AKTA
OHIKO OSOKO BILKURA
2015-09-14
Bilera: Ohiko Osoko Bilkura
Bilera-zenbakia: Lehenengo deialdia
Eguna: 2015-09-14 (astelehena)
Ordua: 19:00-21:30
Tokia: Dimako udaletxeko batzar aretoa
Bertaratuak:
Nekane Intxaurtza Etxebarria, alkatea
Ibon Iza Totorika, zinegotzia.
Jose Maria Atutxa Olabarri , zinegotzia .
Maria Yolanda Palacios Palacios, zinegotzia.
Francisco De Borja Ruiz Huerta, zinegotzia
Josune Gorospe Elezkano, zinegotzia
Iurdana Acasuso Atutxa, zinegotzia
Jose Antonio Aurrekoetxea Olabarria, zinegotzia
Francisco Javier Arteaga Plaza, zinegotzia
Felix Perez Santirso, idazkaria
Diman, udaletxeko batzar aretoan, bi mila ta hamabosteko irailaren
hamalauko arrastiko zazpiak diranean, goian aipatutako zinegotzi jaun-andreak
bildu dira Nekane Intxaurtza Etxebarria alkate buru dala eta Felix Perez
idazkariaren laguntzaz.
Udalbatzak 15-07-13 akta zuzendu ondoren, Alkate Udalburuak adierazo dau
gaurko osoko bilkura ohikoa dala eta gai zerrenda aztertzeari ekin dautso.
GAIAK
1. 2014ko Kontu Orokorraren onarpena.
2. 15/10 zki.dun aurrekontu aldaketaren barri emotea.
3. Nagore Bernaola Manzanedo udal funtzionarioak eskatutako lanaldiaren murrizketari buruzko
akordioa.
4. Udal kolektoretik kanpoko fosa septikoen garbiketarako udal dirulaguntzari buruzko udal arauari
hasierako onarpena emoteko akordioa.
5. EH BILDUko udal taldeak aurkeztutako Siria eta beste herrialdeetako errefuxiatueen egoerari
buruzko mozioa.
6. EH BILDUko udal taldeak aurkeztutako Elkartasun internazionalista bultzatzeko lanean
diharduten erakunde eta pertsona guztiekiko babesari buruzko mozioa.
7. EH BILDUko udal taldeak aurkeztutako "herrikoen auziaren" (35/02) sententziari buruzko
mozioa.
8. EH BILDUko udal taldeak aurkeztutako Euskal Herriko emakumeen mundu martxari buruzko
mozioa.
9. Udal Batzordeetan jorratutako bestelako gaien barri emotea:
Ogasuna, Pertsonala eta Enplegu eta kontuak:
• Herri ikastetxean biomasako galdara jartzeko baldintza-sorta onartu eta esleitzeko prozedurari
hasiera emotea.
• Brigadarako lan poltsaren oinarriak.
• Ludotekarako lan poltsaren oinarriak.
Hirigintza: lan baimen txikiak
• Olazabal auzoko 5 zki.dunaren eskaera.
• Olazabal auzoko 12 zki.dunaren eskaera.
• Ugarana auzoko 4 zki.dunaren eskaera.
• Amantegi auzoko 2 zki.dunaren eskaera.
• Oba Behekoa auzoko 2 bir. zki.dunaren eskaera.
• Ziarrusta auzoko 1 zki.dunaren eskaera.
• Indusi auzoko 5 zki.dunaren eskera.
Abeltzaintza, Nekazaritza eta Basogintza:
• Beñat Olazabalaga Leiza jn.k aurkeztutako eskaera.(Ibarrako udal landa erabilteko).
Hezkuntza, Kultura, Kirola eta Euskara:
• Santiago jaiak 2015
• Aroztegietako jaiak 2015.
• Slaloma (kotxeen lasterketa)
Aisialdia, Bardintasuna, Ongizatea eta Partehartzea:
• Dimetal Fest 15.
• Arratiako altxorra – Ezagutu Arratia jolastuz.
10. Dekretuen barri emotea.
11. Eskari eta galderak.
2014. KONTU OROKORRA ONARTZEKO AKORDIOA
2014. Kontu Orokorraren barri Udal Osoko Bilkurari emon jako.
Alkate Udalbatzaburu and.k hartu dau berba adierazoteko bere egunean
Ogasun Batzordean 2014ko Kontu Orokorraren ganeko azalpenak emon eta
Bizkaiko Aldizkari Ofizialean argitaratu ondoren, espedientea osoko bilkura
honetara ekarri dala bere onarpenerako.
Talde politiko bien bozeramoileek adierazo dabe aldeko botoa emongo dabela
eta ondorengo bozketa 2014ko Kontu Orokorra aho batez onartua izan da, eta
udal artxibategian gordeta geratuko da.
15/10 ZKI.DUN AURREKONTU ALDAKETAREN BARRI EMOTEA
15/127 zki.dun Alkatetz Dekretu bidez onartutako 15/10 zki.dun aurrekontu
aldaketaren barri Udal Osoko Bilkurari emon jako.
Aldaketa hau kreditu gaikuntza bidez burutu da, Eusko Jaurlaritzako Energiaren
Euskal Erakundetik (EVE-EEE) jasotako ondorengo dirulaguntza 2015eko udal
aurrekontuetan barrusartzeko:
SARRERAK HASIERA ALDAKETA AMAIERA
710 01 EVE Efizientzia energetikoa 15 - 14.140,00 14.140,00
Guztira……….14.140,00
GASTUAK HASIERA ALDAKETA AMAIERA
920 623 02 Beroketa sistema aldaketa 73.172,39 14.140,00 87.312,39
Guztira……….14.140,00
Udal Osoko Bilkura jakitun gelditu da.
NAGORE BERNAOLA MANZANEDO UDAL FUNTZIONARIOAK
ESKATUTAKO LANALDIAREN MURRIZKETARI BURUZKO
AKORDIOA
2015eko irailaren 2an, 1109 zki.dun eskaera bidez, Nagore Bernaola
Manzanedo and.k, Enplegatu Publikoaren Oinarrizko Estatutuaren 7/2007
Legearen 48 h) artikuluko kasuan oinarriturik, Dimako Udalari aurtengo urriaren
1etik hasita eta hamabi hilabeterako bere lan ihardunaldiaren murrizteko
eskaeraren barri Udal Osoko Bilkurari emon jako.
Alkate and.k, gai honen barri emon eta igazko aurrekaria gogoratu ondoren,
botutara jarri dau eskaera eta jarraian Udal Osoko Bilkurak aho batez onartu dau.
Udal Osoko Bilkurak, bozketa burutu ostean, aho batez onartu dau Nagore
Bernaola Manzanedo udal funtzionarioak aurkeztutako hamabi hilabeterako
lanaldia murrizteko eskaera, indarreko jardunbideak ezartzen dauzen
ondorioekaz.
