Philippine Arena, bukas na ang pinto para sa PBA Opening
Tuloy na ang pagbubukas ng ika-40 taon ng Philippine Basketball
Association (PBA) sa Philippine Arena sa Bocaue, Bulacan na idaraos
sa petsang Oktubre 19.
Inaprubahan na ni PBA Commisioner Chito Salud ang panukalang sa
"biggest domed arena" ganapin ang opening ng liga matapos ang
kanilang ikalawang "ocular inspection" sa venue.We are now ironing
out the final terms of engagement. But the Philippine Arena is
ready for the PBA," pahayag ni Salud.
Habang ipinapakilala ang Blackwater Elite team noong Martes,
binanggit ni Salud na magtatanghal sila ng twinbill upang
mai-highlight ang panimulang seremonya ng PBA Season 40.
Ang unang maglalaban sa 2014-2015 Philippine Cup ay ang dalawang
bagong teams sa PBA: Kia Sorento vs Blackwater Elite sa oras na
3pm, na susundan naman ng Talk N Text Tropang Texters laban sa
Barangay Ginebra San Miguel sa oras na 5:15pm.
Sa paglunsad ng KIA team sa World Trade Center sa Pasay City
noong Huwebes, sinabi ng management na makapaglalaro ang boxing
icon na si Manny Pacquiao sa partikular na larong ito. Manny
himself has confirmed that with the league commissioner, sabi ng
manager ng Kia team na si Eric Pineda.
Ang Philippine Arena ay kinilala sa Guinness Book of World
Records bilang pinakamalaking mixed-use indoor theater na may
kapasidad na 55,000 tao. Marahil anopa't dito ang napiling venue,
siguradong napakaraming tao ang gustong manood ng makasaysayang
pangyayaring ito.
Ito ay nasa gitna ng Marilao at Bocaue exits ng North Luzon
Expressway, papuntang Baguio. na may kapasidad na 50,000 para sa
PBA fans at may basketball court na may tamang pagtutukoy para sa
mga laro ng PBA.
Halatang sinikap na maiwasan ang hindi magandang resulta ng
kampanya ng Gilas Pilipinas sa nakaraang 17th Asian Games sa
Incheon, South Korea. Mukhang umiiwas rin ang management ng PBA,
partikular sina PBA Chairman Patrick Gregorio at PBA Commissioner
Chito Salud, na sagutin ang mga tanong at pag-usapan ang tungkol sa
masamang nangyari noong mga nakaraang araw.
We hope that it can remove all the destruction that happened in
Philippine basketball during the past days, ani Gregorio.
Jasmin Julia Gabudao
