Upload
alexander-ellul
View
247
Download
8
Embed Size (px)
DESCRIPTION
Mensa Apostolorum, Parrocca Burmarrad, A.D. 2011
Citation preview
1 | Mensa Apostolorum, Wirja 2013 www.facebook.com/mensaapostolorum
2 | Mensa Apostolorum, Wirja 2013 www.facebook.com/mensaapostolorum
3 | Mensa Apostolorum, Wirja 2013 www.facebook.com/mensaapostolorum
4 | Mensa Apostolorum, Wirja 2013 www.facebook.com/mensaapostolorum
5 | Mensa Apostolorum, Wirja 2013 www.facebook.com/mensaapostolorum
Mensa Apostolorum
Parroċċa Burmarrad
A.D. 2011
Parroċċa Qalb Bla Tebgħa Ta’ Marija
Triq Burmarrad,
Burmarrad SPB 9065, Malta
Tel: 21573045
email: [email protected]
Facebook page:
www.facebook.com/mensaapostolorum
Faċċata tal-ktieb
Ritratt tal-wirja fl-2012
Wara tal-ktieb
Dettal tal-arma l-ġdida Mensa Apostolorum
Ritratti:
Alexander Ellul, Michael Grech,
Eman Farruiga
Ġbir tar-reklami:
Alexander Ellul, Michael Grech
L-artikli li jidhru f’dan il-ktieb mhux bilfors
jirriflettu l-opinjoni tal-Grupp Mensa
Apostolorum. Dan il-ktieb hu
pubblikazzjoni ta’ ‘Mensa Apostolorum,
Parroċċa Burmarrad, A.D. 2011’ © 2013
Għeżież,
Ninsabu fi żmien tant sabiħ tal-Ġimgħa Mqaddsa u għall- ewwel darba Mensa Apostolorum qegħda toħroġ dan il-ktieb biex iżomm aġġornat dak li qed iwettaq. Din is-sena waqqafna facebook page bl-isem ta’ Mensa Apostolorum, Parroċċa Burmarrad, A.D. 2011 li tkun aġġornata kull tant żmien skont ix-xogħol li jkun qed isir mill-membri ta’ dan il-grupp. Għamilna mezz ukoll sabiex dan il-ktieb jista’ jkun misjub fuq l-internet għad-dispożżizjoni ta’ kulħadd.
F’dan il-ktieb ser issibu diversi artikli marbuta mal-
Ġimgħa Mqaddsa, attivitajiet organizzati mill-grupp
tagħna, kif ukoll messaġġi minn diversi persuni li taw
kontribut u wrew appoġġ lill dan il-grupp.
Nixtieq nirringrazzja lill-artikolisti li jieħdu ħsieb jagħmlu
riċerka sabiex iwasslulna dawn l-artikli tassew
interresanti. Grazzi wkoll tmur lil dawk il-ħwienet jew
kumpaniji li għoġobhom jirreklamaw f’dan il-ktieb.
Min hu mħajjar sabiex jikteb xi artiklu li jkun jista jiġi
inkluż ġo dan il-ktieb jew jixtieq jirreklama fuq dan il ktieb
għas-sena’ d-dieħla jikkuntatjana fuq l-email,
Alexander Ellul
Editur
Editorjal
6 | Mensa Apostolorum, Wirja 2013 www.facebook.com/mensaapostolorum
7 | Mensa Apostolorum, Wirja 2013 www.facebook.com/mensaapostolorum
Għeżież,
Din hija t-tielet sena konsekuttiva li fil-Parroċċa tagħna ddedikata lil Qalb Bla
Tebgħa Ta’ Marija, tiġi armata b’mod sempliċi, imma sinifikattiva l-Mejda
tal-Appostli.
Din is sena flimkien ma’ Alexander Ellul u Michael
Grech, ingħaqdu Sandro u Charlene Grech, li bil-
paċenzja kbira ħadmu sabiex din is-sena ukoll tarġa
tkun ta suċċess. F’din il-mejda ta’ din is-sena qed jiġu
esebiti it-Tnax l-Appostlu maħdumin bis-smid, u
diversi sinboli oħra li għandhom x’jaqsmu mal-
Passjoni ta’ Kristu, maħdumin kemm bl-ismid, kf ukoll
bir-ross ikkulurit.
Nixtieq ghalhekk f’isem il Parroċċa kollha nirringrazzja lil dawn l-erba’
żgħażagħ li b’entużjażmu u b’impenn ħadmu fuq li ħadmu sabiex din is-sena
wkoll jtellgħu din il-wirja bl-isem ta’ MENSA APOSTOLORUM.