DIMAKO UDAL KOLEKTORETIK KANPOKO FOSA SEPTIKOEN
GARBIKETARAKO UDAL DIRULAGUNTZARI BURUZKO UDAL
ARAUARI HASIERAKO ONARPENA EMOTEKO AKORDIOA
Dimako udal kolektoretik kanpoko fosa septikoen garbiketarako udal
dirulaguntzari buruzko udal arauari hasierako onarpena emoteko proposamenaren
barri Udal Osoko Bilkurari emon jako.
Borja Ruiz Huerta EH BILDUko zinegotzi jn.k hartu dau berba arau honen
helburua eta edukinaren xehetasunen barri emoteko.
Josune Gorospe Elezkano EAJ/PNVko zinegotzi and.k hartu dau berba
esateko, oker ez badagozala, bozkatzekoa dan arauaren testua ez zala Ogasun
Batzordetik pasatutakoa eta horrela bada galdetu dau bozkatu ahal dan.
Idazkariak eskatu dau berba esateko testu bera dala eta aldaketa bakarra dala
dirulaguntzaren kopurua, 75,-€koa hain zuzen be, batzordetik igarotako
zirriborroan agertan ez zana, udal gobernuko taldea orduan finkatzekoa zalako.
Josune Gorospe Elezkano EAJ/PNVko zinegotzi and.k adierazo dau aldaketa
bakarra bada, aldeko botoa emongo dabela, baina etorkizunari begira eskatu
dautso udal gobernuko taldeari testu osoa ekartea batzordera, edo batzordearen
eta osoko bilkuraren artean aldaketaren bat balego eurei horren barri emotea,
informazinoa Udalbatza baino arinago euki ahal izateko.
Bestalde 7/1985eko legearen 49. artikuluan ezarrita dago arau hau onartzeko
prozedura eta horren arabera, osoko bilkura honetan hasierako onarpena emon
eta Bizkaiko Aldizkari Ofizialean argitaratu ondoren, hogeita hamar eguneko
epean jendeaurreko erakustaldia eta interesdunentzako entzunaldia burutuko da
erreklamazioak eta iradokizunak aurkeztu ahal izateko. Azken batean epea igaro
ostean, erreklamazioak balegoz, Udalbatzak horreik erabagi eta behin betiko
onarpena emon beharko leuskio arauari, Bizkaiko Aldizkari Ofizialean testu
osoa argitaratuz, bere indarraldiari hasiera emoteko.
Jarraian botutara jarri da proposamena eta bozketaren ondorioz aho batez
emon jako hasierako onarpena arau honi.
Nekane Intxaurtza Etxebarria Alkateburuak eskeini dautso berbea
bertaratutako publikoari gai honen inguruan ezer esateko.Inork berbarik egin ez
dauan lez, hurrengo gaia aztertzeari ekin dautso
EH BILDUKO UDAL TALDEAK AURKEZTUTAKO SIRIA ETA BESTE
HERRIALDEETAKO ERREFUXIATUEEN EGOERARI BURUZKO
MOZIOA
EH BILDUko udal taldeak aurkeztutako Siria eta beste herrialdeetako
errefuxiatueen egoerari buruzko mozioaren barri Udal Osoko Bilkurari.
Alkate-Udalbatzarburu and.k hartu dau berba adierazoteko euren asmoa dala
mozio hau, adostasuna lortu ezkero, adierazpen instituzionala bihurtzea.Jarraian
testua irakurtzeari ekin dautso:
Europako herrialdeetarako migrazio fluxua errealitate geldiezina da azken urteotan,
ezberdintasun sozialen, krisi humanitario eta ekonomikoen eta Afrikako, Europako
Ekialdeko eta Ekialde Hurbileko gerra gero eta ugariagoen ondorioz.
Drama humanoa da, haien herrietatik ihesi datozen milaka eta milaka pertsonen
heriotza eragiten duena. Hala ere, mundua lekuko isila da eta mendebaldeko
agintarien ezintasuna eta geldotasuna gero eta nabariagoak dira.
Azken urteotan barne gerrek eta okupazio militarrek exodoak eragin dituzte Sirian,
Iraken edo Afganistanen. Azkenaldian, horri beste errealitate bat gaineratu zaio,
fanatikoa eta muturrekoa, Ekialde Hurbila ez ezik, Europako herrialdeak ere atentatu
eta beldurra hedatzeko ekintzez kolpatu dituena.
Errealitate berri honen irtenbidea konplexua dela jakinda, onartezina da Europar
Batasunaren eta haren gobernuetako agintari politikoen isiltasun mingarria. Gatazkek
eta giza eskubideen urraketak eragindako migrazio fluxu honi ezin zaio erantzun
alanbre hesiez eta jazarpen militarraz, ezta bizirik jarraitzeko ihesi datozenei
merkataritza kuotak ezarrita ere.
Antzeko egoeretan, Donostiak elkartasun aktiboa erakutsi eta justizia eskatu izan du;
horixe egin zuen Balkanetako gerraren garaian eta horixe egiten du, oraindik ere,
saharar herriarekin. Elkartasun horrek Donostia ezaugarritu du, eta ezaugarritzen du
oraindik ere.
IFK
/CIF
P2
0074
00A
/ T
EE/R
EL 0
120
069
7
1065
5n I
201
1-0
6
IFK
/CIF
P2
0074
00A
/ T
EE/R
EL 0
120
069
7
1065
5n I
201
1-0
6
IFK
/CIF
P2
0074
00A
/ T
EE/R
EL 0
120
069
7
1065
5n I
201
1-0
6
IFK
/CIF
P2
0074
00A
/ T
EE/R
EL 0
120
069
7
1065
5n I
201
1-0
6
IFK
/CIF
P2
0074
00A
/ T
EE/R
EL 0
120
069
7
1065
5n I
201
1-0
6
Honengatik guztiarengatik, Dimako EH Bildu udal taldeak honako MOZIOA hau
aurkezten du:
1.- Dimako Udalbatzak hiriak Siriako eta beste herrialde batzuetako gatazka politiko
eta militarretatik ihes egiten duten pertsona errefuxiatuak hartzeko prestutasuna
adierazten du, baita konpromiso bera duten beste udal batzuekin lan egitekoa ere.
2.- Europar Batasunak erantzukizun garbia du errefuxiatuen exodoa eragin duen
Ekialde Hurbilaren desorekatze egoeran. Horregatik, krisi humanitario honi modu
aktiboan eta elkartasunez eta justizia humanitarioaz erantzuteko eskatu behar zaie
bertako estatu kideetako agintari eta gobernuei. Gerra hauetatik ihes egiten duten edo
tragedia hau aprobetxatzen duten mafien biktima diren pertsonei hartzeko beharrezko
bitartekoak bidera ditzaten ere eskatu behar zaie.
3.- Dimako Udalbatzak Bizkaiko Foru Aldundiari eta Eusko Jaurlaritzari tragedia honen
aurrean jarrera aktiboa eta solidarioa har dezaten eta haren ondorioak arintzeko
eskura dituzten bitartekoak bidera ditzaten eskatzen die.
