Inngangur........................................................................bls. 3
Matur á efri árum ..............................................................bls. 4
Almennt fæði fyrir gamalt fólk við góða heilsu.......................bls. 4
Hollusta og gæði í fyrirrúmi ............................................bls. 4
Örlítil næringarfræði ......................................................bls. 5
Fæðuval ......................................................................bls. 8
Fæði fyrir sjúka aldraða ......................................................bls. 10
Fæði fyrir þá sem eru of þungir ...........................................bls. 11
Fæði fyrir sykursjúka..........................................................bls. 11
Fæði með breyttri áferð......................................................bls. 14
Hakkað fæði ................................................................bls. 14
Maukað fæði ................................................................bls. 14
Máltíðir ...........................................................................bls. 16
Matseðlar og skipulag ........................................................bls. 16
Skammtastærðir ................................................................bls. 17
Dæmi um matseðla ............................................................bls. 20
Samskipti eldhúss og deilda ................................................bls. 24
Ráðlagðir dagskammtar næringarefna, manneldismarkmið........bls. 25
Heimildir .........................................................................bls. 26
Efnisyfirlit
Þetta hefti er ætlað öllum þeim sem starfa við hjúkrun aldraðra eða vinna við að skipuleggjamatseðla og útbúa mat fyrir gamalt fólk. Efnið á erindi jafnt til þeirra sem vinna á stofnunumfyrir aldraða og í heimahúsum.
Fæði sem öldruðum stendur til boða á dvalar- og
hjúkrunarstofnunum rétt eins og í heimahúsum hefur
áhrif á heilsu þeirra og lífsgæði. Maturinn þarf ekki
aðeins að uppfylla kröfur um næringargildi heldur skiptir
ekki síður máli að hann sé bragðgóður og lystugur og
fallega fram borinn.
Fram til þessa hafa ekki verið birtar sérstakar
leiðbeiningar fyrir þá sem útbúa mat fyrir gamalt fólk.
Það er von starfshóps Manneldisráðs um öldrunarmál
að þessar ábendingar komi í góðar þarfir og verði til
að auðvelda starfsfólki það mikilvæga starf að bjóða
öldruðum hollan og ljúffengan mat.
Inngangur
Gömlu fólki sem er við góða heilsu og hreyfir sig daglega
hæfir yfirleitt almennt fæði sem tekur mið af manneldis-
markmiðum. Hætta á næringarskorti eykst hins vegar ef
matarlyst minnkar, hvort heldur er vegna líkamlegra eða
geðrænna sjúkdóma. Við slíkar aðstæður þarf að gera
sérstakar og oft einstaklingsbundnar ráðstafanir varðandi
fæðið eins og nánar verður lýst hér á eftir.
Orkuþörf minnkar með aldrinum, aðallega vegna vöðva-
rýrnunar og minni hreyfingar. Þörf fyrir vítamín, steinefni,
prótein og trefjaefni minnkar hins vegar ekki að sama skapi
með aldrinum. Því þarf fæði aldraðra að vera næringarríkt
eigi það að rúma öll nauðsynleg næringarefni í minni fæðu-
skömmtum.
Hitt má þó aldrei gleymast að maturinn þarf að veita
ánægju og vera bragðgóður. Matur sem fer í ruslakörfuna
er engum hollur.
Æskilegt er að fæði á félagsmiðstöðvum aldraðra, heimsent
fæði svo og almennt fæði á dvalarstofnunum fyrir aldraða,
fylgi manneldismarkmiðum hvað varðar prótein, fitu, kol-
vetni, trefjaefni, sykur og salt. Samkvæmt þeim skal fitu,
einkum mettaðri fitu, sykri og salti stillt í hóf en þess gætt
að fæðið veiti nægan vökva og trefjaefni, auk nauðsynlegra
vítamína og steinefna. Í matseðlum fyrir almennt fæði sem
fylgja hér á eftir er lögð áhersla á að samræma gæði og
hollustu þannig að fæðið uppfylli bæði kröfur um næringar-
gildi, áferð og bragð.
Matur á efri árum
Almennt fæði fyrir gamalt fólkvið góða heilsu
✺
Hollusta og gæði í fyrirrúmi
Örlítil næringarfræðiÞótt heilbrigt, gamalt fólk þurfi síður en svoeitthvert sérfæði, er ástæða til að huga aðeinstaka mikilvægum næringarþáttum þegaraldraðir eiga í hlut.
OrkaÞar sem orkuþörfin minnkar með aldrinum, er hætta á að
fólk fitni sé þess ekki gætt að minnka neyslu í samræmi
við þörf. Ofþyngd og offita á efri árum auka mjög líkur á
sykursýki, hækkuðum blóðþrýstingi og stoðkerfissjúkdómum
auk annarra fylgikvilla og því er mikið í húfi að líkamsþyngd
sé haldið í skefjum. Fituríkt fæði og kyrrsetur eru öðru
fremur ávísun á fitusöfnun. Dagleg hreyfing, t.d. gönguferðir
eða leikfimi, ásamt hæfilegri fitu og skynsamlegu fæðuvali,
skipta megin máli til að koma í veg fyrir offitu á efri árum.
Á hinn bóginn minnkar oft matarlyst gamals fólks, það
léttist meira en góðu hófi gegnir og við það aukast líkur
á mörgum sjúkdómum. Starfsfólk og aðrir sem annast gamalt
fólk þurfa því að vera vel vakandi fyrir hugsanlegum breyt-
ingum á líkamsþyngd og grípa í taumana til að koma í veg
fyrir að fólk léttist eða þyngist um of. Rétt er að gefa nær-
ingar- og orkuríkt fæði ef fólk er of grannt, en orkuskert
fæði ef um ofþyngd er að ræða. Báðum fæðisgerðum er
lýst síðar í þessu hefti.
Nauðsynlegt að fylgjast með þyngdRétt er að vigta alla við innkomu á stofnun og síðan einu
sinni í mánuði fyrstu sex mánuði dvalartímans. Að öllu
jöfnu nægir að mæla þyngd fjórum sinnum á ári eftir fyrstu
sex mánuðina. Ef grunur leikur á lélegu næringarástandi
skal vigta oftar.