P. Joseph Mamo OFM Conv.
Kapillan
Messaġġ minn
P. Joseph Mamo OFM Conv. - Kapillan
Il-membri tal-Grupp Mensa Apostolorum Burmarrad jirringrazzja l-appoġġ kbir li
sab mill-membri tal-Kleru, il-Kapillan Patri Joe Mamo, Patri Guido Muscat kif ukoll
lil Patri Gorg Buttigieg
8 | Mensa Apostolorum, Wirja 2013 www.facebook.com/mensaapostolorum
9 | Mensa Apostolorum, Wirja 2013 www.facebook.com/mensaapostolorum
Għeżież,
Ir-Randan huwa żmien ta’ preparazzjoni għall-akbar festa tas-sena li tfakkarna fil-mewt u l-qawmien ta’ Sidna Ġesù Kristu. Din is-sena, l-grupp li jġib l-isem ta’ Mensa Apostolorum, għoġbu li jtella’ wirja li tfakkar l-Għid il-Kbir b’aktar entużjażmu minn tas-snin preċedenti. Il-grupp ħa ħsieb li fl-okkażjoni tat-tberik u l-ftuħ tal-wirja jiġi mtella’ kunċert fuq tema tal-Ġimgħa Mqaddsa. L-aħħar ċena kienet imwaqqfa biex tkun infakkra l-Passjoni, il-mewt u l-qawmien ta Ġesù Kristu. L-Ewkaristija hija t-tifkira tal-istess mejda. Din tiġi riflessa fl-arma l-ġdida illi ġiet imżanżna din is-sena. Flimkien ma’ Alexander Ellul u Michael Grech din is sena ssieħbu b’impenn mal-Grupp Mensa Apostolorum Charlene u Sandro Grech. Inħossni kburi illi dan il-grupp huwa ffurmat u qed jiġi imsawwar minn żgħażagħ illi għandom interess u impenn qawwi f’din il wirja. Proġetti B’sagrifiċju kbir ilna naħdmu sena sħiħa sabiex ikollna wirja b’success bhalma kelna s-sena l-oħra. Issa wasal iż- żmien sabiex nesebixxu frott il-Grupp Mensa Apostolorum illi tant iddedika ħin volontarjament sabiex titella’ din il-wirja. Fost ħafna affarijiet din is sena ser inżanżnu tlettax inkwatri ġodda bl-ismid li ser ikunu jesebixxu it–tnax l-appostlu u Ġesù. Dawn ser ikunu esebiti fil-wirja flimkien mas-simboli tal-appostli li kienu esebiti għall-ewwel darba is-sena l-oħra. Din is sena għall-ewwel darba saru wkoll forom godda tar-ross u simboli li huma marbuta mal-passjoni ta’ Sidna Ġesù Kristu. Il-kunċert tal-ftuħ tal-wirja Mensa Apostolorum qed jiġi mtella’ għall-ewwel darba din is-sena wkoll. . Ftaħna wkoll Facebook Page li tiġi aġġornata ta’ spiss bix-xogħol li nkunu qegħdin nagħmlu matul is-sena.
Messaġġ mill-Grupp Mensa Apostolorum
Alexander Ellul
10 | Mensa Apostolorum, Wirja 2013 www.facebook.com/mensaapostolorum
Appell
Hawnhekk nixtieq nagħmel appell sinċier lil dawk il ħafna persuni, speċjalment żgħażagħ, li għandhom talent x’joffru sabiex jersqu lejn il-grupp tagħna u jagħtu sehemhom għall-ġid ta’ ħaddieħor.
Ringrazzjamenti
Nixtieq qabel nagħlaq nirringrazzja lil dawk kollha li b’xi mod jew ieħor għenu biex din il-wirja tkun suċċess. B’mod speċjali nixtieq nirringrazzja lil kapillan P. Joe Mamo u l-kumplament tal-membri tal-kleru illi huma kienu li tawna l-appoġġ kollu biex inkomplu din is-sena. Nirringrazzja wkoll lill-Kunsill Lokali illi appoġġjana bl-għajnuna li tagħna. Nirringrazzja wkoll lil min għoġbu jirreklama f’dan il-ktieb. Nirringrazzja b’mod speċjali lil Michael, Sandro u Charlene Grech illi ħadmu bla waqfien f’din il-wirja u esebixxew t-talent tagħhom. Fl-aħħar u mhux l-inqas ngħid grazzi lilkom li tiġu żżuru din il-wirja u tal-appoġġ tagħkom. Aħna napprezzaw ħafna l-kummenti tagħkom u s-suġerimenti li jkunu ta’ għajnuna kbira lejn din il-wirja.
Awguri
Nagħlaq dan id-diskors billi nawgura l-Għid it-tajjeb lil-parruċċani kollha. J’Alla Sidna Ġesù Kristu jżomm idejH fuqna.
Alexander Ellul
Organizzatur Mensa Apostolorum
11 | Mensa Apostolorum, Wirja 2013 www.facebook.com/mensaapostolorum
Għeżież,
Nieħu l-okkażjoni biex nifraħ liż-żgħażagħ tal-inizjattivi u l-enerġija li juru fir-raħal zgħir imma gustuż ta’ Burmarrad. Dawn iż-żgħażagħ għarfu jesprimu l-valuri tal-ħajja f’talenti li jmorru maż-żminijiet kontemporanji. Taħt il-gwida tal-kappillan Joe Mamo, iż-żgħażagħ f’Burmarrad għadhom juru valuri u prinċipji sodi għax iħossuhom jappartjenu fil-kommunità . Din il- “ community feeling “ tinhass sewwa u l-kunsill lokali huwa obligat li jikkontribwixxi lejn tisħiħ ta’ din il-kommunità , u għalhekk jibqa’ jgħin b’ diversi modi lil din il-kommunità li hija mudell għal komunitajiet oħra mferrxa fuq gżiritna.
