DIREKTIVA 2009/81/KEE PARLAMENTIT DHE KËSHILLIT …parlament.al/Files/ProjektLigje... · Qëndrimin e Komisionit të datës 5 dhjetor 2007 për ... L 216 / 3 Gazeta Zyrtare e Bashkimit

L 216 / 1 Gazeta Zyrtare e Bashkimit Europian 20.8.2009

DIREKTIVA 2009/81/KEE PARLAMENTIT DHE KËSHILLIT EVROPIAN

e datës 13 Korrik 2009

për koordinimin e procedurave për dhënien e kontratave të caktuara të punëve, kontratave të mallrave dhe

kontratave të shërbimit përmes institucioneve ose enteve kontraktore në fushën e mbrojtjes dhe të sigurisë,

dhe ndryshimin e Direktivës 2004/17/KE dhe 2004/18/KE

(Tekst, kuptimi i të cilit lidhet me ZEE-në)

PARLAMENTI EVROPIAN DHE KËSHILLI I BASHKIMIT

EVROPIAN

Duke pasur parasysh Traktatin Themelues të Komunitetit

Evropian, dhe veçanërisht Nenin 47(2) dhe nenet 55 dhe

95 të tij,

Duke pasur parasysh propozimin e Komisionit,

Duke pasur parasysh mendimin e Komitetit Evropian

Ekonomik dhe Social1

Duke vepruar në përputhje me procedurën e parashikuar

në Nenin 251 të Traktatit2

Duke pasur parasysh që:

(1) Siguria kombëtare është përgjegjësi ekskluzive e

çdo Shteti Anëtar, si në fushën e mbrojtjes ashtu

dhe të sigurisë.

(2) Ngritja dhe krijimi gradual i një mekanizmi

mbrojtës të tregut Evropian është thelbësor për

forcimin e Bazës Teknologjike dhe Industriale të

Mbrojtjes Evropiane si dhe zhvillimin e

kapaciteteve ushtarake që kërkohen më qëllim

zbatimin e Politikave të Mbrojtjes të Sigurisë

Evropiane.

(3) Shtetet Anëtare bien dakord me nevojën për nxitje,

zhvillim dhe mbështetje të Bazës Teknologjike dhe

Industriale të Mbrojtjes Evropiane duke siguruar

aftësi, kompetencë dhe konkurrencë. Me qëllim

arritjen e këtij objektivi, Shtetet Anëtare përdorin

instrumente të ndryshëm, në përputhje me të

Drejtën Komunitare, duke synuar një mekanizëm

të vërtetë mbrojtjeje të tregut Evropian dhe të një

niveli aktiv si në Evropë, ashtu dhe në nivel global.

Ato duhet të kontribuojnë në zhvillimin e thelluar

të diversitetit të bazës furnizuese të mbrojtjes

Evropiane, veçanërisht duke mbështetur

përfshirjen e ndërmarrjeve të vogla dhe të mesme

1

GZ C 100, 30.4.2009, faqe 114. 2 Mendimi i Parlamentit Europian i datës 14 Janar 2009 (ende i pabotuar

në Gazetën Zyrtare) dhe Vendimi i Këshillit i datës 7 korrikut 2009

(SME) dhe të furnizuesve jo tradicionalë të Bazës

Teknologjike dhe Industriale të Mbrojtjes

Evropiane, duke pasur si qëllim bashkëpunimin

industrial dhe duke nxitur furnizuesit e

përgjegjshëm dhe efikas të nivelit të ulët. Në këtë

kuadër, ato duhet të marrin parasysh Qëndrimin e

Komisionit (komunikimi interpretues) i datës 7

dhjetor 2006 për zbatimin e Nenit 296 të Traktatit

për prokurimin në fushën e mbrojtjes si dhe

Qëndrimin e Komisionit të datës 5 dhjetor 2007 për

një Strategji që synon një industri mbrojtjeje

Evropiane më të fortë dhe më konkurruese.

(4) Një parakusht për ngritjen dhe krijimin e një

mekanizmi mbrojtës të tregut Evropian është

hartimi i kuadrit të duhur ligjor. Në fushën e

prokurimeve kjo përfshin koordinimin e

procedurave për dhënien e kontratave që

përmbushin kërkesat e sigurisë së Shteteve

Anëtare dhe detyrimet që rrjedhin nga Traktati.

(5) Duke synuar arritjen e këtij objektivi, Parlamenti

Evropian, në projekt rezolutën e datës 17 nëntor

2005, për prokurimet në fushën e mbrojtjes3, i bën

me dije Komisionit nevojën për të hartuar një

direktivë përmes të cilës të parashikohej dhe të

merreshin parasysh interesat e sigurisë së çdo

Shteti Anëtar, duke zhvilluar një politikë të

përbashkët të sigurisë së jashtme, duke nxitur një

kohezion më të madh Evropian dhe duke ruajtur

rolin e Bashkimit si “një pushtet civil”.

(6) Koordinim më të mirë të procedurave të dhënies,

për shembull për kontratat që lidhen me shërbimet

e logjistikës, transportit dhe magazinimin, si dhe

mundësi për reduktim të kostove në sektorin e

mbrojtjes dhe të ulin në mënyrë të ndjeshme

impaktin në sektorin e mjedisit.

(7) Këto procedura duhet të reflektojnë qasjen e

gjithanshme të Bashkimit lidhur me sigurinë, e cila

3 GZ C 280 E, 18.11.2006, faqe 463.


i përgjigjet dhe ndryshimeve të një mjedisi

strategjik. Shfaqja e kërcënimeve asimetrike

ndërkombëtare ka prekur ndjeshëm kufirin

ndërmjet sigurisë së brendshme dhe të jashtme, si

dhe asaj ushtarake dhe jo ushtarake.

(8) Instrumentet e mbrojtjes dhe të sigurisë janë të

qenësishme për sigurinë, sovranitetin e Shteteve

Anëtare dhe autonominë e Bashkimit. Për këtë

qëllim, blerjet e mallrave dhe shërbimeve në

sektorët e mbrojtjes dhe të sigurisë shpeshherë

janë të një karakteri të ndjeshëm.

(9) Kjo pasqyrohet dhe në kërkesat specifike, sidomos

në fushën e sigurisë së furnizimit dhe të sigurisë së

informacionit. Këto kërkesa lidhen në mënyrë të

veçantë me armët, municionin, materialet e luftës

për forcat e armatosura, si dhe shërbime dhe

punime që lidhen në mënyrë të drejtpërdrejtë, por

dhe të disa blerjeve të veçanta, me karakter të

ndjeshëm, në fushën e sigurisë jo ushtarake. Në

këto sektorë, mungesa e regjimeve dhe sistemeve

gjithëpërfshirëse të Bashkimit, pengon hapjen e

tregjeve të sigurisë dhe mbrojtjes ndërmjet

Shteteve Anëtare. Kjo situatë kërkon përmirësim të

menjëhershëm. Një regjim apo sistem i Bashkimit

mbi sigurinë e informacionit, përfshirë dhe njohjen

e përbashkët të certifikatave të sigurisë kombëtare

si dhe duke lejuar shkëmbimin e informacionit të

klasifikuar ndërmjet institucioneve/enteve

kontraktore dhe kompanive Evropiane, do të ishte

me shumë vlerë. Njëherazi, Shtetet Anëtare duhet

të marrin masa konkrete që të përmirësojnë

sigurinë e furnizimit të mallrave ndërmjet tyre

duke synuar në këtë mënyrë,me garancitë e

duhura, një ngritje graduale dhe progresive të një

sistemi.

(10) Për qëllimet e kësaj Direktive, pajisjet ushtarake

duhen kuptuar si lloje të veçanta produkti të

përfshira në listën e armëve, municioneve dhe

materialeve luftarake, miratuar nga Këshilli me

Vendimin 255/58 datë 15 prill 19581dhe Shtetet

Anëtare duhet të kufizohen dhe t’i përmbahen

vetëm kësaj liste në transpozimin e kësaj Direktive.

Kjo listë përmban vetëm pajisje të cilat janë

projektuar, zhvilluar dhe prodhuar posaçërisht për

qëllime ushtarake. Megjithatë, lista është e

përgjithshme dhe lë hapësirë interpretimi parë në

këndvështrimin e karakterit evolues të

teknologjisë, politikave të prokurimit, dhe

kërkesave ushtarake që çojnë drejt zhvillimit të

llojeve të reja të pajisjeve, për shembull, bazuar në

Listën e Përbashkët Ushtarake e Bashkimit. Për

qëllimet e kësaj Direktive, pajisjet ushtarake duhet

1 Vendimi që përcakton listën e produkteve (armë, municione dhe

materiale luftarake ) për të cilat , janë të zbatueshme dispozitat e Nenit

të mbulojnë gjithashtu edhe produkte të tjera, të

cilat, në fillesat e tyre janë projektuar për përdorim

civil, dhe më pas janë përshtatur për qëllime

ushtarake për t’u përdorur si armë, municion dhe

materiale lufte.

(11) Në fushën specifike të sigurisë jo ushtarake, kjo

Direktivë duhet zbatuar për prokurimet të cilat

kanë tipare të ngjashme me prokurimet në fushën

e mbrojtjes dhe që janë po aq të ndjeshme.

Gjithashtu ky mund të jetë rasti edhe në fusha më

specifike ku forcat ushtarake dhe jo ushtarake

bashkëpunojnë në përmbushjen e misioneve të

tyre të njëjta dhe/ose kur qëllimi i kryerjes së një

prokurimi është mbrojtja e sigurisë së Bashkimit

dhe/ose Shteteve Anëtare, në territorin e tyre ose

përtej këtij territori, kundër kërcënimeve serioze

nga aktorë jo ushtarakë dhe/ose jo qeveritarë.

(12) Kjo Direktivë duhet të marrë parasysh nevojat e

institucioneve/enteve kontraktore përgjatë gjithë

ciklit jetësor të produktit, d.m.th., kërkim dhe

zhvillim, zhvillim industrial, prodhim, rregullim,

modernizim, modifikim, mirëmbajtje,logjistikë,

trajnim, testim, veçim/izolim dhe asgjësim. Këto

etapa përfshijnë, për shembull, kryerje të

studimeve, vlerësime, ruajtje të tyre, transport,

shkrirje, kryerje shërbimi, çmontim,

asgjësim/shkatërrim dhe çdo shërbim tjetër që

pason projektimin fillestar. Disa kontrata mund të

përfshijnë si objekt të kontratës furnizimin me

pjesë ose komponentë që i inkorporohen ose i

shtohen produktit, dhe/ose furnizimin me

instrumente specifikë, pajisje testuese ose

mbështetëse.

(13) Për qëllimet e kësaj Direktive, procesi i kërkimit

dhe zhvillimit duhet të mbulojë kërkime të

thelluara, kërkime të aplikuara dhe zhvillim

eksperimental. Kërkimi i thelluar konsiston në

punën dhe mekanizimin eksperimental dhe teorik,

që ndërmerret me qëllim përftimin e njohurive të

reja lidhur me fenomenet themelore dhe faktet e

dallueshme, pa ndonjë zbatim apo përdorim të

posaçëm. Kërkimet e aplikuara konsistojnë

gjithashtu në punën dhe mekanizmin origjinal që

ndërmerret me qëllim përftimin e njohurive të reja.

