Upload
others
View
6
Download
0
Embed Size (px)
Citation preview
Pinoy Apologista
Pagbabalik-Loob
F.A. Tendencia
Pinoy Apologista
Pagbabalik-Loob
Karapatang-ari © 2019 ni F.A. Tendencia
Inilathala ng PINOY APOLOGISTA
https://www.pinoyapologista.ph/
Pinoy Apologista
Nilalaman
Wangis ................................................................................................................ 1
Hubad ................................................................................................................. 4
Maling Akala ..................................................................................................... 8
Higit sa Suwerte ............................................................................................. 15
Ang Lugi at Yari .............................................................................................. 18
Ang Daan.......................................................................................................... 23
Ayon kay Jesus ................................................................................................ 27
Ang Tagal ........................................................................................................ 30
1
Chapter 1
Wangis
“At nilalang nga ng Diyos ang tao ayon sa Kanyang wangis, nilalang Niya
ang lalake at ang babae.”1
Bilang nilikha ayon sa wangis ng Diyos, ang tao ay natatangi.
Ngunit ano ang ibig sabihin na ang tao‟y nilalang „ayon sa wangis‟ ng
Diyos? Ganito: Dahilan sa ang Diyos ay Espiritu,2 hindi natin maaring
ipaliwanag ang katagang ito sa paraang pisikal o materyal. Ibig sabihin, ang
„wangis‟3 ng Diyos na tinutukoy rito ay yaong moral at espirituwal na
kalikasan na nakaugnay sa Diyos gaya ng kabanalan at katuwiran.4 Nilikha
ng Panginoon ang tao na banal; sa orihinal, ang tao ay walang kasalanan.
Subalit dahil sa naganap na pagsuway ng tao sa Diyos, ang kabanalan na ito
ay nawala sa kanya. Ang pagsuway na ito ay nagdulot ng dungis at
pagkasira sa orihinal na kalikasan ng wangis ng Diyos sa buhay ng tao.
Nadungisan at nasirang lubusan ang espiritwal na bahagi sa wangis na ito.
At itong pagkawasak ng espiritwal na wangis ang siyang dahilan kung bakit
tayo tinatawag na makasalanan o patay sa kasalanan at pagsalangsang.5
Tandaan mo ito: Ang tao ay tinatawag na makasalanan hindi lang
dahil sa gumagawa siya ng kasalanan, kundi dahil sa siya ay naging likas
na makasalanan.6 Ibig sabihin, taglay natin ito; ito yung makasalanang likas
na naipasa o naipamana sa atin ni Adan na siyang Ulo at Ugat ng lahi ng
1 Genesis 1:27 2 Juan 4:24 3 Elementaryong theolohiya lamang ang ipinapaliwanag ko rito. Ang wangis ng
Diyos sa tao ay isang malawak na theolohikal na usapin na kaysarap pag-aralan. 4 Efeso 4:24 5 Efeso 2:1 6 Bagamat originally (by creation) hindi niya ito likas na katangian.
2
mga tao.7 Sa madaling salita, noong bumagsak si Adan at Eba, kasama rin
nilang bumagsak ang lahing magmumula sa kanilang makasalanang
kalikasan. Iyan ang dahilan kung bakit naging pahayag (conclusion) ng
Biblia na,
“Sapagkat ang lahat ay nagkasala at walang sinuman ang nakaabot sa
kaluwalhatian ng Diyos.”8
Kung paanong namamatay ang mga dahon, sanga, tangkay at bunga
ng puno kapag nalason ang ugat, gayundin ang nangyari sa lahi ni Adan.
Kaya nga, ang wangis ng Diyos sa Tao ngayon ay hindi na ayon sa
orihinal na wangis na kaloob ng Diyos noong una kay Adan. Nadungisan at
nawasak na ito sa espiritwal nitong likas. Oo, sa moral o mental na bahagi
ng wangis ay taglay parin natin ang buti at dangal ng wangis ng Diyos, at
ito ang dahilan kung bakit hindi tayo kabilang sa mga hayop – bagamat
marami ang nagpapaka-asal hayop. Iyan din ang dahilan kung bakit ang tao
ay moral at relihiyoso parin; sila man ay tagasunod ni Allah, ni Buddha, ni
Confucius o tagasunod maging ni Jesu-Cristo. Sinabi kong maging ni Jesu-
Cristo sapagkat hindi naman lahat ng simbahan o taong nagsasabing
naniniwala kay Cristo ay tunay na Kristyano. Dito sa ating bansa,
maraming sekta ang nagsasabing sila ay tagasunod ni Cristo – gaya ng
sekta ni Manalo, ng Dating Daan, El Shaddai, si Quiboloy, at mga
Karismatikong simbahan – ngunit hindi naman nagtuturo o nagpapahayag
ng biblikal at dalisay na Jesu-Cristo.
Kaya nga, ang pagkasira ng espiritwal na wangis ng Diyos sa buhay
ng tao ay hindi nangangahulugan na hindi na siya pwedeng maging
relihiyoso. Ang isyu ay, ang kanyang pagkarelihiyoso ay naliligaw.9
7 Roma 5:12 8 Roma 3:23 9 Spiritual corruption or religious corruption
3
Kung gayon, ang problema natin sa „wangis‟ na bigay ng Diyos ay
sa espiritwal. At maliban nga na sa biyaya ng Diyos ay magsisi tayo sa
ating mga kasalanan, hindi natin kaylanman makakamtan ang „banal na
wangis‟ na kaloob ng Diyos sa atin sa pamamagitan ng pananampalataya
kay Cristo.
Kaibigan, bilang aral, nagtuturo ito sa atin na ang banal na wangis
ng Diyos ang siyang nagbibigay kabuluhan sa atin; hindi ang pera, hindi
ang kapangyarihan sa lipunan at katanyagan sa sanlibutan. Ang mga ito ay
makinang na prioridad sa Mundo, ngunit ang tunay na anyo at kulay ng
buhay ng tao ay matatagpuan lamang niya sa banal na wangis ng Diyos o sa
madaling salita, sa pagiging Bagong Nilalang.
“Kaya’t kung ang sinoman ay na kay Cristo, siya’y bagong nilalang…”10
Si Jesu-Cristo lamang ang makapagkakaloob o
makapagpapanumbalik ng banal na wangis ng Diyos sayong buhay. At
ngayon pa man ay pwede mo itong makamtan kung tunay kang magsisisi sa
iyong mga kasalanan, magbabalik-loob at magtitiwala sa Kanya na iyong
Panginoong Tagapagligtas.
10 2 Corinto 5:17
4
Chapter 2
Hubad
At nang makita ng babae na ang bunga ng punong kahoy ay mabuting
kanin at nakalulugod sa mga mata, at kahoy na mananasa upang
magpapantas sa tao, ay pumitas siya ng bunga niyaon at kinain; at
binigyan din niya ang kaniyang asawang kasama niya, at ito'y kumain. At
nadilat kapuwa ang kanilang mga mata, at kanilang nakilalang sila'y mga
hubad…11
Matapos na kinain nina Eba at Adan ang bungang ipinagbabawal ng
Diyos, namulat ang kanilang paningin at „nakilalang sila‟y mga hubad.‟
Ngunit dapat mong pansinin na nahiya lamang sila sa isa‟t isa nang ang
kasalanan ay pumasok sa kanilang puso. Nakita nila o nahiya sila sa
kanilang pisikal na kahubaran, noong ang kanilang espiritu ay naging
hubad sa paningin ng Diyos dahil sa kasalanan.
Ganyan ang ginagawa ng kasalanan sa ating buhay, hinuhubaran
tayo nito ng maayos na pananaw sa Diyos, ng banal na dangal, ng maayos
na tingin sa kapwa, at ng karapatan at katuwiran sa harapan ng Diyos.
Dahil sa kasalanan, tayo ay dapat hatulan ng Panginoon sapagkat
ang kabayaran ng kasalanan ay kamatayan.12
Hindi po kasi biro at laro sa
Diyos ang kasalanan. Kung paanong ang tae ay kadiri sa tao, gayundin ang
kasalanan sa paningin ng Diyos.
Sa lagay nina Adan at Eba, tinangka man nilang magtago sa
paningin ng Diyos, ngunit hindi sila nagtagumpay. Hindi natin kasi
mapagtataguan ang Diyos; sa Kanya ay walang anumang nalilihim.13
11 Genesis 3:6-7 12Roma 6:23 13Hebreo 4:12
5
Nang makita nina Adan at Eba ang kanilang hubad na katawan,
nagtagpi sila ng dahon ng igos bilang panakip – kahit na ang tunay na
nahubad sa kanila ay ang kabanalan sa paningin ng Panginoon. Nawala sa
kanila ang espiritwal na wangis ng Diyos sa diwa ng kabanalan, katuwiran,
at kaluwalhatian.
