Рецензија на делото ,,Античките градови во Македонија’’ од Иван Микулчиќ Со објавувањето на резултатите од долготрајните истражувања на проф. Д-р Иван Микулчиќ, поместени во ова негово дело се заокружени научните сознаија за античките градови, каструми и кастели, акрополи и некрополи, патна мрежа, рудници и водоводи, но и т.н. движни археолошки наоди: монети, оружје, накит, грнчарија и др., откриени на територијата на Македонија. Од овие истражувања, сега од една милениумска дистанца, ни стана можно да во возобновиме раѓањето и исчезнувањето на неколкуте големи цивилизации што поминале низ нашите простори, во прв ред античката, римската, македонската старовековна и средновековна, византиската и делуно исламската цивилизација. Во овој долг временски период на почвата на Македонија биле изградени преку 60 градови. Но, колку се градело толку повеќе се уривало, било од природните катастрофи, било од многуте преселнички походи на повеќе народи што пустошеле на овој дел од Балканскиот Полуостров. Нашата земја е речит доказ дека човекот не е само голем градител, туку и уште поголем рушител. Во македонската земја што покрила и сокрила најстари градби, закопано е кај нас едно огромно и непроценливо археолошко богатство. Сите тие археолошки остатоци: надгробни плочи, храмови, ранохристијански цркви и базилики, гробници, театри, статуи, накит, гимназиони, монети, тврдини, кастели, оружје, водоводи итн., сведочат за духот и каракатерот на големите творби што ги изградил и создал човекот од претходните цивилизации и за богатата нивна материјална култура. Ова дело ни укажува дека археологијата не е само една строго егзактна наука, туку е и една научна дисциплина со креативни и дури и имагинативни дострели. Тоа се должи на фактот дека археологот не копа и раскопува само она што останало затрупано
