Upload
ali-lacej
View
58
Download
3
Embed Size (px)
DESCRIPTION
Citation preview
DRINI ka KLAS
Unë mund te them se kam përjetuar si lexues tere rrjedhën e prurjen e DRINIT ne historinë e tij krijuese
dhe shkatërruese për rikrijim.
E për fatalitet, Drini ka filluar ne Struge, aty pranë Kalasë se Ohrit te Enkeleasve, me një ujë te bardhe te
praruar qe nuk mund te rrinte aty. I ngjitur deri Voskopoje, Drini do te lëshohej për te marre barrën e
rende te gurëve te Prishtinës dhe shkumën e trazuar te Rugoves. I duhej te takohej me Valbonën diku
afër Tropojës e mandej te merrte teposhte për ne Shkodër. I gëzuar se kishte gjetur rrugën e vërtete,
Drini do te ngjishej me shume furi me ujin e rende te Bunës e nganjëherë deri për te humbur ne
turbullirën e Kirit qe e shtynte te marre arratinë ne Liqen e ne Fushat e Nenshkodres. Nganjëherë ia ka
arritur te shtyhet deri ne Ujerat e Hotit e te Grudës e ka marre edhe pak nga Cemi i Vërtete. Rralle!
Vetëm kur rrëmujat e motit përfundojnë, Drini përsëri merr pamjen e fillesës, pamjen fisnike dhe te
duruar qe mbart Kodin e Jetës ne kujtesën e ujit te pastër.
Nga fara tek fryti! Ky rrugëtim universal i filluar ne një te shtune (Sabath) e kishte ne paracaktim te behej
regjistrues e përcjellës i Kujtesës se Jetës, ashtu si Uji di ta ribëje Jetën ne shëmbëlltyrën e Kodit qe i
është transmetuar.
Tere drithërimat e mendjes dhe te shpirtit i ruan Uji ne kujtese, ne kujtesën e qelizave ujore te
ngërthyera ne ato struktura dinamike qe e bëjnë te mbarte rreth katërqind mije panele informacioni ne
një tog molekulash ujore.
Kur uji ngrin ai i bën kristalet e veta me strukture te orientuar nga informacioni qe ka marre. Kur Drini
shkruan ai fotografon. Eshte një fotografi artistike ne mes narracionit klasik te Klasikeve Evropiane te
letërsisë.
Atë te Shtune kur filluan tregimet, hovi i jetës sillej ne aventurën e vetvetes, ne misterin e rrugës qe do
shpalosej me vone dhe ne sharmin e ekzotikes se momentit , pa mendime te renda e vrastare; edhe
mundimi e ndalimi ishin me te lehta, si ne stilin e Dumase. Shpirti nuk e kishte akoma këtë rëndesë
ekzistence sepse kish kodin qe kish marre nga Liqeni i Ohrit, Pasqyra e Dritës.
Për koincidence, unë e përpija ketë lloj kodi.
Shume ka shkruar e shume ka provuar Drini ne rrugëtimin e tij. Ka provuar edhe fantastiken e Asimovit
ne njerëz gjigante, edhe skulpturën e Stendalit ne Idhuj qe Shemben, edhe horrorin e ekzorcizmit te
William Peter Blatty me Korbin tone vendas, edhe ornamentikën e Gustav Floberit te
vendosur Midis dy Kohëve, edhe tragjiken e Hygoit ne thirrjen Vraje Tradhtinë…po, ai ka
zbritur edhe ne terrin e haraçit te kohës qe shkon me Tunelin e Dritës.