Megjithatë, ato orientohen drejt një përfundimi ose

objektivi të posaçëm praktik. Zhvillimi

eksperimental konsiston në punën e bazuar në

njohuritë ekzistuese të fituara nga kërkimet

dhe/ose eksperienca praktike, me qëllim fillimin e

prodhimit të materialeve, produkteve ose

mekanizmave të rinj, duke krijuar procese, sisteme

dhe shërbime të reja ose që në mënyrë

223(1)(b) — tashmë ndryshuar në Nenin 296(1)(b) të Traktatit (dok. 255/58). Proces-verbali i datës 15 prill 1958: dok. 368/58


domethënëse përmirësojnë ato ekzistueset.

Zhvillimi eksperimental mund të përfshijë krijimin

e demonstruesve/treguesve teknologjikë, d.m.th.,

mjetet që shërbejnë për të demonstruar një

koncept të ri ose një teknologji të re në një mjedis

të caktuar.

Kërkimi dhe zhvillimi nuk përfshijnë krijimin dhe

cilësimin e procesit të para-prodhimit të

prototipeve, instrumenteve dhe të inxhinierisë

industriale, prodhimit dhe projektimit industrial.

(14) Kjo Direktivë duhet të marrë parasysh nevojat e

autoriteteve/enteve kontraktore për punimet dhe

shërbimet,pavarësisht nëse nuk janë të lidhura në

mënyrë të drejtpërdrejtë me furnizimin e pajisjeve

ushtarake apo pajisjeve të ndjeshme, por që në çdo

rast janë të nevojshme për përmbushjen e disa

kërkesave ushtarake ose të sigurisë.

(15) Dhënia i kontratave të lidhura nga Shtetet Anëtare

përmes kontraktimit të enteve të referuara në

Direktivën 2004/17/KE të Parlamentit dhe

Këshillit Evropian datë 31 Mars 2004 për

koordinimin e procedurave të dhënies së

kontratave për entet që operojnë në sektorin e

ujërave, të energjisë, transportit dhe shërbimeve

postare1dhe përmes kontraktimit të institucioneve

referuar Direktivës 2004/18/KE të Parlamentit

Evropian dhe Këshillit e 31 Marsit 2004 për

koordinimin e procedurave të dhënies së

kontratave të punëve publike, kontratave të

furnizimit publik dhe kontratave të shërbimeve

publike2 duhet të jetë në përputhje me parimet e

Traktatit dhe në mënyrë të posaçme me lëvizjen e

lirë të mallrave, lirinë e vendosjes dhe lirinë e e

ofrimit të shërbimeve, dhe me parime të tjera që

burojnë prej tyre, të tilla si parimi i trajtimit të

barabartë, i mos-diskriminimit, i njohjes reciproke,

parimi i proporcionalitetit dhe transparencës.

Detyrimet e lidhura me transparencën dhe

konkurrimin për kontratat poshtë pragut, sipas

kësaj Direktive duhet të përcaktohen nga Shtetet

Anëtare në përputhje me këto parime dhe duke

marrë në konsideratë, në mënyrë të posaçme,

situatat në të cilat ka një interes ndërkufitar.

Shtetet Anëtare, posaçërisht, duhet të përcaktojnë

marrëveshjet dhe rregullimet e duhura për

dhënien e këtyre kontratave.

Për kontratat mbi një vlerë të caktuar, këshillohet

që të parashikohen dispozita ligjore për

koordinimin e Komunitetit lidhur me procedurat e

brendshme për dhënien e këtyre kontratave të cilat

bazohen në këto parime, me qëllim që të

1 GZ L 134, 30.4.2004, faqe. 1.

garantohen efektet e tyre dhe procedura efikase e

hapjes së prokurimit. Këto dispozita ligjore

koordinuese duhet të interpretohen në përputhje

me rregullat dhe parimet e lartpërmendura, si dhe

me rregulla të tjera të parashikuara në Traktat.

(16) Nenet 30, 45, 46, 55 dhe 296 të Traktatit

parashikojnë përjashtime të posaçme nga zbatimi i

parimeve të parashikuara në Traktat dhe,

rrjedhimisht edhe legjislacioni që buron nga

Traktati përbën përjashtim. Si pasojë, asnjë nga

dispozitat e kësaj Direktive nuk parandalon

imponimin ose detyrimin për zbatim të këtyre

masave të konsideruara si garanci ligjore të

interesave legjitime të parashikuara nga dispozitat

e Traktatit.

Në mënyrë të veçantë kjo nënkupton që dhënia e

kontratave që përfshihen në fushën e zbatimit të

kësaj Direktive mund të përjashtohet nga kjo e

fundit, pasi kjo justifikohet si e bazuar në sigurinë

publike ose si nevojë për mbrojtjen e interesave

thelbësore të sigurisë së Shteteve Anëtare. Këtu i

referohemi rastit të kontratave në fushën e

mbrojtjes dhe të sigurisë, fusha të cilat kërkojnë

siguri maksimale lidhur me kërkesat e furnizimit,

ose kërkesa të cilat janë konfidenciale dhe/ose të

rëndësishme për sovranitetin kombëtar, saqë edhe

dispozitat specifike të kësaj Direktive nuk janë

garanci e mjaftueshme për interesat kyçe të

sigurisë së Shteteve Anëtare, përcaktimi i të cilave

është përgjegjësi ekskluzive e Shteteve Anëtare.

(17) Megjithatë, në përputhje me praktikën gjyqësore të

Gjykatës Evropiane të Drejtësisë (GJED), mundësia

për t’ju drejtuar përjashtimeve të tilla duhet të

interpretohet në një mënyrë të tillë që efektet e tyre

(të përjashtimeve) të mos shtrihen përtej asaj që

është shumë e domosdoshme për mbrojtjen e

interesave legjitime që ruhen nga ato nene.

Prandaj, mos zbatimi i kësaj Direktive duhet të jetë

në përpjesëtim të drejtë me qëllimet e synuara dhe

të shkaktojë sa më pak çrregullim të mundshëm për

lëvizjen e lirë të mallrave dhe lirinë e ofrimit të

shërbimeve.

(18) Kontratat lidhur me armët, municionin dhe

materialet luftarake të tenderuara përmes

institucioneve/enteve kontraktore që operojnë në

fushën e mbrojtjes janë të përjashtuara nga qëllimi

i Marrëveshjes së Prokurimit Qeveritar (GPA) e

lidhur me Organizatën Botërore të Tregtisë.

Kontratat e tjera që përfshihen në këtë Direktivë

janë të përjashtuara gjithashtu nga zbatimi i GPA

bazuar në Nenin XXIII të saj. Neni 296 i Traktatit

dhe neni XXIII(1) i GPA kanë qëllime të ndryshme

2 GZ L 134, 30.4.2004, faqe. 114.


dhe janë subjektetë standarteve të ndryshme të

shqyrtimit gjyqësor. Shtetet Anëtare mund t’í

referohen për aplikim Nenit XXIII(1) tëGPA për

rastet kur neni 296 i Traktatit nuk mund të

aplikohet. Këtody dispozita duhet të përmbushin

kushte të ndryshme me qëllim aplikimin e tyre.

Ky përjashtim nënkupton gjithashtu që, në një

kontekst të posaçëm të sektorit të mbrojtjes dhe

sigurisë, Shtetet Anëtare rezervojnë të drejtën të

vendosin nëse institucionet/entet kontraktore

mund të lejojnë apo jo operatorët e vendeve të treta

të marrin pjesë në procedurat e dhënies së

kontratave. Shtetet mund ta marrin këtë vendim

bazuar në vlerën e të parave, duke njohur në këtë

mënyrë nevojën për një Bazë globale Teknologjike

dhe Industriale të Mbrojtjes Evropiane, rëndësinë e

një tregu të përbashkët të lirë dhe të ndershëm si

dhe përfitimin e të mirave të përbashkëta. Shtetet

Anëtare duhet të insistojnë për rritje të tregjeve të

hapura. Nga ana tjetër, partnerët e tyre duhet të

demonstrojnë transparencë, bazuar në rregullat e

pranuara ndërkombëtarisht, sidomos lidhur me

konkurrencën e lirë dhe të ndershme.

(19) Një kontratë çmohet të jetë kontratë pune vetëm

nëse objekti i saj mbulon specifikisht përmbushjen

e veprimtarive sipas seksionit 45 të‘Fjalorit të

Përbashkët të Prokurimeve’ përcaktuar në

Rregulloren (KE) Nr. 2195/2002 të Parlamentit të

Këshillit Evropian datë 5 nëntor 2002 për Fjalorin

e Përbashkët të Prokurimeve (CPV)1 (këtej e tutje

referuar si FPP), edhe për rastet kur kontrata

parashikon dispozita të shërbimeve të tjera të

nevojshme për përmbushjen e këtyre veprimtarive.

Kontratat e shërbimeve në disa raste përfshijnë

punime. Gjithsesi, për aq kohë sa këto punime janë

rastësore lidhur me objektin primar të kontratës,

dhe janë vetëm një pasojë/rrjedhim, apo plotësues

të saj, fakti që këto punime janë përfshirë në

kontratë nuk e justifikon cilësimin e kontratës si

kontratë pune.

(20) Kontratat në fushën e mbrojtjes dhe të sigurisë

shpesh përmbajnë informacion të klasifikuar, për

të cilin, legjislacioni, rregullat apo dispozitat

administrative në fuqi në Shtetet Anëtare

respektive, kërkojnë, që për arsye sigurie, të

mbrohen nga aksesi i paautorizuar. Në sektorin

ushtarak, Shtetet Anëtare kanë sisteme për

klasifikimin e këtij informacioni për qëllime

ushtarake. Megjithatë, kur bëhet fjalë për çështje të

sigurisë jo ushtarake, Shtetet Anëtare kanë

praktika të shumëllojshme, ku edhe informacioni

tjetër duhet ruajtur në të njëjtën mënyrë. Prandaj,

1 GZ L 340, 16.12.2002, faqe. 1. 2 GZ L 317, 3.12.2001faqe. 1

është me vend të vlerësohet aplikimi i parimeve

dhe koncepteve të cilat duhet të marrin parasysh

shumëllojshmërinë e praktikave të Shteteve

Anëtare, përfshirë sektorin ushtarak apo jo

ushtarak. Në çdo rast, prokurimi në këto sektorë,

për aq sa është e duhur, nuk duhet të cenojnë

detyrimet që burojnë nga Vendimi i Komisionit

2001/844/KE, Komitetin Evropian të Qymyrit dhe

Çelikut (ECSC), Marrëveshjen e Euratomit datë 29

nëntor 2001 që ndryshojnë Rregullat Procedurale

të brendshme 2 ose Vendimin e Këshillit

2001/264/KE datë 19 marsit 2001 që miraton

rregullat e sigurisë së Këshillit3.

Për më tepër, neni 296(1)(a) i Traktatit i jep

Shteteve Anëtare mundësinë e përjashtimit të

kontratave, në fushën e mbrojtjes dhe të sigurisë,

nga rregullat e kësaj Direktive, nëse zbatimi i kësaj

të fundit i detyron Shtetet të japin informacion,

dhënia e të cilit mund të vlerësohet në kundërshtim

me interesat thelbësore të sigurisë së tyre. Ky

përjashtim është i vlefshëm posaçërisht për rastet

kur kontratat përmbajnë informacion të ndjeshëm

madje dhe vetë ekzistenca e kontratës duhet

mbajtur sekret.

