Embed Size (px)
Citation preview
Ilonggo
WILLIAM FAY & RALPH HODGE
IPAAMBIT SI HESUS NGA WAAY
KAHADLOK
llonggo
005273125
Ipaambit Kay Hesus Nga Waay Kahadlok Ni William Fay kag Ralph Hodge Ang Mga Sulod/ Unod- (English:Contents) Paunang Pabatyog …………………………………………………………………6 Una nga simana: Pagpalig-on sang Tagipusoon agud mapaambit si Hesus…………..7 Ikaduha nga simana: Pagtuon sang Pamaagi sa Pagpakilala kay Hesus………………24 Ikatatlo nga simana: Pagsabat sa Paghangkat sa Pagpanugid kay Hesus…………….40 Personal nga Pagsalig sa Ginoo sa Pagpanugid kay Hesus…………………………...55 Sumunod nga mga pamaagi para sa bag-uhanon nga mga Kristiyano………………..56 Ang Sunod nga mga Tikang para magtubo sa Kristohanon nga Pagdisipulo…………57 Share Jesus Without Fear Viewer’s Guide…………………………………………….58
Page 5 “ Wala ako nagsalig sa akon abilidad sang dira ako sa inyo. Nagkurog pa gani ako sa kakulba. Sang pagwali ko sa inyo, wala ako naggamit sang mabinulakbulakon nga mga pulong agod makombinsi kamo, kundi ang Espiritu Santo amo ang nagpamatuod sa akon ginpanghambal paagi sa iya gahom, agod ang inyo pagtuo indi mapasad sa kaalam sang tawo kundi sa gahom sang Dios.” 1 Corinto 2:3-5 (Hiligaynon Bible)
Page 6 Paunang Pabatyog Mga kautoran ko, Nalipay ako nga ginpili niyo nga tun-an ang Ipaambit Si Hesus Nga Waay Kahadlok. Makapromisa ako nga ang Ginoo magatuman sa kada tion nga ang Pagpanugid kay Jesus nga wala sing kahadluk ginatudlo: Imo mahibal-an nga wala sang kapildihan ang pagpanugid nimo sa imo nga pagtuo. Tungod kay ang tatlo ka paagi mahapos lang, matingala ka na lang ngaa waay ini gintudlo sa imo sang una pa. Madamo nga matutum nga Kristiyano gusto magpanugid sa ila pagtuo. Madamo ang nagtilaw, nakabaton sang negatibo nga sabat, nagbatyag nga gisalikway, naghunahuna nga wala sila kadaugan. Tungod sini, wala na sila nagpadayon sang pagpanaksi kag nagbatyag na lang sang kasaypanon. Ang iban naman, wala lang guid nakahibalo kon papaano ipanugid ang ila pagtuo. Ako ipakilala akon kaugalingon. Ako si ebanghilista William Fay. Isa ako ka makasasala nga naluwas pinaagi sa grasya. Sa 40 anyos nakon nga kabuhi, isa ako sa mga masupilon nga tawo nga imo makita kon parte na sa maayo nga balita. Madamo nga Kristiyano nagtilaw nga isugid ang ila pagtuo sa akon ugaling akon sila gina-insulto, pakahuy-an kag awayon. Ugaling, kon magtalikod sila halin sa akon nga may pagbatyag sang kapildihan, nagpatuo sila sa isa ka butig. Indi ko malimtan ang ila mga pulong, mga guya o kon ang mga tawo nga nagpalapit sa akon nga kabuhi para lang tumanon ang ginsiling ni Cristo Jesus. Madamo ako sang kahigayunan nga makapanugid sa akon nga pagtuo. Pero bilang isa ka ebanghelista, nakahibalo ako nga: wala ako nakagiya sang isa ka tawo dira kay Cristo. Pero, madamo nga tion nga ang Espiritu Santo amo ang naghikut. Ang kadaugan amo ang pagpanugid sa imo nga pagtuo- ang pagpangabuhi dira kay Cristo Jesus. Indi amo ang pagdala sa isa ka tawo dira kay Cristo. Indi naton responsibilidad ang pag kambyo sang isa ka tawo. Kung kita amo ang nagakambyo, ang tawo nga aton masugiran indi luwas! Ang pagkakabig iya buluhaton sang Espiritu Santo. Sa inyo mabatian, ang tanyag nga komisyon nagasiling “Kadto!” Indi lamang ini sa imo pagbuut kondi isa ini ka mando nga dapat tumanon. Ang Biblia nagasiling nga kon indi naton himuon ang maayo nga butang, sala ini. “Kon nahibaluan sang tawo kon ano ang maayo nga dapat niya himuon, pero wala niya ginahimo, nagapakasala siya.”(Santiago 4:17). Kung indi ka aktibo sa pagpanugid sang imo nga pagtuo, parte na sang imo kabuhi nakasala ka sang wala pagtingog. May kabug-aton ako para sa mga tawo nga wala naga tuman sa Ginoo basi sa parte nga ini sa ila kabuhi. Sa imo indi pagtuman sa mando, dal-on ka sang Ginoo sa pagpaubus. Sa madamo na nga tuig nga pagsugilanon sa mga simbahan, akon nakit-an nga pipila lang ka porsyento sa simbahan ang nakapanugid sang ila nga pagtuo sa nagligad nga tuig. Paano
mahambal sang isa ka matutom nga kristiyano nga nakaeksperyensa sa maayo nga tion kon domingo dayon mangin mahipos lang kung lunes? Madamo na nga mga tawo ang nakadiskobre sang simpli nga pamaagi nga ginahatag sini nga tulun-an bangod kay indi ka na magmemorya kag nagadepende ka lang sa Espiritu Santo sa pag gamit sang Biblia. Wala na sang makigbais pa sa imo. Imo magamit ang mga pamangot para mahibal-an kon ang Ginoo nagahikut sa kabuhi sang tawo. Kag imo makita ang kamatuoran sa imo kabuhi ang ginsiling sa Filemon 6: “Nagapangamuyo ako nga kabay pa nga sa padayon mo nga pagsugid parte sa imo pagtuo, magadugang pa gid ang imo ihibalo parte sa maayo nga mga butang nga ginhatag sa aton ni Cristo tungod nga kita iya na.” Ma handurawon mo ayhan ang kalipay nga sa imo pagkahibalo nga indi ka mapakyas sa pagtuman nga ipanugid ang imo pagtuo? Imo ma-eksperyensahan ang gahum sang Ginoo nga nagahikut sa imo kabuhi nga amo man ang magkambyo sa kabuhi sang iban pinaagi sa imo nga pagpanugid. Imo man ma-obserbahan ang gahum sang pulong sang Ginoo kag ang pagkambyo sang Espiritu Santo sa kabuhi sa mga tawo. Kon imo gamiton ang imo natun-an, ang mga kabuhi sang mga tawo nga imo masugata kada adlaw, magabag-o. Amo man ang imo kabuhi sa kahangturan. Sa Iya nga mga kamot kag bugay, Ebanghelista William
Page 7 SHARE JESUS WITHOUT FEAR (IPAAMBIT SI HESUS NGA WAAY KAHADLOK) Una nga semana: Pagpalig on sang tagipusoon agud mapaambit si Hesus Nakaangkon ka na bala sang kahigayunan nga makapanugid sang imo nga pagtuo, apang waay matigayon? Ilista sa higad sang sini nga panid ang pila ka mga kabangdanan ngaa waay mo ini nahimo. Ipagkit ang mga rason nga sa imo pagbanta matuod. Dason, bilugi ini nga mga rason nga sa gahum sang Ginoo imo sarang nga mabag-o. Mahimo nga maganyat mo ang iban sa pagtuo kay Cristo nga indi ka mangin kasawayan ukon makatalaka. Gintawag sang Ginoo ang kada isa ka Kristyano nga mangin saksi……. Pinaagi sa aton nga kabuhi. Pinaagi sa aton nga pagpakig sinalayu sa iban. Pinaagi sa aton nga mga pagpili. Pinaagi sa aton nga lubos nga pasalig kay Hesus sa ano man nga bili. Side notes on right: Mga rason ngaa waay ako kapanugid tuhoy kay Hesus: Gintawag man sang Ginoo ang tagsa ka Kristuhanon nga mangin saksi pinaagi sa kaugalingon naton nga paggiya sa mga wala pa naluwas nga sila man makaangkon sang espirituhanon nga kaluwasan. Ipakita sang Pagpanugid Kay Jesus Nga Waay Sang Kahadlok kun sa ano ka mahilway sa kapaslawan kon ikaw ang magpanaksi sa mga wala pa makaangkon sang kaluwasan. Magapabag o ini sa imo kabuhi. Imo matun-an nga ang kadalag an ang indi lamang mag giya sa iban pakadto kay Hesus. Side notes on right: Indi makabig nga kadalag-an ang pagdala sang isa ka tawo sa Ginoo. Ang matoud nga kadalag-an amo ang pagpangabuhi nga Kristuhanon sa matag adlaw, pag-panugid sa maayong balita kag ang pagsalig sa Ginoo sa resulta. Ini nga tulon-an magahatag sa imo sang serye sang mga pamangkot nga magabuyagyag kun sa ano ang nadula nga kalag hayag nga magabaton sa gugma ni Ginoong Hesus. Ini nga mga palamangkutanon makabulig sa imo sa pag batyag kun sa ano ang Ginoo makapang hikut sa kabuhi sang isa ka dula nga tawo kag mahibaluan mo man kon sing anu sya ka bukas sa pagpamati sa pangagda sang Ginoo. Ang mga sabat ang maga usoy sa pagbag-o nga magatandog sa kabuhi sang tawo sa walay katubtuban. Ang Biblia ang maghatag sang giya. Kag kon ang ina nga tawo ang handa sa pagpamati, ang gahum sang Ginoo ang magapuno sa kakulangan sang kaalam, pagduhaduha, kag mga nagabalabag nga nangin kabahin na sang iya nga kabuhi. Kinaandan na sa isa ka kristuhanon ang magpanaksi. Ang Bibliya wala nagapakita nga ang pagpanaksi isa ka pinasahi nga butang nga masarangan lang sang pila. Nagakabagay nga ini kabahin na ini sa matag adlaw nga pangabuhi sang isa ka Kristohanon sat ion nga ang kahigayunan ang matabo. Ang Ginoo ang gahulag sang sini nga mga oportunidad sa aton nga palibot. Buluhaton sang Ginoo ang paghatag sang higayun sang pagpanaksi. Ang aton nga bahin amo ang pagtuman kag pag ubra sa mga kahigayunan nga hinimo sang Ginoo.
Suno sa mga pagtoon sining karon lang, kadamuan sa aton talagsa gid lamang , kag kon may ara gid man, ang nagapanaksi sa mga nadula bangud sa aton nga mga pangabudlay tungod sa apat ka mga nagapanguna nga kahadlok (tan-awa ang ikatatlo nga simana,ikatatlo nga adlaw para sa mga kahadlok): Kahadlok nga isalikway. Kahadlok nga wala husto nga nahibal-an
Page 8: Kahadlok nga mamilas sang balatyagon sang amigo o paryente. Kahadlok nga yagutaon ukon hingabuton. Ang Ginoo naghatag sang kahigayunan nga may pangako sa Iyang gahum. Ugaling aton ginahambal nga, “indi.” Tungod sa kahadlok, ang aton “indi” ang may upod pa nga pagpangunapin kag pangatarungan; apang ang pagsiling nga “indi” sa Ginoo sa anoman nga kabangdanan ang isa ka sala. Ang una nga tikang para ang kada isa sa aton mangin Kristohanon nga saksi amo ang pagkambyo sa aton nga nga tagipusuon. Kinahanglan pilion gid naton ang pagsunod o pagtuman sa Ginoo. “Dumdumon ninyo nga si Cristo amo ang dapat ninyo tahuron kag sundon. Kag maghanda kamo permi sa pagpaathag sa kay bisan sin-o nga magpamangkot sa inyo parte sa inyo paglaom.” (1Pet 3:15) May mga pagbinais bais nga naglapnag kon bala ano gid nga pilas ni hesus ang ginkabangdan sang iya nga kamatayon. Pila sa naagum nga pilas sang Ginoo ang tuga sang pagsisi, buslot, gadlas kag bun-og. Mahimo nga mahambal natun nga wala sini nga mga pilas ang nakapatay kay Jesus. Ang pilas nga nakapatay sa Iya amo ang kalinong. Wala sang may naghambal para sa Iya. Isa sa pinakamasakit nga hitabo sa kabuhi ni Hesus amo ang pagsalikway ni Pedro sa Iya sadtong gabi bag-o Siya ginlansang sa krus. Tatlo ka beses nga ginpamangot si Pedro kon isa siya sa mga sumulunod ni Cristo, kag tatlo ka beses man siya nagsiling nga “indi”. Akon ginsiling nga hantup sa akon tagipusuon kag nabatian ko man nga ginsiling sang madamu pa nga iban. “Indi mahimo nga akon Sya isalikway sang kasubong sina”. Kadamuan sa aton, bisan paano, ang aton madumduman nga mas pilion na lang nga indi magtingog nga pwede man gali magpanaksi. Kita, kapareho ni Pedro, ginasalikway naton Siya sa aton nga kahipos. Para kay Pedro, mahimo nga sa iya panghunahuna nga bagay lamang nga indi niya pag ibutang ang iya kaugalingon sa katalagman. Madamo man sa aton, ang nagdesisyon nga matarong lamang nga indi pag isugal ang kaugalingon nga ma-indian, mapakahuy-an o madaug-daug. Mas pilion pa naton ang magpabilin nga mahipos. Isa pa ka sahi sang sala sang paghipos amo ang pagpanaksi para lang mapamag-an ang konsiyensya o para lang may ipakita sang kristohanon nga larawan. Ginahambalan naton ang mga tawo nga ginahigugma naton ang Ginoo. Gina-tinguha naton mahambalan ang mga tawo nga mangamuyo kita para sa ila. Bisan pa sa mga panangga sa aton mga salakyan, may kristohanon nga napagkit. Apang dapat natun nga batunon nga wala naghatag sang nagakaigo nga impormasyon sa mga nadula nga tawo para tugotan ang Espiritu Santo nga bag uhon ang ila nga tagipusuon. Napaslawan kita nga mahambalan naton ang aton mga kaabyanan nga sarang sila matawag kag makaguwa sa kadulom kag pakadto sa makahalangawa nga suga ni Cristo. (Tan-awa ang 1Pedro 2:9). Kun indi naton ipanugid ang aton pagtuo, ang aton mga abyan ang indi gid makahangup sa maayo nga balita kag indi gid makaangkon sang kahigayunan nga magiyahan sang Espiritu Santo agon magtuo. May yara sang isa ka makatilingala nga sugilanon sang isa ka bata nga lalaki nagapamulot sang starfish sa higad dagat iya man ini isa-isa ginabalik haboy sa dagat. Isa ka tawo ang nagsiling sa iya, “Anak, tan-awa didto nayun.” Sa kalayuon sa iya nga makita, natabunan ang baybayun sang mga starfish. “Karon, tan-aw naman didto nga dapit, siling sang tawo.” Sa kalayuon sa imo makita, natabunan ang dagat sang mga starfish. “Anak, indi ka makapaabot nga mahaboy nimo ang tanan pabalik sa dagat. Indi makahimo ina sang kapinasahi bisan pila pa ka starfish ang imo ihaboy balik sa dagat, madamo man gihapon ang mabilin.” Ang bata nagsabat kag dayun niya haboy sang isa ka starfish pabalik sa dagat , “Pat ud ako nga nakahimo ako sang di kinaangdan sa sina nga isa.”
Page 9: Kaanggid sang naga isahanun nga starfish, ang kalibutan para sa isa ka tawo ang magabag-o sa kada tion nga makapanugid ka sang maayong balita. Bisan pa nga indi ini mapatihan nga panghuna-huna, matabo nga ang Ginoo, nagahikut pinaagi sa imo, makailis sang dalagan sang kasaysayan. Kung kinahanglang nimo sang pamatuod sang sini nga kamatuoran, tan-aw ka sa espeho; kay sa imo pagkabati sa maayo nga balita, ang imo kabuhi nagbag-o sa walay katubtohan. Ang dula nga kabuhi sang abyan nakasandig sa pagkahibalo sang kamatuoran. Indi na kita dapat madulaan sang pagtan-aw sa pakadtuan sang mga tawo nga waay pa kahimo sang desisyon nga mabuhi para kay Cristo. Madamo nga tawo nga nakahibalo sang ginatudlo sang Biblia bahin sa kabuhi nga waay katapusan, naga pangita gihapon sang tunga tunga nga pasikaran. May tion nga nagpangabuhi ako sa karon nga akon tawgon “kabutigan sang tunga tunga”. Halos magpati ako nga indi ako malain, nga ara ako sa tunga kag angay lang nga makakadto ako sa langit. Isa ato ka kabutigan. Ang kamatuoran amo ini, imo sundan ang Ginoo o imo sundan ang yawa. May yara ka sang relasyon kay Cristo ukon wala; Kon natawo ka liwat o indi. Anak ka sang Ginoo o anak ka sang yawa; magtipon ka sang kaakig o magtipon ka sang kalooy; pakadto ka sa langit o pakadto ka sa impyerno. Waay sang ara sa tunga-tunga. Waay sang daw halos nakaabot na. Atong mga nagpili nga isalikway si Kristo ang pagakondenarun. Aton talikdan ang pagpati nga nagasiling nga ang Ginoo magatan-aw sa pihak sa tion nga ang aton pamilya kag kaabyanan nga waay sang relasyon dira kay Kristo mag-atubang na sa Iya. Aton pangindian ang pagpati nga ang Ginoo magtugot nga ang aton mga kaabyanan makatabok sa impyerno pakadto sa langit. May ara duha ka klase nga tawo sa aton mga simbahan: *Atong mga nagahambal bahin sa mga dula nga kalag. *Atong mga nagapakighambal sa mga dula nga kalag. Ang dako nga palanumdumon sa imo pagkabati sa pagpakighambal sang Ginoo sa imo karon indi ang kun diin ka diri sa duha ka klase nga tawo. Ang dako gid nga palanumdumon amo nga sa diin sa duha ang imo pillion nga mangin ikaw matapos nimo matun-an ang simpli nga pamaagi sa pagpanugid kay Cristo. May lima ka mga yabe agod maka-angkon sang tagipusuon agud madaug ang kahadlok: (1) Pagpaninghakul, (2) Pangamuyo, (3) pagsosyo, (4) Gahum, (5) Pagpangaman. Sa una nga simana sang sini nga pagtoon, imo mahangpan kon paano ining lima ka yabe makahatag sa imo sang pagsalig kag paninguha nga malampasan ang bisan ano nga kahadlok. Sa ikaduha nga simana, imo nga matun-an kon sa ano ka makagamit sang simple nga mga pamangkot nga mas epektibo agud magdala sang tawo nga magangkon sang pagtoo kay Cristo. Imo man matun-an kon papaano makahatag sang mga sabat ang Biblia kag imo man matukiban ang kamalahalun sang kahipos kag pangamuyo sa pagpamati sa pakig-istorya sang Espiritu Santo. Sa ikatatlo nga simana, imo matun-an ang lima ka mga pangtakup nga mga palamangkutanon nga magpahinumdum sang mga bersikulo kag magtuytoy sa tawo sa pagpangayo kay Cristo nga mangin parte sa iya nga kabuhi. Imo man matun-an ang pag atubang kag paglampas sa imo mga kahadlok, paghangup nimo nga ang pagtuman kay Cristo ang posible pinaagi sa Iya nga presensya, gahom kag kalipay nga ara sa imo.
Page 10: Panumduma, indi ka mapaslawan kon ikaw ang matinuohon. Sa paghikut sang Ginoo sa kabuhi sang indi pa tumuluo, imo makit-an nga ang imo kaugalingon nga nagatuytoy sa tawo sa kay Cristo kag mangin kabahin ka sa Iya buluhaton. Permi mo nga panumdumon nga ang Biblia ang makahatag sang mga sabat. Ang Espiritu Santo ang magahatag sang gahom. Una nga adlaw: Pagpaninghakul Isa sadto ka temprano pa nga tagtulubo, kag ang paglaom sa bag-o nga panahon ang nagpasidon sa pagsimba nga akon ginkadtuan. Apang ang paglaum ang indi makita sa komunidad. Sa tion sang buluhaton ang pastor nagbasa sang isa ka sulat nga iya nabaton halin sa isa ka babaye nga nagapuyo lapit lang sa simbahan. Nagapangayo siya nga pangamuyoan kag buligan ang iya pamilya. Sining bag-o lang, ang iya bana ang nalamita sa druga nga ang resulta mahimo nga makaabot siya sa bilangguan. Ang malain pa, ang pamilya ang ginpakig angutan na sang ahensya sang gobyerno nga magakuha sang mga kabataan agud ikustudiya. Nadulaan na sang paglaum ang babaye. Ginkadtuan sang pastor ang balay sang babaye kag nakita niya ang pamilya. Gintuytoyan niya ang mag-asawa nga ihatag ang ila tagipusuon kag magtuo kay Cristo bilang manluluwas kag Ginoo. Pagkatapos sini, samtang ang mag-asawa nagatindog sa bunyaganan, ang pastor nagmuno parti sa sulat sang babaye. Iya sila ginpamangkot, “Papaano natabo nga nakasulat ka sa amon nga simbahan?” Sinabat siya sang babaye nga, “Indi lang kamo ang akon ginsulatan. Halos tanan nga simbahan sa aton banwa ginpadal-an ko sulat. Kamo lang gid ang nagsabat.” Gusto sang Ginoo nga kada isa ka Kristohanon may tagipusuon para sa mga dula nga kalag. Apang ang pagpaninghakul sa pagpanaksi sa mga indi kristohanon amo ang indi lamang angut sa kainit para magpanaksi. Ang kainit nga ini ang nakasandig sa katuyuan. Ang paghigugma sa Ginoo kag sa tawo ang nagatulod sa aton sa pagpanaksi. Ang gugma nga nagdala sa pastor agud nga magsabat amo gintatap sa handum nga higugmaon ang tawo kag hatagan sila sang paglaum nga makita lamang sa relasyon nila kay Hesus. Kung kis-a ang simple nga pamangkot o pulong bahin sa imo nga pagtuo kay Hesus ang makahatag sang kalaptan sa halug nga hilo sa kasingkasing sang dula nga tawo. Ang naga ulikid nga tawo ang makapaayo sang wasak nga tagipusoon, makahatag paglaum kag kaluwasan sa mga waay pa kay Kristo. Pila ka tuig na ang nakaligad, nagsugod ako pamangkot sa mga kristohanon nga isipon kun kapila nila ka beses nabatian ang maayong balita bag-o sila nag-abot sa ti-on nga magsalig kay Kristo bilang manluluwas. Akon nasayran nga ila nabatian ang maayung balita sang 7.6 ka beses anay bag-o nila gintugyan ang ila kabuhi kay Kristo. Kon amo, sa kapin ukon kulang, ang dula nga tawo ginabaton sa Kristo bilang Diyos kay manluluwas matapos sang ikapito nga beses matapos ang ikapito nga pagtandog. Waay ka lang kabalo nga ang tawo sa imo tupad, natandog na, ukon ka-isa pa lang o anum na ka beses! Apang indi ini ang importante, kay tungod ang kadalag-an makita sa pagtuman.
Page11 Panumduma, kung ang imo pagsaksi waay maghatag sang dayon nga pagsabat sang tawo, isa ka lang sa mga madamo nga kamot sang Ginoo nga nakatandog sa kabuhi sang mga dula nga kalag. Bilang nagsaksi o pagkabati sang wali ang duha lamang sa madamu nga pamaagi sang Ginoo sa pagtandog sa ila kabuhi. Sa kabuhi sang dula nga tawo, mahimo nga ikaw ang yabe sa pag-abri niya sa iya nga kasingkasing sa Ginoo okon ikaw ang isa sa mga pito o walo ka pagtuktok sa iya kasingkasing. Mahimo nga ikaw ang una nga panuktok. Ukon ikaw ang ika-pito o ikanapulo para sa iban nga tawo. Ang pagpaningkahul sa pagsaksi ang labaw pa sa gugma kaysang sa determinasyon lamang. Aton nakita sa kabuhi ni Hesus nga nangita siya pamaagi nga ang dalan sang kaluwasan mahibal-an sang tanan bisan pa may pagsalikway, pag-antos kag sa katapusan, ang krus. Ang Iya nga handum para sa aton amo ang pag-ambit sa Iya kasingkasing para sa dula nga mga tawo nga Iya ginproklamar sa aton sang Siya magsiling, “ Sa pagpadala sa akon sang Amay, kamo man ang akon ginapadala.” (Juan 20:21) May daku nga hisugtanay nga ginsulat para sa pagkinahanglanon sang mga simbahan nga mangin nagakaigo sa katuyuan kag palanan-awon. Ang libro sang Binuhatan maathag gid nga nagasiling nga ang katuyuan kag palanan-awon sang simbahan amo ang pag-ambit sa kalibutan sang ginhimo ni Kristo. Ang nagatulod kay Kristo sa pagtuman sang Iya misyon amo ang paghatag sang taytay sa kadudulman, sa madalum nga pil-as nga nagaseparar sa mga nadula nga kalag nga magbalik sa Ginoo. Si Pablo nga apotoles naglaragway sang iya pagpaninghakul para sa mga dula nga tawo sa 1 Corinthians 9:19-23. Handa siya personal nga magsakripisyo kag mangin ulipon sang bisan sin-o man para lang iya mapaambit ang gugma ni Hesus para sa wala pa sa Iya. Ini wala nagakahulugan nga iya ginapauyon-uyonan lang ang kamatouran kag kasanag. Pwede itama sang isa ka tawo ang tagsa ka butang nga iya panginahanglan nga indi mapauyon-uyonan ang Biblia kag pagtulon-an sini. Gintipigan ni Pablo labaw sa iya ang katuyuan: Nahimo ko nga mangin sin-o lang para ang tanan sa ano man nga paagi makaluwas sang iban. (1Cor.9:22). Tan-awa sang madalum sa imo nga kasingkasing. Tungod nga ang Balaan nga Espiritu nagapuyo sa imo, may-ara guid sang handum nga ma-ambit nimo si Jesus sa iban. Pangita sang tion nga masugid mo ina sa Ginoo. Ihambal sa Iya nga gusto mo mangin parte sa Iya nga plano, nga tuyo mo mangalagad, para makatilaw ka sa Iya mga bulahaton sa madalum nga paagi sa imo kabuhi. Madamo nga Kristiyano nagahandum pa guid sang kahulugan kag madalom nga relasyon sa Ginoo. Ang espirituhanon nga pagtubo naga-abot sa imo pag-upod sa Iya nga imo mahimo ang parte sa pagtuman sa Iya kabubut-on. Ang kaisog sa pag-ambit magasunod lamang sa imo madalom nga paglakat kaupod ang Ginoo. Sa imo pagsalig sa Iya sa imo pagpahayag sang imo mga sala kag kahuyang, ang handum nga magsalig kag paglipay sa iya ang magapahanugot sang Iya gahum sa imo bilang testigo. Waay kaangtanan ang pagkapanatiko ukon taas nga kusog sa pagpamaligya ang kadasig sa pagkab-ot sang mga dula nga kalag. Tama lang nga tumanon ang pagtudlo ni Pablo nga: “Tanan nimo nga ihambal dapat puno sang bugay” (Col. 4:6). Sa Romans 12:11, si Pablo nagsiling: “Indi pagkulang sa kainit, kundi ipabilin ang ispirituhanon nga kainit sa pag alagad sa Ginoo”. Ang marka sang pag alagad ukon pagpaninghakul isa ka birtud nga nga angay tatapon. Pero dumduma ang ginsiling ni Solomon: “Indi maayo makaangkon sang kadasig nga waay kaalam.” (Prov 19:2). Kinahanglan nga ang imo paninghakul nakasandig sa imo nga pagtuman sa kabubut-on sang Ginoo. Side notes: Waay kaangtanan ang pagkapanatiko ukon taas nga kusog sa pagpamaligya ang kadasig sa pagkab-ot sang mga dula nga kalag. Tama lang nga tumanon ang pagtudlo ni Pablo nga: “Tanan nimo nga ihambal dapat puno sang bugay” (Col. 4:6).
