Upload
others
View
4
Download
0
Embed Size (px)
Citation preview
Die beginpunt en fondasie van Ruimsig Gemeente is om by “God se
Storie” te begin
God van liefde nooi almal uit om deel te word van Sy koninkryk wat Hy
sigbaar gemaak het op aarde deur Sy seun, Jesus Christus.
Hierdie koninkryk is besig om te ontvou deur die Heilige Gees en die
plaaslike gemeente is die getuie daarvan.
God is orals vir almal, wat beteken dat die uitnodiging om deel te word
van God se koninkryk niemand uitsluit nie, maar dit is belangrik om te
besef dat wanneer persone nie die uitnodiging aanvaar nie, hulle hulself
uitsluit.
Persone wat God se uitnodiging aanvaar, nooi God om deel te word van
alle areas van hulle lewens.
Visie: Connect waar jy is
Reeds in Genesis is dit duidelik dat God na ’n verhouding met die mens
smag. Daarom het God Sy Seun gestuur om die gebroke verhouding
tussen God en mens as gevolg van die sondeval te herstel.
Dit is juis om hierdie rede dat Jesus na die aarde gekom het, juis om
sodoende elke mens te roep om in verhouding met Hom te staan (Luk.
19:10; Op. 3:20; Tit. 2:11)
Elkeen van ons is verskillend en het verskillende belange, talente, gawes,
persoonlikhede, sterk punte en verhoudings met verskillende mense.
Daarom wil God elkeen van ons, Sy unieke skepsels, op ’n unieke manier
gebruik, net daar waar ons is. Jesus is die perfekte voorbeeld van
konneksie met God, oral waar Hy was met almal.
Missie
Ruimsig Gemeente wil jou bewus maak van God se uitnodiging om met
jou te “connect” waar jy is. Daarom wil ons jou uitdaag en motiveer om
in ‘n intieme verhouding met God te leef, ’n invloed in mekaar se lewens
te hê en ’n impak in die wêreld te maak.
Besoek gerus www.ruimsig.com en klik op “Connect met Ruimsig” en dan
“Visie en Missie” vir die Bybelse beginsels vir ons visie en missie.
Groei-ritmes:
Elke mens lewe volgens ‘n unieke ritme en ons lewens is dikwels in
boksies gedeel: my familielewe, my werkslewe, my finansies, ens.
Daarom is dit ook algemeen dat ons God net deel sien van ons ‘’geestelike
lewe”, maar Jesus se boodskap van lewe in oorvloed is van toepassing in
elke deel van ons lewens. Dikwels glo ek in my kop/hart sekere dinge,
maar my aksies is in kontras of dui op ‘n ander realiteit. Die Groei-ritme is
‘n manier om ons te help om God in elke deel van ons lewe raak te sien
en toe te laat.
Elke ritme stel ‘n groepering van vrae en temas voor. Elkeen van hierdie
ritmes is deel van ‘n uitnodiging wat Jesus aan ons rig om Hom te volg en
dit is ‘n manier om hierdie skeidings af te breek en om God se uitnodiging
na lewe, in elke aspek van my lewe te begin ervaar.
In die Evangelies is daar menige stories en leringe waar ons kan uitvind
wat God se hart is vir elkeen van hierdie ritmes. Ons glo dat die Heilige
Gees ‘n woning maak in ons, en reeds besig is; daarom is die ritmes ‘n
manier om hierdie werking raak te sien.
Die fondasie van Ruimsig se Groei-ritme is dat God van liefde almal
uitnooi om deel te word van Sy koninkryk wat Hy sigbaar gemaak het op
aarde deur Sy seun Jesus Christus. Hierdie koninkryk is besig om te
ontvou deur die Heilige Gees en die plaaslike gemeente is die getuie
daarvan. God is orals vir almal.
‘PLUG’
Uitnodiging: God nooi my tot verhouding met Hom
Skrif: Joh. 3:16 (Matt. 11:28; Tit. 2:11; Op. 3:20)
Outcome: Intieme verhouding met God
Vraag: Hoe connect ek met God?
Hoe bou ek ‘n verhouding met God? / Hoe hoor
ek God se stem? / Waar kry ek krag? / Wat
inspireer my? / Hoe verstaan 'n mens die
Skrif? / Hoe lyk my alleentyd saam met God? /
Wat wil God tans aan my kommunikeer? /
Watter dissiplines kan my help om God te leer
ken? / Hoe word ek deur God geken?
EETGEREI
Uitnodiging: God nooi my om my naaste lief te hê
Skrif: Matt. 22:37 (Matt. 22:29-37; Luk. 10:29-37)
Outcome: Naaste liefde d.m.v. Invloed
Vraag: Wie sit om my tafel?