Fi żminijiet sbieħ tal-Ġimġħa Mqaddsa il-Grupp Mensa Appostolorum ta’ Burmarrad qed itella’ wirja ta’ arti permezz ta’ xogħol magħmul mis-smid u mir-ross. Dan ix-xogħol imtella’ minn grupp ta’ żgħażagħ jitlob ħafna xogħol u dedikazzjoni.
Din il-wirja hi xhieda ta’ kemm għad hawn żgħażagħ iddedikati u voluntarjament jidħlu bla pretenzjonijiet għal xogħol artistiku bħal dan. Dan ix-xogħol artistiku, magħmul minn ingredjenti li nsibu fil-kċina, huwa maħdum b’rappreżentazzjnijiet ta’ mkwatri bit-tema tal-Ġimgħa Mqaddsa.
F’ismi u f’isem il-kunsilliera u l-istaff kollu nixtieq nawgura l-Għid it-Tajjeb lil Prim Ministru Dr Joseph Muscat u l-familja tiegħu, lil kappillan Joe Mamo u lil komunità ta’ Burmarrad u ta’ San Pawl il-Baħar. Nixtieq li nieħu din l-opportunità biex inħeġġeġ lil dan il-Grupp Mensa Appostolorum ikompli fil-ħidma siewja tiegħu u nħeġġeġ żgħażagħ jieħdu eżempju minnhom u ma jaqtgħux qalbhom għax l-appoġġ tagħna dejjem isibuh.
Tislijiet
Mario Salerno
Messaġġ minn
Mario Salerno - Sindku
12 | Mensa Apostolorum, Wirja 2013 www.facebook.com/mensaapostolorum
Għal din is-sena il-grupp ‘Mensa Apostolorum’ tal-parroċċa tagħna
ħaseb biex joħloq disinni ġodda għall-platti bix-xogħol tar-ross ikkulurit. Dan
ix-xogħol sar minni u minn Alexander Ellul fix-xhur sħan tas-Sajf. Xtaqna li
dawn is-simboli jkunu qed jirrafiguraw id-diversi waqtiet ta’ Sidna Ġesu’
Kristu fil-passjoni.
L-ewwel simbolu maħdum bir-ross juri kartellun bil-kliem “Hosanna
Filio David” u fuq kull naħa tal-kartellun naraw palma kif ukoll fergħa
żebbuġ. Dawn huma simboli li juru u jissimbolazzaw id-daħla solenni li
ingħata Ġesu’ Kristu f’Ġeruslemm ftit jiem qabel ma kellu jbati.
Fil-platt ta’ wara l-ewwel simbolu, fuq din il-mejda insibu is-simbolu
tal-aħħar ċena fejn naraw mejda tonda b’kalċi b’lewn dehebi fejn fuq naħa
minnhom tiegħu nsibu l-għeneb filwaqt li fuq in-naħa l-oħra naraw l-iżbula
tal-qamħ.
“Fl-ewwel jum ta' l-Ażżmi d-dixxipli resqu lejn Ġesù u qalulu: "Fejn
tridna nħejjulek l-ikla ta' l-Għid?" U hu qalilhom: "Morru l-belt għand it-
tali, u għidulu, 'Qallek l-Imgħallem: Is-siegħa tiegħi waslet; jien se
nagħmel l-ikla ta' l-Għid għandek mad-dixxipli tiegħi.' "Id-dixxipli għamlu
kif ordnalhom Ġesù u ħejjew l-ikla ta' l-Għid.”[Mt:26:18 -20]
Bħalma jaf kulħadd fl-aħħar ikla il-Mulej Ġesu’ waqqaf żewġ
sagramenti; dak tal-Ewkaristija li hija l-qofol taċ-ċelebrazzjoni liturġika u s-
sagrament tas-saċerdozju. Is-Sagrament tal-Ewkaristija Kristu waqqfu waqt
il-qsim tal-ħobż filwaqt li s-saċerdozju twaqqaf wara li Ġesu’ niżel jaħsel
saqajn l-appostli.
“Mela jekk jien, li jien il-Mulej u l-Imgħallem, ħsiltilkom saqajkom,
hekk intom għandkom taħslu saqajn xulxin.” [Ġw:13:15]
X’jirraffiguraw is-simboli maħduma bir-ross?
Michael Grech
13 | Mensa Apostolorum, Wirja 2013 www.facebook.com/mensaapostolorum
It-tieni simbolu li nsibu f’din il-mejda tal-Appostli jirrafigura salib,
filwaqt li fuq naħa insibu simbolu ta’ kalċi, fuq in-naħa l-oħra insibu is-
simbolu tal-borża tal-flus ta’ Ġuda. Dan il-platt juri dak li seħħ fl-ort tal-
Ġetsemani. Il-kalċi jirrappreżenta il-kalċi tal-imrar li kellu jgħaddi minnu
Ġesu’ fil-passjoni tiegħu. Il-borża tal-flus kellha tkun dik li permezz tagħha
Kristu jinbiegħ għal tletin biċċa tal-fidda minn Ġuda l-Iskarjota.
“Mexa kemmxejn 'il quddiem, nxteħet fl-art, u talab li, jekk jista'
jkun titwarrab minnu dik is-siegħa. U qal: "Abbà, Missier, kollox jista' jkun
għalik; biegħed minni dan il-kalċi! Iżda mhux li rrid jien, imma li trid int."