Hver telst of grannur og hver of þungur?Hæfileg líkamsþyngd miðast að sjálfsögðu við hæð hvers
og eins. Oftast er notast við líkamsþyngdarstuðul, BMI,
þegar verið er að meta hvort líkamsþyngd sé innan æskilegra
marka. Líkamsþyngdarstuðullinn reiknast þannig:
BMI = kg líkamsþyngdar deilt með hæð í metrum í öðru
veldi (kg/m ). Fyrir einstakling sem er 60 kg og 1,60 metrar
á hæð lítur dæmið þannig út: BMI = 60kg/1,6m = 23,4
Hægt er að styðjast við eftirfarandi viðmið til að ákvarða
hvort holdafarið sé sem skyldi.
BMI 18,4 eða minna Vannæring
BMI 18,5-19,9 Einstaklingur telst of grannur
BMI 20-24,9 Ákjósanlegt holdafar
BMI 25-29,9 Ofþyngd
BMI 30 eða meira Offita
Ef grunur leikur á lélegu næringarástandi er auk þess
æskilegt að gera mælingar á blóðvökva, samanber
ráðleggingar frá Landlæknisembætti (1).
Áætluð orkuþörfOrkuþörf fólks er breytileg en fer að miklu leyti eftir aldri,
þyngd og hreyfingu hvers og eins. Hægt er að áætla orkuþörf
fólks yfir sjötugt á eftirfarandi hátt (2):
• ef hreyfing er í lágmarki: 26kcal x kg líkamsþyngdar.
• ef hreyfing er eðlileg: 30kcal x kg líkamsþyngdar.
Orkuþörf einstaklings sem er 60 kg og hreyfir sig mjöglítið, situr t.d. í stól mestan hluta dags, reiknast þannig:26kcal/kg x 60kg = 1560kcal
Orkuþörf einstaklings sem er 70 kg og hreyfir sig eðlilegamiðað við aldur reiknast þannig:30kcal/kg x 70kg = 2100 kcal
Að auki er rétt að taka tillit til næringarástands hvers og
eins þegar fæðið er ákveðið og annað hvort auka eða
minnka matinn ef fólk telst annað hvort of létt eða þungt.
• Ef einstaklingur er of grannur er orkan aukin
u.þ.b. 10% miðað við áætlaða orkuþörf.
• Ef einstaklingur er of þungur er orkan minnkuð
u.þ.b. 10–20% miðað við áætlaða orkuþörf.
Trefjaefni og vökviHreyfingarleysi ásamt skorti á trefjaefnum og vökva veldur
því að margir aldraðir eiga við hægðatregðu að stríða.
Ýmsir sjúkdómar og lyf auka enn frekar á þennan vanda.
Tilfinning fyrir þorsta minnkar með aldrinum, jafnframt því
sem nýrun þurfa meiri vökva til að losa sig við salt úr
líkamanum. Því þarf að gæta þess sérstaklega að aldraðir
fái nægan vökva, gjarnan um tvo lítra samtals á dag sem
vatn, kaffi, te, fituskerta mjólk, safa, mysu og aðra drykki.
Trefjaefni verða einnig útundan í fæðu aldraðra sé þess
ekki gætt að þar sé nægilegt magn af grænmeti og ávöxtum
ásamt grófu brauði og korngrautum.
Það þarf að gæta þess sérstaklega að aldraðir fái næganvökva, gjarnan tvo lítra samtals á dag.
SaltMatarsalt inniheldur efnin natríum og klóríð. Natríumhluti
matarsalts stuðlar að bjúgsöfnun og hækkun blóðþrýstings
en hvorutveggja er algengt meðal aldraðra. Með því að
gæta að saltmagni fæðunnar er mögulegt að minnka notkun
blóðþrýstings- og þvagræsilyfja og því er rík ástæða til að
forðast ofnotkun salts í fæði aldraðra. Sérstaklega er mikið
salt í mörgum tilbúnum kjötvörum, s.s. saltkjöti, bjúgum
og kjötfarsi en einnig í súpum og sósum. Saltfisk þarf að
útvatna vel. Í manneldismarkmiðum er mælt með að
saltmagn sé ekki meira en 8 grömm á dag, sem jafngildir
3,2 grömmum af natríum. Kannanir sýna að flestir fá mun
meira af natríum.
D-vítamín og kalkBeinþynning veldur öldruðum miklu heilsutjóni og fleiri
aldraðir hafa skerta hreyfigetu vegna beinbrota tengdum
beinþynningu en nokkrum öðrum sjúkdómi. Hægt er að
hægja á beinþynningu aldraðra með réttu fæði og þá skiptir
mestu máli að fá nægilegt D-vítamín ásamt kalki. D-vítamín
er það næringarefni sem einna helst skortir í fæði aldraðra
og þarf að huga sérstaklega að. Það er nauðsynlegt til að
viðhalda kalkmagni beina og vöðvastyrk og mikilvægi þess
eykst enn frekar eftir því sem aldurinn færist yfir. Þar við
bætist að gamalt fólk er oft meira innan dyra og nýtur ekki
sólarljóss í sama mæli og áður, en D-vítamín myndast í
húðinni fyrir tilstilli útfjólublárra geisla sólarljóss.
Ráðlagður dagskammtur af D-vítamíni er því hærri fyrir
aldraða en þá sem yngri eru eða 10 míkrógrömm á dag
(400 alþjóðaeiningar, ae). Margir hvetja jafnvel til enn
meira D-vítamíns fyrir aldraða, eða allt að 20 míkrógrömmum
(800 ae). Hægt er að tryggja nægilegt D-vítamín með því
að taka annað hvort eina barnaskeið af þorskalýsi, lýsisperlur
eða fjölvítamín daglega. Fjölvítamín innihalda hins vegar
mismikið af D-vítamíni eða allt frá 5-15 míkrógrömmum
(200 til 600 ae). Fáar fæðutegundir veita D-vítamín nema
síld og annar feitur fiskur og því er ekki nóg að treysta á
fjölbreytta fæðu fyrir D-vítamínneysluna.