Wie deel my lewenswandel met my? / Wie is in
my binnekring? / Wie kan ek vertrou? / Wie
bou my op en spoor my aan? / Hoe gaan dit met
my gesins- en liefdesverhoudings? / Wie ken ek
en deur wie word ek geken? / Met wie deel ek
gemeenskap van gelowiges? / Hoe word God
verheerlik in my vriendskappe en verhoudings?
‘PUZZLE’
Uitnodiging: God nooi my om my uniekheid te celebrate
Skrif: 1 Kor. 12&13 (Ps. 139:15-16; Gal. 6:2 MSG)
Outcome: Ontdek jou unieke doel in God se koninkryk
Vraag: Waar pas ek in?
Hoe is ek 'n unieke geskenk vir ander? / Wat is
jou prentjie van jouself? / Wat doen ek hier? /
Wat gee vir my purpose? / Wat is my gawes,
passies en talente? / Hoe kan ek ander dien met
my gawes? / Wat laat my lewendig voel? / Hoe
groei ek my gawes en ook die gawes van ander? /
Hoe kan my diepste vreugde die wêreld se nood
aanspreek?
TRAPPE
Uitnodiging: God nooi my om andersom te leef
Skrif: Joh. 3:30 (Matt. 5:38-45; Fil. 2:6-11)
Outcome: Leef “stroomop” in jou besluite in die oë van
ongelowiges
Vraag: Hoe leef ek anders in die wêreld met my
besittings en sukses?
Hoeveel kla ek? / Watter hulpbronne is aan my
toevertrou? / Hoe kan ek God eer met my
besittings? / Glo ek dat alles wat ek het aan
God behoort? / Wat het ewigheidswaarde? /
Hoe kan ek die aarde oppas? / Wat beteken dit
om Jesus as 'n Suid-Afrikaner te volg? / Hoe
kan ek deel wees van my gemeenskap se
transformasie?
SKOEN
Uitnodiging: God nooi my om mense deur Sy oë te sien
Skrif: Kol 3:11&13 (Matt. 5:43; Joh. 8:3-11)
Outcome: Plaas jouself in ander se omstandighede en
besluit dan
Vraag: In wie se skoene wil ek nie wees nie?
Hoe kom ek oor die weg met mense wat anders is
as ek, waarvan ek nie hou nie? / Hoe kan ek deel
hê aan God se rekonsiliasie-missie? / Teen wie
word daar tans gediskrimineer? / Wie is jou
vyande? / Hoe tree ek op teenoor my vyande? /
Wie sien ek as minderwaardig? / Wie laat jou
minderwaardig voel? / Watse gebrokenheid is in
my gemeenskap? / Hoe kan ek 'n vredemaker
wees? / Bid ek vir my leiers?
NOODHULPTAS
Uitnodiging: God nooi my in my gebrokenheid tot heelheid
Skrif: Joh. 10:10 (Jes. 53:5; Jak. 5:13-16; Ps. 147:3)
Outcome: Gesondheid na liggaam, siel en gees
Vraag: Waar het ek heelheid nodig?
Hoe gaan dit met my gebrokenheid? / Watter
emosies spreek tans die hardste? / Hoe gaan
dit met my lyf en fisiese gesondheid? / Is daar
verslawing wat my terughou? / Is daar iemand
wat ek moet vergewe? / Hoeveel beïnvloed seer
uit jou verlede jou nog? / Het jy vergifnis
nodig? / Hoe hanteer ek my hartseer, kwaad of
rou-proses? / Hoeveel bekommernis heers in my
lewe?
HORLOSIE
Uitnodiging: God nooi my om Hom te dien deur my werk
Skrif: Rom. 12:1-2 (Kol. 3:17, Kol. 3:23)
Outcome: Connect waar jy is met wat jy ook al doen
Vraag: Hoe verheerlik ek God deur my tyd en werk?
Hoe kan God Sy koninkryk laat kom deur my werk
en tyd? / Vir wie werk ek? / Hoe kan ek 'n lig
wees by die werk? / Hoe bring ek balans in my
lewe? / Wat is gesonde tydritmes?
MY EIE GROEI-RITME:
PLUG: Dit is belangrik om te besef dat ons op verskillende maniere met
God kan connect en ons krag by Hom kan kry.
Daar is ‘n groot verskeidenheid van geestelike dissiplines wat jou hiermee
kan help. Die Goeie en Mooi God deur James Bryan Smith noem bv.
slaap, bewus te word van God se skepping,
Lectio Divina, afsondering, stadiger te lewe, ens.
Hoe gaan ek die Plug in my lewe toepas?
____________________________________________________________
____________________________________________________________
________________________
________________________________________________
EETGEREI: Ons het ‘n invloed op mekaar en ons word deurentyd gevorm
deur ander mense; veral die mense wat om ons tafel sit: naby vriende,
mentors, familie. Die welstand van hierdie verhoudings is baie keer
afhanklik van die tyd wat ons saam spandeer, ons vermoë om konflik te
hanteer, te kommunikeer en liefde te wys.