(21) Institucionet/entet kontraktore duhet të lejohen të

përdorin marrëveshjet kuadër, duke bërë të

nevojshme në këtë mënyrë parashikimin e

përkufizimit të marrëveshjes kuadër dhe të

rregullave specifike. Sipas këtyre rregullave, kur

një institucion/ent kontraktor, lidh një

marrëveshje kuadër në bazë të dispozitave të kësaj

Direktive, veçanërisht lidhur me njoftimin, afatin

kohor dhe kushtet e dorëzimit të ofertave të

tenderit, mund të lidhë kontratë bazuar në këtë

marrëveshje kuadër gjatë periudhës që ajo është e

vlefshme, ose duke zbatuar kushtet e përcaktuara

në marrëveshjen kuadër, ose, nëse kushtet nuk janë

përcaktuar paraprakisht, përmes rihapjes së

procedurave të konkurrimit ndërmjet palëve të

marrëveshjes kuadër. Rihapja e procedurave të

dhënies duhet të jetë në përputhje me disa rregulla,

qëllimi i të cilave është të garantohet fleksibiliteti

dhe përputhshmëria me parimet e përgjithshme,

veçanërisht me parimin e trajtimit të barabartë. Për

të njëjtat arsye, afati kohor i marrëveshjes kuadër

duhet të kufizohet dhe të mos kalojë periudhën 7

vjeçare, përveç rasteve që janë të justifikuara

mjaftueshëm nga institucionet/entet kontraktore.

(22) Autoritetet/entet kontraktore mund të përdorin

teknikat e blerjes elektronike, në rast se kjo

procedurë përputhet me dispozitat e kësaj

Direktive, si dhe me parimet e trajtimit të

3 GZ L 101, 11.4.2001, faqe 1


barabartë, mosdiskriminimit dhe transparencës.

Meqënëse tendenca është që të rritet përdorimi i

ankandeve elektronike, kjo procedurë duhet të

përkufizohet nga KE-ja dhe të udhëhiqet nga

rregulla të posaçme me qëllim që të funksionojë në

përputhje të plotë me këto parime. Prandaj duhen

parashikuar dispozita që këto lloj ankandesh

elektronike të bëhen vetëm për kontrata punësh,

furnizimesh ose shërbimesh, specifikimet e të

cilave të mund të përcaktohen me saktësi. Në

veçanti, mund të jetë rasti i ripërtëritjes së

kontratës për furnizime, punë ose shërbime. Me

anë të kësaj procedure mund të bëhet klasifikimi i

ofertuesve në çdo fazë të ankandit elektronik.

Përdorimi i ankandeve elektronike i jep mundësinë

autoriteteve/enteve kontraktore t’u kërkojnë

ofertuesve të ofrojnë çmime të reja, më të ulëta dhe,

kur kontrata lidhet me ofertën ekonomikisht më të

favorshme, të përmirësojnë edhe elemente të tjera

të ofertës. Me qëllim garantimin e transparencës,

vetëm elementet e përshtatshme për një vlerësim

automatik me anë të mjeteve elektronike, pa

ndërhyrjen dhe/ose vlerësimin e autoritetit/entit

kontraktor, mund të jenë objekt i ankandeve

elektronike, që do të thotë vetëm elementet që janë

të përcaktuara nga ana sasiore me shifra ose

përqindje. Nga ana tjetër, aspektet e ofertave që

nënkuptojnë një vlerësim të elementeve jo sasiorë

nuk mund të jenë objekt i ankandeve elektronike.

Rrjedhimisht, disa kontrata për punë publike dhe

disa kontrata shërbimi, që kanë si objekt kryesor

punën intelektuale, të tilla si projektime, etj., nuk

mund të jenë objekt i ankandeve elektronike.

(23) Teknikat e centralizuara të prokurimit nxisin

konkurrencën dhe organizojnë prokurimin.

Rrjedhimisht Shtetet Anëtare duhet të lejohen të

parashikojnë që autoritetet/entet kontraktore

mund të prokurojnë mallra, punë dhe/ose

shërbime me anë të një organi qendror blerës.

Prandaj, duhet parashikuar një përkufizim nga ana

e KE-së për organet qendrore blerëse dhe për

kushtet, në të cilat, në përputhje me parimet e

mosdiskriminimit dhe trajtimit të barabartë,

autoritetet/entet kontraktore që prokurojnë punë

publike, mallra dhe/ose shërbime me anë të një

organi qendror blerës zbatojnë këtë Direktivë. Një

autoritet/ent kontraktor i cili ka si detyrim ligjor

zbatimin e kësaj Direktive duhet, që në çdo rast, të

ketë të drejtën të veprojë si organ qendror blerës.

Gjithashtu, Shtetet Anëtare duhet të jenë të lira të

caktojnë si organe qendrore blerëse, organe

publike Evropiane që nuk janë subjekt i kësaj

Direktive, siç është Agjencia Evropiane e Mbrojtjes,

me kusht që këto organe, për ato blerje, të zbatojnë

rregullat e prokurimit të parashikuara nga

dispozitat e kësaj Direktive.

(24) Autoritetet/entet kontraktore mund të jenë të

detyruara të lidhin një kontratë të vetme, për

blerjet, e cila mbulohet pjesërisht nga kjo Direktivë,

dhe pjesa tjetër i përket objektit të Direktivës

2004/17/KE ose Direktivës 2004/18/KE ose nuk

është subjekt i kësaj Direktive, Direktivës

2004/17/KE ose Direktivës 2004/18/KE. Kjo është

e mundur nëse, për arsye objektive, blerjet

përkatëse nuk mund të ndahen dhe të blihen me

kontrata të ndara. Në kësi rastesh autoritetet/entet

kontraktore duhet të kenë mundësinë të lidhin një

kontratë të vetme, me kusht që vendimi i tyre nuk

është marrë me qëllim përjashtimin e kontratave

nga zbatimi i kësaj Direktive ose Direktivës

2004/17/KE ose Direktivës 2004/18/KE.

(25) Shumëfishimi i numrit të kufijve monetarë për

zbatimin e dispozitave të koordinuara e

vështirëson punën e autoriteteve/enteve

kontraktore. Duke pasur parasysh vlerën mesatare

të kontratave në fushën e mbrojtjes dhe sigurisë,

është më e përshtatshme që kufiri monetar i kësaj

Direktive të përputhet me kufijtë monetarë që

duhet të vendosen nga entet kontraktore në zbatim

të Direktivës 2004/17/KE. Edhe kufijtë monetarë

të kësaj Direktive duhet të rishikohen bashkë me

ato të Direktivës 2004/17/KE kur të rishikohen

këto të fundit.

(26) Për më tepër, duhen bërë parashikime në rastet kur

kjo Direktivë nuk është e zbatueshme, për shkak të

zbatimit të rregullave për prokurimet që rrjedhin

nga marrëveshje ndërkombëtare ose marrëveshje

mes Shteteve Anëtarë dhe vendeve të treta.

Rregullat, e zbatuara në kuadër të disa

marrëveshjeve, që kanë të bëjnë me dislokimin e

trupave nga një Shtet Anëtar në një tjetër Shtet

Anëtar ose në një vend të tretë, ose dislokimin e

trupave nga një vend i tretë në një Shtet Anëtar,

duhet të përjashtojnë procedurat e prokurimit që

parashikohen nga kjo Direktivë. Kjo Direktivë nuk

zbatohet as për kontrata që jepen nga organizatat

ndërkombëtare për qëllimet e tyre ose për

kontratat që duhet të jepen nga një Shtet Anëtar në

përputhje me rregullat e prokurimit të posaçëm

për këto organizata.

(27) Disa kontrata në fushën e mbrojtjes dhe sigurisë

janë kaq sekrete, sa nuk do ishte e përshtatshme që

të zbatohej kjo Direktivë, pavarësisht specifikës së

saj. Këto janë rastet e prokurimeve të bëra nga

shërbimet informative, ose blerjet për të gjitha

llojet e aktiviteteve të shërbimeve informative,

duke përfshirë aktivitetet e kundërzbulimit, siç

janë përcaktuar nga Shtetet Anëtare. Këtu

përfshihen gjithashtu edhe blerje të tjera, shumë

sekrete, të cilat kërkojnë një nivel shumë të lartë

konfidencialiteti, si për shembull disa blerje që


kanë si qëllim mbrojtjen e kufirit ose luftën ndaj

terrorizmit ose krimin e organizuar, blerjet që kanë

të bëjnë me kriptimin ose blerjet për aktivitete nën

mbulim ose aktivitete të tjera po aq të fshehta të

kryera nga policia ose forcat e sigurisë.

(28) Shpesh Shtetet Anëtare kryejnë programe të

përbashkëta për të zhvilluar së bashku pajisje

mbrojtjeje. Këto programe janë veçanërisht shumë

të rëndësishme sepse ato ndihmojnë në zhvillimin

e teknologjive të reja dhe bashkëndahen kostot e

larta të punës kërkimore dhe zhvillimore të armëve

me sisteme komplekse. Disa nga këto programe

menaxhohen nga organizata ndërkombëtare si

Organisation Conjointe de Coopération en Matière

d’Armement (OCCAR) dhe NATO (nëpërmjet

agjencive të veçanta), ose agjencive të BE-së si

Agjencia Evropiane e Mbrojtjes, të cilat pastaj

lidhin kontrata për llogari të Shteteve Anëtare. Kjo

Direktivë nuk zbatohet në këto lloj kontratash. Për

programe të tjera të tilla të përbashkëta,

prokurimet bëhen nga autoritetet/entet

kontraktore të një Shteti Anëtar edhe për llogari të

një ose më shumë Shteteve Anëtare. Edhe në kësi

rastesh nuk zbatohet kjo Direktivë.

(29) Në rast se forcat e armatosura ose forcat e sigurisë

së Shteteve Anëtare kryejnë operacione përtej

kufinjve të BE-së, dhe kur ua kërkon nevoja

operacionale, u duhet dhënë leje

autoriteteve/enteve kontraktore të dislokuara në

vendin ku zhvillohet operacioni, të mos zbatojnë

dispozitat e kësaj Direktive në rastet kur ato

kontraktojnë operatorë ekonomikë të vendosur në

vendin ku kryhen operacionet, duke përfshirë edhe

blerjet civile që lidhen drejtpërsëdrejti me kryerjen

e këtyre operacioneve.

(30) Duke pasur parasysh veçantitë e sektorit të

mbrojtjes dhe sigurisë, blerjet e pajisjeve, punëve

dhe shërbimeve nga qeveri te tjera duhet të

përjashtohen nga objekti i kësaj Direktive.

(31) Në kuadrin e shërbimeve, kontratat për blerjen ose

marrjen me qira të pasurive të patundshme ose të

drejtave mbi to kanë karakteristika të tilla që e

bëjnë të papërshtatshme zbatimin e rregullave të

prokurimit.

(32) Shërbimet e Arbitrazhit dhe Pajtimit zakonisht

sigurohen nga organizma ose individë të

përcaktuar ose të përzgjedhur në atë mënyrë që

nuk mund të drejtohen nga rregulla prokurimi.

(33) Edhe shërbimet financiare i janë besuar personave

ose organizmave sipas kushteve që nuk përputhen

me rregullat e prokurimit.

