AOCultural Survival

Alima ajak nung Lisopur lokti “Radio station” tem asoshi COVID-19 wara mapang teyinyaktsu tezüluba kaket

Alima ajak nung lisopur ajaki kodanga mangashi aser majangshidangba COVID 19 wara ajangshia arudar. Iba wara mapang lisopur asoshi “lokti radio” inyakyim kanga tongtipang ta angateta Cultural Survival-i lisopur lokti radio tem asoshi maneni tongtepratepa inyaka arudagi. Loktiradio ya lisopur asoshi kanga tongtipang lir kechiaser iba radio ajanga pei tebilemba den kulemi pei sasa yimsu sua ayanga chiyonga alitsü tesayuba aser osang tem ajak iba radio ajanga agütsüteter mesera jembiteter. Shisatsüji tashi lir aser lisopur ajak nem iba radio ajanga iba tashi agütsür.

Galina AngarovaExecutive Director

NukjidongLisopur Osangtsüsang sangdonger tem

iba COVID-19 mapang yaritsüasoshi teinyaktsü.

Shrinok asoshiIba tezüluba ya lisopur radio, osang abener aser

osangtsüsang balala agütsuba wadangnung inyakertem COVID-19 wara

nungi kumzuka alistüasoshi lir.

Alima ajak nung Lisopur lokti 'Radio station' tem asoshi COVID-19 wara mapang teyinyaktsü tezuluba kaket

COVID-19, koba wara aser mesen ano mozü shisashir temi junga memetet lir, ya meimchir ajaki ajangshidaki. Iba mesen yagi alima rangben anempongdakja, nisung takum jenti lalu dakja, alima rongsen kedangsüba nung timetem adoktsügo. Iba ama mapang ka nung lisopur mokomein aser tashi ken reprangshitsü mapang lir. Asenok lisopur iba ama wara mapang mokokmein ji kechisa ta sura, mokokmeinji mozü mapang shidak nung manguba mesera mozüki aser temang tendangdak makaba, osang tsusang mapang shidak nung manguba, ano tiazu osang tem prokshia rongrong adokdaktsüba tem alitsü. Ano lisopur tashi (advandage/strength) temji kechisa ta sura, alima rangpen nung lisopur tem pei sobaliba nung takang aser lokti inyaksangsi nung telongjem lira aser otsüla obula nunger mapang nungi amsiha jia aruba mozütem (ancestral medicine) peria lir.

Tanu iba ama tensa ka nung, lisopur nem osang tsüang mapang shidak aser tim-i pei oshi nung agütsü kanga tongitpang ta angatetaba den kulemi lisopur osang abenber tem kumzüaka alistsü asoshi temetetsü Cultural Survival-i iba osang ya adoker.

Iba osang ya shilem ana lemsa lir. Mezung shilem-i osang tsuang abener tem mesera radio nung inyaker aser osang azunger tem asoshi COVID-19 nungi kumzüka jenbua alitsü tetuyuba lir. Aser tanabuba shilem nung, tiazü aser olulu osang agi rongrong jenti adoker asünung lisopurtem asoshi COVID-19 osangtem azüngtsu sapangtem tetuyuba rasa agütsüa angutsu.

Radio nung inyakertemi kechi inyaktsüla? kumzuka alitsu tongtibanga. Mapa inyaker tem wara nungi jenbua alitsü asoshi sendong

ka tama yangluang: WHO, sorkar, mozü anepalur, aser lokti tanishir temi kechi ashir aji anga iba sendong yanglutsü asoshi ajaki shilem agitsu tongtipang

b. Mapa inyaker shia pei senzüsupong asoshi temelaba benerang senzütsula aser pei linük nung tanishri kechi ashir ajakji tim-i anga/benshia inyaksangshitsüla.

c. Mapa telemsa junga inyaktsüla: Mapa inyaker rongnung tain, tantsür tambur mesera temang manemi alirtem lira, parnokbo kidang nungi mapa inyaktsü ajungshitsüla mesera kidang nungi inyaktettsüba mapa tem dang parnok nem nungloktsütsüla.

d. Lendong asadanga kumdangtsüla: Senzüsempongdang, sorkar aser lokti tanishir temi ashiba jung junga anga benshitsü tongtipang kechiaaer wara nungji jepoa alitsü asoshi aji mezung tongtipangtiba lir.

e. Mapa inyakba temeket teti merüka yuang: mapa inyakba jila ajak yi aketba mozütemi meyua merka ayutsü tim. Osang metangokba ki, takdang aser jila ajak yi aketba tzü agi shidoktsula.

f. O metangokdang teti microphone tema nung mopong maila su mesera sponch amshiang: Kechiaser item ajang wara menar anungji nisung kati o metangokba sulen teti item melenang.

