View
2
Download
0
Category
Preview:
Citation preview
Samhandlingsprosjektet
«Felles øyeblikkeleg hjelp-senger med døgnopphald»: for
kommunane Selje, Vågsøy, Eid, Hornindal og Stryn
Forprosjektrapport/fase 2,
Februar 2013.
.
Innhald
1 SAMANDRAG............................................................................................................................................. 1
2 INNLEIING .................................................................................................................................................. 2
2.1 OPPBYGGING AV RAPPORTEN. ....................................................................................................................... 2
2.2 AVKLARING AV OMGREP. .............................................................................................................................. 2
2.3 BAKGRUNN OG FØRINGAR FOR FORPROSJEKTARBEIDET. ............................................................................... 3
2.3.1 Nasjonale føringar: ............................................................................................................................. 3
2.3.2. Regionale føringar. .............................................................................................................................. 3
2.3.3 Lokale føringar. ................................................................................................................................... 3
3 MANDAT OG ORGANISERING FOR FASE 2. ................................................................................................... 3
3.1 PROSJEKTORGANISERING (SAME SOM I FASE 1). ....................................................................................................... 3
3.2 MANDAT . ........................................................................................................................................................ 4
3.2.1 Styringsmål/Prosjektmål fase 2. .......................................................................................................... 4
3.2.2 Vedtak i alle dei fem kommunestyra, hausten 2012: .......................................................................... 4
3.3 HOVUDFOKUS I FASE 2. ....................................................................................................................................... 5
4 ANSVAR, FINANSIERING OG INNHALD. .......................................................................................................... 6
4.1 ANSVAR FOR TILBODET. ...................................................................................................................................... 6
4.2 FINANSIERING. .................................................................................................................................................. 6
4.3 FAGLEG INNHALD I TILBODET ØH MED DØGNOPPHALD (). ......................................................................................... 7
5 ARBEIDSMETODE OG –PROSESS. ................................................................................................................... 8
5.1 MØTEVERKSEMD I FORPROSJEKTPROSESSEN. ........................................................................................................... 8
5.2 ROS-ANALYSE. ................................................................................................................................................. 8
5.2.1 Kritiske suksessfaktorar for å få til eit vellukka forprosjekt. ............................................................... 8
5.2.2 Risikielement og tiltak for å kunne sikre ei vellukka gjennomføring av prosjektet. ............................ 9
5.2.3 Risikomatrise. .................................................................................................................................... 11
5.3 KOORDINERING AV UTVIKLINGSPROSESSAR I HELSE FØRDE OG NORDFJORDKOMMUNANE. ............................................. 11
5.4 AVVIK OG ERFARINGAR I HØVE TIL PROSJEKTPLAN, FRAMDRIFT OG ØKONOMI. .............................................................. 13
5.5 AKTUELLE MODELLSKISSER FOR ØH-DØGNOPPHALD. .............................................................................................. 15
6 VURDERING. ............................................................................................................................................ 16
6.1 VURDERING AV MODELLAR. ORGANISERING OG FAGLEGE TILBOD. ............................................................................. 16
6.2 ØKONOMISKE VURDERINGAR. SYNERGIEFFEKTAR. .................................................................................................. 17
7. PROSJEKTGRUPPA SI TILRÅDING TIL DRIFTSMODELL ØH-SENGER MED DØGNOPPHALD. .......................... 18
8. REFERANSAR ............................................................................................................................................. 19
VEDLEGG 1 ...................................................................................................................................................... I
.......................................................................................................................................................................... I
1
1 Samandrag
Frå august 2012 til februar 2013 har 5 av kommunane i Nordfjordregionen: Eid, Stryn, Selje,
Vågsøy og Hornindal saman gjennomført eit forprosjekt for ein driftsmodell for øyeblikkeleg
hjelp (ØH)-senger med døgnopphald, lokalisert til Nordfjord Sjukehus (NSH). Forprosjektet
byggjer på fase 1 i prosjektet: Forstudierapporten blei ferdigstilt i juli 2012 og politisk
vedteken i kvar kommune i august/september 2012.
Målet med forprosjektet/fase 2 er å utarbeide ein føremålstenleg modell for drift av 5
interkommunale ØH-senger med døgnopphald, og samstundes få til ei tenleg samordning og
samlokalisering av tilbodet med andre interkommunale tenester ved lokalsjukehuset:
Legevakt, legevaktsformidling, kreftkoordinator og samfunnsmedisinske tenester.
Helse Førde har vore med i forprosjektprosessen, med det siktemålet at det samla
tenestetilbodet - både interkommunale helsetenester og spesialisthelsetenester ved Nordfjord
Sjukehus - skal kunne gi faglege og økonomiske synergieffektar, og dekkje innbyggjarane
sine behov for eit trygt, heilskapleg og saumlaust helsetenestetilbod.
Prosjektgruppa/kommunalsjefane har organisert interne arbeidsprosessar i kvar kommune, i
tillegg til fellesmøte med aktuelle faggrupper og samarbeidspartar. Planlegging av
organiseringa av legetenesta i ØH-tilbodet har vore den største utfordringa i forprosjektet, og
legetenesta vil ha eit særleg fokus i den første evalueringa av tilbodet.
Parallelt med forprosjektprosessen har det vore forhandlingar mellom kommunane og Helse
Førde om særavtale for fagleg drift, og avtale om leige av areal, utstyr etc. Det skal også
utarbeidast ein vertskommuneavtale mellom dei fem samhandlingskommunane før oppstart av
tilbodet.
Etter at fleire alternativ har vorte vurderte, konkluderer prosjektgruppa i rapporten med eit
framlegg om ein driftsmodell for 5 ØH-senger med døgnopphald, lagt til medisinsk avdeling
ved Nordfjord Sjukehus, med oppstart 01.10.13. I modellen ligg det også at kommunane skal
kjøpe sjukepleiarressursar og støttetenester frå Helse Førde. Det vert tilrådd at det frå
mai/juni 2013 skal opprettast ei stilling som tilsynslege, og ei stilling som administrativ
leiar/koordinator for ØH-ordninga og andre interkommunale tilbod ved NSH. Eid kommune
vert arbeidsgjevar for lege- og leiar-/koordinatorfunksjonen.