(34) Sipas Nenit 163 të Traktatit, nxitja e punës

kërkimore dhe zhvillimit të teknologjisë është një

mjet për forcimin e bazës shkencore dhe

teknologjike të industrisë së KE-së dhe hapja e

kontratave të shërbimit kontribuon gjithashtu për

këtë qëllim. Kjo Direktivë nuk mbulon bashkë-

financimin e programeve kërkimore dhe

zhvillimore. Kontratat e lidhura në kuadër të punës

kërkimore dhe zhvillimore, përveç rezultatet të

cilat i shkojnë ekskluzivisht autoritetit/entit

kontraktor për t’u përdorur nga ai për çështjet e

brendshme, me kusht që shërbimi i kryer të

paguhet plotësisht nga ky autoritet/ent kontraktor,

nuk janë objekt i kësaj Direktive.

(35) Punësimi është element kyç në garantimin e

shanseve të barabarta për të gjithë dhe mundësi

për integrimin në shoqëri. Në këtë kuadër, qendrat

sociale të punës dhe programet e punësimit në këto

qendra kontribuojnë në mënyrë efikase në

integrimin ose ri-integrimin e personave me aftësi

të kufizuara në tregun e punës. Megjithatë, këto lloj

qendrash mund të mos fitojnë kontrata në kushtet

e konkurrencës së zakonshme, prandaj, është e

përshtatshme që të parashikohet që Shtetet

Anëtare të mund të rezervojnë të drejtën e

pjesëmarrjes në procedurat e prokurimit të këtyre

qendrave të punës ose rezervimin e ekzekutimit të

kontratës në kuadrin e programeve të punësimit në

këto qendra.

(36) Në fuksion të zbatimit të kësaj Direktive për

kontratat e shërbimit, që janë objekt i saj, dhe për

qëllime monitorimi, shërbimet duhet të ndahen në

kategori që i korrespondojnë titujve të klasifikimit

FPP dhe të bashkuara në dy Shtojca, sipas regjimit

që ato i nënshtrohen. Për sa i përket shërbimeve të

Shtojcës II, dispozitat përkatëse të kësaj Direktive

nuk cenojnë zbatimin e rregullave të posaçme të

KE-së për shërbimet në fjalë. Megjithatë, për të

zbatuar dispozitat e kësaj Direktive në vend të

Direktivës 2004/17/KE apo Direktivës

2004/18/KE, duhet përcaktuar që kontratat

përkatëse të shërbimit janë objekt i zbatimit të

kësaj Direktive.

(37) Për sa i përket kontratave të shërbimit, zbatimi i

plotë i kësaj Direktive duhet të kufizohet për një

periudhë kalimtare, vetëm për kontratat dispozitat

e të cilave lejojnë realizimin e rritjes së tregtisë

ndërkufitare. Gjatë periudhës kalimtare, para se të

merret një vendim për zbatimin e plotë të kësaj

Direktive, është e domosdoshme të monitorohen

kontratat për shërbimet të tjera.

(38) Specifikimet teknike të hartuara nga

autoritetet/entet kontraktore duhet të jenë të tilla

që prokurimi të jetë i hapur për konkurrencë. Për


këtë arsye, duhet të jetë e mundshme që të

dorëzohen oferta të cilat pasqyrojnë variantet e

zgjidhjeve teknike. Për të arritur këtë, specifikimet

teknike duhet, në njërën anë, të vendosen mbi

bazën e kërkesave ekzekutuese dhe funksionale. Në

anën tjetër, kur autoritetet/entet kontraktore i

referohen standardeve Evropiane ose standardeve

ndërkombëtare ose kombëtare, duke përfshirë

edhe standardet e veçanta të fushës së mbrojtjes,

ato duhet të marrin parasysh oferta të bazuara në

zgjidhje ekuivalente. Kjo ekuivalencë mund të

vlerësohet sidomos për sa i përket kritereve të

ndër-funksionimit (interoperabilitetit) dhe

efiçencës operacionale. Me qëllim shfaqjen e

ekuivalencës, ofertuesit duhet të lejohen që të

përdorin çdo formë prove. Kur autoritetet/entet

kontraktore vendosin se ka mungesë të

ekuivalencës, ato duhet ta arsyetojnë këtë vendim.

Për sa i përket standardizimit, ka edhe marrëveshje

ndërkombëtare, që mund të kenë edhe fuqinë e

ligjit në Shtetet Anëtare, të cilat kanë si qëllim të

sigurojnë ndër-funksionimin (interoperabilitetin)

e forcave të armatosura. Në rast se ndonjë nga këto

marrëveshje duhet të zbatohet, autoritetet/entet

kontraktore mund të kërkojnë që procedurat e

prokurimit të jenë në përputhje me standardet e

parashikuara në këto marrëveshje. Specifikimet

teknike duhet të jenë të qarta në mënyrë që të

gjithë ofertuesit të dinë se cilat janë kriteret e

hartuara nga autoriteti/enti kontraktor.

(39) Specifikimet teknike dhe informacioni mbështetës

duhet, siç ndodh zakonisht në Shtetet Anëtare, të

përfshihen në dokumentet e tenderit ose në

dokumente të ngjashëm me të.

(40) Nënkontraktorët e mundshëm nuk duhet të

diskriminohen për shkak të kombësisë. Në rastet e

mbrojtjes dhe sigurisë, mund të konsiderohet e

përshtatshme që autoritetet/entet kontraktore të

detyrojnë fituesin e kontratës që të organizojë një

konkurs transparent dhe jo diskriminues në rast

nën-kontraktimi të palëve të treta. Ky detyrim

mund të zbatohet për të gjithë nënkontraktorët ose

për vetëm disa nën-kontraktorë të veçantë të

zgjedhur nga autoriteti/enti kontraktor.

Për më tepër, është e përshtatshme që e drejta e

ofertuesit për të nënkontraktuar të plotësohet me

mundësinë që i ofrohet Shtetit Anëtar për t’i lejuar

ose për t’i kërkuar autoriteteve/enteve

kontraktore të kërkojnë që nënkontraktorët që

përfaqësojnë të paktën një përqindje të vlerës së

kontratës t’u jepet palëve të treta, duke mos

konsideruar sipërmarrjet përkatëse si palë e tretë.

Kurdo që kërkohet kjo ndarje e kontratës, fituesi

duhet të nënkontraktojë duke ndjekur një

procedurë konkurrimi transparente dhe jo

diskriminuese me qëllim që të gjithë të interesuarit

të kenë të njëjtën mundësi për të përfituar nga

avantazhet e nënkontraktimit. Në të njëjtën kohë,

nuk duhet vënë në rrezik edhe funksionimi i duhur

i zinxhirit të furnizimit të fituesit të kontratës. Pra,

përqindja, që mund të nënkontraktohet te palët e

treta me kërkesë të autoritetit/entit kontraktor

duhet të reflektojë siç duhet objektin dhe vlerën e

kontratës.

Gjatë procedurës me negocim ose dialogut

individual me kërkesa nën-kontraktimi,

autoriteti/enti kontraktor dhe ofertuesit mund të

diskutojnë kërkesat e nënkontraktimit ose

rekomandimet për t’u siguruar që autoriteti/enti

kontraktor është plotësisht i informuar mbi efektet

e nënkontraktimit sidomos në lidhje me koston,

cilësinë ose rreziqet. Në çdo rast, nënkontraktorët

e propozuar fillimisht nga fituesi i kontratës duhet

të jenë të lirë të marrin pjesë në tenderat e

organizuar për nënkontratat.

Në kuadrin e tregjeve për mbrojtjen dhe sigurinë,

Shtetet Anëtare dhe Komisioni duhet të nxisin edhe

zhvillimin dhe shpërndarjen e praktikave më të

mira mes Shteteve Anëtare dhe industrisë

Evropiane, me qëllim promovimin e lëvizjes së lirë

dhe konkurrencës në tregjet e nënkontraktimit të

BE-së , si dhe menaxhimin më të mirë të

furnizuesve dhe SME-ve për të pasur një raport më

të mirë cilësi/çmim. Shtetet Anëtare duhet t’i

komunikojnë të gjithë fituesve të kontratave,

përfitimet nga procedurat transparente dhe

konkurruese të prokurimit dhe shumëllojshmërinë

e furnizuesve që mund të jenë nën-kontraktorë, si

dhe të zhvillojë dhe të shpërndajë praktikat më të

mira për menaxhimin e zinxhirit të furnizimit në

tregjet e mbrojtjes dhe sigurisë.

(41) Kushtet e zbatimit të kontratës përputhen me këtë

Direktivë, nëse ato nuk janë në mënyrë të

drejtpërdrejtë ose të tërthortë diskriminuese dhe

janë të përfshira në njoftimin e kontratës ose në

dokumentet e tenderit.

(42) Kushtet e zbatimit të kontratës mund të përfshijnë

edhe kërkesat e autoriteteve/enteve kontraktore

në lidhje me sigurinë e informacionit dhe sigurinë

e furnizimit. Këto kërkesa janë shumë të

rëndësishme duke patur parasysh natyrën sekrete

të pajisjeve, prokurimi i të cilave rregullohet me

këtë Direktivë, dhe interesin për të gjithë zinxhirin

e furnizimit.

(43) Për të garantuar sigurinë e informacionit,

autoritetet/entet kontraktore mund të kërkojnë,

veçanërisht, angazhime të kontraktorëve dhe

nënkontraktorëve për të mbrojtur informacionin e


klasifikuar ndaj aksesit/hyrjes të paautorizuar si

dhe mund të kërkojnë edhe informacion të plotë

për kapacitetet që ata kanë për të mbrojtur

informacionin. Në mungesë të një regjimi të KE-së

për sigurinë e informacionit, autoritetet/entet

kontraktore të Shteteve Anëtare e kanë për detyrë

t’i vendosin këto kritere në përputhje me ligjet dhe

rregulloret e tyre te brendshme, dhe të përcaktojnë

nëse ata e konsiderojnë një certifikatë sigurie, të

lëshuar sipas legjislacionit të brendshëm të një

Shteti tjetër Anëtar,ekuivalente me certifikatën e

sigurisë të lëshuar nga autoritetet e tyre

kompetente.

(44) Siguria e mallit mund të nënkuptojë lloje të

ndryshme kriteresh, si për shembull, rregullat e

brendshme mes degëve dhe shoqërisë mëmë për sa

i përket të drejtave të pronësisë intelektuale, ose

garantimi i kapaciteteve të shërbimit, mirëmbajtjes

dhe riparimit për të siguruar mbështetje për

pajisjet e blera gjatë gjithë ciklit të jetës së tyre.

(45) Kushtet e ekzekutimit, në asnjë rast, nuk

parashikojnë kërkesa të tjera përveç atyre që

lidhen ngushtë me ekzekutimin e vetë kontratës.

(46) Ligjet, rregulloret dhe marrëveshjet e përbashkëta,

si në nivel kombëtar dhe të KE-së, të cilat janë në

fuqi në fushën e kushteve të punësimit dhe sigurisë

në punë, janë të vlefshme gjatë zbatimit të

kontratës, në rast se këto rregulla dhe zbatimi i tyre

është në përputhje me dispozitat e së drejtës së KE-

së. Në raste të tilla si aktivitetet ndërkufitare që

punonjës të një Shteti Anëtar kryejnë në një tjetër

Shtet Anëtar në kuadër të zbatimit të një kontrate,

Direktiva 96/71/KE e Parlamentit Evropian dhe

Këshillit e datës 16 dhjetor 1996 për zhvendosjen e

punonjësve me qëllim kryerjen e shërbimeve 1 ,

parashtron kushtet minimale që duhet të

plotësohen nga vendi pritës për këta punonjës.

