ZURRIOLA IKASTOLA GURASO BILERA LH 6 2019- 2020 · Konpetentzien lanketan oinarritzen da: Edukiak ikasi eta metatzea ez da azken helburua. ... gaitasuna eta jakin-mina garatzeko beraz

ZURRIOLA IKASTOLA

GURASO BILERA

LH 6

2019- 2020

2019/20 ikasturtea LH 6. maila

AURKIBIDEA

1. ARLOAK, IRAKASLEAK ETA ORDUTEGIA

2. METODOLOGIA ETA ARLOAEN INGURUKO OHARRAK

3. UZTARRI BERETIK TIRAKA

4. IRTEERAK ETA JARDUERA OSAGARRIAK

5. ZENBAIT BARNE-ARAU

6. OSASUN ARRETA

7. TESTU LIBURUAK MAILEGUAN

8. GURASOEKIN HARREMANA

9. EUSKARAZ BIZI PROIEKTUA

10. GURASOEN PARTAIDETZA IKASTOLAN

11. GELAKO GURASO ORDEZKARIAK


1. ARLOAK, IRAKASLEAK ETA ORDUTEGIA

Ikasgaia Irakasleak

A B C

Tutoretza Joxean Labaien Mikel Soroa Uxoa Irigoien

Ingurunea Joxean Labaien Mikel Soroa Uxoa Irigoien

Euskara Joxean Labaien Mikel Soroa Uxoa Irigoien

Herritartasuna Joxean Labaien Mikel Soroa Uxoa Irigoien

Gaztelania Andrea Barra Andrea Barra Andrea Barra

Matematika Joxean Labaien Mikel Soroa Joxean Labaien

Ingelera Uxoa Irigoien Uxoa Irigoien Uxoa Irigoien

Gorputz Hezkuntza Mikel Soroa Mikel Soroa Mikel Soroa

Arte Hezkuntza Igor Bilbao Leire Erguin Uxoa Irigoien

Musika Igor Bilbao Igor Bilbao Igor Bilbao

6A

ASTELEHENA ASTEARTEA ASTEAZKENA OSTEGUNA OSTIRALA

9:00-10:00 EUSKARA MATEMATIKA INGURUNEA SOINKETA MATEMATIKA

10:00-11:00 GAZTELANIA INGURUNEA GAZTELANIA MATEMATIKA NGELESA

11:00-11:30 JOLAS GARAIA

11:30-12:30 INGURUNEA INGELESA EUSKARA EUSKARA PLASTIKA

12.30-15.00 EGUERDIA

15:00-16:00 NGELESA GAZTELANIA MATEMATIKA INGURUNEA EUSKARA

16:00-17:00 MATEMATIKA

EUSKARA

MUSIKA HERRITARTASUNA TUTORETZA


6B


9:00-10:00 EUSKARA GAZTELANIA GAZTELANIA INGELESA MATEMATIKA

10:00-11:00 MATEMATIKA INGELESA MATEMATIKA MATEMATIKA EUSKARA


11:30-12:30 INGURUNEA EUSKARA INGURUNEA GAZTELANIA ARTE HEZKUNTZA

15:00-16:00 MUSIKA

GORPUTZ

HEZKUNTZA EUSKARA EUSKARA INGURUNEA

16:00-17:00 INGELESA MATEMATIKA HERRITARTASUNA INGURUNEA TUTORETZA

6C


9:00-10:00 EUSKARA INGELESA SOINKETA MATEMATIKA EUSKARA

10:00-11:00 INGURUNEA GAZTELANIA MATEMATIKA INGURUNEA MATEMATIKA


11:30-12:30 INGELESA MATEMATIKA HERRITARTASUNA INGELESA PLASTIKA

15:00-16:00 MATEMATIKA EUSKARA INGURUNEA EUSKARA GAZTELANIA

16:00-17:00 GAZTELANIA

INGURUNEA

EUSKARA MUSIKA TUTORETZA


1.- METODOLOGIA ETA ARLOEN INGURUKO OHARRAK

EKI PROIEKTUA

Ikasturte honetan EKI proiektua landuko dute ikasleek.

EHko ikastolen hezkuntza proiektu propioa da.

