IKTak LEHEN HEZKUNTZAN – 2. JardueraDaniel Losada
IKTak LEHEN
HEZKUNTZAN2. JARDUERA
Lankidetza ikaskuntza eta tresna teknologikoak
IKTak LEHEN HEZKUNTZAN2. Jarduera
Daniel LosadaLH - Eskaintza Partziala (46. Taldea)
----------------------------------------------Aitor Errazkin Vicente
Egoi Agirre ArruabarrenaIker Dorronsoro Illarramendi
Ane Barrenetxea Aizpitarte
1 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
AURKIBIDEA
1. LANKIDETZA IKASKUNTZA 3
1.1. Definizioa.........................................................................................3
1.2. Hezkuntzan izan dezakeen garrantzia..........................................3
2. ZER DA WEB 2.0? 4
2.1. Definizioa eta harremana hezkuntzarekin...................................4
2.2. WEB 2.0 Zerbitzuen definizioa.....................................................5
3. WIKI AREN DESKRIBAPENA 8
3.1. Definizioa.........................................................................................8
3.2. Wikispace........................................................................................8
3.3. Nola erabili wikia hezkuntza testuinguruan?............................12
3.4. Wikien arrisku eta desabantailak...............................................13
4. ONDORIOAK 13
5. BIBLIOGRAFIA14
2 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
LANKIDETZA IKASKUNTZA / TRESNA TEKNOLOGIKOAKTresna teknologikoek lagundu gaitzakete lankidetzan?
1. LANKIDETZA IKASKUNTZA
Gizartea aldatzen doan heinean, irakaskuntza/ikaskuntza prozesuak ere neurrirako
aldaketak ematea eskatzen du. Hori horrela izan dadin, tresna nahiz metodologia berriak
eguneroko ardatz dira prozesuan bertan, horietako bat, oinarria talde lanean duen
lankidetza ikaskuntza delarik.
1.1. Definizioa
Lankidetza ikaskuntza, talde lanean taldeko partaide guztien banakako ahaleginak batu,
aztertu, adostu eta hausnartu aurretik, bitartean eta ostean ematen den ikaskuntza mota
da. Bertan, taldekide bakoitza bere ikaskuntzaz arduratzeaz gain, beste kideek
ikasitakoaz ere kezkatzen da.
Ikaskuntzan lankidetzak lortu nahi duen helburu nagusia ikasleek ezagutzen jabetza
uneoroko ekinaren eginez bereganatzea da. Hala ere, ikaskuntza mota hau eraginkorra
izan dadin, ondorengo baldintzak bete beharko dira:
- Gizabanakoaren ahalegin egokia
- Parte hartzen dutenen arteko elkar laguntza efizientea
- Parte hartuko duten pertsonek trebetasun sozialen erabilpen egokia
- Taldeko hausnarketetatik ideia komunak ateratzea
1.2. Hezkuntzan izan dezakeen garrantzia
Vigotsky, Piaget eta bestelako pentsalariek, lankidetzak hezkuntzan duen garrantzia
behin baino gehiagotan goraipatu izan dute. Arrazoi ezberdinak aurki ditzakegu
lankidetzak hezkuntzan duen garrantzia defendatzeko.
Horietako bat kontzeptu berriak ikasi eta lantzerakoan norbanakoaren zein talde osoaren
ezagutzen garapenean egongo litzateke, wikiak eztabaidarako ematen duen aukera dela
eta. Ikaskuntza prozesuan lankidetzan oinarrituta lan egiteko beste arrazoi batzuk,
lankidetzak didaktikoki taldeko partaide bakoitza bere ikasketaren arduradun nagusi
3 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
bilakatu edo besteekiko elkartasun eta laguntza baloreen garapenean eskaintzen duen
laguntza izango lirateke.
2. ZER DA WEB 2.0?
2.1. Definizioa eta harremana hezkuntzarekin
Web 2.0, etengabe garatzen ari den kontzeptu berria da, horren adibide garbia denbora
gutxian web estatiko batetik (web 1.0) web dinamiko batetara (web 2.0) eman den
urratsa izanik. Aplikazio estatikoetatik azken erabiltzaileari begira funtzionatzen duten
dinamikoetara egon den bilakaerak, aukera anitzak eman ditu hezkuntza arloan, aukera
horiek garatu eta berriagoak atzematen direlarik denborak aurrera egin ahala.