[Mk:14:36-37]
Simbolu ieħor maħdum bir-ross li sar għal wirja ta’ din is-sena hu dak
li jirrapreżenta il- kolonna tal-flaġellazzjoni b’ kuruna tax-xewk impoġġija
fuqha. Hawnhekk immorru fil-palazz ta’ Pilatu li kien gvernatur Ruman tal-
Lhudija. Kristu li kien ikkundannat mill-poplu Lhudi kien imressaq quddiem
dan il-Gvernatur tal-Lhudija.
Wara dan is-simbolu insibu simbolu ieħor li jirrappreċenta bandalora
ħamranija bil-kliem S.P.Q.R (Senātus PopulusQue Rōmānus jiġifieri is-Senat
u l-Poplu ta’ Ruma). Magħha fuq naħa waħda insibu simbolu tal-bjugil u t-
tamburlin fuq in-naħa l-oħra li huma is-simboli tad-daqq li bihom ir-Rumani
kienu jħabbru li għaddej mgħobbi l-ikkundannat tal-mewt mat-toroq ta’
Ġerusalemm u li wara kien jkun mislub ‘il barra mill-istess belt.
Skont it-tradizzjoni insibu li waqt li Kristu kien mgħobbi bis-salib
waqt li kien sejjer lejn il-Golgota biex jkun mislub, insibu li fit-triq kien
hemm mara twajba li meta rat minn liema tbatija kien għaddej minnha
Ġesu’ Kristu, marret u mesħitlu wiċċu. Din il-mara insejħula l-Veronika li
mill-Grieg tfisser “Vera icona”. It-tradizzjoni tgħidilna li xħin din il-mara
mesħet wiċċ Kristu mid-dmija tħalliet immarkata ix-xbieha divina tiegħu fuq
il-maktur li bih messħitlu wiċċu. Dan ir-rakkont ma’ jinsabx fl-erba’ Evanġelji.
14 | Mensa Apostolorum, Wirja 2013 www.facebook.com/mensaapostolorum
Is-simbolu li jmiss wara dan il-platt huwa dak li jissimbolizza
kartellun bl-ittri I.N.R.I. (Iesus Nazarenus Rex Iudaeorum jiġifieri Ġesu’
Nazarenu Sultan tal-Lhud) bi tliet imsiemer taħt il-kartellun tal-I.N.R.I b’
lanza u sponza fuq kull naħa. Il-lanza hija dik li iċ-ċenturjun nifed il-kustat ta’
Kristu biex is-suldati jkunu ċerti li Kristu miet.
“Iżda meta waslu għal Ġesù, billi raw li kien ġa mejjet, ma kisrulux
riġlejh. Madankollu wieħed mis-suldati nifidlu ġenbu b'lanza, u minnufih
ħareġ demm u ilma. Dan qiegħed jixhdu min ra b'għajnejh, u x-xhieda
tiegħu hija minnha. Hu jaf li qiegħed jgħid il-verità, biex intom ukoll
temmnu.” [Ġw:19:34- 35]
L-isponza kienet dik li biha Ġesu’ Kien misqi bi ftit ħall meta kien
mislub fuq is- salib. Il-ħall jissimbolizza il-morr tal-ħajja.
“U mar wieħed jiġri jxappap sponża bl-inbid qares, waħħalha f'tarf
ta' qasba u tah jixrob filwaqt li qal: "Stennew, ħa naraw jiġix Elija jniżżlu!"
[Mk:15:37]
L-aħħar platt li nsibu fuq din il-mejda juri is-simbolu tas-salib vojt
mingħajr il-mislub b’ liżar bajdani imdendel mas- salib. Dan is-simbolu juri x-
xena ta’ wara l-inżul tal-mislub minn fuq is- salib u t-tama fil-Qawmien għall-
ħajja.
Dawn is-simboli maħduma minn ross ikkulurit huma
rappreżentazzjoni ta’ dak kollu li għadda minnu il-Messija Ġesu’ Kristu, li ġie
f’din id- dinja biex jeħlisna mill-jasar tad-dnub permezz tal-mewt u il-
Qawmien tiegħu mill-imwiet.
Michael Grech
Membru Mensa Apostolorum
15 | Mensa Apostolorum, Wirja 2013 www.facebook.com/mensaapostolorum
16 | Mensa Apostolorum, Wirja 2013 www.facebook.com/mensaapostolorum
Ir-Randan huwa żmien ta’ sagrifiċċju u jilħaq il-milja tiegħu fl-aħħar ġimgħa,
meta fl-għeluq tagħha niċċelebraw l-Għid il-Kbir, il-qawmien mill-mewt ta’
Sidna Ġesú Kristu. L-Għid il-Kbir huwa meqjus bħala l-iktar festa importanti
għal Knisja Kattolika. Aħna l-Maltin norbtu ħafna mit-tradizzjonijiet tagħna
ma’ dan iż-żmien.
Meta ngħatu ħarsa lejn it-tradizzjonijiet marbutin maż-żmien l-Għid nsibu
ħafna xi ngħidu, tant li wieħed jista’ jitkellem minn ħafna aspetti differenti,
fosthom insemmu; l-ikel, l-arti, demostrazzjonijiet, ċelebrazzjonijiet, id-
drawwiet tal-knisja u ħafna aktar. Din id-darba ser ngħatu ħarsa fuq id-
drawwiet kollha tal-Ġimgħa Mqaddsa u kif inhuma marbutin mal-Knisja.