Page 12: Mga tawo gingamit sang Ginoo sa akon kabuhi: May ara importante nga kapinasahi ang kaluyag sa pag abot sa mga dula nga tawo kag sa paghigugma sa ila. Huna-hunaa ang mga tawo nga nagdala sa imo nga magsalig kay Jesus bilang Diyos kag manluluwas. Isulat ang ila mga pangalan sa higad samtang imo ginahuna-huna ang sabat sa sini nga mga pamangkot: Diin ako karon kung waay ang mga tawo nga naghigugma sa Ginoo kag sa akon nga tama lang nga ila gintuman ang mando sa pagsaksi? Ano ayhan ang akong kabuhi kun waay si Kristo? Imo bala madumduman ang ila nga mga ginpaambit? May ara importante nga kalainan ang kaluyag sa pag-abot sa mga dula nga tawo kag sa paghigugma sa ila. Ang tawo nga naghigugma lang sa mga hilikuton imbes nga higugmaon ang mga tawo, madulaan sang kauyon kag magkadto naman sa lain nga hilikuton. Ang Biblia nagatugot sa aton nga panilagan si Jesus samtang naga-atubang siya sang mga kinahanglanon samtang naka tuon sang iya panan-awon ara sa pagpaninghakul. Sa Capernaum, “ang mga tawo nga gindala kay Jesus nga may lain-lain nga mga balatian, Iya ginbutang ang iya kamot sa kada isa kag iya ginpang-ayo” (Luke 4:40) Luyag sang mga tawo nga ipadayon ang iya pag-ayo sa may mga sakit. Apang waay ginabton ni Jesus nga magpabilin kundi Iya ginsiling nga “Kinahanglan nga magwali pa ko sa lain nga mga lugar kay amo ini ang rason nga ginpadala ako”. (Luke 4:43). Waay nadula ang iya paglantaw sa tuod niya nga katuyuan: “Kag nagpadayon Siya sa pagwali sa tilipunan sang mga Hudiyo” (Luke 4:44). Ang Iya nagapanguna nga katuyuan amo ang magpahayag kung paano maluwas ang mga dula nga kalag. Bisan ang makatilingala nga pag-ayo sang mga maysakit ikaduha lang nga buluhaton sa pagpahibalo sang dalan sa kaluwasan para sa mga dula nga kalag. Nga-a kinahanglan nga mag saksi kita? Ginmanduan kita ni Jesus. Ang nagapanguna nga misyon sang isa ka simbahan amo ang pagtindog sang paagi nga ang kada dula nga tawo makabati sang maayo nga balita pinaagi sa pagsalig kay Kristo. Ang dako nga kadungganan nga imo mahimo sa iban amo ang pagpakilala nimo sa ila sa kay Kristo. May mga maathag nga kabangdanan nga dapat nimo batunon ang responsibilidad sa pag-ambit kay Kristo. Basaha ang Mateo 28:18-20 Amo ini ang tanyag nga dalayawon nga komisyon kag ginsugo sa tagsa ka Kristiyano. Mateo 28:18-20 18 Nagpalapit si Jesus sa ila kag nagsiling, "Ang tanan nga gahom sa langit kag sa duta ginhatag sa akon. 19 Gani kadtui ninyo ang mga tawo sa tanan nga mga lugar. Gani, lakat kag himuon ninyo sila nga akon mga sumulunod. Bautisohan ninyo sila sa ngalan sang Amay, sang Anak, kag sang Espiritu Santo. 20 Tudlui ninyo sila nga tumanon ang tanan nga akon ginsugo sa inyo. Dumdumon ninyo nga kaupod ninyo ako permi hasta sa katapusan sang kalibutan." Ang pagpanaksi ang indi lamang isa ka pililion para sa isa ka Kristohanon nga naluyag nga mangin matinumanon kag matinuohon sa tanan nga ginapangayo sang Ginoo. Ang dalayawon nga komisyon ang indi lamang pililion kundi mando nga dapat tumanon. Ang husto nga paglubad sa “lakat” sa Mateo 28:19 amo nga “ sa imo nga paglakat.” Sa imo nga paglakat, paghimo sang mga disipulo o sumulunod. Sa imo nga paglakat, bunyagi ang mga naluwas sa pangalan sang Amay, Anak kag Balaang Espirito. Sa imo nga paglakat, tudlu-i sila sa pagsunod sa tanan nga akon
ginmando sa ila. Nangpromisa sa Hesus nga sa imo nga pagpanaksi, kaupod nimo Siya. Ang pagpanaksi mahimo na nga parte sa imo pagsabat sa mga kahigayunan nga mag-abot ukon mahimo nga suguran.
Page 13. Ang madalum nga relasyon kay Kristo ang nagadulot sang handum sa pagsugid sa iya sa iban nga tawo natuhoy sa Iya. Sa imo nga nga pagpangabuhi nagapasad ikaw sang mas daku nga ihibalo sa mga tion sa pagsaksi. Ang pagsaksi sa malaka ang nagakinahanglan sang dugang nga tion sa tunga sang imo nga masako nga mga hilimoon. Kundi ang dako lang nga pagkahibalo. Ang mando sa aton ni Hesus sa pagkadto sa dula nga mga tawo nagahatag sa aton sang tatlo ka mayor nga buluhaton: Mangin sensitibo sa mga kinahanglanon sang mga dula nga tawo. Sa pagsunod, i-ambit ang pagtuo kay Kristo Buligi sila makakita sang simbahan nga magtubo sila sa ila espirituhanon nga kabuhi. Ang tinaga nga pamilit pinakamaayo nga ilaragway nga bilang paninghakul sang isa ka tawo nga may nakatuon sa panan-awon sa pagsaksi. Para sa iban nga Kristohanon, ang pagkahibalo nga may mga dula nga tawo makahatag sa ila sang desisyon nga mag-ambit ukon indi na lang. Ang tawo nga may pagpaninghakul sa pagpa-ambit kay Kristo, waay naga desisyon sang tion kung may ara man nga higayon. Ang desisyon nahimo na niya sa pangkatapusan. Ang desisyon mahimo nga , “Paano ko bugnuhon ukon sabton ining tawo nga dula?” kaysa “Tilawan ko bala nga bugnuhon ukon sabton ini nga tawo nga dula? Imo ayhan ginpaiway ang pagpa ambit sang imo pagtuo bisan pa gusto nimo magsaksi? ___Oo ___Indi Sa malip-ot lang, isulat sa higad ang mga rason ngaa imo ginpaiway ang pagpa-ambit kay Kristo sa mga dula nga tawo. On the side: Mga rason: Ginpapagsik ni Pablo si Philemon: Filemon 1:6 Nagapangamuyo ako nga kabay pa nga sa padayon mo nga pagsugid parte sa imo pagtuo, magadugang pa gid ang imo ihibalo parte sa maayo nga mga butang nga ginhatag sa aton ni Cristo tungod nga kita iya na. Nakahibalo sa Pablo nga si Filemon magtubo sa iya nga relasyon dira kay Cristo sa iya pagsugid sang iya pagtuo sa mga dula nga two. Ang pagsugid magpadalum gid sang imo pagtuo. Ginakab-ot sang Ginoo ang mga dula nga tawo pinaagi sa imo pagtuman, kay iya man ginabag-o ang imo kabuhi kag magdalum pa gid imo relasyon sa iya. Isulat sa higad ang mga ngalan sang tawo nga imo gid gusto makakilala sa Ginoo bilang ila Diyos kag manluluwas. DAY 2: Ikaduha nga adlaw: Wala na sang mas malahalon pa sa pagpakaayo ang imo kasingkasing sa pagsugid kaysa pangamuyo. Ang pangamuyo makahimo sang kapinasahi. Ang Balaan nga Epiritu makahikut, ang mga opang magakalahulog, kag ang mahalungon nga kamot sang Ginoo ang magatuytoy sa mga higayon sang pagsugid kag pagtuman. Ang pagpamatoud ang waay nagakinahanglan sang tuman nga paghanas o kon pagtipon sang masangkaron nga paghanas tuhoy sa diosnon nga pagtoon. Isa ini ka tumalagsahon nga buluhaton. Ang pangamuyo magaangut sa imo sa di kinaandan nga gahum sang Ginoo. Sa sini nga gahum, ang imo personal nga pagpamatoud mangin isa arte kaysang sa siyensya. Kung sa anuman nga mga rason, madamu nga tawo nagapati nga mas mabudlay gid ang mangin Kristohanon sa kamatuoran. Panumdumon mo man kon sing anu ka gamay ang imo nabal-an sadtong bag-o ka pa lang nga tumuluo. Side Notes: Kon kis-a ang pagpamatoud waay nagapangayu sang grabe nga paghanas o kon pagtapok sang masangkaron nga paghanas. Isa ini ka sobrenatural nga buluhaton.
PAGE 14: May tion nga ang pagpamatoud nagasobra sa pagtantyar sa panginahanglanon sa particular nga paagi sang pag testigo. Ang sampaton nga pamaagi ang indi na ginapangayo. Ang kasingkasing sa pagsugid ang mas may tuman ka daku nga igu kaysang sa anuman nga pamaagi. Malantawan mo sa ika-lima nga adlaw, ang pagpangaman may dako nga importansya. Pero ano pa ang mahimo makapangaman sa kasingkasing para sa kadalag-an sang pagsugid kundi ang gahum nga ginahatag sang pangamuyo? Ang matutum nga pangamuyo magahanda sa imo nga kasingkasing sa ano man nga mga pagkit anay. Sa katapusan sang nagligad lang nga pagsimba, naghatag ako pag pangagda sa mga tawo nga magpalapit para mangamuyo sa mga dula nga hinigugma. Samtang ang pila ka grupo nagahilibi kag nagapangamuyo, nabatyagan ko ang Balaan nga Espiritu nagatulod sa ako nga magkadto sa may pwertahan. Akon natalupandan ang isa ka tawo nga si Phil, nagatindog nga isahanon lang. Sa akon pagpamangkot sa iya kon permi siya gakadto sa simbahan, nagsiling siya nga, “Indi.” Akon siya ginpamangkot, “Nakilal-an mo bala ang Ginoo?” Ang iya nga sabat, “Kilala ko siya sa bug-os ko nga kabuhi.” Bisan pa iya nahibal-an ang Ginoo sa bug-os niya nga kabuhi, indi siya makatulok sa akon mga mata kag ihambal sa ako nga siya ang natawu liwat. Sa akon pagpamangkot sa iya sini, iya ginsiling nga waay pa siya naluwas, pero gusto niya nga himuon. “Sin-o ang nagdala sa imo diri sini nga aga?” pamangkot ko sa iya. Siling niya sa akon, nag-upod siya sa iya nga utod nga lalake kag iya bayaw. Sa akon pagbalik sa altar, natalupangdan ko nga ang iya bayaw ara sa grupo nga nagapangamuyo. Sa akon pagpalapit sa iya, nabati-an ko nga naga-pangamuyo siya para sa iya bayaw nga maluwas. Sa sina nga aga, nabag-o ang kabuhi ni Phil pinaagi sa gahum sang Ginoo. Kapin sini, ang maalampuon nga bayaw nagbag-o man pinaagi sa gahum nga iya nabatyagan halin sa Ginoo. Ang pangamuyo amo ang una nga alagyan nga paayuhon ang aton relasyon sa Ginoo. Amo ini ang maghatag sa aton gahum nga makapaayo sang makaDiyos nga kasingkasing. Ang pangamuyo amo ang makapaayo sa kaibuturan sa kabuhi sang Kristohanon. Lain sa ma-ampuon nga relasyon sa Ginoo, mahimo nga magsugilanon ka lang bahin sa iya kaysa kamo nga duha ang magsugilanon. Ang malapit nga relasyon sang isa ka tawo sa Ginoo pinaagi sa pangamuyo magpabilin nga yabe sa pagpakaayo sang kasingkasing nga mahinuklugon. Sa simple nga paathag, imo makita ang kasingkasing sang Ginoo sa pangamuyo kag ang pagkahibalo nga ini ang makapabag-o sa imo kabuhi. Ang pangamuyo nagapadalum pa gid sa aton relasyon sa kay Hesus. Sa pagtimbang naton sa aton espirituhanon nga pagtubo kag sa iban nga mga bulohaton- pagtudlo, pagbantay sa mga kabataan, sa pagdisipulo, pagsilbi sa iban nga mga tinugyanan- naga-depende sa relasyon sa pangamuyo sa Ginoo. Ang mga kristohanon nga nagasaksi sa mga indi kristohanon, makita nila ang ila kaugalingon nga may espirituhanon nga pakig-away kon indi nila maatipanan sang husto ang regular nga pagpangamuyo. Mahimo ka nga masaku sa mga espirituhanon nga mga bulohaton pero mapaslawan ka sa indi pagpatubo sa imong kaugalingon nga espiritohanon nga relasyon sa Ginoo. Nakiupod ka bala sa pangalagad? Sa higad sang papel, isulat ang imong mga kristohanon nga buluhaton. Isulat man kon papaano mo ginatimbang ini nga mga buluhaton sa pangamuyo.
PAGE 15: “ Gani nagsiling siya sa iya mga sumulunod, "Malapad ang alanihon, pero diutay gid lang ang manug-ani. Gani magpangamuyo kamo sa Ginoo nga magpadala siya sang mga manug-ani sa iya alanihon." mga tawo nga naaman sa pagbaton sang Maayong Balita. Kaangay sila sang alanihon nga husto na gid anihon. Mateo 9:37-38 Isa ka simbahan naghalad isa ka adlaw kada semana nga mangamuyo para sa mga dula nga kalag sa kalibutan. Matapos ang pipila ka semana nga pulong-pulong, isa ka katapu ang nagtindog kag nagsiling nga mangamuyo siya sang lain nga pangamuyo. “Indi naton kinahanglan mangamuyo para sa mga dula nga kalag. Ang Ginoo nakahibalo na kon sin-o sila kag kon diin sila.” Nagpadayon siya siling nga ang pangamuyo sa dula nga kalag indi nagakaigo. Waay sang matabo kon ang aton himuon magsige lang nga pangamuyo. Ang tawo nagsiling nga iya na lang umpisahan ang pangamuyo sang pagpangayo kay Cristo nga magpadala sang dugang pa nga mga mamumugon sa patag. Importante mangamuyo para sa mga dula pinaagi sa ila pangalan; apang maghalong nga indi ka lang mangamuyo para sa mga dula. Nagakinahanglan ang Ginoo sang mga magdala sang maayong balita sa mga dula nga tawo. Pangamuyo nga tandugon sang Ginoo ang imo nga kasingkasing. Pangayu-a sa iya nga tagaan ka sang palas-anon para sa mga alanihon. Samtang naga alagad ako bilang pastor sa isa ka komunidad sang mga mangunguma, gintagaan ako sang Ginoo sang hitabu sa akon kabuhi nga nagliwat sang akon nga kabuhi sa pangamuyo. Sang akon ginsabat ang telepono sang isa ka hapon, akon nakilan-an ang tingog sang isa ka mangunguma nga daw nadulaan sang paglaum tungod sa madulum nga panganod nga gapakadto sa iya uma. Tungod kay waay panagna sa panahon nga may maabot nga ulan, madamo ang iya presko nga utod nga kumpay nga ara pa sa uma. Nagahulat pa ini nga ihalin sa kwadra. Ginkahadlukan sang mangunguma ang hinanali nga ulan tungod dunuton sang ulan ang iya mga kumpay kag indi na mapuslan. Ang mangunguma nagsiling nga manug-abot ang iya nga lalake nga bata. Ang malangyawon nga mga trabahante nagapangita sang inoras nga trabaho, nagahulat lang para sa mga mangunguma nga nagakinhanglan sa ila. Kinaangdan sang mga salakyan nga naga-abot sang temprano pa sa aga para manguha sang pipila ka mga trabahador nga kinahanglan sang sina nga adlaw. Dayon sila magsakay sa salakyan kag magkadto na sa uma. Tungod kay hapon na, ginakabalak-an sang mangunguma nga waay na siya masapwan pa na mga trabahador kag nansigpuli na sa ila panimalay. Indi ko malipatan ang makaluluoy nga tingog sang kristiyano nga mangunguma. Iya ako ginhambalan, “ Palihog pangamuyo nga may maabtan pa ako nga mga trabahador sa kanto nga sakto lang makabulig sa pagdala sang mga kumpay sa kwadra bag-o magtupa ang ulan.” Ang iya pangamuyo nga ginpangayo indi amo ang mga kumpay sa uma. Waay pakadtuan ang mga kumpay. Waay siya nangamuyo nga indi mag ulan. Ang iya paglaum lang amo nga makakita sang mga trabahador nga iya kinahanglan sa pagpasilong sang iya mga kumpay. Samtang nagapangamuyo ako sa mga dula nga kalag, akon permi mabatian ang tingog sang mangunguma nga nagapangamuyo sang sakto lang nga mga trabahante. Sa amo man nga tion, akon mabatian ang tingog ni Cristo nga nagasiling sa aton nga mangamuyo kita para sa mga tawo nga handa magdala kag magkadto sa mga dula nga kalag kag hambalan sila kon sa ano sila maluwas. “Ang pangamuyo sang matarong nga tawo ay may gahum kag epektibo.” (Santiago 5:16)
Page 16: DAY 3 Ika-tatlo nga adlaw: Pagsosyo Ang ikatatlo nga yabe para may ara sang kasingkasing nga mag-ambit kay Jesus amo ang pag abagahay - ang imo kaugalingon nga espesyal nga relasyon kay Cristo. Ang kinahanglanon nga mga panakot sa matoud nga pag abagahay amo ang pagsalig kag hantup nga balatyagon. Mag saksi ka nga may pagsalig sa gahum sang Ginoo. Kinahanglan man nga lubos ang imo pagsalig nga imo himuon ang imo parte. Madamo nga kristohanon nagpabilin na lang nga mga manoglantaw nga may pagdayaw sa mga nagapahayag sang maayong balita kag pagsaksi. Apang ang hantup nga pag alagad ang labaw pa sa pagdayaw lamang: Buot hambalon akon idulot ang akon kabuhi sa madalum nga pag-upod sa kabuhi ni Cristo. Sa iya mga pagtudlo, Sa iya matarung nga palaangiran, Sa iya kamatayon kag pagkabanhaw. Sa tanan nga iya ginpanghambal kag ginhimo. Buot hambalon nga mag-ambit ako sa madalum nga pakig-upod sa kabuhi sang mga tawo- Indi magtindog lamang bilang manoglantaw lang para makita ang mga hitabo kag ara man sa Tion sang nagakatabu. Sa una nga mga panahon, ginpangako sang Ginoo nga kun kita manginabuhi sa Iya ini ang mangin katuwang. Siling sang Gino okay Josue, “Sa ara ko kay Moises, ara man ako sa imo: Indi ta ikaw pabay-an o kon isalikway.” (Josue 1:5) Padayon ginpasalig sang Gino o sa kay Josue, “Mangin makusog ka kag maisog. Indi mahadlok; indi magpaluya kay ang Diyos nga imong Ginoo ara sa imo bisan diin ka man. (Josue 1:9) Ang pagsaksi sa dula nga tawo indi mas diotay nga buluhaton kaysa ginhatag kay Josue. Waay sang mas dako pa nga buluhaton para sa mga kristohanon kon di ang pagbulig sa mga dula nga mga tawo nga mahibal-an ang kamatuoran sa pagkamatay ni Cristo sa krus para sa aton mga sala. Pangako ni Jesus sa aton ang presensya kag pagbulig sang iya espiritu nga aton parakleta. “Parakleta” sa greyigo nga buot hambalon, “Isa ka manogbulig; Isa nga indi gid magbiya sa imo.” Ara Siya para tumanon ang pangako sang Ginoo kag maghatag sa aton sang gahum sa paghimo sang mga butang nga iya ginpangayo. “Pero sa pagkamatuod, mas maayo para sa inyo nga maghalin ako diri, kay kon indi ako maghalin, ang Manugbulig indi mag-abot sa inyo. Pero kon maghalin ako, ipadala ko siya diri sa inyo. Kag kon mag-abot na siya diri sa kalibutan ipakita niya sa mga tawo nga sila mga makasasala kag ako amo ang matarong. Kag ipakita man niya nga ang Dios magasentensya sa ila”.( Juan 16:7-8 ) Indi ka magpaabot nga himuon sang iban ang mga buluhaton nga ginapahimo sa imo sang Ginoo tungod lang nga daw mas may sarang sila kaysa imo. Gindala sang Ginoo si Aaron sa nga mangin katuwang ukon kaagubay ni Moises, pero waay kalingkawas si Moises sa mga responsibilidad nga iya pagahimuon nga ginpangayo sang Ginoo sa iya. Ang magkaupod nagasandig sa kada isa nga mangin ara sila kon diin sila gipaabot kag ara man agud himuon ang ginapahimo sa ila.
Page17 Ang pag pagpakig upod nagakinahanglan sang kaangayan kag kaisog; Masalabtonon kag masaligan. Ang malahalon nga pag updanay: *may mapuslanon nga katuyuan nga indi mahimo kon waay sang bulig sang isa ka kabulig. * may kasugot nga mga pahito para sa buluhaton. Ang relasyon sang Ginoo kag sang iya nga saksi ang bunang nga gadalagan sa bug-os nga Biblia. Nakita sang Ginoo si Gideon sa silong sang akasya kag iya siya nga gintawag agud magluwas sa mga Israel gikan sa mga Midian (tan-awa ang Judges 6:11-14) Namati ang Gino kay Gideon samtang iya ginpabutyag ang mga rason nga indi siya ang tama nga tawo sa buluhaton. Pat-ud gid nga ang Ginoo nakabati na sa sini nga mga klase nga pagindi sang una pa. Ginsiling ni Gideon, Apang Diyos ko, anhon ko ang pagluwas sa Israel? Ang akon lahi amo ang pinakaluya sa Manasseh kag ako ang pinakalabing kubos sa akon pamilya.” (Judges 6:15) Nagpangita si Gideon sang nanarisari nga tanda nga ang Ginoo maghatag sang mga kinahanglanon kag gahum para matapos niya ang buluhaton. Apang si Gideon kag indi ang Ginoo ang gintilawan. Mga 32,000 ka kasuldaduhan ang nagapanung sa likod ni Gideon, nga karon handa nga magsalakay nga may ara sang pangako sang presensya sang Ginoo. Apang bag-o niya nga sumpongon ang mga kaaway, ang iya kasuldaduhan mabuhinan nga mahimo na lang sa 300 (Judges 7:1-8). Kaupod sang dako nga pagtuo kag pagpakigupod sa Ginoo, mahimo ni Gideon ang misyon sang Ginoo. Ginhambalan sang Ginoo si Moises nga magkadto kay Pharoah para pagwaon ang mga Israelites sa Ehipto. Magapanguna si Moises sa pagpahibalo sang mensahi sang Ginoo. (Ex. 3:10) Ang iya sabat sa pagtawag sang Ginoo amo ang maghatag sang madamo nga rason nga indi niya tumanon ang paghambal kay Pharoah. Pareho nga mga rason ang nagalanog sa aton panahon nga kadamuan nga kristohanon nagahambal sang pareho nga protesta. Ang mga balibaron ni Moises sa indi pagkadto kay Pharoah nga magdala sang mensahi amo lang ang nagatabon sang matou nga rason, nga sa katapusan iya man gin aku. Sa una, ginsiling niya sa Ginoo nga waay siya sa lugar ukon estado nga mag atubang sa gamhanan nga Pharoah (Ex. 3:11-12) Sa subong, ang mga kristohanon magasiling, “Ang ministro amo ang pinakamaayo nga tawo nga magkadto sa kaingod nga nadula. Ang mga ministro ang ginhanas kag ginarespeto sila sang mga tawo. Pagapatihan gid sila.” Ikaduha, si Moises naghambal sa Ginoo nga ang mga tawo waay sang paagi nga mahibal-an ang nga siya ang nagahambal bahin sa matuod nga Ginoo sang Israel. Pareho sang kadamuan sa aton, si Moises, nagahambal nga waay sang ensakto nga kaalam tuhoy sa Ginoo nga papatihon ang mga tawo (Ex. 3:13-17). Sa karon nga kristohanon magasiling nga, “Waay ako sang nahibalu-an nga tama nga doktrina kag kon anhon ko sa pagpaathag sang mga butang sang Ginoo sa isa ka dula nga kalag. Isa ka tawo lang nga may madalum nga pagkahibalo sa Ginoo ang kinahanglan magkadto sa akon mga indi luwas nga paryente.” Ikatatlo, ginsiling ni Moises sa Ginoo nga indi magpati ang mga tawo sa iya nga sugilanon. (Ex.4:1-9) Ang karon nga kristohanon magsiling, “ Ang indi pa luwas nga tawo indi makakita sang rason sa akon kabuhi nga magpati sa pagsaksi sang makaluwas nga grasya sang Ginoo kag pag atipan. Isa katawo nga may milagro sa kabuhi nga bisan sin-o makakita amo ang pinakamaayo nga makasaksi.”