Guzti honekin, azken urteetan, weba hazten joan da eta gaur egun milioika erabiltzaile
dituen informazio espazio bihurtu da. Web 2.0ren protagonistak erabiltzaileak dira, izan
ere, datuen web-a pertsonen web-a bihurtu dutenak beraiek izan baitira. Sare sozial
hauek aurrera eraman eta osatzen dituzten tresnak, RSS edo Atom-ak, Folcosomia,…
bezalako zerbitzu eta aplikazioak dira.
Aipatu berri diren berrikuntza guzti hauek hezkuntzan ere eragina izan dute eta Web 2.0
eta hezkuntzak komunean duten oinarrietako bat komunikazioa izanik, tresna oso
interesagarria da parte hartzea eta lankidetza bezalako ezaugarriak bultzatuko dituen
irakaskuntza-ikaskuntza prozesu bat lortu bidean.
Gaur egungo hezkuntzaren erronka nagusienetako bat informazioa bilatu, jaso eta
informazio hori ezagutzan eraldatzean datza. Web 2.0 tresna erabiltzaileen parte
hartzean eta elkarrekiko informazio trukaketan oinarritzen dela kontuan hartuta, tresna
baliagarria izan daiteke informazio ahalik eta aberatsena lortu eta elkarrekintzan
oinarrituta informazio hori ezagutzan eraldatzeko. Web 2.0 zerbitzuek ondorengo
zereginak egitea ahalbidetuko digu: dokumentuak partekatzea, RSS-ak, bideoen eta
argazkien partekatzea, blogak sortzea, mapen aplikazioak erabiltzea, podcastingaren
erabilera, … Tresna hauek lankidetza ikaskuntza lortzea erraztuko digute eta beraz,
ikasle-irakasle eta familien arteko komunikazioa bermatuko da, euren arteko
elkarrekintza eta errespetua sustatuaz.
4 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
2.2. WEB 2.0 Zerbitzuen definizioak
Espezializatutako 2.0 bilatzaileak: Bilaketak web orrietara murriztu, hauek gai
konkretu batera mugatu, eta gai horren inguruan topatutako iturri ezberdinak bilduko
dituen tresna bat da. Bere abantaila nagusia informazioa aurkitzeko bizkortasuna,
aurkitu ahal den informazioaren aniztasuna, guztientzat irekia den software librea eta
erabiltzeko erraztasunean datza. (Trabber, Shoomo, pricenoia,…)
2.0 bilatzaileak: Worl Wide Web-era metodo semantiko eta ontologikoak gehitzearen
ideian oinarritzen da. Eragile argien eta prozesamenduko makinen bidez sistema
informatikoen arteko inter-operabilitatea areagotuaz, internet hobetzea da helburua,.
Bakoitzak interneten aurkitu nahi duen gaiaren inguruko informazioa automatikoki
topatzea ahalbidetuko dute. (Technorati, Kratia, Podzinger, agregax, ...)
