Потто Удмурт Элькунысь Кун Кенеш но Кивалтэт

www.udmdunne.ru

âèðíóíàë 2011-òћ àð 26-òћ òîëøîð

¹ 9 (24748)

Егитъёслэсь зырдыт салам

..

..

№ 1 (1)

..Туспуктӥз ИРИНА ЗАНГАРИК

Web 2.0 даурысь лушкемкылÈíòåðíåòëû ëóûñà óäìóðò åãèòú¸ñ òîäî âûæûîññýñ. 2-òћ áàì.

Ми - туала пияшъёс,чик овол кепырасьёс! Øàðêàí ¸ðîñûñü Ïîðîç ãóðòûñü ïèîñ êîòûðûí áåðãà «Øóíäû». 4-òћ áàì.

Бугыртымтэ выльвылÌàëû óäìóðò åãèòú¸ñ óã êûñòћñüêî íàóêàå? 3-òћ áàì.

Басьты жоггес гын сапег!Êûçüû øîãîëëÿñüêîíî òîëàëòý. 7-òћ áàì.

..

«Удмурт дунне» коть-ку тырше лыдэ басьтыны лыдӟисезлэсь куронъёссэ. Синйылтӥськоды, луоз, миле-мыз ушъянъёстэс-данъянъёстэс сяна, ми газетамы печатласьком курланъёстэс-ӟургетонъёстэс но. Но тужгес дунъяськом визь-ноддэс. Ӟучъёс верамъя, палэнтӥськод ке - ӵекты. Пыкы-

лыны секыт ӧвӧл уго, нош маке выльзэ, тунсыкозэ дэмланы…

Та ласянь туж синмаськы-монэсь туала егитъёс. Кӧня ке ар талэсь азьло милемыз улонлэсь бере кылеммы понна нуналлы быдэ пыкылыса, Ин-тернет пыр гожъяз Эстониын улӥсь эшмы Надежда Пчело-водова. Озьы усьтӥськиз «Уд-

мурт дуннелэн» сайтэз. Табере милям группаосмы вань ни «В контакте», «Одноклассники» сетьёсын, егит эшъёсмы кык сюрс муртлэсь трос лыдъясь-ко. Етӥз удмурт пияш Роман Казаковский «Удмурт дунне-лэсь» бурдъёссэ дунне тыр вӧлъяны юрттӥз, шуыны луоз. Нырысь-валысь верасез вал: малы со кулэ, удмуртъёс Ин-тернетэ уг но пырало… Но ми туж ӝог шӧдӥм - 96 аресъем «вашкала» газетэз егитъёс учкыло, тунсыкъясько. Озь-ыен, ми но, туала егитъёсты

пыкылэм интые, соос пала берытскыны кулэ.

Егитъёсын пумиськонъёс дыръя матысьгес эшъяськыны ӵектэммылы соос, шумпотэм гинэ ӧвӧл, юрттӥськыны дась луэмзы сярысь веразы: сётэ гинэ милемлы амал, ми ваньзэ асьмеос лэсьтом! Соин ик ми малпам егит нылъёслы-пиослы сыӵе луонлык сётыны. «Дар-тэз» дасялозы асьсэос егитъёс: проектлэн кивалтӥсез Олёш Шкляев, Дарали Лели, Полина Кубиста, Лена Рябина, Юлия Никитина, Павел Поздеев…

Ваньзы соос туж аспӧртэмесь, пӧртэм интыосын дышетско, тыршо.

Нош арлыдо лыдӟисьёсмы уз ӝожоме, малпаськом. Угось ваньмылэн асьмелэн вань ны-лпиосмы, соостэк уз азинскы ӵуказе нуналмы, соин ик «Дарт» юрттоз пӧртэм арлыдо адямио-слы огкыл шедьтыны, егитомы-ны, мӧзмонэз вунэтыны.

Дарт - асьме удмурт кыл, со возьматэ ӟырдыт мылкыдэз. Туж тупамон, озьы-а?

Зинаида ВАХРУШЕВА, валтӥсь редактор

Туннэ тӥляд кияды - милям выль «мильыммы» - «Дарт» номермы. Табере со дорады толэзьлы быдэ одӥг пол вуоз. Та номер быдэсак сӥземын луоз егитъёслы. Кулэ-а вал нимысьтыз таӵе газет, лыдӟисьёс вералозы, дыр, тодматскемзы бере. Нош кытысь кылдӥз таӵе малпан?

удмурт дунне / dart 2 2011-ти ар 26-ти толшор.. ..

АЗЬВЕТЛӤСЬЁС

Удмурт егитъёслэн «Шунды» огазеяськонзы, республикаысь-тымы Егитъёсын ужанъя, Нацио-сын ужан политикая министерс-твооос кичӧлтэмъя 8-тӥ-11-тӥ ян-варе ӧсъёссэ усьтӥз «Вамыш». Го-род сьӧрысь огаз шутэтскон базае люкаськизы 40 пала нылъёс но пиос: 8-тӥ-11-тӥ классъёсын ды-шетскисьёс, студентъёс но ужась егитъёс. Соос пӧлы ик шеди мон но - Удмурт кун университетын дышетскись.

Нырысетӥ нуналэ ик милемлы бырйыны ӵектӥзы удыс: политика, творчество яке наука. Политика но творчество люкетъёсы курись-кисьёс соку ик висъяськизы. На-укае кылиз куать мурт гинэ. Малы? Оло та удысэз удмурт егитъёс тун-сыкоен уг лыдъяло? Яке шуг-се-кытъёс тросгес пумисько-а? Таӵе малпанъёсыным валлин ачим но «наукае» шеди.

* * *Милемын ужаз Удмурт кун

университетысь удмурт филоло-гия факультетысь дышетӥсь Оль-га Стрелкова. Солы юрттӥськиз егит тодосчи Настя Чушъялова. Визьнодасьёсынымы ӵош чакла-ны тыршим, кин со учёной, мар каре, кыӵе ужпумъёс туннэ пайда вайисесь луо. Вуимы огъя малпа-нэ: наука кулэ каре трос дырез, мылкыдэз но кужымез, нош та асьме странаямы вылӥ уг дунъ-яськы.

Макем ог-огзылэсь висъясь-ко огшоры адями но учёной - ми кылъёсын «портрет» суреданы вырим. Ольга Борисовна валэк-тэмъя, тодӥмы, ма со курсовой уж но проект. Дышетсконмес йы-лпумъямы огъя ужен - удмурт кы-лэз эскеронъя 14 юанлэсь тест кылдытӥм но соку ик мукет груп-паосысь эшъёсмы доры дыртӥм. Таӵе юалляськон бере тодӥмы: егитъёс удмурт сямен ӵемгес ве-расько семьяязы. Вераськоназы уг кутыло выль малпам кылъёсты.

Удмурт сайтъёс пӧлысь тодо туж ичизэ: udmkenesh.ru, yumshan.ru, kazak-of-sky.ru Жаляса верано, куд-огез уг но ятвылты, Интерне-тын удмурт сайтъёс вань шуыса - соосты ӵемысь сурало «В кон-такте» выллем сайтъёсысь удмурт группаосын.

Йырам кортӵог кадь пыриз одӥг малпан. Удмурт егитъёс анай кылзэс азинтонэ-эскеро-нэ ӧз ке пыриське, кин со борды басьтӥськоз на? Азьланяз наука сярысь тросгес ивор сётӥсьёс мед луысалзы. Уго одӥг дышетӥсез кылзыны акыльтэгес ик. Собере, ужась егитъёс но школаын дышет-скисьёс вискын - бадӟым нюк. Мар тунсыко бадӟымъёслы, сое вала-тэкгес кылизы вӧжоосызгес.

* * *Политика удысын егитъёсты

визьмаз Даниил Ходырев. Ачиз со дышетске Удмурт кун универ-ситетысь история факультетысь 3-тӥ курсын. Визьмо пияш ас тодон-валанъёсыныз огъёзъёс-сэ пыд йылысьтызы погыртэ ни вал - ваньзы, ымзэс усьты-са, кылзӥзы. Даниил верасько-наз ӝутӥз туала улонысь лэчыт ужпумъёсты. Кылсярысь, малы тросаз школаосын удмурт кылэз уг дышето.

Даниил Ходыревез кылзы-са, УдГ У-ысь удмурт филоло-гия факультетын дышетскись Катя Лекомцевалэн мылкыдыз уртчиз:

- Россиын ортчись выль-д ӥ с ь к о н ъ ё с ш о р ы у ч к о н э воштӥськиз. Тодӥ трос тунсыко проектъёс сярысь. Оски, удмурт кыл егитъёслы юрттэ асьсэдыз та улонын шедьтыны.

* * *Творчестволэн пуртыяз ше-

демъёс пӧзизы ке пӧзизы ни! Та-ослы кивалтӥсь но йӧспӧртэм шедиз - Эгра палъёсысь ас инты-яз пукыны чидасьтэм но жадёнэз

тодӥсьтэм Лариса Ускова. Солы юрттӥськизы дизайнер Полина Ку-биста но сюй мунё лэсьтӥсь Вера Степанова.

- Лариса милемын ортчытъяз пӧртэм шудонъёс. Котькуд заняти-мы туж тунсыко вал. Уката но кель-шиз адямиосын кусып тупатонлы сӥзем шудон, - ужамзы сярысь вера Алнаш школаын 10-тӥ клас-сын дышетскись Маша Орлова.

Ижысь школаын дышетскись Влад Степанов будэтӥз на:

- Тужгес но тодам кылёзы шу-донъёс но тренингъёс. Тунсыко потӥз миниатюра дасян. Соосты сӥзим удмурт калык притчаослы но мифъёслы.

Со сяна, творчество удысысь егитъёс дасязы пичи концерт. Та-тын кырӟазы «АМИСО Вотт» груп-паысь пиос. Кичабонъёс, кичабо-нъёс, кичабонъёс!

* * *Дышетскемзылы йылпумъянъ-

ёс лэсьтыса, «Вамышысь» егитъ-ёс котырес ӝӧк сьӧры пуксизы кивалтӥсьёсын ӵош. Таӵе дышетс-кон пумысен малпанъёссэс вера-зы нациосын ужан политикая ми-нистр Владимир Завалин, егитъё-сын ужанъя министр Владимир Со-ловьёв, нациосын ужан политикая министрлэн воштӥсез Татьяна Иш-матова, Россилэн Президентэзлэн Ижысь калыкез пумитан интыеныз кивалтӥсь Светлана Смирнова, республикаысьтымы Егитъёслэн парламентэнызы кивалтӥсь Ан-дрей Макаров. Егитъёс соосты юанъёсын согизы. Котырес ӝӧк сьӧрын кенешон тунсыко но пай-даё ортчиз.

Вакчи тол нуналъёс син куспын кадь ортчизы. Егитъёс шедьтӥзы выль эшъёс, доразы бертӥзы па-чылам мылкыдын. «Вамыше» ку-риськыса, соос нырысетӥ вамыш-сэс лёгизы ни. Азьланяз со кузьгес мед луоз!

Луша ШИХОВАlukretsia@mail.ru

Витетӥ ползэ радъяськиз «Вамыш» лагерь. Та проектлэн валтӥсь ужпумез - егит удмурт азьветлӥсьёсты дасян. Уго котькуд адями улоназ малпаськыны кулэ кыӵе ке пытьы кельтон сярысь. Нош солэсь азьвыл кулэ лэсьтыны одӥг ке но рос-прос вамыш.

Роман Казаковскийvk.com/inmar

Туала егитъёсты Интернет-тэк син шоры пуктыны секыт ини. Вань кулэ луись иворез соос шедь-то дуннеысь ивор вотэсысь. Тун-сыко: ӵапак Интернетлы луыса туала егитъёс тунсыкъяськыны кутско асьсэ выжыосынызы, анай кылынызы.

Кызьы туннэ нуналлы радъ-яське ивор вотэсын удмуртлыкез ӝутон? Та пумысен таӵе малпанъ-ёс кылдӥзы.

1. Кыӵе ужъёс лэсьтыны кулэ на Интернетын ивор вотэсын уд-мурт кыллэсь кулэлыксэ будэ-тон понна?

Тужгес но тодмо програм-маосты-сайтъёсты удмурт кылэ берыктоно. Кылсярысь, «В кон-так те» сайтлэсь интерфейс-сэ берыктоно но ваньмызлы возьматоно: Россиысь пичи ка-лыкъёс пӧлысь удмуртъёс «В контак те»-ез нырысетӥосыз пӧлын берыктӥзы. А дӟытоно сое «В контакте» группае 100 миллион пыриськемъёслы. Со удмуртъёслы бадӟым дан сё-тоз. Та ваньмыз лэсьтӥське ни, но али та сайтлэн 81 процентэз удмурт кылэ берыктэмын. Эшшо кык толэзь на, асьмеос та ужез вормом.