Page 18 Ika-apat, ginsiling ni Moises sa Ginoo nga indi siya maayo nga manughambal, kag indi siya makahambal dayon o kon makasiling sang tama nga pulong (Ex.4:10-12) . Karon nga kristohanon magsiling man nga: “Indi ko kahimo sang maayo bahin sa espirituhanon nga butang sa iban nga tawo. Basi mahambal ko lang ang malain nga mga butang o kon magamuhan lang ang akon dula nga amigo.” Pagkatapos, nagpahayag si Moises sang kasingkasing sang mga madamo nga kristohanon karon sa ila pag-atubang sa pagtawag sa ila sang Ginoo nga mangin saksi. Ang hambal ni Moises, “ Ginoo, palihog ipadala na lang ang iban para maghimo sang imo buluhaton.”(Ex. 4:13). Bisan pa ginatos katuig na ini nga mga panghitabo, ang hingyo ni Moises sa Ginoo, nagatiglawas lang gihapon sang mga batasan sang madamo nga kristohanon sa ila nga pagsaksi sa mga indi pa luwas nga mga tawo. Kapareho sa adlaw ni Moises, may ara sang kahadlok sa idalum sang aton kasingkasing nga ang aton pagsaksi makahatag sang kahuy-anan sa Ginoo kag sa aton. Ang waay nakita ni Moises kag mga kristohanon sa karon, amo ang pangako sang Ginoo. Sa Exodus 3:12, ginsiling sang Ginoo, “Mangin kaupod mo ako.” Tinawag man sang Ginoo si Aaron, nga utod ni Moises, para mag-upod sa iya kag maghambal sa tawo sang ginhambal sang Ginoo. Sa magka-upod nga obra para maganyat ang isa sa sa pinakagamhanan nga tagdumala, si Moises kag Aaron ang nagpakita sang madalum kag mainit nga pag updanay. Pareho nga pagpakigupod nga ginhimo sang Ginoo kay Moises amo man ang nagakatabo karon sa gintung-an sang Ginoo kag sa mga tinawag nga mag-ambit sang iya mensahi. Mangin ara man siya sa imo. Sa Binuhatan 1:8, aton mabasa ang pagtawag ni Hesus sa kada kristohanon. Pagtawag ini sang pagpakig upod para ang sugilanon ni Hesus ang masugid sa bug-os nga kalibutan. Pinili sang Ginoo ang pakig upod sa mga krisotohanon para sa mga importante nga butang. Isa ka pinakamataas nga dagway sang pagpakig upod nga ini amo ang pagsugid sang maayo nga balita. Kon ang mga butang nga imo ginahimo ang may ara sang malawig nga kapusalanan, angay lang nga himuon ini sa pagpakig upod sa kay Cristo. Sa ginsiling pa ni Hesus sa Juan 15:5, “Ako amo ang puno sang ubas, kag kamo ang akon mga sanga. Ang tawo nga nagapabilin sa akon kag nagapabilin man ako sa iya, siya amo ang magapamunga sing madamo, kay kon wala ako sa inyo wala gid kamo sing may mahimo.” Matuod man ini nga sa pagsiling ni apostol Pablo, “Masarangan ko nga atubangon ang bisan ano nga kahimtangan paagi sa bulig ni Cristo nga nagapabakod sa akon.” (Filipos 4:13). Day 4: Ika-apat nga adlaw: Gahom Ang reseta sa espirituhanon nga gahum makita sa Binuhatan 1:7-8 Nagsabat si Jesus, "Wala kamo ginatuguti sang Amay nga mahibaluan ninyo kon san-o matabo ang mga butang nga iya gintalana. Pero pag-abot sang Espiritu Santo sa inyo, hatagan niya kamo sing gahom. Dayon isugid ninyo ang mga butang parte sa akon, halin diri sa Jerusalem hasta sa bug-os nga Judea kag Samaria, kag hasta sa bug-os nga kalibutan." Nangako si Jesus sang gahom sang Espiritu Santo para sa pat-ud nga katuyuan: “Mangin saksi nakon kamo.”(v.8) May ara ka bala kabudlay sa pagsaksi kay Jesus? Ayhan makabulig sa imo ang pagbaton sang reseta para mapangibabawan mo ang imo kahadluk. Ang reseta ginalakipan sang duha ka lakot nga makabulig paayo sang imong pag-pang alang alang: pagtuman kag gahom. Kon ikaw mangin matinumanun, magahatag ang Ginoo sang gahom.
Page 19: Makita mo ang kadalag-an indi lang sa pagdala sang tawo sa kay Cristo, kundi ang pagpangabuhi nga kristohanon sa kada adlaw, pagsugid sang maayo nga balita, kag pagsalig sa Ginoo sa mga mangin bunga. Sa tanan nga imo ginahimo, imo maangkon ang gahom sang mataas nga gugma tungod imo nahibaloan ang mga ginhimo ni Cristo: “ ‘Kon may tawo nga magpakamatay para sa iya mga abyan, ina nga paghigugma indi na gid malabawan’ ” (Juan 15:13). Ginsulat ni Pablo “gahom sang Iya pagkabanhaw” nga handum niya mahibaloan labaw sa tanan (Filipos 3:10). May ara ka sini nga gahom tungod si Cristo buhi sa imo. Ang gahom nga nakadaog sa madulum nga kamatayon amo man ang gahom nga imo matawag para madaog ang mga balabag sa dalan sa pagpabilin nga matinuohon sa pagsaksi sa dula nga kalibotan. Ang kabubot-on sang Ginoo amo ang magin saksi ang kada kristiyano pero kinahanglan magtawag sang pareho nga gahom nga nagdala kay Jesus halin sa kamatayon para magluwas sa imo halin sa pagdepende sa imo kaugalingon nga kaalam kag ikasarang. Magsalig ka sa gahom sang Ginoo. Si Hesus nagsiling sa aton nga walay dulonan ang mga mahitabo nga kaupod sang ano man nga aton himuon sa iya gahom kag paghiguma (tan-awa ang Juan 14:11-13). Malipay sa imo ginapanag-iyahan nga “gahom sang iya pagkabanhaw.” Indi ka mahulog kon nagpabilin ka nga matinuohon sa paghimo sang mga butang nga ginapahimo sang Ginoo. Ang Espiritu Santo maga-upod sa imo sa imo nga pagpamatoud. Indi mo na kinahanglan nga mag-atubang sang mga kahigayonan nga may kahadlok nga waay ang Ginoo sa imo. Sa adlaw sang Pentecost, ang Espiritu Santo. Kaupod sang mga indi kinaangdan nga tanda, ginbubo ang iya kaugalingon sa mga tumuluo. Halin sadto nga adlaw, ang labing talalupangdon ang ara sa pagbaton. Sa pagsaksi sa mga Hudeo, nagsiling si Pedro sa ila, "Ang tagsa-tagsa sa inyo maghinulsol sa inyo mga sala kag magpabunyag sa ngalan ni Jesu-Cristo, kag dayon mapatawad ang inyo mga sala kag mabaton ninyo ang regalo sang Dios nga amo ang Espiritu Santo”. (Acts 2:38). Himuon sang Espiritu Santo ang inyo paghimud-os nga epektibo. Ang Espiritu Santo amo ang naga-pamatbat sang sala kag naga-tandog sang kasingkasing. Imo makita ang tumalagsahon nga panghimo sang Espiritu Santo kag ang pag panagang mabuslan sang kaluyag. Ang ginakahadlokan nimo nga mga mabudlay nga pamangkot madulaan na sang pulos kay ang gahom sa pakig upod nimo sa Ginoo magatubo. Imo mabatyagan ang Espiritu Santo nga nagahulag sa imo samtang naga-giya sa dula nga tawo para mangayo sang ensakto nga pamangkot, makakita sang ensakto nga sabat kag magdesisyon. Ang pangurog, kahadlok nga pag-indi-indi mahimo nga kalipay sa imo makita nga paghulag sang Ginoo kung ang isa ka ordinaryo nga kristohanon makiupod sa pasahi nga serbisyo. Ang gahom sang Ginoo igahatag suno sa panginahanglanon. Imo panumdumon nga indi maghatag ang Ginoo sa buluhaton nga waay pa sang talana. Sa tanan, indi ini ang gahom nga mabatyagan sa mauna nga tion. Kinahanglan magsalig ka sa Ginoo nga iya tumanon ang iya hambal. Ang pagsaksi, luwas pa sa iban nga buluhaton nga ginapahimo sang Ginoo sa imo, nakatukod sa imo pagtuo nga ang imo misyon matapos indi pinaagi sa imo nga kaugalingon nga gahom kon di sa presensya sang Ginoo nga nagahatag sang gahom.(tan’awa ang Zech. 4:6). Si Jesus nakig-hambal sa isa ka babaye nga nagpalapit sa bubon para untaton ang iya kauhaw. (Juan 4:1-42). Kaisa magpahayag si Jesus sa iyang kaugalingon bilang Manunubos, ang babaye nagdasig pakadto sa baryo kag nag pangagda sa mga tawo,
Page 20: “Dali bala kamo, tan-awa ninyo ang tawo nga nakahibalo sang tanan ko nga ginpanghimo. Basi kon amo na ini ang Cristo." (Juan 4:29). Ang iya testimonya sa baryo ginhimo sa duha ka pulong. Ang una nga parte sang iya testimonya nagpahayag sang iya nahibaloan, “Ginsiling niya sa akon ang tanan ko nga ginpanghimo.” Ang sunod niya nga pamangkot, bisan pa, nagalaragway sang pangduha-duha nga kinaiya sang tanan: “Basin kon amo na ini ang Cristo?” Ang pagkatampad sang iya pagkasaksi ang mapatihan tungod kay ini lang ang iya mapat-ud. Maski na may iban pa siya nahibaloan nga butang, may ara nagpabilin nga mapangkot sa iya pananilagan kay Cristo. Ang iya testimonya nagbag-o sang dula nga mga tawo indi tungod sa isa ka pinasahi nga paagi kon di pinaagi sa gahom sa iya paghigugma kay Hesus kag sa iban. DAY 5: Ikalima nga adlaw: Pagpangaman Isa ka myerkoles nga gab-i paghalin ko sa akon opisina, sa akon pagpauli sa balay, madulum kag pa-ikis-ikis ang dalan. Sa akon pag-abot sa kanto, madamo sang mga salakyan sang pulis kag may isa ka helicopter. Isa ka salakyan ang nakabunggo sa kahoy. Ang driver nga 19 ang edad, kinahanglan makuha sa nalubag nga salakyan. Ang manog bulong nagsal-ut sang dagum sa sulod sang ugat sang driver para mapalig-on siya. Akon ginpanglantaw ang mga tawo kag ang Ginoo nakig hambal sa akon. Nagpalapit ko sa tunga sa mga tawo, nagdis-ok kag nagaluhod nga nagpalapit sa nadisgrasya. Akon nahangpan nga indi na siya makahambal. Akon siya ginpangayo nga magsabat kon iya ako mabatian. Nag agulo siya bilang kasugtanan. Kabalo ko nga pila na lang ka segundo bag-o siya mamatay. Akon ginsiling, “Kon makahambal ka sang ‘oo’ halin sa imo kasingkasing, sa sining lima ka mga pamangkot, ang Ginoo magasulod sa imo kabuhi karon nga adlaw.” Akon dayon siya ginpamangkot: “Makakasala ka bala?” Siya nagsiling “oo” nga may pag-ingis. “Gusto mo sang kapasaylu-an sa imo mga sala?” Siya nagsiling, “oo.”
“Naga-tuo ka kay Jesus nga namatay sa krus tungod sa imo kag siya ang nabanhaw liwat?” Nagsiling naman siya nga “oo.” “Handa ka nga itugyan ang imo nga kaugalingon kay Cristo?” Nag-ingis siya sang makaloluoy nga, “oo.” Gusto bala nimo nga si Jesu-Cristo magsulod sa imo kabuhi kag kasingkasing?” Sa katapusan nga may pag-ingis man, nagsiling siya nga, “oo.” Ini nga batan-on, sa peligroso nga kapalaran, ginbaton si Cristo sa ato nga tion. Napatay siya sa sunod nga adlaw. Kabalo ako sang sini nga kamatuoran: Kon ang paghambal sang batan-on nga “oo” halin sa iya kasingkasing, isa siya ka batan-on nga nagalakat sa bulawan nga dalan karon nga adlaw kag nagasiling, “Abaw, tam-an gid ato ka lapit.” Malipayon ako nga nangin handa ako sa pag-ambit sang simple nga maayong balita kag ikaw man makatuon sang pag-ambit kay Jesus nga waay kahadlok. Side notes: Sa pagtuon sang pag-ambit kay Jesus indi buot hambalon nga waay ang kahadlok. Ang buot hambalon lang nga andam ka sa pagsabat sa mga tion sang pagsaksi para sa iban nga waay paglaum sa Kaluwasan.
Page 21 Ang pagsaksi nga waay kahadlok amo ang indi pagtugot sa kahadlok nga amo ang mag dikta sa imo kagustuhan nga tumanon ang pag-ambit kay Cristo sa dula nga tawo. Talikdi ang mga ginhalinan sang kahadlok kag tan-aw ang tuburan sang gahom, kay si apostle Paul nagsiling: Mga utod kay Cristo, sang pagkadto ko dira sa inyo sa pagwali sang mga tinago nga kamatuoran sang Dios, wala ako naggamit sang madalom nga mga pulong ukon madalom nga mga kaalam.
Kay gintuyo ko nga wala na ako sing iban pa nga iwali sa inyo kundi si Jesu-Cristo lang kag ang iya pagpalansang sa krus.Wala ako nagsalig sa akon abilidad sang dira ako sa inyo. Nagkurog pa gani ako sa kakulba. Sang pagwali ko sa inyo, wala ako naggamit sang mabinulakbulakon nga mga pulong agod makombinsi kamo, kundi ang Espiritu Santo amo ang nagpamatuod sa akon ginpanghambal paagi sa iya gahom, agod ang inyo pagtuo indi mapasad sa kaalam sang tawo kundi sa gahom sang Dios. (1 Corinto 2:1-5)
Upod sa pagsalig sa Ginoo kag sa iya pulong, magamadinalag-on ka sa pagsaksi nga waay kahadlok sa kapaslawan. Kon imo masayran ang pagpaninghakul sa mga dula nga kalag, husto nga pagpanghanda pinaagi sa pangamuyo, kag imo mahangpan ang pagpakig upod sa Ginoo, ang Espiritu Santo magahatag sang gahom. Side notes: Ang pagdaug amo ang pagkabuhi nga Kristohanon, pag-ambit sa maayong balita kag pagsalig sa Ginoo sa mga resulta. Mag angkon ka sang pila ka tinion kag ilaragway sa imo panghuna huna ang mga nawong sang imo pamilya, mga abyan sa trabaho kag mga tawo nga lapit sa imo. Pangalani o kon isaysay sila sang malip-ot kag ipakita kon sila kristohanon o indi pa. ________________________________________________ oo__ indi__ ________________________________________________ oo__ indi__ ________________________________________________ oo__ indi__ ________________________________________________ oo__ indi__ Sa imo pagpadayon sa sini nga pagtoon, imo mahibal-an ang masulhay nga paagi para masayran ang iban nga espirituhanon nga panginahanglan kag pag-ambit sa imo pagtu-o. Pangamuyu-i ang imo kaugalingon. Ipangamuyo nga maghatag ang Ginoo sang kabug-aton sa imo kasingkasing kag mag giya sa imo buot nga magsabat sa mga kahigayunan. Ginsulat ni Pedro, “Dumdumon ninyo nga si Cristo amo ang dapat ninyo tahuron kag sundon. Kag maghanda kamo permi sa pagpaathag sa kay bisan sin-o nga magpamangkot sa inyo parte sa inyo paglaom. (1 Pedro 3:15). Indi ka pagpiliton sang Ginoo nga mangin matinumanon. Apang magahatag siya sang paagi sa tanan nga naga-balabag sa imo pagsaksi nga imo ini mapangibabawan. Ang pagpakigsumpong sa yawa indi nimo madaug sa imo kaugalingon nga gahom. Kinahanglan nga “magpakalig-on kamo sa Ginoo paagi sa iya gahom” (Eph 6:10). Waay sang lain pa nga luyag ang yawa kon di ang magpabilin ka nga mahipos kon ang Ginoo nagahikut sa kabuhi sang dula nga tawo. Indi ka mahadlok nga may matabo nga malain kon imo igiya ang isa ka tawo nga magsalig sa Ginoo bilang iya Diyos kag manluluwas. Ang imo bahin amo ang pag tuman sa pagsaksi. Ang kahadlok sa pagsaksi ang mas pa sang sa imo di-pagkahimtang sa kaugalingon kaysa mga pagbalabag sang dula nga tawo. Ang kapaslawan ang indi posible kon ikaw matumtom. Panumduma, ang kadalag-an amo ang pagkabuhi mo nga kristohanon, pag-ambit sa maayong balita, kag ang pagsalig sa Ginoo para sa mga resulta. Ang madinalag-on nga pagsaksi matabo sa tion nga matinumanon ka sa pagsabat kag pag-ambit. Ang tanan nga ginahimo ni satanas ang indi makusog agud nga makahatag sang kapaslawan, “ kay ang yara sa imo mas gamhanan pa sang sa kay Satanas nga nagagahom sa mga tawo sa kalibutan. (1 Juan 4:4).
Side notes: Waay na sang dako nga ginahimo si satanas kon di ang himuon ka nga indi makahambal sa ginahikut sang Ginoo sa kabuhi sang dula nga tawo.
Page 22: Side Notes: Ang katawhan sang Ginoo kinahanglan makahibalo sang kinaiya kag pahitu ni santanas, ang sahi sang pakig-away sa iya kag ang kamalahalon sini. Ang pagtuman sa pagpanaksi mas labi pa sa pag-isip sang resulta. Ang katawhan sang Ginoo kinahanglan makahibalo sang kinaiya kag pahitu ni santanas, ang sahi sang pakig-away sa iya kag ang kamalahalon sini. Si satanas ang malimbungon nga magapaluya sang imo balatyagon sa paghimo sang ano man nga makahatag sang himaya sa Ginoo. Indi ka magsala sa paghangup sa yawa; iya ka nga luyahon. Madali lang kay satanas nga paluyahon ka sa pagpanaksi. Dumduma nga ang pagtuon sang pagsaksi amo ang pagtuon sa pagsalig kag pagtuman sa Ginoo kaysa pagpaayo sa imo kaalam kag magtoon sa mga pamaagi. Mas labi ang pagtuman sa pagpanaksi kaysa pag-isip sa kadalag-an pinaagi sa mga bunga. Sa akon biyahe halin sa Denver pakadto sa Newark, nangin ukopado ako sa pagbasa tubtub nga makaabot kami. Ang babaye sa akon tupad, nagbinasa man kag bag-o pa kami naghugpa, ginsarhan niya iya libro. Akon siya ginpamangkot, “Amo na ini ang katapusan sa imo biyahe?” Ang siling niya, “oo”. Namangkot ko liwat, “ ano imo pangabuhi?” Nagsabat siya nga isa siya ka inhinyero sa dako nga kompanya. Akon ginsiling, “Maayo ina.” Dason akon siya ginpamangkot maayo: “May simbahan ka bala nga kinakadtuan?” Simple lang ini nga pamangkot nga sa kadamuan nagahatag sang pat-ud nga sabat. Ang isa ka sabat amo ini, “Ang akon pakaisa sa Nebraska isa ka ministro.” Pero indi nila mahinumdum ang pangalan sang simbahan nga ginasilbihan sang ministro. Ang isa ka bantog pa nga sabat: “Nagakadto ako sa isa ka dako nga puti nga simbahan malapit sa akon gina-istaran”; apang indi nila mahinumduman ang pangalan sang simbahan o kon ngalan sang pastor. Ini nga babaye nagsiling, “Katoliko ako”. Kabalo ako kon ano nga klase ini nga simbahan. Ang isa pa gid ka pamangkot nga waay ko pa gintilawan sadto: “Papaano maluwas ang katoliko?” Sa duha ka minuto namon nga pag-istorya, bag-o kami kaabot sa kudal, naghambal siya nga, “Tani may yara makasiling sa akon kon paano ako maluwas.” Akon na eksperyensyahan ang kahigayunan sa pagpanaksi sa tawo nga ginhanda na sang Ginoo nga makabati sang maayo nga balita. Maathag gid nga handa siya sa Ginoo nga maghikot sa iya tagipusoon. Apang gamay na lang nga segundo makaabot na kami sa kudal sang terminal kag indi ko makita kon may tion pa ako sa pagtuman sa gusto sang Ginoo. Hinali lang nagsiling ang piloto sa amon nga , “Pasensya, mga kababaihan kag kalalakin-an, indi pa kita makadiretso sa terminal karon. May ara pa sang isa ka eroplano didto. Kinahanglang maghulat pa kita sang napulo ka minuto.” Mabaskog nga nagkuba kuba ang akon tagipusoon. Pamatyag ko ang kamot sang Ginoo ang nag labot sa amon kag nag-untat sang tanan. Ini nga babaye nga akon tupad, handa na nga makabati kag waay ako nahadlok sa pag-ambit. Side Notes: Ang Ginoo nagahikot sa kasingkasing sang mga katawhan bisan diin. Kadali ko lang nalipatan nga ang Ginoo gali ang gamhanan. Ang Ginoo lang. Indi ako. Indi ang mga hitabo. Ang Ginoo nagahikot sa kasingkasing sang mga katawhan bisan diin.
Page 23 Kag indi ako malutos kon padayon ako magahambal. Sa sini nga paghulat, ang iban nagreklamo, ako naman eya ang nagakalipay nga ginbuksan sang babaye ang iya kasingkasing kag magbaton kay Hesus bilang iya Diyos kag manluluwas. Bisan ano nga istoryahanay, mahimo ini nga tion sa pag-ambit sang maayo nga balita. Indi ini pamaagi nga mangayo sang duha ka oras para himuon. Ini nga pamaagi ang magahanda sa imo nga kabuhi nga mangin matinumanon sa mga higayon nga ginahatag sang Ginoo. Bilang kristohanon, kinahanglan nga andam ka sa imo personal nga pakadtuan sa pag-eksperyensya sang kaluwasan- ang malip-ot nga testimonya sa imo kabuhi bag-o nimo nakilan-an si Cristo(isa ka minuto); papaano ka nangin kristohanon(isa ka minuto) kag ang kapinasahi nga ginhimo ni Cristo sa imo kabuhi(isa man ka minuto). Sa higad sang papel, malip-ot nga isulat ang imo kaugalingon nga istorya. Importante nga madali mo masugid sa iban ang imo testimonya. Pag-untat karon kag paghatag sang tion nga maathag kag simple isulat ang ginhimo ni Cristo sa imo kabuhi. Ang pagsugid kay Hesus kinahanglan pinaagi sa mahigugmaon nga handum nga magiyahan mo ang dula nga tawo halin sa kadulom pakadto sa kasanag kag halin sa waay paglaum hasta sa may paglaum. Indi lamang pinaagi sa handum nga mapamatud-an nga sala ang dula nga tawo. Padayon ipakita ang pagtuo sa imo pangabuhi, “Sabta ninyo sila sa malulo nga paagi kag may pagtahod. Siguruhon ninyo nga permi matinlo ang inyo konsensya, agod mahuy-an ang mga tawo nga nagapakalain sang inyo maayo nga mga binuhatan bilang mga sumulunod ni Cristo.” (1 Pedro 3:16). Ang kristohanon nga panginabuhi nagapamatuud sa imo testimonya nga mahimo nga kamatouran sa imo pagpanaksi. Mabudlay para sa isa ka dula nga tawo magpati sa mga ginasiling sang isa ka kristohanon nga ang pagpangabuhi ang batuk sa pagsulundan ni Cristo. May tatlo ka pamaagi sa pagsugid sa imo nga pagtuo kag pag giya sa dula ka tawo sa kay Hesus. Ang una pamaagi amo ang isa sa serye sang lima ka pamangkot nga makabulig sa isa ka tawo nga mahibal-an ang iya espirituhanon nga kondisyon. Ang ikaduha amo ang paghatag sang mga bersikulo sa Biblia nga iya basahon sang matunog. Ang ikatatlo nga pamaagi amo ang lima ka pamangkot nga magsuma sang kamatuoran sang mga bersikulo kag mag giya sa tawo para maghimo sang desisyon. Sa sulod sang duha ka simana, ang imo personal nga relasyon sa kay Cristo mangin malig-on pa sa padayon nimo tuon sang mga pamaagi. Buluhatun: Pasalamati ang Ginoo sa imo nga kabuhi sa Ginoo kag sa mga tawo nga iya gingamit nga nagdala sa imo nga pagsalig sa kay Hesu-Cristo. Isugid sa imo kapamilya o kon sa imo malapit nga amigo kon sa ano ka nangin kristohanon.
