Upload
others
View
5
Download
0
Embed Size (px)
Citation preview
i-RESTORE is co-funded by
the European Union’s Justice
Programme (2014-2020)
Drejtësia Restauruese:
Konceptet kryesore dhe pyetjet më
frekuente
“I-RESTORE: Projekti: Të mbrojmë fëmijët viktima
përmes Drejtësisë Restauruese”
Prill 2020
© T
dh
/ Gra
ce
Me
din
a
i-RESTORE is co-funded by
the European Union’s Justice
Programme (2014-2020)
Drejtësia restauruese është një qasje që adreson dëmin ose rrezikun
për dëm përmes angazhimit të atyre që janë viktima në një
marrëveshje lidhur me mënyrën se si dëmi mund të riparohet dhe të
vendoset drejtësia.
1. Çfarë është drejtësia restauruese?
Drejtësia restauruse është një qasje e drejtësisë e orjentuar në riparimin –sa më shumë të jetë e
mundur-e dëmit të shkaktuar nga një krim apo konflikt.
Një element thelbësor i drejtësisë restauruese është përfshirja aktive e palëve, e viktimave,
autorëve të veprës, dhe kur është e përshtatshme, e anëtarëve të komunitetit, që në mënyrë
vullnetare vijnë së bashku me ndihmën e facilituesit/ndërmjetësit për të folur rreth dëmit dhe
pasojave të tij, si dhe për të identifikuar mënyrat si të riparohet ky dëm. Drejtësia restauruese
synon të sjellë pranë njerëzve drejtësinë dhe e konsideron pjesëmarrjen si një vlerë njerëzore të
rëndësishme, që lidh njerëzit me njëri tjetrin. Fokusi i drejtësisë restauruese është mbi atë që
njerëzit perceptojnë si eksperiencë të drejtë e të sigurtë në fazën pasi ka ndodhur një krim apo
një konflikt.
2. Cili është qëllimi i drejtësisë restauruese?
Qëllimi i drejtësisë restauruese është të krijojë një ambjent të sigurtë për ndarjen e ndjenjave (si
frika, zemërimi, trishtimi) që kanë lindur si pasojë e konfliktit ose krimit dhe të flitet mbi zgjidhjet
e mundshme për riparimin e dëmit. Drejtësia restauruese është e orjentuar drejt së ardhmes:
objektivi i saj nuk është të identifikojë dënimin e duhur proporcional me veprën, me dhimbjen
dhe vuajtjen, por të shohë dëmin dhe vuajtjen si pika fillestare e një historie të përbashkët.
Drejtësia restauruese synon t’i japë zë të gjitha historive individuale dhe të vërtetave për të
identifikuar pikat e të kuptuarit, të bashkëndarjes dhe riparimit të dëmit dhe të lejojë palët të
krijojnë të vërtetën e tyre dialoguese së bashku.
3. Cilat lloje praktikash bëjnë pjesë në kuadrin e drejtësisë restauruese?
Praktikat më të zakonshme të drejtësisë restauruese janë ndërmjetësimi viktimë-autor,
konferenca restorative dhe rrethet e paqes. Ndërmjetësimi viktimë-autor i sjell së bashku palët
që janë ndikuar direkt nga krimi në prezencën e një facilituesi që inkurajon dialogun midis tyre.
Konferenca përfshin një numër më të madh pjesëmarrësish psh. anëtarë familjeje, anëtarë
komuniteti dhe kolegë që mbështesin palët direkte, por gjithashtu ndajnë eksperiencat e tyre dhe
të vërtetën rreth fakteve. Rrethet sjellin së bashku një grup të madh njerëzish për të diskutuar
rreth një teme apo konflikti në një mënyrë të strukturuar. Edhe brenda këtyre tre praktikave më
i-RESTORE is co-funded by
the European Union’s Justice
Programme (2014-2020)
të njohura, ka disa variacione psh. kur takimet ballë për ballë nuk janë të mundura, mund të
parashikohen video ose letra midis palëve, apo kur komunikimi verbal është problematik (për
shkak të barrierave të gjuhës, ose dëmtimeve të tjera) mjete joverbale inovative mund të
përdoren.