4.- Arestian aipatutako bi erakunde horiekin eta Euskal Herriko beste udal batzuekin
lan egiteko konpromisoa hartzen du Dimako Udalbatzak, errefuxiatu hauek hartzeko
tokiko sare bat egituratzeko.
Jarraian Iurdana Acasuso Atutxa zinegotziak, EAJ/PNVko udal taldearen
bozeraemoilea danak, hartu dau berba adierazoteko mozio honen ganean
aipamen bi egin gura dauzala: alde batetik, adierazpen instituzionala egiteko,
aurreztik landu behar dala testua beste talde politikoagaz adierazpen bateratua
lortzeko, eta eurak beti egongo dira prest alkarlanerako eta horren froga da
aurreko agintaldian hainbat gaitan adostutako akordioak.Kasu honetan
deskoordinazioa egon dalakoan dagoz, eta etorkizunari begira uste dabe testu bat
erregistratzagaz ez dala nahikoa.Beraz, komenigarria izango zala eurekaz
hartuemonetan jartzea telefonoz edo e-mailez holango kasuak barriro gertatu ez
daitezan.
Josune Gorospe Elezkano EAJ/PNVko zinegotzi and.k ganeratu dau orain
ezin dala adierazpen instituzionala atara, une honetan daukoguna dalako EH
BILDU eta EAJ/PNVko mozio desberdinak eta adierazpen instituzionala
ataratako aldez aurreztik talde biek landu eta adostu beharko eben testu bateratu
bat udalarena izan eiten eta ez EH BILDU edo EAJ/PNVrena.Zoritxarrez
oraingoan ez dogu ezelango deirik jaso zuen talde edo udaletik mozio honetarako
ezta bestelakoetarako bez.
Nekane Intxaurtza Etxebarria Alkate andreak adierazo dau euren aldetik ez
dala egon akordiora allegetako borondate falta, eta geroari begira aurreztik
helarazo jakez euren mozioak edo proposamenak adierazpen instituzionalak atara
ahal izateko. Dana dala bere ustez orain be adostasun hori lortu ahal da .
Josune Gorospe Elezkano EAJ/PNVko zinegotzi and.k erantzun dau kasu
honetan gobernuko taldeari jagokola , ekimen honen sustatzailea danari,
oposizioari adosteko gonbidapena luzatzea eta adostasun hori ezin dala bapatean
lortu, talde bakotxak berena defendatuko daualako.
Iurdana Acasuso Atutxa EAJ/PNVko udal taldearen bozeraemoileak esan dau
mozio honen aurrean aipatzeko eukala beste gauza bat, iraganean askotan egin
dabena, hau da: udaletik kanpoko gaietan euren alderdiak finkatzen dauala euren
jarrera eta oraingoan be horrela izango dala.Ondorioz euren mozioaren alde
bozkatuko dabe eta EH BILDUkoak aurkeztutakoaren aurka.
Ibon Iza Totorika EH BILDUko zinegotzi jn.k hartu dau berba adierazoteko
euren mozioaren helburua zala Dimetik ekarpen xume bat egitea, beste herri
batzuetan abiatutako antzerako ekimenak eta ur handitan sartu barik, esaterako
Schengeneko hitzarmenean.Horrez gain berak igertan dau abiapuntu desberdin
bat mozio bietan EAJ/PNVkoan esaten dalako etsipenak bultzatuta datozela
errefuxiatuak eta ez da holan izan gerra batek bultzatuta eta Europaren
isiltasunaren ondorioz datozelako.Zorionez Diman badagoz herritar batzuen
keinu eskuzabalak bideratu ahal doguzanak gure txikitasunatik.
Iurdana Acasuso Atutxa EAJ/PNVko zinegotziak esan dau Dimatik bada be
ezinbestekoa dala erakunde guztien partehartzea eta koordinazioa holango arazo
baten aurrean erantzun egokia eta eraginkorra emon ahal izateko.
Josune Gorospe Elezkano EAJ/PNVko zinegotziak ganeratu dau tokirik
tokiko ekimenen kalte barik, arazo larri honen konponketa etorriko da nahi ta ez
Europako politika bateratuaren eskutik, eta gure esparruan Eusko Jaurlaritzatik
eta Bizkaiko Foru Aldunditik bideratzen dabizen koordinaziotik.
Jarraian mozio hau botutara jarri da honako emoitza honegaz:
Botoak guztira: 9:Aldeko botoak:5; kontrakoak:4
Aldeko botoak ondorengoak izanik:
Nekane Intxaurtza Etxebarria and. (EH BILDU), Ibon Iza Totorika jn. (EH BILDU),
Jose Maria Atutxa Olabarri jn. (EH BILDU), Maria Yolanda Palacios Palacios and.
(EH BILDU), Francisco De Borja Ruiz Huerta jn. (EH BILDU).
Kontrako botoak ondorengoak izanik:
Iurdana Acasuso Atutxa and. (EAJ/PNV), Josune Gorospe Elezkano and. (EAJ/PNV),
Jose Antonio Aurrekoetxea Olabarri jn. (EAJ/PNV) eta Francisco Javier Arteaga Plaza
jn.(EAJ/PNV).
Azken batean EH BILDUko udal taldeak aurkeztutako errefuxiatuen ganeko
mozioa gehiengo osoz onartua izan da.
EAJ/PNVKO UDAL TALDEAK AURKEZTUTAKO ERREFUXIATUEEN
EGOERARI BURUZKO MOZIOA
EAJ/PNVko udal taldeak aurkeztutako errefuxiatueen egoerari buruzko
mozioaren barri Udal Osoko Bilkurari emon jako.
Iurdana Acasuso Atutxa and.k, EAJ/PNVko udal taldearen bozeraemoilea
danak, aurreko gaian irakurritako mozio hau botutara jarri da ondorengo
emoitzagaz:
Jarraian mozio hau botutara jarri da honako emoitza honegaz:
Botoak guztira: 9:Aldeko botoak:4; kontrakoak:5.
Aldeko botoak ondorengoak izanik: Iurdana Acasuso Atutxa and. (EAJ/PNV), Josune
Gorospe Elezkano and. (EAJ/PNV), Jose Antonio Aurrekoetxea Olabarri jn. (EAJ/PNV)
eta Francisco Javier Arteaga Plaza jn.(EAJ/PNV).
Kontrako botoak ondorengoak izanik: Nekane Intxaurtza Etxebarria and. (EH
BILDU), Ibon Iza Totorika jn. (EH BILDU), Jose Maria Atutxa Olabarri jn. (EH
BILDU), Maria Yolanda Palacios Palacios and. (EH BILDU), Francisco De Borja Ruiz
Huerta jn. (EH BILDU).
EAJ/PNVko udal taldeak aurkeztutako errefuxiatuen ganeko mozioa ez da
onartua izan.
Jarraian Nekane Intxaurtza Etxebarria Alkate udalburuak hurrengo gaira
pasatu baino arinago, berbea eskaini dautso bertaratutako herritar bati.