Prosjektgruppa tilrår at leiar/koordinator og tilsynslege vert tilsette frå mai/juni 2013, for å
kunne starte med systemarbeid og oppbygging av tilbodet. Den første evalueringa av
opplegget skal gjennomførast etter tre månaders drift av sengene, dvs. i januar 2014.
Samla driftstilskot i 2013 for dei fem samarbeidskommunane er stipulert til kr 5 470 000,-.
Søknadsfristen for det øyremerkte tilskotet er 01.03.13. Særavtalen og driftsavtalen mellom
kommunane og Helse Førde skal også ferdigstillast innan 01.03.13. og særavtalen skal liggje
ved ovannemnde søknad. Forprosjektrapporten, særavtalen og driftsavtalen skal til politisk
handsaming i mars/april 2013.
2
2 Innleiing
2.1 Oppbygging av rapporten.
Kap 1: Samandrag.
Kap. 2: Bakgrunn og føringar for prosjektet. Innhaldet er i tråd med prosjektplanen.
Kap. 3: Mandat, organisering av prosjektet og hovudfokus i fase 2/forprosjektet.
Innhaldet er i tråd med prosjektplanen.
Kap. 4: Ansvar for, finansiering av og innhald i ØH-ordninga. Det er gjort nokre
oppdateringar i høve til innhaldet i prosjektplanen. Kap. 4.3 er i tråd med innhaldet i
særavtalen.
Kap. 5: Metode og forprosjektprosess. Kap 5.4 skisserer avvik og erfaringar når det
gjeld planlegginga av forprosjektet: mandat, mål etc.
Kap. 6: Driftsmodellane vert drøfta, og prosjektgruppa sine konklusjonar vert dregne.
Kap. 7: Prosjektgruppa si tilråding.
Kap. 8: Referansar.
Vedlegg 1: Organisasjonskart for alle interkommunale tenester ved Nordfjord
Sjukehus.
2.2 Avklaring av omgrep.
I fase 1 er ulike omgrep når det gjeld øyeblikkeleg hjelp-tilbodet nytta: Intermediæravdeling,
Lokalmedisinske senger, Øyeblikkeleg hjelp-senger og Observasjonssenger. Med bakgrunn i
det statlege grunnlaget for tildeling av tilskot er det stipulert eit behov for å etablere 3,4 ØH-
senger for dei fem Nordfjordkommunane. Prosjektgruppa konkluderer med 5 senger: 3 ØH-
senger og 2 observasjonssenger i tilknyting til Nordfjord legevakt. I prinsippet er det same
pasientkategoriar i alle sengene, og i denne rapporten, og i det vidare prosjektarbeidet vil
omgrepet «Øyeblikkeleg hjelp med døgnopphald» bli nytta for alle dei 5 sengene. Det er dette
omgrepet som er mest i tråd med den aktuelle lovheimelen og den nye oppgåva som
kommunane har fått. Ei slik presisering vil hindre mistydingar og sikre ei betre felles
forståing.
Andre omgrep som vert nytta i rapporten:
Helse Førde HF er det rette nemninga på helseføretaket, men i denne rapporten vert
forkortinga HF nytta.
NSH, er ei forkorting for Nordfjord Sjukehus.
NLV er ei forkorting for Nordfjord legevakt.
NLVS er ei forkorting for Nordfjord legevaktsentral/formidling.
(AMK er forkorting på Akuttmedisinsk kommunikasjonssentral(naudmeldeteneste):
113).
3
2.3 Bakgrunn og føringar for forprosjektarbeidet.
2.3.1 Nasjonale føringar:
Det vert med dette vist til Lov om kommunale helse- og omsorgstjenester i kommunene,
2012, §3-5. Tilbodet om ØH-senger med døgnopphald er den einaste nye oppgåva
kommunane får gjennom den nye lova som følgjer av Samhandlingsreforma.
Helsedirektoratet har gjeve ut ein rettleiar1 som skal hjelpe kommunane i arbeidet med
oppbygging av tilbodet, og er grunnlagsdokument for samarbeidsavtalen mellom kommunane
og helseføretaka. Rettleiaren vert revidert og endra med bakgrunn i dei erfaringar som
kommunane etter kvart får.
http://helsedirektoratet.no/publikasjoner/kommunenes-plikt-til-oyeblikkelig-hjelp-
dognopphold-veiledningsmateriell/Publikasjoner/veiledningsmateriell-for-kommunenes-plikt-
til-hjelp.pdf
2.3.2. Regionale føringar.
Delavtale om ØH med døgnopphald mellom kommunane og Helse Førde, godkjend
gjennom politiske vedtak i kvar kommune i 2012.
Særavtale mellom Helse Førde og kommunane Selje, Vågsøy, Eid, Hornindal og
Stryn, med sikte på politisk godkjenning i mars/april 2013.
2.3.3 Lokale føringar.
Godkjenning av forstudierapport, juli 2012, politiske vedtak i dei fem
samhandlingskommunane i august/september 2012.
Prosjektplan for fase 2, godkjend av styringsgruppa i august 2012.
3 Mandat og organisering for fase 2.
3.1 Prosjektorganisering (same som i fase 1).
Nordfjordrådet: Politisk styringsgruppe og prosjekteigar.
Prosjektansvarleg: Eid kommune ved rådmannen.
Prosjektleiar: Kari Krogh, kommunalsjef i Eid.
Administrativ
styringsgruppe:
Rådmannsgruppa i Nordfjord og ein representant fra Helse Førde HF.
1 02/2012, rev. 01/2013.
4
Prosjektgruppe: Kommunalsjef Kari Krogh, Eid kommune.
Kommunalsjef Rune Engeseth, Eid kommune.
Helse- og sosialsjef Berit Wetlesen, Stryn kommune.
Kommunalsjef Åse Elin Hole, Selje kommune.
Fungerande kommunalsjef Jeanette Jensen, Vågsøy kommune.
