Upload
others
View
23
Download
0
Embed Size (px)
Citation preview
UNIVERSITETI I GJAKOVËS ‘‘ FEHMI AGANI ’’
FAKULTETI I MJEKËSISË
Drejtimi: Infermieri e përgjithshme
PUNIM DIPLOME
Tema:
‘‘ Roli i infermieres në trajtimin e fëmijëve me ngecje në
zhvillim psikomotorik ’’
MENTORI: Kandidatja:
Prof. Ass. Dr Ramush Bejiqi Arjeta Lekaj
Gjakovë, 2020
2
Përmbajtja
FALËNDERIM .......................................................................................................................... 4
DEKLARATË............................................................................................................................ 5
Hyrje .......................................................................................................................................... 6
1. PERIUDHAT E MOSHËS ZHVILLIMORE.................................................................... 8
1.1. Faktorët e rritjes dhe zhvillimit tek fëmijët ................................................................. 9
2. ZHVILLIMI PSIKOMOTORIK I FËMIJËS ................................................................... 10
2.1. Ndikimet psikologjike të sëmundjes ......................................................................... 14
3. ÇRREGULLIMET PSIKIATRIKE TË FËMIJËS .............................................................. 16
3.1. Çrregullimi i hiperaktivitetit.......................................................................................... 16
3.2. Çrregullimi i sjelljes dhe ai kundërshtues ..................................................................... 18
3.3. Çrregullimet pervazive të zhvillimit ............................................................................. 21
3.4. Çrregulimet e ankthit ..................................................................................................... 23
3.4.1. Çrregullimi i ankthit të ndarjes ............................................................................... 23
3.4.2. Çrregullimi i obsesioneve me kompulsione ........................................................... 25
3.4.3. Mutizimi selektiv .................................................................................................... 28
3.5. Çrregullimet e eliminimit .............................................................................................. 30
3.5.1. Eneureza ................................................................................................................. 30
3.5.2. Enkopreza (Encopresis) .......................................................................................... 32
3.6. Çrregullimet e gjumit .................................................................................................... 33
3.6.1. Ecja në gjumë (Somnabulizmi) .............................................................................. 34
3.6.2. Tmerret e natës ( Pavor nucturnus) dhe ankthi i natës ........................................... 34
3.7. Çrregullimet e ngrënies ................................................................................................. 36
3.8. Çrregullimet somatoforme ............................................................................................ 39
3.8.1. Çrregullimi sematoform ......................................................................................... 40
3.8.2. Çrregullimi i konversionit. ..................................................................................... 40
3
3.8.3. Dhembjet joorganike të barkut ............................................................................... 41
3.8.4. Mjekimi i çrregullimeve somatoforme ................................................................... 41
4. PENGESAT MOTORIKE DHE SHPREHITË MOTORIKE ............................................. 41
4.1. Tiket (Tics) dhe sindroma Gilles de la Tourette. ...................................................... 41
5. ABUZIMI (KEQTRAJTIMI) I FËMIJËVE ..................................................................... 44
5.1. Faktorët e rrezikut për abuzimin e fëmijëve.............................................................. 44
6. VONESA MENTALE (Retardimi mental) ...................................................................... 45
7. KUJDESI INFERMIEROR NDAJ FËMIJËVE ............................................................... 47
7.1. Administrimi i barnave.............................................................................................. 48
REZYME ................................................................................................................................. 50
Referencat ................................................................................................................................ 51
CV- ja e studentes .................................................................................................................... 52
4
FALËNDERIM
Së pari falënderoj Zotin, që më dha dije dhe shëndet të plotë që të arrijë edhe këtë sukses.
Falënderoj shumë mentorin tim Prof. Dr. Ramush Bejiqi, i cili ishte gjithmonë i gatshëm për
bashkëpunim dhe që me këshillat e tij profesionale kontriboi që ky punim të dal sa më mirë.
Një falënderim i veçantë shkon për familjen time dhe shoqërinë të cilët ishin mbështetja ime
më e madhe që unë të arrijë deri këtu. Ky rrugëtim nuk do të ishte i mundur pa përkrahjen e
vazhdueshme të tyre.
Ju jam mirënjohëse përgjithmonë!
5
DEKLARATË
Unë, Arjeta Lekaj, deklarojë se tema e diplomës ‘‘ Roli i infermieres në trajtimin e
fëmijëve me ngecje në zhvillim psikomotorik ’’ është i llojit të studimit retrospektiv dhe
është punim origjinal. E gjithë literatura dhe burimet tjera që i kam shfrytëzuar gjatë punimit
janë të listuara në referenca dhe plotësisht të cituara. I gjithë punimi është punuar dhe
përgatitur duke respektuar dhe duke u mbështetur në këshillat dhe rregulloren për përgatitjen
e temës së diplomës, të përcaktuara nga ana e Universitetit “Fehmi Agani” në Gjakovë.
6
Hyrje
Rritja dhe zhvillimi paraqesin një proces që fillon me konceptimin (mbrasjen) e qelizës vezë,
e cila, me anë të rritjes dhe zhvillimit bëhet organizëm i rritur.
Rritja është zmadhim i dimensioneve të trupit ose organeve të cilat mund të maten, siç janë,
për shembull: gjatësia (lartësia) trupore, masa (pesha) trupore, perimetri i kokës, perimetri i
krahërorit, trashësia e indit dhjamor nënlëkuror, etj
Zhvillimi - me zhvillim nënkuptohet edhe pjekuria e qelizave, diferencimi i tyre në formë dhe
në aspektin funksional, ndryshimet në sferën emocionale dhe sociale, të kushtëzuara nga
ndikimi interreaktiv i rrethit ku fëmija jeton. Nga kjo nënkuptohet që zhvillimi paraqet dukuri
kualitative, siç janë: kontrollimi neuromuskulor, zhvillimi i shkathtësive, karakteri etj.
Rritja dhe zhvillimi i fëmijës paraqesin një proces të komplikuar. Kur flitet për rritjen, me
këtë nënkuptohet rritja e dimensioneve (gjatësia, masa trupore, perimetri i kokës) të cilat
paraqesin ndryshime kuantitative, ndërsa, nëse bëhet fjalë për zhvillimin, kjo dukuri paraqet
ndryshime kualitative , që nënkupton pjekurinë e funksioneve si dhe në strukturën e disa
organeve apo sistemeve.
Ndërlikimet zhvillimore janë kumulative dhe mund të çrregullojnë disa aspekte të
funksionimit të fëmijës, si atë social, njohës, emocional, moral, sikundër edhe zhvillimit fizik.
Fokusi në çrregullimet psikiatrike që paraqiten gjatë periudhës fëmijërore qëndron në
çrregullimet emocionale dhe të sjelljes dhe shprehjes emocionale dhe të sjelljes, duke mos
lënë anash, çrregullimet e ngrënies, të eliminimit si dhe të ankthit. Një pjesë e madhe e tyre
mund të mos kenë çrregullime por egzagjerime të sjelljes dhe shprehjes emocionale të tyre.
Ashtu si të rriturit edhe fëmijët kanë shprehjet e tyre të temperamentit, disa janë të turpshëm,
disa kanë sjellje sociale të shprehura, disa janë të përmbajtur e disa më pak të kontrolluar.
Nëse një fëmijë ka çrregullim psikiatrik, kjo do të përcaktohet në varësi të simptomatologjisë
si dhe shkallës së dëmtimit të funksionimit të fëmijës. Një vëmendje e veçantë gjatë
vlerësimit të një fëmije duhet ti kushtohet mbivendosjes, apo bashkegzistencës së disa
shenjave të cilat janë karakteristikë për çrregullime të ndryshme.
7
Gjatë vlerësimit dhe diagnostifikimit të një fëmije me çrregullim psikiatrik duhet pasur
parasysh tri aspekte:
1. Kontekstin zhvillimor të fëmijës. Fëmijët në momente të ndryshme të zhvillimit të tyre
shoqërohen me ndryshime kritike, karakteristike për një shkallë të zhvillimit të tyre
njohës, emocional, psikoseksual, psikosocial dhe atë moral e fizik, të cilat krijojnë
ndryshime të sjelljes që janë karakteristikë për atë moshë. Sjelljet të cilat për një
moshë të caktuar janë normale, mund të jenë shenja të një çrregullimi psikiatrik për një
shkallë tjetër të zhvillimit. Në disa raste zhvillimi normal mund të shoqërohet me
probleme që krijojnë vështirësi për mjekun për ta kuptuar nëse është fjala për patologji
apo për normë. Si rezultat i kësaj, vlerësimi duhet të jetë shumëdimensional.
2. Fëmijët rriten në një kontekst familjar, i cili ka ndikime shumë të mëdha në
funksionimin dhe zhvillimin e fëmijës. Një fëmijë i cili rritet në një ambient të dhunës
në familje, gjatë vlerësimit mund t’ju duket jonormal në mënyrën e reagimit të tij ndaj
ekzaminuesit, personelit, prindërve dhe mjedisit. Një fëmijë i rritur në një mjedis
jostimulativ sa duhet mund të i’u lërë përshtypjen e një fëmije me vonesë në
zhvillimin mental dhe motorik.
3. Fëmijët e moshës së hershme nuk kanë aftësi gjuhësore dhe njohëse për t’i përshkruar
me fjalë vuajtjet e tyre kështu që mjeku duhet të jetë i kujdesshëm në observimin dhe
bashkëpunim me pjesëtarët e tjerë që përkujdesen për fëmijën, si p.sh. prindërit,
mësuesit etj.
Vlerësimi psikiatrik i fëmijëve është një proces i komplikuar dhe duhet të bëhet me shumë
kujdes. Për një pjesë të mirë të çrregullimeve nevojitet konsulata e psikiatrit për fëmijë
dhe adoleshentë.
8
1. PERIUDHAT E MOSHËS ZHVILLIMORE
Mosha zhvillimore e fëmijës ndahet në disa periudha:
1. Periudha prenatale (intrauterine) është periudha prej momentit të mbarsjes (fekondimit)
gjerë në lindje (280 ditë ose 10 muaj lunarë). Kjo periudhë përfshin periudhën embrionale
(dy muajt e parë) dhe periudhën fetale (prej muajit të tretë gjerë në lindje). Rol të
rëndësishëm në zhvillim të frytit ka ushqimi i nënës, nëse ushqimi i saj është i dobët, fryti
ngec në rritje. Është vërtetuar se për ngecje në rritje të frytit ndikojnë: konsumimi i
duhait, alkoolit, hipoksia ( mungesa e oksigjenit) etj.
1. Java 10-5 gr 2. Java 13-20 gr 3. Java 36-37 fetusi
përgatitet për lindje
2. Periudha latantit (foshnjës) fillon nga lindja gjerë në fund të vitit të parë të jetës. Kjo
periudhë përfshinë periudhën e të porsalindurit-neonatusit (katër javët e para të
lindjes) dhe periudhën postneonatale (prej muajit të dytë gjerë në fund të vitit të parë
të jetës). Rritja në masë trupore është mesatarisht 700 gr në muaj, ashtu që në moshën
5 muajshe ai e dyfishon masën trupore të lindjes. Prej muajit të 6 e më tej, fëmija i
fiton rreth 450 g në muaj, në mënyrë që me 12 muaj ai ta trefishon masën e tij trupore
në lindje 3200 g në fund të vitit të parë në kushte normale të rritjes e arrin masën
trupore prej 9600 g.
3. Periudha parashkollore kjo periudhë përfshin fëmijët nga fillimi i vitit të dytë të
jetës deri në fund të vitit të gjashtë. Ndahet në dy nënperiudha:
9
a. Periudha e hershme parashkollore ( deri në fund të vitit të tretë) dhe
b. Periudha e fëmijëvë më të rritur parashkollor (nga fillimi i vitit të katërt e
deri në fund të vitit të gjashtë).
4. Periudha shkollore përfshinë fëmijët e moshës 6-12 vjeç apo gjerë në fillimin e
pubertetit. Disa autorë periudhën shkollore e konsiderojnë periudhën prej fillimit gjerë
në mbarimin e shkollimit të obligueshëm (14 vjeç). Kjo periudhë karakterizohet me
mbipeshë ( adipozitet) para pubertetit, e cila te meshkujt zhduket gjatë adoleshencës,
ndërsa te femrat shpesh edhe persiston.
5. Adoleshenca fillon prej mbarimit të pjekurisë seksuale gjerë në mbarim të rritjes dhe
zhvillimit të fëmijës (te vajzat në moshën prej 16-18 vjeçare, te meshkujt prej 18-20
vjeç). Duhet cekur se në botë nuk ekziston një kufi kohor i nocionit të adoleshencës.
Në SHBA fillimi i adoleshencës konsiderohet fillimi i pubertetit (paraqitja e shenjave
seksuale), kurse sipas OBSH-së fillimi i adoleshencës për të dyja gjinitë merret prej
moshës 10 vjeçare pa marrë parasysh shkallën e pjekurisë seksuale.
1.1. Faktorët e rritjes dhe zhvillimit tek fëmijët
Në rritje dhe zhvillim ndikojnë disa faktorë komponentet e të cilëve janë të ndërlidhur mes
vete, siç janë faktorët fizik, psikik, emotiv, social, kulturor e që janë të varur nga ndikimi i
faktorëve të mëposhtëm:
Faktorët e mbrendshëm (endogjen) dhe
Faktorët e jashtëm (egzogjen).
Faktorët trashëgues (gjenetikë). Lartësia definitive e fëmijës është lidhshmëri me mesataren
aritmike të prindërve. Varësi gjenetike të ngjajshme ekzistojnë edhe në pjekurinë kockore,
daljen e dhëmbëve, kohën e paraqitjes së pubertetit etj.
Gjinia - fëmijët e gjinisë mashkullore, janë më të gjatë në lindje në krahasim me ata të
gjinisë femërore, por dallimet zhduken në moshën një vjeçare. Më vonë, në moshën e
pubertetit, paraqiten dallime të theksuara në gjatësi, masë trupore, në propocionet trupore si
10
dhe veçoritë dytësore seksuale. Shkaktarët e këtyre dallimeve nuk dihen por supozohet se
janë lidhje me kromozomin Y.
Nënushqyeshmëria afatgjate (me muaj dhe vite) e ngadalëson rritjen. Varësia e rritjes prej
gjendjes së pasurisë së prindërve është komplekse: përveq ushqimit në rritje ndikojnë edhe
orari i marrjes së ushqimit, gjumi i rregullt, aktivitetet fizike etj. Infeksionet kronike, të cilat e
detyrojnë fëmijën të qëndrojë në krevat për një kohë të gjatë pa dyshim e ngadalësojnë rritjen.
Prej hormoneve që kanë ndikim në rritje dhe në zhvillim janë:
hormoni i rritjes,
hormonet e gjëndrës tiroide,
androgjenet,
estrogjenet,
insulina, etj
Sëmundjet akute përkohësisht ndikojnë në ngecje në rritje, derisa sëmundjet kronike, pastaj
anomalitë e rënda të lindura të zemrës, të cilat fëmijën ‘‘e lidhin’’ për krevat, zakonisht
shkaktojnë ngecje në rritje, derisa infeksionet me kohëzgjatje të sëmundjes më të shkurtër, siç
janë më së shpeshti ato të traktit të frymëmarrjes nuk kanë ndikim në pengimin e rritjes.
2. ZHVILLIMI PSIKOMOTORIK I FËMIJËS
Zhvillimi psikomotorik i fëmijës varet nga pjekuria e sistemit nervor qëndror dhe kalon
nëpër disa faza. Është një proces gjatë të cilit fëmija mësohet t’i kontrollojë si dhe t’i
koordinojë lëvizjet e muskulaturës së tij për qëllime të veta të caktuara. Ky zhvillim
njëherësh është tregues i nivelit të pjekurisë së sistemit nervor.