Page 24 Ikaduha nga semana Pagtuon sang pamaagi sa Pagpakilala kay Jesus Sini nga simana ipakilala sa imo ang duha sa tatlo ka pamaagi nga masugid ang imo pagtuo. Sa paggamit sini nga pamaagi, gina tugotan nimo ang Ginoo nga maghikut sa imo kinabuhi sa pag giya sa dula nga tawo sa kay Cristo. Sa una nga pamaagi, imo matun-an ang lima ka mga pamangkot nga magbulig sa imo sa pagkahibalo sang espirituhanon nga kondisyon sang tawo. Mga giya lamang ini kag indi para sa pag-umpisa sang pagbinaisay. Ang ikaduha nga pamaagi amo ang pagpakilala sang imo pagtuo pinaagi sa pito ka bersikulo sa Biblia. Umpisa sa Roma 3:23 kag tapuson sa Bugna 3:20, ini nga pito ka bersikulo mahimo nga basahon sang makusog sang indi tumulu-o. Matapos ang kada bersikulo imo pamangkuton ang indi tumulu-o kon “ano buot hambalon sini nga bersikulo para sa imo?” Imo hulaton ang Espiritu Santo nga maghikut sa iya nga kasingkasing. Sa ikatatlo nga pamaagi, imo liwat makita ang lima ka pamangkot. Magasuma ini sang mga kamatuoran sang mga bersikulo halin sa ikaduha nga pamaagi kag mag giya sa tawo sa pang ulihi nga pamangkot, “Handa ka na bala nga hagarun si Hesus sa imo kasingkasing kag sa imo kabuhi?” Ang pagsunod sa mga pamaagi makabulig sa imo paglikay sa mga baisay okon pagdepensa nga mahimo nga mangin opang. Duha ka kamatuoran nga makapadasig sa imo:
• Ini nga pamaagi mahimo ang pagpanaksi nga mangin tuman ka simple. • Bug-os kag pat-id gid nga indi ka mapaslawan. Nga-a?
Isulat ang sabat sa sina nga pamangkot sa higad sang papel. Side Notes: Nga-a bug-os indi ako mapakyas: Sugod maka-upod ka sa imo pakig abaga sa Espiritu Santo nga maka saksi sa dula ka tawo, matingala ka na lang nga ang gahom sang Ginoo makaguba sa mga balabag. Makasiling ka nga, “kuntani, akon ini siya nahibaloan sadtong una pa.” Day 1 Una nga adlaw Paggamit sang mga pamangkot nga makapahibalo kon diin nagahikut ang Ginoo Ang una nga pamaagi amo ang lima ka mg pamangkot nga makabulig sa imo pagpahibalo sa espirituhanon nga kondisyon sang tawo. Ini nga mga pamangkot mag gua nga mga importante nga impormasyon nga makabulig sa imo pamatyag kon paano naga obra o kon nagahikut ang Ginoo sa kabuhi sang isa ka tawo.
Page 25 Ang pagpamangkot makabulig sa imo nga malikawan ang sobra nga panghambalon kaysa pagpamati. Importante nga mamati sang ginahambal sang Ginoo sa tawo pinaagi sa Biblia. Tugoti ang Espiritu Santo nga amo ang maghikut sa kasingkasing sang tawo. Nakagamit ka bala sang termometro para sa karne sa imo pagluto? Kon parehas ka sa akon, igo lang nakon ibutang ang karne nga waay ko nahibaloan kon ano man ang nagakahitabo sa sulod. Indi ko permi makalantaw sa akon ginaluto. Kon kis-a madasig o kon mahinay ang akon pagluto. Amo nga nagagamit ako sang termometro. Ang mga pamangkot magsilbi nga espiritual-kondisyon nga termometro sa pagpanaksi. Nagahatag sila pamaagi nga mabatyagan mo ang nagakahitabo sa kasingkasing kag huna-huna sang tawo. Puwede nimo himuon ang mga pamangkot nga mangin espirtual nga termometro. Sini lang, samtang ara ako sa hulugpaan sang eroplano, may ara sang isa ka batan-on nga lalaki nga namangkot sa akon kon may ara nga waay nadayon nga eroplano. Pagkatapos ko mahibaloan kon diin siya pakadto, akon siya ginpamangkot, “ano imo paborito nga hampang?” Iya ko ginsabat nga daku siya nga manogdayao sang basketball sa NBA. Akon ginsiling, “abaw, may ara gid sang daku nga kwarta ginakita ang mga tawo dira. Sa akon nabatian, ang isa ka manughampang makabaton sang minilyon nga dolyar sa pipila ka tuig. Bisan pa sa ila kadalag-an, may ara ka gihapon mabasahan nga ang ila kabuhi waay sang pulos. Apang gakita sila sang madamo nga kwarta. Nakahuna-huna ka bala kon pila gid ang kitaon sang isa ka tawo bag-o niya masiling nga maayo iya kabuhi? Para sa akon, hasta nga maayo lang ang akon nga pamilya kag layo lang sila sa katalagman; maayo akon trabaho; kag ang akon pamilya ara nagasilbi sa simbahan, masiling ko nga maayo na akon kabuhi. Aktibo bala imo nga pamilya sa simbahan?” Himutari ang natural nga pamaagi sa pagsigulanon sa kabuhi sang kristohanon. Ako kag ini nga batan-on nag-istoryahanay lang halin sa basketball pakadto sa iya espirituhanon nga kabuhi. Isa lang ka pamangkot nagdala na sa amon sa madalum nga pag-istoryahanay sa madali lang nga tion. Isa ka babaye nagsugilanon sa akon matapos ang akon miting. Akon siya ginpamangkot, “Ano sa tan-aw mo ang pinakadaku nga problema nga gina-atubang sang mga kababaihan karon?” Nagpanumdum siya kadali kag nagsiling, “madamo sang himuonon pero gamay lang ang panahon.” Akon ginsiling, “indi ko mapanumdum kon papaano ginahimo sang mga babaye ang ila mga buluhaton. Sa imo kasako, may ara ka bala tion nga mag-untat kadali kag mag-panumdum kon ano gid ang mas importante? Sa akon lang, may ara ka gid bala tion nga makapanumdum nga kon ang tanan nga imo ginahimo dayon lang mag-untat kag mapatay ka?” Tan-awa ang natural nga pagkambyo sang sugilanon? Ang mga pamangkot magsilbi nga butang para imo mahibal-an ang nagakahitabo sa espirituhanon nga kabuhi sang tawo. Lima ka mga pamangkot ang makabulig sa imo sugilanon pakadto sa mga espirituhanon nga butang:
1. May ara ka bala sang espiritwal nga pagtu-o? 2. Sin-o si hesus para sa imo?
Page 26
3. Nagapati ka bala nga may ara langit kag impyerno? 4. Kon ikaw mapatay karon, diin ka makadto? 5. Kon ang imo gintuohan indi matuod, gusto mo bala mahibal-an ang kamatuoran?
Ang pulong nga (S.A.L.T.) magpanumdum sa imo nga pamaagi ini nga mahimo mo ang sugilanon sa pagpanaksi. S-(say) ipanumdum sa imo nga magsugid sang ano man nga butang A-(ask) mamangkot ka, amo ini ang pamaagi nga mabal-an mo kon ang Ginoo nagahikut sa kasingkasing sang tawo L-(listen) pamati, amo ini ang pinakamaayo nga pamaagi para mabal-an mo kon may higayon ka nga mahimo mo ang dapat T-(turn) iliso ang sugilanon sa espirituhanon nga butang. Imo makita nga madali lang ikambyo sa espirituhanon ang pagsugilanon. UNA NGA PAMANGKOT May ara ka bala sang espritwal nga pagtu-o? Paghatag sang tion nga masulat mo imo sabat sa higad sang papel. Sa imo pag-umpisa, importante nga mabal-an mo kon diin ang tawo kag indi ang kon diin mo sila gusto naghalin. Madamo sa aton waay na naga-istar sa mga banwa nga madamo sang simbahan. Madamo nga mga tawo karon waay nakaintindi kon ano ang mga ginapanghambal sang mga kristohanon. Mga pamangkot nga, “Nagapati ka bala sa Ginoo? Kag ang, “ Kristiyano ka bala?” Ini makabalabag dayon sa indi pa luwas. Gusto lang sang mga tawo nga maghatag lang sang ila opinion. Ang pamangkot nga, “Nagapati ka bala sa Ginoo?” mahimo nga taman ka personal. Kon di pamangkuta nga, “May ara ka bala sang espirituhanon nga pagtu-o?” Madamo nga mga tawo mas komportable sa sini nga pamangkot. May ka-uhaw ang mga tawo nga mag-istorya parte sa ila nga espirituhanon nga kabuhi. Ila ini ginatago nga pagka-uhaw pinaagi sa binutig o kon waay pulos nga sabat. Mas gustuhon nila mag-istorya sang ila espirituhanon nga kabuhi sa maayo kag mahipos nga paagi. Una nga pamangkot, “May ara ka bala sang espirituhanon nga pagtu-o?” makahatag sang tion nga mahambal mo ang tungod kay Hesus. Ini nga pamangkot magdala sa tawo nga ma-istoryahan niya ang iya sala nga pagtu-o. Panumduma nga indi importante kon ano kadugay niya mahatag iya sabat. Indi mo dapat sabton o kon ipahayag pa ang iya nga sabat. Pamati ka lang gid para mapakita mo ang gugma kag paghalong. Kinahanglan lang nga indi ka magsabat sang malain. Buksi ang imo Biblia sa Apostoles 8:26-39. Ang Espiritu Santo ginpadala Filipe pakadto sa dalan nga halin sa Jerusalem hasta sa Gaza. Didto nakita niya ang tawo nga taga-Etiopia nga magpuli na sa iya balay. Ginpamangkot ni Filipe ang tawo, “Naintiendihan mo ang imo ginabasa?” (Apostoles 8:30). Nagsabat ang etiopyan nga nakahatag sang tion nga makahambal si Filipe parte kay Jesus. “Gani sugod sa sadto nga bahin sang Kasulatan, ginsaysay sa iya ni Felipe ang Maayong Balita parte kay Jesus”(Apostoles 8:35).
Page 27 Mangin handa ka lang sa mga higayon nga ihatag sang Ginoo sa imo mga paryente, katrabaho kag mga ka-ingod nga makapamangkot ka sa ila. Pamatyagi man ang mga tawo nga imo masugata sa adlaw adlaw. Day 2 Ikaduha nga adlaw: Ikaduha kag Ika-tatlo nga mga Pamangkot Ikaduha nga pamangkot Sin-o sa imo si Hesus? Paghatag sang tion nga masulat mo imo nga sabat sa higad sang papel. Basaha ang Mateo 21:10-11. Sa pagsulod ni Jesus sa siyudad sang Jerusalem, ang mga tawo didto nagkinagula kag namangkot, “Sin-o ini nga tawo?” (v.10) Ini nga kauhaw sa isip kag kasingkasing sang mga tawo buhi lang gihapon hasta karon. Pangita sang higayon nga makapamangkot ka dayon. Importante ini nga pamangkot. Ini ang pamangkot ang maga-abre sang kasingkasing sang tawo. Basaha ang Mateo 16:13-16. Sa ila nga pagsugilanon, nagsiling si Hesus sa ila, "Pero sa inyo, sin-o bala ako?" (v.15) Kinahanglan masabat ang kada isa sa pamangkot. Mabuligan mo lang ang isa ka tawo sa pagpamangkot nimo sa iya sa mahinay nga pamaagi. Basaha ang Juan 8:12-30. Madamo ang nakahibalo parte kay Cristo sa bag-o nga kasulatan pero waay sila sang personal nga relasyon sa iya. Sa Juan 8, ginhambal ni Hesus ang importansya sang iya matuod nga pagkatawo. Ginhangkat sang mga pariseo ang pag-ako ni Hesus bilang ginpadala sang Ginoo. (v.13), kag nabaliskad sila sa pagpamangkot ni Cristo nga magpati sa iya kay siya lang ang dalan sang kaluwasan. Ang ila pag indi sa iya nga isa sila sang Amay nagapahibalo lang nga mapatay sila sa ila mga sala. Ang matuod sa ila amo man ang matuod para sa tanan. Si Hesus nagsiling sa ila nga siya amo ang “ ‘suga sang kalibutan.Ang nagasunod sa akon, ang iya hunahuna indi mangin madulom, kundi masanagan siya sang suga nga nagahatag sang kabuhi’”(v.12). Ang ila indi pagpati nagbuot hambalon, "Malakat ako, kag kon wala na gani ako diri pangitaon ninyo ako, pero magakalamatay lang kamo nga ang inyo mga sala wala mapatawad. Kag indi kamo makakadto sa akon kaladtuan." (v.21).
Page 28 Ginpahibalo ni Hesus sa ila, “Amo ina nga nagsiling ako sa inyo nga magakalamatay lang kamo nga wala mapatawad ang inyo mga sala. Kay kon indi kamo magtuo nga ako amo ang Cristo, sigurado gid nga magakalamatay lang kamo nga wala mapatawad ang inyo mga sala. Nagsiling sila, "Ngaa, sin-o ka gid bala?" Nagsiling si Hesus, "Indi bala ginsugiran ko na kamo halin pa sang una kon sin-o gid ako?” Madamo ang akon inughambal kontra sa inyo mga ginahimo. Sa pagkamatuod, ang mga butang nga akon ginasugid sa mga tawo amo lang ang mga butang nga ginapahambal sa akon sang nagpadala sa akon. Kag ang tanan nga iya ginasugid matuod.”Wala sila makaintiendi nga naghambal siya sa ila parte sa Amay. Gani nagsiling si Hesus sa ila, "Kon ibayaw na ninyo ako nga Anak sang Tawo, mahibaluan na ninyo nga ako gali amo ang Cristo. Sa sina nga tion mahibaluan man ninyo nga ang tanan nga akon ginahimo kag ginasugid wala sing iban kundi ang mga butang nga ginapahimo kag ginapasugid sa akon sang Amay. Ang nagpadala sa akon nagaupod permi sa akon kag wala niya gid ako ginapabay-i, tungod kay kon ano ang iya gusto amo man ang akon ginahimo." Pagkabati sang mga tawo sa sining mga ginhambal ni Jesus, madamo sa ila ang nagtuo sa iya. (Juan 8:23-24). Kon ikaw mamangkot, “Sin-o sa imo si Hesus?” Ang iban magsabat nga, “Anak siya sang Amay” kon di man, “Ang tawo nga napatay sa krus.” Pamatyagi ang atu nga mga sabat relihiyoso man pero waay nagapabalo nga may personal nga relasyon. Ang sabat sang kristohanon simple lang, “ Siya ang akon Diyos kag Manluluwas”. Gusto man mahibal-an sang dula nga tawo nga may ara ka sang personal nga relasyon sa kay Hesus. Kon imo hambalon nga, “Siya akon Diyos kag Manluluwas”, makahatag ini sang higayon nga maghikut ang Espiritu Santo sa iya kabuhi. Ang maayo nimo nga sabat matapos mo siya pamangkoton sang “Sin-o sa imo si Hesus?” amo ang paghipos lang. Ang katutyuan sini amo ang paghatag sang higayon sa tawo nga makapanumdum parte kay Hesus kag para sa Espiritu Santo nga maghikut sa iya kabuhi. Ang katuyuan indi amo ang tudluan siya ko o kon puwersahon siya sang isa ka butang. Buluhaton na ina sang Espiritu Santo kag sang Biblia. Ang Espiritu Santo na ang makighambal sa kasingkasing sang tawo. Panumduma, ang imo parte amo ang mangin matinumanon. Respitoha ang mangin sabat sang tawo. Kon ini “oo” man o kon “indi”. Ikatatlo nga pamangkot Nagapati ka bala nga may ara langit kag impyerno? Paghatag sang tion nga masulat mo imo nga sabat sa higad sang papel. Indi ini makahaladlok nga pamangkot. Waay mo siya ginapamangkot nga magsabat sang “oo” o “indi” sa iya kaugalingon nga pakadtuan. Amo man ikaw maga-abre sang higayon nga maka-istorya siya parte sa sini nga pauyon. Madamo nga mga tawo naga-istorya parte sa ila nga pagtu-o pero waay nagapati sa manog-abot nga kabuhi. Ang pagpati kay Hesus bilang Diyos kag Manluluwas amo ang yabe. Ihambal ang pamangkot kag hulata kon ano iya nga sabat. Tugoti nga ang Espiritu Santo nga amo ang maghikut sa kasingkasing sang tawo pakadto kay Hesus. Side Notes: “ ‘Kag paandaman niya sila agod indi sila makakadto sa sini nga lugar nga pulos lang pag-antos.'” Lucas 16:28 Waay ginbale wala ni Cristo ang kamatuoran sang impyerno. Indi maayo nga ang imo tan-awon sa pagpanaksi ara lang sa bunga sa pag-indi sang tawo kay Cristo. Labi nga malain kon imo pa gid talikdan. Basaha ang Lucas 16:19-31. Ang paggamit sang istorya sang isa ka manggaranon kag ni Lazaro, gintudlo
ni Hesus nga sa paghatag sang maathag nga laragway sang impyerno kag ang kamatuoran sini, indi gid man maka giya sa tawo nga magbaton kay Hesus sa pagtuo. Nagpakaluoy ang manggaranon kay Lazaro nga ipadala siya sa duta halin sa langit para mahambalan niya ang iya mga utod kon ano ang langit kag impyerno. “ ‘Paandaman niya sila agod indi sila makakadto sa sini nga lugar nga pulos lang pag-antos.'”(Lucas 16:28). Ginhambal ni Abraham nga madamo na sila sang beses nga ginpaandaman. “Ang siling ni Abraham, 'Kon indi gani sila magpati sa mga ginsulat ni Moises kag sang mga propeta, ti indi man sila magpati bisan pa may mabanhaw nga patay!' "(Lucas 16:31).
Page 29 Ikatatlo nga adlaw Ika-apat kag ika-lima nga mga pamangkot Ika-apat nga pamangkot Kon ikaw mapatay karon, diin ka makadto? Paghatag sang tion nga masulat mo imo sabat sa higad sang papel. Side notes: Kon mapatay ka karon, diin ka pakadto? ____Langit ____Impyerno Nga-a? May isa ka babaye nga kadali nakahatag sang iya sabat sa ikatatlo nga pamangkot, “ Nagapati ka nga may langit kag impyerno? Amo ini iya sabat, “kabalo ko nga waay”. Sa paghambal na sang ika-apat nga pamangkot, nahimo na nga personal. Ginpamangkot siya, “Diin ka pakadto?”. Insigida ginhambal niya nga “sigurado nga sa langit gid”. Ang ikatatlo nga pamangkot nagapangayo sang mas madalum nga panghuna huna. Ang ika-apat naman nagapangayo sang sabat halin sa kasingkasing. Pinaagi sini madala nimo ang tawo nga mangin personal na ang inyo sugilanon. Nagaseryoso ang mga tawo kon ang paga-istoryahan na amo ang mga personal nga mga butang sa kabuhi. Kon ang tawo nagsabat sang “langit” mamangkot ka nga , “Ngaa pasudlon ka sang Ginoo sa langit?” Ang iya sabat mag-abre sa iya kasingkasing sa dugang pa gid nga mga kamatuoran. Madamo nga tawo ang indi luyag nga mabal-an ang ila nga kahuyang. Ang pakighambal makabu-ak sang mga balabag samtang nagatubo ang relasyon. May ara ako mga kasakay sa eroplano nga waay gawa nagahambal kag indi gid nila luyag makighambal sa iban. Pero ga-abot man ang panahon nga matingala na lang ako nga sila mismo ang nagsugod istorya sa ilan mga personal nga kabuhi. Madamo man nga dula nga tawo nga kabalo sila kag may pamatyag sa ila pagkadula. Atong mga nagasiling nga may salig sila sa ila indi pagpati amo ang mas madali istoryahon sa maayo nga paagi. Ikalima nga pamangkot Kon ang imo gintuohan indi matuod, gusto mo bala mahibal-an ang kamatuoran? Paghatag sang tion nga imo masulat ang sabat sa higad sang papel. Isa ini ka importante nga pamangkot. Nahadlok ang mga tawo nga may ara sila malaktawan kon indi nila nabal-an ang husto nga impormasyon.
Page 30 Nakahibalo si Hesus kon san-o mamangkot sang mabudlay sa tama nga panahon. Sa pagtuman sang Iya halimbawa, importante nga magiyahan mo sang maathag tawo nga maka-abot siya sa higayon nga mahangpan niya kon ano ang buot hambalon sang pagbaton kay Hesus bilang Diyos kag Manluluwas. Amo ini ang pinaka-importante nga punto sa pagpanaksi. Duha lang gid ang pwede nga isabat sa ikalima nga pamangkot, “oo” o kon “indi”. Kon ang sabat amo ang “oo”, padayon ka sa ikaduha nga paagi (matunog nga pagbasa sang bersikulo sa Biblia). Kon ang sabat naman amo ang “indi”, pag-untat. Akon ginhambal sa madamo nga tawo “Kon ang imo gintu-ohan indi matuod, gusto mo bala mahibaloan ang matuod?” May mga tawo magsiling, “indi” kag naga-untat lang ako. Ang indi pagtingog kon kis-a nagahimo sang maayo nga pagsigulanon. Kadamoan man magsiling nga, “Indi mo bala luyag nga isugid man sa akon?” Dayon lang nakon siling sa ila nga daw nagalahug“Indi mo man bala gusto mabal-an?” Igo lang sila magsiling, “oo”. Apang kon ikaw makabaton sang matayog nga “indi”, hinumdumi nga ang desisyon sang tawo indi mo na responsibilidad. Gintagaan siya sang Ginoo sang libre nga pagdesisyon. Waay ina nagakahulugan nga napaslawan ka. Nangin matutom ka kag matinumanon. Side Notes: 2 Pedro 3:9 Suno sa ginahunahuna sang iban, nagapatumbaya ang Ginoo sa pagtuman sang iya promisa. Pero ang matuod, wala siya nagapatumbaya kundi nagahulat siya nga maghinulsol ang mga tawo sa ila mga sala, tungod kay indi niya luyag nga may mawala. Basaha ang 2 Pedro 3:9 sa higad. Ang pasensya sang Ginoo nga maghatag pa sang madamo nga higayon para ang mga dula nga tawo nga makabaton sa kay Cristo ang nangin kabangdanan sang ika-duha nga pagbalik ni Hesus. Ang iban pa nga mga higayon para ang mga dula nga tawo makapili nga batunon si Cristo, ara sa mga kamot sang Ginoo. Makasiguro ka nga ang Ginoo mapasensya nga indi niya luyag nga may mawala. Apang indi niya man pagakuhaon sa kahilwayan sa pagpili sang tawo nga maluwas o kon indi siya batunon. May mga tawo nga may ara gid sing partikular nga tion o kon panghitabo nga magdala sa ila pagdesisyon nga batunon si Cristo. Si Pablo may ara sang amo ni nga eksperyensa sa iya pagkadto sa Damascus (Bunuhatan 9:3-19). Madamo man makakita kay Cristo bilang Diyos pinaagi sa mga pipila ka panghitabo o kon pananilagan. Ang kristohanon nga naga panaksi indi laman nga mag tan-aw sa mga paghimud-os kon ang isa ka tawo indi magbaton kay Cristo. Magpasensya ka. Ang imo pagpanaksi mangin alagyan ini para sa isa ka dula nga tawo mag-abre sa iyang kasingkasing para kay Cristo sa sunod niya nga pagkitaay sang Espiritu Santo. Ang mahinay kag mahalong mo nga pagbaton sa desisyon sang tawo nga indi batunon si Cristo makahatag sang palaabuton pa nga higayon. Ina nga palaabuton nga oportunidad mangin para sa imo o kon para sa iban. Tinguha-a nga magpabilin ka nga may pasensya kay ang Ginoo amo ang magpatubo sang relasyon nga imo ginsugdan nga mag abre pa sang dugang nga mga kahugayunan. Kabalo ta nga madamo diri sa kalibutan ang nakabati man sang remedyo sa sala. Ginhambalan sila nga maglantaw sila kay Hesus nga may pagtuo para sa kapasayluan sang ila mga sala. Madamo pa gihapon ang waay gabaton. Panumduma nga ang kadalag-an indi sa pag giya sa isa ka tawo sa kay Cristo. Ang aton responsibilidad amo ang magpabilin nga matutom sa pag giya sa mga dula para ila mabal-an man ang kabuhi nga ara sa pagtuo kay Hesus bilang manluluwas.
