napparsimavissuani nakorsap Torben Myrhøj-ip Kalaallit Nunaanni nappaatip kræftip kingornuttagaanera nassuiaateqarfigaa.

Qallunaat Nunaanni Kræftens Bekæmpelsip Næstvedimi siun-nersuisarfimmi pisortaq Annette Rasmussen ukuninnga saqqumiivoq: Suliamik iluini sammisartakkatik tasssalu: Pitsaaliuineq peqqissaanerlu –Nakorsartinneq – Nakorsartinnerup kingorna peqqissaaneq – Toqujartortunik ikiuineq.

Ataatsimeersuarnermi aamma aalajangiiffigineqarput ukiuni pingasuni tulli-uttuni suliniutissat anguniagassallu ilaatigut makkuusut:

Kattuffik illutaarniartariaqarpoq

Oqaloqatiginnittartoqarnerup nukittorsarneqarnissaa

Oqaloqatiginnittartunik siunnersortip sinerissami angalasarnissaa

Napparsimasut angerlarsimaffiat Brønshøj-miittoq suleqatigineqarneru-nissaa

Inuit amerlanerusut anguneqarnissaat

Quppersakkat amerlanerusut

Napparsimasut atugaasa ajornartorsiutaaneri qulliunerusunut anngun-neqarluartarnissaat

Kattuffimmi ukiuni tuliusuni pingasuni siulersuisunngortussanut qinersisoqarpoq qulannilu takuneqarsinnaapput qinersinermi qinigaasut aqqi assingallu. Ataatsimeersuarnermi imaqarniliaq allaffik aqqutigalugu pissarsiarineqarsinnaa-voq.

DK-MI KRÆFTENS BEKÆMPELSE-P ATAATSIMIINNERANI PEQATAANEQ Ukiut tamaasa psiarnertut DK-mi Kræftens Bekæmpelse-p ataatsimmersuar-

nissaminut Neriuffiit Kattuffiannit peqataasussamik ataatsimik qaaqqusivoq.

Siulittaasoq Johanne Olsen Koldingimi ataatsimeersuarnermut peqataaavoq.

Pisarnertut Kattuffimmi ingerlatsinermi isumassarsiaasinnaasut arlalippassuit

pissarsiarineqarput ataaserlu una assitalerlugu takutinneqassaaq maani Kalaallit

Nunaanni aamma ingerlalluarneqarsinnaasoq tassalu Stafet for livet.

Stafet for livet: Inuunermut tulleriiaarluni arpanneq

Neriunnerup igaa

ATAATSIMEERSUAREERNERMI SIULERSUISUT ATAATSIMIINNERINI OQALUU-

SERISAT AALAJANGIUSSALLU

5.-6.-7. Maj ataatsimeersuarnermi siulersuisunngortut ataatsimiittarnerminni

pingaarnertut makkua oqaluuseraat aalajangiiffigalugillu.

Ataatsimeersuareernerup kingorna siulersuisunngortut nutaat attave-

qaateqarnissaat allaffissornikkut isumagineqarput. Attaviit nuussorne-

qarput nutaanillu attavilersorneqarlutik. Siulersuisunngortut avammut

tusagassiutitigut assigiinngitsutigut nalunaarutigineqarput Kattuffim-

miillu paasissutissat iluarsineqarlutik naqiteqqinneqarput. Ataatsi-

Nal.ak. 18-24-t atorlugit tulleriiaarluni arpanneq, ilaquttat, ikingutit, suleqa-tillu arpannerat eqqaaniarlugit kræf-timik toqukkut qimaguttut kræfte-qarlutillu nappaammik akiuuttut neri-uummik tunerusullugit. Takuuk: www.cancer.dk

6

meersuarnermi imaqarniliaq allaqqissaarneqarpoq malittarisassallu

nutaat akuersissutigineqartut allaqqissaarneqarlutik.

Tapiissummik legatimik qinnuteqarfissap iluarsiissuteqarfiginissaa

pissaaq naqiteriikkat allaffiup pigisai nunguppata. Iluarsissuuteqar-

figineqassaaq nappaammik kræftimik nangeqqinnermi aamma qinnute-

qartoqarsinnaanera.