I porsalinduri, është qenie nën ndikimin e pjesës subkortikale të trurit. Lëvizjet e të
porsalindurit në fillim janë të pakontrolluara, refleksive, fle 16-17 orë gjatë 24 orëve me
ndërprerje prej 2 orësh. I porsalinduri pakënaqësinë e vet (urinë, të ftohtit) e shpreh nëpërmjet
të qarit. Për ta vlerësuar zhvillimin psikomotorik përcillet lëvizshmëria spontane e
muskulaturës si dhe me anë të ekzaminimit të reflekseve primitive.
11
Tab 1. Zhvillimi intrauterine i fetusit sipas javës së shtatëzanisë
Shtatzënia
në javë
Gjatësia e
fryteve, cm
Pesha e fetusit, g Zhvillimi i organeve dhe sistemeve
4 0,1 Plehërimi i vezores, implantimi dhe
embrioni
5 0,15-0,2 Shënoni mëlçinë, pankreasin, sistemin e
sipërm të frymëmarrjes, zemrën.
6 0,4 -0,6 Shfaqja e gjymtyrëve primordiale, duke
dëgjuar rrahjet e zemrës, tubi nervor
mbyllet, formohen pjesë të laringut dhe
veshit të mesëm.
7 0,7 – 0,9 Zhvillohen trake, ezofag, zorrë e vogël,
gjëndra adrenale dhe sternum. Truri po
formohet në mënyrë aktive.
8 0,9 – 1,2 Embrioni dallon qartë midis trupit dhe
kokës, në madhësi ekuivalente. Formohen
rudimet e hundës, syve, gojës dhe organeve
të sistemit riprodhues.
9 1,3 – 1,5 1 Zhvillohet cerebellumi, formohen
gishtërinjtë në gjymtyrët.
10 – 11 2,7 – 3,5 4 Zhvillohen nyjet, buza e sipërme, auricles,
organet gjenitale të jashtme dhe rudimentat
e dhëmbëve të qumështit.
12 9 20 – 25 Formohet një fytyrë, zorrët kontraktohen,
mëlçia prodhon biliare, dhe fëmija lëviz.
13 10 28 Gjymtyrët janë formuar plotësisht.
Pankreasi prodhon insulinë.
14 – 15 12,5 50 – 90 Sistemi ekskretor është aktiv, fëmija
prodhon urinë.
16 16 120 Dallojmë seksin e fetusit. Lëkura është
shumë e hollë, formohen muskujt. Fëmija
nuk lëviz aq rastësisht, nëna ndjen dridhjet e
para.
20 25 280 – 300 Lëkura e foshnjës ka një gëzof dhe një
lubrifikant i ngjajshëm me djathin. Zorrët
formojnë fecesin origjinal. Fëmija është në
gjendje të dëgjojë.
24 30 600 – 800 Funksionimi i veshkave aktivizohet, fetusi
po fiton në mënyrë dinamike peshë.
28 35 1200 Muskujt dhe sistemi riprodhues i fëmijës
formohen.
32 40 1500 - 1600 Eksiston një zhvillim aktiv i shqisave dhe
sistemit nervor: fëmija është në gjendje të
shohë dritën dhe të ndiejë shijen.
12
36 45 2400 - 2500 Fëmija fiton shpejtë peshë, aktiviteti i tij
zvogëlohet.
40 50 – 52 3200 – 3500 Kec është gati për lindjen e botës.
Burimi: E dizajnuar nga autori
Latanti: Nga lindja deri në fund të vitit të parë, latanti zhvillohet shpejtë, çdo javë dhe çdo
muaj paraqitet ndonjë përparim. Zhvillimi psikomotorik sipas muajve ka ecurinë si vijon:
a. Në muajin e parë i posalinduri merr pozitë hipertone fleksive. Ka fundi i muajit të
parë, vendoset në bark, ngreh kokën së paku 3 sekonda, në ditet e para ai nuk sheh,
por kah fundi javës së katërt i fikson gjësendet e ndritshme dhe i përcjell objektet në
lëvizje rreth tij.
b. Në muajin e dytë lëvizjet e latantit janë më të lira por akoma impulsive, refleksive,
në pozitën e ulur, ka artikulim zëri, fillon ti fikson gjësendet përkohësisht.
c. Në muajin e tretë fëmija, për herë të parë qesh, fillon të koordinojë lëvizjen e syve, i
artikulon zërat që i dëgjon, mund të rrijë barkas, reagon në zërime.
d. Në muajin e katërt fillon të jep rezistencë me këmbë, kur mbahet në pozitën
vertikale. Në këtë moshë fillon t’i kapë dhe t’i shtërngojë gjërat p.sh lodrat.
e. Në muajin e pestë latanti interesohet për rrethin ku jeton, është aktiv, fillon të njihet
me rrethin familjar, dallon të huajin nga antari i familjes, i përcjell me sy gjësendet,
reagon në zëra, lëshon zëra vokale.
f. Në muajin e gjashtë tonusi i muskulaturës rritet. Në muajin e 6, latanti fillon rë rri
ulur me mbajtje, mbahet me duar në dysheme apo me gjunjë ose duke i shtrirë
bërrylat.
g. Gjatë muajve 7 dhe 8 latanti rri ulur pa mbajtje, fillon ti dallojë personat e njohur
nga të panjohur, në një mënyrë zhvillohet një lloj frike, merr gjësendet nga tavolina,
nëse i zërohet pas veshit kthen kokën nga po i vjen zëri, reflekset primitive zhduken,
paraqitet buzëqeshja, gjësendet i kap dhe i fut në gojë.
h. Në muajin 8 dhe 9 qëndron disa minuta në këmbë, por me mbajtje, në mbarim të
muajit të nëntë ai lehtësisht qëndron në këmbë pa u mbajtur, shkon rrëshqitazi.
i. Me 10-12 muaj, ngritet në këmbë duke u mbajtur për ndonjë mbajtëse, nëse i
kërkohet e jep gjësendin nga dora, i flet tri fjalë me rëndësi si shprehje. I emëron
gjësendet me zërin e vet.
13
j. Nga muaji i 12-15 i bën hapat e parë vetë, i shqipton fjalët: nëna, baba.
k. Me 2 vjet fëmija mund të mbartë enën nga njëra dorë në tjetrën, të ecë, tenton të hajë
me lugë. I flet 5-100 fjalë, flet pa belbëzim,
l. Me 4 vjet fëmija e din a është mashkull ose femër, vishet vetë, i zgjidh këpucët. Di ti
përgjigjet pytjes se si vepron nëse është i uritur.
m. Me 5 vjet fëmija di të numërojë deri në 4, e di përse i shërben lapsi. Di t’i përdorë
fjalët që kanë të bëjnë me kohën e kaluar.
n. Me 6 vjet fëmija di të njehsojë deri në numrin 13, nëse i ofrohet di të vizatojë
shumëkëndëshin. Fjalët i artikulon pa gabime gramatikore.
Fëmija i periudhës parashkollore: Në periudhën e hershme parashkollore përfshihen
fëmijët nga mosha 1-3 vjeç. Në këtë periudhë fëmija në aspektin motorik është shumë aktiv.
Zakonisht në moshën një vjeçare fillon të ecë. Në moshën 2 vjeçare fëmija mund të bartë
enën nga njëra dorë në tjetrën, të ecë, të vizatojë vijën horizontalisht dhe vertikalisht, tenton
të ushqehet me lugë. Sa i përket të folurit, fëmija 2 vjeçar i flet 5-100 fjalë, ndërsa në moshën
3 vjeçare gjerë në 1000 fjalë. Në këtë moshë fëmija fillon të thur fjali të thjeshta të përbëra
nga 2-3 fjalë.
Marrëdhëniet shoqërore: Fëmija imiton personat e rritur. Merr pjesë në lojë me të tjerët,
lajmërohet edhe agresiviteti. Në moshën 18 mujore gjerë në 2 vjeçare, fëmija fillon të
kontrollojë defekimin dhe urinimin. Në periudhën e vonshme parashkollore përfshihen
fëmijët e moshës 4-6 vjeçare. Sa i përket motorikës vrapon, kërcen, ngjitet shkallëve, noton,
pastaj di t’i ndajë lodrat në bazë të madhësisë, ngjyrës dhe peshës. Vizaton dhe vishet vet. Di
të numërojë deri në 20, fjalori pasurohet.
Kontakti social: Fëmija bëhet vazhdimisht më i pavarur, por kur has në vështirësi kërkon
ndihmën e prindërve.
Fëmija i periudhës shkollore: Në këtë periudhë fëmija ka mjaft aftësi motorike, merr pjesë
në shumë aktivitete. Zhvillohet mjaft edhe në aspektin psikik. Në këtë periudhë fillon të shkoj
në shkollë, fiton njohuri të reja. Dallon të keqen nga e mira. Shpreh interesim për natyrën, të
kaluarën, sportin, muzikën. Bëhet gjithnjë më i pavarur nga prindërit dhe ka dëshirë të
shoqërohet me moshatarë. Në këtë periudhë paraqitet edhe puberteti. Fëmija ballafaqohet me
ndryshime të mëdha, bëhet më i ndjeshëm, preokupohet me veten e vet. E kupton se po rritet,
por njëkohësisht edhe është i hutuar dhe i frikësuar. Në të njëjtën kohë është i pakënaqur me
pamjen (aknet, ekstremitetet e gjata/shkurtëra, trashësia, etj).
14
Puberteti: Fillimi i pubertetit sot është më i hershëm, për shkak të përmirësimit të kushteve
të jetesës. Variacionet fiziologjike të paraqitjes së pubertetit sot janë shumë të gjera, e
gjithashtu ka variacione prej paraqitjes së pubertetit e deri te pjekuria e plotë seksuale.
Supozohet që, nëse puberteti i nënës ka filluar me vonesë edhe puberteti i vajzës së saj do të
fillojë me vonesë. Puberteti paraqitet nën veprimin e hormoneve.
Adoleshenca: Kjo është periudha kur fëmija përfundon rritjen dhe zhvillimin. Në këtë
periudhë të rritjes dhe zhvillimit, bëhet stabilizimi psikik, fitohet vetëbesimi personal. Edhe
gjatë kësaj periudhe zhvillimore, roli i prindërve është i pazëvendësueshëm.
2.1. Ndikimet psikologjike të sëmundjes
Ndikimi i çrregullimeve kronike pediatrike në zhvillimin e fëmijës janë të njohura mirë.
Të dhënat e studimeve tregojnë që fëmijët me çrregullime kronike janë dy herë më shumë në
rrezik sesa ata pa çrregullime për të pasur çrregullime psikologjike.
Nga studimet epidemiologjike kemi të dhëna, sipas të cilave afërsisht 15 % e fëmijëve kanë
disa forma të sëmundjeve kronike apo paftësi. 33 % e fëmijëve, të cilët vuajnë nga sëmundjet
kronike që përfshijnë sistemin nervor, janë në rrezik për të zhvilluar çrregullime psikiatrike,
krahasuar me 12 % të fëmijëve që kanë sëmundje kronike pa prekje të sistemit nervor dhe
vetëm 7 % e fëmijëve të analizuar nga bashkësia kanë treguar rrezik të lartë për çrregullime
psikiatrike.
Megjithatë vlen të thuhet se pjesa më e madhe e fëmijëve, të cilët kanë çrregullime
pediatrike, nuk zhvillojnë probleme psikiatrike. Në rastet e pranisë së çrregullimeve
psikiatrike sëmundja pediatrike shihet si faktor rreziku.
Nuk ka ndonjë model, i cili di ta lidh sëmundjen pediatrike si faktor etiologjik për sëmundje
pediatrike. Përjashtim bën astma, e cila duhet të ketë mikroorganizëm nurobiologjik me
depresionin.
Një prej sfidave të studimeve të sotme është të identifikojë faktorët specifikë, të lidhur me
sëmundjen që bëhen shkak për probleme psikologjike. Megjithatë, gjatë vlerësimit të fëmijës,
duhet të marrim në konsideratë moshën e paraqitjes së çrregullimit kronik pediatrik,
përkujdesjen prindërore, kohën e nevojshme për caktimin e diagnozës, ndikimin e sëmundjës
në dukjen fizike, kohën e pranisë së simptomave dhe shpresën për shërim të plotë.
15
Për ta vlerësuar ndikimin e faktorëve specifikë të rrezikut në zhvillimin e fëmijës, do të
duhej të vendosim fillimin e sëmundjes në një kontekst zhvillimor.
Është e qartë se stresorët për latantin mund të mos e kenë të njëjtën peshë për një fëmijë që
është në adoloshencë. Studimet mbi hospitalizimet e hershme sugjerojnë se fenomeni i
ndarjes nga figura përndjekëse, shoqërohet më veshtirësi për fëmijën, sidomos ata të moshës
2-4 vjeç. Ekzaminimi i fëmijëve, të cilët vuajnë nga astma, ka treguar se për shkak të
hospitalizimeve të shpeshta gjatë moshës 6 muaj deri në tre vjeç, fëmija mund të ketë shkallë
të lartë të problemeve të sjelljes në moshat e mëvonshme.
Problemet në formimin e atashimit parësor, gjatë dy vjetëve të parë të jetës së fëmijës.
Sëmundjet të cilat kërkojnë hospitalizim, në mënyrë të paplanifikuar dhe për një kohë të
gjatë, kanë treguar të jenë të lidhura me zhvillimin emocional të fëmijës.
Gjatë peridhës shkollore sëmundjet, të cilat ndërhyjnë në normalitetin e familjes dhe shkollës
duhet të konceptualizohen si stresorë të mëdhenjë. Gjatë kësaj kohe ndryshimet gjinore luajnë
një rol të rëndësishëm.
Meshkujt duhet të jenë më të ndjeshëm ndaj sëmundjeve që ndërhyjnë në aftësinë e atyre për
t’u marrë me sport, ndërsa për femrat me aftësinë e tyre për të mbështetur plotësisht
aktivitetet me grupin e bashkëmoshatarëve.
Në adoloshencë, sëmundjet që pengojnë krijimin e autonomisë duhet të jenë në mënyrë të
veçantë problematike. Pranimi prej grupit dhe krijimi i marrëdhënieve intime janë të një
rëndësie të veçantë. Një prej shqetësimeve më të mëdha për një adoloshent është ankthi i tyre
rreth të qenit ndryshe prej bashkëmoshatarëve.
Sëmundja kronike ndikon në paraqitjen e shqetësimeve psikologjike, jo vetëm tek fëmija, por
edhe familja në tërësi. Shqetësimet nuk janë të lidhura vetëm me diagnozën, por dhe me
kujdesin afatgjatë ndaj fëmijës së sëmurë.
Tri aspekte janë të rëndësishme:
3. përfitimi i aftësive dhe interesave të jashtme,
4. zhvillimi i koceptit të fëmijës për vetveten dhe
5. zhvillimi i aftësive ballafaquese.
Shumë sëmundje e ngushtojnë mundësinë e fëmijës për tu marrë me aktivitetet e përditshme,
e mbi të gjitha t’iu përkushtohet interesave dhe dëshirave të ndryshme. P.sh, nëse analizojmë
16
fëmijët me paralizë cerebrale për shkak të dëmtimeve në sferen motorike, apo fëmijët që
duhet të kenë restrikcione të dietës, p.sh. me diabet melit, fëmijët që kanë epilepsi që nuk
duhet të kryejnë aktivitet si notimi, ngasja e biçikletës etj.
Gjithashtu, problemet e edukimit janë prezente si pasojë e mungesave në shkollë, boshllëqeve
që krijohen në mësim shtojnë vështirësinë në procesin e të mësuarit, veçanërisht fëmijët të
cilët kanë hiperaktivitet, për shkak të problemeve në përqendrim, mund të kenë pengesa në
mësim, gjë që mund të mos përkojë me pritjet e prindërve ndaj fëmijës, duke rritur në këtë
mënyrë papajtueshmërinë e fëmijës me prindërit.
Sëmundja ka ndikime të ndryshme te fëmija në konceptimin mbi imazhin e vetes dhe
vlerësimin. Shumë fëmijë krijojnë një imazh të shtrembëruar të trupit, besime se sëmundja do
të shkaktojë dëme të paevitueshme dhe shpërfytyrim të tyrin. Këto ide mund të fuqizohen nga
komentet që fëmija merr nga prindërit, të afërmit, apo bashkëmoshatarët.