Einingsleiar Ragnhild Aarflot Kalland, Hornindal kommune.
Einingsleiar Laila Haugland, HF.
Fagdirektør Hans Johan Breidablik, HF.
Kommunelege Anne Stubdal, legetenesta.
Tillitsvald Unni Hennøen, Norsk sykepleierforbund.
Tillitsvald Arne Spilde, Fagforbundet.
Brukarrepresentant (har ikkje møtt).
3.2 Mandat .
3.2.1 Styringsmål/Prosjektmål fase 2.
At det vert etablert 5 felles LMS/ØH-senger ved Nordfjord Sjukehus, lokaliserte til
medisinsk avdeling, i løpet av mars 2013.
At det vert inngått samarbeidsavtale mellom Nordfjord Sjukehus/Helse Førde HF og
kommunane januar/februar 2013, om leige/bruk av lokale og samarbeid om drift av
LMS-senger.
Leggje til rette for ei samordning av drifta av interkommunal legevakt,
legevaktformidling og kreftkoordinator - frå oppstart av interkommunal sengepost
våren 20132.
At samarbeidet mellom spesialist- og kommunehelsetenesta gir robuste løysingar og
eit heilskapleg tenestetilbod for pasientar og brukarar.
3.2.2 Vedtak i alle dei fem kommunestyra, hausten 2012:
1. Felles døgnavdeling/intermediæravdeling for Nordfjordregionen 2012 vert
godkjend.
2. Forprosjektet 2012 skal starte opp i september 2012, med same
prosjektorganisering som i fase 1.
2 i tillegg til samfunnsmedisinske tenester, planlagt oppstart i okt./nov. 2013.
5
3. Det skal setjast ned eit avtale-/forhandlingsutval mellom kommunane (rådmenn og
kommunalsjefar) og Helse Førde HF. Rådmennene utnemner dei kommunale
representantane i utvalet.
4. Forprosjektet skal finansierast med kr 300 000,- i statlege samhandlingsmidlar, i
tillegg til arbeidsinnsatsen til kommunalsjefane.
3.3 Hovudfokus i fase 2.
Figur 2.6 under viser de ulike prosjektfasene med skissering av innhald (politisk handsaming
mellom kvar fase: godkjenne ei vidareføring til neste fase).
Fase 1 Fase 2 Fase 3 Fase 4
Forstudie Forprosjekt Hovudprosjekt Evaluering
Hovudfokus Hovudfokus Hovudfokus Hovudfokus
Kartleggje kapasitet og
kompetanse i kvar
kommune. Analysere og
vurdere utfordringane.
Utarbeide en aktuell
modell som kan løyse
utfordringane i
Nordfjordregionen når
det gjeld døgnplassar.
Utprøve ein aktuell
modell frå 01.10.13.
Tilsetje tilsynslege
og administrativ
leiar/koordinator
mai/juni 2013.
Gjennom fase
3.
Særleg fokus på
legetenesta i
tilbodet.
Identifisere og vurdere
behovet for
interkommunalt
samarbeid, organisering
og omfang.
Finne løysing på
organisering av
legeteneste knytt til
tilbodet.
Setje ned ei
styrings-
/driftsgruppe og ei
faggruppe.
Evaluere etter
3, 6 og 12
månaders drift.
Rapportere til
politisk nivå.
Utarbeide ein
samarbeidsmodell.
Utarbeide framlegg til
særavtale med HF.
Utarbeide
vertskommuneavtale.
Vedtak av særavtale og
driftsavtale.
Søkje om driftsmidlar
for 2013.
Søkje om vidare
driftsmidlar ØH.
Vedta
vertskommuneavtale
Politisk behandling og
vedtak.
Politisk behandling og
vedtak i mars/april
2013.
Politisk behandling i
mai/juni 2013.
Vår/haust 2012 August 2012 –
vår 2013.
2013/2014 2013/2014
Figur 1.
6
4 Ansvar, finansiering og innhald.
4.1 Ansvar for tilbodet.
Tilbodet er heimla i «Lov om kommunale helse- og omsorgstenester m.m»., 2012, § 3-5.
Plikta vert innført frå 2016, men med økonomisk stimulering for tidlegare igangsetjing.
Kostnad per liggjedøgn er sett til kr 4 330,-, som grunnlag for øyremerkt tilskot.
Tilbodet er fullt ut eit kommunalt ansvar, men kommunane kan i utgangspunktet kjøpe
tenesta hos t.d. helseføretaket3.
4.2 Finansiering.
Kommunane får øyremerkte tilskot til ordning fram til 2016, då midlane vert innbakte i
rammetilskotet. Halvparten av midlane skal utbetalast som øyremerkt tilskot frå
Helsedirektoratet, og den andre halvparten vert utbetalt av helseføretaka. Kommunane må
søkje om tilskot, og helseføretaka skal godkjenne opplegget til kommunane før utbetaling. For
å få utbetalt midlar må kommunen dokumentere at det er sett i verk tiltak, eller at kommunen
har vedteke å setje i gang tilbodet. Dette skal dokumenterast gjennom ein særavtale mellom
kommunane og helseføretaka. Tabell 4.2 viser oversikt over økonomiske verkemiddel til
kommunane i Nordfjord-regionen. Nordfjordkommunane vil til saman få kr 5 470 000,- i
tilskot (2013-kroner).
Tilskot i 2012 og 2013. Tilskotet er auka med 3,2% i 2013 i høve til 2012= Kr 169 632.
Ø-hjelp
døgnopphold
(2016)**
Eid Stryn Selje Vågsøy Hornindal Sum
1 277 000
1 588 000 703 000 1 442 000 291 000 5 301 000
Oppjustert 2013,
+ 3,2 %
1 317 864 1 638 816 725 496 1 488 144 300 312 5 470 632
Behov for liggje-
døgn, ø-hjelp
døgnopphald
295 367 162 333 67 1 224
Tabell 4.2. Kjelde: Rapport om kommunane si plikt til øyeblikkeleg hjelp døgnopphald. Utgjeven av
Helsedirektoratet 02/2012, revidert i januar 2013.