Til að tryggja kalkneyslu er æskilegt að borða magrar
mjólkurvörur, samsvarandi a.m.k. 2 glösum á dag, t.d.
léttmjólk, skyr, mysu eða sýrðar vörur, ásamt osti. Nýmjólk
er hins vegar það orkurík að hætta er á að aldraðir fitni
um of ef þeir neyta hennar að staðaldri. Kalktöflur geta
komið sér vel fyrir þá sem hvorki drekka næga mjólk né
borða annan mjólkurmat.
Önnur vítamín og steinefniRáðlagt magn annarra næringarefna er óbreytt miðað við
fullorðinsár. Til að fæðið innihaldi nægilegt magn allra
nauðsynlegra næringarefna þarf hins vegar að huga að
fjölbreytni og gæðum þess. Þeir sem borða hvorki grænmeti
né ávexti eða borða lítið ættu að fá fjölvítamín daglega.
Fæðið þarf að vera fjölbreytt eigi það að uppfyllanæringarþarfir. Hér á eftir er fjallað um helstumatvæli eða fæðuflokka og ábendingar gefnarum einstakar fæðutegundir.
Brauð og kornvörurGróf brauð og annar grófur kornmatur inniheldur trefjar
sem eru nauðsynlegar fyrir meltinguna. Slík fæða ætti að
vera á borðum daglega. Rúgbrauð, flatbrauð og/eða
heilhveitibrauð eru dæmi um trefjarík brauð sem æskilegt
er að nota ásamt hvítu brauði. Morgunkorn, hafragrautur
eða annar korngrautur eru einnig góðir kostir. Dæmi um
ákjósanlegt kaffibrauð eru bollur, snúðar, kryddbrauð,
hafrakex eða vöfflur.
Kartöflur, hrísgrjón eða pastaÞessar matvörur þurfa að vera á borðum daglega. Margt
gamalt fólk leggur sérstaklega mikið upp úr góðum, soðnum
kartöflum og því er ástæða til að reyna að verða við þeim
óskum og vanda kartöfluvalið.
GrænmetiRétt er að gefa soðið, stappað eða fínrifið grænmeti daglega
með aðalmáltíðum. Einnig grænmetissúpur með fersku
grænmeti, baunasúpur eða grænmetisrétti.
ÁvextirFerskir ávextir ættu að vera á boðstólum daglega, a.m.k.
1 ávöxtur á dag. Auk þess ávaxtagrautar, ávaxtasúpur eða
niðursoðnir ávextir.
Mjólk, mjólkurmatur og osturHæfilegt er að bjóða u.þ.b. tvö glös á dag af mögrum
mjólkurdrykkjum, (t.d. léttmjólk, undanrennu, fjörmjólk
eða mysu) eða skyri eða sýrðum mjólkurvörum sem ýmist
geta verið léttar eða með venjulegu fitumagni. Nota má
nýmjólk eða rjómabland sem útálát eða í eftirrétti. Ís eða
búðingur er góð tilbreyting t.d. um helgar. Ostur er gott
álegg á brauð eða kex u.þ.b. einu sinni á dag.
Kjöt, innmatur, fiskur og eggRétt er að velja unnar kjötvörur með tilliti til salt- og
fitumagns. Kjötvara telst fiturík ef fita fer yfir 15% af
þyngd. Kjöt þarf að vera meyrt og sýnileg fita að mestu
fjarlægð. Ekki er nauðsynlegt að útiloka saltaðan mat svo
sem saltfisk eða reykt kjöt en best er að hafa hann sjaldan
á borðum og þá takmarka salt í meðlæti og eftirréttum.
Hæfilegt er að hafa fisk tvisvar til þrisvar og kjötmáltíð
u.þ.b. fjórum sinnum í viku í aðalmáltíð. Egg og feitur
fiskur, t.d. síld eða lax, er ákjósanlegt álegg á brauð og
slátur er bæði vinsæl og næringarrík fæða sem hafa skal
á borðum af og til. Gott er að hafa linsoðið egg með
morgunverði einu sinni til tvisvar í viku.
Fæðuval
FeitmetiBest er að nota feitmeti í hófi, að öðrum kosti verður fæðið
of orkuríkt. Eins þarf að gæta að fitumagni við sósu- og
súpugerð og smyrja brauð hóflega, helst með mjúku og fitu-
skertu viðbiti. Hins vegar skiptir máli að hafa góðar sósur
með aðalmáltíð svo maturinn verði ekki þurr og bragðlaus
en hafa síður feiti eða tólg með fiski.
DrykkjarvörurHeppilegt magn er u.þ.b. tveir lítrar á dag, t.d. sem hálfur
lítri af kaffi eða tei, hálfur lítri af fituskertri mjólk, eitt glas
af ávaxtasafa og 3/4 lítri af vatni.
Lýsi og bætiefniBarnaskeið af þorskalýsi eða lýsisperlur. Auk þess fjölvítamín
fyrir þá sem borða lítið og kalktöflur fyrir þá sem ekki borða
mjólkurmat.
Rétt er að hafa saltan og reyktan mat sjaldan á borðumog þá takmarka salt í meðlæti, súpum og eftirréttum.
Gamalt fólk sem borðar lítið vegna sjúkdóma eða greinist
í lélegu næringarástandi þarf sérfæði sem er næringarþéttara
en almenna fæðið. Oft er um einstaklingsbundnar þarfir að
ræða þar sem aukabitum er fjölgað og/eða gefnir
næringardrykkir. Sérfæðið er heldur fitu- og próteinríkara
en almenna fæðið, eða um 40% orku úr fitu og 15–20%
orku úr próteinum. Feitar mjólkurvörur eru þá notaðar í
stað fituskertra, meira er notað af rjóma og smjöri en heldur
minna af kartöflum og grænmeti.
Heitar máltíðir eru skammtaðar þannig að fiskur eða
kjöt er stærri hluti máltíðarinnar en minna af kartöflum,
hrísgrjónum eða pasta. Lítill skammtur af grænmeti (sjá
myndir af orkuþéttum skömmtum bls. 18 og 19). Eftirréttur
er eins og í almennu fæði, þó frekar notaður rjómi.