Euskal Curriculuma barneratzen du, honakoak sustatuz:

Pertsonaren garapen osoa landu.

Euskal kulturaren oinarriak eskuratzea.

Konpetentzien lanketan oinarritzen da:

Edukiak ikasi eta metatzea ez da azken helburua.

Edukiak baliabidetzat hartzen dira.

Integrazioaren pedagogia da aukera metodologikoa:

Ikasleari benetako egoera esanguratsuak planteatuko zaizkio, irtenbidea

aurki dezan.

Helburua da ikaslea unitate bakoitzaren amaieran zeregin batzuetan

konpetentea izatea.

Horretarako proposatutako egoera bati irtenbidea eman beharko dio,

ikasitako edukiak erabiliz.

Unitate didaktikoaren garapena

Hiru unitate ditu ikasturteko. Unitate bakoitza hiru fasetan banatzen da:

1. Diziplinarteko hasiera fasea

2. Arlokako sekuentzia fasea:

- Euskara

- Ingurunea

- Matematika

- Gaztelania

- Ingelesa

3. Diziplina arteko amaiera fasea

Arlokako sekuentzia fasea, era berean, beste hiru fasetan banatzen da.

1. Hasierako fasea: Zer, nola eta zertarako? Egoeraren aurkezpena egiten

da.

2. Garapen-fasea: Edukiak eskuratzen dira eta hasierako egoerari aurre

egiten zaio.

3. Amaierako fasea: Egoera berriei aurre egiten zaie.


Jarduera motak

Ahozko jarduerak

Idatzizkoak: arloko liburuak + jarduera fitxak

IKT jarduerak:

o www.ekigunea.eus: Bertan IKT- jarduera fitxak, audioak eta bideoak

aurki ditzakezue

o GOOGLE DRIVE KONTUA: ikaslearen kontua

Eskatutako ariketak irakasleekin partekatuko dituzte. Irakasleak

bertan egin ditzake zuzenketak.

Informazioa parteka dezakete irakasle-ikasle artean.

Ikasleek talde lanak bertan partekatzen dituzte.

Historiala du; hau da, irakasleak uneoro jakin dezake ikasleak zer

egin duen.

Ikasle guztiek karpeta sistema berdina erabiliko dute DRIVEn.

Materiala

Arlo bakoitzean karpeta bat izango dute (kolore bat arlo bakoitzeko).

Karpeta bakoitzean honakoa izango dute:

o Unitateko liburua

o Jarduera fitxak

Mailegu- sistemako liburuetan ez dugunez ezer idatziko, hiru koaderno

erabiliko ditugu ondorengo ikasgaietarako:

o Ingurunea eta euskara

o Matematika eta herritartasuna

o Gaztelania eta Ingelesa

Gelan ordenagailu kaxa daukagu eta ikasle bakoitzak zerrendako

zenbakiaren arabera, berea erabiliko du.

Matematikan erregela, eskuaira edo kartaboia, garraiagailua, konpasa

eta kalkulagailua erabiliko dituzte.

Gelako jardueretarako guraizeak eta kola ekarri behar dituzte.


Ebaluazioa

Unitate bakoitzean arlo ezberdinek bere helburu didaktikoak dituzte. Ondoren,

unitatearen bukaeran, landutakoa zerbait gauzatzeko erabiliko dugu, eta

arloko konpetentzia izango da hori. Azkenik, arlo ezberdinetan landutakoa

integratzeko diziplinarteko konpetentzia orokorra izango dugu.

Adibidez:

Arlokako fasean

Arlokako garapen faseko jarduera batzuk erabiliko ditugu

ebaluatzeko.

Horiez gain, tarteka, proba batzuk egingo ditugu.

Arlokako amaiera faseko jarduerak ere oso garrantzitsuak izango dira

ebaluaziorako, arloan landutakoa aplikatuko dutelako.

Auto erregulazio jardueren garrantzia

Jarduera horien bitartez ikasleak bere burua ebaluatu behar du.

Garapen eta Amaierako faseen azken aldera planteatzen dira auto

erregulazio jarduerak.

Diziplinarteko amaiera fasean

Egoera erreal batean arlo ezberdinetan landutako edukiak nola

aplikatu dituen ebaluatuko dugu.