Atje ku Fotografia Artistike e laboratorit te DRINIT ka dale përmbi synimin e sprovës për te
ndërruar kostumin e mjeshtrit me diçka nga gardëroba e modës, aty ka nga një vije te
portretit te vërtete te Artistit Skënder Drini. Dhe tashme portreti është ravijëzuar plotësisht
ne një kornize qe është shume me e madhe se Tregimet e Veriut, pasi ne një Eklips Hëne ai
ka bredhur si Somnambul qe e mundon Shfytyrimi i shpirtit te tij ne mes Mjeshtrit dhe
Dishepullit, aty ka gjetur se Nata është Grua dhe se Parajsa e Gjenive dhe Ishulli i Qete
janë vetëm sinonime te një kërkese për informacionin me te kulluar te këtij laboratori te
ngritur ne KLAS.
Drithërima e dhembjes dhe dashuria ne familje, ne familjen e ngushte dhe ne familjen
njerëzore rrjedhin ne KLAS me shume finese qe nganjëherë te le mbresën e akullit te
vendosur mbi plage ne një moment kur ndjesia është bere e padurueshme, njëlloj e
padurueshme edhe kur Koha ka rrjedhur mbi te me mbresa e personazhe te tjerë..zanafilla
është ne dhembjen e lindjes se krijuesit dhe krijimit te mbështjelle ne dramën njerëzore qe
bie ne gurin e gjoksit për te hapur vrimën ku do vendoset zemra e njeriut.
Eshte momenti kur bien thonjte artificiale dhe iluzionet, te çdo lloji..iluzionet e hierarkisë
dhe iluzionet e vlerave materiale..iluzionet e seksit dhe martesës.
Ne fakt ne KLAS rrënohet përjetësia dhe akulli. Me shume KLAS!
Idiokracia si perspektive dhe Dhuna si realitet janë instrumentet makabre te tregimit te një
realiteti as kozmopolit e as etnocentrik...uji është turbulluar dhe rrjedh ne shkatërrim, për
te rindërtuar me pas. Fatalitet!
E vërteta është se ne KLAS, trupi fizik është burgu ne te cilin është dënuar shpirti ynë për tu
çliruar prej tij vetëm ne momentin e vdekjes. Edhe ferri e parajsa janë aty, burgosur bashke
me te, ne te njëjtën hapësire, veçse me tundje, a tundime te ndryshme, e nga kjo ngjizen
edhe emocionet qe ne përdorim për te vepruar e për te thurur raporte, qe ne fund te fundit
janë shpirtërore. Banditët e shpirtit janë me te këqij se ata te lendes, ndërtuesit e shpirtit
janë me te larte se ndërtuesit e lendes…
Krijuesi e ndihmon shpirtin te gjeje paqen ne mendje e te beje paqe me dilemën e tij te
përhershme te arsyes se jetës se tij...dhe i jep shprese se do te zeje Peshkun e Arte.
Qe te shtunën e tregimeve unë i kam lexuar te gjithë librat e Drinit dhe me ngjan se është
aty një peme qe e kish vendosur rrënjën ta bënte ne fund...kështu bëhen vetëm pemët qe
vendosen me Urdhër te Absolutes, te Krijuesit.
Eshte një peme qe e ka trungun te Vraje Tradhtinë, Midis dy Kohëve, e Shembja e Idhujve,
një peme qe vjen te sjelle fruta natën pa hëne sepse vetëm nata është grua dhe sjell frytin
e parajsës se gjenive. Do te jene ato frutat e ishullit te qete kur Korbi te ketë ndërruar
vend. Po unë dua, unë i lutem DRINIT qe ajo peme ti ketë ngulur rrënjët ne fillesën e
vërtete te Ilireve kur kishte Mbretëreshë e Kod Jete.
Kam hyre shpesh ne atë laborator te fotografisë artistike te tregimtarit dhe kam kërkuar
peizazhin e natyrës, po e kam gjetur vetëm ne planin e dyte, kam kërkuar kohen historike
dhe e kam gjetur tepër mjegullt ne grimca dekori.
