Ang Plo sg An An KAuwl AsAn - The Church of Jesus Christ

Ang PlAno sAng KAluwAsAn

01157_861_PlanOfSalvBroch.indd 1 6/12/12 1:46 PM

2

Ano Ang PlAno sAng KAluwAsAn?Ang plano sang kaluwasan* amo ang plano sang Dios para sa kalipayan sang Iya mga anak. Nasentro ini sa Pagpasag-uli ni Jesucristo. Kon imo sundon ang mga pinanudlo ni Jesucristo, makasalapo ka sang nagapabilin nga pang-sulod nga kalinong sa sini nga kabuhi kag wala’y katapusan nga kalipay pagkatapos sang kamatayon.

Sa imo pagtuon parte sa plano sang kaluwasan, makita mo ang mga sabat sa sining mga pamangkot: “Sa diin ako naghalin?” “Ano ang akon katuyuan sa kabuhi?” “Sa diin ako makadto pagkatapos sining kabuhi?”

“sA diin AKo mAghAlin?”Ang imo kabuhi wala nagsugod sa pagkabun-ag or pagkatawo, ukon nagatapos sa kamatayon. Ginabug-os ka sang isa ka espiritu nga lawas (nga

kon kaisa ginatawag nga kalag) kag isa ka pisikal nga lawas. Gintuga sang Amay nga Langitnon ang imo espiritu, kag nagpuyo ka upod sa Iya bilang isa ka espiritu antes ka matawo sa duta. Kilala kag ginpalangga mo Sia, kag kilala kag ginpalangga ka Niya. Ini nga tion ginatawag nga kabuhi-antes-sa duta.

Sa bug-os mo nga kabuhi-antes-sa duta, gintudloan ka sang mga prinsipyo kag mga kasuguan nga magatuytoy sa kalipayan.

Nagtubo ka sa kaalam kag nakatuon sa pagpalangga sang kamatuoran. Gintudloan ka parte sa plano sang kaluwasan. Sa tion sining kabuhi-antes-sa duta, ginpili si Jesucristo bilang Manluluwas, natun-an mo nga paagi sa Iya mahimo mo malampuwasan ang mga epekto sang imo sayop nga mga pagpili.

Isa ka importante nga bahin sang plano sang Dios amo nga magkari ka sa duta sa pagbaton sang pisikal nga lawas kag magtuon sa paghimo sang husto nga mga pagpili. Indi mo madumduman ang pagpuyo sa presensya sang Amay nga Langitnon, pero hatagan ka Niya sang ikasarang sa

Ang pamilya amo ang sentro sa plano sang Amay nga Langitnon.

“Ang plano sang [kaluwasan]. . .ginhanda

gikan pa sa sadsaran sang kalibutan, paagi

kay Cristo, para sa tanan nga kon sin-o man nga

magapati sa iya ngalan.”

Alma 22:13

* Ang mga tinaga nga pula ginpaathag sa mga pahina 18 kag 19.




5

paghibalo sang husto gikan sa sayop. Mahimo mo makilala ang Iya pagpalangga kag kamatuoran. Paagi sa imo mga eksperiyensya kag mga pagtilaw, sarang mo matun-an ang paghimo sang husto nga mga pagpili sing tayuyon. Upod ang bulig ni Jesucristo, mahimo ka magbalik sa pagpuyo upod sa Amay nga Langitnon kon matapos na ang imo kabuhi sa duta.

Sa imo kabuhi-antes-sa duta, natun-an mo nga paagi lamang sa pagpili nga sundon ang plano sang Dios nga mabaton mo ang nagapabilin nga kalinong sa sini nga kabuhi kag sa katubtuban. Tungod palangga ka Niya, ginhatagan ka sang Amay nga Langitnon sang pagbuot, ukon ang gahum sa pagpili. Gintugtan ka Niya nga magpili kon sundon mo ang Iya plano kag ang Ginuong Jesucristo.