Nëse ligjet kombëtare kanë bërë parashikime për

këto raste, mospërmbushja e këtyre detyrimeve

mund të konsiderohet si shkelje e rëndë ose vepër

penale e cila mund të çojë në përjashtimin e

operatorit ekonomik nga procedurat përzgjedhëse

të prokurimit.

(47) Kontratat, objekt i kësaj Direktive, janë të

karakterizuara nga kritere të veçanta për sa i

përket kompleksitetit, sigurisë së informacionit ose

sigurisë së mallit. Në shumicën e rasteve duhen

bërë negociata të mëdha për të plotësuar këto

kritere kur këto kontrata lidhen, prandaj

autoritetet/entet kontraktore mund të përdorin

procedurën me negocim, me shpalljen paraprake të

njoftimit të kontratës si dhe procedurën e kufizuar.

1 GZ L 18, 21.1.1997, faqe. 1

(48) Autoritetet/entet kontraktore të cilat ndërmarrin

projekte komplekse, mund t’u duket, jo për shkak

të tyre, objektivisht e pamundur të përcaktojnë

mjetet e plotësimit të nevojave të tyre ose të

vlerësojnë atë çka tregu mund të ofrojë për sa i

përket zgjidhjeve teknike dhe/ose zgjidhjeve

financiare ose ligjore. Këto raste mund të jenë ato

projekte që kërkojnë integrimin ose kombinimin e

disa mjeteve teknologjike dhe operacionale, ose

projekte që kërkojnë financim kompleks dhe të

strukturuar, përbërja financiare dhe ligjore e të

cilave nuk mund të përcaktohet paraprakisht. Në

këto raste përdorimi i procedurës së kufizuar

dhe/ose procedurës me negocim, me shpalljen

paraprake të njoftimit të tenderit nuk do ishte

praktike sepse nuk është e mundur që elementet e

kontratës të ishin të sakta mjaftueshëm sa

kandidatët të kishin mundësi të përgatisnin ofertat

e tyre në përputhje me të. Prandaj, është e

nevojshme të parashikohet një procedurë fleksibël

për të siguruar konkurrencën mes operatorëve

ekonomikë dhe t’u krijohet mundësia

autoriteteve/enteve kontraktore të diskutojnë të

gjitha aspektet e kontratës me secilin kandidat.

Megjithatë, kjo procedurë nuk duhet të përdoret në

atë mënyrë sa të kufizojë ose të shmangë

konkurrencën, veçanërisht, duke tjetërsuar ndonjë

aspekt thelbësor të tenderit, duke vendosur kritere

krejt të reja ndaj fituesit ose duke përfshirë të gjithë

ofertuesit përveç atij që është përzgjedhur si

ekonomikisht më i favorshëm.

(49) Para shpalljes së njoftimit publik, autoritetet/entet

kontraktore me anë të dialogut teknik, mund të

kërkojnë ose të pranojnë këshilla të cilat mund të

përdoren në hartimin e specifikimeve, sigurisht

nëse kjo këshillë nuk sjell përjashtimin e

konkurrencës.

(50) Në disa rrethana të jashtëzakonshme mund të jetë

e pamundur ose tërësisht e papërshtatshme të

përdoret procedura me negocim, me shpalljen

paraprake të njoftimit të tenderit. Prandaj,

autoritetet/entet kontraktore duhet që në disa

raste dhe rrethana të veçanta të mund të përdorin

procedurën me negocim, pa shpalljen paraprake të

njoftimit të kontratës.

(51) Disa rrethana mund të jenë pothuajse të njëjta me

ato që janë objekt i Direktivës 2004/18/KE. Në këtë

kuadër, duhet marrë në konsideratë, në veçanti,

fakti se pajisjet e mbrojtjes dhe sigurisë shpesh janë

komplekse nga ana teknike. Rrjedhimisht,

mospërputhja ose vështirësitë teknike në punë dhe

në mirëmbajtje që justifikojnë përdorimin e


procedurës me negocim, pa shpalljen paraprake të

njoftimit të kontratës, në rastet e kontratave të

furnizimit për pjesë shtesë duhet të vlerësohen

bazuar në këtë kompleksitet dhe kriteret e lidhura

me ndër-funksionimin (interoperabilitet) dhe

standardizimin e pajisjes. Shembuj të këtyre

rasteve mund të jenë integrimi i mekanizmave të

reja në sistemet ekzistuese ose modernizimi i

këtyre sistemeve.

(52) Sipas objektit të kësaj Direktive, mund të ketë edhe

raste për disa blerje, që vetëm një operator

ekonomik mund të zbatojë kontratën sepse ai ka të

drejtat ekskluzive ose për arsye teknike. Në kësi

rastesh, autoriteti/enti kontraktor duhet të lejohet

të lidhë kontrata ose marrëveshje kuadër

drejtpërsëdrejti me atë operator ekonomik.

Megjithatë, arsyet teknike që i japin mundësi një

operatori ekonomik për të zbatuar një kontratë

duhet të jenë të përcaktuara me saktësi dhe të jenë

të argumentuara rast pas rasti. Arsye teknike mund

të jenë për shembull, mungesa e praktikës

thelbësisht teknike e kandidatit përveç operatorit

ekonomik të përzgjedhur për të arritur qëllimet e

kërkuara, ose nevoja për të përdorur teknologji,

mjete ose metoda të caktuara që vetëm një

operator i disponon. Raste të tilla mund të jenë për

shembull, për modifikimin ose vendosjen e

pajisjeve që nuk i ka pasur një pajisje veçanërisht e

komplikuar. Arsyet teknike mund të rrjedhin edhe

nga kriteret e veçanta për ndër-funksionimin

(interoperabilitetin) ose sigurinë që duhet të

plotësohen për të siguruar funksionimin e forcave

të armatosura ose ato të sigurisë.

(53) Natyra specifike e kontratave, subjekt i kësaj

Direktive, gjithashtu tregon nevojën për të bërë

parashikime për rrethana të reja që mund të dalin

në fushat që kjo Direktivë mbulon.

(54) Forcat e armatosura të Shteteve Anëtare, për

shembull, mund të thirren të ndërhyjnë në situata

krize jashtë vendit, për shembull, si pjesë e

operacioneve paqeruajtëse. Në fillim ose gjatë kësaj

ndërhyrjeje, forcat e armatosura të Shteteve

Anëtare, mund të kenë nevojë për lidhjen e disa

kontratave me një shpejtësi që nuk përputhet me

afatet e zakonshme të procedurës së prokurimit të

parashikuara nga kjo Direktivë. Të tilla raste

emergjente mund të ketë edhe për forcat e sigurisë,

si për shembull në rastin e një sulmi terrorist në

territorin e BE-së.

(55) Nxitja e punës kërkimore dhe zhvillimore është një

mënyrë shumë e rëndësishme për të forcuar Bazën

Evropiane të Teknologjisë dhe Industrisë për

Mbrojtjen dhe zgjerimi i prokurimit ndihmon në

arritjen e këtij qëllimi. Rëndësia e punës kërkimore

dhe zhvillimore në këtë fushë specifike justifikon

fleksibilitetin maksimal për lidhjen e kontratave

për furnizime dhe shërbime për qëllime pune

shkencore. Megjithatë, në të njëjtën kohë ky

fleksibilitet nuk duhet të shmangë konkurrencën e

drejtë në fazat e mëvonshme të jetës së produktit.

Pra, kontratat e lidhura për çështje që i përkasin

punës kërkimore e zhvillimore duhet të mbulojnë

aktivitete deri në fazën e vlerësimit dhe heqjes sl

rrezikut të maturimit të teknologjive të reja.

Kontratat e lidhura në kuadër të punës kërkimore

dhe zhvillimore, nuk duhet të përdoren përtej kësaj

faze maturimi dhe pa rrezikshmërie, si mënyrë për

të shmangur dispozitat e kësaj Direktive, duke

përfshirë edhe paracaktimin e ofertuesit për fazat

në vijim.

Nga ana tjetër, autoritetet/entet kontraktore nuk

duhet të organizojnë një tender të veçantë për fazat

në vijim nëse kontrata ekzistuese që mbulon

aktivitetet e punës kërkimore përmban opsionin e

këtyre fazave dhe është lidhur me anë të një

procedure të kufizuar ose procedure me negocim

me shpalljen paraprake të njoftimit të kontratës,

ose sipas rastit, dialog individual.

(56) Për të garantuar transparencën duhen parashikuar

dispozita që autoritetet/entet kontraktore të

publikojnë informacionin e duhur para dhe në fund

të procedurës së prokurimit. Përveç kësaj,

informacione të mëtejshme u duhen dhënë

kandidatëve dhe ofertuesve në lidhje me rezultatet

e procedurës. Megjithatë, autoriteteve/enteve

kontraktore duhet t’u lejohet të mbajnë një pjesë të

këtij informacioni të kërkuar kur, dhe në atë masë

sa, dhënia e këtij informacioni do pengonte

zbatimin e ligjit ose do binte në kundërshtim me

interesin publik, do dëmtonte interesat tregtarë

legjitim të operatorëve ekonomikë ose mund të

cenonte konkurrencën e drejtë mes tyre. Bazuar te

natyra dhe karakteristikat e punëve, mallrave dhe

shërbimeve që rregullohen me këtë Direktivë, kanë

një lidhje të veçantë në këtë kuptim, shkaqet e

interesit publik që lidhen me përmbushjen e

dispozitave të detyrueshme në kuadër të politikës

kombëtare publike, sidomos për sa i përket

mbrojtjes dhe sigurisë.

(57) Duke marrë në konsideratë zhvillimet e reja në

teknologjinë e informacionit dhe komunikimit dhe

thjeshtëzimet që këto mund të sjellin, mjetet

elektronike duhet të vendosen në të njëjtin nivel

me mjetet tradicionale të komunikimit dhe

shkëmbimit të informacionit. Mjetet dhe

teknologjia e zgjedhur duhet të jetë kompatibël, sa

më shumë të jetë e mundur me teknologjitë e

përdorura në Shtetet e tjera Anëtare.


(58) Zhvillimi i një konkurrence efikase në prokurimet e

rregulluara nga kjo Direktivë, kërkon që në vendet

e BE-së të publikohen njoftimet për tender, të

hartuara nga autoritetet/entet kontraktore të

Shteteve Anëtare. Informacioni i përfshirë në këto

njoftime duhet të jetë i tillë, sa t’u japë mundësi

operatorëve ekonomikë të BE-së të përcaktojnë

nëse kontratat e propozuara përbëjnë interes për

ta. Për këtë qëllim, atyre ju duhet dhënë

informacioni i duhur për sa i përket objektit të

kontratës dhe kushteve përkatëse. Për këtë shkak,

duhet të garantohet një vizibilitet më i mirë për

njoftimet publike duke përdorur mjetet e duhura

siç janë formularët standarde të njoftimit të

kontratës dhe FPP, e cila është nomenklatura e

referencës për kontratat.

(59) Në kuadër të kësaj Direktive, për transmetimin e

informacionit me anë të mjeteve elektronike duhet

zbatuar Direktiva 1999/93/KE e Parlamentit dhe

Këshillit Evropian e datës 13 dhjetor 1999 për

kuadrin komunitar për nënshkrimin elektronik 1

dhe Direktiva 2000/31/KE e Parlamentit dhe

Këshillit Evropian e datës 8 qershor 2000 për disa

aspekte ligjore për shërbimet e shoqërisë së

informacionit, në veçanti tregtisë elektronike, në

tregun e brendshëm (Direktiva për tregtinë

elektronike) 2 . Procedurat e prokurimit kërkojnë

një nivel sigurie dhe konfidencialiteti më të lartë se

atë të përcaktuar nga Direktivat e lartpërmendura.