Wanneer laas het jy bv. jou vriende oorgenooi vir ete, saam as gesin aan
tafel gesit en saam geëet, jou kinders met hulle huiswerk gehelp, ens?
Hoe gaan ek die Eetgerei in my lewe toepas?
____________________________________________________________
____________________________________________________________
____________________________________________________________
____________
PUZZLE: Ons almal het die behoefte om iewers in te pas. Almal is met
wonderlike potensiaal geskape en ons almal het die vermoë om ‘n unieke
verskil te maak.
Deur jou eie uniekheid te ontdek deur bv. persoonlikheidstoetse, mense
wat jou ken te vra waarin jy goed is, jou sterk punte te leer, ens. kan jy
bepaal waar jy inpas en daar ‘n verskil gaan maak.
Hoe gaan ek die Puzzle in my lewe toepas?
____________________________________________________________
____________________________________________________________
____________________________________________________________
____________
TRAPPE: Hoe en waarop ons ons geld spandeer is ‘n ‘give away’ van wie
ons dien en waarvoor ons leef. Die wêreld kommunikeer die heeltyd dat
sukses en rykdom die sleutel tot geluk is, maar in God se koninkryk-
ekonomie is alles omgekeer en word bevryding en geluk gevind deur
anders in die wêreld te leef met my besittings en sukses.
Maak bv. gebruik van ‘n begroting om te bepaal hoe jy jou geld spandeer
en vra God om jou te help om dit volgens Sy wil te spandeer, gee jou
tiende of selfs meer as jou tiende, gee die besittings weg wat jy nie meer
gebruik nie of meer as een van het, ens.
Hoe gaan ek die Trappe in my lewe toepas?
____________________________________________________________
____________________________________________________________
____________________________________________________________
____________
SKOEN: Ons leef in ‘n diverse wêreld met verskillende kulture, tale, rasse,
gelowe, tradisies, geskiedenis, lewensfases en ekonomiese welstand.
Diversiteit is ‘n wonderlike geskenk, maar soos die geskiedenis al
telkemale bewys het, kan dit ook ‘n bron van konflik wees. Ons almal
voer ‘n stryd teen ons eie vooropgestelde idees, geskiedenis en
bevooroordeeldheid. Ons word elke dag gekonfronteer deur mense wat
anders as ons is, dink en doen. Ons wil baie keer nie in hierdie mense se
skoene wees nie.
Dink bv. hoe jy oor die weg kom met mense van ander kulture, rasse,
seksuele oortuigings, inkomstegroepe, ouderdom, ens. Kyk dan na hoe
divers jou vriendekring is. Dink almal soos jy of is daar persone wat jou
heeltyd uitdaag om anders te dink of jou konfronteer oor jou
bevooroordeeldheid.
Hoe gaan ek die Skoen in my lewe toepas?
____________________________________________________________
____________________________________________________________
____________________________________________________________
____________
NOODHULPTAS: Dit is maklik om te sien dat ons in ‘n gebroke wêreld leef
en om die gebrokenheid in ander se lewens uit te wys. Wat partykeer
moeiliker is, is om eerlik na ons eie lewens te kyk en ons eie gebrokenheid
te erken. Deur doelbewus te kyk na waar ons heelheid nodig het, is ons
besig om geleentheid vir herstel te skep wat weer ons kapasiteit om lief
te hê, verhoog.
Begin dalk om elke aand om die blok te stap en gesonder resepte uit te
probeer. Praat met iemand oor jou emosies of sien dalk iemand om jou
te help met jou verslawing of om daardie negatiewe gewoonte in jou
lewe af te leer. Gaan vir die Cholesterol toets of jaarlikse “check-up”.
Slaap meer en stress minder.
Hoe gaan ek die Noodhulptas in my lewe toepas?
____________________________________________________________
____________________________________________________________
____________________________________________________________
____________
HORLOSIE: Ons werk beïnvloed ons lewens op ‘n drastiese manier: of ons
oorwerk of werkloos is. Aangesien ons ‘n groot deel van ons tyd aan werk
spandeer, het ons nodig om te dink hoe ons God kan verheerlik deur my
tyd en werk.
Dink bv. hoe dit sal lyk as God se koninkryk kan kom deur die werk wat jy
doen. Hoe sal die wêreld anders lyk as jou werk jou bedieningsveld
word? Het jy dalk nodig om weer te begin studeer, of moet jy dalk jou tyd
beter beplan? Hoe sal jou dag lyk as jy jou self gereeld herinner dat God
jou Bestuurder is? Het jy dalk nodig om ‘n Sabbat te neem?
Hoe gaan ek die Horlosie in my lewe toepas?
____________________________________________________________
____________________________________________________________
____________________________________________________________
____________