Si Satanas, isa sang espiritu nga mga anak sang Dios, nagrebelde batok sa Amay nga Langitnon kag wala nagbaton sang Iya plano. Gusto niya nga piliton kita tanan nga magsunod sa iya pagbuot. Sa masubo nga palad, madamo sa mga anak sang Amay nga Langitnon ang nagpili nga sundon si Satanas. Si Satanas kag ang iya mga sumulunod gintabog gikan sa presensya sang Dios kag wala gintugtan nga mabun-ag sa duta. Padayon sila nga nagaluntad bilang mga espiritu. Miserable sila, kag gusto nila nga mangin miserable ka. Ginatentar ka nila kag ang tanan nga mga anak sang Dios sa paghimo sang mga butang nga nagadala sang kasubo kag indi makalilipay sa Dios.

Sa kabuhi-antes-sa duta, ginpili mo nga mag-angkon sang pagtuo kay Jesucristo kag magsunod sa plano sang Dios. Tungod sang imo mga pagpili, natawo ka sa duta. Paagi lamang sa paghimo sang pareho sining mga pagpili nga sarang ka makaangkon sing kalinong sa sining kabuhi kag makabalik sa pagpuyo upod sa Amay nga Langitnon pagkatapos sining kinabuhi.

Madamo kita sang dapat matun-an kag maeksperiyensyahan sa sini nga kabuhi.

Bisan pa nga ginlipnan ang imo panumduman, antes ka magkari sa duta nagpuyo ka sa presensya sang Dios, ang imo Wala’y Katapusan nga

Amay, kag sang Iya Anak, nga si Jesucristo. Nagsinggit ka

sa kalipay sang ginhatag ang prebilihiyo nga magkari sa duta

sa pagbaton sang lawas kag sa pagsunod sang plano sang Dios para sa imo kalipayan.



6

“Ano Ang AKon KAtuyuAn sA KAbuhi?”Ang Pagtuga kag ang PagkapukanAng kalibutan gintuga bilang isa ka lugar agud puy-an sang mga anak sang Amay nga Langitnon kag mag-agom sang eksperiyensya. Si Adan kag si Eba amo ang una sa mga anak sang Dios nga nagkari sa duta. Nagpuyo sila sa lugar nga ginatawag Hardin sang Eden, sa diin yara sila sa gihapon sa presensya sang Dios.

Ginhatagan sang Amay nga Langitnon sanday Adan kag Eba sang pagbuot, ukon kahilwayan sa pagpili. Ginsugo Niya sila nga indi magkaon sang bunga sang kahoy sang ihibalo sang maayo kag malain. Ang pagtuman sining kasuguan nagakahulugan nga sarang sila magtiner sa hardin, pero indi sila mag-uswag paagi sa pagtuon gikan sa mga eksperi-yensya kag mga hangkat. Gintentar ni Satanas sanday Adan kag Eban nga magkaon sang ginadumilian nga prutas, kag ginpili nila nga himuon ini. Bahin ini sang plano sang Dios. Tungod sang ila desisyon, nahamulag sila gikan sa presensya sang Dios pareho sa pisikal kag sa espirituhanon. Nangin mga mortal sila, kag gani, napaidalom sa sala kag kamatayon. Indi na sila sarang makabalik sa Iya nga wala sang Iya bulig. Ang ila pisikal kag espirituhanon nga pagkahamulag gikan sa Dios ginatawag nga ang Pagkapukan.

Nagpadala ang Amay nga Langitnon sang mga anghel kag sang Balaan nga Espiritu para tudloan sanday Adan kag Eba sang plano sang kaluwa-san. Sentro sa sini nga plano amo ang Pagpasag-uli ni Jesucristo, nga nagatugot sa mga anak sang Dios nga malampuwasan ang epekto sang Pagkapukan kag makaangkon sang kalipay sa sini nga kabuhi kag sa wala’y katapusan.


“Kon si Adan wala maglapas wala

kuntani sia mapukan, kundi nga nagpabilin

sia sa katamnan sang Eden. . . .

“Kag [sanday Adan kag Eba] wala kuntani

sila sing mga anak; gani nagpabilin kuntani

sila sa isa ka kahimtangan sang pagkawala’y

sala, nga wala sing kalipay, kay wala sila

makakilala sang kapiot; wala nagahimo sang

maayo, kay wala sila makakilala sang sala.