Терминологияя комиссиослэсь, зэмзэ вераса, ужзэс туж ик уг ду-нъяськы. Угось асьмеос web 2.0 даурын улӥськом. Таӵе вакытлэн тодметэз: кылъёс кылдытыны кулэ соослы кулэяськись но соослэсь пуштроссэс ӟеч валась егитъёс. Компьютер но Интернет-кылъёс-ты удмуртэ ваньмызлэсь умой бе-рыктозы вотэсын «улӥсь» удмурт егитъёс - та уж вырӟемын!

Кылсярысь, берпуметӥ уд-мурт-ӟуч кыллюкамысь утчай вал, кызьы меда логин но пароль кы-лъёсты удмуртэ берыктӥллям. Ӧй паймы: соосты гожтӥллям ӟуч ся-мен ик - логин но пароль. Нош web

2.0 даурын улӥсь нылъёс но пиос та кылъёсты тазьы берыктӥллям: логин - пыронним, пароль - луш-кемкыл. Усто-а? Усто!

2. Кызьы егитъёслэсь удмурт вотэсэн тунсыкъяськонзэс будэ-тоно но сое азьланьтон борды кысконо?

Удмуртъёс сярысь блогъёсын, социальной вотэсъёсын, форумъё-сын гожъяно удмурт учыръёс-ужрадъёс сярысь, та иворез шедь-тон пумысен мадёно ӵош дышет-скись но ужась адямиослы. Вотэ-сысь гожъямъёс вылэ чӧлскыса, таос мед дышозы удмурт сайтъё-сы ветлыны. Но ваньзэ тае йӧназ лэсьтоно. Кылсярысь, «В контакте-ез» удмурт кылэ берыктон сярысь ивор нунал куспын Удмуртиысь вань Интернет-СМИ-осы шедиз но Яндекслэн иворъёсын агрегатораз сюриз. Озьыен, удмуртъёс сярысь вераськонъёс потӥзы, эсьмаса, визьмо Яндекс-бот но сое валаз. Нош ваньзэ тае ӵемгес лэсьтоно: удмуртъёс шоры зэмос профес-сионалъёс шоры кадь мед учкозы, кудъёсыз эшшо ке удмурт кылын но вераськыны пӧрмыто.

3. Егит историк Денис Сахар-ных вотэсын удмурт кыллэн азь-ланьскемезлы люкетӥсь кык му-гез висъя:

- тросэз удмуртъёс анай кыл-зэс юн уг тодо;

- тросэз удмуртъёс анай кыл-зылэн луонлыкъёсызлы уг оско.

Туннэ меӵак вераны луэ: со-циальной вотэсъёс кылдэм ды-рысен та люкетӥсь ужпумъёс ышизы. Кылсярысь, «В контак-теысь» «Удмуртлык» группа но мукет удмурт сэрегъёс кылдэм дырысен. Социальной вотэсъёс эшъяськонэн, осконэн, капчи ве-раськонэн пыӵатэмын, соин ик удмурт кылэз юн тодӥсьтэм адя-миос но вунэто анай кылзэс ляб тодэмзэс. Эшъёссылэсь адӟем карыса, малпанъёссэс анай кы-лынызы (ӵок ойдо, янгышъёсын ке но) гожтыны йӧндыро. Зэм-зэ вераса, удмуртэз ляб тодон удмурт кылын творчестволы чик уг люкеты ни. Кылсярысь, социальной вотэсъёслы но уд-мурт туркымъёслы (группаос-лы) луыса тросэзлы тодмо луиз егит кылбурчи Богдан Анфино-генов. Со суро-пожо удмурт-ӟуч кылбуръёс гожъя - ужъёсыз туж тунсыко пӧрмо, калыклы кель-ше. Нош кин удмурт кыллэн лу-онлыкъёсызлы уг оскы вал, ва-лаз: ивор вотэсын удмурт кыл-лэн азьлань сюресэз вань!

ТУАЛА ТОДМЕТЪЁС

Web 2.0 даурысь лушкемкыл

Пеймыт нуналКАЙГУ

Нырысети вамыш

..

Валлян террористъёс пуштытӥзы Москваысь «Домодедово» аэро-портэз. Кӧшкемыт учырын быриз 35 адями, сӧсырмиз 160-лэсь ятыр мурт. Кин сомында адямиосты быдтӥз - тодмо ӧвӧл на, тае эскере следствие. Вӧсь луыны шедемъёслэсь тазалыксэс эскерыны Москваысь эмъяськонниосы вуылӥз Россилэн Президентэз Дмитрий Медведев. Терактэн йырин со ӧз мыны Швейцариысь Давосын ортчись эконо-микая форуме. Премьер-министр Владимир Путин косэмъя терактын быремъёслэн семьяоссылы 3 миллион манет висъямын луоз. Кун Ду-маысь депутатъёс кылзэс юаны малпало югдурез утёнъя но транспор-тъя министръёслэсь.

Терактын быремъёсты буре вайыса, туннэ, 26-тӥ январе, Москваын ялэмын траур.

32011-тӥ ар 26-тӥ толшор удмурт дунне / dart

ВИЗЬ КЕНЬЫР

Наука обществолэсь кулэясь-конъёссэ шӧдыны но быдэсъяны кулэ. Угось соос нуналлы быдэ кылдо, вошъясько. Пичи классъё-сысен ик удмурт нылпи шӧдыны кутске удмурт учебникъёслэсь, книгаослэсь тырмымтэзэс. Ӵапак соосты кылдытонэн ик вырыны кулэ тодосчиос, нимысьтыз вера-но ке - тодосчиос-методологъёс. Угось методологияя инъетэд ӧз луы ке, ужамед, наукаын утчаське-мед - юнме. Со сяна, гожтэмедлэн кылыз но вольыт, валамон мед луоз. Озьы гинэ лыдӟисьлэсь, тужгес но будӥсь пиналлэсь, сак-лыксэ ас палад кыскыны быгатод, солэсь тунсыксэ бугыртод. Кызьы пусъё наукаен вырись егитъёс, та ужпум тужгес но лэчыт сылэ анай кылын учебникъёсты-книгаосты кылдытонын.

Удмурт пиналъёслы учебни-къёс ӧз потылэ ке, вузэ пырыны капчиятон амалъёс ӧз луэ ке, анай кылынымы тунсыкъяськисьёс, сое дышетыны мылкыд карисьёс азьланяз луозы меда? Чылкак паймисько: Удмурт кун универ-ситетысь удмурт филология фа-культетэ пырисьёслэн анай кылзэс тодэмзы табере валтӥсь интыын ӧвӧл ни. Малы бен, шуом, удмурт кылъя но литературая олимпи-адаосын вормисе потэмъёсты, экзамен сётытэк, удмурт фило-логия факультетэ кутонтэм? Малы таӵе ӟеч сямлэсь куштӥськонэз вал? Удмурт кылэз соос кадь ӟеч тодӥсьёсты абитуриентъёс пӧлысь шедьтод на меда? Со гинэ

мар! Берло дыре удмурт егитъёс пӧлын вераськонъёс вӧлмизы: удмурт кылъя но литературая олимпиадаос азьланяз оло нош воксё но уз ортче ни…

Туннэ, фи лолог ъёс с яна , удмурт кылын наукая у ж ъёс гожъясьёс ӧвӧл ни. Нош кыӵе умой луысал, пӧртэм удысысь тодосчиос ужъёссэс анай кылы-нызы пӧрмытысалзы ке - удмурт терминъёсты кылдытон ласянь соослэн тыршемзы номырин ду-нъянтэм луысал. Мар ватонэз: на-укае кыстӥськон, кыӵе ке эскерон ортчытон ласянь удмурт егитъёс туж азьтэмесь. Тае адӟыны луэ Удмуртиын но, мукет фин-угор улосъёсын но, кунгож сьӧрын но ортчись конференциосын - отчы пыриськись удмурт студентъ-ёслэн, аспирантъёслэн лыдзы сюлэмшугъяськытэ.

Мон малпамъя, студентъёслэн огшоры пукон ӝытъёсысьтызы-ужрадъёсысьтызы кемалась эрике - выль улонэ - потоно ни: пырись-коно дуннеын ортчись бадӟым конференциосы, гожъяно тужгес но лэчыт ужпумъёслы сӥзем ста-тьяос, соосты вӧлмытоно тужгес но лыдӟымон наукая журналъё-сын-газетъёсын. Таӵе паськыт ужлы луонлыкъёс кылдытэмын ук. Тодон-валанэз будэтонын кыӵе ӟеч инъет сётэ профессорлэн В. Кельмаковлэн школаез. Оло нош кинлэн ке сюлэмызъя мукетызлэн удмурт тодосчилэн Р. Насибуллин-лэн дышетэмез. Удмурт кылтодо-нэз ӝутонын соослэн тыршемзы

котыр ласянь адӟем карымон - эскерон борды басьтӥськы гинэ, студент! Соин ик та ласянь азьпал радэ пото удмурт егитъёслэн тун-сыкъяськонъёссы.

Кулэ-а эскерон-утчаськон со-ослы? Тросэзлэсь кылэме вань таӵе валэктонзэс: наукаен вырон азьлане паськыт сюрес усьтысал ке, оло, со удысэ вамыштысал. Вылаз ик, соин вырыны уксё кулэ на, пусъё соос.

Удмурт наукалэн туннэ нуна-лыз сярысь мар малпало удмурт тодосчиос?

Виктор ШИБАНОВ, филология наукаосъя кандидат, Удмурт кун университетысь удмурт фило-логия факультетлэн деканэзлэн воштӥсез:

- История наукаосъя канди-датлэсь Л. Христолюбовалэсь «Учёные-удмурты» книгазэ ку-тыса, малпанэ вуиськод: адӟем карымон но визьмо тодосчиосмы асьмелэн ичи ӧвӧл. История, филология, этнология, тазалыкез утён, ватсаны луоз на биологиез но географиез (нялтас вераса, та удысъёсъя кылдытэмын удмурт нимкылъёсъя словарьёс) - та удысъёсъя удмурт наука огвамыш мынэ дуннеысь усьтонъёсын. Тун-нэ Евросоюзлэн программаосыз-

лы луыса 5-тӥ-11-тӥ классъёслы чаклам учебникъёсы туала улонлы тупась терминъёс пыртонъя уж мытэмын. Со йылозяз-пумозяз вуттэмын луоз туэ гужем: таӵе выльдӥськон пыроз физикая, информатикая учебникъёсы. Мон малпамъя, туала вакытлы та уж туж кулэ. Со сяна, туж пусйымон луысал философия нимкылъёсты удмуртэ берыктон - та бордын нокин уг ужа, шуыны луоз.

Александр ШКЛЯЕВ, филоло-гия наукаосъя кандидат, Удмурт кун университетысь журналис-тикая факультетлэн журналисти-калэн историезъя но теориезъя кафедралэн кивалтӥсез:

- Мон малпамъя, гуманитарной удысъёс вылӥ ӟечлыкен азинско. Тае возьматӥз Венгриысь Пилиш-чаба городын ортчем дуннеысь фин-угроведъёслэн конгрессы. История, кылтодон, археология, этнография, фольклористика - вань та удысъёсын чузъяськизы дано тодосчиосмылэн нимъёссы. Со вие ик палэнэгес кылемын социология, социальной психо-логия, этнополитикая югдурез эскерон. Та удысъёс выль омырез кулэ каро. Малпасько, соосты эскерон ласянь луонлыкъёс туэ паськытэсь.

Маиз тужгес но сюлмаськы-

тэ: эскеронлэн объектэз - калык но кыл - ышыны быгатоз. Угось туала гурт бырон калэ вуэмын, арысь аре кулэсме удмурт сямен вераськись пиналъёслэн лыдзы, ӧжыт национальной школаос но нылпи садъёс. Наукае кыстӥськись кадръёслэн лыдзы но туннэ шум-потымон ӧвӧл.