Page 31 Ang Espiritu Santo amo ang magadala sa tawo sa kaluwasan. Daku ina nga kasadyahan nga aton mahibal-an nga ang atong pagpanaksi amo lang ang Espiritu Santo ang makahikut sa isa ka tawo nga magpati. Hunahuna-a ni nga sitwasyon: Nagsulod ka sa isa ka restawran kag si Karen nag-imbita sa imo nga magtupad sa iya. Ang inyo sugilanon ara lang tungod sa simbahan. Karen:Nagahunahuna ko nga magkadto sa simbahan galing akon pirmi ginapaiway.” Ikaw: “Gusto man nakon nga maka-upod ka kadto ka upod sa akon. Ano ayhan karon nga Dominggo? Karen: “Ay indi lang karon nga Dominggo. Basin sa iban lang nga tion. Indi pa ako kristohanon. Akon lang siguro tilawan sa lain nga adlaw.” Ikaw: ? Ang kahihayunan sa sini nga tion maabrihan sa imo pag pakigsugilanon. Basaha ang mga mapilian sa dalum kag markahe ang gusto nimo nga sabat. ___ Padayon nimo nga pa-istoryahon siya nga makasimba sa sunod nga dominggo. ___Kambyuhi ang tema. ___ Pangayo sang bulig sa Espiritu Santo nga magiya sa imo nga gamiton ang una nga lima ka pamangkot para madala mo ang imo abyan sa mahinay kag angay nga paagi sa Pulong sang Ginoo kag sa pagtuo sa kay Jesu Cristo bilang Diyos kag Manluluwas. Ika-apat nga adlaw Tugoti nga ang Biblia ang Maghambal Ang ikaduha nga paagi sa pagsugid tungod kay Jesus nga waay kahadlok amo ang pagtugot sa Biblia nga maghambal. Ginagamit sang Ginoo ang Biblia nga magkambyo sang kabuhi sang tawo. Tun-i nga matugotan nimo ang Biblia nga amo ang makighambal sa kasingkasing sang tawo. Ini nga paagi makahatag sang serye nga mga bersikulo sa Biblia nga mapangayo mo ang dula nga tawo nga basahon sang makusog:
1. Roma 3:23 2. Roma 6:23 3. Juan 3:3 4. Juan 14:6 5. Roma 10:9-11 6. 2 Corinto 5:15 7. Bugna 3:20
Himu-a nga parte sa imo espirituhanon nga disiplina ang pagdala sang gamay nga Biblia sa imo pitaka o kon bulsa. Ang imo tuyo nga namangkot ka sang lima nga pangbukas nga pamangkot amo ang pag giya sa tawo nga mabasa ang pulong sa Ginoo nga mahimo nga magdala sa ikaduha nga paagi. Kis-a ka lang kabatyag sang pagpang-indi sang tawo samtang imo ginapamangkot ang una ka lima nga pamangkut.
Page 32 Imo makita nga mahapos lang gali nga parte ang mga pamangkut sa pagsugid mo tungod kay Hesus nga waay kahadlok. Kon may ara man nga pag-indi sa parte sa dula nga tawo amo ini ang pagbukas na nimo sang Bag-ong Kasulatan. May ara sang duha ka negatibo nga tugda tungod sa Biblia nga kumon na. Ang una amo ang, “madamo sang kasaypanan sa Biblia.” Para sa akon, ang pinaka-epektibo nga sabat amo ang: Sa akon pagduhol sang Biblia sa tawo, akong silingon nga, “Kabalo ka, dugay na ako nagabinasa sang Biblia. Pwede ayhan nimo mapakita sa akon kon diin ang mga sala dira?” Indi ka gid mapaslaw nga ila na lang akuon nga waay gali sila kabalo sang mga sala pero ila lang ini nabatian sa lain nga tawo”. Pagsabat lang sa maayo sa ila. “Nakabati man akon sina nga mga opinion pero waay man ako sing makita.” Dayon ka magsiling, “Kadto ta karon sa Roma 3:23.” Indi na pagpadakua pa ang isyu. Ang ikaduha nga kumon nga tugda sang tawo tungod sa Biblia amo ini: “Madamo sang lain lain nga paglubad ang Biblia. Diin sini ang ensakto?” Amo ini akon sabat, “Matuod ina. Madamo ang lain lain nga paglubad sang Biblia. Isa na ini ang King James version, New King James version, New International Version, The Living Bible, New American Standard, Revised Standard, kag madamo pa.” Akon gindugang, “Kabalo ka nga isa isa sini nga Kristohanon nga paglubad nagapahayag sang pareho nga intensyon?” Kis-a mga tawo magsiling, “Waay ko kabalo sina.” Dayon lang ko siling, “Ako man sang una waay man kabalo sina. Lantawon ta karon ang Roma 3:23.” Akon dayon siya pangayuon nga basahon sang makusog ang pulong. Waay pa ako nakita nga nagbalibad. Sa duha ka libo nga tuig, madamu nga mga tawo ang nag-usisa gid sang Biblia, nga ang iban gusto ipakita nga matuod ini kag ang iban man nga indi ini matuod. Madamo na nga beses napamatud-an gid nga matuod ang Biblia. Bisan isa waay gid ini napamatud-an nga sala. Gindala sang Ginoo ang Biblia nga waay kasaypanan pinaagi sa mga tawo nga indi perpekto. Saligi ang Bibliya. Makasalig ka nga makig-istorya ang Ginoo sa imo pinaagi sa Biblia. May duha ka importante nga prinsipyo sa pagsugid mo sang imo pagtuo pinaagi sa mga bersikulo sa Biblia:
1. Ang pagpamati. Importante nga imo isiling, “Basaha sang matunog ang bersikulo”. Basaha ang Roma 10:17: “ Karon makasiling kita nga ang tawo magatuo lang kay Cristo kon makabati siya sang mensahi parte sa iya.” Ang pagtuo nagahalin sa pagpamati. Ang pagpamati ang yabe.
Side Notes: Sa duha ka libo nga tuig, mga tawo nag-usisa gid sang Biblia, nga ang iban gusto ipakita nga matuod ini kag ang iban man nga indi ini matuod. Madamo na nga beses napamatud-an gid nga matuod ang Biblia. Bisan isa waay ini napamatud-an nga sala. Side notes2: Importante nga mga prinsipyo:
1. Pagpamati “Basaha sang matunog ang bersikulo.”
2. Pamangkot “Ano ang ginasiling sini sa imo?”
May ara sang mga praktikal nga rason ngaa gusto naton ipabasa sang matunog ang Biblia. Kon ang dula nga tawo makabati sang mensahe sang Biblia, iya mabatian si Cristo mismo nga amo ang nagahambal sang mensahe sa kaluwasan. Isa pa, gusto man nimo mahibal-an nga ensakto nga bersikulo ang iya ginabasa. Ang tawo nga indi pamilyar sa Biblia mahimo nga magamit sang indi ensakto nga bersikulo. Ang iya pagbasa sang matunog makahatag sang kasigurohan nga husto ang iya ginabasa.
Page 33
Pamangkot. Importante nga imo mapamangkot nga. “Ano ang ginasiling sina sa imo?” matapos niya basahon ang bersikulo. Basaha ang Lucas 10:25-26: “Sa isa ka okasyon may manunudlo nga nagtindog kag ginpamangkot sa pagdakup-dakop si Jesus. ‘Manunudlo, ano ang akon dapat himuon agod maangkon ko ang kabuhi nga wala sing katapusan?’ Ginsabat siya ni Jesus: “Ano ang ginsulat sa kasuguan? Paano mo ina basahon?” Ang pulong sang Ginoo amo ang nagahimo sang pag kumbinsi sa tawo. Ang Espiritu Santo amo man ang mahikot. Isa lang ang imo tuyo karon nga tugoti lang ang Ginoo nga maghikut sa two. Hulat ka lang. Amo lang ina ang imo himuon. Bayai nga ang Ginoo amo ang maghulag. Imo mabatian karon kon ano ang ginasiling sang Biblia sa dula nga tawo. Ang imo responsibiladad amo lang ang magpamati. Ang imo sabat amo lang ang mag “Ah.. ah hah”..ukon magtango. Dumduma:
• Ang dula nga tawo amo ang magbasa sang makusog • Ang dula nga tawo amo man ang maghambal. Mamati ka lang gid nga mapa-istorya nimo siya. • Ang Espiritu Santo amo ang magkumbinsi. • Ang Pulong sang Ginoo amo ang maghikut.
Panumduma nga indi ka mapaslaw, tungod buluhaton sang Espiritu Santo ang makapamatbat kag magkumbinsi sa mga tawo sa ilan mga sala kag sa ila panginahanglanon sang kaluwasan pinaagi kay Jesu Cristo. “Kag kon mag-abot na siya diri sa kalibutan ipakita niya sa mga tawo nga sila mga makasasala kag ako amo ang matarong. Kag ipakita man niya nga ang Dios magasentensya sa ila. Ipakita niya sa mga tawo nga sila mga makasasala, tungod kay wala sila nagtuo sa akon.Ipakita niya nga ako ang matarong, tungod kay makadto ako sa Amay kag indi na kamo makakita sa akon. Ipakita man niya sa ila nga ang Dios magasentensya sa ila, kay nasentensyahan na si Satanas nga amo ang nagagahom sa mga tawo nga wala nagatuo sa akon.” (Juan 16:8-11). Markahe ang imo Bag-ong Kasulatan Isa sa mga kahadlok sang mga kristohanon sa pagpangita sang mga bersikulo amo ini, “ay abaw, indi ko gid mamemorya ang tanan nga mga bersikulo.” Imo makita sa likod nga pahina sini nga balasahon nga may mga tarheta nga makabulig sa imo. Isa ini ka paagi nga makabulig sa mga kristohanon. Indi magpalibog , waay sang malain nga magdala ka sang gagmay nga mga tarheta nga nakasulat ang mga bersikulo nga mag giya sa tawo sa kaluwasan. Ang Ginoo ang magapakamaayo sa imo katutom. Matapos sa pipila ka beses nga makasugid ka tungod kay Hesus, madali na lang ina sa ulihi. Ang proseso- mamangkot kag maghulat sa Espiritu Santo nga magkumbinsi kag maghikut pinaagi sa pagbasa sa Pulong sa Ginoo- sa palaabuton, mangin mahapos na lang ini nga sugilanon. Pagdala sang gamay nga Bag-o nga Kasulatan nga makaigo sa imo bulsa. Kinahanglan nga ang paglubad sini ang madali mahangpan sang indi pa kristohanon. Gamita ini nga Bag-o nga Kasulatan sa imo pagpanaksi. Tungod nga ang imo Study Bible may mga marka, kag puno sang sulat, indi makatan-aw sang maayo ang manug-basa kon amo pa lang ini ang iya una nga tion nga makabasa sang Biblia.
Page 34 Markahi ang Roma 3:23. Imo hingyuon ang tawo nga basahon ini. Ang duag sang marka makabulig sa iya kag madali niya makita ang bersikulo. Sa sini man nga pahina sang imo Biblia, markahi man sang “Roma 6:23.” Samtang nagabasa sang Roma 3:23 ang tawo, madali na lang sa imo nga pangitaon ang dason nga basahunon. Makabulig ini sang dako sa imo nga parte kon diin ka dason makadto. Markahi ang Roma 6:23 kag bilugi ang pulong nga “sala kag kamatayon”. Isulat man ang pulong nga impyerno sa ibabaw sang kamatayon. Bilugi man ang pulong “kay (o kon pinaagi sa lain nga paglubad) sumunod “Cristo Jesus nga aton Ginoo.” Isulat sa higad sang Biblia ang “Juan 3:3”. Markahi ang Juan 3:3 kag isulat naman ang “Juan 14:6” sa higad sang Biblia. Isulat ang krus sa higad sang Juan 3:3. Isulat ang X sa tupad sang krus. Sa pihak pa gid sang krus, isulat ini: “Ngaa nag-abot si Hesus para mapatay?” Ang X magapahinumdum sa imo nga amo lang ini ang liwan sa proseso. Indi ka mamangkot nga, “Ano ang ginahambal sang bersikulo sa imo?” matapos basahon sang tawo sa imo kay basi maghatag ka sang kabug-aton sa iya nga indi naman kinahanglan. Indi tanan nga dula nga tawo kahibalo sang sabat sa sina nga pamangkot. Indi mo siya gusto ibutang sa alang alang. Markahi ang Juan 14:6 kag isulat man ang “Roma 10:9-11” sa higad. Markahi ang Roma 10:9-11 kag isulat man ang “2 Corinto 5:15” sa higad. Markahi ang 2Corinto 5:15 kag isulat naman ang “Bugna 3:20” sa higad. Markahi ang Bugna 3:20 . Lantawa ang Pag-ambit kay Jesus nga Waay Kahadlok nga tarheta ( ara ini sa likod nga pahina sa ini nga balasahon). Isa sini pwede taguon sa imo pitaka o kon sa sulod sang imo Biblia. Indi mo na kinahanglan nga mangin indi komportable sa imo ginpangsulat kag sa bulig sang mga tarheta nga may mga bersikulo. Waay sang ibedensya nga madamo nga tawo ang magsabat kon imo gid namemorya ang mga bersikulo sa Biblia. Permi nga mas komportable ang mga dula nga tawo kon ang kristohanon may ara sang bulig nga gin aman sa pagpangita sang mga bersikulo. Ang isa nga indi kristohanon iya makilan-an nga indi kinahanglan nga mangin eskolar o estudyante sa Biblia ang isa ka tawo para makita ang kaluwasan, kalinong kag paglaom. Day 5 Gamita ang Pulong sang Ginoo Pamatyagi kon sa ano ang duha ka prinsipyo sa pagpamati kag pagpamangkot may parte sa sini nga paagi.
Page 35 Bersikulo 1- Roma 3:23 Pangayua ang tawo nga basahon ang Roma 3:23 sang makusog: “Kay ang tanan nga mga tawo nagpakasala kag indi takos sa panulok sang Dios.” Itudlo ang namarkahan na nga bersikulo sa Biblia. Indi pagkalimti nga sa pagbasa sang tawo sang mga bersikulo, mahimo ini nga magkambyo sa iya nga kabuhi. Side notes: Kay ang tanan nga mga tawo nagpakasala kag indi takos sa panulok sang Dios. Roma 3:23 Kon makatapos na basa ang tawo, pamangkota siya sini: “Ano ang ginasiling sang bersikulo sa imo?” Isulat ang imo kaugalingon nga sabat sa ini nga pamangkot sa higad sang papel. Side notes: Ang akon nga sabat: Posible nga sabton ka sang tawo sang amo ini: “Ang tanan nakasala.” Bal-an mo ang dason nga buhaton? Matapos ka mamati, buksi ang imo Biblia sa Roma 6:23. Waay dapat sang pagkambyuhanay sang negatibo nga rason. Ngaa? Tungod waay mo ginaduot ang imo interpretasyon. Ang Espiritu Santo amo ang maghikut. Ara ka subong sa tion nga maka-abot sa punto. Ang imo tuyo amo ang magpabilin nga waay ka gabalabag sa paagi sang Ginoo. Amo lang ina ang imo himuon. Sa sugilanon sang tawo tungod sa Roma 3:23, basi maghambal siya sang mga sala nga waay niya nahimo. Basi depensahan niya iya kaugalingon nga waay siya ka patay, kapangawat, o kon nakahimo sang malain nga mga butang nga matawag nga sala. Indi mo na kinahanglan nga ipaathag pa sa iya. Basi gusto mo pa ihambal nga ang balaan nga sulundan o balasihan amo ang kahimpitan. Madamo sa aton nakahibalo gid dayon nga waay sang lain nga tawo nga perpekto kon di amo lang ang Ginoo. Ang Biblia nagapakita nga ang himaya sang Ginoo amo ang aton balasihan. Ang aton mga sala nagatindog nga lain kontra sa himaya sang Ginoo. Tungod sa sala, ginapatindog kita nga may panginahanglanon sang Iya kaluwasan. Sa Roma 3, ginasiling ni Pablo ang kamatuoran nga ang Ginoo amo ang huwes, bisan ano pa nga klase ang panginabuhi sang tawo kag ang iya nga relihiyon. Ginahambalan niya kita nga “Wala gid sing may nagahimo sing maayo bisan isa.” (Roma 3:12) Amo nga ang tanan nga tawo nakasala kag waay nagapahayag sang katarungan sang Ginoo kag sa Iya nga kalubusan. Ang maayo nga paagi nga makabulig s tawo nga mahangpan ang “kay ang tanan nakasala” amo ang pagbasa sang Mateo 22:37: “Higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, kag sa bug-os mo nga hunahuna.” Makapamangkot ka nga, “Ginhigugma mo bala ang Ginoo sa bug-os mo nga tagipusuon, kalag kag hunahuna kag kusog?” Ang ila sabat, “Indi”. Sabta man nga, “amo ina ang sala.” Ini nga kamatuoran maghimo sang pulong nga “sala” nga imo ginbilugan sa Roma 6:23 sang dako nga kabug-aton sa pagintiendi sang tawo nga imo ginasugiran. Bersikulo 2- Roma 6:23 Hingyua ang tawo nga basahon ang Roma 6:23 sang makusog: “Kay ang bayad sang sala amo ang kamatayon, pero ang kabuhi nga wala sing katapusan amo ang regalo sang Dios sa mga yara kay Cristo Jesus nga aton Ginoo.” Matapos niya basahon ini, pamangkuta siya, “ano ang ginasiling sang bersikulo sa
imo?” Side Notes: “Kay ang bayad sang sala amo ang kamatayon, pero ang kabuhi nga wala sing katapusan amo ang regalo sang Dios sa mga yara kay Cristo Jesus nga aton Ginoo.” Roma 6:23 Isulat ang imo kaugalingon nga sabat sa higad sang papel. Akon sabat: Paggamit sang lapis kag bilugi ang pulong nga “sala” o kon itudlo sa iya kon imo na nabilugan sa sugod.
Page 36 Ituyo pakita nga ang nabilugan nga pulong amo ang sala kag indi mga sala. Kon waay mo pa nahimo nga bilugan ang pulong nga kamatayon, bilugi ina karon, dayon isulat ang pulong nga impyerno sa ibabaw sang kamatayon. Ihambal nga, “Imo nakita nga akon ginbilugan ang pulong nga “sala?” Itudlo sa iya. Tagai sang tion nga makasabat siya. Hambali siya nga, “wala sang pulong nga “mga sala”. Ipahibalo nga wala ka nagapaibabaw sa imo nga pagka makasasala. Dayon ihambal: “Kon imo nakita, akon ginbutang ang pulong nga impyerno sa ibabaw sang kamatayon. Sa Biblia, ang kamatayon nagatulad man sang impyerno.” Ipahibalo man sa iya nga ang mangin kristohanon amo ang pag-ako nga may relasyon ka kay Hesus. Madamo man nga mga tawo nagauyat sang ila pagtuo sa ila mga binuhatan pinaagi sa pagbunyag kag ang pagkamiembro nila sa simbahan makahatag sa ila sang paglaom. Ang Roma 6:23 nagatugot sa Espiritu Santo nga ipakita sa mga dula nga tawo nga wala sang paglaom kon wala ka pagtuo kay Cristo kag wala mo gintugyan sa iya ang imo kabuhi. Ginpakita sa Pulong Sang Ginoo nga wala sang butig nga paglaom. Ang Espiritu Santo amo ang magpa-intiendi sa dula nga tawo pinaagi sa simple nga pagbasa sang bersikulo. Side Notes: Madamo sang pamaagi sa pagpanugid sa imo nga pagtuo pero may ara man sang lain nga epekto ang paggamit sang Biblia. Madamo sang pamaagi sa pagpanugid sa imo nga pagtuo pero may ara man sang lain nga epekto ang paggamit sang Biblia. Matingala ka na lang nga madamo man dayon nga dula nga tawo ang makumbinsi sa ila panginahanglanon nga magsalig kay Jesus bilang Dios kag Manluluwas. Tan-awa ang pag-obra sang Ginoo sa padayon nimo nga pag giya sa dula nga tawo pinaagi sa pagbasa sa mga bersikulo. Ginhingyo ako nga maglaygay sa isa ka batan-on nga babaye nga yara sa madalom nga palaligban. Matapos ko nga pamangkuton ang lima ka pamangkot sa iya, akon nahibal-an nga diotay lang iya nabal-an tungod sa Biblia o kon kristiyanismo. Wala pa sang may nakapanugid sa iya tungod kay Cristo. Gintagaan niya ko sang tion nga abrihan ang akon Biblia. Ginbasa niya sang makusog ang Roma 3:23 kag ginhambal niya kon ano ang ginasiling sa iya. Akon naman siya gindala sa Roma 6:23 kag ginbasa naman sa iya sang makusog. Ginbasa niya ang bersikulo sang mahinay kag klaro, “Kay ang bayad sang sala amo ang kamatayon, pero ang kabuhi nga wala sing katapusan amo ang regalo sang Dios sa mga yara kay Cristo Hesus nga aton Ginoo.” Akon siya ginpamangkot, “ Ano ang ginasiling sa imo sang bersikulo?” Madinumdumon nga iya ginsiling, “Kinahanglan nakon ang kapatawaran sa ako mga sala kag akon pangayuon nga magsulod si Jesus sa akon tagipusuon”. Natingala ako! Amo bala ina ang ginhambal sang bersikulo? Diin niya ginkuha ang iya nga sabat? Sa Espiritu Santo. Wala ko ginsiling nga, “untat anay kay may lima pa ako nga bersikulo nga ipabasa sa imo.” Ang paggamit sang gahom sang Biblia, ang Ginoo makahatag sang kamatuoran sa isa lang ka bersikulo o madamo man. Imo lang nga ipakita ang mga bersikulo kag mamangkot. Indi ka mahadlok sa pagpanaksi bisan kay sin-o man. Hangpa nga ang ilang mga naagyan, pagpamalabag, kag mga hunahuna nagabulig sa ila pagdesisyon.
Page 37 Apang ang Espiritu Santo ang mas may gahom kag ang paghigugma sang Ginoo amo ang mas labi pa sa kon ano man nga makapadulom sa tagipusuon. Bersikulo 3- Juan 3:3 Hingyua ang tawo nga basahon sang makusog ang Juan 3:3: "Sa pagkamatuod, ginasugid ko sa imo nga wala sing tawo nga masakop sa paghari sang Dios kon indi siya matawo liwat. " Side Notes: “ ‘Wala sing tawo nga masakop sa paghari sang Dios kon indi siya matawo liwat.’” Juan 3:3 Itudlo ang krus nga imo ginsulat kag mamangkot, “Ngaa nag-abot si Hesus para mapatay?” (Ang X nga imo ginsulat magpahinumdum sa imo nga indi mo na gamiton ang pamangkot nga, “Ano ang ginasiling sang bersikulo sa imo?”) Madamo nga tawo magsabat, “Nag-abot Siya nga mamatay para sa aton sala.” Imo siya sabton nga, “Tama. Nadumduman mo ang bersikulo nga imo ginbasa? Ang kabayaran sang sala amo ang kamatayon.” Isulat ang imo kaugalingon nga sabat sa higad sang papel. Verse Four- Juan 14:6 Kadto sa Juan 14:6 kag hingyua ang tawo nga basahon ang bersikulo sang makusog: “Ako amo ang dalan, ang kamatuoran, kag ang kabuhi. Wala sing may makakadto sa Amay kon indi paagi sa akon.” Side Notes: “ ‘Ako amo ang dalan, ang kamatuoran, kag ang kabuhi. Wala sing may makakadto sa Amay kon indi paagi sa akon.’” Juan 14:6 Imo siya pamangkuton sang: “Ano ang ginasiling sang bersikulo sa imo?” Isulat ang imo kaugalingon nga sabat sa pamangkot sa higad sang papel. Akon sabat: Mahimo nga iya ihambal sa imo nga waay sang lain nga paagi nga makakadto sa Ginoo kon di pinaagi lang kay Hesus. Maathag na ang bersikulo kag waay na ka sang kinahanglan nga idugang agod maintiendihan sang tawo ang buot sini hambalon. Ang dula nga tawo posible pa nga mamangkot sang iban pa nga paagi nga makakadto ang isa ka tawo sa langit. Indi mo na kinahanglan nga depensahan pa ang imo ginatuohan. Ang Juan 14:6 ang napagkit sa hunahuna sang tawo. Ang pagpanugid pinaagi sa pagsugilanon sa isa ka dula nga tawo amo ang pinaka-epektibo kon ang nagapanaksi indi na kinahanglan pa magsaysay o kon hikayan ang mga sala nga pagtudlo kag panghunahuna nga nagasabwag sa bug os nga sosyedad. Ang yabe sa pagpanugid kay Hesus nga wala sing kahadlok amo ang pagpresenta sa ginasiling sang Biblia kag kon ano ang ginatindogan sini. Side Verse: “nga kon isugid mo nga si Hesus amo ang Ginoo kag nagatuo ka sa imo tagipusuon nga ginbanhaw siya sang Dios halin sa kamatayon, maluwas ka. Kay ang tawo ginapakamatarong sang Dios kon nagatuo siya sing hugot sa iya tagipusuon. Kag kon magsugid siya sang iya pagtuo, maluwas siya. Kay nagasiling ang Kasulatan, " ‘Ang nagatuo sa iya indi gid mahuy-an.’ ” Roma 10:9-11 Bersikulo 5- Roma 10:9-11 Haigyua ang tawo nga basahon ang Roma 10:9-11 sang makusog: nga kon isugid mo nga si Hesus amo ang Ginoo kag nagatuo ka sa imo tagipusuon nga ginbanhaw siya sang Dios halin sa kamatayon, maluwas ka.
Kay ang tawo ginapakamatarong sang Dios kon nagatuo siya sing hugot sa iya tagipusuon. Kag kon magsugid siya sang iya pagtuo, maluwas siya. Kay nagasiling ang kasulatan, " ‘ang nagatuo sa iya indi gid mahuy-an.’ ” Tapos pamangkuta, “ano ang ginasiling sang bersikulo sa imo?” Isulat ang imo kaugalingon nga sabat sa sini nga pamangkot sa higad sang papel. Side Notes: Ang Akon sabat: Ang isa ka pinakamabudlay nga butang para sa madamo nga tawo amo ang pagpati nga sila mapasaylo. Bisan wala ka sang ihibalo sang sala sang dula nga tawo. Pero imo masiguro nga madamo sang dula nga tawo may ara sang partikular nga sala nga indi nila bug-os mahunahuna kag mabaton.