“Apang yari karon, ang tanan nga mga

butang ginhimo sa kaalam niya nga

nakahibalo sang tanan nga mga butang.

“Si Adan napukan agud ang tawo

mabuhi; kag ang tawo nagakabuhi,

agud sila makaangkon sing kalipay.”

2 Nefi 2:22–25



9

Ang imo Kabuhi sa dutaTungod sa Pagkapukan, nahamulag ka gikan sa Dios sa pisikal kag espiritu-hanon. Ini nga pagkahamulag bahin sang plano sang Dios para sa Iya mga anak. Ang imo katuyuan sa pagbiya sang Iya presensya agud magkari sa duta nagalakip sang pag-angkon sang lawas, pag-agom sang eksperiyensya, kag pagtuon sa paghimo sang husto nga mga pagpili.

Madamo nga aspeto sang kabuhi ang nagadala sang kalipayan, kag ang pila nagadala sang kasubo. Ining mga eksperiyensya nagabulig sa imo nga makilala ang maayo kag malain kag maghimo sang husto nga mga pagpili. Ang Dios nagaimpluwensya sa imo sa paghimo sang maayo kag sa pagsunod sa Iya, samtang si Satanas nagatentar sa imo nga bale-walaon ang Dios kag maghimo sang sala. (Ang kasal-anan amo ang hungod sa buot nga pagpili nga himuon ang sayop ukon indi paghimuon ang husto.) Kon imo pilion nga sundon ang Dios kag tumanon ang Iya mga kasuguan, nagatubo ka sa kaalam kag kabaskog sang karakter. Makaeksperiyensya ka sing kalipay bisan pa sa tion sang pagtilaw, kag maatubang mo ang mga hangkat sang kabuhi nga may espiritu sang katawhay.

Madamo ka na sang maayo nga mga pagpili sa imo kabuhi, pero nakahimo ka man sang pila ka sayop nga mga pagpili. Kon maghimo ka sang sayop nga mga pagpili kag makahimo sang sala, ginahamulag mo ang imo kaugalingon gikan sa Dios. Ang balaan nga mga kasulatan nagatawag sining pagkahamu-lag nga espirituhanon nga kamatayon. Dugang pa sa pagkahamulag mo gikan sa Dios, ang sala nagatuga man sang kabasulanan kag kahuy-anan. Indi mo sarang malampuwasan ang sala kag ang mga epekto sini nga ikaw lamang.

Dapat naton panumdumon sing maayo ang aton mga pagpili.

“Ako anak sang Dios,Iya ginpadala,

Ginhatagan sang puluy-anKag sang ginikanan.Tudloi kag ubayi ko

Sa dapat agyan.Tudloan nimo akoPabalik sa iya.”

Hymns, no. 301.



10

Ang Pagpasag-uli ni JesucristoTungod palangga ka sang Amay nga Langitnon, ginpadala Niya ang Iya Anak, nga si Jesucristo, para bayaran ang imo mga sala. Ining pagbayad kabahin sang Pagpasag-uli ni Jesucristo. Si Jesucristo boluntaryo nga

nag-antos para sa imo mga sala, mga kasakit, mga balatian, kag mga kasubo. Paagi sa Iya grasya kag kaluoy, mabuligan ka Niya sa imo mga pagtilaw kag mapamag-an ang imo kabasulanan kag kahuy-anan nga nagresulta tungod sang imo mga sala.

Sa pagbayad para sa imo mga sala, wala ginkakas ni Jesus ang imo pagbuot ukon personal nga responsibilidad—indi ka Niya pagtinluan nga batok sa imo kabubut-on. Agud mabaton ang Iya bulig kag kusog,

kinahanglan mo magpakita sang pagtuo sa Iya, maghinulsol, magpabun-yag, magbaton sang Balaan nga Espiritu, kag magpili nga sundon ang Iya mga pinanudlo sa bug-os mo nga kabuhi. Sa imo pagsandig sa Pagpasag-uli, mabatyagan mo ang pagpalangga sang Dios, kag buligan ka Niya nga madala ang imo mga pagtilaw. Makaangkon ka sang kalipay, kalinong, kag kaumpawan. Ang tanan nga daw indi patas sa kabuhi mahimo nga mahusto paagi sa Pagpasag-uli ni Jesucristo kag sa kaluoy kag pagpalangga sang Amay nga Langitnon. Ang Pagpasag-uli amo ang sentro sang plano sang kaluwasan.