Sa panahong ito, madalas na ang panakip sa espiritwal na kahubaran
na inaakala at ginagawa ng tao ay ang umanib sa isang relihiyon o sekta.14
Minsan nama‟y ginagamit niya ang pilantropismo o kaya‟y nakikiisa siya
sa mga moral na proyekto at donasyon sa pag-aakalang makakahugas ito ng
kanyang budhi at mga pagkakamali sa harapan ng Diyos. Ngunit, ang
masamang balita‟y, ang mga ito ay hindi makapaglilinis ng kasalanan at
makapagdadamit sa espiritwal na kahubaran. Pwede o sabihin nating
maganda ito sa lipunan at personalidad, ngunit sa isyu ng kahubaran sa
Diyos, ang mga ito ay mga maruming basahan – maruming kasuotan.
Ngunit bakit? Higit ko itong ipapaliwanag sa susunod na kabanata. Subalit,
tungkol sa nangyari kina Adan at Eba, kapansin pansin na ang Diyos ang
Siyang gumawa ng damit para sa kanilang kahubaran. Pahiwatig sa Genesis
3:21,
“Gumawa ang Panginoong Diyos ng mga kasuotang yari sa balat ng
hayop para kay Adan at Eba at isinuot sa kanila.”
Syempre, para makuha ang balat ng hayop, kinakailangang patayin
ng Diyos ang hayop. Tuloy, nagpapakita ito sa atin na sa hardin ng Eden
palang ay nagsimula na ang unang pagbubo ng dugo – ang unang
pagsasakripisyo ng buhay dahil sa kasalanan. Kapansin pansin na ang
dahon ng igos na pinangtakip nina Adan at Eba ay hindi naging katanggap-
tanggap sa paningin ng Panginoon. Sa halip, gumawa ang Diyos ng saplot
na nararapat na galing mismo sa balat ng inosenteng hayop. At kaibigan, ito
14Ipinaliwanag ko ang uri ng relihiyon at sekta na tinutukoy ko rito sa kabanatang,
“Maling Akala.”
6
ay may espiritwal na sagisag para sa gagawing dakilang pag-aalay ng Anak
ng Diyos sa krus ng Kalbaryo para sa ating mga kasalanan. Si Jesu-Cristo
ang Siyang kordero ng Diyos na nag-aalis ng kasalanan.15
Sa aking pagbubulay,16
nakita ko na may apat na prinsipyong-
pahiwatig ang „dahon ng igos‟ bilang makataong paraan o sariling paraan
nina Adan at Eba upang takpan ang kanilang kahubaran. At syempre,
gayundin ang „balat ng hayop‟ bilang sagisag ng paraan ng Diyos upang
bihisan ang tao sa kanyang espiritwal na kahubaran. Narito ang apat na
pahiwatig.
1. Ang makapagdadamit lamang sa espiritwal na kahubaran ng Tao
ay ang Diyos. Tanging Diyos lamang ang makapagbibigay sa
tao ng kasagutan kung paano siya mabibihisan sa kanyang
makasalanang kahubaran. Walang anumang gawa o paraan
ang tao na pwedeng makapagtakip ng kanyang hubad na
kalagayan sa espiritu – sa harapan ng Diyos.
2. Ang dahon ng igos ay sagisag ng makataong-paraan upang
hugasan ang kasalanan. Ito ay walang kakayahan upang
linisin o damtan ang tao sa kanyang espiritwal na
kahubaran. Marupok ang paraan ng tao. Tulad ng dahon ng
igos ito ay matutuyo; ito ay masusunog.
3. Ang paraan ng Diyos lamang ang makapagbibigay ng tunay na
panakip sa espiritwal na kahubaran. Nasa Diyos ng Biblia ang
tunay na damit na magtatakip sa espiritwal na kahubaran –
walang iba kundi si Jesu-Cristo.
4. Ang espiritwal na kasuotan na bigay ng Diyos ay makakamtan
lamang sa pamamagitan ng pananampalataya kay Cristo Jesus.
15Juan 1:36 16Sa tulong narin ng insights na natutuhan ko sa isang biblikal na komentarista na
si J. Vernon McGee.
7
Ang kasuotan na ito ay mismong ang Panginoong Jesus.
Siya lamang ang Kasuotan at ang makapagbibihis sa ating
espiritwal na kahubaran.17
Siya lamang ang
makapaghuhugas ng ating mga kasalanan at wala ng iba pa.
Siya ang paraan ng Diyos na tiyak at wagas upang tayo ay
mahugasan at mapatawad sa lahat ng ating mga kasalanan.
Sabi mismo ng Panginoong Jesus,
“Ako ang Daan….walang makapupunta sa Ama kundi sa pamamagitan
ko.”18
Dahil rito, anumang paraan ng tao na labas at laban sa persona, salita
at gawa ni Jesu-Cristo ay huwad at walang kabuluhang paraan. Kaya‟t
mahalagang tanong kaibigan: Si Jesus ba ang kasuotang nakadamit sa iyong
buhay ngayon at magpakailanman? O hanggang ngayon ikaw ay hubad
parin dahil sa hindi mo pagbabalik loob sa Diyos?
Kaibigan, ito na ang oras upang magbihis, huwag manatiling hubad
at kahiya-hiya sa harapan ng Diyos. Yakapin mo ang Panginoong Jesus
bilang iyong Panginoong Tagapagligtas, at tiyak, ikaw ay bibihisan Niya ng
damit ng katubusan. Ngayon na ang oras ng pagbabalik-loob. Oh! Nawa‟y
magsisi ka na sa iyong kasalanan sa Diyos.
17 Roma 13:14 18Juan 14:6
8
Chapter 3
Maling Akala
“Mayroong daan na tila matuwid sa isang tao, ngunit mga daang tungo sa
kamatayan ang dulo nito.”19
Dahil sa Diyos, tayo ay may buhay. Tayo ay nilikha na bukod-tangi.
Tayo ay may puso, kaisipan, kaluluwa, at lakas. Subalit ang tao dahil sa
pang-aakit ng sanlibutan, ng pita ng laman at ng layaw ng sanlibutan ay
nahumaling sa mga ito. Tinalikuran ng tao20
ang banal na pag-ibig ng
Panginoon at nagpakalayaw sa piling ng salapi at ng pita ng laman.
Bunga nito, ang tao ay nalubog sa kapangyarihan ng kasalanan at
nalalagay na makatarungang hatol ng Panginoon. Sa madaling salita,
Impyerno ang hantungan ng tao dahil sa kanyang pagtataksil sa banal at
mabuting pagmamahal ng Diyos. Ang Impyerno ay isang
nakapangingilabot na lugar at maging salita, na sa maniwala ka man rito o
sa hindi, ito ay realidad na igagawad ng Diyos sa taong mapaghimagsik sa
Kanyang banal na kalooban.
Sa kaibuturan ng puso ng tao, alam niya na mayroong Diyos na
pagsusulitan niya ng buhay kahit ano pa ang kanyang nagmamatalinong
pagtanggi.21
Subalit para ibsan ang kawalang kapayapaan ng kanyang
masalimoot na kalooban, ang tao ay humabi ng mga kaisipan at gumawa ng
mga hakbang na sa tingin niya‟y solusyon o tugon sa kanyang
nagugulumihanang kalooban. Siya ay gumawa ng mga paraan na akala niya
ay tama at magpapaging dapat sa kanya sa Diyos. Ang mga paraan na ito ay
bunsod ng mga sumusunod na maling akala.
19 Kawikaan 14:12 20 Tinalikuran gamit ang puso, isip, kaluluwa, at lakas. 21 Roma 1:20-25; 2:14-15
9
1. Ritualistikong Relihiyon
Ito yung pag-aakala na purket nasa loob ka o miyembro ka ng ganito
o ganyang simbahan o sekta ay ayos na ang kaluluwa mo sa Diyos. Totoo
na marami sa ating mga kababayan ay relihiyoso. Halimbawa, kakikitaan
mo sila ng pagbibigay sa simbahan at pag-aabuloy sa kapwa. Tiwala sila sa
binyag na natanggap sa kanilang simbahan na anupa‟t maging sa birth
certificate nila ay Kristyano o naniniwala sila kay Jesus. May iba na
makikita mo na aktibo sa mga programa ng kanilang simbahan na minsan
pa nga ay nangunguna sila sa mga gawain nito. At dahil rito, akala nila ay
ayos na ang kaluluwa nila; na sila ay nahugasan na sa kanilang mga sala.