Татьяна ДУШЕНКОВА, филоло-гия наукаосъя кандидат, Историяя, кылъя но литературая Удмурт ин-ститутысь наукая сотрудник:

- Филология удыс сярысь ке верано, та ласянь пусйымон Удмуртилэн палэназ дышетс-кисьёслэн усьтонъёссы-утчась-конъёссы. Удмурт шаерын ды-шетскисьёсты та удыс ас бордаз сокем уг кыскы. Эскеронлэн объектэз сярысь кылпум ке пот-тоно, удмурт наукаын мар борды гинэ эн басьтӥськы - котькытын выльвыл (целина) . Но куд-ог школаос (В. Кельмаковлэн, Р. Насибуллинлэн) рос-прос азин-ско. Фольклорез эскерон ласянь адӟем карымон луэ профессор-лэн В. Владыкинлэн школаез. Та удысэ кыстӥськонлэн мугез луыны кулэ. Кутоно егитъёсты тунсыкъяськытӥсь амалъёс.

Настя ЧУШЪЯЛОВА,Москва.

chushyalova@gmail.com

Бугыртымтэ выльвыл кызьы азинске удмурт наука

Наука обществолы азинскон сюрес возьматэ. Быдэс дуннеын солы туж бадӟым саклык висъяло. Нош кыӵе югдур Удмуртиын? Удмурт шаерысьтымы наука огва-мыш азинске-а дуннеысь усьтонъёсын? Кыӵе удысъёс удмурт тодосчиосты бордазы кыско?

Бӧрысь ини Аркадий Дворкович валэктӥз: солэсь кылъёссэ янгышен валаллям. Стипендиос али быдтэмын уз луэ, соосты тырон дугдытӥськоз азьланяз - улонмы шӧдскымон азинскем бере. Президентлэн админист-рацияз тыршисьёс лыдэ басьтӥзы студентъёслэсь тулкымъяськемзэс.

Юалляськон ортчытэм бере тодмо луиз: 82 процентэз дышетскисьёс Аркадий Дворковичлэн кичӧлтонэзлы пумит, со вие ик соос пӧлысь 48 процентэз асьсэос коньдон дуро ни. 50 процентэз студентъёс мылкыдзэс веразы, дышетсконзылэсь ваньмыкузы, ужаны мылкыд каремзы пумысен, но уждунзылэн быдӟалаез улыны тупатэм минимумлэсь ичигес луыны кулэ ӧвӧл (Удмуртиын со 5 сюрс 239 манет). Малы бен сӥзё стипендизэс туала студентъёс?

Света, УдГУ, 3-тӥ курс: Улӥсько эшъёсыным ӵош квартираын, со понна коньдон тыро анае-атае. Стипендия номырлы уг тырмы, соин ик ужаны интыяськи вал. Но таин валче дышетсконлэсь бере кыльыны кутски. Соин ик ужелэсь куштӥськоно луи. Вылаз ик, дышетӥсьёс кырыж учко ужаса дышетскисьёс шоры.

Оля, ИжГСХА, 2-тӥ курс: Стипендия - шӧдскымон юрттэт. Соин я киное ветлӥсько, я катоке, я кыӵе ке тунсыко книга басьтӥсько. Та ласянь адӟем карымон азьмынӥсь кунъёсысь дышетскон система. Отын тодон-валан люкась, наукаен вырись студентъёс кунлэсь шӧдскымон юрттэт басьто.

Алексей Спиридонов, Удмурт Республикаысь Егитъёслэн парламен-тысьтызы депутат: Мон малпамъя, стипендилэсь базовой люкетсэ одно кельтыны кулэ - сотэк син азе секыт пуктыны Россиысь вылӥ тодон-валан сётонъя системаез, нош кылем люкетсэ улыны тупатэм минимумлэсь тросгес кароно - тазэ басьтыны мед быгатозы тужгес но мыло-кыдо дышетскисьёс.

Олён ТУГАШОВА

Сампса, Финляндия: Шко-лаын дышетӥ швед, англи, фран-цуз, немец кылъёсты, нош уни-верситетын - венгер, карел, эстон, пор, удмурт, ӟуч но грек. Ваньмыныз умой вераськыны уг быгатӥськы ке но, пӧлысьтызы котькудзы ик ас сяменызы дуно но мусо. Трос кылъёсты тодэм ноку мултэс ӧвӧл, мурт шаеръё-сы вуыса, астэ отын мултэсэн уд шӧдӥськы. Нош кунгож сьӧры мон ӵем потасько!

Мария, Германия: Ӟеч ве-раськисько немец, англи кылъё-сын. Валасько ӟуч сямен. Шко-лаын француз кылэз дышетӥ, но, жаляса верано, али лыдӟиськыны гинэ быгатӥсько на, мар верам-зэс уг йӧндыриськы. Итальян, араб, эсперанто кылъёсыз ас поннам дышетыны кутски, ос-кисько, куке-соку ик аслам кадь потыны кутскозы. Малы ваньмыз та кулэ мыным? Мукет кунъёсысь адямиосын огкыл шедьтон, эшъ-яськон вылысь. Кылъёсты тодэме ик монэ пӧртэм интыосы вуттӥз ини: 31 кунысь 80-лэсь ятыр го-родъёсын вал.

Мартин, Франция: Мыным кельшись кылъёс трос пӧртэм, но малы ке сюлмам золгес бинисько фин-угор луисьёсыз. Озьы куинь арня ӵоже Удмурт кун универси-тетысь удмурт кылэз дышетонъя гужем курсъёсы вуылӥ. Ижысь эшъёсылы гожтэтъёсме табе-ре удмурт кылын пӧраны тыр-шисько. Туж тунсыкъяськисько пӧртэм калыкъёслэн литерату-раенызы. Но соосты берыктыса, шӧмзы ӧжытак мукетгес луэ кадь потэ, соин ик гожтэм кылынызы лыдӟеме потэ. Котькудӥз кыл, мон малпамъя, выль дунне кадь. Нош выль дуннеосы сюрыны макем тунсыко! Кылъёсыз ды-шетыса, вуылӥ ни Австрие, Фин-ляндие, Эстоние, Россие, Англие, али Венгриын дышетскисько. Вань та тодэм-адӟеме улонам туж юрттэ.

Петер, Польша: «Узы-боры» удмурт фильмлэн режиссёрез лу-исько. Та бордын ужаны мыным туж юрттӥз Удмурт кун универ-ситетын ӝыны ар ӵоже удмуртэз дышетэме. Та понна бадӟым тау кареме потэ удмурт нылашлы

Юля Спешиловалы. Соин Буда-пештын ӵош дышетским. Юля ик ӵектӥз удмурт кылэз бырйыны.

Университетэ пыреме бере выль луонлык ъёс кылдӥзы - литва но венгер кылъёсты ды-шетыны быгатӥ. Кыкетӥез уката матын потӥз, али венгер кылъя факультетэ пыри. Та сярысь чик но уг жаляськы - мадьяр кыл секыт, но тунсыко. Мадьяръёс - капчи мылкыдо кылык, сямзыя полякъёслы но удмуртъёслы туж кельшо, кунгож сьӧрысь куноос-ты котьку умой пумитало.

Костя, удмурт, дышетске Финляндиысь но Эстониысь университетъёсын: Школа бере дышетски Удмурт кун универ-ситетысь кунгожсьӧр кылъёсъя факультетын. Со мынам уло-нам пӧртэм кылъёсты тодонъя нырысетӥ вамышъёсы луизы. Бӧрысь ини трос вуылӥ Евро-пае, Эстониын, Суоми шаерын но Венгриын улӥ. Вераськисько удмурт, ӟуч, эстон, фин, англи, немец кылъёсын. Мылкыды вань порез дышетыны.

Лена РЯБИНА

Берпумети манет...

Россилэн Президентэзлэн юрттӥсез Аркадий Двор-кович ивортӥз: студентъёслы стипендия висъян, оло, быдтэмын луоз. Та кылъёс странаысьтымы вань егитъёслэсь сюлэмзэс вырӟытӥзы. Мылкыдзы тужгес но ӟырдаз Интернетын пукись нылъёслэн-пиослэн - малпа-нъёссэс пуштэм кадь кисьтӥзы блогъёсазы, Интернет-форумъёсы но социальной сетьёсы.

Выль кыл - выль кун

Кылъёсыз тодэм нянь уг куры - таӵе ӟеч веран вань. Шумпотоно: куд-ог егитъёс тае ӟеч валало ни, дырзэс, кужымзэс жалятэк, пичи но бадӟым калыкъёсын одӥг кылын вераськыны дышетско. Малы со соослы кулэ?

..

удмурт дунне / dart 4 2011-ти ар 26-ти толшор.. ..

Тодэмды потэ-а, кытын уло туала удмурт пиос? Йы-рез мултэс тӥятэк, меӵак вераны луэ: Шаркан ёросысь Пороз гуртын. Дмитрий Соф-ронов, Константин Ворон-цов, Станислав Степанов, Антон Катавалов но Вла-димир Вахрушев котькыт-чы вуттӥськисесь , коть-маин тунсыкъяськисесь но дӥсьтӥсесь. Вордскем гур-тысьтызы шор ёзо школаез йылпумъяса, йыг-йыг, рос-прос пиос вамыштӥзы шаерысь-тымы вылӥ дышетсконниосы. Отын но, эсьмаса, порозъёс-ты синйылтытэк уд кель-ты. Угось, соос сяна, пӧртэм ужрадъёсы мыло-кыдо пы-риськисьёсты уд шедьты ни. Та пиос котырын берга уд-мурт егитъёслэн «Шунды» огазеяськонзылэн ужез но.

Дима СОФРОНОВ Синйылты улонысь чеберзэ

Дышетске Удмурт кун уни-верситетысь мувӧй факуль-тетын куинетӥ курсын. Шко-лаын визь-нод люкакуз, одӥг ужрад но сотэк ортчылымтэ. Шаерамы радъяськись конкур-съёсын но солэн нимыз огпол гинэ чузъяськылымтэ. Дималы тужгес но матын вылӥллям ма-тематикая но химияя урокъёс. Та удысъёсъя школаезлэсь данзэ уно пол утьылэм.

Ижкаре вуыса, пияшлэн тунсыкъяськонъёсыз зол ӧз воштӥське: бадӟым мылкыдын пыриське факультетэзлэн но огъя университетлэн, «Шун-ды» огазеяськонлэн ужъёса-зы. Туэ гужем «Шундыкар» лагерьын вожатой луыса тыр-шиз. Отын но Дима ассэ кап-чи мылкыдо, огкыл шедьтыны быгатӥсен возьматӥз.

Туэ гужем Дималы шуд усиз вуылыны одӥгаз тунсыко кунэ - Китае. Мурт кунын Дима Алё-ша выныныз ваньзэ туспуктэ-ме но плёнка вылэ гожтыса кельтӥллям. Вордскем палъё-сазы бертыса, малпанзы кыл-дэм: та люкам материалэз шо-нер радъяны луоно ук?! Вылаз ик, Россиын со вакытэ калыкез лыдъян-чотан ужрад мытэ-мын вал. Дима малпаз: Китай кунэ вуылэмез сярысь ролик кылдытыса, оло, ассэ удмурт гожтӥсьёслэн лыдзы эшшо но йылоз. Ужзы туж синмаськы-мон но даъямон пӧрмиз.

Отысь бертэмез бере «Ва-ньзэ тодысал Дмитрий Софро-новен» ролик кылдӥз. Отысь валтӥсь герой - пороз пи Дмит-рий Софронов - ассэ туж да-нъяськыса «удмурт» шуэ. Ки-тайысь вуз карисьёсын анай кылыныз ӟечъяськылэ, соосты удмурт кылэн тодматэ. Нялтас вераса, та роликез учкыны бы-гатоды татысь: http://vkontakte.ru/video19863995_151244134.

Мар ватсалом на Дима ся-рысь? Ваньмыкуз со котьку

басьтӥське гитара борды - кап-чиен шудэ но кырӟа. Крезь-гурез гажан мылкыд Дималы пичи дырысен ик пыӵаз. Шар-кан калыклэн али ке но син азяз на, вылды, Дималэн Костя Воронцов эшеныз «Ӵук кизи-ли» ӵошатсконын кырӟамзы-верамзы.

Ӟуч кылын кылбуръёсты удмуртэ берыктӥсько, гур-тамы вордскем кылбурчилэн Н. В. Широбоковлэн кылъё-сызъя кык кырӟан гожтӥ ини, шуэ Дима.

Костя ВОРОНЦОВ Эн сылы интыяд!