3. ÇRREGULLIMET PSIKIATRIKE TË FËMIJËS
3.1. Çrregullimi i hiperaktivitetit
Çrregullimi i hiperaktivitetit, me dhe pa deficite të vëmendjes, është çrregullim zhvillimor që
paraqitet gjatë fëmijërisë, me praninë e disa shenjave të cilat shkaktojnë dëmtim të funksionit
të fëmijës para moshës shtatëvjeçare, në më së paku dy ambiente (shtëpi-shkollë, shkollë-
bashkëmoshatarë etj). Fëmijët me këtë çrregullim karakterizohen me kohë shumë të shkurtër
të përqëndrimit të vëmendjes, kanë vështirësi në inhibimin e kontrollit, janë impulsiv në
sjellje, kanë lëvizshmëri jonormale për moshën e fëmijës, nuk reflektojnë dhe kanë mjaft
vështirësi për ta kontrolluar aktivitetin e tyre motor dhe social.
Në DSM-IV-TR ( Diagnostic Statistical Manual-version 4-Revised) ky çrregullim ndahet në
tre nëntipe:
me dominim të deficitit të vëmendjes,
me dominim te hiperaktivitetit/impulsivitetit dhe
forma e kombinuar.
Nëse fëmija nuk plotëson kriteret për këto grupe, atëherë caktohet diagnoza, çrregullim i
hiperaktivitetit, forma e padiferencuar.
17
Sipas klasifikimit ndërkombëtar të sëmundjeve verzioni 10 (ICD 10), çrregullim i
hiperaktivitetit është i ndarë nga fotonet e çrregullimit të vëmendjes. Kur çrregullimi i sjelljes
shoqërohet me hiperaktivitet, ky klasifikim ofron diagnozën ‘‘Çrregullim hiperkinetik i
sjelljes’’. Në sistemin e referimit në Kosovë do ta gjeni togfjalëshin terminologjik
‘‘sondroma e hiperaktivitetit’’ që përdoret thjesht si zëvendësim për fjalën çrregullim të
hiperaktivitetit.
Epidemiologjia. Çrregullim i hiperaktivitetit me deficit të vëmendjes është çrregullim i cili
njihet në të gjitha popullatat. Të dhënat e ndryshme mbi shpeshtësinë edhe brenda një
popullate, duhet të jenë të lidhur më shumë me metodologjitë e ndryshme të përdorura për të
përcaktuar shpeshtësinë e këtij çrregullimi. Shpeshtësia e këtij çrregullimi tek fëmijët dhe tek
të rriturit sillet nga 4-8 %. Meshkujt me 9 %, janë më të predisponuar për këtë çrregullim se
femrat me 3.3 %. Ndërsa në studimet klinike shpeshtësia te meshkujt është edhe më e lartë.
Etiologjia. Çrregullimi i hiperaktivitetit mendohet se ka bazë konstitucionale apo gjenetike.
Nuk ka ndonjë të dhënë përfundimisht të aprovuar mbi faktorin gjenetik, por janë gjetur
lidhje të çrregulltimit të hiperaktivitetit me gjentet e receptorëve D. Studimet e bëra në
binjakë kanë gjetur një konkurdancë prej 81% në monozigotë dhe 29% në dyzigotë.
Studiuesit kanë gjetur përmes tomografisë së kompjuterizuara, që emeton fotone (SPECT),
përqëndrime të larta të transportuesve të dopaminës në corpus striatum, struktur kjo
përgjegjëse për planifikim. Nga studimet e bëra tek të rriturit me çrregullimin e
hiperaktivitetit është vrejtur që subjektet e përfshira në këto hulumtime kanë pasur
abnormalitet në funksionin e korteksit promotor dhe atij prefrontal në hemisferën e majtë,
struktura këto përgjegjëse për vëmendjen. Ka shumë faktorë që mendojnë të jenë faktorë
rreziku për shfaqjen e këtij çrregullimi si: familjet disfunksionale, përdorimi i alkoolit gjatë
shtatëzanisë, përqendrimet e larta të plumbit në gjak, aditivët ushqimorë, temperamenti i
fëmijës, përdorim i substancave narkotike nga ana e prindërve etj.
Manifestimet klinike. Fëmijët me çrregullimin e hiperaktivitetit dështojnë t’u kushtojnë
vëmendje detajeve, a po bëjnë gabime të shpeshta kur i bëjnë detyrat ose aktivitetet e tjera,
kanë vështirësi në fokusimin e vëmendjes, nuk përqëndrohen kur jeni duke folur me ta,
harrojnë si dhe shmangin aktivitetet apo detyrat që kërkojnë një shkallë të lartë organizimi.
Dështojnë në ndjekjen e udhëzimeve kur u jepet një detyrë, vazhdimisht janë të pa
vëmendëshem, kanë shpesh shpërthime inati, sikurse edhe probleme me gjumin.
18
Në sferën e hiperaktivitetit dhe impulsivitetit ky çrregullim karakterizohet me vështirësi nga
ana e fëmijës për të qëndruar në një vend të qetë, janë shumë të lëvizshëm, vrapojnë apo
hipin mbi objekt, mbi të cilat nuk hipet, luajnë më duar dhe këmbë ndërsa rrin ulur në karrige,
flasin shumë, japin përgjigjie pa u përfunduar pyetja, nuk e respektojnë radhën për të folur,
ndërpresin aktivitetet e të tjerëve etj.
Diagnoza dhe komorbiditeti (Shoqërimi me çrregullime tjera). Çrregullimi i
hiperaktivitetit mund të imitoj apo shoqërohet me çrregullime të tjera. Çrregullimi i
hiperaktivitetiti shoqërohet me një shkallë të lartë të çrregullimeve të të mësuarit, motorikës
dhe komunikimit, po ashtu bashkegzistenca e çrregullimit të hiperaktivitetit me vonesë
mentale është shumë e shpeshtë.
Çrregullimi i hiperaktivitetit jo vetëm që prek fëmijën, por edhe të rriturit rreth tij. Fëmija ‘‘
prodhon ’’ një ambient përreth tij me probleme të shumta, si: shkallë të lartë të incidenteve,
rrezik të lartë për t’u bërë përdorues substancash narkotike dhe i duhanit, për të pasur
probleme me ligjin, marrëdhënie jo të mira me bashkëmoshatarët, vlerësim të ulët të vetes,
dështime në shkollë si dhe kormobiditetin me çrregullimet psikiatrike, si: depresionin,
ankthin, çrregullimin e përshtatjes, tiket, çrregullimet pervazive të zhvillimit etj.
Çrregullimi i sjelljes dhe ai apozicional është gjithashtu i shpeshtë te fëmijët më çrregullimet
e hiperaktivitetit. Rreth 20-25% e fëmijëve me çrregullime të hiperaktivitetit kanë kriteret dhe
për çrregullim të të mësuarit, sidomos kur fëmija ka probleme me vëmendjen.
Mjekimi. Ekzistojnë disa opsione për mjekimin e çrregullimit të hiperaktivitetit: mjekimi me
barna dhe terapia e sjelljes. Në barnat të cilat përdoren gjerësisht janë stimulantët si:
Methylphenidati (e njohur me emrat Ritalin dhe Concerta), amphetamina (Adderall) dhe
dextroamphetamina (Dexedrine).
Në studimet e fundit ka mbështetje për përdorimin e atomoxetines (Strattera) një barë
josimulant i cili është inhibitor selektiv i rikapjes së norepirefrinës. Antidepresivët triciklikë
përshkruhen shumë rrallë. Trajnimi i prindërve dhe teknikat e sjelljes duhet që të jenë
efektive në menaxhimin e një fëmije me hiperaktivitet.
3.2. Çrregullimi i sjelljes dhe ai kundërshtues
Çrregullimi i sjelljes është një çrregullim psikiatrik i fëmijërisë dhe adoloshencës, i
karakterizuar nga një preziztencë e vazhdueshme për t’i thyer normat dhe rregullat shoqërore,
19
manifestim të agresivitetit ndaj njerëzve dhe kafshëve, shkatërrim të pasurisë, vjedhje e
gënjeshtra si dhe situata të tjera të rënda të thyerjes së normave, si p.sh. largimi nga shtëpia,
shkolla.
Çrregullimi kundërshtues shpesh haset te fëmijët e vegjël dhe karakterizohet me sjellje të
vazhdueshme negative, kundërshtuese, apo edhe poshtëruese, drejtuar figurave madhore dhe
që pengojnë seriozisht funksionimin e fëmijës. Sjellja e fëmijës nuk duhet të karakterizohet
me veprime delikuente apo forma ekstreme të agresivitetit.
Çrregullimi i sjelljes ka një shkallë më të lartë të mos pajtimit me normat shoqërore sesa
çrregullimi kundërshtues. Në të dyja çrregullimet, sjellja duhet të shfaqet më shpesh sesa ne
presim nga shkalla zhvillimore e fëmijës.
Sipas klasifikimit ndërkombëtar DSM – IV llogaritet që kjo sjellje mund të shkaktojë dëmtim
signifikant të funksionimit shoqëror dhe akademik.
Etiologjia. Shkaktarët e këtyre dy çrregullimeve janë të lidhur shpesh me lëndimet e trurit,
epilepsinë, apo çrregullimet e funksionit cerebral, predispozicionin gjenetik,
imtemperamentin dhe personalitetin, dështimet në të mësuar, apo çrregullimet specifike të të
nxënit.
Ka studime që lidhin çrregullimet e sjelljes me eksperiencat traumatike gjatë fëmijërisë apo
abuzimin fizik dhe seksual. Fëmijët të cilët kanë çrregullimin e hiperaktivitetit, kanë treguar
deficit në kontrollimin impulsiv dhe vëmendjes si dhe hiperaktiviteti duhet të ketë një shkallë
të lartë rreziku për të shfaqur çrregullimin e sjelljes.
Shumë studime kanë treguar që fëmijët me kormobiditet të lartë të çrregullimit të
hiperaktivitetit dhe çrregullimin e sjelljes kanë deficit në procedimin auditor të informatave.
Deficitet në procedimin e informatës janë mbështetur dhe nga Dodge (1993) i cili ka
propozuar një model të përpunimit të informacioneve për gjenezën e sjelljeve agresive brenda
interaksioneve sociale.
Ai dha hipotezën që fëmijët, të cilët kanë prirje për agresion, fokusohen në aspektet
kërcënuese të veprimeve të të tjerëve dhe kanë më tepër gjasa për t’i zgjedhur dhe favorizuar
solucionet agresive në rast të sfidave sociale. Disa studime kanë demostruar se fëmijët
agresiv kanë më tepër gabime në regjistrim sesa grupet kontrolluese jo agresive - kjo do të
thotë që janë më pak të saktë në regjistrimin e fakteve të një situate.
20
Gjithashtu është gjetur një lidhshmëri e lartë ndërmjet këtyre dy çrregullimeve me statutin
social dhe ekonomik, prindësimin e varfër, familjen abuzive dhe prindërit me çrregullime të
personalitetit.
Manifestimet klinike. Fëmija me çrregullimin kundërshtues karakterizohet me humbje të
kontrollit, kriza inati, ngatërrohet vazhdimisht me të rriturit, shpesh kundërshton apo refuzon
që t’i përmbush rregullat apo kërkesat e të rriturve, me qëllim që të mërzis të tjerët shpesh
fajëson të tjerët për gabimet e tij.
Shumë shpesh preket apo bezdiset prej njerëzve të tjerë, vazhdimisht është nervoz, si dhe
hakmarrës. Kur çrregullimi kundërshtues kalon në çrregullim të sjelljes, sjellja në fillim mund
të përfshijë ngatërresa, shantazhe, gënjeshtra dhe vandalizma. Më vonë, me zhvillimin e
çrregullimit të sjelljes, sjellja përfshin vandalizma në shkollë, largim nga shtëpia, vjedhje,
dhunime, krime etj.
Në çrregullimin e sjelljes, shenjat së paku duhet të jenë prezente në gjashtë muajt e fundit
dhe përveç shenjave të mësipërme, përfshihen edhe agresiviteti ndaj njerëzve dhe kafshëve,
pastaj të tillët turpërojnë të tjerët, përdorin objekte për të lënduar njerëzit (thika, brisqe etj.)
vjedhin, plaqkitin, bëjnë dhunime, shkatërrim te pasurisë, shkelin në mënyrë serioze rregullat
dhe normat shoqërorë.
Diagnoza dhe komorbiditeti. Meqenëse çrregullimi i sjelljes ka një variacion të shenjave të
sjelljes është e rëndësishme që mjeku të performoj një vlerësim të detajuar para se ta caktoj
diagnozën.
Një numër i madh i instrumenteve janë zhvilluar kohët e fundit për të bërë të mundur
vlerësimin e fëmijëve me këtë çrregullim. Mjeku duhet të hulumtojë në detajë kontekstin e
shfaqjes së problemeve, vlersojë përceptuesit dhe sa është në gjendje fëmija të kontrollojë
situaten.
Anamneza si dhe ekzaminimi neurologjik janë të nevojshme që të përjashtohen disfunksioni i
SNQ dhe çrregullimet tjera që imitojnë çrregullimin e sjelljes. Mosha është një element i
rëndësishëm i vlerësimit, pasi çrregullimi kundërshtues haset më shpesh në moshat e
fëmijërisë së hershme sesa çrregullimi i sjelljes.
Shumica e fëmijëve, të cilat kanë diagnozën të çrregullimit të sjelljes, kanë pasur paraprakisht
çrregullim kundërshtues por jo të gjithë fëmijët që kanë çrregullim kundërshtues përfundojnë
në çrregullimet e sjelljes.
21
Fëmijët e diagnostifikuar me këto dy çrregullime kanë komorbiditet të lartë më çrregullime të
tjera psikiatrike, përfshirë çrregullimin e hiperaktivitetit, depresionin, çrregullimin konversiv
dhe përdorimin e substancave tek adoloshentët.
Mirëpo ekzistojnë mjaft çrregullime të tjera, të cilat mund të kenë siptomatologji të
ngjajshme me çrregullimin e sjelljes në momente të ndryshme të zhvillimit të tyre, si p.sh.:
epilepsia, skizofrenia, çrregullimet e të mësuarit, çrregullimet disociative, çrregullimi i
identitetit, çrregullimet e disponimit etj.
Mjekimi. Kërkohet një vlerësim i plotë, duke i përfshirë të gjitha fushat e funksionimit të
fëmijës dhe vendosja e tyre në kontekst familjar, social dhe kulturor. Një rëndësi e veçantë i
kushtohet trajnimit të prindërve si dhe përdorimit të teknikave të sjelljes me fëmijët me
çrregullim të hiperaktivitetit.
Antidepresivët për depresion si dhe stabilizuesit e disponimit për raste të eksplozivitetit, si
dhe risperidoni është treguar që të jetë efektiv në menaxhimin e impulsivitetit dhe agjitimit.
Prognoza. Studimet klasike të fëmijëve me sjellje asociale kanë treguar se prania e
agresivitetit në moshën parashkollore nuk është prediktore por sociopatinë e tyre në moshën e
mëvonshme, por prania e një shkalle të lartë agresiviteti në fëmijërinë e mesme i rrit shanset
në 50%, sidomos nëse fëmija ka pasur edhe probleme me të mësuarit.
3.3. Çrregullimet pervazive të zhvillimit
Çrregullimet pervazive të zhvillimit janë zakonisht të identifikueshme përpara moshës tre
vjeçare. Në përgjithësi këta fëmijë kanë vështirësi në sferen e komunikimit, marrëdhëniet
sociale si dhe probleme me sjelljen, interesat dhe realizimin e aktiviteteve të ndryshme.
