Upload
others
View
5
Download
0
Embed Size (px)
Citation preview
Tema mësimore:Tretësirat
Rezultatet e të nxënit: Përshkruan se çka janë tretësirat
Tregon se si formohen tretësirat
Kupton se cili është tretësi dhe cila
substanca e tretur
Shpjegon ndikimin e temperaturës në
tretshmërinë e substancave
Identifikon tretësirat nga jo tretësirat
Udhëzime për shpjegimin e temës:
Para se të filloni të realizoni temën mësimore, diskutoni me fëmijën tuaj rreth termit tretësirë duke e njoftuar atë me temën për të cilën do të mësoni.
Metoda e demonstrimit: Udhëzoni fëmijën që të merr një gotë me ujë, të shtojë një lugë sheqer ose kripë dhe ta përziejë me lugë. Shpjegoni fëmijës se në këtë rast keni fituar një tretësirë. Po ashtu, së bashku me fëmijën, përgatisni çajin ose kafenë në shtëpi dhe tregoni atij/asaj se edhe kjo është një lloj tretësire.
Më poshtë do të gjeni material të nevojshëm që mund ta diskutoni me fëmijën, si dhe aktivitetet për temën përkatëse.
Tema mësimore: Tretësirat
Tretësirat mund të fitohen me përzierjen e substancave nga të gjitha gjendjet agregate, po
edhe vetë tretjet gjenden në të gjitha gjendje agregate. Për shembull, çaji është tretësira e ujit
me çaj, kafeja është tretësira e ujit me kafe, ajri është tretje e gaztë, uji i detit dhe i liqenit
janë tretje të lëngëta, po ashtu edhe uji i çezmës. Një nga llojet e përzierjeve më të
rëndësishme dhe më shumë të përdorshme janë përzierjet homogjene – tretësirat.
Nëse marrim një lugë kripë ose sheqer dhe e qesim në një gotë me ujë dhe fillojmë ta
përziejmë me lugë shohim që grimcat e sheqerit apo kripës do humbin në ujë. Në fakt ato nuk
kanë humbur, por vetëm janë tretur në ujë. Kjo mund të vërtetohet duke e provuar shijen e
ujit dhe me këtë rast mund të konstatojmë se uji ka shije të ëmbël ose të njelmët. Kjo
përzierje e ujit me sheqer ose kripë quhet tretësirë.
Fig. 1. Tretja e sheqerit ne ujë
Tretësirat janë përzierje homogjene. Çdo tretësirë përbëhet nga tretësi dhe substanca e tretur.
Tretësi më i mirë dhe më universal i substancave kimike është uji. Uji si molekulë polare ka
aftësi të mëdha për të tretur substanca të ndryshme. Zakonisht tretësi është komponentë e cila
gjendet në sasi më të madhe, ndërsa substanca e tretur është komponentë me sasi më të vogël
në tretësirë. Tretësirë është edhe nëse marrim një gotë ujë dhe aty shtojmë një lugë sodë buke
dhe e përziejmë siç po e shihni në foton e mëposhtme. Këtu tretësi është uji kurse soda e
bukës është substanca e tretur. Nga jeta e përditshme e dimë se disa substanca treten në ujë, e
disa nuk treten në ujë, por në disa substanca të tjera. Për shembull, vajrat nuk treten në ujë,
por treten në substanca të tjera. Po ashtu, e dimë se disa substanca më lehtë treten në ujë, e
disa më vështirë ose pasi tretja do të nxehet, etj.
Merrni një gotë me ujë, shtoni ca vaj dhe filloni ta përzieni me lugë. Do të shihni që vaji nuk
tretet në ujë. A e dini pse? Vaji është molekulë jo polare kurse uji është molekulë polare
andaj kuptojmë që në ujë treten vetëm ato substanca që janë polare sikurse uji.
Fig 2. Vaji në ujë nuk tretet
Fig. 3. Soda e bukës tretet ne ujë
Tretësirat ku uji përdoret si tretës quhet tretësira ujore, kurse tretësirat ku si tretës përdoret
ndonjë tretës tjetër quhen tretësira jo ujore.
Tema: Tretësirat
Aktiviteti 1. Demonstrojmë tretjen e kripës ose sheqerit dhe akullit në ujë të ftohtë.
Udhëzimet për detyrë: E mbushim një gotë me ujë (të ftohtë ) dhe i vendosim nga dy lugë
të ushqimit me kripë, sheqer apo akull dhe e shohim se si treten dhe zhduken ne ujë pas një
kohe kristalet e sheqerit ose kripës.
Fig 4.Tretja e kripës ose sheqerit në ujë të ftohtë
Fig .5. Tretja e akullit në ujë
Udhëzimet për detyrë: Merrni një enë, mbushni me ujë dhe shtoni sheqer ose kripë, pastaj
filloni ta ngrohni ujin. Shikoni se si tretet sheqeri ose kripa në ujë dhe për sa kohë po treten.
Udhëzimet për detyrën: Merrni një enë, mbushni me ujë dhe shtoni ca akull, pastaj filloni
ta ngrohni ujin. Shikoni se si tretet akulli në ujë dhe për sa kohë po tretet.
Tema : Tretësirat
Aktiviteti 2. Identifikojmë tretësin dhe substancën e tretur
Sheqeri – Substanca e tretur
Uji - Tretësi
Kjo përzirje e ujit me sheqer quhet Sherbeti, perndryshe kjo është
tretësira e ujit me sheqer
Aktiviteti 3. Dallojmë tretësirat nga jo tretësirat
Udhëzimet për detyrë: Lidh me anë të shigjetës fotot që na tregojnë se cilat janë jo tretësira.
Tretësirat Jo tretësirat
Kafeja e bluar Rëra e detit
Metalet