“sA diin AKo mAKAdto PAgKAtAPos sining KAbuhi?”Gikan sa dutan-on nga panglantaw, ang pisikal nga kamatayon mahimo nga daw katapusan, pero sa matuod isa ini ka umpisa, isa ka tikang pasulong sa plano sang Amay nga Langitnon. Sa kamatayon, ang imo espiritu magabiya sang imo lawas kag magakadto sa kalibutan sang mga espiritu, nga amo ang lugar sang pagtuon kag paghanda. Sa kalibutan sang

Ang Manluluwas nag-antos para sa aton mga sala sa Hardin sang Getsemani.

“Kay ginhigugma gid sang Dios kalibutan sa

bagay nga ginhatag niya ang iya bugtong nga Anak, agud nga ang bisan sin-o nga magtuo sa iya indi

mawala kundi may kabuhi nga wala’y katapusan.”

Juan 3:16




12

mga espiritu, ang imo mga handurawan sa sining kabuhi magapabilin sa imo.

Ang kamatayon indi magabag-o sang imo personalidad ukon sang imo kaluyag para sa maayo kag malain. Kon pilion mo nga sundon si Cristo sa imo kabuhi sa duta, makaangkon ka sing kalinong sa kalibutan sang mga espiritu kag makapahuway gikan sa imo mga palaligban. Yadtong mga nagpili nga indi pagsundon si Jesucristo kag wala nagahinulsol mangin masubo.

Ang Amay nga Langitnon nakahibalo nga madamo sa iya mga anak indi makaangkon sang oportunidad nga makatuon parte kay Jesucristo sang nagakabuhi pa sila kag nga ang iban indi magpili nga magsunod sa Iya. Tungod palangga Niya ang Iya mga anak, nagpahamtang ang Dios sang paagi agud yadtong mga yara sa kalibutan sang mga espiritu makatuon parte sa Iya plano, mag-angkon sang pagtuo kay Jesucristo, kag maghinulsol. Yadtong mga magabaton kag magsunod kay Jesucristo makaangkon sing kalinong kag kapahuwayan.

Pagkabanhaw kag PaghukomIsa sang pinakadako nga dulot sang Dios sa tanan nga nagkari sa duta amo ang pagkabanhaw, nga nangin posible tungod sang Pagpasag-uli ni Jesucristo. Sang napatay si Jesus sa krus, ang Iya espiritu nagkadto sa kalibutan sang mga espiritu. Pagligad sang tatlo ka adlaw, ang Iya espiritu nagtingob liwat upod sa Iya ginhimaya, perpekto nga lawas nga indi na mapatay. Ining pagtingob liwat sang lawas kag espiritu ginatawag nga pagkabanhaw.Ang tanan nga natawo sa duta mabanhaw.

Pagkatapos mo nga mabanhaw, makadto ka sa atubang sang Dios agud hukman suno sa imo mga binuhatan kag sa mga handum sang imo tagipusuon.

Ang nabanhaw nga Manluluwas nagpakita kay Maria.

Sa kamatayon ang imo espiritu nagabiya sa imo lawas kag nagakadto sa kalibutan sang espiritu,

isa ka lugar sang paghanda, pagtuon,

kag pagpahuway gikan sa mga palaligban

kag kasubo.




14

mga halintang sang himayaPagkatapos mo nga hukman, magakabuhi ka sa isa ka kahimtangan sang himaya. Bangod ang binuhatan kag handum sang kada isa nagalain-lain, ang langit nagalakip sang nagkalain-lain nga mga ginharian, ukon halintang sang himaya.