Ngunit kaibigan, hindi iyan garantiya. Hindi basehan ng kaligtasan ang
iyong paninindigan at dedikasyon sa iyong nakagisnang relihiyon. Bakit?
Sapagkat kung ang paninindigan o dedikasyon ay hindi nakapundasyon sa
katotohanan ng sinasabi ng Diyos, ito‟y wala parin, ito‟y walang
kabuluhan. Ang relihiyon ay magiging pakinabang lamang kung ang
saligan nito ay ang katotohanan – si Cristo at ang Kanyang salita. Sa
madaling salita, may relihiyon na mali; yung hindi sa Diyos ng Biblia at
yung walang dalisay na Ebanghelyo. At nakalulungkot makita na marami
sa ating mga kababayan ay lubog sa maling relihiyon. Isang halimbawa rito
ay ang relihiyon na naniniwala kay Jesus ngunit hindi naman naniniwala o
sumasamba sa Kanyang pagkaDiyos. Iyan po ay mali.
2. Sariling-Dunong
Ito ay sa pag-aakalang sa pagiging pilosopo, pulitiko, o edukado, at
iba pang katulad nito sa larangan ng karunungan ng mundo ay
mapapabulaanan ng tao ang salita ni Cristo. Ang totoo niyan, ang mga
pinapalakpakang matalino-kuno sa ating Bayan ay sila na ang pananaw sa
buhay ay ateismo, humanismo, at ebolusyunismo – ito ang mga sistema ng
10
pananaw na laban sa Diyos. Inaakala nila na kapag inaalis, pinipigil o
nilalabanan sa isip ang mga salita ng Biblia ay hindi na mangyayari ang
mga sinasabing hatol nito. Kumbaga ay gumagawa sila ng mga
pagdadahilan22
upang bigyang palusot ang kanilang makasalanang-
kalagayan. Ngunit hindi po. Sila ay nasa hangal na pagkakamali. Hindi
purket ayaw mo sa Biblia ay mali na ito. Kaibigan, makikiraan lang, ngunit
ang mali ay ang isip mo.
3. Materialismo
Para aliwin ng tao ang kanyang sarili, naging abala siya sa pagkamal
ng kayamanan. Ito ay para pagkalooban ang kanyang sarili – gaya
halimbawa – ng mga gamot o mga pamamaraang pipigil sa kanyang
nabubulok na katawan at nalulumbay na kalooban. Hinangad niyang aliwin
ang sarili sa pamamagitan ng pera at mga bisyong nabibili nito. Subalit,
walang kakayahan ang pera, ang masasarap na pagkain, malaking bahay,
vitamins, insurance, hi-tech gadgets, at food-trip upang ang tao ay tunay na
pasayahin o ingatan. Oo, sa mundo ang pera ay maimpluwensyang
kapangyarihan, pero sa kamatayan, ito‟y walang kakayahan, ni kabuluhan
upang iligtas ka. Oo, mabibigyan ka nito ng magarang burol, ngunit dagdag
na panggatong lang ito sa apoy ng impyerno kung wala si Cristo sa puso
mo. Isa pa, kahit na nabusog at naaliw ng pera ang sarili mo sa mundong
ito, pero hindi parin nito maaalis ang tunay na isyu na ang Diyos ay may
laang hatol sa mga mapagmatigas na makasalanan na ayaw magbalik loob
sa Kanya. Sa mata ng kamatayan, lahat ng tao ay pantay; walang sakitin o
malusog, walang mahirap o mayaman. Ang Diyos ang may hawak ng
buhay. Kung paanong Siya ay Diyos ng buhay, Siya rin ay Diyos ng
kamatayan. Walang pera o yaman na makapipigil sa oras ng kamatayan.
22 Sa Ingles, justifications or self-justification.
11
Ang Diyos ang may hawak ng karit ng kamatayan.
4. Sariling-Kabutihan
Ito ang pinakamatamis na pagaakala ng tao sa espiritwal na
problema ng kanyang kaluluwa. Ito ang nagkukumbinsi sa kanya na
mahuhugasan niya ang kanyang mga kasalanan. Ito ang namamayaning
pag-aakala sa marami nating mga kababayan ngayon. Akala nila kapag
nakapag-aabuloy sila, kapag nagsisimba sila, kapag nagdo-donasyon sila, o
kapag nagkakawanggawa sila, o kaya‟y dahil sa wala silang inapi o
nilamangan na kapwa ay nahuhugasan na yung kanilang mga kasalanan.
Tunay na mabuti ang mga ito para sa ikagaganda ng ating bayan at sa
marangal na pakikipagkapwa. Subalit, pero, ngunit...tungkol sa isyu ng
kaligtasan, ito ay walang kakayahan o halaga. Ang isyu kasi ay hindi sa
buting-ugnay mo sa lipunan o sa buting-ugnay mo sa kapwa, bagkus sa
buting-ugnay mo sa Diyos. Iba po kasi ang isyung Moral at Sosyal sa
isyung Espiritwal. Sa lipunan at kapwa-tao ang mga ito ay batayan para
maging santo o philantropo. Ngunit sa paningin ng Diyos, ito‟y itinuturing
na „maruming basahan.‟23
Bakit? Sapagkat kaibigan, ang tao ay likas na
makasalanan, siya ay tulad ng putik sa mata ng Diyos. Parang ganito:
Magbibigay ba ng mineral water ang putik? Syempre hindi, diba? Ang ibig
sabihin, ang ugat ng problema ay nasa kaluluwa o likas. Sa primaryong
punto, ganito kasi: Makasalanan tayo hindi dahil sa nakagawa o gumagawa
tayo ng kasalanan. Bagkus, nakagawa at gumagawa tayo ng kasalanan
sapagkat tayo ay makasalanan. Kita mo? At sa theolohiya ng Biblia, ang
dahilan kung bakit tayo naging likas na makasalanan ay dahil sa namana
23 Isaias 64:6
12
natin ito kay Adan24
na siyang itinuturing ng Diyos na Ulo o Ugat ng
sangkatauhan.25
Oo, ang mga Di-Kristyano ay may kakayahan parin na maging
pilantropo o moralista. Maari silang magpakita ng mataas na antas ng
kabaitan o katangian sa lipunan na gaya nina Confucius, Buddha, Gandhi,
Muhamad, Santo Papa, Mother Teresa, Pedro Calungsod at iba pa. Subalit,
pero, ngunit...hindi parin sila hugas sa kanilang mga kasalanan. At bakit?
Sapagkat hindi mababayaran o mahuhugasan ng tao ang kanyang likas na
makasalananang kalagayan – sa paningin ng Diyos – sa pamamagitan ng
kanyang sariling kabutihan o ipinapakitang kabutihan. Bagsak po kasi ang
ating mga ipinagmamalaking kabutihan sa batayan o standard ng Diyos.
Lahat tayo ay hindi pasado sa likas at gawa. Kung kaya‟t wika ng Biblia,
lahat tayo ay hindi „nakaabot‟ sa kaluwalhatian ng Diyos.26
Mahirap itong
maunawaan lalo‟t kung ikaw yung tipo ng tao na may Good Manners and
Right Conduct (GMRC) sa buhay; na mataas ang Values o pagpapakatao.
Ngunit, sa usapin kasi ng paningin ng Diyos, ang tao sa kanyang puso ay
may naniniig na pakikipag-alit sa Kanya.27
May mga tao akong nakilala na masasabi kong mataas ang
moralidad at pagkarelihiyoso kaysa sa mga miyembro ng simbahan na
napuntahan at kinabibilangan ko. Subalit, ikinagugulat ko na kapag
ibinabahagi na sa kanila ang panawagan at hamon ng Ebanghelyo, na si
Jesus lamang at pananampalataya sa Kanya ang magliligtas sa kanila, ay
hindi nila ito matanggap – lalo‟t higit ang tungkol sa katotohanan ng
persona, salita, at gawa ni Jesus ayon sa turo o pahayag ng Biblia. Ang
gusto kasi nilang Jesus ay yaong gawa ng kanilang haka-haka at
24 Yun ay, sa bumagsak na si Adan 25 Roma 5:12 26 Roma 3:23 27 Roma 8:6-8
13
kinabibilangang grupo. Kaya‟t natutuhan ko na maari pala na ang isang tao
ay mabait at relihiyoso ngunit mapagtanggi sa Jesus ng Biblia.