Í brauðmáltíð er haft ríflegt magn af áleggi; eggjum,
kæfu, kjötáleggi, fiskáleggi, salötum o.fl. og gjarnan skreytt
með teskeið af majonesi eða sýrðum rjóma. Næringarrík
súpa, skyr eða grautur er gjarnan haft með brauðmáltíð.
Smjör er haft sem viðbit og rjómi eða rjómabland á grauta.
Sjá mynd bls. 19.
Morgunverður og síðdegishressing eru eins og
í almennu fæði, að því undanskildu að notaðar eru
mjólkurvörur með venjulegu fitumagni í stað fituskertrar
vöru.
Aukabitar og drykkir eru gefnir eftir þörfum, t.d.
brauð með áleggi, kex með smjöri og osti, banani,
ávaxtagrautur, næringardrykkir o.fl. Tryggja þarf nægan
vökva og þar geta frostpinnar komið í góðar þarfir.
Fæði fyrir sjúka aldraðaNæringar- og orkuríkt fæði
Miklar breytingar hafa orðið í greiningu og meðferð sykur-
sjúkra undanfarin ár og fæðisráðleggingar til sykursjúkra
hafa breyst að sama skapi. Bæði evrópskar og bandarískar
ráðleggingar frá sérfræðingasamtökum leggja þannig áherslu
á að fæði fyrir sykursjúka sé sem líkast almennu hollu
fæði(5).
Það er því ekki ástæða til að matreiða sérstaklega fyrir
sykursjúka, þeir geta að mestu leyti borðað sama almenna
fæði og borið er fyrir aðra, svo framarlega sem það er í
samræmi við manneldismarkmið, þ.e. ef hlutfall viðbætts
sykurs er innan við 10% orku og fita innan við 35% orkunnar.
Í raun er engin fæðutegund á bannlista hjá sykursjúkum
nema sykraðir gosdrykkir, sætsúpur og sætir drykkir. Þótt
aðrar sykraðar fæðutegundir, t.d. kökur og búðingar, geti
valdið sveiflum á blóðsykurstjórn, ráðast áhrifin á blóðsykur
meðal annars af því hvenær og hvernig matarins er neytt.
Fæði fyrir sykursjúka
Ekki er rétt að skerða fæði gamals fólks um of, jafnvel þótt
það teljist of þungt. Best er að fækka hitaeiningum aðeins
um 10% miðað við þörf, en allt að 20% ef um offitutengda
sjúkdóma er að ræða. Með því móti má búast við að fólk
léttist um 1/2–1 kg á mánuði.
Þar sem fita er orkuríkust allra næringarefna er auðveldast
að fækka hitaeiningum með því að draga úr fitu, t.d. smyrja
með fituskertu viðbiti og velja fitulitlar mjólkurvörur. Ekki
má gleyma að forðast óhóflega sykurneyslu svo sem í
sælgæti, kökum og sætum drykkjum.
Að öðru leyti er rétt að gefa sem líkast fæði og öðrum
stendur til boða. Einnig skiptir máli að hvetja til aukinnar
hreyfingar eftir því sem kostur er.
Fæði fyrir þá sem eru of þungir
✺
Þannig hefur kökusneið mun minni áhrif til að hækka blóð-
sykur ef hún er hluti af máltíð, t.d. sem eftirréttur, en ef
hún er borðuð ein og sér með kaffinu. Því er ekkert því til
fyrirstöðu að sykursjúkir neyti slíks í hófi með öðrum mat.
Það eru þó nokkur atriði sem hafa þarfí huga varðandi fæði fyrir sykursjúka:
Margir sykursjúkir sem komnir eru á efri ár eru heldur
of þungir. Reynist þyngdin í efri kantinum er mikilvægt
að bæta ekki við hana, jafnvel losna við fáein aukakíló.
Ef sjúklingur léttist, þó að ekki sé nema um fáein kíló,
hefur það yfirleitt mjög hagstæð áhrif. Ekki er þó rétt
að skerða fæðið um of, heldur minnka fitu og hvetja til
hreyfingar eftir föngum.
Fita er meira en tvöfalt orkuríkari en kolvetni eða prótein og
því er árangursríkast að minnka fituna ef ætlunin er að léttast.
Samstilla þarf fæði við lyf sem gefin eru við sykursýki, sér-
staklega er það mikilvægt ef fólk fær insúlín. Í þessu tilliti
er mikilvægt að gera sér grein fyrir að einstaklingur sem
er á insúlíni má ekki sleppa úr máltíðum og þarf að fá kol-
vetni úr hveri máltíð.
Þau kolvetni sem henta best eru úr trefjaríkum fæðutegund-
um, því að þau fara hægt út í blóðið. Þar má nefna gróft
brauð, baunir, klíð, hafra, rúg, grænmeti og ávexti.
Helstu atriði sem hjálpa til við að forðastsveiflur í blóðsykri hjá sykursjúkum:
• Bjóða ekki sætar súpur, grauta eða sæta drykki, þ.e.
safa, djús, gosdrykki, sætt kaffi eða te. Nota má gervi-
sætuefni til að útbúa sambærilega eftirrétti og drykki.
• Sætindi, þurrkaða ávexti og sykraðan mat á að gefa í
hófi og eingöngu með öðrum mat en aldrei milli mála.
• Kaffibrauð má innihalda svolítinn sykur en það á helst
að vera trefjaríkt því að trefjarnar draga úr blóðsykur-
hækkun. Gott er að blanda klíði í bollur, vöfflur og annan
bakstur til að auka trefjarnar eða nota heilhveiti eða
hafra. Eins má nota gervisætuefni í bakstur.
• Hafa skal soðið grænmeti og/eða grænmetissalat með
mat. Grænmetið stuðlar að jafnari og hægari hækkun
blóðsykurs eftir máltíð.
• Bjóða má ferska ávexti með máltíð eða sem millibita,
1/2–1 stykki í einu, sætari ávexti eins og banana og
vínber í litlu magni.
• Rétt er að bjóða sykursjúkum smærri aðalmáltíðir en
stærri aukamáltíðir. Jafnari dreifing fæðunnar yfir daginn
kemur í veg fyrir miklar sveiflur á blóðsykrinum. Stórar
máltíðir með lengra millibili auka á sveiflurnar.