Laburbilduz: zer eskaintzen digu EKI proiektuak?

Konpetentziak lantzen ditu.

Proiektuak baliatzen ditu ikasitakoa erabiltzeko. Metodologia horrek

ikasleen motibazioa areagotzen du.

Autonomia bultzatzen du, ikaslea da protagonista.

Bost ikasgaien arteko koordinazioa bermatzen du.

IKT-ak proiektu eta jardueretan integratuta daude.


HEZIKETA FISIKOA

Kiroletarako arropa erosoa ekartzea ezinbestekoa da.

Arrazoi batengatik gorputz hezkuntzako saioa ezin badu egin aste

egitarauaren bidez justifikatu.

Eremu honetan norberaren gorputzaren ezagutza eta kontrola

landuko ditugu.

Jarduera fisikoetan aktibo izatea bilatzen dugu eta norbere

osasunean duen onura ezagutzea.

Aurkariekiko errespetua eta taldekideekin duten lankidetza

baloratuko dira.

MUSIKA

Vivace metodologian oinarrituz sormena, irakurketa, entzumena,

mugimendua eta interpretazioa landuko dugu.

Hau guztia modu egokian aurrera eramateko, ezinbestekoa da

TXIRULA ekartzea.

Ikasturtean zehar dauden festak oso garrantzitsuak dira musika

gaitasuna eta jakin-mina garatzeko beraz oso garrantzitsua da parte

hartzea.


ARTE HEZKUNTZA

Ikasle bakoitzaren motibazioa, antolaketa, iniziatiba eta autonomia

bultzatzeko, mailakide guztiek aldi berean hiru espazio ezberdinetan

lan egin ahal izango dute. Modu honetara, hainbat jarduera

burutzeko beste taldeetako kideekin ere harremanetan arituko dira.

Jarduerak bakarka zein taldeka burutuko dituzte.

Artelan desberdinak gauzatzeko ikasle bakoitzak bere jarduna

antolatuko du.

TUTORETZA

Helburuak: o Auto-estimua eta auto-ezagutzatik abiatuta norbanakoaren

garapena.

o Emozioen lanketa egitea.

o Egunerokotasunean sortzen diren gatazken kudeaketa.

o Bizikidetza arauak balioestea eta errespetatzea

HERRITARTASUNA

Helburuak: o Herritarron betebehar eta eskubideak ezagutzea.

o Gizalegezko ohitura eta jarrerak sustatzea.

o Gizartea ulertzea bertan integratu ahal izateko.

Proiektuak:

o Giza eskubideen inguruko hainbat ekimenetan parte hartzea.

ERREFORTZU SAIOAK

Ikas-prozesuan zailtasunak agertzen dituzten hainbat ikasleri errefortzu

saioak eskainiko zaizkio talde txikitan (irakurketa eta matematika).

Astean bi eguerditan (astelehen eta asteartea) 30 minutuko saioak

izango dira, 12:30etik 13:00etara.

Kurtsoan zehar errefortzuko taldea alda daiteke, ikasleen zailtasun

eta aurrerapenen arabera.

Beharren arabera, tarte hauek ikasturtean zehar talde txiki zein

bakarkako tutoretzak gauzatzeko erabiliko ditugu.

IKASKUNTZA KOOPERATIBOA

Eki proiektuarekin guztiz bat datorren Ikaskuntza Kooperatiboa lantzen

dugu maila honetan ere. Metodologia honetan talde txikitan lan

egiten dute ikasleek ondorengo helburuak lortzeko:

o Berdintasunezko parte-hartzea ahalik eta gehien ziurtatzea.

o Aldibereko elkarreragina indartzea.

Hau kontuan izanik ondorengo alderdiak nabarmendu daitezke:

1. Ikaskuntza Kooperatiboko taldeko kideek erantzukizun bikoitza

dute: irakasleak irakatsitakoa ikastea eta taldekideekin

kooperatzea.

2. Irakasleak bi helburu ditu: ikasleek eskolako edukiak ikastea, eta

aldi berean, taldean lan egiten eta solidario izaten ikastea.

3. Helburua geroz eta maizago elkarlanean aritzea izango da .

4. Ikaskuntza kooperatiboa ikasleek ikasi beharreko curriculum eduki

bat gehiago izango da.


