Upload
deniss11
View
35
Download
3
Embed Size (px)
Citation preview
5.ASTEKO BIGARREN JARDUERA
Gaur egin bizi garen gizartean baliabide teknologiko askoren inguruan bizi
gara. Badakigunez, honako hauek aukera ezberdin pilo eskaintzen dituzte
eta horietariko oinarrizkoena internetarekin kontaktuan egotea da.
Ondorioz, internetaren bitartez web pilo bat ditugu gure esku, ez soilik
jolasteko edo gainontzekoekin kontaktuan egoteko, baizik eta orokorrean
ikasteko.
Halaber, ni neuk ikasle modura gehien erabiltzen ditudan web-ak edo
programak, Dropbox, Twitter eta Blogger dira. Hasteko ikastea ez da soilik
informazioa jasotzea, baita ere informazioa prozesatzean eta konpartitzean
oinarritzen den prozesua. Beraz, dropbox programa aukeratu dut oso
praktikoa eta erabilgarria delako.
Honen bidez mota guztietako
informazioa gure kontura igo eta guk
nahi dugun pertsonarekin (gonbidapen
baten bitartez) parteka dezakegu. Nahiko praktikoa dela esan dezakegu
partekatu nahi den informazioa azkar igo daitekeelako eta informazioa
antolatzeko aukera asko eskaintzen dituelako. Horretaz aparte, zure
kontuan duzun informazioa beti presente izango duzu eta zure erabiltzailean
sartzearekin aski duzu. Gainera, baldin eta edonork informazio bat publikoa
jartzen badu bere kontuan, informazio horren link-a sakatuz gero, denok
ikus dezakete igotako informazio hori nahiz eta dropbox kontua ez izan.
Hala ere, aipatzekoa da, dropbox-ek badituela desabantaila batzuk. Alde
batetik, bakoitzaren dropbox kontua 2GB-tez osaturik dago eta horiek
amaituz gero ezin izango da ezer gehiago igo. Gainera espazioa lortzeko
beharrezkoa da dropbox-ean erabilpen aktibo bat izatea eta pixkanaka
haiek espazioa oparitzen joango dira. Amaitzeko, esna beharra dago,
bideoak igotzerako orduan segun eta zein den internetaren abiadura,
denbora gehiago edo gutxiago egongo direla bideoak igotzen eta askotan
denbora dezente itxaron behar da. Hala ere, oso programa erabilgarria da
ikaskuntza prozesua garatzeko eta material didaktiko ezberdina
konpartitzeko zein ikusteko.
Aukeratutako bigarren tresna Twitterra izan da. Egia izanda, twitter bitartez
mundua konektatuta dagoela ematen du. Tresna honeri esker, informazio
sortu, eskaini, konpartitu etab egin daiteke. Programa honek aukera pilo
eskaintzen ditu eta horrek eragiten du hain erabilgarria izatea munduan
zehar. Egia esanda, twitter ikasteko tresna egokia dela uste dut, betiere
honen erabilpen egoki bat eginez. Izan ere, milioika
erabiltzaile daude munduan zehar eta horietako askok
informazio oso baliagarria eskaintzen dute.
Horretarako, twitter eskaintzen dituen aukeren bitartez
informazio hori zure kontuan konpartitzeko eta
zabaltzeko aukera ematen du. Beste alde batetik,
informazio hori ea gustuko duzun ala ez jakinarazteko posibilitatea daukagu
ere; eta horrekin batera beste hainbat funtzio.
Hala eta guztiz ere, twitter tresnak baditu bere alde negatiboak. Izan ere,
eskaini al duzun informazioa 140 karakteretako txioetan egin behar duzu
eta hori nahiko laburra suerta daiteke. Gainera, eskaintzen duzun
informazioa editatzeko posibilitaterik ez dago. Okertuz gero, txioa ezabatzea
izango litzateke irtenbide bakarra.
Azkenik, Blogger aukeratu izan dut. Honek ere ikasteko oso egokia dela
deritzot. Batez ere informazio mundu osoaren aurrean aurkezteko. Blogger
bitartez sarrera ezberdinak sortzeko aukera daukazu eta hauen luzera
bakoitzaren gustukoa izan daiteke. Nahiko baliagarria suertatzen zait,
bideoak, argazkiak, aurkezpenak etab gehitu ahal direlako eta web
orrialdearen diseinua bakoitzaren eskuetan gelditzen
delako. Norberak nahi duen antolaketa, kolorea,
tipografia etab aukeratuz.
Baina Blogger baditu arazo batzuk ere, zenbait funtzio
zahartuta gelditu dira eta agian lehen hezkuntzako
ikasleekin erabiltzeko apur bat konplexua suerta daiteke. Gainera, askotan
web orrialdeak arazoak izaten ditu eta ezinezkoa izaten da sarrera berriak
eraikitzea.
Orokorrean aipatutako hiru tresnak ikasteko oso baliagarriak izan daitezke,
baina nahiko kaltegarriak ere, hauen erabilpen egoki bat egiten ez bada.
Oso tresna potenteak dira eta hauen erabilpena askotan zail samarra izaten
da. Hala ere, ikaskuntza prozesuan oso erabilgarriak eta positiboak diren
tresna bezala hartzen ditut, nahiz eta hirurak zenbait kasutan arazoak izan.