Komunitate sarbidedunak eta mugikorrak: Operadore eta iragartzaileak euren
bezeroengana eduki eta sustapen konkretuekin heltzeko aukera ematen duten aplikazio
mugikor bakarrak dira. Azken finean, komunitate mugikorretan interkonektatuta dauden
eta errotulu pribatu bidez eta modu pertsonalizatuan sarean lan egiten duen komunitate
sozial bat da. (Fon, Festuc, Dodgeball,…)
Bideoak partekatzea: Erabiltzaileei bideo artxibategiak internetera igotzeko aukera
ematen dieten programak dira. Hau kosturik gabe eta programazioaren ezagutza gehiegi
gabe egiteko aukera ematen dute. (Youtube, Google video, Dalealplay, …)
Argazkiak partekatzea: Argazkiak antolatu, argitaratu eta partekatzeko aukera ematen
duten eta sarean dauden aplikazioak dira. Argazkien eskubideak modu ireki batean ala
ez hain irekian partekatzeko aukera eskaintzen dute. (Flickr, Picasa, …)
Markagailu sozialak eta tagginga: Internet edo intranet batean modu erraz eta hedatu
batean loturak partekatzeko aukera ematen du. Zerrenda hauek web orri konkretu
batzuetako erabiltzaileentzat izan daitezke erabilgarri eta interes berdintsuak dituzten
beste erabiltzaileek lotura markak edo tagak miatu ditzakete kategoria, etiketa edo
topiko jakin batzuen arabera edo ausaz. Tresna ezagun bat Tagging-a litzateke, non
5 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
XML teknologia erabiltzen den erabiltzaileek edukiei deskripziorako etiketak edo hitz
klabeak gehitu diezazkioten. (Del.icio, Gennio, Webgenio,…)
Sare sozial pertsonalak / profesionalak: Sare sozialak interneten eratzen diren
estruktura sozial batzuk dira, non grafo bat ala batzuen bitartez ordezkatu eta
gizabanakoak elkarrenganako interakzioen bidez elkarren artean erlazionatzen diren, gai
ezberdinak partekatu eta jorratuaz.
Sare sozial pertsonalak: Komunitateak eratuko dira gizabanako bakoitzak bere
pertsonarekin modu bateko ala besteko zerikusia duten gaiak jorratzeko. (Orkut,
Friendster, Linkara, Bepin, …)
Sare sozial profesionalak (Networking): Bertan, elkar trukean eta interakzio bidez
landuko diren gaiak eta informazioak, profesional mailakoak izango dira, eta sozial
nahiz pertsonalek baino kontrol gehiago izango dute. (Econozco, Neurona, Dejaboo,…)
Mapen aplikazioak: Web 2.0-rekin erlazionatu ohi diren oinarrizko kontzeptuak
ikusteko moduan biltzen ditu azalpen labur batekin lagunduaz. (Google Maps,
Panoramio, Tagzania, …)
Hasierako orri pertsonalizatuak: Orri ezberdinetan dauden datu interesgarrienak orri
bakar batean ikusteko aukera ematen digute. Funtzionalitate txikiak denbora lasterrean
leku bakar batean topatzeko egokiak dira, funtzionalitate bakoitza modulu batek
hornitua izango delarik, une bakoitzean hala nahi izanez gero, gehitu, kendu ala
pantailan mugitzeko aukera emanaz. (Netvibes, Windows Live, Google IG, …)
Sarean dauden aplikazioak: Interneten aurki ditzakegun ofimatika aplikazio
ezberdinak dira, zeintzuk erabiltzeko ez dugun ordenagailuan deskargatu beharrik eta
beraiek erabiltzeko, izena eman bidezko erregistroa nahikoa izango den. Azken urte
hauetan asko ugaritu dira mota honetako aplikazioak. (Gmail, Eyeoshispano,
Moneytrackin, Tractis, …)
Bideoblogak: Bideo multzo bat izango da, non sortzaileak hirugarren erabiltzaile
batzuk baimendu ahalko dituen bere lanak posteatzera eta jatorrizko lanen informazio
6 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
maila osatzera beste lan edo bideo batzuk gehituaz, guztia irakurleari informazio ahalik
eta osoena emateko asmoarekin. (Mobuzztv, Vpod, Vilaweb, …)
Podcasting: Entzunezko artxiboen banaketa sistema moduko aplikazio bat da, non
erabiltzaileek, bere izena eman ondoren, nahi duenean bertako edukiak deskargatu
ahalko dituen baimenduko zaion programa bat erabiliaz, doako harpidetza moduko
baten bitartez. (Podcast-es, Podsonoro, Comunicandopodcast, Folcast, …)
Komunitateak, Direktorioak: (Bitacoras, Blogalaxia, …)
Weblogen eta herraminten rankinga: Blog bat egiteko dauden tresna ezberdin eta
erabilienen zerrendaketa bat emango digu. (Alianzo, Top.blogs, Compareblogs, …)
Sortzeko eta ostatatzeko sistemak: Web 2.0 aplikazio ezberdinak sortzeko eta
ostatatzeko dauden tresna multzoa da, non tresna bakoitzak bere bereizgarriak izango
dituen, kostu ekonomikoan nahiz erabiltzeko moduan, zerbitzua emateko orduan.