Etiologjia. Është e panjohur, megjithatë përfshin keqformimet gjenetike, ndërlikimet
obstetrike, ekspozimin ndaj toksinave, infeksionet prenatale, perinatale, posnatale. Rubeola te
nënat është lidhur në mënyrë signifikante me një shkallë të lartë të autizmit dhe gjendjeve të
ngjashme me to. Në studimet e fundit është hedhur hipoteza e lidhjes së trivaksines me një
shkallë të rritur të autizmit tek ata fëmijë por kjo hipotezë nuk është vërtetuar.
Studimet neuroanatomike dhe ato të neuroimazhit kanë të dhëna për keqformime të
regjioneve të trurit, sidomos ato të lobit temporal dhe frontal si dhe trurit të vogël. Rritja e
përmasave të amygdales dhe hipokampusit nuk kanë qenë të rralla te fëmijët me autizëm.
22
Gjithashtu, implikimet e neurotransmetuesit që vijnë mes serotoninës janë gjetur në 1/3 e
fëmijëve.
Megjithatë, të dhënat janë të ndryshme tek individë të ndryshëm. Në përgjithësi, 10% e
fëmijëve me autizëm kanë edhe çrregullime të tjera mjekësore. Çrregullimet më të sheshta
pervazive të zhvillimit janë:
1. Autizmi. Është çrregullim më i shpeshtë tek meshkujt sesa te femrat në një raport
4:1. Shpeshtësia është përafërsisht 10-15 fëmijë në 10.000 fëmijë. Fëmijët me
autizëm kanë një shkallë nga e rënda deri në mesatare të komunikimit,
shoqërizimit dhe problemeve të sjelljes. Shumë prej tyre kanë edhe vonesë në
zhvillimin mental.
2. Sindroma Rett. Është diagnostikuar vetëm tek femrat. Zhvillimi i fëmijës deri në
moshën 18 muaj është normal dhe më pas fëmija fillon të humbas aftësitë e
fituara, sidomos ato motorike, si të ecurit dhe të lëvizurit. Kjo gjendje shoqërohet
me humbjen e aftësive të tjera, si të folurit, arsyetimi si dhe mundësinë për t’i
përdorur duart.
3. Çrregullimi dezindegrativ i fëmijërisë. Është një çrregullim shumë i rrallë, i cili
lidhet me regresionin e dukshëm të shumë funksioneve (aftësia për të lëvizur,
kontrolli i sfinktereve, aftësitë sociale dhe të folurit, lojës, aftësive përshtatëse,
sjellje përsëritëse manierizmi) mbasi fëmija ka pasur një zhvillim normal deri në
moshën dyvjeçare.
4. Sindroma Asperger. Është një çrregullim zhvillimor i cili karakterizohet me
mungesë të aftësive sociale, vështirësi në krijimin e marrëdhënjeve, koordinim
dhe përqëndrim të varfër, një hapësirë interesash shumë e ngushtë, por me një
inteligjencë normale dhe aftësi gjuhësore të përshtatshme, sidomos në fushën e
fjalorit dhe gramatikës. Aspergersi duhet të zhvillohet më vonë se autizmi, apo së
paku diagnostifikohet më vonë, personat më sindromen Asperger kanë një
intelegjencë mesatare dhe lehtësisht mbi mesataren. Ndonjëherë atyre iu referohet
formulimi ‘‘autizëm më funskionim të lartë ’’
Manifestimet klinike. Sjellja e fëmijëve me çrregullime pervazive karakterizohet me
vështirësi të fëmijës në ambiente jofamiljare. Shpesh fëmija është shumë rezistent në
ambiente të tilla për të mësuar. Fëmija mund të ketë sjellje, përsëritëse, si përplasja e duarve,
23
luajtja me gishtat e tij, lëvizja e duarve në afërsi të fytyrës, ngrënja e një ushqimi të caktuar,
veshja e një rrobe të caktuar, preferenca ndaj objekteve me të njëjtën ngjyrë apo formë etj.
Gjithashtu fëmijët më çrregullime pervazive te zhvillimit mund të krijojnë lidhje më objekte
të ndryshme të cilat mund të jenë të çuditshme si p.sh., bateritë, fshesa e rrymës, koshin e
mbeturinave, apo të kenë preferenca për forma, shije dhe aroma të ndryshme. Shumë nga
fëmijët me këto çrregullime kanë një reagim të ulët, apo të shtuar ndaj stimujve sensorialë.
Për këtë arsye shumë nga prindërit mendojnë se fëmija nuk dëgjon dhe është mjaft e shpeshtë
që këta fëmijë përfundojnë në kontrollë tek ortorinolaringologu apo oftamologu. Disa fëmijë
shmangin kontaktin fizik. Fëmijët më këto çrregullime kanë vështirësi në imitim. Ata kanë
vështirësi në detyrat që kërkojnë të menduar simbolik apo abstrakt, në mënyrë të veçantë
kuptimin e gjuhës së folur dhe gjesteve, fleksibilitetet, vëmendjen, mësimin dhe aplikimin e
rregullave dhe në përdorimin e informatave.
Një numër i vogël i fëmijëve me çrregullime pervazive tregojnë aftësi të shkëlqyera në
muzikë, matematikë, mekanikë dhe lexim. Shumë prej tyre janë edhe hiperaktivë, kanë
vështirësi në të kuptuarin e rrezikut dhe shpesh kanë sjellje të pakontrolluara dhe janë
impulsive.
Mjekimi. Terapia e sjelljes, edukimi për ta avansuar zhvillimin më normal, sidomos në gjuhë
dhe socializim, edukim prindëror, janë aspektet esenciale. Gjithashtu, merren në konsideratë
grupet përkrahëse apo terapia individuale dhe mjekimi i komorbiditetit si dhe impulsivitetit.
3.4. Çrregulimet e ankthit
Çrregullimet më të shpeshta të ankthit janë:
çrregullimi i ankthit të ndarjes,
çrregullimi i obsesioneve me kompulsione dhe
mutizmi selektiv.
3.4.1. Çrregullimi i ankthit të ndarjes
Çrregullimi i ankthit të ndarjes përshkruhet atëherë kur fëmija ka frikë të madhe, e cila nuk
është karakteristike për moshën e fëmijës, sa herë që është larg anëtarëve të familjes, në
24
mënyrë të veçantë nga figura përkujdesëse. Fëmijët me ankthin e ndarjes kanë frikë se do ta
humbin familjen, apo ata janë të sigurt që diçka e keqe do ti ndodhë anëtarit të familjes nëse
ndahen prej tyre.
Ankthi i ndarjes është pjesë e zhvillimit normal te fëmijët e vegjël dhe përbën patologji, kur
ai paraqitet tek fëmijët e periudhës parashkollore dhe atë shkollore. Fëmijët përjetojnë një
ankth të ekzagjeruar në situatat e reja, si p.sh.: shkuarja në shkollë, ankth ky që dëmton
funksionimin e fëmijës.
Çrregullimi i ankthit të ndarjes prek rreth 3-4% të fëmijëve. Diferencat gjinore janë lehtësisht
të anuara nga gjinia femërore.
Etiologjia. Ka një numër të madh të teorive që mund ta shpjegojnë shfaqjen e çrregullimit të
ankthit të ndarjes. Predispozicioni i rritur i fëmijëve që kanë në anamnezën e tyre të tanishme
të çrregullimit të ankthit, bënë të pamundur ndarjen e tre komponentëve të këtij çrregullimi,
në të cilin përfshihen komponenta gjenetike, predispozicioni familjar si dhe marrëdhënia
prind-fëmijë.
Ekzistojnë disa teori, të cilat përpiqen ta shpjegojnë etiologjinë e çrregullimit të ankthit të
ndarjes, si teoria e sjelljes me theks në frikën e kushtëzuar, bazuar në gjeneralizimin dhe
përforcimin e stimulit, si dhe ajo psikoanalitike e cila e lidhë ankthin me konfliktet e
brendshme të pavetëdijshme në raport me impulset agresive dhe seksuale.
Gjithashtu temperamenti dhe atashimi i pasigurt duken të jenë të lidhur ngushtë me shfaqjen e
këtij çrregullimi. Çrregullimi i ankthit të ndarjes mund të nxitet nga ngjarje të frikshme, si
p.sh.: tërmetet, ndarjet e gjata nga prindërit, streset e rënda në familje, ngjarjet e veçanta në
jetën e fëmijës (fillimi i shkollës, shtëpia e re) si dhe sëmundjet.
Manifestimet klinike. Meqenëse fëmijët me ankth të ndarjes nuk mund të qëndrojnë larg
anëtarit të familjes ai apo ajo mund të izolohet nga bashkëmoshatarët apo aktivitete të
ndryshme jashtë shtëpisë. Gjithashtu fëmija mungon në shkollë duke sjellë probleme në
arritjet akademike. Çrregullimi i ankthit të ndarjes manifestohet me sjellje apo shenja fizike,
si: kokëdhembje, dhembje barku në mënyrë të veçantë kur hetojnë që figura përkujdesëse do
të largohet. Ata nuk durojnë që ta kenë personin larg syve, i shkojnë mbrapa, duan që të flenë
së bashku me të.
Fëmijët ankohen për ëndërra të frikshme, shqetësohen vazhdimisht për sigurinë e personit, ata
mund të kenë atakë paniku nëse figura përkujdesëse largohet. Refuzojnë të shkojnë në shkollë
25
apo në aktivitete të tjera. Kur ata janë larg figurës përkujdesëse ndihen të tërhequr, apatikë, të
mërzitur, qajnë, kanë vështirësi të koncentrohen si dhe në varësi të moshës së fëmijës ata
ankohen për frikë nga kafshët, grabitësit, aksidentet, errësira, etj. Shqetësimi rreth vdekjes
është i shpeshtë. Fëmijët me këtë çrregullim shpesh kërkojnë vëmendje të vazhdueshme, janë
kokëfortë dhe intruzivë.
Diagnoza diferenciale dhe komorbiditeti. Fëmijët që vuajnë nga çrregullimi i ankthit të
ndarjes mund të kenë komorbiditet me depresionin, çrregullime të tjera ankthi, çrregullimin e
panikut si dhe çrregullimet somatike. Klinicistët duhet të jenë të kujdesshëm të përjashtojnë
këtë çrregullim me skizofreninë me fillim në fëmijëri, çrregullime pervazive të zhvillimit,
ankthin e gjeneralizuar, frikën specifike si dhe çrregullimin e përshtatjes me ankth. Vlerësimi
klinik duhet të përdoret për ta përcaktuar kur një reagim është normal me zhvillimin e
fëmijës.
Mjekimi. Mjekimi i këtyre fëmijëve mbështetet në disa drejtime: terapi familjare, modifikim
i sjelljes, mbështetje individuale dhe në rastet kur e lejon mosha, terapi kognitive. Në rastet e
mungesave në shkollë nevojitet një intervenim i përbashkët fëmijë-prind-shkollë.
Teknikat që përdoren në këtë bashkëpunim kanë të bëjnë me vendosjen e limiteve,
eliminimin e përfitimit dytësor, trajnimin mbi teknikat e relaksimit, ekspozimin gradual ndaj
shkollës. Dërgimi me forcë në shkollë i fëmijës mund të rezultojë me kriza të inatit.
Përshkrimi i antidepresivëve ndonjëherë mund të shoqërojë intervenimet e tjera për 2-4 javë.
Prognoza. Episode të ankthit mund t'i kthehen fëmijës në momente të ndryshme të jetës së
tij, si p.sh.: kur vdes ndonjë i afërt, ndërrimi i shkollës, ndërrimi i vendbanimit, etj. Në disa
fëmijë episodet e ankthit mund të vazhdojnë për një kohë të gjatë. Në adoleshencën e
vonshme shumë rrallë mund të takohen episode të tilla.
3.4.2. Çrregullimi i obsesioneve me kompulsione
Çrregullimi i obsesioneve me kompulsione është një kategori e veçantë e çrregullimeve të
ankthit. Një fëmijë me çrregullim obsesiv ankohet për mendime, imazhe, apo impulse
intruzive, të padëshirueshme të cilat edhe pse fëmija nuk ka kontroll mbi to shpesh është në
gjendje t'i kuptojë se vijnë prej mendjes së tij.
Ndërsa ato rrjedhin nga mendja, obsesionet mund të përfaqësojnë operacione të ndryshme
mendore, si p.sh.: përsëritje e fjalëve të thjeshta, mendime, frika, kujtime, figura ose edhe
26
skena të ndryshme. Ndërsa kompulsionet janë veprime të caktuara me qëllim të përgjigjes
ndaj një nevoje të brendshme të obligueshme për të ndjekur rregulla të ndryshme apo rituale.
Fëmijët me kompulsione referojnë nevojën për të ndjekur një rregull të caktuar si: numërim,
rregull, veprime përsëritëse, palosje në mënyrë të përsëritur, etj. Nëse një fëmijë ka
çrregullimin obsesion me kompulsione, mund të ketë frikë se mos çdo gjë që prek e
kontaminon nga mikrobet dhe për t'u çliruar nga ky mendim i lan duart sa herë që prek
ndonjë objekt.
Efektet e obsesioneve mund të jenë nga më të lehtat deri te shumë të rënda. Këto mund të
çrregullojnë jetën familjare, sociale dhe shkollore të fëmijës.
Etiologjia. Hulumtuesit akoma nuk i kanë zbuluar shkaktarët e këtyre çrregullimeve, por janë
duke u kryer studime të shumta mbi keqformimet e trurit, influencën gjenetike si dhe faktorët
e ambientit. Metodat kompjuterike të skanimit të trurit kanë gjetur aktivitete të ndryshme në
pjesë të ndryshme të trurit te fëmijët me çrregullime të obsesioneve kompulsive, krahasuar
me ata pa këto çrregullime dhe janë gjetur zgjerime të ventrikujve, zgjerim ky i varur nga
gjinia, mosha, kohëzgjatja dhe lloji i shenjave.
Në studimet e bëra në të rritur me çrregullime obsesive kompulsive janë gjetur keqformime
në korteksin frontal, bërthamat lentikulare si dhe në funksionimin e bërthamave bazale.
Keqformime në pjesë të tjera të trurit, imbalanci në nivelin e neurotransmetuesve në mënyrë
të veçantë të serotonines, mund të jenë kontributorë të këtij çrregullimi.
Ekziston një predispozitë e rritur gjenetike te të afërmit e rrethit të parë dhe një përputhje më
e madhe në mes të binjakëve monozigot krahasuar me ata dizigot. Sidoqoftë, tipet e
ruminacioneve dhe ritualet nuk janë gjithmonë të njëjta tek anëtarët e prekur të familjes.
Po ashtu ekziston një lidhshmëri gjenetike ndërmjet sindromës Touret, çrregullimit të tikeve
motorike kronike dhe çrregullimit obsesiv-kompulsiv.
Manifestimet klinike. Obsesionet me kompulsione janë një sëmundje me dekurs kronik, ku
shpeshtësia e obsesioneve ndryshon në kohë të ndryshme si në përmbajtje, ashtu edhe në
objekte. Ankthi është shenja më e shpeshtë për të cilën ankohen fëmijët. P.sh. fëmija mund të
ndjejë se duhet të ndjekë të njëjtën rrugë për në shkollë në mënyrë që të shmang ndonjë
fatkeqësi që mund t'iu ndodh prindërve.
27
Nëse fëmija nuk e ndjek në mënyrë precize këtë rregull, atëherë ai do të ndihet i zhytur në
ankth dhe shumë shpesh mund të zhvillojë ndjenjën e mospërmbushjes së obligimit.
Manifestimet e tjera klinike janë:
Obsesionet janë mendime, ide, përfytyrime dhe impulse të padëshirueshme, të cilat
ndërpresin të menduarit normal të fëmijës dhe shkaktojnë ankth, frikë perzistente se mos
lëndohet fëmija, apo ndonjë i afërm i familjes, nevojë eksesive për t'i bërë gjërat në mënyrë
perfekte dhe korrekte.
Në adoleshencë raportohen më së shpeshti obsesione që kanë lidhje me infektimin nga
mikrobet, papastërtitë, sëmundjet, simetria, religjioni, etj. Obsesione, të lidhura me
funksionimin e trupit, preokupimet seksuale, frika se mos lëndon veten apo familjarët.