Tungkol sa mabuting gawa, iisa lang ang nakaabot, pumantay, at
naka-satisfy o nagbigay-lugod sa batayan (standard) ng kaluwalhatian at
kabanalan ng Diyos; iyon ay walang iba kundi si Hesu-Cristo – ang Anak
ng Diyos na nagkatawang-Tao. Kung kaya‟t, pansin at yakap ng ating
pananampalataya sa Kanya ay yung pagtiwalaan at tanggapin na ang
Kanyang ginawa lamang para sa atin sa krus, ang makapagliligtas sa atin at
wala ng iba pa.
Tandaan mo ito kaibigan: Ang mabuting gawa na magliligtas
lamang sa tao ay ang mabuting gawa ni Jesu-Cristo sa krus ng Kalbaryo.
Yun lang at wala ng iba pa. Ngunit kaugnay niyan (bilang paglilinaw), ang
tao ay magkakaroon lamang ng tunay na mabuting gawa sa paningin ng
Diyos; ito ay mangyayari lamang pagkatapos na hugasan ng Diyos ang
kanyang puso sa pamamagitan ng banal na dugo ni Jesu-Cristo at ng
presensya ng Banal na Espiritu. Parang ganito: Hindi ka naging Kristyano
kasi mabait ka, kundi naging mabait ka,28
kasi naging Kristyano ka.29
Kuha
mo? Huwag nating gawing bunga ang ugat at ang ugat ay gawing bunga.
Kaya nga, lahat ng sariling pamamaraan o daan ng tao upang linisin
o alisin ang kanyang kasalanan ay pawang walang kabuluhan. Ang sabi ng
Biblia,
“Mayroong daan na tila matuwid sa isang tao, ngunit mga daang tungo sa
kamatayan ang dulo nito.”30
Gayunma‟y sabi rin ng Biblia,
28 Sa Biblical sense ng salitang “mabait” at hindi sa kulturang pananaw ng Pinoy
hinggil rito. 29 Of course, hindi ko sinasabing perpektong kabaitan, ngunit tunay at likas o
bunsod ng bagong kalikasan (experiential). 30 Kawikaan 14:12
14
“Ngunit ang Diyos, palibhasa’y mayaman sa awa, dahil sa kanyang
malaking pagibig sa atin noong tayo’y patay sa pamamagitan ng ating
mga pagsuway… pinatutunayan ng Diyos ang kanyang pagibig sa atin, na
noong tayo’y mga makasalanan pa, si Cristo ay namatay para sa atin.”31
Kita mo? Ang Daan ng Diyos para maligtas ang tao ay si Jesu-
Cristo. At mahalagang tumugon tayo sa diwa at mensahe ng krus ng
Panginoong Hesus. Ang sabi ni Apostol Pablo,
“Sapagkat ibinigay ko sa inyo una sa lahat ang akin ding tinanggap: na si
Cristo ay namatay para sa ating mga kasalanan, ayon sa mga kasulatan,
at siya’y inilibing; at muling nabuhay nang ikatlong araw ayon sa mga
kasulatan.”32
Ngunit paano natin tatanggapin at pagtitiwalaan ang mabuting balita ni
Cristo? Sagot ni Apostol Pablo,
“Sapagkat kung ipapahayag mo sa pamamagitan ng iyong bibig s i Jesus
na Panginoon, at sasampalataya ka sa iyong puso na binuhay siyang muli
ng Diyos mula sa mga patay, ay maliligtas ka. Sapagkat sa puso ang tao
ay nanampalataya kaya’t itinuturing na ganap, at sa pamamagitan ng
bibig ay nagpapahayag kaya’t naliligtas.”33
Kung ninanais mong magkaroon ng relasyon sa Diyos at naghahanap
ka ng tunay na kapahingahan na lumalagos sa puso; alalahanin mo ang krus
ni Cristo. Manampalataya ka ng taus puso sa ginawa ng Panginoong Hesus
para saiyo. Siya ang bukod tanging makapaghuhugas ng iyong mga
kasalanan. Maging sino ka man, sapat at makapangyarihan si Cristo upang
mahugasan ka sa lahat ng iyong mga kasalanan. Magbalik-loob ka, ang
kamay Niya‟y matagal ng nakaunat na sa iyo‟y naghihintay.
31 Efeso 2:4; Roma 5:8 32 1 Corinto 15:3-4 33 Roma 10:9-10
15
Chapter 4
Higit sa Suwerte
Mapalad ang taong pinatawad na ang kasalanan, at pinatawad rin sa
kanyang mga pagsalangsang. Mapalad ang taong hindi pinaparatangan;
sa harap ni Yahweh'y hindi siya nanlinlang.34
Mahalagang linawin na ang pagiging mapalad sa Biblia ay hindi
pagiging masuwerte ayon sa pananaw ng kulturang Pinoy. Ang pagiging
mapalad sa Biblia ay gawa ng Palad o Kamay ng Diyos sa buhay ng isang
tao. At ayon dito sa talata, ang pinakamapalad na kalagayan na makakamit
ng tao sa daigdig ay ang mapatawad ng Diyos sa lahat ng kanyang mga
kasalanan. Yun nga lang, ang madalas nating pananaw tungkol sa kapalaran
o pagiging masuwerte ay yung manalo sa Lotto, maging tulad ni Manny
Pacquio, o kaya‟y ang magkaroon ng mala-celebrity na style ng buhay.
Totoo na ang mga bagay na iyan ay may kakaibang kinang sa mundo.
Sinasabi nating masuwerte ang mga taong ganyan. Subalit hindi po iyan
ang bukal35
ng tunay na pagkamapalad. Ayon dito sa talata, ang tunay na
ligaya o lingap sa buhay ay yung patawarin ka ng Diyos sa lahat ng iyong
mga kasalanan sa Kanya. Iyan ang pagiging mapalad o simula ng
pagkamapalad.
Ang pagpapatawad ng Diyos ay syempre hindi dulot ng ating
sariling pagsusumikap at paraan, kundi bunga ng biyaya ng Diyos sa
pamamagitan ng mayakap na pagtitiwala natin sa ginawa ng Panginoong
Hesus doon sa krus ng Kalbaryo. Sa madaling salita, ang pagiging mapalad
sa paningin ng Diyos ay biyaya ng Diyos sa mananampalataya. Ito ay
34 Awit 32:1-2 35 O sa Ingles, “Source”
16
maituturing na libre o walang bayad. Subalit naging libre dahil sa dakila at
mayamang pagtubos na ginawa ng Panginoong Jesus para sa atin. Siya ang
dakilang kabayaran para sa atin. Nasiyahan36
ang Diyos Ama sa ginawang
pagtubos ni Cristo para sa atin, kung kaya‟t sinumang tunay na
sumasampalataya kay Jesus ay kaagad na tumatanggap ng kapatawaran na
galing sa Diyos sa lahat ng kanyang mga kasalanan. Oh! hindi ka na
mapupunta ng impyerno oh Kristyano dahil kay Hesus! Tunay ngang
mapalad ang Kristyano!
Subalit ang problema, marami sa ating mga kababayan ngayon ay
hindi makita yung ganda, halaga, at kaseryosohan ng mapatawad sa
kanilang mga kasalanan. At ang dahilan kung bakit ang Di-Kristyano37
ay
walang pagpapahalaga sa Diyos ay sapagkat yung isipan nila ay napakalayo
sa Panginoon; ito‟y binulag ni Satanas at ng kanilang pita ng laman. At
dahil sa napakalayo, sila ay nagkaroon ng isang nakapangingilabot at
nakamamatay na pagkalimoot tungkol sa mangyayaring hatol ng Diyos.