Selestiyal nga ginharian. Ang Amay nga Langitnon kag si Jesucristo nagapuyo sa selestiyal nga ginharian. Kon nagapangabuhi ka suno sa ebanghelyo ni Jesucristo kag natinluan gikan sa sala paagi sa Pagpasag-uli, makabaton ka sang lugar diri, sa pinakamataas nga ginharian. Magapuyo ka sa presensya sang Dios kag makaangkon sang lubos nga kalipay.

Terestriyal nga ginharian. Ang mga tawo nga wala nagabaton sang ebanghelyo ni Jesucristo pero nagpangabuhi sing dungganon makabaton sing lugar sa terestriyal nga ginharian.

Telestiyal nga ginharian. Yadtong mga nagapadayon sa ila mga sala kag wala nagahinulsol makabaton sing lugar sa telestiyal nga ginharian.

Ang Pagpasag-uli ni Jesucristo naghimo sang kaluwasan nga posible.

Pagtuo kay JesucristoPaghinulsol

BunyagAng Dulot sang Balaan

nga EspirituMagpadayon tubtob

sa katapusan

Pagtuga kag Pagkapukan

Pisikal nga Kamatayon

Kabuhi sa DutaKabuhi-antes-sa Duta Kalibutan sang mga Espiritu


15

Ang Pagpasag-uli ni Jesucristo naghimo sang kaluwasan nga posible.

Ano Ang KAhulugAn sAng PlAno PArA sA AKon?Kon mahangpan mo nga ang Dios amo ang imo Amay, nga palangga ka Niya, kag nga ginhimo Niya nga posible para sa imo nga makaagom sing eksperiyensya kag ihibalo sa diri kag mangin pareho sa Iya pagkatapos sining kabuhi, mahibal-an mo ang importansya sang imo mga desisyon sa tion sang imo kabuhi. Mahangpan mo nga kinahanglan mo sundon si Jesucristo agud mabaton ang bug-os nga mga bugay sang plano sang Amay nga Langitnon.

TerestriyalSelestiyal

Pagkabanhaw kag Paghukom

TelestiyalKalibutan sang mga Espiritu



16

PAAno Ko mAhibAloAn?Ang mas dako nga ihibalo parte sa plano sang kaluwasan nag-abot tungod sa Pagpanumbalik sang ebanghelyo ni Jesucristo paagi sa Propetang si Joseph Smith.

Sarang mo mahibaluan sa imo kaugalingon nga ining mga butang matuod paagi sa pagpamangkot sa Amay nga Langitnon sa pangamuyo. Sabton ka

Niya paagi sa Balaan nga Espiritu. Ang Balaan nga Espiritu ginatawag man nga Espiritu sang Dios, kag isa sa Iya mga papel amo ang magsaksi, ukon magpamatuod, sang kamatuoran. Ang Balaan nga Espiritu nagapahayag kag nagakumpirma sang kamatuoran paagi sa balatyagon, hunahuna, kag mga pagpadasig. Ang mga balatyagon nga nagagikan sa Balaan nga Espiritu mabaskog, pero sa kinaandan malinong ini kag mahipos. Subong sa ginatudlo sa Biblia, “Ang bunga sang Espiritu amo ang gugma, kalipay, paghidaet, pagbatas, pagkalolo, pagkaayo, pagkatutom, pagkamapainubuson, [kag] pagpugong sang kaugalingon” (Mga Taga-Galacia 5:22–23). Ining mga balatya-gon amo ang kumpirmasyon gikan sa Balaan nga Espiritu nga ining mensahe matuod. Dayon kinahanglan mo magpili kon magpangabuhi ka nga suno sa mga pinanudlo ni Jesucristo subong nga ginpanumbalik paagi kay Joseph Smith.

Paano Ako Magpangamuyo?

• SambitaangimoAmaynga Langitnon.

• Ipahayagangmgabalatyagon sang imo tagipusuon (mga pagpasalamat, mga pamangkot, mga pagpangabay sa pagkumpirmar sang kamatuoran sang Ang Libro ni Mormon kag sang gintudlo sang mga misyonero).

•Maghingapos(“Sangalan ni Jesucristo, amen”).

Sarang mo mahibaloan ang kamatuoran paagi sa sinsero nga pangamuyo.