Rrjedhimisht, pajisjet për marrjen e ofertave

elektronike dhe kërkesave për të marrë pjesë në

tender duhet të përmbushin kriteret shtesë. Për

këtë qëllim, duhet të nxitet sa më shumë të jetë e

mundur përdorimi i nënshkrimeve elektronike,

veçanërisht i nënshkrimeve elektronike të

avancuara. Për më shumë, ekzistenca e skemave

vullnetare të akreditimit mund të përbëjë një

kuadër të favorshëm për të përmirësuar nivelin e

shërbimit të certifikimit për këto pajisje.

(60) Përdorimi i mjeteve elektronike kursen kohë.

Rrjedhimisht, duhet parashikuar shkurtimi i

afateve minimale për marrjen e ofertave dhe

kërkesave për të marrë pjesë në tender në rastet

kur përdoren mjetet elektronike, me kusht që ato

të përputhen me mënyrat specifike të transmetimit

të informacionit të parashikuara në nivel

komunitar.

(61) Verifikimi i përshtatshmërisë së kandidatëve dhe

përzgjedhja duhen bërë në kushte transparence.

Për këtë qëllim duhen shpallur kriteret jo

diskriminuese që autoritetet/entet kontraktore

mund të përdorin kur të zgjedhin kandidatët dhe

mjetet që operatorët ekonomikë mund të përdorin

për të provuar që ata i kanë plotësuar këto kritere.

1 GZ J L 13, 19.1.2000,faqe. 12.

Në këtë kuadër transparence, autoriteti/enti

kontraktor duhet të paraqesë, sapo të jetë bërë

shpallja e njoftimit të kontratës, kriteret e

përzgjedhjes që ai do përdorë dhe nivelin e aftësive

të veçanta që duhet të kenë operatorët ekonomikë,

nëse duhet, para se t’i pranojë të jenë pjesë e

procedurës së prokurimit.

(62) Një autoritet/ent kontraktor mund të kufizojë

numrin e kandidatëve tek procedurat e kufizuara

dhe me negocim, me shpalljen paraprake të

njoftimit të kontratës dhe në një dialog individual.

Çdo zvogëlim i numrit të kandidatëve duhet të

bëhet bazuar në kriteret objektive që janë pjesë e

njoftimit të kontratës. Ndërsa, për sa i përket

kritereve që lidhen me gjendjen personale të

operatorëve ekonomikë mund të jetë e

mjaftueshme një referencë e përgjithshme në

njoftimin e kontratës për situatat e parashikuara në

këtë Direktivë.

(63) Në dialogun individual dhe në procedurat me

negocim, me shpalljen paraprake të njoftimit të

kontratës, duke patur parasysh fleksibilitetin që

mund të duhet dhe kostot e larta të këtyre

metodave të prokurimit, autoritetet/entet

kontraktore duhet të kenë të drejtën të

parashikojnë që procedura të zhvillohet në faza

vijuese që, bazuar te kriteret e shpallura

paraprakisht, të ulin gradualisht numrin e ofertave

që do vijojnë me diskutimet ose negociatat. Ky

zvogëlim i numrit të kandidatëve duhet të

garantojë konkurrencën e vërtetë për sa kohë

numri i zgjidhjeve të duhura ose i kandidatëve e

lejon këtë.

(64) Në rastet kur kërkohet një kualifikimi i veçantë për

pjesëmarrje në procedurën e prokurimit, zbatohen

rregullat përkatëse komunitare për njohjen

reciproke të diplomave, certifikatave ose provave

të tjera të kualifikimeve formale.

(65) Duhet shmangur lidhja e kontratave me operatorë

ekonomikë që kanë qënë pjesë e organizatave

kriminale ose janë shpallur fajtor për veprat penale

të korrupsionit apo mashtrimit në dëm të

interesave financiarë të komuniteteve Evropiane, si

pastrim parash, financimin e terrorizmit ose vepra

penale terroriste. Sipas rastit, autoritetet/entet

kontraktore duhet t’u kërkojnë kandidatëve ose

ofertuesve të paraqesin dokumentet përkatëse dhe

nëse kanë dyshime në lidhje me gjendjen personale

të kandidatit apo ofertuesit, mund të kërkojnë

bashkëpunimin e autoriteteve kompetente të

Shtetit Anëtar të interesuar. Këta operatorë

ekonomikë duhet të përjashtohen sapo

2 GZ J L 178, 17.7.2000, faqe. 1.


autoriteti/enti kontraktor të jetë vënë në dijeni të

një vendimi gjyqësor për këto vepra penale i dhënë

në përputhje me legjislacionin kombëtar dhe ka

fuqinë e res judicata. Nëse e legjislacioni kombëtar

ka dispozita për këto çështje, mospërputhja e

legjislacionit të prokurimit për marrëveshjet e

paligjshme e cila ka qenë objekt i një vendimi

gjykate të formës së prerë ose vendim që ka të

njëjtin fuqi, mund të konsiderohet si shkelje që

ndikon në moralitetin profesional të operatorit

ekonomik në fjalë ose shkelje e rëndë. Gjithashtu

duhet të jetë i mundur përjashtimi i operatorëve

ekonomikë nëse autoriteti/enti kontraktor ka të

dhëna, në rast se janë dhënë nga burime të sigurta,

që tregojnë se ata nuk janë mjaftueshmërisht të

besueshëm sa për të përjashtuar rrezikun ndaj

sigurisë së Shtetit Anëtar. Këto rreziqe mund të

vinë nga disa karakteristika të produkteve të

furnizuara nga kandidati ose nga struktura

aksionere e kandidatit.

(66) Mospërmbushja e dispozitave kombëtare që

zbatojnë Direktivën 2000/78/KE e datës 27

dhjetor 2000 1 e cila përcakton nje kuadër të

përgjithshëm për trajtimin e barabartë në punësim

dhe e Direktivës 76/207/KE të datës 9 shkurt 1976

për zbatimin e parimit për trajtim të barabartë të

burrave dhe grave në aksesin në punësim, kurse

profesionale dhe promovim në punë, dhe kushte

pune2 i cili ka qënë subjekt i një vendimi gjyqësor

të prerë ose vendim me fuqi të njëjtë mund të

konsiderohet një shkelje që ndikon në moralitetin

profesional të operatorit ekonomik të interesuar

ose shkelje e rëndë.

(67) Duke pasur parasysh natyrën sekrete të sektorëve

të mbrojtjes dhe sigurisë, është shumë e

rëndësishme besueshmëria e operatorëve

ekonomikë fitues. Kjo besueshmëri varet,

veçanërisht, në aftësinë e tyre për të plotësuar

kërkesat e bëra nga autoriteti/enti kontraktor në

lidhje me sigurinë e mallit dhe sigurinë e

informacionit. Përveç kësaj, asnjë dispozitë e kësaj

Direktive nuk pengon autoritetin/entin kontraktor

të përjashtojë një operator ekonomik, në çdo fazë

të procesit për lidhjen e kontratës, nëse

autoriteti/enti kontraktor ka të dhëna se nëse i jep

një pjesë ose të gjithë kontratën atij operatori

ekonomik, mund të shkaktojë rrezik ndaj

interesave thelbësorë të sigurisë së atij Shteti

Anëtar.

(68) Në mungesë të regjimeve komunitare për sigurinë

e informacionit, duhet që autoritetet/entet

kontraktore ose Shtetet Anëtare të përcaktojnë

nivelin e aftësisë teknike që duhet të kenë

1GZ L 303, 2.12.2000, faqe. 16

ofertuesit për pjesëmarrjen në një procedurë

prokurimi dhe për të vlerësuar nëse kandidatët

kanë arritur nivelin e kërkuar të sigurisë. Në shumë

raste, Shtetet Anëtare kanë marrëveshje dypalëshe

për sigurinë duke përcaktuar rregulla për njohjen

reciproke të certifikatave kombëtarë të sigurisë.

Edhe kur këto marrëveshje ekzistojnë, kapacitetet

e operatorëve ekonomikë nga një tjetër Shtet

Anëtar mund të verifikohen në lidhje me sigurinë e

informacionit dhe ky verifikim duhet të kryhet

sipas parimeve të mosdiskriminimit, trajtimit të

barabartë dhe proporcionalitetit.

(69) Përcaktimi i ofertës fituese duhet të bëhet bazuar

te kriteret objektive që përmbushin parimet e

transparencës, mosdiskriminimit dhe trajtimit të

barabartë dhe që garantojnë që ofertat janë

vlerësuar në një mënyrë transparente dhe

objektive sipas kushteve të konkurencës. Si

rezultat, është e përshtatshme që të lejohet

vendosja e vetëm dy kritereve: ‘çmimi më i ulët’ dhe

‘oferta ekonomikisht më e favorshme’.

(70) Për të garantuar përmbushjen e parimit të trajtimit

të barabartë kur vlerësohen ofertat, duhet

vendosur një detyrim i cili bazohet në precedent,

për të siguruar transparencën e nevojshme që u jep

mundësi të gjithë ofertuesve të jenë të informuar

për kriteret dhe procedurat që do ndiqen për të

identifikuar ofertën ekonomikisht më të

favorshme. Prandaj, është përgjegjësia e

autoriteteve/enteve kontraktore të shpallin

kriteret dhe peshën për secilin kriter, duke i dhënë

mjaftueshëm kohë ofertuesve të jetë në dijeni të

tyre kur hartojnë ofertën. Autoritetet/entet

kontraktore mund të mos e përcaktojnë peshën e

secilit kriter në rastet plotësisht të justifikuara ku

ata japin arsyet se pse pesha për secilin kriter nuk

mund të përcaktohej paraprakisht, sidomos për

shkak të kompleksitetit të kontratës. Në raste të

tilla ata duhet të përcaktojnë rëndësinë e kriterit

sipas një rendi zbritës.

(71) Kur autoritetet/entet kontraktore përzgjedhin

fituese ofertën ekonomikisht më të favorshme, ata

duhet të vlerësojnë ofertat për të vlerësuar se cila

nga ato ofron raportin më të mirë cilësi/çmim. Për

të arritur këtë, ata duhet të përcaktojnë kriterin

ekonomik dhe atë të cilësisë, të cilat, të marra së

bashku, duhet të mundësojnë zgjedhjen e ofertës

ekonomikisht më të favorshme për

autoritetin/entin kontraktor. Përcaktimi i këtyre

kritereve varet nga objekti i kontratës, meqenëse

ato duhet të lejojnë vlerësimin e performacës së

ofruar nga çdo ofertues kundrejt objektit të

kontratës, siç është përcaktuar në specifikimet

2 GZ L 39, 14.2.1976, faqe. 40.


teknike dhe vlerësimin e raportit më të mirë

cilësi/çmim për secilën ofertë.

