Каб любіць Беларусь нашу мілую, Трэба ў розных краях пабываць

Разумею цяпер, чаму з выраюЖураўлі на Палессе ляцяць.

Гэта радкі з песні Алеся Ставера «Жураўлі ляцяць”. Сапраўды, “каб любіць Беларусь нашу

мілую, трэба ў розных краях пабываць”. На жаль, мы з вамі нячаста адпраўляемся ў

падарожжы па нашай роднай Беларусі. І – вынік гэтага – мала ведаем пра свой край.

Нават пра горад, у якім жывём, мала ведаем. Што ўжо казаць пра ўсю краіну?

Вось для таго, каб нешта ведаць, і пішуцца кнігі.

Сёння нас з вамі чакае чароўнае падарожжа. Падарожжа па кнігах серыі

“Скарбы роднай прыроды”. Серыя была заснавана ў 2007 годзе

дзіцячай пісьменніцай Аленай Масла. У іх сабрана лепшае, што створана на працягу

многіх гадоў, што адлюстроўвае велізарнае літаратурнае багацце. Кнігі зіхацяць

своеасаблівым россыпам празаічных і паэтычных залацінак з твораў прафесійных

беларускіх пісьменнікаў.

Першай кнігай серыі стала кніга “Дзе жыве зубраня”. Скажыце, калі

ласка, як вы думаеце, пра што раскажа кніга з такой назвай? А назвай для кнігі паслужыў

аднайменны нарыс Вячаслава Семакова, дзе ў слове ад аўтара

напісана так займальна і цікава, што хочацца чытаць кнігу далей. А

пачынаецца гэта слова так: “У мяне ёсць маленькі сябра, якога завуць

Алёша. Ён жыве ў самым славутым беларускім лесе – Белавежскай

пушчы....”. І ў хлопчыка быў сябра – маленькі зубрык. Алёша прасіў тату

расказаць што-небудзь аб жыцці свайго любімца. Вось так і

атрымаўся нарыс “Дзе жыве зубраня”. А яшчэ тут прадстаўлены

казкі, вершы, вымаўлянкі, каламбуры пра зуброў С.Панізьніка,

М.Чарняўскага, В.Віткі і іншых беларускіх аўтараў.

Другая кніга гэтай серыі – “Бабраня на Бузянцы” напісана Святланай Уладзіміраўнай Гук.

На зямлі ўсё разумна і зладжана. І, калі прыгледзіцца да таго, што сустракаецца,

то кожны зможа зрабіць якое-небудзь адкрыццё ці разгадаць таямнічку.

Вось і гэта кніга раскажа пра адзін з цудаў, на якія багата наша Беларусь. А яшчэ вас чакаюць цікавыя пытанні

напрыканцы кожнага нарыса. Кніга павядзе вас па Бярэзінскаму

біясфернаму запаведніку і вы даведаецеся, што гісторыя з’яўлення

запаведніка звязана з бабром. Бярэзінскі біясферны запаведнік –

эталон прыроднага асяроддзя для ўсёй Еўропы.

А ўсяго на нашай планеце налічваецца зараз 529 біясферных запаведнікаў.

Іх галоўная місія – паказаць чалавеку, што без гарманічных адносін з прыродай

жыцця на зямлі не будзе.

Трэцяй кнігай серыі “Скарбы роднай прыроды” стала кніга

“Падарожжа з белай чапляй”, выдадзеная ў 2010 годзе. Разам з белай чапляй вы пабываеце ў Нацыянальным

парку “Прыпяцкі”, які знаходзіцца на Палессі.

“Шаноўныя дзеці! Зрабіце мне ласку – паслухаўце гэту палескую казку”. Вось у

гэту палескую казку і павядзе кніга. Чытач адчуе сябе вандроўнікам па

вядомай-невядомай зямлі, а ягоным “крылатым гідам” будзе белая чапля,

якая нарадзілася тут і жыве... Вас чакаюць нарысы, празаічныя і

паэтычныя казкі.“Вялікая Чапля сядзела ў чароцеІ казкі чытала маленькай басоцеПра скарбы Палесся, чароўную Прыпяць,Якую па кроплі хацелася выпіць.Так слухала Чаплю птушыная школа,Што ўсё заціхала адразу наўкола.Забыліся гульні, спыніліся спрэчкі,Забіліся сэрцы рытмічна ля рэчкі”.

Чацвёртая кніга серыі “Юшка Вялеса” напісана

Святланай Уладзіміраўнай Гук. Гэта займальная аповесць

расказвае пра гістарычную і прыродную спадчыну

Браслаўскага краю. Юныя падарожнікі, Стасік і Міхась,

выхаванцы Опсаўскай школы-інтэрната даследуюць родныя мясціны. Разам з настаўнікам-

краязнаўцам дзеці шукаюць скарбы, знаходзяць чароўную гаючую

крынічку, знаёмяцца з выбітнымі гістарычнымі асобамі,

расшыфроўваюць загадкавыя археалагічныя знакі. Браслаўскія азёры хаваюць шмат таямніцаў, і

дапытлівыя вандроўнікі абавязкова раскрыюць іх...

Закончылася літаратурнае падарожжа ў цікавы і таямнічы свет прыроды.

Наперадзе яшчэ шмат сустрэч з прыродай. Будзьце заўсёды яе вернымі сябрамі.

У любую пару года, сонца-сонейка – з зямлёю, у пагоду, непагоду. з цішынёю – салавей, слухай родную прыроду – з небам – рэкі і азёры, ты пачуеш галасы хваля – з ніцаю вярбой... таямнічае красы. як і што яны гавораць, З лесам, з нівай залатою слухай, сябра любы мой. размаўляе ветравей, Дзіцячая бібліятэка №4