Når det gjeld medfinansieringsordninga, er intensjonane at ein effektiv bruk av ØH-sengene
skal kunne redusere medfinansieringsutgiftene. Det er knytt stor uvisse til eit slikt
reknestykke, og evt. innsparingar kan i alle høve ikkje knytast direkte til ramma/budsjettet for
ØH-tilbodet.
3 Jfr. Rettleiar, 2013, s. 28.
7
Nordfjordkommunane har også til saman fått kr 950 000,- av statlege samhandlingsmidlar til
prosjektarbeidet, fase 1 og 2. Det skal søkjast om nye samhandlingsmidlar til fase 3 i
prosjektet. Søknadsfrist er 22.03.13.
4.3 Fagleg innhald i tilbodet ØH med døgnopphald (4).
Pasientar som er aktuelle for det kommunale tilbodet om øyeblikkeleg hjelp døgnopphald, er
pasientar med forverring av kjende tilstandar, med avklart diagnose og funksjonsnivå.
Fastlege/kommunal legevaktslege skal sjå til pasienten og avgjere om pasienten sin tilstand
(alvorsgrad og funksjonsnivå) tilseier ei innlegging i det interkommunale ØH-tilbodet.
Lista med aktuelle pasientkategoriar(særavtale, kap. 5) er ikkje uttømande. Nokre kommunar
i landet startar opp med eit smalare ØH-tilbod. Prosjektgruppa tilrår å starte opp breitt, i tråd
med Helsedirektoratet sin rettleiar, og evt. korrigere tilbodet dersom erfaringar tilseier andre
aktuelle definisjonar av diagnosar og tilstandar:
Behandling av dehydrering og/eller ernæringssvikt.
Behandling av infeksjonar i urinvegar, luftvegar og hud/bindevev.
Aktiv palliasjon/smertelindring ved kreftsjukdom, terminal nyre-, lunge-, lever- og
hjertesvikt, og annan terminal sjukdom.
KOLS/forverring av KOLS.
Pasientar med brystsmerter av avklart årsak, t.d. kjend angina pectoris og
smerteanfall.
Causa sosialis med funksjonssvikt der situasjonen kan bli avklart i løpet av få
dagar med observasjon og diagnostikk.
Regulering av diabetes når dette ikkje kan gjerast hos fastlege.
Mageplager med moderate symptom for avklarande undersøking og observasjon.
Skadar utan behov for spesialisert behandling (smertelindring/mobilisering etc.).
Tilbodet kan også gjelde for pasientar med behov for observasjon og behandling når ei kortare
innlegging i institusjon/sjukeheim er naudsynt. Dette kan t.d. vere fall utan brot - som likevel
treng behandling, feber, eliminasjonsproblem som vasslatingsproblem, diare eller obstipasjon.
Prosjektgruppa tilrår ei liggjetid på maksimum 3 døgn/72 timar. Dette er i tråd med rettleiar,
der det heiter at Helsedirektoratet tilrår at det vert fastsett ei maksimum liggjetid på t.d. 72
timar før pasienten enten vert utskriven til heimen eller vert overført til eit anna
omsorgstilbod. Dette samsvarer med tal liggjedøgn som er lagt til grunn i
beregningsgrunnlaget for kostnader knytte til tilbodet om øyeblikkeleg hjelp med
døgnopphald i kommunane.
4 I tråd med «Kommunenes plikt til øyeblikkelig hjelp døgnopphold. Veiledningsmateriell», 02/2012, og
særavtalen med HF.
8
5 Arbeidsmetode og –prosess.
5.1 Møteverksemd i forprosjektprosessen.
Møte om ØH-døgnopphald. Antal. Kommentarar.
Prosjektgruppemøte. 13 Arbeidsmøte, heile
arbeidsdagar.
Fellesmøte med
styringsgruppa.
4 Rapportering, drøfting og
godkjenning av
prosjektgruppene sine val.
Samhandlingsmøte med
fastlegane
3 Fastlegar frå alle 5
kommunar har delteke.
Særavtale, forhandlingsmøte
mellom HF og kommunane.
5 Kommunale representantar:
Berit Wetlesen, Kari Krogh,
Reidar Sandviknes og Ørjan
Raknes Forthun.
Studietur. 1 Til Nord-Gudbrandsdal
lokalmedisinske senter, Otta.
Møte med ordførarane. 1 Orientering til ordførarane
10.12.12 om status i
prosjektet.
Pressemelding. 1 Sendt ut 11.12.12, jfr. møtet
med ordførarane dagen før..
I tillegg til ovannemnde aktivitetar/møte, har medlemene i prosjektgruppa/kommunalsjefane
hatt interne møte med aktuelle fagpersonar i sine kommunar. Legerepresentanten i
prosjektgruppa har også hatt møte med fastlegane. Det har også vore møte i styret for
Nordfjord legevakt og forhandlingsmøte med legane om organisering av legetenesta i ØH-
tilbodet ved behov for akutte legetilsyn.
5.2 ROS-analyse.
5.2.1 Kritiske suksessfaktorar for å få til eit vellukka forprosjekt.
Prosjektgruppa gjennomførte ein ROS-analyse tidleg i forprosjektprosessen. Det vart teke
utgangspunkt i suksessfaktorar utarbeidde i prosjektplanen:
Prosjektleiarfunksjonen, setje av tid.
Kapasitet og ressursar til å kunne følgje framdriftsplanen og å halde milepælsfristar.
Å utarbeide ein så konkret særavtale som mogleg når det gjeld oppgåvefordeling og
økonomiske tilhøve.
At prosjektet vert samordna med milepælar i utviklingsprosjekta i Helse Førde HF.
At planlagde tenester i lokalsjukehuset kjem i gang til oppsett tid.
9
5.2.2 Risikielement og tiltak for å kunne sikre ei vellukka gjennomføring
av prosjektet.
I dette kap. vert både risikielementa og tiltak som er sette i verk for å kunne meistre dei
største utfordringane i prosjektet presenterte. 9 risikielement blei valde ut for ein nærare
analyse.