L- aktar ġimgħa matul is-sena li fiha jinħass sens ta’ ġabra hija , bla dubju ta’
xejn, il-Ġimgha Mqaddsa. Matul din il-ġimgħa partikolari bħal donnu jirrenja
aktar il-kwiet u l-ħajja tiehu xejra oħra, differenti mill-ħajja mgħaġġla li aħna
mdorrijin ngħixu ta kuljum. In-nisrani jinġabar fih innifsu u jirrifletti kif
għamel Ġesú fl-erbgħin jum fid-deżert, in-nisrani jagħmel dan permezz ta’
tliet għodod differenti li jissemmew ħafna f’ dan iż-żmien. Dawn huma s-
Sagrifiċċju, l-Karità u t-Talb.
Iż-żmien tal-Ġimgha Mqaddsa jġib miegħu għadd ta’ drawwiet sbieħ tagħna
l-Maltin. Il-knejjes ikunu mimlijin bin-nies li jiġu bi ħġarhom sabiex jattendu
għall-funzjonijiet li jsiru fil-Parroċċi differenti. Ftit qabel din il-ġimgħa, fil-
Ġimgħa ta’ qabel Ħadd il-Palm niċċelebraw jum id-Duluri, bosta ħwienet
kienu jagħlqu, lit-tfal kienu jwissuhom biex ma jidħqux u ma jagħmlux
storbju żejjed. Kien isir is-sawm, inkluża is-sawm “tas-seba’ bukkuni” fejn
wieħed jiekol biss dak li jittallab f’ jum id-Duluri. Filgħaxija jsiru l-
purċissjonijiet devoti ħafna bl-istatwa mal-gżejjer kollha. Wara l-
pellegrinaġġi f’ Malta kollha, bl-istatwa tad-Duluri, tasal il-ġimgħa tant
X’hemm marbut mal-Ġimgħa Mqaddsa? Ngħatu ħarsa lejn it-tradizzjonijiet Maltin tal-Ġimgħa Mqaddsa...
Karl Andrew Schembri
17 | Mensa Apostolorum, Wirja 2013 www.facebook.com/mensaapostolorum
mistennija. Dan iż-żmien huwa konċentrazzjoni ta’ attività mill-aktar
intensa, mhux biss għal-liturġija u ċ-ċerimonji fil-knejjes, imma wisq aktar
għall-parteċipazzjoni esterna tal-fidili. Minn ħafna snin qabel ma ġiet l-Ordni
f’ Malta, kien hawn komunità ta’ Lhud stabbilita fl-Imdina, tista’ tgħid kollha
negozjanti tal-affari tagħhom. Imma meta l-Maltin kienu jidħlu fl-ispirtu tal-
Ġimgħa Mqaddsa kienu japprofittaw ruħhom u jibdew jinsultawhom u
jippersegwitawhom għax kienu tradizzjonalment involuti fil-passjoni ta’
Kristu. Bħala eżempju tissemma komunikazzjoni fl-1486 mill-viċi re ta’
Sqallija biex il-Lhud ma jidhrux fil-pubbliku f’ dak iż-żmien.
ĦADD IL-PALM – F’ kull parroċċa jsir it-tberik taż-żebbuġ f’ kappella,
oratorju jew post ieħor, bin-nies jakkumpanjaw bil-friegħi f’ idhom.kien
hemm postijiet fejn il-bdiewa kienu jixħtu ftit ħamrija fuq iż-żebbuġ
imbierek biex ikollhom ħsad tajjeb ta’ żebbuġ. Weraq tal-palm u ż-żebbuġ
imberkin fil-katidral, kienu jwaħħluhom fuq is-salib tal-kolonna li hemm f’
Howard Garden barra l-Imdina.
L-ERBGĦA TAT-TNIEBRI / IL-BARABBA / IT-TERREMOT – Qabel
il-Konċilju Ekumeniku II kienu jixgħelu ħmistax-il xemgħa fuq il-presbiterju.
Dan l-isem m’ għandu x’ jaqsam xejn ma Barrabba ta’ Pilatu. Dan l-isem ġej
mit-Taljan barabasso minn Barabasco li huwa wieħed mill-ismijiet ta’ pjanta
bl-isem botaniku ta’ Verbascum thapsus speċi ta’ xatbet l-andar. Li għandha
ħafna friegħi jitilgħu mill-ġnub ta’ zokk wieqaf, u tixbah kandelabru. Wara
kull salm kien joħroġ abbati jitfi waħda. Wara l-lawdi kien jitfi l-aħħar
waħda. Kulħadd dik kien jistenna, u t-tfal imorru apposta dak il-ħin, biex
jibdew iċaqalqu s-siġġijiet tal-knisja, isabbtu l-bibien u jagħmlu storbju sħiħ
biex joħolqu ‘l hekk imsejjaħ terremot, tifkira ta’ meta miet Kristu.