Ondoren Iurdanak Acasuso Atutxa EAJ/PNVko udal taldearen
bozeraemoileak hartu dau berba esateko zelan eurek herritarren partehartzearen
ganeko txostena eskatu eutsiela idazkariari eta bere taldekideen jarrera izango
dala legearen esanetara egotea kasu guztietan, eta partehartzeari jagokon aldetik
berau burutu behar da legediak esaten dauzan modu eta kasuetan.
Nekane Intxaurtza Etxebarria Alkate and.k galdetu dautso partehartzearen
aldetik proposamenen bat daukien.
Josune Gorospe Elezkano EAJ/PNVko zinegotziak erantzun dau publikoak
parte hartzeko aukera daukala osoko bilkura amaitu ondoren, eta kasu horretan
bere lekukotasunak ez dirala jasoko aktan.
Idazkariak eskatu dau berba akordazoteko bere txostenaren edukina
laburtzeko eta beren beregi esateko Alkateak osoko bilkura amaitu ondoren,
publikoari berbea eskeini ahal dautsola herri intereseko gaietaz berba egiteko,
baia aktan euren edukina jaso barik.
Nekane Intxaurtza Etxebarria Alkate and.k onartzen dau legea bete egin behar
dala, baina ere berean dino bere taldearen ustez herri intereseko gaiak osoko
bilkura ekarten badira eta heritarren eretxie ezagutu gura badabe zentzuzkoa da
eurei itauntzea.Gero hori aktan islatzerik ezbadago, horrela izango da, baia
normaltzat joten dau herritarren eretxie ezagutzea.
Idazkariak esan dau horreik lekukotasunak ezin dirala aktan jaso.
Josune Gorospe Elezkano EAJ/PNVko zinegotziak ganeratu dau eretxi horiek
ez jasotzeaz gain, aktan islatu behar dala jarrera hori, publikoari berbea emotea
legediak ezarritako kasuetatik kanpo, ilegala dala.
Idazkariak esan dau kasu honetan gogoratu behar dautsola Alkate and.ri ezin
dauala herritarrei berbea emotea esaneko araudiaren aurkakoa dalako eta egin
ezkero bere ardurapean egingo dauala.
Alkate and.k esan dau bere gain hartzen dauala ardura hori.
Francisco De Borja Ruiz Huerta EH BILDUko zinegotzi jn.k hartu dau berba
adierazoteko ardura hori berak be partekatzen dauala eta jarraian EH BILDUko
gainerako zinegotziek gauza bera adierazo dabe.
Azken batean Alkate and.k adierazo dau kasu honetan, ganera, herritarren
partehartze mugatu honek kalte gehigarria eragingo dautso herritar honi ume
txiki bategaz egotean, beranduegi egingo jakolako osoko bilkura amaitu arte
itxarotea.
Udaleko idazkariak esan dau kasu honetan gura dana bakarrik bada,
aurreratzea herritar baten bidezko partehartzea esaneko arrazoiarengaitik,
irakurketa eskuzabala egin leikeela lekukotasun hori osoko bilkura amaitu
ondoren gertatu izan balitz legez.
EH BILDUKO UDAL TALDEAK AURKEZTUTAKO ELKARTASUN
INTERNAZIONALISTA BULTZATZEKO LANEAN DIHARDUTEN
ERAKUNDE ETA PERTSONA GUZTIEKIKO BABESARI BURUZKO
MOZIOA
EH BILDUko udal taldeak aurkeztutako elkartasun internazionalista
bultzatzeko lanean diharduten erakunde eta pertsona guztiekiko babesari buruzko
mozioaren barri Udal Osoko Bilkurari.
Alkate-Udalbatzarburu and.k hartu dau berba ondorengo mozioaren testua
irakurri eta defendatzeko eta era berean atzera gogoratu dau euren asmoa zala
kasu honetan be adierazpen instituzionala ataratea:
“Elkartasuna da herrien arteko samurtasuna”. Oinarrizko printzipio bat da, gizakiak elkarbizitzarako lege eta araudiak, zuzenbidea eta irizpide etikoak sortu zituenetik. Hala ere, pertsonen nahiz herrien arteko elkartasun eza agerikoa da oso, geure mundu honetako gaitzen aurrean begiak itxi nahi ez dituenarentzat. Elkartasunak, asmo onen bilduma hutsa izan ez dadin, bi baldintza bete behar ditu: batetik, gaiarekiko sentiberatasuna daukaten gizon-emakumeak antolatu ahal izatea; bestetik, gizarteak antolakunde horiek babestea egoki deritzen tresnekin. Udala da baldintza biak gauzatzearen erantzule, herritarren nahiarekin bat eginik. Elkartasunezko internazionalismoak herri gisa beste herri batzuk babestea du helburu, bidegabekerien benetako kausen aurkako borrokan, gurea ere baden borrokan; eta beti ere kanpoko esku-hartzearen aurkako jarreratik. Hori ez da lan erraza nazioarteko egoera gatazkatsuan, non laguntza humanitarioa xantaia politiko eta militar moduan erabiltzen den. Udal honen aldetik, ezagutzen dugu nazioarteko elkartasunaren alorrean Askapenak 28 urte luzez eramandako jarduera politikoa. Brigada internazionalisten bitartez, elkartasun kanpainen bitartez, bertoko nahiz nazioarteko topaguneetan bidegabekerien aurka egindako salaketen bitartez etab. Askapenak herrien arteko bidezko funtzionamendu demokratikorako ezinbesteko baloreak eman dizkio euskal gizarteari.Hemen salatu nahi dugu Askapena fiskaltzaren ilegalizazio eskaerari aurre egin beharrean dagoela, Herriak Aske elkartearekin eta Elkar Truke SL-rekin batera; baita bost militanterentzat seina urteko kartzela zigorra eskatzen dutela ere, elkartasun internazionalistaren baitan egindako lanarengatik. Hori guztia eskubide zibil eta politikoen aurkako beste eraso dela deritzogu. Jokabide horren atzean dauden helburu politiko eta alderdikoiak salatzen ditugu. Askapenaren bitartez eta elkartasun internazionalistaren baitan euskal udalek burututako jardunari zilegitasuna kendu izana gaitzesten dugu. Espainiar fiskaltzaren erabakia Euskal Herriko gatazkaren konponbidean arduragabekeriaz ipinitako oztopoa dela uste dugu. Horrexegatik guztiagatik Udal honek honakoa adierazten du: 1) Elkartasun internazionalista bultzatzeko lanean diharduten erakunde eta pertsona guztiekiko babesa; 2) Askapena, Askapeña, Herriak Aske eta Elkar Truke-rekiko nahiz inputatutako bost euskaldun internazionalistekiko elkartasuna; 3) Askapena, Askapeña eta Elkar Trukek egiten duten lana ez oztopatzeko exijentzia;
4) Walter Wendelin, Gabi Basañez, Unai Vazquez, Aritz Ganboa eta Dabid Soto euskaldun internazionalisten aurkako epaiketa euren absoluzioaz amaitzeko, dagozkien eskubideak itzultzeko eta zor zaien erreparazioa emateko erreklamazioa.