4. A është e detyrueshme drejtësia restauruese?
Një nga elementet më karakateristike të drejtësisë restauruese është vullneti i lirë, duke qenë se
para se të ndodhë çdo lloj përballjeje midis palëve, nevojitet një kohë e caktuar për pregatitjen e
tyre. Një pregatitje e tillë është po aq e rëndësishme sa vetë procesi. Ky është momenti ku palët
mund të shprehin motivacionin e tyre për të takuar “tjetrin”, mund të shprehin pritshmëritë e tyre
për takimin dhe të kuptojnë nëse një takim i tillë ka përfitim për ata vetë.
Gjatë fazës pregatitore, facilituesit e mirëtrajnuar duhet të vlerësojnë nëse kjo eksperiencë do të
ketë përfitime për të dy palët dhe nëse është e nevojshme, ndahen edhe dyshimet me njëri tjetrin.
Pra, drejtësia restauruese nuk është e detyrueshme, edhe pse kërkon pjesëmarrje aktive të palëve.
5. A përdoret drejtësia restauruese vetëm në çështjet penale?
Në vitet e fundit, filozofia e drejtësisë restauruese dhe praktikat e saj janë zgjeruar në situata
konflikti përtej drejtësisë penale. Kjo për shkak se është provuar se drejtësia restauruese është e
dobishme për të parandaluar krimin dhe konfliktin (psh. Në lagje, shkolla, apo qendra
rezidenciale etj) por gjithashtu ka qenë një përgjigje ndaj veprave që nuk janë raportuar në polici
(psh. dhunë midis familjeve). Projekte kërkimore të ndryshme janë inicjuar në ambjente urbane
dhe në komunitete që vuajnë nga tipe të ndryshme konfliktesh për shkak të diferencave sociale
(në termat e kulturës, moshës, gjinisë, historisë sociale).
Mes të tjerash, disa qytete në Europë kanë filluar të punojnë me konceptin e “qytetit restaurues”
duke bashkuar disa projekte dhe organizata që punojnë në nivel lokal për të parandaluar
konfliktin, për të inkurajuar solidaritetin, si dhe përgjegjësinë për të aktivizuar qytetarët e tyre në
këtë mënyrë. Gjithashtu, lëvizja “shkollat resaturuese” i referohet një ambjenti tjetër ku konflikti
ndodh lehtësisht dhe angazhon nxënësit, mësuesit dhe të tjerët që të mësojnë si të adresojnë
konflikte të tilla për të parandaluar dëmin dhe krimet e rënda.
6. Në cilën fazë të procesit mund të realizohet drejtësia restauruese?
Drejtësia restauruese mund të përdoret në çdo fazë të procesit në drejtësinë penale. Në praktikë,
legjislacioni dhe politikat ndryshojnë në vende të ndryshme dhe kjo praktikë mund të përdoret
vetëm në faza të caktuara. Në parim, drejtësia restauruese mund të ofrohet në raste që nuk janë
në vëmëndjen e procesit penal (me anë të vetë referimit), po ashtu gjatë akuzës, hetimit, gjykimit,
dënimit, burgimit dhe integrimit përmes referimeve nga të gjithë aktorët (përmes referimeve nga
i-RESTORE is co-funded by
the European Union’s Justice
Programme (2014-2020)
policia, prokuroria, gjykata, oficerët e shërbimit të provës, OJF që punojnë më ish-të dënuar për
riintegrimin e tyre, apo me viktima të krimit).
Në disa vende, referimet ndodhin më shumë në fazën e kontaktit me policinë, ndërsa në vende të
tjera në fazën e hetimit dhe gjykimit. Ndërmjetësimi ose konferencat janë përdorur shpesh jashtë
procedurës së drejtësisë penale, kur autori është në burg, ose edhe pasi dënimi i tij ka mbaruar.
Pra, edhe nëse palët (viktima ose autori) mund të mos e ndiejnë veten të gatshëm në një fazë të
hershme kur praktikat e drejtësisë restauruese i ofrohen, gjithmonë është mundësia që ata të
përfshihen në një fazë të mëvonshme.