ĦAMIS IX-XIRKA – Il-liturġija f’ dan il-jum kienet tkun filgħodu bil-
quddies solenni, wara li tindaqq il-“Glorja” bil-qniepen jisktu sa ma jasal is-
Sibt fil-“Glorja”, u fejn ikun meħtieġ idoqqu ċ-ċoqlajta. F’ dan il-jum issir iċ-
ċeremonja tal-ħasil tas-saqajn tal-appostli, li kienet ukoll issir fi żmien il-
kavalieri fil-knisja tagħhom ta’ San Ġwann.
(i) Mejda tal-Appostli – Fl-aħħar snin tas-seklu għoxrin rajna żieda
kbira fl-armar tal-imwejjed tal-appostli; fl-imgħoddi konna ngħodduhom fuq
is-swaba, imma issa aktar tista’ tgħodd fejn ma jsirux milli fejn isiru. Nistgħu
nikklassifikawhom f’ erba’ kategoriji (a) dawk li qabdu s-sistema skond ir-
ritwal Lhudi, li milli jidher bdietha Ħal-Lija fl-1971; (b) dawk li żammew l-istil
artistiku, karatterizzati b’ dik tal-oratorju tad-Dumnikani tal-Belt, li ilha ssir
mill-1784, bi platti dekorati mill-isbaħ bir-ross, smid jew melħ, statwetti,
18 | Mensa Apostolorum, Wirja 2013 www.facebook.com/mensaapostolorum
simboli u bosta oġġetti oħrajn li ma tixbax tarahom; (ċ) dawk bil-figuri daqs
naturali tal-appostli bħalma bdew Ħaż-Żebbuġ fl-1990 u komplew oħrajn; u
(d) dawk li ħolqu ċenaklu ħaj, fejn tfal jew żgħażagħ jilbsu ta’ appostli mal-
mejda.
(ii) L-Altar tar-Repożizzjoni / Sepulkru – Wara l-quddies issir
purċissjoni fil-knisja biex l-ostja tittieħed fis-sepulkru jew ngħidulu issa l-
altar tar-repożizzjoni. Issa ċ-ċerimonji huma iqsar u jsiru filgħaxija. Fost l-
altari tar-repożizzjoni nsibu varjetà kbira ta’ stil u preżentazzjoni, imma fost
l-aktar artistiċi u li jissemmew hemm dak tal-katidral tal-Imdina li żżanżan fl-
1752, ta’ Bormla sar għall-ħabta tal-1875 li reggħu bdew jarmawh wara
żmien merfugħ, tal-Karmelitani tal-Imdina, u oħrajn. Imma l-aktar antik li
baqa’ jidher huwa dak li kienu jarmaw fil-grotta ta’ San Pawl tar-Rabat li sar
fl-1685, imma issa merfugħ fil-mużew Wignacourt tal-kolleġġjata. Għad
hawn uħud, imma dari kienet aktar drawwa, li mas-sepulkru jqegħdu ‘l hekk
imsejħa borma tal-fuħħar kollha ħwawar għall-fwieħa, u jagħmluha wkoll
mal-imwejjed tal-appostli.
(iii) Il-Visti tal-Knejjes – Dawn jibdew il-Ħamis wara li jkun lest is-
sepulkru, u jkomplu l-Ġimgħa filgħodu. M’ hemm l-ebda obbligu għalihom
fil-liturġija, imma tant daħlu fit-tradizzjonijiet tagħna li Malta u Għawdex
kollha tarahom ħajjin, imma devoti bil-familji, għaqdiet, fratellanzi, każini
tal-banda, u oħrajn, għaddejjin fit-toroq wara salib bl-isponża u l-lanza,
kulħadd bil-kuruna jgħid it-talb. Għalkemm dawn għadna narawhom
sewwa, fl-imgħoddi kienu iżjed spettakolari minħabba li l-fratellanzi kellhom
wisq aktar imseħbin, għaddejjin bl-ilbies imlewwen tagħhom, jitolbu u
jkataw. Għadhom popolari u devoti, u kull sena jkun hemm għadd kbir ta’
ktejbiet għall-bejgħ biex wieħed isegwi l-visti. Malta mimlija knejjes u
kappelli fil-bliet u l-irħula l-antiki, għalhekk qatt ma kien hemm diffikultajiet
biex iżuru seba’ knejjes. Fi żmienna hawn min idur bil-karozza, b’ hekk
jagħmel il-visti aktar imbegħedin, ħaġa li l-antiki ma kinux jistgħu jagħmlu.
Filwaqt li l-visti tradizzjonali huma sebgħa, bosta fratellanzi u għaqdiet
jagħmlu ħamsa. In-numri sebgħa u l-ħamsa, it-tnejn jistgħu jitqabblu
simbolikament ma’ aspetti tal-passjoni. Dawk li ma jifilħux jimxu tarahom
joħorġu mill-bieb tal-knisja u jidħlu minn ieħor.
(iv) Pellegrinaġġ mal-Lejl – Dawn l-aħħar ftit snin beda jsir
pellegrinaġġ lejn is-Salib tal-Għolja, limiti tas-Siġġiewi. Dan l-aħħar beda’
jitlaq mis-Santwarju Nazzjonali tal-Madonna tal-Mellieħa lejn il-Parroċċa tal-
Isla, fejn tinsab statwa mirakoluża tar-Redentur. Jibda f’ Ħamis ix-Xirka għal
19 | Mensa Apostolorum, Wirja 2013 www.facebook.com/mensaapostolorum
xi l-għaxra ta’ filgħaxija u jintemm sbieħ il-Ġimgħa l-Kbira. Isir Aux
flambeaux bil-fjakkli u xemgħat.