Jarraian EAJ/PNVko udal taldearen bozeraemoileak mozio honen ordezko
testuaren azalpena eta defentsa egin dauz.
Azken batean EH BILDUko udal taldearen mozioa botutara jarri da
ondorengo emoitzagaz:
Botoak guztira: 9:Aldeko botoak:5; kontrakoak:4.
Aldeko botoak ondorengoak izanik: Nekane Intxaurtza Etxebarria and. (EH BILDU),
Ibon Iza Totorika jn. (EH BILDU), Jose Maria Atutxa Olabarri jn. (EH BILDU), Maria
Yolanda Palacios Palacios and. (EH BILDU), Francisco De Borja Ruiz Huerta jn. (EH
BILDU).
Kontrako botoak ondorengoak izanik: Iurdana Acasuso Atutxa and. (EAJ/PNV),
Josune Gorospe Elezkano and. (EAJ/PNV), Jose Antonio Aurrekoetxea Olabarri jn.
(EAJ/PNV) eta Francisco Javier Arteaga Plaza jn.(EAJ/PNV).
EH BILDUko udal taldeak aurkeztutako elkartasun internazionalista
bultzatzeko lanean diharduten erakunde eta pertsona guztiekiko babesari buruzko
mozioa gehiengo osoz onartua izan da.
EAJ/PNVKO UDAL TALDEAK AURKEZTUTAKO ASKAPENAREN
GANEKO MOZIOA
EAJ/PNVko udal taldeak aurkeztutako askapenaren ganeko mozioaren barri
Udal Osoko Bilkurari emon jako.
Iurdana Acasuso Atutxa and.k, EAJ/PNVko udal taldearen bozeraemoilea
danak, aurreko gaian irakurritako mozio hau botutara jarri da ondorengo
emoitzagaz:
Azken batean EAJ/PNVko udal taldeak Askapenaren ganeko mozioa botutara
jarri da eta aho batez onartua izan da.
EH BILDUKO UDAL TALDEAK AURKEZTUTAKO "HERRIKOEN
AUZIAREN" (35/02) SENTENTZIARI BURUZKO MOZIOA
EH BILDUko udal taldeak aurkeztutako "Herrikoen auziaren" (35/02)
sententziari buruzko mozioaren barri Udal Osoko Bilkurari.
Alkate-Udalbatzarburu and.k hartu dau berba ondorengo mozioaren testua
irakurri eta defendatzeko:
"HERRIKOEN AUZIAREN" (35/02) SENTENTZIA DELA ETA ADIERAZPENA” Garai politiko berri eta itxaropentsuak irekiak diren uneotan, instituzio, erakunde, talde eta norbanako andanak aldarrikatu du egungo testuinguru politikoan horrelako, eta ondotik datozen, makro-epaiketa politikoek lekurik ez dutela. Iraganeko argazkiak direla horiek. “Dena ETA da” teoriaren aitzakiapean ireki zen 35/02 epaia orain dela hamabi urte baino gehiago. Oinarri beretik etorri ziren orduan hainbat egunkariren itxiera, indar politikoen ilegalizazioak eta ehunka pertsonen atxilotze eta espetxeratzea. Eskubide zibil eta politikoen urraketa ageriko honek orotariko erakunde, norbanako eta instituzioen arbuiatze argia ekarri du urteotan. Baita nazioarteko erakunde eta instantzia juridikoena ere. Orain, epai honen azken sententzia jakinarazi berri den honetan, 104 herriko taberna konfiskatu eta hainbat laguni espetxe zigorra ezarria izan zaie Madrildik politika egiteagatik; guzti honek oinarri oso ezkorra ezarriz ondoren datozen epaiketei begira eta egun bizi dugun egoera politikoari begira ere. Hau dela-eta, Dimako Udaldeko udalbatza honek ondokoa adierazten du: – Eskubide zibil eta politikoen defentsan, horrelako egoerak atzerapauso nabarmenak dira gure herrian. Are gehiago egungo testuinguru politikoan. Eskubide guztiak pertsona guztientzat. Makro-epaiketa politikoekin amaitzeko eskatzen dugu – Dimako udaletik gure elkartasuna adierazi nahi diegu kaltetuak suertatu diren elkarte eta tabernetako langileei eta bazkideei ere. – Egun bizi dugun egoera politiko berrian horrelako gertaerek lekurik ez dutela adierazi nahi dugu, eta gure salaketa irmoa mahaigaineratu. Hala nola, bake iraunkor eta justu bat eraikitzeko uneotan, horrelako egoerak eman ez daitezen lan egingo dugula nabarmentzen dugu Dimako Udaletik.
Jarraian EAJ/PNVko udal taldearen bozeraemoileak adierazo dau bere taldek
ez daukala testu propio bat eta ganeratu dau aurreko gaietan esanekoa oraingoan
be aplikagarria dala eta gustatu litzakiola aurreztik testu bateratu baten
proposamena jasotzea gai honen ganeko adierazpen instituzionala
ataratako.Azken batean esan dau bere taldea abstenitu egingo dala.
Jarraian mozio hau botutara jarri da honako emoitza honegaz:
Botoak guztira: 9:Aldeko botoak:5; abstentzioak:4.
Aldeko botoak ondorengoak izanik: Nekane Intxaurtza Etxebarria and. (EH
BILDU), Ibon Iza Totorika jn. (EH BILDU), Jose Maria Atutxa Olabarri jn. (EH
BILDU), Maria Yolanda Palacios Palacios and. (EH BILDU), Francisco De Borja Ruiz
Huerta jn. (EH BILDU).
Abstentzioak: Iurdana Acasuso Atutxa and. (EAJ/PNV), Josune Gorospe Elezkano
and. (EAJ/PNV), Jose Antonio Aurrekoetxea Olabarri jn. (EAJ/PNV) eta Francisco
Javier Arteaga Plaza jn.(EAJ/PNV).
Azken batean EH BILDUko udal taldearen "Herrikoen auziaren" (35/02)
sententziari buruzko mozioa botutara jarri da eta gehiengo osoz onartua izan da.
EH BILDUKO UDAL TALDEAK AURKEZTUTAKO EUSKAL
HERRIKO EMAKUMEEN MUNDU MARTXARI BURUZKO MOZIOA
EH BILDUko udal taldeak aurkeztutako Euskal Herriko emakumeen mundu
martxari buruzko mozioaren barri Udal Osoko Bilkurari.