7. Nga se motivohet një palë për të marrë pjesë në një proces të drejtësisë
restauruese?
Motivimi më frekuent e i zakonshëm për tu përfshirë në një proces të drejtësisë restauruese është
mundësia që jepet për të treguar anën tënde të historisë, të dëgjohesh, të shprehësh ndjenjat, të
informohesh më mirë për ngjarjen, të jesh aktivisht i përfshirë në riparimin e dëmit. Autori i
veprës në bazë vullnetare po ashtu ka mundësinë të marrë përgjegjësi, të shprehë pendesë, dhe të
ndërmarrë veprime për riparimin e demit (gjë që ul recidivizmin). Viktima ka mundësi të ndjehet
më e sigurtë duke marrë përgjigjet e pyetjeve që ka (si psh. pse më ndodhi mua?) dhe të fuqizohet
më shumë. Të dy palët mund të riparojnë marrëdhënien me rrjetin e tyre më të gjerë pasi kanë
riparuar ndjenjat e tyre të sigurisë dhe kontrollit.
8. Kush paguan për takimin restaurues?
Shërbimet e drejtësisë restauruese dhe po ashtu facilituesit (psh. Paga, ushëtimet, trajnimet)
mund të financohen nga burime publike dhe/ose private (psh. Ministri, institucione dhe/ose
financime të OJF). Duke qenë se drejtësia restauruese shpesh lidhet me sistemin e drejtësisë
penale, mbështetja financiare vjen kryesisht nga shteti. Në disa raste, edhe autorëve të veprës
penale, iu kërkohet të kontribuojnë, ndonëse ata shpesh marrin një asistencë financiare. E
rëndësishme është se duke qenë se drejtësia restauruese parandalon recidivizmin dhe fuqizon
viktimat, investimet e shtetit në këto shërbime do të ulnin kostot e tjera.
9. Ku realizohet takimi restaurues?
Proceset e drejtësisë restauruese realizohen në vende të ndryshme, që varen nga një seri arsyesh
të lidhura me aksesin e shërbimeve të drejtësisë restauruese ne vend, por gjithashtu në specifikën
e çdo rasti. Në Skandinavi, psh. Facilituesit e drejtësisë restauruese udhëtojnë përmes vendit dhe
ofrojnë takime në vende publike (psh. shkolla), pasi zyrat nuk janë të aksesueshme në çdo zonë
për shkak të densitetit të ulët të popullsisë. Në Belgjikë, shërbimet e drejtësisë restauruese kanë
zyra në Flanders dhe Wallonia dhe kanë dhoma të dedikuara për takimet restauruese. Në
i-RESTORE is co-funded by
the European Union’s Justice
Programme (2014-2020)
Hollandë, ndërmjetësimet autor-viktimë brenda sistemit të Gjykatës realizohen në dhoma të
veçanta për ndërmjetësimin brenda gjykatës. Ndërsa, në disa raste, takimi ndodh në burgje, pas
i dënuari nuk mund të lirohet, ose në vende të zgjedhura nga viktima për shkak të arsyeve të
sigurisë ose arsye të tjera personale. Konsiderata primare është se çdo vend që i jep sens sigurie
palëve, është i përshtatshëm.
10. Sa zgjat një takim restaurues?
Takimet e drejtësisë restauruese nuk kanë kufizime. Rastet fillojnë nga 2 minuta deri në një ditë
të plotë ose disa ditë- në të dy situatat takimet çojnë në fuqizimin e viktimës dhe mundësitë për
mbyllje të rastit. Psh. Në disa raste të dhunës me sfond politik, takimet e drejtësisë restauruese
filluan vetëm pas përfundimit të dënimit me burg dhe takimet ende po ndodhin në baza të
rregullta për 12 vjet. Ky shembull është për të treguar se nuk ka një kohë ideale për të inicjuar
procesin e drejtësisë restauruese, por gjithashtu nuk ka kohë ideale për ta përfunduar. Procesi i
përket atyre që afektohen nga dëmi; për këtë arsye, vetë palët duhet të identifikojnë sa kohë duhet
për të krijuar perceptimin se drejtësia u vendos.