(72) Përmbushja e detyrimeve të transparencës dhe

konkurrencës duhet të garantohet nga një sistem

efiçent shqyrtimi bazuar në sistemin e parashikuar

nga Direktivat 89/665/EKE 1 dhe 92/13/EKE 2 ,

ndryshuar me Direktivën 2007/66/KE e

Parlamentit Evropian dhe Këshillit3, për kontratat

që rregullohen me Direktivat 2004/17/KE dhe

2004/18/KE. Duhet parashikuar, në veçanti,

mundësia e ankimimit të procedurës së prokurimit,

para se të nënshkruhet kontrata, përveç garancive

të nevojshme të efiçensës së shqyrtimit, të tilla si

periudha e pezullimit. Gjithashtu duhet të

parashikohet mundësia e ankimimit kundër

prokurimeve të drejtpërdrejta, të paligjshme ose

kontrata të lidhura në shkelje të kësaj Direktive.

(73) Megjithatë, procedurat e ankimimit duhet të

marrin parasysh mbrojtjen e interesave të

mbrojtjes dhe sigurisë për sa i përket vendosjes së

procedurave të organeve të ankimimit, zgjedhjen e

masave të ndërmjetme ose sanksione në rast të

shkeljeve të detyrimeve të transparencës dhe

konkurrencës. Shtetet Anëtare duhet të arrijnë të

parashikojnë që organi i ankimimit, i pavarur nga

autoriteti/enti kontraktor, mos e konsiderojë një

kontratë si të pavlefshme, pavarësisht se nuk është

prokuruar sipas kësaj Direktive, nëse organi i

ankimimit, pasi ka shqyrtuar të gjitha elementet

përkatëse, kupton se rrethanat e jashtëzakonshme

të rastit në fjalë kërkojnë përmbushjen e një

interesi më të lartë. Bazuar në natyrën dhe

karakteristikat e punëve, mallrave dhe shërbimeve

që rregullohen nga kjo Direktivë, këto arsye

parësore duhet së pari, dhe kryesisht, të lidhen me

interesat e përgjithshme të mbrojtjes dhe sigurisë

së Shteteve Anëtare. Kjo mund të ndodhë, për

shembull, kur pavlefshmëria e kontratës do

rrezikonte seriozisht jo vetëm projektin në fjalë por

edhe ekzistencën e programit më të gjerë për

mbrojtjen dhe/ose sigurinë, pjesë e së cilit është

projekti.

(74) Duhet që disa kushte teknike dhe në veçanti ato që

kanë të bëjnë me njoftimin e kontratës dhe raportet

statistikore, si dhe nomenklaturën e përdorur dhe

kushtet e referencës të kësaj nomenklature të

përshtaten dhe të ndryshohen në përputhje me

1 Direktiva e Këshillit /665/KBE datë 21 dhjetor 1989 për koordinimin

e ligjeve, rregullave dhe dispozitave administrative që kanë të bëjnë me procedurat e shqyrtimit për prokurimin e kontratave për punë dhe shërbime publike (GZ L 395, 30.12.1989, faqe. 33). 2Direktiva e Këshillit 92/13/KBE datë 25 shkurt 1992 për koordinimin

e e ligjeve, rregullave dhe dispozitave administrative që kanë të bëjnë me zbatimin e rregullave komunitare për procedurat e prokurimit të

kërkesat teknike. Prandaj do ishte e përshtatshme

që të përcaktohej një procedurë fleksibël dhe që

mund të përshtatet shpejt.

(75) Masat e nevojshme për zbatimin e kësaj Direktive

duhet të miratohen mbështetur në Vendimin e

Këshillit 1999/468/KE datë 28 qershor 1999 që

parashtron procedurat e ushtrimit të

kompetencave zbatuese që i janë dhënë

Komisionit4.

(76) Në veçanti, Komisioni duhet të fuqizohet për të

rishikuar vlerat e kufirit monetar për kontratat

duke i përshtatur me kufijtë monetarë të

parashikuar nga Direktiva 2004/17/KE dhe për të

ndryshuar disa numra reference në nomenklaturën

e FPP-së dhe procedurat për referencë te njoftimet

tek disa tituj në FPP si dhe detajet teknike dhe

karakteristikat e mjeteve për dorëzime

elektronike.

Meqenëse këto masa i përkasin qëllimit të

përgjithshëm dhe janë të hartuar për të ndryshuar

elementet jo thelbësore të kësaj Direktive, ato

duhet të miratohen në përputhje me procedurën

rregulllatore me shqyrtim që parashikohet në

Nenin 5a të Vendimit 1999/468/KE.

(77) Kur për shkak të emergjencës nuk mund të

vendosen kufijtë kohorë normal për procedurën

rregullatore me shqyrtim, Komisioni mund të

përdorë procedurën emergjente që parashikohet

nga Neni 5a (6) i Vendimit 1999/468/KE për

miratimin e këtyre masave.

(78) Sipas pikës 34 të marrëveshjes ndër-institucionale

për përmirësimin e ligjbërjes 5 , Shtetet Anëtare

nxiten të hartojnë për veten e tyre dhe në interes të

komunitetit, tabelat e tyre që tregojnë, sa më

shumë të jetë e mundur, lidhjen mes kësaj Direktive

dhe masat e transpozimit, si dhe t’i bëjë ato publike.

(79) Komisioni duhet të bëjë një vlerësim periodik për

të shqyrtuar nëse tregu i pajisjeve ushtarake po

funksionon në një mënyrë të hapur, transparente

dhe konkurruese, duke përfshirë edhe ndikimin e

kësaj Direktive në treg, për shembull përfshirjen e

SME-ve,

enteve që punojnë në sektorët e furnizimit me ujë, energjisë, transportit dhe telekomunikacionit (GZ L 76, 23.3.1992, faqe. 14). 3Direktiva 2007/66/KE e Parlamentit Europian dhe Këshillit datë 11

dhjetor 2007, Direktiva amenduese e Këshillit 89/665/KBE për përmirësimin e efikasitetit dhe procedurave të shqyrtimit për prokurimin e kontratave publike(GZ L 335,20.12.2007,faqe. 31). 4 GZ L 184, 17.7.1999,faqe. 23. 5 GZ C 321, 31.12.2003,faqe. 1.


MIRATOJNË KËTË DIREKTIVË:


PËRMBAJTJA

TITULLI I PËRKUFIZIMET, OBJEKTI DHE PARIMET E PËRGJITHSHME

Neni 1. Përkufizimet

Neni 2. Objekti dhe qëllimi

Neni 3. Kontratat e përziera

Neni 4. Parimet e përzgjedhjes

TITULLI II RREGULLAT E PËRGJITHSHME TË PROKURIMIT

KREU I Dispozita të përgjithshme

Neni 5. Operatorët ekonomikë

Neni 6. Fshehtësia e procesit

Neni 7. Mbrojtja e informacionit të klasifikuar

KREU II Kufijtë monetarë, organet qendrore blerëse dhe dispozitat e përjashtimit

Seksioni 1. Kufijtë monetarë

Neni 8. Kufijtë monetarë për kontratat

Neni 9. Metodat e përllogaritjes së vlerës në kontratave dhe marrëveshjeve kuadër

Seksioni 2. Organet qendrore blerëse

Neni 10. Kontratat dhe marrëveshjet kuadër që lidhen nga organet qendrore blerëse

Seksioni 3. Kontratat e përjashtuara

Neni 11. Përdorimi i përjashtimeve

Neni 12. Kontratat e lidhura në përputhje me rregullat ndërkombëtare

Neni 13. Përjashtimet e veçanta

Seksioni 4. Marrëveshjet e veçanta

Neni 14. Kontratat e rezervuara

KREU III Dispozitat për kontratat e shërbimit

Neni 15. Kontratat e shërbimit të listuara në Shtojcën I

Neni 16. Kontratat e shërbimit të listuara në Shtojcën II

Neni 17. Kontratat e përziera, përfshirë shërbimet e listuara në Shtojcat I dhe II


KREU IV Rregullat e posaçme për dokumentacionin e tenderit

Neni 18. Specifikimet teknike

Neni 19. Variantet

Neni 20. Kushtet për zbatimin e kontratave

Neni 21. Nën-kontraktimi

Neni 22. Siguria e informacionit

Neni 23. Siguria e mallit

Neni 24. Detyrimet në lidhje me taksat, mbrojtjen e mjedisit, dispozitat për

mbrojtjen e punësimit dhe kushtet e punës

KREU V Procedurat

Neni 25. Procedurat që ndiqen

Neni 26. Procedura me negocim, me shpallje paraprake të njoftimit të kontratës

Neni 27. Dialogu individual

Neni 28. Procedura me negocim, pa shpalljen paraprake të njoftimit të kontratës

Neni 29. Marrëveshjet kuadër

KREU VI Rregullat për njoftimet dhe transparencën

Seksioni 1. Shpallja e njoftimeve

Neni 30. Njoftimet

Neni 31. Shpallja jo e detyrueshme

Neni 32. Forma dhe mënyra e shpalljes së njoftimeve

Seksioni 2. Afatet kohore

Neni 33. Afatet kohore për pritjen e kërkesave për pjesëmarrje dhe dorëzimin e

ofertave

Seksioni 3. Përmbajtja e informacionit dhe mjetet e transmetimit

Neni 34. Ftesat për pjesëmarrje në tender, negociata apo dialog individual

Neni 35. Informacioni për kandidatët dhe ofertuesit

Seksioni 4. Komunikimi

Neni 36. Rregullat që zbatohen për komunikimin

Seksioni 5. Raportet


Neni 37. Përmbajtja e raporteve

KREU VII Procedura

Seksioni 1. Dispozita të përgjithshme

Neni 38. Verifikimi i përshtatshmërisë, përzgjedhja e pjesëmarrësve dhe dhënia e

kontratave

Seksioni 2. Kriteret për përzgjedhjen cilësore

Neni 39. Gjendja personale e kandidatëve apo ofertuesve

Neni 40. Përshtatshmëria për të ndjekur veprimtarinë profesionale

Neni 41. Gjendja ekonomike dhe financiare

Neni 42. Aftësitë teknike dhe profesionale

Neni 43. Standardet e sistemeve të menaxhimit të cilësisë

Neni 44. Standardet e menaxhimit të mjedisit

Neni 45. Dokumentacion dhe informacion shtesë

Neni 46. Lista zyrtare e operatorëve ekonomikë të miratuar dhe certifikimi nga

organe të përcaktuara nga ligji privat ose publik

Seksioni 3. Dhënia e kontratës

Neni 47. Kriteret e dhënies së kontratës

Neni 48. Përdorimi i ankandeve elektronike

Neni 49. Oferta anomalisht të ulëta

TITULLI III RREGULLAT E ZBATUESHME PËR NËNKONTRAKTIMIN

KREU I Nënkontratat e dhëna nga ofertues fitues që nuk janë autoritete/ente

kontraktore

Neni 50. Qëllimi

Neni 51. Parimet

Neni 52. Kufijtë monetarë dhe rregullat për reklamat

Neni 53. Kriteret për përzgjedhjen cilësore të nënkontraktorëve

KREU II Nënkontratat e akorduara nga ofertues fitues që janë autoritet/ente

kontraktore

Neni 54. Rregullat e zbatueshme

TITULLI IV RREGULLAT E ZBATUESHME PËR RISHIKIMET


Neni 55. Qëllimi dhe disponueshmëria e procedurave të shqyrtimit

Neni 56. Kërkesat për procedurat e shqyrtimit

Neni 57. Periudha e pezullimit

Neni 58. Përjashtimi nga periudha e pezullimit

Neni 59. Afati kohor për aplikim për rishikim

Neni 60. Jo-efektiviteti

Neni 61. Shkeljet e kësaj pjese dhe dënimet alternative

Neni 62. Afatet

Neni 63. Mekanizmi korrigjues

Neni 64. Përmbajtja e një njoftimi për transparencë vullnetare ex ante

TITULLI V DETYRIME STATISTIKORE, KOMPETENCAT EKZEKUTIVE DHE DISPOZITA

TË FUNDIT

Neni 65. Detyrime statistikore

Neni 66. Përmbajtja e raportit statistikor

Neni 67. Procedura e Komitetit

Neni 68. Shqyrtimi i kufijve monetarë

Neni 69. Ndryshimet

Neni 70. Ndryshimi i Direktivës 2004/17/KE

Neni 71. Ndryshimi i Direktivës 2004/18/KE

Neni 72. Përafrimi

Neni 73. Shqyrtimi dhe raportimi

Neni 74. Hyrja në fuqi

Neni 75. Marrësit

SHTOJCAT

Shtojca I Shërbimet e referuara në Nenet 2 dhe 15

Shtojca II Shërbimet e referuara në Nenet 2 dhe 16

Shtojca III Përkufizimi i disa specifikimeve teknike të përmendura në Nenin 18

Shtojca IV Informacioni për tu përfshirë në njoftimet e përmendura në Nenin 30


Shtojca V Informacioni për t’u përfshirë në njoftimet për nën-kontraktimet e

përmendura në Nenin 52

Shtojca VI Veçori në lidhje me publikimin

Shtojca VII Regjistrat

Shtojca VIII Kërkesa në lidhje me pajisjet për marrjen elektronike të kërkesave për