Page 38 Ang tawo pwede maghunahuna sang mahigko nga relasyon, pagpahubog, kaakig sa iya asawa o kon kaaway, mapait nga tagipusuon, pagbinutig sa nag-agi nga mga eksperyensa o kon bisan ano man nga daku nga sala nga nagapabug-at sa tawo. Himua lang ang imo parte sa pagdala sa tawo sa pagbasa sang pulong sang Ginoo. Makasiguro ka nga ibubo sang Ginoo ang iya gahum. Ano kon pamangkuton abi sang tawo kon mapasaylo sang Ginoo ang mga mamamatay tawo kag atong mga naghimo sang bug-at gid nga sala? Itugot nga ang Biblia amo ang maghambal. Hingyua ang tawo nga basahon liwat ang Roma 10:9-11. Salig sa Espiritu Santo nga amo ang magtudlo sa tawo sang kamatuoran sang pagpatawad sang Ginoo. Ang imo tuyo amo lang nga ang dula nga tawo makahatag sang insakto nga “oo” sa pamangkot nga, “Ini bala nga kamatuoran sa Roma 10:9-11 kaupod ako?” Ang Espiritu Santo amo na ang magahikut sa tagipusuon sa tawo agod magbulig sa iya o kon magpaintiendi sa bug-os nga paghigugma sang Ginoo. Side Notes; Ang “basaha liwat” nga prinsipyo. Importante nga mahibal-an mo kon ano ang dapat nimo nga likawan nga mga pagdepensa kon ang luwas nga tawo waay pa kaintiendi. Gamita dayon ang “basaha liwat” nga prinsipyo matapos mo mapabasa sang makusog ang bisan ano nga bersikulo nga waay naintiendihan sang tawo. Amo ini ang tuyo sang prinsipyo nga “basaha liwat”: Kon ang isa ka tawo indi makaintiendi sang bersikulo sa Biblia, hangyua siya sa maayo nga paagi nga basahon liwat. Dumduma nga ang Ginoo amo ang nagadepensa sa iya nga Pulong sa dugay na nga panahon. Ang Espiritu Santo amo ang maggiya sa tawo sa kamatuoran. May ara sang katingalahan kon papaano ginabuksan sang Ginoo ang tagipusuon sang tawo agod makaintiendi siya sa pagbasa niya sa Biblia sing makusog. Ang Ginoo mismo amo ang saksi sa kamatuoran nga imo ginasugid. Side Notes on the left: “Napatay siya para sa tanan, agod nga ang mga tawo nga buhi karon indi na magkabuhi para sa ila kaugalingon kundi para sa iya nga napatay kag nabanhaw para sa ila.” 2 Corinto 5:15 Bersikulo 6- 2 Corinto 5:15 Hangyua ang tawo nga basahon ang 2 Corinto 5:15 sang makusog: “Napatay siya para sa tanan, agod nga ang mga tawo nga buhi karon indi na magkabuhi para sa ila kaugalingon kundi para sa iya nga napatay kag nabanhaw para sa ila.” Matapos niya mabasa, pamangkuta, “ano ang ginasiling sang bersikulo sa imo?” Isulat ang imo kaugalingon nga sabat sa sini nga pamangkot sa higad sang papel. Kinahanglan maintiendihan sang dula nga tawo ang kaluwasan- promisa pinaagi sa kamatayon ni Hesus- maangkon sang mga nagasalig sa ila nga kabuhi pinaagi sa pagtuo. Kita tanan ara sa pareho nga lugar sa krus. Pinaagi sa aton pagsalig sa kay Cristo bilang manluluwas, magakambyo kita sa bag-o nga kabuhi. Kon aton isalig kay Cristo pinaagi sa pagtuo, indi na kita mga ulipon sa sala kag kinaugalingon nga kagustuhan. Nagkambyo na ang aton nga tagipusuon sa kay Hesus kag sa Iya nga ihemplo kon papaano kita magkabuhi. Ang tagipusuon sang kristiyano nalibre na sang gahum sang Espiritu Santo halin sa kaugalingon pakadto kay Cristo nga puno sang paghalong sa iban nga tawo.
Page 39 Bersikulo 7- Bugna 3:20 Hangyua ang tawo nga basahon ang Bugna 3:20 sang makusog: “Nagatindog ako sa puwertahan kag nagapanuktok. Kon may makabati sang akon panawag kag padayunon niya ako sa iya balay, madayon ako, kag magaupod kami kaon.” Matapos niya basahon, pamangkuta siya sini, “ano ang ginasiling sini sa imo?” Isulat ang imo kaugalingon nga sabat sa sini nga pamangkot sa higad sang papel. Side notes on the right: “Nagatindog ako sa puwertahan kag nagapanuktok. Kon may makabati sang akon panawag kag padayunon niya ako sa iya balay, madayon ako, kag magaupod kami kaon.” Bugna 3:20 Akon sabat: Imo luyag nga iya maintiendihan nga ang pagbukas sang iya tagipusuon sa kay Hesus amo ang iya kagustuhan. Gusto gid ni Hesus nga magsulod sa aton kabuhi, pero waay niya ginapilit nga buksan ang pwertahan sa aton tagipusuon. Gamiton naton ini nga bersikulo agod makatuon pa gid kita sang “basaha liwat” nga prinsipyo. Akon ginpanghangyu ang mga tawo nga basahon ang Bugna 3:20 sang makusog kag ihambal sa akon kon ano ang ginasiling sa ila agod mabatian ko lang ang mali nga interpretasyon. Ang mga kumon nga interpretasyon amo ini, “ Ginasiling nga si Hesus ang magbukas sang pwertahan kag magsulod sa tagipusuon sang tawo.” Pero ang bersikulo wala nagasiling nga si Jesus amo ang magbukas sang pwertahan. Kada isa ka tawo amo ang magbukas sang pwertahan kag si Hesus magasulod na lang. Indi pagapiliton ni Hesus iya kaugalingon sa tagipusuon sang tawo. Indi siya magasulod sa kabuhi sang tawo kon waay siya gin-imbitahan. Ang maayo nga himuon kon ang tawo indi makaintiendi amo lang ang pagsiling sang, “basahon ta liwat.” Waay mo ginakay-o o kon ginaluwas ang tawo. Imo lang ginatugutan nga ang Espiritu Santo amo ang magahulag. Sa matapos na ini nga simana, importante nga imo mabal-an nga ang Ginoo ang maghulag pinaagi sa imo. Ang pagpamangkot sa dula nga tawo nga maghimo sang espirituhanon nga desisyon nagakinahanglan sang mahimbit nga relasyon nga ginakahadlukan sa madamo nga kristiyano. Ang paggamit sang lima ka pamangkot kag ang pagtugot nga Siya ang makig-istorya pinaagi sa Iya Pulong amo ang mas epektibo matapos mo buksan ang imo tagipusuon sa Ginoo. Ang imo lang nga tuyo amo ang pagtuman. Himuon na sang Ginoo ang iban. Kon imo gid matoud nga ginbuksan ang imo tagipusuon, imo batunon ang responsibilidad nga ipanugid si Hesus. Karon handa ka na nga himuon ang imo natun-an sa una ka duha nga simana kag magsabat sa paghangkat. Tion na nga magkadto sa katapusan nga paagi sa pagpanugid kay Hesus nga waay sang kahadlok. Sa sunod nga simana, imo makita kon ano kasimple ang pag giya sa tawo sa presensya ni Cristo mismo. Hilimoon: Isugid ang mga pamangkot sa bisan isa ka tawo sa sulod sini nga simana.
Page 40 IKATATLO NGA SIMANA Pagsabat sa Paghangkat sa Pagpanugid Kay Hesus May isa ka tawo nga ginsilingan ako nga kinahanglan handa sa bisan ano nga oportunidad. Waay ka kabalo kon kasan-o ang kahigayunan nga makaluwas sang kabuhi sang isa ka tawo. Ini nga panumduman nangin klaro pa gid sa akon sang may isa ka tawo nagtindog sa may restawran kag nakabuka sang baso sa lamesa. Gin-alsa niya iya kamot kag nag ginhawa sang madalom. Nadunlan siya kag ang iya asawa nagsala sala man nga waay na nakabalo kon ano iya himuon. Waay sang tawo nga nagpalapit kag nagbulig. Nagtan-awanay na lang ang kada isa kag wala gid sang nagkadto palapit sa tawo. Sa kabudlay sang tawo, sugod na siya nga natumba. Nagpalapit ako sa iya kag akon ginbuligan. Naguwa ang pagkaon sa iya tutunlan kag nagbalik ang iya pag ginhawa. Tungod kahibalo ako sa pagbulig sang madunlan, akon naluwas ang kabuhi sang tawo. May pila ka tawo nakakita sang akon ginhimo kag nagpalapit sila sa akon lamisa agod magpasalamat sa akon sa pagbulig ko sa tawo. Isa ka lalaki nagsiling, “nagapasalamat ako nga kabalo ka sa imo ginhimo. Ang malain, waay sa amon diri nakahibalo kon papaano himuon ang imo bag-o lang ginhimo. Pwede ayhan nimo ihambal sa akon kon diin ko matun-an ang imo ginhimo? Nagahunahuna ako kon ano abi kon waay sa amon waay gid nakahibalo sang himuon. Luyag ko man nga handa ako kon may ara man abi nga mahitabo kag ako lang gid ang ara sa sina nga tion.” Ang asawa sang lalaki nga akon ginbuligan nagbilin sang sulat sa kahera. Iya ginsiling, “salamat gid”. Luyag man sang bana ko nga pasalamatan ka. Ugaling nahuya siya kag waay siya sang kusog nga maghambal. Nagapasalamat kami nga waay ka nahadlok sa pagbulig sa amon.” Waay na sang lain pa nga nahadlok kon di ako man mismo. Indi ang waay sang kahadlok ang naghatag sang pagtuman sa pagbulig. May ara lang gid ako sang kalooy sa pagbulig sa tawo nga may panginahanglanon. Kabalo ko nga may ara man sang iban nga gusto magbulig. Ang diprensya lang sang ato nga tion amo nga handa lang gid ako. Nahadlok ako sang kapaslawan. Mas nahadlok ako sa indi paghimo sang dapat nga himuon, tungod ang kabuhi sang tawo nagadepende sa akon nga mga aksyon. Akon natun-an nga basi akon nalang ang paglaum sang tawo nga ang kabuhi yara sa katalagman. Side notes on left: Dumduma nga ang pagpanugid sa imo nga pagtuo kay Hesus indi amo ang kawala sang kahadlok. Ang buot sini hambalon amo ang mangin handa sa pagbulig sa tawo nga waay sang paglaum . Sa pag gamit sang tatlo ka paagi sa Pagpanugid Kay Jesus Nga Waay Sang Kahadlok, mahimo ka nga handa sa pagluwas sang mga kabuhi. Ang ikatatlo nga paagi amo ang tagipusuon sang pagpanaksi, pag giya sa tawo nga makakita sang waay katapusan nga relasyon kay Cristo. Dumduma nga ang pagpanugid sang imo pagtuo kay Cristo indi amo ang kakulang sang kahadlok.
Page 41 Ang buot sini hambalon amo ang pag-andam sa pagbulig sa tawo nga waay sang paglaum kon indi ka magsabat. Ang kabuhi sang isa ka tawo posible nga nagadepende sa imo nga preparasyon kag kagustuhan nga magsilbi. Amo ini nga parte sa pagpanaksi ang ginakahadlukan sang madamo nga kristiyano. Ang pagpamangkot kon kis-a makahatag sang dako nga balabag sa pagpanaksi. Apang ang pagpangayo sang desisyon sang pabor kay Cristo indi amo ang tion nga magkahadlok. Ang gahum sang Espiritu Santo naghulag na sa kabuhi sang indi tumuluo. Makapaabot ka sang gahum sang Espiritu Santo nga makita pa gid ini kon ang tion sa paghimo sang desisyon magaabot na. Day 1 Una nga adlaw Amo ini ang pag-atubang sang tion nga maghimo sang desisyon. Ang pagpanaksi sa isa ka tawo waay nagadepende sa imo nahibaluan. Amo ina ang pinaka-importante nga kamatuoran nga imo ipabilin sa imo nga hunahuna agod waay ka sing kahadlok sa pagpanugid tungod kay Hesus. Kaupod nimo ang makagagahum nga Dios sa imo buluhaton. Ang tanan nga gahum sa langit igahatag sa tion nga ang indi tumuluo magasalig kay Hesus kag iya itugyan ang iya kabuhi dira sa Dios. Ang mensahe simpli lang. Simpli ini nga bisan mga kabataan makaintiendi. Waay sing rason nga ang mga may edad indi makaintiendi kag makapanugid. Dumduma nga ang lima ka sugod nga pamangkot makabulig sa imo paghibalo sa espirituhanon nga kondisyon sang isa ka tawo kag makabukas sini sang tion nga magamit nimo ang Biblia. Madamo sang indi tumuluo ang nagapangita sang paagi nga mabaton nila ang mga promisa sang Biblia. Ang iban makaabot na sila sa pagdesisyon nga magtuo bag-o pa ninyo matapos ang tanan nga paagi. Kon ang isa ka tawo magasiling na nga handa na siya maghimo sang pagsalig kay Cristo, maayo nga magkadto na sa sunod nga pamangkot nga mag giya sa iya nga himuon ato. Nagpili ako sing lima ka pangsarado nga pamangkot nga makahatag sang paagi. Makita nimo ini nga mga pamangkot nakasulat sa tarheta sa likod sang sini nga pagtulon-an. Ibutang ang mga tarheta sa imo Biblia. Kada isa ka pamangkot magasaysay sa isa ka bersikulo nga ginbasa sang makusog sang indi tumuluo. Pinaagi sa Pulong sang Dios, ang Espiritu Santo amo ang mag gamit sang Biblia agod maaman ang tagipusuon sang tawo para sa mga pamangkuton sa iya.
1. Makasasala ka bala?Ang mga tawo nga nagbasa sang Biblia kag nagbukas sa ila tagipusuon magasiling sang, “oo”.
2. Gusto mo sang kapasayloan sa imo mga sala? Ang Espiritu Santo amo ang mag-andam sa tagipusuon sang tawo agod iya maintiendihan nga ang pagbaton sang kapasayloan amo iya kagustuhan.
Page 42
3. Nagatuo ka nga si Jesus napatay sa krus para sa imo kag nabuhi siya liwat? Kinahanglan maintiendihan sang tawo nga iya dapat ibutang iya pagsalig kay Cristo para mabuhi sa espirituhanon nga paagi.
4. Luyag mo bala nga itugyan imo kabuhi kay Cristo? Ang tawo mangin abli sa kamatuoran nga ang tama nga paagi sa relasyon sa Dios amo ang pinaagi sa pagtuo kay Jesu Cristo bilang Dios kag manluluwas.
5. Andam ka bala nga imbitahan si Jesus sa imo kabuhi kag tagipusuon? Kon andam ang tawo, gamiton sang Espiritu Santo ang Bugna 3:20 nga pangbayon ang tawo nga ablihan niya iya tagipusuon nga magsalig kay Jesus.
Side notes on left: Ang akon sabat: 1. Makasasala ka bala?
____ Oo ____Indi 2. Gusto mo sang kapatawaran sa imo mga sala?
____Oo ____Indi 3. Nagatuo ka nga si Hesus napatay sa krus para sa imo kag nabuhi siya liwat?
____Oo ____Indi 4. Luyag mo bala nga itugyan imo kabuhi kay Cristo? ____Oo ____Indi 5. Handa ka bala nga imbitahan si Hesus sa imo kabuhi kag tagipusuon?
____Oo ___ Indi Imo matun-an ang pagpamangkot sa komportable nga paagi, nga imo makita kon papaano mapainit sang Espiritu Santo pinaagi sa gugma sang Dios ang tagipusuon sang tawo. Ang Espiritu Santo amo ang magatandog sa tagipusuon sang dula nga tawo. Waay ka nakigbais o kon naghatag sang kabug-aton sa tawo. Nagpamati ka sang maayo sa iya mga espirituhanon nga ginsugilanon. Matingala ka na lang kon ano ini ka simple. Malipay ka gid nga makita ang paghikut sang Dios kag imo ma-eksperyensahan ang pagkahilway sa kapaslawan. Magtuo ka nga ang Ginoo amo ang mag-obra kon imo na pamangkuton ang ulihi nga pamangkot, “Andam ka bala nga imbitahan si Jesus sa imo kabuhi kag tagipusuon?” Pagkatapos sini nga pamangkot, sa imo nga tarheta sa likod sang pahina, tan-awa ang mga pulong nga: “Mangin mahipos” kag “mangamuyo”. Kon mamangkot ka na sang ulihi nga pamangkot, paghipos kag mangamuyo. Ang Espiritu Santo amo ang maghikut sa tagipusuon sang tawo. Iya ina promisa. Makasalig ka nga pamatud-an niya ang Iya nga pulong. Imo na napamangkot ang tawo sang pinaka-importante nga pamangkot sa iya nga kabuhi. Imo na ginpakita ang daku nga paghigugma kag simpatiya sa iya. Waay ka kabalo kon may tion pa siya nga mabuhi sang malawig. Panumduma gid sang maayo. Ang tanan nga gahum sa langit nagahulag. Indi pagbalabag. Paghipos kag mangamuyo kag tugoti ang Espiritu Santo nga amo ang maghikut. Benti ka segundo lang nga kahipos pamatyag mo daw napulo na ka minutos para sa madamo sa aton. Nakita ko ang mga tawo nga ginapamalhas gid sang tudo. Panumdumi nga ini nga tawo nakig-away pa kay santanas kon sin-o ang magkapot sa iya kabuhi. Hipos lang ang imo pangamuyo. Ini nga dula nga tawo magahimo na sang desisyon nga sundon si Cristo o kon si santanas. Pun-a ang imo hunahuna sa pangamuyo agod indi mo pag-istorbohon ang kalinong. May duha ka nga posible nga sabat sa pamangkot nga, “andam ka na bala nga imbitahan si Hesus sa imo kabuhi kag sa imo tagipusuon?” Ang mga sabat amo ang “oo” o kon “indi”. Kon kis-a mautod ang kalinong sang pagsabat sang tawo nga “oo” o kon “andam na ako.” Pamangkuta dayon sang, “ano ang imo luyag nga himuon?” Buligi siya nga ihambal gid sang insakto kon iya gid luyag nga imbitahan si Hesus sa iya kabuhi.
Page 43 Kon iya isiling nga gusto na niya imbitahan si Hesus sa iya kabuhi, dal-a siya nga mangamuyo sang kapasayluon kag pagtuo. Ang masunod nga pangamuyo magpakita kon ano ang sulod sini (tan-awa nga ang pangamuyo nagasabat sa lima ka ulihi nga pamangkot): Amay namon nga langitnon, nakasala ako sa Imo. Luyag ko nga mapasaylo sa akon mga sala. Nagatuo ako kay Hesus nga napatay sa krus para sa akon kag nabuhi Siya liwat. Amay, ginatugyan ko ang akon kabuhi dira sa imo sa pagtuman sa imo kabubut-on. Luyag ko nga si Hesus magasulod sa akon kabuhi kag akon tagipusuon. Ini akon ginapangayo sa pangalan ni Hesus, amen. Indi pag-ibutang nga ang dula nga tawo nakaintiendi sang pangamuyo sang makasasala, pagpirma sang tarheta o paglakat sa atubang samtang ginahimo ang imbitasyon sa simbahan. Indi ang “pangamuyo sang makasasala” ang makaluwas sa dula nga tawo. Kinahanglan iya mahibaloan nga maluwas siya pinaagi sa iya nga desisyon sa pagsalig dira kay Jesus bilang Dios kag manluluwas. Indi kita luyag nga makita ang isa ka tawo nga maghimo sang desisyon dason mahulog lang liwat. Amo ini ang pipila ka mga pagpanugyan para mahimo mo ang sunod nga tikang. Pwede mo ihambal nga: “ Karon nga tumuluo ka na, luyag sang Dios nga makiupod ka sa mga kristohanon. Luyag ko nga mabuligan ka.” Kon malapit ang iya balay sa imo simbahan, mahimo nga imo siya imbitahon nga mag-upod sa imo. Kon indi man, isiling nga: “Luyag mo bala nga magkadto sa dako o kon sa diotay nga simbahan?” Kon magsabat sila, tagai sang makabulig nga makatawag sa ila sa sunod nga mga adlaw. Day 2 Sabta ang “Indi” nga sabat sang “Ngaa?”
Paano mo atubangon ang “indi” nga sabat? May mga pipila ka sabat nga imo maatubang. Isa na amo ang, “Indi pa ko handa.” Ang Dios lang nakabalo sang tawo kon maghambal siya nga indi pa siya handa. Ang maayo nga imo isabat amo ang, “nga-a?” Gamita ang imo espirituhanon nga termometro. Hulata nga ang iya sabat amo ang magpakita kon ano gid ang yara sa sulod sang tagipususon sang tawo. Indi pag tagda-tagda, hulata nga iya ihambal sa imo. Madamo ang rason ngaa maghambal ang tawo nga indi pa siya handa nga magsalig kay Cristo. Kon kis-a ang mga rason mas madulom pa kaysa ila ginsugid. Indi pag usiki ang imo tion, kon mahimo, ipaklaro ang mga rason nga iya ginhatag. Panumduma nga may kinahanglanon siya nga maghimo sang desisyon para kay Cristo sa sina nga higayon. Importante nga imo mapamangkot ngaa ginbalibaran niya si Cristo. Waay ka kabalo nga basin iya gintun-an sang maayo o kon iya nabatian o kon iya natun-an sang bata pa sa iya pamilya. Ang simple nga pamangkot nga “ngaa?” magahatag sang oportunidad nga atubangon ang problema. Imo na lang makita nga ang daku nga pagbaisanay mahimo na lang nga diotay kon ang Espiritu Santo matagaan sang oportunidad nga maghikut pinaagi sa paghigugma samtang nagapanaksi.
Page 44 Ano abi kon ang sabat sang tawo amo ini, “madamo sang mga ipokrito sa simbahan”. Nakita mo kon ano ang natabo? May ara sang dayon nga pagkambyo sa iya sabat nga indi pa siya handa. Sabta lang sang amo sini, “bal-an mo, nagpanumdum man ako sina. Nasubuan ako nga madamo sang amo na nga klase nga tawo sa simbahan. Ugaling, may dako ako nga kalipay kay gintudlo sang Biblia nga si Hesus ang akon pagasundon kag indi ang tawo. Waay pa gid ako nakakita sang perpekto nga simbahan. Kag kon sa tan-aw ko makakita ako sang isa kag mag-upod ako sa ila, indi na mangin perpekto ang simbahan tungod kay yara ako. Makasilbi ka sang maayo sa simbahan kon may yara ka sang balatyagon para sa kalain nga ginhimo sang pagpakono-kono sang mga iban nga kristiyano. Paggamit sang diotay nga kahumok sa aton tagipusuon magpakita nga aton mabaton ang aton mga kahuyang bilang kristiyano, pero ang pagtuo sa kay Cristo amo ang mag maayo. Ini nga paagi magapakita sa tawo nga indi mo na luyag nga makigbais pa sa iya o kon magdepensa ka pa. Ang pagpakig-away ila indi na imo. Side notes on left: May yara ko sang daku nga kasadya sa ginsiling sang Biblia nga ang aton dapat sundon amo si Hesus kag indi ang tawo. Wala ako sang nakita nga perpekto nga simbahan, kag kon may ara man kag mag-upod ako sa ila, indi na ato mangin perpekto. Kon kis-a makapagpanaksi ka sa mga tawo nga tam an ka isog kag magsiling sa imo nga nagkinabuhi sila sang makasasala nga kabuhi kag nasadyahan man sila. Mahimo pa nila nga magsugilanon tungod sa ila makasasala nga kabuhi nga may ara pa sang paghinambog. Akon sila ginagiyahan nga hunahunaon si Hesus pinaagi sa akon pagsiling nga, “naintiendihan ko nga indi ka pa handa nga magkambyo sa imo kabuhi. Pero luyag ko nga masiguro nga akon gid masugid ang maayong balita sa imo sang klaro. May ara pa gid ako sang isa pa ka pamangkot. Aton abi silingon nga kon karon nga gab-i, kay tungod imo ginpamalibaran mo si Cristo, nasadyahan ka sa imo mga ginpanghambal. Hunahuna-a abi kon nagkadto ka sa isa ka lugar nga imo gusto kadtuan kag na-aksidente ka kag napatay. Karon, siling sa imo ginbasa sa Biblia (Maayo gid nga imo sila dal-on sa balik sa awtoridad nga ginsiling sang Biblia), ti kay napatay ka nga wala nagsalig sa imo kabuhi kay Hesus, ano ang mahitabo sa imo?” Ang pag-ako sang “impyerno” amo ang ila ginasabat. Ang akon sabat amo ini, “makahahadlok gid nga sa walay katubtuban ka nga yara sa impyerno. Kabay pa nga may yara ka sang maayo nga adlaw.” Kon ang tawo indi magdesisyon sa iya pagsalig kay Hesus para sa iya kaluwasan, imo mahibal-an nga siguro maghalong na siya sa iya pagbiyahe. “Indi ako maayo nga tawo” amo man ang sabat sang madamo nga magsiling sang “indi”. Kon ano man ang rason sang pamatyag nga “indi gid maayo,” panumduma ang importansya sa pagdala sa tawo sa Biblia. Ang maayo nga bulig amo ang Roma 10:13: "Ang bisan sin-o nga magdangop sa Ginoo maluwas." Akon hangyuon ang tawo nga basahon ang Roma 10:13 sang makusog. Kon kis-a akon ginapakita ang mga terrible nga sala pareho sang magpatay o kon isa ka butang nga parti na sa iya kabuhi pareho sang pagdumot o kon pakigbulag sa asawa o bana. Akon dayon ihambal nga, “ Kon ang isa ka tawo nakapatay o kon isa ka kawatan, sa dumdom mo upod siya dira sina nga bersikulo?” Madamo ang magsiling sang, “oo”. Akon dayon isabat, “Kon amo, mapasaylo ka bala sang Dios?”