11. A ka një proces vijues pas takimit restaurues? Çfarë ndodh nëse një nga palët
ndryshon mendim lidhur me çfarë është rënë dakort gjatë takimit? A ka
pasoja për këtë? Nëse palët bien dakort dhe arrijnë një marrëveshje, kush e
siguron zbatimin e saj?
Ndjekja e takimit të drejtësisë restauruese duhet të jetë pjesë e shërbimit të ofruar. Në fakt, takimi
direkt është vetëm një pjesë e punës së facilituesit/ndërmjetësit të drejtësisë restauruese nëse
konsiderojmë edhe kohën e angazhimit në pregatitjen dhe ndjekjen e procesit. Pas takimit mes
palëve, sidomos në rastet më komplekse, facilituesi ka mundësinë për të përmbledhur çfarë ka
ndodhur me një koleg të caktuar për këtë detyrë. Ky është një moment i rëndësishëm që siguron
se facilituesi siguron supervizim, vlerësim dhe përkujdesje. Facilituesi gjithashtu mban kontakte
me palët, në baza individuale, psh. Për të kuptuar si ndjehen ata pas takimit, nëse ata kanë arritur
atë që donin dhe nëse ata kanë akoma më shumë pyetje që kanë nevojë për përgjigje.
Në rastin e marrëveshjeve konkrete të arritura nga palët, është e rëndësishme që facilituesi të
ndjekë vijimësinë e zbatimit të marrëveshjes. Nëse i dënuari nuk mund të mbajë premtimin e
tij/të saj (ose thjesht ndryshon mendimin e tij në lidhje me marrëveshjen e bërë), facilituesi ka
një rol për t’i komunikuar viktimës arsyet e këtij ndryshimi dhe të diskutojnë së bashku me të se
çfarë mund të bëhet më vonë. Në rastin e fundit mund të nevojiten takime të tjera ballë për ballë
për të lejuar palët të flasin së bashku. Në praktikë, rolet që lidhen me vijimësinë e procesit
ndryshojnë sipas projekteve dhe sipas vendeve të ndryshme dhe në disa raste mungojnë apo nuk
i kushtohet vëmendje.
i-RESTORE is co-funded by
the European Union’s Justice
Programme (2014-2020)
12. Pse është e rëndësishme të flasim rreth mbrojtjes së të drejtave të fëmijëve
viktima në drejtësinë restauruese?
Fëmija viktimë konsiderohet se ka të drejtat e plota të çdo viktime, dhe të drejtën t’i ushtrojë ato
në një mënyrë që merr në konsideratë kapacitetet dhe nevojat e saj. Kjo aplikohet edhe në të
drejtën për të patur akses në drejtësinë restauruese, duke mbajtur parasysh se eksperienca e
drejtësisë është personale dhe nuk mund të aplikohet në një mënyrë standarte. Fëmijët shpesh
kërkojnë mbështetje të veçantë dhe mbrojtje për të shmangur rrezikun e viktimizimit sekondar.
Për këtë arsye, drejtësia restauruese duhet të ofrojë një shërbim të targetuar, duke marrë parasysh
nevojat e njerëzve, llojin e krimit dhe pasojat e tij. Po ashtu, duhet ofruar një program i ndërthurur
me disiplina dhe shërbime të tjera (arsim, shëndet etj) për tu fokusuar tek ambjenti social i
fëmijës për të ofruar një program të individualizuar.
Në përgjithësi, viktimave i është dhënë një pozicion më i fuqishëm në drejtësinë penale në
dekadat e fundit, që pjesërisht është stimuluar nga standartet ndërkombëtare dhe Direktiva
Detyruese e 2012 nga EU për mbrojtjen e viktimave. Kjo direktivë i referohet gjithashtu
drejtësisë restauruese dhe krijoi baza për shumë vende që të zhvillojnë legjislacionin që lidhet
me drejtësinë restauruese dhe me një theks specifik tek të drejtat e viktimave, duke përfshirë
fëmijët viktima dhe nevojat e tyre të veçanta.