pjesëmarrje dhe oferta


KREU I

PËRKUFIZIMET, OBJEKTI DHE PARIMET E

PËRGJITHSHME

Neni 1

Përkufizime

Në zbatim të kësaj Direktive, termat e

mëposhtëm kanë këto kuptime:

1. ‘Fjalori i Përbashkët i Prokurimeve (FPP)’

është nomenklatura e referencës që zbatohet

për kontratat e lidhura nga autoritetet/entet

kontraktore, miratuar nga Rregullorja (KE)

Nr 2195/2002;

2. ‘Kontratë’ është kontrata me shkrim, e

lidhur për interes financiar në përputhje me

Nenin 1(2)(a) të Direktivës 2004/17/KE

dhe Nenin 1(2)(a) të Direktivës

2004/18/KE;

3. ‘Kontratat për punë’ janë kontratat që kanë

si objekt të tyre realizimin, projektimin dhe

realizimin e punëve ose punëve që lidhen me

një nga aktivitetet e përmendura në Pjesën

45 të FPP-së, ose realizimin me çfarëdo mjeti

të një pune, që përputhet me kërkesat e

përcaktuara nga autoriteti/enti kontraktor.

Një ‘punë’ është rezultati i punëve ndërtuese

ose të inxhinierisë civile e marrë si e tërë e

cila mjafton të plotësojë një funksion

ekonomik apo teknik;

4. ‘Kontrata furnizimi’ janë kontrata të

ndryshme nga kontrata e punëve që kanë si

objekt të tyre blerjen, qiradhënien, blerjen

ose blerjen me këste të mallrave, me ose pa

zgjedhjen e blerjes së mallrave.

Një kontratë që ka si objekt të saj furnizimin

me mallra dhe e cila përfshin, si çështje

dytësore, vendosjen dhe instalimin do të

vlerësohet si “kontratë furnizimi”;

5. ‘Kontrata shërbimi’ janë kontratat që kanë si

objekt të tyre kryerjen e shërbimeve.

Një kontratë që ka si objekt të saj edhe

mallrat dhe shërbimet do të vlerësohet si

“kontratë shërbimi” nëse vlera e shërbimeve

në kontratë e kalon atë të mallrave në të

njëjtën kontratë.

Një kontratë që ka si objekt të saj shërbimet,

por që përfshin aktivitetet e përmendura në

Pjesën 45 të FPP-së që janë të lidhura në

mënyrë dytësore me objektin kryesor të

kontratës do të vlerësohet si kontratë

shërbimi;

6. ‘Pajisje ushtarake’ janë pajisjet e projektuara

posaçërisht ose të përshtatura për qëllime

ushtarake dhe do përdoren si armë,

municion apo bazë materiale për luftë;

7. ‘Pajisje sekrete’, ‘punë sekrete’ dhe

‘shërbime sekrete’ janë pajisjet, punët dhe

shërbimet që për arsye sigurie përfshijnë,

kërkojnë dhe/ose përmbajnë informacion të

klasifikuar;

8. ‘Informacion i klasifikuar’ është çdo

informacion ose material, pavarësisht

formës, natyrës apo mënyrës së

transmetimit, të cilit i është dhënë një nivel

klasifikimi sigurie apo mbrojtjeje dhe i cili,

në interes të sigurisë kombëtare dhe në

përputhje me ligjet, rregulloret apo

dispozitat administrative që janë në fuqi në

Shtetet Anëtare të interesuara, kërkon

mbrojtje nga keqpërdorimi, shkatërrimi,

përvetësimi, shpërndarja, humbja apo aksesi

nga ndonjë individ i paautorizuar ose çdo lloj

tjetër kompromentimi;

9. ‘Qeveri” është Shteti, qeveria rajonale apo

vendore e Shtetit Anëtar ose e vendit të tretë;

10. ‘Krizë’ është çdo situatë në një Shtet Anëtar

apo vend të tretë ku ka ndodhur një ngjarje e

rëndë e cila qartazi ka tejkaluar ngjarjet e

dëmshme të jetës së përditshme dhe që

rrezikon ose kufizon gjerësisht jetën dhe

shëndetin e njerëzve, ose ka një ndikim

domethënës në vlerat e pronave, ose kërkon

marrjen e masave për të furnizuar

popullsinë me mallra bazë; do të quhet krizë

edhe kur mendohet se ngjarje të dëmshme

do ndodhin shumë shpejt; në kuptimin e

kësaj Direktive,konfliktet me armë dhe

luftërat do konsiderohen kriza;


11. ‘Marrëveshja kuadër’ është një marrëveshje

ndërmjet një ose më shumë

autoriteteve/enteve kontraktore dhe një a

më shumë operatorëve ekonomikë qëllimi i

së cilës është të vendosë kushtet e

kontratave, që do të prokurohen gjatë një

periudhe të caktuar kohe, veçanërisht ato që

kanë lidhje me çmimin dhe, aty ku është e

përshtatshme, me sasitë e parashikuara;

12. ‘Blerje elektronike’ është një proces i

herëpashershëm që përfshin një mënyrë

elektronike për paraqitjen e çmimeve të reja,

më të ulëta, dhe/ose vlerave të reja mbi

elemente të veçanta të ofertës dhe që kryhet

pas vlerësimit paraprak të ofertave, duke i

klasifikuar ato nëpërmjet metodave të

vlerësimit automatik.

Rrjedhimisht, disa lloje kontratash shërbimi

dhe disa lloje kontratash pune, që kanë si

objekt kryesor punën intelektuale, të tilla si

projektimi punëve, nuk mund të jenë objekt i

blerjes elektronike;

13. ‘Kontraktor’, ‘furnizues’ dhe ‘ofrues i

shërbimit’ është çdo person fizik, juridik apo

ent publik ose grup personash dhe/ose

organesh të tilla, që ofrojnë në treg

sipërmarrjen e një ose disa punëve,

furnizimin me mallra ose shërbime;

14. ‘Operator ekonomik’ është një kontraktor,

furnizues ose ofrues i shërbimeve. Përdoret

si term për thjeshtim;

15. ‘Kandidat’ është operatori ekonomik që

kërkon të ftohet në një procedurë të kufizuar

ose me negocim ose një dialog individual;

16. ‘Ofertues’ është operatori ekonomik që

paraqet një ofertë në një procedurë të

kufizuar ose me negocim ose në një dialog

individual;

17. ‘Autoritet/ent kontraktor’ është çdo

autoritet kontraktor sipas Nenit 1(9) të

Direktivës 2004/18/KE dhe çdo ent

kontraktor sipas Nenit 2 të Direktivës

2004/17/KE;

18. ‘Organ qendror blerës’ është çdo

autoritet/ent kontraktor parashikuar nga

Neni 1 (9) i Direktivës 2004/18/KE dhe Neni

2(1)(a) i Direktivës 2004/17/KE, ose një

organ publik Evropian, i cili:

— siguron mallra dhe/ose shërbime për

autoritetet/entet kontraktore,

— prokuron ose lidh marrëveshje kuadër

për punë, mallra ose shërbime për

autoritetet/entet kontraktore,

19. ‘Procedura e kufizuar’ është procedura

përmes së cilës çdo operator ekonomik

mund të kërkojë të jetë pjesë, por vetëm

operatorët ekonomikë të ftuar nga

autoriteti/enti kontraktor mund të

paraqesin një ofertë;

20. ‘Procedurë me negocim’ është procedura,

përmes së cilës autoriteti/enti kontraktor

përzgjedh vetë operatorët ekonomikë dhe

negocion kushtet e kontratës me një ose më

shumë prej tyre;

21. ‘Dialogu individual’ është procedura, përmes

së cilës çdo operator ekonomik mund të

kërkojë të jetë pjesë, dhe autoriteti/enti

kontraktor komunikon me kandidatët e

përzgjedhur prej tij, me qëllim paraqitjen e

një ose më shumë alternativave që

plotësojnë kërkesat e tij, dhe bazuar në

alternativat që ofrohen, kandidatët e

përzgjedhur ftohen të paraqesin ofertë.

Me qëllim kthimin te procedura e

parashikuar te nënparagrafi i parë, një

kontratë quhet “veçanërisht e komplikuar”

kur autoriteti/enti kontraktor e ka

objektivisht të pamundur:

— të përcaktojë mjetet teknike sipas Nenit

18(3)(b), (c) ose (d), që plotësojnë

nevojat apo qëllimet e tyre,

— të specifikojë elementet ligjore dhe/ose

financiare të një projekti,

22. ‘Nënkontrata’ është kontrata me shkrim, e

lidhur për interes financiar mes ofertuesit

fitues dhe një a më shumë operatorëve

ekonomikë për të zbatuar kontratën dhe ka

objekt të saj punime, furnizim me mallra apo

kryerjen e shërbimeve;


23. ‘Sipërmarrje e ndërlidhur’ është çdo

sipërmarrje mbi të cilën sipërmarrësi fitues

mund të ushtrojë, drejtpërdrejtë apo

tërthorazi, ndikim mbizotërues ose (II) çdo

sipërmarrje që ushtron ndikim mbizotërues

mbi sipërmarrësin fitues përkatës, ose (III)

që, bashkë me sipërmarrësit përkatës, i

nënshtrohet ndikimit mbizotërues të

sipërmarrjes tjetër për shkak të pronësisë që

kanë mbi të, pjesëmarrjes financiare në të

ose dispozitave që e rregullojnë atë. Ndikim

mbizotërues që ushtrohet nga ana e

sipërmarrësit nënkuptohet kur një

sipërmarrje, drejtpërdrejtë apo tërthorazi,

në lidhje me një tjetër sipërmarrje:

— mban shumicën e kapitalit të

sipërmarrjes,

— kontrollon shu

Documents

DIREKTIVA 2009/81/KEE PARLAMENTIT DHE KËSHILLIT …parlament.al/Files/ProjektLigje... · Qëndrimin e Komisionit të datës 5 dhjetor 2007 për ... L 216 / 3 Gazeta Zyrtare e Bashkimit