Kompulsionet janë të shpeshta dhe përfaqësohen nga veprime, si: larja e shpeshtë e duarve,
kontrollimi i shpeshtë i dyerve, çantës së shkollës, dritareve, numërimi, përsëritja e gjërave
apo vendosja e objekteve në një rend të caktuar, lutja etj.
Fëmijët në varësi të moshës, variojnë, në të kuptuarin e obsesioneve. Nganjëherë ata mund t'i
përcaktojnë obsesionet dhe kompulsionet si joreale, por nganjëherë nuk janë të sigurt dhe
besojnë në frikën e tyre. Fëmijët, për shkak të obsesioneve, mund të kenë probleme me
vëmendjen, përqendrimin, gjë që sjell përkeqësim të arritjeve të tyre akademike si dhe në disa
raste dëmton funksionimin e fëmijës me bashkëmoshatarët.
Fëmijët me obsesione mund të kenë probleme me gjumin. Reagimi i prindërve ndaj
obsesioneve dhe kompulsioneve mund të sjellë edhe më shumë probleme te fëmijët si dhe në
vonimin e kërkimit të ndihmës.
Diagnoza. Diagnoza mbështetet në vlerësimin klinik si dhe në testet psikologjike. Shpesh
fëmijët me obsesione kanë frikë t'i rrëfejnë shenjat e tyre. Është e preferuar që informacioni të
mblidhet nga burime të ndryshme. Krijimi i marrëdhënieve të mira me fëmijën janë esenciale
pasi ata mund të jenë anksiozë se çfarë po ju ndodh. Testet klinike dhe psikologjike japin një
pasqyrë mbi funksionimin intelektual, praninë e stresantëve, karakteristikat e mekanizmave
mbrojtës të fëmijës.
Gjithashtu ka teste që ia japin mjekut një ide mbi thellësinë e shenjave, si p.sh.: "Shkalla e
vlerësimit të Yales për obsesione dhe kompulsione te fëmijët" (Y- BOCS) si dhe "Lista e
28
sjelljeve të fëmijës" (CBCL) e cila ndihmon edhe në vlerësimin e shoqërimit me sëmundje të
tjera.
Çrregullimi obsesiv - kompulsiv mund të jetë pjesë edhe e çrregullimeve të tjera si:
çrregullimi psikotik, çrregullimi hipokondrik, anoreksia nervore, çrregullimet organike
mendore, çrregullimi pervaziv, çrregullimi postraumatik, fobitë, çrregullimi i panikut. Mbetet
në detyrën e klinicistit të vlerësojë komorbiditetin dhe diferencimin e tyre.
Mjekimi. Mjekimi i opsesioneve dhe kompulsioneve përfshin: psikoterapinë dhe mjekimin
me barna. Mjekimi me antidepresantët e grupit të SSRI (Frenuesit e rikapjes së serotoninës),
si fluoxetine, paroxetina, fluvoxamina, duken të jenë efektiv në mjekimin e çrregullimit të
obsesioneve dhe kompulsioneve te fëmijët.
Në mënyrë që të vlerësohet nëse fëmija po i përgjigjet terapisë, duhet që të merret koha e
duhur për ta vlerësuar efektin e barit. Studimet tregojnë që fëmija duhet të marrë barnat më së
paku 12 javë. Terapia ndërpritet gradualisht. Te adoleshentët clomipramina është bari më i
preferuar.
Efektet anësore të clomipramines duken të jenë të shumta. Për këtë kërkohet fillim me dozë të
ulët, e cila rritet gradualisht. Në llojet e psikoterapive, terapia kognitive dhe e sjelljes është e
suksesshme. Çrregullimi obsesiv nuk kërkon hospitalizimin e fëmijës.
Prognoza. Te fëmijët me episode të obsesioneve mund të paraqitet remison i plotë, por te një
numër i tyre paraqitet rishfaqja e episodeve. Në këtë rast nuk mund të jepet një përfundim i
përgjithësuar. Përgjigjia e dobët ndaj mjekimit, prezenca e tikeve, si dhe psikopatologjia e
prindërve, predispozon fëmijën për një prognozë jo të mirë.
3.4.3. Mutizimi selektiv
Mutizmi selektiv është një çrregullim i rrallë te fëmijët. Fëmijët që kanë këtë çrregullim nuk
flasin në një apo në më shumë situata, edhe pse kanë kapacitete të plota për të folur dhe për ta
kuptuar gjuhën e folur e ndërsa flasin në situata të tjera. Ata funksionojnë normalisht në të
gjitha fushat e tjera si atë të sjelljes apo të mësuarit, edhe pse duken të turpshëm.
Fëmijët me mutizëm selektiv flasin kur janë vetëm, kur janë me miq të ngushtë si dhe
ndonjëherë me familjarët, por nuk janë të tillë në shkollë, apo në ambiente publike.
29
Etiologjia. Shpjegimet mbi etiologjinë janë nga më të ndryshmet. Numri më i madh i
ekspertëve mendojnë se shkaqet janë psikologjike, biologjike, interpersonale si dhe të lidhura
me faktorët e ankthit. Një numër i fëmijëve, të cilët vuajnë nga mutizmi selektiv, vuajnë
gjithashtu nga çrregullimi i ankthit.
Disa prej fëmijëve vijnë nga familje me anamnezë të mutizmit turpit të thellë apo kanë
çrregullime të ankthit.
Ky çrregullim nuk është pjesë e çrregullimeve në komunikim, një pjesë e mirë e tyre
komunikojnë përmes ekspresionit të fytyrës, gjesteve, etj.
Në disa raste mutizmi selektiv është pjesë e çrregullimeve pervazive të zhvillimit, apo të
ndonjë çrregullimi psikotik. Nuk është gjetur ndonjë shkaktarë për të shpjeguar këtë
çrregullim edhe pse janë gjetur disa evidenca mbi komponentin hereditar dhe se ky
çrregullim takohet më shpesh te femrat sesa te meshkujt.
Manifestimet klinike. Nganjëherë mjekët e ngatërrojnë këtë çrregullim me autizmin apo
sindromen Asperger sidomos nëse fëmija nuk komunikon me pediatrin. Mutizmi selektiv i ka
disa karakteristika, si më poshtë:
- Dështim i vazhdueshëm i fëmijës në të folur në një ambient të caktuar (p.sh. në shkollë)
ndërsa flet në situata të tjera.
- Ky shqetësim ndërhyn në funksionimin e fëmijës si në shkollë edhe në funksionimin e tij
social.
- Ky problem duhet të jetë së paku evident një muaj.
Mospërdorimi i gjuhës së folur nuk është për shkak të aftësive të limituara njohëse dhe nuk
duhet të jetë pjesë e çrregullimit të komunikimit, çrregullimit pervaziv dhe çrregullimeve
psikotike.
Fëmijët me mutizëm selektivi kanë disa karakteristika, si: nuk buzëqeshin dhe kanë një
shprehje të zbrazët, janë shumë të ndjeshëm, në shkollë mund të kenë përgjigje telegrafike,
ata ndihen shumë anksiozë në situatat ku duhet të flasin etj. Kanë vështirësi të flasin për veten
dhe me shumë vështirësi flasin për ndjenjat e tyre.
Diagnoza dhe diagnoza diferenciale. Është i domosdoshëm kompletimi i të gjitha
ekzaminimeve para se të caktohet diagnoza. Nevojiten vlerësimi psikiatrik, vlerësimi
neurologjik, në mënyrë të veçantë përjashtimi i lëndimeve të trurit, ekzaminimi i gojës dhe
30
fytyrës për ndonjë keqformim eventual, vlerësimet psikometrike si dhe vlerësimi i të folurit.
Fëmija duhet të vlerësohet për probleme psikologjike të lidhura më traumat, abuzimin fizik,
seksual, etj.
Mutizmi selektiv duhet të dallohet nga të gjitha çrregullimet që shoqërohen me dëmtim të të
folurit si: problemet me dëgjim, vonesë mendore, çrregullimet pervazive, çrregullimet e
komunikimit, afazioni, skizofrenia dhe çrregullimin e konversionit.
Mjekimi. Fillimi sa më i shpejtë i intervenimit mund ta përmirësojë situatën e fëmijës.
Nevojitet një ndërhyrje multidisiplinare. Përfshihen teknikat e sjelljes, terapia familjare si dhe
qasja psikodinamike. Prindërit dhe mësuesit duhet të përfshihen në mjekim dhe duhet t'i
bëjnë me dije, në mënyrë të qartë, pritjet e tyre ndaj fëmijës.
Meqenëse ky çrregullim shumë shpesh shoqërohet me ankthin, mjekimi me frenuesit e
rikapjes së serotoninës mund të ndikohet, si p.sh.: fluoxetina.
3.5. Çrregullimet e eliminimit
Çrregullimet më të shpeshta të eliminimit janë:
eneureza dhe
enkopreza.
3.5.1. Eneureza
Eneureza joorganike është urinimi i përsëritur në rroba gjatë ditës (enuresis diurna) apo gjatë
natës në gjumë (enuresis nocturna) në mënyrë të pavullnetshme dhe të pa qëllimt, te fëmijët
ku kontrollimi i fshikëzës duhej të ishte arritur.
Eneureza mund të jetë parësore, atëherë kur fëmija asnjëherë nuk ka arritur për një kohë të
caktuar të ketë munduar ta kontrollojë urinimin dhe eneureza dytësore kur urinimi rifillon pas
një periudhe të kontinencës prej më së paku një muaj sipas klasifikimit ndërkombëtar të
sëmundjeve (ICD-10) dhe 6 muaj sipas diagnostic statistical manual version IV (DSM-IV).
Shpeshtësia. Në moshën 3 vjeçare, 34% e fëmijëve lagen natën dhe 26% e tyre urinojnë
ditën. Fëmijet e moshës 5-6 vjeçare lagen rreth 3% gjatë ditës dhe 10-15% gjatë natës.
Shpeshtësia ulet me rritjen e moshës, duke arritur në 1-3% pas moshës 12 vjeçare. Në një
31
studim të bërë në Kosovë, te fëmijët e moshës 7-18 vjeçare është gjetur një prevalencë e
enurezës nuktume prej 26% në popullatën e përgjithshme.
Deri në moshën 4 vjeçare duhet të ketë një shpërndarje të barabartë si te meshkujt, ashtu edhe
te femrat, por me rritjen e moshës shihet eneureza e cila paraqitet 2 herë më shumë te
meshkujt sesa te femrat.
Etiologjia. Nuk ka një shkaktar të vetëm që do të mund të shpjegonte eneurezën. Në
eneurezën parësore, vonesa në maturimin e kontrollit të fshikëzes së urinës shihet si faktor
parësor. Studimet gjenetike sjellin të dhëna që eneureza ka incidenca më të lartë në familjet
ku prindërit apo fëmijët kanë pasur probleme të urinimit të pakontrolluar. Në një numër të
vogël të fëmijëve, eneureza, është e lidhur me keqformime të rrugëve gjenito-urinare, por kjo
nuk ndodh për shumicën e tyre.
Në eneurezën dytësore, faktorët psikologjikë janë zakonisht shkaktarë të saj.
Te fëmijët e moshës 4-6 vjeçare mund të paraqitet rikthimi kalimtarë i urinimit nën
influencën e disa faktorëve, si: ndryshimi i vendbanimit, lindja e një fëmijë të ri,
hospitalizimi, abuzimi dhe trauma të ndryshme.
Megjithatë eneureza mund të jetë edhe shenjë e diabetit melit, diabetit insipid, epilepsisë,
vonesës në zhvillimin mental apo çrregullimeve neurologjike.
Diagnoza. Kjo diagnozë nuk përdoret nëse ekziston ndonjë arsye organike, si p.sh. shkaqe
neurologjike, keqformimet e traktit urinar apo infeksionet (edhe pse infeksioni mund të
paraqitet në mënyrë dytësore, për shkak të urinimit të vazhdueshëm, sidomos te femrat). Në
përgjithësi, eneureza nuk diagnostikohet tek fëmijët nën moshën 5 vjeçare, apo nëse
ekzistojnë të dhëna për vonesa të përgithshme në zhvillim.
Eneureza nuk shoqërohet me çrregullime psikiatrike, megjithatë shpeshtësia e problemeve
emocionale dhe atyre të sjelljes duket të jetë më e lartë se në popullatën e përgjithshme.
Shoqërimi më i shpeshtë është me vonesën në zhvillim, enkoprezën dhe çrregullimet e
gjumit. Ka disa raportime për paraqitjen e enurezës dytësore për shkak të disa problemeve, si:
hipertirodizmi, kapsllëku dhe çrregullime tjera hormonale.
Edhe pse janë raportime jo të shpeshta, nevojitet të bëhen ekzaminimet e nevojshme për
përjashtimin e shkaktarëve organikë.
32
Mjekimi. Mënyra e menaxhimit ndikohet nga natyra e enurezës (parësore apo dytësore);
rrethanat në shtëpi (mund të shkaktojnë vështirësi praktike për disa tretmane, marrëdhëniet
prind-fëmijë, qëndrimi prindëror ndaj tretmanit); mosha e fëmijës.
Mjekimi i saj ka principe fiziologjike (psikoedukimi) mjekimi me barna, psikologjikë
(mjekimi psikoterapeutik) si dhe të sjelljes (përdorimi i teknikave të sjelljes). Në aspektin e
mjekimit me barna, antidepresivët triciklik si: imipramine, amizoli janë përdorur në mjekimin
e enurezës. Ka studime që tregojnë se antidepresivët triciklik të jenë superior ndaj placebos,
por relapset janë të shpeshta pas ndërprerjes së tyre.
Dezmopresina, është bar i cili ka treguar sukses në mjekimin e enurezës por relapset
vazhdojnë të jenë të larta pas ndërprerjes së tij. Përdoren edhe dyshekët me alarm, të cilët
ndihmojnë fëmijën për tu bërë familjarë me ndjesinë e mbushjes së fshikëzës së urinës.
Prognoza. Shumica dërmuese e fëmijëve normal në aspektin fiziologjik, me raporte të
shëndetshme individuale dhe familjare, do të reagojnë në njërën prej programeve të
mësipërme.
Rreth 15% e fëmijëve e ndalin eneurezën brenda një viti. Numri më i madh i fëmijëve
pësojnë remision spontan deri në moshën 12 vjeçare. Ndërsa, aty ku ekzistojnë faktorë
komplikues, rezultati është më pak i sigurt.
3.5.2. Enkopreza (Encopresis)
Enkopreza është ndyrja me feqe e rrobave të brendshme, apo dalja në vende të
papërshtatshme të një fëmije, i cili e ka arritur paraprakisht kontrollin e defektimit. Ky
çrregullim diagnostikohet atëherë kur fëmija ka së paku tre muaj me këtë shenjë dhe mosha
është mbi 4 vjeç, pasi mendohet se pas kësaj moshe fëmija duhet ta ketë arritur kontrollin e
defekimit. Fëmija i ndytë rrobat gjatë ditës dhe është karakteristikë se mund ta mohojë edhe
kur era është evidente.
Nëse fëmija nuk e ka arritur akoma kontrollin e të dalave jashtë, atëherë enkopreza është
parësore, ndërsa kur ajo shfaqet pasi fëmija e ka arritur kontrollin, atëherë specifikohet si
dytësore. Fëmija së paku duhet ta ketë pasur një vit të kontrollit të defekimit.
Mendohet që ky çrregullim të jetë më i shpeshtë te meshkujt dhe te fëmijët nën moshën 10
vjeçare (1-2 %). Një shkallë e lartë e këtij çrregullimi shihet të fëmijët me vonesë në
zhvillimin mental si dhe të fëmijët që vijnë nga një shkallë e ulët sociale.
33
Etiologjia. Enkopreza duket të jetë e lidhur ngushtë me kapsllëkun, çrregullimet
neurologjike, psikologjike si dhe nga ndërhyrjet kirurgjike. Është tipike ta shohësh një fëmijë
me enkoprezë, i cili ka anamnezë të gjatë me kapsllëk.