IL-ĠIMGĦA L-KBIRA – Malli tisbaħ f’ dan il-jum tħoss atmosfera ta’
luttu. Dan kien aktar jinħass fiż-żmien ta’ qabel is-snin sebgħin. Sa ftit ilu,
għalkemm għadhom xi ftit, id-djar tan-nies kienu jibqgħu nofs bieba, il-
bnadar tal-każini u postijiet oħra jittellgħu nofs lasta, il-ħwienet jagħlqu, l-
irġiel jilbsu ingravata sewda jew mustaxija mal-komma, u ma jqaxxrux il-
leħja. Iċ-ċinema kien jibqa’ magħluq, u l-gazzetti ma kinux joħorġu. Meta
kien hawn ir-Rediffusion jew radju lokali, ma kinux isiru programmi, ħlief
priedki u mużika sagra. Iż-żewġ casinos ta’ żmienna fl-1999 ftehmu li jibdew
jagħlqu.
Il-liturġija tal-Ġimgħa l-Kbira qabel kienet tkun twila, filgħodu u bl-iswed,
filwaqt li daż-żmien hija qasira, issir filgħaxija u bl-aħmar. Iċ-ċerimonji li
kienu jsiru f’ din il-liturġija kienu jvarjaw ħafna skont it-tip ta’ knisja, jekk
jiċċelebrax l-isqof, jekk ikunx hemm kapitlu, jekk tipparteċipax fratellanza
tal-kurċifiss, u ħafna fatturi oħra. Issa ftit baqa’ knejjes li jagħmlu d-
depożizzjoni ta’ Kristu mis-salib; kellhom statwa ta’ Kristu mejjet bil-ġogi
biex jistgħu jaqalgħuh minn fuq is-salib u jniżżluh.
(i) Purċissjonijiet tal-Passjoni – Il-ġimgħa filgħaxija tista’ tgħid li l-Maltin
kollha jsegwu jew jipparteċipaw f’ dawn il-purċissjonijiet. Fl-
imgħoddi, devozzjoni kien hawn ħafna, imma vari, purċissjonijiet u
pageants kien hawn inqas. Issa hawn xi mija u ħamsin vara u
madwar għaxart elef personaġġ li jipparteċipaw f’ madwar ħmistax-il
purċissjoni. Filwaqt li minn wara l-Konċilju Ekkumeniku II li sar fis-
snin sittin, bdew jonqsu u jispiċċaw għal kollox ħafna mill-
manifestazzjonijiet, kemm interni kif ukoll esterni, ta’ festi u
ċelebrazzjonijiet reliġjużi, dawk li għandhom x’ jaqsmu mal-Ġimgħa
Mqaddsa bdew jiżdiedu. Il-fratellanzi tal-kurċifiss, tal-Belt, ir-Rabat,
ta’ Bormla, l-Isla, u l-Birgu, kollha ilhom jorganizzaw il-purċissjonijiet
tagħhom bħala parti minn dmirijiethom. Fi żmien il-purċissjonijiet
kienu joħorġu f’ jiem differenti matul il-ġimgħa, kemm l-Erbgħa,
meta fil-Birgu kienu jieħdu sehem il-qaddiefa, skjavi, u forzati tal-
bastimenti tal-Ordni, u l-Ħamis. Imma l-Isqof kien iddeċieda li kollha
għandhom joħorġu l-Ġimgħa.
20 | Mensa Apostolorum, Wirja 2013 www.facebook.com/mensaapostolorum
(ii) Qagħaq tal-Appostli – Dawn ikunu magħmulin bħall-ħobż, imma
kbar, tondi, u b’ ħafna ġunġlien u lewż fil-wiċċ. Tarahom fuq kull
mejda tal-appostli li jarmaw matul il-Ġimgħa Mqaddsa, li wara l-wirja
jagħtuhom lil dawk magħżulin bħala appostli fiċ-ċerimonja tal-ħasil
tar-riġlejn, jew lil xi familji u istituti fil-bżonn. Ikun hemm bosta
jbiegħu minnhom fil-kantunieri u fis-swieq.
SIBT IL-GLORJA / SIBT IL-GĦID – Filgħodu kienet issir ċerimonja
twila, u jattendu ħafna nies, imma dan iż-żmien saret qasira u wara
nofsinhar, u fejn qabel ma kienux isiru magħmudijiet issa bdew isiru. Iċ-
ċelebranti kienu jilbsu l-vjola, issa l-abjad. Fejn qabel, wara t-tberik tan-nar
kienu jkantaw il-litanija tal-qaddissin it-twila, imma issa mqassra. Malli
tindaqq il-glorja kont tisma’ storbju kullimkien, fil-knisja u fid-djar, barra t-
toroq u fil-ħwienet. Tal-laħam u l-merċa kienu jieħdu r-ruħ li spiċċaw is-
sawm u l-astinenza, u jibdew iċekċku skieken u laned fuq l-irħama tal-bank,
il-laneċ isaffru fil-portijiet, idoqqu l-qniepen tal-knejjes u oħrajn żgħar fid-
djar, jinkixfu t-twieqi tal-knejjes li jkunu tgħattew, idoqq l-orgni tal-knisja.