Школаын Костя яратылӥз математикаез, нош будэмезъя г уманитарной предметъёс кельшыны кутскиллям. Соин ик мылкыдыз ӝутӥськем Удмурт кун университетысь юристъ-ёсты дасясь факультетэ пы-рыны. Али со куинетӥ курсын ини. Быръем удысэз сярысь чик уг жаля. Юрист луоно ке, вань возьдаськонэз пушкад зӥбоно. Озьытэк тонэ кылӥсьёс уз луэ. Ачид но нокинлы юрттыны, се-кыт югдурысь поттыны уд бы-гаты. Костя пусъе: юриспру-денция удыс дӥсьтӥсьтэмъёссэ бордаз кема уг возьы. Тае ва-ласькод нырысетӥ курсын ик, ма, та сярысь ӵем верало дышетӥсьёс но. Соин кепыран сямлэсь амалтэк куштӥськыны тыршиськод. Та уж солы секы-тэн уг сётскы, шӧдске. Угось кепыранзэ та пияш пичи ды-рысеныз ик вормыны дышем, пӧртэм ужрадъёсы, кружокъё-сы пыриськыса.

Костя но пыриське «Шун-ды» огазеяськонлэн ужаз. Таӵе огазеяськонэ пыриськыса, ка-лык шӧдыны кутске аслэсьтыз туала Россилэн обществояз пыремзэ, кыдамзэ. Нош анай кыл адямилэн пуш дуннеез-лэн инъетэз луэ, солэсь сямзэ

юнматэ, кытӥ-отӥ тупатэ но, шуэ пияш. Костя чебер но чик возьдаськытэк вераське анай кылыныз. Удмуртъёслэсь но усто юристъёс пӧрмо, нош анай кылдэ ӟеч тодэмдэ мар вато-нэз?! Со азьланяз юрттоз но ай. Костялэн малпамезъя, уд-мурт егитъёслы уг тырмы зэмос азьветлӥсь. Со сьӧры, эсьмаса, ваньзы мынысалзы, пӧртэм ӟеч уж борды кутскысалзы. Кин тодэ, оло, азьланяз Костя ачиз сыӵе азьветлӥсь луоз?

Стас СТЕПАНОВ Туала адямилы - туала технологиос

Вордӥськиз но будӥз Шар-

кан ёросысь Кечгуртын, нош школае ветлӥз тямыс иське-ме палэнэ - Пороз гуртэ. Ды-шетскисьёсты бускель гур-тэ нуллӥзы автобусэн, но ӵем дыръя пияшлы пыдын лашкинтоно луылӥз. Соин ик пичи дырысеным эшъяськи спортэн, шуэ Стас. Школаез-лэсь данзэ утьылӥз пӧртэм ӵошатсконъёсын. Нырысетӥ интые потамзэ адӟыса, сое кутӥллям ёрослэн огазеям ко-мандаяз.

Спортэн вырем сяна, Стас мылысь-кыдысь пыриськылӥз вань школа ужрадъёсы. Но тужгес но тунсыко потэм солы эскерон-утчаськон ужен вы-рон. Пыриськи дышетскисьёс понна радъям «Поиск» ога-зеяськонэ (кивалтӥсез Л. Ру-дина). Одӥг уженым шаера-мы вормисе потыса, шуд усиз Москвае вуылыны, шуэ Стас.

Москваысь калыкез пияш тодматэм гын сапег лэсьто-нэн. Удмурт кибашлы шоры ва-ньзы синмаськыса учкиллям. Отын со вормисе потымтэ ке но, Россиысь дано адямиосын тодматскыны вуттэм.

Али Степанов дышетсконзэ азьланьтэ Удмурт кун универ-

ситетысь психологияя но пе-дагогикая факультетын. Татын но спортэн эшъяське. Универ-ситетлэсь но факультетэзлэсь данзэ утьылэ капчи атлетикая ӵошатсконъёсын. Бызьылон угось солэсь мылкыдзэ ӝутэ, выль инвисъёсы бурдъя. Озьы ик сюлэмызъя информати-ка. Туала адями тодыны кулэ туала технологиосты. Азь-лань улонме мон но та удысэн герӟаны малпасько, мылкыдзэ шарая Стас.

Дышетсконэз трос дырзэ басьтэ ке но, со уг палэнскы «Шунды» огазеяськонлэсь. Пияшлэн верамезъя, татын со выль эшъёс шедьтэ, дырзэ тун-сыко но пайдаё ортчытэ, туа-ла удмурт улон сямъёсынызы тодматске.

Антон КАТАВАЛОВ Москваосты паймытон

Туж яратэ дор палъёссэ, анай кылзэ, вордскем гуртсэ. Солэн верамезъя, ас выжыоссэ гажасьтэм адями гинэ удмурт кылын уг вераськы. Школаы-сен ик солы пыӵаз техника-ен тунсыкъяськон мылкыд. Со сяна, рос-прос басьтӥськиз наукая эскерон уж борды. Тае синйылтӥзы москваос но. Стас Степановен ӵош Антон пы-риськиз странамылэн шорка-раз ортчись ӵошатсконэ. Отын со утиз Удмурт Республикаын гурт удысын ужтэк пукисьёс-лы сӥзем ужзэ. Визеныз со-кем паймытӥз ӵошатсконэз радъясьёсты - кыкетӥ интые потӥз, ява! Шумпотымон, таӵе синмаськымон пияш ми пӧлын, удмурт гуртын вордскемын но будэмын шуыса! Оскиськом, азьланяз но таӵе вормонъёсыз уно луозы на.

А л и А н т о н д ы ш е т с к е Ижысь техникая кун универ-ситетысь автомобильёсъя но

корт вандылон тӥрлыкъёсъя факультетлэн куинетӥ кур-саз . Быръем удысэз солы кельше. Мыным тунсыко потэ машиналэн пуштросэз, шуэ пияш.

Ваньмон дыръяз Антон ярат э крезьг ур кылзыны, ӵош дышетскись эшъёсыныз шоркаретӥ поръяны. Азьвыл спортэн но эшъяськем. Али ваньмон дырзэ быдэсак сӥзе дышетсконлы. Ай нырысетӥ курсын Антон мыло-кыдо пы-риськем стройотрядэ. Быдэс гужемзэ студентъёсын Ленин-град улосысь Гатчина горо-дысь юртъёсты чеберъям-ту-патъям. Соку ик вуылэм Санкт-Петербурге.

Дышетсконзэ йылпумъяса, Антон армие ветлыны малпа. Ужаны интыяськоз дышетскем удысэзъя гинэ. Техникаез ва-лан угось карын но, гуртын но воштонтэм.

Вова ВАХРУШЕВ Валтӥсь герой

Вова Вахрушев та эшъё-сызлэсь одӥг ареслы пичигес ке но, вормонъёсызъя, быга-тонлыкъёсызъя соослэсь бере кылемез чик уг поты. Шко-лаысен со Димаен но Костя-ен кырӟанъя кружоке ветлӥз, пӧртэм ужрадъёсы, конкур-съёсы пыриськылӥз. Эскерон ужъёс но пӧрмытъяз. Соос пӧлысь тужгес но мур пушт-росоез сӥземын туала удмурт семьялы, солэн улэм-вылэ-мезлы. Та уженыз Вова Мос-квае но вуылӥз, но арлыдыз конкурслэн куронъёсызлы тупамтэ. Озьы ке но Вовалы кыкетӥ инты сётӥзы.

Школаын Вова яратӥз био-логия но математика урокъёс-ты. Паймоно солэн Удмурт кун университетысь удмурт фило-логия факультетэз быръемез-лы. Пияшлэн верамезъя, солы отын кельше. Ӵош дышетс-кись эшъёсыз капчи мылкы-доесь, визьмоесь. Удмурт кыл - анай кылы, сое вунэтыны уг яра! Удмуртлык понна сюлмы висе, соин факультетме туж яратӥ, шуэ пияш.

Вова кивалтэ УдГ У-лэн 3-тӥ огъяулонниысьтыз сду-дент ъёс лэн кенешенызы. Та интые сое кылем арын п у к т ӥзы . Пи яш т ыршыс а басьтӥське котькуд оскем уж борды.

В . Вахрушев «Шунды» огазеяськонлэн одӥгез яр-кыт сиез луэ. Берло ортчем ужрадъёс пӧлысь одӥгзэ ке но кельтӥз меда со? Дима Со-фроновен ӵош «Шундыкарын» вожатой луыса ужаз «Архи-текторъёс» отрядын. Удмурт мультфильм кылдытӥсьлэн Денис Корниловлэн малпа-мезъя, «Валера» киноын Вова валтӥсь героезлэсь рользэ быгатыса шудӥз.

Лена РЯБИНА. elenaryabina@yandex.ru

СИНМАСЬКЫМОН

С. Степанов, К. Воронцов, В. Вахрушев, А. Катавалов, Д. Софронов

.. ..Ми - туала пияшъёс, чик овол кепырасьёс!

удмурт дунне / dart2011-тӥ ар 26-тӥ толшор 5

ТОДМАТСКОН

«Пелепон» -кырзаммес пеле пон!

..

Сютэм мурт выль гур уз ворды

Вадим Михайлов: Мон Ал-наш ёросысь Кузёбай гуртысь. Дышетскисько Удмурт кун уни-верситетын удмурт филология факультетын берпуметӥ курсын. Тунсыкъяськисько пичиен-пи-чиен ваньмыныз, т у жгес но - крезьгурен.

Валерий Алексеев: Нош мон Алнаш ёросысь Юмья гуртысь. А ли «Италмас» ансамбльлэн хораз кырӟасько. Йылпумъяй культ урая коллед жез. Шко-лаын дышетскыкум ик, пыриськи пӧртэм ужрадъёсы, школа хорын кырӟай.

Сергей Иванов: Мон но Ал-наш ёросысь Кузёбай гуртысь. Дышетскисько Удмурт кун уни-верситетын. Армиын гитараен шудыны дышетски, нош табере соин уг ик люкиськылӥськы ни.

Сергей Михайлов: Мон но Кузёбай гуртын вордски но будӥ. Йылпумъяй Ижысь педагогикая училищеез. Крезьгурен сяна, пичи дырысеным ик тунсыкъясь-кисько спортэн.

Виталий Александров: Нош мон Пичи Пурга ёросысь Вуж Мӧнья г уртысь. Сцена вылын - пичи дырысен. Тодон-валан люкай Ижысь культурая кол-леджын.

- Кызьы выль группа кылды-тон сярысь малпан лыктӥз?

Вадим: Ваньмон дыр сюре ке, ми гитара шудэм улсын кырӟаса пукыны яратӥськом. Огпол тазьы пукыкумы, группа кылдытон ся-рысь малпан чилектӥз. Ваньмы кырӟаны-вераны яратӥськомы бере, нокин но талы пумит ӧз луы.

Сергей И.: Вадимен Валера выль группа сярысь малпазы - ми соослы юрттыны кутскимы. Малы бен сое кылдытонтэмез?! Вылаз ик , пӧртэм инструмент ъёсын шудӥськомы. Оскимы - пӧрмоз!

- Нош ма пумысен асьтэлы «Пелепон» ним малпады? Мае со возьматэ?

Валера: Туж кема малпаським группамылы ним сётон сярысь, но милемлы кельшиз «Пелепон». Со чылкак удмурт кыл, «науш-ник» шуэмез возьматэ.

Вадим: Малы одно ик «Пеле-пон»? Та ним пыр вераммы потэ: пеляд пон кырӟаммес! Озьы ик та кыл туала удмурт кылэз узырмы-тэ, паськытатэ.

- К ы ӵ е к ы р ӟ а н ъ ё с т ы т ӥ быдэстӥськоды?

Сергей М. : А ли одӥгеныз гинэ - «Ӟеч-а, бур-а, егитъёс!» нимаськисеныз - калык пӧлы потамы ай. Кырӟанъёсмес ась-меос кылдытӥськом. Нырысетӥ кырӟанмылы крезьгурзэ Валера гожтӥз, нош кылъёссэ - мон. Нош тупатъяны ваньмы ӵош тыршись-комы. Оглом вераса, гурезлэн но, кылъёсызлэн но авторез луись-комы ваньмы ӵош.

Валера: Нырысетӥ кырӟанмес сӥземмы потӥз егитъёслы. Уд-мурт эстрадае пыриськиськом лулпушмес , мылкыдмес усь-тон понна. А ли малпаськомы выль трек гожтыны. Оскисько, азьланяз но паймытом выль кырӟанъёсын.

- Нош тон, Вадим, «Amiso W o t t » г р у п п а ы н н ы р ы с ь кырӟаськод вал, ма муген отысь кошкид? Кыӵеен адӟиськод выль группадылэсь сюрессэ? Маин висъяськоз «Пелепон»?