Matur fyrir sykursjúka er hollur fyrir alla og best er ef þeir fá fæði sem er ekki mjög frábrugðið því sem boriðer fyrir aðra heimilismenn. Kaffibrauð þarf t.d. ekki aðvera sérbakað fyrir sykursjúka, þótt magnið sé minna. Sama er að segja um eftirrétti, sykursjúkir geta oft fengiðsama eftirréttinn og aðrir, en þó e.t.v. í minna magni.
Þeir sem eiga erfitt með að tyggja og kyngja þurfa að fá
annað hvort hakkað, maukað eða jafnvel fljótandi fæði.
Ýmsar ástæður geta valdið slíkum erfiðleikum, t.d. tauga-
sjúkdómar, lélegar tennur og sjúkdómar í munni eða hálsi.
Áferðarbreyting þarf að vera í samræmi við getu einstakl-
ingsins til að tyggja og kyngja, en algengustu gerðir fæðis
með breyttri áferð eru hakkað og maukað fæði. Aðrar fæðis-
gerðir þarf að útbúa einstaklingsbundið fyrir hvern og einn,
t.d. fljótandi fæði og hlaupfæði.
Mikilvægt er að fæðið sé jafn næringarríkt og hið almenna,
þrátt fyrir breytta áferð. Þetta atriði er sérstaklega mikilvægt
ef fæðið er gefið til langframa. Huga skal að trefjainnihaldi,
t.d. með því að gefa korngrauta, ávaxta- og grænmetismauk.
Í öllum tilvikum þarf að gæta þess að bjóða aðeins mat
sem fólk ræður við án þess að því svelgist á eða að maturinn
standi í hálsinum.
Fyrir kemur að fólk á erfitt með að kyngja þunnum vökva.
Í slíkum tilfellum nægir að þykkja alla vökva og drykki með
þykkingarefnum. Hægt er að fá sérstakt þykkingarduft til
að þykkja bæði kaldan og heitan vökva.
Hakkað fæðiHakkað fæði er ætlað fólki sem á erfitt með að tyggja.
Allur matur á að vera það mjúkur að auðvelt sé að stappa
hann á diski. Brauð og álegg þarf að vera mjúkt, svo að
auðvelt sé að tyggja það. Næringargildi fæðisins á að vera
sambærilegt við almennt fæði.
Val á matvörum:• Hakkað kjöt, hakkréttir, bollur, fars með sósu.
• Fiskur í stykkjum, fiskibollur eða fiskbúðingur og fiskréttir
með sósu eða feiti.
• Auka skammtur af sósu fylgir með kjöt- og fiskmáltíðum.
• Hrærð og soðin egg.
• Soðnar, bakaðar eða hrærðar kartöflur.
• Soðin hrísgrjón eða pasta.
• Grænmeti, soðið eða maukað, án hýðis, steina
eða grófra trefja.
• Nýir, mjúkir ávextir, niðursoðnir og maukaðir ávextir.
• Mjúkt brauð og brauðmeti, korngrautar.
• Mjúkt álegg.
• Mjólk, sýrðar mjólkurvörur, búðingar, grautar og ís.
• Mjúkir ostar.
Næringardrykki og aðra orkuríka drykki og súpur ætti
að nota á milli aðalmáltíða fyrir þá sem þurfa.
Maukað fæðiMaukað fæði er ætlað þeim sem eiga erfitt með að kyngja
og þarf allur matur að vera maukaður og örðulaus.
Næringargildi fæðisins á að vera eins líkt almennu fæði
og mögulegt er en þó er rétt að gefa einnig fjölvítamín.
Fæði með breyttri áferð
Val á matvörum:• Kjöt og fiskur, maukað með soði eða sósu.
• Aukaskammtur af sósu með kjöt- og fiskmáltíðum.
• Hrærð egg.
• Hrærðar kartöflur.
• Grænmetismauk.
• Ávaxtamauk, síaðir eða maukaðir ávaxtagrautar og súpur.
• Korngrautar.
• Mjólk, sýrðar mjólkurvörur, mjólkursúpur, ís, grautar
og búðingar.
Næringardrykki og aðra orkuríka drykki og súpur ætti
að nota á milli aðalmáltíða fyrir þá sem þurfa.
Máltíðir veita annað og meira en aðeins líkamlega næringu.
Góður matur sem er fallega fram borinn í vistlegu umhverfi
veitir hverjum manni ánægju og vellíðan og er jafnvel
helsta tilbreyting og tilhlökkunarefni dagsins. Blóm á borði
og fallegur borðbúnaður hefur líka sitt að segja til að auka
ánægjuna af matnum.
Best er að dreifa máltíðum eins og kostur er yfir daginn,
þannig að hæfilegur tími líði milli mála. Vökva, annað
hvort vatn, léttmjólk eða safa, þarf auk þess að bjóða milli
mála. Máltíðum má t.d. skipa á þessa lund (3):
Máltíðir
Máltíðir Æskilegur tími Hæfilegt hlutfall dagsneyslu(% heildarorku)
Morgunverður 08:00–09:30 20%
Hádegisverður 12:00–13:00 30%
Síðdegishressing 15:00–15:30 15%
Kvöldverður 18:00–19:00 25%
Kvöldhressing 20:30–21:00 10%
Miklu máli skiptir að skipuleggja matseðla nokkrar vikur
fram í tímann. Þannig verða matarinnkaup bæði auðveldari
og hagkvæmari, auk þess sem fjölbreytni fæðunnar og góð
samsetning máltíða er betur tryggð með slíku skipulagi.
Hægt er að nota sömu 5-7 vikna matseðlana aftur og aftur
með viðeigandi breytingum vegna árstíða, hátíðisdaga,
hráefnisframboðs o.s.frv.
Best er að raða ekki kjöt- og fiskmáltíðum ævinlega á sömu
vikudagana viku eftir viku. Þetta skiptir sérstaklega máli
Matseðlar og skipulag
Sumir þurfa auk þess aukabita á nóttunni eða snemma að morgni.