13. A është drejtësia restauruese një praktikë e sigurtë për fëmijët?
Drejtësia restauruese është konsideruar e sigurtë dhe një prioritet nga Komiteti i të Drejtave të
Fëmijëve. Në mënyrë që të rritet siguria, procedurat duhet ndjekin udhëzuesit bazë për këtë qasje.
Së pari, palët janë të lira ta nisin kur të duan procesin e po ashtu ta ndërpresin, edhe pa ndonjë
justifikim. Së dyti, shërbimi duhet ofruar nga ndërmjetës të trajnuar, që gjithashtu marrin trajnim
të veçantë për fëmijët dhe sidomos për çështje delikate si psh. dhuna seksuale. Së treti, drejtësia
restauruese duhet të jetë një qasje fleksibël sipas nevojave të palëve të përfshira, duke marrë
parasysh moshën, pjekurinë, nevojat dhe shqetësimet. Për këtë, ka instrumente të ndryshëm që
mund të përdoren kur përfshijmë fëmijë më të vegjël. Megjithatë kur flasim për fëmijën, ka një
shqetësim për riskun e mosbalancës së pushteteve, prandaj, prindërit ose/edhe të tjerë
profesionistë (psikologu, mësuesi etj) duhet të përfshihen në proces që në fazën pregatitore dhe
kjo është e rëndësishme.
14. Pse përfshihet një facilities/ndërmjetës? A mundet çdokush të bëhet
ndërmjetës?
i-RESTORE is co-funded by
the European Union’s Justice
Programme (2014-2020)
Roli i facilituesit është i rëndësishëm në momente të ndryshme. Facilituesi ka detyrën të
shpjegojë në detaje qëllimet dhe praktikat e drejtësisë restauruese dhe të vlerësojë motivacionin
e palëve që shfaqin vullnetin për të marrë pjesë.
Ai/ajo ka përgjegjësinë për të pregatitur palët për takimin dhe të parashikojë sfidat dhe rreziqet
që paraqet takimi: ai/ajo duhet të informojë palët dhe së bashku ata duhet të gjejnë mundësitë
dhe zgjidhjet që mundësojnë takimin nëse ata ende kanë dëshirë ta bëjnë atë. Psh. Kur një nga
palët i frikësohet takimit direkt, facilituesi mund të propozojë mënyra alternative takimi si
videomesazhi apo letrat. Gjatë takimit aktual të drejtësisë restauruese, nëse faza e pregatitjes
është mirëplanifikuar e mirëorganizuar, facilituesi ka shpesh një rol minimal, thuajse të
padukshëm, duke lejuar palët që të përfshihen në një dialog të sigurtë e të sinqertë rreth dëmit,
pasojave të tij dhe zgjidhjeve të mundshme. Standartet e cilësisë dhe trajnimet për ndërmjetësit
dhe facilituesit janë të rëndësishme dhe duhen organizuar në çdo vend.
15. Cilat vepra janë më të përshtatshme për drejtësinë restauruese?
Drejtësia restauruese teorikisht mund të ofrohet për çdo lloj vepre, edhe tek veprat më komplekse
dhe të rënda (psh. Abuzim seksual, vrasje, terrorizëm, dhunë në familje) ndonëse ka kufizime
bazuar në kriteret ligjore. Nga një perspektivë teorike, sidoqoftë i vetmi kriter është vullneti i
palëve për tu përfshirë në dialog e në takim me qëllimin për të riparuar dëmin. Kërkimet kanë
treguar se drejtësia restauruese është e përshtatshme në rastet e krimeve të rënda, gjithashtu kur
autori dhe viktima janë të vështirë për tu identifikuar dhe përgjegjësitë janë ndarë midis aktorëve
të ndryshëm (psh. Rastet e ekstremizmit te dhunshëm, aksidentet e trafikut, krimi mjedisor etj).
Ajo që ka rëndësi dhe është përcaktuese nuk është tipi i veprës, por përshtatshmëria dhe vullneti
i palëve për tu angazhuar në proces në termat e sigurisë dhe parandalimit të viktimizimit
sekondar. Me këtë qëllim, politika dhe instrumenta të vlerësimit të riskut mund të përdoren si
indikatorë për të identifikuar arsyet për të shmangur apo ofruar drejtësinë restauruese.