Вадим: «Пелепон» уз луы «Amiso Wott» кадь, милям му-кетгес малпанъёсмы. Но азь-

пал сюресмы сярысь рос-прос вераны вазь на. «Amiso Wott» группаысь кошки, малы ке шуоно сцена вылэ потан мылкыды огва-кытэ сӥялскиз, та ик кошкеме но луиз. Уг жаляськы, табере угось выль группамы вань ини. Ачим, дышетсконме йылпумъяса, Иже кыльыны уг ке но малпаськы, группамес уг кушты.

- Нош тон, Сергей, сцена вылэ нырысьсэ потӥд…

Сергей И.: Кышкаса, но кур-данэ бӧрысь ортчиз. Валай: сцена вылэ потӥд бере, астэ куаш-куаш возьматы ни. Учкисьёслэн шуныт пумитамзы сюлэмме буйгатӥз кадь.

- Валера, тон «Италмас» ан-самбльын тыршиськод ини, выль группаын кырӟан-веран борды басьтӥськид на…

Валера: Пичи дырысеным ик туж потэ вал артист луэме. Малпанэ быдэсмиз. «Италма-сын» ужаны кутскеме бере выль удмурт группа кылдытон сярысь малпаськылӥ ни вал. Табере та малпан улонэ пыӵаз. Малпасько, сояз но, таяз но удысам ваньзэ пӧрмыто.

- Нош тон, Виталик, алнашъёс пӧлы кызьы чукад?

Виталик: Валераен ӵош ды-шетскимы, со ик монэ пӧлазы ӧтиз. Нырысь кылзӥськыны гинэ лыктӥ, собере кыли. Кошкеме уг поты. Кышнояськи ке но, мал-пасько, семьяен улон яратоно ужелы уз люкеты.

Тӥни сыӵеесь соос т уала удмурт пиос - номырлэсь кыш-касьтэмесь, асьсэлы оскисесь. «Пелепонъёс» сярысь тросэз уг тодо на, но, оскисько, соослэн куаразы ӝоген чузъяськоз шаер тыр.

Надя НИКИТИНАnikitina-nadya@yandex.ru

Кылем арлэн пумаз - 16-тӥ декабре - Ижысь «Авиатор» клубын вордӥськиз выль удмурт группа. Со ӝытэ люкаськем калыкез шулдыртӥз «Пелепон». Быдэс зал пай-мемын вал татысь егитъёслэн быгатонлыксылы.

«Пелепон» группаез кылдытӥзы вить кузя етӥз, чебер но визьмо пиос.

Кырӟась, диджей Анатолий ЭРКИШЕВ:

- Мон дась юрттыны егит дид-жейёслы но, кырӟасьёслы но, аранжировка дасясьёслы но. Ка-лыке поттымон кырӟанъёс вань. Соосты дасяны-гожтыны кулэ луись оборудование но шедьтыны луэ, ужаны опыт но люкаськемын ни. Но уксё ужпумъёс пала бе-рытсконо ке… Нокин но аслэсьтыз дырзэ уз быдты, удмурт культура-лэсь ӟечлыксэ узырмытон понна уз сюлмаськы, дунтэк ужаса.

Кыӵе йӧнала адями малпась-коз удмурт культура сярысь, дораз холодильникез буш ке? 10 ар ӵоже культура мыным номыр ӧз на вайы. Мон вань улонме орт-чытысал, сцена вылын кырӟаса,

выль крезьгуръёс гожъяса: та уж мыным туж кельше. Но та дыре ик малпаськоно луэ: мар мон дӥсяло, кытын уло? Культура уды-сын тыршысал ке, мон та дырозь квартира басьтыны ӧй быгатысал. Соин ик син шорам пуктыны уг быгатӥськы, мынам нылпиосы мурт патерын мед вордскозы шуыса. Котькуд адями малпаськиз ке, мар солы матынгес - культу-ралэн ӟечлыкез-а, аслаз улонэз-а - быръёз кыкетӥзэ.

Ваньзэ радызъя верано ке, студиын кырӟан дасян - куараез гожтон но аранжировка кылдытон - 15 сюрс манет усе. Малы сомын-да? Уго та уж кулэ каре трос дырез. Утчано куараос, син шоры пук-тоно, кызьы шудоз котькуд инс-трумент. Тани крезьгур гожтӥсь малпа огъя гармонизэ но гурзэ, нош кылемез уж усе аранжировка лэсьтӥсь вылэ. Со сяна, кулэ усто оборудование - тазэ но котькудӥз басьтыны уз быгаты. Собере, кӧня аръёс быро та тӥрлыкен усто ужаны дышетскон понна, ӟеч крезьгурчи луон понна. Соин ик лыдъяса потэ ай, кӧня дыр но уксё кулэ, 10 выль кырӟанлэсь ке но ӟеч альбом дасян понна. Луысал ке юрттэт, дискотекаосын но выль кырӟанъёс чузъяськысалзы.

«Авиаторын» ортчем берлояз удмурт дискотекаын ужрадэз радъясьёсты пыкылӥзы егитъёс. Огез чепыль-тон - таӵе шулдыръяськонъёсын удмурт гуръёс шер чузъясько.

Продюсер Павел

ПОЗДЕЕВ:- Егитъёс дӥськутэн вуз карон

интые лыкто ке, огзылэн но йыра-зы уг чилекты юан: «Нош кытын-о удмурт дэремъёс?»

Егитъёс пыдкукен вуз карон интые лыкто ке, огзы но уг юало: «Нош кытысь-о басьтыны луоз удмурт гын сапег?»

Е г и т ъ ё с У д м у р т и л э н шоркаретӥз поръяло, но огзылэн но юанзы уг кылды: «Кытысь-о шедьтоно удмурт кафеез?»

Егитъёс книгаосын вуз карон интые кожо ке, малы ке уг юало: «Удмурт книга басьтыны луоз-а?»

Егитъёс крезьгур тӥрлыкъёсын вуз карон интые пыро ке, малы ке огзылэн но йыразы уг чилекты юан: «Удмурт дискъёс вань-а?»

Егитъёслэн, «Авиатор» клу-бысь удмурт ӝытъёсы лыкто ке, одно кылдэ юанзы: «Нош малы уг чузъясько удмурт гуръёс?»

Кылид-адзид - иворты!Ӝыт шулдыръяськонын шутэтскид, концертэ вуылӥд, тунсыко книга лыдӟид, выль диск кылзӥд? Тэк эн

пукы - мылкыдъёстэ но малпанъёстэ вера милемлы udmdunne@udmnet.ru адресъя. «Кебит возьмасе» шедем тужгес тунсыко гожтэмъёслэн кузёоссы басьтозы «Авиатор» но Fashion клубъёсысь ӝытэ яке Udmurt party-e билет но «Мынам Удмуртие» радиолэн «Эктоника» программаезлэсь дисксэ.

«Эктоникаез» нуись Вероника ВАУЛИНА:

- Мынам мултэс коньдонэ кыл-дысал ке, одно ик удмурт кырӟан гожтысал. Малпасько, уксёлэн тырмымтэез шӧдӥське удмурт

эстрадаысь туала артистъёслэн творчествозы вылын но. Выль кырӟанъёс секытэн вордско, соин но, лэся, егитъёслэн сюлмазы бинялскыса уг вуо.

Ижкарысь клубъёсын удмурт гуръёс-кырӟанъёс, оло, кӧт тыр-мыт уг чузъясько. Но вордскем гуртам - Алнаш ёросысь Бай-тэрекын - чылкак мукет югдур. Егитъёс шумпотыса экто удмурт кырӟанъёс улсын. Та ласянь со-ослы юрттэ, малпасько, «Мынам Удмуртие» радио пыр чузъясь-кись «Эктоника» проект. Эфир кыстӥське 2 час ӵоже. Озьыен, со-мында дыр куспын егитъёс удмурт кырӟанъёсты кылыны но соос улсын эктыны быгато. Та ласянь радиолэн пайдаез шӧдӥське.

МАЛПАН

.. ..

удмурт дунне / dart 6 2011-ти ар 26-ти толшор.. ..

Дмитрий Глуховлэн но Лера Игнатьевалэн виртуальной кусыпъёссы выжо улонэ

Аслыд куз утчаны паськытэсь луонлыкъёс усьтӥзы социаль-

ной нимаськись сайтъёс. Кылсярысь, «В контакте», «Одноклассники», «Facebook». Эшъёсы пӧлысь тросэз, эсьмаса, нырысетӥ яратонъёссэс-га-жанъёссэс соос пыр шедьтӥзы. Ма, выль эшъёслы но узырмизы. Та сай-тъёсын пукисьёслэн бамъёсазы ӵем дыръя пусъемын луэ статуссы: бызе-мын-кышнояськемын-а, люкиське-мын-а, оло нош аслэсьтыз парзэ утча. Секыт шат егит пияшлы кузпал утчась нылашлы гожтэт ыстыны? Но зэмзэ вераса, социальной сеть пыр семья кылдытэмъёс эшъёсы пӧлын ӧвӧл. Нырысетӥ яратонэныд но номыр ся-рысь вераськыны, угось валаськод: милемыз огазея вылэм школа гинэ, огымысь пусъё эшъёсы.

Ижкарысь Лена тодмое узыр се-мьяын будэмын. Анаез кивалтӥсь, атаез - шаерамы гажамон адвокат. Лена семьяяз одӥг ныл. Удмурт кун университетысь юриспруденцияя факультетэз йылпумъяса, отчы ик аспирантурае кылиз - анай-атаез уж утчаны ӧз лэзе, ассэ наукалы сӥзьыны ӵектӥзы. Лена учконтэм ӧвӧл ке но, пиосын ӧз удалтылы. Одӥг группаын дышетскем пияшлы бызьыса вуттӥз-а, ӧз-а, соиз пегӟиз нырысетӥ ярато-нэз доры. Леналэн атаез эмеспиезлы уж инты но, дуно машина но кузьмаз вал ни ке но…

Картэз кошкем бӧрсьы егит нылкышно Интернетэ ӵем но ӵем пыраны ӧдъяз. Со пыр тодматскиз Казахстанын вордскем но та вакы-тэ Ижкарын улӥсь Димаен. Нырысь ог-огзылы гожтэт ысъязы, кӧня ке толэзь ортчыса, Дима Лена доры улыны выжиз. Ма, квартиразы уго анай-атаезлы но, егит семьялы но улыны тырмымон. Ӝыны ар орт-чыса, Дима чиптэм-чаптэм ышиз. Соин валче тӧлӟизы Леналэн дуно шубаез, зарни чеберъяськонъёсыз но уксё люкан карточкаосыз (ӵошен улытозязы, Дима тодыны вуттӥз соослэсь кодъёссэс но). Пӧям ныл, чик ӝегатскытэк, судэ вазиськиз. Милицаос Димаез Ижысь ӧз шедь-тэ. Алигес кылӥськиз: сое, пе, бер-лозэ адӟизы казах шаерысь. Но пӧяськисез та нуналозь кырмыны ӧз луы на. Кин тодэ, оло, мукет дыдыез чебер кылъёсын кӧя-вӧя ни…

Но кинлы но солы та ласянь удалтэ ик. Можга карын бу-

дэм Светлана Бабкина дышетскыны пыриз Удмурт кун университетысь кунсьӧр кылъёсъя люкетэ. Ас азяз ужпум пуктӥз: кузпал одно ик шедь-тоз кунгож сьӧрысь. Меӵак вераса, та факультетын дышетскем нылъёс пӧлысь 80 процентэз кӧчо Герма-ние, Мальта шормуӵъёсы, Амери-кае но мукет кунъёсы. Факультет сярысь серемпыр верасьёс но вань: кунгожсьӧр эмеспиослы кенъёсты дасясь инты.

Света, куинетӥ курсэ вуиз-а, ӧз-а, Интернет бусыосын бугыръ-яськыны кутскиз. Куриказ сюриз Германиысь Михаэль. Виртуальной амалэн кусып воземзы бере Миха-эль сое ваче син пумиськыны Мос-квае ӧтиз. Немец пияш Светалэн сюлмаз ӧз лякиськы. Ныл порма, пе, выросъёсыз. Утчаськонзэ азьлань-тоно луиз. Таяз радэ - Германиысен, угось отчы вуиз гувернант чотын коньдон поттыны. Ивор вотэс пыр ӝоген тодматскиз 38 аресъем Кай воргоронэн. Таиз вордскемын Анг-

лиын, улэ-ужа Германиын. Интер-нет пыр ог-огмылы гожтэт ысъяса, мон Кайлэсь сямзэ тодӥ вал ини. Ваче син адӟиськеммы бере вань шӧдонъёсы зэмазы: со мыным вир-туальной улонын гинэ ӧвӧл, зэмосаз но кельшиз, шуэ Светлана. Ог кык ар талэсь азьло соос сюан шудӥзы ни. Кайлэн Лондонын улыно-вылыно квартираез вань ке но, егитъёс па-терын уло Германиысь Гамбург го-родын. Угось кыкназылэн но ужан интызы отын. Озьы тӥни Интернет-лы луыса кылдӥз выль семья.