3. UZTARRI BERETIK TIRAKA

Gurasoen laguntza ezinbestekoa dugu ikasleen hezkuntzan eta, ziklo honi

dagokionez, lan-aztura egokiak eta jarrera baikorrak garatzen jarraitzea

oinarrizkoa da. Horregatik, honako puntu hauetan arreta berezia jartzea

eskatzen dizuegu:

Harreman kalitatea zaindu, haurrari entzun, denbora eskaini, esan eta

egiten duena baloratu, etab.

Errespetuzko jarrerak bultzatu.

Motibazioa eragin:

o Gelan lantzen diren gaiekiko interesa erakutsi.

o LH6ko abentura berri honetan beraien bidelagun izan.

o Ikasturtean zehar izandako aurrerapenak baloratu eta goraipatu.

Kalitatea zaindu. Lanak ongi egitearen garrantzia azpimarratu.

Etxerako lanen jarraipena egin:

o Aste-egitarauaren jarraipena ezinbestekoa da.

o Izan ditzaketen lanak:

o Informazioa bilatzea.

o Gelan landutakoa errepasatzea.

o Landutako ariketa bat osatzea.

o Gelan bukatu gabe utzitako lana burutzea.

o Kantaren bat buruz ikastea.

o Irakurtzea.

o Ahal dela, toki eta ordu berean egin.

Materialaren antolaketa zaindu: Koadernoak, liburuak, zorrotxoa,

motxila...

Irakurketa sustatu. Motxilan liburu bat beti:

o Euskara eta gaztelania txandakatu.

o Irakurketara animatu etxetik ere.

Euskal komunikabideak kontsumitzera eta aisialdian euskarazko

jarduerak egitera animatu.

Eskolaz kanpoko jarduerak neurrian:

o Banakako beharrak desberdinak dira.

o Kopuruaz hausnartu eta baloratu.

o Lehentasunak markatu.

Autonomia sustatu: bai ikastolako jardueretan bai eguneroko bizitzan

beraien ardurak hartzea:

o Sortzen diren arazoei aurre egin.

o Zailtasunen aurrean jarrera baikorra eta aktiboa, beraiek bila

ditzatela soluzioak betiere gure laguntza eskainiz behar dutenean.

o Autonomiarantz eman beharreko prozesua progresiboa eta

pertsonala da.


4. IRTEERAK ETA JARDUERA OSAGARRIAK

Irteerak eskola-jarduerak dira eta ikasle guztiek hartuko dute parte.

Norbaitek etortzerik izango ez balu, edozein asistentzia hutsa bezala justifikatu

beharko lukete gurasoek, eta jakin bezain laster adierazi, taldearen antolaketa

oztopa ez dezan.

Ikasturte honetan jarduera osagarriak eta irteera desberdinak egingo

ditugu. Orain arte zehaztutakoak hauek dira:

JARDUERA OSAGARRIAK

Bide Hezkuntza.

Koldo Mitxelena literatur lehiaketa.

Giza eskubideen inguruko marrazki lehiaketa.

Okendo liburutegira bisita.

Irakurle gazteak ekimena.

IKASTURTEKO IRTEERAK:

Donostiako zinemaldia (irailaren 23a)

Zumaiako Flysch-a (azaroaren 5a, egun osoa).

Maitasun epikoak izeneko musika jardunaldia Kursaalen (otsailaren 26a).

Txuri-urdin izotz jauregira (apirilaren 3a ).

Giza Eskubideen zinemaldia.

Zuhatzara hiru eguneko irteera (ekainaren 3, 4 eta 5a).

OSPAKIZUNAK

Euskararen eguna: abenduaren3an.

San Tomas: abenduaren 20an.

Olentzero: abenduaren 24an.

Danborrada: urtarrilaren 17an.

Santa Ageda: otsailaren 4an.

Kaldereroak: otsailaren 7an.

Inauteriak: otsailaren 21ean.

Ikastolaren eguna: maiatzean .

5 . ZENBAIT BARNE-ARAU

Ondoren aipatuko ditugun arauak ikastolaren eguneroko

funtzionamendurako ipinitakoak dira. Arau horiek elkarbizitza eta ikastolako

helburuen lorpenera bideratuta daude. Ondorioz, guztiok errespetatu eta

errespetarazi behar ditugu.