SkammtastærðirTil að áætla hæfilega skammtastærð má styðjast við
ljósmyndir og töflu sem hér fylgja. Venjulegur skammtur
hæfir flestu gömlu fólki sem er við sæmilega heilsu og
hreyfir sig daglega. Lítill skammtur er fyrir þá sem hreyfa
sig minna og hafa minni orkuþörf. Orkuþéttur skammtur er
ætlaður þeim sem eru vannærðir eða hafa litla matarlyst.
✺
fyrir þá sem fá heimsendan mat tvo til þrjá daga í viku en
einnig fyrir starfsfólk sem vinnur nokkra daga í viku. Til að
tryggja þessu fólki tilbreytingu og fjölbreytni er ástæða til
að hafa ekki alltaf hliðstæða rétti á sömu vikudögunum.
Við val á uppskriftum og samsetningu matseðla þarf að
sjálfsögðu að taka tillit til fjölmargra þátta svo sem nær-
ingarþarfa fólks og getu þeirra til að matast, bragðs og
útlits matarins, kostnaðar og hagkvæmni.
Eitt má þó aldrei gleymast en það er að fæðan sé örugg.
Sérstaklega þarf að tryggja að matvæli fyrir stofnanir séu
eingöngu keypt frá ábyrgum birgjum sem fylgja reglum um
hreinlæti og rétta meðhöndlun matavæla.
Á bls. 20 – 23 eru fjögur dæmi um viku matseðil. Þar er
lögð áhersla á fjölbreytni og samsetningu sem veitir hæfilega
orku og næringarefni. Möguleikarnir eru auðvitað fjölmargir
og því er rétt að líta á matseðlana sem dæmi til hliðsjónar
frekar hina einu sönnu fyrirmynd. Hver og ein stofnun
verður að vinna sína matseðla út frá eigin forsendum.
Hins vegar er rétt að leggja áherslu á að boðið sé upp
á heitan mat á kvöldin nokkrum sinnum í viku. Það getur
orðið leiðigjarnt að fá brauð og spónamat á hverju kvöldi
og því nauðsynlegt að hafa einhvers konar tilbreytingu í
kvöldverðinum, t.d. heita smárétti.
MorgunverðurEkki eru gefnir upp matseðlar fyrir morgunverð enda er ekki
ástæða til að breyta til daglega heldur bjóða frekar upp á
fjölbreytt úrval, jafnvel af hlaðborði þar sem við á. Gott
er að hafa á boðstólum hafragraut með nýmjólk eða létt-
mjólk, súrmjólk, ab-mjólk eða létta súrmjólk ásamt púður-
sykri og morgunverðarkorni, brauð og álegg, kaffi og te.
Ávextir, sveskjur eða sveskjumauk ættu að standa til boða
alla daga með morgunverði og morgunverðarkorn fyrir þá
sem vilja. Að auki er gott að bjóða linsoðið egg einu sinni
til tvisvar í viku. Á sunnudögum og til hátíðabrigða er
skemmtilegt að bjóða kakó eða heitt súkkulaði ásamt nýjum
brauðbollum.
Kjötmáltíð
Nota má þessa töflu til viðmiðunar við skömmtun.Sjá myndir hér til hliðar.
• Venjulegur skammtur er meðalskammtur fyrir heilbrigða og veitir
um 2000 kcal á dag.
• Lítill skammtur er fyrir fólk með litla hreyfingu og með minni
orkuþörf og veitir um 1500 kcal á dag.
• Orkuþéttur skammtur er ætlaður þeim sem eru vannærðir og/eða
með litla matarlyst og veitir um 2000 kcal á dag.
Magnið er miðað við lítinn skammt en maturinn er orkubættur.
Sjá kafla bls. 10.
Orkuþéttur skammtur
Venjulegur skammtur
Lítill skammtur
Magnið í orkuþéttum skammti er svipað og í þeim litla en fæðið
er orkubætt, sjá kafla um fæði fyrir sjúka aldraða bls. 10. Rétt er
að taka magnið sem gefið er upp í töflunni með nokkrum fyrirvara.
Bæði hafa einstaklingar mismikla næringarþörf og eins hafa mat-
reiðsluaðferðir áhrif á þyngd matvara. Hér er ævinlega miðað við
magn af soðnum eða steiktum matvælum án sósu. Hrátt kjöt eða
fiskur eru þyngri en matreidd vara.
Kjöt 100-120g 80-100g
fiskur 130-150g 120g
kjötfars/fiskfars 150g 120g
pottréttur 2 dl 1,5 dl
grænmeti 60g 40g
kartöflur 100g 70g
súpa/grautur 2 dl 1,5 dl
venjulegurskammtur
lítillskammtur
Fiskmáltíð Brauðmáltíð
Orkuþéttur skammtur
Venjulegur skammtur
Lítill skammtur
Orkuþéttur skammtur
Venjulegur skammtur
Lítill skammtur
Dæmi um matseðla
Hádegisverður
Aðalréttur kálbögglar soðinn fiskur fylltar fiskrúllur nautagúllas svínasnitsel ofnbakaður fiskur Londonlamb
Sósa/smjör brætt smjör rækjusósa köld sósa brún sósa m. osti og grænm. sveppasósa
Grænmeti soðið hvítkál rifnar gulrætur grænmetissalat blandað grænmeti grænar baunir hrásalat eplasalat
Kartöflur soðnar kartöflur soðnar kartöflur soðnar kartöflur kartöflumús soðnar kartöflur soðnar kartöflur parísarkartöflur
Brauð
Spónamatur súrmjólkursúpa brauðsúpa bláberjasúpa bl. grænmetissúpa bökuð epli hrísgrjónavellingur vanilluís
með rjóma með tvíbökum
Síðdegishr.