Интернет пыр кузпал шедь-тыны юрт тӥсь сайт ъёс

трос. Егитъёслэн тужгес сюлэм-зыя таӵеосыз: mamba.ru, dating.ru, friendfi nder.com но мукетъёсыз. Но отын утчаськисьёслы кинлы кызьы удалтоз: пӧяськеме кыльыны кема ик ӧвӧл.

Ивор вотэс борды итыны луоз мобильникъёс пыр тодматсконэз но. Туган утчасьёслы кинлэсь ке те-лефон номерзэ ӵекто эшъёссы, яке егитъёс уже куто сотовой опера-торъёсын ӵектӥськись «Тодматскон» услугаез. Кыдёке ветлонэз ӧвӧл: кылсярысь, «Мынам Удмуртие» те-лерадиокомпаниысь егит журналист Вероника Ваулина кузпалэныз тод-матскем мобильник пыр.

- Эшъёсы дэмлазы ӟеч сямо пи-яшен тодматскыны, солэсь телефон номерзэ сётӥзы, - шуэ Вероника. - Мон дӥсьтӥсь адями бере, соку ик жингыртоно кариськи. Озьы мон вуоно картэным кусып вози мобиль-ник пыр - туссэ адӟытэк-тодытэк. Бӧрысь пумиськимы, со мынам сюл-мам соку ик лякиськиз. Ӝоген бызь-ыны ӵектӥз. Озьы семья кылдытӥмы - шудме палэнтӥ ӧй лэзьы.

Туала улонлэн тодметэз - пика-перъёс. Англи кылысь берыктыса, та кыл «чукатыны, шедьтыны» шуэмез возьматэ. Берло дыре ульчаосысь ӵем гинэ адӟод нылъёсын яке пи-осын тодматскыны дышетӥсь кур-съёсы ӧтёнэз. Таӵе тренингъёс пыр ортчон Москваын 300 сюрс манет пала сылэ, Ижкарын 5 сюрслэсь ичи уз куре. Отчы ӵем дыръя вазисько кепырась, асьсэлы оскисьтэм мур-тъёс - тужгес но востэм пияшъёс. Тренингъёсты нуисьёс вӧзысьтыд адямиез аспӧртэм амалъёсъя усь-тыны дышето, куддыр гипнозэз куто, кепырасьёсты дышето нылэн яке пияшен кусып тупатыны. Та пон-на пикаперъёс уже куто пӧяськонэз, син пуктылонэз. Узырлыкез дунъ-ясь нылэз соос бордазы чукатозы чебер выросъёсынызы, бусьтыр улонзы сярысь пӧяса верамъёсы-нызы. Нылашен матысь кусып ту-патыса, пегӟозы. Пикапер угось ужпумзэ быдэстӥз: ныллэсь йыр-зэ поромытӥз, аслэсьтыз сюлэмзэ, егит мылкыдзэ буйгатӥз. Интер-нетысь форумъёслы осконо ке, пи-каперлы бызён учыръёс Россиын

вылӥллям ик. Но таӵе пӧяськисен, валамон, семья уд кылдыты. Соин ик чакласькы!

Нылашен я пияшен тодматскы-ны но юнэсь кусыпъёс тупа-

тыны ӟеч амал - одӥг классын яке группаын дышетскон. Тодон-ва-лан люкан вискад уго вӧзад пукись эшъёстэ эскерыны быгатӥськод, со-ослэсь сямзэс мургес тодӥськод. Соин ик пӧлысьтызы кузпаллы бырйиськод ини сюлэмыдлы тужгес но тупасьсэ.

Куд-ог психологъёс пусъё: ды-шетскон висказы тодматскем адямио-слэн кусыпъёссы, мукет амалъя семья кылдытэмъёсын ӵошатыса, тужгес но юн луо. Таӵеос пӧлын люкиськон учыръёс, пе, шергес пумисько. Соос уго студент вакытысенызы ик дышо ог-огзылы юрттыса улыны. Лекция гожъяны кулэ-а, экзаменлы дасясь-кыны яке диплом уж гожтыны - котьку огкылысь. Нялтас вераса, таӵе амалъя семья кылдытэмъёс пӧлын тужгес но трос наукаен вырисьёс, культу-

ра но калыкез дышетон удысъёсты ӝутӥсьёс. Тани Россилэн Президентэз Дмитрий Медведев Светлана кузпа-лыныз тодматскем, Ленинградысь 305 номеро школаын дышетскыкуз.

Ижкарысь Тодосчиослэн юртсы-лэн кивалтӥсез Леонид Гонин куз-палзэ пумитаз, Ижысь гурт хозяйс-твоя институтын дышетскыкуз. Мон соку улонэз адӟем мурт вал ини: ар-миысь вуэмын, стройотрядын ужа-мын, ньылетӥ курсэ выжемын. Нош вуоно кузпалы али гинэ дышетскы-ны пыремын, тодаз вае Л. Гонин. Уч-кымон нылашез Леонид Михайлович син шорысьтыз лэзьымтэ ни. Кема ик дыр ӧз ортчы - сюан шудӥзы. Студент вакытазы шедьтэм яратонзы Гонинъ-ёслэн - мур но оскымон.

Со сяна, вуоно кузпалэн тод-матскыны усто амал - уж дурын. Та-тын но уго дышетсконын сямен: ог-огедлы дунъет сётыны быгатӥськод, кельшем мурттэ котыр ласянь эске-риськод. Таӵе семьяос юн луо. Но кызьы пусъё психологъёс, кузпалъёс

пӧлысь огезлы, уж интызэ воштыса, умойгес луоз. Угось кышноен-кар-тъёслы одӥг интыын тыршыны се-кыт йӧтоз.

Улонэз адӟем адямиос умой-тэм учко уй клубъёсын, дис-

котекаосын тодматсконъёс шоры. Шуо: сыӵе ужрадъёстӥ ӟеч пиос но йӧно нылъёс уг ветло. Уй клубе вамыштӥсьёслы мар кулэ? Валамон - уйдэ кинэн ке шулдыр ортчытон, собере коть дунне мед быроз. Нош адямилэн тапыр эктэмез, шулдыръ-яськемез потэ ке? Шутэтскон вискад яратондэ пумитаны умойтэм шат?!

Таиз но зэм: ог кызь ар талэсь азьло таӵе амалъя аслыд оскымон кузпал шедьтыны луысал ай, вы-лды. Туннэ чылкак мукет суред: дис-котекаосы егитъёс дырто курытсэ ӟамыртон, усыкмытӥсь суретъёсын шузияськон вылысь. Мар татын ве-ранэз на аслыд пар утчан сярысь! Гуртысь егитъёс та ласянь, оло, ла-чмытэсьгес: клубе вамышто ог-оге-нызы адскыны, кенешыны. Но жаля-са верано, курытэныз эшъяськыны соос но устоесь ни…

Студент вакытад кузпал шедь-тэмед потэ ке, тужгес но ӟеч амал - вуылы эшъёсыд доры куное. Уг янгыша, вылды: та ласянь тужгес но ӟеч луонлыкъёс кылдытэмын удмурт филология факультетын дышетс-кисьёслы. Угось отын тодон-валан люкасьёс ваньзы сямен ик гуртъ-ёсысь вуэмын. Лыдъялэ-чоталэ ай асьтэос: группаын 35 адями ке, ар-нялы быдэ, эсьмаса, котькудӥзлэн гуртаз вуылыны быгатод - я Башки-риысь удмурт гуртэ, я Алнаш палъё-сы. Нош кытчы вамышто эшсы доры куное вуэм егитъёс? Валамон, клу-бе! Нош отын выль лыктэм нылаш яке пияш шоры синзэс чукатӥсьёс ой! кӧня люкасько. Озьы, шуом, Та-тарстанысь удмурт нылъёс алнаш яке можга кенъёс луо…

Удмурт кун филармониысь «Шулдыр ӝыт» театрлэн чеберлыкъя кивалтӥсез Марина Галичанина вуо-но кузпалэныз тодматскем урамын. Калыклэн лыдъямезъя, семья кыл-дытон ласянь таиз амал сокем оскы-мон ӧвӧл. Озьы-а, тазьы-а, но мургес малпаськоно ке, кин ке тодэ-а меда, кытын пумиталоз яратонзэ? Та мыл-кыд вордске уго витьымтэ шорысь, нош куддыр тупасьтэм интыын но. Мон малпамъя, тужгес но кулэез - адямилэн сюлэмаз огпол ке но мед кенжоз яратон, шуэ Марина.

Нокин но вераны уз быга-ты: таяз интыын пумись-

кон - шудлы, мукетаз - уродлы. Умойтэм шат, шуом, уй клубын аслэсьтыд яратондэ пумитаны но быдэс улондэ соин ӵош шудын пыласькыны?! Мед гинэ ӝуатскоз яратон - одӥг нуналлы гинэ ӧвӧл, быдэс улонлы!

Олён ТУГАШОВА

.. ..Овол мынам яратылон туганэ

Матэктэ 14-тӥ февраль - Яратӥсьёслэн нуналзы. Оло, кин-лэн ке «Дарт» пыр сюлэмзэ усьтэмез, яратонэзлы вазиськемез потэ? Озьыен, ялӥськомы конкурс - кин гажанэзлы тужгес но аспӧртэмлыко кузьым лэсьтӥз яке кузьманы дасяське? Яратон-дылэн кыӵе кузьымез тужгес но вунонтэм кылиз? Та сярысь ивортэ милемлы, вормисьлы - аспӧртэмлыколэсь аспӧртэмлыко кузьым! Синмаське, яратэ, шумпотэ!

ЯРАТОН, ОЙ, ЯРАТОН...

Киноын гинэ егитъёс оп! шуытозь тодматско, ог-огзылы син-масько но семья кылдыто. Нош улонын ваньмыз огшоры гинэ уг пӧрмы: Инмарен сётэм пардэ пумитаны сокем капчи ӧвӧл. Ку бен пумитад потоз яратонэд? Кин тодэ, оло нош сое возьмаса пуко-но ӧвӧл, аслыд утчаськоно-бызьылоно? Та юанъёслы меӵак ва-лэктон нокин уз сёты, малпасько. Угось котькудӥзлэн аслаз улон сюресэз, шудэз.

Кытысь пумитано вуоно кузпалдэ? Та юанлы валэктон шедь-тон понна мон бызем-басьтэм эшъёсылэсь кузпалъёсынызы-ту-ганъёсынызы кызьы пумиськемзэс чаклай. Кудӥз амал пайдаёгес - чаклалэ асьтэос.

Тодматскеме потэ!Усьтӥськомы тодматсконлы сӥзем сэрегмес. Кин аслыз пар утча, эн кепыралэ, вазиське милем-

лы. Нимдэс-тулдэс шараямды уг поты ке, сётыны быгатоды аськадылэсь яке «В контакте» выллем социальной сетьысь бамдылэсь, оло нош блогдылэсь адрессэ.

* Тодматскысал визьмо, тунсыко пиосмуртэн. Вазиськы, эше! Инетысь монэ шедьтод friendfeed.com/yumshan-promo адресъя.

* Вазиськы, удмурт пияш! Тодматском, лулысь-сюлмысь кенешом. Оскисько, асьмелы мӧзмыт уз луы! http://vkontakte.ru/id84357512.

удмурт дунне / dart72011-ти ар 26-ти толшор.. ..

ТУЗӤ KUBISTA

Полина Кубистаpolina.kubista@gmail.com

Табере ойдолэ басьтӥськомы туала модаез сэрттон-пертчон борды. Урамын кезьыт тол! Выль ар праздникъёс ортчизы, азьла-ньын витё тӧлъёсын-лымыен тырмем февраль но тулыс омыр вайись март. Ма, берпуметӥзэ мон чик малпаськытэк пырты-сал тол толэзьёс пӧлы, угось мартэ но ай кузёяське кезьыт куазь. Мар карод, таӵе вакытэ дӥсеныд туж ик уд тузӥяськы: шуныт шубае яке пуховике би-нялсконо. Но соос улэ кильтро-зэ дӥсяно! Соин ик азьлань - мода сьӧры.