At heto pa: ang malaking pagkakamali na magagawa ng tao sa buhay
niya ay yung isipin, akalain at yakapin ang kasinungalingan na magagawa
niyang bilhin ang kaligtasan sa pamamagitan ng kanyang dunong at
sariling-relihiyon. Mawalang galang na po, subalit nauudyukan akong
sabihin na marami sa mga Pilipino ngayon ay balot at bigkis ng
pagkalinlang. Bakit? Sapagkat inaakala nilang ang pakikilahok at pagiging
deboto sa mga santo o patron ng kanilang simbahan ay sapat upang sila ay
mahugasan sa kanilang mga kasalanan. Maging ang mga kababayan natin
na yumayakap sa doktrina ng mga kultong-sekta na nagdadala kuno ng
pangalan ni Cristo subalit ang tinuturong kaligtasan ay ayon naman sa
pananaw at gawa ng tao. Maliban riyan, kahit na ang kanilang konsensya38
36 Satisfied 37 Di-Kristyano o Unbeliever 38 Roma 2:15
17
ay nagsasalita sa kanila na sila ay makasalanan na nangangailangan ng
habag ng Diyos, subalit nagmamatigas parin sila. Ayaw parin nilang isuko
ang kanilang buhay kay Jesu-Cristo. Ayaw nilang bitawan ang kanilang
mga kalayawan o bisyo. At bakit? Sapagkat napakaliit ng kanilang
pagtingin sa hatol ng Diyos. Para sa kanila ito ay hindi seryoso at malaking
isyu. Ito ay gawa lamang daw ng mga relihiyosong panatiko na walang
magawa kundi kumita ng salapi o magpapansin sa pamamagitan ng
relihiyon. Syempre, totoo na may mga ministro na gumagawa ng ganyang
lisyang bagay. Hindi ko tinatanggi ang kabulukan na ginagawa ng iba sa
ngalan ng relihiyon o ni Jesu-Cristo. Subalit kaibigan, hindi parin mabubura
ang katotohanan na ang Diyos ng Biblia ay may hatid na hatol sa patuloy na
naghihimagsik at nagmamatigas sa Kanyang banal at mahabaging
kalooban. Oh! Lumapit ka na sa Diyos! Magbalik-loob ka na! Huwag mo
ng hintayin pa na ang oras ay maging huli. Ngayon pa lang, saan ka man at
sino ka man, lasapin mo na ang pagpapatawad ng Diyos na Kanyang
libreng ipinagkakaloob sa pamamagitan ni Cristo-Jesus. Asamin mong
mapabilang ngayon sa mga mapapalad.
18
Chapter 5
Ang Lugi at Yari
Sa Mathematics, ang Subtraction at Division ay madalas na ipalagay
na negatibo. Samantalang ang Addition at Multiplication ang siyang
positibo. Pagdating sa Business, kung maaari, ayaw nating may Subtraction
o yung nalulugi tayo; yung wala tayong kinikita, na malaki at marami yung
ating trabaho pero kaunti ang income. Ang gusto natin syempre ay yung
addition, yung araw-araw ay laging may nadaragdag at lalo‟t higit yung
may nagmu-multiply. Tuloy, hindi nakapagtataka na sa larangan ng
Negosyo, patok na patok at kontrobersyal ang paraan ng Networking.
Sa Biblia, mayroon ring malinaw na ipinapakita tungkol sa Dagdag-
Bawas o Addition and Subtraction. Okay, tingnan natin kung saang lugar ka
nakalagay. Ngunit, kailangan mong maging bukas ang isip sa pagsusuri ng
iyong kalagayan, kasi baka iniisip mo na ikaw ay nasa advantage gayong
ang totoo, eh luging-lugi ka pala. Ang talata na aking pagbabatayan ay nasa
Juan 10:10. Ang nagsasalita sa talatang ito ay walang iba kundi ang
Panginoong Jesus, kung kaya‟t mahalagang makinig tayo ng mabuti.
Ganito ang sabi Niya,
Dumarating ang magnanakaw para lamang magnakaw, pumatay, at
manira. Naparito ako upang ang mga tupa ay magkaroon ng buhay, ng
isang buhay na masagana at ganap.
Ngayon, maari mong itanong, “Nasaan rito ang Addition-
Subtraction?” Well, pansinin mo ito,
“Dumarating ang magnanakaw (Subtraction) para lamang magnakaw,
pumatay, at manira. (Division)”
Ang magnanakaw na tinutukoy rito ni Cristo ay si Satanas. Ngunit
19
para sa pananaw at pakiramdam ng mundo, ang pananalita na ito ay tila
hindi totoo. Bakit? Sapagkat kung titingnan mo nga naman ngayon, ang tila
higit na nagtatagumpay sa daigdig ay ang mga walang relasyon kay Cristo.
Na anupat dahil rito, ang Psalmista sa Awit 37:1-2 ay nakapagsabi ng
ganito,
Huwag kang mabalisa dahil sa masama; huwag mong kainggitan liko
nilang gawa. Katulad ng damo, sila'y malalanta, tulad ng halaman,
matutuyo sila.
Ngayon, bakit nasabi ng Psalmista na hindi natin dapat kainggitan
ang masama? Well, kasi nakita niya na hayag na hayag ang tagumpay nila
sa career, sa business, sa pulitika at sa popularidad. Kumbaga eh,
nagseselos ang Psalmista. Tila ba iniisip niya,
“Akala ko ba dumating si Cristo para bigyan ako ng masaganang
buhay? Bakit ganito ang buhay ko? Bakit ang higit na
nagtatagumpay ay ang masama at hindi kami na mga anak ng
Diyos?”
Kita mo? Kaya nga, ang tanong ay, paanong si Satanas ay
nagbibigay ng subtraction at division sa buhay ng mga Di-Kristyano
gayong tila masaya at masarap sa piling niya? Well, ang sagot ay simple.
Ayon narin sa psalmista,
Katulad ng damo, sila'y malalanta, tulad ng halaman, matutuyo sila.
Ano ang ibig nitong sabihin? Kaibigan, ganito: Oo, ngayon ang mga
masama o ang mga walang-Kristo sa puso ay nagtatagumpay. Oo, ngayon
sila ang malulusog. Oo ngayon sila ang mayayaman, Oo, ngayon sila ang
makapangyarihan at sila ang higit na kinikilala. Pero...ngunit at subalit...
20
darating ang dakilang araw na itinakda ng Diyos – ang Araw ng
Paghuhukom kung saan ang mga tulad nila ay magiging „tuyong damo‟ na
susunugin ng Diyos ayon sa katarungan ng Kanyang Hatol. Ang sabi sa
Awit 1:4-5,
Ang… masama, ito ay tulad ng ipa, hangin ang siyang nagtatangay. Sa
araw ng paghuhukom, parusa niya'y nakalaan.
Kita mo? Ang simpleng katotohanan kung gayon ay ito: Hindi tayo
dapat magselos sa presenteng pagtatagumpay ng masama sapagkat sa
katapusan, makikita natin ang hustisya ng Diyos laban sa kanilang
kapalaluan at kasamaan. Kaya, wika naman ni Apostol Juan,
Huwag ninyong ibigin ang sanlibutan, ni ang mga bagay na nasa
sanlibutan. Ang pag-ibig ng Ama ay wala sa sinumang umiibig sa
sanlibutan. Sapagkat ang lahat na nasa sanlibutan, ang masamang
pagnanasa ng laman, ang pagnanasa ng mga mata, at ang pagmamataas
sa buhay, ay hindi mula sa Ama kundi sa sanlibutan. Ang sanlibutan at
ang pagnanasa nito ay lumilipas, ngunit ang gumagawa ng kalooban ng
Diyos ay mananatili magpakailanman.39
Kaya nga, huwag magmahal sa mundo, kasi ang mundo (o
kamunduhan) ay maglalaho.
At ito pa, bagamat sa tingin natin ay nagtatagumpay ang mga
masama sa pamamagitan ng pera, kapangyarihan at popularidad; pero kung
titingnan natin sila ayon sa pagtingin ng Diyos sa kanilang puso,
mauunawaan natin ang kanilang kahabag-habag na kalagayan. At bakit?
Sapagkat ang totoo, sa kaibuturan ng kanilang puso, wala silang kagalakan,
wala silang kapayapaan, wala silang maka-Diyos na kabuluhan, at walang
buhay na walang hanggan. Hindi napapawi ng pera ang uhaw at kapaguran
39 1 Juan 2:15-17
21
ng kanilang puso na tanging Diyos lamang ang makapagbibigay ng
kapahingahan.
Kaya nga...ang masagana at ganap na buhay kung gayon na
tinutukoy ni Cristo sa Juan10:10 para sa Kanyang mga tupa ay hindi pulos
materyal at pisikal, kundi sa essensya ay espiritual.
Ang sabi ng Panginoon,
Naparito ako upang ang mga tupa ay magkaroon (Addition) ng buhay, ng
isang buhay na masagana (Multiplication) at ganap.
Ang buhay na tinutukoy Niya rito ay ang buhay na walang
hanggan na walang bayad Niyang ipinagkakaloob sa bawat taus
pusong sumasampalataya sa Kanya. Mahalagang malaman na yung
salita na „masagana‟ rito ay hindi tumutukoy sa turo ng Health and
Wealth Gospel na ipinapangaral ng mga Charismatic preachers sa
ating Bayan. Bagkus, ito ay tumutukoy sa kabuluhan ng buhay. Sa
madaling salita, gustong sabihin ni Jesus na Siya ang magbibigay
kabuluhan sa buhay mo. Oh! Ang tanong ng mga sinaunang Pilosopo
tungkol sa kabuluhan ng buhay ay matatagpuan lamang kay Jesu-
Cristo.