18

listAhAn sAng mgA tinAgAAng Pagkapukan Ang hitabo nga paagi sini ang tawo nangin mortal. Nagresulta ini sa espirituhanon kag pisikal nga pagkahamulag gikan sa Dios. Tungod sanday Adan kag Eba, ang una nga mga tawo, nagsupak sang kasuguan sang Dios, nahamulag sila gikan sa Iya presensya (ini nga pagkahamulag ginatawag man nga espirituhanon nga kamatayon) kag nangin mortal (napaidalom sa pisikal nga kamatayon). Bilang kaliwatan nanday Adan kag Eban, kita man nahamulag gikan sa Dios kag napaidalom sa pisikal nga kamatayon. Ang Pagpasag-uli ni Jesucristo nagdaug sang pareho pisikal kag espirituhanon nga kamatayon.

Espiritu Ang parte sang tawo nga nagkabuhi upod sa Amay nga Langitnon antes mabun-ag. Sa tion sang kabuhi sa duta, ang espiritu gin-updan sang pisikal nga lawas. Ang espiritu padayon nga nagakabuhi pagkatapos sang kamatayon.

Espirituhanon nga kamatayon Pagkahamulag gikan sa Dios bilang resulta sang pagsupak sang Iya mga kasuguan. Maluwas kita gikan sa espirituha-non nga kamatayon paagi sa Pagpasag-uli ni Jesucristo samtang kita nagahinulsol kag nagasunod sang Iya mga kasuguan.

Grasya Ang diosnon nga bulig kag kusog nga ginhatag paagi sa kaluoy kag pagpalangga ni Jesucristo. Paagi sa Iya grasya, nga nangin posible tungod sang Iya Pagpasag-uli, ang tanan nga katawhan mabanhaw. Paagi sa Iya grasya, yadtong padayon nga nagahinulsol kag nagakabuhi suno sa Iya ebanghelyo makabatyag sang nagapabilin nga kasuod sa Amay nga Langitnon sa sini nga kabuhi kag magakabuhi sa Iya presensya pagkatapos sining kabuhi.

Kabuhi-antes-sa duta Ang aton kabuhi antes kita matawo diri sa duta. Sa aton kabuhi-antes-sa duta, nagkabuhi kita sa presensya sang aton Amay nga Langitnon bilang Iya mga anak nga espiritu. Wala kita sing pisikal nga mga lawas.

Kalibutan sang mga espiritu Sa diin ang aton mga espiritu nagakadto sa tunga-tunga sang kamatayon kag pagkabanhaw. Para sadtong mga matarong sa ila kabuhi, ang kalibutan sang mga espiritu mangin isa ka lugar sang kalinong kag kalipay.

Kaluwasan Pagkahilway gikan sa sala kag kamatayon. Ang kaluwasan nangin posible tungod sang Pagpasag-uli ni Jesucristo. Paagi sa Pagkaban-haw ni Jesucristo, ang tanan makalampuwas sa mga epekto sang kamata-yon. Sarang man kita maluwas gikan sa mga epekto sang sala paagi sa


19

pagtuo kay Jesucristo. Ini nga pagtuo ginapakita sa isa ka kabuhi sang paghinulsol kag pagtuman sang mga layi kag mga ordinansa sang ebang-helyo kag pag-alagad kay Cristo.

Ordinansa Isa ka sagrado, pormal nga buluhaton nga ginahikot paagi sa awtoridad sang priesthood. Ang mga halimbawa nagalakip sang bunyag, pagbaton sang Balaan nga Espiritu, kag sang sakramento. Ang mga ordinansa sa masami nagakahulugan sang pagsulod sa kasugtanan upod sa Dios.

Pagbuot Ang dulot sang Dios sa pagpili sa tunga sang maayo kag malain, sa tunga sang husto kag sayop.

Pagkabanhaw Pagkatapos sang pisikal nga kamatayon, ang pagtingob liwat sang espiritu sa ginperpekto nga pisikal nga lawas sang unod kag tul-an. Si Jesucristo amo ang una nga nabanhaw. Pagkatapos sang pagkabanhaw, ang espiritu kag lawas indi na liwat mahamulag, kag ang tawo magakabuhi sa katubtuban. Ang tanan nga nagkabuhi mabanhaw tungod sang Pagpasag-uli.