Усьтӥськомы песянайёсмы-лэсь шыкысъёссэс. Отын утись-кемын ке чильпам я керт тэм кышет - туж умой! Сое пельпум вылад инъяны быгатод. Со сяна, модаысь потыны уг дырто му-гор вылын вӧл-вӧл пукись коф-таос. Кезьыт куазьлы тупа туала амал - кубиста: кардиганъёсты, джемперъёсты, шуныт кофтаос-ты, шарфъёсты вылысьтыз вылаз дӥсян. Таӵе амал юрттоз кезьыт куазен шунскыны но, модалэн куронъёсызлы но тупаны. Бен,

шуныт кофтаосты, дэремъёсты шедьтыны быгатоды котькуд ма-газинысь. Но калыклэсь пӧртэм дӥсь нуллэмды потэ ке, вазись-ке Ижысь Модельёсъя юртысь удмурт модельерлэн Зоя Ле-бедевалэн ательеяз. Озьы ик аспӧртэмлыко дӥсь ӵектэ Polina Kubista но.

Ум вунэтӥське пыдъёсты шун-тон сярысь но! Котькыӵе сапе-гъёслы тупалозы шуныт голь-фыос (гетры). Песянайёсмылэн шыкысъёсысьтызы поттӥськомы в у н э т э м г ы н с а п е г ъ ё с т ы . Синйылтӥды, луоз, кильтро ны-лашъёс Ижкар урамъёстӥ ва-мышъяло гын сапеген! Таӵеослэн лыдзы т у э чиньые тырымон мында гинэ. Нош вуоно толал-тэ небыт пыдкутчан туж модной луоз. Басьтэмды ке но потӥз, уд шедьтэ ай сое! Соин ик гын са-пег шедьтон пумысен сюлмась-ке ини али ик. Киужен вырисьёс сое ас сяменызы чебертыны бы-гатозы. Кин пужы пуктоз, муке-тыз бирды но пилинӟы дэмӟытоз, куинетӥез кильтро лента лякоз.

Озьы пӧрмоз зэмос хенд-мейд (киын лэсьтэм уж).

Кубиста амалъя дӥсяськыны мылкыд карисьёслы ӧвӧл ву-нэтоно одӥгзэ: вылады инъям нырысетӥ дӥсьты векчи басма-лэсь луыны кулэ. Шуныт кардига-нъёсты, дэремъёсты дӥсяськомы кашемир колготкиос, ыж гонлэсь гамашиос вылэ! Пыдъёсты тач-тач шобыртӥсь джинсыос, штаниос вылэ дӥсяны луоз эркын пукись кофтаос.

Дӥсьлэн буёлэз сярысь ке ве-рано, быръе пиштӥсьтэм, инкуазь буёлъёслы тупасьёссэ. Тол куа-зен, соос шоры учкыса гинэ, шу-ныт мылкыд мед кылдоз. Со сяна, вылады дӥсям огшоры кофтаез тӥледлы гинэ тупась карыны бы-гатозы пӧртэм чеберъяськон ар-бериос.

Мода, дӥськут пумысен юанъ-ёсты кылдӥзы ке, вазиське мыным. Валэкто, юртто!

Туспуктэмъёсыз Гриша СТЕПАНОВЛЭН, стилез но модельёсыз Полина КУБИСТАЛЭН

Дарали Лелиhttp://daralileli.blogspot.com

Мынам нимы Алёна Петро-ва, тросэз тодо Дарали Лелиез сямен. «Удмурт дуннеын» малпа-нъёсме шараям сяна, тыршисько пӧртэм удысъёсын. Берло дыре аслым ӵемгес юан сётӥсько: нош мар мон карисько? Мар мон та дырлы лэсьтӥ ини?

Нырысь ик, дышетскемея мон - венгер но удмурт кылъёсъя дышетӥсь. Кылем арын тодон-ва-ланме будэтӥ Венгриысь Балашши нимо институтын. Кунгож сьӧрысь 10 студентъёсын ӵош мадьяр кы-лысь анай кылэ берыктонэн выри. Удмурт кылэ берыктӥ Будапештын ӵем шудылэм туала драмаез.

Кыкетӥез (т уннэ нуналлы тужгес но яратоноез) ана - крезь-гур утчан но шудон. Мон диджей. Dj Darali нимын кутски шудылыны «Авиатор» клубын 2008-тӥ арын. Али вераны луэ ни, соку «Юмшан Промо» огазеяськонлэн тужгес но яркыт вакытэз вал. Егитъёс лӧптыса люкаськылӥзы нырысетӥ удмурт позыръяськонъёсы. Ачим но шумпотыса кырӟан бергатылӥ, шудылӥ удмуртъёс понна. Нош собере мӧзмыт луиз. Удмурт егитъёс, гуртъёсысь потэмъёс, туж ик уг тунсыкъясько вылэм пӧртэм крезьгур ӧръёсын: регги, драм энд бэйс, техно, транс… Соослы весь «Ӟичыпиос», «Ой, тӥ, чебер нылъёс» кулэ. «Весь картошка, весь картошка, тари ӝук сием потэ» мынам гинэ, лэся. Эшшо ик люкетыны кутскиз Паша Поздеевлэн малпам образэз. Солэн адӟемезъя Дарали - со сыӵе малпам адями - Интерне-тын но удмурт дискотекаосын со одӥг, зэмос улонын нош мукет. Акыльтӥськиз кык полэс улыны-вылыны - Венгрие пегӟи.

Ӵапак соку куинетӥ удысэ-лэн - гожъяськонлэн - тужгес яркыт вакытэз тупаз. 2009-тӥ арын куартолэзе Удмурт театрын ортчиз творчествоя ӝыт нерге: перформанс но ток-шоу. Отын Кумышка но К лаудия нимын Ефремова Надя эшеным ӵош вань йӧспӧртэм малпанъёсмес кисьтӥм. Отын ик калыке поттӥ али гинэ вордэм книгаме, ве-росъёсын нырысетӥ бичетме. «Инвожо» книгапоттонниын «Гур сьӧрысь суредъёс» потӥз. Кни-гаелэн тыро-пыдо презентациез али но ӧй вал на, угось со вакытэ ик лул вылэ усиз диплом.

Гож ъяськон - т у ж мудрон удыс. Али ке но валантэм, кыл-

сярысь, Интернетэ гожъяськон - со зэмос гожъяськон-а? Оло, зэмос гожъяськон - ӝӧке люкан? Зэмос бумага уж - со визьмо ли-тература яке шузияськон чуръёс? Венгриын дыръям нокыӵе мур пуштросо куэтъёсы ӧз вордӥське. Одӥг-ог мӧзмыкум кылбуръёс гинэ... Польшаысь эше Петер Палган удмурт кинолы сценарий гожтыны дэмлаз но, сютэм мурт кадь кино дунне кылдытон бор-ды басьтӥськи. Озьы кылдӥзы «Узы-боры» киноысьтымы йӧно Вика, солы синмаськем Максим, ваменэс Дыды но визьмо Дедуш... Киномы возьматӥськоз ни апре-льлэн кутсконаз.

Но т у ж г ес но зэмос у же Уд м у р т к у н ф и л а р м о н и е н герӟаськемын. Сентябрь то-лэзьысен мон тыршисько эст-рада кырӟанъя «Шулдыр ӝыт» театрын. Тросэз уг на тодо, дыр: «Шулдыр ӝыт » ансамбльысь артистъёс туала улонэ выжи-зы, татын ик «Малпан» группа, «Гербер» трио, Анна Плотнико-ва, Геннадий Ганьков... Марина Галичанинаен ӵош малпаськом выль кырӟанъёс, Женя Сундуко-ваен пыртӥськом выль сямъёс. Эстрадаен вырыны мон ноку мылкыд ӧй карылы. Но ужаны ӧз на акыльты, лэся…

Европа бере мон выльысь синмаськи туала клубъёсын чузъ-яськись крезьгурлы. Али туж яратӥсько нью-диско но инди-рок тулкымъёсты. Выль кужы-мен басьтӥськи дискотекаосын шудон борды. Котькуд арнязэ шулдыртӥсько «Бар весёлых историй» клубын. Удмуртъёслэн таӵе крезьгурзы ӧвӧл на... Яке али гинэ кылдэ, но сое тросэз уг тодо.

Берпуметӥ удмурт дискоте-каын нуи анти-радио часме: шудӥ анти-удмурт крезьгур. Со вал дуннеысь нырысетӥ: хаус гуръёс но яратоно техно трекъёсы. Зэмзэ вераса, калык крезьгур понна лыктэмын ӧй вал, со вуиз Дара-лиен адскон понна. Яке дунтэк пырон понна…

Соин ик валамон, малы тросэз удмуртъёс, дискотекае вуэмъёс, ноку уз кылэ, мар со зэмос де-тройт техно яке т ужгес т узӥ нью-диско. Тросэз уго 12 час бере вуо.

Ми кылдытӥськом удмурт элита. Со элита кулэ тодыны туала культураез, крезьгурез, модаез, шӧдыса, валаса дӥсяськыны, тун-сыко но пӧртэм книгаос лыдӟыны, удмурт газетъёсты но журналъёс-ты учкылыны. Сыӵе дышетскем муртъёс асьсэды гажан пыр ка-лыксэс но гажаны кутскозы. Соин ик туж кулэ, дыр, ортчытыны пӧртэм удмурт ужрадъёс: отын адямиос, балъёсын выллем ик, асьсэды возьматыны быгато-зы, мукетъёсызлы дунъет сёто-зы. Премиос но анти-премиос, пӧртэм нимъёс но трос туспук-тэмъёс... Озьы ик кылдоз удмурт Мадонна, удмурт Пэрис Хилтон. Леди Гага - со удмурт, шуиз одӥг пол одӥг визьмо поляк. Мон малы ке солы оскисько.

Ваменэс дыдылэн малпанъёсыз

Ойдолэ нырысь тодматском. Мон - Полина Кубиста. Йылпумъяй Удмурт кун университетысь искусствоосъя но дизайнъя факультетэз. Вить ар ӵоже дышетски костюмъёслы проект кылды-тыны. Мон - эрико суредась-модельер-дизайнер. Ваньмон дыръям «Polina Kubista» марка улсын кыл-дытэм дӥсьёсме вузасько, выль модельёс кылдытъясько. Стилист луыса мыло-кыдо пыриськисько модалы сӥзем проектъёсы.

Басьтэ жоггес гын сапег!

..Ӟечбуресь, мон та - Дарали. Мыным кельше «DART» ним. Табере нимысьтыз вазиськыны луэ ни удмурт егитъёслы: егит азьветлӥсьёслы но удмурт дуннеен тунсыкъяськись муртъёслы, со пушкын чорыг кадь уясьёслы но одӥг-ог гинэ зымылӥсьёслы...

ДАРАЛИ КУАРА

ÏÎÒÒЋÑܨÑ:

Óäìóðò Ýëüêóíûñü Êóí Êåíåø

Óäìóðò Ýëüêóíûñü Êèâàëòýò

Âàëòћñü ðåäàêòîðÇ. Ê. ÂÀÕÐÓØÅÂÀ.

Ïðîåêòëýí êèâàëòћñåç À. À. ØÊËßÅÂ.

Íîìåðúÿ ðåäàêòîðË. ß. ÌÀËÛÕ.

¹ 9 (24748) íîìåð2011-òћ àð26-òћ òîëøîð (ÿíâàðü)

Ðåäàêöèëýí-èçäàòåëüëýí àäðåñýç:426008, Èæ ãîðîä, Ê. Ìàðêñ óëü÷à, 274-òћ þðò, «Óäìóðò äóííå» ãàçåòëýí ðåäàêöèåç.

ÐÅÄÀÊÖÈÅ ÂÓÒÒÝ ÒÀЏÅ ÒÐÀÍÑÏÎÐÒ:

Ïóøêèí óëü÷àåòћ: àâòîáóñ - 19-òћ, òðîëëåéáóñ - 1-òћ, 4-òћ, 7-òћ - «Ôèëàðìîíèÿ» äóãäîí.

Êàðë Ìàðêñ óëü÷àåòћ: òðàìâàé - 1-òћ, 2-òћ, 4-òћ, 9-òћ - «Ïåðåóëîê Øèðîêèé» äóãäîí.

E-mail:udmdunne@udmnet.ru

Ñàéò: www.udmdunne.ru

ÒÅËÅÔÎÍÚ¨Ñ:

Âàëòћñü ðåäàêòîð - 733-344Âàëòћñü ðåäàêòîðåç âîøòћñü - 733-342Þàíú¸ñúÿ - 733-342 (ôàêñ).