Sætabrauð ástarpungar jólakaka muffins vínarbrauð kryddkaka ostakaka
Brauð 1/2 sneið flatk. m. hangikjöti brauð með osti brauð m. lifrarkæfu brauð með eggi brauð með mysing
Kvöldverður
Heitur réttur lambakjöt grænmetisbuff ítölsk kjötsósa
grænmetissósa jafningur pasta
kartöflur kartöflur soðið grænmeti
Brauð gróft brauð gróft brauð gróft brauð gróft brauð
Álegg 1 túnfisksalat svínasteik kjúklingapylsa rækjusalat
Álegg 2 nautasteik ávaxtasalat lifrakæfa/rauðrófur lambasteik
Meðlæti grænmeti/ávextir grænmeti/ávextir grænmeti/ávextir grænmeti/ávextir
Spónamatur grænmetissúpa blómkálssúpa kakósúpa með tvíb. ávaxtabakki tómatsúpa jarðarberjabúðingur sjávarréttasúpa
Kvöldhressing kex ávextir ávextir kringlur kex niðurs. ávext/rjómi ávextir
Dæmi um matseðla
Hádegisverður
Aðalréttur steiktar fiskibollur soðið lambakjöt soðinn fiskur svikinn héri lambafriggase plokkfiskur steikt svínalæri
Sósa/smjör lauksósa steinseljusósa sjávarréttasósa brún sósa brún sósa
Grænmeti agúrkusalat soðnar rófur rifnar gulrætur soðið brokkál grænar baunir soðnar gulrætur hvítk./ananasalat
Kartöflur soðnar kartöflur soðnar kartöflur soðnar kartöflur kartöflumús soðnar kartöflur soðnar kartöflur brúnaðar kartöflur
Brauð rúgbrauð og smjör
Spónamatur rauðgrautur íslensk kjötsúpa bl. grænmetissúpa ávaxtabakki fromage bláberjaskyr spergilsúpa
með rjómablandi
Síðdegishr.
Sætabrauð brúnkaka kringlur hjónabandssæla snúður tebollur kleinur vöfflur með rjóma
Brauð 1/2 sneið brauð með kæfu brauð með smurosti brauð m. lifrakæfu
Kvöldverður
Heitur réttur hakkað buff kjúklingapottréttur sviðasulta
brún sósa hrísgrjón/kartöfl. rófustappa
soðnar kartöflur snittubrauð rauðbeður
blandað grænmeti
Brauð gróft brauð gróft brauð gróft brauð gróft brauð
Álegg 1 kjúklingapylsa rækjur nautatunga skinka
Álegg 2 fisksalat hangikjöt kartöflusalat ávaxtasalat
Meðlæti grænmeti/ávextir grænmeti/ávextir grænmeti/ávextir grænmeti/ávextir
Spónamatur vanillusúpa sagógrautur niðursoðnar perur hrísmjölssúpa spergilkálsúpa ávaxtagrautur sunnudagsjógúrt
Kvöldhressing ávextir formkaka kex ávextir ávextir heit eplakaka ávextir
Dæmi um matseðla
Hádegisverður
Aðalréttur kjötbrauð steiktur fiskur blóðmör/lifrapylsa ofnbakaður fiskur soðinn lax makkarónugratín ofnst. kjúklingur
Sósa/smjör brún sósa köld sósa smjör hollandaise sósa bl. grænm.salat sveppasósa
Grænmeti hvítkálssalat ferskt salat rófustappa tómatsalat tómatar/agúrkur kartöflumús maísblanda
Kartöflur kartöflumús soðnar kartöflur soðnar kartöflur kartöflur/hrísgrjón soðnar kartöflur gratin. kartöflur
Brauð
Spónamatur sveppasúpa ávaxtasalat hrísgrjónavellingur aspassúpa ávaxtagrautur nýir ávextir blaðlaukssúpa
með nýmjólk
Síðdegishr.
Sætabrauð eplakaka kringlur rúsínubollur sandkaka hunangskaka hvít lagterta
Brauð 1/2 sneið skonsur með osti brauð með skinku brauð með mysing
Kvöldverður
Heitur réttur karrífiskur stroganoff
tómatsalat kartöflumús
soðnar kartöflur sumarblanda
Brauð gróft brauð gróft brauð gróft brauð gróft brauð gróft brauð
Álegg 1 karrísíld skinka svínasteik nautasteik skinka
Álegg 2 kjúklingapylsa ostur egg og tómatar túnfisksalat sardínur/egg
Meðlæti grænmeti/ávextir grænmeti/ávextir grænmeti/ávextir grænmeti/ávextir grænmeti/ávextir
Spónamatur sagósætsúpa grænmetissúpa eplagrautur vanillusúpa blómkálssúpa eggjamjólk jógúrt m. bl. áv.
Kvöldhressing ávextir kex ávextir kex kex niðurs. ferskjur ávextir
Dæmi um matseðla
Hádegisverður
Aðalréttur soðinn fiskur steiktar kjötbollur gellur/saltfiskur lambapottréttur grænmetisbuff plokkfiskur ofnst. lambalæri
Sósa/smjör kryddjurtasósa brún sósa brætt smjör karrísósa sinnepssósa
Grænmeti soðið grænmeti baunir/rauðkál soðnar gulrófur soðnar gulrætur brokkál/blómkál soðnar gulrætur grænmetisblanda
Kartöflur soðnar kartöflur soðnar kartöflur soðnar kartöflur kartöflumús soðnar kartöflur soðnar kartöflur brúnaðar kartöflur
Brauð rúgbrauð og smjör rúgbrauð og smjör
Spónamatur skyr ávaxtagrautur vanillusúpa ávaxtabakki kakósúpa hrísgrjónavellingur ís með ávöxtum
með rjómablandi með nýmjólk með tvíbökum
Síðdegishr.