Som ROS-analysen viser, er det særleg to risikielement som har vore utfordrande, både i
interne kommunale prosessar og i samhandling med Helse Førde:
Risikoelement 4, ansvars- og oppgåvefordeling er ei stor utfordring. Ikkje i høve til lovheimel
og kvar ansvaret juridisk skal liggje, men korleis ordninga praktisk skal gjennomførast.
Risikoelement 8, legetenesta, er kanskje den største utfordringa også i det vidare for å kunne
få til eit sterkt fagleg tilbod. Både gjennom nedsett forhandlingsutval, i prosjektgruppa og i
møte med fastlegane har det vorte arbeidd systematisk for å få til ei ordning som alle partar
kan akseptere.
Risikielementa tek utgangspunkt i dei kritiske suksessfaktorane. Den kritiske suksessfaktoren
vert omgjort til risikoelement ved å formulere den som «risiko for at ein ikkje gjennomfører
den kritiske suksessfaktoren» (kva kan gå gale, og kor gale kan det gå).
Analysen har vore ei viktig rettesnor for prosjektgruppa sine tiltak og opplegg.
Risikielement. Tiltak.
1 At ein ikkje greier å utarbeide klare og
forpliktande innleggingskriterium.
Lite sannsynleg, alvorlege
konsekvensar.
I særavtalen mellom Helse Førde og
nordfjordkommunane, som er under utarbeiding,
vert det teke utgangspunkt i same diagnosar og
innleggingskriterium som i rettleiaren for ØH og
særavtalane som dei to sognekommunane har
inngått med HF. Kriteria må fortløpande evaluerast
og utviklast.
2 At HF og kommunane ikkje greier å
samordne milepælar og prosessar. Lite
sansynleg, alvorlege konsekvensar.
Det er utarbeidd eit felles dokument med eit samla
oversyn over milepælar og avgjersletidspunkt for
alle utviklingsprosjekt i HF og
nordfjordkommunane.
Det er etablert ein «gjennomgåande
representasjon», med kommunale representantar i
Framtidas lokalsjukehus»-prosjektet, og
representantar frå HF i ØH-prosjektet.
3 At HF ikkje greier å etablere/drifte
planlagde polikliniske tilbod ved
NSH. Moderat sannsynleg, alvorlege
konsekvensar.
Etableringa av dei polikliniske tilboda ved
Nordfjord Sjukehus går etter planen.
4 At HF og kommunane ikkje greier å
verte samde om oppgåvefordeling og
ansvarsfordeling. Moderat
Det er sett ned eit forhandlingsutval i arbeidet med
særavtale. Interne prosessar og diskusjonar føregår
internt både i kommunane og HF.
10
sannsynleg, svært alvorlege
konsekvensar.
ØH-senger integrerte i ei sjukehusavdeling byr på
særskilte utfordringar, og det finst lite
erfaringsgrunnlag. Det skal difor gjerast ei tidleg
evaluering etter driftsoppstart.
5 At utgiftene vert større enn tilskotet
frå staten. Mykje sannsynleg,
moderate konsekvensar.
Dersom framlegga frå prosjektgruppa vert
godkjende, og kommunane får eit akseptabelt tilbod
frå HF, vil kommunane kunne halde seg innafor
gjevne økonomiske rammer.
6 At det ikkje vert politisk semje om
oppstart av ØH-senger i alle 5
kommunar. Lite sannsynleg, svært
alvorlege konsekvensar.
Politisk prosess i januar/februar 2013 (endra til
mars 2013). Prosjektrapporten dannar grunnlaget
for ei felles saksutgreiing.
7 At HF ikkje tilbyr differensierte
tenester ved medisinsk avdeling/ØH-
tilbodet. Lite sannsynleg, moderate
konsekvensar.
Det skal utarbeidast ein opplæringsplan for dei
tilsette ved medisinsk avdeling – med mellom anna
kommunal forvaltning og tenesteyting som tema.
Prosjektgruppa har gjort framlegg om oppretting av
ei kommunal leiar-/koordinatorstilling, som vil
vere heilt sentral i system- og kvalitetsarbeidet,
perspektivet på eit kommunalt behandlingsnivå til
ØH-pasientane - og på samhandling med
kommunane.
8 At kommunane ikkje greier å
oppretthalde og styrkje den
interkommunale legevakta
tilstrekkjeleg. Lite sannsynleg, svært
alvorlege konsekvensar.
Kommunal legevaktsformidling er etablert frå
03.12.12.
Framlegg om å tilsetje 30% tilsynslege i ØH-
tilbodet.
Evaluere ØH-tilbodet, særleg med tanke på
legetenesta, etter 3 månader.
Avtale med HF om høve til forenkla
innleggingsprosedyre i med.avd. NSH ved behov
(særavtale).
HF er villig til å bistå ved alvorlege
samtidskonfliktar, jf. særavtale.
Framlegg om å styrkje Nordfjord legevakt.
9 At kommunane ikkje greier å få til
synergieffektar mellom ØH-tilbodet,
Nordfjord legevakt og
legevaktformidlinga. Lite sannsynleg,
alvorlege konsekvensar.
Prosjektgruppa har gjort framlegg om felles leiing
for dei interkommunale tenestene, og å leggje til
rette for ein kombinasjon av stilling som t.d.
medisinskfagleg rådgjevar for NLV og tilsynslege.
Likeeins leggje til rette for å kombinere
leiarfunksjonar for ØH og legevaktformidling, evt.
andre funksjonar.
11
5.2.3 Risikomatrise.
KONSEKVENS
SA
NN
SY
NL
EG
HE
IT
Ubetydeleg
1
Lav
2
Moderat
3
Alvorleg
4
Svært
alvorleg/kritisk
5
Svært
stor 5
Stor
4
5
Moderat
3
3 4
Liten 2 7 1
2
9
6
8
Svært
liten
1
5.3 Koordinering av utviklingsprosessar i Helse Førde og
Nordfjordkommunane.