Dhembja që shkaktojnë lëvizjet e masës së feçeve bëjnë që fëmija të frenojë sa më shumë që
është e mundur daljen e tyre, duke rritur në këtë mënyrë më shumë shanset për ta bërë më të
vështirë daljen e tyre. Fëmija nuk ka kontroll mbi këtë situatë.
Diagnoza dhe diagnoza diferenciale. Enkopreza funksionale mund të fillojë si një reagim
ndaj defekimit të dhimbshëm, trajnim joadekuat gjatë trajnimit të tualetit si dhe problemeve
të lidhura më ambientin fizik (tualet i papërshtatshëm, i papastër, larg shtëpisë etj).
Enkopreza mendohet të jetë një problem fizik me komponente psikologjike (por kjo e dyta
nuk është faktor etiologjik, është faktor precipitues). Enkopreza mund të shoqërohet me
çrregullimin kundërshtues, çrregullimin e sjelljes.
Mjekimi. Një numër i madh i metodave përdoren për të mjekuar këtë problem mjeksorë.
Laksativët janë barna që më shpesh përdoren. Teknikat e sjelljes janë të nevojshme për të
arritur një mjekim të suksesshëm.
Shumë fëmijë të cilët vuajnë nga enkopreza kanë edhe anamneze të defekimit të dhembshëm,
fobi nga tualeti ose sjellje refuzuese për të shkuar në tualet. Me qëllim të eliminimit të
problemeve të mësipërme shumë mënyra sigurohen për të ndihmuar fëmijët me enkoprezë ku
pjesa më e madhe e tyre mbështeten në principet, si: zbrazja e kolonit, defekim pa dhembje
dhe i rregullt. Është e rëndësishme të kuptohet që përpara se fëmija të angazhohet në mënyrat
e sjelljes duhet të sigurohemi që përmbajtja e zorrëve është e butë. Kështu që përdorimi i
dietave më përmbajtje të fibrave e shpejton peristaltikën e zorrëve duke rritur mundësinë e
defekimit.
3.6. Çrregullimet e gjumit
Çrregullimet më të shpeshta të gjumit janë:
ecja në gjumë,
tmerret dhe
ankthi i natës.
34
3.6.1. Ecja në gjumë (Somnabulizmi)
Ecja në gjumë, apo somnambulizmi, është një gjendje e vëmendjes së alternuar në të cilën
individi ngrihet nga shtrati gjersa është në gjumë dhe ecën. Episodet e tilla zgjasin deri në 20
minuta. Gjatë kësaj periudhe fëmija nuk ka asnjë shprehje në fytyrë, sillet sikur nuk i bënë
përshtypje ambienti dhe tregon nivel të ulët të vetëdijes dhe përgjigjes. Kur zgjohen ata nuk
mbajnë mend të jenë zgjuar gjatë natës.
Fëmija gjatë episodeve mund të ecë nëpër dhomë, por edhe jashtë, është vështirë ta zgjosh
fëmijën, zakonisht ai kthehet në shtrat pas një udhëzimi të thjeshtë. Aktivitetet komplekse
janë të pazakonshme. Shpesh fëmija mund të mos ecë, por të bëj levizje pa ndonjë qëllim të
caktuar dhe duke murmuritur.
Mendohet se ekziston një lidhshmëri e ngushtë ndërmjet ecjes në gjumë dhe tmerreve të
natës. Somnambulistët janë në rrezik të lëndohen, sidomos në mjedise të panjohura.
Diagnoza diferenciale. Somnambulizmi duhet të dallohet nga epilepsia psikomotorike gjatë
gjumit. Në epilepsi ekzistojnë zakonisht disa sjellje, si p.sh.: shtrëngime të duarve apo
përplasje të buzëve (edhe pse këto lloje të shenjave mund të paraqiten edhe tek ecja në
gjumë). EEG vërteton diagnozën e epilepsis.
Somnambulizmi në fazën 3-4 të gjumit dhe epilepsia psikomotorike mund të ekzistojnë te
fëmijët për shkak të shpeshtësisë së të pamurit. Të ecurit në gjumë duhet të diferencohet nga
tmerret e natës, nga sindromi i apnesë në gjumë, si dhe çrregullimeve tjera.
Mjekimi. Pas caktimit të diagnozës, duhet të jepen këshilla për krijimin e sigurisë në dhomë
dhe mjedisin rrethues. Ndoshta edhe mund të jetë e domosdoshme që fëmija të flejë në katin
përdhesë. Është e rëndësishme që prindërit të krijojnë një ambient të sigurt ku fëmija nuk
mund të lëndohet gjatë ecjes në gjumë.
Për të parandaluar daljen jashtë apo kërcimin nga dritaret, prindërit duhet t'i sigurojnë me
çelës. Prindërit duhet të informohen rreth natyrës së çrregullimit.
3.6.2. Tmerret e natës ( Pavor nucturnus) dhe ankthi i natës
Që të dyja këto përfshijnë përvojën e frikës dhe reagimin fiziologjik ndaj saj edhe pse
ekzistojnë dallime ndërmjet tyre.
35
Tmerri i natës, i cili paraqitet zakonisht në fazën 3-4 të gjumit, zakonisht ndodh 2 orë pas
fillimit të gjumit. Në mënyrë tipike, fëmija do të ngrihet në shtrat me një pamje të tmerruar
qan, bërtet, bënë lëvizje të pakontrolluara, djersitet, flet përçart, zbehet ose skuqet në fytyrë
dhe nuk është i zgjuar. Fëmijët në përgjithësi nuk kujtojnë në mëngjës që kanë pasur një
episodë të tillë, për këtë arsye kjo eksperiencë është më shqetësuese për prindërit, apo të
afërmit që flenë më të.
Ankthi i natës ose ëndërrat e frikshme natën për dallim nga tmerret e natës, mbahet mend më
mirë, dhe zakonisht fëmija zgjohet dhe kanë atak frike, nga ajo që kanë parë në ëndërr.
Ankthi i natës ndodh në periudhën e gjumit me lëvizje të shpejta të syve - Rapid Eye
Movements (REM) të gjumit, prandaj paraqitet më vonë se tmerret e natës që paraqiten në
fazën jashtë periudhës me lëvizje të shpejta të syve - Non Rapid Eye Movements (NREM).
Kur ankthi i natës shfaqet në fëmijëri zakonisht është i lidhur ngushtë me fazën e zhvillimit të
fëmijës. Ato janë më të shpeshta në periudhën parashkollore dhe atë shkollore, pasi fëmijët
më të vegjël e kanë vështirë të bëjnë dallimin midis realitetit, fantazisë dhe ëndërres.
Meqenëse fëmijët e kësaj periudhe kanë një fantazi të gjallë rreth figurave të ndryshme që
mund të ndikojnë në paraqitjen e ëndërrave të frikshme. Ëndërrat e frikshme lidhen shpesh
edhe me sëmundjet që shoqërohen me temperaturë të lartë. Tmerret e natës janë të lidhura më
ngushtë me fëmijën sesa me stresin.
Epidemiologjia. Tmerret e natës dhe ankthet e natës janë të zakonshme në fëmijëri dhe
paraqiten me një shpeshtësi prej 1-4 % të fëmijëve. Janë shumë më pak të zakonshme në
moshën e rritur.
Etiologjia. Tmerret e natës kanë predispozicion familjar. Ata mund të reprodukohen me disa
antagonistë të benzodiazepinëve. Kjo ka çuar në teoritë rreth substancave endogjene të këtij
lloji apo çrregullime në sistemin receptor endogjen të benzodiazepinëve. Në fëmijëri tmerret
e natës mund te jenë të shoqëruara me obstruksion të rrugëve të sipërme të traktit të
frymëmarrjes dhe mund të zhduken pas adenoidektomisë, megjithëse është vështirë të dihet
nëse operacioni e shkakton këtë, apo ndërprerja e rutinës së gjumit me rastin e pranimit në
spital.
Diagnoza diferenciale. Tmerret e natës dhe ankthet e natës duhet të dallohen nga njëri-tjetri.
Kur fëmija ka tmerre nate, do të duhet mbështetur në të dhëna anamnestike dhe në parametra
të tjerë e të përjashtohet epilepsia. Në tabelën 2 është prezantuar diagnoza diferenciale në mes
të tmerrit të natës dhe ankthit të natës.
36
Tabela 2. Diagnoza diferenciale në mes të tmerrit dhe ankthit të natës.
Faktorët Tmerri natës Ankthi natës
Mosha 3-8 vjeç Në çdo moshë
Gjinia Meshkujt më të predispozuar Nuk ka dallim
Faza e gjumit Jashtë periudhës së lëvizjeve
të shpeshta të syve (NREM)
Në periudha të lëvizjeve të
shpeshta të syve (REM)
Kujtesa Nuk kujtohet në mëngjes Ka kujtesë për çfarë ka ndodhur
A ndikohet nga stresi PO PO
Mjekimi. Ankthet në vete nuk kërkojnë mjekim me barna, me përjashtim të rasteve kur ajo
është e shoqëruar me ndonjë çrregullim tjetër, si: depresioni, çrregullimi i stresit
postraumatik, keqpërdorimi i substancave apo abuzime të rënda fizike, seksuale dhe
emocionale. Te tmerret e natës duhet punuar me prindërit, në mënyrë që ata me gjakftohtësi
të ballafaqohen me episodet e tmerreve.
Ata duhet të presin që tmerri të kalojë vetë, vetëm duke e qetësuar fëmijën. Teknika të tjera të
thjeshta ndonjëherë mund të ndryshojnë rutinën e qetësimit, p.sh. nëse fëmija merr pije të
ngrohtë, lahet në mbrëmje etj. Kur fëmija ka ankthe të natës apo ëndërra të frikëshme, duhet
të ndiqet nga psikologu klinik apo psikiatri për një qasje më të strukturuar.
Prognoza. Tmerret e natës tejkalohen spontanisht. Ankthet e natës janë një ngjarje jetësore,
por nëse paraqitet me një shpeshtësi më të madhe se zakonisht, atëherë në këto raste mund të
ndihmohet duke u kushtuar vëmendje presioneve gjatë ditës.
3.7. Çrregullimet e ngrënies
Çrregullimet e ngrënies te fëmijët janë më të shumëllojshme se në moshën e rritur. Në to
përfshihen, përveç anoreksisë dhe bulimisë, edhe çrregullimi i ngrënies selektive, çrregullimi
emocional i shmangies së ngrënies si dhe sindroma e refuzimit pervaziv të ngrënies.
Meqenëse një numër i fëmijëve mund të mos i përmbushin kriteret për ndonjëren prej
kategorive të klasifikimit ndërkombëtarë të sëmundjeve (ICD 10), atëherë mund të përdoret
kategoria e çrregullimeve të ngrënies të paspecifikuara gjetiu.
37
Në vitet e fundit një numër i madh i hulumtimeve është fokusuar jo vetëm në shkaqet e
çrregullimeve të ngrënies, por edhe në gjetjen e mënyrave më të mira të mjekimit të tyre.
Pediatritë duhet të identifikojnë dhe kuptojnë rreziqet që bartin këto çrregullime, në mënyrë
të veçantë hulumtimin e kontekstit familjarë, për të parë ndikimin që mund të ketë ky rreth jo
vetëm në shkaqet e problemeve të ngrënies, por dhe për t'i identifikuar faktorët pozitivë që
mund të përdoren në mjekim.
Etiologjia. Çrregullimet e ngrënies te fëmijët ashtu si edhe te të rriturit janë parë si një
sindromë me një numër të madh të faktorëve etiologjik të përfshirë në to, si: biologjikë,
psikologjikë, familjarë dhe social-kulturorë.
Mekanizmat gjenetikë dhe ato neurofiziologjikë kanë një kontribut të rëndësishëm në
paraqitjen e anoreksisë dhe bulimisë. Të afërmit e gjeneratës së parë të atyre që kanë
çrregullime të ngrënies kanë 6-10 herë më shumë shanse për të zhvilluar probleme të ngrënies
se ata nga popullata e shëndoshë.
Deri tash nuk është gjetur ndonjë gjen specifik për këto çrregullime, por studimet në binjakë
tregojnë një konkordancë të rritur ndërmjet monozigotëve krahasuar me dizigotët. Studimet
në neurofiziologjinë e çrregullimeve të ngrënies janë mbështetur në inhibitorët e rihapjes së
serotoninës, sidomos në rëndësinë e tyre në mjekimin e bulimisë dhe anoreksisë nervoze.
Çrregullimet më të shpeshta të ngrënies janë:
Anoreksia nervoze. Është një çrregullim i ngrënies që karakterizohet me refuzim për ta
ruajtur masën trupore, apo nuk arrijnë masën e duhur, si pasojë e përdorimit të metodave që e
pengojnë shtimin në masë trupore, si p.sh.: dieta, ushtrimet fizike etj. Fëmijët kanë
shtrembërim të përceptimeve mbi formën dhe madhësinë e trupit. Preokupime mbi formën
dhe masën trupore janë të përhershme sa që fëmija i përshkruan që ato i rrijnë në kokë gjithë
kohën.
Fëmijët nuk e humbasin oreksin, por kanë një frikë të madhe se mos fitojnë në masë trupore.
Fëmijët gjithashtu zhvillojnë edhe shenja të tjera, si tërheqja nga shoqëria, bëhen nervozë
shumë lehtë, mund të zhvillojnë ndjenjën e pafuqisë, ndihen të padobishëm, kanë vlerësim të
ulët për veten. Ky çrregullim shumë shpesh shoqërohet me depresion apo çrregullime
obsesive- kompulsive.
Bulimia. Është çrregullim i ngrënies, i cili karakterizohet nga episode të pakontrolluara të
ngrënies së një sasie shumë të madhe ushqimi brenda një kohe shumë të shkurtër. Gjithashtu
38
fëmija ka preokupim të vazhdueshëm mbi masën e cila çon në episode vjelljeje mbas
përdorimit të ushqimit. Ky çrregullim ka shumë të përbashkëta me anoreksinë nervore, duke
përfshirë shqetësimin mbi formën e trupit dhe masën trupore. Të vjellat e shpeshta mund të
shkaktojnë çrregullime të elektroliteve dhe ndërlikime të tjera.
Çrregullimi i ngrënies selektive. Fëmijët me këtë çrregullim janë normal në masë trupore
dhe gjatësi (lartësi), ekzaminimi objektiv është pa ndryshime.
Nganjëherë ky çrregullim vjen pas një periudhe normale ngrënieje, por numri më i madh i
fëmijëve kanë probleme me ushqimin dhe këta fëmijë në mënyrë strikte ushqehen vetëm me
një lloj ushqimi. Zakonisht ky problem kalon në adoleshencë dhe në një numër shumë i vogël
i tyre mund të ketë probleme edhe në moshën madhore.
Pika. Pika është ngrënia e substancave joushqyese, si: dheu, gëlqerja, letrat, goma, cigaret etj,
ose edhe e ushqimeve të papërpunuara, si mielli, patatet, etj. Që të konsiderohet pika duhet që
kjo sjellje perzistente të jetë shfaqur së paku një muaj. Emrin ky çrregullim e ka marrë nga
një zog (emri i zogut Grizhël), i cili ushqehet me gjithçka. Pika mund të shoqërojë gjendje si
shtatzënitë, fëmijët e vegjël si dhe fëmijët me vonesë në zhvillimin mental.
Pika te fëmijët mund të jetë e rrezikshme, pasi ngrënia e substancave me përmbajtje helmi
sjellë intoksikimin e fëmijëve dhe në disa raste edhe në dëmtim të trurit të tyre.
Po ashtu shoqërohet me çrregullime të traktit tretës. Numri më i madh i fëmijëve kanë
çrregullime biokimike, më së shpeshti mungesën e hekurit. Në përgjithësi, fëmijët ngrenë
edhe substanca të cilat nuk kanë lidhje me elementin për të cilin ka mungesë fëmija.