Page 45 Imo mahibal-an ang tawo nga may ara sang mga rason sa iya hunahuna nga magbatyag siya nga makasasala. Imo siya mapamangkot sang, “Sa imo hunanhuna, ang bersikulo (Roma 10:13) upod diri ang mga tawo nga may eksperyensa nga pareho sa imo?” Buligi siya nga iya maintiendihan nga ang dako nga sala amo ang pag-indi sa kapasayloan kag relasyon kay Jesus bilang Dios kag manluluwas. Hangyua ang tawo nga basahon sang makusog and 1Juan 1:7: “Pero kon nagakabuhi kita sa kasanag, subong nga ang Dios kasanag, may paghiusa kita, kag ang dugo ni Jesus nga Anak sang Dios nagatinlo sa aton sa tanan ta nga mga sala.” Imo dayon siya pamangkuton sang, “Ano ang ginasiling sang bersikulo sa imo? Ano nga sala ang indi kaupod sa pulong? Pila ka mga sala ang malimpyuhan sang dugo ni Jesus?” Ang kada tawo nga akon napamangkot sini nagasiling, “tanan nga sala”. Karon makabalik ka na sa ulihi nga pamangkot, “Andam ka na nga imbitahan si Jesus sa imo tagipusuon kag kabuhi?” Iban nga sabat sang mga tawo nga naga-indi kay Cristo amo ini, “Ti kay kadamo sang mga relihiyon sa kalibutan, waay ko kabalo kon papaano mahibal-an sang tawo kon diin ang tama.” Amo ini akon sabat, “ Akon nahibal-an nga ang mga relihiyon diri sa kalibutan napihak sa duha ka klase. May ara ko sang pwede nga tawgon nga mga ‘ismo’: Hudayismo, Mormonismo, Budhismo, Hinduismo kag madamo pa. Ini tanan naga-ako sila nga: (a) Si Jesus indi Ginoo, o kon indi lang siya ang Ginoo. Isa Siya ka daku nga propeta, manugtudlo, o maayo nga tawo, pero indi Siya ang Mesiyas; (b) Kon maghimo ka sang maayo nga buluhaton paagi sa imo kaugalingon nga kusog, makabaton ka sang iban nga paagi sa kaluwasan. “Sa pihak sini, ara ang Kristiyanismo. Ang Kristiyanismo naga-angkon nga si Jesus Ginoo, Ginoo nga nagkadto sa aton paagi kay Jesus nga nagkinabuhi, napatay sa krus, kag nabanhaw liwat agod maka-angkon kita sang kabuhi nga waay katapusan. Ang Kristiyanismo naga-angkon man nga, “nga kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal”. (Lantawa ang Efeso 2:8-9) Ining duha ka pagtulon-an indi ini matuod. Ipakita sa dula nga tawo nga kita tanan kinahanglan maghimo sang desisyon nga magsalig sa isa ka panan-awon kay Hesus o kon sa lain pa. Ini makahatag sa aton sang simpli lang nga sabat sa mga daku kag komplikado nga mga pagbaisay. Ang isa ka daku nga baisay mahimo na lang nga diotay. Kon ang tawo padayon nga magsiling sang, “indi”, panumdumi nga ang kadalag-an sa kristohanon nga pagpanaksi indi tungod sa imo. Tungod ini sa Dios kag sa kagustuhan sang tawo nga magsalig kag magsiling nga, “Masarangan ko nga atubangon ang bisan ano nga kahimtangan paagi sa bulig ni Cristo nga nagapabakod sa akon.” Filipos(4:13) Ang sa masami naton kon kis-a amo ang ihambal ang ginsiling ni Pablo nga, “Mahimo ko ang tanan,” pinaagi sa kaugalingon naton nga kusog, kaalam, abilidad, natun-an kag sitwasyon. Makita ta ang aton kahuyang kag maglista na lang sa mga “pagkatuhay”(exceptions) sa tanan nga butang. Ang yabe amo ang pagnumdum sang pulong nga “paagi sa Iya”. Ang pagsalig ni Pablo ara sa gahum sang Dios nga nagahulag sa iya tunga. Ina man nga promiso ang ginhatag sang Ginoo sa imo kag sa akon. Ginapangayo sang Ginoo nga tugutan nimo Siya nga maghulag paagi sa imo. Ang pamangkot amo ini: “Tagaan mo bala siya sang pribilehiyo sa proseso? Ginpanugid man ni Pablo iya pagtuo, “Wala ako nagsalig sa akon abilidad sang dira ako sa inyo. Nagkurog pa gani ako sa kakulba ( 1 Corinto 2:3). Nakahimo sang kalainan si Pablo tungod sa iya pagtuman sa Ginoo kag pagtugot nga gamiton siya sang Ginoo. Gintagaan siya gahum sang Espiritu Santo. Amo man nga regalo maangkon nimo sa imo pagpanugid sang maayo nga balita.
Page 46 Day 3 Atubanga ang imo kahadlok pinaagi sa gahum sang Ginoo Side notes on left: Suno sa tan-awon kag sayasaton, ang una nga rason nga indi magpanugid ang mga kristohanon amo ang kahadlok nga mabalibaran. Suno sa tan-awon kag sayasaton, ang una nga rason nga indi magpanugid ang mga kristohanon amo ang kahadlok nga maindi-an. Ang kahadlok parti ini sa mga pulong nga aton gingamit sa paglista sang mga tawo nga aton pagasugiran. Ginpapagsik ta ang mga tawo nga “magpanaksi” o kon “magdala sang tawo kayCristo”. Gingamit naton ang mga pulong nga naghambal sang aton nga mga ginhimo. Tama man aton nga ginhimo pero madamo ang indi tama ang ila pagintiendi sa aton nga tuyo nga magkambyo sang kabuhi sang isa ka tawo halin sa kaduluman sang sala pakadto sa masanag nga suga sa kabuhi ni Cristo. Siguruha nga waay ginpangayo sang Dios nga kita ang maghatag sang kuluwasan sa kalag sang isa ka tawo. Ang pagpanugid sang imo pagtuo waay sing labot sa pagdala nimo sang isa ka tawo sa Ginoo. Sa liwat, amo ini nga tion sa kabuhi sang kristiyano nga waay siya sang kapirdihan. Bisan pa nga magkurog imo tingog, amo man imo nga mga kamot, magmual-mual ka man sa imo mga pulong, magamit ka lang gyapon sang Ginoo sa imo pagpanaksi. Apang indi gid magamit sang Ginoo ang imo pagpabilin nga maghipos lang. Side notes on left: Ang mga tawo nga waay nagasalig sa ila kabuhi kay Cristo sa imo pagpanaksi sa ila, indi ikaw ang ila gina-indian. Si Hesus amo ang ila ginabalibaran. Ang mga tawo nga waay nagasalig sa ila kabuhi kay Cristo sa imo pagpanaksi sa ila, indi ikaw ang ila gina-balibaran. Si Jesus amo ang ila ginabalibaran. Ila ginabalibaran ang pulong sang Dios. Indi ina tungod sa imo. Kon ikaw nagpanaksi sa isa ka tawo kag dason nga adlaw nangin isa siya ka tanyag nga ebanghelista, may ara ka bala sang dungog para dira? Wala. Kon may isa ka man nga ginpanaksihan kag sa dason nga adlaw ginbalibaran si Cristo, may ara ka bala dungog para dira? Wala. Parte ini sa imo kabuhi nga wala ka sang dungog sa mga kadaugan o kon pag-indi . Isa ini ka parte sa imo kristohanon nga kabuhi nga wala sang kapirdihan. Panumduma nga ang kadaugan amo ang pagpangabuhi sa paagi nga kristohanon, pagpanugid sang maayo nga balita kag ang pagsalig sa Ginoo para sa mga resulta. Ang kadaugan indi amo ang pagdala sang tawo sa kay Cristo. Isa pa ka ginakahadlukan sang mdamo nga kristiyano amo ang kahadlok sa wala pagkahibalo sang insakto. Ini nga kahadlok ginapakita sang madamo nga tawo nga madugay na sa ila nga kristohanon nga kabuhi. May pagtulun-an nga nagsiling nga madamo nga tawo nga personal nga nagdala sang isa ka dula nga tawo dira sa Ginoo sa una lang nga tuig o kon sa ikaduha lang nga tuig sa ilang kristohanon nga kabuhi. Mahimo man nga tinuod ini nga ang pagkadugayon na nga kristiyano sang isa ka tawo mahimo nga iya mahunahunaan nga diotay lang iya nabal-an parti sa iya pagtuo.
Page47 Mahitabo man nga ang tawo maghunahuna sang mga butang nga kinahanglan matun-an sang isa ka kristiyano nga iya makalimtan nga mahapos lang gali ang pag bag-o nga kabuhi kay Hesus. Ang kadamuon sang nahibal-an indi amo ang tuyo kon ikaw galamiton sang Ginoo sa pag giya sang tawo sa Iya Pulong kag bag-o nga kabuhi kay Hesus. Isa man ka rason sa indi magpanaksi amo ang kahadlok nga kaugtan sang mga abyan o paryente. Madamo nga tion makasiling kita nga makasakripisyo kita para sa aton mga abyan kag pamilya. Ugaling, pag-abot na sa pagbulig sa ila nga pinaka-importante nga kabuhi kag kamatayon nga desisyon, maghambal dayon kita nga mabug-at ang pagpanaksi sa ila. May isa ka nagretiro nga sikyatra nga nakighambal sa akon parti sa iya pagpanaksi sa iya bata nga bababe. Isahanon lang siya nga bata dayon may ara man siya nga kaugalingon niya nga mga bata. Nagahibi siya sa iya pagpanugid nga tong una, samtang gamay pa iya bata, iya ni ginapilit nga magkadto sa simbahan. Sang nag kolehiyo na ang iya bata, nangin rebelde ini kag naghatag sang tensyon nga waay gawa sila nagasugilanon sang pila ka tuig. Iya ginsiling sa akon nga, “Ang Ginoo nakighambal sa akon parti sa akon nga espiritwal nga kakulangon. Akon nahangpan nga bisan tuod nga nag-obra ako sang pila ka tuig nga magbulig sa tawo kag magsolbar sa ila mga problema, waay gid nakon nahambal sa ila kon sin-o ang matuod nga makahatag sang bulig sa ila. Ang akong tuon sang panan-awon amo lang ang ila problema kag karon akon lang nahibal-an nga resulta lang gali ini sa mga tinuod nga problema nga dapat husayon. Waay gid nakon nagiyahan ang mga tawo nga magsalig kay Jesu-Cristo. Kabalo ko nga amo man akon ginhimo sa akon pamilya.” Ginhambal sang sikyatra sa akon nga iya gintawgan iya bata kag namangkot kon pwede sila magsugilanon. Sa balay sang iya bata, ini nga tawo nga ginbutang ang iya bug-os nga kabuhi sa sikyatriya nagpamangkot sa iya anak sang, “may ara ka bala sang bisan ano nga klase nga espiritwal nga pagtuo?”Iya ginbantayan ang paghulag sang Ginoo sa pag-abri sa tagipusuon sa iya bata kag nagsiling siya nga, “Ihambal sa akon kon sin-o si Hesus para sa imo.” Puno ka luha ang salog samtang nagluhod kami sa pagpangumpisal sa iya mga sala kag pagsalig sa iya kabuhi kay Hesus. Ang pagpanaksi sa imo kaugalingon nga pamilya kag abyan amo ang pinaka-importante. Madamo nga tawo nadala sa ila pagtuo kay Cristo pinaagi sa ila nga mga higala kag pamilya. Luyag mo bala nga waay sang isiling kag tugutan na lang ang imo abyan nga magkadto sa impyerno? Kon may ara nga salakyan nga bunguon ang imo abyan, igo ka lang bala magsinggit sang, “pagtan-aw?” Luyag mo bala nga bunguon na lang siya sang salakyan tungod kay indi ka magsinggit kag mahuy-an? Tinuod ang impyerno. Luyag mo bala nga hambalan sila? Side notes on right: Ang pagpanaksi sa imo kaugalingon nga pamilya kag abyan amo ang mas importante. Madamo nga tawo nadala sa ila pagsalig sa kay Cristo pinaagi sa ila mga abyan kag pamilya. Madamo nga tawo may ara sang kahadlok nga mahuy-an o kon daug-daugon. Ang mga amerkano indi maka-eksperyensa sini sama sa iban nga mga bansa. Isa ka mga rason amo nga ang mga kristiyano waay nagapakita o kon nagatingog pareho kay Jesus. Angay bala nga batunon ang huya o kon pagdaug-daug agod makasugid lang sa dula ka tawo tungod kay Jesus? Kon imo tugutan ini nga mga kahadlok, imo ginahimo ang sala sang kahipus. Si Henry Maxwell nagsiling: “Indi bala matuod nga ang pagtawag nag-abot na sa sini nga tion nga may bag-o nga pagpasundayag sang kirstohanon nga manununod? Ano ang takos sang kristohanon nga sumulunod?
Page 48 Indi bala pareho ini sa panahon ni Hesus? Nagkambyo bala ini paagi sa aton mga palibot? Ano ang mangin result sang isa ka siyudad nga kon diin ang kada simbahan magahimo sang ginhimo ni Hesus?” Ginhangkat ni Maxwell ang iya katiguman sang paghangkat nga: kita man kinahanglan atubangon ang pagwali sang ebanghelyo, “Isa ini ka elemento sang kristohanon nga pagsunod nga kinahanglan tum-ukon. ‘Ang regalo nga waay ang naghatag, wala sing pulos,’….Waay sang lain nga dalan kon di amo man ang dalan sang sa panahon ni Hesus. Pareho lang ang inagihan.” Indi ka dapat mahadlok. Punggi ang panulay nga maghunahuna sa imo mga kaluya kag pagtuo nga indi magkambyo. Kaupod sa katampad, isugid ang imo mga kahadlok sa pagpanaksi sa Ginoo paagi sa pangamuyo. Ituon ang imo panan-awon nga may kalig-on sa tagipusuon, sa presensya sang Dios kag sa kasiguruhan sang iya gahum. Ang imo kaugalingon nga kusog indi amo ang magdala sang gahum nga ipanugid si Hesus sa dula nga tawo. Ini amo ang pagdepende nimo sa gahum sang Ginoo. Ang kadaugan sa pagpanaksi amo ang imo nga pagtuman kag pagsalig. Ang imo daku nga kusog amo ang kagustuhan nga magsalig sa Ginoo nga imo kasosyo sa paggiya sa dula nga tawo, sa imo ginikanan, bata o kaupod sa trabaho, o kon sin-o man nga imo masugata nga makabalo sang makaluwas nga grasya sang Ginoo. Side notes on left: Ang imo daku nga kusog amo ang kagustuhan nga magsalig sa Ginoo nga imo kasosyo sa paggiya sa dula nga tawo, sa imo ginikanan, bata o kaupod sa trabaho, o kon sin-o man nga imo masugata nga makabalo sang makaluwas nga grasya sang Ginoo. Matapos ang tuig nga ma-eksperyensa ang paghalong sang Ginoo samtang gina-atubang sa mga pagpamahug sang kaaway kag mga pagsulay sa kabuhi, si David nagkanta sang pagdayao nga kon diin iya ginsiling, “Ang Ginoo amo ang nagahatag sang kusog kag makahimo sang perpekto nga dalan. Ginahimo niya akon mga tiil nga daw tiil sang usa; siya amo ang nagapatindog sa ako sa kataasan”(2 Sam. 22:33-34). May ara na sang disposition si David dira sa Ginoo halin sang gamay pa siya nga bata kag nagaatindir sa mga tupa sa higad sang banglid sang Hudiyo. Bilang isa ka bata nga manogbantay sang karnero, madamo nga tuig pa bag-o niya ginkanta ang kanta sang pagdayao, si David nakakita na sang mga soldado ni Saul nagdinalagan sa kahadlok- samtang ginapakahuy-an ni Goliath, isa ka filistino nga higante. Si David nagsiling kay Saul, “ ‘Waay sing madulan sang tagipusuon tungod sini kay Goliath; ang imo nga timbang amo ang maglakat kag makig-away sa iya’” (1 Sam 17:32). Gintudlo ni Saul ang mga rason nga si David dapat mahadlok sa higante, “ ‘ Isa ka lang ka bata, kag nakigaway na ina siya halin pa sang bata siya’”(1Sam.17:33). Ginhambal ni David ang iya pakig-away sa mga liyon kag mga oso nga gindasmag ang mga karnero. Iya ginpasalig kay Saul nga, “Ang Dios nga nagluwas sa akon sa mga baba sang liyon kag baba sang oso amo man ang magluwas sa akon sa mga kamot sang filistino’” (1 Sam 17:37). Nahibal-an ni David nga ang iya kadaugan ara sa gahum sang Ginoo. Gin-atubang niya ang higante nga puno sang tanan nga ginhatag sang Ginoo para sa iya. Iya ginsugid sa kalibutan nga bisan si Goliath nag-atubang sa iya nga may “espada, bangkaw kag sapang,” si David nag-atubang “sa pangalan sang gamhanan nga Dios”(1 Sam 17:45). Karon, sa imo pagpanugid kay Jesus nga waay sang kahadlok, panumdumi nga sa imong pagpakadto may ara ka sang amo man nga gahum, makusog nga pangalan- ang Gamhanan nga Dios.
Page 49 Day 4 Pamatii ang mga kabalak-an sang tagipusuon Si Rob kampante na kag nagapaayaw na sa iya nga indi kristohanon nga pangabuhi. Pero isa ka adlaw ang iya abyan namangkot sa iya sing hapos nga pamangkot, “May ara ka bala sang walay seguro nga pagbatyag sa pagdepende mo sa paglaum sa imo kabuhi?” Ina nga hapos nga pamangkot nag-abri sa iya tagipusuon. Wala gid nakaistorya si Rob parti sa iya nga tuod nga ginabatyag sa mga espirituhanon nga butang. Ugaling sa bulig sang iya amigo, ginbaton ni Rob sa iya tagipusuon si Cristo. Karon, nagatuo siya nga bisan ano nga kabuhi, matadlong man o indi, pwede maluwas kon may ara lang man sang isa nga may kaluoy nga magpanaksi. Ang pagkaayo sang isa ka nahigot kag dula nga tagipusuon amo ang pagbulig sa tawo nga matugyan iya tagipusuon kay Jesus. Punggi ang mga panulay nga mapa-upod ka sa mga pamangkot nga waay kaupod ang mga matuod nga problema sang tagipusuon sang dula nga tawo. Kon ang tuon nimo ang gugma kag sakripisyo ni Jesus, madali lang nga ang pagtuo kambyuhan ang pagduha-duha. Ang dula nga tagipusuon wala nagasapak sang imo tingog nga nagakurog o kon nagamual-mual ka sa imo mga pulong, liputon ang kakulangan sang pagsalig sa pagpanugid kay Jesus. Mabal-an sang tawo paagi sa gahum sang Espiritu Santo kag sa imo nga kinasingkasing nga malasakit ang gugma sang Dios ara lang. Ginlansang sa krus si Jesus sa tunga sang duha ka kriminal nga ginlansang man. Isa sini ka kriminal nakilan-an si Jesus bilang manluluwas. Naghangyu siya, “ ‘Jesus, dumduma man ako kon maghari ka na’” (Lucas 23:42). Ini nga kriminal waay sang klaro nga pag-intiendi sang iya mga sala. Waay siya nangita sang lain pa nga hunhuna tungod sa Dios. Waay siya sang tion o kon eksperyensa nga maintiendihan kon ano klase ang Ginoo. Ang Espiritu Santo ang naghulag. Kabalo ang kriminal nga waay siya paglaum kon indi magsabat si Jesus sa iya ginapangayo, “Jesus, dumduma ako.” Ini nga kasaysayan sa Biblia nga ang dula ka tawo nagsalig sa iya kabuhi kay Jesus nagapakita nga ang tawo indi na kinahanglan pa nga mabal-an ang ano man nga butang kon siya malapit na nga makilan-an sang personal ang gugma ni Jesus. Ini nga kriminal gin-atubang si Jesus nga nakalansang na sa krus. Ang Espiritu Santo amo ang naghikut sa tagipussuon sang tawo kag nagsabat siya paagi sa pagtuo. Sa imo pagpanugid kay Cristo sa bug-os nimo nga nahibal-an, amo man nga gahum sang Espiritu Santo ang maghulag sa tagipusuon sang dula nga tawo. Indi ka mapirdi kon ikaw matinumanon sa pagpanaksi. And desisyon sang dula nga tawo nagpabilin sa iya kaugalingon nga kagustuhan sa pagpili sa paghulag sang Espiritu Santo sa iya kabuhi. Madamo sang indi tama nga panghunahuna parti sa mga kristiyano nga gintuohan sang mga dula nga tawo. Sa imo nga pagpankasi, indi paghunahuna ini nga mga palaligban; kon di mangin sensitibo ka lang sa mga kabalaka sang tagipusuon.
Page 50 Sa imo pagpakita sang pasensya kag abilidad nga magdiskurso sang mga ginakabalak-an, imo ibutang ang maayo nga tono sa imo pagpanaksi. Ari ang iban nga mga kabalaka nga imo mabatian:
• “ Ang mangin kristohanon kinahanglang nga tumanon ang napulo ka sulundan. Gani, kinahanglan nga tilawan pa gid sang maayo agod matupungan naton ina.”
Isa ka batan-on nga babayi nagpalapit sa ila pastor para mapangamuyuan. Luyag niya nga mangin kristiyano. Matapos giyahan sang pastor ang babayi nga iya batunon si Jesus bilang Dios kag manluluwas, amo lang gihapon ang iya nga ginapangayo sa pastor, “Palihog ko nga pangamuyui nga mangin kristohanon ako.”Nagapaninguha pa gid ako.”
Sa ulihi, matapos sa iya nga paghangyu, ginsilingan na siya sang pastor nga untatan na ang iya pagpaninguha. Nagulpihan ang babayi. Iya ginsiling, “Waay ka galabataw ay!” Ang sabat sang pastor amo ini: “Oo, untati na ang sige ka pangamuyo nga mangin kristiyano ka. Indi ina insakto. Umpisahi na ang pagsalig. Nagakinabuhi kita sa lugar nga ang ginatagaan sang tuon amo ang paghulag, panginabuhi kag ko ano ang maabot. Pero si Pablo nagsulat sa Efeso 2:8-10: “ Kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal. Ginhimo kita sang Dios; kag sa aton paghiusa kay Cristo Jesus ginhatagan niya kita sing bag-o nga kabuhi, agod maghimo kita sing maayo nga mga buhat, nga iya na nga daan gin-aman nga aton pagahimuon.” Ang kristiyanismo indi ini relihiyon nga magatudlo lang sa tawo kon ano ang tama kag malain; isa ini ka relasyon dira kay Jesu Cristo. Side notes on left: Ang kristiyanismo indi ini relihiyon nga magatudlo lang sa tawo kon ano ang tama kag malain; isa ini ka relasyon dira kay Jesu Cristo. Kinahanglan mabuligan sa pag-intiendi ang isa ka dula nga tawo nga ang relihiyoso nga mga buluhaton resulta na lang ini sa relasyon dira sa Ginoo, indi amo ang paagi sa pag-angkon sang relasyon. Ang pagkinabuhi nga kristohanon amo ang pakigsosyo sa buhi nga Dios. Ang dumdum sang mga dula nga tawo amo ang mangin kristohanon ang isa ka tawo sa pagkahibalo niya sang mga butang ka gang paghimo sa mga buluhaton agod padayon ang iya pagkabutang. Iya dapat maintiendihan nga ang kristohanon nga kabuhi nagasugod sa desisyon sa pagtuo. Ang pagtubo mahimo kon ang tawo mangin parehas kay Cristo sa batasan kag pagpangabuhi sa adlaw adlaw nga relasyon dira sa iya.
• “Ang mangin kristohanon amo ang pagbiya sang tanan nga butang nga ginakalipayan.” Ini utod lang nga kamatuoran. Iban nga mga kristiyano kinahanglan mabuligan nga mautod ang ila pagdepende sa ila mga abyan, lugar nga mahigko ang impluwensa, kag batasan nga nagaresulta sa sala. Basaha ang Juan 16:20-24. Ang kalipay nga naga-abot paagi sa relasyon dira kay Jesus pinaagi sa pagtuo, amo ang tinuod nga kalipay. Regalo ini sang Dios. Indi ini temporaryo. Ini nga kalipay labaw pa sa mga matabo sa aton nga kabuhi. Bisan ang pagsakripisyo- ang pagbiya sang aton nabal-an nga malain- may ara kita sang kalipay nga indi basta-basta madula. Ang kalipay sa tagipusuon sang kristiyano indi madula sa bisan ano pa ang matabo sa aton kabuhi.
• “Ginabuligan sang Dios ang nagabulig sa ila kaugalingon.” Amo ini ang pinakatanyag nga pulong nga kono ginkuha sa Biblia. Ini nga hunahuna gin-uyatan sang 56 ka porsyento nga mga tawo sa amerika sa isa ka pagtulun-an nga ginhimo sang 1990.