EUSKARA

Ikastolan eta ikastolako jarduera guztietan euskaraz hitz egingo dugu, eta

gure ingurukoek ere euskaraz hitz egin dezaten eskatuko dugu.

ASISTENTZIA

Ikasleak, ikastolako saio edo edozein irteeratara ezin badu etorri edo

lehenago atera behar duenean, gurasoen notifikazioa edota justifikazioa

aldez aurretik ekarriko dio tutoreari.


Notifikazioak beti idatziz egingo dira, ikaslearen aste-egitaraua edo

tutorearen e-posta erabiliz.

PUNTUALITATEA

Gelara garaiz iritsi behar da, saioa bere orduan hasteko.

JOLAS GARAIAK, EGUERDIAK eta ARRATSALDEAK

Arrazoi pedagogikoei so eginez, atarian (hamaiketako garaian eta

eguerdian) ikasleak jolasean aritzeko materiala Ikastolak eskainiko du

(baloiak, pilotak, sokak, gomak etab.). Gela/maila bakoitzeko material

sorta bat izango dute eta erabiltzaileak izango dira material honen

zaintzaren arduradun. Beraz, eskatzen dizuegu, urritik aurrera zuen seme-

alabek ikastolara aipatutako jostailurik ez ekartzea. Bestelako jostailu txikiak,

norberak gordetzeko errazak direnak (zibak, rubik kuboak, panpintxoak

etab.) beti bezala ekarri ahal izango dituzte, beti ere, beraien ardurapean

egongo direlarik. Arrazoi desberdinak direla eta baloiren bat ikastolara

ekarri beharko balute arratsaldeko 5etatik aurrera jolasean aritzeko,

beraien ikasgeletan gordeta izan beharko dute ikastola-eguna amaitu

arte.

Atsedenaldietan ezin da baimenik gabe ikasgelan edo eraikuntzaren

barruan egon. Gelan lanen bat egiten geldituz gero, irakaslearen

ardurapean egon beharko du.

Jolas-garaian eta eguerdiko tartean gelak itxiko dira eta ikasleak kanpora

aterako dira. Beti ere, eguraldiaren arabera, irakasle zein hezitzaileek

ikasgela batzuk ikasleen erabilerarako irekitzea erabaki dezakete.

Jolaslekuan eta ikastolako barne eremuetan errespetuzko jolasak eta

jarrerak gordeko dira, ikastola komunitateko beste partaideak molestatzea

saihestuz eta ondasunak zuzen erabiliz.

Aterpean ezin da baloiarekin jolastu eta atzealdeko eremua ezin da erabili.

Ikastorduetan ikastola eremutik atera ahal izateko gurasoen baimena ekarri

behar da.

Eskola ordutegia hasi aurretik (9:00ak baino lehen) eta amaitzean (17:00ak)

ikasleak ikastolako eremuan gelditzen badira, gurasoen ardurapean izango

da. Eskolaz kanpoko jardueretan bertako hezitzaileek izango dute

zaintzaren ardura.

SAKELEKOA, JOKO ELEKTRONIKOAK ETA ANTZEKOAK

Ziklo honetako ikasleek ezingo dituzte mugikorrak/sakelakoak, musika

tresnak etab. ikastolan erabili (irakasle baten baimenarekin ez bada

behintzat, eta salbuespen gisa).

Hauetakoren bat ikastolan piztuta izanez gero: lehenengo aldian bi egunez

eta hortik aurrerakoetan aste-betez kenduko zaie tresna, ikastolako barne

araudia jarraituz.

PATINETEAK, BIZIKLETAK ETA BESTELAKOAK

Hauetako edozein ibilgailu ikastola barnean erabiltzea debekatua dago.

Hauetakoren bat ikastolan erabiliz gero: lehenengo aldian bi egunez eta

hortik aurrerakoetan aste-betez kenduko zaie tresna.

Bizikletak eta patineteak Ikastolaren atzealdean utziko dira lotuta

(patineteentzat azpiegitura laster izango da prest).

Atea irekita izango den ordutegia eskuragarri izango duzue behar izanez

gero.


