Assamu’alaikum Wr. Wb.

A’udzubillahhiminasy syaiton nirrojim. Bismillahirrohmannirrohim. Allhamdulillahirobbil’alamin wabihi nastain wa’ala umuriddunya waddin, washolatu wasalamu ‘ala asrofil ambiya’i wal mursalin sayyidina wamaulana muhammadin wa’ala alihi wasohbihi ajmain. amma ba’du.

Ingkang kulo hormati Bpk. ......... sekeluargo. Ingkang kulo hormati dumateng pembina jama’ah lan sedoyo kanca-kanca jama’ah yasin ingkang dirohmati Alloh S.W.T

Minangkani pambuka atur kawula sumonggo kito sareng-sareng muji syukur dumateng ngarsanipun ALLOH S.W.T Dzat ingkang Maha Agung ingkang sampun maringi pinten-pinten rahmat, taufik soho hidayahipun sahingga kito saget makempal sillaturahmi dateng dalemipun Mbak/Mas ............ kanti keadaan sehat wal ‘afiat. Ingkang kapeng kalihipun sholawat soho salam ugi kaunjuk dumateng junjungan kito nabi Agung Muhamad SAW. Biqoulina allohuma sholi wasalim wabarik’alaih.

Dhateng mriki kulo kajibah dados pranoto adicoro badhe ngaturaken susunan rerangken adicoro ing dalu meniko:

1. Pambuko2. Waosan yassin soho tahlil3. Mauidhoh khasanah4. Istirahat5. Penutup

Sumonggo acara ing dalu meniko kito wiwiti kanthi waosan surotul fatihah ( lirridho illahi wabi syafa’ati rosulillah saw.......Al-fatehah….)

Acara kaping kalihipun inggih puniko waosan Yassin soho Tahlil, imam kasuwun ikhlasipun penggalih dumateng mbk/mas .........kulo sumanggaaken.

Acara sak lajengipun inggih puniko mauidhoh khasanah, saking pembina jamaah kulo sumanggaaken.

Acara kaping sekawan istirahat

Acara pungkasan inggih puniko penutup. Sak derengipun acara dipun tutup, nuwun sewu dumateng mbk/mas ......... kulo minangkani wakil saking kanca jamaah, sak dangunipun wonten ing dalem mriki, awal hinggo akhir kathah kalepatanipun saking atur, tindak tanduk minggahipun dumateng adabiyah kulo lan sedoyo jamaah nyuwun pangapunten lan matur agunging panuwun dumateng mbk/mas .......ingkang sampun ngikhlasaken papan pinarakan lan pasugatan soho sanes-sanesipun, mugi-mugi dadosaken amal hasanah ingkang manfaat maslahah fiddinni wa dunya khatal akhiroh.amiin..

Nyumun sewu dumateng bapak/ibu ........ sakcekapipun acara ing dalem menika kulo soho kanca jama’ah keparing nyuwun pamit. Mugi-mugi sak pengkeripun kulo soho jama’ah sedoyo keluargo mriki tansah pinaringan rahayu wilujeng pikantuk rohmatipun Alloh S.W.T

Dumateng sedoyo kanca jama’ah ingkang kulo hormati mbok bilih kulo matur awit awal ngantos akhir katah kalepatanipun saking atur minggahipun dumateng adabiyah, kulo nyuwun pangapunten ingkang sak ageng-agengipun.

Sumonggo pakempalan ing dalu menika kito tutup kanthi waosan Al-Fatehah. Liridhoillahi wabisyafa’ati rosulillah.........Al-fatehah…..

Saking kulo, kulo cekapi semanten.

Wassalamu’alaikum Wr.Wb…………………..Allohuma sholli ala muhamad......