Oo, sa ngayon ay hindi natin lagi at ganap na madama at
makita sa materyal at pisikal na epekto ang walang hanggan at
makabuluhang buhay na ito. Subalit darating ang araw na mukhaan at
lubusan nating mararanasan ang sinabi ni Pablo,
"Ang mga bagay na hindi nakita ng mata, at hindi narinig ng tainga, at
hindi pumasok sa puso ng tao, ay ang mga bagay na inihanda ng Diyos
para sa kanila na nagmamahal sa Kanya."40
40 1 Corinto 2:9
22
Kaya nga, hindi isang kalugihan sa bandang huli ang
pananampalataya kay Cristo. Sa katotohanan, ito ang pinakamatinding
pakinabang sa lahat. Kaya‟t sa bawat tao na hindi pa sumasampalataya sa
katotohanan ni Jesu-Cristo bilang Anak ng Diyos at Tagapagligtas, ganito
ang sinasabi ng Panginoon,
Sapagkat ano ang mapapakinabang ng tao, kung makamit niya ang
buong sanlibutan, ngunit mawawala o mapapahamak naman ang
kanyang sarili?41
Kita mo? Kaya naman kaibigan, ang tanong: Si Jesus ba ang
pakinabang mo sa buhay? Kung hindi, lugi o patay ka o yari ka huli.
Kaya‟t, nasaan ka? Sa subtraction at division ni Satanas na feeling
mo‟y masagana at bongga? O nasa addition at multiplication ni Jesus na
maaring ngayo‟y tila lugi, ngunit sa bandang huli‟y matinding ligaya at
halaga? Oh, nawa‟y nasa panig ka ni Jesus na tunay na tapapagbigay ng
kabuluhan sa buhay. Oh! Nawa‟y magbalik-loob ka na sa Kanya at
simulang lasapin ang dakilang-halaga ng Kanyang presensya.
41 Lukas 9:25
23
Chapter 6
Ang Daan
Walang taong nakakita kaylanman sa Diyos; ang bugtong na Anak na
nasa sinapupunan ng Ama, siya ang nagpakilala sa kanya.42
Kaysarap malaman na para makilala natin ang Diyos, Siya mismo
ang nagpapakilala ng Kanyang Sarili sa atin sa Biblia at sa pamamagitan ng
Ebanghelyo. Gayunpaman, dahil sa kasalanan ay nagkaroon tayo ng
hadlang upang makilala natin ang Diyos sa dalisay na pananaw.
Ang kasalanan ay naglayo sa atin mula sa Diyos. Ang Diyos ay
banal, ang Tao ay makasalanan, at dahil riyan, hindi sila pwedeng
pagsamahin. Dagdag pa niyan, ang pagkakalayo na ito ay pinaghaharian ng
poot o pakikipag-alit. Tayo ay kaaway ng Diyos, at ang Diyos ay atin ring
kaaway.43
May digmaan sa pagitan ng banal na Diyos at makasalanang tao.
May hatol at parusa na sa atin ay nakaambang.44
Ang totoo niyan, tayo ay
sentensyado ng pumunta sa Impyerno. Subalit, dahil sa biyaya ng Diyos,
tayo ay maaaring maligtas sa pamamagitan ni Jesu-Cristo na ating
Panginoong Tagapagligtas.45
Tatlong pangunahing bagay ang ginawa ng kasalanan sa buhay ng
Tao.
1. Maling Pananaw tungkol sa Diyos.46 Ito ay bunga ng pagkalalayo ng tao
42 Juan 1:18 43 Roma 5:10, 8:7 44 Roma 1:21, 28 45 Efeso 2:8-9 46 Roma 1:21
24
mula sa banal na relasyon sa Panginoon. Malayo ang tao sa Diyos at
bunga niyan hindi niya kilala ang Diyos ayon sa Espiritu at
Katotohanan. May bangin ng kasalanan na sumisira ng kanyang
pananaw o tanaw sa Diyos. Wala siyang malapit at makaDiyos na
pagtingin sa Kanya.
2. Maling Pagsamba sa Diyos.47 Dahil galit ang tao at ayaw niya
48 sa
Diyos, ayaw rin niyang sumamba sa Diyos.49
At kung mayroon man
siyang sinasamba, hindi iyon ang tunay na Diyos ng Biblia kundi
ang kanyang makasariling ideolohiya, haka-haka o kaya‟y ang diyus-
diyusan ng kanyang puso – gaya ng pera, posisyon sa lipunan, at
bisyo.
3. Maling Pamumuhay na Laban sa Diyos.50 Syempre dahil mali ang
pananaw sa Diyos o ayaw magpasakop sa Diyos tiyak na
mamumuhay rin ng taliwas sa kalooban ng Diyos. Hindi nakakagulat
sa mga Di-Kristyano na mamuhay sa kalayawan, kahalayan at
kasakiman. Bakit? Kasi kung wala si Jesus sa puso, imposibleng
mamuhay ng para sa kaluwalhatian ng Diyos. Kita mo?
Ngayon, ano ang kasagutan ng Biblia sa ganitong makasalanang-
kalagayan ng tao? Syempre isa lang. Walang iba kundi ang Panginoong
Jesu-Cristo – ang Anak ng Diyos.51
Ang sagot sa kasalanan, ang sagot sa
kasamaan, ang sagot sa kadiliman ng buhay ng tao, ang sagot sa kanyang
pagkabulag, pagkalinlang, at kamangmangan ay si Jesu-Cristo lamang.
Wala ng iba pa!
47 Roma 1:23-25 48 Sa Ugat-Kaibuturan ng kanyang pagkatao 49 Roma 8:7-8 50 Roma 1:28 51 Juan 1:18; Hebreo 1:3; Colosas 1:15; Juan 14:9
25
Kung kaya‟t…
1. Ang makasalanang tao ay dapat na maiugnay kay Hesu-Cristo sa
pamamagitan ng biyaya at pananampalataya. Sinabi ng Panginoong
Hesus na Siya ang Daan, ang katotohanan at ang buhay. Walang
sinuman ang pwedeng magkaroon ng relasyon sa Diyos Ama, kundi
sa pamamagitan Niya.52
Ibig sabihin, si Jesu-Cristo ang kaligtasan;
Siya lamang ang Daan, ang nag-iisang Daan at wala ng iba pa. Hindi
ang iba pang relihiyon ng daigdig, hindi ang anupamang seremonya
o pakitang buting-gawa ng tao. Hindi ang kanyang talino o
pilosopiya ng makamundong-edukasyon, hindi ang kanyang
ipinagmamayabang na propesyon…kundi si Hesu-Cristo lamang.
2. Ang tunay na pagkakilala sa Diyos ay magaganap lamang sa pamamagitan
ng relasyon kay Jesus ng Biblia.53 Anumang relihiyon, sekta, o samahan
na tumatanggi sa pagka-Diyos ni Cristo, sa Kanyang pagiging Anak
ng Diyos, sa Kanyang pagiging nag-iisang Tagapagligtas, ay isang
kahangalan at kamatayan. Si Jesu-Cristo lamang ang totoo at wala ng
iba pa. Ang pagkilala sa Diyos ay sa pamamagitan lamang ni Cristo
– ng Kanyang Persona, salita, at gawa sa krus.
3. Si Jesu-Cristo lang ang makapaghuhugas ng ating mga kasalanan sa
pamamagitan ng Kanyang dugo o sakripisyo sa krus. Hindi hostia, hindi
rosaryo, hindi Pari o Santo Papa, hindi itim na Nazareno, hindi holy
water, o pagiging miyembro ng isang relihiyosong sekta gaya ng El
Shaddai, Dating Daan, Iglesia ni Manalo, Saksi ni Hova, Mormons,
o anupamang kulto na laganap sa ating bayan. Ang mga iyan ay mga
mukhang Kristyano, ngunit ibang kristo ang kanilang itinuturo at
sinasamba – hindi ang dalisay na Jesu-Cristo ng Biblia.