Kienu joħorġu rġiel idoqqu t-tanbur u l-flawt iduru mal-ibliet ibaħħru,
jaħarqu ftit miż-żebbuġ imbierek, bi ftit biċċiet tax-xemgħa tat-tniebri, ilisnu
taħlit ta’ talb u kliem profan, bejn devozzjoni, u superstizzjoni, għax ħafna
jdaħħlu kliem kontra l-għajn ħażina. Dawk li jkollhom trabi waslu biex jitilqu
jimxu kienu jgħinuhom fuq saqajhom bit-tama li jieqfu u jimxu malajr.
ĦADD IL-GĦID / L-GĦID IL-KBIR – Hawn tinqaleb il-folja; jispiċċaw is-
sawm u s-sagrifiċċji. Għalina m’ għadx hemm dawk l-obbligi u d-drawwiet
bħalma kellhom ta’ qabilna, anzi l-biċċa l-kbira mill-ġenerazzjonijiet moderni
bilkemm isibu differenza bejn żmien ir-randan u dak li mhux. Fil-knisja tal-
Madonna ta’ Damaxxena tal-Griegi l-Belt, isiru ċ-ċeremonji bil-liturġija ta’
Sna Ġwann Krisostmu u l-qari tal-vanġelu b’ ilsna differenti, u jitqassam bajd
iebes miżbugħin ħomor. Ma dan iż-żmien tal-Għid il-Kbir jasal ħafna ħelu
tradizzjonali bħal ngħidu aħna il-bajd tal-Għid, il-figolli, l-qassatat tal-qiegħa
u l-qassatat tal-ħelu.
Madankollu, t-tradizzjonijiet tagħna l-Maltin ma jiqfux fil-knejjes biss. Forsi
waħda mill-aktar tradizzjonijiet li baqgħu ħajjin f’dawn iż-żminijiet hija t-
tradizzjoni tal-wirjiet ta’ vari, nkwatri, platti bil-pitturi magħmulin bir-ross
jew bis-smid li jiġu organizzati f’kull belt jew raħal f’Malta.
Karl A. Schembri
21 | Mensa Apostolorum, Wirja 2013 www.facebook.com/mensaapostolorum
22 | Mensa Apostolorum, Wirja 2013 www.facebook.com/mensaapostolorum
Għeżież,
Nhar is-Sibt 23 ta’ Marzu, bħala parti miċ-
ċeremonja tal-ftuħ tal-wirja Mensa
Apostolorum, se jsir kunċert ta’ mużika
Sagra minn brass quartet, li dan il-brass
quartet ħa jdoqq għall-ewwel darba fil-
pubbliku.
Dan il-quartet hu magħmul minn erba’ mużiċisti li huma: Damian Vella fuq
it-Tenor Trombone, Daniel Bonello fuq il-Bb Trumpet, Shaun Borg fuq il-Bb
Trumpet u Wayne Bartolo fuq l-Eb Tuba. Dan il-kunċet jikkonsisti minn
siltiet ta’ mużika Sagra ta’ stil Barokk u Klassiku.
Dan il-brass quartet ingħaqad fid-29 t’Ottubru 2012. Il-mużiċisti ta’ dan il-
grupp huma kollha Melleħin u nsibu lil Wayne Bartolo u Shaun Borg idoqqu
mas-Soċjeta’ Filarmonica La Vittoria u lil Damian Vella u Daniel Bonello mal-
Għaqda Mużikali Imperial. L-għan ewlieni ta’ dan il-grupp hu li jdoqqu
diversi siltiet mużikali kemm għal pjaċir tas-semmiegħa u kemm għall-
esperjenza u għall-gost ta’ dawn il-mużiċisti. Filfatt, dan hu l-unika brass
quartet li nsibu fil-Mellieħa u wieħed mill-ftit li hawn Malta.
Xi jdoqq għall-widnejna?
Wayne Bartolo
23 | Mensa Apostolorum, Wirja 2013 www.facebook.com/mensaapostolorum
J’Alla dan il-kunċert imżewwaq b’siltiet differenti ta’ diversi kompożituri
jintogħġob minn kulħadd u jdaħħal aktar lis-semmiegħa fl-ispirtu tal-
passjoni ta’ Sidna Ġesu’ Kristu. Minn hawn nirringrazzjaw lil komunita’
kollha ta’ Burmarrad li għoġobom jilqgħuna fir-raħal tagħhom, u
speċjalment nirringrazzjaw lil organizzaturi ta’ din il-mejda u lil Knisja ta’
Burmarrad.
Wayne Bartolo
Il-membri tal-Grupp Mensa Apostolorum Burmarrad jirringrazzja lil dawn l-erba’
żgħażagħ li ilhom jippreparaw għal dan il-kunċert u li ser idoqqu waqt il-ftuħ.
Nixtiequ wkoll nawguraw kull suċċess f’ħidmithom.
24 | Mensa Apostolorum, Wirja 2013 www.facebook.com/mensaapostolorum
25 | Mensa Apostolorum, Wirja 2013 www.facebook.com/mensaapostolorum
26 | Mensa Apostolorum, Wirja 2013 www.facebook.com/mensaapostolorum