g. O mesera otsu asüngdangtepba sulen osettsüset ajak shidokang: Yi aketba tzu (ethyl alcohol) nung metener shidokang. Yi aketba tzü sa suaka, Chlorine aketba yi tzü agi osettem teshidok kechiaer chlorine agi ostet tem song (rust) agi jasadakstür.

h. Nisung ana dak tema taniok: Osang agütsüba mesera metangokba takdangi nisung ana dak tema anir matsüla. Koda masu anir aitsüsa adokra, tepang tenempangstü agir, tetsungta pila yur mendaktsütsüla.

i. Akok tashi o metangokba takdangi meyi o mangaoktsüba yimya amshitsü merangtsüla: Ajaki kokra osang agütsür den tongteprateper kokra jilia tsungdong mo-i osang mesera tebilembatem medangoker agütsüba yima angazükteba inyakteptsüla. Kechaser iba ajang ola tajungba agütsür. Koda masuba tia nung dang telephone ajanga asüngdangtepa metangoktsüla. O metangokba takdangi me-i O mangaokba yimya kar nenoki iba www.giss.tv nung angutsu.

Mezung ShilemRadio nung inyaker aser teyarir tem asoshi

Nisung ana dak tema taniok: Osang agütsüba mesera metangokba takdangi nisung ana dak tema anir matsüla. Koda masu anir aitsüsa adokra, tepang tenempangstü agir, tetsungta pila yur mendaktsütsüla.

Iba tapak nung WHO-i aser dang lokti temi agutsuba COVID -19 mapang teinyaktsu tem tatsü agi lisopur ajak rong rong madoki tiptema metsübui alistsü asoshi adoktsür.a. Tiazu osang nungi jenboa alitsu

merangang: WHO-i tiazu osang, tim masuba osang ajak dang “infodemic” ta ajatsü lemtetogo asr aji amshia arudagi. Tiazü aser tim masüba osang ajanga meimchir makmashidaktsür aser tsübudaktsür. Iba ajanga meimchir jenti shiranger ama doktsür aser tiptema malir koba ajanga lokti aser kija takum nung timtem jenti ajurur. Anungji tiazu osang magütsütsü akok tashi merangang.

b. Wara dak sendakba osang tem atema WHO aser danga “official and scientific data” tem reparangtsu mepishir: Ajaki meteta alitsü kaji, na aser ni shiba sudir suaka iba wara indang tetangshi mesera tashir ka masu. Saka, mozü yanglur, mozü shisashir, mozü tendangertem aser azüren shisashir temi dang iba mesen yimya aser wara indang tim-i shiteter aser parnoki ashiba angati.

c. Otsüla Obula nunger mapang nungi amshia aruba lisopur mozü maneni amshidi: Lisopur ajak asoshi tajungkaji asenok sobaliba nung amshi jia aruba mozü ya lir. Anungji item mozü amshi ashir tem dang asüngdanga pei temang anepalua ayutsü ajungshir.

d. Pei oshi nung wara osang tem meyipzüka sangdongtsu ayongzuker: Nisung aikati temesung oshi mashi aser mangatetba den kulemi nisung aikati tapu ajak pei oshi nung temelaba aser tajungba angazüker. Kin mesera nisung kar danga pei oshi nung osang tem meyipzuka angatsü timetem lira parnok lenji oa yaritsü ajungshir. Iba osang

sangdongtsü asoshi osang tejangja kar tsunglanglen lemsa angutsu.

e. Nisung tem sendokba mesera tangar nem tongloktsüba yimya tepenshi: Iba Corona wara adokba sulen tetenzüklen meimchir jenti iba wara dang “China nunger wara” ta kumtsüa parnok nem tongloktsüba O mesera osang jenti jembia prokshiogo. Iba ajanga alima rangpen nung Asia nunger jenti timtem ajurua arogo. Aji dang masu ano oli orar tem jenti tanga lima nung ayanga chyionga alirtem jenti pei limai shilangdang timtem jenti ajurogo aser ajurudaki. Anungji, akok tashi tangar kin, nisung mesera kibong mashi mashi

Tanabuba Shilem

teteta mejembili, parnok chiyontsü achiba mesera oli oraba tia mesera temang nung timtem tashidak aliba tia nung ajemdaker parnok mesendokli.

f. Meimchir temeten (Human rights) asoshi maneni inyakdi: Talidak maka oli-orar, shiranger aser timtem ajururtem iba COVID-19 mapang meimchiri tim mesui sendokba maparen nungi parnok kumzüka alitsü asoshi Meimchir Temeten ozungtem metetdaktsütsü tim. Iba kesa maparen asoshi osang agutsür aser abenertemi achayanga inyaktsüla.

g. Tamendakdak maliba osang tem teperokshi: Charlatan nunger tiazü sayatenya mozu (miracle drug) otsu amai madaloktsü mechi kari danga iba

ama osang sangdongra, tsungden oagi shirnoki jembir aser sayur parnok ajurua asüngdangtsüla aser iba ama tiazü mozü osang aser lisobur sobaliba mozü bendangtsüla.

