TI AYAB ITI KINADISIPOLO

Leccion 4 agpaay Abril 25, 2015

TI AYAB A PANAGKALAP

“Ket idi makita daytoy ni Simon Pedro, nagparintumeng iti sangoanan ni Jesus, a kinunana: Adaywannac Apo, ta taoac a managbasol. Gapu ta nasdaaw isu ken dagiti amin nga adda a caduana, agsipud ti pannacacalapda cadagiti ican a naalada; Ken casta met da Santiago ken Juan nga annac ni Zebedeo, a casugpon ida ni Simon. Ket ni Jesus kinunana ken Simon: Dica agbuteng; manipud ita mangngalapcanto cadagiti tattao,’” (Lucas 5:8-10)

Maawatan tayo ti

panagtrabaho ti disipolo babaen iti

panagadal iti istorya ti

panagkalap iti ic-ican.

TAO

Panagtungpal iti sao ni Jesus: “gapu iti Saom iwayat ko dagiti iket” (Lucas 5:5)

Panangawat iti kinasanto ti Dios: “Umadayu Ca caniac, Dios co!” (Lucas 5:8)

Panangawat iti kinamanagbasol: “ta taoac a managbasol.” (Lucas 5:8)

DIOS

Mangidalan, mangaywan ken mangispal: “Dica agbuteng.” (Lucas 5:10)

Isagana Nak a cas disipolo: “Aramiden kayo a mangngalap cadagiti tao.” (Mateo 4:19)

TI AYAB ITI PANAGDISIPOLO“Ket idi bimmigaten inayabanna dagiti adalanna ket pimmili ti sangapulo ket dua cadacuada, isuda a ninaganna met ti apostoles”(Lucas 6:13)Ti Apostol ket “maysa a naibaon.” Pimmili ni Jesus iti sangapulo ket dua nga Apostoles tapno ibaon Na ida nga mangicasaba iti Ebanghelio a cas ambassador ti Pagarian.

Apay a pinili ni Cristo dagitoy nga sangapulo ket dua? Adda kadi naisangsangayan kadakuada?

Ditay ammo no ania iti trabaho dagiti kagudua sakbay a simmurot da ken Apo Jesus. Uppat kadakuada ket mangngalap; maysa agsingsingir iti buis ken maysa nga politiko.

Awan met ti naisangsangayan kadakuada. Nupay kasta, ayaten da ti Pagarian ti Dios. Agngayangay da la unay nga makikadua ken Jesus. Isu nga ni Jesus “pinili na ida cas tattao a mabalin nga pangibukbukan iti Espiritu Na, ken maiyannatup nga mangituloy iti trabaho ditoy daga into panawan Na.” (E.G.W., Education, cp. 9, pg. 84)

PANANGIBAUN KADAGITI APOSTOLESKet idi nga inurnongna dagiti sangapulo ket dua, iniccana ida ti pannacabalin ken kinaturay cadagiti isu-amin a sairo, ken panangagas cadagiti sacsakit. Ket imbaonna ida a mangicascasaba iti pagarian ti Dios ken mangagas cadagiti masacsakit.(Lucas 9:1-2)Segun iti Surat, kasano ti pannakaipatungpal iti nakaayaban da?

1. “Inurnong Na dagiti sangapulo ket dua” Personal ti awis ni Jesus. Sumungbat tayo ket

makikappon kadagiti dadduma iti panangtungpal iti nakaayaban. Agtrabaho tayo a cas maymaysa. (Dagiti Aramid 2:1)

2. “Iniccan Na ida iti pannacabalin ken kinaturay” Saan a masapul ti pigsa tayo. Iccan natayo ni

Jesus iti pannacabalin nga mangabac iti cabusor iti amin a pamay-an.

3. “Imbaon Na ida nga mangasaba… ken mangagas” Masapul nga tunggal disipolo ket aywanan na ti

tunggal maysa iti amin a wagas: napisikalan, kapanunotan, ken naespiritwalan.

KINADISIPOLO“1Ket iti calpasan dagitoy a naaramid, nangilasin ti Apo ti sabali a pito pulo, ket imbaonna ida a sagdudua, iti masangoananna, iti isu-amin nga Il-ili ken disso a dandani a papananna…17Ket nagsublida dagidi pito pulo a siraragsac, a cuncunada: ‘Apo, uray pay dagiti sairo pinaiturayanda cadacami iti naganmo.’” (Lucas 10:1,17)Dagiti 70 nga disipolo ket naibaon nga

mangicasaba iti Ebanghelio, isu nga saan laeng nga ti panangasaba ket kadagiti panglacayen ken papastor. Amin a Cristiano ket masapul nga makipaset iti misyon.Ania iti kinuna ni Jesus iti trabaho dagiti

naibaon? (Lucas 10:18-20)?

No naballigi ti misyon, naabak ni

Satanas(v. 18).

Dakdakkel a gakat, dakdakel a

pwersa (v. 19).

Ti ragsak tayo ket nairamut saan nga iti

balligi no di ket iti Pagarian ti Langit

(v. 20).

“Cas iti panangibaon ni Cristo kadagiti disipolos, itatta ibaon Na dagiti kamkameng ti iglesia Na. Ti isu met la nga pannacabalin dagiti apostol ket maipaay kadakuada. No ti Dios ti pigsa da, makipagtrabaho kadakuada, ket saan da nga agtrabaho nga awan cais-iscan na. Bay-an nga amirisen da nga ti trabaho a nacaibaunan da ket isu ti nangiccan ni Apo Dios iti tanda (sello) Na. E.G.W. (The Acts of the Apostles, cp. 58, pg. 599)

TI BAYAD TI KINADISIPOLO“Ket cuncunana cadacuada amin: No asinoman a tao ti mayat nga sumurot caniac, paglicudanna ti bagina, ket alaenna ti cruzna iti inaldaw ket surutennac.’” (Lucas 9:23)

Ti gatad ti kinadisipolo ket agkurri kadagitoy a sasao: paglicudan na, alaenna ken surutennac.

Paglicudan na ti bagi na. Awanen diay daan a “siac”. Ti “siac” ket natay ket baro a parsua nak ken Cristo.

Alaen na ti kruz na. Awatek ti baro nga annongen kas disipolo. Nalabit agbayad nak met ti dakkel tapno awatek laeng.

Suruten ni Jesus. Ni Jesus laeng koma ti mangidalan iti biag ko.

No awan dagiti tattao nga magna iti tugot ti Kalbaryo, awan ti panagdisipolo dagiti Cristiyano.

“Panunoten ken bilangen ti gatad ti pannakaisalakan kadagiti agngayangay iti

panagballigi. Maepep ti personal a panirigan; ti bukod a pagayatan ket maibalud ken

Cristo. Masapul nga amirisen ti Cristiano nga isu ket cucua ni Cristo. Addaan iti sulisog nga lisian, ken dangadang nga suppiaten nupay

maibusor iti nakem, ta ti Dios di na awaten ti kagudua a serbisyo. Ti panagincucuna ket makarimon iti Dios. Ti adipen ni Cristo ket

nasken nga magna iti pammati, a kumitkita ken Cristo a di makita. Isu ti agbalin nga

gameng ken amin na.”

E.G.W. (God’s Amazing Grace, September 20)