(Blogger, WordPress, La Coctelera, Windows Live, …)
Blog sareak: Blog ezberdinez osaturiko sareak dira eta ikaskuntzarako egokiak izan
daitezke, besteak beste, ohiko e-learning tradizionalari ordezkatuaz eta kolaborazioan
oinarrituriko ikaskuntza batera zuzendua. (Weblogssl, Hipertextual, Cdys, …)
RSS irakurleak eta erlazionaturiko zerbitzuak: RSS irakurtzeko programa bat
erabiltzen duenak, aurrez aukeratutako web guneek eguneratzen duten informazioa jaso
ahalko du, jatorrizko web guneetan sartu beharrik gabe. Hau izen emate soil baten bidez
hitzartzen da. (Bloglines, Google.com/reader, Feedburner, …)
Gehitzaileak (Agregadores): Hiru taldetan sailkatzen dira gehitzaileak:
Web gehitzaileak: Web iturri desberdinetan harpidetu eta orri horietako
informazio eguneratua jasotzeko balio duten tresnak dira. (Google Reader, My
Yahoo!, Blolines, Netvibes, IGoogle).
Mahaigaineko gehitzaileak (programak): Web bidezko gehitzaileen erabilera eta
funtzio bera dute tresna hauek. Diferentzi bakarra, mahaigaineko bertsio hauek,
7 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
instalatu egiten direla da. (FeedReader (Windows), NetNewsWire (Mac),
Liferea (Linux).
Web orri bidezko gehitzaileak: Iturri desberdinetako informazioa eguneratu,
ordenatu eta erakusten duten Web orriak dira (mangasverdes, lastinfo,…).
Erabiltzaileek bozkaturiko eduki eta berriak: Informazio desberdinen inguruan,
ahalik eta pertsona gehienen interakzioa eta parte hartzea lortzen saiatzea izan ohi da
hauen helburua. Web orri batean erregistratuta dagoen erabiltzaile batek istorio bat
bidali dezake, eta talde bateko partaide desberdinek berrikusi eta gero, publikatzeko
aukera izango du. Posible da publikazio hori, maila berdineko erabiltzaileen botoen
araberakoa izatea. Honela, erabiltzaile guztiak izango dugu informatzaile izan eta berri
hori komentatzeko aukera (meneame, digg, fresqui,...).
Edukien gomendioak: Erabiltzaile desberdinen lehentasun eta iritzien arabera
sorturiko gomendioak kudeatzen dituzten tresnak dira. Sistema hauen erabilera oso
modan jartzen ari da Internet-en (lastfm, pandora, mystrands,...).
3. WIKI AREN DESKRIBAPENA
3.1. Definizioa
Wikia web gune bat edo web gune multzo bat da, zeinek sarean konektaturik dauden
ordenagailu desberdinetatik, bata bestearen lana zapaldu gabe, aldi berean lan beraren
gainean eragiten uzten digun. Talde lanaren bidez osatzen den weba da, eta partaide
guztiek dute beraien zein besteen lana editatzeko aukera. Orain gutxi arte eta oraindik
ere posta elektronikoaren bitartez egiten ziren prozesu nahasgarriei soluzio paregabea
ematen die aplikazio erabilerraza da.
3.2. Wikispace
Informatika arloan wiki aplikazio ezberdinak topatuko ditugu eta horietako bat
Wikispace da. Aplikazio honek, erabiltzaileen eskaeren baitan garatzen den neurrian,
arazoei aurre egin eta zuzeneko laguntza emateko ezaugarri berriak eskainiko ditu.
8 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
Aplikazio hau edozein pertsonak erabiltzeko arrazoietako bat bere erabiltzeko
erraztasuna da eta bertan lanean hasteko ez da iaiotasun berezirik behar. Wikiez ezer
gutxi jakin gabe ere informatika munduan ezagutza minimoak dituen edonork
erabiltzeko modukoa da, horren adibide direlarik bere edizio erraza eta intuitiboki
erabiltzeko modua.