Mjekimi. Në mënyrë që mjekimi të jetë sa më efektiv është e nevojshme së pari të
përcaktohet se sa serioz është problemi. Mbështetur te Kreipe, fëmijët me shkallë të lehtë janë
ata që kanë shtrëmbërime të lehta të imazhit të trupit, që kanë të ruajtur së paku 90% të masës
trupore optimale për moshën, që nuk kanë shenja eksesive të humbjes në masë trupore, por që
përdorin metoda të ndryshme për të humbur në masë trupore. Në këtë fazë është e nevojshme
të ndërtohen qëllime për fitimin në masë trupore. Një dietolog është i nevojshëm që të
përfshihet në mjekim.
Nëse fëmija është në një fazë më të avancuar është e nevojshme të konsultohen profesionistë
me eksperiencë në këtë fushë. Qasja multidisiplinare ndaj këtyre problemeve përmirëson jo
vetëm gjendjen e fëmijës, por dhe të problemeve të lidhura me të.
39
Në rastet e rënda, kur fëmija ka nënushqyeshmëri të rëndë, është i dehidruar, ka çrregullime
të elektrolitëve, çrregullime të EKG-së, jostabilitet fiziologjikë, si dhe çrregullime të tjera,
kërkohet hospitalizimi i fëmijës. Ushqimi me sondë nazogastrike zbatohet në rastet e rënda.
Edukimi dhe mbështetja e të sëmuarit është e rëndësishme në mënyrë që i sëmuari ta kuptojë
natyrën e çrregullimit.
Barnat përshkruhen në varësi të gjendjes së të sëmurit, kohët e fundit frenuesit e rikapjes së
serotoninës kanë filluar të përdoren në mjekimin e anoreksisë dhe bulimisë, sidomos në rastet
e shoqërimit me çrregullime psikiatrike, si depresioni, ankthi etj.
3.8. Çrregullimet somatoforme
Çrregullimet somatoforme janë një grup i çrregullimeve në të cilët të sëmuarit shfaqin shenja
fizike në mungesë të ndonjë çrregullimi organik, i cili mund të shpjegojë prezencën e këtyre
shenjave. Këto çrregullime mund të prezantohen më një spektër të gjerë të shenjave. Këto
çrregullime janë të vështira dhe tepër të komplikuara për t'u kuptuar. Ato shfaqen me shenja
fizike, janë të pavullnetshme dhe nuk janë nën kontrollin e fëmijës, por ato kuptohen nga
familja dhe fëmija, si sëmundje organike. Ato shpesh edhe ngatërrohen nga ana e mjekëve më
sëmundje në të cilat fëmija i stimulon apo i prodhon shenjat.
Bashkëveprimi i aspekteve psikologjike me ato fizike kanë qenë fushë e studimeve të shumta.
Megjithëse jo shumë është kuptuar në këtë ndërlidhje, shihet që ato ndërveprojnë në mënyra
të ndryshme. Ngjarjet stresuese mund të ndikojnë në paraqitjen e ndryshimeve fiziologjike, të
cilat më pas paraqiten me shenja fizike te fëmija. P.sh. në një fëmijë me bronkit kronik,
ndryshimet në ekstrem të disponimit mund të bëhen shkaktarë për ndryshime fiziolologjike,
të cilat mund të rezultojnë me atak të astmës. Ngjarjet stresuese duket të kenë lidhje me
ulçerën peptike, dhembjet e barkut, migrenën etj.
Disa çrregullime psikiatrike kanë në spektrin e tyre shenja somatike, si p.sh.: fëmijët që
vuajnë nga anoreksia nervoze, depresioni, ankthi, çrregullimi i hiperaktivitetit, fëmijët që
vuajnë nga obeziteti etj. Shpeshtësia e çrregullimeve të këtij grupi është e vështirë të thuhet
me saktësi për shkak të vështirësisë që kanë fëmijët të diagnostikohen. Një pjesë e mirë e
fëmijëve bëhen pre e ekzaminimeve të shumta derisa të dërgohen te psikiatri i fëmijëve për
diagnostikim.
Çrregullimet më të shpeshta somatoforme janë:
40
3.8.1. Çrregullimi sematoform
Është një sëmundje që paraqitet me dhembje të shumta, të cilat përfshijnë disa organe në një
kohëzgjatje në më shumë se disa muaj, e cila rezulton me dëmtim të funksionimit të fëmijës,
ose me kërkimin e vazhdueshëm të ndihmës mjekësore.
Sëmundja është kronike dhe lidhet ngushtë me shqetësime psikologjike, me dëmtim të
funksionimit shoqëror dhe me sjellje të kërkimit të ndihmës në mënyrë të vazhdueshme.
Etiologjia e këtij çrregullimi është e panjohur, edhe pse shumë faktorë janë gjetur të lidhur
me të. Faktorët social, kulturorë si dhe ata etnikë mund të kenë ndikim në zhvillimin e tyre.
Një numër i limituar i hulumtimeve sjellin fakte mbi uljen e metabolizmit në lobin frontal dhe
gjithashtu një numër i fëmijëve kanë predispozicion familjar. Sipas klasifikimit
ndërkombëtar, kriteret për caktimin e diagnozës përfshijnë: katër shenja nga pjesë të
ndryshme të trupit (p.sh.: koka, barku, shpina, ekstremitetet, kraharori) apo funksione
(menstruacionet, urinimi, defekimi, etj.). Dy shenja gastrike që nuk kanë dhembje (p.sh.
nauze, vjellje, mostolerim të ushqimeve). Një shenjë seksuale që nuk ka dhembje
(menstruacione të çrregullta, hemorragji etj.). Një shenjë pseudoneurologjike (humbja e të
folurit, paraliza, retencion urinar etj.).
3.8.2. Çrregullimi i konversionit.
Është një sëmundje me shenja dhe deficite, të cilat prekin funksionet motorike dhe mendore
të fëmijës e që në pamje të parë të krijojnë përshtypjen e një çrregullimi organik. Shenjat apo
deficitet nuk prodhohen në mënyrë të vullnetshme nga fëmija, apo nga përdorimi i ndonjë
substance. Paraliza, verbimi dhe shurdhimi janë shenja të shpeshta të çrregullimit konversiv.
Ky çrregullim në të rritur është i lidhur ngushtë me çrregullimet e personalitetit antisocial,
histronik, i varur dhe atë pasiv e agresiv. Shpesh ky çrregullim shoqërohet nga shenja
depresive, ankthi si dhe me rritje të rrezikut për vetëvrasje.
Ky çrregullim karakterizohet nga shenja mendore (parestezi dhe anestezi të gjymtyrëve,
shurdhim, verbim, apo mjegullim të shikimit), shenja motorike (këputje, paraliza, lëvizje të
çrregullta, lëvizje koreiforme, tike etj.) dhe sulme joepileptike. Kjo e fundit mund të jetë
shumë e vështirë të dallohet nga sulmet epileptike pasi shumë shpesh këto dy gjendje mund të
bashkekzistojnë.
41
Këto shenja mund të paraqiten kur fëmija është ballafaquar me ndonjë ngjarje stresuese, ose
në raste jo të rralla të paraqiten pas kalimit të ndonjë infeksioni virusal.
3.8.3. Dhembjet joorganike të barkut
Ky lloj çrregullimi paraqitet më shpesh te fëmijët e moshës 5-12 vjeçare. Dhembja përjetohet
në mënyrë difuze në bark dhe mund të shoqërohet me dhembje të tjera në mënyrë të veçantë
në gjymtyrë. Në raste jo të rralla dhembja vjen pas ndonjë ngjarje stresuese për fëmijën,
fillimi i vijimit në institucione parashkollore, i shkollës, por te numri më i madh i fëmijëve
nuk gjendet ndonjë faktor nxitës. Dhembja zgjatë disa orë dhe ka tendencë të përsëritet.
Te një numër i vogël i fëmijëve këto dhembje shoqërohen me të vjellura, dhembje koke dhe
me temperaturë subfebrile, dhembjet joorganike janë difuze dhe shoqërohen edhe me
dhembje të tjera. Zakonisht kjo gjendje shoqërohet edhe me shenja të problemeve
emocionale.
3.8.4. Mjekimi i çrregullimeve somatoforme
Duhet të jetë sistemik, me përfshirje jo vetëm të fëmijës, por edhe të prindërve dhe të gjithë
personave të rëndësishëm për funksionimin e fëmijës. Mjeku së pari do të duhet ta qartësojë
qëndrimin e prindërve ndaj shenjave që ka fëmija, a e shohin ata si një çrregullim organik apo
psikologjik.
Prindërit duhet të sqarohen për situatën të cilën është duke e kaluar fëmija. Ndonjëherë
shtrimi në spital mund të ndikojë në përmirësimin e shenjave. Mënyra e mjekimit të fëmijës
do të varet nga natyra e problemit. Psikoterapia individuale mund të jetë e dobishme.
4. PENGESAT MOTORIKE DHE SHPREHITË MOTORIKE
Pengesat motorike dhe shprehitë motorike më të shpeshta janë: tiket dhe sindroma Gilles de
la Tourette.
4.1. Tiket (Tics) dhe sindroma Gilles de la Tourette.
42
Një “ tik i thjeshtë ” është një lëvizje apo vokalizim i pavullnetshëm, i shpejtë, joritmik dhe
përsëritës. Edhe pse tiket vlerësohen si të pavullnetshme, ato ndonjëherë mund të shtypen apo
ndalohen përkohësisht nga fëmija. Të gjitha llojet e tikeve si ato motorike dhe vokale,
përkeqësohen nga stresi, lodhja, gëzimi, zemërimi etj. Ato më rrallë paraqiten kur fëmija
kryen aktivitete që kërkojnë përqendrim të lartë, e sidomos kur fëmija kënaqet nga aktiviteti.
Tiket zakonisht përfshijnë një grup të veçantë muskulor, p.sh. mbyllja e syrit, ngritja e
supeve, dridhja e kokës dhe grimasat e fytyrës.
Tiket vokale mund të jenë hungërimë, piskamë, ulërimë, tërheqje e hundëve, pastrim fyti që
ngjan me kollitjen etj.
Tiket motorike me komplekse përfshijnë kërcimin dhe trokitjen dhe në rastet ekstreme
copropraxia (gjeste të pahijshme). Tiket komplekse vokale mund të përfshijnë shprehje
eksplozive të fjalëve. Kur fjalët janë të pahijshme, atëherë kjo quhet coprolalia. Mund të
ekzistojnë disa imitime të gjesteve (echopraxia) dhe të fjalëve (echolalia). Afro 10-24% e
fëmijëve manifestojnë tike ndonjëherë gjatë zhvillimit të tyre, por shumica janë të thjeshta
dhe kalimtare.
Ndërsa sindroma Tourette ka një shpeshtësi prej 1:1.000 të meshkujt dhe 1:10.000 të femrat.
Tiket e thjeshta janë shumë më të shpeshta se sindroma Tourette. Mosha mesatare e fillimit
është 7-9 vjeçare. Diagnoza e sindromës Tourette zakonisht vihet më vonë, ndoshta sepse
shpesh fillon me tike të thjeshta motorike.
Etiologjia. Tiket supozohen të jenë rezultat i disbalansit të neurotransmitereve. Vëmendje i
është kushtuar uljes së aktivitetit metabolik në ganglionet bazale dhe disfunksionin
dopaminergjik.
Megjithatë, edhe fusha të tjera të trurit dhe një numër i madh i neurotransmetuesve janë bërë
objekt i shumë studimeve. Predispozicioni gjenetik është i pranishëm si të tiket edhe të
çrregullimet obsesive-kompulsive.
Manifestimet klinike. Varen prej llojit të çrregullimit: Çrregullimi i tikeve kalimtare. Ky
çrregullim karakterizohet nga prania e një ose më shumë tikeve motorike ose vokale ose të
dyjave së bashku shumë herë gjatë ditës, në pjesën më të madhe të ditëve për një periudhë së
paku 4 javë. Kohëzgjatja e këtij çrregullimi është një vit ose më pak. Fillimi është para
moshës 18 vjeçare.
43
Çrregullimi i tikeve kronike. Ky çrregullim karakterizohet nga prania e tikeve motore ose
vokale, por jo e të dyjave së bashku shumë herë gjatë ditës, në pjesën më të madhe të ditëve
për një periudhë së paku njëvjeçare dhe kur fëmija nuk ka pasur remison të plotë që të ketë
zgjatur më shumë se dy muaj.
Diagnoza dhe diagnoza diferenciale. Paraqitja esenciale e çrregullimit të tikeve janë
prezenca e tikeve motorike dhe atyre vokale si në rastin e sindromes Gilles de la Tourette (të
dyjave së bashku). Zakonisht fëmijët i mohojnë tiket, pasi nuk janë të vetëdijshëm për
prezencën e tyre. Ekzaminimi neurologjik është i domosdoshëm për të përjashtuar ndonjë
shkaktarë organik. EEG është e domosdoshme për t'i përjashtuar sulmet mioklonike.
Vlerësimi psikiatrik është i rëndësishëm për ta vlerësuar lokacionin anatomik, shpeshtësinë,
numrin, kompleksitetin si dhe peshën e tyre në kohë.
Duhen vlerësuar gjithashtu komponentët, si: ankthi, sjellja, arritjet akademike, disponimi si
dhe strese të tjera që mund të kenë ndikim në shpeshtësinë e tikeve. Tiket duhet të
diferencohen nga lëvizjet e ngjajshme me tiket që shfaqen nga përdorimi i disa substancave
(psikostimulantet) apo nga gjendja mjekësore si Chorea Huntington apo encefaliti
postvirusal.
Tiket duhet të diferencohen nga lëvizjet koreiforme, lëvizjet distonike, çrregullimi i lëvizjeve
stereotipike, apo çrregullimi pervaziv gjithashtu edhe nga kompulsionet. Shoqërimi
(komorbiditeti) më i shpeshtë i sindromes Gilles de la Tourette është me çrregullimin obsesiv,
hiperaktivitetin, ankthin, impulsivitetin, ndonjëherë me problemet e të mësuarit.
Mjekimi. Tiket kalimtare nuk kanë nevojë për mjekim. Mjafton që mjeku t'i këshillojë
familjarët që të ulin vëmendjen ndaj lëvizjeve që bën fëmija apo dhe kritikës së lëvizjeve të
tyre. Tiket kanë nevojë për një qasje multidisiplinare, pasi shpesh fëmijët bëhen objekt i
ofendimeve në shkollë.
Prandaj një lidhje e mjekut me familjen dhe shkollën do të ishte më se e rekomandueshme.
Teknikat e relaksimit, psikoterapi e shkurtër dhe ndonjëherë barnat mund të ulin shpeshtësinë
e tikeve.
44
5. ABUZIMI (KEQTRAJTIMI) I FËMIJËVE
Abuzimi i fëmijëve përfshinë abuzimin fizik, emocional dhe seksual të fëmijëve. Edhe pse
një numër i madh i abuzimeve ndodhin në ambientin familjarë të fëmijëve, një numër i
konsiderueshëm i abuzimeve ndodhin në institucione parashkollore, shkolla etj.
Në kategorinë e abuzimit futet dhe neglizhimi, i cili mund të jetë fizik, edukativ apo
emocional. Shembull i neglizhimit fizik është dështimi për t'ia ofruar fëmijës ushqimin,
higjienën, veshmbathjen etj. Neglizhimi edukativ shfaqet atëherë kur prindi nuk i jep mundësi
fëmijës për t'u edukuar në shkollë.
5.1. Faktorët e rrezikut për abuzimin e fëmijëve
Abuzimi është i lidhur më shumë faktorë, si ata individual, social, kulturorë dhe familjarë.
Faktori kulturor përfshinë ballafaqimin e popullatës ndaj dhunës dhe pranimin e dhunës si një
mjet i zgjidhjes së problemeve. Masmedia luan një rol të rëndësishëm në këtë mes. Prindërit e
rinj, personaliteti i prindërve si dhe prania e çrregullimeve mendore duket të kenë rol në
paraqitjen e abuzimeve të ndryshme.