ËÞÊÅÒÚ¨Ñ:

Ïîëèòèêàÿ - 733-338Èâîðú¸ñúÿ - 733-343Ãîæòýòú¸ñúÿ - 733-347

ßëîíú¸ñúÿ (îòäåë ðåêëàìû),áóõãàëòåðèÿ - 733-341Ãàçåò ðàäúÿñü¸ñ - 733-346

Ðåäàêöèëýí íî àâòîðú¸ñëýí ìàëïàíçû êîòüêó óã òóïà.

Äóíûí ïå÷àòëàñüêèñü ìàòåðèàëýç âîçüìàòћñü ïóñ.

Ðåêëàìàëýí ïóøòðîñýç ïîííà ðåäàêöèÿ êûë óã êóòû.

Àäðåñ ðåäàêöèè-èçäàòåëÿ: 426008, ã. Èæåâñê, óëèöà Ê. Ìàðêñà, 274.

Ãëàâíûé ðåäàêòîðÇ. Ê. ÂÀÕÐÓØÅÂÀ.

Îáú¸ì 2 ï. ë.Èíäåêñû: 54400, 11598Òèðàæ íîìåðà 2600.Îáúåäèí¸ííûé òèðàæ 11400.Öåíà: 3 ðóá.

¹ 9 (24748)26 ÿíâàðÿ 2011 ãîäà

Ïîäïèñàíî ê ïå÷àòè: 18.00Ïî ãðàôèêó: 18.30

Ãàçåòà îòïå÷àòàíà íà ÃÓÏ «Èæåâñêèé ïîëèãðàôè÷åñêèé êîìáèíàò» (426039, ã. Èæåâñê, óë. Âîòêèíñêîå øîññå, 180). Çàêàç ¹ 95.

Ãàçåòà çàðåãèñòðèðîâàíà Óäìóðòñêîé ðåñïóáëèêàíñêîé èíñïåêöèåé ïî çàùèòå ñâîáîäû ïå÷àòè è ìàññîâîé èíôîðìàöèèÐåãèñòðàöèîííûé íîìåð Ó-0084

Ãàçåòà ðàñïðîñòðàíÿåòñÿ ïî ãîðîäàì è ðàéîíàì Óäìóðòèè, Áàøêîðòîñòàíó, Òàòàðñòàíó.

Çà ñîäåðæàíèå ðåêëàìíûõ ìàòåðèàëîâ ðåäàêöèÿ îòâåòñòâåííîñòè íå íåñ¸ò.

Ó×ÐÅÄÈÒÅËÈ: Ãîñóäàðñòâåííûé Ñîâåò Óäìóðòñêîé Ðåñïóáëèêè

Ïðàâèòåëüñòâî Óäìóðòñêîé Ðåñïóáëèêè

1915-òћ àðûñåí

1917-òћ àðûñåí

1918-òћ àðûñåí

1918-òћ àðûñåí

1930-òћ àðûñåí

1943-òћ àðûñåí

1992-òћ àðûñåí

Ä

2011-ти ар 26-ти толшор удмурт дунне / dart8

Берыкты удмурт кылэ IT-терминологиез Пичи калыкъёс сюбег куто компьютер технологиосты. Цифровой

улон-вылонэ пырымтэ калыкъёс но кылъёс, жаляса верано, матысь аръёсы бырон калэ вуозы. Озьыен, удмурт егитъёслы басьтӥськоно пӧртэм туала программаосты удмурт кылэ берыктон борды. «В кон-такте» сайтэз берыктон быдэстэмын 80 процентлы, кылиз на тужгес секыт кылъёсты-веранъёсты анай кылын сётыны, нош со бӧрсьы удмурт сайтлэсь удмурт сямен «чузъяськемзэ» эскерыны. Дась-а астэ эскерыны? Герӟаськы Роман Казаковскиен.

Радъя анай кыллы сизем акцияЮНЕСКО огазеяськон кичӧлтэмъя 21-тӥ феврале быдэс дунне пусъе

анай кыллы сӥзем нуналэз. Фин-угоръёс та празднике мылысь-кыдысь пырисько: анай кылэз утёнлы сӥзем ужрадъёс ортчо Комиын, Марий Элын, Москваын. Кылем арын «Шунды» огазеяськонлэн ёзчиосыз Ижысь Шор площадьын калыклы люкылӥзы удмурт разговорникъёс. Тӥ но ортчытыны быгатоды та выллем ужрад. Чаклалэ «В контакте» сайтысь «Удмуртлык» группалэсь иворъёссэ: отысь тодыны быгатоды трос вы-льзэ. Акцие пыриськемды яке сое ортчытэмды пумысен малпанъёстэс гожтэ блогады яке «Удмуртлык» бамын.

Гожты наукалы сизем уж Удмурт кылын наукая ужъёс туж ичи. Та шӧдӥське удмурт кыллэн

берпуметӥ форпостаз но - Удмурт кун университетысь удмурт фило-логия факультетын. Удмурт тодосчиослэн ӟуч кылынгес гожъяськемзы потэ. Тунсыко: 200 ар талэсь азьло кылдытэмын вал наукалы тупась но тупасьтэм кылъёсъя теория. Соя ӟуч кыл пыртэмын вал берпуметӥосыз пӧлы. Анай кылын наукая уж гожтон - зэмос подвиг. Угось, сыӵе ужъёс ичи бере, авторлы амалтэк кылдытоно луэ выль терминология.

Усьты удмурт кылын блогИнтернетын аслэсьтыд сэрегдэ усьтӥд ке, эн вунэты «Удмуртлык»

группаын ссылка сётыны. Озьы блогед сярысь тодозы дуннеысь вань удмуртъёс но журналистъёс.

Гожты удмуртлыклы сизем курсовой ужТон удмурт кылэз тодӥськод но программистлы дышетскиськод?

Кылдыты удмурт кылэз дышетонъя тренажёр-программа яке юртты уд-мурт рок-группалы аслэсьтыз сайтсэ кылдытыны. Тон - вуоно дизайнер? Кылдыты футболкаос вылэ удмурт кылъёс пуктонъя коллекцидэ.

Берыкты удмурт кылэ мультикезНылпиос удмурт кылын вераськемысь дугдӥзы ке, кылмы быроз,

ышоз. Соин ик сюлмаськоно анай кылмес будӥсь пиналъёслы пыӵатон ся-рысь. Мультикъёсты, компьютер шудонъёсты берыктоно удмурт кылэ.

Витисько дэмланъёстэс - shklyaev@facebook.com

ДЭМЛАН ПУЛ

..

КЫТЫНКУМАРИж, «Дружба» кинотеатр, румын кинолы сизем фестиваль, 27-ти январьысен 2-ти февралёзь

Румыния - выль кинокун, дӥсьтӥз кинематографиысь ветеранъёс - Франция, Германия, Италия, Россия - радэ султыны. Румынъёс - выль даурысь тужгес валтӥсь, туала, тунсыко, дӥсьтӥсь кино кылдытъясьёс: быдэс дуннеын ӧвӧл ке но, Шундыӝужан Европаын. Ижын возьматэмын луозы туж шер пумиськылӥсь румын фильмъёс. Ивор шедьтыны луоз татысь: http://vkontakte.ru/page-8239044_34637323ф

Иж, «Авиатор» клуб, «Вордскем нуналзэ пусъе Леди Ди» шулдыръяськон жыт, 29-ти январь

Можга ёросын вордскем нылаш Диана Шутова 3 аресозяз чылк-чылк удмурт кылын вераськиз. Бӧрысь семьяеныз городэ улыны выжиз но анай кылзэ вунэтӥз. Та нуналлы Диана улэ Сарапулын, кырӟа асэныз кылдытэм «Bossa Nova» группа-яз. «Культпросвет» промо-группа «Bossa Nova» группаез пыриз 2010-тӥ арлэн тужгес но яркыт усьтонъё-сыз пӧлы. «DART» газет кичӧлтэмъя 29-тӥ январе «Авиатор» клубын

ортчоз Дианалэсь Вордскем нуналзэ пусъён. Калыкез шулдыртозы удмурт рок-группаос (Amiso Wott) но ӝужась кизилиос Марина Ми-хайлова, Алина Антонова.

Иж, адзытонъёсъя «Галерея» центр, 8-ти февралёзь

«Homo Faustus» («Шудо адями») нимаськись адӟытон. Возьматэ-мын шудо адямиез усьтӥсь туспуктэмъёс. Тунсыко: шудо муртъёслэсь улонзэс эскерон, туспуктэме шуккон кыстӥськиз 5 толэзь. Студие вуылӥзы 42 шудоос.

Иж, «Фэшн» клуб, 8-ти февральОртчоз «Udmurt party» шулдыръяськон ӝыт. Тӥ понна шулдыр

кырӟанъёсты бергатозы Эркишев, Пушкин диджейёс, Udmurt FM ра-диоысь дуэт - Надя Николаева но Вова Ведров.

Ижкар, Удмурт театр, «Дорвыжы» фэнте-зилэн премьераез 11-ти февраль

Удмурт тодосчилэн В. Ванюшевлэн эпосэзъя кылдытэм 2 люкетэн фэнтезиез адӟытон. Сӥземын Удмурт национальной театрлы 80 ар тырмонлы.

Иж, «Квартира» клуб, CACOPHONICS панк-группалэн жытэз, 11-ти февраль

Латвиысь Cacophonics группалэн кузьымез - панк-концерт. При-балтикаысь вуэм 4 пияшъёс «Квартираез» пуштытозы супер куараен но супер драйвен!

Ижкар, «Авиатор» клуб, «Удмурт кылъёс - 2010» ужрад, 24-ти февраль

Шаерысьтымы Нимкылъёсъя но орфографияя комиссия, УдГУ-ысь удмурт филология факультет, «Вордскем кыл» журнал кичӧлтэмъя ортчоз тужгес но тунсыко кылъёсты быръён. Куарадэс сётыны быгатӥськоды али ик - http://vkontakte.ru/topic-644235_2089646

Алнаш ёрос, Азамат гурт, 5-ти февраль

«AMISO WOTT party! Макмыр, визьтэм йыр» ӝыт

Программаын: АМИСО ВОТТ (удмурт панк-рок), Ури-Бери(удмурт рэп), Алина Антонова (удмурт поп). Кырӟасьёс сяна, Азаматэ вуозы туспуктӥсьёс, суредасьёс. Пӧлазы тодмо киу жчи Зоя Лебедева. Со ортчытоз видеоперепись.

Ижкар, «Дружба» кинотеатр, «Узы-боры» удмурт фильмлэн премьера-ез, 17-ти март

Кызьы ивортӥз сценарист Дарали Лели, киноез Польшаын дасян та нуналъёсы йылпумъяськыны кулэ. Монтажен вырись Войтек Каневски киноез куара гожтонлы дася. Продюсер Петер Палган матысь дыре Удмурт шаере вуоз.

..

..

.. ..

..

..

....

..

..

http://kifot.ru/Тодмотэм авторлэн сайтэз. Со усьтӥське Cheberlyk. Dunne shory

umoiges uchky… ӧтён улсын. Сайт синъёсты кыске туж яркыт но тузӥ туспуктэмъёсын, суредъёсын. Тунсыкоесь соос улын гожтэмъёс, шара малпанъёс. Йӧспӧртэм: соос сётэмын удмурт латиницаен.

http://larisarim.ru/Венгриысь Будапешт университетысь егит удмурт тодосчилэн Ла-

риса Широбоковалэн блогез. Гожъямъёсыз сӥземын кылъя политикаез радъянлы, билингвизмлы, нылпиосты анай кыллы дышетонлы. Блогысь шедьтыны луоз егит тодосчилэсь пӧртэм кунъёсы вуылэмез сярысь малпанъёссэ.

http://minnac.ru Удмурт кылын открыткаос, ӟечкыланъёс.Та сайт луонлык сётоз эшъёстэс, ӵыжы-выжыостэс, шуом, Вордскем

нуналэнызы, Выль арен но 8-тӥ Мартэн ӟечкыланы Интернет пыр уд-мурт кылын - анимация амалэн быдэстэм флэш-открыткаосын. Таӵеез ӧй вал на.

http://nabbber.comТа сайтысь но пумиталод ни удмурт кылэз. Со юрттоз пӧртэм кылъёс-

ты дышетыны, соослэсь пуштроссэс удмурт кылын лыдӟыны-тодыны.http://udmstih.ruУдмурт кылбурчиослы сӥзем сайт. Со пыр тодматскыны луоз тужгес

но дано удмурт поэтъёслэн улэм-вылэменызы, творчествоенызы но туспуктэмъёсынызы.

Выль сайтъёс

..

..

..

..

Алексей Шкляевshklyaev@facebook.com

..

..

.. ..