Alkate-Udalbatzarburu and.k hartu dau berba ondorengo mozioaren testua
irakurtzeko:
Emakumeen Mundu Martxa 1995ean “Ogia eta larrosak” izeneko lehen martxa batekin hasi zen mugimendua da, ondoren Emakumeen Mundu Martxa (EMM) izena hartu zuena. Urteetan ekimen hau nazioarte mailan emakumeen arteko aliantzak sortzen aritu da lanean, eta helburu nagusi gisa sare feminista bat sortu eta munduan nagusi den matxismoa ikusaraztea izan du. Hainbat ekimenen artean, bost urtetik behin nazioarte ekimen bat antolatzen da eta aurtengoa IV. Nazioarteko Ekintza izango da. Azken hau, Europa osoa zeharkatuko duen ibilbide batekin gauzatuko da, martxoaren 6an Kurdistanen hasi eta urriaren 17an Lisboan bukatuko dena. Hilabete hauetan zehar EMMko hainbat kide herrialde ezberdinetan barrena ibili dira, sarea sortu eta hainbat aldarrikapen zabaltzen. Martxa Euskal Herrira irailaren 28an helduko da Tafallara eta urriaren 4a bitarte herri ezberdinak zeharkatuko ditu Bilbon azken ekimen nazionalarekin amaitu arte.
Aurten lau lan-ildo adostu dira mundu mailako emakumeen sarearen eduki eta helburuak barnebiltzen dituztenak: - Sistemarteko indarkeriak. Egunerokoan mendean hartu eta azpiratzen gaituzten eta gure gorputz eta lurraldeetan egikaritzen diren opresio sistema anitzak salatzen ditugu. Pobrezia, lurraldeen desjabetzeak, gure gorputzekiko eskubideak ukatzea, indarkeria zuzen, sinboliko eta kulturalak… batera jarduten dute emakume, trans, lesbiana, migrante, aniztasun funtzional, beltz edo indigenon gorputzen aurka. Indarkeria matxistaren konplexutasuna salatzen dugu eta aldi berea oinarria ikusarazten dugu, hau da, indarkeria matxistak beste hainbat indarkeriekin batera jarduten duela zeharlerro ezberdinen bidez. - Bizitzaren iraunkortasuna bizitza erdigunean jartzea da eta inola mozkin ekonomikoa edozerren gainetik lortzea helburu duen merkatuen logikaren baitan. Jendarte bat ez da justua bizitza mantentzea helburu duten eta tradizionalki feminizatuak izan diren lan horiek ikusezin egiten dituen artean. Elikadura burujabetza, lurra txikitzeari, kutsatzeari, desjabetzeari eta lapurtzeari uztea, oinarrizkoa da. - Gorputzak eta sexualitateak. Gure gorputzak gure lurraldeak dira, eta beraz, haiekiko jabetza eta autonomia aldarrikatzen ditugu. Gure gorputzen eta sexualitateen jabe gara, gure generoa nahi bezala definitzen dugu eta nahi ditugun harremanak ditugu. Lesbianon, transon, aniztasun funtzionalon edota arrazializatutako gorputzak borroka feministaren zati garrantzitsua dira. - Sarean lan egitea eta aniztasuna kudeatzea. Lurralde ezberdinetatik gatozen emakumeak gara, bizipen, ibilbide, jakintza, gaitasun, identitate, borrokamodu eta aldarrikapen ezberdinekin, eta horiek defendatu, balioetsi eta errekonozitu nahi ditugu, hierarkiarik ezarri gabe. Aldarrikatzen dugu aniztasuna aberastasun bat dela, ondasun komun bat, gu batzeko balio duena, eta patriarkatuaren oinordetzarekin, emakumeak historikoki etsaitu eta banatu dituen tradizioarekin hausteko balio duena. Dimako Udalak Emakumeen Mundu Martxari babesa eman eta bere esku dauden baliabideekin berdintasunaren alde lan egiteko eta neurriak hartzeko konpromisoa hartzen du, helburu hauekin: - Indarkeriari dagokionez, ekintza protokoloak martxan jarri, sentsibilizazioan lan egin eta indarkeria matxistari dagokion formakuntzak burutzea. Halaber, EMMren protokoloari gure babesa adierazten diogu eta indarkeria sexistaren aurkako salaketa eta deialdiekin bat egiteko konpromisoa hartzen dugu. - Zaintzaileen bizitzak hobetzeko lan egitera eta zaintza lanak erazteko zerbitzu publikoak ahalbidetzera. - Aniztasun sexuala eta genero identitatea kontuan izanik lan egitea, eta lesbofobia, transfobia, arrazismoa eta kapazitismoaren aurkako planak burutzea. - Emakumeen jabekuntza sustatzea eta baita saretze eta emakume taldeen sorrerak bultzatzea. Gure babesa erakusten duen adierazpen hau Emakumeen Mundu Martxako Europako Ordezkaritzara bidalia izango da.
Jarraian Iurdana Acasuso Atutxa EAJ/PNVko udal taldearen bozeraemoileak
adierazo dau bere alderdia aniztasun sexuala eta emakumeen aldeko politiken
alde dagoala, eta beharbada ispiritua eta filosofia partekatuko dauala, baia ez
dakitela ondo zertan datzan aipatutako protokoloa eta horregaitik abstenitu
egingo dirala..
Ibon Iza Totorika EH BILDUko zinegotzi jn.k proposatu dautso protokolo
hori irakurtzea, ezagutu ahal izateko.
Iurdana Acasuso Atutxa zinegotzi and.k esan dau ez dala unea hori egiteko eta
ganeratu dau kasu honetan be aurreko lana egin izan balitz, testu bateratu bat
atara eitekean.
Nekane Intxaurtza Etxebarria Alkate andreak barriro gogoratu gura dau
hemendik aurrera mozioak edo proposamenak EAJ/PNVkoei helarazoteaz gain,
ahaleginduko dala eurekaz aurreztik testu bateratuak edo adierazpen
instituzionalak lantzen.Dana dala adierazo dau oraingoan beharbada ez dauala
asmatu ahalegin horretan baia ez dala izan borondate falta egon ez dalako, eta
horregaitik larregi iruditu jakola lau bider, lau mozietan, EAJ/PNVkoen aldetik
aipamen hori errepikatzea.
Josune Gorospe Elezkano EAJ/PNVko zinegotziak esan dau talde politikoen
borondatea edo gogoa ez doala epaitzen, egiteak dirala aintzat hartu behar
diranak eta gaurko osoko bilkura honetara eroandako lau mozioak, mozioak
dirala eta adierazpen instituzionalak lortu gura izan balira eurekaz aurreztik
hartuemonetan jarri ahalko liratekezala. Begibistakoa da hori ez dala gertatu.
Ibon Iza Totorika EH BILDUko zinegotzi jan.k hartu dau berba adierazoteko
EAJPNVkoek be euren mozioak aurkeztu dabezala eta eurek be gauza bera egin
eitekezan, eurekaz hartuemonetan jarri testua bateratu bat aurkeztu ahal izateko
eta ez testu alternatibo bat aurkeztea.
Josune Gorospe Elezkano EAJ/PNVko zinegotziak erantzun dautso mozioen
aurkezpena EH BILDUko taldearen ekimena izan dala eta horren aurrean, egite
horien aurrean, eurek aurkeztu dabez euren mozioak, baina bere taldeari ez
jagoko mozio baten aurrean testu bateratu bat proposatzea, udal gobernuko
taldeari jagoko hori egitea ekimena eurena izan dalako.Eta bere ustez, egiteak
dira baloratu behar diranak, ez gogoak.Ganera holango kasuak erraz bideratu ahal
dira: aurreztik telefonoz deitu eta esan ekimen bateratua burutu gura dala hori
lantzeko.