Nuna tamakkerlugu katersuiniarnissaq piareersarneqarpoq.

Akuersissutigineqarpoq 150.000,- kr siorna Nanortalimmiit

tunissutigineqartuniit immikkoortinneqassasut Dr. Ingridip napparsima-

vissuani siutikkut qinngakkut torlukkullu misissuummik pissarsi-

niartoqarnerani tunissutissatut.

Siulersuisut suleriaasissaannut, forretningsordenimut, ilanngunneqas-

saaq Kalaallit Peqqissartut Illuannik suleqateqarneq qanoq iluseqas-

sanersoq.

Juullimut pilluaqqussutissaq Aasianniit isumagineqassasoq aalajangiun-

neqarpoq.

Upernaamut 2011-mi oqaloqatiginnittartunik pikkorissaaneq Kujataani

ingerlanneqarnissaa aalajangiunneqarpoq, tarnillu pissusaanik ilisima-

salik kalaalliisut oqaasilik suleqatiserineqassalluni.

Immikkoortortaqarfimmi aningaasanik eqqunngitsumik ingerlatsi-

soqarneranik nalunaartoqarnerani Kattuffimmiit periusissat siulersuisut

imminnut naapillutik ataatsimiinneranni oqaluuserineqassapput aalaja-

ngiiffigineqarlutillu.

Kattuffimmi illersuisutut tapersersuisutullu inissisimanermi isumaqati-

giissusiassap suliarinissaa isumaqatigiissutigineqarpoq.

Quppersakkanik nutsikkanik nutaanik saqqummersitsinissaq ingerlan-

neqarpoq.

Kattuffimmit Nutaarsiassat – Nyhedsbrev – ataasiarluni decemberimi

saqqummerpoq.

NUNA TAMAKKERLUGU KATERSUINIARNEQ Ukioq 2010 nuna tamakkerlugu katersuiniarneq ingerlanneqarpoq sapaammi oktoberip pingajuani. Immikkoortortaqarfiit nunaqarfittaalu pisarnertut peqataalluarput. Ukioq 2010 Ukioq 2010 katersuiniarnermut qulequtaritinneqarpoq ”Suleqatigiinneq” ani-ngaasallu 800.000,- kr isertitassatut siunniunneqarlutik. Immikkoortortaqarfiit nunaqarfittaalu pisarnertut peqataalluarput. Ukioq 2010-mi immikkut allaffigineqarput politikerit Neriuffimmut illersortissatut taperser-sortissatullu inissinnissaannik kissaateqarfigalugit . Politikerit arlalippassuit soqu-tiginnillutik katersuiniarnermi peqataapput. Taakku tamaasa qutsavigaagut. Nuummi illumiit illumut katersuiniarnermi ilaatigut peqataapput:

Agathe Fontain Astrid Fleischer Rex Kisitseqataasut Nette aamma Ajaaja Immikkoortorqarfinni, illoqarfinni nunaqarfinnilu Avannaani Kujataani allatigullu katersuiniarnerit ima isertitsiviusimapput. Sanilliullugit kisitsisit 2009-meersut ilanngunneqarput:

Sumi 2009 2010

Kujataani: Nanortalimmiit Maniitsumut

313.998,00 kr

344.577,00 kr

Avannaani : Sisimiuniit Siorapalummut

317.027,00 kr

293.694,50 kr

Oqarasuaatikkut katersineq 39.600,00 kr 27.350,00 kr

Katillugit 669.025,00 kr 665.621,50 kr

7

Nuna tamakkerlugu isertitsitsiffiunerit 2009 2010

Illumiit Illumut katersat

Bingortitsinerni isertut

Takuneqarsinnaasutut aningaasat siunniunneqartut anguneqanngillat kisiannili 2009-mi katersat angungajanneqarsimammata nuannaarutigeqaarput taperser-suisimasullu tamaasa qamannga pisumik qutsavigalugit. Najugaqarfiit immikkuutitaarlutik isertitsitaat takuneqarsinnaapput Kattuffiup naatsorsuutaanni kukkunersiorneqarsimasuni.