Sætabrauð marmarakaka möndlukaka kleinur massarínukaka furstakaka
Brauð 1/2 sneið soðbrauð m. smjöri brauð m. hangikjöti rúllutertubrauð
Kvöldverður
Heitur réttur biximatur fiskgratín
rauðrófur soðnar kartöflur
soðin egg hrásalat
rúgbrauð
Brauð gróft brauð gróft brauð gróft brauð hvítt brauð gróft brauð
Álegg 1 skinka kjúklingaskinka makríll í tómat reyktur lax hangikjöt
Álegg 2 lambasteik túnfisksalat lifrakæfa svínasteik egg og tómatar
Meðlæti grænmeti/ávextir grænmeti/ávextir grænmeti/ávextir grænmeti/ávextir grænmeti/ávextir
Spónamatur bl. grænmetissúpa makkarónugrautur ít. grænmetissúpa aspassúpa sveskjugrautur sveppasúpa búðingur með saft
Kvöldhressing ávextir kringlur kex ávextir kex sjónvarpskaka ávextir
Þar sem matur er útbúinn í stórum eldhúsumþurfa boðleiðir milli eldhúss og deilda að veragreiðar og auðveldar. Mikilvægt er að komaóskum og sérþörfum varðandi matinn á framfærivið rétta aðila. Án skipulagra boðleiða geturþað orðið þrautin þyngri, því margt starfsfólkkemur þarna við sögu.
Yfirleitt fá læknar og hjúkrunarfólk upplýsingar um sérþarfir
sjúklinga en þessir starfsmenn eru ekki alltaf viðstaddir
þegar sjúklingarnir fá matinn og fá þá ekki að vita um
viðbrögð við honum, hvernig hann smakkast eða reynist.
Til að skilaboðin komist á réttan stað og maturinn sé í
samræmi við óskir og þarfir neytandans þarf fjöldi fólks
að vinna saman. Eins skiptir máli að læknar,
næringarráðgjafar og hjúkrunarfólk séu með í ráðum þegar
grunnur er lagður að matseðlagerð svo að fæðið sé í
samræmi við þarfir.
Samskipti eldhúss og deilda geta verið með ýmsu móti.
Upplýsingar um fjölda matarskammta og þarfir um sérfæði
verða hins vegar að vera skriflegar og þannig úr garði gerð-
ar að auðvelt sé að koma breytingum á framfæri. Best er
að hafa sérstök eyðublöð sem eru fyllt út við hverja breyt-
ingu svo ævinlega sé unnið samkvæmt nýjustu upplýsingum.
Á eyðublöðunum kemur fram hvaða fæðisgerðir eru í boði
á stofnuninni og hvað þarf að sérpanta.
Best er að öll skilaboð til eldhúss séu skrifleg, annars er
alltaf hætta á að upplýsingar misfarist. Þar sem bakka-
skömmtun er í eldhúsi er nauðsynlegt að hafa matarkort
fyrir hvern einstakling, þar sem koma fram upplýsingar um
fæðisgerð o.fl.
Æskilegt er að næringarteymi eða næringarráð sé starfandi
á hverri stofnun. Þar ræða fulltrúar eldhúss og deilda sín
á milli og marka stefnu í næringarmálum stofnunarinnar.
Í næringarráði geta átt sæti yfirmaður eldhúss, hjúkrunar-
fræðingur, næringarráðgjafi, matarfræðingur, læknir og ef
til vill framkvæmdastjóri.
Samskipti eldhúss og deilda
✺
Ráðlagðir dagskammtar (RDS)af ýmsum næringarefnum
A D E B B Níasín B Fólasín B C Kalk Fosfór Kalíum Magníum járn sink joð selenµg µg mg mg mg mg mg µg µg mg mg mg g mg mg mg µg µg
KARLAR31 – 60 900 7 10 1,4 1,6 18 1,5 300 2,0 60 800 600 3,5 350 10 9 150 5061 – 75 900 10 10 1,2 1,4 16 1,4 300 2,0 60 800 600 3,5 350 10 9 150 5075 og eldri 900 10 10 1,1 1,3 15 1,2 300 2,0 60 800 600 3,5 350 10 9 150 50KONUR31 – 60 800 7 8 1,1 1,3 15 1,2 300 2,0 60 800 600 3,1 280 15 7 150 4061 – 75 800 10 8 1,0 1,2 13 1,1 300 2,0 60 800 600 3,1 280 10 7 150 4075 og eldri 800 10 8 1,0 1,2 13 1,1 300 2,0 60 800 600 3,1 280 10 7 150 40
ALDUR (ÁR) VÍTAMÍN STEINEFNI
B–VÍTAMÍN
Manneldismarkmið fyrir fullorðnaÆskilegt er að heildarneysla sé í samræmi við orkuþörftil að tryggja eðlilega líkamsþyngd, vöxt og þroska.
Hæfilegt er að samsetning fæðunnar sé þannig aðprótein veiti að minnsta kost 10% heildarorku.
Hæfilegt er að fullorðnir fái 25–35% orkunnar úr fitu,þar af komi ekki meira en 15% orkunnar úr harðri fitu.(Með harðri fitu er átt við bæði mettaðar fitusýrur ogtrans–ómettaðar fitusýrur).
Hæfilegt er að úr kolvetnum fáist um 50–60% aforkunni, þar af ekki meira en 10% úr fínunnum sykri.
Æskilegt er að neysla fæðutrefja sé að minnsta kosti25 g á dag miðað við 2500 hitaeininga fæði.
Æskilegt er að neysla á matarsalti sé undir 8 g á dag.
Stefnt skal að sem fjölbreyttustu fæði úr öllum fæðu-flokkum í þeim hlutföllum orkuefna sem að framangreinir.
1
2
3
4
5
6
7
* Margir hvetja til enn meira D-vítamíns fyrir aldraða eða allt að 20 míkrógrömmum (800 ae).
Heimildir(1) Inga Þórsdóttir, Kolbrún Einarsdóttir og Þór Halldórsson:
Niðurstöður samráðsfundar um næringarástand og næringarnám
aldraðra á öldrunarstofnunum á Íslandi.
Læknablaðið/Fréttabréf lækna 1993; 7:12–14
(2) Norrænar ráðleggingar um næringarefni, Rannsóknarstofa í
næringarfræði, Háskólaútgáfan 1999
(3) Mat och kostbehandling för äldre, problem och möjligheter.
Livsmedelsverket, Uppsala 1998
(4) Anbefalinger for den danske institutionskost.
Levnedsmiddelstyrelsen, Søborg 1999
(5) Recommendations for the nutritional management of patients
with diabetes mellitus. Diabetes and Nutrition Study Group (DNSG)
of the European Association for the Study of Diabetes(EASD), 1999
Eur J Clin Nutr 2000; 54:353–355