Utviklingsprosessane i Helse Førde og Nordfjord kommunane har tidlegare føregått parallelt,
utan ei tenleg samordning. I august 2012 utarbeidde difor Helse Førde og
Nordfjordkommunane eit felles dokument med oversyn over kvarandre sine milepælar, møte
og tidspunkt for viktige avgjersler. Dokumentet inneheld også eit oversyn over medlemer i
forhandlingsutval som er sette ned av kommunane og Helse Førde. Dokumentet har vore eit
nyttig verkty i arbeidet med å synkronisere planleggingsprosessar og etablere tilbod.
Elles er kommunane representerte i utviklingsprosjektet ved Nordfjord Sjukehus, og HF i
prosjekt- og styringsgruppa for ØH-prosjektet. Ein slik «gjennomgåande representasjon» har
også vore viktig for utveksling av informasjon, synkronisering av prosessar og tilpassingar
undervegs.
Tabellen under viser pågåande parallelle utviklingsprosjekt, som alle er ein viktig kontekst for
ei vellukka etablering av ØH-tilbodet.
12
Interkommunale samhandlingsprosjekt.
Prosjekt: Status:
Felles kreftkoordinator for fem Nordfjordkommunar. Oppstart 01.10.12. Revidering og søknad
om vidareføring av ordninga kvart år i
inntil 4 år.
Interkommunal legevaktformidling. Oppstart 03.12.12.
Gloppen kommune har trekt seg frå
samarbeidet.
Interkommunal legevakt. ØH-tilbodet er avhengig av ei styrking av
legevakta. Det er utarbeidd ein modell for
ei slik styrking: politisk sak til
handsaming samstundes med ØH-tilbodet
Felles samfunnsmedisinske tenester for seks
nordfjordkommunar.
Planlagt oppstart i siste halvdel av 2013.
Gloppen kommune har trekt seg frå
samarbeidet.
Utviklingsprosjekt i Helse Førde/Helse Vest.
Prosjekt: Status:
Utviklingsprosjektet «Framtidas lokalsjukehus».
Skadepoliklinikk. Er etablert.
Infusjonspoliklinikk. 2013.
Dialyse. Er etablert.
Poliklinikk for pasientar med behov for
langvarige og koordinerte tenester (LMS).
Stilling som LMS-koordinator lyst ut i
januar 2013.
Poliklinikk for eldre med psykiske og fysiske
utgreiings- og behandlingsbehov
2013.
Auge poliklinikk. Heimel for augelege er lyst ut i januar
2013.
Hjerterehabilitering. Haust 2013.
Reumatologi/nevrologi Er etablert.
13
Helse Førde 2020.
Pasienttryggleik, smittevern. Er under planlegging.
Legemiddelhandtering. Kvalitetskoordinator er tilsett.
God start. Er etablert.
Telemedisin. Er under planlegging.
Kompetanseutvikling/hospitering. Delar av prosjektet er gjennomført, nye
tilbod er under planlegging.
«Ny medisinsk avdeling». Er etablert.
Avtalar: Status:
Rammeavtale mellom kommunane og Helse
Førde.
01.02.12. Gjennomgang av avtalen i desember kvart år.
Delavtale mellom kommunane og Helse Førde om
øyeblikkeleg hjelp med døgnopphald.
01.07.12. Gjennomgang av avtalen i desember kvart år.
Særavtale om øyeblikkeleg hjelp med
døgnopphald.
Februar 2013. Årleg gjennomgang av avtalen.
Driftsavtale om leige av areal ogutstyr. Februar 2013. Årleg gjennomgang av avtalen.
Vertskommuneavtale om ØH med døgnopphald,
mellom kommunane Selje, Vågsøy, Eid,
Hornindal og Stryn.
Mars/april 2013. Årleg gjennomgang av avtalen.
5.4 Avvik og erfaringar i høve til prosjektplan, framdrift og økonomi.
Avvik og erfaringar i høve til
prosjektplan:
Årsak, kommentarar:
Tidsplan/framdrift: Politisk
handsaming av rapport/oppstart av
ØH-senger var planlagt til januar
2013.
Møteplanen er blitt noko endra undervegs, med
nokre fleire arbeidsmøte.
Prosessen med legane har også teke lengre tid
enn planlagt. Ei robust fagleg løysing for ØH-
tilbodet er heilt avhengig av ei godt utbygd
legevakt. Det er blitt gjennomført fleire
drøftingsmøte med fastlegane, også med ei
representativ gruppe av fastlegane.
Legane krev ei styrking på helg for å kunne greie
oppgåvene i ØH-tilbodet. Parallelt med ØH-
tilbodet har kommunalsjefane arbeidd med
14
framlegg til ny legevaktmodell/eiga sak, til
handsaming samstundes med ØH-tilbodet.
Særavtale/forhandlingar mellom
kommunane og Helse Førde. Forhandlingane har vore både tidkrevjande og
utfordrande.
Organiseringa av legetenesta og kostnader for
kjøp av tenester har vore mest utfordrande.
Å skape ei felles forståing - kommunane og HF -
av kva som ligg i omgrepet synergieffektar har
også vore krevjande.
Synkronisering av prosessar. Kommunane og HF har langt på veg lukkast
med ei betre samordning av
utviklingsprosessar i kommunane og
spesialisthelsetenesta, jf målet om eit
heilskapleg tilbod for pasientar og brukarar.
Men ulike system for avgjersleprosessar i HF
og kommunane er med på å vanskeleggjere
optimale samordningar.
Helse Førde har hatt problem med å avklare
interne tilhøve i tide – tilhøve som har vore
viktige når det gjeld framdrifta i prosjektet.
Ei aktiv deltaking i kvarandre sine prosjekt
har ført til ei betre felles forståing både for
faglege og økonomiske utfordringar.
Økonomi i forprosjektet.
Samhandlingsmidlar. Prosjektgruppa har halde seg innanfor
prosjektet sine økonomiske rammer.
Forprosjektet hadde 300 000 til rådvelde.
Det har vore krevjande med eit så omfattande
prosjektarbeid utan innleigd ekstern
prosjekthjelp.
Ny søknad om samhandlingsmidlar til fase
3/iverksetjingsfasen, vert sendt innan
22.03.13.