Të porsalindurit parakohe, fëmijët me keqformime të lindura, sëmundje kronike,
temperament të vështirë dhe që jetojnë në ambiente të varfëra janë më të predispozuar ndaj
abuzimit.
Manifestimet klinike. Fëmijët e abuzuar zakonisht diagnostikohen pas paraqitjes së tyre në
qendrën emergjente, apo atë parësore si pasojë e lëndimeve, ose problemeve të sjelljes. Një
pjesë e fëmijëve ankohen për dhembje të cilat nga ekzaminimet e bëra nuk rezultojnë me
ndonjë bazë organike.
Fëmijët me anamnezë të abuzimit fizik dhe të neglizhimit kanë një rrezik të lartë të zhvillimit
të çrregullimeve psikiatrike, duke përfshirë edhe krijimin e një stili të dezorganizuar të jetës.
Jeta e dezorganizuar përfshinë shenja të çrregullimit disociativ, depresionit, ankthit si dhe
nervozës, apo sjelljeve agresive.
Manifestimet klinike në keqtrajtimin e fëmijëve janë të lidhura ngushtë me llojin e abuzimit.
Në një studim të bërë në vitin 2006 është gjetur se abuzimi emocional dhe seksual është i
lidhur ngushtë me depresionin, e ndërsa abuzimi fizik dhe fëmijët që janë dëshmitarë të
dhunës familjare janë parë të kenë një lidhje mesatare me depresionin.
45
Fëmijët që i nënshtrohen abuzimit seksual kanë më shumë shenja të ankthit dhe disociacionit
si dhe të irritabilitetit. Fëmijët, të cilët i nënshtrohen abuzimit verbal kanë më shumë shenja të
nervozës dhe agresivitetit. Çrregullimi i stresit postraumatik është një nga çrregullimet e
shpeshta te fëmijët e abuzuar. Në abuzimin seksual fëmija fillon të ketë ndryshime të
papritura të disponimit, dhembje barku, agresivitet, interes të shtuar ndaj seksit, masturbime
të shpeshta, tentim vetëvrasje, largime nga shtëpia, ankth, anoreksi, nervozë, refuzim të flasë
etj. Shenjat fizike të abuzimit janë të dukshme në ekzaminimin e fëmijës.
Mjekimi. Mjekimi është i lidhur ngushtë me praninë apo jo të çrregullimeve psikiatrike dhe
në mënyrë të veçantë me motivimin e prindërve për të marrë ndihmë profesionale. Në raste të
tilla protokolli mbi mbrojtjen e fëmijëve duhet të respektohet. Në raste jo të rralla fëmija do
të ketë nevojë për shtrim në spital, apo për largim nga shtëpia, në rastet kur abuzimi ndodh në
familje.
6. VONESA MENTALE (Retardimi mental)
Vonesa mentale nënkupton jo vetëm një nivel të ulët të koeficientit të inteligjencës (IQ prej
70 e më poshtë), por edhe deficit të funksionimit përshtatës të fëmijës. Fëmija mund të ketë
prezencë të niveleve të ndryshme të aftësive në fusha të ndryshme të zhvillimit të tij në varësi
të shkallës së vonesës mentale.
Etiologjia. Vonesa mentale është e lidhur me faktorë psiko-social dhe atë biologjikë, apo
kombinim i të dyjave. Megjithatë, në 30-40% të rasteve, etiologjia mbetet e paqartë. Deficiti
intelektual dhe përshtatës mendohet të përcaktohet nga ndërlidhja midis mekanizmit
poligjenik dhe faktorit social. Vonesa mentale dhe ajo e rëndë janë gjetur të lidhura në më
shumë se 200 sindroma biologjik (sindroma e kromozomit X- fragjil, paraliza cerebrale
mikrocefalia, hipotiroidizmi, hiperbilirubinemia rubeola, sindroma Angelman, skleroza
tuberoze, toksoplazmoza, infeksionet me citomegalovirus etj).
Nga të gjithë fëmijët dhe adoleshentët me vonesë mentale 30-70% e tyre kanë
bashkekzistencë edhe të një çrregullimi psikiatrik. Fëmijët me vonesë mentale kanë katër
herë më shumë shanse për një çrregullim psikiatrik se fëmijët me inteligjencë normale.
Afërsishtë 10% e fëmijëve më vonesa mentale kanë kritere të plota për çrregullimin e
hiperaktivitetit. Rreth 5% e fëmijëve më vonesë kanë autizëm, por afërsisht 80% e fëmijëve
me autizëm kanë shkallë të ndryshme të vonesës në zhvillim.
46
Disa çrregullime, si pika, ruminimet, problemet e të mësuarit, problemet e të folurit,
vetëlëndimet e qëllimshme, depresioni, çrregullimi obsesiv me kompulsione, ankthi, duken të
jenë të pranishme në shkallë më të lartë te fëmijët me vonesë mentale.
Vonesa mentale klasifikohet në:
Vonesë të lehtë mentale (IQ 50-70);
Vonesë mesatare mentale( IQ 39-49);
Vonesë mentale të rëndë (IQ 20-38) ‘
Vonesë mentale tepër të rëndë (IQ më e vogël se 20).
Diagnoza. Koeficienti i intelegjencës ose i zhvillimit paraqet raportin në mes të moshës
mentale të fëmijës dhe moshës së tij kalendarike. Llogaritet në bazë të testeve psikologjike.
Përcaktimi i koeficientit të inteligjencës është një informatë, e cila ndihmon në përcaktimin e
shkallës së vonesë. Vlerësimi i shkallës së funksionimit të fëmijës duhet të bëhet me anën e
instrumenteve të standardizuara, në mënyrë që ta kemi një pasqyrë të qartë të funksionit
social dhe aftësive përshtatëse të fëmijës.
Vlerësimi përmes intervistave të strukturuara me prindër do të na shërbente për ta vlerësuar
shkallën e përshtatshmërisë së fëmijës në pesë fusha: komunikimin, aftësitë rutinore,
shoqërizimin, aftësitë motorike dhe sjelljet përshtatëse. Këto kompetenca krahasohen me
pritjet në raport me moshën që ka fëmija. Vlerësimi mjekësor përfshin ekzaminimin objektiv,
testet laboratorike, elektroencefalogramin, rezonancen magnetike, etj.
Mjekimi. Informimi i prindërve rreth diagnozës është një nga pikat kryesore të mjekimit.
Informimi duhet të mbështetet në të gjitha informatat e mbledhura nga mjeku dhe duhet të
përfshijë, natyrën e vonesës, hapat e mëtutjeshëm për zhvillimin e fëmijës etj. Informimi sa
më i shpejtë i prindërve është i një rëndësie të veçantë. Informimi i parë duhet të bëhet nga
mjekë të specializuar dhe ai që do ta ndjekë fëmijën në vazhdim. Njëkohësisht prindi duhet të
informohet për të gjitha burimet të cilat mund ta mbështesin në edukimin e fëmijës.
Barnat përdoren në rastet e bashkekzistencës së çrregullimeve psikiatrike, apo çrregullimeve
të tjera organike. Sjelljet vetëlënduese trajtohen me largimin e objekteve të rrezikshme, barna
dhe teknika të sjelljes. Në rastet e ndryshimeve të rënda të sjelljes përdorimi i neuroleptikëve
është i rekomandueshëm.
47
7. KUJDESI INFERMIEROR NDAJ FËMIJËVE
“E drejta për trajtimin më të mirë të mundshëm, është e drejtë elementare, veçanërisht
për fëmijët”
Fëmija është qenia njerëzore më e ndjeshme e shoqërisë. Ai ka nevojë për përkujdesje në
plotësimin e nevojave themelore fiziologjike. Vitet e para të rritjes së fëmijës konsiderohen si
faza më e rëndësishme e zhvillimit, me ndikim të përjetshëm për shëndetin, zhvillimin,
mirëqenien dhe reproduksionin. Latantët dhe fëmijët e vegjël në esencë janë të rrezikuar, ata
nuk mund të avokojnë për veten e tyre dhe për këtë arsye nuk janë në gjendje për t’u
vetëmbrojtur.
Andaj infermierët luajnë një rol të rëndësishëm në mbrojtjen e fëmijës, sepse përveç ofrimit
të menjëhershëm të kujdesit shëndetësor, i mësojnë prindërit se si duhet të kujdesen për
fëmijën, ushqyerjen adekuate dhe si të sigurojnë kushte më të favorshme për zhvillimin e
fëmijës.
Infermieria pediatrike është në përputhje me përkufizimin e rishikuar të infermierisë nga
Shoqata e Infermiereve Amerikane (2003), e cila përcakton qartë filozofinë e kujdesit
pediatrik, që fokusohet në:
Kujdesin e përqendruar të fëmijës në familje,
Kujdesin ndaj traumave,
Menaxhimin adekuat të rasteve.
Aktivitetet dhe roli i infermieres në kujdesin e fëmijës orientohet në plotësimin e nevojave
njerëzore themelore. Kujdesi shëndetësor për fëmijë ka për qëllim përparimin dhe ruajtjen e
shëndetit, përmes sigurimit dhe monitorimit të rritjes dhe të zhvillimit të duhur, parandalimin
e sëmundjeve, lëndimeve, shërimin dhe rehabilitimin si dhe edukimin shëndetësor të
prindërve dhe kujdestarëve të fëmijës lidhur me kujdesin dhe ushqyerjen e tij.
Qasja e kujdesit të përqendruar të fëmijës në familje realizohet përmes tre komponentëve
kryesorë:
Respektit,
Bashkëpunimit dhe
Mbështetjes.
48
Vendimmarrja etike ka rëndësi të posaqme në ofrimin e kujdesit të fëmijëve dhe fokusohet
në:
Autonominë – që nënkupton të drejtën e pacientit për të vetëvendosur.
Mosshkaktim i dëmit – që nënkupton obligimin për të parandaluar dhe zvogëluar dëmin.
Përfitimin – që nënkupton obligimin për të promovuar mirëqenien e pacientit.
Drejtësinë – që përfshinë konceptin e paanësisë.
Parimet e infermieres pediatrike janë:
- E përqendruar në familje;
- E sigurt në përkujdesje;
- Vazhdimësia e përkujdesit;
- Të përkrahet rritja dhe zhvillimi i fëmijës;
- Të përkrahet vetëmotivimi i fëmijës dhe i familjes.
Kujdesi infermieror i fëmijëve të sëmurë prej sëmundjeve të ndryshme përfshinë këto
obligime të infermieres:
- Obligimet e infermieres në realizimin e procedurave diagnostike të sëmundjes;
- Obligimet në aplikimin e barnave;
- Vlerësimi i gjendjes së përgjithshme të fëmijës së sëmurë;
- Përkujdesjen ndaj fëmijës së sëmurë;
- Ushqyerjen e fëmijës;
- Edukimi shëndetësor i fëmijëve dhe prindërve.
Obligimet (detyrat) e infermieres pediatrike janë të llojllojshme dhe varen prej natyrës së
sëmundjes, gjegjësisht prej sistemeve (trakteve) të organizmit.
7.1. Administrimi i barnave
Administrimi i barnave është një proces unik dhe mjaft sfidues, sidomos për infermieret
pediatrike. Infermierja, para se të bëj administrimin e barnave, duhet të dijë pesë rregullat e
administrimit të barit: i sëmuri i duhur, bari i duhur, rruga e duhur, doza e duhur dhe koha e
duhur e administrimit të barit.
49
Pastaj duhet të ketë njohuri për rritjen dhe zhvillimin e fëmijës në çdo fazë të jetës, pasi doza
e barit që koordinohet, duke u bazuar në moshën e fëmijës, në peshën (masën) trupore dhe
gjatësinë (lartësinë) e tij, nga natyra e sëmundjes, etj. Pra, në mënyrë korrekte ta kalkulojë
barin.
Para administrimit të barnave, nga familjarët merret informacion nëse fëmija ka pasur alergji
në ndonjë bar, sepse shumica e fëmijëve shfaqin reaksione të ndryshme në barna.
Sensitiviteti dhe reaksioni mund të manifestohen ndoshta më shumë te fëmijët me
metabolizëm të shpejtë, i cili afekton absorbimin, shpërndarjen dhe eleminimin e barit.
50
REZYME
Punimi i diplomës me titull “Roli i infermieres në trajtimin e fëmijëve me ngecje në zhvillim
psikomotorik” është realizuar në Universitetin e Gjakovës “Fehmi Agani”, Fakulteti i
Mjekësisë, Dega Infermieri.
Në këtë punim është përdorur metodologjia e rishqyrtimit të literaturës. Punimi është i
përbërë nga 7 kapituj, 2 tabela dhe 3 fotografi.
Kapitujt e këtij punimi kanë në përmbajtje këto tema: periudhat e moshës zhvillimore,
zhvillimin psikomotorik të fëmijëve, çrregullimet psikiatrike të fëmijëve, pengesat motorike
dhe shprehitë motorike, abuzimin e fëmijëve, vonesat mendore dhe në përfundim kujdesin
infermieror ndaj fëmijëve.
51
Referencat
1. Azemi,M., Shala, M. me bashkëpunëtorë, Pediatria, Prishtinë, 2010.
2. Azemi,M., Ismaili-Jaha, V. me bashkëpunëtorë, Pediatria dhe kujdesi infermieror,
Prishtinë, 2016.
3. Philip Graham, Jeremy Turk, Frank Verhulst.: Child psychiatry: A development
approach; Oxford Medical Publications, 1998, 101-110.
4. Shala M. Lakoret e percentileve të rritjes intrauterine sipas javëvë të gjestinacionit
(28-42), Neanotologjia- Njohuri bazë mbi të porsalindurin, Rilindja, Prishtinë, 2008.
5. Joinson C, Heron J, ButlerU, et al: Psychological differences betëeen children ëith
and ëithout soiling problems. Pediatrics 2006 May; 117(5): 1575-84.
6. Pocet Guide to the ICD -10, Classification of Mental and Behaviuoral Dosorders ëith
glossary and diagnostic criteria for research; Ëorld Health Organization, Geneva
1994.
7. Altschuher, S, Ludwig, S: Pediatric at GLANCE, Philadelphia, 1997, USA,: Un.
Endocrionology dis, Sy. Marfan, faqe 198-199
8. Scheartzrc, Barret MJ, Saba G: Family terapi in bulimia, in handbook of
psychotherapy for anorexia nervoza and bulimia. Edited by Garner DM, Garfinkel PE,
NEË York Guilford, 1985, pp 280-307.
9. Stein DJ, (2002). Obsessive-compulsive disorder. Lancet, 360(9330): 397-405.
10. Toupin, J., Drey, M., Pauze, R., Mercier, H., and Fortin, L. (2000). Cognitive and
familial contributions to conduct disorder in children. Journal of Child Psychology
and Psychiatry, 3, 333-44.
11. Young MH, Brennen LC, Baker RD, Baker SS: Functional encopresis: symptom
reduction and behavioral improvement. J Dev Behav Pediatr 1995 Aug; 16(4): 226-
32.
12. Broe, V., Pediatric nursing care plans, Second Edition, Little Broën and company
Boston, Toronto, 1985.
13. Barisic, N., i suradnici, Pedijatrijsa neurologija, Medicinska naklada, Zagreb, 2009.
14. Delmar’s Textbook of Basic Pediatric Nursing, Delmar Publishers, 1999.
52
CV- ja e studentes
Të dhënat personale
Mbiemri Lekaj
Emri Arjeta
Datëlindj 14.07.1998
Vendlindja
Gjakovë
Shtetësia Kosovare
Kombësia
Shqiptare
Adresa Novosellë e Poshtme
Numri I telefonit +38348310968
e- mail
Edukimi
[email protected] 160306026
Shkollimi fillor
Shkollimi i mesem
Shkollimi themelor
SHFMU ‘‘ENGJULL
GJONI’’
SHMM “Hysni Zajmi”
Gjakovë,Mjekësi e
Përgjithshme
Universiteti i Gjakovës
“Fehmi Agani”Gjakovë.
Fakulteti I Mjekësisë-
Drejtimi Infermieri