Pagpasag-uli [Atonement] Ang hitabo nga nagatugot sa aton nga makig-uli sa Dios. Ang pagpasag-uli amo ang pag-antos sang kabayaran para sa sala, nga nagakakas sang epekto sang sala gikan sa nagahinulsol nga mga makasasala. Si Jesucristo gid lamang ang isahanon nga makasa-rang maghimo sang perpekto nga Pagpasag-uli para sa tanan nga kataw-han. Ang Iya Pagpasag-uli nagalakip sang Iya pag-antos para sa aton mga sala, sang pag-agay sang Iya dugo, kag sang Iya kamatayon kag Pagkaban-haw. Tungod sang Pagpasag-uli, ang tanan nga nagkabuhi mabanhaw. Ang Pagpasag-uli nagahatag man sa aton sang paagi nga mapatawad sang aton mga sala kag magkabuhi sa katubtuban upod ang Dios.

Pisikal nga kamatayon Ang pagkahamulag sang espiritu gikan sa mortal nga lawas. Kon ang pisikal nga lawas mapatay, ang espiritu padayon nga nagakabuhi sa kalibutan sang mga espiritu. Malampuwasan naton ang pisikal nga kamatayon paagi sa pagkabanhaw, nga nangin posible tungod sang Pagpasag-uli ni Jesucristo.

Plano sang kaluwasan Ang plano sang Amay nga Langitnon nga nagatugot sa aton nga mangin katulad sa Iya kag magbaton sang kabug-osan sang kalipay. Ining plano nasentro sa Pagpasag-uli ni Jesucristo kag nagalakip sang tanan nga mga kasuguan, mga ordinansa, kag mga pinanudlo sang ebanghelyo.


20

dugAng ngA tulun-AnAng masunod nga mga pamangkot kag balaan nga mga kasulatan makabulig sa imo nga matun-an pa gid ang parte sa mga prinsipyo sa sining polyeto [pamphlet] kag binagbinagon ang mga ini. Ang listahan indi kompleto; ang mga tanda sa idalom sang mga pahina [footnotes] kag mga talamdan [cross-references] sa balaan nga mga kasulatan magatudlo sa imo sa dugang nga mga bersikulo kag mga ihibalo.

Ano ang imo kaangtanan sa dios antes ka matawo?Jeremias 1:5 (Biblia, Daan nga Katipan)Mga Hebreo 12:9 (Biblia, Bag-o nga Katipan)

Ano ang Pagkapukan? ngaa kinahanglan ini?2 Nefi 2:14–26 (Ang Libro ni Mormon, mga pahina 73-74)Alma 42:2–9 (Ang Libro ni Mormon, mga pahina 416-417)

Ano ang katuyuan sang imo kabuhi diri? Paano makaapekto ining ihibalo sang mga desisyon nga imo himuon kada adlaw?2 Nefi 2:25–27 (Ang Libro ni Mormon, mga pahina 74-75)Alma 34:32 (Ang Libro ni Mormon, pahina 394)


21

Ano ang Pagpasag-uli? Paano ini makabulig sa imo sa imo adlaw-adlaw nga kabuhi?Juan 3:16–17 (Biblia, Bag-o nga Katipan)Mga Taga Roma 3:23–25 (Biblia, Bag-o nga Katipan)2 Nefi 2:25–27 (Ang Libro ni Mormon, mga pahina 74-75)Alma 7:11–12 (Ang Libro ni Mormon, pahina 292)Alma 42:22–23 (Ang Libro ni Mormon, pahina 418)

Ano ang kalibutan sang mga espiritu? Ano ang nagakatabo didto?1 Pedro 4:6 (Biblia, Bag-o nga Katipan)Alma 40:11–12 (Ang Libro ni Mormon, mga pahina 411-412)

Ano ang kahulugan sang pagkabanhaw? sin-o ang mabanhaw? ngaa importante ang pagkabanhaw?2 Nefi 9:13–26 (Ang Libro ni Mormon, mga pahina 92-94)Alma 11:42–45 (Ang Libro ni Mormon, mga pahina 309)