16. A mund të zbatohet drejtësia restauruese në shkolla?
Drejtësia restauruese mund të përdoret në shkolla për të parandaluar e zgjidhur konfliktet, por
gjithashtu për të krijuar sens më të fortë soldariteti, përgjegjësie brenda komunitetit të shkollës.
Kjo është shumë e rëndësishme për të edukuar fëmijët për të perceptuar normalitetin e
konflikteve si një mundësi për të mësuar dhe jo si një kërcënim. Në disa raste, institucionet
arsimore brenda komunitetit të shkollës vendosën të adoptojnë filozofinë e drejtësisë restauruse
duke patur parasysh nxënës, mësues, staf administrative, familjarët, fqinjët: kjo nënkupton një
ndryshim të përgjithshëm në sistemin e shkollës nga një qasje ndëshkuese dhe konservatore drejt
një qasjeje restauruese dhe invouese.
i-RESTORE is co-funded by
the European Union’s Justice
Programme (2014-2020)
Ekzistojnë disa metoda tipike që përdoren për të prezantuar drejtësinë restauruese në shkolla.
Psh. Rrethet që përdoren për të shpehur emocionet dhe për të ndarë eksperiencat në një mënyrë
të strukturuar, (në mënyrë që e njëjta metodë të përdoret më vonë për të diskutuar problemet dhe
konfliktet), ose “peer-mediation” që është përdorur për të trajnuar nxënësit të identifikojnë dhe
menaxhojnë konfliktet që ndodhin në ambjentin e tyre social. (në shkollë ose në shtëpi). “Peer
mediation” ndodh tashmë në disa shkolla, ku fëmijë të trajnuar marrin rolin e ndërmjetësit kur
një “sherr” ose një konflikt ndodh në klasë. Është veçanërisht e rëndësishme të edukojmë fëmijët
dhe adoleshentët rreth ekzistencës së një tjetër mënyre për të trajtuar konfliktet dhe për të
shprehur emocionet, duke qenë se janë qytetarët e së ardhmes, që mund të bëjnë ndryshime në
shoqëri si lidhja, solidariteti, përgjegjshmëria dhe përfshirja. Të gjitha thelbësore në qasjen e
drejtësisë restauruese.
17. Cilat janë përfitimet e drejtësisë restauruese?
Rezultatet e kërkimeve janë konsistente në raportimin se të paktën 85% e pjesëmarrësve shprehin
kënaqësi pasi kanë marrë pjesë në një program të drejtësisë restauruese, që është një përqindje
më e lartë në krahasim me proceset e drejtësisë penale tradicionale.
Përfitimet më të zakonshme të përmendura nga pjesëmarrësit janë: njohja dhe të kuptuarit e
statusit të njëri tjetrit, njohja e nevojave të secilit (mbështetje, mbrojtje, riintegrim); restaurim
emocional, duke përfshirë ndjenjat e respektit dhe dinjitetit, riparimi i dëmit të shkakuar nga
vepra dhe (kur është e mundur) marrëdhënieve të dëmtuara; fuqizim, duke përfshirë riparimin e
ndjenjave të sigurisë dhe kontrollit; reduktim frike rreth takimit me njëri tjetrin; ndryshime
pozitive rreth këndvështrimit të botës në përgjithësi dhe të vetes; kënaqësia dhe perceptimi i
drejtësisë, krahasuar me sistemin e drejtësisë penale.
Gjithashtu, studimet kanë gjetur përfitime të tjera, më të rëndësishme për sistemin e drejtësisë
dhe shoqëritë në përgjithësi: drejtësia restauruese i ofron viktimave një eksperiencë reale të
drejtësisë që faciliton rikuperimin e tyre, inkurajon largimin nga krimi, duke ndihmuar të krijojë
shoqëri më të sigurta dhe forcon komunitetet (ndihmon riintegrimin e autorëve dhe mbështetjen
e viktimave), por gjithashtu kjo praktikë pëdoret për të parandaluar që një vend konflikti të
kthehet një vend dhune.