Yolanda Palacios Palacios EH BILDUko zinegotzia and.k hartu dau berba
adierazoteko horrek ez dauala ezebez bermatzen beste batzuetan EAJ/PNVko
taldekoei telefonoz dei egin jakenean ez dabe telefonoa hartu, eta bere ustez
atxakia da esaten dabizena.
Josune Gorospe Elezkano EAJ/PNVko zinegotziak galdetu dautso noz gertatu
dan hori.
Yolanda Palacios Palacios EH BILDUko zinegotzia and.k erantzun dautso
Haurreskolarako Alkateak buelta asko emon behar izan dauzala eta euren
erantzunaren zai egon dala denbora luze bat erantzuna jaso barik.
Iurdana Acasuso Atutxa EAJ/PNVko udal bozeraemoileak hartu dau berba
esateko berari ez dautsola inork geitu.
Nekane Intxaurtza Etxebarria Alkate andreak esan dau kasu horretan
komunikazioa posta elektronikoz ez telefonoz egin zala eta erantzun zanerako
gutuna eginda egoala.
Josune Gorospe Elezkano EAJ/PNVko zinegotzi and.k adierazo dau eurek dei
telefonikoak erantzun barik ez dabela inoz itxi.
Jose Mari Atutxa Olabarri EH BILDUko zinegotzi jn.k hartu dau berba
esateko bere taldekidea erratu egin dala eta Alkateak esan dauan lez berandu
erantzundako komunikazioa e-mailez izan zala ez telefonoz.Edozelan be berari
hasieratik argi geratu jako EAJ/PNVkoek ez dabela lagundu gura ezta ardurarik
hartu gura bez.
Josune Gorospe Elezkano EAJ/PNVko erantzun dautso ezin dirala gauzak
nahastu behar, eurek beti esan dabe gobernuko ardurarik ez dabela hartuko eta
horregaitik be ez dabe batzordeen burua hartu gura izan.Ganeratu dau eurek
oposizino arduratsua egingo dabela eta euren ardurea dala bozkatu dautsien
herritarren ordezkaritza eroatea.
Ibon Iza Totorika EH BILDUko zinegotzi jn.k hartu dau berba adierazoteko
eurek bozkatu eta bozkatu ez dautsienen ardurea daukiela, eta ez bakarrik
lehenengoena, herri osoarena baino.
Josune Gorospe Elezkano EAJ/PNVko zinegotzi and.k esan dau botoa emon
dautsienen ordezkaritza politikoa daukiela baia eurek be herri osoaren ardura
daukiela eta herritar guztien mesederako egiten dabela behar.
Nekane Intxaurtza Etxebarria Alkate andreak esan dau Haurreskolaren kasuan
faltan bota ebala EAJ/PNVkoen erantzuna gitxienez esateko astirik ez eukiela
erantzun bat emoteko.
Iurdana Acasuso Atutxa EAJ/PNVko udal bozeraemoileak hartu dau berba
esateko etorkizunean aukera egongo dala talde bien koordinazioa hobetzeko,
baina argi itxi gura dau euren aldetik ardura hartzeko gogo faltarik ez dagoala.
Azken batean Nekane Intxaurtza Etxebarria Alkate andreak esan dau aurreko
agintaldian adostu zan lez oraingoan be euren aldekotsuna dagoala osoko
bilkuraren deialdien egunean bertan aukera emoteko oposizinoari gai zerrendan
azken orduan sartutako gaien mozio alternatiboak aurkeztu ahal izateko.
Josune Gorospe Elezkano EAJ/PNVko zinegotzi and.k esan dau eurek be ados
dagozala eritxi horregaz.
Jarraian mozio hau botutara jarri da honako emoitza honegaz:
Botoak guztira: 9:Aldeko botoak:5; abstentzioak:4.
Aldeko botoak ondorengoak izanik: Nekane Intxaurtza Etxebarria and. (EH BILDU),
Ibon Iza Totorika jn. (EH BILDU), Jose Maria Atutxa Olabarri jn. (EH BILDU), Maria
Yolanda Palacios Palacios and. (EH BILDU), Francisco De Borja Ruiz Huerta jn. (EH
BILDU).
Abstentzioak: Iurdana Acasuso Atutxa and. (EAJ/PNV), Josune Gorospe Elezkano and.
(EAJ/PNV), Jose Antonio Aurrekoetxea Olabarri jn. (EAJ/PNV) eta Francisco Javier
Arteaga Plaza jn.(EAJ/PNV).
Azken batean EH BILDUko udal taldeak aurkeztutako Euskal Herriko
emakumeen mundu martxari buruzko mozioa botutara jarri da eta gehiengo osoz
onartua izan da.
Nekane Intxaurtza Etxebarria Alkate andreak batzordeburuei berbea emon
dautsie Udal Batzordeetan jorratutako gaien barri emon dagien:
Ogasuna, Pertsonala eta Enplegu eta kontuetako Batzordea
Francisco de Borja Ruiz Huerta EH BILDUko zinegotziak hartu dau berba
adierazoteko 15-09-02ko Ogasuna, Pertsonala eta Enplegu eta kontuetako
Batzordeko saioan jorratutako honako gaiak:
Herri ikastetxean gasoleoko galdara kendu eta bere ordez biomasako galdara
jartzeko baldintza-sorta onartu eta publizitate bako negoziazio bidez esleitzeko
prozedurari hasteko asmoa.
Brigadarako lan poltsaren oinarriak onartu eta prozedurari hasteko asmoa.
Ludotekarako lan poltsaren oinarriak onartu eta prozedurari hasteko asmoa.
Hirigintza, Ingurumena, Tokiko Garapena eta Lurraldeko
Batzordea (lan baimen txikiak)
Francisco de Borja Ruiz Huerta EH BILDUko zinegotziak eta Hirigintza,
Ingurumena, Tokiko Garapena eta Lurraldeko Batzordeburuak hartu dau berba
adierazoteko 15-09-02ko saioan ondorengo lan baimen eskaerak aztertu zirala eta
udal arkitekto teknikari aholkulariaren txosten teknikoaren menpe, honako hau
proposatu zala:
Olazabal auzoko 5 zki.dunak eskatutako txabola egiteko lan baimena ez emotea,
eskatutako eraikin mota eta azalerak indarreko araudiaren aurkakoak diralako.
Olazabal auzoko 12 zki.dunak eskatutako baserrian lan txiki batzuk egiteko
baimena emotea.
Ugarana auzoko 4 zki.dunak helbideratuak hormigoizko plaka bat botatzekoa
etxe aurrean lan baimena emotea.
Amantegi auzoko 2 zki.dunak Telleri auzoko 4 zki.dun lokalean zementoa bota
kaleko mailagaz bateratzeko baimena.