Synergieffektar. Kommunane har også greidd å etablere
ordninga med felles kreftkoordinator, og å
etablere ei kommunal legevaktsformidling.
Begge ordningane er særs viktige for å kunne
nå målet om både faglege og økonomiske
synergieffektar av ei samordning og
samlokalisering av tenestene.
Legevaktformidling er etablert, og det ligg
føre plan for nye lokale til legevakta.
15
5.5 Aktuelle modellskisser for ØH-døgnopphald.
I det følgjande vert utgangspunktet for mulege driftsordningar presenterte. Modellskissene
blei utarbeidde tidleg i prosessen, og har danna grunnlaget for drøftingar både i
prosjektgruppa, styringsgruppa og med faggrupper.
Alternativ 1 Alternativ 2
Leige lokale ved NSH. Leige lokale ved NSH.
Fem senger inkludert i medisinsk avdeling. Fem senger inkludert i medisinsk avdeling.
Kjøpe lege- og sjukepleiarressursar frå HF. Kjøpe sjukepleiarressursar frå HF.
Nytte legeressursar frå den kommunale legevakta på
natt/og heile døgnet i helg/høgtid. Evt. i kombinasjon
med kjøp av legeteneste frå HF.
At sjukehuslege vert nytta når legevaktlege er oppteken
(beredskap ved samtidskonfliktar).
Kjøpe legeressursar på dagtid frå Helse Førde.
Kjøpe støttetenester frå HF. Kjøpe støttetenester frå HF.
Felles kommunal leiar for alle kommunale tenester
ved NSH.
Felles kommunal leiar for alle kommunale tenester ved
NSH.
Alternativ 3. Alternativ 4.
Leige lokale ved NSH. Leige lokale ved NSH.
5 senger inkludert i medisinsk avdeling. 5 senger inkludert i medisinsk avdeling.
Nytte legeressursar frå den kommunale legevakta
på natt og heile døgnet i helg/høgtid, i kombinasjon
med lege frå Eid på dag fram til kl. 22 på
kvardagar.
Tilsetje tilsynslege for systemansvar for legeteneste
ved ØH-tilbodet og planlagde tilsyn på kvardagar.
Dimensjonere legevakta til nye oppgåver.
Heildøgns kommunal legevakt som har tilsynsansvar.
Dimensjonere legevakta til nye oppgåver.
Kjøpe sjukepleiarressursar frå HF. Kjøpe sjukepleiarressursar frå HF.
Kjøpe støttetenester frå HF. Kjøpe støttetenester frå HF.
16
6 Vurdering.
6.1 Vurdering av modellar. Organisering og faglege tilbod.
Modell 1 og 2 er uaktuelle på grunn av at det ikkje er aksept i HF for at føretaket skal yte
legeteneste i tilbodet. Lovverket opnar opp for kjøp også av legetenester, men det må då vere
semje mellom kommunane og helseføretaka om vilkåra for ei slik ordning5. HF meiner at det
er naturleg at legetenesta i tilbodet vert knytt opp mot legevaktsordninga i kommunane.
Modell 4 er ein aktuell framtidig modell, dersom det vert heildøgns interkommunal legevakt.
Prosjektgruppa har difor teke utgangspunkt i modell 3 sitt framlegg til driftsmodell (jfr.
kap.7), som omfattar kjøp av sjukepleiepleietenester og alle støttetenester frå HF, og at
kommunal tilsynslege og fastlegane/NLV yter legeteneste og beredskap i tilbodet. I
særavtalen om ØH-tilbodet heiter det også at legar ved Nordfjord Sjukehus kan bistå ved
uløyselege samtidskonfliktar/kriser i legevakta og ØH-tilbodet. NSH tek då evt. over
behandlingsansvaret i ein kort periode.
For å få til denne modellen har det vore naudsynt å styrkje NLV med eksterne vikarar
(vikarpool). Ordninga gjev rom for både beredskap for akutte behov ved ØH-sengene den tida
det er lokal legevakt på ettermiddag/kveld på kvardagar, og for at det kan vere 2 legar i NLV
på dagtid i helg og høgtid.
Prosjektgruppa meiner at dette vil gi ei fagleg god og stabil ordning, i kombinasjon med
tilsynslegeordninga på vekedagar, og plikta til spesialisthelsetenesta om å vere tilgjengelege
for råd og rettleiing til personalet i ØH-tilbodet i løpet av kort tid.
At sengene skal leggjast til medisinsk avdeling, er først og fremst ein styrke, men også ei stor
utfordring. Personalet vil i det daglege måtte skilje mellom spesialisert og kommunal
tenesteyting. Ulike datasystem, dokumentasjon og kommunikasjon vil også krevje særleg
kompetanse og struktur.
Samstundes vil samlokaliseringa med medisinsk avdeling og NLV trygge personalet og sikre
kravet om forsvarlege tenester, t.d. med rask respons frå legar ved behov. Prosjektgruppa
meiner også at ei satsing på ein kommunal leiar/koordinator for alle interkommunale tenester
vil kunne ivareta tilbodet på systemnivå og vere eit operasjonelt bindeledd både mot
kommunane og mot HF.
Det skal også setjast ned ei felles faggruppe og ei styringsgruppe for alle interkommunale
tilbod ved NSH, med representantar frå både kommunane og Helse Førde.
5 Rettleiar Helsedirektoratet, 2012, s. 24, rev. rettleiar 2013, s. 28..
17
6.2 Økonomiske vurderingar. Synergieffektar.
Samordningseffektar har vore det berande og grunnleggjande i heile prosjektprosessen, jfr.
målet om heilskaplege og økonomisk effektive tenester.
Prosjektgruppa gjennomførte ei risikovurdering tidleg i forprosjektprosessen, og var budde på
utfordringar i høve til både oppgåvefordelinga med HF og organiseringa av legetenesta i
tilbodet6. Dessutan oppdaga prosjektgruppa at lovgjevinga og avtaleverket mellom KS og
Legeforeningen ikkje samsvarar med nye ØH-oppgåver for kommunane. D.v.s. at fastlegane
innafor gjeldande avtaleverk ikkje kan påleggjast faste tilsyn i ØH-tilbodet innafor deira 7,5
timar pr. veke til offentleg arbeid.