IMMIKKOORTORTAQARFIIT Inuit ataasiakkaat Neriuffimmut ilaasortaasarput immikkoortortaqarfiit aqqu-tigalugit. Ilaasortaanermik akiliutit immikkoortortaqarfiit namminneq aningaa-sanik kaaviaartitaminni ingerlataraat. Kattuffiup ataatsimeersuarnerani aalaja-ngerneqartarpoq ilaasortaanermi akiliut qanoq atsigissanersoq, ataatsimeersu-arnermilu aalajangiunneqarpoq ukiumut 50,- kr ilaasortaanermut akiliutaasas-sasoq. Immikkoortortaqarfiit arlallit aningaasaateeqarfeqarput immikkoortortaarfiup ataani inissisimasunik ilaqutaasut angalaqataanissaannut qinnuteqarfiusin-naasoq. Ukiuni arlalinni ingerlatsisimasoq Neriuffik Aasiaat paasiniaaffigi-neqarsinnaavoq. Immikkoortortaqarfiit ukiup ingerlanerani assigiinngitsunik najugaqarfimminni pisoqartitsisarput ingerlatsillutillu: Pingaarnertut ingerlanneqartartup ukiumoortumik nuna tamakkerlugu katersui-niarnermut peqataanerup saniatigut ilaatigut makku ingerlanneqartarput: Ikumatitalisarluni ingerlaaqatigiinneq – nappaateqartunik naapeqatigiissitsineq – oqallitsitsineq - Kulturimik unnussiornermi peqataaneq – najugaqarfimmi paa-sisitsiniaaneq – peqqissaaveqarfinnik ataatsimeeqateqarnerit il.il. Immikkoortortaqarfiit kajumissaarneqartarput Kattuffimmut assinik nassit-sisaqqullugit, kisianni assit Aasianniit Nuummiillu maannamut pissarsiari-sarpagut ataanilu pisimasut ilaat Aasianneersut ilannguppagut.

Aasianniit Nuummiillu assit

TAPIISSUTIT LEGATIT Ukiup ingerlanerani tapiissutit legatit, kræftimik eqqugaasunut qinnuteqarsima-sunut tunniunneqartarput nakorsamit uppernarsarneqarlutik atsiorneqarsima-sut aallaavigalugit. Maluginiarneqassaaq ukioq 2010-mi tunniunneqartut amer-lingaatsiarsimaneri. Tamanna pissuteqarpoq 2010-mi aallaartinneqarmat nap-paammik kræftimik nangeqqittut aamma qinnuteqarsinnaanngortinneqarneri. Nappaammik siullermeertumik eqqugaasut amerlassusaat peqqinnissaqarfiup allattugaaniittut allaanerulaarneri naatsorsuutigineqassaaq tapiissummik lega-timik Neriuffimmut qinnuteqartarneq ilaasa atorneq ajormassuk. Kisianni amerlanerpaat periarfissaq atortarmassuk Neriuffimmi kisitsisit allattugaatigut tutsuiginartuupput Kalaallit Nunaannilu kræftimik napparsimalersartut amerli-artornerinik takussutissaallutik. Ataani kisitsisit tapiissummik legatimik tunniussanut takussutissaapput. Malu-giniarneqarsinnaavoq Avannaani Kujataanilu nappaammik eqqugaasut amer-laqatigiiginnangajammata, kisitsisillu inuttussuseq aallaavigalugu qanoq anner-tutigineri immikkut kisinneqarsinnaassammata. Ukiumoortumik nalunaarusiamut ilanngussatut immikkut pissarsiarineqarsin-naapput najugaqarfikkaartumik kræfteqariaatsit sorliit inuillu qassit nappaam-mik eqqugaasimanersut.