Me një teknike paksa te pazakontë qe e jep vetëm gjenialiteti i lindur, Drini ia ka arritur te
përthyeje dritën e peizazhit dhe kohen e ngjarjes ne shkreptimat e sinapsuseve te trurit te
personazheve te tij. E filtron dritën aty dhe e nxjerr nga sytë e aktoreve te dramës, e merr
tingullin aty dhe e nxjerr nga gojët e padukshme te karaktereve te tija, e merr kohen dhe e
bën brumë qe zgjatet lehtësisht para e mbrapa vendit ku duhej te ishte fiksuar, e merr
dialogun dhe bën monolog njëngjyrësh, por jo monoton; e merr monologun e urtisë dhe e
bën prelud simfonie, gjame e xixe.
Vendi dhe Koha!
Vendi dhe Koha!
Ashtu si ne avangardën e mendimit shkencor te sotëm, tek DRINI vendi dhe koha shkrihen
ne një, alternojnë njëra tjetrën pa mundim dhe përthyerje, bëhen një “continuum” iluzor qe
harrohet aty për aty për te lëne ne qelizat e kujtesës veprimin skenik te njeriut si subjekt i
krijimit, si prizëm refraktar qe përthyen arsyen e ekzistencës se tij, shkakun e rrugëtimit te
tij te mundimshëm dhe pasurinë qe ai mbledh...natyrën e tij te vërtete valore, tundëse apo
tunduese për te bere sprovën tjetër te jetës ne cakun e dijes se grumbulluar e te
panjohurës, drite e terr.
Shume energji duhet për te bere ketë makine te eksplorimit qe te punoje, shume guxim
duhet për te hyre ne terrin e hapësirës pa rruge dhe kohës pa emër, një fushe e tere
energjie qe mbart informacionin e Kodit te Jetës, pa rregulla e kanone qe kane rene ne
provimin e jetës vetë...me një rend sublim krijimi qe nuk ndalet, e pse jo me një
paracaktim te receptorëve gjenetike te një shpirti te Kodifikuar me Absoluten e Krijuesit,
KRIJIMIN.
Vrasja, Politika, Zhdëmtimi, Hakmarrja, Ngurrimi, Guximi, Liria, Përdhunimi, Mërzia,
Neveritja, Ekzaltimi, Fetishi dhe Injoranca...një sere konceptesh qe marrin emra
personazhesh,...mbase personazhe te stigmatizuar deri ne koncept te abstraguar nga prirja
per sinteze filozofike...e çfarë sinteze se!
Një libër qe e merr ne dore dhe nuk e lëshon pa e konsumuar tërësisht është një libër i
bukur, një libër i mire.
Një libër qe ke dëshire ti rikthehesh për te takuar përsëri personazhet e tij është një libër
KLAS.
Ne KLAS nuk ka vend për kinezëri, por ka vend për Kineze, nuk ka vend për Xhonatan
Swiftin, por ka vend për Kalin Fisnik, ne KLAS ka vend për simbolin e ngritur ne sublim te i
Fundmi i Zotave te Tokës qe hyn ne duelin teologjik sepse ai beson te RA, te rrezja e diellit,
sepse tek Guri ai ka rendur kundër kohës kur koha rendte ne gabim....sepse ai mendon me
PaRaDiKam (paradigma)!
Kur Zotat e Tokës bëhen Statuja te Fotografuara e te Stigmatizuara, ata e ngrenë Krijuesin
ne atë vendin e padukshëm te admirimit duke e bere te orientuar me Krijuesin Absolut për
sa i takon sjelljes e qëllimit...KRIJIMIT si sjellje e qellim.
Kështu një Tregimtar i Lindur u be një besimtar i Krijimit dhe Absolutes, Ambasador i Paqes
dhe dëshmitar i Kaosit. Kaq shume kontradikta janë shume...edhe për Skënder DRININ.
Ai ka marre nga dashuria e mirënjohja e Universales dhe e kthen me dashuri e mirënjohje
drejt Universales.
Kështu ndodh me te gjithë ne fakt!
Shkodër, 9 tetor 2010
Ali Laçej