Ano ang langit? ngaa may nagkalain-lain nga halintang sang himaya?1 Mga Taga-Corinto 15:40–43 (Biblia, Bag-o nga Katipan)


22

mAgsimbA uPod sA Amon

mAgKAri KAg tAn-AwA Kon PAAno Ang ginPAnumbAliK ngA EbAnghElyo

mAKAbugAy sAng imo KAbuhi

Ang pang-sakramento nga miting amo ang mayor nga kahiwatan sa pagsimba. Sa masami ini nagalawig sa masobra diutay sa isa ka oras kag nagalakip sang masunod:Mga himno: Ginakanta sang kongregasyon. (Ang libro sang mga himno ginatigana.)

Mga pangamuyo: Ginasambit sang lokal nga mga miyembro sang Simbahan.

Ang sakramento: Ang tinapay kag tubig ginabendisyunan kag ginapanag-tag sa kongregasyon sa pagdumdom sang Pagpasag-uli ni Jesucristo.

Mga manughambal: Sa masami isa ukon duha nga natakayan na nga daan nga mga miyembro sang kongregasyon ang nagahambal parte sa mga topiko sang ebanghelyo.

Pamiste: Ang mga lalaki kag kabataan nga lalaki sa kinaandan nagasuk-sok sang manami nga pantalon nga naparisan sang puti nga polo shirt kag


23

kurbata. Ang mga babayi kag kabataan nga babayi nagasuksok sang mga bestida ukon mga palda.

Ang mga donasyon wala ginapangabay sa tion sang mga pagsimba.

Ginaagda ka man namon sa pagtambong sa dugang nga mga miting, suno sa imo mga interes kag grupo sa pangidaron. Ang pasunod kag ang oras sining mga miting mahimo nga nagkalain-lain.Sunday School: Ang mga klase para sa pagtuon sang balaan nga mga kasulatan kag mga doktrina sang ebanghelyo.

Mga miting sang priesthood: Mga klase para sa mga lalaki kag kabataan nga lalaki nga nagapangidaron 12 kag pataas.

Relief Society Mga klase para sa mga babayi nga nagapangidaron 18 kag pataas.

Young Women Mga klase para sa kabataan nga babayi nga nagapangida-ron 12 tubtob 18.

Primary: Pang-grupo nga klase kag mga klase para sa kabataan nga nagapangidaron 3 tubtob 11. Sa masami may nursery para sa kabataan nga nagapangidaron 18 kabulan tubtob 3 katuig.

Oras sang pang-sakramento nga miting: Adres sang Simbahan:


Ano ang Dapat Ko Himuon?• Basahon Ang Libro ni Mormon

Ginapanugyan nga mga balasahon:

• Magpangamuyo agud mahibaloan nga ang ginatudlo sang mga misyonero matuod.

• Magsimba.

• Maghanda nga mabunyagan sa

• Maglog-on sa www .mormon .org agud makatuon sing dugang parte sa plano sang Amay nga Langitnon para sa Iya mga anak.

• Magpadayon sa pagpakigkita sa mga misyonero agud makatuon pa gid parte sa mga kamatuoran nga ginpanumbalik sang Dios paagi sa binag-o nga mga propeta.Madason nga appointment: Mga ngalan kag numero sa telepono sang mga misyonero:

Pagpasalamat para sa mga LarawanAtubang nga takop: Detalye gikan sa He Is Risen, ni Del Parson. © Del Parson Indi pagkopyahonPahina 11: Detalye gikan sa Christ in Gethsemane, ni Harry AndersonPahina 13: He Is Risen, ni Greg Olsen. © Greg Olsen. Indi pagkopyahon

© 2005 iya sang Intellectual Reserve, Inc. Tanan nga kinamatarong ginahuptan. Ginbalhag sa Pilipinas.Pagtugot sa Ingles: 11/05. Pagtugot sa paglubad: 11/05. Paglubad sang The Plan of Salvation. Hiligaynon. 01157 861

www .mormon .org


Documents

Ang Plo sg An An KAuwl AsAn - The Church of Jesus Christ