52 Juan 14:6 53 Juan 1:18
26
Kaya nga, hangga‟t wala si Jesu-Cristo saiyong buhay (ang Jesu-
Cristo ng Biblia), wala kang tunay na pagkakilala sa tunay na Diyos; wala
kang tunay na pagsamba, o tunay na espiritwalidad; wala kang tunay na
kaligtasan mula sa iyong mga kasalanan, wala kang tunay na buhay, wala
kang tunay na makabuluhang-buhay, at wala kang buhay na walang
hanggan. Si Jesus ang tunay at nag-iisa na Daan tungo sa kaligtasan, at ang
pagbabalik-loob sa Kanya ang pinakamahalaga, pinakamatalino, at walang
hanggang kayamanan na makakamit ng isang nagsisisi at nagbabalik-loob
na makasalanan.
27
Chapter 7
Ayon kay Jesus
Kung ang sinumang tao ay ibig sumunod sa akin, ay tumanggi sa
kaniyang sarili, at pasanin sa araw-araw ang kanyang krus, at sumunod
sa akin.54
Kung tatanungin natin ang founder o nagtatag ng Kristyanismo na
walang iba kundi ang mahal at makapangyarihang si Jesu-Cristo, ano kaya
ang Kanyang sasabihin tungkol sa pagiging tunay na Kristiyano? Maganda
itong tanong na dapat pagbulayan ng malalim, sapagkat sa panahong ito,
naglipana sa ating lipunan ang iba‟t ibang pananaw at hakahaka tungkol sa
Kristyanismo. Subalit, kung ano man ang identidad o katangian ng tunay na
Kristyano, si Jesus ng Nazareth lamang ang makapagtutukoy kung ano ito
at sino sila. At dito sa Lukas 9:23, napakaliwanag ng pananalita ni Jesus
rito tungkol sa tunay na Kristyano. Kung pag-aaralang mabuti ang
pangungusap na ito ay magtatamo tayo ng karunungan tungkol sa tunay na
diwa ng pagsunod sa Panginoong Jesus. At gamit nga ang pangungusap ng
ating Panginoon, malalaman natin ang pundasyong-prinsipyo o katangian
ng pagiging tunay na Kristyano. Ilan sa mga ito ay ang mga sumusunod.
Una sa lahat, mayroong tinatawag na pagpapasya. Ang sabi ng
Panginoon, “Kung ang sinuman ay nagnanais.” Ang saling-salita na kung ay
nagpapahayag ng kondisyon. Ibig sabihin, hindi nais ng Panginoon ang
napipilitang pagsunod. Ang pagsunod ay dapat na nagbukal sa taus pusong
pagpapasya na gawa ng Espiritu Santo mismo sa puso ng tao sa
pamamagitan ng Ebanghelyo.
Ikalawa, mayroong pagsunod o pagpapasakop sa Kanyang pagka-
54 Lukas 9:23
28
Panginoon. Ang sabi Niya, “nagnanais sumunod sa akin.” Sa katagang ito ay
makikita na ang pagiging Kristyano ay yung paunahin si Jesu-Cristo, hindi
pangunahan Siya.55
Siya ay „Lord,‟ hindi genie ng kahilingan mo.
Ikatlo, mayroong, pagtanggi sa ating sarili. Wika ng Panginoon,
“tanggihan niya ang kanyang sarili.” Ang pagiging self-centered o masentrong-
sariling buhay ay bunga ng kasalanan.56
Dahil sa kasalanan, ang tao ay
naging mayabang o ayaw magpasakop sa Diyos. Ayaw niya na tumugon sa
Panginoon sa buong-buo at mapagpasakop na diwa. Bagkus ang nais niya
ay ang masunod ang kanyang sariling layaw. Subalit, kapag ang isang tao
ay tunay na tumugon sa Diyos, ibig sabihin, pinabukal ng Espiritu ng Diyos
sa kanyang puso ang hangarin at kagustuhan na magpasakop sa Panginoon;
na maging dependent o umaasa sa Diyos.
Tinatanggihan ng isang Kristyano ang kanyang tinatawag na
„Lumang Pagkatao,‟ at laging nagsisikap na may kasiyahan at
pagpupunyagi na ipamuhay ang „Bagong Pagkatao‟ kay Jesu-Cristo.57
Ikaapat, mayroong pagpasan ng Krus sa araw-araw. Sabi ng
Panginoon, “at magpasan ng kanyang krus sa araw-araw.” Pansinin mo, “araw-
araw.” Hindi lang tuwing araw ng linggo o kapag may relihiyosong
okasyon. Ngunit dapat mabilis linawin na hindi ito tungkol sa penitensya ng
Romano Katoliko.
Ang “krus” na tinutukoy rito ni Jesus ay yung pagtanggi sa sarili.
Ang krus ay larawan ng pagtitiis at kamatayan. Oh! Ang katagang ito ay
hitik sa katotohanan! Sa praktikal na implikasyon ay ganito: kung dati-rati
isa kang sugapa sa alak, pero ngayong Kristyano ka na, naging responsable
ka na sa buhay; naghahanap-buhay ka na, hindi ka na tambay. Kung dati-
rati, mainitin ang ulo mo, pero ngayon, pasensyoso ka na, marunong ka ng
55 Roma 6:11-23 56 Genesis 3 57 Colosas 3:1-5
29
magtyaga, kahit na nakakairita pa yung kapit-bahay mo. Pero yung pagtitiis
ay hindi lamang yung pagtanggi sa layaw ng buhay, kundi maging sa
pagharap at pagtanggap ng mga pag-uusig na mula sa mga Di-Kristyano.
Tandaan po natin na hindi sikat at tanggap sa Mundo ang pamumuhay ng
banal kay Cristo. Kung kaya‟t siguradong ang Kristyano ay haharap sa mga
pagtitiis na dulot at hatid ng makasalanang lipunan.58
Kaya nga, kung ang
isang tao ay nagnanais sumunod sa Panginoong Jesus, kailangan niyang
mamatay sa sarili – sa sariling layaw, sa sariling pananaw at sa
kamunduhan. Minsan pa, maraming aral sa prinsipyong ito.
Ikalima, mayroong pagtuon ng pansin kay Cristo. Ang sabi Niya, “at
sumunod sa akin.” Ibig sabihin, kung dati rati ay nakatitig ka sa alak o sa
babae, kapag naging tunay na Kristyano ka, ang tititigan mo na ay ang mga
talata sa Biblia; na pinagbubulayan mo ang mensahe ng Diyos para sa
buhay mo. Kung dati rati, ang awit mo ay kumunduhan, ngayon ang awit
ng puso mo ay para sa Diyos na. Kung dati-rati, yung tambayan mo ay sa
mga kalye at bar, noong naging Kristyano ka, ang tambayan mo na ay sa
Simbahan, at ang mga kabarkada mo ay ang Kapatiran. Kita mo?
Kaibigan, hinihikayat kita sa patuloy na pagbubulay ng mga
katangian na iyan. Mahalagang magbalik-loob tayo sa diwa ng
Kristyanismo ayon sa salita ni Kristo. Ang limang iyan ay magandang
pagsusuri sa ating buhay kung tunay nga ba nating tinanggap at nararanasan
ang diwa at katangian ng pagiging Kristyano ayon sa sinasabi ng
Panginoong Jesus.
58 2 Timoteo 3:12
30
Chapter 8
Ang Tagal
Datapwat huwag ninyong kalimutan mga minamahal, ang isang bagay na
ito, ang isang araw sa Panginoon ay katulad ng isang libong taon, at ang
isang libong taon ay katulad ng isang araw.59
Bakit ang tagal dumating ni Jesu-Cristo? Bakit kasi? Anong dahilan?
Mayroon bang dahilan? Well, kung si Apostol Pedro ang pagbabatayan ng
sagot, ganito ang kanyang masasabi.
At inyong ituring ang pagtitiyaga ng ating Panginoon bilang kaligtasan.60
Dapat nating tandaan na si Apostol Pedro ay isang simpleng tao.
Ang kanyang sagot rito ay hindi pilosopikal na idinaraan pa sa mahabi at
mahabang kasagutan. Bagkus, ang kanyang sagot ay simple, praktikal, at
ika nga, down to earth – pasok sa unawa ng Masa. At natutuhan ko sa
ministeryo ng pagsusulat at pamamahayag na ang ganitong paraan ay
kailangan ng marami – dahil kung tutuusin iilan lang naman ang mga
pasaway na Pilosopo sa ating bayan na itinuturing ang sarili na intellectual
elite.
Ngayon para kay Pedro, ang pangako ng pagdating ni Jesus ay isang
katiyakan na narinig niya mismo ng mukhaan sa bibig ng Guro at
Panginoon na nakasama niya ng mga tatlong taon. Ngunit dito sa talata,
mahalagang tanong siguro na: Paano nagiging kaligtasan ang pagtitiyaga ng
Panginoon? Sa tingin ko, para higit na maunawaan ito, kailangan nating
bumalik sa talatang 4 at 5, kung saan sinabi ni Apostol Pedro na may mga
59 2 Pedro 3:8 60 2 Pedro 3:15
31
taong nanlilibak (nang-aasar) laban sa pangako ng pagbabalik ni Cristo.