8

Sumi Qassit 2009 Qassit 2010

Kujataani: Nanortalimmiit Maniitsumut

45

135.000,00 kr

67

201.000,00 kr

Avannaani : Sisimiuniit Qaanaamut Tunumilu

49

147.000,00 kr

62

186.000,00 kr

Katillugit 94 282.000,00 129 387.000,00 kr

KALAALLIT PEQQISSARTUT DK-MI ILLUANNIK SULEQATEQARNEQ Kalaallit Peqqissatut Illuat, Brønshøjimiittoq, Neriuffiit Kattuffianniit qanimut suleqatigineqarpoq pingaartumik Kræftemik nappaateqalersut Kalaallit Peqqis-sartut Illuanni najugaqartut tapiissummik legatimik, qinnuteqarnerisigut tunine-qartarnerisigullu Neriuffiit Kattuffianni allaffiup, Kalaalliit Peqqissartut Illuannilu inunnik isumaginninnermik atorfilik toqqaannartumik attaveqaqatigiittarput. Qaamatip majip ingerlanerani siulittaasoq Qallunaat Nunaanni Kræftens Be-kæmpelsep ataatsimeersuarnerani peqataanini iluatsillugu Kalaallit Peqqissartut Illuanni Neriuffik pillugu oqalugiarpoq peqqissartullu isummersuutaat aamma oqaloqatigiissutigineqarlutik.

2010-mi junip 29-ni Neriuffiup Ulluani Kalaallit Peqqissartut Illuanni najugaqar-tut Neriuffiit Kattuffiannit tapiiffigineqarput kalaaliminertortinneqarnissaannut.

Tamanna iluatsilluartutut nalunaarutigineqarpoq assitalerlugit ullormi pisut nassuiaatigineqarmata.

Kattuffiup silersuisuini siulittaasup tullia Marius Olsen Dk-miinniniiluatsillugu 2. August 2010 Danmarkimi Kalaallit Peqqissartut Illuanni saqqummiivoq Kattuf-fiup suliarisimasai suliniutaalu pillugit. Najugaqartut periarfissaqarsimapput isummaminnik saqqummiinissaat assigiinngitsullu saqqummiunneqarsimallutik. Isumaqatigiissutigineqarpoq paasissutissanik immiussisoqassasoq. Saqqummiinermi imaqarniliaq Kattuffimmiit pissarsiarineqarsinnaavoq. QUPPERSAKKANIK SAQQUMMERSITSINEQ Qallunaat Nunaanni Kræftens Bekæmpelse Neriuffiit Kattuffiatalu suleqatigiin-nissamik isumaqatigiissutaat tunngavigalugu Kræftens Bekæmpelse-p qupper-sagaataasa ilaat kalaallisut nutserneqarnissaat piviusunngortinneqarpoq 2010-mi. Nutserisuuvoq Kirstine Berthelsen Ilusilersuivoq assiliartalersuillunilu Lis Stender, Inuk Media, Kukkunersiuisuuvoq ilaatigullu assiliartalersuilluni Johanne Olsen. Maannamut quppersakkat kalaallisuunngortitat 19-t saqqummersinneqarsima-lerput. Quppersakkat siulliit aqqaneq marluk nuannaarutigeqisatsinnik saqqum-mersinneqarput ukuusut: TARTUKKUT KRÆFTEQARNEQ IGGISSAKKUT KRÆFTEQARNEQ ILLISSAP PAAVATIGUT KRÆFTEQARNEQ AMIKKUT KRÆFTEQRNEQ MANNISSAQARFIKKUT KRÆFTEQARNEQ PUAKKUT KRÆFTEQARNEQ KRÆFTEQALERNEMI

9 NAPPAAMMIK KRÆFTIMIK EQQUGAANERMI PAASISSUTISSAT PISINNAATITAAF-FIILLU INUUNERUP NAALERNERANI EQQARSAATIT QANIGISAASUT, qisuariaatit siunnersuutillu QIMAGAANEQ, qisuariaatit siunnersuutillu Ilanngullugu qallunaatut saqqummersinneqarpoq: INFORMATIONER OG RETTIGHEDER FOR KRÆFTRAMTE

Assimi takuneqarsinnaapput ataatsimeersuarnissap tungaanut siulersuisut Nuummi naapillutik ataatsimiinerminni quppersakkanik avammut saqqum-miussinermi assilineqarsimasut.