JANGELA ZERBITZUA ERABILTZEN DUTEN IKASLEEK BETE BEHARREKO ARAUAK

Ikasleek jangelan bazkaldu behar ez duten egunetan, gurasoek aurrez

adierazi beharko dute.

Ikasleren batek alergiarik edo janari batekiko arazoren bat baldin badu,

sendagilearen ziurtagiria ekarri beharko du eta tutoreari helarazi.

Jangela zerbitzuko erabiltzaileek jantokiko zein atariko araudia errespetatu

beharko dute, eta bertako langile zein hezitzaileek esandakoa bete.

6. OSASUN ARRETA

Aurten LH6. mailako neskei Osakidetzako espezialistek Giza papilomaren

birusaren aurkako txertoa jarriko diete zehazteko dauden datetan. Ikasle guztiei

berriz, ACWY Meningokokoaren aurkakoa. Beharrezkoak diren baimen

eskaerak eta informazioa helaraziko zaizue dagokion unean.

Aurretik osasun-fitxaren bitartez adierazi zenigutena aplikatuko dugu

aurten ere ikasleei botika eman eta dagokien osasun arreta eskaintzeko

garaian. Orduz geroztik aldaketaren bat eman bada (ikaslearen osasun

egoera, har ditzakeen botikak…) lehenbailehen tutoreari adierazi, dagokion

informazio-orria bete eta medikuaren agiria ekarri beharko duzue.

7. TESTU LIBURUAK MAILEGUAN

Mailegu sistemarekin jarraitzen dugu. Honek liburuen kostua laurden batera

murrizten du. Liburuen zaintza ezinbestekoa da eta ikaslearen ardura da, erabili

ondoren ikastolan geratuko baitira hurrengo ikasturteetarako.

Ikastolak maileguan utzitakoak:

o EKI proiektuan: Ingurunea, Euskara, Matematika, Lengua

Castellana eta Ingelesa.

8. GURASOEKIN HARREMANA

Bi bilera orokor egingo ditugu, bat ikasturte hasieran eta bestea bukaeran.

Banakako bi bilera egingo ditugu, oro har : 1. Hiruhilekoan edo 2.

hiruhilekoaren hasieran bat, eta kurtso bukaeran bestea.

Bileretarako hitzordua adosteko, drive bat sortuko dugu eta zuekin partekatu.

Presazkoak ez diren oharretarako irakasleen e-posta erabili dezakezue:

Joxean Labaien: [email protected]

Mikel Soroa: [email protected]

Uxoa Irigoien: [email protected]

Bestalde, Hurrako orientatzailea edo LHko koordinatzailearekin harremanetan

jar zaitezkete bestelako kasuetarako.

mailto:[email protected]



Orientatzailea: Eli Martinez

[email protected]

Koordinatzailea: Esther Amondarain

[email protected]

*Beste irakasleen e-posta helbideak webgunean aurkitu ditzakezue.

9. EUSKARAZ BIZI PROIEKTUA

Zurriola Ikastolako sorrera-helburua euskara eta euskal kulturaren transmisioa

eta sustapena dira. Areago, Zurriolako ikaslearen irteera-profileko lehen

ezaugarria euskaldun euskaltzalea izatea da. Hortaz, horretan saiatzen gara

bai gelan baita gelaz kanpo ere.

Proiektu honen helburu nagusia ikastolako partaide guztiengan, ikasle,

langile eta gurasoengan euskararen erabilera sustatu eta eragitea da.

Helburua partaide guztien artean euskara normaltasunez erabiltzea da.

Horretarako plangintza zehatzak bultzatzen ditu proiektu honek.

Irakasle eta langile guztiok konpromiso argia hartzen dugu proiektu honen

alde eragiteko, baita dagozkigun arloetan formazioa hobetzen jarraitzeko ere.

Gurasoen kasuan, ikasleen hizkuntza erabileran familiak duen garrantzia

bereziki azpimarratu nahi dugu. Horren harira, Ikastolako Gurasoen Euskara

Batzordeak prestatutako dekalogoa ikastolako webgunean duzuela

gogorarazten dizuegu (Olarrizu atalean). [email protected].