Ang sabi nila,
"Nasaan ang pangako ng kanyang pagdating? Sapagkat, buhat pa nang
mamatay ang ating mga ninuno, nananatili ang lahat ng mga bagay sa
dati nilang kalagayan mula nang pasimula ng paglalang."61
Dito ay makikita natin na sa panahon palang ng mga Apostol ay
mayroon ng mga kritiko at iskeptiko na hindi naniniwala na babalik si
Cristo. Nilalait nila ang dakilang pag-asa ng mga Kristyano na anupat dahil
sa kanilang maingay na impluensya ay may ilan sa mga Kristyano na
nagsimulang magduda at manghina ang loob sa paglilingkod kay Cristo.62
Kaya‟t bilang tugon at depensang-attake laban sa masamang ideya na ito ay
ipinaliwanag ni Apostol Pedro na kung tumatagal man sa tingin at pansin
ng Tao ang pagbabalik ni Cristo, ito ay dahil sa habag o pagtitiyaga ng
Diyos. Pag-isipan mong mabuti ang sinabi ni Pedro,
Subalit huwag ninyong kaliligtaan ang katotohanang ito, mga minamahal,
ang isang araw sa Panginoon ay tulad ng sanlibong taon, at ang
sanlibong taon ay tulad ng isang araw. Hindi mabagal ang Panginoon
tungkol sa kanyang pangako, na gaya ng kabagalang itinuturing ng iba,
kundi matiyaga sa inyo, na hindi niya ibig na sinuman ay mapahamak,
kundi ang lahat ay dumating sa pagsisisi.63
Kita mo? Dito ay ipinaliwanag ni Pedro na iba ang time-table ng
Diyos sa time-table ng tao. Ito ay simple at praktikal o common sense na
paliwanag. Hindi natin dapat ilagay ang pagdating ni Cristo ayon sa ating
kalendaryo at kagustuhan. Ang Diyos ay may itinalagang schedule sa
pagbabalik ng Kanyang Anak. Yung matagal sa atin ay hindi matagal sa
61 2 Pedro 3:4 62 1 Tesalonika 5:1-12 63 2 Pedro 3:8-9
32
Diyos. Kung kaya‟t sabi ni Apostol Pedro sa mga talatang 3, 5, at 16, yung
mga “manlilibak” tungkol sa pagbabalik ni Cristo ay tinawag niyang “mga
hangal,” “na lumalakad ayon sa kanilang sariling pagnanasa” at mga “hindi nakakaalam
at walang tiyaga.” Mga hangal sila sapagkat ibinatay nila ang katiyakan ng
pagbabalik ni Cristo batay sa kanilang pisikal na pandama.64
Hindi nila
nauunawaan ang banal na pangako na ito sapagkat pita ng laman ang
paraan65
ng pagsusuri nila. May problema sila sa scientific observation kasi
bina-bias ito ng kanilang moral na problema.66
At mga wala silang tiyaga
sapagkat mabilis silang mag-conclude kahit wala silang matibay, solido at
maliwanag na evidensya. Ibig sabihin, kanilang ipinapaliwanag ang
pagbabalik ni Jesu-Cristo ayon sa kanilang gusto at kahangalan. Dagdag pa,
ni hindi nga rin nila naunawaan yung sinabi ni Pedro sa talatang 9,
Hindi mabagal ang Panginoon tungkol sa kanyang pangako, na gaya ng
kabagalang itinuturing ng iba, kundi matiyaga sa inyo, na hindi niya ibig na
sinuman ay mapahamak, kundi ang lahat ay dumating sa pagsisisi.67
Kita mo? Maliban sa kaibhan ng timetable ng Diyos sa ating
timetable, gusto ring ipaliwanag ni Apostol Pedro na kung ang pagbabalik
man ni Cristo ay tila tumatagal sa paningin at pakiramdam ng mga Tao, ito
ay dahil sa ang Diyos ay nagbibigay parin sa makasalanang tao ng panahon.
Kung ang Diyos man ay nagdi-delay, yung „delay‟ na ito ay kapahayagan
ng Kanyang habag – upang ang tao ay magsisi sa kanyang kasalanan. At sa
aking palagay, mas higit lamang nating mauunawaan ang dahilan ng
pagbibigay ng Diyos ng panahon sa makasalanang Tao kung mauunawaan
nating mabuti yung kaseryosohan at kabagsikan ng Kanyang Hatol.
64 Sense-experience o empiricists 65 Methodology o epistemology 66 Atheism o Skepticism kasi ang attitude o inclination nila sa Biblia, kay Jesus, at
sa existensya ng Diyos. 67 2 Pedro 3:9
33
Tandaan mo, hindi biro ang Impyerno! Hindi laro ang walang hanggang
kahirapan at kamatayan sa Impyerno o Dagat-dagatang apoy! Ayaw ito ng
Diyos na mangyari sa iyo kaibigan, kung kaya‟t nagbibigay parin Siya ng
panahon upang ikaw ay magbalik-loob. Siya ay nagpapasensya parin para
sa iyo. Kaya nga, sabi ni Apostol Pedro sa talatang 15,
“…inyong ituring ang pagtitiyaga ng ating Panginoon bilang kaligtasan.”
Nagbibigay pa ng oras ang Diyos sayo kaibigan. Ang oras na ito ang
ginto na ipinagkakaloob sa iyo ng Langit – oras ng pagsisisi. Ang hininga
mo ay patunay na nagpapasensya pa ang Diyos sayo. Subalit, dapat mo ring
maunawaan, na hindi Siya laging magmumukhang-delay. Si Jesu-Cristo ay
tiyak na darating. Pero syempre, ang mahalagang tanong ay ito: Handa ka
na ba sa Kanyang pagbabalik? Nanikluhod ka na ba sa Kanyang harapan ng
may taus pusong pagsisisi sa iyong mga kasalanan? Nagbalik-loob ka na ba
kaibigan?
Oh, kaibigan, ang oras na ibinibigay saiyo ng Diyos ay para sa iyong
pagsisisi; para sa iyong pagbabalik-loob. Hindi mo ito dapat sayangin. Ang
susunod na pagdating ni Cristo sa daigdig ay hindi na upang maging Alay,
kundi upang maging Hukom. Wika ni Apostol Pablo,
“…sa pagkapahayag ng Panginoong Jesus mula sa langit na kasama ang
kanyang mga makapangyarihang anghel na nasa nagliliyab na apoy, na
magbibigay ng parusa sa mga hindi kumikilala sa Diyos at sa mga hindi
sumusunod sa ebanghelyo ng ating Panginoong Jesus. Ang mga ito'y
tatanggap ng kaparusahang walang hanggang pagkapuksa at palalayasin
sa harapan ng Panginoon at mula sa kaluwalhatian ng kanyang
kalakasan.68
68 2 Tesalonika 1:7-9
34
Kita mo? Kaya nga, sa iyo na hindi pa tumatanggap sa Panginoong
Jesus bilang kanilang Panginoon at Tagapagligtas, nakikiusap po ako sa iyo
na huwag mong hamakin ang pangako ng Kanyang pagbabalik. Ito po ay
mangyayari sapagkat ito ay pangako ng Anak ng Diyos para sa Kanyang
mga tinubos – sa Kanyang mga hinirang. Ang mahalagang tanong ay: Isa
ka na ba sa mga tinubos ni Cristo? Nagpatirapa ka na ba sa Panginoon na
tanging makapagliligtas sayo? Isinuko mo na ba ang iyong buhay sa Kanya
sa pagtitiwalang Siya lamang ang makapagkakaloob sa iyo ng kapatawaran;
ng tunay, makabuluhan at walang hanggang buhay? Kung hindi pa
kaibigan, oh, ito na mismo ang oras, maging ang minuto na tinatawag ka ng
Diyos; ang maging bahagi ng Kanyang pamilya. Magsisi ka sa iyong
kasalanan, magbalik loob ka sa Diyos; magtiwala ka kay Cristo Jesus na
Panginoon mong Tagapagligtas. Ito ang sandali na kinakausap ka ng Diyos
at pinupukaw ang iyong kalooban na lumapit sa Kanya na taglay ang iyong
puso at kalooban. Oh, ito na ang oras ng iyong Pagbabalik-Loob.
Amen