Upload
others
View
9
Download
0
Embed Size (px)
Citation preview
UGAO.MIRABALLES HISTORIA EZAGUTZEKO ZENTROAREN
XVI. MARRAZKI LEHIAKETA
“AISIALDIA ERDI AROAN”
AISIALDIA ERDI AROAN: ARTEAK, JOKOAK ETA KIROLAK
SARRERA:
Erdi Aroa Europa kristauko V. mendetik XV.era bitarteko garaiari deitzen diogu. Garai hau mendebaldeko
Erromatar Inperioaren erorialdiarekin hasi eta 1492an Amerikaren aurkikuntzarekin amaitu zen.
Erdi Aroan gehienek zorigaiztoko bizitza izaten zuten eta ez zuten aisialdi-jardueretarako astirik izaten. Soilik
gizon batzuk izaten zuten torneoak, ehiza eta arrantza bezalako ekitaldietan (Erdi Aroko kiroltzat jotzen direnak)
parte-hartzeko edo haietara joateko pribilegioa. Hala ere, garai honetan, estamentu batean zein bestean, jolas-
jarduerak sortu ziren. Joko batzuen jatorriek gaur egun gehien egiten diren kirol edo jokoei buruzko orientabideak
ematen dituzte (pilota-, borroka-jokoak…). Zalduntza-, falkoneria- zein arrantza-arteak garai honetan izan zuen
loraldia.
Entretenimendu entzutetsuena herriz herri dibertitzeko eta informatzeko asmoz ikuskizunak egiten zituzten gizonezko
eta emakumezko juglareak izaten ziren. Juglare mota desberdinak zeuden: malabaristak, akrobatak, bufoiak eta
errezitatzaileak. Herriko enparantzan edo gazteluetako patioetan ipinita olerkiak errezitatu edo heroien zein zaldunen
ekintza gogoangarriak kontatzen zituzten. Koblakariak ere bazeuden; musikari eta olerkari hauek herriz herri abesten
eta maitasunezko olerki ederrak errezitatzen ibiltzen ziren edo, baita ere, eurak igarotako herrietan gertatutako
albisteak kantatzen zituzten.
Zalduntza
Jaun feudalaren semea haurtzarotik prestatzen zen zalduntzan jarduteko. Zazpi urterekin armak erabiltzen eta
zaldiz ibiltzen irakasten zioten, hamabi urterekin eskrima eta ekitazioa ikasten zuen, eta hamalau edo hamabostekin
jaun aberatsagoren baten ezkutari (morroi) bilakatzen zen.
Torneoak
Zaldunen entretenigarririk onenak erregeen edo jaun feudal handien gorteetan antolatzen ziren torneoak,
lehiaketa militarrak izaten ziren. Torneorako pista berezi bat prestatzen zen, hesi altu batez inguratua, eta hesiaren
beste aldean ikusleentzako tokia egoten zen. Torneoak egun batzuk irauten zuen. Zaldunen arteko banakako borrokekin
hasi eta destakamendu edo pelotoi osoekin jarraitzen zuen. Zauri hilgarriak ekiditearren, lantzetan punta bigunak
ipintzen zituzten eta zorroztu gabeko ezpatekin borrokatzen zuten. Hala ere, torneoak askotan lesio larriekin amaitzen
ziren, eta batzutan, parte-hartzaileen heriotzarekin.
Justak
Gerrarako prestatzeko egiten ziren arren jolas-osagaiak (jolasa entretenimendu gisa ulertuta) eta indar,
bizkortasun zein abilezia ariketak ere bazituzten. Lantzarekin armaturiko zaldunen arteko borrokak ziren eta lurrera
botatzeko helburuarekin, distantzia zehatz batera bata bestearengandik banalerro batekin bereizita aurrez aurre
ezartzen
ziren.
Falkoneria
Eguneko hegazti harrapari bat beste hegazti batzuk edo lau hankako animalia txikiagoak ehizatzeko entrenatzen
dute.
Arrantza eta ehiza
Gizakiak bere elikadura beharrizanak asetzeko hasiera baten arrantzatzen eta ehizatzen hasi zen. Denbora igaro
ahala, premia-premiazko beste jarduera askorekin gertatu bezala, kirol- zein jolas-jarduera bilakatu ziren.
Jeu de paume
XIII. mendeko pilota-jokoa. Azalera desberdineko zelai biz osatutako espazio baten jokatzen zen, beraz, esan
dezakegu ez zela gauza bera zelai batean edo bestean jokatzea. Jokoan garrantzitsuena ahalik eta denbora gehien zelai
onenean geratzea zen, horrela errazagoa baitzen irabaztea. Hasiera baten pilota eskuz jotzen zen, ondoren pala batez
jotzera pasatu zen eta azkenik tripekin egindako sokaz lotutako erraketa batekin jotzen zuten. Gaur egungo
eskupilota.
La "Soule"
XII. mendean hasi ziren honetan jokatzen. Joko honekin baloi bat aurkariaren zelaiko leku baterantz eraman
behar zen, eta normalean zutoi biren artean zegoen leku hori. Gaur egungo futbola eta Errugbia.
Garai honetan garrantzi handia izan zuten dadoek, xakeak eta taula-jolasak
Arku-tiroa
Juglareak: malabaristak, acrobatak, bufoiak eta errezitatzaileak
Banketeak:
Jaiak ospatzeko antolatzen ziren banketeetan okelak eta edariak zerbitzatzen ziren. Garai hartan hatzamarrekin jaten zen. Juglareak, musikariak eta akrobatak agertzen ziren, harpa, kornamusa eta txirimia jotzen zuten eta, une berean, txotxongiloak zein hezitako animaliak erakusten zituzten eta soken gaineko abileziez gain jolasak eta pikarokeriak egiten zituzten. Ondoren, kantatzen eta errezitatzen zuten koblakariak zein troberoak agertzen ziren.