Guraso euskaldunek beren artean euskara erabiliz modurik eraginkorrena

dute seme-alabengan ahalik eta hizkuntza erabilera eta gaitasun onena

ziurtatzeko. Zaindu hizkuntza ikastolako atarian, mesedez.

Guraso erdaldunek ere, euskararekiko interesa erakutsiz eta seme-alaben

arteko euskarazko erabilerak oro har sustatuz (euskarazko komunikabideak

adibidez), seme-alaben euskararen erabileran modu positibo batean eragin

dezakete. Zer esanik ez euskara ikastera animatzen badira.

10. GURASOEN PARTAIDETZA IKASTOLAN

Gurasoak Zurriola IKE kooperatibako partaide nagusiak izanik, Ikastolaren

norabide estrategikoaren ardatza dira, besteak beste, Batzarra edota

Artezkaritza Kontseiluaren bidez. Aldi berean, gurasoek partaidetza hori

areagotzeko aukera dute Olarrizuren bidez. Olarrrizu IGE, Zurriola Ikastolako

ikasleen guraso-elkartea da. Ikastolaren kooperatiba-izaera bultzatu nahian,

bazkide guztion partaidetza sustatu nahi du, bi helbururekin: ikastola osatzen

dugun kolektibo guztien arteko harremana sendotzea eta, auzolana bultzatuz,

gure seme-alabentzat eredu izatea.




Horretarako, ikasturtean zehar, hainbat lan banatzen dira maila

ezberdinetako gurasoen artean: San Tomaseko txosna jartzea, maiatzeko festa

antolatzea... Bestalde, gurasoek seme-alabekin gozatzeko beste hainbat

jarduera ere antolatzen dira: Zurrimendi mendi taldea, Danborrada… edota

euskara bultzatzeko Guraso Euskara Batzordea.

Lan horiek guztiak koordinatzeko, batzordeak osatu dira. Batzorde horietan

gurasoak dabiltza, jo eta su, ahal den neurrian jarduera hauek antolatu eta

hobetu nahian. Batzordeak proposamenak egin eta lantzeko prest dauden

guraso guztientzat daude irekita, ikastola GUZTIOK, GUZTIONA, GUZTIONTZAT

baita.

[email protected] [email protected]

Bestalde, aurtengo ikasturtean ere gurasoentzat hainbat ikastaro

eskaintzeko asmoa dugu. Gaiak eta datak jakin bezain laster haien berri

emango dizuegu.

Urtero bezala, aurten ere Gurasoentzat euskara ikastaroa eskainiko da.

11. GELAKO GURASO ORDEZKARIAK

Gurasoen partaidetzarekin jarraituz, gela bakoitzean guraso ordezkari bana

eta ordezko bat aukeratuko da. Ordezkari horiek bitartekari lanak egingo

dituzte ikastola eta gurasoen artean ikasturteko harremanak ahalik eta

egokienak izan daitezen. Hori dela eta, ikastolarekin eta ikastolarentzat lan

egiteko prest dauden guraso dinamikoak eta boluntarioak behar dira. Guraso

hauek beste gurasoak dinamizatu, koordinatu, proposamenak jaso, bideratu

eta tutore, kudeaketa talde, zuzendaritza pedagogiko eta Artezkaritza

Kontseiluko kide eta Batzordeen arteko harremana sustatu eta zainduko dute.

Urterokoak diren ikastolako ekintzetan ere beste mailetako gurasoekin

laguntza bideratzeko zubi-lanak egin ditzakete ordezkari hauek, Artezkaritzatik

eta batzorde desberdinetatik bideratuko den sare baten bidez, (Santomasak,

Danborrada, Ikastolaren Jaia, Olarrizu guraso elkarteak antolatu ohi dituena…).

Guraso boluntariorik ez balego, ikasturte hasierako guraso bileran zozketaz

aukeratuko dira guraso ordezkariak eta ordezkoak. Zozketatik salbuetsiko dira

lehendik ordezkari izandakoak.



Documents

ZURRIOLA IKASTOLA GURASO BILERA LH 6 2019- 2020 · Konpetentzien lanketan oinarritzen da: Edukiak ikasi eta metatzea ez da azken helburua. ... gaitasuna eta jakin-mina garatzeko beraz