Saamerlerniit: Malene Lyberth, Gerda Lennert, Theo Kruse, Marius Olsen,

Peter Lorentzen, Johanne Olsen, Sara J. Brandt

Quppersakkat immikkoortortaqarfinnut, Dr. Ingridip napparsimavissuanut, sine-rissami peqqissaavinnut, Qallunaat Nunaanni Kalaallit Peqqissartut Illuannut, Kræftens Bekæmpelsemut, Atuagaateqarfimmut allanullu soqutiginnittunut nassiussuunneqarput.

Quppersakkanik avammut saqqummiussinermi naasunik tunineqarpoq ilusilersuisoq Lis Stender

KATTUFFIMMUT IMMKKUT TAPIISSUTIT Ukiumi 2010-mi Kattuffimmi aningaasaqarniarneq ajunngitsumik ingerlavoq. Ukioq 2010-mi ataatsimeersuarneq Tips og Lottomit 120.000,- kr-nik tapiffi-gineqarpoq, quppersagaliorneq aamma 120.000, kr-nik tapiiffigineqarpoq, allaffissornerlu 75.000,- kr-nik. Immikkut Arnat arpatsitsinerannit 20.000,- kr tapiissutigineqarput arnanut kræfteqartunut atugassianngorlugit. Tapiissuteqartut tamaasa qamannga pisumik qutsavigaagut suliniarnitsinnut tapertaalluarmata. Isertitat sinneri Nalunaarusiami qupp. 6-mi takuneqarsinnaapput. Kattuffiup naatsorsuutai Deloitte & Touche-kkunnit kukkunersiorneqarsimasut Kattuffiup allaffianit pissarsiarineqarsinnaapput.

SULINIAQATIGIIFFINNIK ALLANIK SULEQATEQARNEQ Ukiup 2010-p ingerlanerani suliniaqatigiiffiit assigiinngitsut suleqatigineqarsi-mapput. Røde Korsit oqaloqatigineqarput suleqatigiinnerunissaq anguniarneqassasoq. Aamma Canadami kræftemik suliniaqatigiiffik attavigineqarsimapput Kalaallit Nunaanni cigaretsit tuniniarneranni poortanut mianersoqqussutinik allagartale-rsuineq pillugu. Nalunaarusiaminnut ilanngunniarpaat Kalaallit Nunaanni oqaat-sit marluk atorlugit cigaritsit puui mianersoqqussummik allagartalerneqartar-mata.

10

NAGGASIUT

Ukioq 2010 Neriuffiit Kattuffini pisimasoqarfiulluartoq taamatut

nalunaarusiorfigineqarpoq. Neriuffimmi suliniartut tamaasa qamannga pisumik

qutsavigaagut, nappaammik kræftemik eqqugaasut ilaqutaasullu

ajunnginnerpaanik tamnik kissaappagut, nappaammik kræftimik

napparsimallutik toqukkut qimaguttut eqqarsaatitsigut najorpagut

eqqaaneqarnerilu ataqqiuassavagut.

Ukiup tulliani Kattuffiup ingerlalluarnissaa kissaatigaarput suliassammi

annertunerulersinneqarnissaat pisariaqartinneqartoq nalunanngilaq.

Neriuffiit Kattuffianni siulersuisut sinnerlugit

Johanne Olsen, siulittaasoq

NERIUFFIIT KATUFFIAT Nappaammik kræftemik akiuiniarfik – Kræftens Bekæmpelse i Grønland Aqqusinersuaq 48 A Box 1546, 3900 Nuuk – Mobil 49 04 89 – Fax 31 25 04 Mail: neriuffik@greennet.gl Nittartagaq: www.neriuffik.gl

Allaffik nalinginnaasumik suliffiup iluani ammasarpoq.

Nittartakkami asseq