Wikispace aplikazioarekin kontu bat sortu eta martxan jartzeko jarraitu beharreko
urratsak eta bere funtzio nagusienak ondorengoak izango lirateke:
1. Proiektu bati ekiten diogunean, erabiltzaile batek proiektuaren gunea sortzen du,
erabiltzaile izen bat eta kode bat finkatzen dituelarik.
2. Ondoren, posta elektronikoaren bidez, proiektuan parte hartuko duten
gainontzeko kideei "gonbidapen" bat luzatzen die, eta hauek onartu bezain
pronto, guztiak egongo dira URL jakin batean kokaturik egongo den wikian
elkarlanean aritzeko.
9 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
3. Proiektuari eman nahi diogun zabalkunde motaren arabera, aukera desberdinak
ditugu proiektua denentzat ikusgarri jartzeko edo pertsona jakin batzuentzat, eta
editatzeko baimenekin ere berdin.
10 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
4. Ondoren, wikiaren bi funtzio nagusiren bidez, "editatu" eta "gorde", edukia
moldatu egiten dugu (editatu), edozein testu prozesadoretan ariko bagina bezala.
Edukia gorde bezain pronto, gure edukia berriz ere edozeinek bistara dezakeen
web gune izaera hartzen du.
5. Wiki batean gerta litekeen gauzarik txarrena da, baliagarria den lanaren parte bat
zapaldu edo ezabatzea. Dena den, wikia horri aurre egiteko prestaturik dago,
"historia" atalarekin hain zuzen ere, egindako lan berria galdu gabe, testu
zaharrak berreskuratzeko gaitasuna baitu.
11 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
6. Azkenik, wikiari potentzial izugarria gehitzen dion hirugarren funtzioa aipatu
behar dugu: "link"ak edo loturak egiteko aukera. Aukera honen bidez, gure
wikiaren barruan dokumentu berriak elkarrekin zein beste wikietako edukiekin
linka ditzakegu. Honek, gure proiektuei garapen maila handia emateko aukera
ematen digu. Adibiderik argiena, mundu mailan ezaguna den wikipedia da,
munduko web entziklopediarik handiena, eta eguneratuena.
3.3. Nola erabili wikia hezkuntza testuinguruan?
Wikia gaur egun hezkuntzan dagoen 2.0 tresna erabilgarrienetakoa da. Baliabide honen
bitartez, ikasle eta irakasleek hainbat eduki eratu eta partekatzeko aukera izango dute:
glosarioak, testu liburuak, saiakerak, baliabide karpetak, entziklopediak, … Edukiak
sortzeaz gain, hezkuntza prozesu efiziente baterako funtsezko baldintza izango den
irakasle-ikasle komunikazioa zuzena eta eraginkorra izatea ahalbideratzen du.
Ikasleei dagokienez, wikiak, lanak aurkezten, informazioa bildu eta antolatzen, ikasleen
arteko komunikazioa sustatzen, elkarlanean aritzen eta harreman sozialak garatzen
laguntzen du (negoziazioa, kontsentsua, …). Ohiko arkatza eta paperarekin lan egin
beharrean teknologi berriekin lan taldeetan aritzeak, ikasleen motibazioan positiboki
12 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
eragingo du. Bestalde, egindako lanaren autoretza partekatzeak, lankidetza ikaskuntza
indartuko du.
Irakasleentzat ere wikia oso erabilgarria da, aplikazioak sortu eta eguneratzeko duen
erraztasunagatik eduki eguneratuekin funtzionatzeko aukera ematen baitu. Lana
aurreratzen den neurrian, amaitu arte zain egon gabe berrikusketak egitea eskaintzen du
eta zuzenketak era argiago eta azkarragoan egiteko aukera izateaz gain, ikasleekiko
feedbacka eskuragarriagoa eta efizienteagoa izango da
Bere erabilera ezberdinen artean sailka genitzake: glosategi eta informazio gune
zabalak, aurkezpenak, “brainstorming”ak, web 2.0 tresnekin landutako lanen txertaketa,
…
3.4. Wikien arrisku eta desabantailak
Wikiek ere badituzte bere arrisku eta desabantailak eta komenigarria da horiei aipamen
labur bat egitea. Arriskuen artean aipa genezake segun eta zein informazio igo sarera,
egile eskubideak urratu daitezkeela. Beste arriskuetako bat, edozein pertsonak parte
hartzeko aukera ematen denez, edozein aplikazioan sartu eta informazioa gehitu edo
ezabatzekoa izango litzateke, honek wikien sinesgarritasunean eragin dezakeelarik.