Oba Behekoa 2 bir zki.dunean eskatutako negutegi bat ipinteko lan baimena
emotea.
Ziarrusta auzoko 1 zki.dunak eskatutako bertoko etxebizitzako teilatuaren
konponketa, alde batetik, eta txabola bat eta labe bat, bestetik, lan baimena
emotea.
Indusi auzoko 5 zki.dun jabeak eskatutako baserriaren teilatua konpontzeko lan
baimena emotea.
Abeltzaintza, Nekazaritza eta Basogintzako Batzordea
Jose Mari Atutxa Olabarri EH BILDUko zinegotziak eta Abeltzaintza,
Nekazaritza eta Basogintzako Batzordeburuak hartu dau berba adierazoteko 15-
09-02ko saioan aztertu zala Beñat Olazabalaga Leiza jn.ren eskaera, Ibarrako
udal landan txakurren heziketarako ikastaroak emon ahal izatearen ganekoa.
Batzordeburuak adierazo dau eskari-egilea aurreko urteotan jarritako baldintza
bardinaren menpe geratuko dala: hau da, udalak, aurreztik berari esan ezkero, lur
hori beste udal zereginetarako edozein unetan berreskuratu ahal izango dau.
Hezkuntza, Kultura, Kirola eta Euskarako Batzordea
Ibon Iza Totorika EH BILDUko zinegotziak eta Hezkuntza, Kultura, Kirola
eta Euskarako Batzordeburuak hartu dau berba adierazoteko 15-09-03ko saioan
2015eko Aroztegieta eta Santiagoko jai Batzordeei ehuna euro emotea proposatu
zala.Bestetik, Agiñona Racing elkarteari aurtengo irailaren 20an 2015eko
slaloma egiteko 500,-€ko dirulaguntza eta udal baimena, hesiak eta trafikoko
zenbait seinale kotxe lasterketa hau egiteko.
Aisialdia, Bardintasuna, Ongizatea eta Partehartzeko Batzordea
Yolanda Palacios Palacios EH BILDUko zinegotziak eta Aisialdia,
Bardintasuna, Ongizatea eta Partehartzeko Batzordeburuak hartu dau berba
adierazoteko 15-09-03ko saioan proposatu zala Dimetal fest 15 izeneko herritar
batzuen ekimenari leku publikoen erabilera, aulkiak, musika ekipoa eta 1.500,-
€ko dirulaguntza emotea. Ekitaldi hori aurtengo azaroaren 14an egingo da eta
triki poteoa herriko plazan, kontzertuak frontoi txikian eta gaztetxean eta herri
bazkaria frontoi nagusian izango dira atal nagusiak.
Bestalde, proposatu zan 300,-€ko dirulaguntza emotea Arratiako parrokiakoei,
Ezagutu Arratia jolastuz izeneko mahai jolas bat finantzietako.
DEKRETUEN BARRI EMOTEA
2015eko 111. Alkatetz-Dekretutik 2015eko 138. Alkatetz-Dekretura (biak
barne) informazioaren barri Udal Osoko Bilkurari emon jako.
Nekane Intxaurtza Etxebarria Alkate-Udalbatzarburu and.k berba hartu dau
azken Osoko Bilkuratik hona onartu dauzan dekretuen barri emoteko.
15/111 2015-07-09 Abi Kooperatibari, Bikarregiko bide eta Kanposantuko lanen
adjudikazioa.
15/112 2015-07-09 Ekin enpresari, Iturriozeko lur jausiaren adjudikazioa
15/113 2015-07-09 Kultur diru laguntzak.
15/114 2015-07-09 Aterpearen teilatuaren konponketa
15/115 2015-07-09 Buzoiak ipinteko baimena lur publikoan
15/116 2015-07-09 Teilatua konpontzeko baimena.
15/117 2015-07-09 Teilatua konpontzeko baimena.
15/118 2015-07-09 C.Morga: Amantegiko Saneamenduaren obra, luzapena.
15/119 2015-07-14 Zamakola, 6 Esk-Ezk etxe bizitzaren, lehen erabilera baimena
15/120 2015-07-14 Frontoiko teilatuaren osasun eta segurtasuneko koordinazioaren
adjudikazioa Eurocontrol enpresari.
15/121 2015-07-14 Frontoiko teilatuaren osasun eta segurtasuneko koordinatzailearen
izendapena.
15/122 2015-07-14 Alkateordearen izendapena. Abuztuaren 25etik irailaren 1era
15/123 2015-07-22 Jarduera fisikoa sustatzeko diru laguntza eskatzea onartzea
15/124 2015-07-27 Otxandioko Udalari Dimako udalmugartean mendi lasterketarako
baimena emotea.
15/125 2015-07-30 UZTAILAKO nominen onarpena.
15/126 2015-07-30 UZTAILAKO fakturen onarpena.
15/127 2015-07-30 15/09 Aurrekontuaren aldaketa.
15/128 2015-08-07 Elezkaoko herritarren egoera larria dala ta errolda baimentzea.
15/129 2015-08-14 Telleri, 3zkian komuna aldatzeko obra baimena.
15/130 2015-08-14 Eskolako itxiduraren adjudikazioa.
15/131 2015-08-17 Eurocontrol enpresari , Eskolako itxidura obraren segurtasun
koordinazioaren adjudikazioa.
15/132 2015-08-17 Eskolako itxidura arriskuen ebaluaketaren onarpena.
15/133 2015-08-19 Telleri 10 zkian komunea egokitzeko obra baimena
15/134 2015-08-25 2015Ko hobekuntza funtsaren fakturen onarpena.
15/135 2015-08-28 ABUZTUKO nominen onarpena.
15/136 2015-08-28 ABUZTUKO fakturen onarpena.
15/137 2015-09-02 Yolanda Palacios:American Bull animalia arriskutsuen erregistroan
sartzea.
15/138 2015-09-10 Igitie alkarteari emondako dirulaguntza eta udal baimena iraileko
nekazal azoka egiteko.
Dekretu honeik dekretu liburuan gordeta geldituko dira.
Udal Osoko Bilkura jakitun gelditu da.
ESKARI ETA GALDERAK
Iurdana Acasuso Atutxa EAJ/PNVko udal taldearen bozeraemoileak hartu dau
berba galdetzeko URAtik erantzunik allegatu dan herri ikastetxearen
handikuntzarako.
Nekane Intxaurtza Etxebarria Alkate-Udalbatzarburu and.k hartu dau berba
adierazoteko uztailean agirisorta URAko Bilboko egoitzan itxi ebela eta udala
erantzunaren zai dagoala. Francisco de Borja Ruiz Huerta EH BILDUko
zinegotziak ganeratu dau URAko teknikariek ate bat zabaldu dabela aukera honi,
baina erantzuna jaso arte ezin dala ezebez bermatu.
Eztabaidatutakoa nahiz erabakitakoa jasota geratzeko, nik, idazkaria nazen
honek, hori guztia idatzi eta ziurtatu egiten dot, alkateak ontzat emonda.