Page 51 Ang dula nga tawo nga nagapanumdum sini may daku nga pag atubang sang sala kag kaluwasan paagi sa waay paglaum o kon kabugalan. Ang pagtulun-an nagasiling nga madamo nga sosyodad sa kalibutan nagatuo nga kada isa makabaton sang premyo kag balos sa iya kaayo nga ginhimo-kon paano niya ginbuligan iya kaugalingon. Ini nga panumduman ara sa tagipusuon sang mga dula nga tawo. Para sa iban, nagahatag ini sang pamatyag nga waay paglaum nga kag nagapabug-at sa ila abilidad nga makaguwa sa ila mga sala. Sa iban pa gid, makahatag sang mali nga seguridad, binugal nga pagtuo nga ma-obrahan nila ila kaluwasan pinaagi sa ila kaugalingon nga kaayo. Bisan sa pagbasa lang sang napulo ka mando, aton mahibal-an nga indi ta gali mahimo ang tanan nga ginamando sa aton. Ang mensahi sang gugma sang Dios kag iya grasya nagasiling nga indi naton kinahanglan nga himuon. Ginsulat ni Pablo, “Pero ang mga tawo nga nagasalig sa ila pagtuman sa Kasuguan ginpakamalaot na sang Dios. Kay suno sa Kasulatan ginapakamalaot ang wala nagatuman sang tanan nga ginapatuman sang Kasuguan. Maathag nga wala gid sing tawo nga pakamatarungon sang Dios tungod sang iya pagtuman sa Kasuguan. Kay nagasiling ang Kasulatan, ‘Ang tawo nga ginpakamatarong sang Dios tungod sa iya pagtuo magakabuhi.’ Ang Kasuguan wala sing labot sa pagtuo, kay nagasiling ang Kasulatan, ‘Ang tawo makaangkon sang kabuhi kon matuman niya ang tanan nga ginasiling sang Kasuguan.’Ginpakamalaot na kita sang Dios tungod nga indi ta matuman ang tanan nga ginasiling sang Kasuguan. Pero gintubos kita ni Cristo sa sini nga pagpakamalaot. Siya amo ang ginpakamalaot sang Dios para sa aton. Kay nagasiling ang Kasulatan, ‘Ang tawo nga ginabitay sa kahoy ginapakamalaot sang Dios.’ Amo ini ang ginhimo sang Dios agod paagi kay Cristo Jesus ang pagpakamaayo nga iya ginhatag kay Abraham mahatag man niya sa mga indi Judio, agod nga paagi sa aton pagtuo mabaton ta ang Espiritu Santo nga iya ginpromisa.” (Galacia 3:10-14). Sa mga Efeso nagsulat si Pablo, “Pero maluluy-on gid ang Dios, kag dako ang iya paghigugma sa aton.Bisan patay kita sa iya panulok tungod sang aton mga sala, ginbuhi niya kita upod kay Cristo. Gani paagi lang sa bugay sang Dios naluwas kita.” (Efeso 2:4-5). Ini ang gugma nga wala sing katapusan. Ini nga makatilingala nga gugma sa Dios ginabaton kita kon sin-o man kita kag may pagsalig nga makabulig sa aton nga mahimo kita nga angay. Kinahanglan nga aton mapakita ang matuod nga gugma sang Dios sa mga indi tumuluo. Ang pagpanugid parti kay Jesus indi amo ang indi pagsapakon ang kamatuoran sang sala. Kinahanglan mahibal-an sang dula nga tawo ang pagkilala, pag-angkon, kag paghinulsol sa iya sala. Pero ang aton pagpanaksi amo lang ang kon ano ang ginhimo ni Jesus paagi sa gugma para sa aton nga mga sala. Side notes on right: Ang pagpanugid parti kay Jesus indi amo ang indi pagsapakon ang kamatuoran sang sala…. Pero ang aton pagpanaksi amo lang ang kon ano ang ginhimo ni Jesus paagi sa gugma para sa aton nga mga sala. Day 5 Pag-ambit sang imo tagipusuon Ang pagpanugid kay Jesus amo ang pag-abri sa imo tagipusuon kag ang pagsuga sa mga kamatuoran sa Biblia. Ang Pulong sang Dios indi lang mga opinion. Ang imo pagtuo makita sa mga bersikulo sa Biblia nga makahatag sang sabat sa imo mga pamangkot. Ang pagpanugid sang imo pagtuo amo ang paghimo sang atmospera sang pagsalig sang isa ka dula nga tawo. Ini nga pagsalig amo nga ang dula nga tawo mag-abri sang iya tagipusuon tungod sa mga espirituhanon nga pamangkot. Ang mga sabat nga imo ihatag makita sa Biblia.
Page 52 Ini nga mga bersikulo amo ang pundasyon kon diin imo madiskubrihan ang espirituhanon nga kalinong, paglaum kag kadasigon sa pag-atubang nimo sa mga balabag kag kabudlay sa kabuhi. Madamo nga kristohanon nagasiling nga, samtang dula sila kag waay kay Cristo, nagahandum sila nga may ara sang makigsugilanon sa ila parti sa ila nga espirituhanon nga panginahanglan. Ila maistorya nga may ara sila kahadlok nga mabal-an sang iban ang ila matuod nga ginabatyag, pagduhaduha ka gang kakulangon sa kaalam. Madamo nga tawo nagahandum nga makaintiendi pa gid sang Biblia, pero indi klaro sa ila kon ano gid ang ginahambal parti kay Cristo kag sa kaluwasan. Imo makita nga ang Dios amo ang nagahimo sa tagipusuon sang kada tawo sang panginahanglanon sa kamatuoran kag parti man sa Iya. Isa ka Pranses nga pilosopo nagsulat parti sa mga batasan sang mga amerikano bilang ginahalinan sa ila nga pagdinaugon. Iya ginsiling nga ini nga mga pagtuo nga nagapakita sing tama kag mali amo ang mag giya kon paano naton tratuhon ang isig katawo nga mangin batasan na sang tagipusuon. Ini nga mga balatyagon amo ang mgakorti sang aton mga aksyon kag klase sang pangabuhi. Tig-una nga mga tulun-an kon diin natukod ang mga tinuohan. Indi lubog ang mga bersikulo nga magahatag sang mga sabat sa mga pamangkot nga imo pangayuon sa dula ka tawo. Indi ini galamiton para imo siya mamaneho. Mga bato sila kon diin kita makatindog. Side notes: Ang mga dula nga tawo nagapang-indi tungod kay daku ang ginapaabot sa ila nga basin piliton o kon tagaan sila sang kabug-aton. Ang mga tawo madamo sang magamo nga hunahuna parti sa mga espirituhanon nga butang. Ang indi pagtuo sa mga ginasiling sang Biblia parti kay Jesus amo ang ginahalinan sa ila indi luyag nga pagsugilanon sang kaluwasan. Nagapang-indi sila tungod nga daku ang ginapaabot sa ila nga basin piliton o kong tagaan sila sang kabug-aton. Ang imo pagpamati sang matarong makabulig kag makahatag sa ila sing pagpapagsik. Si apostol Pablo nagsulat kay Timoteo, “Pero likawi ang mga pagpanudlo nga wala nagahalin sa Dios kag himo-himo lang sang mga tawo. Hanasa ang imo kaugalingon sa diosnon nga pagkabuhi.”(1 Timoteo 4:7). Sa amo man nga espiritu, maayo nga disiplinahon mo imo kaugalingon sa pagpanugid parti kay Jesus. Disiplinaha imo kaugalingon nga mangin maayo nga tigpamati. Ang pagpamati mo sa tawo makahatag sa oportunidad nga masaligan ka. Ang pagpamati nga may upod sang pamatyag magapakita nga may luyag ka nga maintiendihan ang ginhalinan sang dula nga tawo. Ang tawo nga nagahatag sang iya sabat sa imo mga pamangkot mahimo nga magaistorya man sang matuod nga iya ginabatyag. Ang pagpamati makabulig sa imo nga makita ang matuod nga ginabatyag sang tawo parti sa mga espirituhanon nga mga butang. Kinahanglan iya mabal-an nga imo naintiendihan kag natagaan sang importansya ang iya hunahuna kag ginbatyag. Kon tagaan sang tion, madamo nga tawo maga-abri sang oportunidad nga magistorya sa ila nga espirituhanon nga kinahanglanon. Isa ka tawo nagsiling sa akon, “Kon kis-a akon ginapanumdum nga waay pulos ang magtrabaho kag manguna. Daw waay ako sing pakadtuan.” Akon sabat sa iya, “Kabalo ka, amo man ina akon ginabatyag sang una. Balatyagon nga waay sing paglaum.
Page 53 Ano imo ginahimo kon magbatyag ka sang sini? May ara ka bala sang gintuohan nga makabulig sa imo?” Dayon niya sabat sang, “Waay ko sang lain nga ginasaligan kon di akon nga kaugalingon lang.” May tion nga malinong. Kag iya ginsiling, “Seguro nakibot ka ano?” Naghipos ko kadali kag nagsiling, “Waay ko nakibot. Nakaintiendi ako sa imo ginabatyag.” Gintugot ko nga amo ina akon sabat agod mapamangkot ko siya sa ikaduha nga pamangkot, “Sa imo, sin-o si Jesus?” Wala ko na ginhimo pa nga sabton nga naintiendihan ko iya ginbatyag. Pero akon nabatyagan nga may ara sang pakadtuan ang amo sugilanon hasta sa mangamuyo siya nga batunon si Jesus nga magpasaylo sa iya mga sala kag magsulod sa iya kabuhi. Pinaagi sang mga proseso nga imo gintun-an, ang Dios maga-abri sa imo mga mata sa mga makatilingala nga mga oportunidad nga magpatubo sa imo tagipusuon sa pagpanugid nimo kay Jesus: Ang pagpatubo sa imo nga pagpaninghakul para sa dula nga mga tawo, Ang pagtuon sang pagsalig sa mga promisa sang Ginoo sa pangamuyo, Ang paghimo sa mga tikang nga matuman ang pakigsosyo dira sa Ginoo, Ang pagsalig sa gahum sang Espiritu Santo, kag Ang pag-andam sang kaugalingon agod mapanugid si Jesus. Ugaling kon waay sang pagsalig nga tumanon nimo ang imo gintun-an, maatubang nimo ang isa sa duha ka mga resulta. Una, madulaan ka sang luyag kag waay ka sing himuon. Ikaduha, basin tubuan ka sang kabugalon nga nakatuon ka kon ano ang pagpanugid. Kinahanglan imo mahibal-an ang panan-awon ni Jesus para sa mga dula nga tawo. Basaha ang Juan 4:4-42. Ara sa tunga sand adlaw kag oras na nga magkaon. Waay nagkaon si Jesus agod maistorya ang babayi nga nagpalapit sa may bubon. Nagkadto si Jesus sa pinakamadalom nga kinahanglanon sang babayi paagi sa pagpamangkot sa iya sang, “Matagaan mo bala ako sing tubig?” (Juan 4:7). Ang iya sabat naghatag sang tion kay Jesus nga maistoryahan ang iya nga espirituhanon nga kakulangan. Ang gahum sang Espiritu Santo amo man ang padayon nga naga-abri sang mga tagipusuon hasta karon para sa kaluwasan nga ara lang kay Jesus. Isa ka simpli nga pamangkot, “May ara ka bala sang espirituhanon nga pagtuo?” makahatag sang tion nga magsabat ang mga tawo nga mag-abri sa ila, tungod ini sa gahum kag pakigsosyo sang Espiritu Santo nga may promisa kon kita magtuman lang. Sa pagbalik sa mga disipulo, ila ginhambalan si Jesus nga magkaon: “ Samtang wala pa nag-alabot ang mga tawo didto kay Jesus, ginapilit si Jesus sang iya mga sumulunod nga magkaon na.” (Juan 4:31) “Pero nagsiling si Jesus sa ila, "May pagkaon ako nga wala ninyo mahibalui."(Juan 4:32). Si Jesus nagsiling sa iya mga disipulo, “ ‘Tan-awa bala ninyo ang madamo nga mga tawo nga nagaalabot! Kon sa mga alanihon pa, ina luto na gid, kag alanihon na’ (Juan 4:35). Naghambal sila sa iya parti sa kagutom. Nabal-an ni Jesus nga indi pa sila nakaintiendi sa mga nagakahitabo nga oportunidad. Ang madali nga makapaayaw sa lawas halin sa pagkaon nadula ang importansya sa maghulag na si Jesus sa mas labaw pa nga makapaayaw. Ang panglantawon nga nagtulak sa iya amo ang pagkakita sa dula nga babayi nga nagpalapit sa iya nga magsalig sa iya kaluwasan.
Page 54 Bantayi nga puno ang imo tagipusuon sang paglantaw nga may kalipay kag paglaum nga mag-upod sa tagipusuon sang mga dula nga tawo nga magsalig sa ila nga pagtuo dira kay Jesus. Side notes on left: Nagapangamuyo ako nga kabay pa nga sa padayon mo nga pagsugid parte sa imo pagtuo, magadugang pa gid ang imo ihibalo parte sa maayo nga mga butang nga ginhatag sa aton ni Cristo tungod nga kita iya na. (Filemon 1:6) Ang kadaugan sa pagpanaksi amo ang pagkinabuhi nga kristohanon, pagpanugid sang maayo nga balita, kag pagsalig sa Ginoo para sa mga resulta. Ang kadaugan indi amo ang pagdala sa tawo dira sa Dios. Mahimo man naton nga ipanugid sa malain nga paagi kag sa indi tama nga tion, pero ang aton Amay sa langit gamiton lang gihapon ang tion. Ang isa ka butang nga indi lang niya magamit amo ang pagpabilin naton nga indi magtingog o kon maghipos na lang. Luyag niya ang imo pagtuman sa dungganon nga komisyon. Ang tanan nga buluhaton sa pagwali sang ebanghelyo puno ka gahum sang Pulong sang Ginoo kag sa Espiritu Santo. Iya ini trabaho. Gintagaan lang kita sa pribilehiyo nga mangin parti sa paagi. Trabaho ini sang Amay halin sa umpisa hasta sa katapusan. Kinahanglan nga pangitaon lang naton kon diin naga-obra ang Ginoo kag magbantay sa iya mga timaan nga iya ginahatag sa aton. Kinahanglan nga magbantay kita sa aton nga adlaw adlaw nga kabuhi nga may paglantaw nga: “Ginoo amo na bala ini siya? Ginoo, diri ka bala naga-obra karon? Panalanginan ka sang Ginoo kon mag-upod ka sa iya nga may kasadya sa pagpanugid nimo parti kay Jesus nga waay sang kahadlok. Imo ma-eksperyensahan ang kalipay sa imo makita nga pagdala sang Ginoo sa mga lalaki, babayi kag kabataan pakadto sa iya kag pagkambyo sa ila kabuhi. Side notes: Hilimoon: Ilista ang mga ngalan sang mga tawo nga plano nimo sugiran parti kay Jesus: Pangalan: Kasan-o Hilimoon: Basaha ang “Pasalig o Pangako sa Ginoo nga magsugid parti kay Jesus” sa pahina 55. Kon ini imo luyag, pirmahi kag ibutang ang petsa karon.
Page 55 Personal nga Pasalig sa Ginoo sa Pagpanugid kay Jesus
• Indi na ako magpabilin nga mahipos nga Kristiyano. • Magpadayon ko nga mangita sang mga tawo kon diin ikaw naga-obra kag kon paano ako
makasugid parti kay Jesus sa ila. • Tungod kay naintiendihan ko ang gahum sang pagkabanhaw ni Cristo nagakabuhi sa akon kag
waay ako sang kakulangan nga taguon ang daku nga komisyon sang Ginoo, akon tumanon ang iya sugo nga maglakat kag maghimo sang disipulo.
• Mangabuhi ako agod mapakita nakon ang Filemon 1:6 kag tugutan Ka nga magtuman sa imo mga promiso sa akon kabuhi.
“Nagapangamuyo ako nga kabay pa nga sa padayon mo nga pagsugid parte sa imo pagtuo, magadugang pa gid ang imo ihibalo parte sa maayo nga mga butang nga ginhatag sa aton ni Cristo tungod nga kita iya na.” (Filemon 1:6) Pirma____________________________ Petsa__________________
Page 56 Sumunod nga mga pamaagi para sa bag-uhanon nga mga Kristiyano Ang bag-ohanon nga kristiyano magkinahanglan sang bulig sa iya nga paglakat sa iya pagtuo. Luyag mo nga tagaan siya sang pipila ka mga impormasyon nga makabulig.
• Welcome to God’s Family (Pagtamyaw sa Pamilya Sang Ginoo)- Ini nga gamay nga balasahon gingamit ang mga bersikulo sa Biblia, kag malip-ot nga mga pagtugda nga magahatag sang pag giya kag positibo nga bulig sa mga bag-o lang nagbaton kay Jesus bilang manluluwas. Makabulig man ini sa ila nga pagtubo sa pagdisipulo kag makapapagsik sa ila pagsali sa simbahan. Ini nga balasahon makahatag dayon sang bulig sa ila nga pagtuo.
• Beginning Steps: A Seven –Day Growth Guide for New Believers- (Una nga mga tikang: Pito ka Adlaw nga Giya sa Pagtubo para sa bag-o nga mga tumuluo).- Ini nga simpli nga pito ka lak-ang nga balasahon mag giya sa kristohanon sa una nga mga simana sa iya nga pagtuo.
• Taking the Next Step: A Guide for New Church Members- Ini nga mahapos nga pagtulun-an makabulig sa bag-o nga tumuluo mahibaluan ang ila lugar sa buluhaton sa Ginoo pinaagi sa simbahan. Ini makahatag sang idiya kag giya sa ila pagsali sa mga lain lain nga buluhaton sa simbahan.
• Survival Kit: Five Keys to Effective Spiritual Growth – Ini nga anum ka simana nga pagtulun-an makabulig para sa mga tumuluo nga makapadayon sa ila nga regular nga pagpangamuyo, pagtuon sa Biblia kag pagmemorya sang mga bersikulo.
• Survival Kit for the Youth, Revised- Ini nga pagtulun-an amo ang para sa mga kabataan nga bag-o pa lang nangin kristohanon nga maindintihan nila ang simpli nga pagtuo pinaagi sa ila nga padayon nga pagpangamuyo, pagbasa sa Biblia kag pagmemorya sang mga bersikulo.
• Survival Kit for New Christians, Children’s Edition. Isa man ka pagtulun-an para sa mga gagmay nga kabataan nga bag-o lang nangin tumuluo. Anum ini ka simana nga pagtulun-an nga ila magamit sa ila panimalay sa lima ka adlaw kada simana. May mga upod nga Scripture cards para sa ila nga pagmemorya sa mga bersikulo.
• Heaven: Your Real Home- Ang bag-o nga Kristohanon gusto mahibal-an ang tanan kon diin siya magakinabuhi sang walay katapusan. Ini nga pagtulun-an makabulig sa iya pagpaintindi nga ang pagkinabuhi diri sa kalibutan naga-andam lang sa iya pagkinabuhi sa walay katapusan.
Kada isa ka mga pagtulun-an nga ginpahiwatig diri pwede ma-order pinaagi sa pagtawag o kon pagsulat sa Customer Service Center, One LifeWay Plaza, Nashville, TN 372-00013 Telepono: 1-800-458-2772.
Page 57 Ang Sunod Nga Mga Tikang Para Magtubo Sa Kristohanon nga Pagdisipulo Ang mga sumunod nga balasahon kag pagtulun-an makahatag sang paagi sa padayon nga pagtubo dira kay Kristo. Pwede ini himuon sa indibidual nga paagi o kon sa grupo.
• In God’s Presence: Your Daily Guide to a Meaningful Prayer Life- Padayon nga pag-angkon kag matutum nga pagpangamuyo pinaagi sini nga simpli nga libro. Matun-an sang manugbasa ang anum ka pamaagi sa pagpangamuyo kag madiskubrihan man ang dako nga mahitabo sa paghiliusa nga pagpangamuyo.
• Experiencing God: Knowing and Doing the Will of God- Ini nga tanyag nga pagtulun-an makabulig sa imo pagdiskubri sa kabubut-on sang Ginoo kag pagtuman sini. Adlaw adlaw nga mga paghimud-os makabulig sa imo personal nga relasyon sa Ginoo pinaagi sa pagpamati sa Iya ginahambal sa imo.
• Jesus on Leadership: Becoming a Servant Leader- Ini nga pagtulun-an makagiya sa manugbasa nga untatan ang pagsunod sa kalibutnanon nga paagi sa paggiya kag sundon ang gintudlo ni Kristo.
• MasterLife: A Biblical Process for Growing Disciples- Redesigned for the 21st century. – Makahatag ini sa gagmay nga mga grupo kon papaano ipadayon ang matinumanon nga pagpangabuhi dira kay Cristo. Makatuon sila kon papaano maangkon ang kinabuhi nga mangin kristohanon, pagpalig-on kag padayon nga pakig-upod sa mga buluhaton sa simbahan, sa ila panimalay kag sa kalibutan.
• Serving God: Discovering and Using Your Spiritual Gifts- Imo madiskubrihan pinaagi sini nga pagtulun-an ang mga espirituhanon nga gasa sa imo ng kabuhi.
• Life in the Spirit- Padayon nga pagtubo sa madalum kag mahigugmaon nga kinabuhi kay Cristo.
• A Heart Like His: Seeking the Heart of God Through a Study of David- Ini nga libro ginatun-an ang kabuhi ni Haring David. Makabulig ini sa imo nga personal nga pagdiskurbi nga makaangkon sang tagipususon para lang sa Ginoo.
• Decision Time: Commitment Counseling.- Ini nga pagtulun-an makabulig sa paglaygay kag giya sa mga tawo nga maghimo sang desisyon sa mga hayag nga imbitasyon. Ang mga pipila ka desisyon amo ang pagbautismo, pagpamyembro sa simbahan, kag pagpadayon sa espirituhanon nga pagtubo.
Page 58 Ipaambit si Hesus nga Waay Kahadlok Viewer’s Guide Ang Share Jesus video makahatag sang maayo nga presentasyon kag kabug-aton sa mga kamatuoran sa Biblia sa sini nga pagtulun-an. Gamita ang mga sumunod nga giya para makabulig sa imo pagsulat sa imo mga sabat. Sesyon 1
1. Sa imo kaugalingon nga mga pulong, ano ang “Sala sa indi Pagtingog?”
2. Kapaigohan sang 2 Kings 4:8-37:
Ang Shunammite nga babaye ginapamangkot si Elisha nga____________________________ Ang una nga sabat ni Elsiha amo ang ipadala_______________________________________ Ang sulugoon nga si Gehazi nagbalita nga ang bata__________________________________
3. Ilista ang mga kahadlok nga nagabalabag sa mga tawo para ipaambit ang ila pagtuo:
_____________________________________________________________________
4. Ang matoud nga kadalag-an amo ang pagpangabuhi nga Kristuhanon sa matag adlaw, pag-panugid sa maayong balita kag ang pagsalig sa Ginoo sa resulta. Indi makabig nga kadalag-an ang pagdala sang isa ka tawo sa Ginoo.
Page 59 Sesyon 2
1. May tatlo ka simpli nga tikang para ipaambit si Hesus nga waay kahadlok:
a. Lima________________________________ para mahibal-an kon diin nagahikut ang Ginoo b. Pito _________________________________ para makighambal ang Biblia c. Five__________________________________para igiya sa paghimo sang desisyon
2. Lima ka mga pamangkot nga mapuslan sa pagkahibalo kon diin nagahikut ang Ginoo:
1. May ara ka bala sang espiritwal nga pagtu-o? 2. Sin-o si hesus para sa imo? 3. Nagapati ka bala nga may ara langit kag impyerno? 4. Kon ikaw mapatay karon, diin ka makadto? 5. Kon ang imo gintuohan indi matuod, gusto mo bala mahibal-an ang kamatuoran?
3. Pito ka bersikulo nga ginpalaktod nga makig-hambal ang Biblia:
a. Roma 3:23 b. Roma 6:23 c. Juan 3:3 d. Juan 14:6 e. Roma 10:9-11 f. 2 Corinto 5:15 g. Bugna 3:20
Page 60 Sesyon 3
1. Lima ka pamangkot nga magdala sa punto sa paghimo sang desisyon:
a. Makasasala ka bala? b. Gusto mo sang kapasayloan sa imo mga sala? c. Nagatuo ka nga si Jesus napatay sa krus para sa imo kag nabuhi siya liwat? d. Luyag mo bala nga itugyan imo kabuhi kay Cristo? e. Andam ka bala nga imbitahan si Jesus sa imo kabuhi kag tagipusuon?
2. Ano ang duha ka pinaka-importante nga pamatasan sang isa ka nagapanugid o nagapaambit matapos pamangkuton ang ika-lima nga pamangkot?
______________________________________ ____________________________________
3. Ilista ang mga pipila ka mga rason sa pag-indi kon maka-abot na sa tion nga maghimo na sang
desisyon para batunon si Cristo bilang manluluwas.
_________________________________________ _________________________________________ __________________________________________ _________________________________________ _________________________________________
4. Ano ang pinakamaayo nga sabat sa mga pag-indi kon mangamuyo na para batunon si Cristo?
Page 61 Sesyon 4 Paghimo sang duha ka lista: Ang una amo ang mga linain o kon tininuud nga mga sala nga ginhambal ni William Fay bilang parte sa iya kabuhi bag-o niya nakilan-an si Cristo bilang manluluwas. Ang ikaduha amo ang mga tumuluo nga gindala sang Ginoo sa iya nga kabuhi. Mga Sala Mga tumuluo ______________________________ _____________________________ ______________________________ _____________________________ ______________________________ _____________________________ ______________________________ _____________________________ ______________________________ _____________________________
3. Gingamit sang Ginoo ang mga pareha ni William Fay para makabulig sa madamo nga mga tawo para madiskubrihan kag mabal-an nila ang ila panginahanglanon dira kay Cristo sa ila kabuhi. Karon, sa imo man, ilista ang mga tawo nga paga-umpisahan nimo nga pangamuyoan.
____________________________________ ___________________________________ ____________________________________ ___________________________________ ____________________________________ ___________________________________ ____________________________________ ___________________________________ Para sa mga nagadumala sang gagmay nga mga grupo, ang Share Jesus Without Fear Kit (item #0-7672-3057-9) may kaupod nga isa ka kopya nga workbook, leader’s guide, kag video kag pwede kopyahon nga audiocassette. Ini nga mga butang maangkon pinaagi sa pagsulat sa: LifeWay Church Resources Customer Service; One LifeWay Plaze, Nashville, TN 37234-0113; FAX o kon order man sa (615) 251-5933. Pagtawag sa (800) 458-2772. O kon order online sa www.lifeway.com.
MĂRTURISEŞTE-L
PE ISUS CUÎNDRĂZNEALĂ
WILLIAM FAY & RALPH HODGE
Romanian
005273125
