Upload
others
View
3
Download
0
Embed Size (px)
Citation preview
hhhh
O MUNDO DA
CUADRÍCULA
XEOMETRÍA
CURSO ACADÉMICO: 2019-2020
CENTRO EDUCATIVO: CEIP TERRA CHÁ
MESTRA DE EDUCACIÓN PLÁSTICA: CARLA PENA
1
ÍNDICE
1. Ferramentas básicas
1.1. Regra
1.2. Escuadro
1.3. Cartabón
1.4. Compás e o transportador de ángulos
2. Tipos de ángulos
2.1. Ángulo agudo
2.2. Ángulo rectos
2.3. Ángulos obtusos
2.4. Ángulos rasos
2.5. Ángulos completos
3. A circunferencia e o círculo
4. Os polígonos
4.1. Triángulos
4.2. Cuadriláteros
4.3. Polígonos de 5 ou + lados
2
1. Ferramentas básicas
1.1. Regra
É un instrumento de medición. A unidade de medida que se emprega é o
centímetro.
A continuación déixovos un novo reto:
Se ti queres facer unha regra de papel, soamente tes que recortar o debuxo
que ves a continuación e con axuda da túa familia, fai un pasador (o cadrado
que ves na regra) cortándoo cunha tesoira e pasando o rectángulo (onde están
situadas as frechas) polo medio.
Unha vez teñas feita a regra, mide os obxectos que vexas pola túa casa.
Apunta as súas medidas e se queres, envíamas ao meu correo electrónico.
1.2. Escuadro
Ten forma de triángulo rectángulo isósceles; é dicir, dous dos seus lados son
iguais e forman un ángulo recto.
3
1.3. Cartabón
Ten forma de triángulo rectángulo escaleno; é dicir, todos os seus lados son
desiguais. A lonxitude da hipotenusa é o dobre da do cateto menor.
NOTA: O CARTABÓN E O ESCUADRO ÚSANSE PARA TRAZAR
RECTAS PARALELAS E PERPENDICULARES.
1.4. Compás e o transportador de ángulos.
É un instrumento esencial que che axudará no trazado de circunferencias e
arcos. Adoita xirar no sentido das agullas do reloxo.
Está formado por dous brazos metálicos acabados un, en agulla e o outro, en
material para escribir (grafito, tinta, pintura...). Grazas a este instrumento
podemos medir ángulos, trazar bisectrices e mediatrices, mover figuras
xeométricas no papel, entre outras cousas.
4
Non nos podemos esquecer do TRANSPORTADOR DE ÁNGULOS. Este é un
instrumento graduado co cal debuxamos ou medimos un ángulo.
2. Tipos de ángulos
2.1. Ángulo agudo
O seu ángulo mide MENOS de 90º
2.2. Ángulo recto
O seu ángulo mide 90º
5
2.3. Ángulo obtuso
O seu ángulo mide MÁIS de 90º
2.4. Ángulo raso
O seu ángulo mide 180º
2.5. Ángulo completo
Son os ángulos que miden 360º
6
3. A circunferencia e o círculo.
CIRCUNFERENCIA
É unha liña curva pechada cuxo puntos están a mesma distancia do centro. Os
seus elementos son os seguintes:
CENTRO: É o punto que está a mesma distancia de todos os puntos da
circunferencia.
RADIO: É o segmento que une o centro con calquera punto da circunferencia.
DIÁMETRO: É o segmento que une dous puntos da circunferencia pasando
polo centro.
CORDA: Une dous puntos da circunferencia sen pasar polo centro.
ARCO: Porción da circunferencia limitada por unha corda.
SEMICIRCUNFERENCIA: É a metade da circunferencia.
De forma visual, observádeo a continuación:
7
CÍRCULO
É unha figura plana formada por unha circunferencia e o seu interior; é dicir,
é o que está dentro da circunferencia.
4. Os polígonos
Que son os polígonos?
Son figuras xeométricas planas limitadas por liñas rectas. Poden ser:
Regulares: Os seus lados son iguais.
Irregulares: Os seus lados son desiguais.
4.1. Triángulos
Estes son polígonos formados por 3 lados, 3 ángulos e 3 vértices. A suma dos
seus 3 ángulos é de 180º. A continuación podedes observar unha táboa onde
aparecen diferentes triángulos clasificados segundo os seus lados e os seus
ángulos.
En canto os seus lados podemos atopar os triángulos:
ESCALENO, ISÓSCELE E EQUILÁTERO
8
En canto os seus ángulos podemos atopar os triángulos:
ACUTÁNGULO, RECTÁNGULO E OBTUSÁNGULO
4.2. Cuadriláteros
Son polígonos de 4 lados e, polo tanto, teñen 4 ángulos. A suma dos seus
ángulos é de 360º.
Os cuadriláteros clasifícanse segundo teñan ou non os seus lados opostos
paralelos dous a dous.
Se atendemos aos PARALELOGRAMOS, os cales teñen os seus lados paralelos
opostos dous a dous, distinguimos:
▪ CADRADO: Ten os 4 lados e os 4 ángulos iguais.
9
▪ RECTÁNGULO: Ten os lados iguais 2 a 2 e os 4 ángulos iguais.
▪ ROMBO: Ten os 4 lados iguais e os ángulos iguais 2 a 2.
▪ ROMBOIDE: Ten os lados e os ángulos iguais 2 a 2.
Con respecto aos NON PARALELOGRAMOS, é dicir, os que NON teñen os
lados opostos paralelos, destacamos:
o TRAPECIO: Ten soamente 2 lados paralelos entre si.
o TRAPEZOIDE: Non ten lados opostos paralelos.
10
Se queredes entretervos un pouco, déixovos a continuación unha actividade
para que poñades en práctica os diferentes polígonos.
ACTIVIDADE: Forma o teu propio TANGRAM
DESCRIPCIÓN: O tangram é un xogo chino que consiste en realizar
diferentes figuras a partir dun cadrado cortado en 7 figuras xeométricas: 5
triángulos e 2 cuadriláteros.
MATERIAIS: Necesitas as diferentes ferramentas básicas que che expuxen
ao principio deste documento (regra, cartabón, escuadro, compás) ademais de
papel (ou cartolina se tedes) pegamento e lapis.
PASOS A SEGUIR:
1º: Fai o teu tangram utilizando o seguinte modelo.
2º: Recorta as pezas individualmente.
3º: Píntaas de cores diferentes.
11
4º: Agora xa podes crear diferentes figuras. A continuación podedes
observar todas as figuras que se poden compoñer.
12
4.3. Polígonos de 5 e + lados.
Son polígonos regulares e teñen os seus lados e ángulos iguais. Existen
diferentes polígonos segundo o número de lados. Podemos distinguir:
➢ Pentágono: Ten 5 lados.
➢ Hexágono: Ten 6 lados.
➢ Heptágono: Ten 7 lados.
➢ Octógono: Ten 8 lados.
13
➢ Eneágono: Ten 9 lados.
➢ Decágono: Ten 10 lados.
➢ Endecágono: Ten 11 lados.
➢ Dodecágono: Ten 12 lados
14
Referencias bibliográficas
- https://www.orientacionandujar.es/wpcontent/uploads/2019/03/Unida
des-de-medida_medicion-centimetros-con-regla_page-0002.jpg
- https://eva.edu.xunta.gal/course/view.php?id=57177&sesskey=39JAbz
UIee
- https://rimasdecolores.blogspot.com/2014/02/el-circulo-y-la-
circunferencia.html
- https://matematicasdeeducacionprimaria.blogspot.com/2018/09/la-
circunferencia-infografia-de.html