Arrisku hauei aurre egiteko ditugu, batetik, sarean modu etikoan eta legezkoan ibiltzen
irakastea, eta wikietan ongi finkatzea ediziorako eskumenak zeini eskaintzen dizkiogun.
Bestalde, wikian edizio lanean ari garelarik, egituraketan askatasun osoa ematen badigu
ere, diseinuari eta edizio aukerei erreparatuta nahiko oinarrizkoa da oraindik, beste web
2.0 tresna batzuekin parekatzen badugu behintzat. Beste testu prozesagailu batzuetatik
testua kopiatu eta itsasten dugunean, arazoak gerta daitezke, baina konpontzeko
modukoak guztiak.
4. ONDORIOAK
Txosten honetan azaldutako arrazoi ezberdinak medio, web 2.0 aplikazioek lankidetza
lana, autonomia edo irakaskuntza/ikaskuntza prozesua hobetzeko aproposak izan
daitezkeela esan genezake (zuzen erabiliz gero, beti ere), aurreko lerroetan azaldu den
wiki aplikazioa ere hor barruan kokatuko genukeelarik.
13 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)
IKTak LEHEN HEZKUNTZAN – 2. JardueraDaniel Losada
Irakaskuntza arloan, ikasleen kasuan, lanak aurkezten, informazioa bildu eta antolatzen,
ikasleen arteko komunikazioa sustatzen, elkarlanean aritzen eta harreman sozialak
garatzen lagundu dezake wikiak. Irakaskuntzan hala ere, baldin eta zein wiki erabiltzen
dugun, pribatutasun hausturaren afera ere kontuan izan behar dugu. Ikasleei ongi
adierazi behar diegu haien edukiak zeinek bistaratuko dituen, eta argi dago, ikasgai
jakin batean baliatzen badugu, irakasleak eduki guztietara sarbidea izan behar duela.
Horrela lanaren jarraipena, aholkuak ematea, ebaluaketa jarraia zein behin betikoa
egitea eta ikaskideen arteko tresnaren erabilera etikoa ziurtatzea bezalako funtsezko
baldintzak bermatuko lirateke.
Esan beharrik ez dago, lan kolaboratiboetarako primerako aplikazioa dela. Wikiaren
funtsa, hainbat pertsonek ordenagailu desberdinetatik aldi berean dokumentu berean
idatzi eta informazioa momentuan eguneratzean datza, eta horrek talde lanerako
sekulako aurrerapena suposatu du. Geurea egiteaz gain, besteek egiten dutena ere ikus
dezakegu eta horrek denbora eta gaizki ulertu asko saihestea dakar.
Dena den, antolaketa egoki bat ezinbestekoa da horrelako jardunetan eta wikiak
horrentzako soluzio magikorik ez daukanez, irakaslearen ardura izango da ikasleak
zentzu horretan trebatzea.
5. BIBLIOGRAFIA:
http://www.youtube.com/watch?v=jIgk8v74IZg&feature=player_embedded
http://www.youtube.com/watch?v=8G1jYQi0McY&feature=player_embedded#!
http://www.youtube.com/watch?v=J7hcQSOsJBk&feature=player_embedded
http://www.youtube.com/watch?v=_WKza-eUIsA&feature=player_embedded
http://www.youtube.com/watch?v=0kfcmLKv5Ao&feature=player_embedded
http://www.youtube.com/watch?v=5GEihU7Kxi4&feature=player_embedded
14 Aitor Errazkin/Egoi Agirre/Iker Dorronsoro/Ane BarrenetxeaLH - Eskaintza Partziala (46. taldea)