Det vart difor naudsynt å starte ein prosess for å oppdimensjonere NLV, særleg med tanke på
faste tilsyn i ØH-tilbodet i helgar og høgtider. Driftstilskotet må dekkje kostnader ved
naudsynt beredskap, utrykking og planlagde tilsyn alle 7 vekedagar. Sjukepleiarar i NLVS må
vidare ta ansvar for ØH-sengene 4 netter i veka. Ovannemnde viser at tilboda om ØH,
legevakt og legevaktformidling heng nøye saman, både fagleg og økonomisk, og vil med
denne organiseringa kunne gi ønskte og forventa synergieffektar.
Med eit slikt samordnande fokus og sambruk av personell, har prosjektgruppa greidd å halde
seg innafor gjeldande økonomiske driftsrammer for ØH-tilbodet.
Modellen i kap. 7 oppsummerar tilrådinga frå prosjektgruppa: innhaldet i
tenester/støttetenester og organiseringa av tilbodet7. Nærare detaljar vil bli nedfelte i
særavtalen, i driftsavtalen og vertskommuneavtalen, og i rutinar og retningsliner for drifta av
tilbodet.
6 Risikielement 4 og 8.
7 Godkjend i styringsgruppa 30.11.12..
18
7. Prosjektgruppa si tilråding til driftsmodell ØH-senger med
døgnopphald.
Tenester. Organisering. Lokale. Kommunane skal leige lokale ved NSH.
Det skal etablerast eigne rom for det kommunale tilbodet i medisinsk
avdeling.
Sengene vert lagde til medisinsk avdeling, to doble- og eitt enkeltrom. Medisinsk
forbruks-
materiell.
Kjøpe materiell frå HF
Blodprøver.
Enkle
undersøkingar.
Elektro-medisinsk
utstyr.
Analysar vert gjorde av laboratoriet ved NSH.
Undersøkingar med naudsynt utstyr vert utførte av personalet i medisinsk
avdeling. Naudsynt utstyr som er aktuelt for pasientane i ØH-sengene
vert opplista i særavtalen.
Mat. Kjøpe alle måltid frå HF. Medisin. Innkjøp og administrasjon ved kommunane. Pleieressursar. Kommunane skal kjøpe tenesta frå HF.
Kommunane/tilskotet skal dekkje utgifter til naudsynt styrking av
medisinsk avdeling, ca. 4 årsverk.
HF vert arbeidsgjevar for pleiepersonalet/sjukepleiarane.
Ca. 1,2 årsverk frå legevaktformidlinga skal nyttast på natt i ØH-tilbodet. Legeteneste.
8 Opprette ei 30 % stilling som tilsynslege (med systemansvar) på
kvardagar, med Eid kommune som arbeidsgjevar.
Tilsynslegen har fast oppmøte og utrykking 5 dagar i veka på dagtid.
Nordfjord legevakt har ansvar for planlagde tilsyn helg/ høgtid og
utrykking ved behov.
Tilsynslegefunksjon kan t.d. kombinerast med tilsynslegefunksjon i
sjukeheim, og/eller funksjon som medisinskfagleg rådgjevar for
legevakta, samfunnsmedisinsk funksjon etc.
Det må etablerast ei vikarordning for tilsynslege. Leiar/
koordinator. Opprette ei fast 70 % stilling, i kombinasjon med leiarressursar ved
legevakta og legevaktformidlinga. Det vert til saman 100% stilling, med
Eid kommune som arbeidsgjevar.
Skal arbeide tett mot einingsleiar ved medisinsk avdeling, mot fastlegane
og mot andre helse- og omsorgstenester i kommunane.
Administrere inn- og utskrivingar i ØH-sengene.
Skal også vere dagleg leiar for andre interkommunale funksjonar (30 %):
administrativ leiing ved LVS og NLV, og ha fagleg ansvar for
kreftkoordinatorfunksjonen. Legevakt-
sentral/LVS. Sjukepleiar ved NLVS skal ha ansvar for ØH-sengene på natt kvardagar
frå søndag til torsdag. Erfaringa er at det er særs få telefonar på
natt/kvardagar. Dei har med legevakttelefon, og kan raskt setje over
telefonar til legevaktslege. Maksimum
liggjetid. 3 døgn/72 timar.
Tabell 7.
8 Utrykking av bakvakt frå NLV er avhengig av vedtak om styrking av legevakta.
19
8. Referansar
Stortingsmelding nr. 47 (2008-2009) «Samhandlingsreformen – rett behandling – på
rett sted – til rett tid». Helse og omsorgsdepartementet.
Stortingsmelding nr. 16 (2011-2012). Nasjonal helse- og omsorgsplan (2011-2015) http://www.regjeringen.no/nb/dep/hod/dok/regpubl/stmeld/2010-2011/meld-st-16-
20102011.html?id=639794
Lov om kommunale helse- og omsorgstjenester. Lov 2011-06-24 nr. 30. http://www.lovdata.no/all/hl-20110624-030.html#map0
Kommunenes plikt til øyeblikkelig hjelp døgnopphold. Veiledningsmateriell, utgitt av
Helsedirektoratet 02/2012. Revidert 01/2013. http://helsedirektoratet.no/publikasjoner/kommunenes-plikt-til-oyeblikkelig-hjelp-dognopphold-
veiledningsmateriell/Publikasjoner/veiledningsmateriell-for-kommunenes-plikt-til-hjelp.pdf
Helse Vest. Framtidas lokalsjukehus. Utviklingsprosjekt ved Nordfjord sjukehus.
Samhandlingsreforma: Rammeavtale og delavtale mellom kommunane og Helse
Førde HF.
IS-1/2013 Rundskriv. Nasjonale mål og prioriterte områder for 2013.
Helsedirektoratet.
Forstudierapport for samhandlingsprosjekt «Felles døgnavdeling/intermediæravdeling
for Nordfjordregionen», juli 2012.
Prosjektplan for ØH-senger, godkjend i august 201
i
VEDLEGG 1
Recommended