h. Meimchir kumzüktsü asoshi metetdaktsütsüla: Nisung ajaki, kar danga COVID-19 agi shiranger amai tezütetra mesera süra, nutsung tajung ka ama par kibong ajurua asüngdangyatsü mepishir aser ajungshir. Saka par kibong mezüngmeshi masütsü mesera telungi meludaktsütsüla. Par tiaji asen tia ama bilema mapraen inyakshitsü ajungshir.

i. Lisopur aliba lokti nung sorkari sangdongba osang tem agütsütsü arendaka teli: Akokba tashi agi kechi teinyaktsü tem sorkari center aser state ajanga sangdonger, item osang tem lisopur nem metetdaktsüang. Aser ano kechi teinyaktsü tim anena atar aser item melena kechi inyaktsüla tuyur item ajak timi lispour nem metetdaktsüang.

j. Radio ya lokti nem iba wara indang temetetsü aser inyakyim metetdaktsüba apu (bridge) tajung ka ama lir. Wara meperokshitsü asoshi ibai tongtipang wadang ka lir.

Lokti terenlok asoshi inyaktsütem:a. Anemponga kidang aliba mapang,

telongjem meraksadaktsüdi, kibong nung maparen ajak lemsatepa inyaktsü, otsu ashiba aser danga teinyaktsü tem inyaka azüngmeyaka meli asungsashia alistü merangtepti.

b. Tanur tem ajak skoli moi shsiatsü mongoteti lir asünung Radio ajanga tanur tem lesson sayutsü merangdangang.

c. Tanurtem asoshi radio ya shisa angazürsü asoshi tongtipang lir ta metetdaktsütsü aser amshidaktsüstüasoshi shisashir aser tesayur ajanga ajungshidaktsuang.

d. Linük kar nung anempong lapokba ji

Tanur tem ajak skoli

moi shsiatsü mongoteti lir asünung

Radio ajanga tanur tem

lesson sayutsü merangdangang.

COVID-19 wara ya süitemogo ta ashir masu ta ajak nem metetdaktsüang aser sorkar aser temang anepalur temi kechi ashir achi angatsü maneni metetdaktsüang.

e. Lokti pela alitsü asoshi radio nung tepela ken tem agüjang, lokti ajungmesoang aser koda masüba tia nunga nisungtem pela lidaktsütsü merangang. Maneni iba wara mapang temulung ajema malitsü merangang.

f. Linük ka nungi ka ajanga senzüteba shishilembaba mapa tem anena atatsü, shishilembaba tesemtem, aser nisung senzüba kari ajak wara nungi jenboa alitsü asoshi anena atatsü maneni ajungshidi.

g. Mapa meranga inyaktsü, pei-i zünsentetba agi pei pok sunga alitsü asoshi ajüngshitepa inyaktepti. Pei kidang atsü inyaktsü, sungdong lidong atemtsü, linuk aser sungdong lidong wazuka ayutsü merangtepti.

h. Kechi tia mesera lending arudir aruaka kumzuka aser koka litettsü asoshi katika yaritepa nugita ajungshitepa alitsu merangtepti.

i. Sen ajanga wara memenar saka kodang kesa senji aika teka agi oa melentepa amshitir, iba kesa sen ajanga wara menateptsü koka lir ta anagateti aser

merükemjua alitsü maneni ajungshipeti.j. Asen temang anema aser tashi ita

alitsü asoshi kechi chiyongtsü tim, item chiyongtsütem chiyongti aser ano asen sobaliba nung tashi aitba chiyongtsü yimya tem koba ajanga asen obula otsüla nunger tashi ita arishi talang lia aru, item chiyongtsü tem achitsü aser yimya tem benshitsü merangdi.

COVID-19 wara dak sendakba osangtem lisopur oshi balala nung Cultural Survival Indigenous Rights Radio website nung angütsü:https://rights.culturalsurvival.org/radio-spots-search/field_radio_series/COVID-19-85/language/en/language/und

Wara dak sendakba osangtem reprangnera tsunglanglen agüja aliba linuk nung reprangtettsühttps://www.who.int/es

COVID-19 osangbener tem indang osang tem aginera iba link nung angutsühttps://ijnet.org/en

https://gijn.org/gijn-en-espanol/

Kechi tia mesera lending arudir

aruaka kumzuka aser koka litettsü

asoshi katika yaritepa nugita

ajungshitepa alitsu merangtepti.

2067 Massachusetts AvenueCambridge, MA 02140

(617) 441-5400www.culturalsurvival.org

Cultural Survival

Coordination : Dev Kumar Sunuwar Translation : Martemjen Jamir

Layout : Laxman Sunuwar

Ao Indigenous LanguageNagaland, India