18. A mundet palët të ndërpresin procesin nëse bëhet i pamundur vijimi për ta?
Drejtësia restauruese është e bazuar në parimin e vullnetarizimit, që zbatohet në çdo fazë të
procesit, që nga momenti në të cilin shërbimi ofrohet përmes një takimi. Facilituesit kanë
përgjegjësinë që të sigurohen herë pas here nëse palët ende duan të marrin pjesë në proces.
Sidomos kur takimet ballë për ballë bëhen më të afërta, ndërmjetësi duhet të krijojë një ambjent
të sigurtë për palët për të ndaluar procesin, pa arsye, por në respekt të palës tjetër që mund të dojë
i-RESTORE is co-funded by
the European Union’s Justice
Programme (2014-2020)
të dijë arsyet e këtij vendimi. Kjo masë nënkupton se të dy palët mund të ndalojnë procesin kurdo
që duan, kanë nevojë ose ndiejnë se duan ta përfundojnë.
19. Cili është roli i prindërve dhe të rriturve të tjerë mbështetës në drejtësinë
restauruese?
Në varësi të modelit të drejtësisë restauruese të zgjedhur, prindërit dhe të rriturit e tjerë mund të
jenë prezent gjatë takimeve ballë për ballë. (Psh. Konferencë restorative)
Roli i tyre është të sigurohemi që mungesa e balancave të adresohet. Gjithashtu, duke qenë se
përgjegjësinë prindërore e kanë prindërit (apo kujdestarë në raste të caktuara) është e
rëndësishme t’i përfshijmë ata në proces.
Në konfliktet midis prindërve dhe fëmijëve, të tjerë persona mund të identifikohen dhe të
përfshihen në proces. Sigurisht, zgjedhja e përfshirjes së këtyre personave është për tu bërë në
interesin më të lartë të fëmijës dhe duke marrë parasysh dëshirën e fëmijës për tu mbështetur nga
një i rritur në këtë proces. Kjo nuk është një çështje problematike në termat e parimeve dhe
praktikave të drejtësisë restauruese, përderisa drejtësia restauruese në vetvete synon pjesëmarrjen
dhe përgjegjësinë e palëve që janë ndikuar nga dëmi në mënyrë që ata të ndërmarrin veprime
drejt riparimit.
20. Pse është i nevojshëm projekti i-RESTORE?
I-RESTORE është një projekt i rëndësishëm për të kuptuar më mirë se si fëmijëve viktima mund
tu sigurohet drejtësia restuauruese dhe si mund të përfitojnë më mirë nga kjo eksperiencë, nëse
ata në mënyrë vullnetare bien dakort të përfshihen në një dialog me një palë tjetër. Ndërsa ne
dimë shumë rreth ndikimit pozitiv të drejtësisë restauruese në rastet e të rriturve, ne kemi më pak
informacion për rastet që përfshijnë të miturit viktima. Ky është një grup vulnerabël me nevoja,
sjellje dhe aftësi zhvillimi të ndryshme, dhe prandaj ne duhet të angazhohemi në një kërkim të
fokusuar tek ky target.
Përveç punës kërkimore, i-RESTORE përdor një qasje inovative për të përfshirë fëmijët në këtë
projekt. Në fakt, i ashtuquajturi “grup këshillues i fëmijëve”, i përbërë nga fëmijët në tre vende
(Rumani, Greqi, Shqipëri) ka përgjegjësi për të praktikuar dhe për të kuptuar vlerat e drejtësisë
restauruese në një seri takimesh lokale duke i dhënë feedback kërkuesve dhe oficerëve të projektit
mbi rezultatet e projektit dhe të propozojnë një fushatë ndërgjegjësuese për të angazhuar fëmijët
në drejtësinë restauruese. Projekti gjithashtu synon të përfshijë disa ekspertë në këto vende që
mund të luajnë një rol në zhvillimin e mëtejshëm të politikave, praktikës dhe legjislacionit.
21. Cili është roli i “European Forum on Restorative Justice” në këtë projekt?
i-RESTORE is co-funded by
the European Union’s Justice
Programme (2014-2020)
Forumi Europian i Drejtësisë Restauruese është organizata lider që sjell së bashku kërkues,
profesionistë, praktikues dhe politikëbërës të punojnë në drejtësinë restauruese dhe fushat e
lidhura me të në Europë e përtej.
E krijuar në vitin 2000 brenda Institutit të Kriminologjisë së KU Leuven, ky forum është një
organizatë jofitimprurëse që numëron rreth 500 anëtarë përfshirë 80 organizatorët. Që prej 2012,
forumi është gjithashtu pjesë e Platformës Europiane të Drejtësisë Penale, një rrjet prej 3
organizatash që punojnë në çështjet e drejtësisë penale në Europë (Europris për burgjet, CEP
mbi shërbimin e provës and EFRJ për drejtësinë restauruese). Roli i saj në i-RESTORE është të
kontribuojë për kërkime dhe zhvillim trajnimi, përveç ndarjes së rezultateve të projektit midis
anëtarëve të rrjetit.
Forumi Europian për Drejtësinë Restauruse gjithashtu ofron ekspertizë në çështje specifike të
drejtësisë restauruese, duke bërë lidhjet midis kërkimit, praktikës dhe politikave në fushën e të
drejtave të fëmijëve.
22. Cili është roli i “Restorative Justice Netherlands” në këtë projekt?
Drejtësia Restauruese Hollandë (RJN) është një organizatë hollandeze, një qendër ekspertize dhe
inovacioni në fushën e drejtësisë restauruese dhe praktikave restauruese. Organizata nuk është
një ofrues i shërbimeve restauruese, por një organizatë lider. Aktivitetet kryesore janë: kërkim
dhe konsulencë, ofrim njohurish përmes trajnimeve, leksioneve etj, lobim dhe advokim dhe
krijimi i rrjeteve të forta. Së bashku me partnerë të tjerë kërkimi dhe ndërmjetësimi, RJN inicioi
Akademinë Hollandeze të Drejtësisë Restauruese. Në këtë projekti, RJN dhe EFRJ janë
përgjegjëse për raportet kërkimore dhe zhvillimin e metodave dhe mjeteve për tu përdorur në
nivel kombëtar.
Këto organizata do të ndajnë gjithashtu eksperienca kombëtare dhe do të organizojnë një sesion
pune për kërkuesit kombëtar dhe një grup të rinjsh nga Shqipëria, Greqia dhe Rumania.
i-RESTORE is co-funded by
the European Union’s Justice
Programme (2014-2020)
Special thanks to our contributors: Emanuela Biffi, Communications and Events officer, European Forum for Restorative Justice,
Annemieke Ëolthuis, Research, Mediation and Training Expert, Restorative Justice Netherlands
Malini Laxminarayan, Consultant, Restorative Justice Netherlands
Cecilia Popa, Researcher, Terre des hommes Romania
Rodica Novac, project manager, Terre des hommes Romania
The content of this publication represents the vieës of the author only and is his/her sole responsibility.
The European Commission does not accept any responsibility for use that may be made of the information it contains.
For more information about the i-RESTORE project, please visit the project ëebpage
or contact: Marcos De Barros, i-RESTORE Regional Project Coordinator, at [email protected]
Follow us for more updates!
Terre des hommes in Europe Restorative Justice Netherlands European Forum on Restorative Justice
http://tdh-europe.org/
https://tëitter.com/TdhEurope
https://ëëë.facebook.com/TdhEurope/
http://ëëë.restorativejustice.nl/
https://tëitter.com/Rest_Justice_NL
https://ëëë.euforumrj.org/en
https://tëitter.com/EuForumRJ
https://ëëë.facebook.com/euforumrj
Terre des hommes Romania Terre des hommes Albania Terre des hommes Hellas
https://tdh.ro/
https://ëëë.facebook.com/TdhRomania/
https://tëitter.com/tdh_albania
https://ëëë.facebook.com/Terre.des.hommes.Albania/
https://tëitter.com/tdh_greece
https://ëëë.facebook.com/tdh.greece/
"Looking back, I feel it's
fantastic that I had this
opportunity. Talking can
solve so much. I can
finally begin mourning."
Victim (2013) EFRJ